تاج راسي الجزء التاسع

من تأليف Soukaina Ahnani
2020

محتوى القصة

رواية تاج راسي

عزيزتي الأنثى.. ضعي ثقتك بنفسك فهي ساكنتك وهي الأدرى بحالك، 
ولإن اشتد بك الوجع والألم؟ إشتكي لها لا لغيرها، واعلمي انهم لن يرحموك بل وسيؤذوك كثيرا.. فإن لم يفعلوها حينا، سيفعلونها بعد حين (انها مسألة وقت وفقط) ، 
تمسكي..
تمسكي بذاتك..
بصوتك الداخلي الأثيري.. فهو السبيل لنجاتك بنفسك ..وهذه الاخيرة هي من ستساندك الى ان تذهبي لدار البقاء، 
وهي العصا التي لن تنكسر ولن تخذلك مهما اتكئت عليها وحملتها اعباءك..
Houda amk

فمكتبها وعلى الكرسي متكية بضهرها والبوصلة فيدها ساهية فيها بالشوفة وفشفايها بسمة خفيفة ملتهفة
..كلا مرة خارجة من فمها تنهيدة بسبب داك الانتعاش الي صبح بروحها
..كأنها عمرها عرفات الفرح الا فاش عرفاتو.
وكأنها عمرها عرفات القرح الا فاش خلاتو
..وباش هو يخليها احتمال ماغاتحطوش فبالها نهائيا ولو شنو ماكان يكون حيت غير غايضعفها وغايخلي تفكيرها مشوش وقلبها مخربق..

تحل الباب بهمجية وبدون ادن طلعات عيونها فشكون لقات عمر اللي داخل مخنزر الشوفة فيها

عمر: هادشي غير گلت ليك ماتخرجي حتا تولي لاباس واش ماكاتسمعيش الهضرة؟

حطات البوصلة من يدها مكرهة وجاوباتو بحدة: باغي شي حاجة اسي عمر

قرب حاط ايديه على المكتب وعينيه فعينيها: علاش راسك قااصح ءء..واش باغة طيحي مرة خرا ولا توقع فيك شي حاجة عاد تتهناي

هيام: توقع.. مااااتوقعش ..نطيح ..نمررص..نمووت نتاا مااشي سوووقك تفاهمنا ..دابا الى ماكان عندك حتا كلام متعلق بالخدمة الباب

زير فكو وجاوبها بعينين حومر: نتي كلك كاتهميني، من ادق تفاصيلك لاكبرها كاتهميني..

زيراات فمها كتررر وجاوباتو: ونتا مااشايفااكش اصلاااا وكون لقيت كيفاش نتهنا منك نديرها من شحاال هااادي

مد ايدو يشدها: هيام حسي بيا شوية "نترات يدها بالزربة ناضت راجعة شوية اللور وقصحاات فيه الشوفة كااتلهت "

هيام: ماتمدش ليا ايدك ولا تقيصني كانحددرك ااعممر

هز ايديه الفوق مهدن صوتو: صافي تهدني الحبيبة ديالي.. رجعي گلسي بلاصتك بغيت نهضر معاك فموضوع مهم

هييام: ماعندناا فاااش نهضروو خررج فحاالك

زفر وقبل مايجاوبها لمح البوصلة الي فوق المكتب ..هزها قارن حجبانو ومصغرهم كايحقق فيها ويتأكد: هادي كانت ديال باباك ياك؟ اه هي هادي باقي عاقل..ديك الفترة درت اللي فجهدي باش نردها ليك وماخليت فين قلبت، لا فالمتاحف ولا بلايص القطع الاترية .. ولكن ماكانت ففحتا بلاصة.. كيفاش حتا لقيتيها؟

هيام: مااشي سووقك وحسسن ليك تردها منين هزييتيها "قاطعها الفيكس اللي فوق المكتب هزاتو وجااوبات بعصبية" الو "تحلو حجبانها بتركيز" صافي فهمت.. شكرا غير رجعي لخدمتك دابا
.....قطعات بسرعة وهزات المونطو وساكها

عمر: فين غادة..گلت باللي خاص نهضر معاك واش ماكاتسمعيش 

ماداتناش فيه خرجات مسرعة وهو وراها كايعيط: هياام هيااام

خبط البوصلة مع المكتب بعصبية وحل الصدايف اللولين كايترعد وقدامو مخنزر



تفتح المصعد فباركينگ الشركة وخرج منو تاج غادي فإتجاه للوطو تاعو _مبلاصيها تما على ود الجو اللي تقلب والشتا اللي غاتبدا طيح_ خرج الكونطاكط من جيبو يحلها وصوتها موراه كايعيط

هيام: بلاتي تااج.. تاااج

ضار مقوص حجبانو وغير شافها قلب وجهو بنرڤسة كايزفر

وقفات قدامو كاتلهت: مزيان اللي لقيتك باقي مامشيتيش...افف سخفت

تاج الدين: شكاين تاني

هزات كتافها: اليوم نتا اللي غاتوصلني للدار

تاج الدين: نعام ؟؟؟

هيام: اللوطو ديالي تفشو ليها الروايض كلهم وحتا الطيلي ديالي ديشارجا...ماعندي فين نمشي وماكانعرف حد من غيرك 

ضور وجهو لرانج ديالها ولقا الروايض بربعة مفشوشين ..طلع حااجب مزياان وشاف فيها بتهكم: ربعة كاملين.. هادي فين عمرك شتيها 

هيام: حتا انا استغربت..ييقدر شي واحد بغا غير يعصبني وتعمد يديرها مانعرف

رد عليها بجمود: آه مسكييينة

هيام: وادابة واش غاتوصلني ولا ناوي تبقا طنز 

تاج الدين: سيري خودي طكسي انا ممساليش ليك 

بغا يمشي وعاود وقفاتو بهضرتها: برا كاينة الشتا وزيد عليها الطاكسيات ماكايدوزوش من هنا .. يعني ماعندي حتا حل تاني 
.... بسمات وهو جبد الطيلي دوز فيه رقم تحت عينيها المغوبشين ودارو فودنو

المساعدة: وي مسيو العورابي

تاج الدين: طلبي ليا بتي طاكسي لقدام الشركة..و مايتعطلش

المساعدة: واخا امسيو "قطع وشاف فيها" تسنايه هنا برا كاين البرد .. وماتبقايس ديري العداوات مع بنادم ، هاد المرة فشوليك الروايض مرة خرا علم الله شنو

عطات تبسيمة صفرة ونطقات تحت سنانها: شكراا عدبتك معايا

تاج الدين: هانية
...ضار ركب سيارتو وديمارا مضورها باش يخرج من الباركينگ وهي واقفة قدامها مخنزرة.. حتا كلاكصونا عليها عاد تنحات من الطريق وخلاتو يدوز خارج..
بعصبية وبالغدايد اللي ركببهم فيها لاحت البوشيط وضربات رجلها مع الارض كااتنفخ: اوووووف

شافها فالمراية الي فالجنب وضحك ضحكة خفيفة على تصرفها لكن بسرعة محاها مخنززر قدامو..


بصدمة وقفات والطيلي فودنها: وااش بصح اخاالتي هو اللي گالها ليك ؟؟؟

ردات عليها عيشة بابتسامة عريضة: ايييه ابنتي غدا إن شاء الله وجدي ليا رااسك.. وعلمي حتا ماماك تجي من دابة

هدى: ههه فررحتيني بزاف اخالتي .. كوني هانية دابا نصوني عليها تشد الكار

عيشة: الله يرضي عليك..نخليك دابا كون راه شلا مايدار

هدى: الله يفرحك اخالتي كيفما فرحتيني والله يطول لينا فعمرك.. خيرك عمري ننساه ديك الليلة كنت غانمشي فيها كونما نتي

عيشة: درت اللي خاصو يدار وباش نحمي ولدي ندير ماكتر..ولكن عقلي على العضرة اللي كنت گلت ليك، راه الى مشيتي حتا كدبتي عليه فشي حاجة ولا خلوضتي من وراه انا بيدي اللي غاننحيك من حياتو ردي البال اهدى 

هدى: لا تخالتي وعلاه ماكاتعرفينيش..كونما حبي لتاج گاعما يتعماو ليا العينين وندير داكشي

عيشة: ماكاين باس باس.. ولكن هضرتي خليها حلقة فودنيك عمرك تنسايها

هدى: كوني هانية ةخالتي كلامك هو الكبير

عيشة: يالله دابا الله يعاون

هدى: خليت ليك الراحة وتهلاي ليا فراسك

عيشة: بسلامة
...قطعات و تبسيمتها ماكاملاش.. واخا كلشي غادي كيفما متمنية باقي عندها تخوف من هاد الخطوة وشي حاجة ممريحاهاش ..
واخا هاكاك كاتشوف باللي انسب وحدة لودها هي هدى ..البنت اللي كاتبغيه من قلبها وعلى ودو مستعدة دير اللي كاان وهي اللي غاتصونو وتردو للطريق بحال الأول

نجاة: بلاا ماتحلمي

فاقت من سهوتها وطلعات عينيها فنجاة اللي كاتسد ساكها زامة شفايفها المعكرين ولابسة دجين طاي هوت بالبيض وميني بوط قصير ايديه مرخوفين مع سبادرية خفيفة..هزات ساكها وشافت فيها كاترمش

نجاة: من بعدما كلشي يفشل غادي غير تجيك شي صدمة فاعلة تاركة.. دااكشي باش من دابة بلا ماتزيدي فيه

خنزرات فيها: هاد السوق خرجيه غانتي ويتقااد

ميقات فوجهها: ممم غاتقاديه بديك العوجة ديال هدى.. وبااز

عيشة: نتي راه طال الزمان ولا قصار غانضربها ليك بشي ترييشة فاعلة تاركة علياا بليمين ابنتي حتاا ندييرهاا راه بنتي ليا توحشتي العصاا

نجاة: اننا غاگلت ليك ونتي تعرفي 

...ضحكات ليها وتمات خارجة بغات تحل الباب وسبقها تاج اللي دخل 

نجاة: على السلاامة

تاج الدين: الله يسلمك طلعها وهبطها مخنزر" شتك خارجة

نجاة: غادة لخدمتي اخويا عگزت هاد الصباح وممشيتش

تاج الدين: وبهاد الحالة غاتمشي؟

شافت راسها ودفعات سنطيحة: ومالها حالتي

تاج الدين: لا ماالها والو.. انا اللي راجل وماكانعريش قدك

نجاة: وتعرا مالي منعتك..ونتا اصلا اش كاتفهم فلاموص ااش

تاج الدين: سمع اعبد المولى راه غاطلع تغطي ديك الكرش ودبك التمانياتون ولا نفكرك فيامات النمر المقنع

نجاة: اييوا تاتقيصني وشوف لاما فكرتك فركلة كابتن ماجد وتحنقيز بوكيمون

خنزر: غااااطلعي ولا لا

نجاة: واداابة ماالك هااد اللبس كللشي لاابسوو حشوومة علك

تاج الدين: الااا نتي يالله طللعي ماحدي باقي مبررد

نجاة: واتفوو على حگاار "طلعات بالزربة هربانة"

