تاج راسي الجزء الرابع

من تأليف Soukaina Ahnani
2020

محتوى القصة


رواية تاج راسي

بقا صاحبو قدام الباب غادي جاي وينفخ بلباس رسمي مبين عضلاتو وكلا مرة يرض شعرو الزعر اللور ويسووط حتا تفتح باب البيت وخرج تاج كايسد صدايف الشوميز السوداء فوقها لابس فيسط وسوال نفس اللون وسباط جلد بني مع خيط رقيق ملوي على يدو

هز ايديه: على سلامتناااا

- طلع فيه تاج حاجبو كايدوي بهدوء : الافتتاح ديال مي وختي ياك؟ نتا ماالك على هاد التزنزينة كاملة ماخفتيش ندخلك فشي حيط

حسام: واكونما مك مسكينة اللي طلباتني والله لاديتها فك

تاج الدين: يااك اخويا..وامرة خرا تجي تفيقني وشوف لاما نعاود ليك الطهارة زيد دابا زيد

سبقو هابط فالدروج وهو شاف حتا شاف وضحك: والله يمسخك هانتا غابلاتي دابا تاكلهم من عند خالتي 

بسم تاج مكمل طريقو خرج من البارطمة ديالو الصغيرة وركب فالاسنسور هابط للتحت ..عمارة زوينة عصرية جات فحي نقي جديد كانت واحد لوطو من نوع فورد كحلة مركونة برا سلم على العساس غير براسو وطلع كايدير السمطة...
حسام مشا قصد ميرسيديس بيضة ركب وديماراو بجوج غادين فالطريق طايرين كلا مرة سابق فيهم واحد وتاج كايهز الطيلي مخنزر يطل على الساعة .. الشعر كحل قوي داير ليه حسانة مقادة موحدة مامقلل الجناب مضارب السطورة حسانة عادية جات مع وجهو ومع لحيتو الحرشة ضايرة على فكو كامل وعلى شنايفو الحومر طول الوقت بسباب انو فاش كايكون كايفكر ولا شاغلة بالو شي حاجة لاإراديا كايبقا يعض فيهم..حجبانو غلاص منتورين فوق عينيه على شكل خط أفقي محدد من الجنب وعينيه باقا عسوليتهم هي هي اللي تزاد هي الحدة فالشوفة بلا مايقصد كاترسم عليه...

فرانا اللوطو فالسونطر ديال المدينة قدام باتيسري Kuiz lind ..بسييط شكلو زوين وعصري.. نزل كايقاد الكول وحسام حداه حتا هو دخلو وسط داك الحشد ديال الناس الدنيا مخلطة رجال وعيالات صغار وكبار شي عيالات بالكساوي قصار ماركة والشعر والسيكان غير المضخم على خووه وشي وحدات ضاربين البلدي وزيف حياتي.. واقفين وكلا واحد وطبسيلو فيدو هاز شي نوع من الكيك شاد بيه الجموع.. بقا كايضور عليهم عينيه ويقلب وحسام حداه كايضحك

حسام: تبارك الله على خالتي بعدا مانساتش جاراتها

كايضور راسو بتساؤل: وافين هي بع... "بسم وهو كايشوفها جاية كاضحك لهادا وهادا لابسة جلابة مليفة خضرة مطرزة بالغوز وصباط بلا كحل وزيفها أسود مقاداه على راسها..الزمان دا اللي دا والتكامش شوية بين عينيها زادو وضاحو ولكن الشوفة ديال الهم مابقاتش تمحات ورجعات الضحكة هي اللي منورة هاد الساعة..
ضربات فيه الشوفة هي تعطيه تبسيمة صفرة مزيرة على شفايفها وهو عاد ماضحك وتم غادي عندها

-خبطاتو ليدو وهو شدها كايتوجع زعما: ياااك ااولدي ؟ داباا هاادي هي التمنية مااحضرتي فاش قطعنا الخيط ماحضرتي فاش استقبلنا الناس لااش جاي دابا لااش

بضحكة مزينة وجهو: جااي نااكل مزياانة هاادي "جرها وهي قالبة وجهها باس راسها معنقها ومهبط عندها راصو صوتو منخافض: وصاافي دابة مالك مخنزرة اعويشتي ..متوحشتينيش

جاوبات هازة نيفها: حيد عليا اوجه الكرمة الله يرضي على ولدي حسام هو اللي كلا مرة جاي يسول فيا

هز حسام راسو وجاوب بفمو العامر بالكيك: شتي شتي اخالتي را داك ولدك مافيه خير

تاج الدين: گولي كاتجيبو كرشو مالي ماكانعرفوش

عيشة: بعدا كاايجي كيتك نتا مانشوفوك من الشهر للشهر

ضور راسو كايقلب بين الاوجه: الخدمة الخدمة امي .. فين نجاة مابانتس ليا؟



شااانقة عليه من الكول كاتديه وتجيبو وشعرها القصير غادي معاها: ساعتاين اولد القاف ساعتاااين وانا واقفة نقاد ونزوق ولممك ايدك المدودة دفعااتهااا مع الارض ونااااري ضبرتي عليها

بدا الشيف كايقفقف بين ايديها وهي شادة فيه شدة العما وعينيها خارجين بالفقصة: و و والله امدام نجاة

نجاة: اييييييمتااا تجووجت للحاانز اللي حطك حتاا نكون مداااام؟؟؟؟

الشيف:"والقفقفة شاداه" م م ممادموزييل مادموزييل ا انا والله مادرتها بلعاني هانتي غير طلقيني امدا مدموزيل والله حتا نعااود لك وحدة خرا الله يرحم الواالدين

نجاة: واااليوووم يجمعو عضامك غبرة اليوم نگطعك اربا اربا

-دخلات عيشة اللي كانت كاتقلب عليها شافتها هي تحل عينيها كتر وشهقات غادة كاتجري عندها تفك وتقرص باش طللقو: واااتي طلللفي ادييك الزووفري طلقيي الله ينعل اللي مااايحشم طلللقي

حيدات منو مغبنة وضربات رجلها مع الارض: واامي راهو اللي طيح ليا الحلوة ديال لاكريم من الصباح بكري وانا واقفة كانصيبها وشووفي كي ردها گااع تجللخاات.. دابا اناا شنوو غانقدم للناس شنوو

الشيف: والله الالة عيشة مادرتها بلعااني واللللله

نجاة: وماازاال ك..

قاطعاتها عيشة: صاااافي.. زيدي نتي راخوك كايسول عليك خليني اناا نعااود نصيبهاا 

ضحكات بفرحة: جاااا حلفي .. 

بغات تخرج وشداتها: ااجي لهنا غاتخرجي عندو بهاد الحالة بغيتيه يكرم ليك العضام

نزلات عينيه للباسها دجين طاي هوت كحل وميني بوط بيض مكتوب من الصدر الللباس شيك الاموض وانتوي مبين فورمتها المنحوتة زيد عليها شعرها قصير مسبغاه بالاورونج عاطيها جمالية هي هااديك..

نفخات وشافت فيها: تفوو نسيت انا طالعة الفوق نجيب واحد الجاكيط.. ونتا والله ومانلقا الكيك موجود فالوقت حتاا نختنك سممعتي نننختننك

الشيف: ه هي دابة الالة هي داابة

خنزرات فيه وطلعات مع الدروج مخليا عيشة كاتشوف شنو خاص فالكوزينة وتقاد الحلاوي اللي غايخرجو مازال

...........

حسام: ونتا علاش تفضي معاهم قضي الغاراد والله يعاون

تاج الدين: المشكيلة داك الزمر داخل فيه التخلويض بزاف ديجا تعاملت معاه واحد المرة ومان غايسيفطني للحبس.. كلشي عندو مغشوش وكايبغي يضرب النص فجيبو

حسام: بفف بحال داك الباشار غالله يحفظ منو وخلاص ماكايفكروش فللعمارة الى رابت بسباب الغش ولا الضحايا اللي ماليهم دنب

تاج الدين: والمشكيل حنا المهندسين كايجرونا معاهم فالمعماععة الى غير غفلة عيننا كايبداو يديرو اللي بغاو ويدخلو السلعة اللي بغاو بالتمن اللي بغاو ماشي گاع بالميزانية اللي نتا متافق معاهم علبها.. اودي المشاكيل غاخليها عالله وصافي "شرب من العاصير كايشوف قدامو مخنزر"

حسام: دابا تزيان اصاحبي غالصبر 

تاج: خاصة شي دفعة.. شي بروجي واعر يطييح فيدي ننضيه ونطلع بيه طلعة وحدة ،ديك الساعة غانگلب گاع على صحاب الديور والسكن مابقا خاصني مشاكيل ديالهم

حسام: بلاتي ماللي نخرجو نهضر معاك فهاد الموضوع عندي ليك واحد التبرگيگة

نجاة: اللي هي ؟؟ ....وقفات عليهم كاضحك وتلاحت على خوها عنقلتو بابتسامة لابسة جاكيط ديال العسكر مستيلية وطويلة مطلعة ليها السلسة حتال النص 

بعدها تاج من حضرو مبتاسم: تباارك الله هادشي زوين

ضحكات بغنج: بصح ههه

تاج الدين: دابا ولا عندك بروجي ديالك ديك اللعيبة ديال الفياق حتال الطناش ومنعس حتا يوصل الفجر غير حيديها من بالك صداع الراس بدا

نجاة: قدها وقدوود اخويا ماتخافش

حسام: "باستهزاء" مممم غير االي يتيق فيك راه بحالك بحالها تموتو على السهير والخمير بجوج

ميقات فيه: دابا نتا اصلا شكون دواك مالك كاطير غابوحدك

حسام: تاج الدين دوي مع ديك البعبوكة راغانوريها

فلقو مخنزر: ختي انا بعلووكة ..بعلووكة لمممك زيد رامن الصباح وأنا كانجمعهم لك

شدو بالضحك من عنقو وايدو لخرا كايحك ليه بيها راسو وهو تحتو كايغوت نجاة ميتة عليه بالضحك وكاتزيد تفقص حسام

**********

فالجزء التاني من كازا..وتحديدا كاليفورنا 
..بلاصة معروفة بالفيلات الواعرين والناس الهاي اللي ساكنين تما ماكاين غير السقييل والحديد الواعر هو اللي تايدوز من الشاريع ..كلا قنت واقف فيه عساس مع كلبو وكلا ككلب وياااكلب غير من الشوفة كايخلع...


