ردت : ناري مسكين عندو مشكيل مع شي وحدة اسبانية حملات منو ودابا راها معاه فالمغرب وغا نريمان لي مقاتلة معاهم وكتعاونهم وهوا مسكين عيا ميقلب على خدمة وملقااش صراحة عزز عليا والله وقالتلي نريمان ساكن غا فواحد البيت لاسقة فيه طواليط حالتو حالة . قطعي قلبي يا خويا
رد ببرود : ايوا كن مشا رجع الاسبانيا شنو كيدير هنا
شدات طاكسي مباشرة لمحل كبير خاص بكراء وبيع اللباسي وفساتين العرائس
وقفات على البنت لي مقابلة المحل تسولها على صاحبة المحل استقبلاتها فانتضار حتا توصل. جلسات دايرة رجل على رجل هازة فيديها مجلة كتشوف حتا جات صاحبة المحل. وخدات من عندها اللباسي لي غتحتاج واكسيسوراتهم ورجعات لصالون حطات داكشي تما فالبيت وسدات عليه ومشات لعند دنيا لي مقابلة الكليان.
بدات الخدمة حتا جاو البنات دتعليم عطاتهم الدرس الجديد حتا وصلات العشية عاد هزات تليفونها لقات المسج ديالو خفق القلب ديالها وهيا كتقراه " بغيت نمرتو بغيت نهضر معاه صيفطيهالي الا بغيتي "
ردت فالحين : واخا انا نصيفطهالك...
مفهماتش شنو بغا من نمرتوو واش يكون باغي يهضر معاه عليها ويقوليه بغيت نرجع ختك ؟ واش بغا يقوليه هضر مع ختك ترطب راسها وتعطيني فرصة ! هادشي لي كيضور ليها فراسها خلاها تفرح ومورال يطلع ليها مشوقة ايمتا يصوني عليها اشرف ويقوليها راه هضر معايا عليك ورجعيلو ...
بدا يطيح الضلام وخرجات نريمان هازة لباسي ومطريال لي غتخدم بيه بمساعدة دنيا خدات طاكسي ودارت كلشي فالكوفر وطلعات فطاكسي وهيا كتوصي دنيا تشد الباب مزيان وتحضي مع لي داخل ولي خارج ..
وصلات لدار العروسة فحي شعبي موسيقى على جهد كيف كاع الاعراس وزغارت واصلين حتا لبرا. ضواو بالالوان هابطين مع دار وباب العرس محلول شي داخل شي خارج كلشي مفتون وبراهش فالزنقة كينقزو وهابطين طالعين فالدروج كيتسابقو.
وقفات ولد صغير طلبات منو ينادي على ام عروس ولا اختها بقات كتسنى حدا باب حتا هبط خوها واختها هزو معاها المطريال وطلعوه حتا لبيت لي فيه العروسة. شدات عليها الباب مباغا حتا حد يدخل يبرزطها ولا يفتنهاا.. حيدات فولار ديالها وبقات بتيشورط نص كم مزيرة عليها وسروال دجين بدات ليها بالضفرين هوما اللولة وكتحاول تزرب باش تلحق وهادي اول خدمة ليها بغات تربح كليانات خرين بخدمتها . دارت مجهودها طلعات العروسة ف ابهى حله هيا براسها تصدمات فراسها ملي شافت وجهها فالمرايا
خرجوها طلعوها لسطح لي دايرين فيه العرس اما نريمان تكات على واحد سداري كترد نفس وتبرد بعصير بارد شافت فتليفون ولقات الرد ديالو " راه نمرة طافية نهار كولو وانا كنحاول نصوني ولكن مخدمااش واش عطيتيهالي غالطة "
جلسات بالاستغراب دوزات نمرة د اشرف ولقاتها حتا هيا مطفية . تلفات وترونات معرفاش علاش طافي تليفون شنو واقع ليه ؟ علاش نهار كامل مشعل تليفون كيف قال جهاد ؟ تكون طرات ليه شي حاجة ؟ اويلي عنداك يكونو واليديها جاو ودارو ليه شي حاجة
وسواس والافكار السوداء هوما لي تجمعو على نريمان فديك الوقيتة وهيا حاطة يديها على صدرها مخلوعة قلبها غيسكت رجعو هبطو العروسة وهاد المرة خدمات بعقل مرون وتفكير خلاها تفقذ التركيز ديالها رجعو طلعوها لفوق
ونريمان رجعات لتليفونها
ردت على جهاد وقالت " انا براسي مفهمتش علاش طافي تليفون وتشوشت عليه كتر معرفتش مالو خايفة عنداك غا تكون طرات ليه شي حاجة "
رد عليها فالحين : واش معرفاش فين هوا دابا ؟ مكينش فداركم ولا
نريمان : لا راه وقع واحد مشكيل ومبقاش كيجي لدار مهم غدا ونمشي نشوفو فين هوا
شاف مسج ديالها ورد عليها : اوك غنتسناك تردي عليا الله يعاون ،،
نريمان : بتساؤول ) شنو اجهاد علاش بغيتي نمرتو ؟
صيفطات ليه مسج وهيا على آمل يجاوبها بمسج يفرح قلبها ويقوليها كلام لي يرضي خاطرها
رد بعد نصف ساعة وقال : بغيتو هوا نهضر معاه مهم ملي تشوفيه قوليه بغيت نهضر معاه .
ردت : واخا صافي
حطات تليفون وهيا فحيرة من امرها . كملات تزيين دالعروسة حتا آذن الفجر عاد خرجات بمطريال ديالها وصلها واحد من عائلة العروسة حتا لدار دخلات نعسات شوية وكيف صبح الحال شدات طاكسي لفين ساكن اشرف دقات جوج دقات وتوخرات اللور كتسنى الباب تفتح
حل الباب اشرف وعينيه منفوخين والتعب باين على وجهو فمو ناشف لابس سروال كيطما مع تيشورط غير شافتو وهيا ترمى عليه عنقاتو
نريمان : مالك اخويا غابر علاش طافي تليفون !!
