برد ليها القلب من بعد المكالمة اللي سمعات وعاد قدرات تنعس مرتاحة اخيرا ... لاكن رجلها تقطعات على الزيارة وحتى نمرتها بدلاتها وركزات على فضيحة الصالحة وفضيحتها والفيديوهات اللي كتصور وتحط ... تشغلات اكثر مع الفضيحة ورجعات كل مرة تحط فيديو جديد وداكشي اللي مقابلة.. اما مينة صدمها ياسين بطلاقو من مراتو وخباه عليها حتى طلق وسالا وتم جاي ليها بولدو حطو ليهم فالدار عند جميلة وجمعهم بجوج صدمهم اكبر صدمة والاطفال كيلعبو فالارض وجاو متقاربين ولاد عام واحد
ياسين: مغتربيش ومصالحاش تربي اصلا ومالقاتش اللي يربيها هي براسها ... درت معاها ديك العشية تجيب ليا دري نجيبو ليك تشوفيه وخرجات مع مها ماتسوقاتش ... كنعيط ليها كتقطع وجاوباتني مها قالت ليا حنا فالشارع مشغولين وبالصعرة مشيت كنقلب عليها نشوهها ولا نعطيها قتلة تا كيبان ليا وسيم تالف عقلتو غا بسروالو الاصفر محني حدا واحد الفراشة ديال اللوعاب فالارض وهزيتو وبديت نقلب عليها بانت ليا حالة فمها معارفاش كاع فين وصل .. صافي ديتو غبرتو عليها وكدا ودابا طلقنا القاضي حيد ليها الحضانة ..
مينة : ويلي !!!!! وكيفاش حتى رديتيه ماعرفوكش نتا!!!!
ياسين: لا صاحبي راه وصيتو قلت ليه فاش نعيط ليه اجي نعطيك الدري وقول راه كان عندك وكنتي كتقلب على واليديه وكدا .. مهم من هنا ومن هنا ... وتخااايلو كن ماشتوش انا ولا هزو شي واحد اخر داه!!!! ... جالسة حالة فمها فلحانوت كضحك والدري برا كيلعب وبعيد عليها
خشاتو مينة فالبانيو حطات ليه البط كيلعب وهوا ساكت بحال صفوان وتقيل مافيه بسالة ولا صدع غير كيشوف بعوناتو ويعنق مينة وهي كتنهد بغات تبكي على ديك الحالة .. بدات تحك ليه بلكيس غير بشوية وضحك معاه حتى تنقا وخرجاتو ملوي فالفوطة على مزيناتو مداتو لجميلة هزاتو كضحك وتبوس فيه عجيها شعرو الاشقر وعويناتو ومشاتa كتبوس ومن سوء الحظ دازت قدام صفوان وصوفيا شافوها وبقاو يبرقو وناضو كيبكيو .. صفوان ناض كيجري وقف كيرمي رجليه مشا عندها شد فيها وبقات صوفيا حاصلة فبلاصتها مكتحبو مكتمشي .. وقفات بزز كتبكي وتنادي بيدها وكملات عليها واحد الطيحة جات جالسة وصعرات مارضاتش وتقلبات على كرشها كتبكي وجميلة حاصلة كتعيط لمينة ماحيلتها لودها اللي كيجر فيها هاز راسو كيبكي ولا وسيم اللي مكمش فيها ولا صوفيا اللي كملات ليها الباقي وعارفاها كيبقا فيها الحال وكتحس بالحكرة واخا محاكرها حد
حصلة واشمن حصلة وحصلة دائمة ... رجع صوت البكا كيتسمع فالدار يوميا .. كل مرة يغوت واحد فالسما ويجيو كيجريو عندو .. هادشي الى مكانتش مينة جالسة حداهم بحال لاربيط .. صوفيا وصفوان ماولفو على وسيم حتى خرجو لجميلة ومينة لعقل... اما وسيم ماولفهم حتى هوا حتى مرضهم كاملين .. لاكن فالاخير بدات القضية تسهال شوية من الدباز بيناتهم واخا البكا والغوات مكيساليش .. رجعات الدار بحال الحضانة ... من زيادة التوأم تجمع الاثات اللي يقدر يطيح عليهم وعمرو اماكنهم الالعاب .. منين ما دازو كيزطمو فيهم ومابقاتش سلة ولا شبكة وحدة هازاهم .. جميع النواع الالعاب جمعهم فالدار.. انا فوقت الماكلة فشراو ليهم كراسة طوال ديال الماكلة ستفوهم حدا بعضياتهم فلكوزينة جوج فالاصفر واحد زهري وفين ما توصل وقت الماكلة كيستفوهم فكراساهم بثلاتة ويجلسو مقابلينهم لقمة لهادا لقمة لهادا لقمة لهادي ويخليو ليهم الطباسل باش ديال البلاستيك باش يتعلمو ياكلو ... قررو يديرو نضام يمشيو عليه باش هاكا مايتفلوش وميترونوش ومادوخ حتى وحدة فيهم ودازت الايام مزيانة حتى وصل لعيد لكبير . الحوالة واجدين فالفيرمة والتوجاد ... ها الماعن ها الشباكي ... على قبل التيساع تنازلات جميلة ومشات للفيرمة يعيدو تما وبداو يوجدو كاملين ... حطو شبكة مدورة كبيرة فالجردة فالهواء الطلق تحت سقيفة خشبية وفرشو وسطها طابي كبير غليض فيها رسومات وعمروه بالالعاب وحطو فيه الدراري يلعبو ومينة حداهم جالسة من برا الشبكة حاضياهم لا يعور شي واحد فيهم لاخر بصبعو .
دخل ياسين هاز خنافرو على غفلة وموراه طليقتو ومها جاين يشوفو ولدهم وهازين خنافرهم مراضيينيش وممتوقعينش يشوفو ديك الفيرمة ودلك الخير كاكل والتواسع ... وقف ياسين بنسابو فجأة على مينة وهي بلكولون وتيشورط كااعادة بوحدها برا فالجردة جهة لابسسين فين كيتجلسو جالسة على كرسي كدوح ويديها على ركابيها ..لقا السلام وهز ولدو من الوسط مدو لطليقتو شداتو ومها واقفة عاقدة حجبانها ومينة كتنفخ ببرودة
- مرحبا ... جلسو مرحبا ببيكم
جلسات الطليقة كتبوس ولدها وتعنقو وجلسات حداها مها شداتو حتى هي كتهزو فالسما فرحانة بيه ... تبدل عليهم وغلاض وطبز من يديه ورجليه ولابس لباس جديد وحداء رياضي والريحة ديال العطر فايحة منو ... داير كورميط نقرة وخاتم فصبعو بحال صفوان والاهتمام والتهلو باين عليه وغير من ريحتو كيبان النقا والصفا .. وقفات بيه جداتو كتبوس وتلعب ليه فيدو وقالت لبنتها
ناضت القيامة على وسيم وخرجو فالاخير كيعترو فجلايلهم بلا فائدة ... يكفي الخير فين عايش والاهتمام والحب اللي داير بيه مينة تعطي الحنان وجميلة تعطي الحنان وياسين كل شوية يجي عندو يشوفو ويخرجو ويتهلا فيه ... الولد بان عليه الخير وبانت حتى راحتو فصحتو وموانس مع صفوان وصوفيا بحال خوهم ومكاينش فرق بيناتهم .
