الأجنحة المنكسرة الجزء 18

2020

محتوى القصة

رواية الأجنحة المنكسرة

بعدما خرج من غابة وقف فالطريق كانو دوك جوج بنات وقفو تما كيتسناوه ..

خرج من طوموبيل عاقد حجبانو هوا وصديق ديالو لي خلا طوموبيلتو لبنات ...
وقف حداهم جهاد ويديه فالجيب كيتمختر شاف فيهم بجوج وقال : بغاڤو درتو خدمة نقية.
حركات البنت راسها بالايجاب وقالت بخوف : ويلا شدونا بوليس ولا طرات لينا شي حاجة ؟
رد بتقة : مكاين مناش تخافو بالعكس بحالا مدرتو والو . قولولي داكشي مشا هوا هداك ؟ معاقش بيكم !!

حركت راسها وقالت : كلشي داز مزيان كيف بغيتي وبالعكس دوخناها بالهضرة خليت ملاك معاها كتهضر وانا نضت شافتني بنتها صغيرة ولكن مدات ما جابت.

ابتاسم بسخرية وقال : هه مزيان

خرج يديه من جيب مشا لطوموبيل هز جوا على اعين اشرف لي كيشوف داخل الطوموبيل وسمع هضرتهم كلها وهوا فصدمة كأنه كيتفرج فيلم اكشن

رجع جهاد لعندهم مد ليهم داك جوا وقال : ها علاش تافقنا

خلاهم واقفين فرحانين كيحلو فداك الجو وضار لعند صديق ديالو وقال : وصل هادو ومن بعد نطلقاو
رد : واخا انا غنسبقك.

حرك جهاد راسو ورجع لطوموبيل وهوا كيدوز نمرة ..
رد عليه واحد من دوك اشخص لي تعداو على ربيعة صوتو كينهج وصوت ربيعة مجهد حداه وقال : نعام اسي جلال

رد : دير لي قلت ليك وصيفطولي دابا
رد : واخا كون هاني انا نصيفطولك.

قطع وضار عند اشرف وقال : مالك ؟
سرط ريقو بخوف وقال : مبقيت عارف منقول صدمتيني بهادشي شنو غيصيفطوليك بعدا ؟

رد بسخرية : هانتا غتشوف مهم غنحطك وغنكمل شغلي سير شوف ديك بنت مسكينة ودوز عند نريمان وعطيني خبارها شنو طرا وشنو كاين ..
اشرف : واخا صافي

شدها من شعرها بقوة وهوما كيمارسو عليها ب ابشع الطرق فمها كامل هابط دم حالتها كلها مرمدة تكلم الشخص بصوتو الحرش كيخلع وقال وهوا هاز زرواطة كبيرة فيدو وتليفون فيد خرا

: دينمك غتشديييه وغتصوري والله يا قحبة د مك ونسمعك كتبكي ولا تبلبلي عليا حتا نخشي فمك هاد زرواطة سمعي اليوم نشرڭ ز**بووووك شديييي

بغات تهضر ومقدراتش فين هوا الصوت ؟ فين هوا الجهد !! كتحس براسها بحالا كتلفض انفاسها الاخيرة رفضات تشد منو تليفون تصور وهوا يزير على شعرها بقوة شاد العضو الذكري ديالو فيدو وخشاه ليها فمها كامل حتا خلا نفس تقطعات فيها وحلقها غيطرطق فمها كولو دمايات وصدرها عامر بالتقي مبقات قادة تستحمل قمة الوجع من 3 جيهات
طلباتهم ورغباااتهم يرحموها ولو شوية ولكن مغير زادو زيرو عليها فالاخير خلاوها وناضو وقفو حداها كينهجو مزال باغين المزيد وهيا فالارض عاريا كلها كتنهج عاود شدها من شعرها وقال بصوت كيزعز : منبغيش دموع غديري كلشي بخاطرك وتليفون غتشدييه بيديه يلاه نوضي جرها ومد ليها تليفون ليديها

بعد ساعة ونصف وهوا جالس فطوموبيلتو بعدما وصل اشرف ورجع طلاقى بالصديق ديالو واقفين حدا عمارة العشية وليل بدا يطيح وصلوه مسجات متابعين واحد مور واحد دخل يشوف فالواتساب لقى فيديوات د ربيعة هيا بنفسها شادة تليفون كتصور وكتمارس معاهم فيديوهات جنسية بشكل طبيعي كأنه برضاها واخا عينيها منفوخين وجهها حالتو حالة ..
ابتاسم جهاد بنصر فعلا الخطة ديالو مشات كيف بغات . وصلو مسج اخر دخل ولقى نمرة

ضار جهاد عند الصديق ديالو وقال : ها نمرة قيديها عندك. انا نصيفط ليك هاد فيديوات ...