تاج الدين: تاتنزلي واخا ..ضار ومشا للصالون عند مو باس يدها وراسها

عيشة: على السلامة احبيبي مالك شتك
عيان هاد النهار

تاج الدين: غير الخدمة اميمتي، غانمشي نرتاح شوية بينما وجد الغدا

عيشة: بلاتي بعدا راه باغا نهضر معاك فشي حاجة

تاج الدين: ياك لاباس

عيشة: ايوا گلس باش تفهم


ضحك بخفة وگلس جنبها: الله يسمعنا خبار الخير..هانا الالة شكاين

عيشة: كل الخير إن شاء الله..غدا الى كتاب غانمشيو نخطبو البنت

تجمعو ملامحو بتفاجأ وقلب وجهو قدامو مخنزر

عيشة: ماغاتگول والو؟

تاج الدين: الموضوع ماشي بهاد السهولة امي.. فهميني عافاك

عيسة: انا صافي دويت مع البنت وعلمتها،دابا مها غاتكون جاية من مكناس لهنا وكيوجدو لغدا بلا مانبدا نتحاشم مع الناس

خسسر وجهو وزفر بعصبية مخفية: زربتي الواليدة زربتي بزاااف

عيشة: ماكاين لا زربة لاواالو، خير البر عاجله وحنا ماكانديروش شي حاجة حرام خاص نبقاو غير كانفكرو فيهاا..زايدون غانمشيو غانمشيو اللهم دابا ماحد الخدمة عندكم مرخوفة

تاج الدين: الى ساليتي غانمشي ننعس

...بغا ينوض ومنعاتو شادة ايدو وحجبانها مقوصين بشك: ياك باقي على كلمتك؟ بنات الناس مااشي لعبة ولا تفلية انا مااشي هاكدا ربيتك اولدي..الى كنتي غير غاتتفلا على هاد المسكينة گلهاا من داابا

خنزر فوجهها: كلمتي كااندير بيهاا واخا نعررف نعفس على نفسي امي.. بلا ماتبداي تفكريني كلا مرة حيت عارف شنو كاندير وشنو گلت..ودابا خليني نمشي نرتاح راسي غايتفرق

عيشة: الله يرضي عليك..باغا غير راحتك اولدي وهاد الهم اللي هازة ليك ماعالم بيه غير الله

باس على راسها وناض كايزفر دخل لبيتو ..وهي تنهدات بعمق من وراه ومشات لشغالها حتا هي

......

نزلات من اللوطو داخلة للبيسري بنفس الحوايج زايدة عليهم غير مونطو طويل كيف دخلات مع الباب نصلاتو ونيشان دخلات للمطبخ..لقاتهم مقربلين الحالة تما شي غادي شي جاي هي تنهض فيهم جملة زادت فعفعاتهم

نجاة: شكااين نتوماا ماالكم بحاال الدجااج المدبووح غاكادورو من جيهة لجيهة

الشاف كويزين: و وصلاتنا ط ط طلبية كتيرة امدام وو...

قااطعاتو: مااادمووزيل وااش نلسقهاا فجبهتكم عااد تفهمووها..ودوي مقااد بلا ماتبدا تمتم

الشاف: و وانا امدموزيل..هاد الصباح وصلاتنا طلبية كتيرة ومختالفة والكليان بغاها توجد مع العشرة ديال الليل

نجاة: ايوا هي ايلا طلقتو ماشي تقديوها تفتيه هنايا الدقيق ماغايكلكمش

-واخا امدموزيل نجاة

نجاة: مزيان.. شي حد يطلع ليا قهوتي وگولو للجيروم يتبعني بالحسابات ديال هاد الصباح ..حتا نسالي ونهبط نعاونكم

الشاف: واخا امدموزيل انا نوجدها لك

نجاة: الله يعاون "بغات تمشي ورجعات ليهم مرة خرا" حسام فطر هنا هاد الصباح

الشاف: لا امدموزيل ماجاش گاع هاد النهار

نجاة: صافي رجع لخدمتك ..
خرجات من عندهم طالعة فالدروج ..جبدات تيليفونها ودوزات ليه ابييل ..

ماجاوبها ماقطع فوجها غير حاط الطيلي على طاولة الاجتماع قبضة يدو على فمو مخنزر فيه بسهوة كايفكر ويعاود.. وكلما تعمق فالموضوع كايحس بالقصوحية والوجع فقلبو خصوصا من صورة قربهم اللي باقا مصورة ليه فالدمااغ حلفات لاتحيدات..


لم يكن في نيتي الحب..
لكنّ نسماته جاأتني هائمة من نافذة كنت قد فتحتهآ للتنفس •~• فتنفستك ..وعشقتك
فسلاماً على قلبي و نبضاته ..

..لم يكن في نيتي أن اهواكي..
لكن نسيم قلبك اجتاح قلبي دون ادن ولا دستور.. دون تردد ولا مقاومة .. ودون أن يشعر .. صار بإسمك يدق .. بطيفك يختل.. بنظراتك يثمل .. حينها أيقنت .. أن هدا القلب..لم يعد يخصني ..


سد شباك بيتو بعدما زفر وضار هز الڤيسط من فوق السرير وسوارت اللوطو والطيلي ..خارج من البيت كايلوي عنقو حتا فنعاسو مارتاح بحال الناس

تاج الدين: الواليدة انا غادي

خرجات ليه من الكوزينة كاتمسح ايديها: ابلااتي راه العشا شوية ويطيب

تاج الدين: لا مافيا اللي ياكل ..نجاة ماقي ماجات؟

عيشة: عاد صونات گالت لك باقا عندها شي خدمة معطلة..تساليها وترجع

تاج الدين: واخا يالله بسلامة

عيشة: غدا جي بكري شوية عافا ولدي 

تاج الدين: لاش "تفكر وسااط من مناخرو" عندي خدمة امي خاص نساليها بعدا

عيشة: واحشوومة نتعطلو على الناس وخاصني نشري شحال من حاجة شكون غايديني ءء؟

تاج الدين: گوليها لنجاة ولا حسام

عيشة: شكون غايتزوج نتا ولا هووما..ايوا بااز

زفر وتم خارج: صافي يكوون خيير

عيسة:: تصبح على خير والله يرضي عليك

تاج الدين: امين 
....خرج نازل لتحت وركب الوطو تاعو مكسيري لدارو. .. اللي قدامها كانت واقفة الرينج ديال هيام..نزلات مطلعة حاجب ومشات كاطرطق طالونها عند العساس اللي كان قداام العمارة ماحس بيها حتا لقاها واقفة عليه بابتسامة

هيام:السلام 

العساس: و و وعليكم السلام الالة.. اش حد الخاطر

هيام: بغيت نسولك عافاك "صونا الطيلي بإسم جمال قطعات عليه ودارتو صيلونص"

العساس: ايه مرحبا سولي

هيام: دابا نتا كايكونو عندك سوارت ليزاپاغطومو كاملين اللي فهاد العمارة.. ياك؟

العساس: ايه عندي ديال كل دار هنا.. باش الى مولاهم وضرهم ولا تسدو ليه لداخل كايعيط عليا انا نحل ليه الباب

هيام: مزيااان "ضحكات ضحكة حلوة دوخااتو" ادن نتاا اللي غانحتاج

العساس: ههه فاش

هيام: لامي ديالي عندو عيد ميلاد اليوم وبغيت نخلي ليه واحد الكادو فالدار ..ولكن بغيت نديرها ليه مفاجأة بلا مايعرف

بتردد جاوبها: و وا الالة شغانگول ليك.. سمحي ليا مانقدرشاي غغاتمشي ليا خدممتي الى شي حد عرف

هيام: غانخليوها غيرر بيناتنا وحتا واحد مااغايعرف..وزيد عليها "حلات الپوشيط جبدات منو تلاتة الزرقات ومداتهم ليه" بحلاوتك

حك ايديه وخداهم مبسم: وا القضية ماللي فيها عيد ميلاد ماشي مشكيل هههه اينا ساروت بغيتي

زاادت تبسمات ابتسامة عريضة ونطقات بغنج؛ ديال تاج الدين 


خلي هادو هنا وشي لاخر نزلو معاك..مرة حاية سيفطهم ليا فليمي حسن منوهاد قوت الوراق
واخا امدموزيل..شي حاجة خرا
لا صافا طلات على الساعة كانت العشرة ونص الطلبية وصلات لعند الكليان
اه اندموزيل تسلمها
مزيان زيد ننزلو هاد النهار دگدگنا نيت
هبطو بجوج لتحت كان كلشي الموضفين خارجين وهونا كدلك خرجو من الباب سادات نجاة البيبان بالسوارت
تصبحي على خير
الللع يعاون
مشا ركب فسيارتو ومشا وهي كدلك خدمات لوطو طلعات وفالكرسي حداها لقات بوكي حمر ديال الورد خلا وجهها يكشر وضور راسها ياكما كاين شي حد ..هزاتو لقات فيه ورقة مطوية ومعطرة وحلاتها مخنزرة كاتقراها

.....

حل ليها باب الدار ودخلات مبسمة: شوووكرا بزااف ..صافي غير سير وخلي ليا داك الساروت فاش نكون خارجة نجيبو ليك

العساس: وااخا الالة هاكي

هيام: ميغسي 
....خداتو وسدات الباب فورما مشا..دوزات عينيها على الدار وتمات طالعة مع الدروج غادة للبيت اللي مقابل معاهم مشات حلاتو شعلات الضو وكان بارد شوية على شكل مكتب
..طفات الضو وخرجات غادة للباب اللي حداه وكيف ضرباتهها ريحتو عرفات بالي بيتو هو هادا..سدات الباب وتمات داخلة كاتبسم بزاوية فمها وعينيها ماكايبشروش بالخير مطلقا .. 
حلات البوشيط ومنو جبدات البارفان ديالها خاوي ممنو شوية..قربات جيهة السرير وبدات نش يامات نش نش ياماات نش، فوق الخدادي وعلى الكوفر وتحتو ووسطو فزگااتهم گااع ووقفات كاتعض شفتها مصغرة عينيها..ضارت للبلاكار فين مستفين حوايجو ودازت عليهم بالريحة كاااملين من التريكوات للقوامج للسراول للگراصن حتا التقاشر ماسلموش منهاا و ماخلات خيط الا وعطعطاتو بديك الريحة..حلات بلاكار اخر حداهم فيه غير الغطايات وليكوفر ديال اللسرير دوزات عليهم كدلك من الفوق للتحت حتا سالات ودارت خدمة نقية عاد وقفات كاتتنهد براحة وريحتها كاتشمشم فالبيت كلو الشي اللي خلاها تتبسم وتنطق بتعالي: دابا نشوفو اسي تاج واش غانبقا نغيب على بالك ولا غانبدا نبان لك فكل بلاصة هههه

..ردات الريحة للبوشيط غادة تخرج حطات ايدها على البواني هي تسمع خطاوي طوال طالعين فالدروج..صفاارت بالخلعة وتفتفات تاالفة كاضور وجهها فين تتخبا وواالو دماغها حبس من التوتر

............