نهار الزيارة قبل العيد بيوم فركسات مينة لوليدات وخرجات تزور مهدي خلات جميلة كتصور فلوك تحطو من بعد ما حلات عينيها لقات القناة كبرات ورجعات من اكبر القنواة ... داقت فلوسها وتشجعات مابقا هامها لا خدمة لا والو رجعات مقابلة التصوير بالنهار وبالليل والهداية كتوصلها من المتابعين واتصلات الصحافة مكتحبسش .. بلا عروض الشوتينغ اللي كثارت وعروض الاشهارات والخدمة فوق الارض اللي مالقات ليها جهد مع الاطفال.
رد كيضحك مع صفوان: مابقا والو الواليدة ... هانين بعدا نتوما
مينة : منين غيجينا لهنا ونتا هنا
مهدي: وا صبر ... حتى يحن الله
وقف صوفيا فوق الطبلة وطلق منها ومينة مخرجة عينيها
- غطيييح .... راه غطيح مكتوقفش مزيان
رد باستغراب: علاش صفوان كيتمشى وهي لا ؟
مينة: مكتمشي مكتحبو .. يا توقف يا تحبو يا نهزوها ... وداك الهزان هوا اللي خرج عليها ماماتش ومزالة كتقاتل
شاف فصوفيا وهي بحال لوريدة كضحك معاه واقفة وداير يدو فجنابها حاضي معاها وقال
- مال بنتي مالها .. بغيتي تمشي ابابا
بدا يجرها من يديها تجي عندو من فوق الطبلة وهي كتلوح رجليها وتجرهم وكيعاود يردها اللور ويجرها بشوية حتى عيات وشدها عندو عنقها وتلفت عند صفوان قال
- صاحبي ... خاصك ترجل اصاحبي
مينة فهماتها غلط وقالت : قريب نختتنوه راه جميلة بغات تختمو قلت ليها حتى يخرج باه
شاف فيها بنص كيسفق برجلين صوفيا ويلعب معاها وقال
- ناويا تختنو بوحدها ولا كفاش؟
مينة: لااالا غير قالت الهضرة وصافي
رد: وكيدايرة مع الدراري كضربهم؟
مينة: اويلي على كضربهم مالها تسطات !... ويلااا كاااع ضرباتهم راها مهم ... وزايدون عمرها ضرباتهم
رد : كتهلا فيهم؟
مينة: جهدها راه داراه معاهم ... مكتخرج مكدرج ... هي بعدا راه مقابلة ولادها كيت اللي مقابل التسلكيط وزايدها بالنفاخة
سكت ماهضرش وحتى هي مابغاتش تزيد دخل راسها فمشاكلهم يكفي ما دارت ليه جميلة فتيليفون واخا ماعطاتهاش تسمع الرد احتراما ليها من ديك الهضرة الخاسرة .
سالات الزيارة ورجعات مينة بحالها تكمل التوجاد والتقدية دلعيد وجميلة تابعاها بتيليفون كتصور وتحط والمشاهدة كضرب مليون فنهار واحد ومرة مرة طل عليهم بتتمة الفضيحة ديالها مع امها باش تخلي المتابعين حاضيينها ودير البوز حتى رجعات مها كتحشم تبان وسكتات فخطرة مابقاتش كتهضر وبقات جميلة لاسقة فالفصيحة مابغاتش طلق تقول كانت كتسناها .
وصل لعيد لكبير وتهلات جميلة فراسها قبل كل شيء.. طبعا لانها كتبان فاليوتوب فخاصها المضهر هوا الاول يكون حاضر ... دوقها ميخفاش ومن احسن الادواق واخا كتموت على النمر لاكن كتوضفو فحوايج اللي كيجي فيهم زوين .
صبحات لابسة سورفيت كحلة وصندالة رياضية دنايك ودايرة ضفيرة لشعرها ومصبحة على اليوتوب كتصور ونازلة مع الدروج بعفوية كضحك وتجمع غير بوحدها حتى دازت حداها مينة لابسة بيجامة بكولونها كالعادة والشعر مجموع بقراصة والمكياج للوجه خفيف وشداتها جميلة من النص الفوقاني كضحك قائلة
صبحو الصباح شادين الطريق بالبز كيبجغط اللور وجميلة سايقة سايقة سيارة مينة الصغيرة ... نزلو فاوتيل فطنجة وجهزات جميلة راسها بلباس كلاص ودوق جميل جميع متابعينيها كيعجبهم عبارة عن سروال اسود كلاص وقطعة من لفوق عبارة عن قميجة كلها بالدونتيل فيها فرافر بلا يدين ستيلها غريب نوعا ما ولبسات حداء عالي ومكياج وتعكيرة حمرة والشعر مطلوق ومينة كطلع وتهبط فيها وتسوط
- ماتعطليش.... والله وتعطلتي مانعاود نزطم معاك فشي حاجة ... وكن غير هبطتي القميجة على السروال
جميلة : لاا هاكا جات حسن ... غنبان عروبية
مينة: اااا هبطييها تستر ليك ديك القزيبة
دارت ليها جميلة الخاطر وهبطاتها ولاكن غير فاتت الباب رداتها كي كانت وشدات الطريق لاافتتاح اللي كان فيه اكبر المأثرات والمدونات على الشوشل ميديا .. صورات كلشي وربطات علاقات ودارت صداقات وكسبات دعوات اخرى لحفلات اخرين و خرجات اخرين ورجعات للاوتيل فيديها هدايا كثيرة لقات مينة مزالة جالسة كتسنا وتنكر على التأخير واخا مافاتتش المغرب وجلسو كيشوفو الهدايا . تحط الفيديو ديك الساعة اللي صورات وموراه بعشرة دقايق رن الهاتف لمينة وفتحات الخط لمهدي قائلة
- الو وليدي
رد والكشاكش خارجة والسوفل مكاينش كأنه خارج من البحر
قطعات عليه ضد فيه وهي تنوض ليها مينة كتغوت ونوضوها سباط فالشومبر بجوج .. عاود عيط لمينة كيتحلف وجميلة مامسوقاش خلاتها كتنكر وبدات فيديو جديد دالهداية ديك الساعة كتصور وباتت كتمونطي وفالصباح حطاتو وشدو الطريق راجعين .. تيدلات حياة جميلة وتيليفون رجع مكيسكتش .. عجباتها حياتها الجديدة واهتمام الناس بيها ومشاركتها ليهم فالكبيرة والصغيرة .. الوقت عمر والاصدقاء كثرو والنشاطات تعرمو عليها ... عيات فمينة تجيب مربية تعاونهم فتربية الاطفال لاكن رفضات ليها رفضا قاطعا حيت عارفاها غادي دلع ماتبقاش كاع تجلس فالدار ولا تديها فولادها .
وصل اليوم الموعود دخروج مهدي من الحبس اخيرا بالعفو الملكي .. لاكن من مور العفو تحطو ملاين صحاح وماحنش فالفلوس المهم عندو هوا يخرج ، صادفو يوم برنامج جميلة اللي تاصلو بيها تحضر معاهم برنامج كيستاضفو فيه المشاهير اشكال وانواع واضطرت تمشي ومتفرطش فيه وحسات براسها مشهورة مللي دارو ليها حلقة وعيطو ليها وبدات تخطط كفاش تمشي وكفاش دير مع مينة من جديد ... مليون خاطر دارت ومليون كلمة حلوة عطاتها فداك الاسبوع كامل وكتمهد ليها باش تخليها تمشي البرنامج .. وحيت مينة حتى هي كضهشرها الشهرة وسمعات التلفزة والبرنامج قبلات ليها واخا عارفة الصدع غادي ينوض لاكن الفرصة مكتعوضش .