فوحدة من دوك الفيلات فالطابق الفوقاني ومن البالكو تحديدا اللي تحل وطارو الخوامي بسباب البرد والشميشة اللي داخلين عندها وهي على فراشها الاميري نااعسة ماجايبة خبار للدنيا وفينما تصوني الساعة تمد ايدها البيضة المعرية طفيها وترجع تخشي وجهها فالمخدة وشعرها الاسود المتموج مسرح على ضهرها قايس اللحاف الحريري اللي مغطية بيه..
غرفة ديال الاميرات كبيرة بل ضخمة ناموسية ضايرة قصيرة حداها جوج كوافوزات حتا هوما نفس الستايل وقدام السرير مراية طويلة فكادر دهبي كاتبينك واقفة من الشعر للرجل وحداها طبيلة ديال الميكاب عامرة من القنت للقنت كلها الوان وبودرات وعكورة فوق منها فالحيط تصويرة كبييرة ضاحكة للكاميرة حتا تسدو عينيها.. من الجيهة لخرا كان باب الحمام عصري وبلدي وحداه ديريسين جامع كلشي و غير هو بوحدو تحلفي عليه ماحال فباب قصبة..

تحل الباب بلا مايتدق ودخلات عاليا كاتقرقب بالطالون مخنزرة باقا بطلتها باقا بتعجرفها وباقا بجمالها كأنو غير البارح سكنات هنا...جامعة شعرها اللور ولابسة كسوة باليد كحلة على طايتها فايتة الركبة بشوية وملامحها معصبة قربات عندها كاتفيقها بنفسها مزيرة على فكها

عاليا: هياام..هيااام نووضي هياام


زادت خشات وجهها وسط المخاد: هممم 

عاليا: نووضي راه عادل غايجي يتغدا معانا ونتي باقا نااعسة ماوجدتي حتا راسك

بصوت مبحح جاوباتها: يمشي يقود خليني نكمل نعاسي

عاليا: هياام مانلقاكش باقا ناعسة فاش نرجع هااني علمتك

خرجات عاليا كاتنفخ وبقات موراها هيام مجبدة كاتخسر وجهها بصعوبة باغة تفيق وماقاداش ..حلات عينيها اللوزويين عسليين والرموش طوال ضايرين من عند الخالق مززينهم حجبان حادين مقادين وشنيفات كايتفوهو ورديين والسنينات بويض تحت الشنيفة التحتية خالة صغيييرة مزينة وجهها كتر..
حيدات الغطا وناضت بشوميز قصيرة كحلة بينات البيوضة ديال جسدها كتر لبسات عليها بينوار طويل ووقفات كاتحك شعرها دازت للحمام غسلات وجهها بما بارد وحلات البالاكار ديال الفوطات ..طلات على باب البيت ياكما شي حد جاي وبحدر مدات ايدها تحت الفوطات المطويين جبدات منهم كريطينة صغيرة مربعة دارتها فالجيب ديال البينوار وخرجات للبيت غادة للبالكو حتا سمعات تيليفونها كايصوني.. هزاتو كاتشوف الرقم بريفي هي تخنزر ساهية فيه وسناتها كايتحكو 

-تحل الباب ودخلات الخدامة جارة كروسة صغيرة محطوط عليها الفطور ضارت ليها هيام بعصبية وغوتات؛ حطي دااكشي وبراا

الخانية: لالة.. گالت لك المادام سربي نزلي عندها

هيام: صافي برا.. يالله

خرجات سادة وراها الباب وهي سيفطات ميساج ولاحتو فوق الناموسية دازت خدات كاس ديال القهوة ودخلات للبالكو سداتو وراها وگلسات على كرسي تما مع الطبيلة ديالو ..
حطات الكاس وجبدات الكرطونة اللي فجيبها حلاتها وجبدات منها ورق النيبرو وحداه خنشة صغيرة فيها الحشيش حلاتها وسرحات النيبرو نترات عليه شوية وبرماتو وبللات الجنب بلسانها عاد سداتو وجبدات من نفس الكرطونة بريكة شعلاتو بيها ونتراات مزيااان سادة عينيها..
ردات راسها اللور وهزات كاس القهوة كاتشرب وتنتر ودماغها غادي بعيييد عااد بداات التبسيمة كاتبان على وجهها الطفولي كتر ماهو جسدها ناضج

*********ة*****

تقطعات الحلوة الكبيرة من طرف نجاة ضااحكة من الودن للودن حداها مها شريكتها فالمشروع وخوها مساندها فأي حاجة.. كانو كلهم مجموعين على طبلة وحدة الفرحة معتالياهم كايضحكو ويجمعو ومرة مرة يشدو فنجاة حتا كاتتعصب وتحيد مضهر الانوتة فرمشة عين تمحيه وتتحول لعبيقة الله أعلم منين نزل...
تفرتك الشغل وبداو شي ناس كايفهمو راسهم ويمشيو وشي ناس من جارات عيشة باقي مابغاو يتقاداو لامن الماكلة ولا من الهضرة ..تاج شاف فساعة يدو باس لعيشة راسها هي وختو وهز الفيسط خارج كايصووني لحسام اللي كان سبقو

تاج الدين: افينك وصلتي

حسام: وي عاد دابا باقي فالحفلة؟

تاج الدين: لا انا جاي .. غير سير الى باقي باغي تقضي داك الشغل

حسام: صافي مزيان نيت وفالعشية نگول لك شكاين

تاج الدين: مشات ...قطع معاه وطلع مديماري من تما للشركة ديالو المتواضعة اولا نگولو عليها مقاولة صغيرة..بداها من الصفر وخضر لأول طوبة تبنات بيهاا وعينيه كلهم أمل وطموح يزيد يوسعها ويزيد يعرف بإسممو فميدان التصاميم والبناء ويدير سيتو بين المهندسين الكبار فالبلاد..
رغم أنو ربح منها بزاف ودار من خلالها شحال من حاجة باقي طموحو كبيير وحلموو كبيير باغي يحققو والله كبير...

وصل للباب ركن طوموبيلتو ونزل داخل و اللي داز من حداه كايتبسم ليه ممضسرهمش وفنفس الوقت محتارمينو دخل لآخر مكتب منقوش عليه "تاج الدين العورابي" .. دخل سد الباب ومشا للبيرو لاح الفيسك زتكا على الكرسي بتعب راسو بضهرو اللور..حل البلاكار خداه جامع فيه غير القراعي بالشكال والاحجام حل وحدة وكب لراسو كاس حطو حداه وحل البيسي كايطالع على البلانات اللي راسم ويهز مرة مرة جغمة من كاسو


نزلات من الدروج هازا الطيلي كاتميساجا فيه والشعر وراها مطلووق ملوي هاكا زغبة زغبة .. لابسة مونطو فوق شوميز بيضة حريرية وسروال جلد اسود مع طالون نفس اللون..
ردات الطيلي للساك وسداتو متوجهة للباب تخرج تاوقفات عاليا قدامها مربعة ايدها وفمها مزيرة عليه بعصبية :
فين غادة بالسلامة

نفخات گالبة وجهها بملل: واش خاصني نبدا نتشاور معاك

عاليا: وعادل اللي جاي فالطريق امدموزيل؟؟ شنو نگول ليه

ببرود ردات عليها: ضبري راسك معاه ماگلتش ليك عيطي ليه

بغضب: هياام.. هاد قوة الاستهتار اللي ولا فيك مابقا عاجب حتا وااحد؟ الشركة شهرااين مامشيتي ليها من نهاار سافر بابااك زعما نتي اللي خاص..

خرجاات عينيها مغووتة: مااتگووليش عليه بابا ..وايااك تقارني داك الرااجل ببابا وايااااك

عاليا: علاااش بالسلاامة؟؟ مااشي هو اللي ربااك گااع هااد العشر سنيين ماتنسايش راك عايشة فدارو وكاتاكلي من فلوسو

ضحكات بغل كاترد شعرها بعصبية اللور:: صااافي امداام عاليا صاافي..مابقيت بااغااا منكم واالو سمعتي.. هاد الهضرة بكترة ماعاودتيها ضرااتي فرااسي برااكة شفتوو فلووسكم ربحوو بيها اناا غانخدم على راسي وغانخوي ليكم هاد الدار گاع ربحي بيهاا نتي ودااك رااجلك اللي كلا مرة وفين مجلي

ضحكات بعلي: هههه هيام تخدم ؟ ههه ايوا العجب هادا حتا ماتكونيش بنتي عاد نتيق

حركات راسها زامة فمها: مازال تشوفي امدام عاليا.. مازال

دازت مكملة طريقها خارجة من الدار وغادة 
للرانج الحمرة ديالها..فنفس الوقت كانت سيارة سوداء بالشيفور داخلة مع باب الفيلا ..وقفات و نزل السائق حل الباب للشخص اللي راكب اللور ومشا لليڤاليز ينزلهم..هبط منها رجل خمسيني شعرو كلو بيض وحس اللحية ماعندوش مهلي فراسو ولابس الرسمي وفعينيه نضاضر كحلين مغطيينهم وواخا لابس الشيك ولامارك ولكن القبول ماكاينش فوجهو بتاتا..

شاف فهيام وابتسامة كاتنوض على شفابفو عكسها هي اللي تبدل فيها اللون رجعات صفرة كاتعض شفتها من لداخل وعينيها مرفووعين كايتخيلو .. حلات بالزربة الباب وطلعات مديمارية بالجهد حتا تحكو الروايض وايديها فعينيها كاتمسحهم بالنترة .. حبسات جنب الطريق حلات مجر فاللوطو جبدات منو بواطا فيها حبيبات ملونين لاحت جوج ففمها وسرطاتهم كاتنهد وتقاد أنفاسها ..ارتاحت بصعوبة وهدات عاد ديمارات مرة خرا فالطريق 

*****ة******

تحل عليه الباب وهو خدام دخل حسام ضاحك غير شاف الويسكي محا الضحكة وحاول يميك كايحنحن

تاج الدين: "وعينيه فالبيسي" قضيتي الغاراض

گلس مبسم: خباز زوينة الشريف

رد ضهرو اللور : ارا ماعندك نشوف

حسام: السيد اللي مشيت عندو باغي شي حاجة نيو تكون بووم وماعندوش مشكيل يعطي فرصة للشباب ولكن خاص الخدمة تكون متقونة

تاج الدين: هه مزياان داكشي نيت اللي بغينا ...ضور عندو البيسي ورجع اللور مخليه كايتفحص التصميم

حسام: شنو هادا؟

تاج الدين: اداييڤا هههه

بعدم فهم: شناهية؟

تنهد وناض ضار گلس حداه : هادشي خمس شهور وانا خدام عليه ..فيما كاطيح عليا شي فكرة زوينة وجديدة، كانخبيها تما، حتال فاللخر جمعتهم كااملين فهاداك التصميم اللي بان لك تما .."Adaiiva" ..غايكون منتجع ضخم جامع شوية من كلا حاجة وكايرضي گاع الادواق ناوي غير نضبر على التمويل وشكون يدعمو وغايكون شي حاجة ماضايراش

بقا كايشوف فالتصميم: وارااه شي حاجة ماضايراش نييت "صونا التيليفون ديال تاج ناض يهزو" هادشي فيه الفلوووس ولكن وااعر اساط مجهااد