سجل الشخص داك الرقم وصيفط ليها جهاد دوك فيديوات وقال : يلاه صيفطهم ليه نشووفوه شغيدير حتا هواا على ما بان ليا اليوم غتنوض ديال بصح

رد وهوا كيصيفط فيديوات : هادا ميصلاح مع قحبة د امهم دابا تعيط على جوادها وجنون لي معاها يفكوها هههه. انا بغيت اخاي جهاد غا نعرف منين جاتك هاد فكرة

رد بسخرية : غا ماا قال ليا عقلي امضرا اش درتي ؟

رد : هاهوما مشاو وحتا هوا راه اون لاين شنو نكتب ليه بعدا ؟

حيد ليه جهاد تليفون من يدو وطلع كلافي كيكتب " ها مراتك وامت ولادك داكشي عندها ناضي برعاتنا اليوم مزال عندي فيديوات خرين واش نزيدك ؟ الا بغيتي نزيدك متحشمش غا قولها نصيفطهم ليك الهاشمي "

طلع ليه جهاد بلي قرا مسج وكيشوف فيديوات زرب عليه بمسج اخر وقال : خشاتها ليك ال** ل ههه وعلى مقالت مفيدكش وممقنعهاش وهانتا مشات تقلب على 3 يلاه تقود "

خلا ليه مسج وبلوكاه بالزربة وحيد ديك نمرة هرسها فراتل ومد تليفون لصابحو خلاه كيركب نمرتو وقال : انشوفو شنو غيدير منتحركوش من هنا


رد عليه : وشنو هوا غيكون هنا فدارو ولا غيكون فشي بلاصة خرا ؟

رد بنزفزة : وفين عند ديلمو فين يمشي راه فحال العيالات كيقيل فدار والبنت لي دخلات عند مراتو كيتحرش بيها لا خدمة لا ردمة

رد بتساؤول : واش عندها الولاد ولا ؟

رد : وي راه دوك البنات جابو ليا الضوسي ديالها كامل قالولي عندها جوج بنات وحدة فعمرها 12 ولاخرا 5 سنين ويومياااا هيا وراجلها مقاتلين ديما كيهبطها فالدروج يضربها وهوا سكران مشفتيش فوجهها ؟ راها مغرزة ! قالك هوا دفعها على شي باب د حديد . اودي بجوجهم كلاب وطلقاو

رد : مساكن دوك دراري غيمشيو ضحية

جهاد : وييه غير غيضيعو. ولكن اللهم يبقا بوحدهم ولا مع هاد سلاڭط . انا هاد بنت قحبة خاصني نمرمد *** بوها على يدي مزياااان عاد ديك ساعة نشوفو مع شي لاخور.
ملي دخلات قمر وملاك لديك عمارة قبل ميدخلو عندها كانو كيدقو على جيران وسولوهم عليها بطريقة حبية زعمة فين هيا ربيعة واش مزيانة واش حاجتها مقضياا... وناس كلشي وصاتهم منها وشحال د ناس طلقو على ودها وشحال دناس بسباب سحورها ماتو وكاين لي مرض ومخلا مدار ومزال ملقى العلاج وبزاف د ناس باغيين يديكلاريو بيها ولكن غا بلاتي هادشي نخليوه هوا لاخر . يلاه سير طلع لعمارة دغيا شوف اش كاين ورجع.

رد : موصيبة مع هادي تستاهل كلما جرا ليهاا وتستاهل كتر صراحة احسن قرار خديتي هوا هادا عبرتي على ديلمهااااا

خرج مشا طلع لعمارة وخلا جهاد كيصوني على اشرف يطمئن على نريمان

اشرف : وشوية اخاي جهاد راني شفتها دار ليها الرقية ودوشو ليها بداك الماء وراها دابا شي شوية ولكن قالك هادشي خاصو يتبطل..