تجهزات جميلة فأبهى حلة ... الضحك والفرحة والصفاء والتفاؤل اللي ولات كتحس بيه تعكس ليها على وجهها ورجع القبلو والسر اللي كان عليعا من قبل وزادو الاهتمام بالنفس والمتابعة عند اطباء البشرة والمجملين باش تبان لمتابعيها فأبهى حلة وتصنف من جميلات السوشل ميديا .. تزادتها التقة فالنفس ورجع ليها الحماس ورجعات تبغي راسها كتر من قبل ومكتمنى تكون حتى شي وحدة اخرى من غير نفسها او تقلد شي واحد اخر .. التقة كبرات مللي كبر معاها الامل والتفاؤل والدعم كذلك .. ومدح المتابعين ليها .. دارت توريد شفايف رداتهم فلون زهري فاتح طبيعي وحقن النضارة للبشرة رجع الوجه كيامع لمعان بحال المرآة بدون مكياج .. عالجات الهلات السوداء اللي كانو عندها تحت عينيها بسبب المرض والحزن الهم حتى صفاو توحدو مع لون البشرة وختماتها بتبيض للاسنان رداتهم كيبريو وقيتامينات للشعر.. رجع عندها نضام غدائي مرافق مع حبوب الفيتامينات ، ورجع عندها كذلك نضام اخر وروتين يومي لبشرتها مكتستغناش عليه من مجموعات دات جودة عالية جد فعالة و كذلك روتين الرياضة اليومية واخا تجري غير نص ساعة فالنهار المهم تجمع اللحم وتحافض على الرشاقة اللي بيها كتقابل ناس من جميع الطبقات ، ولضيق الدقت اللي عندها خدات الالة حطاتها فالشرفة كتصبح تجري فيها وتمشي تفطر وتفطر ولادها وتجلس مقابلاهم ومقابلة تيليفون .
خرجات من الدار على الساعة التاسعة صباحا لابسة لباس يليق بالبرنامج وانيق عبارة عن سرواا توب احمر واسع من لتحت وجامع الكرش وقميجة موردة غالب عليها الاسود والاحمر يديها واسعين كلاسيكية بربطة فالعنق وصندلة فالرجل خفيفة بكعب عالي
. مكياج باارد جدا واحمر شفته والشعر مطلوق اللي شافها يقول عارضة او مقدمة برامج راقية او فنانة في فن الموضة والتجميل .
دخلات للبرنامج مرتبكة كونها اول مرة تبان فالشاشة لاكن الكامرة اللي ديما هازة والحوار معاها بوحدها ساعدها قدام عدسة البرنامج وجلسات برقي وادب ورقة بحال شي جوهرة غالية وقابلة لانكسار.
سؤال من مور سؤال وهي كتجاوب بعفوية وهدوء رغم اسئلتهم المحرجة حول مشاكلها اللي بسببهم جابوها للبرنامج باش يطلعو المشاهدة .. لاكن مانكراتش قالت اللي كاين واخا ماعطاتش كلشي .. دخلو ليها فعلاقتها الشخصية وحماتها اللي كتبان معاها وتطرح عليها سؤال محرج من المقدم لاكن ردات ببرودة قاىلة
- عادي ... تعرفنا .. تزوجنا .. ولدنا وطلقنا ... وعلاقتي مع حماتي زوينة وقوية وجامعينا وليدات ... لاكن انا وو.. و هوا صافي طلقنا وكل واحد بدا حياتو .. بحال كاع الناس
ردت كضحك: جوليا غير اسم الشهرة وبقات مكتوبة جوليا صافي وكلشي دا على داك الاسم ... كتجيهم جميلة شي وحدة غريبة... يعني جوليا باش عرفوني الناس وهي اللي كتقربهم ليا كثر ...
المقدم: مزياان ... بغينا نعرفو لجديد .. واش عندك شي جديد ... المتابعين ديالك اللي كيشوفوك دابا كيسولوك على الجديد ديالك واش كاين شي صلح مثلا .. بينك وبين طليقك .. ولا مك .. ولا خوتك
ابتسمات كتشوف فيه عينيها كيبرقو وقالت
- الجديد هاد الساعة هوا كنوجد وكنخطط لواحد البروجي ... بروجي اللي غيكون كبيير نشاء الله .. عندو علاقة بالتصميم والموضة اللي هي هوايتي وكتعجبني ... ومركزة عليه حاليا غير هوا .. اما ... الصلح ولا شي حاجة اخرى لا ... مكاين والو .. كنفضل التيقار احسن حيت قد ما كان القرب كيكونو المشاكيل .. وانا دازو عليا اوقات صعيبة بزاف وبديت من جديد ووقفت على رجلي بزز بعد معانات .. يعني تعلمت ... منبغيش نرجع للزيرو حيت جميلة ماشي هي جوليا ... وعمرهم يكونو نفس الشخص.(سكتات مطولا) جميلة كانت شادة الفراشهط وسببها غير الناس القراب... وجوليا هي ناضت من الفراش وعرفات باللي السم اللي كيقتل هوا اللي كتربي .. وكدير فيه الخير .. وكتيق فيه ... عمر البراني يضرك وتحس بضربتو من غير الى مديتي ليه يدك وكنتي معاه ولد لخير وولد الناس ... عاد غتحس بالضربة.
المقدم: يعني حتى مك صافي مغتصالحيش معاها
ردت : نقدر نتصالح .. ولاكن كما قلت ليك عليا بالاحترام والتيقار .. هادشي اللي كاين ... ومن ديما محتارمها يعني بلا صلح بلا والو ...
المقدم : كاع الناس اللي دازو عندنا بكاو .. تأثرو... نتي حسب ماعاودتي للناس وقلتي دابا مطيحتي حتى دمعة زعما يكون هادشي بصح ؟
ردت كضحك : يكون كدوب كن بكيت ... كما قلت ليك جميلة اللس تبكي خليتيها لور ... هادي اللي معاك جوليا مكتبكيش قلبها تحجر ... كن كان هادشي اللي قلت ليك ساهل غتلقاني كنبكي ... ولاكن بقدر ماهوا صعييب . وكثيير .. وخدا ليا من وقتي وعمري ... حجر القلب ونشف العينين وبدل شحال من حاجة ... صافي مرحلة ودازت بكيت فيها بما فيه الكفاية
المقدم : اخر كلمة تقوليها
ردت: اول كلمة بعدا لحماتي كنقولها ليها شكرا ... نعم الام ونعم الجدة ونعم المرأة بجميع صفاتها الزوينة ... واخا نشطر فيك حتى نعيا مغاديش نوفيك حقك وانا ربي كيبغيني اللي لاقاني بيك ... الله يخليك ليا ولوليداتك السنافر ههه اللي كيحماقو عليك كما انا كنحماق عليك ... متستغربوش حيت كنقول فحماتي هاد الهضرة ولا تقولو كنجاملها ... لا بلعكس .. انا مطلقة بحال جميع المطلقات بأمكاني نختار نعيش بوحدي ومنجامل حتى واحد .. ولاكن كلمة ديال الحق ضاروري ضاروري نقولها ... الصديقة والام والاخت اللي عطاني الله هي نتي ... مكنحسبكش حماتي كاع ولاكن شي حاجة اللي كثر بلاصتها كبيرة بزاااف .. الله يفرحك ويعطيك كل ماكتمناي حتى نتي فحياتك والله يخليك ليا ولوليداتي .