سكتات طموبيلتها قدام ريسطو انيق مقفل ونزللات مطلعة حاجب وكاصور راسها على المكان..وقفات قدام الباب مطلعة حاجب وكاتمتم: شهاد الزمر تاني
..وصلها ميساج من رقم ممجهول حلاتو وبدات تقراه: الباب محلول..دخلي مرحبا بيك

طلعات حاجب ودفعات الباب الزجاجي كان بصح محلول ..تمات داخلة بتردد وسط داك الضلام كاضور وجهها لكل حس سمعاتو حتا تشعلو الاضواء وتحلو معاهم عينيها منباهرة من جمالية المكان.. وزاددت تفاجآت فاش شافت دوك لي كيك اللي صيبو اليووم مفرقين فكل طاولة ومزينين بطريقة رومنسية جميلة وكدلك البالونات اللي مفرقين فكل بلاصة

عادل: عجبك؟

ضارت للصوت ولقاتو واقف قدامها ايديه فجيابو ومبتاسم ليها

عادل: ولكن ماغايكونش اجمل منك

نجاة: مافهمتش؟؟؟

قرب عندها وهي عاقداهم ونطق بلطف: فاش غانبغي نعرض عليك للعشا غاترفضي أكيد.. عارف..ادن اللهم هاد البلاصة..وبهاد الطريقة ههه

نجاة: وكااضحك من الفووق..نتا لاش باغي توصل ؟ كانضن فآخر مرة وضحنا الكلام وحطينا النقط على الحروف لا؟


عادل: الهضرة اللي گلت ليك كنت قاصد كل حرف فيها.. نتي بصح ماشي غير مجرد اعجاب بالنسبة ليا..وباغي تكون ش..


قاطعاتو بعصبية: مرة خرا الى اتاصلتي بيا غانتفاهمو مزياان..تهلااا

بغات تخرج وشدها بالزرربة: بلاتي عاافاك تسناي..راك عاود تاني كاتفهميني غلط ..اجي غير نگلسو شوية ونهضرو ..وكانواعدك من ورا هاد الليلة الى مابغيتيش تشوفيني غانحتارم قرارك

هزات صبع فوجهو: وعمرك توريني كمارتك


عادل: الى بغيتي 
..طلعات حواجبها و تمات داخلة كاضور عينيها ..عاجبها هادشي وحتا الخاطر اللي مخدم معاها عاجبها كتر


دخل لبيتو كايلوي عنقو بتعب ساد عينيه وغير كايزفر ويتنهد.. فجأة ووسط البيت وقف جامد كايشمشم ويعاود فالجو وفحوايجو مقوص حجبانو ومتفكر بالي غير هيام عند من شم هاد الريحة..ززفر بقوة كااره ونطق نحت سناانو

تاج الدين: شهاد الززمر هاادي منيين جاات
..... توجه للدوش كاينصل حوايجو وكيف سد الباب خرجات هي راسها من ورا الخوامي كاضور عينيها بخوف
..ززيرات شفايفها بغات تخرج ساعا لسق ليها طرف من الساية فواحد المسمار صغير خارج من السرجم العرييض موراها خلاها تتعصب وضارت بالنترة كاتحيدو وواالو مابغاش يطلقها غير مكور على ديك الساية حتا بالغدايد جراتها قطعاتها گاع ووقفات تخرج فنفس اللحظة تحل باب الحمام ورجعات لبلاصتها بالزربة ايديها على فمهاا

...خرج لاوي على خصرو فوطة وشاد وحدة خرا صغيرة كايمسح بيها شعرو المبتل..طلات تاني عليه بطرف عينها وهي تخرجهم كاطلع وتهبط بتمااالة فديك العضمة اللي عاطيه الله كايبان سيكسي بكل المقاييس .. بالزرربة رجعات راسها اللور وقلبها كايضرب فالتسعين ندماات گاع لاش طلات ورجعات غير كاتسرط ريقها وتكسب الدقاايق 
..خرجات تاني شوية من راسها ولقاتو هاد المرة لبس حوايج الدار مخنزر ومعصب غير مع مخو..تكا ففراشو بالجنب مربع ايديه وعينيه مزيرهم.. شوية ضار على ضهرو كايزفر وسنانو كايتزيرو وعاود ضار على كرشو جا نيفو على الكوفر نييشاااان شم الريحة بوضووووح وكملاات البااهية دااباا وبدا كايتفكرها من اول نهار شافها حتال اللقطة ديال الباركيينگ.. دفع الغطا مكره وناض جرو كااامل لاحو فالارض ومشا جاعر للبلاكار حلو وجبد منو كوفر اخر فالابيض .. سرحو فوق السرير بلا خديات وتلاح فوقو كايتنهد..لكن واالو نيفو حس الهوا ماكايدوز منو ماكاين غير بارفاانها.. فأي جهة تلفت كايشم ريحتها وكايشوف طيفها وصورتها هاهي عندها سطاش لعام كاضحك هاهي كبيرة وناضجة كاضحك وغاماگال ليه قلبو الحنين اجي نفكرو انا وياك الفرق بين هيام ديال شحال هادي وديال داباا زاااد مرضو وعصبوو كتتر وناض بغضب خرج من البيت كاامل خابط معاه البااب ... وعلى ديك الخبطة خرجات هي حابسة الضحكة بزززز مزيرة شفايفها.. خصوصا فاش حالة البيت عرفان باللي الخطة تطبقات على أكمل وجه
...زيرات البوشيط وتحنات حيدات الطالون وهزاتو حلات الباب وتمات غادا خارجة بالحفا خرجات تنزل لتحت وقبل ماتمشي للدروج شافت المكتب ديالو محلول منو شوية هي تقرب كاطل مننو وواخدة حدرها لايضوور ويشوفها..
لقاتو ناعس معدب فوق الاريكة الصغيرة والجو واخا بارد داير بناقص من شي غطاا وغير كايسووط عاقدهم وكاايتلوا بالبرد كلا مرة متلفت لجيهة بسباب الريحة اللي مازال تابعاه ماعارفش باللي لاسقة حتا فحوايجو

..طلعات حاجب وضحكة تشمت على فمها: حوو فيك ..تستااهل نييت هه

واخا ماسخاتش من الشوفة ضارت كاتزرب نازلة مع الدروج حلات باب الدار غييير بالحس 
وخرجات ساداه وراها بشوية تااني وتما عطاات رجليها للريح طالقة الضحكة بصوت عالي ... صوت وصل لمسامعو وضن انو غير كايتخاايل فناض گلس بنرفسة ودفع برجليه الطبلة الزجااجية قداامو شتتها وشد راسو بين ايديه و بالمعقوول قرييب يتسطاا مافيهااش


بقات نازلة على البلا اللي قدامها كاتاكل وتعاود وماللي نزلات راسها ماهزاتو..
ومع عيا تالخدمة الكتيرة ماكلات ماشافتو ودابا غير شافت اللحم قدامها ومع لي صوص خرجو ريوگها وتلاحت عليه 

..عكس عيونو هو.. من شوفتها شبع وبسمة هايمة على وجهو حاضيها ومراقب تفاصيلها

شربات الصودا حداها ومسحات فمها راجعة بضهرها اللور تگهمات نييت: الله.. الحمد لله عاد شبعت

عادل: هههه بصحتك


شافت فيه مخنزرة: كلشي بسبابك اصلا.. ماتغديت فخاطري وحتا العشا درت منو بناقص

ضحك ببشاشة قارن حجبانو العراض: وأنا شنو درت؟

نجاة: لا واالو غيير هبطتي علينا بحال الباطل للكوزينة كااملة قربلناهااا

ضحك مرة خرا وضهرو مرجعو اللور كايشوف فيها ويسها ..ويعاود يشوف حتا طلععات حاجب

نجاة: شنوو!!

عادل: كان خاصني نعطلك ومالقيت حتا سبب من غير هادا ههههه وهاهوما ديالك بغيتي تاكليهم كوليهم بغيتي تديهم مرحبا

ميقات كاتشوف فليكيك ديالها على الططوابل: تگهمت وانا كانصيبهم اصلا "رجعات شافت فيه مجدية" دابا جيني للمعقول وگول شنو بغيتي

قرب عندها: المعقول

نجاة: نوريك دارنا تجي تخطب 

قلب وجهو جيهت كتفو كايضحك؛ دااكشي نيت اللي بغيت ههههه

نجاة: مافهمتش انا من اللي جيت ونتا غاكاتضحك ماالي اخوياا بنت ليك كلون متلا

عادل: ههه كانفوج معاك

نجاة: هي كلون؟

عادل: لا حاشا هههههه غير نتي اللي باغا تغوبشي شنو كاتخلصي على الضحك متلا هههههه

نجاة: ماكانضحكش مع اللي كان

تنهد كايشوف فيها: حتا أنا..كانقسم ليك الى راه غير معاك 

نزلات دغيا عينيها وردات شعرها اللور كاتخفي توترها: دابا شنو...هضر خلاص راه تعطلت 

عادل: ماكرهتش نكونو اصدقاء..شوفي بلا ماتجاوبيني دابا وتتسرعي انا راه كانعني كلا كلمة گلتها ووالله ماتلقاي شي صديق فحالي 

نجاة: واتاايق فرااسك

عادل: نتي مابغيتيش نكونو على علاقة واخا ماشي مشكيل..ولكن على الاقل ماباغيش نخسر وحدة فحالك..انا ماعنديش گاع الخوت..وبغيت نعتابرك بحال ختي ..صافي شنو ..موافقة؟

طلعات حاجب حاضياه كاتخمم وهو متأمل فيها باغيها توافق بشدة

★★★★★

طلعات لسيارتها وديمارات مكسيرية فالطريق ومنظرو بين عيونها العسلية متنغمة بيه ومبرردة القمعة ديال الصباح والنخال اللي عاطيها ..

دقائق قليلة وكانت قدام الفيلا طفات اللوطو ونزلات غادة للباب حتا فجأة كاتتجر من ايدها وضارت عندو بوجه مصدوم قارنة حجبانها فيه: جماال؟؟؟

حمر فيها مزياان كايبخ العاافية وايدو مزيرة عليها: فين كنتي حتاااال هاد الوقت؟؟؟

هيام: ن نتا شنو كادير هنا فهاد الليل

جمال: ااه مززياان اللي عارفة باللي الوقت معطل.. وداااك التيليفوون بالسلاامة اللي من الصبااح وانا كانصووني لييك فييه وغادي من قققنت لقنت كااانقلب علييك؟؟؟ شنووو نديرو فيهااا

نترات ايدها وبدلات ملامح الصدمة بعصبية فارطة


نترات ايدها وبدلات ملامح الصدمة بعصبية فارطة وجاوباتو: وعلاش اخويا غااتقلب عليا

زااد الڤولوم: على دااك التخلوييض اللي مدخلة فيييه راسك ..وااااش عارفة اليووم كونمااا تدخلت شنوو كاان غايوقع ليييك ..كنتي غاطيري اابنتي غااتموووتي 

خنزرات كتتر مافاهمة والو: كيفاش نمووت ولا نطير نتا على ااش كاتهضر؟؟؟!!!

