دنيا : اه الا دزتي غيشوفك قادي هنا ها اميمة تعطيك مكياج ديالها
نريمان : لا لاا
رجعات وقفات قدام المرايا كتشوف راسها ديجا مقادة الحالة كيف كل يوم قبل ميجيو بنات كانت دايرة مكياج ولابسة سروال دجين مع تريكو شتوي بالكمام فاللون زيتي وفيه بريو كيشعل وكيف عادة صندالتها العالية وشعرها جمعاه بحالا دايرة مشيطة خفيفة. شافت وجهها فالمرايا كتقاد خصلات شعرها حولات نضرها لدنيا لي ساهية فيها ببتسامة..
تنهدات وقالت وهيا واقفة متكية على الباب مربعة يديها : معندنا منقولو لي كان بيناتنا تسالا،،
وكل واحد شد طريقو والله يخلف والله يسهل عليك وعلينا مكانش عليك تعذب وتجي حتا لهنا..
سكت شوية وقال وهوا خاشي يديه فالجيب : نقدر نشعل واحد كارو ؟
نريمان : واخا ها البالكون
ناض من بلاصتو وهوا مزال كيشوف فيها محيدش عينيه من عليها مشا جهتها شافت فيه بخوف ورجعت اللور معندها فين ترجع لسقات مع الباب وقف قبالتها وهيا كتهز عينيها فيه بخوف كتشتت النضر وهوا كيزيد يقرب ..
فحين خرجو بنات وبقاو جوج فالبيت ديال تعليم دايرين لايف فشي جروب طلات عليهم دنيا لقاتهم مشغولين ورجعات بالحس شدات الباب ديال صالون وحطات وذنها على باب وهوما لداخل كتحاول تسمع اش كيقولو وفنفس الوقت هازة شطابة فديها باش حتا الا خرجو تقول كنت كنشطب ..
حاطة وذنها كتسمع وعينيها كيضورو
بخوف : جهاد بعد لهيه
قرب لعندها نفسو سخونة كضرب فوجهها هز يديه بغا يقيصها وهيا تسلت وبعدات عليه
نريمان : بحدة ) متقيصنيش متشدش فيا
جبد كارو خشاه فمو كيشوف فيها وقال وهوا كيشعل : ياك نتي لي بغيتي الطلاق وياك نتي مبغيتيش تهضري معايا ولا تجاوبيني فالتليفون ؟ وياك نتي لي مشيتي اسبانيا ومعودتيش ا..
بهدوء ساط الدخان وقال : طلاق نتي لي بغيتيه ونتي لي ختاريتيه اما ان..
قطعاتو مرة خرا حاسة بالدم ديالها كيغلي : وايييييمتاا انا بغيت شي طلاق ايمتا قلت ليك طلقني هاا .. نتا بغيتي طلق وطلقتيتي اجهاد ومشيتي تزوجتي بوحدة خرا عيتي من نريمان ومليتي منها وهيا نتا مولفة قعيدة كل مرة مرأة فشكل كتختار وتعزل كيف بغيتي ضروري جا الوقت تصدرني باش تزوج وحدة خرا وهانتا وصلتي لداك الشي لي بغيتي
تنهد كيمسح على وجهو كيخرج نفس حاااارة عاقد حجبانو كمل على كلامو وقال : نتي عرفاني ملي كنتعصب مكنعرف راسي شنو كندير ولا شنو كنخرج على فمي.
فلحضة غضب كنت نقتلك ديك ساعة وبلاما نفطن براسي صبرتتتت معاك كتر من القياس ونتي كديري غا لي قالك عقلك
قطعاتو وهيا كتنخصص كتسمع لكلامو : ومشفتيش حالتي كيف كانت هاا مشفتيش كنت غنموت
رد بعصبية : انااا حالتي كانت كفس من حالتك وهكاك بدلت ساعة بخرا بيدما نبرد ونرجع حيت كن بقيت معاك قسما بالله متعرفيني شنو ندير ولكن ديك امك حتا هيا واحد لفعة منها مكاين
ردت بحدة : ماما بعيدة عليك ومتجبدهاش على فمك كن مكانت هيا يعلم الله فين وصلات بيا ولا كن راني مت عاد زايد كتهضر على امي ! مكتحشمش
ضحك بسخرية وناض وقف قبالتها مخرج عينيه : كنت كانت هديك ام وكتفكر فمصلاحة د بنتها ملي كنت كنصوني عليها دوز ليك تليفون نهضرو وهيا ديما كتقطع عليا وتقولي مبغاش تهضر معاك مبغاتكش تعاود تصوني عليها وهكاك بقيت كنصوني ومعرفهاش فين هزاتك وزادت بيك . وميكت شهراين وقلت دابا ترجعي ودابا تهضري نتي ولا تصيفطي غا مسج ولكن مصيفطتيش. شديت الطريق حتا لديك تطوان ومشيت ديكلاريت وعييت منقلب وملقيتكش ومشيت حتا الحسيمة قلت مع بالي غادي تديك لتما وملقيتكش وتشادينا انا وداك الكلب ديال ولد عمك بالمقاتلة قالك منجيظ ومنسولش عليك ومعنديش الحق عليك ها شوفي
عرا ليها تريكو لي لابس من العنق بان ليها خط طويل فيه غرازي
كمل كلامو : غفلني وضربني بموس لعنقي وشحال وانا فطبيب وهكاك مستسلمتش باغي نعرف غير فين نتي ونطلب منك سماحة ونرجعو مي ملقيتكش حتا دازت مدة عاد عرفت بلي مشيتي الاسبانية حتا صونات عليا ماماك وقالت ليا نريمان بغات الطلاق ومبغاتش تكمل معاك وعيت كنقوليها دوزيها ليا مي نتي مبغيتيش تهضري معايا ولا تجاوبيني واخا غا مرة وحدة مبغيتيش انريمان
سمعات تليفون كيصوني وناضت من بلاصتها هزاتو لقات لؤي كيصوني عليها فالواتساب توترات وتلفات شافت فجهاد لي مصغر عينيه كيشوف فيها ويسوط دخان سرعان ماتفكرات عندو ولد ومزوج لقاتها فرصة باش تشوف ردة فعلو وحلات الخط كتهضر بالاسبانية
نريمان: وي لؤي ؟
لؤي : كيفك نريمان شو اخبارك !
نريمان : اه انا ماجا
لؤي : كيف يعني !
نريمان : ياكما كتبكي ؟
لؤي : مع مين بتتكلمي ؟ مين عم يبكي !
نريمان : اه صافي انا جاية دابا سكتها عفا
لؤي : م..
قطعات المكالمة ودارت وضع الطائرة بالزربة وخشات تليفون فالصاك
عاقد حجبانو شاف فيها وقال : شكون هادا ؟
نريمان : خصني نمشي دابا اجهاد راني مشغولة
رد وهوا مزال بنفس النضرة وقال: شكون هاد لؤي !! جاوبيني شكون هوا
بتردد وتلفة بغات تفقصو معرفاتش هادشي واش صالح ولا لا ولكن خرجاتها وقالت : هادا راجلي بنتي كتبكي وخاصني نمشي. ( ببتسامة كاذبة ) المهم صفينا الخواطر ياك هه
بقا مصدوم كيشوف فيها معرف راسو باش تبلى وناض عندها وهيا الخوف غيقتلها بزز باش كتدعي القوة
جهاد : ايمتا تزوجتي وشكون هادا لي مزوجة بيه !!