تاج الدين: هه گلتها لك "جاوب" الو (...) نعام الباشير ؟


ركنات الطوموبيل قدام سونط فيتناس وسط المدينة.. لبسات نضاضر كحلين غطات بيهم عينيها ونزلات هاازة راسها وغادة دخل حتا تجبدات من اللور مجرورة لواحد الدورة وموس رقيق على خدها ضورها عندوو بالجهد مخلوعة من المووس اللي فحنكها كاتحس بيه غايدخل فيها..طلعات فيه عينيها بتردظ ولقاتو كايضحك لبسو كلو كحل نقي فمو زرگ حنكو مشرط وايديه گاع مضروبين ، باختصار كان شمكار موضيرن بسم بسنانو الكحلين ودوا: هيام الزوينة.. شفتك غبرتي علينا ياك لاباس

تشجعات ودفعاتو جابدة عليه سنطيحة واخا من لداخل العالم بيها غير الله: شهااد الفعاايل نتا شنوو يسحااب ليك رااسك 

- تششش صاصافي ماتعصبيش نتي اللي ماكاتبغيش تجاوبينا فالتيليفون ماللي كانعيطو ليك..فاجيت بنفسي نوصل ليك واحد الميساج وفنفس الوقت نلعب معاك شوية هههه

هزات عليه صبعها: تعااااود مرة خراا تحط عليا اييدك غانندمك كااتفهم..وشنوو اصلا جابك لهااد البلااصة حمااقيتي باغي تفضحني

- حاشا ازين باغي غير ديك الامانة اللي بقات عندك .. البوص كايسلم عليك وگالك راه المهلة اللي عطاك مابقا ليها والو وتسالي

هيام: عاارفة المهلة شحاال بااقي ليهاا سيير دابا گول لداك البوص دياالك حتا يوصل النهار اللي تافقنا عليه ونجيب ليه فلوسوو ماشي كلا مرة يسيفط ليا كلابو 

- اييه واخا ههه تهلااي وماتخليناش نتوحشوك هههههه

مشا فحالو كايضحك حتا تأكدات باللي غبر عاد دخلات للكافي كاتلهت قشعات بنت عاطياها بالضهر لابسة كسوة غوزية طويلة بلا يدين وطالقة شعرها البني على راحتو.. كانت كاتشرب عاطير الليمون طالعة نازلة فالانسطغرام حتا تخطف منها الكاس وگلسات حداها هيام كاتشربو..ضورات وجهها ياكما تابعها شي حد وقوصات فيها حجبانها :
بسم الله عليك اختي ..مالك شكاين

هيام: "حطات الكاس كاتتنفس" والو والو..اوف سخفت

- كان تابعك شي حد ؟

حركات راسها بالنفي:لا غير جيت كانجري ..نوضي دابة راه غانتعطلو 

تغبنات فوجهها: نااري والله مافيا اللي يتحرك وحتا نتي ماكايجيك السبور غير فاش كاتلعب عندي الوداد

هيام: اميمة نووضي خلااص الباارح علمتك اصاحبتي شوفي قرربتي تربي الكرشة 

أميمة: وماالها الكريشة مالها..كيوووت

هيام: تانتي كيووت يالله تبعيني ...ناضت وراها اميمة كاتنفخ طالعين فالدروج فين كاينة لاصال ميكس كبيرة .. دخلو للفيستييغ بدلو حوايجهم بلباس سبورتيف بحال بحال وخرجو لفين كايترينيو مجمعين ضااحكين وكلا وحدة لإينا آلة دازت واغلب الاعين تما عليهم

****ة******

دخل للبراكة ديال الباشير مبتاسم وكايعيط : خاالي..واااخالي

خرج عندو هاز طويجين صغير فيدو وكايضحك بتعب هزل ورقاق على اللي كان وحتا الشيب بان عليه..تاج باس ليه راسو ودخل كايغسل ايديه ويضحك 

تاج الدين: ولاو فيك القوالب اصاحبي بحالك بحال ختك

كايفرق الخبز: كون ماگلت ليك راني مريض ماتجيش گاع طل عليا راه لمك ماينفعو معاك غير القوالب

خرج عندو وگلس: ديك الساعة اجي عندي نتا ياك شحال من مرة گلتها ليك ..اجي گااع نتا سكن معايا مالك على هاد العيشة

الباشير: لا لا براكتي مانفرطش فيها يوقع اللي وقع.. ههه كول كول

تاج الدين: باااز .."بداو كايتغداو مجمعين على داك الطويجين وفنفس الوقت تاج الدين حال ليه فمو وكايعاود ليه على الصغيرة والكبيرة اللي وقعات فهاد الايام اللي ماشافوش فيها.. ضروري يعاود وياخد ريو فكلشي وحتا راس الباشير عاامر وشااايف الدنيا بكل الوانها والنصائح اللي كايعطيه ديما نافعينو وكايدير بيهم حيت من الناس اللي كايسمع كتر ماكايهضر وعزيز عليه اللي يزيد ينصحو خصوصا الى كان شي حد قريب ليه بحال الباشير...

سالاو الماكلة تهز الطاجين وناضو بجوج خرجو غادين للدرب عند عويشة..تمحات الضحكة تدريجيا من فمو فاش وصلو وعينيه هربو للجنب كايشوفو فالدار المهجورة قدامهم وبرودة خفيفة كايضربو لوجهو

الباشير: ماغادخلش

شاف فيه بجمود ورجع ابتاسم: زيد يالله


دخلو وتلاقات ليهم عيشة كاضحك وتعاتب فيه وهو يحزر ويبوس ليدين ويعطيها الاعدار واخا اللي مرسوم فراسها مرسووم ودايرة فكرة وحدة فيه هي السباب حتا ولدها خلا الدرب وسكن بوحدو..تنهدات كاتحرك راسها زعمماا متيقاه وناضت وجدات براد ديال ااتاي تجمعو عليه كلهم

******ة*****

وصلات العشية عاد رجعات للدار ..دخلات طالعة لبيتها حتا وقفاتها مها اللي كانت على طبلة العشا مع راجلها عمر

عاليا بابتسامة: ماغاتسلميش ..عمر يالله جا من السفر من قبيلة وهو كايسول عليك

ضارت طلعات فيهم وهبطات خنزرات وكملات طريقها لبيتها ممسوقاش..عاليا هبطات عينيها كاتحنحن وشافت فيه مبتاسمة

عاليا: ماتديش عليها اعمر راكا عارف الكاراكطير ديالها كيف داير

مسح فمو وباس ايدها: راه بنتي وأكيد ماغانتقلقش منها.. واخا مامعتابرانيش الاب ديالها

عاليا: لا لا بالعكس عزيز عليها بزاف

عمر: ..خلينا دابا من هادشي انا محاتجك تقضي ليا واحد الغرض مهم ليا وللشركة

باستغراب: شنو هو

عمر: كايعلق بهيام..بغيتها ضروري تلتاحق بالشركة..واحد البروجي غايطيح فيدي خاصني فريق متكامل ليه وبغيت هيام هي اللي تعاونني فيه ..فاش شفتها كيفاش كاتخدم والدكاء اللي عندها فهاد المجال بصراحة حسيتها غاتزيد بالشركة القداام 

ابتاسمات مطمناه: والا عاليك انا غانقنعها

عمر: ميغسي الحبيبة ديالي...انا غانمشي نرتاح حتا طلعي

عاليا: واخا ابب

باسها وطلع مخليها حاطة يدها على فكها كاتفكر كيفاش ددير تقتعها


دخلات لبيتها كاتزفر سدات الباب مسورتاه من اللور ..لاحت الساك فوق الناموسية هو والمونطو عاد غاتبدا تحيد الشوميز هي تسمع خطوات صباطو جايين فإتجاه بيتها.. ضارت مخلوعة كاتشوف ظل شي حد واقف تحت الباب والساقطة كاضور بشوية باش يتحل ولكن مع مسورت مابغاش ..سرطات ريقها راجعة اللور حتا طلق من الساقطة بهدووء مكمل طريقو عاد سدات عينيها تنهدات وطاحت گالسة فوق السرير كاترد شعرها اللور وساهية قدامها كاتنفس برعشة

★★★★★

شرقات الشميشة وصبح نهار جديد فبدايتو كان تاج واقف قبالت السرجم ديال بيتو القديم كايشرب قهوة كحلة وعينيه قدامو.. حاد فالشوفة وساهي كايخمم حتا سالا كاسو وضار خارج للكوزينة فين كانت عيشة كاتوجد الفطور.. حطو فلافابو وباس ليها راسها مبتاسم بهدوء وباقة فيه البحة ديال النعاس: صباح الخير عويشتي

بابتسامة ردات عليه: صباح الخيير.. سير راه وجدت ليك الدوش غسل عضيماتك وخرج تفطر معانا

حرك راسو نافي: لا امي خاصني غانمشي 

شاف فيه: فين؟ واا فطر بعداا

-دخلات عليهم نجاة قبل مايجاوب لابسة ومقادة حالتها كاتزرب فالماكلة وتمتم: نااري تعطلت تعطلت

تاج الدين: ههه عاد التمنية بشوية عليك

وفها عامر جاوباتو: ورااه خااصني نكون تما انا اللولة ولكن اللي عول على عيشة عول عالخلا

خرجات عيشة عينيها: ايواا الله يخلييك يالخلااا يابنيتي علاه ماشي سااعة واناا نعيط ونتي شخيرك قرب يووصل عند الجيران ..ماباغا تفيقي ماباغا تنعسي مگااد

نجاة: باااز باااز

...خرجاات كاتجري فالدروج تلاقات مع حسام عاد كيف نزل من اللوطو تاعو شافها هو يضحك: وااشد شد شد

ضحكات وضارت جاية عندو كاتجري: صبااح الخيير مزرووبة مزرووبة

..باستو فحنكو ومشات كاتجري لجيهة الطاكسيات فحين هو وراها ساهي فيها وابتسامتو كاتمحا ..حتا طلق تنهيدة من الداخل نفض راسو وجبد تيليفونو كايصوني على تاج الدين

تاج الدين: والله مانقدر عندي اجتماع مهم اليوم وخاص ضروري ندوز للدار نبدل حوايجي 

عيشة: ايوا وانا اللي شحال هادي مافطرت معاك وزعما نضت كانطيب ليك لهلا يقلب يااك

تاج الدين: امي وبلا ماتبداي تااني وااه 
....مشا بلا مايسمع ليها زربان وهي من وراه كاتنگر: ايوا واخاا دابا نشوفو بهاد العناد اللي كادير مع مك واش غاطفرو "ضارت لشغلها كاتبرگم " لهلا يفطر والديكم نااكلو غير انا


واقفة قدام مرايتها الطويلة لبسات المونطو وكاتقاد على عنقها كاشكول كحل بحكم البرد ..وعاليا حداها كاتغووت وتهز ايديها

عاليا: اناا بعدا ماابغيتيش تتفهمي ليا واالو

ردات عليها بملل: بلااش اماما نتي اصلا فين عممرك فهمتيني

عاليا: واخا الالة وااخا.. يااك البارح بفممك گلتي باغا خدمة ءء؟؟ ايوا هاهي جات حتال عندك خدمة مخييرة وماشي عند اي واحد