جمال: على دااك الخنزز اللي بااقي عندك ومابااغاش تففرقي عليييك.. وبسباابو دخلتي رااسك فحواايج ماعاارفة تا**ك شنااهوووما

سررطات ريقها كاتلهت وضور راسها للباب: ش شنو ك كاتخربق اجمال؟ و واش تسطيتي

جمال: بلااا مااااتنكري حسن ليييك اهياام ماااتمرضيييش دييييلمي كتررر هااد النهاار..وااش نسيتي العداااب اللي عشتي فالممركز بااش تحيديييه.. دااك البكا والغواات والوووجع ضرربتي كلشي فالزييرو وغررقتي رااسك فخنززز انااا اللي رااجل ماكاانديرووش

هيام: سسسكت غااتفيق النااس..و نتااا اصلا ماالك نمووت نديرو نحييدوو طلبتك على شي حاااجة ؟؟؟

جمال: هااد الهضرة طلعيهاااا معااك كااتسمعي.. وللكن بلاتي غدااا ونكملوو هضرتناااا مزياان

ضاار مجنن حيت حاس براسو غاايضربهااا ودقتو خاايبة.. طلع لسيارتووو وكسيرا بالجهد حتا تحكو الروايض مع الطريق ..كاينفخ وحدو ويتفش وقلبو ضاارو عليها بالجهههد ..صونا تيليفونو وجاوب بحدة

جمال: ساليتي داكشي

-نضينا الامور اسي العوماري كون هاني

جمال: مانعاودش نلقاهم ضايرين بيها ولو من بعيد ..كاتسمع

-لا صافي تهناا حلينا الموضوع

جمال: صافي مزيان.. رجعو دابا للفيلا وهادشي يبقا بيناتنا مابغيتش الواليد يسيق ليه الخبار

-كون هاني اسيدي
.. قطع وضور عجلات اللوطو خارج من المدينة فإتجاه شقتو الخاصة اللي فاش كايكون مشوش التفكير ولا فقمة عصبيتو تما فين كتيمشي
....
هزاات ايديها زيرات بيهم راسها اللي كايمشي ويجي بعصبية وداتها كاتترعد عليها..شحال من واحد مازاال خاصو يعرف؟ هاعاليا من بعد جمال شوية اميمة وعمر وكلشي..وحتا تاج الدين منهم..هو اللي حبس عندو تفكيرها وبقات كاترمش قدامها برعدة خائفة من ردة فعلو .. ممكن يكرهها ..ممكن يحتاقرها ..وممكن جدا ينفر منها، كلشي وارد ..هزات البوشيط من الارض مابقاتش باغا دخل گاع جبدات الكونطاكط وطلعات للوطو مسرعة وعينيها بالدموع مضببين


★★★★★

قدام دارهم وقفات سيارة عادل.. شاف فيها ماحي ديك البسمة اللي مافارافقتوش من الاول: ماسخيتش

هزات ساكها تنزل: تصبح على خير


قبل ماتحل الباب شد يدها بنظرة فشكل فعينيه فكري مزيانعافاك..انا محتاجك بزاف انجاة
حيد ايدو ببطء وهي هبطات قارنة حجبانها وترمش غادة للدار وهو بقا حاضيها حتا دخلات عادد تنهد بحرقة وكمل طريقو للمجهول..
. ..... دخلات فداك السقيل والضلام طلعات نيشان لبيتها حيدات السباط ومدات ايدها شعلات اللضو هي تقفز فاش لقاتو گالس مقابل معاها فوق فوطوي صغير وعينيه حمرين مدمعين كايخلعوو

نجاة: خلعتيني ازمر ديير غير الحس بعدا

جاوبها بصوت هادي: فين كنتي

بدات كاتحيد المونطو: فالخدمة فين غانكون

ماحساتو حتا وصل عندها وايدو فشعرهاا كايديها ويجيبها بعصبية وهي طاالقة الغوات ماعرفات راسها باش تبلات: من اييمتاااا ووليتي كااتككدبي اااا ؟؟؟من اييمتااا ولا فييك التخلوييض والكدوووب الكللبة

هز ايدو وعطاها تصرفيقة قااصحة لاحتها على السريير حالة عينيهااا بصددمة والدموع فعينيها تجممعو وهو قداامها غادي جااي كايهلل

حسام: شكوون هاادااا اللي بقيتي معاااه حتاال هاد الوقت؟؟؟ بحاال دياال دييك المررة ولاا نوعتي السلعة دوييي ياا ال*حقة شكوون اللي كنتي معاااه

ووقبل ماتستوعب شكون هاد الانسان اللي كاتشوف قدامها دخلات عليهم عيشة كاتلبس زيفها ووجها مخطوف: يااك لاباس نتوما مالكم

خنزر فيها كااينهج وهز سيارتو خاارج مخليها باقا حالة عينيها قدامها كاتلهت حتا هي وماقدرات حتا تسمع صوت ماماها اللي كاتسول وتعاود..ناضت بالزربة تخطاتها داخلة للحمام سداتو وحلات لافاابو كاتبرد وجهها السخووون و طلعات عينيها فالمراية لقات الحنك حمرر كايفور وجنابو فيهم الزروقية


الصدمة عاد بدات تحيد والشاهدة كاطلع معاها..الوجه اللي شافت منو اليوم عمرها تعوداتو لا من تصرفو ولا داك الصوت الحجري مستحيل يكون ديال حسام الشاب الهادئ الضحوكي اللي من صغرها وهي كاتعرفو
..مسحات وجهها وخرجات بتتاقل لقات ماماها رجعات لبيتها تنعس وهي مشات لسريرها وتكات مغطية حالا عينيها قدامها كاتخمم..

★★★★★

فاخر الشارع بلاصات طموبيلتها ونزلات بعينين كايضورو فكلا بلاصة مزيرة على المونطو ..وقفات قدام قهوة الشيشة فين مولفة تتلاقا بصديقها المجهول اللي كايريحها كلامو ونصائحو فالحياة
..دخلات من الباب كاتقلب فاش مالقاتوش فين موالف يگلس بدات بين الطوابل والكراسا والعيون عليها،و كونما عرفوها من طرف الباشير كون باشرو بيها بعدا ..

اتاجهات عند سرباي مولف يجي عندهم ووقفاتو تسولو: بلاتي عافاك

-نعام اختي

هيام: الله يخليك داك الرجل اللي مولفة كانجي عندو واش ماكاينش اليوم

-كادوي على الباشير

هيام: م اه اه الباشير ..فين هو 

ضور راسو لايسمعو شي حد وقرب عندها: وااش غنگولك اختي الصراحة السيد فالسبيطار دابا

وسعات عينيها ممصدقاش: كيفاش السبيطات

- واماعرت انا هادشي اللي سمعت من واحد صاحبو

هيام: علاش مااالو شنوو وقع ليه

-والله ماعرفت اختي ولكن راه وطايح كومة دابا

شهقات وايدها على فمها..رققو عيونها ورمشات باش يطيحو دموعها حارين على الخدود ورجعات دوات بصوت مرعد وقالت: عطيني عافااك سميت الكلينيك دغيا عافاك

-ارا نقيد ليك فين جا 

حلات البوشيط كاتفتف وعطاتو ورقة وستيلو مخلوعة عليه بزاف وفخاطرها كادعي ماتكونش حالتو خطيرة


توقفات سيارتها قدام الكلينيك وبعد دقايق نزلات كاتزرب ..خدات رقم الغرفة وسمحو ليها بعد اصرار منها انو طلع تشوفو

..تحل الاسنسور ونزلات كاتزرب لرقم غرفتو حتا وصلات ليها وحلات الباب بلهفة كاتت تما جميلة ناعسة و حاطة راسها فكرشو ومزيرة على يديه بين ايديها
..سدات الباب كاترمش فيها ودخلات كدور عينيها بينهم بجوج جرات كرسي تگلس حداه هي تقيف قافزة

هيام: سمحي ليا ماقصدتش نفيقك "انتابهات للطابلية البيضة" ادكتورة

حكات عينيها واتار النعاس شاد فيها من بعد شافت فيها كاترمش: نتي شكون؟

شافت فيه هيام بحصرة ونطقات: من العائلة ديالو..عاد عرفت باللي دخل فغيبوبة..واش حالتو خطيرة بزاف ؟؟ 

جميلة زيرات ايدو كاتشوف فيه: سرطان

بصدمة حلات عيونها الدامعة: سرطاان

جميلة: اه.. وغدا غاتكون العملية

هيام: واخا نبقا معاه شوية..خاصني نهضر معاه

جميلة: خودي راحتك انا غانمشي للبيرو ديالي

ناضت خرجات وخلاتها شدات ايدو.. كاتترجاه بعيونها واخا ماكايشوفش ودموعها كايقطرو على صباعو: عافاك ماتموتش ..مازل محتاجاك ومازال محتاجني هءهءهءهء و ياك گلتي ماغاتموت حتا تلقاها هءهء غاتقلب على المرا اللي كنتي كاتبغي فينما كانت وكيفما كانت سوا مزوجة ولا مطلقة ولا مينة غاتقلب عليها وتلقاها هءهءهء نتا بااقي محققتي أمنيتك الاخيرة.. ماتمشيش دابة عافاك هءهءهء ماتخلينيش حتا نتا . ..
حطات راسها على ايدو كاتبكي وضهرها كايتهز ..وجميلة من ورا الباب حاطة عليه راسها ودموعها سيالين بحرقة وحصرة حتا هي


اشرقت شمس جديدة لصباح جديد جايب معاه احدات جديدة..