رد جهاد : يكون خير هاحنا كنديرو جهدنا ولي طرات اصاحبي رد عليا ص ..

قبل ميكمل كلمتو شاف صديق ديالو جاي كيجري طلع فالطوموبيل كينهج.

قطع جهاد تليفون بسرعة وقال : شكاين

رد كينهج : وااااااايلي متخاايلش راجلها راه فالدار السوق حامي اليوم باينة غطرا شي موصيبة مفيهااش غطيح الروححح
راه ناض كيهرس ويضرب فولادو وجيران كلشي خرج يطل ولادو هربو من دار وو ( خرج عينيه وقال ) ... شووووف شوف راااه خارج شفتيييه؟؟ وااااايلي والله حتا اليوم غطيييح رووووووح بيييييووووو.

خرج جهاد عينيه بصدمة وابتسامة خافتة مرسومة على وجهو شافو هاز سيف فيدو كيشالي بيديه وكيغوت ويسب ويعرعر ويهرس فالطوموبيلات لي حداه ولي داز من حداه ولا بغا يحيد ليه داك السيف كيكون علاين يخرج ليه مصارنو وكيمشي كيجري موراه مكاين غا سبان من سمطة لتحت

هز جهاد تليفون بسرعة صونا وقال : صافي ادراري خليوها تما ها ايوب جااي
قطع عليه وشاف فالشخص لي حداه بعجالة : نوض ايوب سير دغيااا

خرج من طوموبيل ومشا كيجري .
فحين جهاد مراقب راجل ربيعة لي شانق على واحد كيتقاتلو وناس كتفك والجوقة مجموعة عليهم . جبد كارو لاحو فمو وشعل كيتفرج فيهم ويضحك

خلاو ربيعة تما مرمية وهيا روح غتخرج صافي مبقات ليها قدرة العينين هوما لخرين مقدراتش تحلهم فمها مفروع ودمايات هابطين من جناب ونيفها هابط معاه الدم . وهيا عاريا شافتهم لبسو حوايجهم مخلاو حتا آثر موراهم ومشاو الليل بدا يطيح والغابة كتخلع خاوية كتصفففر الطير مكيضورش فيها جمعات ربيعة قواها لي مبقاتش ليها اصلا هزات حوايجها وهيا حالة رجليها كتشوش على مأخرة ديالها وفمها لي مقدراش تشدو لبسات حوايجها مقلوبين ومعوجين بمشقة الانفس ومشات كتجر رجليها وطيح تجر رجليها وطيح حتا بانت ليها طوموبيل دايزة من تما شيرات ليها وكان فيها نفس الشخص " ايوب " خرج بهلع مشا عندها كيجري وقال : ياك لباس الالة شكاين مالك ؟

ردت كتنهج وهيا مقدراتش تخرج كلمة وحدة صافي الفم لي تهضر بيه مبقاش : د ي ن .ع فاا كك ع ففكك ددااي. ااااااااه .

شافها مقدراش تهضر وقال : واش تهجم عليك شي حد ؟ واش وقعات ليك شي مشكيلة ؟؟
حركات راسها بالايجاب بصعوبة شد فيها وهوا عايفها ومحااملش يشد فيها. داها لطوموبيل وهوا مكره يلاه حطات قاعها وهيا تغوت لربي لي خلقهاااا تنهد وقال : ياك لباس مالك واش مقدراش تجلسي ؟ باش مريضة.

مرداتش وبقات كتبكي وتغوت مقدراش تجلس ساط بعصبية وهوا كيردد فنفسو : لهلا باش تقدي تجلسي نحرق معاك اناا الضو تفوو..

طلع بالزعفة شد الباب ومشا ديمارا طوموبيل وهيا حداه كتوجع . طلق الموسيقى بالجهد باش يتلهى مع نغمات وميسمعش صوتها وهيا حداه انفساها الاخيرة غتخرج كتعرعر ...
دخل لمدينة ومشا غادي وكيسولها فين ساكنة وشمن بلاصة واش نديك لطبيب فين باغا تمشي.
ردت بصعوبة : للل دااارر فف

عطاتو عنوان بلاما تكمل. اصلا هوا مكانش محتاج ليه عارف سكنتها وصلها قريبة من عمارة كانو دخلوه الناس وفرقو الجوقة وهوا جالس فالدروج كيتسناها بالسيف ديالو..

