توقفت بسيارة مجبدة كاتلمع .. اصدار 2020 .. نزلات منها انثى بكامل مقاييس الجمال .. ملابسها من ماركة عالمية .. فستان من مصمم مشهور .. فاللون الوردي .. شعرها الحريري كايتلاعب وراء ضهرها واصل ليها لخصرها .. جمالها جذاب و كاتزيد تبرزو بالمكياج المثير اللي كادير .. انثى بكامل المقاييس، الفورمة عندها العارضات الازياء، كولشي مقاد فبلاصتو و حميتها ديما عندها هي فالدرجة الاولى .. لاحت الكونطاكط دالطموبيل للگارد يركنها و كملات طريقها عدسات الكاميرا دالصحفيين كاتصور فيها و هي كاتبسم ابتسامتها الساحرة .. واثقة من نفسها و من طلتها و عارفة هي الوحيدة اللي غاتلفت الانظار كما العادة صورها تيتنشرو بالجميلة المغربية اصغر مصصمة مجوهرات بنت السفير المغربي السابق و حفيدة الاستاد رشيد الجوهري لي عضو فالبرلمان .فهي اليوم ضيفة الحفل لازياء للماركة ديور .. ، تخطات الصحفيين اللي فلاشاتهم دازو عليها بالكامل، صوروها من جميع الجوانب .. كملات طريقها حتى وقفات فالاستقبال، تجمع للبورجوازيين و المشهورين .. و نخبة من اغنياء فرنسا .. مدت لهم لاكارط الخاصة بالدعوة ديالها، تأكدو من اسمها و سمحولها تدخل بابتسامات خفيفة
دخلات بثقة .. راسها مهزوز الفوق و فداخلها كاتقول انا الملكة .. فعلا كانت ملكة الحفل من ناحية الاناقة و الحضور .. الرقي باين من الدخلة .. الحفلة بموسيقى هادية، سيمفونيات معروفين و فرق موسيقية كاتعزف .. مع راقصين عالميين .. كايرقصو بطريقة احترافية و ملفتة للانتباه .. وقفات عند طبلة من الطبالي الكثار الموزعين فالقاعة، كاتشير لهذا من بعيد و تبسم لهادي ..جميعهم عارضات او مشهورين تقريبا الكل عارفها .. ابتسامتها الساحرة ديما آسرة قلوب الشباب و لكن هي مغايعمرش عينيها أي شاب .. هزات كاس كوكتيل دون كحول بين صباعها ب بروتوكول و رقي و اناقة، حركاتها محفوضين و عارفة شكادير، كل حاجة بقياسها، عارفة نفسها وسط مجنكتمع راقي و ليبوغجوا هذا هو حالهم
مرة مرة كاتزگف من كاسها حاضية داك الرقص مبهورة بيه، عجبها انسجام ليكوپل .. و طريقة الاستعراض .. حسات بهاتفها كيرن فپوشيطها حلاتو و جبداتو كاتشوف فالرقم، بكل هداوة جاوبات، رموشها الطوال كاترمش بيهم و نظرات عويناتها فحال القطة تجذب بيهم كل من هب و دب جاوبات بالانجليزية
جنى: (بهدوء) المورال طالع اليوم على داكشي نقدر نجاوبك و نقولك اممممم ماشي بزااف
العلوي: (بضحكة رجولية) يعني توحشتيني؟
جنى: امممم
العلوي: حتانا توحشتك (حسات بشي يد دارت على خصرها و انفاس بورشوها من رقبتها و صوته اللي كانت كاتسمعه فالتليفون ولات كاتسمعو مباشرة، قريب ليها لدرجة تسارعو دقات قلبها و حنوكها حمارو) توحشتك بزااااف الأميرة (باسها فخذها مبسم بينما هي نفشات ريشها اكثر .. لوات شفايفها للجنب بدلع و رجعات شافت فيه بتكبر نوعا ما)
جنى: ماقلتيليش جاي اليوم؟
العلوي: و انت ماقلتيليش غاتكوني زوينة لهاد الدرجة اليوم؟
جنى: (زادت تنفخات و عجبها راسها كثر و كثر) اممم فوقاش وصلتي باريس ؟
العلوي: (جرها عنده اكثر من خصرها حاضي شفايفها و حركاتها بعينيه) كومون جنى
جنى: (شافت فيه بتعالي كاطلع و تنزل و دوك الرموش و العيون غاديين و يسلبوه اكثر و اكثر) اممم اذا ماعجبنيش الحال خاصك تعوضها بما احسن (حطات سبابتها على صدره حتى تبعولها بعينيه مبسم ابتسامة خفيفة جذابة) و انت عارف جنى مكاتعجبهاش اي حاجة
