الأجنحة المنكسرة الجزء 11

2020

محتوى القصة

رواية الأجنحة المنكسرة

بعد ساعة حلات عينيها لقاتو جالس قبالتها كيشوف فالبيسي شافها تحركات وناض لعندها.
تخشى حداها فالفراش وعنقها
جهاد : كيف بقات حبيبتي شوية ؟
نريمان : اه الحمد الله مخرجتيش؟
جهاد : نو خرجت شربت كافي ورجعت كنتي ناعسة. نوضي نخرجو شوية
نريمان : واخاا انا نغسل وجهي ونخرجو.
ناضت على انضارو دخلات الحمام وبعد شوية خرجات.. لقاتو كيلبس صبادري هزات عبايتها كحلة لبساتها وقدات الشال ديالها. دارت عكر خفيف لبسات صندالة ارضية وصاك صغير فيديها. وخرجو
تغداو .. ومشاو تسراو فالمدينة وف اي بلاصة كياخدو فيها تصويرة دخلو لبوتيك كبير خاص بملابس النساء دخل شاد فخصرها كيشوفو فالملابس لي تما عجباتها كسوة صيفية بالشابو ديالها وصندالة ارضية. خداها ليها. استمتعات بالجو وعجبها الحال وحتا هواا..
تعشاو فمطعم صيني انبهرات بالأكل لي عندهم اول مرة تاكلو.. دوزو فيه ليلتهم .. ورجعو الاوطيل فمنتصف الليل.
دخلات نيشان توضات وخرجات تصلي. لقاتو متكي فالفراش بصدروا عاري لابس غير شورط.
صلات وحيدات العباية ديالها بقات غير بالشوميز وبينوار ديالو. دخلات فالفراش جرها لعنزو حطات راسها على صدروا كانت كيتفرج فيلم امريكي فالبيسي عاودو من اللول كيتفرجو هوا وياهاا.. حتا كمل ودار اخور..

فالصباح ناضت حتا 11 لقاتو فايق فالبالكون كيكمي..
ناضت لعندو شدات فيديه وهوا يضور عندها ببتسامة عنقها بيد شمال وقرب لعندها باسها فخدها ريحة الكارو مع ريحتو الرجولية.. عجباتها وبقات واقفة حداه كيشوفو المنضر الجميل..

دخلات الحمام دوزات على لحمها بالصابون والماء وخرجات لابسة بينوار. دخل موراها وهيا تجبد حوايجها لبساتهم بالزربة ودازت تصلي.. هبطو بجوج بيهم هازين حوايجهم . اول حاجة دازو فطرو ضارو شوية جنب البحر. وشدو الطريق لدبي..

جهاد : اخر نهار عندنا فالامارات..

غرغرو عينيها وقالت : صراحة هاد البلاد دوزت فيها بزاف عمر هادشي لي عشتو هنا يتنسى لياا..
جهاد : نساي اي حاجة خايبة انريمان نساي الماضي نساي كل الامور السلبية. راكي كتعصبيني بهادشي ديالك... خليك ايجابية وديما خممي فالامور زوينة والحوايج لي جايين من بعد اما القديم حسبيه كان غيمة ودازت.

نريمان : اه عندك الحق و..

قطعها : شوفي راه الله وكيقول ان عند ظن عبدي بي إن ظن خيرا فله وإن ظن شرا فله.. راك زعمة كتصلي وعارفة الدين ولا؟ دابا نتي راسك عامر بالوساويس والامور تافهاا والسلبيااات شتي الا بقيتي على هاد الحال غتمرضي وغدخلي فشي دوامة لي مغاديش تقدري تخرجي منهاا.
انا كنبغي ديما نهضر معاك فهاد الموضوع ولكن كنقول من بعد . مي دابا غنهضر معاك وغنقوليك حاولي تنساي اي حاجة دازت عليك وقولي انا من اليوم وحدة خرااا نريمان قديمة صافي مشاات. قوي راسك وخليك دينا متفائلة عيشي حياتك وفرحي من قلبك هاد الهضرة لي كنقوليك انا هيا لي كاينة ويلاا درتي بيها كوني على يقين غتعيشي مزيان
وفوق هادشي اناا معاك ديماا

شافت فيه وقالت : عندك الحق صافي واخا داكشي لي غندير

شد فيديها باسها : انا باغي نشوفك ديماا فرحانة وبشخصية قوية انريمان.
نريمان : بصراحة حتا انا مكرهتش ولكن هاكا طبعي كنخاف من كلشي ومكنتيقش حتا فراسي ديما كنحس براسي اناا فياا ديفوات وو..

قطعها : وعلاش لي فهاد العالم مكمول؟ راه احبيبة حتا واحد ماا مكمول الكمال لله. كلنا عامرييين ديفواااات غير الله يهديناا كلنا دنيااا لهاتنا بزاف
نريمان : خصك تبقى تصلي اجهاد
جهاد : وي ضروري غنصلي هاد الايام نبدا
نريمان : واخا ان شاء الله
جهاد : واش فهمتيني شنو قلت ليك؟
نريمان : اه فهمتك انا غنحاول نتبدل وندير كل ما فجهدي...

جهاد : حتا هاد تسافيرة لتركيا غتنسيك شوية وغيعجبك الحال غير هوا نتي نفسي كاع الافكار خايبة من راسك وداكشي لي دازلك فصغر وداكشي لي وقع ليك هنا..
نريمان : مشوقة نمشي لتركيا حاسة براسي غنمشي وغنرتاح وبالخصوص نتا معاك.

عاود باس يديها. وكملو كلامهم مجمعين حتا وصلو لدبي.
تغداو ومشاو لدار عند ماماه. جلسو معاهم شوية وهيا كتشوف ف نريمان غير من لتحت التحت.. مطولوش معاهم فالبلاصة ناضو خرجو. طلعو فالطوموبيل غاديين لدار

جهاد : نمشيو نرتاحو شوية

حركات راسها بالايجاب وهيا حاطة راسها على باب طوموبيل كتشوف فيه وساهية..

شاف فيها غمزها بتساؤل : مالك؟
نريمان : شافت فيه بحب ) كنبغيك بزاف


جهاد : بحب ) واناا كتر منك
نريمان : معمرك مغادي تخليني ياك؟
جهاد : بفف وعلاش غنخليك كتجي شي هضرة معندهاا لا ساس ولا راس ياك عاد هضرنا؟؟

نريمان : ومنعرف يجي شي وقت وتسمح فياا ولا تشوف شي وحدة خراا انا هادشي لي كنخاف منو كتر.
جهاد : الالة انا متفرقني معاك غا الموت. اما اناا طلع لياا فراسي كلشي بغيت نكمل حياتي معاك غير نتي ويكونو عندناا وليدات هادا مكان..

وصلو لدار جلسو فالصالة يرتاحو كانت العشية والضلام قريب يطيح..
جهاد : خصنا نجمعو حوايجنا دابا ونقادو امورناا غدا مع 10 عندناا طيارة.
نريمان : واخاا اناا نطلع دابا نبدل نجمع.
جهاد : اك.
طلعو هوا وياها هزات حوايجها كلهم بدات كتطوي فيهم
جهاد : خودي معاك غير لي غتحتاجي
لوخرين راه غيديوهم ليناا المغرب مع المطريال لي عندي هنا غنصيفطو
نريمان : واخا صافي.
رجعات فرزات حوايج لي غادي تدي معاها ولوخرين جمعاتهم فشانطة خرا. جمعات معاه حوايجو وبدات كتستف فالشانطة ديالو. هزات كاع مساحيق التجميل والمكياج دارتهم فصاك خاص بيهم
كملو معطلين ..
جهاد : صافي سلينا
نريمان : اه صافي نهبط ندير العشاء ؟

قرب لعندها عنقها : صراحة مكرهتش اليوم ناكل من يدين حبيبة ديالي
نريمان : هه صافي واخاا نديرو سبقني نتا وانا نهبط موراك.
جهاد : واخا ازين ديالي

خلاها وهبط حيدات حوايجها ولبسات قندورة خليجية ديال الدار خفيفة نص كم وصدرها مقوس واسعة هزات خلخال من مجوهرات لي جاب ليها جهاد مع الخااتم.. لبساتو فرجليها ليمن جمعات شعرها لفوق عشوائي على شكل سفنجة. مشات المرايا دارت ايلاينر وعكر حمر غامق لبسات صندالة د صبع وهبطات وخدودها مورين..
كان كيهضر فالتليفون ضور وجهو شافها غادية لكوزينة بقا متبع ليها العين وهوا ينوض لعندها.. قطع المكالمة وجا موراها وضور يدو مع كرشها قرب لعنقها كتحس بانفاسو الحارة كضرب فيها..
عض ليها وذنها بعضة خفيفة وهيا كضحك هبط لعنقهاا قبلها بقوة حتا حسات بالرعشة طالعة معاها..

جهاد : دابا علاش كتهيجيني هاكا امممم غير قوليلي علاااش

ضحكات وقالت : هه وعلاش شنو درت ليك
جهاد : اححح شنو درتي لياااا
قرب لعندها لسقها معاه كيتحكحك معاها من اللور حتا حسات بالرعشة . زاد شدها بقوة كيبوس فعنقها .. قلبها لعندو كيشوف فيها بشهوة
نريمان : بتوتر ) جهاااد اندير العشاء دابا.
حرك راسو كيتحلف فيهاا : اهاه واخااا حتا حناا ممزروبينش ههههه يلاه الالة ديري لينا هاد العشاء..
نريمان : وشنو غنوجد؟
جهاد : كلشي فالثلاجة وبلاكار لي بغيتي ديريه داكشي لي كاين غدا غنعطيه لعساس حتا هوا غدا غيمشي بحالو
نريمان : مسكين الله يعين الجميع..
جهاد : ويلاه الحادكة ديالي وريناا شنو غديري نشوفو..

ضحكات بخجل وبدات كتقلب فالثلاجة وتشوف شنو كاين..

جبدات اللحم من الفريكو حطاتو فالماا يتطلق وبدات توجد فشرمولة،،
وهوا قبالتها شاد فيها بهضرتو وحاضيها شنو كدير فلاخر ناض يصاوب معاها شلاضة..
كيتحرك فينماا تحركات حتا كيتاصفو مع بعضياتهم ويقلبو عشاء لقبلاات هافئة..
مكملات داك العشاء حتا سخسخهاا..
جلسو كيتعشاو مرة يهز يديه يوكلها ومرة حتا هيا تهز يديها توكلو..
جمعات داكشي غسلاتو وهوا كيمسح طبلة..
شافها كتمسح يديها وهوا يمشي لعندها هزها فالسماء كيضور بيها
نريمان : هههه جهاااد طلقنييييي غنطييييح لااا

جهاد : هههه لا مغاديش طيحي الكبيدة

هزها بين يديه طلعها لبيت لفوق بقبلات ومداعباات خلاها ترخى بين يدو .لمدة نص ساعة حتا تجردو من ملابس حسات بيه غيدخلو وهيا تجمع رجليها بالزربة... حسات بتشنج وتضييق وانقباظ غير إرادي فالعضلات المهبل
جهاد : مالك انريمان
نريمان : مقدراش اجهاد مقدراش
جهاد : باش كتحسي؟ شنو المشكيل؟
جرات عليها لغطاا وصدرها كيضرب : حاسة ب ب ضيق اجهاد مكنقدرش كنحس بضيق ماشي لخاطري واااخاا ك كن كنبغي ولكن مكنقدرش سمحلي اجهاد ماشي لخاطري والله عفااك

تخشا حداها عنقها وقال : فهمتك احبيبة ديالي صافي غنشوفو شي طبيب نفسي ويكون خير.
شافت فيه بعيون مدمعة : سمحلي اجهاد
جهاد : نوو حبيبة مديريش فبالك راه هادشي غير نفسي كيتعالج دغياا انا فاهمك


نريمان : واخاا انا غنوض لحمام

بقا فبلاصتو.
هزات حوايجها وناضت الحمام دوشات وخرجات لبسات حوايجها تما وخرجات. لقاتو مكاينش. بعد شوية طلع بشعرو فازڭ..
لقاها مخشية فبلاصتها.
دخل حداها معنقها حتا داهم نعاس..

صباح لابسة حوايجها كتقااد وجهها حدا مرايا بمكياج خفيييف. وجهاد فجهة خرا كيلبس صباطو.. ويقاد ساعة فيديو..
هبط لعند عساس عطاه حسابو وجمع ليه جميع الأطعمة لي بقات تما عطاها ليه خلا غير دار مفرشة. هكاك باعها بالآثات ديالها.. هبط ليهم عساس شوانط حتا طوموبيل ومشاو نيشان المطار ..
بعد الإجراءات اللازمة.. جلسو كيتسناو الطيارة ونريمان فقمة السعادة . كتشوف المطار لي جات ليه اول مرة ملي كانت جات الامارات كانت هاديك اول مرة تشوفو كانت بوحدها. واليوم هاهيا مع الزوج ديالها فرحلة حب جمعاهم..
وصل وقت المغادرة وناس متوجين للخارج غاديين لجهة الطيارة ونريمان شادة فيدين جهاد وهيا فقمة السعادة دموع الفرحة مغرغرييين ليها فعينيها..
طلعو فالطيارة شدو الأماكن ديالهم.
خدا ليها صور بوحدها وتصور معاها.
واستاعدو باش تقلع الطيارة وهيا مراقباها من نافذة..
حتا شافت راسها فالجو ..