سدات عينها بقلة صبر وضارت عندها: داك راجلك ماعندي ماندير لابفلوسو والا بحتا حاجة كاتفهمي.. من الاحسن ليه يعطيني بشبر ديال التيساع حتا نخرج من حياتو

عاليا: ويااك فايت ليك خدمتي معاه شنو المانع داباا

ضحكات بالفقصة :خدمت معااه ؟؟ گولي خدمت مع رااسي بووحدي وسهرت على دوك التصاميم ليالي وفالاخير شنو .. مشاا نسبهم ليه هو وداارهم بسميتو وأنا رماني للتوش ..مزياان هاكااا؟؟

عاليا: ولكن تخلصتي فييهم ..شنو باغا مازال هانتي بدوك الفلوس شريتي طوموبيل آخر موديل وشحال من حاجة

- شافت فيها مدة وزفراات خاجة فحالها وهازة ساكها نازلة فالدروج ووراها ماماها كاتعيط ..حتا حبسات جامدة ملامحها وهي كاتشوفو واقف قدامها مبتاسم ابتسامة عريضة وحال ايديه

عمر: الحبيبة ديالي "عنقها وهي كارزة على ايديها وعينيها" توحشتك بزااف "حيد منها كايوزع عينيه على ملامحها" واخا غير شهرين ولكن ماتتصوريش شحال توحشتك

جاوباتو تحت سناانها بغل: كون غير بقيتي ماتجيش

ضحك على هضرتها: واخا هههه " وقفات عليهم عاليا كاتنفخ شاف فوجهها وفهم شنو وقع" غاتكوني رفضتي ياك

هيام: وااو برافو بعدا عارفني ماغانعاودش نفس الغالاط ونحط رجلي فديك الشركة.. دابا سمح ليا عندي غونيڤو مهم

حبس عليها الطريق وهي نفخاات : تسناي بلااتي.. هيام شوفي..بصح داكشي اللي وقع آخر مرة ماكانش خاصو يطرا انا كانعااود نعتادر منك ..ولكن كان ضرووري ليا نرجع الشركة ونبين اسمها كتر داكشي لاش مادكرتش سميتك نتي فالتصاميم

هيام: هاد الهضرة غير سير كولها اعمر.. حيد من الطريق 

عمر: لا لا بلاتي ..هاد المرة وقدام ماماك كانواعدك..وعد حر..غانخليك نتي تسيري كلشي وكلشي نتي المكلفة بيه وبإسمك..حتا حاجة ماديالي..نتي غاديري خدمة مزيانة تبيني بيها سميتك فسوق المعمار والمهندسين وأنا الاسهم ديال الشركة ديالي غايزيدو يطلعو فهاد الصفقة..اشنو بان ليك

طلع حاجبها وهي كاضورها فدماغها وتخمم بشوية.. محتاجة لبحال هاد الفرصة ومحتاجة دير سميتها من أول مشروع ليها وحتا انو من مصلاحتها تكون هاد الشركة هي ديال عمر حيت مكانتها مهمة فالسوق..خنزرات وشمرات بنيفها هازة نيفها: خلي حتا نفكر دابا مزروبة 

بسم ليها وحيد من الطريق: ههه واخا اللي حبيتي .. حتا انا غادي عند السيد اللي غانديرو معاه شراكة الى بغيتي نمشيو عندو بجوج

هيام: لا غير سير بوحدك مامسالياش ..

دازت فيه وهو بسم بجنب فمو ..ضار باس عاليا وخرج لقاها ديمارات وحتا هو حل ليه السائق الباب وطلع 

عمر: ديني للشركة ديال رضوان الوزاني

السائق: واخا اسيدي


وقفات اللوطو ديال حسام قدام شركة كبيرة زجااجية من برا فأحد شوارع كازا..نزلو بجوج مأنتكين على الحالة كالعادة زاازلووز و دخلو مع الباب بابتسامة توجهو عند الاستقبال ووقفو عليها 

تاج الدين: احم احم 

هزات عينيها وبقات معلقة فيه كاتشوف فعينيه

تاج الدين: "بجدية" السي رضوان كاين..عندنا معاه موعد

السيدة فالاستقبال: هاا ؟ ا ا ااه ااه كاين ههه سمح ليا غير تلفت شوية

حسام: ماشي مشكيل واش نقدرو نشوفوه

قبل ماتجوب وقف عليهم واحد الشاب باقي جون شافهم وابتاسم : اللسي العورابي ياك

ضار تاج سلم عليه: هو هادا..السي الوزاني؟

- ههه لا النائب ديالو.. تفضل معايا راه كايتسناك

خدا الملف وشاف فحسام زعما دعي معايا وضار غادين بجوج فإتجاه المكتب ..
دق النائب الباب وفاش سمع الادن دخل ودخل من بعدو تاج الدين متاجه للبيرو حتا وقفو النائب

النائب: تفضل معايا لهنا اسي العورابي

-شاف تاج فالسيد اللي گالس فالمكتب حاني راسو على الوراق ورجع شاف فالنائب باستغراب: علاش ماشي عندي اجتماع مع السي رضوان

النائب: السي رضوان كيف كاتسوف مشغول دابا.. تفضل معايا انا غادي نكون فبلاصتو

هز حاجبو: يااك اسيدي هه واخا

مشا تابعو كايجمع النفس ويبرررد للفطوي بعيد على المكتب شوية ..گلس النائب وتاج مقابل معاه طلعو عينين الوزاني شاف فيه ورجع نزلهم على وراقو

النائب: تفضل تقدر تبدا

حنحن وجبد تصاميم البنات من الملك كايعرضهم عليه: المشروع ديال المجمع السكني والمرافق اللي مترابطين معاه وجدتو على حسب الطريقة باش وصفتوه وزدت عليه بعض اللمسات ديالي..غاتكون المساحة كيف طلبتو 500 متر مربع وكل..

قاطعو مبتاسم: سمح ليا نقاطعك اسي تاج الدين ..ياك تاج الدين "تاج حرك راسو مغوبش وهو كمل كلامو" ..احم سمح ليا ولكن غير 200 متر كافية

طلع حاجبو: الوتائق مكتوبة فيهم 500 والميزانية ديال المشروع غاتقدو

النائب: ههه وحنا شنو همنا بهادشي اسي تاج "غمزو" الى ماربحناش من وراه شي حاجة

- زير على فكو كايشوف فيه وحنحن مقرب براسو عندو: سمح ليا واقلة فهمت غاالط.. عاود شرح اسي النائب

النائب: واخا شوف.. حنا محتاجين لشي حد موهوب وعندو بصمة زوينة وجديدة..وفاش جيتينا كإقتراح مابغيناش نرفضوك ولكن غاتنسا داكشي اللي مدكور فالوتائق وطبق غير داكشي اللي كانطلبو منك..وبحلاوتك حتا نتا

هبط تاج راسو وصباعو كايحك بيهم عينيه ويزفر بعصبية كايتمتم: دعواتك اعيشة السلاامة ماكايتعطلووش

النائب: نعام ؟؟

رد شعرو اللور وناض هز الملف كايجمع الوراق والنائب حتا هو ناض كايشوف فيه: شنو كادير اسي العورابي

لاح الملف بعصبيو وطلع فيه رااسو: اللولة الناائب..اناا جاي نشووف المديي اللي هو دااك السييد مارااضي حتااا يعطينااا وقت.. دوزنااها ماشي مشكييل التاانية بااش اسي النااائب تبداا دووخ عليااا وبدا من هناا وهناا دخللني نييشاان گولها بالعربية نييت اجي نشفروو فلووس الناس وندوزو ليهم االخواا

النائب: ولك..

قااطعو بغضب: التاالتة اناا مايشرفنييش نخدم مع اللي بحالكم اكرم الله وجوهكم ..الفلوس فالجيب ومازاال طامعيين فديااال النااس

النائب: السي تاج

تاج الدين: داابا ياا غاااتحييد من قداامي ولا هااد العااصاب والوقت اللي ضيعتي لياا غانخرجوو فيك ونرييب على د***** هااد الشركة


هز الملف بعصبية خاارج حتا حس بيد على ضهرو ضار مغززف لقا الوزاني هو اللي واقف قدامو مبسم: هه تفضل اسي العورابي زيد ندويو..بلا ماتعصب كتر..زيد تفضل 

خنزر تاج وضور راسو جنب كتفو زففر كايبررد عاد تبعو للبيرو ..گلس كاينفخ بضيق والوزاني كايشوف فيه مبتاسم وعلى عينيه تعجب: قلال الناس اللي بحالك وصعيب يتلقاو..فالمجال ديالنا وصعييب يكون شي واحد كايخدم بنزاهة وبضمير

تاج الدين: هاد الهضرة ماكانتشراش بيها اسي رضوان .. والناس اللي بحالك بصح مايشرفنيش نخدم معاهم

الوزاني: ههه برد برد.. انا بصح ماقادرش نتيق فاللي كان..كان خاصني ندير بحال هاد الإختبار اللي كلفت بيه النائب ديالي.. والحد الساعة كلشي كبر كرشو وطمع الا نتا ماعندي مانگوول بصراحة

قوص حجبانو فيهم بجوج: مافهمتش؟ شمن اختبار

وقف الوزاني وعلى وجهو نفس الابتسامة ووقف معاه تاج كايشوف فيه ويشوف فاليد اللي مدها ليه: يعني مرحبا بيك معانا اسي تاج الدين..المشروع اللي شفتي فالاعلان غير نساه من بالك.. حنا كانطمحو لحاجة كبر ومشرووع ضخم...ودابا اكبر عاقبة اللي كانت مهندس نزيه حيدناها من الطريق حيت لقيناك وأخيرا

مد ايدو مرفوع كايرمش: داوي من نيتك ياك..بغيتي تقصد زعما مشروع كبير من غير السكن وداكشي

الوزاني: مشروع غايخليك تبصم سميتك فهاد المجال ههه كانواعدك

زير ليه تاج على ايدو وسلم عليه بحراارة حابس انفاسو.. مالقا مازال مايگول ولحد الساعة باقي ماتيق لدرجة گاع دوك الاعصاب رجعو ليه بروودة

الوزاني: ههه غدا غانعلم المساعد ديالي يتواصل معاك على قبل اجتماع مهم كايخص المشروع ..وتما غاتعرف گاع المعلومات.. مرحبا بيك معانا اسي العورابي..دابا تقدر تتفضل

حيد ايدو كايحنحن: كانشكرك.. غدا إن شاء الله

ضار فحالو خارج مصدووم بااغي غيير يغووت وكايزرب فالمشي تلاقا مع حسام غادي جاي متوتر غير شافو هو يوقف مخرج عينيه شير ليه تاج زعما برا برا وخرجو زربانين حتال حدا الللوطو عاد ضار عندو بوجه جامد وحساام مرتابك

حسام: ايوااا؟؟؟

انفااجر عليه: وااهههههههه درنااهااا اصااحبي درناااها وطااح فيدينا مشرووع على قدووو حنا اللي غانصييبوووه هههههه "لاح الملف وعنقو كايغووت" وااادرنااها اصاااحبي درنااهااا هههههه ووووووو هههههه

حسام جببد عينيه وطلق حتا هو غوتة فالسماا مزير عليه كاينقز معاه ويضحكو بالجهد ماقاداهم فرحة.. شركة بحال هاديك فعلا مشروع واحد ناجح معاها وهالشهرة كاتنادي والمقاولة الصغيرة دياال تااج غاتولي يتضرب ليها الف حساب مع الشركات الكبار وكنية لعورابي غاتنقش حدا اكبر المهندسين ديال البلاد 

..وقف تاج كايضحك شاد خصرو وكايشوف فحسام اللي قلبها شطيح وغنا كايحتاافل حتا هو بالمجهوود اللي بدل من الناحية الادارية ،ماخلا حتا شركة ماتواصل معاها وبحت وقلب باش يطيح فشي وحدة اللي طلعهم الفوووق وهاهو طاح فيها اخيرا

حسام: اييهووو مبروووك علينا هاادي البداية مازاال مازاال اييهووو مبروووك علينااا..