صبح فيه تاج الدين على قمة عصبيتو خارج من الاسنسور قاارنهم فإتجاه سيارتو والعساس كيف شافو وقف كايفرنس من الودن للودن

العساس: اتبارك الله على سي تاج الدين عقبال مية عام

وقف مخنزر وضار ليه : شنو؟؟؟

جمع الضحكة كايتمتم: ص صباح الخير اسيدي

ضار ماداهاش فيه يطلع وشوية عااود رجع عندو كايحك راسو: اجي لهنا نسولك

العساس: نعام اسي تاج الدين شحب الخاطر

تاج الدين: البارح جا عندي شي حد ولا دخل للدار

العساس: ل لا لا اسيدي بالعما بالعمااا ماجا حد

تاج الدين: متأكد! ماجات تامرا هنا 

العساس: لا لا ههه.. اويلي اسي تاج الدين انا ديما هنا مابانلي حد.. و و وعلاش ياكما وقع ليك شي مشكيل ولا تشفرات ليك شي حاجة

زفر مكرره: صاافي نساا..جيب شي وحدة تنقي ليا الدار بغيتها دوز على كلشي ..وحوايجي كاملين جمعتهم ليك قدام الباب ديهم للمصبانة

العساس: كاامليين !!!! "ضرب فيه تخنزيرة سانك سنك تجمع فيها كايتمتم" وواخا اسي تاج الدين كون هاني.. غ غاهو راه الساروت توضر ليا

طلع حاجبو بحدة: كيف دار تاتوضر..وايمتا هادشي

العساس: هااد الصباح..غير هاد الصباح كنت غادي نجيب الفطور للالة بهية وفاش كنت راجع ..ط طاح ليا ديالك وديالها فالقادوس مع كت ملاسقهم بجوج

ساط وجبد ديالو مدو ليه: رد البال مرة خرا ودير منو الضوبل

العساس: واخا اسيدي كون هاني.. الله يوفقك ..الله يسهل عليك

....طلع لسيارتو وديمارا

.........

حلات عينيها ببطء كاترمش فوق الكرسي ومغطية بغطا خفيف ..راسها عاطيها الصداع وداتها مدگدكة مع نعسات معدبة ..بقات كاتستعقل اللي طرا البارح وتفكرات راسها باللي باقا فالكاينيليك معاه..
زفرات وحيدات الغطا ،ناضت بحال السكرانة كاتفوه ماقادراش تحل عينيها دازت للحمام فالشومبر غسلات وجهها مزيان وخرجات عندو..
باست ايدو ونطقات بهمس بينها وبينو مقوية كلامها عكس الضعف اللي كان فيها الليلة الماضية: غانكون معاك فاش تكون داخل العملية..و غانتسناك تفيق باش نقلبو عليها بجوج..كانواعدك غانلقاها لك فينما كانت

باستو مرة خرا وهزات البوشيط كاتتنهد خارجة من غرفتو وكاتزرب .. تزامنا مع خروجها دخل هو للمستشفى هاز الطيلي والكونطاكط فيدو.. مشا وقف على البنت اللي فالاستقبال وهي دازت من حداه غادا خارجة من الكيلينيك فإتجاه سيارتها..
كيف طلعات دارت السمطة وصونا تيليفونها بميسلج حلاتو ولقات جمال مسيفط ليها"انا جاي عندك للشركة.. متتعطليش" 

زفرات بالجهد وخدامات اللوطو محركة من تما


....

جميلة: دابا غانبقاو مراقبين الوضع ديالو مزيان ..والعشية عاد غانبداو فيها

تاج الدين: تقريبا معاش

جميلة: العشرة هاكاك 

حرك راسو كايشوف فيه من الزاج مزير ايدو

ردات عليه بحنية وبسمة خفيفة: ماتخافش ..كلشي غايدوز بيخير

تاج الدين: ماخايفش 

جميلة: لا خايف.. عارفة هاد الشوفات مزيان حيت فايت ليا شفتهم من قبل..خللي تيقتك فالله وفيه هو

تاج الدين: ماغايخليناش.. مايقدرش يديرها

جميلة: وأنا غاندير اللي فجهدي باش مايديرهاش.. ونتمنا مايقصحش راسو فحال ديما.. "سكتات فاش حسات راسها شنو گالت شافت فتاج الدين لقاتو اصلا ساهي فيه ماهواش معاها ..وزفرات غادة لخدمتها كاتسوط بعياء من قلة النوم ومن قوة التفكير


داز وقت ليس بقليل تمات خارجة من الفيلا بعدما فطرات وبدلات حوايجها بكسوة خفيفة خضرة كم مزيرة تال الركبة وشعرها طالقاه ملوي على كتافها..هازة ساك أسود بسمطة طويلة وراسها مهبطاه فالطيلي كاتبقشش فيه ضارت بوجهها جيهة الجردة ولمحات عاليا گالسة فوق الكرسي ساهية فالورد ووجهها دابل..بقات متسمرة كاتشوف فيها رجل تگوليها سيري شوفي مالها ورجل كاتمنعها بواش هي سوقها وترجعها اللور، حتا تنهدات مزيرة على عينيها وغادة عندها كاتنفخ .. 

وقفات عند راسها حاجبة عليها الشمس ونطقات بهدوء: صباح الخير

بسمات ليها بوجه صفر خالي من المكياج وناضت تقابللات معاها وردات عليها ببحة: صباح النور حبيبتي

هيام: مالكي ؟ واش مريضة بزاف ولا واقع شي مشكيل مع راجلك

عاليا: لا ابنتي غير العيا وصافي ..وقنطت بوحدي بين هاد الحيوط

هيام: علاه دوك الصحابات اللي كاضلي خارجة معاهم فين هما دابا

تنهدات وبانكسار تكلمات: حتا حاجة ماكاتزدق فهاد الدنيا.. وأنا بالدات عمر شي حاجة زدقات ليا

زمات فمها وحجبانها مقوصين متمعنة فحالتها اللي مابقاتش عاجباها.. بين ليلة ونهار حسات بديك الام الطايشة المستهترة كبرات عشر سنين وكلشي تغير فيها لا من الهضرة ولا من الشوفة ولا من الملامح..تنهدات بحيرة كاضور الهضرة فدماغها ونطقات بالزربة ضاغطة على يدها: تبغي نخرجو بجوج.. نتغداو على برا وندويو شوية

وسعات ابتاسمتها كتر وعينيها رققو بالدموع: بغيتك غير تسمحي ليا اهيام.. مانستاهلش منك والو من غير تسمحي ليا

-هربات عينيها من دموعها ونطقات وهي غادة لسيارتها: مع الجوج ندوز ليك كوني واجدة ..
رمات عليها هاد الهضرة وطلعات فسيارتها متوجهة للشركة ... 

....فحين فالمستشفى كان باقي گالس جنب الباشير شاد ايدو وساهي قدامو حتا سمع رنة الطيلي .. جبدو وزفر فاش شاف الاتصال من عيشة .. ناض باس جبهة الباشير وتم خارج من الكلينيك فاتح الخط

تاج الدين: الو مي 

هيشة: الو ولدي فينك راه غانتعطلو 

زفر كايدوز ايدو على عينيه: انا جاي

عيشة: ومال صوتك مبحح ياك لاباس

تاج الدين: ماكاين والو غير ماناعسش مزيان..نص ساعة ونكون تما سيري سبقيني نتي

عيسة: واخا اولدي وماتعطلش الله يرضي عليك

....قطعات ورجعات كاتقاد فولارها البيج فوق كتافها ..لابسة جلابة مخزانية جديدة فاللون الاخضر ملكي وبلغة بيج فرجليها ..سمعات الصونيط فالباب وبدات كاتعيط: نجااة.. نجااة ..يااهاد البنت سيرري شووفي شكوون ،وانجااة .. اربي السلامة هاد البنت ماكاتعياش من النعاس يخخخ 
.. مشات هي للباب كاتنفخ حلات وتحل فمها بابتسامة: زارتنا البراكة الهارب 

حسام: ههه هاناا على عويشة تاني والخضرر اي هاي هاي شهاد الزااز هههه "مد ليها الورد حمر"

عيسة: وهادا لاش هههه

حسام: غادين تخطبو بلا ورد ناقصة لا ههه

عيسة: واغي كنت ناوية فالطريق نشريه ولكن ملي جا من عندك راه مزيان هخهخههه
دخل دخل ماتبقاش فالباب


حسام: ايه بسم الله هههه 

"دخل مبسم ..عينيه كايدورو 
وكايقلبو عليها
هي اللي كانت الفوق كاتبدل حوايجها بالنترة 
..فاقت كلها خاسرة وحجرة قاصحة واقفة لينا فالحلق كلما شافت الضربة
..والاحساس اللي عندها لداخل ماعرفاتو خوف منو ولا تفاجأ ولا صدمة ولا شداكشي بالضبط الاهم متأكدة ان داك الشخص ماشي هو حسام اللي كاتعرف بتاتا
.. داك الدري الضحوكي المهدن يستحيل يكون هو نفسو وهادشي بحد داتو ررونها 

..سدات الكويرة فوق الدجين وسبارية حمرة فرجليها ..
قادات شعرها البرتقالي غير بصباعها وعاود دوزات البودرة فوق حنكها حاولات ماأمكن تخفي ديك الحمورية 
وهزات الطيلي دارتو فالساك وخرجات سادة الباب 
..ماحدها نازلة فالدروج وصوتو كايتسمع فودنيها وهو شاد فعيشة

عيشة: هههه اتا سكت رااجنبي درني بالضحك ههه

حسام: ومااتعرفي راه كترتي الزواق اعويشة هههه زاايدون مالك تبيريميتي صافي ربيتي دااك الحتروف شوفي ليك تانتي شي شويرف تحطي عليه شيباتك ويحط عليك شيباتو ههههههه

غطات فمها بالزيف زنگها بلحيماري لاخر: هههه اوييلي كوون تحشم 

حسام:هههه ومالو حرام اعويشةههه ولا بلاتي انا غانشوف ليك راه نيت فالشركة عندنا الوزاني السيد كبير وشارب عقلو غاتواتاو هههه وزيد عليها زيين زيين غايعجبك

ضحكاتت حتا عيات وختماتها بتنهيدة كاضور فراسها وتعمر الساك بداكشي اللي غاتحتاج: احياانا ااولدي علاه بقات فالزين
.. هاأانا يااك ديتو شهوة منو راجل ايوا شنو عطاني گااع من غير العداب.. خلالي تاج الدين باقة عندو خمس سنين ونجاة يالله مكملة عاماين ومشا هو بات ماصبح.. تابع الفلوس والزهو.