رد عليها وعينيه فالارض : دخلي اجي دخلات معاه وشد الباب وهيا تشوف البنت ناعسة وجهها شااحب شافت فيه بخوف وقالت : اويلي شواقع مال البنت ؟ ومالك نتا شنو واقع اشرف علاش طافي تليفون
رد بحزن : راه مرضت وديتها لطبيب وعاد دوزت ليها وشرات دواء تليفوني بعتو انريمان كنت محتاج
نريمان : وعلاش بعتيه واش مبقاوش عندك فلوس ؟
حرك راسو بالنفي وقال : راه اختي كنت غا مسلف وكنت مزير وعاد مرضات وشريت ليها حوايج متلبس جمدنا فهاد السطح د خلا والشتاء والبرد عاد شريت مانطات وكنجيب ليها الماكلة راه مبقاش عندي وحتا الخدمة لي لقيت مكملتش فيها هانتي كتشوفي خاصني نقابلها ونبقى معاها راه تلفت
شافت نريمان فالبنت لقاتها فاقت مهبطة راسها حشمانة وهيا تصعر على اشرف : وملي واقع هادشي مالك متعرف تصوني ؟ ولا تجي عندي لصالون ولا تمشي لدار واش تسطيتي ولا مالك جيب البنت لدار سمعتي
رد ؛ مغاديش نجيبها ماما مغاديش تبغي وغتغوت وو..
قطعاتو : تقول لي بغااات مغاديش نقتلو حنا البنت وهيا واحلة فراسها زيد جمع عليا شراوطكم وزيد يلاه . ولاهيلا الحماق هاداااا
ردت بحدة : اسمع اسي جمع راسك راه من حقها تهضر كتسمع وراه اليوم قبل من غدا غتخوي هاد الخربة وغتمشي رجلي برجلك معايا حتا لدار واش باغي هاد البنت تموت ولا يموت داكشي لي فكرشهااا . زيد جمع حوايجك ويلاه
خرجات سمية عينيها فصدمة الدنيا ضارت بيهم وهيا حالة فمها
نريمان : ماما هادشي عرفاه ماشي ساهل عليك ولكن معندنا منديرو كتاب عليه هادشي ودابا راه فواحد الحالة بلاما نعاودلك رجع مذبال وحالتو حالة لا هوا ولا ديك البنت راها مسكينة مزال صغيرة
نريمان : فين غيمشيو الله يهديك واش هوما لقاو حتا ما ياكلو راه بنت درت ليها ماء دوش وهوا راه خرج صبري حتا يحن الله
ردت بغضب : انا مبغاااش نشوف كمااارتو كتسمعي معندي مندير بيه لا هوا ولا هياا يخرجو عليااا هادا ربح لي خديت من الولاد هاااا كنت عارفة كنت حااااسة شي موصيبة غيجيب لياا ليهودي غا بلاتي عليه ونتي لاش جيباهم واش باغا طرطقي ليا المرارة ولا دار فضيحة يقد بيها يمشي يشوف شنو يدير انااا يخرج عليا من هنا
سكتات نريمان عاقدة حجبانها حتا كملات سمية هضرتها كتنهج وقالت : سمعي اماما الا كان اشرف غيخرج من هاد الدار راه حتا انا غنخرج منها وراه مكنضحكش. راه الا قلت شي هضرة غنديرهاا ( بصرامة ) الولد غلط ااااه غلط ومن بعد ؟ كتاب عليه المكتاب نرميوه ؟؟ بنت اشنو ذنبها لي جاية من اسبانيا لعندو ؟
ضربات سمية فخاضها كتغدد وقالت : اويلييي اويلي وملقى مدير زغبي اويلي على شوهتي وعلى موصيبة تطلييبت بيها
ردت بحدة : شمن موصيبة عندك نتي ؟ سيد هوا لي دار هادشي وهوا لي غيتحمل مسووليتو نتي شنو مشا لك ماما يهديك الله راه ولدك وهنا خاصك تحني فيه وتعاونيه وتوقفي معاه
سمية : شنووو عاد نوقف معاه فهاد الموصيبة ؟ لااا صافي داكشي لي بقاا وغاا بلاتي يجي وتشوفي اش ندير ليه انا ميورينيش وجهوو سمعتي هاد الدار والله لا جلس فيها
تنهد وقال : المهم انا غادي نسافر بعد غدا وخاصني ضروري نهضر معاه غدا نصوني عليك ودوزيه ليااا صافي ؟
نريمان : اه واخا ديك ساعة نقولهاليه شكرا بزاف
رد بعجلة : يلاه بون نوي.
مع قال هاد الكلمة قطع مباشرة شافت فتليفون عاقدة حجبانها علاش بغاه وشنو بغا بيه واش صافي مبقاش باغيها ؟ واش مغاديش يرجع ليها !! . وانا اصلا علاش كنفكر فيه دابا وانا عطيت الكلمة لؤي هاهوا رجع جهاد شنو ندير مع لؤي.
اشرف : مغاديش نمشي صافي انا غنحاول نقلب على شي حل راسي
قربات عندو نريمان جلسات قدامو وقالت : خويا صافي صغر راسك راه غير غتزيدو تكرفصو وكيف قلت ليك الا مخممتيش فراسك خمم فهاد البنت مسكينة شوف حالتها كيف دايرة صافي راه اي واحد فينا كيتعصب وفلاخر كيبرد نوض سير مع ماما الغزال ديالي وهانا غنقلب عليك على خدمة المهم هانتي فدار معانا واكل شارب ناعس مرتاح قضية د خدمة هيا لي بقات هانا غنشوفليك
رد : حبيبة علاش مرتاحيتيش عادي فين المشكيل انا كنبغيك وباغي نتزوج بيك وغنعيشو حياة لي تمنيناها اوك . شوفي غنجي ونهضرو مباشرة حسن من تليفون يا روحي انت
سكتات للحضة وقالت : صافي واخا ان شاء الله
قطعات المكالمة ودارت يديها على خدها فحيرة من امرها واش تزيد ولا توخر ؟ واش توافق ولا ترفض !! لؤي مشافت منو غا الخير " ك طبيب" .. ولكن كا إنسان وكا زوج لي غتكمل معاه حياتها واش صالح !! واش تقدر تفاهم معاه واش تقدر تبغيه وينسيها فجهاد !!