انتهى البرنامج وهي راجعة للدار فرحانة كتفكر شنو قالت .. واش قالت شي غلط ولا فلتات ليها شي كلمة .. لقات راسها كانت فالمستوى وبينات على الجانب الراقي ديالها اللي مكيشوفوهش الناس فقناتها . وصلات للدار تاصلات بمينة لقاتها فالفيرمة مع الدراري ولحقات عليهم كتشوق سيارة مينة حتى للفيرمة ودخلات .. نزلات كتزرب فرحانة بالبرنامج اللي غيدوز واللي غيتفرج فيه ديك العشية بالليل .. ودخلات كتقرقب كتسمع الهضرة بزاف والضحك فإذا بيها كتفاجأ بمجمع عائلي جامع بين ياسين ومينة وعرفة ومرتو ومهدي بيناتهم شعرو جالس بشورط قصير وديباردو كحل × فالضهر شعرو فازك بالماء قدامو طبلة قدها قداش عامرة حلويات ومشروبات وشكلاط بالانواع وهي واقفة كتشوف فيه فدهشة
هزات فيها مينة عينيها بابتسامة ودارت ليها الطريق قائلة
- اهلا ... زيدي دخلي .. مالك واقفة
شافت فيها جميلة بنص عين بارتباك ماعرفات اش دير. اخيب موقف تجي معطل ودخل وسط الجميع وكلشي يهز فيك عينو .. فما بالك لو عندك حساسية مع شي واحد من الحضور.
مهدي واخا شافها مباشرة بعد غياب طويل وجاتو مبدلة على قبل ... كأي شخص كيكبر .. كيغلاض ولا كيضعاف.. كيسمار ولا كيباض .. واخا كيبقا بنفس ملامحو كيتغير ويتبدل واخا مكنفهموش اشنو اللي تبدل فيه بالضبط وكأن لكل واحد شعاع كيتيدل من لون لون ... جميلة تبدلات لما هوا افضل واحسن بكثير .. حتى وجها تبدل وعينيها تحلو بعدما كانو دابلين بالمشاكيل .. ولات كتبان بحال شي فاكهة منعشة فايحة منها مجموعة من العطور مختلطة ونضارة وجمال على وجهها وحتى صحتها رداتها وحيوتها فكل شيء. الشاشة ممكن تبين لينا جمالية الصورة .. لاكن مباشرة كتبان الجمالية اكثر وهادشي اللي طرا مع مهدي دهشراتو فديك الدخلة وبقا كيشوف فيها لفترة محدودة ورجع هبط عينيه كيلعب مع صفوان وحاني راسو عندو كيهضر معاه . اما صوفيا غير شافتها ات تفركل فالارض وتمد يديها فرحانة وتغوت بالفرحة باغا تمشي عندها .. ابتسمت جميلة وهزاتها من الارض باستها وعنقاتها وهي كتشوف فيها وفالالوان اللي لابسة وكضحك عاجبها الحال وكتخشي وجهها فرحانة فيها .. تقدمات سلمات على ياسين وهوا كيقلب ويشقلي فودلو ويضحك معاه واخا عمرها سلمات عليه مولفة لا هي لا هوا يدخلو مدرمين .. لاكن فهاد الحالة وباش متحرجش من السلام على مهدي نيشان بدات من الطرف مدات يدها لياسين وهوا كيشوف فيها مضهشر كيتسنا تعطيه شي حاجة وكيرمش حتى قالت باستغراب
- ماعندك سلام فبلادك !!!
رد بعفوية واستغراب: اااه!!!
مد يدو سلم عليها كيقول مع راسو منين جاها هاد الصواب واش كنت مسافر ولا كانت مسافرة!!
كملات سلمات على عرفة تا هوا نفس الشيء مد يدو وسكت ودازت هازة بنتها فيدها مدات لمهدي اليد وهز عينيه ويديو فيها بجوج بملامح جافة من التعابير سلم عليها وقالت بابتسامة
جلساتها حداها وكحزات عندها بلعاني زاحماتها وبدات تكب اتاي وتمد الحلوة ليها وهي جالسة كتشوف فصوفيا اللي ملهياها كتشد فشعرها وتشوف فيها بنضرات الاعجاب ومد حتى صفوان يديه كيتجبد من فوق رجلين بغا يمشي عندها ورخا ليه مهدي تجبد راسو وجراتو هي جلساتو على جليها وكي جلس بدل يبحلق ويشوف شنو فيها وشنو عندها ومشا نيشان للعكار الاحمر حط صبعو
كلشي كيهضر وهوا قالب وجهه جهة عرفة وياسين كيتجمعو غير على لكواريت الطبيعية وشاغل راسو من الصهد اللي بينو وبينو جميلة وهي كذلك شاغلة راسها مع ولادها كضحك معاهم وتلف كأن الجو صافي ومواقع والو والحياة صافية وماحداها لاطليق لا والو ولا حساسية منو .. اما واحد لمياء حشمانة وغارقة فحوايجها باغا فوقاش تنوض من تما وتمشي ماعندهاش الوجه اللي يشوق فمهدي وغير جالسة كتحك ومزيرة راسها فاللخر ناضت كتحنحن بخفوت مشات لاكوزينة وبعدات جميلة راسها كضحك مع ولادها قائلة
خرجات مينة عينيها : فييين غتمشي؟؟؟ هاحنا جالسين ودايرين العشااا .. راه الدراري يبغيو يجلسو مع باهم وحتى باهم موحش فيهم مزال كاع مشبع منهم ... فين غتمشي كي هنا كي لهيه
هبطات راسها شادة صفوان ليمشي لشي حاجة وقالت
- لااالا اشمن .. ماشي بحال بحال.. بغيتي تخليهم معاك خليهم حتى لغدا انا خاصني نمشي .. هزات عينيها على غفلة شافتو داخل عندهم للمطبخ الفسيح كيجر صندالتو وقالت
- يوصلني عرفة ماشي مشكل غير جلسي وخلي معاك الدراري
قبل ماترد مينة كان هوا تحنا هز صفوان فالسما كيضحك معاه وبدا يرميه فالهوا وغادي كيدور فلكوزينة ويخرج حتى للباب ديال الجردة اللي عندها ويرجع ..
مينة مع غمزة واصرار بصوت خافت: جلسي اشمن تمشي ولا عرفة حنا دبا فعرفة
جميلة: لا والله غير خليني ... مافيا اللي يجلس اصلا ماعنديش فاش نبات
مينة: لا والله مغنخليك تمشي وحوايجك جبتهووم معايا ..سام غا لحوايج واراهم لفوق فالبيت يالاه جلسي
تنهدات فصمت وكانت عارفة مينة مغتخليهاش وعارفة راسها غتبات لاكن سبقات الهضرة باش تجلس بعزها ومشات كتشم فواحد الحولي كيشويوه برا فالجردة فواحد الشواية قدها قداش مبنية بالحجر وكتهضر مع صوفيا والجوع كيقطع فيها وساكتة باش تبين ليهم باللي واكلة وشابعة فالبلاطو واخا هوا مطاحش فكرشها من غير جغمة دالماء وبزز باش عطاوها ليها
جلسات فالجردة على واحد الكنبة خشبية كتجمع هي وصوفيا وكتبوس يديها وتعنقها .. دورات راسها اللور بعفوية شافتو واقف قدام الشواية بصفوان كيدور الحولي ويضحك معاه .. طلعات وهبطات فيه ورجعات دورات وجهها داياها فشغلها هي وبنتها .. الريح كيطير الشعر والغروب والجو زوين .. حيدات تيلي والبلية ديالو كطل على حسابها وهزاتو خدات صورة ليها جالسة وبنتها معنقاها مخبي ليها الوجه .. دارت ابتسامة جميلة وشاركات صورتها فالانستغرام وبدات تفرج فالجديد حتى طلعات ليها صورتها هازينها الصفحات وناشرينها ومدورين على مهدي اللي واقف وراها كيبان فيه النص وقالب وجهه جهة صفوان حدا الشواية كيشوفو فبعض ولا يمكن كان كيبوسو حيت وجههم مكيبانش . الكل كيعلق عليه ويتغزل فيه تحت عنوان الصفحات " نساااو جوليا شوفو الخير اللي وراها " تصدمات ومكانتش كاع رادة البال للصورة واش مشدود ولالا وبدات تقرا فالتعاليق كل واحد اش كيقول .. التعناب والغزل كيتشاير والكل كيطالب يشوف الوجه وكمالة الصورة وهي كضحك غير بوحدها والوقت كيدوز حتى تحط العشا لداخل من داكشي الرفيع وناضت شادة صوفيا ناعسة حطاتها فالارض فوق واحد الزربية قريبة منهم حدا وسيم وجلسات فوق كرسي حدا لمياء وسط الفيلا .. وباش تأكد لمتابعيها انها ماشي منفردة بيه ولا تاخد تهمة ... خدات صورة بالخف قبل ميجلس معاهم شادة راسها والطبلة واليدين ديال الجميع من غير وجههم تحت عنوان" ماحلا اللمة مع الحباب "
جلس يتعشا معاهم وهي محنية على تيليفون كضحك بوحدها وفين ما تهز الراس تلقاه كيغزز شي حاجة بسنانو ويدير فيها شي شوفات وكيشتت النضر لجهة اخرى... فديك الاثناء قدام التلفاز بدا البرنامج وبانت هي فرحانة عاجبها الحال شافت راسها جات زوينةوكتعضر زوين ماتيقاتش راسها وبقات كتشوف فرحانة ومينة كضحك وتردد
- تباارك الله عليك ... جيتي من داكشي الرفيع ...