حطات راسها على كتفو : جهاد كنحس براسي فرحانة بزاف والله. عمرني حسيت بهاد احساس وبالخصوص نتا معايا. كنت كنخاف صراحة نتزوج بشي حد ميحنش فياا ولا ميكونش باغي ولا مزير علياا ومنشوفش الضو. كانت حياتي كحلة اجهاد ودابا معاك كنحس براسي بحالا كنحلم. انا غير من الحسيمة المدينة لي خلاقيت وكبرت فيها عمرني مكنت، عارفة حتا شواارع ديالها وعمرني كنت كنتخايل حتا نخرج منها . ونهار مشيت لكازا حسيت براسي بحالا منعرف فين مشيت فرحت بزاف وكنت كنقول صافي حياتي غنفنيها غير فخدمة مع جوديا.
وسبحان الله كل حاجة دزت منها الا وفيها حكمة ملي كنخمم كنقول كن مضرباتنيش عمتي فنيفي وكن ما ماتش خويا. كنت غنبقى فديك الدار ومنعرف باش تلا بياا دنيا. وكن كان خويا مزال عايش مكنتش غنقدر نتحرك لشي بلاصة خرا. حيت هوا لي كان شادني.
كن مطراش داكشي وكن ماماتش خويا مكنتش غنمشي لكازا ومكنتش غنوصل الامارات ومكنتش غنطلاقى معاك ومكنتش غنكونو مزوجين دابا صراحة ربي وقف معايا ومخلانيش الحمد الله انا ديما كنقول موصلت لوالو ومعندي والو ولكن دابا عرفت بلي اناا لي مكنشوفش النعمة لي ضايرة بياا.

ودابا هانا مسافرة معاك.
هادشي عمرني كنت كنتخايلو
شدات عينيها حتا هبطو دموعها. باس ليها راسها وعنقها بيدو..

جهاد : وي الحمد الله. هاكا نبغيك ديما تخممي فهاد الامور وتشوفي الايجابي لي عطاك الله فحياتك. شفتي هانتي بديتي تخممي وتفكري مزيان. دابا يتزادو الامور يتقادو. ومزال احبيبة نعيشو حياتنا ونولدو وليداتنا ونتعاونو انا وياك. انا بغيتك غا تبقاي ديماا متفائلة وكلشي غيكون مزيان ومزال عطايا الله مكتحدش.
كنشوف انا بزاف ديال ناس. كانو عندهم ثروة لا تعد ولا تحصى راه فرمشة عين مشا ليهم كلشي مبقااوش لاقيين حتا مياكلو. وكاين العكس وهادشي عرفتي باش؟
غير الا نيتك هيا لي كطيحك يا فحاجة زوينة يا حاجة خايبة..
وهاكا احبيبة دنياا ماشا..

نريمان: بصح عندك الحق كنحمد الله لي سهل عليا ولاقاني بيك نتا هوا الكنز ديالو دابااا.
عنقاتو ودمووع فعينيها هبطو كحل لي كانت دايراه. عنقها حتا هوا وزير عليها. هز موشوار كيمسح ليها عينيها..

طلبو فطور حطوه ليهم فطروا.
وجلسو كيكملو هضرتهم..
دازت الرحلة ديالهم على خير لمدة 5 ساعات..
حتا وصلو لمطار اسطنبول.
تحلات باب الطيارة والمسافرين هابطين.
هابطة نريمان هيا وجهاد.. وعينيها كيلمعو من الفرحة كتشوف فالعلام د تركيا مرفرف فالسماء توجهو لداخل المطار. دوزو الاجراءات القانونية. وخرجو برا شدو طاكسي ومشاو نيشان الاوطيل لي حجزوا


دخلو الغرفة ديالهم كضور عينيها وكتشوف منضر ديالها وبالكون لي فيه طبلة وجوج كراسا كيطل على الحديقة د الاوطيل..
شافت فيه وعينيها كيلمعو
نريمان : الجووو كيحمق اجهاااااااااد
رد عليها وهوا كيحيد قميحة لي لابس : هه مزال مشفتي والو

نريمان : غنخرجو دابا يااااك؟
شدها من ذراعها : وي حبيبتي غنخرجو فين تبغي نمشيو؟

نريمان : فينماا بغيتي مشوقة غير ايمتا نخرج ونتسارا فيها
جهاد : اوك حبيبة ديالي اناا نلبس علياا ونخرجو..

لبس شورط فالڭري مع تيشورط فالأبيض. وصندالة دالصبع.
لبسات هيا شابو فوق راسها ونضارات شمسية..
وخرجو بجوج بيهم
جهاد : فين تبغي حبيبتي نمشيو؟
نريمان : بشوق ) مكرهتش نمشي نشوف ديك بلاصة لي كيبينوهااا فالأفلام ديك القنطرة لي فوق الماء هههه

جهاد : هه واخاا هيا اللولة

****
واقفين فتلة العرائس شادة يديها بجوج لعند وجهها كتشوف بفرح وعينيها كيلمعو..

معاهم مرشد السياحي التركي كيتكلم باللغة العربية كيوريهم الأماكن

المرشد : هذه تلة العرائس لمدينة اسطنبول تمكنكم من رؤية مضيق البوسفور بالإضافة الى اشهر الجسور في العالم

شار جهاد بيدو وقال : وهداك الجبل لي كيبان ديلاش
المرشد : جبل اولوداغ شبه جزيرة امينونو التاريخية. كل هاد الامكان يمكن رؤيتها من هاد المكان

جهاد : اوك ممكن تاخد لينا الصورة
المرشد : اكيد بالطبع..
خدا ليهم الصورة والجسر كيبان من موراهم..
مشاو لمكان اخر والمرشد مزال كيعاود ليهم .. دازو من احياء قديمة ولكن جميلة الطريق كلها غادية بالورد فالألوان وحتا ديور واخا قديمة ولكن مبهجة بالالوان والغرس لي حاطين فالنوافد والبالكونات. دازو من مقاهي قديمة وجلسو كيشربو الشاي التركي. خدات سيلفيات هيا وياه.
وناضو كملو طريقهم لشارع الاستقلال. ومن بعدها مباشرة مشاو يتناولو وجبة العشاء فمطعم كيطل مضيق بوسفور. دوزو احسن ليلة وبعدها ختموها بجولة فالأحياء الشعبية بزاف ديال كروسات كل واحد وشنو كيبيع كاين مثلجات ... وحلويات ... وعسلياات ... بقلاوة .. وكنافات فرديين.. فين ماا دوز من حد شي واحد يخرجو عينيهااا وتبدااا تشمشم وتلحس فشفايفهاا كل حاجة شرا ليها منهاا وغادية كتاكل حتا وقفو حدا 3 شباب كيغنيو فشارع موسيقى رومنسية بقاو واقفين حداهم كيصنتو ليهم ويسفقو عليهم كانو ناس قلال كيتفرجو فيهم. وبعد اغنية كل واحد كيحط ليهم فصندوق مقدر من المال..
حط ليهم جهاد وشد فنريمان رجعو الأوطيل جلسو فالحديقة كيستراحو..
بعد يوم متعب السفر والضوران

جهاد : عجبك الحال
نريمان : بزااااااااااااف هههه عرفتي مكرهتش نعيش هنا والله ههه
جهاد : نو مزيانة تجي سياحة فاي وقت تبغي. مي سكنة هنا لا راه غير حيت اول مرة كتجي غتحسي هاكا ولكن الا طولتي هناا غتملي صراحة المغرب حسن وبزاف..
ضورات عينيها وقالت تحت اللسان : اويلي على غتملي منها

جهاد : شنو قلتي ؟
نريمان : ااا والو غير كنهضر بوحدي
صغر عينيه وقال : ياكما حتا نتي من هدوك لي مزعوطين فالتواركة
ناضت هزاتو كرسي ديالها جلست حداه وقالت : بيني وبين انا مزعوطة فواحد غيخرجلي العقل.
طلع حاجبو بميوعة : ايوا كن تزوجتي بيه
نريمان : بخجل ) ايوا هانا مزوجة بيه وكنحماااق عليه هههه هوا بوحدو لي مزعوطة فيه هه
شدها من رقبتها عنقها لعندو وقال : مكرهتش نبقااو ديما هاكا
نريمان : وغنبقااو ديما هاكا ان شاء الله.
جهاد : يلاه نطلعو بحالنا انا غلبني النعاس
نريمان : حتا اناا يلاه..

دخلو الغرفة ديالهم اول حاجة بدلات حوايجها ودخلات توضات وصلاة. ودخلات لبلاصتها.

بعد محاولة تقرب منها جهاد وانسجاامو فقبلات ساخنة كملات علاقة بحال كيف ديماا.. بداية بلا نهاية
تنهد وقال : نشوفو غدا شي طبيب؟
نريمان : هنا؟
جهاد : وي نشوفو شي طبيب هنا من احسن
نريمان : صافي واخا .نن نشوفو شي، طبيبة
جهاد : تنهد ) اوك غدا ونشوفو

شد عينيه ناعسة على ضهرو فحين نريمان جرات بينوارها الحريرة لبساتو فوق سوتيان وسليب لي كانت باقة لابسة..
وشدات عينيها مستسلمة لنوم..

فصباح الباكر خدات دوش وصلاة وهزات تليفونها لقات نمرة دالمغرب مصيفطة ليها مسج

💬 : سلام نريمان لباس عليك نتمنى تكوني مزيانة كي دايرة مع الخدمة وكي داير الجو عندكم ؟

قرات المسج وقبل متجاوب شافت جهاد خارج من الدوش وهيا طفي تليفونها من جنب وناضت كتفتف..
خرجات البالكون خلاتو كيبدل حوايجو ودخلات جوبات بالزربة : شكون معايا هاد نمرة معرفتهاش ؟؟
خشات تليفونها فالصاك. ورجعات دخلات لقاتو لبس عليه وخرجو مشاو يفطرو فجو جميل قبالة جامع الأزرق ..


وصلها الرد هزات تليفون بتوتر دخلات قرات المسج وجهاد كيشوف فيها بنص عين..

💬 : هه مسحتي نمرتي؟ واخا ماشي مشكيل المهم انا امين ولد عمك موحال تبقاي عاقلة عليا 😊 بغيت غير نسول فيك وصافي ..
هزات عينيها لقات جهاد كيشوف فيها بتساؤل

جهاد : ياك لباس؟
نريمان : لا والو غير بنت عمي صيفطتلي مسج.
كتبات ليه بالزربة : اهلا امين انا لباس شكرا. عفاك مرة خرا متصيفطليش بسلامة.
صيفطات ليه مسج وبلوكات نمرتو مسحات المسجات كلهم وحطات تليفون
جهاد : ديك جوديا معوداتش هضرات معاك؟
نريمان : لا مهضرناش من ديك المرة.. مكرهتش نعاود نهضر معاها ولكن مغاديش تبغي تجاوبني
جهاد :معندك مديري بيهاا لا هيا ولا غيرهاا ومنبغيكش تصيفطي ليها كاع
حركات راسها بالايجاب وهزات فنجان ديالها كتشرب قهوتها..

صونى تليفون ديالها. لقات نمرة خرا كتصوني عليها فالواتساب معرفتهاش ديالمن شافت فجهاد وقطعات
جهاد : علاش قطعتي؟ شكون كيصوني عليك!!
نريمان : بخوف ) ااا معرفتشش نمرة معرفتهاش
جهاد : معرفتيهاش شوفي ديالمن علاش كتقطعي؟؟
يلاه بغاات تجاوبو وهيا تعاود تصوني ديك النمرة..
هزات تليفون وهوا يمد يديه

جهاد : بعصبية اريييه لهناااا
مداتو ليه وهيا كترجف من الخوف. فتحت الخط وقال : الو شكون؟
رد عليه صوت امرأة : الو واش هادي نمرة د نريمان؟
جهاد : وي شكون بغاهااا؟
.... قوليها رشيدة انا مرات عمها

تنهد ومد ليها تليفون : قالت مرات عمك
شدات تليفون منو برتجاف : الو مرات عمي ؟
رشيدة : كتنهج ) سلام ابنتي لباس عليك ؟؟
نريمان : لباس وانت لباس عليك كيف دايرة وكيف داير عمي

ردات عليها بالريفية : الحمد الله ابنتي لباس . نريمان ابنتي خاصك تجي ضروري ترجعي البلاد
شافت فجهاد وردات عليها بالريفية : علاش امرات عمي غنجي؟ شنو غنجي ندير تما
ردات عليها بصوت مرعود : ابنتي راه يماك فضيلة كتموت وكتعيط عليك ليل ونهار باغا تشوفك راه رجعت غا كميشة فركنة لا ماكلة لا شراب وراه باباك حتا هواا جاا اييييييييه 18 عام هادي وهوا غاااابر وعاد جاااا راه معاها اجي ابنتي الله يرضي عليك تشوفيها وتسامحي ليها راه جمعاتنا كلناا كتطلب وتزاوك باش نسمحولهاا وكتقيل وتبات كتقولهم جيبولي نريمان رجع اتساينو ديالي رجع الله يرضي عليك.
صدمة لي عمرها كانت كتسناها شي نهار هيا فاش سمعات كلمة د باباك جاا بقات على نفس الوضعية مصدومة طاح التليفون من يديها ومحساتش بيه. ناض جهاد من بلاصتو كيسولهاا ماللك وناس كيشوفو فيهم باستغراب.
شافت فيه بعيون هابط منهم دموع
شافت فيه بعيون حمراء كترعد : علاش جاااااا علااااش؟؟؟ انااا مغاديش نشوفو عمرني نشووووووفو ااجهاااااد اااااااللااااااااا هديك لي عمرها تكون
قرب لعندها هز تليفون شد فوجهها وقال : قوليلي مالك شكون لي مغاديش تشوفيه علاش كتبكي؟
عوداات ليه بصوت خافت وهيا كترعد وناس مرة مرة يضورو يشوفو فيهم..
تنهد وقال : مغاديش تمشي يكفي داكشي لي دارو معاك صافي قوليليهم الله يسامح فالتليفون وهرسي ديك نمرة اما باش تمشي لاا. اوك حبيبة! يلاه كملي فطورك
هزات فنجان ديالها ويديها كيترعدو بالها كولو مع ديك كلمة ديال باك جا. واش بعد هاد السنين كلها غتشوفو؟ واش غتجي عينيها فعينو. حسات بالشوق كياكل فقلبها حسات براسها بحالا مرفوعة فالسمااء احساس مغاديش يحس بيه شي حد فهاد الدنيا من غير لي عاش فراق الواليدين. بلا شي حد تزاد يتيم معندو لا حنين ولا رحيم حتا لنهار لي قالو ليه عندك واليدين. كيفاش غيكون احساس ديالو.. "