قعقلها تالف وراسها دايخ متجي تخرج من وحلة حتا طيح فوحلة كتر منها. داز نهار فالخدمة وتعليم مع بنات ورجعات بحالها لدار فوقت العشاء وهوما مجموعين عودات لسمية كلشي هاجت عليها وبدات بنڭيرها .. واش هادا زواج هادا ؟ واش كضحكي على راسك ! واش باغا توحلي راسك ؟ شمن زواج لي نتي فبلاد وهوا فبلاد . شمن زواج لي راجل منعرفو امو من باه . شمن زواج هادا لي مزروب بين ليلة ونهار هانتي مزوجة
حتا من اشرف عطا رأي ديالو وقالها تفكر ومتسرعش فكرات خلاتهم سمية مزال كيتعشاو وناضت لبسات حوايجها ومشات الخدمة. فحين نريمان حاطة يديها على خدها ساهية شاف فيها اشرف وقال : راه صونيت على جهاد
هزات عينيها فيه وقالت : بصح شنو قالك ؟؟
ابتسام ابتسامة خافتة وقال : راه صيفط ليا شي فلوس قالي تعاون بيها وشري تليفون باش نهضر معاك وبدا تحرك القضية بيدما تخدم
ردت بفرح : بصح ؟ الحمد الله شحال عطاك ؟
رد : 7000 درهم
نريمان : وايلي حلف بالله ! انشوف
رد وهوا كيضحك : والله حتا عطاها هاهيا عندي لداخل
نريمان: صافي غير هادشي لي قالك ؟
رد : اه غير هادشي وقالي غيسافر لأمريكا غدا صباح
هبطات عينيها بحزن ونار الغيرة كتحرق فيها
هاهوا مشا عند ولدو . هاهوا غيطلاقى ام ولدو هاهوما غيخرجو مع بعضياتهم وينعسو مع بعضياتهم ويضحكو وفرحانين وعايشين صافي انا خرجت من بالو هوا اصلا مبقاش باغيني ...
كتصلي صلاة الاستخاارة ما مرة ما جوج ما 10 وفالاخير غلبوها دموعها وخلاتهم هابطين مع خدها بحرقة
طلبات الله الا كان لؤي من نصيبها وغتعيش معاه حياتها بخير يسهل ليها الله فيه ويلا كان العكس يبعدو عليها . ويبعد عليها شتات العقل لي مرضها
اما جهاد عمدات انها تنساه صافي خدات قرار لا رجعة فيه طول الاسبوع وهيا مشغولة من الخدمة لدار وتخمام وروينة شاغلة بالها.
ديما كتقول غنهز تليفون غنلقى شي مسج ديالو ولا شي مرة يهز تليفون ويصوني عليا ولكن والوو صافي نساني صافي راه عايش حياتو صافي حتا انا غنكمل مع لؤي ولي ليها ليها وبزز مني نبغيه ونرضى بهاد الحياة ...
سمية غا معصبة طالع ليها الزعف كتهضر غا بالنترة اما اشرف غا ساكت مكيقول والو لي داروها هاهوا معاهم فيها يوماين بقات الخطوبة جات فيها نسرين هيا وخالتها ولادها من اسبانيا .
منها يدوزو العطلة لي جاتهم فالوجيبة ومنها الخطبة عيطات سمية على امها (الجدة د نريمان) وخوها جاو من الحسيمة عرضو على مولات الدار وعرضات نريمان على فاتي هيا واختها وامها . وعرضات على عمها ومرات عمها رشيدة وبتردد طلبات منهم نمرة د باها وعطاوها ليها واتصلات بيه يلاه سمعات صوتو مقدراتش تهضر وقطعات عليه...
وصل لؤي نهار قبل الخطوبة وبغا يطلاقها ولكن رفضات حتا لنهار الخطوبة..
وجدات راسها واخا من داخل ديالها مفرحناش والحزن باين على وجهها
خدات تكشيطة ديال الرفيع وهيا بنفسها قدات راسها لا من ناحية دالمكياج ولا من ناحية دالشعر وفاتي ونسرين واقفين على راسها لي بغاتها كيمدوها ليها. ويعاونوها حتا كملات
عروسة ماشاء الله فتناتهم بالزين ديالها وابتسامتها خرجوها من الصالون بالحس خوفا من ربيعة دير ليها شي حاجة واخا حاسين بلي هاد السكوت ديالها ماشي هوا هداك حاسين بلي كاينة شي حاجة مور هادشي طلعوها فطوموبيل د سمية ونسرين كتسوڭ ومشاو لدار ..
دخلوه بالزغاريت وصلاة على النبي كانت نريمان جالسة فالصالة غا سمعاتو داخل جرات شال ديالها دارتو على راسها بطريقة عشوائية سلم عليها لؤي بالوجه وجلس جنبها ببتسامتو وسامتو وبنات كيضورو عينيهم ويقولو نريمان لي تزوجات سعداااتها وبلبناااااااني وطبيييييب نفسي يالالة هاي هاي سعداتها والله يعطينا من زهرها واخا غا شوية . وشوووف هيا لي عايشة وهيا لي واصلة
والوشوشات فكل جهة وناس مجموعين فصالة ديال مولات الدار بحكم دار لي كريين صغيرة تحطات السينية يركبو الخواتم لبسو ليها وهزات هيا خاتم فيديها كيترعدو لبساتو ليه تقاليد مغربية دازت على انضار الجميع منعات نريمان حتا واحد ميصورها من غير نسرين ولورا
قرب لعندها وقال : حبيبة ديالي واش عدول جاو نديرو العقد
ضورات وجهها لعندو وقالت : لا حتا لغدا ماشي اليوم حتا لصباح
لؤي : واخا لي بغيتي احبيبة ديالي.