رد ياسين: ايااااه اخااااي الناس بانو فالبرناماج !
ردت كتخشي فمها شوكة فيها سلطة: مالك حكرتيني هههه
ضحكات وشافت جهة مهدي لقاتو كيطقطع فواحد اللحمة بالموس عاقدهم مكيشوفش فالتلفاز . حولات عينيها كضحك وتفرج حتى قرب البرنامج يسالي وسمع الحوار الاخير ومينة بدات تحنحن ناضت فالحال مشات للكوزينة ورجعات جات مع كلمة الشكر الاخيرة ومهدي كيخزر فالتلفازة .. يالاه جلسات مينة قف مهدي نفض السربيتة مع الطبلة وقلب الطبسيل كيردد بوحدو
مينة : ويلي .. نعل الشيطان! اش طرا مالك ياك لاباس اش وقع كاع
ضار جهة جميلة وقف عليها قدام كلشي وقال مع القلبة ديال طبسيلها مخرج عينيه فيها وهي مبعد خايفة من ردة فعلو ويدو اللي كتحرك فيها وشام عبارة عن بصمات واسماء بالخط العربي صغار كيشرح بيها بغضب
- فاش تبغي دوييي . دوي على راااسك سمعتي شي حاجة اللي جامعانا ولا بيناتنا ماتجبديهاش .. ماتجبديش اصل مي ولا تهضري علياا كاع (مش ليها لاناب ) مرض دياللل
وقفات مينة بيناتهم كتبعدو وحتى ياسين تدخل كيبعدو عليهاوكيشوفخ عوال يمد يدو اللي كتمشي وتجي عليها .. مافهموش علاش هاد العصبية كلها لهاد الدرجةحيت مقالت عيب ماجبداتو واخا هوا الموضوع حساس لاكن ردة الفعل كانت كبر من الموضوع
ردت مينة بغضب: صااافي سكتينا (جرات مهدي اللي رجع طرطق عينيه فجميلة) نعلو الشيطان... ماوقع والو ... نعلو الشيطان وجلس تعشا راه ابليس الله ينعلو دخل بيناتكم
رد فوجه جميلة بعضب : هاد الهضرة كوليها ... جالسة تما كتهضري ... علااامن كتهضري ؟؟؟ شكون هاد طليقك ولا ..... علااامن داوية من غيري تا تجبديني
ثالت ببرودة كتشوف قدامها : ماجبدتكش وراك سمعتي شنو قلت ... واصلا مابيني وبينك حتى حاجة باش نجبدك ومي اللي جبدات الطلاق حتى سولوني اما انا مكنجبدش حياتي الشخصية
رد بغضب مخرج عيينيه: وا جبديييها ولا كاع لا تجبدي مهااا انااا مادويييش عليا ريييحتي ماتبينيهاش لبنادم ولا غنجبد لمك دوك لعينين
ردت بكيرياء وبرودة: شوووف .. انا مغنصدعش راسي مع واحد مريض ... ها القانون الى قديتي تاخدهم والى عطاوهم ليك خودهم .. هاد الصدع والمشاكيل ديالك ساليت منهم ومرة اخرى الى بغيتي شي حاجة سير عند القانون يعطيها ليك ... مدايراش علاش نخاف وكما نتا يدك طويلة يدي طويلة ونشوفو فين غتوصل
تزير تا بغا يتفركع من كلامها وبالاخص المرض اللي عياراتو بيه واخا ماقصداتش اصلا المرض اللي كيتعالج منو وجمعات الكلام فديك كلمة مريض فقط بدون قصد وشدها من رقبتها جرها بقوة مخرج فيها عينيه وقال
ردات بحدة: هاديك الفيرمة ديالي وانا عاودت ليه كووولشي وعارف باللي مي داتها ليا وعطاتها لاحمد خويا وهوا مشا كينوعر ويخلوض وداز للمياء تا هيا وكان متااافق هوا وعرفة ... عاودات ليا لمياء كاااع اللي وقع ... نصب على احمد وخدا الفيرمة .. ساعا دخل للحبس ودابا نكرني فيها قال ليا غيردها ليا اناااا ...