نريمان : وانت شمن شغل عندك هه ولاهيلا واش انا كنسولك على مراتك ولدك وزوينة هادي نعطيك تفاصيل حياتي . وزيدون اسيدي خرج خليني نلبس حوايجي ونم..
اويلي حتا زيف ديالي نسيتو محطيتو على راسي . راني اخويا مزوجة متعاودش تجي لهنا ولا تعاود تصوني عليا و..
شدها من ذراعها بقوة زدحها مع الحيط وقال : هيا نيت نتي لي بغيتي طلاق ؟؟ باش تزوجي وديري لي عجبك يااااك ؟؟ وكتقولي ليا انا مقلت لماما والو اناا ماا منعرف شنوو
دفعاتو بعصبية : متشدش فياا معندكش الحق اصلا تجي لهنا صالون عندي د نساء ومعند الحق حتا راجل يحط رجلو هنا ومعندكش الحق فحياتي ومسوووقكش فيااا نتزوج ولا نموت ولا نعيش ولا نهضر معاك ولا منهضرش دي.
عاود شد فذراعهاا قاطع كلامها وقال وهوا كيغزز سنانو : نتي بغيتي طلقييي وكتنوعري عليااا دابا واش انا بنت ليك كامبوو دوخيني بهاد الهضرة شمن زواج ولا ق*** براكة من الكذوب غا اجي ولدي وقولي عندي بنت
نترات يديها منو وقالت : اه والله حتا عندي بنتي ومن بعد
خرج عينيه بصدمة وقال : شنووو ؟ دابا علاش كتكدبي نتي ممزوجاااااش ومعندك لا بنت ولا دريي براكة من الكذوب
خرجات عليها مرضاتش يكذبها وقالت وهيا كطلب السماحة من الله فالداخل ديالها : اه مزوجة وقسما بالله عندي بنتي وعلاش غنكذب عليك اصلا..!!!
فحين خلاتو هوا واقف بعدما رمات ليه هضرة قاصحة : تحمل مسؤوليتك انا معندي باش نفعك درتيها راسك فك راسك براسك انا معنديش
مبغاتش تسرط ليها واحد يلاه كمل 18 عام فعلاقة مع وحدة فعمرها 18 وحاملة بأربع شهور وهاربة من بلادها وكاري ليها بيت
بغات تسطى عمرها توقعاتها
خلاتو مصدوم من الرد ديالها وهوا الأمل ديالو كامل كان فنريمان ..
واخا دخل عليها هيا وجهاد وكان باغي يدخل فيه بلكمة الوجه سرعان متهذن وشاف الا غطى عليها ودوزها ليها غتعاونو وتوقف معاه فهاد الموصيبة لي طايح فيها . ولكن طرا العكس
خلاتو واقف فبلاصتو باغي يبكي والخوف كينهش فالداخل ديالو تم زايد غادي مع الطريطوار وهوا يوقف عليه جهاد فطوموبيل كيكلاكصوني عليه
ضار يشوف وهوا يخرج عليه حومر بحالا عاصر فيهم الدم مكشكش مفقوص باغي غا فمن يبرد هاز يدو : تا مال *** ر **** سير ***
شاف فيه ببرود وخرج زدح الباب
غا شافو اشرف خرج وهوا يمشي جيهتو حاكم قبضة يدو باغي يعطيها ليه لوجه
اشرف : جااي كتقلب عليا ا **
يلاه يهزو يدو وهوا يشدها جهاد مغزز على سنانو ولواها ليه حتا كانت غتقرض خلاه كيعرعر
جهاد : راه كلنا كنعرفو نخرجو عينينا ونتقاتلو سير تكمش البرهوش حسن منقرضك ونخليك معطوب
اشرف : وسير ت*** ال*** اولد *** و
شد ليه جهاد فمو مزير عليه حل باب طوموبيل وجوقة بدات تجمع كلشي باغي يتفرج رماه لداخل فالطوموبيل
قطعها ببرود : حبيبة ديالي براكة من الكدوب راني عارف ماا ممزوجة ما ممزمرة وديك كلمة د خويا قوليها لخوك نيت ماشي ليا حيت انا الخوت لي عندي كاافييني معندي فين نزيدك حتا نتي
شافت فيه كيقرب لوجهها وهيا تبعد بخوف : جهاد ناس برا حيد مني عفاك لااا كنترجااك راني قلت ليك مزو
زاد زير عليها هاز حاجبو وقال : براكة متمرضيني بهاد كلمة مزوجة باركة من الكدوب راه عارف كلشي عارفك ما ممزوجة ما والو . خصنا نهضرو كتسمعي ودابا خاصك تسمعيني اش غنقولك باش تفهمي كلشي
حركات راسها بالنفي : لااا لا اجهاد كليان برا وعندي الخدمة دابا ماشي وقت الهضرة عفااك كنترجااك خرج
جهاد : مغاديش نخرج هنا غنبقى حتا نصفيو هاد المرض
بترجي : واخاا واخا ولكن ماشي دابا عفااك خرج قبل ميشوفك شي حد راه بنات د تعليم دابا وهوما جاو يشوفوك هنا تولي فيا الهضرة عفاك سير ومن بعد نهضرو والله حتا نهضروا عفااك غير سير دابا
رخى منها عاقد حجبانو وقال : ملي تسالي ندوز موراك
بالارتباك : صافي واخا
رد : حيدي البلوك لكلشي وبراكة من هاد التبرهييش كتسمعي ؟ هانا غنتسناك ايمتا تسالي وصيفطيلي
حركات راسها بالايجاب وقالت : واخا صافي بقا هنا انا نقول ليهم يمشيو الكودينة عاد خرج
خرج فيها عينيه وقال ؛ ومالنا غنخافو اش من داخلة عندهم فينا
نريمان : اويلي جهاد هضر بشوية واش باغي تفضحني عفااك بقاا هنا عفااك كنطلبك بقا هنا
هز لافيست ديالو وبقا واقف فحين هيا طلبات منهم يمشيو لكوزينة بحجة مول الضوء غيجي يصاوب شي حاجة. مدخلاتش ليهم فالراس ولكن مشاو مع دنيا فحين نريمان رجعات عندو حلات الباب خرج وقال : هضرت معاك حيدي بلوك هوا اللول باش نهضرو
بخوف : واخا واخااا صافي
ضور وجهو وهبط مع الدروج رجعات بالزربة هزات داك الطبسيل لي كان كيطفي فيه خشات فواحد المجر مسحات طبلة بالزربة وحلات الباب والبالكون بدلات حوايجها ومشات عيطات ليهم وبدات كتصبغ شعر لسيدة وهيا كترعد بالخوف وعقلها غا مع شنو غيقوليها وفين غيطلقاو..
دوزات نهار متومر فالخدمة بمساعدة دنيا وعاد زيد بنات لي كيتعلمو حتا خرجو وكملات ومشاو حتا كليان ودخلات بالزربة دوشات ومشات كتبدل حوايجها ودنيا كل مرة تهز عينيها فيها كتلقاها كتنشف شعرعا وترش الريحة وتقاد شالها وتقاد مكياجها.
سكت حتا هوا مقال حتا كلمة حتا وصلو وطلعو لطابق الثاني كان الجو دافي طالقين موسيقى اسبانية جر ليها الكرسي جلسات وهيا عاجبها الحال حذرات راسها كتلعب بصباعها جلس قبالتها وهوا كيهضر مع النادل.