شاف فيها ايوب وقال : هانتي هنا ساكنة ياك ؟ انا خاصني نمشي تعطلت

حركت راسها بالايجاب وقالت بصعوبة : اا لله يي جاا زييك ا...

حرك راسو وهيا حالة باب خارجة ضور وجهو لبلاصتها لقاها كلها دمايات ساط بعصبية مكره شافها غادية جيهت باب عمارة .
كان جهاد مزال مراقب الباب وعلى تواصل ب ايوب فين وصلتو وشنو كاين.
ملي قربو يوصلو لعمارة اتصل جهاد بالبوليس من رقم اخر وعلمهم بلي غطيح الروح والامر ضروري يجيو ب اسرع وقت حيت هاز السيف وسكران غيقتلها...

الخطة ديالو مشات كيف بغا داز من حداه ايوب بطوموبيلتو وقف موراه حاضيين اش غيطرا...

فعلا القيامة ناضت بعدما شافها راجلها داخلة مع العمارة وهبط ليها مغزف


شدها هبطها الارض كيعطي غا بالبونية لعين ولحناك وناس محيدين ليه السيف وكيفكو.

سطافيت كانت وصلات فالوقيتة ودخلوو البوليس كيفرقو بيناتهم وراجل ربيعة رجع هز سيفو بغا يتعدا حتا على بوليسي لي شادو و شدوه كيحيدوه ليه ...
عيطو الاسعاف بعدما غيبات ربيعة ومبقات ليها حركة ..
الجوقة معرمرة عليهم وكلشي كيردد ان لله وانا اليه راجعون. اما بنات ربيعة جوج بنيتات شهوة منهم براائة فوجههم كيغوتو ويبكيو وجيران كيشدوهم...

هزو بوليس راجل ربيعة داوه ..فحين الاسعاف هزات ربيعة ومشات كطير

تنهد جهاد بتعب بعدما كان هاز حمل كبييير . كيتحصر على ناس لي ماتو بسبابها وناس لي تسطاو فعقلهم وناس لي ملقاو علاج كيموتو الموت البطيئ يوم بعد يوم.
ومنهم نريمان لي بفضل الله عتقوها فالوقت المناسب وحيت هادشي مزال مشد فيها مزيان مزال عاد فبدايتو ...

حط جهاد راسو على فولون ساكت وايوب حداه ساهي فهادشي لي طرا شاف فجهاد وقال : دابا شنو غدير وقيلة ماتت ؟

سكت مطولا مردش عليه وقال : كنتمنى متمووتش كنتمنى غدا يكون خير. يلاه سير حتا نطلقاو غدا...
خرج ايوب وديمارا جهاد الطوموبيل خدا عشاء معاه و رجع الاوطيل دوش من تعب يوم كامل. حط عشاه كياكل وتليفون فيدو صيفط مسج ل نريمان " سلام كيف بقيتي شوية ؟ "
حط تليفون حداه وهوا كيتفرج فالتلفازة وياكل حتا وصلو الرد ديالها " شوية وانت لباس عليك "
رد فالحين : الحمد الله مزال منعستي 2 دابا ؟

ردت حتا هيا فالحين : نعست فنهار دار ليا الرقية ورتاحيت وحتاا وذنات المغرب عاد فقت دابا مجانيش نعاس ونتا ؟

رد : نصوني عليك ؟ نهضرو شوية !
ردت : الحاجة ناعسة قدامي. منقدرش نجاوبك.
رد: امم اوك معليش يلاه تصبحي على خير وتهلاي فراسك وكلشس غيتحل

ردت : شكرا اجهاد

خلا ليها ايموجي مبتاسم شافها خرجات من واتساب مرداتش عليه بقا مراقبها شحال واش ترجع تدخل ولكن والو. بقا كيتفرج وعقلو ساهي حتا داه نعاس...