بقا ياسين ساكت غير غيشوف قدامو وهوا سايق مالقا ميقول وهدن الوضع قائلا بهدوء
- غادي يردها ليك غا تا دوز هاد الروينة ويسخن بلاصتو ويبرد وغيردها ليك .. بلا متخلعي
ربعات يديها : اصلا مامخلوعاش وربي عوضني ... بعت ديك الدار اللي عندي فعين عودة وحتى المحل براسو بعت الساروت وحريق الراس ديالو وراني خدااامة الحمد لله على بروجي ديالي ... اليوتوب معاوني وكولشي بالشهرة و كولشي كيعرفني .. غير نبدا نشاء الله غيتمشا ليا وغنعوض فيرمة حسن من هاديك وهوا الله ياخد فيه الحق فهاد النهار منسمحش ليه فيها
وصلات للدار بدلات عليها لبسات بينوار خفيف كحل وبردات على راسها وجلسات تاصلات بمينة كتسولها على ولادها كي دايرين وطمناتها باللي ناعسين مع باهم وبدات تنصح فيها وتهدنها وجميلة كتشكي عليها من اللي طرا حتى قاطعهم اتصال من معارف جميلة وردات كتهضر وتناقش على الماركة ديالها اللي بغات دير بسميتها فما يخص اللباس المغربي وطولات فالهضرة شادة واحد الكتاب مقيدة فيه جميع الشروط والمتطلبات اللي خاصها وحتى الميزانية ديالهم . الطموح ... الجد ... الكفاح .. التواضع خلاها تمشي فطريق هي كانت كتحلم بيها ودرجة بدرجة بدات تقرب من الحلم بوحدها .. بالعزيمة والارادة والهدف اللي حاطة قبالت عينيها قدرات تجاوز جميع الصعاب وركزات على هدفها وخدمات وجرات عليه حتى تعطاتها النجمة ديال الماركة المسجلة المغربية وفتحات محل كبير وراقي فالشارع راقي باسم ماركتها ... المعلومات اللي جمعات من المعارف والاصدقاء اللي دايرين بيها زادوها خبرة واخا ماعندها حتى علاقة بالبلدي لاكن الدوق و حبها للموضة مالو بيها نحو الاصالة والمعاصرة بين العصري والتقليدي وتعلمات تختار بين الاتواب الرفيعة وبدات بكوليكشن صغيرة من ابداعها كونها مزالة كتعلم وكتقرا وطبقات داكشي اللي عرفات بالمساعدة ديال المصممين اللي كيعلموها هي و المبتدئين بحالها وخرجات اول كوليكشن ليها بافتتاح و حفل فالمحل ديالها الراقي... عرضات على بعض المشاهير والاصدقاء والمعارف وحتى الاقارب ديالها اللي عزاز عليها وبدا الحفل والعروض كيدوزو وهي فوق خشبة طويلة زجاجية .. العرض كان محترف والبوفي من عند تريرتور كيشهي والفنانات صاعدات اصبحو لها صديقات حياو ليها الحفل هدية من عندهم وتبدلات نضرة جميلة لاحياة وتزادتها تقة فالنفس ومدح الجميع ليها وخرجات فآخر الحفل مع عارضة بلباس بلدي وعصري فنفس الوقت .. كانت جميلة فكامل انوثها ولباسها الراقي دايزة تحت تسفيقات الحضور كتلقي التحية ورجعات لاكواليس كتجري فرحانة عند مينة اللي جالسة فغرفة المكتب سادة عليها مع الاطفال هي ورحمة خالة جميلة الصحراوية والحلويات والمشروبات محطوطين ليهم .. دخلات على غفلة فرحانة وقالت
- صافي سالينا العرض هههه كلشي داز وااعر ... انا غنمشي نهضر مع الصحافة ونتصور ونجي
مينة : راه مهدي كل مرة يعيط باغي الدراري
شافت فيها جميلة باشمأزاز : قوليه سير عاودها راسك ... (كملات كلامها وهي غادية) طلع ليا فراسي الزمر كي داير
سالات الحوار بابتسامة ورجعات للسلفيات والتصاور مع الاصدقاء مرة واقفين مرة جالسين والفيديوهات والضحك حتى بداو ينساحبو واحد بواحد ويمشيو وانتهى الحفل اللي داز اروع ما يكون وخرجو هما اخر وحدين من المحل .. مينة مقلقة مابقاتش كضحك كما الاول وغير معبسة وخالتها رحمة فرحانة ليها وعاجبها الحال ... عائلتها اللي حضرات كلها مشات معاها للدار تبات ... وصلات حيدات صندللتها ووجدات ليهم فين ينعسو يرتاحو كأنهم جايين من عرس ودخلت هي ومينة للبيت .. مشات خوات عليها الماء من التعب ولبسات حاجة خفيفة وتكات فرحانة عنقات صفوان عاطياه البزولة وهوا كيرمش وينعس ويفيق . حطات مينة راسها مغيرة منعسة عندها صوفيا وجميلة كتهضر على الحفل ومسنة ساكتة ...تلفتات باستغراب عندها وقالت
تنهدات حميلة وقالت : حتى انا عندي حياتي ... وباغا ندير اللي يريحني ... وزايدون شحال من دري عايش بين باه ومو ومعقد ومريض غير بسبب مشاكلهم ... ولادي مخاصهم حتى حاجة الحمد وباهم راه كيشوفهم وقت ما بغا ... باش منكدبش عليك ... انا مابغاش نرجع مع مهدي وهاكا مرتاحة ... واااصلا مكنفكرش نتزوج شي حد اخر بلا متخلعي ... هوا كل مرة يهددني بولادي .. مهدي صعيب وكان صعيب معايا من الاول وانا معندي مااااندير بحريق الراس وكنحمد الله صباح وعشية على هاد العيشة اللي عايشة دابا ومغنجيش نخربها بيدي على راسي ... صاااافي تعلمنا وسالينا وتهرس لينا الراس ... هوا بات ولادي عاطياه التيساع و اما مت ولادو يعطيني التيساع واصلا مكنوريهش وجهي غير باش يبقا فالتيقار .. ولادي راه عايشين احسن عيشة معايشهاش واحد اخر بين مو وباه وماعايشينش فجو فيه المشاكل ومولفين الضحك واللعب والجو نقي ومرتاااحين
مينة : هي مكاين رجوع دابا؟
جميلة : لالالالااا منقدرش ... خليني هاكا مرتاحة
مينة : واغير على وجهي الله يرضي عليك
جميلة باقتناع: لاا منقدرش.. راه حياتي هادي منبقاش نلعب بيها انا .. اللعب ديالي هوا اللي خرج عليا
عقدات مينة حجبانها: ويلى مشا تزوج شي وحدة اخرى وبقاو ولادو بلاش
هبطات راسها كتمسح لصفان على شعرو
- الى سمح ولادو راه نيت ميسواش... يتزوج الى بغا الله يعاونو
بقات مينة غير كتشوف فيها معجبهاش الحال وتقلبات معنقة وسيم عندها خلاتها كترضع ونعسات معصبة
الصباح صبحات مينة هازة دراري بثلاتة تديهم لباهم يشوفهم وبقات جميلة مع الضياف اللي معمرين عليها الدار وخوالاتها اللي معاونينها فلكوزينة وقايمين بالواجب ، خلاتهم وخطفات تشوف المحل ديالها بسرعة من بعد ما حطات كل موضف فالمكان ديالو وعطاتو شغلو .. تشغلات مع الناس اللي لقات تما كيباركو وكيشريو ووقفات على الهدايا والكراطن اللي غيمشيو لبعض المشاهير كدعاية ليها وركبات فسيارة صغيرة عادية شراتها قديمة تحرك بيها وبقات موفرة الدرهم للمشروع عكس الايام السابقة.. كانت يدها متقوبة اكثر من لقياس . لاكن الوضع تيدل وبما انها كدعم راسها براسها ومكاينش اللي يوقف معاها بدات ضرب لحساب لكل لاي حاجة وتوفر المال لدواير الزمان ومكتافية بالسيارة العادية حتى تزيد لقدام وتبدل .
رجعات فلعشية غادية وكتصوني على مينة لاكن الاخيرة مكتجاوبش .. قررات تمشي عندها لدار مهدي وخرجات من السيارة صونات فالانتيرفون
مينة: شكون؟
جميلة ؛ هبطي يالاه نرجعو للدار
مينة: لا غاسيري غنبقا هنا انا
جميلة : علاش مالكي؟
سدات عليها مينة وصدماتها خلاتها غير كتشوف وتبرق .. طلعات للدار كدق وتصوني وفتح ليها مهدي الباب بجفاء وقال
بقا ساكت كيشوف فيها وقال بهدوء وبرودة: مختنين ماعندهم فين يمشيو
حلات عينيها مصدومة ودفعاتو بدون شعور كتجري بداخل وتعيط لقات مينة هازة صوفيا فلكوزينة مشافتش جيهتها وميكات عليها .. دخلات للبيت النعاس لقات صفوان ووسيم ناعسين وفعلا مختنين ومشات طاحت حداهم مخلوعة كتبكي وتشوف فيهم مغطيين بليزار .. ناضت بجنون وهستيرية حمات السوق كتغوت وهوا متكي على قنت الباب مربع يديه بلامبالات
من اصعب الاشياء اللي ممكن تأثر على كل انسان هي اللي كتجي من الابناء مباشرة ... وبالاخص على الامهات بشكل قوي . جميلة بقوة الصدمة فالختانة اللي ماتعلماتش بيها والتخيلات اللي بدات تخيل فراسها دخلوها فنوبة هسترية من الصراخ والجنون على مهدي وبدات بالضرب والهرس فأي حاجة جات قدامها ، مكانش متوقع هاد ردة الفعل العنيفة .. او يمكن مكانش عارف مدى تأثيرها على جميلة حتى كيتفاجأ بشراسة ووحشية في فرد الفعل ديالها عمرو شافو من قبل او تخيلو. باش تنتهي الحرب اللي نوضات فالدار ويتهدن الجو المختلط بصراخها وصراخ الاطفال المخلوعين .. بدا كيهدن فيها باللتي هي احسن واخا رفضات بوحشية اي لمسة من يدو ولا صوت طالع من فمو .. لزم الصمت باش تسكت وتهبط من السما اللي طلعات ليها وخلاها حتى فشات قلبها معيور وتهراس ودخلات للبيت سدات عليها بين صفوان ووسيم فصمت خلاتهم على برا كيهضرو بالحس والصوت مطالعش كيجمعو الروينة ويهضرو بشوية .