دوز يدو على ضهرها بغا يعنقها وهيا تبعد وقالت بغضب : حيد يدك واش مكتشوف ماما وجداتي كيشووفو
لؤي : بس احنا مخطوبين فين مشكيل عادي
ردت : لا معاديش عندناا حشومة
خرج اشرف برا هاز تليفون فيدو لي شرا ورد بحماس : وي خويا جهاد ... ولاهيلا بخير وانت ! الله يجازيك الله يحفضك . اه كلشي بخير ؟
كان كيتسنى الرد وهوا متحمس على اعصابو باغي يقوليه على خطوبة غا جهاد سولو وقال بعجالة : راني فدار اليوم الخطبة د نريمان وصافي مع الجرا هنا وهنا ايوا ونتا ؟
بصدمة هز عينيه ف روبن لي جالس قبالتو وقال : واش نريمان غتزوج ؟
رد اشرف بحماس : اه راه اليوم عندها خطوبة وغدا صباح غيديرو العقد
رد : وبمن تزوجات ؟
اشرف : بطبيب ديالها لي كانت متبعة عندو ف اسبانيا
رد جهاد بهدوء : اشرف جيني من لاخر وكتهضر بصح ولا كتكذب
شاف روبن ف جهاد بتساؤول وقال : مالك ياك لباس شنو واقع
بدون رد
روبن : وهضر اصاحبي معامن كنتي كتهضر ف تليفون
شاف جهاد مسج داشرف ومردش عليه ومباشرة دوز نمرتها صونى المرة اللولة وثانية وثالتة ورابعة حتا كيقطع تليفون بوحدو بدون رد زاد جعر وقال بغضب : هادي مالها دابا علاش كتقلب
روبن : شكون ؟؟؟
مردش عليه وناض كيصوني على اشرف رد عليه فالحين : وي خويا جهاد
رد بغضب : قولهااا تنوض تجاااوب راني كنصوني عليهاا
اشرف : اه واخا انا نقولها ليها
قطع عليه جهاد وبقا غادي جاي فبلاصتو فحين مشا اشرف وقال بهمس فوذن نريمان
اشرف : جهاد كيصوني عليك قالك جاوبيه.
شافت فيه بالارتباك وضارت عند لؤي : انا شوية ونجي
لؤي : انا نجي معاك
نريمان : لا لا جلس انا شوية ونرجع .
غمزات اشرف باش يحضيه ومشات هبطات لدارهم حلات الباب ودخلات تقلب على تليفون لي خلااتو كيتشارجى لقات فيه عرام د صوني يلاه شدات تليفون فيديها وهوا يعاود يصوني عليها
جوبات بصوت خافت : وي جهاد
تنهد وهوا كيسوط بعد تليفون على وذنو جلس كينهج ورجعو لوذنو قال بهدوء : صافي قررتي تزوجي ! هادشي علاش مبغيتيش نرجعو ياك ؟ قوليلي نتي حاطة العين على واحد اخور ؟ امم واخا مزيان مبروك عليك الالة الله يكمل بالخير
ردت بحزن : وانت لي تزوجتي ولدتي واخا . وانا لا ياك
جهاد : هضرنا للمرة المليون وشرحت ليك لي كاين ولكن نتي داكشي كان غا سبب باش ترجعي الديفو مني وانا لي منسواش وانا لي خليتك ومنعرف شنو . العيب هوا كون رجعنا وقصرت معاك اولا غلطت فحقك . مي نتي بلانك بوحدو كنتي مخططة لهادشي وكنتي باغا تزوجي بداك اللبناني ديالك . عطيتك وقت تفكري فيه وقلت دابا تفكر بلاما نضغط عليها ونرجعو مي (ضحك يسخرية ) هه معليش نتي حكمتي على راسك وختاريتي هادشي وانا مبقى عندي منزيد الله يسهل عليك ابنت ناس ومبروك عليك حتا نتي دابا يسهلك الله فوليدات كنعطيك العهد اخر مرة فالحياة تشوفي وجهي ولا تعاودي تسمعي هاد الصوت سمعتي اخر هضرة غتسمعيها مني باي ..
قطع المكالمة ومباشرة بلوكا نمرتها من تليفون واتساب حيداها من انستغرام ودار ليها بلوك اي وسيلة تواصل معاه فيها حيدها منها. جلس قبالت روبن ساكت وقال : اليوم تساالا كلشي صافي هادي نهاية
سكت روبن كيشوف فيه بالآسى يلاه بغا يهضر هز جهاد تليفون ديالو وسوارت ومشا خرج من القهوة
صباح الحال وعينيها مقلوبين وهوما مزالين ضايرين بيها كيشمو ليها البصلة وهيا هيا كتبكي وتخصص ولؤي جالس قرفصاء كيسولها مالك وشنو عندك ويلاه نخرجو كان فرح وتقلب لقرح داز ليل ما هوا ليل ملي هزات تليفون بعصبية شعطاتو مع الحيط وبدات تنتف فراسها وتندب فوجهها بكل همجية حتا طاحت سخفانة كلشي تجمع عليها شي باغي يديها لطبيب وهيا كترفض ودفع فيهم بعدو مني خرجو عليا..
حاول لؤي يخرجها ويعرف مالها ويعرف سبب د انفعالها و لكن مردات عليه لا تقتل ولا تحيي
داز نهار الجو مكهرب فدار ولؤي خرج مشا الاوطيل يرتاح وكل مرة يصوني على اشرف ويسول على حالها.
داز اسبوع وهيا طايحة فالفراش نعمة مطاحش فكرشها من داك نهار من غير الماء لي كيشربوه ليهاا بزز..
عطات ل اشرف يصلح ليها تليفون لي تهرس ومشا داه عند المعلم وجابو ليها فعشية.
جلسات كتقلب على فيس بوك ديالو ولا على اي حاجة تواصل معاه فيها ولكن ملقات والو.
قرب لؤي يمشي وطلب منها يخرجو شوية طلعات حداه فالطوموبيل وهوا كيطلب منها يديرو العقد رفضات وقالت : واش مكتشوفش حالتي كيف دايرة واش انا دابا ديال العقد
قرب لعندها حط يديه على ضهرها وقال بشهوة : اوك لي بغيتي ولكن شنو رايكم ندوزو ليلة مع بعضياتنا امم موحش فيك ومكرهتش ايمتا نكونو مع بعضياتنا احح
هبط يديه من على ضهرها وحطها على فخضها كيعصرها بشهوة وهيا تخزر فيه ودفعاتو : هادا مبغيتي مني اولد الحرام سير الله يعطيك المسخ حيد يدك مني
يلاه حلات الباب بغات تخرج وهوا يجرها بالجهد وشدها بقوة وناض من بلاصتو هبط كرسي لي هيا جالسة فيها وبدا كينتف ليها حوايجها بشراسة
لؤي : هاد التعفيرة كلها فيك هااا عاجبك راسك ا
قبل ميكمل كلمتو جمعت قواها ودفعاتو بالجهد وهيا كتغوت .