كملات فطورها بزز. وناضت وهيا كتخمم عقلها تشوش ،،
كانو غيمشيو لعند الطبيب ولكن مقدراتش وطلبات من جهاد يلغي زيارة لطبيب نفسي حتا تكون مستاعدة.
ساط بعصبية مبغاش يبين ليها ودار ليها خاطرها..
دازت يومين وهيا ناعسة بحريق الدورة الشهرية. حتا اليوم ثالت عاد خرجات رجعات كل يوم جولة
مشاو لأشهر الأماكن فالمدينة شاطئ أولودينيز لي كيتميز باللون مياه ديالو الفيروزية دوزو تماا نهار كامل
لي كتقام فيها فعاليات رياضية متنوعة.. ركبو القوارب الشراعية ولأول مرة رياضة القفز المظلي لي كانت تجريبة صعيبة لنريمان لي خافت فالأول ولكن عجبها الحال فرحات بزاف وفلاخير حاول جهاد ينسيها شوية واخا بالها مزال مشوش..
داز اسبوع وهوما وهوما ف تركيا دوزو احسن ليلة سهرة العمر فالسفينة السياحية لي فيها مجموعة من اشخاص.. فمضيق بوسفور كانت احسن وجبة عشاء فجو رومنسية جميل وفقرة غنائية مع المطربيين عرب والأتراك. عرض رقص تركي مع فرقة الرقص فلكلور عربي


حلات عينيها بثقالة.
لقات جهاد جالس كيشوف فالبيسي ناضت ببتسامة وقالت : صباح الخير.
رد عليها وهوا كيشوف فالبيسي : صباح نور
شافتو مهزش عينيه فيها ناضت الحمام شافت الفوطة الصحية مفيها والو كانت مشات منها الدورة الشهرية بعد 6 ايام..
دوشاات وتوضات.. خرجت ملوية على راسها الفوطة ولابسة بينوار ملقاتوش..
جبدات حوايجها لبساتهم وبدات كتصلي.
دخل جلس حتا كملات ضارت ببتسامة مشات لعندو باستو فخدو وهوا عاقد حجبانو
نريمان : مالك اجهاد؟ علاش مقلق
جهاد : ايمتا غادي نمشيو لطبيب؟ واش غنبقاو هاكا ديماا !! حتا لإيمتا؟
هبطات عينيها بحزن وقالت : صافي نمشيو الطبيب فقاش مبغيتي
جهاد : دابا غنمشيو بحالنا نتي عارفة عندنا 10 ايام بقات لينا غير يوماين.
نريمان : وصافي مزيانة من احسن نشوفو شي طبيب ف رباط
جهاد : اوك يلاه نخرجو..
هزات صاكها وتليفونها ونضاراتها. يلاه هابطين فلاسنسور وهوا يصوني ليها تليفون جبداتو لقات نفس النمرة د المرة لي دازت حسات بقلبها كيزدح بقوة ويديها كيترعدو.
شافت فجهاد وحلات الخط...
جوباتها رشيد ومن بعد عطاتها عمها يهضر معاها.
نريمان : عمي راه قلت لمرات عمي انا مغاديش نجي صافي متبقاااوش تقولولي كل مرة اجي اجي. راه معندي مندير تما.
العم : ابنتي اجي غير تسامحي معاها وسيري راه حتا باك بغا يشوفك ومعندوش الوجه لي يهضر معاك بيه وراه باك مريض انريمان اجي ابنتي راه حنا عارفيينك قلبك حنين الله يرضي عليك اجي شوفي باك حتا هوا راه حالتو حالة شوفي واش يبقى عايش ولا يموت.
تغرغرو عينيها بالدموع وقالت بتردد : مالو؟ باش مريض؟
العم : راه عندو ابنتي سرطان وفالمرحلة صعيبة اجي الله يرضي عليك شوفيهم ويلا بغيتي متعاوديش تجي متجيش راه يماك مبقات لا كتاكل ولا كتشرب راه معدبة ليل ونهار وروح مبغات تخرج دابا هادي 3 شهور وهيا طايحة فالفراش واليوم نقولو تموت غدا نقولو تموت.
سمعاتو كيهضر بصوت مرعود مخلط مع البكا مقطع.
حسات بقلبها كيتقطع حتا هيا بصح عندها قلب حننين ومسامح ولكن داكشي لي داز ماشي ساهل.
شافت فجهاد لي كيشوف فيها بتساؤل
وقفو فالجردة د اوطيل فواحد المكان بعيد على ناس ودارت مكبر الصوت حتا هوا يسمع.
يلاه بغا جهاد يهضر وهيا تقول : عمي سمعني شنو غادي نقولك يما داكشي لي دارت فيا ميتنساش وهاداك خوك لي هوا سميتو بابا. انا مكنعرفوش ومبغاش نعرفو ومبغاااش نجي صافي اعمي الا كتهمكم مصلاحتي وبغيتوني نكون مزيانة متعاودوش تصونيو عليااا ..
قطعات المكالمة وطلقاااتها بكيااا هستيييريااا كانت كتجمع فيها.
شدها جهاد عنقها لصدروا وقال :

نريمان مفيها باس تمشي تشوفيها وتسامحي معاها وخليها بينها وبين لي خلقها هوا لي غادي يخلصها.
شد وجهها بين يديه وقال : غنمشيو انا وياك وغادي تشوفيها 5 دقايق ومن بعد نرجعو فحالناا الا كانو هوماا دارو معاك فعايل براهش. نتي بعقلك احبيبة غتسمعي لهضرتي ولا لا؟
سكتات شوية وحركات راسها بالايجاب..
فطرو وطلبات منو يبقاو جالسين قدام البحر وافق على الطلب ديالها وخلاها تاخد راحتها. خلاتو جالس وناضت كتمشى بوحدها هز عينيه لقاها كتبكي وهيا ماشاا فجنب البحر
ناض لعندها عنقها وقال : واش غتبقااي ديما غير كتبكي. نريمان راه كتزيدي تمرضي راسك راه هادشي غيحمقك ديمااا كنقولك فكري بايجابية علاش كتمشي غا الامور سلبية والحوايج لي كيخليو نفسيتك مأزمة!!

نريمان : قلبي اجهاد متقدرش تعرف اش فيه. ماشي بساهل هادشي لي كندوز منو والله حتا كنحس بواحد الضيق ميعلم بيه غير الله . كندير مجهود اجهاد لي مكتشوفوش نتا باش نقوى باش نسااا باش نعيش بحال ناس ولكن هانتا كتشوف مكنجي فين نفرح حتا كيخرجولي امور من الجنب.
دازو دوك اليوماين كئيبة واحد قدام البحر والبكا.. عيا جهاد ميدير فالخاطر والو.. ويوم اخر دوزاتو غير فغرفة دالاوطيل مخرجاتش منها عيا ميحاول فيها ولكن والو..
وصل اليوم لي غيودعو فيه تركيا. لي دوزات فيها ايام جميلة رغم النفسية لي كانت كتدوز منها ...
جالسين مع المسافرين فمطار اسطنبول كيتسناو وقت المغادرة..
بعد رحلة طويلة نزلو فمطار الدار البيضاء ريحة البلاد وشتاء كتنقط والجو جميل واللهجة المغربية لي افتقداتها من مدة كان بالها كولو مع جوديا مكرهااتش تمشي ولكن خافت من ردة فعلها وخافت متستقبلهااش اولا تجرحها بشي كلام حدا جهاد.. تنهدات بضيق تغداو تما وشدو الطريق لرباط حتا وصلو الدار ..
كانت ڤيلا صغيرة مضورة بجردة مبهجة ومسبح صغير.. مكونة من طابق الأول والثاني لي فيه غير النص..
دخلات كضور عينيها فجوج صالونات مغربية .. والزليج والنقش على حقو.. شافت فصالة صغيرة كطلل على جردة وحمام وجوج بيوت وكوزينة.. طلعات لطابق ثاني رفقة جهاد لي كيوريها ..
كان طابق الثاني مكون من صالة عصرية ضايرة بالفوطويات وبيت نعاس وبيت اخر حداه وحمام..
جلسو يرتاحو وناضت كتهز الحوايج وتقااد فالدريسينغ جهة ديال جهاد بوحدها وجهة ديالها بوحدها.. ستفات كاع مساحيق التجميل ديالها ومكياج ستفاتو على الطبلة. قدات كل حاجة فبلاصتها لبسات بيجامة خفيفة قدات شعرها وجهها بمكياج خفيف وهبطات توجد العشاء..
لقات جهاد معاه راجل كبير فالسن داير جلابة وطربوش على راسو وبلغة.. وهيا ترجع باللور. حتا شافتو خرج عاد مشات عند جهاد.


نريمان : جهاد شكون هادا؟
جهاد : هادا بغا خدمة وقلت ليه حتا نحتاجو ونعيط ليه
نريمان : واخا وشنو نوجد العشاء
جهاد : راه مكاين والو فالكوزينة انا عاد غنخرج تخرجي معايا ؟
نريمان : لا غير سير نتا انا نمشي نجبد المواعن نغسلهم ونوجد بيدماا جيتي نتا
جهاد : اوك يلاه انا مشيت..
خرج وخلاها مشمرة على يديها. بدات تغسل بالصابون وتشلل وتحط فالشبكة وسرجم كبير كيطل على الجردة كتغسل وهيا كتطلل.. سمعات تليفون كيصوني وهيا تمشي هزاتو لقات نمرة مجهولة كتصوني عليها فالواتساب.
جوبات وهيا خارجة طل على باب زنقة عنداك يكون جهاد داخل..
نريمان : الو شكون معايا؟
امين : غادي تجي انريمان؟
نريمان : امين؟
امين : راه انا غير كنسول فيك ابنت عمي ولكن نتي تكبرتي بزاف ورجعتي مكتحسبيش عائلتك
نريمان : انا معمرني مكنت مكبرة وزيدون راك مزوج مكاين لاش كل مرة تصوني عليااا
امين : اوك غتجي؟ راه باباك فالطبيب واش غتجي تشوفيه ولا حتا تلقايه مات؟
نريمان : الصمت
امين : تنهد ) على خاطرك تهلاي فراسك انريمان
قطعات المكالمة وشدات فالكرسي كتنهج.
رجعات الكوزينة كتكمل شغلها وبالهاا مفتون..
وجدات العشااء وجهاد جالس فالبيرو ديالو خدام..
دقات عليه وقالت : ها العشاء وجد نحط دابا ولا حتا تسالي
جهاد : هانا غنوض غير حطي.

رجعات الكوزينة كتحط وتخرج لفوق الطبلة ،،
تعشاو فجو الصمت ونريمان كل مرة تخطف شوفة فيه كتشوف ملامح وجهك مبدلين عاقد حجبانو كيشوف غير فطبسيلو شافت فيه بتردد وقالت : جهاد فقاش نمشيو عند طبيبة؟
هز عينيه فيها : غدا صباح
نريمان : صافي واخا .. وو واش هادشي كيطول بزاف ولا وكيفاش هاد العلاج عندهم ؟
جهاد : على حسب حالة د كل واحد.. حتا نمشيو ونشوفو شنو كاين..
نريمان : صافي واخا نزيدك الخبز؟
جهاد : نو صافي شبعت
ناض خلاها جالسة بوحدها كملات عشاها وناضت خملات غسلات كلشي ومشات لعندو لصالة جلسات حداه كيتفرجو وهازة تليفون فيديها وهوا بفيبري تليفونها شافت فجهاد وقطعات الفيبرو بقا تليفون كيصوني حتا قطع بوحدو وعاود اتصل اتصل
نريمان : جهاد كيصونيو علياا
جهاد : جاوبي شوفي شنو كاين..