ضور وجههو شاف فيها وقال : ديجا جيت لهنا وعجبني الجو قلت نجيو اليوم هنا حسن
هزات عينيها وقالت : اه زوين بزاف
جهاد : امم مهم نتي بخير ؟
ردت : الحمد الله وانت ؟
رد : اوسي بون نتعشاو وعاد نهضرو اوكي ؟
نريمان : واخا لي بغيتي ولكن مبغيتش نتعطل خاصني نرجع دغيا
حرك راسو وقال : علاش شكون كيتسناك ؟ ( بسخرية ) راجلك ولا بنتك هه
سكتات وجهها حمر مرداتش عليه وهوا قبالتها كيسوط : بفففف معرفتش انا علاش هاد الكدوب ! ها علاش ؟ كيبانلي قلبنا فايض انا وياك ولكن غنخويو كلشي اليوم وغنتهنااو
. توخر اللور كيشرب الماء وقال : كملي عشاك علاش توخرتي
ردت : لا براكة شبعت شكرا على العشاء زوين
سكت مطولا كيضور عينو ،،
وهيا قالبة عينيها مكتشوفش فيه
شاف فيها بجدية مشبك يديه على طبلة وقال : مكنتش باغي نعاود نتزوج مرة خرا ولا كانت الفكرة فبالي ..
وملي تزوجت بيك قلت نتي لي غنكمل معاك حياتي وندير معاك وليدات ونعيشو الحياة بحلاوتها ومرورتها
كنهضر معاك بصراحة انريمان متقوليش هادا كيكذب عليا ولا كيزوق ليا الهضرة ، المهم مكتابش وتفارقنا وكملت حياتي عادي غا مع الخدمة وتزادتني امور خرا وزاد الضغط يعني تشغلت كتر من قبل وديما مسافر ومعنديش الوقت لي نرتاح فيه حتا دازت مدة .
كنت ديك ساعة ف أمريكا و كان عندي تصوير مع واحد الشركة و تما تعرفت على واحد منكان المهم ..
سكت كيشوف فيها وهيا كتشتت النظر مقدراش تشوف فيه كتخفي الحزن لي فالداخل ديالها والدمعة لي غتهبط كتحاول تبردها باش مطيحش قدامو
كمل وقال وهوا مزال على نفس الوضعية : مهم داز الوقت ولينا كنطلقااو بزاف وكتجي لعندي وراكي عارفة
ومن بعد سمحات فخدمتها وبخوجي ديالها وفينما سافرت كتبغي تمشي معايا وحتا ملي كانت عندي الخدمة هنا كانت بغات تجي مي مبغيتش
.فكرت انا وقررت نتزوج بيها ولكن زواج متعة وصافي
شرط دير احتياطها حيت مباغيش نطيح معاها فشي موصيبة تحمل ولا تجيب ليا شي ولد حيت هادشي مكنتش قابلو ، كنت كنسافر وكنرجع كنبقاو سيمانا ولا 15 جوغ على حسب ونرجع نسافر .
مع الوقت مبقيناش كنتفاهمو ومبقيتش كتشوفها كاع حتا دازت 8 شهور حتا صدماتني بداكشي لي مكنتش باغيه عرفتها حاملة وقريبة تولد مكنتش متيق بلي غيكون ولدي انا . كنت كنقول موحال ميمكنش تما كفرت فيها ديال بصح وتسنيت غا ايمتا تولد باش نتأكد واش بصح مني انا ولا لا ... فلاخر عرفت بلي ولدي انا
هز لافيست وعينيه عليها عطياه بالضهر حتا رجع لعندها شاد فذراعها هبطو فالدروج وخرجو الشتاء خيط من سماء
نريمان : رخي مني غنشد طاكسي
رد بحدة : دوزي لطوموبيل نوصلك
ردت : متوصلنيييش اجهااد متوصلنيييش صافي بعد مني الله يعاونك
شدها من يديها وداها لطوموبيل حل الباب : طلعي انريمان وخلينا هانيين مفيا لي يمرض راسي معاك فهاد الليل
ولو قال ليها اه ولدي كان عندها شك بنسبة 60 % . بلي غا كذب عليها او بغا يجربها او بغا يشوف ردت فعلها ولكن ملي عاود ليها حسات بحال خنجر تغرس فالقلب ديالها.
ردت بغضب : نتا لي شنو كاين نتا لي شنو باغي مني دابا ؟ جهاد عفاااك اخر مرة تجي عندي اخر مرة تهضرني اخر مرة تصوني عليا. صافي عندك ولدك ومزوج بديك السيدة انا معندي فين ندخل بيناتكم وخليني عفاك مفيا لي نمرض ولا نرجع لديك الحالة لي كنت فيها . عفاااك اجهاد بعد مني
ردت سمية وهيا كتبوس فيها وترغب : هالعااار وجه الله لاما سمحيلي راه فكرت غا لمصلاحتك ابنتي الله يرضي عليك بردي ونعلي شيطان انااا لي مني لافووت صافي غا سمحيلي الله يفرشك بالرضى
دخلات بحالها وشدات عليها الباب من داخل وسمية كدق وتعيط ليها هبطات الجارة من الفوق هيا وبناتها كيسولو وكيسمعو الغوات د نريمان لداخل وبكا بهيستيرية وجنوون
وسمية عقلها غيخرج كدق وترغب فيها عنداك دير شي حاجة فراسها. هزات تليفون بالزربة صونات على اشرف لقات تليفون ديالو مطفي وجارة حداها كدق حتا هيا وترغب فنريمان تحل ليهم ولكن والو حتا سمعوها سقرات تما بقات سمية كدق بالجهد وتغووت على حر جهدها والوساويس تجمعو عليها راها علقات راسها راها
شربات شي حاجة راها ماتت بغات سمية تسطى
الجوقة تجمعات وناس فالزنقة كيدقو باغيين يدخلو حلات بنت الجارة الباب وهيا مخلوعة وسمية كتغوت وضرب فخاضها عتقوو ليا بنتي.. بنتي غتمووت دخل جارهم راجل كبير فالسن هوا وجار اخر فرعو ساقطة دالباب حلوها لقاوها طايحة وكترعد وعينيها مقلوبين وبنات كتغوت شي كيقول ديوها لطبيب وشي كيقول خلطو ليها الماء مع سكر قوة الهضرة كان تليفونها كيصوني ديك الساعة هزاتو بنت الجارة وخرجات كتجاوب
ب : الووو
نريمان ؟
ردت بصوت مخلوع : لا انا جارتها راها من قبيلة وهيا كتغوت ودابا غيبت منعرف شنو واقع ليها وقيلة غيديوها لطبيب .. الو ؟ االو .. كتسمعني ؟
شافت فالتليفون لقاتو قطع ودخلات حطاتو حدا تلفاازة وهوما مخرجينها وسمية مراهم سبقات لطوموبيل كترعد كلها حطوها قدامها وطلعو جوج دراري جيرانها لور معاها وديمارات بالجهد غادية وكتحرك فيها وترغب مكتشوفش فالطريق بقوة الدموع ودراري كيحاولو يتبتوها ويهذنوها ،
شافتها حلات عينيها بتتاقل ورجعات كتبكي بهيستيرية وتغوت وقفات سمية وضارت عندها : انااا سباب ابنتي اناااا انااا عفاااك سمحيلي عمرني نعاود عمرني غا قوليلي ابنتي شنو ندير نديرو على قبلك باش تسمحيلي والله حتا درت هادشي غا على قبلك وعلى مصلاحتك بنتي الله يهديك
شافت فدوك دراري و قالت : صافي سيرو بحالكم وسمحولي الله يرضي عليكم هااكوو ها باش تشدو طاكسي.