بعد يومين خرج جهاد من سبيطار ضاحك طلع فطوموبيل وتلفت لعند ايوب لي كيتسنى جوابو بلهفة : امضرا شنو واش مزال عايشة ؟

رد بسخرية : اش غتموت راها فاقت
ايوب : ولكن راجلها مولاه يخليها باين ليا غا يقتلها

رد : اودي شغادي يقتل حتا يلحقها بعدا

ايوب : ودابا شنو غادي دير ؟

جهاد : دابا غنبداو فالمهمة جديدة لي غتغرق ربيعة فمرا

ضحك ببتسامة جانبية وانطلق ويدو فالتليفون كيكتب مسج " نريمان بغيت نشوفك دابا عفااك نتي وداك السيد انا جاي لعندكم "

كانت يلاه دارت رقية وجالسة متكية شادة عينيها وهوا يوصلها مسج ديالو حلاتو وناضت جمعت الوقفة ردات عليه : شنو اجهاد بغيتي شي حاجة ؟

رد فالحين : وي هانا قريب نوصل عندي منقوليك ..

شافت المسج ديالو وهيا تالفة شنو بغا وعلاش جا وشنو غادي يقول ليا.
خرجات من صالون ومشات لعند الحاجة لصالون كانت جالسة معاها سمية ونسرين جلسات حداهم بتوتر وقالت : الحاجة فين مشا الحاج ؟
ردت : مشا ابنتي يصلي الضهر بغيتي شي حاجة.

هزات عينيها فسمية شافت فيها بنص عين ورجعات قالت بالارتباك : ماما جهاد جاي وبغا يهضر معانا انا والحاج

ردت بنرفزة : وشنو بغااا هادا

نريمان : معرفتش المهم هاهوا وصل راه لتحت
الحاجة : وقوليه ابنتي يتسنى الحاج حتا يجي منقدوش ندخلوه والحاج مكاينش.

حركات نريمان راسها بالايجاب وكتبات ليه مسج ومشاات طل من شرجم د كوزينة لقات طوموبيلتو واقف قبالت الباب...
رجعات جلسات حدا الحاجة
وامها وكل مرة تنوض طل حتا سمعات الهضرة فالدروج صوت الحاج هوا الاول وموراه جهاد دخلو لصالة لقى عليهم جهاد سلام شاف ف نريمان بنص عين مع ابتسامة خافتة ردات ليه حتا هيا الابتسامة عيط الحاج لنريمان دخلات عندو جلسات بعيدة عليهم بخجل ومخدة على حجرها متكية عليها كتصنت ليهم دخلات حتا سمية ونسرين باغيين يعرفو اش كاين وجهاد كيهضر مع الحاج وحاج كيحرك راسو بالايجاب

الحاج : اه هادشي نيت لي قلت انا ليهم خاصنا ضروري نعرفو هاد السحر فين دفناه باش نبطلوه ولكن هيا مغاديش تبقي تقول وغتنكر وو

قاطعو جهاد : راه بزاف الحاج د ناس ديكلاراو. بزاف د ناس لقاو تصاورهم بزاف د ناس ماتو على يدها هادشي عرفناه حنا من ناش لي ساكنين فالعمارة وداكشي لي قالو ناس عليه راه ميتوصفش. راه كانت كتبيع حشيش وشحال د ناس كلاتهم فرزقهم بالملاين بزاف د ناس ديكلاراو بيها وعطاو الأدلة وحتا نريمان خاصها تمشي ديكلاري بيها وتعرفو هادشي لي ديراه ليها فين كاين

الحاج : اييه عندك الحق ديكلاري بيها وتقول اش كاين وتقوليه تهجمات عليها وتجيب شهود واش عندك ابنتي شي شهود ؟

ردت : اه عندي واحد صحبتي راها هيا لي فكاتني نهار تهجمات عليا وناس د عمارة حتا هوما شافو وشاهدين على كلشي..


بعدما تافقو على القضية تكلمات سمية بحدة وقالت : صافي غدا غنمشيو نديكلاريو بيها شكرا اسي جهاد وسمح لينا عذبناك معانا

مشافش فيها بقا ساكت هز عينو ف نريمان وقال : ايمتا غادي تمشيو ديكلاريو ؟

ردت فحيرة : معرفتش

رد بعجالة : غدا وانا غنكون معاك

شافت ف سمية لي غير كتزفر وهبطات راسها تالفة وقالت : صافي واخا

وقف وقال : سي حاج شكرا بزاف خليتكم على خير

رد : جلس اولدي نشربو غا كاس د اتاي هاهوا كيطيب

رد : لا بصحة وراحة انا عندي ميدار
قلب عينو لنريمان وقال : خليك ليك الراحة الله يشافيك

ردت ببتسامة : امين

هبط فالدروج والحاج مرافقو حتا لباب طلع فطوموبيلتو ومشا نيشان الكوميسرية ...