عجاجة دازت فالدار كان من الممكن تخرج عاقبتها خايبة او يتآدى واحد فيهم لو تمادى مهدي فالعناد والضد معاها . لاكن لحسن الحظ وحتى الحالة اللي شافها فيها خلاتو يسكت يبرد الجو احسن ما يزيد يشعل النار اللي كانت تقدر تحرقهم بجوجوج.
باتت طول الليل فايقة سهرانة .. مانعساتش .. ماداقتش النعاس ... الخلعة والخوف والراس كيضرها .. كثرت التخيلات بلا فايدة كيزيدو يخليوها تنفاعل اكثر ... كفاش لو تقطع العضو كامل؟ كفاش لو مات واحد فيهم ؟ كفاش كيحسو ؟ كفاش رجع عندهم داكشي داير ؟ عوج ؟ مقيح؟ فيه الدم ؟ مورم ؟ تخيلات وأفكار كيخليوها قلبها يزدح زديح بالخوف والهلع .. عيات تطرد الافكار الخبيثة لاكن ماقدارتش.. وكأن شي حد كيضغط عليها فقلب ودنها ويصور ليها مشاهد مؤلمة كتخليها تشد فراسها وتسد عينيها وتتهرب من ديك التخيلات .
حل فجأة وسيم عينيه كيعيط "ماما" بكل برائة كما ولف يعيط ليها وكما كان يشوفهم كيعيطو ليها حتى رجع كيعيط ليها ويلمس فيها الحب والحنان وينام في حضنها .. كحزات حداه خايفة تقيسو .. خايفة ضرو .. خايفة تبكيه وكتألم غير بوحدها ماعرفات كي دير وعطاتو البزولة يرضع وبدات تلعب فشعرو الاشقر الذهب وتشوف فيه كيرجه فالنعاس وتشوف فصوان ناعس وتدوز يدها على شعرو . غير بوحدها حتى حل عليها مهدي الباب بلا ميصدر الحس بغا يشوف هاد الصمت اشنو من موراخ وكفاش ولات الاحوال.. حل عينيه متفاجأ فاش شاف وسيم كيرضع منها ورجع اللور رد الباب بشوية وتلفت عند مينة مستغرب وهي متكية فوق السداري كطبطب على صوفيا
فعلا كلام مينة صحيح.. والعلاقة بين وسيم وجميلة كأم وابن وخصوصا بسبب الرضاعة اللي زادت قرباتهم اكثر وربات عليه الكبدة وكتشوفو اكثر واحد مضلوم ومحتاج بين ولادها .. وبكل فرح وسعادة كتقدم ليه كل مايمكن ان تقدمه الام لابنها الشيء اللي خلاه يزيد يتشبت بيها ويخليها بالتشبت ديالو تزيد تشبت بيه.
**
غادي تشاهدو مشاهد ربما تجيكم مستحيلة.. غريبة . لاكن ما على الرسول الا البلاغ وكما تحكاو ليا من فم المعنية غيوصلوكم بلا زيادة او نقصان ( الواقع فقط اللي غنقل )
. ضربها الغربي للوجه زاد فيقها لاكن العينين مزيرين حتى الشوفة مخربقة ليها مقادراش تركز مزيان ..تشوف طير داز وتبقا تفكر فيه حتى وخ وتبدا تقول ماعرفت فيم شفتو .. لدرجة نسات باللي داز قدامها .. او تسمع صوت كينادي ولا شي كلمة وتلفت مصغرة عينيها كتحاول تركز .. ودنيها فيهم صوت خشخشة وصداع .. بكاء وصراخ حتى حاجة مامفرزا بحال اللي كيبات فعرس وسط الموسيقا والصخب ويرجع للدار بداك الصخب فودنيه كأنه باقي فالعرس.
سمعات الحس فالدار وسط ديك الخشخشة والتشاش اللي فودنيها ومشات حلات الباب بعيون متعبة حتى الهضرة مقادراش تهضر .. باغا طلب كينة دالراس .. دوا .. اي حاجة تهدن ليها الصداع وطفي ليها ودنيها .
طلات مالقات حتى واحد وبتعب قالت نتكا فوق السداري شوية.. فشلانة وكتافها بغات ترتاح باش تنوض من جديد .. لاكن فور ما حطات راسها واستلقت على ضهرها والنعاس بين عينيها حتى كتقرب دخل فيه وكتخرج بداو يديها يترعد فجأة .. بدا العرق كيتصبب منها .. الصهد غادي وكيزيد ..الاحساس بالخوف كيقوى ... ماعرفاتش اشنو كيوقع .. باغا تنوض وماقدراش .. فجأة القلب بدا يجري ... يجري .. يجري .. يجري حتى بدات تسمع الدقات بودنيها وتحت بصدرها كيتخبط .. تزاد الخوف اكثر وحلات عينيها على كبرهم كتشوف فالسقف مخلوعة تقول ساعتها وصلات
على ماكتسمع ومكيعاودو الناس على الموت بدات تربط الاحداث والمشاعر .. وفكل دقيقة كتزيدها كيزيد القلب يجري ويضرب وسط صدرها بقوة والدات كأنها كدوب فبلاصتها .
