....الظهر تيأذن !! الشمس ساطعة والجو جميل و صيف حل بابهى حلة ! من بعيد تيتوضح لك فيلا من ارقى فيلات و هدوء جميل ، ناعسين مزلعين فالصالون من بعد ليلة السهر العائلية ، كلها و عقلو باطن آش تيصور ليه ، الا ان صورة بدات تتلاشي بصوت قوي جوهري مابقى لا شمس ساطعة لا جو جميل ولا ارقى فيلات ولا هدوء
فاروق: الله يلعن لي مايحشم ! وحدة نهاااار الكلاب مزال جابدين عليها
يوسف : ( جمع وقفة تيفيق حسام ) نوووض المسخوط مخزن جا
براء : ( زير علي عينيه ) اصباح الله الواليد
فاروق: مالو صباح ديالك ؟ بايتين خدامين! نكولو !! شادين طريق تاهيا ندوزها مع خوتها !! تكعد خوي
يوسف: وخ عمي وخ
...جاية تتزرب فالمشية تتشوف فيه فيها بعتاب تتكلم بهمس
خديجة: اسيدي خليهم ناعسين مرتاحين ! اش نقصو لك ولا زادو لك
فاروق: يخيويو عليا من هنا ! ( تيشير براء تيتكسل تيفقصو) صفر سيفة لاخر
خديجة: ( جراتو ) يهديك الله افاروق راه طججني من دار ! لس سمع يقول غير عليه
فاروق: الواليدة دارها هادي وبنتي هيا اولى وهداك مع ديك رباعة بدات ممرتاحش لهم
خديجة: الولد جاي من خدمة عسكرية مدوز مرار و صابح عليه هكا
فاروق: ( تيحرك راسو مراقبهم دازو من قدامة خارجين الجردة يفطرو ) خليني مني ليه ! شفتي ضد لي مخدم معايا ؟ مزال يعطي العاطي
خديجة: اوا سمحلي ! انت لي شاد معاه الضد و ماتتشدش معاه العصا فالنص
فاروق: اياه كاينة ! ولكن مالوموش اولادنا الدم تيجر
_ فاروق ولدو تيكول انا قاريه وحافظو ! و براء تياكد ليه نظريتو و لكن تيفاجأو ، طلع بيت لقى البنية بوحدها تتلعب و رؤيا تتصلي ! هزها رؤيا بتسمت فعز صلاتها و دخلها معاه بيت ! حطها فوق رجليه يبوس و يعاود بحب الجد ، طيرات ليه العقل و دخلات ليه القلب ..
فاروق: آشنو آبا ؟ شنو زعيعرة صغيورة ؟
ياسمينة: ( تتسمع بتآنى و تاتشوف فيه ) كغغغ
فاروق: ( تكى و حطها على صدور مغمض عينيه) اها شنو عاوتاني آبا ؟
...تتقلب ليه و تمص صببعاتها ! احسن حاجة طرات ليه هاد السنين هيا هاد الحفيدة ، كأنه تيكرر ولادة ماماها رؤيا، نفس العيون و البشرة و الابتسامة ..حطها حداه تتلعب و يبوسها و يلعب معاها تانعسوو بجوج فغفوة و مرة مرة تيسمع صوت دراري تيهضرو و يضحكو بالكو تيطل على جردة
فاروق : الكياضر !
****
...يوسف : تا الااا اصاااحبي وبرب لا زططتي
براء: ( تيشرب قهوة كحلة ) كنتي معاهم اصاحبي؟
يوسف: هاء !؟ راه داكشي مامنوش سولني انا
حسام: ( تيشوف فواتساب ) الخوادري من بارح مادخل واتساب
براء : ( تنحنح و هز تلفونو تيشوف ) يكون جاي!؟
حسام : الا !
يوسف: يكون ضارب شي بريكول ناضي
براء: نوض اولد عمي خوي سيكتور لاينزل يربب علينا هنا
يوسف: ( شاف جنابو و نطق بهمس ) انا غادي عند عمي مغيث
براء : ( قرب ليه سولو بنفس نبرة ) شي عراضة ؟
يوسف: ( وقف ) زكريا مع العميقة تما نتبحرو
حسام: يلعدلمك انا ماتكوليش ؟
يوسف: انت صاحبي مك تادير لك طيارة و عاد تتلصق فيك عمر تحضيه
حسام: عمر لصقوه عبد الله و الفقي امير ! مايعومو ما يتبحرو
براء : (دوز يديه على شعرو ) تحركو زيدو !