حلات الخط وهيا تسمع الصداع ورشيدة كتبكي : اجيي ابنتي اجيي راه الدار عامرة قطعات يماك الهضرة فمرا راه كتموت اجي انريمان الله يرضي عليك ابنتي اجي انااا مزاوكة راه عمك غيحمااق وباك مسكين فسبيطار حتا هوااا كيموت اجي ابنتي الحبيبة انا مزاوكة شدي طيارة ابنتي حنا. نخلصوهااا ليك غير اجي هالعااار.
شافها جهاد الدموع هابطين من عينيها قطعات تليفون وقالت : شنو كاين؟
نريمان : يما كتموت وعاودات مرات عمي عيطولي وحتا بابا فسبيطار كيموت.
جهاد : نوضي يلاه نمشيييو
شافت فيه بعيون مدمعة : منقدرش اجهااااد
جهاد : مكاااينش منقدرش هادي لي غتقوييييك نوضي لبسي حوايجك نشدو طريق فالليل صباح نكون تما وكيف قلت ليك ندخلو ونخرجو المهم ديري واجب.. يلاه نوضي..
شافتو ناض وهيا تنوض كتمسح دموعهاا طلعات معاه لفوق. كانت ساعة11 د الليل دخل دوش وخرج لبس حوايجو وهيا جالسة على الفراش دايرة يديها على حناكها
جهاد : نوضي انريمان واش غتبقاي جالسة؟
نريمان : واش غنمشيو فهاد الليل؟
جهاد : اه وغنصبحو تما باش نرجعو بحالنا راه عندناا شغلناا وخدمة عندي بزاف هاد الايام خاصني نرجع..
حركات راسها بالايجاب وناضت حتا هيا دخلات دوشات وخرجات لبسات حوايجها وهبطات لعندو لقاتو كيهضر فالتليفون
جهاد : صافي واخا انا غنتسنااك اووك.. يلاه واخاا..
قطع المكالمة وضار لعندها
نريمان: شكون كتسنى
جهاد : ديك السيد لي باغي الخدمة غيخدم عساس هنا. هاهوا جاي فالطريق طلعي الطوموبيل شتاا كطيح غتفزڭي..
طلعات فالرونج ديالو فالڭري وبقات مرقباه كيهضر فالتليفون حتا وصل السيد عطاه السوارت هضر معاه ورجع لطوموبيل. ديمارا وخرج ..
شدو طريق لوتوروت الصمت حتا واحد مكيهضر نريمان راسها مرفوع خايفة ومتوترة ومعارفة لا منين تبدا ولا منين تأخر ولا كيفاش غيكون هاد اللقااء. حتا داها نعاس. فاقت مع 4 دصباح لقاتو حابس طوموبيل كيستارح..
بقات فايقة معاه شوية كيهضرو حتا ديمارا طوموبيل ورجع داها نعاس.
وصلو الحسيمة وعطاتو العنوان بقاو كيسولو حتا وصلو لباب دار
غرغرو عينيها وهبطات من طوموبيل القلب ديالها غيخرج من بلاصتو

وقفو حدا باب ،،
وشريط حياتها كيدوز قبالت عينيها على المأسي والويل لي شافت فهاد الدار..
واخا شكلها تغيير نوعا ما باب مبدل ومصبوغ وحتا من الدار برل مصبوغة ومحابق مزينينها من برا..
ڭراج مفتوح فيه حانوت د لباسي تذكرات الصالون لي كان عند سعاد فيه..
طبطب جهاد على كتفها وناس كلشي كيطل من سراجم كيشوفو الرونج واقفة حدا الباب وكلشي كيتسااائل شكووون هادو..
هزات نريمان يديها بركات فالصوني شافت فجهاد وقالت : خايفة بزاف مكرهتش نرجع بحالي
عقد حجبانو بعصبية وقال : هنا بغيت نشوف القوة ديالك متضعااااافيش واجهيييهم وحسبي حتا حاجة مكااااينة وبحالا هاد ناس هادي اول مرة كتعرفي عليهم..

سمعو صوت قال شكون من الفوق.
رجعات نريمان باللور هزات عينيها
شافتها رشيدة وهيا تقول : نريمااااااان؟؟
سمعو جيران رشيدة كتقول نريمان وتوشويش والهضرة كترت وشي كيقولها لشي
هبطات رشيدة كتجري فالدروج والدموع فعينيها حلات الباب وجرات نريمان عنقااتها بالجهد مع رشيدة غليضة ونريمان رقيوقة شداتها شدة عمى فالضلمة كتبكي وتدي وتجيب فيهااااا .. لابسة بيجامة خضراء ودرة د حياتي فوق راسها هيا وشال وصندالة د ميكة

رشيدة : ايتجي إعيزن وحشغشم اطاس ماني ثوضاااااااض. ماني توحذ . نشين نحاق خام

هز جهاد حاجبو مفهم حتا كلمة بقا غير كيشوف فيهم..
وناس كيطلو ويتخبعو..
نريمان : حتا اناا توحشتكم بزاف والله.
رخات منها شافت ليها فوجههها وعودات عنقاااتها كتبوس فيها وتعاود..
شافت ف جهاد مدات ليه صبعانها
رشيدة : دخلو مرحبااا زيدو دخلو..
شاف جهاد ف نريمان وقال : انا فطوموبيل حتا تهبطي

رشيدة : زيد دخل علاش غتبقى تما
جهاد : شكراا غير سمحيلي
نريمان : مغاديش طلع؟
جهاد : نو غير سيري انا هنا كنتسناك ..


دخلات هيا ونريمان وقالت بالريفية : شكون هادا
نريمان : بصوت خافت ) راجلي

خرجات رشيدة عينيها فيها مفهمات والو بقات مصدومة ممتيقاش اش كتسمع .
رشيدة : واش بصح فقاش تزوجتي؟

نريمان : هادي شي 15 يوم
طلعات رشيدة مصدومة. صداع عندهم الفوق يلاه وصلو بانو ليها صنادل وصبابط بكثرة فالدروج حيدات صندالتها العالية حطاتها فالجنب ودخلات لقاتو الجيران وبعض من العائلة..

كلشي ناض يسلم عليها رجعو داك الجو بحال الجنازة سلمات على وصال لي غلاضت كرشها سبقاها وجناب خارجين لابسة بيجاما مطرطقة عليها ملوية راسها بزيف حياتي..

وقفات وحدة من دوك ناس سلمات على نريمان ببتسامة دايرة ليميش لشعرها جامعاه بقراصة وبيجامة شتوية مقطنة شافت فيها رشيدة وقالت : هادي مرات أمين سميتها منى
حركات نريمان راسها وقالت : مشرفين اختي

كلشي عينو معاها والتغيير لي باين على وجهها. كان وجهها ديما منقط بالحبوب مقيحيين وهالات سودااء محيطة على العين وديما فمها مشقق وناشف وشعر خفيف على مسطاجها وجهها . وزادت كملات عليها سعاد ملي هرسات ليها نيفها ..

دابا العكس بشرة صافية بيضاء مفيها لا حبة ولا خبشة وحتا ملي دارت العملية زادت زيانت على لي كانت كان لباسها ديما مقطع ومرقع وحوايج كاشفين عكس دابا لابسة غير لي مارك.. رجيلاها نقيين ويديها مزينة بخاتم الزواج وسنيناتها البويض
حلو فمهم فيها ممتيقينش هادي نريمان..

رشيد : فضيلة فبيت نعاس ديالي اجي شوفيها..
شدات فيديها نريمان وقالت : محملاش امرات عمي نشوفها والله
رشيدة : شوفيها بالزربة وخرجي بحالك الله يرضي عليك.
جراتها رشيدة حلات الباب د بيت نعاس كانت مستلقية على الفراش بوجه شاااااحب ضعاااافت رجعات كميشة بحال البيبي صغير فمها تكمش وعينيها كيتحركو بزز.
وجنبها سعاد وعمها راجل رشيدة.
غير شافها وهوا يضور لعندها بعينين مدمعين سلمات عليه حنات على يدو باستها.
ومشات لجهة فراش مضوراتش وجهها ف سعاد شافت فجداتها لي كتحاول تحرك باش تشد فيديها كترعد والدموع هابطين من عينيها كان جو جدددد مأثر لا بالنسبة ل نريمان لي مقدراش توقف الدموع لي هابطين من عينيها لا من فضيلة لي مكتقدرش حتا تقلب الا مقلبها حتا واحد. فمها كيترعد والدموع هابطين مع جناب عينيها خرجات صوت بزز وقالت : اجي... ااا ...ب.. نتي اااااا ( سكتات كتبكي للحضة وكملات كلامها بصوت متقطع ) ..... ذنوبك هادو.. عارفة.. سمحيلي عفااك سمحيلي ابنتي كنترجااك سمحيلي غلطت.. معاك بزاااف ..

شدات نريمان عينيها وهيا مبعدة منها رجعات حلات عينيها هبطو دموعها كيتكورو مع خدها تنهدات وقالت بصوت متقطع : لي درتيه فيه ميتنساااش، ومنقدرش نحيدو من بالي لا نتي ولا هادي لي حداك..

هزات سعاد عينيها المدمعين ورجعات شافت فالارض

كملات نريمان هضرتها وقالت : شغادي نقولك متمنيتكش تموتي هاكا.. ولكن نتي لي بغيتي دنيا فاااااااانية، وسعداتك يلي درتي باش تلقى وجه الله. اخر هضرة غنقولك واخا قلبي مغير الله يسمح لك من جيهتي ومن جيهة الله بينك وبينو خليت ليك الراحة.

قالت هاد الكلمة وضارت بالزربة خرجات كتشهق ..


فديك الأثناء وحدة من جيران بعدما شافت نريمان وهيا مصدومة ممتيقاش بلي رجعات ناضت بالزربة هبطات فالدروج ومشات لدارهاا كتجي..
حلات ليها مرات ولدها
قالت وهيا كتلهت : صوووني على سمية دغيااااا صوني عليهااا قوليلها بنتها نريمان جااات راه فدارهم ضوري ليهااا تينيفون دغيااا

خرجات عينيها مرات ولدها وقالت : واش بصح؟ نريمان رجعات انمشييي نشوف.
شداتها المراا من ذراعها ارييي ضوري لياا بعدا تنيفوون نهضر معاها..
هزات تليفون د نوكيا قيدات ليها النمرة بالزربة وعطاتها التليفون : وهضري دغيا راه فيه غا 9 دراهم.
قالتها وخرجات كتجري لدار تشوف نريمان..
بقات الجارة ماشا ماجا وتليفون كيصوني. حتا حلات الخط صوت بنت : الو ؟
الجارة : الو ابنتي كاينة سمية؟
البنت : اه هاهيا..( كتعيط ) ماااماا اجي شي وحدة بغاتك

بعد ثواني ردات عليها سمية وقالت : الو شكون؟
الجارة : سمية انا نزهة جارة د كعوزتك لي عطيتيني نمرتك ديك النهار لي جيتي
سمية : اااه كيف بقيتي لباس عليك؟ مالين دار
الجارة : شوفي من لاخر اسمية راه نريمان بنتك جااات راها فالدار سمية : بصدمة ) شنوووووو قلتييييييييي لاااااااااااااااا؟؟؟؟
الجارة : قسماا بالله الا راها جات راه عيط ليها عمها وجات وجا معاها شي حد
سمية : بصوت مرعود مخلط مع بكا ) كتكذبي عليااا يااااك؟؟؟؟ ميمكنش !!
الجارة : اويلي واش غنكذب عليك ( كتلهت ) خصك تجي دابا راه بنتك هنا رراه مجات غير بزز اجي دابا ولا راه عمرك متعاودي تشوفيها اسمية وهانا علمتك كيف طلبتي مني وصيتيني نحضي بنتك الا جات ايوا هانا علمتك ..
سمية : دابااا غنجي داباااااا هانا خارجة مع باب..

خرجات من بيت نعاس وتبعها عمها ومراتو وبنتو شدوها
العم : فين غتمشي؟؟؟ راه هادي داركم ابنتي هناا غتبقاااي
نريمان : بحزن ) منقدرش اعمي انا خصني نمشي بحالي المهم شفتكم على خير
رشيدة : واش بصح ابنتي مزوجة ولا غير كذبتي عليااا ؟ قوليلي ابنتي بلاماا تهربي منااا راه حنا عائلتك ومعانا غتبقاااي

خرج عينيه عمها بصدمة لا هوا ولا وصال : تزوجتي فقاش تزوجتي
حشمات منهم معرفاات باش ترد عليهم بقاد كتفتف..
نريمان : معندي علاش نكذب عليك انا قلت ليك تزوجت وهادا راجلي لي جاا معايا دابا غنمشيو راه كيتسناني..
العم : جلسي ابنتي انا غنهبط نعيط ليك غتبقااو معانا اليوم معندكم فين تمشيو جاايين على الطريق وترجعو تمشيو
نريمان : وقفاتو ) لاا عمي مغاديش يبغي يطلع راه عندو الخدمة ومغاديش يبغي يجلس

العم : سمعيني شحال هادي مشفناك وعندنا الحق تجلسي معانا ونشوفوك راه مكاين ماا ولكن غيطلع وهاد الليلة غتبقااو معانا..
سكتات وخلاتو هبط لعند جهاد جلسات مع الناس كيسولو على حالها وكلشي باغي يجبد معاها الهضرة ويعرفوها شنو دارت وفين ساكتة ولكن هيا اكتفات غير بااسكات حذرات راسها الأرض مكتشوف فحتا واحد. ضيقوها نضراتهم ليها وهيا تنوض لكوزينة عند وصال لي كتشحر اتاي ومرات امين كتستف رغايف فالطباسل
نريمان : نعاونك فشي حااجة ؟
وصال : لااا غير جلس احبيبة كيف دايرة بعدا؟
نريمان : اناا مزياانة بخير ولدتي؟
تنهدات وصال وقالت بحزن : اااه ولدت
نريمان : ايوا مزيانة تبارك الله كيف داير راجلك ومالين دار..

شافت فيها بعيون مدمعة خلات حتا خرجات منى وقالت بصوت خافت : انا طلقت اختي

نريمان : اويلي علاش طلقتو ياك لباس؟

وصال : حتا لمن بعد ونعاود لك عندك يسمعنا شي حد..
نريمان : واخاا صافي،
رجعات منى لعندهم شافت فنريمان ببتسامة وقالت : نتي كنتي خدامة مع جوديا ياك؟

طلعات فيها وهبطات وقالت : اه كنت خدامة معاها
منى : مزيان قالها ليا امين.. قالي بنت عمي حتا هيا كانت خدامة معاها..

ابتسامات نريمان ابتسامة ايجابية وسكتات..
يلاه بغات تهضر مع وصال وهيا تشوف امين داخل كيشوف فيها ممتيقش واش بصح هيا لي قبالتو.
توترات بنضراتو ليها وقلبات عينيها
دخل عندهم الكوزينة مد لمنى سخرة و مد يديه لنريمان كيشوف فعينيها وملامح وجهها متوترة
هادشي لحضاتو وصال لي عارفة شحال كيبغيهاا وشحال تمنى يتزوج بيها.
تجوبات معاه سلمات عليه حتا هيا
امين : بشوق ) كيف دايرة
نريمان : اناا مزيان وانت؟ مبروك الزواج
سكت كيسرط ريقو حرك راسو بالايجاب وقال : شكرا..
سمع باه كيقول مرحبا خرج لقا باه داخل مع جهاد
دخلو لصالة لي حدا باب كان نساء فالصالون بوحدهم وجهاد وعم نريمان بوحدهم ..
مشا لعندهم امين شافو جهاد وهوا يتنهد. مد امين يديه سلم عليه وجلس قبالتو .. جات رشيدة كتجي كترحب بيه وتعاود
العم : بزز باش بغا يدخل حتا حلفت عليه
رشيد : مرحباا بيك اولدي داركم هادي وهادي بنتنا قبل علينا وصافي
جهاد : نو بالعكس شكرا ليكم نتوماا..
رجعات رشيدة الكوزينة خرجات عينيها فوصال : واش مغاديش تحطو هاد كاس د اتاي راجل براني غيبقى يشوف فالطبلة؟؟

وصال : وهاحنا عاد شحرنااه لنسااء وها ما كيطيب نديروه لسيد
حطات نريمان يديها على كتفها وقالت : يشوية عليهم امرت عمي عطيو بعدا لناس هوماا اللولا
عنقاتها رشيدة : ابنتي الحبيبة يا بنتي وتوحشت هاد بلارة ديالي وشحال زيانيتي ورجعتي فنةة كتحمقيييي الكبيدة

نريمان : حتا انا توحشتك والله . وربي لي عالم هانتي عارفة وشفتي كلشي على عينك

تنهدات : اييييه ابنتي ايوا الله ياخد الحق فلي كان سباب ..