كل شوية تعيط من قلب الدار وتنادي والخلعة كتزيد حتى دخل من برا على غفلة .. سمعات الباب تحل وبدات تعيط .. انا هوا باستغراب بدا يشتت النضر .. واش هي اللي كتعيط ليه ولا النعاس اللي منعس ماشافو الليل كامل هوا اللي صمك ليه ودنيه !دخل بنفس شورط البارح وملابس الدار فداك الصباح الباكر كيسمع صوتها حتى بانت ليه مجبدة فوق السداري ومجبدة يدها ليه وعينيها خارجين كأنها كتلفض انفاسها الاخيرة. حط السوارت بسرعة وتيليفون ومشا كيجري حداها جلس شد ليها فيدها كيشوف فيها ويهضرو بجوج دقة وحدة .. هي تشكي وهوا يخفف
ضربات مينة فخادها وندبات حناكها وناضت جابت ايزار غوز وتمات جاية بيه وكيبان لجميلة ابيض .. غطاوها بيه كيهضرو معاها ومهدي حاط يدو على جبهتها بانت ليه بدات تنشف من داك العرق اللي كان كيخرج منها بغزارة .. حط يدو على قلبها حس بيها بدا ينقص من الجري ورد يدو لجبتها وهي كتشوف فالسقف.. نطقات فجاة صدماتو وخلعاتو وقالت
- حيد يدك ... صافي حيد يدك هاهما جاو يديوني
فديك الاثناء كانت كتشوف اللي مكانش كيبان لمهدي ومينة ... بقات حالة عينيها فااسقف على اساس كتموت وحتى واحد مقدر يقنعها انها مغتموتش... الهدوء اللي بدا ينزل على جسمها بشوية تفسر ليها على انها الموت دخلاتها والروح كتخرج وبدات كترتاح وتستسلم للموت .. شافت من السقف ضوء ابيض كيهبط عليها تدريجيا وطلبات من مهدي يحيد يدو وبدات تشوف فداك النور نازل كيقرب .. قطعات الحس حتى قرب للنص داك النور وبدا يتفرز وبانت ليها بنت بحال مونيكة شعرها مكريبي فوق غيمة بيضاء .. ماعرفاتش ومافهماتش شنو لاكن اللي فهمات انها هي هاديك الموت وهاكاك كتجي وحتى واحد مكيقدر يقول شنو كيشوف وحتى هي سكتات كما كيرو الموتى مابغاتش تقول ... العقل وماكيملي عليها ويوهمها وهي كتصدق وعايشة الدور .. مهدي كيغوت ويحركها باش تقول شنو كتشوف وهي هازة عينيها فااسقف ساكتة زعما راها كتموت ماخصهاش تهضر وهادو هما الاموات ... بقات هاكاك كتشوف فديك الغيمة وترمش حتى داها النعاس وغطسات فنوم عميق بينما مهدي ومينة واعيين بشنو واقع وكانت كتبان ليهم كتهترس فقط والنعاس كيديها في حين هي كانت فعالم اخر غير الطبيعة اللي كيشوفوها عليها . تقلبات على جنبها وهي ناعسة وهوا جالس شاد تيليفون كيهضر مع الطبيب اللي كان متبع عندو ويعاود ليه على حالتها ويستفسر منو على شي طبيب مثلا اخصائي يديها ليه ولا شنو يدير فهاد الحالة . بقا شحال كيهضر ويسول على شنو ممكن يدير ومينة مرفوعة دايخة فلكوزينة كتهز وتحط وتستغفر باش تركز مع ماكلة الاطفال اللي مقابلة بوحدها.. اما صوفيا واقفة بين رجلين مهدي كتلعب وهوا كيهضر وفكل مرة تبغي تمشي عند جميلة كيشدها يلاهيها حتى قطع وهزها باسها وناض بيها كيهضر معاها جهة بيت النعاس فين ناعسين الاطفال
حلات عينيها بعد نوم عميق بداتو من الثامنة صباحا حتى الخامسة مساءا .. نهار كامل ماعرفات اش واقع فيه ولا اش طاري فيه..اقترحت مينة على مهدي اثنائها يجيب فقيه يقرا شوية ديال القرآن عليها وفعلا مشا جابو وجلس حداها وهي ناعسة كيقرا القرآن ويتلو الدعاء وهي كيوصلها الصوت فنعاسها .. كتسمع صوت القرآن والدعاء فودنيها لباطن عقلها حتى فاقت عليه وحلات عينيها كتشوف فالسقف وفين هي .. ومعامن جالسة .. كان مهدي جالس ومينة شادة صوفيا .. هزو عينيهم فيها يالاه بغاو يسولوها وهي تجلس ودارت داك ليزار على راسها اللي كانت مغطية بيه وقالت كتشوف فالفقيه باشراة وغضب
- من هوا ربك .... مااااهواااا دينك ؟؟؟
ناض مهدي وقف بسرعة مافهمو اش واقع .. انا هي كل ما عارفة انها حلات عينيها من بعد الموت وراها ميتة وودعات الحياة ونقزات ديك المرحلة ومشات لعالم اخر وبدات تغوت عليهم واحد واحد
الفقيه قفز تخلع لاكن بقا شاد فراسو وورجع للقرائة ومهدي تحنى حداها كيشوف فيها مخلوع .. اما مينة صفار وجهها وهربات بصوفيا للبيت ردات الباب خلاتهم وكتسمع غير صوتهم في صراع
تراجع مهدي اللور وجهه صفر كيشوف فيها مافهم حتى حاجة .. الحزن والاسى والخوف وهي كتقرا مع الفقيه ومتبعة معاه الآية مغمضة عينيها ومخبية فداك ليزار على انه كفن ديالها .. فديك الاثناء دخل ياسين على غفلة مافراسو والو لقا السلام بعفوية وهي تشير ليه من قنت السداري بغضب
بقا كيشوف والفقيه كيزيد يقرا القرآن بصوت مرتفع.. تلفت مهدي مشح على وجهه طايح فيه النص وياسين كيشوف فيه ويتسائل فدهشة وصدمة .. لاكن اللسان اللي يجابو والعقل اللي يركز معاه مرفوع . صوت القرآن وصل لبرا بصوت مرتفع وصراخ جميلة من حين لآخر هبط الجيران كاملين ديال العمارة مخلوعين
بقات كتقرا مع الفقيه ومهدي وياسين كل واحد واقف فقنت مهبطين راسهم مخلوعين كيشوفو فيها وكل واحد حاط على فمو ، الفقيه عيا يقرا وقطع بكاس دالماء.. ديك اللحضة اللي بغا يشرب فيها بدات تغوت وتشوف فياسين
حل عينيه مخلوع ومصدوم اما الفقيه حط الكاس ورجع بسرعة لقرائة سخفان وبدات حتى هي تقرا معاه .. مهدي صافي حط السلاح وتقاداو ليه بقا غير كيشوف وراسو فالارض .. اما ياسين الصدمة قلباتو وشقلباتو جلس فطرف السداري فشلان كيشوف فيها مطولا وتأكد ان داكشي اللي واقع بصح وداكشي اللي فيه هي ماشي فشوش او تمثيل او كدوب... ناض ديك الساعة دخل لبيت عند مينة لقاها جالسة كتمشي وتجي بصوفيا على الله تنعس تحطها وتخرج عندهم .. رد ياسين الباب مخرج عينيه وشاف فمينة مخلوع
- شنو واقع ليها؟
ردت بأسف: والله ماعرفت ... ماعرفتش اش هادشي
ياسين: شوفي .. انقول ليك واحد البلان دابا وقع ... بدات تغوت قالت ليا لغنا حراام ... غدخل لجهنم
مينة: ايوا ومن بعد
ياسين: وباش عرفاتني ؟
مينة: شنو اللي غتعرف!
ياسين: انا كنت كنوحد واحد تراك مع صاحبي ديال الراب وكدا ... ومافخبار حتى واحد دابا قالت ليا ديك الهضرة خلعاتني
مينة : شنو هوا هاد التراك ؟
ياسين: ديسك وصافي
مينة: وييلي وحدي بقا ليك غا لغنا ..
ياسين هادشي فشكااااال!!!!
خرج مخلوع داز حداها شاف فيها ومشا للطواليط توضا وداز موضي حدا مهدي خاف من كلام جميلة وبانت ليع القبلة توجه ليها ديك الساعة . تلفت مهدي كيتنهد شافو كيصلي فالبيت ومشا تا هوا توضا ودخل صلى موراه ورجع طل لقاها واقفة بداك ليزار كتمشي وتجي .. انا مينة خافت تخرج ماعرفات اش واقع ... ولادها حاضرين وجميلة ماشي هي هاديك بحال والو تجبد ليها شي حاجة تحشمها قدام ولادها ..
فصمت كتمشي وتجي والفقيه كيقرا الدعاء .. دخلات ملوية فداك ليزار ومهدي غادي جاي موراه .. تكات على لحيط براسها وجبهتها وهوا واقف كيشوف فيها متوقع اي رد فعل ، شدات فراسها سادة عينيها باغا تبكي .. قرب شد فيدها كيطل ويسول بأسى
جميلة الجزء 23
محتوى القصة
التنقل بين الأجزاء