دازو 2 ديال الشباب كيمارسو رياضة وهوما يسمعو الغوات جاي من طوموبيل ....
خزرات فيها ريم باش تسكت فهمات نريمان وسكتات وقالت ريم بلطافة : غتمشي معانا لدار احبيبة ضروري نجلسو ونهضرو ههه
ابتسمات نريمان وسكتات مفهماتش بلان د ريم
وصلو لفيلا د خالت ريم مدام وفاء لي سبق فعرس نريمان. كانت رافضاها فالاول وسرعان مبغاتها وعزاتها وحتا ملي كانت متبعة مع طبيبة نفسية كانت بقات معاها فكازا...
آسيا : اه مزيان الله يوفق واش هنا نيت شمن بلاصة ؟؟
ردت بالارتباك : م م .مم فف عين دياب
آسيا : ااه ايوا مزيان الله يسخر
شافت اشرف فجهاد ببتسامة وقال : صافي واخا عمرني نسا خيرك وهادشي لي درتي معايا
رد جهاد بهدوء : عادي مدرت والو كيف قلت ليك مراتك خليها مع ماماك ونتا سير الله يعاونك حتا تقاد امورك وتولد البنت وديك ساعة عاد ديها سمعتي كون راجل وبين ليا علاش قاد . غتقرا عند صاحبي آليكس حتا تعلم مزيييان تولي حرايفي وديك ساعة هانتا مع روبن فالشركة تخدم سكنة وماكلتك مغضربش ليهم الحسبة اوك ؟ المهم هوا ترجل معايا وتبين لياا علاش قاد بغيتك تعلم ومن بعد ملي نجي انا الامارات نزيدك فورمسيون من عندي وهانتا غادي
رد بحماس : كون هاني اخاي جهاد والله متخاف بالعكس انا محتاج لهاد الخدمة منقدرش نفرط فيها ولا نخيب ظن ديالك فيا.
تقدم راجل وفاء وقال : ولدي عندنا ميتقال دوز تجلس نهضرو الله يرضي عليك
جروه لصالة وحتا نريمان
لي تخنق صدرها حسات بدكمة محطوطة عليه جلسوها حتا هيا معاهم
وقالت آسيا بحدة : جهااد هادي بنت ناس وعمرك تلقى بحالها واليوم بغينا نصلحو بيناتكم وترجعو لبعضياااتكم ( شافت فنريمان ) بنتي الله يرضي عليك خلي علاقتكم ترجع كيف كانت براكة هادشي لي دوزتو
رد جهاد بسخرية : هه واش من نيتك اماماا ؟؟ السيدة ضبرات راجل وراها تخطبات ولا تزوجات ولا منعرف ليها هه
ريم : لا اجهاد راها متزوجاتش كانت خطوبة وصافي ومكملااتش وسلات
رد بعجرفه : وتسالي ولا متساليش انا مالي !!!! هيا بغات نعطيها بالتيسااع ومنعاودش نهضر معاها ومنعاودش نجي عندها ونساها فمرا واخاا حتا انا داكشي نيت لي درت . درت غا لي طلبات مني فين المشكيل ؟
ردت وفاء كتلطف الجو : اولدي راه الشيطان دخل بيناتكم وصافي الله يهديك نساو لي داز ورجعو لبعضايتكم وخليونا نفرحو بيكم
زفر بغضب وقال ؛ وانااا مالي انا شنو كتقوليلي ؟؟ يدخل شيطان ولا جن كاااع صافي اناا سليت من شي زواج ومن شي مرااا سليناا
شافت آسيا فنريمان لي كتنخصص وقلبها كيطلع ويهبط وقالت : هضري ابنتي قولي شي حاجة دافعي على راسك حتا نتي علاش مباغاش ترجعي ليه ؟
ردت كتنخصص : خالتي راه دار حياتو مع وحدة خرا وانا عمرني كنت نقبل تجي وحدة خرا مورايا وزيد عليها بولد حتا انا حرقني فقلبي ومبغااتش تسرط ليااا. نفضل نعيش حياتو كلها نضفر الشيب ولا تجي شي وحدة خرا تشركني فراجل لي غنكمل معاه حياتي
قطعها بغضب : ديك الهضرة الخاوية معندنا منديرو بيها سمعتي !! هداك غاا سبب نتي بلانك كان قديم ملي جيتي من ديك اسبانيا ومصاحبة ليا مع طبيب وملي عرفتي اش عندي درتيها سبة باش ترمي لياا اللومة وحقى انا لي مزدقش معاك...
وشكون عرفت بحال والو نتي لي بغيتي طلاق وجايا تقوليلي امي ومنعرف شنوو
ردت بغضب كتبكي : والله العظيم معارفة شي حاااااجة والله مفخباري هادشي ديال الطلاق حتا عرفتو ملي جيت لهنا انا مكنديرش سبة ومعندي علاش ندير السبة هداك بغا يتزوج بيا ملي كنت ف اسبانيا ومبغيتش ونهار لي عرفتك درتي ولدك وبنيتي حياتك خليتك حيت انا مبغاش الضرة لي تجي عليا
والكل واقف مرة يشوفو فجهاد لي كيهضر وهوا صاعر مرة يشوفو ف نريمان لي كتهضر وهيا كتنخصص والهضرة كتلف ليها
هضرت معاك وقلت ليك مبقى بيني وبينهااا والو سلينااا فمرا الولد مع امو راه بعيد وعمرك غتشوفيه وكاينة غا نتي حسبي راسك كاعماا عندي شي ولد. العيب والعااار هوا كون جبت عليك شي وحدة وحنا مزوجين اولا والد مع خرا ونتي معايا . اما داكشي جا ونتي مكيناااش وكاعما فبالي غنعاودو نتشااوفو ولا نرجعو . نتي دفعتييي كبييير وبديتي ترطاااي عليااا وتكبري . بغيت نرجعك لقيتك طلعتي ڭراد ؟؟ شنو زعمة !!