تاج بدا يجمع الضحكة فاش شاف بنادم حاضيهم كايضحك بحالا راهم حماق حنحن ومشا كايشد فحساام يوقف وكايدوي بين سناانو: واصافي صافي اصاحبي شووهتينااا طلع طلع غايخرج السيد نزدقو مشوهيين كتر

عنقو حساام كايضحك ويخبط ليه فضهرو: احححح اصااحبي كاانمووت عليك كانبغييك انايا كانبغييك هههه

باسو بالجهد فحنكو حتا تجندخ تاج ودفعوو مخنززر: ينعل الز**** بوك مااال ديل مك ماالك ز**** طلع اللله ي... تفووو

دفعو للوطو وهو باقي كايضحك فحين هو دخل دار السمطة وديمارا....فنفس الوقت وموراهم مباشرة توقفات السيارة ديال عمر نزل السائق حل ليه الباب نزل وتم داخل للشركة


بلاصات اللوطو تاعها قدام واحد الفيلا نزلات غادة للباب.. دقات وحلات ليها الخدامة بابتسامة

هيام: كاينة اميمة

الخدامة: اه الالة راها فالجردة كاتتسناك

حركات راسها غادة عندها ... لقاتها مربعة رجليها بوصعية اليوگا فوق الرولكس سادة عينيها ..ضحكات مشات باستها وگلسات حداها

هيام: ااشكاديري 

خدات شهيرق زفييير: كانبرد اعصاابي قبل مانتفقص

هيام: هه وشنو گااع غايفقصك البرانسيسة

شافت فيها معصبة: وشكون من غيرو اللي بلااني بيه الله

هيام: جمال؟

اميمة: اايه امدمووزيل..گالك هاد الليام غايجي تاني تفوو.. غايبدا فالحكام الخاوي ديري ااميمة ماديريش فعلي ماتفعليش وناااري ماكانحملووش

هيام: راه خوك ازين كالمااا

اميمة: ماخويااش كون غاكان خويا وااه هو راه غيير ماعندو فيمن يحكم كانبان ليه انا .. بففف خلينا منو بلا مانزيد نتعصب..نتي شنو درتي فالموضوع ديال الخدمة

تنهدات تجاوبها هي توقف عليهم مرة اربعينية انيقة وجميلة الملامح كاتشبه شوية لاميمة: هيام ههه

هيام: خالتو مرجان "ناضت عنقاتها كاضحك وباستها لحنكها"

مرجان: احياني عليك زعما ماتسوليش فيا گاع

هيام: لا لا والله سولي غير اوما ديما داوية عليك ولكن ماجابتهاش الوقت نجي نشوفك ..

اميمة: دابا فيا الجووع كاين مايتكال

مرجان شدات فهيام كاضحك: اجي جاابك الله تتغداي معانا راه حتا المسيو ماغايجيش

هيام: نو غي...

قاطعاتها: مااكاينش لا يالله زيدي قداامي

أميمة: لگااااي دابا زيدي تاكلي هههه. ..دخلو لداخل كايضحو وهيام وسطهم كاضور عينيها وتتبسم غير انو ضحكتها ماكتكملش ولمعة الفرحة ممحية بتاتا فعينيها اللي كايحومهم السواد فقط 

★★★★★

عمر: ولكن اسي الوزاني نتا مولف تتعامل مع الشركة ديالي فهاد الامور.. كيفاش وقع حتا بدلتينا

برزانة حط قهوتو و شاف فيه : الموضوع ماشي بدلتكم ولا شي حاجة لا اسي عمر ..ولكن حضرتكم بفمك گلتي باللي اللي كان خدم ليك التصاميم مابقاش خدام معاك ..وممتأكدش واش غايرجع ولا لا.. شنو كاتسنا مني نبقا نتسناك 

عمر: دابا راه رجع ونديزك المصمم هو بنتي وراك شفتي خدمتها شحال متقونة ودكية.. شنو المانع دابا

الوزاني: انا عطيت الكلمة للسيد وحتا هو موهوب ودوفكر بعييد..مانقدرش بعدما عطيتو كلمتي نتراجع..ماشي من شيمي

زفر عمر كايفكر ويصور عينيه ..الوزاني شاف فالنائب ديالو ورجع عينيه لعمر: سي عمر

عمر: نعام اسي رضوان

الوزاني: عندي ليك واحد الاقتراح مغاير..غايكون فمصلحتنا كاملين الى قبلتي


خرج من الشركة دايخ كايفكر ..السائق جاب ليه الطوموبيل ونزل حل ليه الباب ..طلع عمر هز تيليفونو مدوز رقم وحطو فودنو

-نعام اسي عمر

عمر: واحد خينا سميتو تاج الدين العورابي ..راه مهندس حتا هو بغيت نعرف عليه كلشي

-واخا اسيدي كون هاني

قطع عليه مخنزر ساهي قدامو ..حتا رجع هز التيليفون جبد نمرتها وبدا يصوني عليها

******ة******

گالسة فالصالون مع اميمة ومرجان كايشربو القهوة والكيك قدامهم مجمعين وكايضحكو

أميمة: عافااك لاما اجي والله حتا غاندوزو نهار واعر حتا طاتي غاتكون

ابتاسمات ليها هيام بهدوء: بصراحة ماعرفتش.. نشووف

أميمة: وابلييز ماما عارضة على كلشي حشوومة ماتجيش ..ووالله وخويتي بيا لابقيت هضرت معاك

ضارت هيام عند مرجان كاضحك: دابا هادي شحال فعمرها اخالتي بغيت غير نفهم هههه

أميمة: سبعطااش ومالي كيف جيتك

هيام: والو بالعكس م ....قاطعها التيليفون كايصوني.. شافت النمرة وتمحات البسمة من وجهها تحت نظرات مرجان اللي مقابلاها.. حطات اللطيلي مقلوب بعدمها رداتو صيلونص وردات شعرها وراها كاتحنحن وتلف الارتباك اللي صابها

طبطبات مرجان على ضهرها وشافت فأميمة: حبيبتي..نوضي جيبي ليا تيليفوني نصوني على باباك

حطات كاسها: اوك.. ونتي ماتنوضيش من بلاصتك

مشات ومرجان شدات فيدها بحنان: ياكما باقا كاتفكري فالموضوع..ولا هو حاول مرة خرا؟؟؟

هيام: لا "سرطات ريقها منزلة عينيها" غير شوية متوترة

زيرات على ايدها ودوات: هيام.. نتي قوية احبيبتي تجاوزتي بزاف وتقدري تتجاوزي حتا هادي.. واخا القرار اللي خديتي ماتافقتش معاك فيه ولكن نتي مسؤولة عليه..و باقي الحال الى بغيتي تاخدي حقك

ابتاسمات بانكسار: باغا غير نبعد ..من كلشي وحتا من راسي "شافت فيها وتنهدات مهربة عينيها" من الاحسن نمشي

مرجان: علاش ماتعاوديش ليا همم.. خوي عليا قلبك.. باش كاتحسي وشنو شاغلك انا كبر منك وغانعرف نفيدك كتر وعارفة معزتك عندي قداش

بسمات فوجهها وباستها لخدها: شكرا.. بزااف ...ضورات وجهها متنهدة وناضت هزات ساكها ومشات خارجة مع الباب.. مخلياها كاتسزف فيها من اللور بحصرة...

طلعات للوطو تاعها وردات ضهرها اللور مركزة قدامها بسهوة ودماغها كايفكر لبعيد..حتال فالخير سااطت وهزات تيليفونها مدوزة نمرتو: الو

*******ة********

دخلو بجوج مع باب الشركة.. تاج مبتااسم وكايضحك على حسام اللي منوض الحيحة وراه اللي تلگا ليك كايبوسو ويعنقو ورجع گااع كايزيد ليهم فالخلصة جملة ..تاج الدين جمع الضحك وضار ليه جارو قدامو وكايودي تحت سنانو

تاج الدين:: باغي دير ليا السيزي للمك وحنا باقي حتا مابدينا

رد عليه ضاااحك: والفلووس غايبداو ينقطو علينا اسااط هاكا هاكا

تاج الدين: دخل دخل راه عندنا الخدمة مضوبلة ونتا هادشي اللي كاتعرف

دخلو للمكتب وحسام شاف فيه مغوبش: ولا اصاحبي حط الملف تما وخلينا نمشيو نحتافلو نفرحوو براسنا شوية

تاج الدين: لا زيبد تخدم ...گلس فالبيرو كايدرس البلان وقلم فيدو فحين حسام حك راسو ورجع شاف فيه

حسام: يالله غير للبيسري ديال نجاة نشربو شي حاجة ونعلموها بهاد الخبار..اش بان لك

خنزر فيه: لا ..غاتگلس تخدم ولا ننوض ليك

زفر وتلاح على الكرسي قدامو: ماتخليش الواحد يفرح فخاطرو تفووو


بدا الحال يضلام والشمس كاتغرب ...