بقا امين كيشوف فجهاد عاقد حجبانو مفهمش وجود ديالو فدار شنو كيعني!! وعلاش جا مع نريمان..
وبصفتو شكون؟
وعلاش باه استاضفو فدار وكيرحب بيه !
واش مجرد صديق جابها ولا شنو علاقتو بنريمان؟؟

امين حس براسو غيتسووووطا كيشوف فجهاد بكره
وجدو اتاي وداوه لصالة دخلات نريمان جلسات حدا جهاد وامين متبع ليها العين..
وجهاد كيشوف فيه بنص عين..
شي حاضي شي...

حطو سينية على طبلة .. مدات وصال صبعانها لجهاد ورجعات الكوزينة . ورشيدة كتكب وتمد لجهاد..

العم : نريمان بنتي سيري شوفي باك متخليش قلبك قاصح من جيهتو راه حالتو مفيها ميتشاف سيري ابنتي شوفيه وتسامحي نتي وياه
نريمان : الصمت
العم : ( شاف فجهاد ) اولا اولدي ؟
طلع جهاد حاجبو وقال : منقدر نقوليك حتا حاجة هيا دير لي بغاات الا كانت مستاعدة تشوفو تمشي. اما من جيهتي انا بصراحة معندها علاش تشوفو وبلاماا تمشي
العم : لواه حشومة راه كيفما كات الحال ب...

قطعاتو : عمي هداك ماشي با ومكنعرفوووش ومبغيتش نعرفو. با ديال بصح مغاديش يخليني ويسمح فيااا وبعد هاد السنين كلها عاد يجي باش نشوفو. انا مبغيت نشوف حد وجهاد عندو الحق

رشيدة : عارفة قلبك سميح وعارفة لي دارو فيك ماشي ساهل ولكن غير سمعيني الله يرضي عليك خلي قلبك كبير وشوفي باك واخا غا مرة فحياتك ويلا بغيتي متعاوديش تشوفيه من حقك..
قالت وهيا كترعد : مرات عمي راه لا نتي ولا عمي ولا حتا واحد محاس بهادشي لي فقلبي دابا. راه كنحس براسي غنحماااق ولا غطراا فياا شي موصيبة راه راسي مبلوكي هادشي بزاااااف عليااا. انا اصلا نفسيتي مريضة مهلوووووكة وزدت مرضت بهادشي. انا مبغاااش نشوفو ومعمرني غنشوفو غير بلاما تبقاو تقوليلي شوفيه سيري عندو..
حرك راسو امين وقالت : بصح عندك الحق ومن حقك تاخدي هاد القرار وحتا واحد ميبزز عليك تمشي تشوفيه.

ضحك جهاد بسخرية بينو وبين نفسو..
العم : على خاطرك ابنتي نتي تعرفي حسن مناا كلنا..

كملو هضرتهم شاف جهاد ف نريمان وقال : يلاه نمشيو
حركات راسها بالايجاب وناضت شداتها رشيدة وقالت : والله متخرجو على الباب غتباتو معاناا هاد الليلة
جهاد : سمحي لينااا ولكن راه عندنا بزاف دالشغل واناا ممساليش باش نبقى هنا..

شاف فيه امين بتساؤل وخرج بالزربة مشا لعند وصال سولها..
امين : هادااا خييناا لي معاها شكون هوااا
وصال : راجلهااا شكون غيكون اويلي

بصدمة : شناهواااااا؟ ايمتا تزوجاات؟

العم : سمع اولدي ليلة مدات مااا جابت هاد الليلة غتقصرو معانا وغدا الله يعرضكم السلامة. راه بنتنا شحال ماا شفنهااا خليناا بعدا غا نجلسو معاهااا ونقصرو وغدا الا بغيتو سيرو على وجهي بقاا الله يهديك.
شاف فنريمان بتساؤل.. جوباتو بعينيها بحالا دير لي بغيتي..

بعد مدة من اقناع بقااو.
خرجو الجيران لي جاو يطلو على فضيلة..
بقاو غير مالين دار ..

واقفة نريمان مع رشيدة فالكوزينة كتعاود ليها شوية على داكشي لي دوزات .. المدة لي دوزات فالامارات تبدلات هضرتها شوية بحكم كانت كتهضر مع جونة ونجود والناس لي كتعرف
بالخليجية دابا كتهضر مع رشيدة وكيفلتو ليها بعض الكلمات خليجية..

واقفة حداهم وصال كتعجن ومنى كتغسل المواعن

رشيدة : اوووه الحبيبة هاد الهرس كامل ابنتي يحسن عوانك اناا عييت فيك اجي هناا وكون قابلتك هناا
نريمان : لا بالعكس تما حسن امرات عمي وكاين لي قابلني ايوا الحمد الله..
رشيدة : وعكوزتك حتا هيا هناا ولا بقات تما
نريمان : لا بقات تماا
رشيدة : وباقي مغادي ترجعو الامارات ياك..
ترددات نريمان وقالت : مرات عمي حنا غنسكنو فالمغرب مغاديش نرجعو لتما
رشيدة : بفرح ) بصح؟ ايوا الحمد الله بعداا نوليو نتشاوفو وتجي عندناا ونجيو عندك

نريمان : ان شاء الله.

وصلها مسج فتليفون هزاتو ودخلات المسج لي فالواتساب كتقرا
.... نريمان طلعي الفوق ضروري باغي نهضر معاك انا غنتسناك. عندك يشوفك شي حد

سرطات ريقها بزز كضور عينيها
ورشيدة حداها مزال كتهضر وتسول
رشيدة : وراجلك فاش خدام ؟

نريمان : بتوتر ) اااا كيصمم حوايج وداكشي

ضارت عندها وصال : بصححح؟ واش معروف؟ انا عمرني شفتو!!

منى : بحماس ) بصراحة بغيت نسولك وحشمت انا متبعة واحد فالانستغرام وجاني بحالا هواا ولكن قليل فين كيحط تصاورو كيحط غير الخدمة..
حركات نريمان راسها وقالت : اه هواا هداك. مكيحطش تصاورو بزاف فالانستغرام

رشيدة : ايوا هانتي يا بنتي ربي وقف معاك شحال تعذبتي وشحال تكرفصتي وهاا ربي حن عليك فلي مكانتش حتا تخطر على بالك
نريمان : بصح ديما كنقولها الحمد الله يارب..

رجع وصلها مسج فالواتساب ڤيبرا ليها التليفون فيديها حلاتو ودخلات تقرا : كنتسناك طلعي نهضرو دغيا عفاااك..

رد : لاااا امين مغاديش نطلع وبعد مني متمرضنيييش خليني هانية
رد عليها فالحين : ضروري نهضرو كتسمعييي ضروري واناا غنتسنااااك. جيتي هوا مجيتيش غنهبط نهضر حداهم طلعي انا كنتسناك


تنهدات بضيق وبقات مجمعة مع رشيدة دخلات سعاد الكوزينة يلاه شافت نريمان وهيا تخرج بالزربة...

ساطت بعصبية وقالت : مرات عمي خليني نمشي بحالي راه مقدراش نبقى هنا
رشيدة : اويلي ابنتي راكي فداركم وعند عمك و..
قطعاتها : محملاش نشوف هادي محملاش نبقى هنااا شوفي الايام جاية ونعاودو نتشاوفو ويلا كان عندي كيفاش نعاودو نطلقااو فشي بلاصة اماا هنا منقدرش نبقى جالسة...
رشيدة : وغ

قطعاتها باست ليها راسها : حسي بيااا عفااك والله مقادرة نزيد ضربة هناا عفااك مرة خراا ونشوفك شوفي كيف كنترعد راه كنحس براسي شي حاجة غطرااا ليااا قسماا بالله الا داتي كلهااا كترعد...

عنقاتها رشيدة بحرارة كتبوس وتعنق فيها : صافي الحبيبة صااافي واخا لي بغيتيهاا

عيااات وصال مطلب فيها تبقى وحتا منى ولكن مبغاتش ومشات لعند جهاد الصالة لي مجمع هوا وعمها كيعاود ليه على استعمار وعلى عبد الكريم الخطابي وجهاد على نيتو كيتصنت...

دخلات عندهم نريمان وقالت : جهاد يلاه نمشيو..
ناض عمها وقال : باك قلت ليك ابنتي غتبقااو معانا تقصرو معاناا هاد الليلة
نريمان : عمي والله منقدر نبقى هناا غير خليني نمشي م..

قطعها بحدة : علياا بليمين متمشي الليلة غتباتو معانا وغدا سيرو الله يعرضكم السلامة.

حرك جهاد راسو : صافي انريمان اجي جلسي اليومية نبقاو هنا وغدا نمشيو..
جلسات حدا
جهاد ورشيدة حداها بدات كتهضر معاها وكتحاول تخليها تنسى وتجلس فراحتهاا...

بداو كيجبدو مواضيع كان قلب رشيدة طايب .. طلبات منها يطلعو السطح ويهضرو..
طلعو فالدروج بعدما تزوج امين بناا السطح رجعات سكنة ديالو وفوق منو كاين سطح..
جلسو على كراسة ورشيدة كتعاود بحرقة ودموع فعينيها كتهضر بهمس ونريمان ساهية فيها ومأثرة..

رشيدة : ايوا وزوجناها ونتي عارفة البنت كانت غطير وكانت كتدخل الدار تبدل حوايجها كنت كنمشي السليب كنلقاااااه يابنتي فازك كنت نقيل نضرب فخاضي وندب واش هادي خصها تجيب ليااا شي فضيحة كان ليل وناس كلهم ناعسين وهيا تطلع لسطح كتسلت كنطلع موراها كنلقاها كتهضر مع شي واحد..
وملي تجي تتخرج متخلي روايح متخلي عكر وداك الهم لي كيديروه فوجههم وتخرج ( كتبكي وضرب فصدرها ) ايوا كنت غنحماق يحساب لياا مبقاتش بنت ومتهنيت حتا ديتها لطبيب ايوا قلت نزوجها ونتهنى وزوجتهاااااا ومااا تهنيت يا بنتي ....ديما مدابزة مع راجل .....ديماا مزرق ليها العين ديماا مشاكيل...
زادت ختمتها بنت القحبة لوخرا رجعات كتهضر مع صاحبها القديم وتطلقااه وحصلهاا راجلها ايوا شغادي نقولك فقصاااتني وطبخاتني ياك هيا كبر منك غا بعام ونتي تبارك الله صغر منها. ياك هيا بواليديها.. ونتي كبرتي بلا واليدين... وهانتي حسن منها بكلشي محتاجيتي لا لي يربيك ولا لي يوريك وتبارك الله بعقلك ومحافضة على راسك وهيااا بغات الطير بنت كانت كتمشي تقحب مع الشماكرياا ماا رعات لواليديها لي سهروا وكبروها مرعات لي هزات فالكرش ورضع بدل الخروق حتا ليكوش مكانش عندنا باش نشريوه. تعذبت وشفت الويل مع العكوزة وشغل دار كولو كنت كنديرو انا . ونصبن وانا حانية على فراكة وهيا فضهري. وفلاخر ابنتي مخليناا مدرناا على ود هاد الولاد وهوما خرجو من جنب.
تسنيت البنت تحمر لياا الوجه ساعة مرمداتو لياا فالتراب يا بنتي نريمان شفتي

تنهدات نريمان حاطة يديها على وجهها كتمسح دموعها. عنقات رشيدة وجلسات تبوس ليها فراسها وتواسيها
نريمان : الله يحسن عوانك . مشكيلة هادي ودابا هاهيا بجوج ولاد واحلة كيف غدير معاهم
رشيدة : قتلتني وطبختني وحلت كرهت الولاد وكرهت التريكة

نريمان: راك درتي جهدك ربيتي ودرتي واجب لي عليك ربي لي غيجازيك وهيا لي غتندم معرفتش حتا شنو غادي نقولك ولاهيلا تلفتيني
رشيدة : ( تنهدات ) اييييه ايوا نتي ابنتي الله يبيض سعدك ويعطيك تريكة صالحة. نوضي ها هوما كيعيطو نهبطو نتغداو.


جلسات نريمان حدا جهاد حطو ليهم الغدا تغدات غير هيا ومرات عمها وعمها وامين..
اما وصال ومنى تغداو مع سعاد فبيت لاخور..

من بعد الغدا جالسين شبك يديه عمها وقال : بنتي نريمان سيري شوفي باك . غا مرة وحدة
نريمان : الصمت
شاف فجهاد : تمشي تشوفو. دقيقة ياك وصافي وتمشي بحالها غير المهم تشوفو

ضور جهاد عينيه فنريمان : غتمشي تشوفيه جوج دقايق وصافي
نريمان : بعيون دامعة ) منقدرش اجهاد
جهاد : غتمشي ودابا
العم : هااا كلام الحق الله يرضي عليك.
جهاد : نوضي انريمان تمشي معانا الحاج؟
العم : اييه نمشي معاكم باسم الله.
بقات جالسة وعمها مشا يبدل حوايجو جالس امين كيشوف فيهم ورشيدة واقفة كتشتت النضر حشمانة ملي شافتو قرب ليها حاط يديه على ضهرها وجهها قريب من وجهو..