ردت ببرود كتنخصص : ومن بعد واش دابا قلت ليك رجع ليا ؟ صافي الله يسهل عليك وانا غنمشي بحالي الله بع...
قطعاتها وفاء كتجر فيها جلساتها هيا ودينا وآسيا واقفة على راس جهاد : جهاد بجوجكم فيكم ديفو و بجوجكم غلطتو لي فاات مات وحنا كلنا بغينا ندخلو بالصلح بيناتكم
سكت مردش عليها ودمو غليان وراجل وفاء حتا هوا كيهضر مع نريمان لي حاذرة راس غير كتبكي..
شاف ف جهاد وقال : وديرو بوجهنا ورجعو وفرحونا معاكم. خرجو الا بغيتو سيرو لشي بلاصة هضرو بيناتكم غوتو وخويو قلبكم ورجعو لينا فرحانين الله يرضي عليك..
شافت فيها ريم وعينيها عامرين دموع الحسرة وقالت : نريمان الله يهديك عفاك احبيبة ديالي رجعو لبعضياااتكم راه نتوما خلقتو لبعضيااتكم عاودو حياتكم من جديد راه هوا ميلقى حسن منك ولا نتي تلقاي حسن منو ( شافت ف جهاد ) جهاد خويا يهديك الله راه تخطبت ورجعت فسخت الخطوبة مبغاتش تكمل معاه . وباين علاش مبغاتش تكمل
سكت مردش وحتا نريمان مرداتش بقات على نفس الحال وهوما بيناتهم مجموعين كيسايسو معاهم تنخصاات نريمان بقوة حسات بالصدر كيتزير وقلب رجع كيضرب من جديد شدات فيه بقوة وناضت بغضب وجهها حمر بحال الجمر غادية جيهت الباب يلاه شدات فيها وفاء وهيا دفعها وقالت بغضب : متشدييييييش فياااااا بعديييي منيييي
تصدمات وفاء والكل من التصرف لي دارت معاها نريمان ورجعات باللور مشات عندها ريم كتجري وهيا تدفعها بقوة حتا جابتها طايحة فالارض ومع لابسة طالون تلوات ليها رجلها حتا تسمعات طرااق.
خرج جهاد عينيه بغضب ملي دفعاتها وناض عاقد حجبانو موراها لقاها طارت خرج من الڤيلا كيجري كيضور عينيه وغادي مع تريطوار كيجري حتا لشارع كبير كيشوف يمين يسااار مبان ليها آثر بحالا تشقاتت الارض وبلعاتها رجع الڤيلا كيجري طلاقى عمر ولد خالتو برا كيضور حتا هوا ويقلب : مبانش ليك ؟
عمر : والو مكينااش
قلبو جردة كلها داخل ملقوهاش ورجعو خرجو كيقلبو اما لوخرين لداخل واحلين مع ريم لي تهرسات ليها رجليها من القاع وناضو مخرجينها لطوموبيل كيجريو ...
فحين نريمان كانت مخبعة مور شجرة كبيرة حدا طوموبيل فداك الشارع ولو خرج جهاد فالاول مشفهاش ضارت بشوية شافتو داخل وهيا تشدها بجرية موقفااتش ..
شاف النادل موراه وقدامو وقال : اختي مكاين حد مكاين لا كلب لا جوج مالك ياك لباس.
غوتات غوتة حتا تسمعات فالسماء زعزعاات لي ناعس ولي كيتعشى ولي كيتفرج ولي عايش الرومنسية ولي معصب وهيا هاربة وكتغوت : بعدوووو منيييييييييي بعدووووووووو منييييي ووعععععععععععع
شاف النادل فيها هاربة كتجري وحتا واحد ما موراها تعجب مفهم والو وكمل على شغلو كيجمع الكراسا ويدخل لداخل..
شوارع الدار البيضاء خالية الطير مكيضورش من غير شماكرية مقنتين كيتحشو ونريمان مزال كتجري ومتلفتاتش موراها كتنهج قلبها غيسكت حتا بغات توقف ترتاح وهوا يبان ليها كلب جاي جيهتها شهقاات ورجعات باللور كتجري والسوفل مشاا حتا طاحت مغيبة فالارض
8 صباح واقف الطبيب شاد تليفون فيدو كيرد على المكالمة لي ف تليفون د نريمان كانت من عند اشرف لي كيصوني باش يخبرها بالسفر ديالو بعد اسبوع ولكن كانت الصدمة قوية ملي خبرو الطبيب بلي هيا فسبيطار وشي عائلة كانو فشي مناسبة دايزين من تما شافوها ملي طاحت ومشاو لعندها عيطو على الاسعاف..
ما مرة ما جوج كانت سمية غدير كسيدة بقوة البكاا وطريق لي مكتشوفهاش وهيا كتنخصص اويلي اشداااااك ابنتي لكازا ؟؟ شكون داهاا .. شنو دارو فيك ابنتي. اويلي عنداك تكون بنتي ماتت اويلي غنترزا فبنتي والله حتا نموت الا ضاعت مني بنتي..
دخلو لسبيطار كيجريو لقاوها كتغوت على حرر جهدها وضرب فطبيب وتبعد الفرملية فينما يبغيو يقيصوها كتبغي تعضهم من يديهم
بغات تشوفها سمية وهوا يوقفها الطبيب
سمية : شنو كاين مال بنتي اش واقع لبنتي ؟؟
رد : بنت ديالك ضروري تديوها لمصحة عقلية راه تقدر تقتل شي حد ولا دير شي موصيبة فراسها حنا معندنا منديرو ليها هنا وفحصناها ملقينا عندها حتا مشكيل
ردت بغضب : وشنوو هادشي لي واقع لبنتي الا معرفتييش نتي لي طبيب شكوون غيعرف علاش سميتك طبيب لي متعرفش مال بنتي
رد : الالة قلت ليك بنتك خاصها تمشي لمصحة عقلية حالتها خطيرة تقدر تأدي راسها وغيرها حضيو معاها
دخلات سمية بعدما عطاها اذن دخل ترمات على نريمان كتعنق فيها وتبوس وهيا كتبكي وتغوت وتنخصص وتشكي عليها : ماماااا غنموت ماما كلاب غيفرسوووني كيجريو موارايا امامااا غيقتلوووني غنموت ( كتنخصص ) ماما سمحيلي عفااك سمحيلي الا درت ليك شي حاجة سمحولييي كلكم عفاااك اناا كنموووت اماماا كنموت قلبي دابا غيوقف داا.....