قرن حجبانو بجدثة وخفظ صوتو: واش عمرو گاع هضر معاك ولا سول فيهم

عيشة: وتگووول بحالا ماشي ولادو..وحتا فطلاقي ماشفتش كمارتو خليت غير المحامي يتكلف ..علم الله دابا فين دايع وعلى اشمن حيوطة متكي " تنهدات " الله ياخد الحق وصافي

..تخبط باب الدار وضارو ليه بجوج

عيشة: اربي السلامة على بونت وتهرسو

حسام: انا راجع اميمتي


هبط فالدروج دغيا لقاها عاد غاطلع فسيارتها وزرب شدها، الدورة اللي غادور جمعاتها معاه ببونية للوجه كمدها وبقا مزير عينيه ووجهو ضاير كايسمع غوااتها

نجاة: اااخر مرررة تتتحط عليااا اييدك ولا نسووفك قداامي كاااتسممع ..ولا واللله حتااا نعااود كللشي لخوويا

..طلعات بالزربة قبل مايعرف يجاوبها وكسيرات كاتنهج غير غادة وتسوووط حتا صونا ليها الطيلي.. كانت ناوية تقطع ساعة لقات تاج الدين هو اللي مصوني تنفسات مزيان وجاوبات: الو

تاج الدين: الو نجاة..صافا عاد فايقة؟

نجاة: اه عاد نضت محتاج شي حاجة

تاج الدين: گولي للواليدة باللي تحبست فلومبطياج وغانتعطل عليكم مازال..ماعرفت تيليفونها فين حطاتو حتا ماكاتجاوبش

قرنات حواجبها بعدم فهم وسولاتو: علاش فين غادين؟

تاج الدين: هه علاه مافخبارك والو

نجاة: لا شنو كاين !!؟

وصلاتها تنهيدتو الحارة قبل مايهضر ويقول: غانمشي نخطب هدى اليوم

فرانات مصدومة وعينيها خارجين: كيفاااش

تاج الدين: واش فرانيتي فالطريق الحماارة ؟؟

نجاة: ب بلاتي بلاتي واش.. هدى ؟؟..غاتخطبها نتا ..غاتخطب هدى واليوم عاد

تاج الدين: ومالك كاتفتفي تما, الواليدة ماگالت ليك واالو مافهمتش

زيرات سناانها بعصبية: علاه عندها الوجه اللي تعاود ليا بيه

تاج الدين: مالكم نتوما هاد اليامات شنو درتي حتا خبات عليك موضوع بحال هادا

نجاة: حيت واقفة ضدوو اخوويا وااش من نيتك تزوج بوحدة ماكاتبغيهاااش

باستهزاء: طفرتو حتا مع اللي كانبغي هه غير سيري لخدمتك انا غانعلمها 

...قطع وخلاها كاتفور بلاصتها شادة الطيلي كاتشوف فيه وتخمم واش تعيط ليها ولا تصبر بلاتي .. 
بقات حايرة غير بوحدها فالاخير دخلات للواطساب سيفطات ليها اوديو ودارت دومي توور راجعة للدار كاتغدد 

★★★★★★

....تحل الاسنسور ونزلات منو هازة وراق فيدها وغادة فإتجاه المكتب ديالو... شافتها المساعدة وناضت بابتسامة نطقات

المساعدة: ماكاينش امدموزيل

طلعات حاجب مستغربة: علاش باقي ماجا؟

المساعدة: لا ..اتاصل وگال باللي الموضوع شخصي وماغايقدرش يجي النهار كلو 

مدات ليها دوك الوراق وغمزاتها: هادو عارفة فين تحطيهم ياك 

المساعدة: غير تهناي فاول فرصة غايكونو بين ايديه

تبسمات: مزيان.. الى جا علميني

المساعدة: واخة امدموزيل كوني هانية

خلاتها وطلعات للاسنسور غادة للمكتب ديالها وكيف حلات الباب لقاتو فوجهها گالس ومخنزر فيها بالبيان: على السلامة

زفرات متدكرة داكشي ديال البارح ومشات للكرسي گلسات عليه وشابكات ايديها بنظرات جدية: هأنا جيت شنو كاين


جمال: الباارح النعااس ماشفتوش وانا كانفكر فهاد الزمرر اللي طيحتي فيه رااسك..دابا بينااتنا وقبل مانعرف من جيهة خرا واش غير هادو اللي كايتسالوك

قلبات عينيها وتكلمات ببرود: ااه غير هوما..نتا شكون گالها ليك

جمال: شفتهم تابعينك وكايتسناو غير الوجيبة اللي يخطفوك فيها، كونما تدخلت وعرفت الموضوع شنو فيه كون علم الله فين غاتكوني دابا

زيرات سنانها قالبة وجهها: غانرجع ليهم فلوسهم هاد الشهر خاصني غير نتخلص

جمال: مابقا عليك حتا دين، دابا جمعي راسك راه الموت ودزتي حدااها اززمر

هيام: نتا خلصتييهم ؟؟؟ طلبت منك شي حاااجة شكييت عليييك

وقف بعدما هز تيليفونو وهز فيها صبعو: هادي ديير لك العقل ووايااك تعااودي تتسلفي من شي حد ولا نلقاك باقا ماقاطعاش داك المررض، راه عينيك نجبدهم

هيام: فلوسك غانردهم ليك اجمال وشي لاخر ماسوقش فيه

جمال: هانتي غاتشوفي فاش غانحصلك واش سوقي ولا لا 
...مشا خرج بلا مايتسنا ردها
.. نزل للتحت وقبل مايطلع لسيارتو جاه اتصال وفتح الخط دغيا: الو

-سي العوماري عندي ليك خبار جديدة بخصوص المرا اللي كلفتينا نقلبو عليها

جمال: لقيتوها؟؟؟

-كاينة فمدينة مراكش اسيدي ..فين بالضبط باقي ماعرفناش ولكن رجالنا تما وكايسولو فكل بلاصة

جمال: مزياان وفأسرع وقت بغيت نعرف

-دايرين اللي فجهدنا اسيدي

جمال: يالله تهلاو وتبارك الله عليكم الدراري ..قطع متنهد براحة عاد طلع وديمارا من تما
..هز تيليفونو كايصوني لأميمة اللي باقا فمخدتها مخشية، هزات الطيلي وجاوبات بعينين مسدودين وصوت خاافت: الو

جمال: العاااافياااا العااتافيااا نووووضي هرربي جررررري

قفزات من بلاصتها مخلووعة: اععععع شنووووو 

جمال: هههههههههههههه

أميمة: ايوا الله يمسخك الحماار الكلبة هي اناا اللي مجاوباك

جمال: واخا على مك الكنييشة .. شوفي اليوم غانتعشاو بجوج

أميمة: غااانخرااو لا

جمال: الخرا من بعد دابا خلينا فالعشا..فالليل ندوز ليك

أميمة: اااه حلم حلم أنا بطاا عليا غااإمتا مانشوفش كمارتك ونتا باغي نتعشا معاك البعابع لا

جمال: عنداك تتعطلي وتلبسي شي حاجة قصيرة نحشهم ليك
..قطع فوجهها كايضحك وصباحو عاد طلع هو هاداك مبهج منور وكمل طريقو للخدمة


-مرحبا بلالة عيشة مرحبا بيك ونهااار كبيير هادا

بابتسامة ردات عليها وهي گالسة فصالون بلدي حداها نجاة غير طالقة التخنزيرة ماعاجبها حاال وراجل كبير مقابل معاهم : الله يبارك فيك اختي صفية والله يكبر بيك ههه

ااراجل الكبير: افين سي العريس شفتو مازال ماجا هههه

عيشة: غارق فالزحام ديال الدريق اسي حميد راك عارف الدارالبيضا كيف دايرة ههه

صفية: زارتنا الباركة والله توحشنااك وتوحشنا الدرب وناسو ههه 

عيشة: ايوا نتي اللي غبراتك ديك مكناس مابقيتيش گاع تتباني هههه

صفية: وعلاه اختي كرهت هههه ماللي مات المرحوم لقيت بالي حسن ليا نرجع عند العائلة بااصة مانبقا غير وحدي فالدار.. وراك عارفة حتا من هدى كاضل غارقة فخدمتها وانا دوك الحيوط كايخنقوني

خنزرات نجاة كاتمتم: بااز بوجهها حمر مخليا بنتها بوحدها فالدار وغادة كاتسافر الله ينعل اللي مايحشم

جمعاتها معاها عيشة بقرصة الفخض وهي كاضحك للسيدة: ههه ايوا الارزاق هوما هادو ههههه

صفية: ايه داكشي اللي مقسم الله..وداكشي علاش باغا هادا اللي غايدي عوينتي يگد بيها ويصونها راك عارفاها مسكينة شحال تعدبات ورا مامات المرحوم.. مالقينا لا حنين لا رحيم من غير خويا حميد

الحاج حميد: الله يرمحو مسكين

عيشة: الله يرحمو ويصبركم اختي...تاج الدين راه ولدكم وراكم عارفينو شنو تايسوا وتربيتو كيف دايرة

صفية: لا اختي من ناحيت تربيتو راك ربيتي وعرفتي شنو ربيتي الرجال فحالو قلااال فهاد الوقتؤ وكلشي كايدوي عليه غير بالخير ماخلا من عاون ماللي عاد خدم وشحاال من واحد كان غامشومر كونما هو كون راهم مبلليين واللي تلاقيت معاها كاتشكرو ليا.. داكشي اللي خلاني مهنية من جيهة بنتي وفرااحت متصوريش قداش فاش گالت ليا هدى باللي باغيها للحلال

نجاة نفخات وهزات كاس ديال الما شرباتو كامل فنفس الوقت تدق الباب وناضت أم هدى تحل وابتسامة على فمها فاشلقات تاج الدين واقف قبالتها محيد الفيسط شادها فيدو وحال الصدايف اللوليين من الشوميز كولو عرقان بالصهظ 

صفية: ههه دخل اولدي مرحبا بيك

بسم نص تبسيمة وباس راسها: خالتي كيبقيتي شوية

صفية: الحمد لله كلشي في أمان الله هههه

..دخل للصالون سلم على الراجل وباس راس مو وگلس حاط ايدو على فمو وساكت 
..فوجهو باين مامرتاحش والهم فعينيه واضح
..حاول الحاج حميد يجمع معاه ولكن كايلقا جوابو غير اه لا ممم بصح..ماعندو خاطر للهضرة وكلا خطرة يتقاد فالجلسة بحالا مبركينو على الشوك هادشي اللي ماعجبش الحاج وحتا عيشة بدات غير كاتساعف وتجاوب بلاصتو وكلهم فسرو بلي مشغول بحالت الباشير اللي فمقام الاب ديالو
..إلا نجاة اللي حاسة وفاهمة خوها شنو بيه وخاطرها مضرور من جيهتو

ناضت صفية خرجات من عندهم وبعد دقائق دخلات مرة خرا بطباسل الحلوة وهدى مورااها بقميس خفيف عصري هازة صينية اتاي وشعرها مطلوق وراها مززنگة ماقدراتش تشوف فيه وهو كدلك ماهزش فيها الشوفة وغير كايتنهد بضيق


توقفات سيارتها فمطعم راقي نزلات داخلة ليه واختارت طبلة بعيدة شوية على الانظار گلسات فيها وهزات الطيلي فيدها..وقف عليها السيرفور وشافت فيه بابتسامة هادية

هيام: باقي ماغانكمونضي كانتسنا واحد الضيفة

تحنا ليها ومشا فحين هي شعلات الطيلي تاعها لقات ميساجات كتار واللي اتار انتباهها هو ديال نجاة.. دخلات تسمع ليه وفنفس اللحظة وقفات عليها عالية لابسة كسوة سوداء شيك موضيغن وماكياج خفيف مغطيا بيه الصفورية والهالات اللي اكتاسحات تحت عينيها

