انا عارفة راسي منصلاح منسوا قسما بالله الا ندمت ( كتنخصص ) ندمت علاش سافرت . ندمت حيت فكرت نبقى تما مع نجود . ندمت على كل حاجة دوزتها فحياتي انا ربي لي عالم بيا وبشنو دوزت و..
قطعاتها : متعاوديليش فيلم د حيااتك انريمان، انا بغيت نردك همة وشان وكون بقيتي معايا كون درتي العجب
كون وصلتي
كون حققتي احلام ديالك
ولكن نتي شنو!! ( بسخرية ) هه درتيها راسك وانا كنعطي فرصة وحدة ماشي جوج
حركات راسها بحزن كتمسح دموعها : عندك الحق اه نتي على حق فكل كلمة قلتيها وعاد وقفت على هضرتك يحساب ليا بصح غنوصل وغنعيش حسن من ناس وغنرتاح وغنتقاد ولكن طرا العكس،
جوديا : غتخدمي فبلاصة واحد البنت وهيا غتمشي معايا ملي تكون عندي شي خدمة المهم بحالا غنتعاون معاك وصافي اما انا معندي حاجة بشي وحدة خرا
نريمان : صافي واخا، وو معنديش باش نكري فين غنبقى!
جوديا : هنا فالصالون بنات كيمشيو لديورهم نتي غتباتي هنا بوحدك
نريمان : واخا لي بغيتي
جوديا : المهم منبغيش الصداع مع البنات كل وحدة تشوف شغلها، وهضرة وجموع الخاوي معنديش معاه حيت اغلبية كينوضو يتقاتلو لياا هنا هادي بلاصة خدمة منبغيش نشوف عليك شي حاجة ماشي حتا لتما هانا فين وصيتك
نريمان : حتا انا مغنهضر مع حد وبلاما توصيني..
حركات راسها بفهم : يلاه هبطي لبيت لي كيبدلو فيه البنات حوايجهم رتاحي تما نعسي حتا تفوتك الدوخة وعاد غدا بداي الخدمة
نريمان : واخا صافي انا نهبط.
داكشي لي كانت باغا نيت غا الراحة هبطات كتشوف تغيير لي رجع كوزينة تبدلات وصالون تبدل ومقعد لي كيجلسو فيه الكليان حتا هوا. والبيت لي كيبدلو فيه حوايجهم عندو جوج سدادر تكات تما وبلا تعطال من شدة العياء نعسات طاحت طيحة وحدة..
ضرباتها الفيقة فنص ليل حاسة بالحريق مجهد فكرشها وتقيا لي مبغاتش تخطيها ناضت بعيون مغمضة كتفتف شعلات الضو مشات لطواليط غسلات فمها ورجعات لبلاصتها بانت ليها طبلة لي حداها فوقها شي حاجة جلسات وهزات زيف لي مغطي لقات جوج طاسات حلاتهم لقات وحدة فيها سلاد د روز وتون الخ.. خرجو عينيها حيت كرشها من صباح وهيا كتلواا بالجوع ريوڭها هبطو حلات طاسة خرا لقات فيها الدجاج مشوي مع الخص وفريت ملوي فكاغيط حلات داكشي وبقات غير كتلوي فمها وتسرط حتا شبعات وتوخرات اللور كتنهج ..
واخيرا شبعات وتكات فبلاصتها هزات تليفون لقات ساعة 1 دليل كان السكات والصالون طافي من غير الضو ديال بلاكة لي برا والأشعة الحمراء دالكاميرة ،،
ابتسمات بخجل : شكرا بزاف انا عاد كنت غنطلب منك نخرج نشري شي حاجة
جوديا : يلاه دغيا الا باغا تخدمي راه اليوم الخدمة على جهد عندنا جوج اعراس وكليان جاي دابا شي باغي يصبغ شي باغي سوان دو فيزاج مهم شلا منديرو تحركي دغيا.
نريمان : واخا انا شوية ونجي
دخلات لبيت حلات داكشي كان بعض حلويات ومملحات وميكة فيها خبيزة بالجبن وقرعة دالعصير
كلات داكشي مخلات والو . شادة قرعة فيديها هبطات عليها كاملة ،
وخرجات لعند جوديا كانت كتوجد دخلو البنات كلهم شي مور شي. عطات لكل وحدة مهمتها وفرقاتهم.