بقات يوماين وهيا فالطبيب خبار وصلات لريم بعدما صونات فتليفون د نريمان تعاتبها وتنهي علاقتها معاها على تصرف لي دارت معاهم وعلى الهرسة لي تسببات ليها فيها ولكن هنا تصدمات ريم ملي عاودو ليها اش طرا وسمعات سمية كتبكي وتغوت . ناضت هزات رڭيلات ديالها وهبطات لعندهم لتحت لقاتهم جالسين كيهضرو جلسات حداهم وجهها مخطوف وبدات كتعاود ليهم .
ناضت وفاء واسيا ودينا خرجو ب 4 بيهم طلعو فالطوموبيل ومشاو لسبيطار لقاو سمية غتخرج نريمان لي وجهها شاحب وملامحها ذابلة ودموع غا هابطين من عينيها.
عينيها رجعو بحال دمالة مكتقدرش تحلهم.
دخلو وهوما يحلو فمهم من المنضر لي فيه نريمان غير شافت ريم وهيا تنوض بالزربة تلاحت عليها كتبكي وتبوس فيها وطلب منها سماحة وهيا كتنخصص : والله مااا درتها ليك بلعاني والله محسيت براسي شنو درت . هانا حداك رديهالي ديري فياا لي بغيتي عفاك سمحيلي اختي ريم والله مبلعاني ..
عنقاتها ريم كتبوس فيها وتسكت ومشات لعند وفاء حتا هيا كطلب منها سماحة على لي دارت معاها. جلسو معاها شوية وخرجوها من طبيب طلعات فطوموبيل سمية
فطريق كلها وهيا ساكتة مكتهضرش حتا كتطلق تنخصيصة عمييقة كيضورو كلهم يشوفو فيها ويرجعو يشوفو حداهم.
فنص الطريق رجعات هاجت من جديد كتغوت وضرب فيهم باغا تخرج من طوموبيل وهوماا شادين فيها ونريمان كتغوت على حر جهدها باغا تهرب منهم باغا طييير باغاا طجج.
معندو حل من غير يشدوها ويربطوها ورجعوها لطوموبيل وهيا متفرطط ونسرين شادة فيها من جهة واشرف من جهة خرا حتا تهدنات وسكتات وبقات كتشوف فيهم رابطينها وقالت : علاش رابطيني اااحح يدي.
هزات سمية عينيها فمرايا وغوتات على اشرف لي كيحل ليها وقالت : لااااامتحلللش
بغات تشد فيها سمية وهيا دفعها بدراعها شدوها كلهم دخلوها بزز وهيا كتغوت وتعرعر لربي لي خلقهاا.
طلب منهم الحاج يجيبو ليزار نقي جابتو ليه الحاجة سترات ليها راسها لي نتفاتو ورمات شالها
فديك الأثناء واقف اشرف كيهضر فالتليفون مع جهاد لي عرف اش وقع وشد طريق لتطوان وطلب من اشرف يصيفط ليه لوكاليزسيون
خرج اشرف برا واقف كيتسنى حتا شاف طوموبيل ديالو ومشا لعندو سلم عليه ورجعو طلعو لدار غا شافتو سمية وهيا تعبس مدهاش جهاد فيها ودخل لقى السلام على الحاج وقف حداهم
كان الحاج حط عليها ليزار وحط يديه على جبهتها بقوة حتا ضروها عروق د راسها وبدا كيقرا بدون انقطاااع شوية يسكت يشرب الماء ويعاود يقرا ويزيد يشرب ويقرا بدون انقطاااع حتا حس بيها غيبات حيد يدو من راسها وشد ليها فصباع يديها برك عليه بقوة وهوا كيقرا ويشوف فيها ويزيد يقرا . قراءة تثلج الصدر
حلات عينيها بتتاقل كتشوف فيه وهيا كتبكي بغات تهرب يديها وهوا يزيد يزير على ضفرها بقوة حتا حسات بضفرها غيتقطع غوتات بالجهد ولكن مدهاش فيها وكمل على قرايتو وهيا حداه كتنهج. وجهاد على واحد الرخامة متكي بنصو كيشوف فيهم
دازت ساعة ونص كمل قراأة على ماء ف إناء زجاجي وعطاه ليها تشربو ما هيا الا لحضة قليلة وهيا تقياااه مررر كحلل هادشي كان حاس بيه الحاج وطلب شي سطل ترد فيه وجابتو ليه السيدة لي خدامة عندهم شاف فيها وقال ببتسامة : شوية لباس ؟
شافت فيها بحزن كتشرب الماء وقالت : انا غنموت ياك !
ردت بلطافة : الله يستر ابنتي هادي هيا الحياة والمؤمن مصاب وانسان خصو يدير التقة ديالو فالله تعالى ويحمد الله على سراء والضرااء وقل لن يصبنا الا ما كتب الله لنا
شافت فيها سمية لي عينيها مطبوخين بالبكا وقالت : مال بنتي الحاج شنو عند بنتي
رد وهوا كيشوف فنريمان بلطافة : بنت عندها سحر وشرباتو فشي حاجة وسحر اخر خاصكم تعرفو شكون لي دار ليها هادشي ونبطلوه ولحسن الحظ هادشي مزال فالبداية
شافت فيهم نريمان بصدمة كتساؤل بينها وبين نفسها .. انا شنو شربت وفقاش شربت ؟ وشنوو شربت !! وفين
شافت فالحاج وبدات تعاود ليه على ربيعة ومشكيل لي طرا بيناتهم والحلفة لي حلفات فيها.