-حطات الطيلي جنبها وابتاسمات ليها: دابا حسن .. وجهك رجع فيه شوية النور

عاليا: واخا هاكاك مخنوقة 

جا السيرفور قاطعهم وبدا كاياخد طابياتهم

هيام: poulet à la moutarde,à l'estragon et aux champignons..مع كولا باردة

عاليا: فحالها..وجيب ليا ويسكي بارد عافاك

شافت فيها وسكتات مطمرة فحين عاليا غيير مدورة راسها وكاتتنهد

هيام: ماغاتعاوديش ليا مالك

عاليا: ممابيا والو احبيبتي غير عيانة شوية..ولكن دابة ماللي معاك مزيان ههه


....بدا كايضلم ااحال والشمس كاتغرب ...وبعد الكلام والصواب وبعدما تققدمات عيشة بطلب يد هدى ووافقاات صفية وخالها..ناض تاج الدين موراه مو ونجاة سلمو عليهم مبسمين والابتسامات تختلف.. منها الي بدافع الفرحة ولا اللي غير فوق الخاطر ولا بسمة الغدايد ولا بسمة الراحة 
..وتمو خارجين بعدما قضاو الغرض علاش جاو نزلو للوطو ديال تاج الدين وكسيرا نيشان للكلينيك خاصو يكون تتما قبل العملية وحداه عيشة قلبها كايرفرف ومن قلبها كادعي معاه بحال حالهم كلهم ... وبحال حالها هي فالمطعم بقات گالسة بوحدها بعدما مشات عاليا.. طلات على الساعة ولقاتها التسعود ونص تنهدات وهزات بوشيط ..خلصات وقبل ماتنوض اتار انتباهها الاوديو اللي جاها من النمرة ديال نجاة .. 
ماعرفات مال نفسها مزيرة وصباعها ترعدو قبل ماتفتحو وبدات كاتسمعها
(السلام هيام صافا احبيبة..قبل ماتسمعي شنو غانگول تهدني عافاك هو الأول وخدمي دماغك .. اليوم تاج الدين "عضات فمها" تاج الدين غايخطب هدى......) ..تسمرات بلاصتها وقلبها مشا وجا على غفلة ضناتو سكت گاع ..عااد البارح كانت ضانة باللي هو ملكها غير هي ..ديالها بوحدها وغير حبها اللي ساكن قلبو...واش صافي بصح داك الحب بااحح؟ نساها فمرة وداكشي اللي حلف بيه ططببقو بالحرف ..صافي تاج الدين مابقات عندو حتا بلاصة فقلبو لهيام وبدا كايأسس حياتو مع الانسانة اللي خرباتها ليهم
.....ودنيها صفرو تصفيرا وحدة مابقات سمعات حتا حاجة من هضرة نجاة ولا حسات باللي ضايرين بيها...حلقها نشف وجف العافية شعلات فيه مابقات قدرات طلع النفسس ولا تهبطها ومابان ليها غير الكاس اللي كان باقي من ماماها هزاتو بسرعة وشرباتو خطرة وحدة وخبطاتو مع الطبلة مخلية دموعها نازلين بحرقة على خدودها .. وحالتو لا تقل على حالتها وهو شاد راسو بين ايديه قدام غرفة العمليات..الدقايق كايدوزو عندو وعندهم بحال السوايع كلا مرة واقف غادي جاي وشوية يعاود يكگلس مخربق غير بوحدو وغير ياربي اللي كايهمس بيها فمو .. تحلات غرفة. العمليات وخرجات جميلة كاتنهج وتحيد الكمامة من فمها كاتنفس بالزربة ووجها صفر طيحات فيهم النص وهجمو عليها مخلوعين
تاج الدين: شنو..شنو وااقع

بصعوبة نطقات: الحمد لله نجحات العملية

وأخيرا ضحكات وجووههم بفرح وتننهدو برااحة فقدوها فديك الساعة..عنقاتها عيشة كاتسكر وتعاود وگالت بلهفة: نقدرو نشوفوه؟؟؟

جميلة: فاش يفيق من البنج نخليوكم دخلو عندو 

بالفرحة عنقها تاج الدين وهي كاترجف دموعها قربو ينزلو: شكرا ليك بزاف.. شكرا

جميلة: العفو سمحو ليا خاصني نمشي ..بعدات من تما بسرعة كاتشهق ..دخلات للحمام سادة وراها الباب متكية عليه وسرعانما طلعات العنان لدوك الدموع ينزلو ..حسات براسها اول مرة دير شي عميلة ومجرد وخز ابرة كاتخليها تزير من الداخل حتا قالت مابقا عندي فين نزيد ودابا يموت بين ايديا ..باقا الرعشة والرعدة والتقفقيفة شاداها من صبعها الصغير وناضت تغسل حالتها لاتزدق طايحة تما 


بعينين مدميعيين حمريين خرجاات من المطعم جااهلة وطلعات فسياارتها كادوز نمررتوو وعافطة على الكسيرااتور .. هو فالجيهة التانية قدام باب غرفة خالو واقف كايتسنا مو ونجاة يخرجو باش يدخل هو حتا ..صونا ليه تيليفون فالجيب جبدو وغير شاف سميتها قوصهم وقطع فوجهها .. خرجات عيشة كاتتبسم براحة ونطقات بفرحة: دابة عاد ارتاحيت الحمد لله 

تاج الدين: گلتها ليك ..كلشي دابة كايتقاد وغايرجع لصحتو كيف كان إن شاء الله

عيشة: ان شااء الله غيير يرجع والله حتا نسكن معاه گااع ..والى مازال حط شي حاجة ففمو رانا مانتسماااش

ضحك وخرجات عندهم نجاة مبتاسمة ابتسامة عرييضة شافتها عيشة وضارت عند تاج الدين: غانمشيو حنا اولدي خليت البنت كاتسناني فالدار حلفات ماتمشي حتا تعرفو كيف بقا

بسمات نجاة بجنب فمها: مسكيينة حنيينة ههه دخل اخويا عند خالي دخل راه كايسول فيك

تاج الدين: سبقوني نتوما خودو طاكسي انا غانبات معاه

عيشة: أحسن نييت اولدي الله يرضي عليك

باس راسها ومشاو فحالهم فحين هو حل الباب ودخل عندو ضااحك.. لقاه متكي عريان من الفوق وساد عينيه حتا عنقو وناض دافعو عليه مخنزر وبصوت ضعيف نطق: بععد لهيه ماتقيسنييش

تاج الدين: خالي ؟؟؟؟

الباشير: ولد الحراام انايا حتا فنعاسي ماخليتيني مرتاح الكيداار ..جاي دايرليا فيها روميو المجروح بقاليك غااتبكي وبوجهك حممر خليتيها وخطبتي ديك السلگووطة ..ماامركگتيش اولد ختي غااهضر


بعد شوية مستغرب: شكات..."سكت فاش تفكر نهار تفارق معاها جا عندو عاود ليه كلشي وماعرفش بالي كان كايسمع" ماسحابليش كنتي غاتسمعني


الباشير: لا مزياان نييت ننعرفهااا ديك السااعة و...

قاطعو ساد عينيه: خاالي ماتغوتش راك عاد خرجتي من عملية خطيرة وكنتي غاتمشي فيها

الباشير: لاا غاتهنااا ماغانمشي فيبن قبل مااتااكل مني شي قتلة ترد ليك داك الدماغ لراسك..مخلي بنت كااتبغييك وماخلات ممصيبة ماوقعات ليها بسباابك وغادي بلا حشمة تخطب

زفر ضوور وجهو: نجااة اللي گالتها لييك؟؟؟

الباشير: ودييك ممك حتا هي حساابي معاهاا بووحدو

تاج الدين: خاالي صافي سد هاد الموضوع الله يرحم بيها الوالدين، ماتزيدنيش حتا نتا اللي فيا كاافيني

الباشير: مماكاافيكش اولد ختي وبحال العادة تسرعتي بزااف ومالقيتي معاامن غيير هااديك

غوت بعصبية فوجهو: هدى بنت النااس حتاااا هي ..تسنااتني وبقات كاتبغيني سنين هادي ولخرا اللي بغييت من قلبي شنووو داارت..دمراات ليا حيااتي وخلااتني ماناا ميت مانا حيي وهي عاايشة حيااتهاا

الباشير: عاايشة حياتهااا ؟ كنتي معاها نتااا..عاارف بعداا علاش جات وهضراات معاك هاكااك ولا غيير ضربااات فرااسها وتفوورماطااو ليها الفيززيبلات ءء؟؟..عاارف شكوون عممرها ولعب بعقلهاا الصغيير حتااا خرجااتهم فيك نتااا..وعاارفها فهااد السنين شنوو قاساات مع رااجل مهااا ومع حيااتهاا المأزمة ولا مااعااارف واالو 

خفظ صوتو مخنزر ونطق بهدوء: ششنو باغي تگول..كيفاش عمرو راسها وراجل مها ؟؟؟

..................

ضورات راسها للزاج خافضة صوتها على عيشة ودوات: دابا غير تهدني وااخاا..و غداا غانجي عندك حتاال الدار وندويو فهادشي

هيام: راااه سوولتك جااوبيني.. وااش بااقين تماااا

نجاة: لا راجعين للدار اهيام..صبري غي...الو ..الو
شافت الطيلي لقاتها قطعات هي تعض شفتها بالجههد


خرج من الغرفة جاااهل وكلوو كايفوور بالغضب ورك على زد المصعد مزييير فكو حتا بغاو سناانو يتهرسو..
داار بناقص وتم هابط من الدروج بسرعة حتا خرج من الكيلينيك وركب سيارتو مديماري من تماا وعاافط على الكسيراااتور بقا ليه شوية ويطيييير كلما كايتفكر كلام الباشير عقلو كايبغي يخرح من بلاصتو، وقلبو كدلك فااق مرة خراا متمرد كتر ومعاتبو قبل مايبدا يعااتب راسو على تخلييه عليها..كوون غير سمعها فاش بغاات تشرح ليه، كوون غيير بقا جوج دقاايق باش تعااود ليه ويكون ليها هو صدر الامان من المصاعب اللي عااشتهاا وباقي لداابا كااتعيشها، بقاا غير كايللهت بااغي يقتل ويدمر ويضرب ويحب ويوااسي كللشي تجمع علييه واهم حااجة الغضب عاامي عينييه..

فرانا قدام دارهم ونزل كايخطي جوج خطوات فوحدة حل الباب التحتااني وطلع كاينقز الدرووج للفوق وبدا يدق فالباب دقاان مجهد سمعووه عيشة وهدى هوما يتخلعو وكدلك نجاة ناضت بالزربة خاارجة من بيتها ونازلة عندهم حيت عارفاه هو اللي جا وعلا قبل من جا..