وقفات طوموبيلتها فواحد الشاريع خاوي وهبطات مكملة على رجليها حتال واحد القهوة شعبية ديال الشيشة ومن الباب طالعين الدخاخن بحالا الشواية نايضة لداخل.. 
دخلات معاه مهدنة كأنها مولفة بهاد الاجواء وبدات كاضور عينيها وتقلب حتا شافتو حدا البارمان قدامو كاس كايشرب منو ويضحك ...بسمات وتنهدات غادة عندو.. گلسات حداه وهزات صبعها للبارمان حتا جا عندها

هيام: فودكا عافاك

البارمان: اوكي

مشا والباشير انتابه ليها وضحك كايضور راسو: هاد المرة جاية ضاحكة

شافت فيه: نبكي؟

الباشير: لا لا غير مولفة كاتجي لهنا باش تعاودي شي حاجة ضاراك ..والاغلبية كاتكوني كاتبكي ولا لا 

تحط الكاس حداها ضربات منو شوية وشافت فيه: نتا ديما كاتگلس هنا؟

الباشير: تقريبا "بجدية قوص عينيه فالكاس اللي هازة فيدها وتكلم بنفي" هاداك ماجاش معاك..ماموالمش ايدك

باستهزاء شافت فكاسو: ونتا موالمها ..واخا راك كتر مني

الباشير: ماتتقارنيش بيا.. هادشي اللي عندي لداخل الى ماطفيتوش بيه ماغانرتاحش

رمشات كاتحرك بؤبؤها بين عينيه مستفسرة: ديك الليلة واش كنتي كتهضر بصح.. كتبغيها لديك الدرجة

الباشير: هه ماللي كانتلاقاو مع شي واحد غريب ماكانكدبوش ..داكشي علاش عاودتي ليا كلشي بلا ماتخافي من شي حاجة ولا تترددي، حيت عارفة ماغاتعاوديش تشوفيني الا الى نتي بغيتي ..وحتا من سميتك باقي ماعارفها..داكشي لاش كلا كلمة خرجت راها بصح

هيام: بصح عندك الحق ...
تنهدات وشربات من كاسها وهو كدلك كلا واحد وفين ساهي حتا دوات ساهية

هيام: ماقادراش

دوا بلا مايشوف فيها: على شنو

هيام: كلشي ..حاسة براسي داكشي اللي مهرس فيا مابغاش يتجمع شي حاجة عندي ناقصة باقا مابغات ترجع ليا

الباشير: خاصك تخرجي من ديك الدار.. بعدي من الدياب قبل مايزيدو ينهشوك

هيام: لفين؟؟ فين غانمشي وباش غانعيش و انا حتا الخبرة ماعنديش باش نقدر نعول على راسي

الباشير: ماعندك صحابات صحاب والو گاع

نزلات عينيها وضارت قدامها مطلعة راسها: ماعندي حد

الباشير: نتوما العيالات هاد النفس الخاوية هي اللي كاتخرج عليكم..

هيام: انا ماباغا نتتقل على حد ولا حتا يشفق عليا ..داكشي باش عمري عاودت لشي واحد على المشاكل ديالي الا نتا..حيت ماكاتعرفنيش ونضرتك ليا ماكانتش بحال لخرين

الباشير: يمكن حيت فهمتك ههههه

"ضرب كاسو مع كاسها ضحكات حتا هي وهزات تشرب حتا وحل ليها وهي كاتشوف الشخص اللي كايتسالها الفلوس واقف مع وحدة مع شي رجال..
رجعات دغيا راسها اللور كاتغطي بشعرها خلات الباشير مستغرب ومدور وجهو كايشوف: كايقلبو عليك؟

هيام: خاصاهم غير السبة الله ياخد فيهم الحق

الباشير: بفف باقي مارديتي ليهم فلوسهم.. گلت ليك من الاول ماتعامليش مع بحال هاد النوع

هيام: صافي دابا اللي وقع وقع .".ناضت هزات ساكها" انا غادة

الباشير: بلاتي خرجي من الباب اللوراني

هيام: واخا "قبل ماتمشي رجعات شافت فيه مقوصة حجبانها فحيرة" بغيت نسولك على شي حاجة ..اليوم راجل ماما عرض عليا نعاود نخدم معاه فالشركة وهاد المرة بسميتي..ماعرفتش شنو خاصني ندير

الباشير: خاصك تخدمي عقلك والى كان ناوي يعاود يفطر بيك تصحري بيه ..هادي فرصة نقزي بيها القدام باش تغبري گاع من حياتو

تنهدات: شكرا ..انا مشيت ...
ضارت غادة حادرة راسها كاتزرب ولكن انتابه ليها واحد من دوك الرجال وغمز صحابو وتبعوها

..خرجات من الباب اللوراني قدامو بركااصة طويلة والسقيييل بوطو واحد اللي شاعل وحس بنادم ماكايضور تما ..
زيرات على الكاشكول ديالها غادة للوطو حتا حبسات فاش سمعات سميتها من اللور مزيرة على عينيها وكاتلعن الزهر العوج اللي تكسااب.. قصحات وجهها قبل ماضور مخنزرة كاطلع فيه: اش كاين؟

قرب عندها وصحابو اللور كايضحكو: ماكاين السلام ماكاين بيزو غير هاكا دايزة

طلعات حاجب: نعام هههه كبرتي راسك بزاف لا ..هضرتي مع الشاف ديالك ماشي معاك والمرة جاية مانعاودش نشوفك قدامي فهمتي؟

بغات دور وشدها من كتافها بزز كايورك على هضرتو: ايوا تاداابة عندي ليك واحد الميساج من عند الشاف ضروري نوصلو

رجعات كاتهز عايفااه: حييد ايدك حييييد

- تء سمعي بعدا الميساج ههه گالك الشاف الغزاالة بغا فلوسو دابااا يحضرو " طلعها بنضرات شهوة تيحك شفايفو" ولا غاياخدهم بطريقة خرا

هيام: حيييد "نتراات ايدها وصرفقاتو كاتلهت" تعااود تحط عليااا ايدك مرة خراا غانقطعهااا ليك الحمااااار

طلع رااسو فيهاا حمممر بالعاصااب وشدهااا بزز كاتنتر وتغوت لشي حد يعاونها وجوج من صحابو كايدفعوها معاه مدخلينها مرة خرا للقهوة ديال الشيشة..ضورات وجهها صفر ومدمع كاتقلب على الباشير وتغوت بسميتو على الله يعتقها وفنفس الوقت كاتزير برجليها على الارض ماباغاش تتحرك ليهم ..
حتا زااد تعصب االلي كان جارها وشدها جمعها معاها بتصرفيقة حتا ضارت طايحة بالدووخة، بغا يعاود معاها برجلو كونما تجر من كتفو بيد صحيحة وتخشات ليه كرووشي فوجهو خمجاتو ليه..
طلع تاج الدين عينيه مخنزززر فيهم واحد واحد باقي بحوايج الخدمة اللي تزيرو عليه والعروق غلااضو فعنقو كاينفخ كي التور
...شافو فبعضياتهم وتجمعو عليه كلا ومنين داز وحتا هو بدا عليهم لوح هادا عطي لهادا واخا كايجيو فيه ضربات صحااح ماحااس بواالو بكترة مامعصب وهيام ساقلة شادة الارض وكاتشوف فيه شد واحد من رااسو وزدحو ليه مع طبلة عامرة شيشة حتا شتتها وناضت الروينة كلشي هارب كايغوت والهايلالة ولات تما حتا من السكايرية نااضو كايشطحوو ويشجعووه حالين فمهم وكلا مرة لايح ليهم واحد 
..ناض على غفلة واحد من هادوك بصعوبة هز عصية وكيف ضار تاج لاگاها ليه مع وجهو للجبهة حتا داخ وماطاح غير على عنق هياام متوجع وهي كدلك غوتات فاش حساتو لسقها مع الارض .. صمكاتو فودنو وهز راسو كايرمش الضبابا فعينيه وودنيه كايسمعو السطافيط كاتزوك بقا كايرمش فيها والصورة بالشوية كاتوضاح ليه حتا صفات صورتها وهي حاالة عينيها العسليين على عينيه الحمرين بعصبية شي ساهي فشي والعقل كايمشي ويجي 


ويحدت..ان ماضيك المدفون يقوم من قبرو ويلاحقك طيفو من جديد 
..يحدت أن حياتك اللي رممتي خرابها بيدك، همسة ريح منو كافية تريب كلشي وترجعك لنقطة الصفر....
يحدت ان حبو البريء فواحد الوقت انكاسر وطلع حقيقة سامة ..يحدتك ان كبرياءها كأنتى فواحد الوقت تجرح وتهان من لعب الحساب والكارهين..
والنتيجة ..تبترات جدور رجولتو اللي سنوات وهو محتافض بيها بعناية..
تدهسات كرامتها بين الارجل بعدما كانت هي كايتضرب ليها الحساب ألف مرة ومرة..
فيحدت ان القلوب تفرقو ..وانقاسمو لجهتين مكسورتين نازفين اطنان الاوجاع والدموع..

طرف ناض..حط قلبو اسفل قدمو ورجع بقوة للقدام باغي يتبت ليها أولا ولنفسو تانيا..تعدب وقاسا المعاناة من أول يوم حل فيه عينيه فالسبيطار على دموع امو وكسر حيل اختو وتعب خالو..
تما عرف باللي الالم ماكانش من نصيبو هو فقط بل تزرع تلقائيا فاللي دايرين بيه..فناض هز راسو ورجع هز قلم الدراسة كايلوح بيه باجتهاد سهران بالنهاار و الليالي وبريق حاد فعينيه حارق لكل واحد ناوي يوقف فطريقو
..ولو كان قلبو..قلبو اللي باقي ماقدر يروضو ولا يديرو تحت امرتو ويبين ليه شكون هو المتحكم..قلبو اللي باقي بين الحينة والتانية كايفيقو من عزة نومو يفكرو فيها وفأدق تفاصيلها ويسولو باستهباال "اجي باقي عاقل على فلانة هه" حتا رجع معتاد على المسألة. .
قلبو اللي باقا جهة منو مكسورة كاتنزف ولو كان معتاقد باللي مجرد حب مراهقة طفولي غايقدر يتجاوزو ..لكن بعد مرور سنة..وسنة ..وسنة..وسنوااات ..ضحك بألم على تفكيرو وعرف باللي اسمها موشوم على جهة اليمين من صدرو وكايجري فدمو..صعيييب يتنسا ..وفاش كايسها احيانا كايسول نفسو واش حتا هي نسات.. نسات القلب اللي جرحات من وراها ودازت مرور الكرام ولا باقا عاقلة..نسات؟ ..