مدات ليها 20 درهم مبغاوش يشدوها منها ومشاو وهيا كتشوف فنريمان لي كتبكي فصمت وعقلها غيخرج
سمية : صافي سمحتيلي ياك ؟ مكانش حسابلي غيطرالك هاد الشي اما انا اش داني كاااع ولكن غا خفت والله ابنتي الا غا خفت عليك
تسمع صوت مجهد ديال طوموبيل بحالا دارت كسيدة ضورات نريمان وجهها وهيا تشوفو خرج من طوموبيل جاي جيهتهم حنات راسها كتنهج وهوت يحل الباب عليها كانت صدمة لسمية لي شافتو شاد وجهها بين يديه : ياك لباس شنو وقع ليك مالك ؟؟؟ (شاف فسمية ) مالهااا ؟ ياك لباس !!
شدات نريمان يدو حيداتها وقال وهيا كتنخصص : سير بعد مني علاش تابعني نموت ولا نتسطى شمن داخلة عندك فيا
رد وعينيه مع سمية : هضري مالك شنو طرا علاش معصب اش واقع ؟ ( شاف فسمية ) شنو واقع ليها هضري !
قبل متهضر سمية قطعاتها نريمان وقالت : زيدي اماما نرجعو بحالناا حيد يدك خرج سير بعد مني متعااااودش تلحق عليا سمعتييي ؟ متعاودش تبعني
دفعاتو وسدات الباب فحين سمية ديمارات وقلبات الضورة راجعة خلاتو واقف متبع ليها العين
رجعو لدار لقاو جوقة تفرقات ومولات الدار جالسة فالدرجة هيا وبنتها وشادين باب د سمية سمعو طوموبيل وقفات وخرجو كيجريو وناس كطل تشوف شكون جا ..
دخلات نريمان بلا هضرة بلا جوج نيشان لبيتها وشدات عليها وسمية برا مع جيران كيهدنوها حتا دخلات بحالها كتحيد جلابتها وهيا تخرج نريمان عاقدة حجبانها : تليفوني فين هوااا شكون هزووو ؟ كان لداخل !
تلفات سمية وفالداخل ديالي مخلوعة والشك ديالها كيقولها ناس لي دخلو هزوه. بقات كضور وتشوف فوق الطبلة وفوق سداري حتا بان ليها حدا تلفازة
هوا راه مع ماماه واجب ديالي راه كنديرو معاه .. ونتي باغي نكمل معاك حياتي كيف بديناها اه انا غلطت معاك فواحد الوقت كنت غنطرطق ماشي غير معصب ولكن هادا مكيعنيش مبقيتش باغيك ولا بصح باغي نتفارقو مي سبب ماماك هيا لي فرقااتنا وهادشي حاولي تفهميه . لو مكانتش دخلات بيناتنا كنا غنهضرو وغنجي حتا لعندك وغنرجعو ونكملو عادي. هادي هيا الحياة كيفما فيها الزوين فيها الخايب..
ودابا بلاما نرجعو اللور وكل مرة نجبدوه.
خلينا نهضرو ف دابا خلينا نعطيو فرصة جديدة لعلاقتنا نساي بلي عندي ولد نساه فمرا ..
كتذهن فالكريم وتخفي التعب والارهااق لي على وجهها دارت مكياج خفيف وخرجات عندهم. كانت مرا كبيرة حازمة الفولار تحت ذقنها وجلابسة عادية وبلغة وبزطام فيديها ومعاها جوج بنات هضرتها مغلوقة بالجبلية
نريمان : هادي هيا بنت لي غدير العرس ديالك ؟
ردت الام : اه هادي وهادي ختاها الصغيرة. ايوا قولي شحال اخر تمن غتزينلي لبنتي راه نتي عارفة الحالة وحنا غنعملو العرس غا فالدار مغنعملوه لا فقاعة لا والو غا فسطح الحالة ضعيفة يا بنتي حنا غير دراوش ايوا وكنا غنعملو غا حفلة صغيرة وبقات البنت كتبكي قالتلك خصني حتا انا العرس ونفرح بحال البنات ولكن الجهد معندنااش عمل معانا شي تمن مزيان الله يرضي
ردت ببتسامة : وحنا اشريفة كلنا غير دراوش والله يحشرنا مع الدراوش . غير هوا خصك تعرف انا خاصني نكري لباسي ونكري اكسيسوارات ونكري المنصة راه ماشي ساهل عليا هادشي وعاد طرونسبور لي غيديلي هادشي ويرجعو وعاد الخدمة د يدي صراحة شغادي نقولك مبغيتش نردك ولكن فنفس الوقت مباغاش نضيع انا
شافت البنت ف امها بحزن وحذرات راسها
نريمان : واش فهمتي الشريفة ؟
ردت : اييه فهمتك وانا بنتي قالتلك غا نتي لي تخدملها كتعجبها خدمتك وديما متبعاك قالتلي منها نخلاق هيا لي تصاوبلي ايوا عمل معانا تمن الله يسهل عليك ويفرج عليك كل محنة
شدات عينيها بضيق وقالت : يااااربي امين.. وصافي يكون خير
ردت : ودابا قولي الله يهديك
سكتات للحضة وقالت : اخر تمن الحاجة 4000 درهم
سكتات المرا كضور عينيها وقالت : وااا بنتي غليتي عليا زيد نقص شوية زيد الله يهديك
ردت : شوف اشريفة راه انا لي خاسرة وبزااف وشي براكة قليلة لي غنشد فهادشي.
قول غا تمارة لي غندوز وصافي تقدر تلقى قل من هاد التمن ولكن غا العشوائي والسواقي وبنتك قدما هيا غزالة والله حتا يبهداوهالك .. المهم اخر تمن انا قلتو ليك بغيتي مرحبا مبغيتيش نتي تعرفي..
سكتات وبنتها كتنخص فيها وتوشوش ليها فالاخير قالت : واا صافي الله يعاونك نهار السبت اجي بكري
شدات فيه عنقاتو وهوا على سبة غير عنقاتو هبط دموع من عينيه باين الخوف عليه. خوف ماشي طبيعي شافت فيه لقاتو كيخفي دموعو وقالت : فين كاري ؟ قولي فين هيا هاد البنت !