حلات عليه عيشة قبل ماتفهم مماالو دفعها بكتفو دااخل وقبل مايوصل لهدى اللي حاالة فيه عينيها جراتو نجااة من اللور مخلووعة كاتگووليه ينعل الشيطاان خلااتو يغووت حتاا تنفخوو عرووقو: حييدي من قداامي نقتل ااصل مهااااا

عيشة: اويلي ااولدي " مشاات ليه حتا هي شدااتو عصبووه بجووج وماباغييش يقييسهم" حيدي امي نتفااهم مع هااد اللفعة اللي دخلت لدااري ..كنتي غااتولي مررتي ونتي برااسك اللي دمرتي ليا حياااتي ابنت الكككلللللب

هى: ت ت تااج نتا ش شنو كاتگوول هءهء

عيشة: نعل الشيطاان اوولدي هي شنووو داارت

تاج الدين: وااش مااحشمتييش، انااا فين عممري القح** خطببتك فيين عمري حتااا حاشييتووو ليك بااش تمشي عنند بنت يتييمة وتزييري ليهااا على الضرببة اللي دااراااهااا ..بااشمن وجه جااية عنندي ماازااال ونااوية نتزوووج بييك ينععل الز***** بوووك اببنت ******

نزلاات عليها هضرتووو كيف الصاعقة تجمعو الدموع فعينيهااا وهو وااقفين قدامو نجاة وعيشة ولاا جااهل دياال بصح كاايخررج من فموو غير الله يعطييك الصحة صددمهم كللهم

نجاة: صاافي اتااج دابا اللي عطا الله عطااه خليها منها للي خلقهااا

عيشة: اويلي اولدي رااها خطييبتك داابا حشوومة هاادشي

هز ايديه راجع اللور كايغووت وبزز باش شادينو عليها: ماااكاتعرفهاااش ونهاار طييح فيدي ننحر ديي**ااصل مهاا من الوودن للودن.. كوون الللكللبة وقعاات ليهااا شي حااجة ...كوون طااحت لييكم تماا الق**** فااش بقييتي كاتنوعريي عليييها نتي ودااا نص روييجل تاع ولد خاالك هاادي مافكرتييش فييهااا ابنت الحرااام..دوورتووها بيينااتكم حتااا مرضتووها ماالقييتووش ورااها اللراجل اللي يح**** بجووج الكلاااب

هدى: درتو على قبلك هءعءهء هي ماكاتبغييكش بحاالي

بغا يتلااح علييها: ماااااتجبدديهاااش على فممك المسسسخ "مد ايدو وسطهم وجرها من شعرها حتا غوتاات ونجااة لسقات فليد لخرا باش مايهزهااش ويضربهاا" والله القسم كوونما جيتيني مراا حتاا نقبررك فبلااصتك الشفااارة لديي*مك تعااودي دووري بسااحتي ولا سااحتها حتاااا للسقك مع لاااضر

عيشة:الله يرضي عليك ااولدي راااه غااانطيح ليك هنااا العاار طلق منها وعووك عووك طللق منها غااطيح لييك

دفعها كاايلهت جات على وجهها ودففل علييها كاايحك سسناانو.. بااقي مااابرد ولو غيير واحد فالمية ووااخا يقطعها طرااف ماغاتبررد لييه..شااف فمو ونجااة وهز صبعو فوجههم: نعاااود نشووفهاا ولا نلقااكم كااددورو بيييها ضرربو على ااصل مي

عيشة: تااج ..تااج اجي لهنا تااج
...نزل كايجبد تيليفونو فااش حس بيه كايڤيبري لقا صاحب دعوتو نييت اللي كاتتاصل ..خررج براا وقبل مايفتح الخط وقفات سيارتها فالجههد قدامو حتا كاانت غادخل فييه ونزلاات قااصدة الداار كونما هو اللي شدهااا كااتفرطل وتغوت

تاج الدين: فيين غاادة وقفي لللمك

هيام: طللق منيي الحماار مااتقييسنييش خلييني نقتل دي***مهاااا حييد

تاج الدين:هياام رصااي وزييدي قداامي 

هيام: واابعدد منيي الغدااار ماتقيصنيييش

تاج الدين: لهلااااا تزمييه زييدي غووتي كتتر زييدي " هزها كاتفركر غادي بيها لسياارتو كلا مرة تفلت ليه وضربو لصدرو وهو مزيير عليها وكايهرب وجهو من الضفار اما الباقي شوطااتو نييت.. جمعها معاها بطرشة زاادت بكااتها وغلااتها كتر حتا رجعات كاتسبو وهو غيير سااكت كاايجمعهم ليييها دخلها للوطو اللور بزززز سد الباب وسورتو عاد داز لبلاصتو وججهد الموسيقااا غاادي طااير لداارو وهي ورااه كااتغووت ودفع فالكرسي دياللو والبكا والحاالة بغاات تمووت فااش كاتفكر باللي خااطبها


دخل للدار هازها من كرشهاا داارو الشوووهة فالمووبل وهي غواتها كايتسمع منيين ومنيين: وااحيد علياا ايدييك مااتقيصنييش الغدااااار واااطلللق منيي

دفع الباب برجلو ودورها ليه شاد كتاافها مغدد علييها حتاا هو: انا غداار ياااك ونتي شنو ..دمدوووومة مكللللخة ماكااتفهميي واالو غاالي لااااح لييك شي جووج كلماات كاتيقييه الحماار 

هياام: حماااارة اناااياا بغلللة ومانسوااش مللي بغييت وااحد بحاالك دمرتي ليا حيااتي الله ياااخد فييك الحق 

نترات ايديها ووقفاات قداامو كااتبكي ومخرجة فيه عينيها حمريين غير ماكاتزيد تشوطو بيهم كتر ماقلبو مشووط: ععشت العداااب واللي ماعمرو يتشااف انا شفتوووو بسباااابك ونتا غاادي كاتقلبب بااش تتزوج الخاااائن، و بااغي تتتكمل حيااتك عااادي

تاج الدين: حتا اناا تعدببت وحتاا انا قاصييت ومرضت فصحتي وشفت الموووت وكلوو بسباابك نتييي ..علااش مااصاارحيتييش دبيك النهاار ءءء؟ حاادكة غيير فالبكااا هاادشي اللي عاارفة

هيام: علااااش خلييتيني نهضررر بعدااا ..كنتي بااغيي غيير السببة بااش تمشيي عندهااا وهاانتااا لقيتيهااا وغادي بمك ككااتخطب.. هاادي هي كاانبغيييك "شهقاات ودمووعها نازلين حاارقينو كتر" هي هااادي كاانبغييك اهياام يااك.. واللله لا سمحت لييكم والللله ماتعيشووو هاانيين فحيااتكم ععقل على كلااامي
..دفعاتو دوووز وزيرهاا عندو كاتفرركل بين ايدييه

تاج الدين: اااجي فييين خاارجة مازاال ماساالينا الهضررة وعليا بليميبن لافتي دييك العتبة 

هيام: بععد اييديك المسخيين ماتقيصنييش المريييض

تاج الدين: مرييييض اناا ااه اعبااد الله مرييض ووالله لا تفااكيت مازال معااك صاافي مرتاااحة

هيام: وااطلق مني والله لااسمحت لييك على هاادشي والله لاااساااامحتك

تاج الدين: شكووون اااصلا طللب منك شي سماااحة
...نزلات علييه بعضة ليدو زير عينيه وخلاها حتااااا تفشاات وحسات بدمو فسنانها عااد طلقات كاتنههج وهو فيساع قلبها عندوو وخشاا فمو ففمها بقبلة عنييفة لاوي يديه على ضهرها، حسات بسنانها تحركو من بلاصتهم وهو كايضوور رالسو مججندخ على طااسيلتها حتا جمعهم بمصيصة وحيد كايلهت دااتو سخوونة كاتفور وهزها على كتافو طالع بيها لبيتو وكايهضر: تعاالي نوري ممك العضاان


هيام: نزززلني الكبلل نزززلني 

تاج الدين: الكلب مااشي الكبل الككللبة وااخا عمري لمك الدووسي زييدي كتتر 

هيام: ووبااعد مني واااش كاكااتفهممش وامابقييتش بااغااك ماابقييتش بااغاك ماابقيييييتك 
...حل الباب ولحها فوق السريير هااز ايديها الفوق كاتفركل بنصها التحتاني وتبكي وهو كايلهت ويدوز عينيه على وجهها كلو ناااطق بالغدايد: بالرب مااتفرقني معاااك غاالمووت..بغيتي ماتتبغيتييش عااوديها رااااسك اناا ويااك ماابقات حتا حااجة غاتفررق بينناتناااا مازاال

زيرات سنانها ودموعها نزلو كتر: رااك ااصلا حللفتي حتاا كلشي ساالة ولا حتا الحلووف كاتكدب فيهم الكدااب

طاح على وجهها مبسم وغمزها: السكايرية ماكايحلفوش احبيبتي..وانا من نهار عرفتك سكراااان 

هيام: نوووض خنقتييني اابناادم نوووض بعد مني
...خفظ صوتو ككتر كايشوف فشفايفها حتا هضر بصوت حارقها:. تا أنا مخنوق احبيبتي ..مخنووق كون تعرفي قداش يضرك خاطرك .... وقبل ماتججااوبو رجع دخل معاها فقبلة ححنيينة هاد المرة تابع فمها فينما دووراتوو سخوون وعطشاان بغاا يسرطووليها وهي عياات مماتقااوم عيات ماتعض وتبعد حلف لاحيد ولا خلاها تفلت من ايدو والرووح اللي طلععات منو يفديها فييها باشماا بغاات وبريقها يرويبها مرة ويرجعهاا للحيااة ..طلق اايديهاا ببطئ وهز راسو سكراان فيها لقاها كاتبكي فصمت وشافت فيه بنظظرة مطيحة منو النص:علاش مشيتي عندتها اتاج.. علااش دير ليا هاكا علاش

بحيل مهدوود رد عليها: ماتبقايش تبكي عافاك ..ماتزيديش تحرقي قلبي عليك كتر احبيبتي.. مابقيتش باغي نشوف دموعك

هيام: نتا اللي كاتحرقني ماشي اناا ..كون تعرف شنو عشت وانا كانتسنا النهار اللي نعاود نشوفك فييه هءهء ونتا بغيتيها هي

تاج الدين: باغغيك نتي وعلى مللتك ماابقييتش غانتفاارق.. هااد المرة الى خرجتي مع فمك شي هضرة معجباتنيش غانملخك عصاا ونجلخك بوساان اما ننعااود نخلييك نمووت ومانديرهاش كاتفهمي

هيام: كداب هءهء

تاج الدين: كدااب وخائن وغدار وحماار وكللب وكايحمااق على اصل مك .."تحنا لعنقها باسها بحنية تما غير كايتنهد ودوا بحرقة دافنها عندو لدااخل واليوم باغي يحررها لييها بوحدها" كانبغيك..كانعشقك ونتي كلشي فحياتي ..عمري مازال نخليك وعمرك تبعدي من حدايا يوقع اللي بغا يوقع احبيبتي..نتي تاج راسي وحتا واحد ماغايوصل ليك ولا يآديك مازال..كانبغيك اروحي..كانبغيك

سدات عينيها كترر وضورات ايديها على عنقو مزيراه عندها وكاتحس بأنفاسو هاديين على عنقها وكلامو مسك ومهدن للقلب ..خلا الامان اللي افتاقراتو سنيين يحيا فيها من جديد بسابو هو..تاج راسها وحبيبها تاج الدين

يتبع...

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.