يوسف: ( مد ليه سدو يسلم ) اوا نتشاوفو
براء: ( ضرب ليه يديه ) زيد قدامي نمشي كلنا نتبحرو
...هز براء سوارت طموبيل خديجة و نظاظر وصاكو و تلفون و ودعو خديجة و الوازنة و ركبو غادين ! براء طريق كلها مركز فطريق و عاض صبعو بتشويق امتى يشوفها ! تااتجيهم السكنة مغيث قريبة لبحر ولابسين و ظرافات مايغوت ما يعطي أوامر ! طريق كلها يوسف قلب ليه مخو
براء: ماتديشارجاش اصاحبي ؟
يوسف: كفاش انت بلانك؟ اااه !! لا تتيز لا دلوعات و صيف هدا
يوسف: ( تياكد بيديه ) شتي انا و حق الرب العالمين حتى اناخد الساكتة ظريفة فالبنات ، ااه ؟ لا مصاحبة لا داك افلام بسلام العدول
براء: ( وصلو ) نزل تقاود ...
....عطاو كلاكصون دخلو بلاصاو نزلو متابعين ! يوسف غير تيكركر و حسام تابعو فهبالو اما براء هو اخير مميز بطولتو داخلين يسلمو على عائلة هما دخلين وهو يلمحها خارجة منزلة راسها لابسة كسيوة بيضة و شعرها مطلوق ! اياكلها بعينيه و مركز شفايفها لي بتسم بمكر ! عطاها يوسف واحد دقة شداتها ساكتة
يوسف: ههههه احح قصحتك
نعمة: ( شدات كتفها ) صمت
براء : ( وقف لها تاقربت جنبو دوز عينيه ليهم لي دخلو ) صباحو
نعمة : ( بنظرات خاترين كانه ماتتعرفوش ) صباح البارح
....خلاتو غير تيشوف ! اعصار دايز مخنزرة معصبة ، هازة كونطاكط للسيارة اسماء فتحاتها دخلت هزت شارجور و رجعت سداتها هو واقف منتظرها ..تا سبقاتو و تبعها ، سلم على الكل، و حطو الغدا متبادلين الكلام و الضحك هو جالس حداها ضد
يوسف: تي يضبر مخو داك معقد ! انا داوي على صديقتي مسكينة
نعمة : ضرب على جيبك ! لا انا فلوس بابا يتخسرو على صحاباتك
...عنقها رغبها ! والو الوصاية لي شدت من اسماء وكاذبة علليهم انه من نبيل ! بجنبهم زكريا و براء مع حسام عاد جاي امير مع عبد لله لي فرحان وهاز لابسين بلاستيك تيضحكو و يتبادلو الكلام ! البحر كان من جهة خلفية من فيلا قريب امامها جلسو تما و صاوبو لهم جلسة برولاكس و ...يوسف دهن لومبر و جر حسام غادين شدوها طولة، و زكريا مع عبد الله تيعمر ليه لابسين وامير شاد تلفون جالس داير نظاظر تاهز عينيه فبراء ...نفس نظراات نفس حركات..براء هو براء ردار كلو محولو لنعمة
اميرر : براء تعوم !؟
براء : ( صوتو دار ليه ازعاج ) وانت ؟
امير: ( تجاهلو و سأل نعمة لي تتقاد فوطة ) نعمة تعومي ؟
_دور شاف فامير ملهي مع عبد الله و زكريا ...شدها بقوة من ذراعها و جرها داخلين بحر امواج تتضرب فجسمها تتنقز من برودة الما اما هو كان شاعل ! تا ضرب البحر فخصرهم و تتزيد تجار معاه هو تيزيد يجرهاا تا وصلو بحر كتافو اما هيا شدات فيه رجليها فالما قربها ليه بقوة و تملك و ما تيدخل فمها و تتشوف جنابها
براء: اتسمعيني مزياااان !!!
نعمة : ( بحدة ) مااااابغيييتش ! واش تتفهم ؟
براء : ( تياكد برااسوو و زاد قربها ) لا اتسمعي و نتي تتشوف فيا ( شد لها فكها بقوة فيكساها مع وجهو ) جوووج كلمااات ديريهم بين عينيك
براء: لا تقصرييييش !نيت تقطعي عليا طريييق طويلة ( حكمها مرة اخرى ) من نهار ضربت فدلمك خايفة ونتي دخلتي ليا مع العظم ! شتي من غيرررري والله لا داز لك ، انا ولد عمك و بززز منك تهضري معايا وضحكي معايا
نعمة: تتحلم
براء: ( جرها بعصبية ) لسان ماااضي ابنت عمي ؟ ولكن مقبولة منك راكي تربيتي وعلى عيني ! آش كلتي بخاطر ولا بزز ؟
نعمة : ( قلبها تيضرب ) شنو بزز ولا بخاطر ؟
براء : تكوني معايا ! تايحن الله و يجمع شمل عما قريب
نعمة: ( خوفها تتحس بيه ايغرقها ) خلعتني ؟! هضرتي دير عليها شهود ؟
أولاد الوازنة الجزء 93
محتوى القصة
التنقل بين الأجزاء