بعدما وصلو الكليان دوزو نهار د الخدمة كل مرة نريمان تغلب وكتكون علاين تسخف مقدراش توقف لمدة طويلة دوخة مروناها وتقية مرة مرة غادية لطواليط حتا بداو البنات كيتغامزو بيناتهم.
فالاخير فشلات مبقاتش قادرة حتا تهز يديها ولكن فورصات على راسها فوق الجهد.
فليل مكلات مشربات نيشان طاحت باغا غا ترتاح..
اليوم موالي كذالك بتمارتو وتعب نريمان كل مرة كتحط سيشوار وتجلس ترد النفس هادشي لاحضوه كاع البنات وحدة فيهم وصلاتو لجوديا بلي نريمان مكتخدمش مزيان وكليان مكيعجبهمش تصرف ديالها كتخدم مرخية ..
دازت يومين وجوديا مرقباها كل مرة عطياها العين كتشوفها كتخدم وترجع تجلس وتعاود تنوض
الخدمة بزاف حاسة بالعياء والضغط واقفة نريمان كتنهج وعرق هابط عليها محساتش براسها حتا سخفات ليهم تما
ناضت الروينة شافوها فقدات الوعي ديالها..
هبطات جوديا كتجري كلهم تجوقو عليها كيحركو ليها فوجهها ويرشو عليها الماء حتا حلات عينيها بثقالة مساليا فمرا. هزوها دخلوها لبيت
جوديا : يلاه خرجو كل وحدة تشوف شغلها
خرجو البنات وبقات جوديا كتشوف فنريمان لي مساليا فمرا
وقف طاكسي حدا طوموبيل د سمية خرج منها امين لي مبانوش ملامح ديالو لجهاد طلع فطوموبيل وزادو..
ديمارا جهاد موراهم طريق كلها وهوا تابعهم حتا وقفو حدا صالون هز هينو جهاد شاف
اسم جوديا فالبلاكة لي فوق الباب
تما ضربات ليه فراسو ترررن
كانت نريمان مع جوديا فالصالون كيهضرو وبنات كيلبسو حوايجهم باش يمشيو بحالهم
جوديا : غتحيديه وغتهنااي فمرا وديك ساعة عيشي حياتك
نريمان : الصمت
جوديا : كتفهمي ولا لاا؟
حركات راسها بالايجاب وبقات واقفة كتسناها غا تخرج باش تخرج حتا هيا لعند امها لي وصاتها تبقى حدا صالون بلاما يدخلو هوما لعندها تفاديا لشي صداع
فديك الاثنااء خرج جهاد من طوموبيلتو كانت سمية وامين مزال كيتسناو جوديا تخرج ولكن تصدمو ملي شافو جهاد دخل دفع الباب بالجهد لي كان مردود لقا نريمان واقفة مع جوديا.
جوديا : دابا نتوما لي هاجمين كلكم واش السيبة فالبلاد ولا شنو ( شافت فجهاد ) اسي خرج علينا من صالون ديالي لا نتا ولا هادو
سمية : جمعي فمك جيت مور بنتي مجيتش لعندك
جوديا : نريمان؟؟ شهادشي كنسمع؟ شكون هادي بالسلامة
نريمان : جوديا هادي ماما انا لي عيطت ليها تجي مورايا مقدراش ندير داكشي لي قلتيلي منقدرش.
خرج جهاد عينو وقال : شنو غدير شنو قالت ليك ديري؟؟؟
نريمان : الصمت
جوديا : نتا لي عاد جاي تبين ليا الرجلة ديالك فين كنتي من نهار لي خرجات وجات عندي؟ هاا ولا كتعرف غا تزوج وضحك على بنات وتعمر ليهم كرشهم وتصيفطهم هاهيا دابا واحلة
ساط من مناخرو ومشا تخشا فبلاصتو كانت عطياه بالضهر كتشوف فجهة بالكون خشا يدو تحت راسو وشد، عينيها. مبغا نعاس يجيه لا هوا ولا هيا..