...ماعارفش باللي هي عكسو تماما.. ماكانش عندها داك الحيل والقوة باش تقاتل..عكسو تماما اللي كانت اسرتو الصغيرة مشجعاه فكل خطوة ومسانداه فكل كسر..عكسو تماما هي .. لقات حداها غير الريح وأم متعرجفة جل طموحها المكانة والسلطة والمال
..لقات واقع آاخر مر خرج صباعو الخمس خانقها حتا بغات روحها تخرج ومخلي وراه اتار قوية صعبة تمحا...
وخلاها مهدودة القوى ومستسلة ..تاركة الكسر كيفما هو والجرح مفتوح ..ماربما يجي اللي يطبطب ليها عليه..يجي اللي يداويه ليها ويخرجها من المستنقع اللي رمات فيه راسها بإيديها..ربما


صبااح جدييد..و قدام البيسري وقفات الميرسيديس ديال حسام نزل كايقاد الشوميز فالشوميز داخل مع الباب والبسمة بادية من الودن للودن مطيحة اللي مابغا يطيح وتحطات عليه الانضار فكل جيهة من بينهم واحد السرباية كي قشعاتو مشات لطبلتو كاتجري وتماطي شفايفها يحمارو وتحنحن بصوتها يرقاف

السرباية: مرحبا اسيري.. اش حب الخاطر

طلع فيها عينو مبسم: كافي نوار عافاك.. وبتي غاميسو

ضحكات مغنجة: مرحبا امسيو..غير هادشي؟

حسام: وي.. كاينة نجاة؟

السرباية: ء اه المديرة كاينة فالبيرو الفوق

حسام: هااا "ناض وقف" ادن طلعي ليا القهوة الفوق عندها غانفطر معاها

محات البسمة : غاطلع عندها؟ ااه نتا هو الاخ ديال مادام نجاة ياك ؟

ابتاسم: خطيبها

تمحات ليها الضحكة مكوانسية: ا اااه .. سمح ليا اسيدي ماكنتش عارفة

حسام: با گغاف.. المهم قهوتي الفوق واخا

بسم ليها ومشا طلع الفوق وهي وراه محات الضحكة ومشات كاتنتر للمطبخ....

حل الباب بالشوية وطل عليها كانت ساهية على شي فواتر كاترتبهم بكل تركيز وماحساتو حتا جمعها معاها للضهر عوجها وزااد طلق ضحكة فالسماا كايطنز: هاايهااي الناس والبيروو

بعصبية شادة ضهرها كاتتعصر: واناااري لمك ضهري

شاف فالبيرو ضاحك: ههه اش كاديري

جاوباتو تحت سنانها: غانوض نفرتتك الكللب..الصبااح هادا بففف اش باغي علاش جاي؟؟؟

حسام: واايلي حشوومة جاي زعما نفطر معاك وتتمناي ليا حظ موفق بعد ساعة عندي انا وخوك اجتماع مهم

نجاة: فااطرة اخويا ومغدية غاسير درگ زلافتك الله يرحم بااك

حسام: يااك ا.."قاطعو تيليفونو كايصوني" بلاتي نجاوب ونرجع ليك

نجاة: واگعلا يرجعك

حسام: الو (.....) وي هو هادا (..) "حل عينيه بصدمة" شنووو

******ة*****

على طبلة الفطور كانت گالسة عاليا بتوتر كاتفطر مع عمر والسقيييل فالجو

..صونا تيليفونها مقاطع داك الهدوء هزاتو وجاوبات: الو وي "تلون وجهها وكحات الماكلة"

عمر شاف فيها مقوص حجبانو: شنو واقع

عاليا: ممم (.....) واخا شكرا "حطات التيليفون وشربات من الما"

عمر: عاليا؟

عاليا: لا لا والو غير شي خبار خايبة على الجمعية..دابا نحل الموضوع

رسلات من تيليفونها مساج عينيها كايضورو ورجعات حطاتو كاتحاول تاكل وماتبين حتا حاجة وخا ايدها غاتفرگع بكترت ماموركة عليها

......

صباح جديد صبح عند ابطالنا بجوج اللي دوزو گاع الليل فسجن واحد فاصل بينهم حيط..
12 ساعة وهوما تما ماللي دخلو وهوما ساكتين قاطعين الحس بجوج وكايفكرو... 

"اللسان كايكدب..عقلنا كايكدب.. ولكن القلب والعين لا.." الشوفة فيهم كاتسرد گاع اللي كاين وعمر شوفتهم تتبدل واخا يدوزو عقود وعقود

***ايديه على رجاليه مخنزر قدامو وكايعض فشفتو التحناتية ساهي وانفاسوو هادئة..عكسها هي من الجيهة لخرا اللي غادة جاية بتوتر كلا مرة ترد شعرها اللور وتنفخ حتا سمعات صوتو الهادء متساءل: مادارو لك والو؟

حنحنات وجاوباتو بنبرة صوتها الحنونة والهادئة: لا..

وقف وتمشا للحديدة وقف معلي راسو وكايشوف فيها وفحنكها اللي صبح حمر مصور فيه صبع


وقف وتمشا للحديدة معلي راسو وكايشوف فيها وفحنكها اللي صبح حمر مصور فيه صبع ،انتابهات لشوفاتو المتفحصة ونزلات شعرها دغيا غطات بيه حنكها حتا ضور عينيه لجيهة كتفو ورجع حنحن بتساؤل : شنو كنتي كاديري تما؟ بلاصة خطيرة بحال هاديك شنو وصلك ليها؟

خدات نفس وجاوباتو: كنت كانتسنا واحد الصديق.. حتا ماعرفت منين خرجو ليا هادوك.. احم عموما شكرا على البارح وسمح ليا

حرك راسو ورجعو عينيه بوحدهم كايشوفو فيها مرة خرا.. حل فمو يعاود يهضر هو يتم داخل واحد من ضباط الشرطة هاز سوارت

الضابط: غاتخرجو دابا

حل عليهم بجوج وخرجو مرتاحين نسبيا حيت تحل المشكل.. سبقهم غادي وهوما وراه تاج دار ايديه فجيبو مركز وزاوية عينو كادور عندها هي اللي غير كاضور عينيها محتاضنة نفسها بارتباك

..وصلو لمكتب التحقيق ودخلو عند الشاف اللي ناض مد ليهم ملف

-الكفالة ديالكم تدفعات..خاصكم توقعو ليا هنا

-جبد تاج ستيلو قرا ديك الورقة مخنزر عاد وقع ..مدو ليها توقع حتا هي ورداتو ليه

هيام: نقدرو نمشيو دابا 

الشاف: تفضلو

سلم معاه تاج ومشا حل الباب حتا خرجات وخرج وراها غادين فالكولوار يخرجو من الكوميسارية.. حادر عينيه كايشوف لرجليها حتا وقف ومد ليها ايدو على غفلة منها

تاج الدين: انا تاج.. تاج الدين ونتي

تنفض احساسها من الاسم حالة عينيها ودماغها مسافر كايتدكر بعض المشاهد.. دغيا رمشات وجمعات انفاسها مادة ايدها ليه

هيام: متشرفين 

"حيداتها بسرعة ومشات خلاتو واقف و متبعها بعينيه غادا خارجة حتا تلقا ليها شاب وسيم فنفس سنو حل ايديه وعنقها بحرارة كايسول فيها وهي غير كاتحرك راسها..

شتت النضر هنا وهنا.. وخرج حتا هو مكمل طريقو عند حسام اللي كان كايتسناه فاللوطو ولقا نجاة حتا هي تما غير شافتو نزلات تلاحت عليه معنقاه

تاج الدين: ششش ماواقع والو .. الواليدة ماعارفاش ياك

نجاة: مالي حماقيت .. واش بيخير ياكما كاضرك شي بلاصة

قاطعهم حسام كايغوت: واالاخ الى نسيتي راه واحد الاجتماع باقا ليه نص ساعة بالضبط ..ماناويش تمشي؟؟

شرع عينيه: نااري فاااك "طلعو دغيا وحسام ديمارا بالزربة..لقا الكومبلي ديالو مصلوح موجود كايتسنااه غير هو هز ايدو كايبدل وعينو على الوقت اللي كايطير

تاج الدين: سربي سربي احساام رووووول

******ة***** 

عادل: ونتي علاش تمشي لديك البلاصة اهيام كون وقعات ليك شي حاجة

نفخات قالبة عينيها: طلق راسك دغيا عندي اجتماع مهم

عادل: نوصلك للشركة

هيام: اه "هزات تيليفونها كاتقلب فيه" مابقاش الوقت فين نمشي للدار

-هز ايدها باسها عين فالطريق وعين عليها: تخلعت عليك ماتصوريش شحال

صحكات باستهزاء: هه تخلعتي عليا ونتا فالاوطيل؟ ولا واقلة فالفيرمة هاد المرة

عادل: احم .. إلياس كان داير حفلة وتجمعنا فيها كاملين.. بغيت نعرض عليك ولكن بحال العادة ماغاتبغيش

هيام: مممم.. بصحتكم 

عادل: نعوضوها اليوم فالعشية؟ نمشيو نتعشاو فشي بلاصة شنو بان ليك

هيام: نشوف..دابا رد البال للطريق

*******ة*******

بلاصات الطوموبيل بسرعة قدام الشركة نزل منها تاج والباب موراه محلول غادي كايجري للاسنسور شاد الفيسط فيد والملف فيد..
طلع حط الملف فالارض وضار للمراية كايقاد الصدايف المخربقين ..فنفس الوقت دخلات حتا هي كاتزرب حبساتو قبل مايتسد وطلعات كاتشوف الساعة فتيليفونها وتنفخ بضيق..سد الصدفة الاخيرة وتحنا هز الملف تزامنا مع المصعد اللي تفتح وخرجو بجوج بيهم هي غادة على ليمن لمكتب اخر فين كايسناها عمر...
وهو على جهة ليسر لقاعة الاجتاماعات كايزرب..قاد الفيسط وتنفس عاد دق الباب ودخل بملامح جامدة والتقة مرافقاه حرك راسو للاعضاء لخرين وسلم على الوزاني اللي حنحن وشاف فيهم

الوزاني: ادن اسيادنا نبداو..سي تاج الدين هو المهندس الجديد كيف عرفتو..وإن شاء الله هو اللي غايتكلف بتصميم المشروع ديالنا 

-بداو كايرحبو بيه كلهم وعلى وجهو ابتسامة حتا عاود دوا الوزاني

الوزاني: غير هو كاين واحد التغيير بسيط فالموضوع

بملامح مستغربة شاف فيه: اما هو اسي رضوان؟


ناضت من الكرسي مصدومة: كيفاااش..هههه لا لا هادشي اللي بقا خاص

عمر: گلسي بلاصتك

هيام: نسييتي شنو گلتي ليا؟؟ التصميم اناا اللي غانديرو بوحدي واسمي غايكون عليه ..ياك هادشي اللي گلتي؟؟؟

عمر: وحتاا دابا كون قدرت كون عطيتو ليك غيير نتي

هيام: ودااك الشريك منيين خرج منيين ..ماللي ماعندك كلمة اسي عمر تكمش حسن ليك

شاف فيها بعصبية: الموضوع ماشي بيدي اهيام داك الحقير هو اللي خرمز هاد التخميزة وعطا ملف المشروع لواحد آخر..شنو باغاني ندير

دارت ايديها على عنقها كاتحكهم بعصبية فحين هو فالجيهة التانية على طبلة الاجتماع كايعاود الهضرة فمخو ويخمم..رجع دوا بهدوء: ولكن علاش ..انا قادر نتكلف بوحدي واخا ماعنديش مشكيل يتعاون معايا شي واحد لكن كنت متمني تيق فيا

الوزاني: عارف هاد الهضرة اسي العورابي..الموضوع هو اني كنت مرشح واحد تاني قبل منك فاش ماجاوبش قلبت على البديل ولقيتك نتا..ودابا رجع ومستاعد يخدم على التصميم داكشي باش مالقيتش حسن من هاد القرار

تاج الدين: "تنهد" واخا ماشي مشكيل..وشكون هو هاد الشخص؟

....