جهاد : كتسمعيني احبيبة يااك . غتشوفيه لأول مرة واخر مرة ومكاااينش لا غتقدري وتحداي اي واحد سيري شوفيه اوك..
حركات راسها ودموعها هابطين
ناض جهاد وناضت حتا هيا

جهاد : هانا لتحت فطوموبيل
نريمان : صافي واخا..

هبط وخلاها مع رشيدة.. فحين ناض امين هبط..
رشيدة : شوفيه ورجعي احبيبة ديالي صافي هاناا غنتسناااك شنو ندير لبنتي عشاا؟
نريمان : مخصني والو امرات عمي ومعندي لا شهية د ماكلة لا والو انا غنهبط عمي وجهاد كيتسناوني..
رشيدة : واخا ابنتي سيري الله يرضي عليك

هزات صاكها وخرجات لبسات صندالتها وهبطات فالدروج كانت فالطبقة ثالتة يلاه وصلات لطبقة الثانية وهوا يوقفها امين لي كان كيتسناها
امين : بهمس ) اجيي بغيت نهضر معاك
نريمان : بصوت خافت ) بعد مني امييين شغادي تقوليي خلينييي نمشي

امين : مغاديش نخليك لاش تزوجتي؟ وكيفاااش تزوجتي

نريمان : ونتاا سوقك فياااا نتزوج ولا نجلس ملي تزوجتي نتاا تشاورتي معايااا رخي مني خليني نهبط

شدها من يديها بقوة : مغاديش نخليك غطلقي من هادااا ولا راه مغادي يعجبك حال

نريمان : بصوت متقطع ) رخي مني ولا غادي نغوت بعد مني امييين

شاف فيها بعينين حومر كينهج : علاش ختاريتي هاد ز** ؟؟
حيت عندو الفلوس ياك؟ خليتيني انااا لي كنبغيك ومشيتي لعند مول لعاقة حتا نتي رجعتي مصلاحية ياك

حولات تنتر يديها منوو : كيفماا كان هوا حسن منك . نتاا سير لعند مراتك وبعد مني انا راه منصلاحش ليك
امين : هداك غا ز**

خرجات عينيها فيه وقالت : وانت شمااااتة وريحة دالرجلة مدايزاااش حداك.
سمعو خطوات طالعة وهوا يرخي منها وطلع بحالو كيجري حطات يديها على صدرهاا كتنهج و هوا يوقف جهاد حداها شاف فيها باستغراب وشاف الفوق فالدروج
جهاد : شكاين؟ مالك واقفة هنااا؟

نريمان : بتوتر ) لا والو كنت غنطيح قلبي مزال كيضرب

شاف الفوق فالدروج بتشكيك وحرك راسو : اوك يلاه نهبطو..

شد فيديها طلعو فالطوموبيل ومشاو نيشان السبيطار

وقلبها كيضرب خايفة من لقاء اول مرة حاسة براسها فاشلة حاسة براسها غتسخف النفس كطلع فيها وتهبط بصعوبة..
مكرهااااااتش تجرييي وتهرب من العالم لي هيااا فيه تهرب وتبعد على كلشي مكرهتااااش تبقى غير بوحدها..

غادية فكولوار وراسها مرفوع حتا وصلو الباب الغرقة.. دقات قلبها كتسارع خوف سيطر عليها. حل عمها الباب ودخل بقات هيا برا كترعد مقدراااش تدخل مقدراش تشوف فيه...

فديك الأثناء وقفات طوموبيل صغيرة كحلة حدا دار خرجات سمية بيجامتها ومعاها بنت لقات باب محلول دفعاتو. وطلعات كتجري على جوج درجات عينيها مطبوخين بالبكاا وكترعد.. حتا دخلات عليهم الصالة كتنهجججح
: بنتييييييييي كانت هناااااا فين هياااااااا فين بنتي

ناضت رشيدة دارت يديها على جنبها وقالت : عطي لبنت التيساع سيري بحالك عاد جاية تسولي عليهااا

هزات صبعها فوجه رشيدة وهيا كتبكي بهيستيرية : نتييييي نتييييي شحال طلبتك ورغبت فيك تقوليلي فين بنتي ومبغيتيش ...
نتيييي يارشيدة شحال وانا كنطلب فيك الا جات بنتي تقوليهالي... واش مكتشوفينيش مشوياااا على بنتي واش مكتشوفيش حالتي ماشي حرام عليك

رشيدة : بستهزاء ) اسيرييي سامحة فبنتك ملي كانت لحمة وعاد جاية تسولي فيهااا. سيري بعدي من البنت عطيها شبر تيساع..
شنقات عليها سمية من بيجامتها : فيييين بنتي ارشيدة فين بنتي راه غنديييييييير شي موصيبة بنتي فين هيا..

رشيدة : ببرود ) مشات بحالها
سمية : بجهالة ) واش بغيتي تسوطييييني قوليلي فين بنتي فينننن مشاااااات ارشيدة


رشيدة : مشات تشوف باها فسبيطار
سمية : ايناااااا سبيطاااار؟؟؟؟؟

رشيدة : محمد الخامس

سمحات فيها سمية وهبطات كتجري فالدروج ركبات فسيارتها هيا والبنت لي معاها وديمارات بالزربة.


شدها جهاد من يدو ودخلها وهيا كترعد غتسخف فيديه شداتها الدوخة..
دخلت ولأول مرة تشوفو وتشوف جزء من ملامح وجهو ..
كان داير يديه على راسو كيبكي فصمت وجنبو خوه كيطبطب ليه على كتفو ..
دخلات بخطوات ثقيلة كترعد كان مشهد ميقدر حتا واحد يتخيلو. انك بعد عمر طويل لأول مرة كتعرف على الأب ديالك..
شافت فيه بعينين مدمعين وفمها كيترعد كتشوفو كيبكي فصمت مهبط راسو وداير يديه على راسو معندوش الوجه يشوف فيها..

العم : خويا بنتك جات تشوفك ها بنتك نريمان
مقدرش يهز عينيه فيها وناض بالزربة وعينيه فالأرض كيترعد طاح على رجليها عنقهم بيديه حتا كانت غطيح...

بصوت مبحوح وجسم ضعيف لأول مرة كسمع نبرة صوتو وهوا كيتوسل ليها بين ركابيها وكيردد كلمة سمحيلي سمحيليييي...

انا عارف راسي كلب .. عارف راسي منسوااش.. سمحيلي انااا مزاوك سمحيلي ابنتي سمحيليي. سمحيلي سمحت فيك وخليتك سمحيليييي...

حتا من الكلمات هربو ليه معرف ميقول من غير يطلب السماحة دموع فزكو ليها شالها وجهها مطبوووخ حمممر حاسة براسها غطييح على طولتها..
هبط لرجليها شدهم بكل قوتو كيبووس فيهم. شدات فكتافو وحولات تبعدو على رجليها
كان جهاد غير كيشوف مدار حتا ردة فعل من غير شاد فنريمان
بعداتو من كتافو هز عينيه فيها

بنتي سمحيلي انا مزاوك سمحيلي

شافت فيه بحزن وقالت بصوت مرعود : سمع شغادي نقولك راه منسمح ليك لا ف دنيا ولا غدا قدام الله انا مبنتك ما كتعرفني مانعرفك
ضارت وخرجات بخطوات مسرعة مضارتش موراها حتا وصلات الطوموبيل وهيا كتشهق بهيستيرية.. لحق عليها جهاد حل الباب من جيهتها شاد فوجهها بيديه بجوج : حبيبة صافاا ؟ صافي مطرااا والو عفااك مديريش فراسك هاكاااااا شششتتتت ( عنقها ) صافي احبيبة ديالي صافي عفاااك سكتي عفااك

شافت فيه وهيا كترعد: دينييي لبحررر خرجنيييي من هاد المدينة بالزربة اجهاااااااد دينييييييييييي لبححررررررررررررر. ( بهيستيريااااا ) هربنيييييييي من هنااااااااااااا.. بغيت نشمممممممم لهوااااااء جهااااد كنتخنق

ديمارا طوموبيل بالسرعة داز جنب سيارة د سمية لي داخلة بالزربة حتا هيا.. وقفات طوموبيلها وخرجات كتجريييي لداخل..

زاد فالسرعة وهوا كيشوفهااا كترعد وكتبكي بهيستيريااا. جرها عنقها بيدو كيسوڭ بيد شمال معذب ولكن معندو ميدير

جهاد : نديك عند شي طبيب نفسي ندوزو دابااااا

نريمان : لاااااااا اجهادددددددد. لااااااا بغيت نشممممم لهوااء بغيت البحر عفااااااك عفاااااك اجهاد كنتخنق.

ساط بغضب ندم علاش قرر يجيبها تشوف باها وندم كتر علاش جابها الحسيمة...

وصلو حدا البحر وشتاء كتنقط وكتزيد تجهااد
جهاد : شتاااء معندك فين تخرجي غتمرضي ح...

مكملش هضرتو خرجات بالزربة ومشات كتجري هابطة لرملة وشتاء كطيح عليها البحر هااااايج وهيا كتخلف بالزربة غادية جيهت البحررر

شافها وخرج كيجري مشا لعندها

جهاد : فيييين غاااادة رجعي غتمرضي

نريمان : الصمت
جهاد : بالغوااات ) شتااء كتجهااااااد رجعي فحالك فين ماشاااااااااااا

ردات عليه وهيا كترعد : بعددد مني اجهاااااد بعدددد مني خلينييييي بوحدي راه غندير فراسي شي موصيبة بعد منييييييييييي
شدات فعنقهااا حاسة بالنفس بدا يتقطع فيهااا
سمحات فيه واقف وزادت كتخلف

حلات الشال رماتو فالأرض وهيا كتحاول تنفس كتحس بعينيها تقلبو راسها غينفاااجرر باغااا تهرببببببب من هادشي لي كدوز منووو... بقاات كتشوف فالموجة دالبحر لي هاااايجة للحضة وهيا تضربها بجرية حتا دخلات فيها.


شافها جهاد
دخلات وهوا يجري موراها شاف الموجة طيحاتها دخل بالزربة شدها هزها خارج بيها...
وهيا كترعد عينيها تقلبو كترجف هزها غادي بيها ..
وقفوه جوج شبان جايين كيجريو..
... واش نعاونوك اخوياا
جهاد : لاااا لا شكرا
... انهزوها معاك واش هيا لباس؟

جهاد : كينهج ) لا شكرا..
داها لطوموبيا طلعها اللور وطلع لبلاصتو ديمارا بالزربة وهيا مزال كترجف حتا وصلها لسبيطار..

خرج بالزربة هزها وهيا تدفعو :

لاااااااا مبغيتش ندخل مبغيتش نبقى هنااااااا اههننننن دينيييي بحالي

شد وجهها بين يديه كيحاول يكالميها : شوفي ضروري خصك تشوفي طبيب واش مكتشوفيش حالتك كيف دايرة واش باغاا تحماقي ولا مالك

هزها بين يديه جاو ممرضات كيجريو دخلوهااا

بعد 5 ساعات جالس قدامها شاد يديها بين يديه كيشوف فيهاا :

وديما كنقوليك قوي راسك هانتي سمعتي طبيب شنو قال ليك ضروري تشوفي طبيب نفسي وتبعي معاه ملي نبقى نقوليك شي هضرة صافي هيا لي غديري دابا نساي هاد عائلة وفكري فراسك ومستقبلنا وحياااتنا اوك..
حركات راسها بالايجاب وهيا مستلقية على فراش وشوكة داخلة فيديها معلقين ليها سيروم..
جهاد : يلاه حاولي تنعسي شوية ترتاحي
حركات راسها يلاه بغات تشد عينيها وهوا يصوني تليفونها بعدما عطات نمرتها دالمغرب ل رشيدة..
يلاه هزات التليفون بغات تجاوب وهوا يقول جهاد : اري ديك تليفون لهناا
مداتو ليه حل الخط باش يسمع الصوت ديالمن لقا رشيدة ..قطع عليها وطفاه فمرا حطو حداها :
دابا خصك ترتاحي معندناا منديرو بشي حد سمعتيني صافي من اليوم مكاين لا عمك ولا خالك ولا جداك لي بغا يموت يموت لي بغااا يعيش يعييييش من دابا الفوق منبغيش نشوفك كتهضري مع شي واحد فيه..

نريمان : بحزن ) علاش شنو داري ليااا هوماا؟
جهاد : سمعني من احسن ليك ولصحتك راه هاد عائلة هيا لي غتمرضك نعسي رتاحي دابا

حركات راسها بحزن وشدات عينيها كتحاول تنعس...
داز ليل وهوا جالس جنبها حاضياهاا الا بغات شي حاجة ويلا بغاات تمشي لطواليط..
نعس على الكرسي حاط راسو على بياص
حتا صبح الحال..
بعدما شافها الطبيب خرج ليها دوااء وعطاها ورقة باش تبع مع طبيب نفسي..
خرجو من المستشفى وشدو الطريق نيشان لرباط... شافها جهاد كتشعل التليفون وهوا يحيدو ليها من يديها.. وقف طوموبيل فالجنب حل تليفون جبد الكارطة لي فيه هرسها وهيا كتشوف..
عاد مد ليها تليفون
شاف فيها وقال : ملي نوصلو ناخد ليك نمرة جديدة.
واتساب لي عندك بنمرة د الامارات حتا هواا حيديه. منبغي لا عائلة ولا صحاب ولا معارف..
شافت فيه وحلقها مقجوج : علاش اجهاد كدير ليااا هاكا علاش متزير عليا علاش منهضر مع حد..؟؟
جهاد : بعصبية ) نتي دغيا كياكلو ليك مخك حيت ضعيفة. خاصك تسدي عليهم كلهم شمن فايدة فيهم علاش غتخليهم عندك ؟ ضورهم غير يمرضوك واش مكتشوفيش حالتك كيف رجعاااات؟؟ واش مكتشوفيش نفسيتك كيف مزفتة!!!! سديناااااا انريمان صافي

سكت خلاها مبلوكيا مزادت حتا كلمة من غير كتبكي في صمت

وقفو فطرو فالطريق مقدراتش الماكلة دوزهاا فمها.. بزز باش كتبرك على الماكلة تهبط..