رد بحزن : راني كاري واحد البيت فسطح . شنو بغيتي دابا
نريمان : ديني نشوف هاد البنت بعدا
سكت مردش عليها وعاودات قالت : ديني اشرف انا غادي نعاونك صافي تيق بيا والله حتا نعاونك
حرك راسو وزاد مع الطريق وهيا تبعاه حتا دخلو فواحد الحي مهمش كيخلع.. كان باب محلول دار قديمة بحال عمارة غا اجي ودخل طلعات معاه فالدروج د الحديد مصدي تبعاه وقلبها كيضرب بالجهد . حتا وصل لسطح كان بيت صغير تما شاف فنريمان بالارتباك ودق فالباب جوج دقات
تحلات الباب بشوية وهوا يدخل اشرف فالاول وتبعاتو نريمان ضورات وجهها مور الباب كانت بنت صغيرة غير شافت نريمان هبطات عينيها بخوف
ملامح جميلة بشرة بيضاء وعلى خدودها نمش خفيف كا رمال مزين الوجه ديالها.. شفيراتها طوال مع فم صغير وردي لابسة بيجامة شتوية فالاسود وتقاشر فرجليها جامعة شعرها الاشقر سفنجة شاف فيها اشرف وهوا حشمان حدا نريمان وقال ليها : هادي ختي نريمان
هزات عينيها فيها بخجل ابتسمات ابتسامة خافتة وهبطات راسها. فحين نريمان مصدومة ملي شافتها .. وهيا كضور عينيها فالبيت لي فالجنب ديالو طواليط صغيرة و حصيرة صغيرة فمرشة فالارض فوقها 2 بونجات و3 مانطات ومخاط وشانطة صغيرة دحوايج فوق منها صاك مشتتين فوق منو حوايج .
طبلة صغيرة د بلاستيك فوق منها بقايا الأكل ..
هم أشرف نساها فهمها وحزنها مقدراتش تخايل الجو لي عايش فيه خوها والعذاب لي كيدوز منو ،،
وهوا كان عندهم مفشش مخصو حتا خير يلبس غا رفيع وياكل غا لي تشهات نفسو ويسافر فين بغا عايش حسن من اي واحد ..
خرجات مع الباب هابطة فالدروج حلات صاكها جبدات مرايا صغيرة تشوف فوجهها. جبدات عكر غوز دوزاتو على شفايفها ورجات داكشي لصاك وهبطات . فحين دنيا مشات كتجري طل من شرجم دالكوزينة وفاتي كطل من البالكون وتخبى. حتا شافو نريمان خرجات وقطعات الشانطي لجهة خرا.
تحلات ليها باب من داخل وطلعات وهوما بجوج حاضيينها
شافت فيه وقالت : شنو بغيتي
بدون رد ديمارا الطوموبيل وقلب الضورة
بنرفزة : فين غادي بياااا شنو بغيتي مني ؟
شاف فيها بنص عين وقال : غنجلسو بحال ناس ونهضرو مالنا شكاين ؟
نريمان : وانا مبغاش نهضر خليني نمشي بحالي اجهاد
رد وهوا كيشوف قدامو : ماشي قصحتي راسك بزاف ؟ همم ماشي زدتي فيه ولا !
نريمان : ما زدت فيه ما والو انا عندي شغلي وعندي خدمتي راه مغاديش نبقى غا كنضور معاك راني ممسالياش لهادشي اجهاد
بغيتي ضور وتسارا شوف ليك شي وحدة زوينة ومن المستوى ديالك لي تليق بيك وتخرج معاك اما انا عندي عندي شلا ميدار
وقف فالطريق ساكت شاف فيها وقال : دابا فين المشكيل ؟ علاش تبدلتي علاش وليتي هاكا واش داكشي لي قلت ليك سبب يخلينا منرجعوش لبعضياتنا !
ردت بحزن : اه سبب حيت ولدك راه محتاج ليك وهاد الهضرة سبق ليا وقلتها ليك . نريمان غير نساها اجهاد خلينا عفاك خوت ونحتارمو بعضياتنا
جهاد : دابا شنو لي يرضيك نديرو معاك . غير قولي اي حاجة. بغيتيها انا معاك فيها
ردت بصرامة : الحاجة الوحيدة لي بغيت منك هيا تخليني وتبعد مني وتنساااني فمرا عفاك الا بصح انا عزيزة عليك متعاودش تجي عندي ولا ضور بساحتي ولا تصيفطلي شي مسج خليني نساك ..
ونتا دابا عندك ولد سير شوفو وخليه يكبر بين باه ومو حسن ميتعذب مسكين ،
سكت حتا كملات كلامها وبدون رد قلب الطريق من جديد رجعها حتا لباب صالون شاف فيها وقال : واخا حتا انا كنعطيو وعد عمرك تعاودي تشوفي مسج ديالي . وعمرك تعاودي تشوفي وجهي مرة خرا ، الله يهنيك
ضور وجهو لجهة خرا ساكت صدمها بكلامو خلاها غير حالة فمها في ذهول معرفات راسها من رجليها...
خرجات من طوموبيل وقبل متشد الباب ديمارا طوموبيل وباب محلولة قلب الضورة وهوا كيسد فيها خلاها متبعة ليه العين ودموع فشفار واقفين بحال الحجر..
علاش قلبي كيضرني هاكا ؟ علاش مقدراش نرجع ليه .. علاش كنحس بقلبي فيه دكمة علاش تبدلات نضرة ديالي لجهاد ؟ انا كنبغيه اه ولكن شنو هادشي لي كنحس بيه ! ودابا انا علاش كنبكي عليه ! ياك انا لي قلت ليه متعاودش تجي ومبغيتش نشوفك ياك انا لي جريت عليه ..
علاش قلتليه بحال هكاك علاش .
علاش انريمان جا حتا لعندك هاهوا دابا مشا
هانتي دابا خسرتيه هانتي مغتعاوديش تشوفيه .. علاش ملي كيكون بعيد كنسول فيه ومشوقة غا ايمتا نشوفو وعلاش ملي كيكون حدايا كنصعر عليه. شنو هادشي كندوز منو شنو هاد احساس لي كيجيني.
محساتش براسها فين وصلوها رجليها ومحساتش بالشتاء لي كطيح عليها فزڭاتها كلها وحتا ليبوط لي لابسة دازت فالماء حتا فزڭ ليها من داخل ومحساتش بيه.
تنهدات بضيق جلسات كرسي خشبي فواحد الجردة وشتاء كطيح عليها كتشوف ناس كيجريو كيتخبعو من شتاء الا هيا جالسة وساهية حتا صونى ليها تليفون جبداتو من صاكها
وردت : نعام افاتي ؟
فاتي : فينك واش مزال معاه ؟
ردت : المهم هانا جاية
قطعات ورداتو لصاك رجعات على رجليها لقات غير فاتي ودنيا جالسين اما بنات كلهم خرجو. دخلات بحال الفلوس طايحة عليه شتاء جلسات على الكرسي ودموع هابطين من عينيها.
ناضو بجوج بيهم كيسولوها مالك شنو واقع ليك شنو طرالك علاش كتبكي. شافت فيهم بحزت وقالت : صافي سيرو بحالكم فاتي سيري لعند ولدك ونتي ادنيا سيري ماماك غتقلق عليك
فاتي : وقوليلي بعدا مالك
نريمان : فاتي غدا ونقولك دابا خليني بوحدي عفاااك . صافي متسولونيش غير خرجو الله يعطيكم ستر خليوني بوحدي .
حركات دنيا راسها بالايجاب ومشات خرجات حولات فاتي تعرف مالها ومردت عليها بوالو .. خلاتها فخاطرها ومشات بحالها.
ناضت نريمان بحزن قلبها غينفرڭع كتحس براسها ممرتحاش والغمة شداها هيا براسها معرفاش السبب. شدات عليها الباب بالسوارت من الداخل.
بدلات حوايجها وتكات فوق الفوطوي كتبكي بهيستيرية دخلها الرعب كتحس بيديها جامدين عليها راسها منمل بدات كتقرا القرآن فنفسها وكتعلك فيه وتعاود تقرا وتعكل. هزات تليفون ويديها كيترعدو. طلقات سورة البقرة بالجهد وبقات كتقرا معاه لمدة عاد حسن بالقلب ديالها تهذن ورتاحت شوية ..