العلوي: (جر لها سبابتها اللي حطاتها عند صدره، قبلها و ضمها عنده اكثر مقربلها حتى،كايلفحها بأنفاسه الساخنة) ليتس جووو بيييب
جنى: (تبسمات كتشوف فيه) اووكاااي بييب ليتس گوو
شد فيها خارج بيها .. و هي بين يديه مثل الحمامة، تفتن بالزين و هو يفتن فحالها .. وقفو عند الباب متجاوزين الصحافة، جابو للعلوي سيارته و وراها سيارة جنى ، بغات تمشي لها و هو يشد فيها كايدوي بجدية
العلوي: الشيفور يجيبهاليك اجي معايا دابا
تنهدات كاتشوف فيه و حركاتليه راسها بالايجاب .. تمشات معاه، حلها الباب معاملها مثل الاميرة .. ركبات تا هي هازة راسها لفوق و جلستها مستقيمة .. طلع جنبها، طلعها و نزلها بعينيه كاتحمقه بجميع تفاصيلها .. انطالق بسرعة عالية .. طووول الطريق و هو كايشوف فيها كل مرة، مسحور فيها .. حتى حبس الطموبيل .. نزلو بجوج و هي كاتشوف حواليها .. عينيها توسعو فواحد اللحضة حتى عاودات رمشات كاتحافظ على هداوتها و عطاتو يدها، شدهالها غاديين جهة بقعة مزينة بالكااامل .. ورود و نفاخات .. كاتطل على واحد النهر و اضوية شاعلين من بعيد مشكلين اسم "جنى" .. وقفات تما و هي كاتدور فعينيها بابتسامة ساحرة فكل شبر من هاد المكان، حتى رجع لجنبها .. مدلها واحد العلبة مربعة طويلة و كبيرة .. و قال مع ابتسامة
العلوي: هذا ليك
شداتو من عنده كاتشوف فيه باستغراب، جرات شريط كان داير عليه و هزات الغطاء ديالو .. بانلها قطعة قماش فاللون الوردي، لونها المفضل .. كولها كاتلمس كأنها مخيطة بالالماس و الكريستال .. هزاتها بين يديها كاتشوف فيها و رجعات شافت فيه كاتلعب بشفايفها بطريقة كاتخليه غير حاضيهم
العلوي : ( حرك راسو عاطيها كارط بإمضاء مصصم عالمي عليه اسمى ) فقط جنى
جنى: نمشيو دابا؟
علا فيها حواجبه و جاوبها بهداوة
العلوي: مزال السهرة طويلة و عندي ليك دي سوغبخيز غايعجبوك مابخانسيس (جرها لعندو من جديد مركز فنظراتها و ميل راسو معاها .. قبلها قبلة ساخنة هزاااتها خلاتها تكرز بيدها على سترته و رجع اللور مبسم) واجدة؟
جنى: (منتشية من قبلته) اممممم
دور يديه على كتافها، قابلها مع النهار و قرب لعند وذنيها، كايدوي و انفاسه سخان ضربو فعنقها كيهمسلها
العلوي: واحد .. جوووج .. (باسها فكتفها تا تبورشات و حاوطها اكثر بيديه معانقها من اللور) ثلاااثة
غي نطق ثلاثة قفزات بتفاجئ من الالعاب النارية اللي بداو يضربو فالسما .. و فكل مرة كاطلع وحدة كاتكتب معاها كلمة .. خلات ابتسامتها توساع متبعاهم و هوما كايضربو فوذنيها و يلمعو فالسماء
العلوي: (همس فوذنيها) لاڤ يو ماي كاپ كيك
تبورشات من انفاسه، حروفه و قربه .. حتى مفاجآته .. عضات على شفتها السفلية محافضة على ابتسامتها الساحرة و قالت بخفوت
جنى: قول للشيفور يجيبليا طموبيلتي، هذا الوقت خاصني نمشي العلوي
(شافت فيه هو ورائها بسيارة كانت بين يديه مثل نسمة باردة مشات ، خلاته يزير عينيه بشغف معاها و رجع تبعها بعينيه .. كولو لهفة باش تكون ليه و بين يديه بكامل ارادتها ، دائما ماتتخليه نص طريق ! مزال تيعقل اول مرة شافها كان البلد ايطاليا طيرات ليه عقل و تصادف انها نازلة نفس اوطيل مع عائلتها و هو كدالك مع عائلتو لي تصادفت تتعرف مغيث القباج نفس ميدان العمل تيجمعهم غير القباج فالسفارة و العلوي ابن وزير سابق
أولاد الوازنة الجزء 96
محتوى القصة
التنقل بين الأجزاء