طريق كلها ساكتين حتا وصلو الرباط.. ودخلو لدار
جلسات فصالة وهوا يرمي سوارتو وجلس جنبها : واش كتفهميني شنو كنقوليك؟ علاش مكتجاوبينيش علاش ساكتة؟ معامن كنهضر اناا..
نريمان : حتا نتا بديتي تبدل ع..

قطعها : غتقولي كنقصح معاك غنقولك اه.. باش تفهمي راسك باش متضعافيش باش متمرضيييش عيييت منهضر معاك بشمن لغة غادي نفهمهاا ليك؟..

طلع ليه الزعف وزاد تعصب وقال : سمعي غدااا صباح غتبعي مع طبيب نفسي سمعتيني؟ صافي هادا كلامي.. انا غادي لخدمة ردي البال لراسك..

خرج ومشا لعند العساس طلب منو يحضيها عنداك تخرج ولا عنداك دير شي حاجة .. طلع فطوموبيلتو وديمارا..

طلعات لبيتها بدلات حوايجها وتخشات فبلاصتها كتبكي وتبرد على قلبها واحداث كلها كدوز بين عينيها حتا رجع جهاد... لقاها ناعسة... مشا لجيهتها وطبع قبلة على جبينها كانت غارقة فالنعاس خلاها ترتاح ودخل يدوش..

وجد عشاء بنفسو وطلعو ليها حتا لبيت..
وكلها بيديه وكيحاول فوق طاقتو يدير معاها الخاطر وينسيها فلي داز ويرسم ابتسامة على وجهها. حط بلاطو على الطبلة ودخل لحداها عنقهاا كيحاول ينسيها بكلاموو ويرسم ليها ايام زوينة جاية فالطريق ..
حتا نعسات على يدو..

صباح بكري كتلبس حوايجها مشات المرايا تقاد شالها وهوا يدخل لعندها : حبيبة سليتي ؟
نريمان : اه كملت
جهاد : اك يلاه نمشيو
شد فيها وخرجو اول حاجة دازو فطرو برا وناضو مشات لعند الطبيبة النفسية ..

دخلو بجوج وبدا جهاد كيحكي ليها على مشكيل د نريمان والعقد لي عندها وهيا كتكتب وتشوف فيها... وتسولو ويجاوبها...
طلبات منو فالاخير تبقى غير هيا وياها حرك راسو وخرج
ببتسامة طلبات منها تستلقيي على اريكة

تكات نريمان تما جلسات الطبيبة على الكرسي كيضور جنب نريمان وكتاب فيديها وبدات كتسولها من اللول شنو اسمك وشحال فعمرك وفين تزاديتي...
بدات معاها من نقطة الصفر..


جالس فطوموبيلتو كيهضر فالتليفون مع مدام آسيا

جهاد : واش غدا؟
آسيا : وي غدا فليل
جهاد : اوك صافي ديك ساعة نجيو
آسيا : اوك يلاه الحبيب ديالي بسلامة عليك
جهاد : اوك بسلامة..
قطع المكالمة.. يلاه بغا يخرج من طوموبيل وهوا يشوف نريمان خارجة كتجري كتبكي
خرج بالزربة لعندها عنقاتو بالجهد كتبكي بهستيرية شاف موراها فالطبيبة خارجة بطبليتها البيضاء
نريمان : جهاد ( كتبكي ) بغيت نموووووت اجهاااد عيييييت عيييييت عييييت بغيت نمووووت محملاااااش نبقى عايشة فهاد الدنيااا كرهت كلشي كرهت راسي اجهااااد كرهت حياااتي ديني من هنااا غنحماااااااق غنحماااق اجهاد..

عنقها بقوة خاشية راسها فصدروا هز عينيه بطبيبة وقالت : من احسن تديها لشي مصحة نفسية راه حالتها خطيرة بزاف و..

قطعتها ضارت لعندها وجهها حمر كيخلع وقالت وهيا كتنخصص :

اناااااا ماشي حمقة اناااا ماشي مسطياااا سيري بعدييي مني.
شد فيها جهاد عنقها كيسكت فيها حرك راسو لطبيبة ومشا طلعها فالطوموبيل.. وطلع حداها ديمارا وهوا معنقها
هزات راسها كتشوف فيه وهيا كتبكي وترعد..

نريمان : جهاد حرام عليك غتديني لتمااا ؟؟ انا والله ماا حمقة اجهاد قسما بالله مااحمقة واش غتديني لتمااا؟ هاااا؟ قولي ؟ واش تبغيني نزيد نحماق؟
وقف طوموبيل فجنب داير يديه على عينيه كيسوط...

شاف فملامح وجهها الذابلة وقال : اي حاجة كنديرها راه على قبلك باش تشافاااي اناا مبغيتكش تبقااي هاكا مريضة ونفسيتك عيانة

نريمان : بحزن ) بغيت غا نموت ونتهنى ب..

قاطعها بحدة : غتسكتي انريمااان شمن موت ولا زمرر متزيديش تعصبيني عفاك انا حاس بيك وعارفك عيانة وكنحاول ندير مجهوووود باش ترتاحي ونتي كتزيدي تكملي عليااا وعلى راسك. صافي سكتي انا مغنديك لحتا شي بلاصة صافي..

ديمارا ومشا لدار وقف طوموبيل ضار عندها لقاها حاطة راسها على الزاج ودموع هابطين مع خدها كتبكي فصمت..
خرج ومشا لجهتها حل الباب شد فيها طلعها لبيتها. تكات على فراش بعياء حيد ليها صباطها وجلس جنبها كيهضر معاها..

جهاد : مبغيتش نضغط عليك ولكن راه ضروري خاصك معالج نفسي ومتقوليليش لا. خصك تخرجي داكشي كامل لي فقلبك باش ترتاحي خاصك حتا نتي ديري مجهود باش تحسن الحالة ديالك واش فهمتيني؟

حركات راسها بالايجاب وشدات عينيها بضيق
طبع قبلة على خدها وقال : عندي شي خدمة ضروري خاصني نمشي
نريمان : صافي واخا انا نتسناك حتا تجي
جهاد : غيبقى بالي مالك عندك تخرجي ولا ديري شي حاجة

نريمان : لاا متخافش غير سير انا غنعس شوية

جهاد : اوك واخاا احبيبة تانا غنحاول منتعطلش.
عاود طبع قبلة على خدها وناض خرج..
جبد تليفون من جيبو لقا نمرة كتصوني عليه فنمرة دالخدمة.. حل الخط وهوا خارج مزروب..

جهاد : الو وي

.... سلام عليكم واش جهاد؟

جهاد : وي شكون معايا؟

..... انا خديت نمرتك من الانستغرام وو بغيت نجي عندك ضروري ممكن تقولي فقاش غتكون تما؟

جهاد : انا دابا شوية غنكون تما الا كنتي قريبة اجي..

..... اوك واخا ممكن تعطيني عنوان عفاك.
جهاد : وي..
عطاها العنوان وتوجه نيشان لطوموبيلتو خرج مشاا لاتوليي ديالو..

بقات متكية كتشوف فنقطة وحدة فمها محلول والريوڭ هابطين مع جنب فمها..
كل الذكريات السوداء تجمعو عليها كتذكر كل حدث دازت منو للحضة وبلاماا تفطن براسها ناضت مخلوعة كتغوت وكترعد ملي تفكرات نهار لي هزات سعاد معلقة سخناتها على البوطة ولسقاتها ليها مع يديها حتا حسات بالروح بغاات تخرج ليها..
تكمشات وهيا كتبكي بهيستيرية وراسها كيضووورو فيه الأحداث السوداء بحال شريط فيلم الرعب
كترعد وجسمها كيطلع وينزل تكمشات فبلاصتها كتغطي عينيها بقوة . كتردد كلمة بعدووو مني شنوو درت ليكم بعدووو منييي خليوني بحالي سعااااد علاش كضربينييي علاش شنو درت ليك ..

وصل جهاد لاتوليي دخل كيشوف التصاميم لي وجدو
جهاد : امم اك مزيان يلاه جمعو هدوك اليوم غيخرجوو..

شاف فالبنت وقال : هديك قريبة تساليها؟ راه مولاتها غتجي غدا موراها

البنت : لا سليتها غير كنفينيها دابا
جهاد : اوك ( شاف فالشاب ) سعد جيبلي كافي عفاك لبيرو
سعد : اوك مسيو جهاد..

جلس وهز تليفون صونى على نريمان لقا تليفون مطفي.. صونى على عساس وطلب منو يوقف فالباب يعيط ليها يطمن على حالتها.
دخل سعد وفيدو القهوة حطها ليه وقال : واحد السيدة جات قالت اتصلات بيك بغات تدخل..
جهاد : وي قلها دخل


دخلات عندو بلهفة مدات يديه
وقف سلم عليها
جهاد : تفضلي
جلسات وهيا كضور عينيها وكتنهج..

سمية : لباس عليك؟
جهاد : وي الحمد الله ... مرحباا
سمية : اناا لي صونيت عليك قبيلة وهضرناا عرفتيني ياك

جهاد : امم وي مرحبا تفضلي

سمية : بتوتر ) ياك نتا جهاد؟؟
جهاد : باستغراب ) وي هواا انا !

سرطات ريقها ويديها كيترعدو : مزوج ياك؟
هز حاجبو : وشهاد السؤال؟ واش جاية على خدمة ول..

قطعاتو : عفااك غير جوبني مزوج؟

جهاد : اه مزوج علاش؟
سمية : بلهفة ) شنو سميت مراتك
ضرب يديه فطبلة: ونتي سوقك شهاد الأسئلة لي كتسوليني شمن دخلة عندك؟؟؟؟؟

شافت فالأرض بتوتر وعينيها حومر دايزين معاهم دموع : عفاك غير قولي باش نتأكد.. الله يعطيك ما تمنيتي غير قولي

صغر عينيه : نريمان علاش
ناضت من بلاصتها بالزربة وقفات قبالتو والدموع هابطين مت عينيها
سمية : عفاك انا مزاوكة فيك كنترجاااك ديني نشوفها عفاااك

جهاد : بتشكيك ) وشكون نتي لي باغا تشوفيها وعلاش؟؟؟

سمية : اناا ماماهاا عفاااك ديني نشوف بنتي راني غنحمااااااق الا مشفتهااش عفااك ديني نشوفها راه مشيت الحسيمة قالولي نتوما تماا وملقيتكمش عفاااك ديني نشوفها راه غير شي ناس قالولي نتا راجلها وجيت لعندك عفاك ديني نشوف بنتي راه قلبي غيوقف..

بقى ساكت مضور عينيه مكيشوفش فيها كيسمعها كترجااه وكتطلب وترغب فيه.. كتبكي بقوة وكترجا باش تشوف بنتها...
هز عينيه فيها بحدة عاقد حجبانو : راه بنتك بسبابكم غتسطى . غبرتو حتا عييتو ودابا عاد جايين باغيين تشوفوها وتعرفوووهااا؟؟؟

سمية : لااا نتا ولا غيرك يقدر يحكم على ضروفي ولا لي دوزت انا ماشي لخاطري خليتهااا ماشي لخاااااطري سمحت فيهااا انااا بغيت نشوفها عفاك ديني نشوف بنتي عفاااك انا مزاوكة فيك..

جهاد : بعصبية ) عمرك مغادي تشوفيها ولا عمرك مغادي توصلي ليها سمعتي ؟؟؟
مبغات لا تشوفك ولا تعرفك احسن حاجة تقدر ديري هيا تعطيييها تيساااع وخليهاا لا نتي ولا داك باها ولا عائلتكم

سمية : وشكون نتااا باش تحبسني نشوف بنتي. انا كنقوليك ضروفي ميعلم بيهم غير الله ونتاا عاد زايدني بالهضرة راه كافيني داكشي لييي داز عليااااا عفاااك خليني نشوفهاااا

جهاد : مغاديش تشوفيها وخرجي عفااك هادي بلاصة الخدمة واناا مشغول
سمية : مغاديش نخرج حتا تقولي فين بنتي بغيت نشوفهاا متحرمنيش عفاااك قولي فين هياا ولا ديني نشوفها عفااك..

شاف تليفون كيصوني هزو لقا نمرة العساس. حس بشي حاجة كاينة وفتح الخط بالزربة : وي عباس شنو كاين..
عباس : اسي جهاد راه مراتك كتغوت الفوق انا مقدرتش نطلع لعندها ومعرفتش مالهاا وو.

قطعو : اه طلع بالزربة عندك دير شي موصيبة هاناا دابا جااااي..
قطع عليه وهيا تشدو سمية : شنو واقع قولي عفااك بنتي ياااك؟؟

خرج فيها عينيه : اه بنتك راها غتحماق ولا غتسطى معاكم سيري خرجي عليااا برا ولا غنجيب ليك البوليس ونديك فين ترباي

مجات فين تنطق شدها من ذراعها بقوة وحل باب خرجها. كاع العاملين بقاو حاليين فمهم مفهمو والو
جهاد : خرجيي عليااا يلاااه اخر مرة نشوفك هنااا ولا كضوري بسااحتي. ونتوما اخير مرة دخلوها عليا..
شافت فيه بخيبة آمل حركات راسها وخرجات لبرا..
كانت امرآة فعمر 38 سنة شعر أسود جمعاه بجبادة لابسة جلابة كحلة وبيجامة كتبان من التحت فاللون احمر.. وصندالة د الصبع جسمها متوسط ماهيا غليضة ما هيا رقيقة..
خرجات مع الباب كتمسح دموعها ساط وخرج موراها ملقهاش. طلع فطوموبيلتو وديمارا غادي بسرعة..
شاف سيارة سوداء تبعاه حس بلي شي حد تابعو ..
وصل الرومبوان وهوا يقلب طريق لجهة خرا وكسيرا بالجهد.. حتا خرج فطريق خرا وكمل حتا وصل الدار..