دازت ساعة وهوا كيتقلب فبلاصتو وهيا ناعسة على ديك الجهة طابت ليها ولا بغات ضور داز نص ساعة حسات براسها تكونسات من ديك جهة هزات راسها شوية ونعسات على ضهرها شادة عينيها حاسة بيه مزال فايق بقات على ديك الحال حتا غفات..
ابتاسم جهاد ابتسامة خافتة تأكد من حمل ديالها بعدما كان مشكوك فيه
كتبات ليها طبيبة دواء والفيتامينات لي خاصها تاخد والتحاليل لي خاصها دير وعطاتها رونديفو باش ترجع لعندها
ابتسام جهاد برضى : شكرا بزاف
شافت نريمان فجهاد لي تغيرو ملامحو من غضب لفرحة كتبان فعينيه.
خرجو من عند طبيبة شد فيديها بقوة هزات عينيها فيه ورجعات شافت قدامها كتحس بيدو مزيرة عليها
طلعو فطوموبيل ضار لعندها
وقال : غنرجعو عند طبيب نفسي شوفي شحال من حصة ممشيتيش ليها،
حركات راسها وهيا كتشوف فصدروا مقدراش تهز عينيها فيه
جهاد : تنهد ) اليوم انا فرحان بهادشي لي سمعت وانتي عارفة انا من قديم كنت كنتمنى يكون عندي شي ولد
دابا غتشدي الارض وبراكة من هاد التبرهيش وخلينا نعيشو هانيين ونربيو ولدنا على خير راه مفيا لي يبقى يمرض راسي معاك صبر ليه حدود وانا الصبر لي درت معاك عمرني درتو مع شي حد اخور سمعتي ؟
بعدما رجعات سميرة لعندهم هيا لي كتقابلها فغياب جهاد لي كيدوز وقتو فالخدمة ومعارض ومهرجانات وملي كيجي نيشان كيطلع لعندها كيلقاها ناعسة ويرجع يهبط..
فورماطا ليها التليفون بدل ليها نمرة وعطاه ليها
هضرتهم مزال قليلة ومزال موضحوش بزاف دالامور قرر يميك عليها بعدما هضرو هوا والطبيب نفسي وطلب منو يخليها فراحتها فالخصوص فهاد الفترة دالحمل كتكون فترة حساسة.و هيا مزال مريضة تقدر توقع منها اي حاجة
فضل يدوز وقتو غير فالخدمة من صباح حتا ليل ولكن كل مرة يسول عليها .
وملي كيكون عندو خدمة فشي مدينة اخرا اكيد راه كيبات فيها حتا لاغدا عاد كيرجع
كان الليل وغدا أول يوم ف رمضان خرج جهاد من الدوش لقاها عاد فاقت من نعاس
جهاد : شوية دابا؟
نريمان : اه الحمد الله
قرب عندها وقال : نتي مغاديش تقدري تصومي بلاش متصوني حتا تولدي وعاد رديه
نريمان : لا منقدرش ضروري نصوم احح كرشي كضرني
جهاد : ونوضي كولي شوية بعدا نوضتك ومبغيتيش تنوضي قبيلة
شد فيها نوضها ناضت بزز هبطات معاه لتحت كانت موجودة ليهم سميرة طاجين قبل متمشي وموجدة ليهم الصحور.
كلاو وخرجو يتمشاو فجو مبرد وناس كلشي خارج كيتقضى لرمضان
جهاد : ايوا بنادم كيصلي الله هوا الوحيد لي خاصو يشوفو نتي مكنتيش كتشوفني كنصلي وصافي.