على آمل يصيفط ليها شي مسج بايتة ليل كولو فايقة ..
كتمنى لو يرجع يحزرها ويعاود يهضر معاها. كتهضر غا بينها وبين نفسها . والله ورجع هضر معايا حتا نهضر معاه ونرجعو اااه والله حتا نرجع عليه غير ميمشيييش لاااا عفاااك اربي كون معايا غا هاد المرة .
هاد المرة وصافي وصلات 12 دليل وسمية كتصوني وتعاود وهيا كتقطع عليها صيفطات ليها عرام د الاوديوات بدون رد.. رجعات اتصلات هكاك بدون رد كتقطع عليها . حتا عودات صونات عليها وردت بحدة : شنووو ؟
قطعات عليها ودخلات الواتساب تصورات وهيا متكية فوق الفوطوي وصيفطات ليها الصورة وموراها مقطع صوتي
" انا فالصالون باغا نبقى بوحدي متجيش عندي بغيت نرتاح الا جيتي راني غنمشي نبات فالزنقة متجيييش عندي صافي ؟ تصبحي على خير "
بعدما سمعاتو سمية ردت عليها بعرام د مساجات وصوني ونريمان همها كولو جهاد يصوني وطلع ليها نمرتو...
كانت ليلة صعيبة بزاف ليل كولو وهيا كتسنى مسج او مكالمة ديالو ولكن مع الاسف خاب ضنها.. الوقت كامل وهيا كتحس بالنفس ديالها مقجوجة راس منمل يدين كيترعدو القلب كيخفق بطريقة عجيبة شنو هادشي ؟ شنو هاد احساس ! علاش انا هاكا.
خافت بزاف تزيرات بغات تمشي غا لطواليط ومقدراتش قلب غيسكت بالخلعة سمعات تخرشيش حدا الباب دالصالون من برا بداو عينيها كيدمعو وراسها زاد تنمل والجسم ديالها مخشب
.. محساتش براسها ايمتا غفات وايمتا داها نعاس صباح الحال وحلات عينيها المنفوخين وهيا كترعد بالبرد شتاء خيط من سماء. هزات تليفون تشوف شحال ساعة واش جهاد صيفط. لقات لا مسج لا مكالمة..وساعة 8 دصباح. تفوهات وناضت من بلاصتها وعينيها كيضورو بالخوف مشات كتقرا القرآن حتا باب طواليط قضات حاجتها ورجات لبلاصتها.
كان داك النهار عندها عامر مصلاحش ليها ترجع تنعس بقات فايقة كضور فالانستغرام . دخلات لعند جهاد كتشوف شنو حاط ودخلات تشوف ستوري ديالو.
كان فيديو فقاعة كبيرة فيها عدت طاولات بيضاء والكراسي وصبورة كبيرة فالحيط وكنطوار زجاجي طويل وعدد كبير من شباب والشابات جالسين فالمقاعد ديالهم وجهاد واقف حدا الكونطوار كيهضر باللغة الفرنسية شاد ورق اخضر وهوا كيشرح ليهم وسنتيم على عنقو كيوريهم
دازت لصورة اخرا كان باين فيها بوضوح لابس سروال اسود مع قميجة فالڭري . صدرها مفتوح و ساعة يدوية فيد شمال وخيط اسود مضفور فاليد اخرى ونضارات كبار فعينيه وهوا كيشرح وكاتب على الصورة
🔜 FORMATION PROFESSIONNELLE
✅ Devenez couturier Styliste Modéliste
Prochaine vague et débute de la formation le 07 / 2 / Á Tanger
📞 pour plus d'informations , contactez via appel et WhatsApp +2126.....
Instgram @JIHADALAOUI
مفهمات والو من الفيديوات وهاد الستوريات وحتا هادشي لي مكتوب بالفرنسية مفهماتوش. دخلات الفيس وصيفطات مسج لوحدة من بنات لي كيتعلمو عندها كتفهم فالفرنسية.
وبقات كتسنى جواب ديالها حتا دازت ساعة وزيادة عاد ردت عليها
" اهلا حبيبة انا بخير وانت مزيانة ؟ قلتلك هادا كيعمل فورمسيون فالمدارس ومراكز كبار لي كيعلمو تصاميم الازياء هوا كيعلمهم دابا كان عندو فورمسيون فتطوان مدة ديالو شهر وفشهر جوح غيكون عندو فطنجة . علاش احبيبة كتسول ياكما غتعلم عندو ههه ؟ تبارك الله عندو داكشي غزال حتا انا متبعاه ديما فالانتسا ولاهيلا ايوا الا خصك شي حاجة خرا انا هنايا ازين
عاد فهمات نوع الخدمة لي عندو ف تطوان وعاد رجعات كتشوف ستوريات ديالو . وبنات بشعورات والزاز واللباس غا الرفيع لي مارك وبوليود سمايل وضفار طوال ومصبوغين واقفين حدا جهاد فالكونطوار كيوريهم بالوحدة ويعاود يشرح ليهم جماعة حسات بالغيرة وهيا كتشوف فتصاور البنت واقفة فجنبو وهوا كيشرح ليها وابتسامة مرسومة. على وجهو. بينها وبين نفسها كتساؤل علاش انا ربي كينعم علياا بشي حاجة بزاف د الناس كيتمناو يوصلو ولو غا ربع فيها وانا عندي كاملة مكمولة ومكنحمدش الله عليها. علاش مخممتش علاش مصبرتش علاش تصرعت معاه..
الحصول الندم معندو باش يفيد. داز الوقت حتا وصلات 10 وناضت نريمان قدات البلاصة لي نعسات فيها وهزات الشطابة شطبات ومسحات وقدات وحلات الباب يلاه بغاات تهز طابي لي حدا الباب وهيا تشوف تحت منو شي كحولية مشتتة ريحتها خانزة تفزعات ورجعات باللور مخلوعة والقلب ديالها كيضرب فالمية ...
شدات الباب وهيا مصدومة جالسة فالارض كتنهز . ناضت بسرعة صونات على فاتي لي مزال ناعسة كتخرج الهضرة بزز
نريمان : كنقولك نوض عتقنييي دابا نوض اجي راه شي حاجة عندي مشتتة حدا باب شوفيلي شي فقيه واجي بالزربة عنداك تكون شي موصيبة لاحوها ليااا تما..
فاتي : اويلي واش كتهضري بصح ولا متفلاي
ردت بتوتر : واش وقت تفلية هادااا افاتي قلت ليك شي حد رماا ليا شي حاجة حدا باب عفاك نوضي بالزربة راه خايفة عنداك شي حد يدوز فيها حيت داكشي ماشي عادي..
فاتي : واااخا انا غنجي دابا قطعييي يلاه قطعي..
قطعات نريمان . والوسواس تغلغل فيها. رجعات حلات الباب بالزربة وشعلات سورة البقرة وجهدات الصورت وبقات حاضية الباب عنداك شي حد يبغي يدخل ويخلف على داكشي..
حتا شافت دنيا جايا وهيا توقفها متقربش الباب بقات دنيا واقفة مفهمات والو جلسات فالدروج ونريمان كل مرة تصوني على فاتي حتا جات وجابت معاها فقيه رجل كبير فالسن رحيتو بيضااء باين عليه الوقار . عينو غا فالارض ونريمان من داخل كتوريهم.