هنا خرج جهاد عينو بصدمة وقف تقاد فالوقفة كيتصنت
خرجات سمية عينيها وقالت : شنووووو والله يا ولديها حتا نقتلها ونمشي نرشى عليها فالحبس داااابا
ناضت الروينة مع سمية والحاجة باغا تشدها مشا عندها جهاد عاد شافتو نريمان دار كبيرة وهيا فصالة مع الحاج وهوا كان فصالة بعدما ضورات وجهها لقاتو واقف معاهم.. ايمتا جاا وشكون جابو وكك...
ردت بحرقة : شنوو بغاو من بنتي علاش يحرقوو قلبي عليها شنو دارت ليهم علاش يسحرو ليها واش حنا مطفرييينه بقا ليناا غا السحور دعيتهم الله دعيييتهم الله دنيا واخره..
تنهد وقال : هادشي غيتفك وهاديك هاهيا غتخلصها بالضوووبل وحنا لي غنركبو فيها الجنون داباا هانتي غتشوفي طلعي بحالك. سيري شوفي بنتك ( شاف ف اشرف ) يلاه معايا
طلعات سمية وحاجة واشرف خرج وسد باب طلع حداه فالطوموبيل وانطالقو.
طلعو لقاو نريمان حاذرة راسها والحاج هاز كتاب الله كيقرا بصوت عالي سورة البقرة وهيا منملة كلياا غير ساكتة وكتسمع
جلسات حداها سمية كتعنق فيها وتبوس والحاجة جلسات معاهم والحاج باقي كيقرا حتا كمل السورة شاف فيها ببتسامة وقال : غتبقاي معانا ان شاء الله حتا تشفاي بجهد الله
شافت فيه سمية بالآسى وقالت : وهادشي شحال غيبقى الحاج
رد بتفاؤول : كلشي بقدرة الله . الا بغا الله من دابا غترتاح وترجع كيف كانت عمرو قلبكم بالله واذكرو الله في أنفسكم
حدرات سمية راسها كتذكر الله ونريمان حداها ساكتة حتا داها نعاس قادو ليها بلاصتها باستها سمية من جبهتها وخرجات طلعات فطوموبيل رجعت لدار
شاف فيه أشرف بتساؤول وقال : شنو ادير اخويا جهاد علاش جبتينا لهنا لصالون ؟
رد وهوا كيطل على عمارة : هاد بنت القحبة فين ساكنة ؟
رد : ديك نهار قالت ليا ساكنة فوق منها ولكن معرفتش شمن طبقة حيت كل طبقة فيها 4 سكان
دخل جهاد واشرف موراه جلسو فطبلة خاصة كانو عليها جوج د رجال ومعاهم جوج بنات اشرف غير كيشوف فجهاد لي ناض هوا واحد الشاب ومشاو بعيد كيشوفو كيهضر بعصبية شوية عيطو لبنت لي كانت جالسة فطبلة وديك البنت عيطات لصحبتها ودخل شخص اخر معاهم كانو 3 درجال وجوج بنات وجهاد وسطهم كيهضرو . وهوما كيحركو ليه الراس.
( شاف فالساعة وقال ) 4 صباح هادي يلاه نوصلك لدار وغدا يكون خير ..
وصلو لدار حتا دخل اشرف ورجع جهاد الاوطيل طلع خدا دوش وطاحت على فراش كيخمم وكيتسنى صباح يوصل بفاارغ الصبر ،،
حاول يصوني على نريمان لقى تليفونها مطفي ورجع تكا حتا داه نعاس
صبح الحال وجهاد لابس سبورتيف كسكيطة كحلة فوق راسو ونضارات فعينيه خرج على عجلة طلع فالطوموبيل وهوا كيصوني فالتليفون .ساعة كانت 12 دنهار .. رد عليه صوت راجل بالانجليزية وقال : وي خويا جهاد
جهاد : فينكم ؟
رد : راه حنا فين قلتي لينا وراه البنات بجوج طلعو عندها
جهاد : ودراري فين ؟
رد : راه سبقونا راهم تما
جهاد : اوك مزيان بقا تما انا جاي
قطع وهوا وداز على اشرف لي كيتسناه طلع حداه ومشاو غادي كيسوڭ حتا وقف حدا لعمارة قبالت صالون مور الشاب خرج من طوموبيل لي واقفة حدا باب ومشا طلع حدا جهاد واشرف لور ..
بقاو بثلاتة حاضيين الباب حتا شافو بنات بجوج خارين ومعاهم ربيعة وبنت كتبكي. طلعو فديك الطوموبيل لي خرج منها داك الشاب وانطالقو حتا بعدو عاد ديمارا جهاد طوموبيل ومشا تابعهم
ربيعة : كوني هانية ومت هانية ونوريييك ربيعة سلاوية علاش قادة مكاااينش لي جا عندي ومتقضاتش ليه حاجتو
ردت البنت : وحتا انا هانتي غتشوفي الا منغنييك وندير ليك طوموبيل حسن من ديالي منتسمااش انا قمر دفليلي فوجهي
ربيعة : لا لا هه حاشة حاشة ( كطلع وتهبط فيهم ) باين عليكم الخير وبنات الخير تبارك الله ( شافت فالبنت الثانية باعجاب ) دابا نتي ابنتي بنت وزير ؟ اينا وزير لي باك احبيبة ؟
شدها واحد من شعرها لطخها فالارض جات على نيفها وهيا كترغب فيهم وتزاوك مكاين غا الهضرة من سمطة لتحت.
جوج كيحيدو سروالهم وثالت كيضرب فيها وينتف ليها فحوايجها.
ضار جهاد عند اشرف وهوا مخرج عينيه مصدوم
جهاد : باقي مكملناش هادي غا بداية ومغتعرف الدقة منين تجيها ..
ديمارا طوموبيل ومشا
فحين ربيعة كتغوت وتعرعر حتا مشا ليها الصوت من شدة الألم من جوج رجال ومن جوج جوايج لور والقدام كيفرسو فيها بوحشيه وهيا عارية فمرا وثالت كيعض وينتف ليها فشعرها ودايرين عليها النوبة سالا لي تحت منها وعطاها لواحد اخور كيتبادلو ادوار
الأجنحة المنكسرة الجزء 17
محتوى القصة
التنقل بين الأجزاء