حركات راسها بالايجاب لبسات ملابس الصلاة
مشات صلاة وجلسات كتقرا
صباح صبحات عيانة سمح جهاد فخدمتو ممشاش وبقا معاها كيوصيها تحاول على راسها ومدير حتا مجهود من غير الراحة دار معاها الخاطر فوق القياس لي بغيتيها تجيك وبقاي على راحتك
آمال ديالو كامل حطو فهاد الوليد لي غيتزاد مشوق يكون اب ويفرح بهاد الولد لي يدير على ود اي حاجة المهم يتزاد فالدنيا
مفششها فوق القياس عاجبو الحال وفرحان ملي دخل وهوا كيبوس فيها ويذاعبها
ناضت دخلات الحمام وهوا يهز تليفونها بالزربة كان بلا كود دخل كيقلب لقا غير نمرتو كاتبة فسميتو " حبيبي ❤️ "
ابتاسم ورجع حطو فبلاصتو
دازت 15 يوم من أجمل الآيام رجعات المياه لمجاريها وتقادو الأمور بيناتهم
.. عيات بقوة ما متكية.. ناعسة .. جالسة عيات كانت بوحدها فدار وناضت كطل من بالكون كان الجو مشمس والحرارة لبسات بيجامة صيفية نص كم حد الركبة جمعات شعرها سفنجة وهبطات عمرات الماء
وتنوض تصور كتلف الوقت حسات بالملل وناضت غسلات وجهها ورجعات جلسات مانع عليها متهضر مع حد ومكينش صحااب نهاائيا من غير نمرة د ريم وريهام لي دخل ليها. مكاينش خروج حتا يخرجها هوا حسات بالغمة وضيق وقوة تفكير خلاوها غا كتبكي عيات متسنى سميرة تجي ولكن مجاتش نهار كامل لا هيا ولا عباس
رجع فعشية وهوما كيفطروا صونى ليه تليفون خرج عينيه وقال : لا حول ولا قوة الا بالله فقاش ماتت؟
نريمان : شكون مات؟
جهاد : واخا حنا انجيو عندكم لا بالعكس نتوما لي سمحو لينا
قطع المكالمة شاف فنريمان وقال : ماماها د سميرة ماتت عليها مجاش عباس وبنتو اليوم
نريمان : الله اكبر الله يرحمها مسكينة واش غتمشي عندهم؟
جهاد : وي ضروري نمشيو انا وياك.
كملو فطورهم وناضو لبسو حوايجهم ومشاو لعندهم كان حي شعبي وناس جالسين فالكراسا برا طلقاهم عباس عزاوه ودخلوهم لداخل جلسوهم فواحد بيت فيه جوج سدادر وحصيرة وطبلة صغيرة دخلات لعندهم سميرة كتبكي عنقاتها نريمان كتواسيها
عباس : ديري ابنتي اتاي
وقف جهاد وقال : لاا هادا ماشي وقت اتاي مرة خرا الله يرزقكم صبر
بعد 3 ايام كانت جهاد كيهضر مع ماماه وعلماتو غتجي دوز العيد فالمغرب طلبات منو يدوز ليها نريمان وفرحات بزاف بالحمل ديالها وبدات كتعطيها نصائح ها لي ديري وها لي مديريش.
حسات نريمان ب آسيا مبقاتش معاها كيف كانت وحتا هيا فرحانة بالحمل.
فديك الفترة مكانتش كتجي سميرة حيت عندهم العزايا وكانت نريمان كتبغي تنوض توجد واخا مفيها جهد ولكن جهاد ديما كيضور فيها ويعارضها حتا كيجي هوا عاد كيوجد راسو..
صباح كيف المعتاد كتسوط قنطانة كتشوف فالبيت سلة دالحوايج مجموعة والبيت خصو يتنقى
دار كلها مرونة وكتشوف الوقت كيطير اسبوع وغتجي آسيا تلقى هكاك..
ناضت بشوية عليها لبسات بيجامة قصيرة هبطات سلة درجة بدرجة كتجر فيها حطاتها فالارض وبقات كدفعها خشاتهم فالمكينة خلاتهم كيتصبنو وطلعات لبيت قداتو وراسها دايخ. مسحات حيوط والأرضية سيقات حمام وهبطات على الدروج حسات بالدوخة كون مشداتش راسها كانت غتجي فقاع دروج جلسات كترد نفس رتاحت حتا قدرات تنوض عاد هبطات كتكمل على شغلها دخل جهاد فعشية لقا صوت القرآن مجهد دخل ببتسامة
بقات غير كضور عينيها خايفة يجمعها معاها. داز نهار وهوا طالع ليه الزعف جالس كيفطر وعينيه مع تلفازة مهضرهاش وحتا هيا غير ساكتة..