مدات ليه نريمان 100 درهم عاد دخلو شدو عليهم مخلوعين وفاتي لي عينيها مزال مقلوبين ونريمان الخوف قاضي عليها الوسواس خلاها تنوض تقلب الصالون وتفليه وفاتي ودنيا معاونينها. الشك ديالها كان فمحلو
لقات ورقة مكتوبة وكتابة ماشي عادية مخربقة وممفهوماش. هزاتها فاتي بالزربة داتها لطواليط بالت عليها ودوزاتها بالماء ترونات القضية عندهم وهوما مصدومين فهاذشي لي واقع ..
نريمان اليدين مع الرجلين فشلو ليها وهيا على آثر الصدمة دخلات سمية عينيها دابلين شافت نريمان حالتها مكفسة كتر منها وكتبكي وهيا تخرج عينيها ومشات عندها كتسول مالها وشنو واقع والبنات كيعاودو ليها
ردت وهيا كتبكي وصدرها كيطلع وينزل : حسبياااااا الله ونعم الوكيييل . حسبياااا الله ونعم الوكيل . لي بغاا فولادي الضياع الله يصبحو عليه ولي بغا يآديني فولادي الله يآديه فصحتووو وضوء دعينيه.
عطاوها نصائح تبعهم بحال قرآة على سورة البقرة على الماء وترش بيها جناب ديال الصالون وتبعها لمدة 40 يوم وحتا هيا ترقي راسها عدة مرات وتغسل بماء مقري عليه..
دوزات يومها عادي خدمة ورجعات لدار فليل بعدما دازت عليها سمية كتحاول تراضيها وترغبها ترجع.
فاليوم الموالي وهوما جالسين هيا وفاتي فالبيت وسادين عليهم
كيهضرو تحل الباب دخلات عليهم ربيعة كطرطق فالمسكة فمها زرڭ بقوة الڭارو سنانها سوفر ضارت نريمان بالزربة وغضب على وجهها علاش تحل عليها الباب بلاما دق ولا تاخد الاذن
ربيعة : ههه زين نتي هنا مخبعة وانا كنقول فين غابرة جوج مرات وانا كنجي نسول عليك ومكنلقاكش
بدون رد
مهمومة تاني ههه نتي خاصك معايا غا ساعة نقادك وتنساي راسك وهم الدنيا هه ونوضي نوضي صبغي ليا شعري عندي سبوع د واحد صحبتي . اه وراني منسيتش عاد غنخلصك فلاصير لي درتيلي
هازة حاجبها بغضب دمها غليان كتسووط بحال الثور عينيها فالمرايا كتشوف فربيعة لي موراها متكية على الباب كتهضر
ناضت نريمان بسرعة من بلاصتها وبكل غضب دفعاتها من صدرها وقالت : خرررررررجييييي عليااااااااا خرجي عليااااا وعمرك تعااااودي تورينييي كمارتك
شمرات على كمامها وهيا كتسب وتعاير غا من السمطة لتحت وترمات على نريمان لشعرها
شبكوها مقاتلة ربيعة لي مغزفة على نريمان شداتها من شعرها هبطاتها الارض وهيا تحت منها كتفرطط ناضت وفاتي لي ناضت من بلاصتها بدم حامي مع مقطوعة وراسها كيزند باقا مكمات هبطات على ربيعة شداتها من شعرها وجراتها من فوق نريمان هزات فاتي يديها ومع ضفارها طوال غرساتهم فوجه ربيعة وهبطاتهم بحالا مشرطين بموس وهوما فالارض مكاين غا نتف فيا نتف فيك ونريمان كتغوت وناس تجمعو كاع البنات خرجو يشوفو ويفكو. لي فالعمارة كلهم هبطو كيجريو برجال بالعيالات بالصغير بالكبير كيفرقو بيناتهم شدو ربيعة وخرجوها وهيا كتحلف ف نريمان وفاتي متخليها فيهم وتشتت ليهم الشمل وتمرضهم ب اخبث الامراض تفزعات نريمان وخافت وقلبها كيمشي ويجي من بلاصتو وربيعة لي مبغاتش تسد فمها مزال كتعاير وتحلف
ربيعة : واخا على ديلمك يا البرهوشة الا ماا جرجرتك وخليتك تمنااااااي لموووت ولا عذاب لي نعيشو ليك متعرفي عياشي ولد فيا غا الخلااا وهاهيا فيك لا نتي ولا هاد القحبة الا منقطع ليك دوك اليدين هااا انا ها نتي سمعتي ونوريك تمدي يدك على لالياااتك.
ردت فاتي بغضب : اسيري يا سحااارة يا المدلولة يا الخانزة يا المعفووونة تقودي ولي فجهدك دييييريه سمعتي ولي معندك القحبة د مك عيرييييه حسابلك غتخلعييينا بهادشي ديالك ههههههه هي هييييه ومعامن نتي
ربيعة : اجييي اجي اليهودية نوريك الا سميتك مرااا وحرة اجييي الا منخليك ترجااايني وطيحي على رجلي هانا هانتي وغاا بلاتي ديريها فين تجيك ( شافت ف نريمان ) ونتي يا بنت القحبة لي عاد جيتي ودايرة الكليان والفلوس هانتي غتشوفي الا منخليك على ضس الا منخليك تمناي الخبز كارم ومتلقااايه هاي هاي دايرة لي المدرسة وصالون ايوا هاحنا غنشوفو غا بلاتي على ديلمك..
سكتات نريمان بدون رد وفاتي هيا لي كتجاوب مع ربيعة وترد عليها وناس كيجروها وهيا عاد مزايدة باغا طيح الروح...
نريمان فشلات ليها اليد مع الرجل ودخلها الرعب وخافت بالمعقول بقات غا كتفتك والوسواس غادي كيجري ليها مع دم.. حسات براسها هادي نهايتها مع ربيعة لي غتحطم ليها حياتها ومستقبلها لي مزال كتبني فيه
خرجو ربيعة وشدو الباب وفاتي كتفرق البنات كل وحدة تمشي لشغلها شدات الباب عليهم ونريمان حالسة على كرسي فصدمة جبدات فاتي الكارو كتشعل وقالت : شكاين مالك ؟ ياك ما خفتي منها !!
ردت بخوف : اختي بسيف منخاف منها تخايلي دير فيا شي موصيبة ونمرض ولا نموت
ردت باستهزاء : اودي تمشي تقود مديهاش فيها ونزيدك غبري كمارتك من هنا شوفي شي بلاصة خرا وغبري على هاد الويلة
نريمان : داكشي نيت لي غندير. غنقلب على الكرا فجهة خرا
داز اسبوع ونريمان كتقلب على الكرا وفينما مشات مكتلقى شي حاجة لي زوينة وفالمستوى زيد عليها كتلقى بيت صغير او ڭراج. مكفيهااش.. حتا لقات سكنة كبيرة ولكن خاصها الاصلاح... ديك المدة كلها وفاتي فجنبها دخل معاها وتخرج معاها وحتا نريمان مبقاتش قادرة تستغنى عليها .. بعدما لقات سكنة فجهة خرا بعيدة وحتا الموقع مموالمش. ولكن معندها مدير خاصها تخرج.