نريمان : غيقتلوني اعمي عباس غيقتلوني سعاد جات كانت هنا كانت غتخنقني اعمي والله حتا كانت غتخنقني
عباس : لااا بنتي ممعاك حتا واحد هاا راجلك غيجي دابا غير صبري
نريمان : علاش كيخليني بوحدي علاش اهئ اهئ

طلع كيجري فالدروج لقا عباس واقف وهيا كتبكي عليه وتغوت
غير شافتو وهيا تنوض كتجري تخشات فيه
نريمان : سعاد كانت غتقتلني اجهااد اهئ اهئ ويما كتقولهاا قتليهااااا قتليها اهئ اهئ متخلينيش بوحدي معاهم عفاااك متخلينيش...
جهاد : شششتت صافي احبيبة صافي موقع والو صافي هانا معاك.
حذر راسو عباس وهبط دوز جهاد يديه على ضهرها وهوا كيسكت فيها.
داها لبلاصتها وبقاا حداها كيسكت فيها حتا داها نعاس كتنخصص فنعاسها.. مخرجش فمرا بقاا مقابلها طول النهار تفيق تبكي وتغوت ويسكتها ويعاود ينعسها .. الليل والجو بارد والشتاء خيط من سمااء جالسة على فوطوي فصالة وتلفازة مشعولة وهوا معنقها كيوكلها بزز ..
عنقها وقال : غدا نمشيو نشوفو طبيب احبيبة صافي..
نريمان : واخاا
جهاد : هاكا نبغيك احبيبة كوني قوية عفااك انا بغيت نشوفك بصحة مزيانة وضاحكة ناشطة فرحانة. فخبارك احبيبة مكيجيوش معاك الدموع.. كتعجبيني ملي كنشوفك ضاحكة وناشطة صبري شوية احبيبة وهادشي هادا كولو غيدوز وغتولي مزيانة واحسن حتا ملي كنتي..
حركات راسها بالايجاب غير كتصنت ليه.. داها لبلاصتها وشعل تلفازة
كيتفرج هوا وياها. حتا نعسات..
صباح كيف العادة روتينية بقاا معاها واخا عندو الخدمة وعندو لقاءات ورونديفوات وبرامج مدعو ليهم ممشاش. وفضل يبقى جنبها
فالليل وصلات مدام آسيا لدار خرجات من سيارتها لقات جهاد واقف فالباب عنقاتو وهيا مبتاسمة هزات حاجبها وقالت : فين مراتك؟


تنهد : لفوق اماما راها عيانة بزاف..
بتساؤل : مالها ! حاملة ؟؟؟
جهاد : بفف ولا دخلي بعدا ونهضروا..
جلسو لداخل دارت رجل على لابسة سروال اسود مع ليبوط حتا الركبة ومونطو فالاحمر شعرها مطلوق مع مكياج خفيفة
مصغرة عينيها كتسمع ليه وهوا حداها كيعاود ليها على كلشي..

جهاد : ودابا حالتها كتزيد غير تسوء مكرهتش نديها لشي مصحة حتا تولي بخير مي مغاديش تبغي

سكتات دايرة يديها على راسها كتصنت ليه..
جهاد : حاس بيها فراق واليديها داكشي لي داز عليها فالصغر داكشي لي طرا ليها فالامارات مهم معرفتش كيف ندير نخرجها من هادشي كولو. دابا عندي الخدمة ومكنقدرش نخرج نخاف دير شي حاجة فراسها ( تنهد) بففف

شافها باقة ساكتة مردات عليه بوالو : ايوا شنو درتي كيف داز المعرض ديالك

آسيا : زوين كنت بغيتك تكون حاضر حتا نتا
جهاد : مكتابش حتا لمرا خرا اماما.
آسيا : وي ،، ( ضورات عينيها ) امم ودابا شنو ناوي دير مع مراتك واش غتخليها غير هنا فدار ؟
جهاد : غدا نشوف شي طبيب ومن بعد نديها ليه. ياك نتي مزال هنا فالمغرب؟
آسيا : نو غنمشي مي معرفتش ايمتا
جهاد : مرحبا بيك هانتي جالسة معاناا .. نوجد ليك شي حاجة؟
آسيا : نو بلاش مبغيت والو..

جهاد : انا غنوض نوجد واحد لاسوب لنريمان شوية ونرجع

آسيا : المهم انا غنطلع نشوفها كيف بقاات
شاف فيها بالاستغراب وحرك راسو واخا ممرتاحش فالداخل ديالو..
حيدات المونطو وطلعات لفوق لعندها وجهاد متبع ليها العين..
حلات الباب ودخلات لقات ليزاباجور مشعولين بجوج غرفة دافية بالكون مشدود.. مغطية بالمانطة قربات لعندها لقاتها كتنخصص فنعاسها.. حنات كطل على وجهها هزات يديها برفق حطاتها عليها كتفيق فيها بشوية

آسيا : نريمااان.. نريمان..
بدات تحرك فيها حتا حسات بيها تحركات كتحل عينيها بثقالة حلات عينيها وهيا تنوض مخلوعة كتشوفها واقفة قدامها معرفات راسها واش كتحلم ولا بصح..
شعرها مطلوق مشعكك وجهها شاااحب ، لابسة بيجامة قطنية سخونة حطات آسيا يديها على راسها وقالت : غير انا باسم الله عليك كيف بقيتي؟
حركات راسها بالايجاب كتشوف فيها مفاهمة والو
آسيا : نفسيتك شوية دابا؟
نريمان : الحمد الله

سكتات آسيا للحضة ونريمان كتشوف فيها خايفة وكترجع تهبط عينيها ،،
آسيا : نجلس نهضر معاك شوية ولا غتنعسي؟
نريمان : لا لا مفيااش نعاس. فين جهاد؟
آسيا : لتحت .. ااااا.. شوفي

جلسات حداها وقالت : شوفي انا عاود لياا جهاد كلشي .. وانا بغيت نعاونك وغتولي مزيااان فالقريب اوك؟
نريمان : واخا
آسيا : عندي واحد صحبتي بنتها طبيبة نفسية هيا ف كازا وغدا نمشيو عندها و تبعي معاها ومع الوقت غتولي مزيانة
نريمان : واخا وقلتيها لجهاد
آسيا : نو مزال عاد غنقولها ليه صافي؟
حركات راسها : صافي واخا
آسيا : يلاه انا غنهبط رتاحي تصبحي على خير..

نريمان : ابتسامة خافتة ) حتا نتي تصبحي على خير ..

خرجات آسيا من البيت وهبطات لعند جهاد. فحين نريمان رجعات تكات فبلاصتها كتخمم فهضرتها

دخلات لعند جهاد وبدات كتهضر معاه وكتقتارح عليه الفكرة انهاا تمشي معاها الدار البيضاء وتبع مع بنت صديقتها.. شكراتها ليه بزاف .. مترددش جهاد وافق
طلع ليها العشاء كلات شوية وبقاا معاها حتا غفاات...

صباح واقفة كتلبس حوايجها الشتوية.. لوات الكشكول على عنقها وهبطات لقاتهم جالسين كيتسناوها..
قربات لعند آسيا سلمات عليها وقالت : خالتي صباح الخير

آسيا : صباح الخير شوية؟
نريمان : الحمد الله..
خرجو طلعات هيا وجهاد فالطوموبيل وآسيا طلعات فطوموبيلتها ومشات خرجو فطرو برا..

آسيا : مهم نتا حتا تكمل شغلك واجي لعندناا
جهاد : اوك صافي.. ( شاف ف نريمان ) هانتي مع ماما ردي البال راسك متخافي من والو كلشي غيدوز مزيان. انا غير نسالي ونجي لعندك اوك؟ راه حتا غدا عندي التصوير د واحد البرنامج غنكون تما فكازا ونجي نشوفك صافي ؟
نريمان : صافي واخاا
ناضو خرجو عنقها جهاد كيوصي فيها ويعاود.. طلعات فطوموبيل مع آسيا ومشاو.. طلع هوا فطوموبيلتو ومشا الخدمة...

الصمت كان سيد الموقف حتا واحد فيهم مهضر.. لا آسيا ولا نريمان طريق كلها حتا وصلو لكازا.. واستقبالتهم صديقة د آسيا فدارها.
عرفاتها بنريمان وحكات ليها المشكل ديالها..
تغداو معاها حتا رجعات بنتها من الخدمة وبدات تعاود ليها آسيا .. فضلات تخرج هيا ونريمان باش يهضرو برا
خرجات معاها غاديين فالطريق كتسوڭ وكتسولها
بداو الهضرة بالتعارف كتحاول تقربها منها اكثر باش ترتاح ليها..

وفعلا داكشي لي كان حسات نريمان بالراحة وبدات كتعاود ليها ..

نريمان : متشرفة بيك اختي ياسمين انا سميتي نريمان وعندي 19 عام ونص .. ملي كنت صغيرة حتا انا كنت كنتمنى نكون طبيبة ونعالج الناس لي مراض ولكن مكملتش قرايتي وضاع داك الحلم
ياسمين : علاش احبيبة ضاع شنو سبب؟
نريمان : عمتي مخلاتنيش نقرا وكانت باغاني نخدم عندها فصالون د حلاقة وو
كتسولها وهيا كتجاوبها وياسمين كتحرك راسها ..
وقفات حدا البحر وخرجو كيتمشاو وكتعاود ليها كاع ليديطاااي د حياتها مرة تسكت وتبدا تبكي مرة كتبرك على راسها وتزيد تعاود وياسمين كتشجعها باش تخرج كاع داكشي لي فقلبها


وهوا راجع من الخدمة لدار شاف نفس السيارة لي المرة فايتة تبعاتو هيا نفسها لي موراه.. حول يزيد فسرعة ولكن لقاها مزال تبعاه ضار بالزربة رجع باللور غير شافتو وهيا ترجع مشرياان وقف حداهاا وخرج عينيه معصب

جهاد : شكاين واش غتبقاااي ديمااا تبعااااني؟؟؟؟

سمية : قلتلك بغيت نشوف بنتي وانا مغاديش نتهنى حتا نشوفها

جهاد : بنتك مكيناااش هنااا ومعمرك مغادي تشوفيها واخا تبقاااي ديماا تبعااني عمرك مغادي تلقايهاا. واخر مرة ن

شوفك تبعاني مرة جاية حتا تلقاي بوليس واقف عند راسك...

خلاها وزاد رجع طوموبيل وكمل طريقو حتا وصل لدار..

الكلام لي ضار بين ياسمين ونريمان خلا نريمان تفتح قلبها وتزيد ترتاح ليها وتعاود ليها..

ياسمين : تنهدات ) دابا تناقشناا وفهمنا لي كاين واخا ماشي كلشي .. المهم دابا غترتاحي وغنكملو من بعد اوك؟
حركات راسها بالايجاب وناضو رجعو لدار
جلسات معاهم شوية وناضت خرجات هيا واسيا مشاو لعند وفاء..
رحبات بنريمان كتسول على احوالها وهيا كتجاوبها بوجه شاحب..
آسيا : فين البنات مكاينينش؟
وفاء : ايوا رنيا راها مسافرة هيا وصحبتها ولوخرا كتجي معطلة طبخوني يا ختي هاد البنات .. ايوا نريمان ولفتي شوية؟
نريمان : شوية الحمد الله
آسيا : راها عيانة اوفاء ديها عفاك لبيت لبنات ترتاح شوية
وفاء : باستغراب ) اييه واخا يلاه ابنتي ترتاحي
دخلاتها لبيت ورجعات لعند آسيا كتسول شنو طاري وشنو . واقع وآسيا كتجاوبها
آسيا : دابا كلشي كنديرو على وجه ولدي جهاد اما هيا معنديش الخاطر ليها

وفاء : وزعمة هضرت معاك آسيا يهديك الله بنت بحال اليتيمة ديريها بحال بنتك

آسيا : انا فاهمة هادشي مي انا معنديش معاها كتجيني تقيلة بزاف وفشكل دايرة اما اناا بنت ولدي نديرها بحال صحبتي راكي عرفاني كيفاش دايرة مي هادي مبغاتش تدخل لياا الخاطر

وفاء : خصك تقبليها كيفاااش كانت راها مرات ولدك ويلا بصح كتبغي ولدك خصك تبغي حتا مراتو. ونتي الالة رديها كيف بغيتي حوايج لي مكيعجبوكش فيها قوليهم ليها تبدلهم ومريضنا معندو باس

قلبات آسيا عينيها ومرداتش عليها..
صبح الحال داتها لعند ياسمين دوزات حصة ثانية كتبات ليها الأدوية الازمة لي خاصها تبعهم وبعض الأمور لي خاصها تمشي عليهم بحال ممارسة الرياضة والنوم كافي ..
داز اسبوع..
كانت آسيا رجعات بحالها الإمارات وبقات نريمان مع وفاء يوميا كيجي جهاد يشوفها ويبقى معاها ويخرجها تغيير الجو ويرجع يمشي..
حتا وفاء دارت جهدها معاها كتخرجها ودخلها معاها الكوزينة . وفين ما مشات هاهيا معاها عطاتها الخاطر فوق القياس..
داز اسبوع تاني وجا جهاد موراها قرر يرجعها لرباط وفكل حصة يجيبها..
وداكشي لي كان رجعات معاه حس بيها رتاحت شي شوية... طريق كلها وهوا كيسولها شنو درتو فين مشيتو شنو جديد حتا وصلو لدار يلاه باب كيتفتح وهوا يشوف سيارة د سمية واقفة من بعيد..

يتبع...

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.