فصباح ناضت كضور عينيها حاطة يديها على حنكها كتخمم
شنو فيها كاع الا خملت ونقيت مالو اش طرالي كاع. واش منهضر مع حد منخرج مندير حتا حاجة !! ياربي واش غنبقى حياتي كلها معاه هاكا وكل مرة يغوت عليا بحالا معرف اش درت. بففف
ناضت وهضرتو كتجي قبالت عينيها،،
بلامبلاة اش غيطرالي كاع ناضت هبطات لتحت خرجات كتجمع حوايج ودخلات طويهم كملات على شغل لي بدات لبارح من مسيح الحيوط وتسياق حتا كملات وصلات العشية وهيا ناعسة كترتاح فالصالة هزات عينيها فالصالون لي حيدات ليه ريدو صبناتو ناضت هزاتو بين يديها كتقادد ليه الخراص ديالو
شداتو فيديها وناضت كتقلب على سلوم لي كان تما
ملقاتوش
وقفات على طبلة وطلعات فوق الحواشي لي فجناب صالون فوق رخامة
طلعات فوقهم ملحقاش رجعات هبطات كتقلب على كرسي جابتو فيديها حطاتو على ديك الرخامة وطلعات فوق منو ورجليها كيترعدو
صوبات الريدو شافت تحتها بغات تنزل شادة فالحيط بغات تحط رجلها على رخامة وهوا يتزعزع بيها الكرسي بغات تحط رجلها حطاتها على الخوا حتا جات طايحة الأرض تزدحات على جنبها حتا تزوات ومشا ليها الصوت مخرجة عينيها كتغوت لربي لي خلقها
تليفون الفوق كيصوني ويعاود بدون مجيب مسجات واحد مور اخور وبلا مجيب كتر من ساعة وهوا كيصوني. قال غتكون فحمام.. او غتكون ناعسة ولكن فالأخير خرج من الخدمة ومشا لدار طاير مكيشوفش قدامو عقلو مرفوع تكون خرجات وخلات تليفون؟ يكون جا عندها شي حد؟ علاش هادشي كولو ومكتجااوبش.
وهوا غادي بسرعة حتا كان غيدير كسيدة ويمشي فيها هوا
دخل طاير لدار كيقلب تما خرجو عينيه ممتيقش اش كيشوف طايحة فالأرض مغيبة ودمايات هابطين من تحتها
...
حاط يديه على راسو كيشوف فالأرض خرج الطبيب عندو شاف فيه جهاد بخوف كيتسناه اش غيقول
الطبيب : مع الأسف دارت اجهاض الله يعوضك بوليدات خرين صبر
طبطب ليه على كتفو وهوا مصدوم فيه ممتيقش حتا تغرغرو ليه الدموع فعينو
طاح فوق الكرسي ممتيقش ومقدرش يستوعب هادشي لي كيدوز منو
بقا جالس تما شاد فراسو مسح دمعة هبطات من عنيه
ناض ودخل لعندها كانت مستلقية على بياص حالة عينيها وقف حداها
شاف فيها مطولا وقال بحدة :
درت معاك الخاطر فوق القياس. صبرت على هبالك وتبرهيش الخاوي قلت دابا دير عقلها ودابا تراجع نفسها ونتي غير كتزيدي فيه نهار بعد نهار لي فراسك فراسك حطيت أمل كبير يكون عندنا ولد وحياتنا تقاد ولكن اليوم نتي قطعتي داك الحبل لي بيناتنا.
ومن اليوم
قطعاتو : لاااااا جهاد لا عفاااك اهئ اهئ لااا والله منعاود اخررر مرة
كمل كلامو ودموع هابطين من عينيه وقال :
هنا علاقتنا تسالات بصفة نهائية لا رجعة فيها نتي من طريق وانا من طريق من يوم متعاودي تشوفي وجهي
الأجنحة المنكسرة الجزء 13
محتوى القصة
التنقل بين الأجزاء