هيام: ودابا علاش معيط ليا اصلاا ماللي مابقا فيدك والو بلا مانتعدب ونجي حتال هنا

عمر: كيفاش بلا ماتجي؟؟؟ التصميم ديالكم بجوج وبجووج عندكم الحق فيه

........

تحط الملف قدامو حلو كايقراه وزادو تحلو عينيه موسعهم فالاسم اللي الفوق "هيام العلالي"..تزعزع بؤبؤ عيونو ونزل دغيا للصورة متمعنها ويالا الصدفة ويالا القدر ..دغيا خنزر مركز على حروفها حرف بحرف كايشوف ودماغو كايدرس الفرق والتغيير شنو تزاد شنو نقص واخا راه الانسان الى غير غبر علينا عام كانگولو ليه تبدلتي، غلاضيتي، رقاقيتي زيانيتي ودائما فعيوننا كايجينا واحد اخر ..ماعساك يكونو سنين وسنين دازو ..سنين زينوها وزادو فيها انوتة صارخة..سنين غيرو كلشي من غير بعض الملامح وشوفت الكبرياء والجاديةاللي فيهم.. كايتمعن ويدقق والتخنزيرة على وجهو ساهي والصدمة طاالعة معاه حتا رجع غير كايشوف مخلي الاعضاء اللي حايطين بيه و الوزاني مستغربين..

.....

هيام: ماباغا نتشارك مع حتا واحد ولا نخدم عند شي حد فهمتي..خليتو ليكم هااد المشرووع

عمر: تؤ تؤ تؤ خدمي شوية عقلك "ناض عندها" وعرفي كيفاش تنحيه من الطريق ..خلي اللعبة دور لصالحك نتي اهيام عرفي غير كيفاش تتحركي ..وبعدا اش هاد الحوايج لابسة كاينة شي وحدة كاتجي لإجتماع مهم بحال هادا بدجين وجاكيط

طلعات فيه وهبطات بلا ماتتكلم و ضارت غادة لغرفة الاجتماعات كاتقاد شعرها وتخمم فهاد الزهر العوج الي عندها.. من ديما وهي كاضرب الف حساب لفرصة بحال هادي وعلى قبلها سهرات شحال من ليلة.. المرة اللولة تحطمات فاش كلشي ضاع من يدها وواخا گاع الجهد اللي بدلاتو ماستفادت والو .. ولكن دابا الحياة رجعات عطاتها فرصة خرا وفرصة ما بعدها فرصة قادرة بيها توصل للحاجة الوحيدة اللي بقات متمنياها فهاد الدنيا.. ولكن باش هي تخليها لواحد تاني؟ أكيد لا ..


دقات قبل مادهل بابتسامة كاتشوف فيهم واحد واحد وهو عاطيها بضهرو ماضارش بتاتا ..حتا تسمع صوتها فودنيه وهي مادة ايدها لوزاني حداه

هيام: هيام العلالي.. سمحو ليا على التأخير كنت مع الاستاد عمر وهو اللي گال ليا باللي عندي شريك فالمشروع..ياك؟؟

بابتسامة شار ليها جيهة تاج: تاج الدين العورابي..سي العورابي هادي هيام..الشريكة الجديدة

سد الملف وناض مد ليها يدو بابتسامة: متشرفين

تمحات منها الابتسامة من هاد الموقف..هزات يدها تقيلة كاتحاول تتبسم وتخرج الكلمات: م متشرفين 

تاج الدين: صدفة زوينة نتلاقاو مرة خرا "غمزها" ياك

الوزاني: كاتعرفة بعضياتكم؟

بسرعة جاوباتو: ء تلاقينا هاد الصباح فالباب ديال الشركة.. احم .. ولكن ماتعارفناش مزيان ..فرصة سعيدة اسي العورابي

بسم وضار حرك الملف لجيهة الوزاني: نتمنى تطالع عليه اسي رضوان.. فيه بعض الافكار 
بغيت نخدمو بيهم وغدا إن شاء الله ندرسو داكشي اللي باقي

الوزاني: اكيد ..الكاتبة برا غاتوريك المكتب ديالك ومرحبا بيك معانا اسي العورابي

تاج الدين: الله يبارك فيك "شاف فيها" ومتشرفين مرة خرا

بابتسامة: الشرف ليا

حرك راسو ومشا خرج ..سد الباب ووقف مدة قدامو ساد عينيه كايتنهد ..وهي لداخل عينيها على فين داز ساهية بدورها وقبل ماتبدا تتعمق فالتفكير قلبات وجهها واستأدنات منهم عاد مشات حلات لباب.. لقاتو فوجهها واقف حنحنات وسداتو مطلعة عينيها فيه 

هيام: ماتاحت ليا الفرصة باس نعاود نشكرك على الشي اللي درتي على قبلي "مدات ليه يدها"..شكرا بزاف

طلع حاجبو وشاف فيدها وفعينيها مطول داير ايديه فجيابو و على وجهو ضهرات ضحكة استهزاء قبل مايدوز فيها ويمشي مخليها مصدومة وايدها فالهوا ممدودة مارضااتش و وجها رجع حمر ..

الكاتبة: تفضل اسيدي هادا هو المكتب ديالك

تاج الدين: كانشكرك

سد الباب كايوزع عينيه على المكتب وبسمة رضى على شفايفو.. كبيير ومبهج وديكوراتو عصريين البييرو كلو خشب اسود عريض بزاف محطوط عليه بيسي موضيل نيو وورا الكرسي الجلدي مباشرة حيط زجاجي كلو كايطل على منظر الشارع من برا..زيد عليها فوطوي كبير ديال الجلد الاسود قدام البيرو وطبيلة ديالهم محطوط فوق منها شامبانيا ومكسرات...ضحك وتلاح فوق الفوطوي كايتنهد بالتقااالة حتى عاود تحل الباب وتم حسام داخل كايضور عينييه


حسام: ابا با با با ااش هادشي

ضحك تاج كايضور عينيه فالقنات: البدية هادشي البدية ابا حسام هههه

حسام: التقة هااا هههه 

تلاح حداه مسرح ايديه حتا هو وغير حال فمو كايضحك: شنو درتو عجبهم التصميم يااك ههه

مد يدو خدا من المكسرات كايلوح لفمو: گالك ولات عندي شريكة جديدة غاتخدم معايا..مابقيتش بوحدي اللي مكلف

تصدم و محا الضحكة قرب عندو وجهو بتساؤل: كيفاش زعما؟؟..واش بصح ؟؟

تاج الدين: وي.. كانت قبل مني فاش عيطو ليا وقررو يجمونا بجوج هادشي اللي فهمت.. المهم بغانا بجوج فداك التصميم ولكن على ماشفت الخلاص ماغايتقسمش بالنص كلا واحد ونصيبو..كانفكر مورا مانسالي هادشي وبالفلوس اللي غانربح نزيد عليهم شي قرض ونمول داك المنتجع اللي وريتك ..اش بان ليك

رد عليه حسام دايخ كايضور راسو: وبلاتي اصاحبي بلاتي واش بصح غادي تخدم مع واحد آخر ..هادشي مخلوض اساط وباينة فيه غير المشاكيل نتا مهندس منفارد فشغلك وكلا واحد والطابع ديالو كيغاديرو تخدمو بجوج مايمكنش

شاف فيه بحدة: حسام..بدل عليا هاد السيجي الله يرحم الوالدين وخلينا هانين هاد الساعة..الخدمة خدمة واخا.. نتوافقو.. حنا ماشي غانتزوجو مابغاتش تتوافق ضبر راسها سوقها هادلك انا خدمتي غانديرها

حسام: وا نتا تعرف انا غير گلت ليك

تاج الدين: دابا نوض نوض ندوزو عند الباشير ونجيبوه معانا يشوف هادشي ههه

حسام؛ حيد بعدا ديك القرعة ولا راه ماغاينوض عليها حتا يلوا وشوف شوهتك فين غاتوصل ههه

تاج الدين: ههه غانديوها معانا گاع حنا

******ة******

حلات اميمة عينيها مصدومة فهيام اللي گالسة قدامها كاتاكل: لييلة وحدة وقعو ليك فيها گااع هادشي ههههخ وزهاار عندك ههه وماجا فيك غير البطل اللي عتقك واااو ههه

هيام: وي "زفرات بضيق وفمها عامر" كنت كارهاه قبل مانشوفو ..دابا زدت كتررر على الحقاارة الي فيه

أميمة: ااويلي السيد عتقك زعما حشوومة بحال هاد الهضرة هههه

هيام: ماللي هاكا يتصرف باحترام فاش عاود شكرتو..غير شي ساعتتين دابا كنت عاجباه الوقت كامل وعينيه عليا وبغا وقدام المدير كايضحك عااادي ..غيير خرجنا قلب وجهو فمرة عرفتي على قمعة دار ليا ..كانكره الناس اللي بحاالو يخخ

اميمة: هههه بردي بردي نورمالمو خاصكم تتوافقو بالزربة كي غاديري تخدمي معاه ونتي ماحاملاهش... وعلى هادشي اللي عاودي ليا باينة فيه حتا هو بخبيزتو ههههه

هيام: هاهاهاها ماللي جيت ونتي حالة فمك گلت شي حاجة كاضحك..زايدون شكون گالك انا غانخدم معاه اصلا

أميمة: بالسلامة ناويا تستاقلي؟ ويلي لا 

هيام: ماشي أنا احبيبة.. هو..بحدو ومن تلقاء نفسو غايمشي يقدم استقالتو

أميمة: مممم وفين عمرك شتي شي قط كايهرب من دار العرس.. حتا يكون مصطي عاد يتخلا على بروجي مضخم بحال هاداك 

هيام: دابا تشوفي..داك البروجي ديالي من الاول وانا اللي كنت غانتختار كونما بان هو فالسيناريو..داكشي باش غادا غير نرد حقي الاصلي وبس

اميمة: وهاد وبس عندك فيها الدغل.."غمزاتها" اش تما

جوبات وفمها عامر: فيا الجووع من البارح ماكليت

أميمة: الحبس كاجيب الجوع بصرااحة هههه ولكن شكون بحالك هاهو بعدا بعدا شي حد دخل للحبس على قبلك

حبسات الماكلة ففمها مبلوكية وشافت فيها حاطة المعلقة: دابة علاش هاد الهضرة

أميمة: ماالي اشنو گلت ههه

هيام: والو "ناضت مغير حالها هزات ساكها والمونطو غادة للباب ومخلية اوما وراها كاتعيط ليها وضحك

أميمة: واغيير رجعي هياام.. هيااام وتعالي انااا شنو گلت اويلي

يتبع...

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.