رجعات لصالون تعلم لبنات بلي غتحول ومغتبقاش فداك الصالون . وتما كانت الصدمة ان البنات موافقووش يمشيو لجهة خرا وبعيدة عليهم وخاصهم يوميا طاكسي ولا طوبيس والبعد.
قيلة قليلة لي وافقو يمشيو معاها
رجعات لدار راس غادي يتفرڭع اشنو هوا الحل وشنووو غدير الماكلة مبقاتش تاكل كيف ناس ونعاس مبقاتش تشبعو الوسواس قضى عليها فمرا
صباح كيف ناضت مشات دير الرقية وعلمات السيد بلي وقع ليها مع ربيعة كتب ليها ورقة تهزها معاها فينما مشات وماء مرقي دوش فيه وكل يوم جمعة مع آذان الضهر دوش بالماء دالبحر مرقي
وتبعات معاها هاد الخطوات بالحرف وديما فالصالون طالقة القرآن وكتبع معاه وديما شادة الباب ديالها وحتا كيصوني شي حد عاد يحلو ليه الباب
ردت نريمان بجدية : فاتي سيمانا كلها وحنا كنهضرو وانا مقتانعة بيه ماشي ناوية نخلي طليقي يغير ولا نستاغل داك الانسان لا بالعكس. طليقي بنا حياتو مع وحدة خرا الله يسهل عليك. حتا انا غنبني حياتي من اللول صافي فكرت وفكرت وقررت لؤي انسان الله يعمرها سلعة وقف معايا فالمرض ديالو راه شفت حتا عييت هوا لي يستاهل نكون معاه. اما جهاد الله يسهل عليك
فاتي : ودابا شنو قررتو فقاش غيجي ؟
ردت : من دابا شهر غنديرو الخطوبة والعقد
تنهدات فاتي وقالت : ايوا الله يسهل عليك ايوا وخوك شنو دار لقى شي خدمة ولا مزال ؟
ردت وهيا ساهية : خداو فواحد المطعم وديك البنت مسكينة غا داك البيت مكتخرج مكتشوف الدنيا عزات عليا والله
فاتي : وماماك ساقت الخبار ؟
ردت : اودييي مبغاش اشرف نقولها ليها ماما غتصدم الا عرفات . دابا هوا مبقاش كيجي لدار فمرا هز حوايجو وهيا كل مرة تصوني ومشوشة عليه وهوا مكيجوبهاش كنقوليها راه غيكون غير مع صحابو وصافي
فاتي : بفف مشكيلة لا حول ولا قوة الا بالله. الله يفرج مسكين عليه
نريمان : واش ماشي من حقي نتزوج وندير حياتي ؟ علاش ملي هضرت معاك وقلت ليك انا موافقة على زواج من لؤي معجبكش الحال وتقلقتي ؟ واش مبغيتيش تشوفيني فرحانة وهانية !
تنهدات سمية ودموع فعينيها وقالت : ابنتي الله يسهل عليك انا منزيدك غا الخير وزيدون حياتك ونتي تعرفي اش ديري انا معاك فاش ما بغيتي ومعنديش الحق ندخل ولا نقولك لا الله يجيبلك تسير نتي وبنيات المسلمين
ردت وهيا حاطة يديها على يد سمية : ماما انا عرفاك مبغاش ومعاجبكش الحال. ولكن كنشوف راسي الا تزوجت راه غنرتاح وغنتهنى وزيدون انا غنبقى ساكنة معاك
سمية : ودابا كيفاش داير عندكم هاد الزواج دخلت عليك بالله لي هوا تما . يا ايما يجي هوا يخدم هنا يا ايما نتي رجع لسبانيا وخليك معاه تما هاد الزواج مداخلش ليا راسي
ردت : ماما انا بديت مشروعي هنا ميصلاحليش نخليه ونزيد وهوا راه مبغاش يجي لهنا بغا يبقى تما. ايوا هاحنا حتا يفرج الله معندنا منديرو..
سكتات سمية معجبها حال اما نريمان كملات عشاها ودخلات لبيتها شداه عليها. وهيا كتلعب فالتليفون وصلها مسج من عند ريم
ريم : افين ازين نعستي ولا فايقة انا يلاه نعست دراري كنا فلانيف د بنت ريهام وعاد جينا
قطعاتها : شوفي انريمان انا ديما بالي معاك وديما كنفكر فيك وكنبغي نسول فيك. انسان ملي كيكون عندو مشاكيل ولا شي هم كيبغي يخوي كيبغي يفرغ قلبو ولكن ماشي مع اي واحد. انسان لي بصح غيهمو الامر ديالك وغحس بيك . وانا احبيبة كتهميني ومكرهتش تعاوديلي ويلا لقيت فاش نعاونك مغاديش نقولك لا
ردت ببكاء : معندك فاش تعاونيني اريم المهم عندي المشاكيل وتجمعو عليا من كل جهة ونفسيتي عيانة بزاف
ريم : ويلاه قوليلي مالك وانا والله حتا ندير جهدي باش نعاونك وهضري قوليلي
ردت : اودي معندك فاش تعاونيني. المهم انا كيف قلت ليك ضايقة بيا من ڭاع جوايه. كنحس براسي ماشي هيا هاديك. تقاتلت باش ندير صالون وحتا انا نوقف على رجلي ونخدم وندير مستقبلي بحال الناس. ولكن كنلقى غا لي كارهني وحاسدني وكون غير كنت مطفراااه ولا واصلة لشي مستوى واحد السحارة ساكنة فوق مني كتآديني ولقيتها مكدايرة ليا شي حاجة قدام الباب ولقيت ورقة مكتوب فيها الشتات . الضياع . القهر . فلاس . مفهمتش علاش شنو درت ليها وهادشي ماشي غا معايا قالك شحال دناس كانو كاريين فهاد العمارة كدير ليهم سحور وتشتت بيناتهم ماشي انا اول وحدة
ردت بصدمة : ويلي ويلي استغفر الله على موصيبة يا ختي باااز بنادم مكيخاافش من الله وكون ديكلاريتي بيها
ردت : اودي خايفة والله ..
نخاف تمشي دير ليا شي موصيبة لي منلقى ليها حل
ريم : لا لا هادي خاصها تربى مزيااان ويلي وصلات بيها حتا دير لعباد الله هادشي ياختي باز بنادم معرفتش كيف كيدير يجيه نعاس واحد اخور كيتعذب بسبابو وكملي ليا
ردت : كان مصاحب مع واحد البنت ف اسبانيا ايوا وحملات منو وهربات من دارهم وجات لعندو المغرب وهاهوا ياختي معذب مقاد حتا براسو بقا ليه غا يقد بالولد ومرآة وزيد عليها مبغاش نقولها لماما وزيدون ماما معندها باش تنفعو غا موصيبة وتحطات علينا ندمت صراحة لي جيت المغرب كاع الهموم تجمعو علينا كون غا سمعت هضرة د ماما وكون بقيت تما حسن ليا
ردت ريم : لا لا هادي غا هضرة انريمان سمعي راه الا ربي كتب عليك شي حاجة راه غتوصلك فينما كنتي سمعتي. وهانتي بقيتي ف اسبانيا متعرفي عوتاني اش يكتب ليك الله تما فهمتي.. المهم انا معرفت منقولك والله
سكتات للحضة وقالت : اجي نتي ووو... و جهاد مكتهضروش ؟ راه نيت كان ف تطوان
الأجنحة المنكسرة الجزء 16
محتوى القصة
التنقل بين الأجزاء