دوزات نهارها فدار مع الحاج حتا لعشية دار ليها الرقية وعطاها الماء لي دوش بيه وماء خاص بيها تشرب منو وتحاول تبقى موضية وتصلي وتكثر من صلاة والصلاة على سيدنا محمد ،،
رجعات فليل مع سمية تجمعو على طبلة د العشاء لي وجداتها نسرين مع لورا معاونين وكملات معاهم سمية جالسة حدا نريمان وشادة دمعة فطرف عينيها مبغاتش اللقمة دوز ليها كتشوف ولادهاا كيضيعو منها وكل واحد غارق فمشكيل .. زادت صدمتها ملي شاف فيها اشرف وقال بالارتباك : الوليدة راا. ..
سكت وهيا مطلعة حاجبها كتسنى شنو غيقول ، ضور عينو جيهت نريمان ورجع شاف ف سمية وقال : الوليدة بعد غدا غنمشي الامارات

خرجات عينيها وقالت بغضب : شنواااا فين غادي !!! شغادير فهاد الامارااات

رد : لقيت خدمة تما . المهم خدمة مزيانة لي غنقاد بيها مستقبلي وغنعتق بيها راسي وو ( شاف ف لورا ) وو غدا غنمشي ندير العقد انا ولورا


سكتات بصدمة معرفات متقوليه غير كتشوف فحين نريمان فرحات وعجبها الحال وقالت : مزيان هادشي الحمد الله فاش غتخدم بعدا ؟ وشنو غتمشي دير وباش !
رد بالارتباك : ايوا جات واحد الفرصة ومبغيتش نضيعها

شاف فسمية لي دايرة يديها على راسها كتشوف فالطبلة وقال بشفايفو بلا صوت ( جهاد )

حلات عينيها وردات عليه بشفايفها ( مالو )

حرك راسو بمعنى من بعد وسكتو كمل كلامو وقال : ماما انا غادي نخلي معاكم لورا منقدرش نديها معايا دابا. غا بيدما نخدم ونجمع شوية د فلوس ونلقى سكنة عاد نديها ولا نرجع انا لهنا ندير شي حاجة

نسرين : ايوا اخويا الله يعاونك

سكتات سمية مهضراتش واشرف مزال كيهضر معاها : هانتي كتشوفي الوليدة هنا ملقيت خدمة غنبقى غا ضايع وشنو الحل ملقيتش اللهم نمشي نعاون راسي وندير شي حاجة

ردت بحزن : اولدي وعاد غتمشي تغرب علياا وشوف شحال باش نشوفك ختك ف اسبانيا نتا فالامارات

رد : كل نهار غنبقى نهضر معاكم ونسول فيكم ماشي غنغبر فمرا ويلا لقيت الفرصة راه نجي نشوفكم وو

وهوا كيهضر شافت نريمان ف لورا لي حابسة الدمعة مسخياش بيه يمشي ويخليها ..
قربات عندها وعنقاتها كتبوس فيها وقالت : اشرف سير الله يعاونك اخويا مزيان خدم ودير مستقبلك معندك مدير هنا غتبقى غا ضايع اللهم دير مستقبلك ولورا هاهيا معانا ونحطوها فعينيناا كون هاني..

بعدما تعشاو وكان حديثهم طويل ..
ناض كل واحد لبلاصتو ينعس اشرف نعس فصالون ولورا نعسات مع نسرين ونريمان فالبيت وسمية فبيتها

تنصص ليل وفجأة ناضت نريمان شادة فقلبها كتنهج بقوة كيبان ليها كلب كحل كبير واقف قدام الباب وجاي جيهتها فمو مدلي اصوات كتيرة ولغات غير مفهومة كيهضرو فوذنها تكمشاات فبلاصتها مخلوعة وبؤبؤ عينيها كيترعد ودموع هابطين من عينيها بغزارة
كتغوت وضرب فراسها وتريش فشعرها كتشوف الكلب جاي غيفرسها هزات قرعة د ماء كانت حداها وضرباتها مع باب ولي كانت حداها كترميها على اساس كترميها على داك الكلب لي كتشوفو هيا. كاع لي فدار ناضو مخلوعين ودخلو عندها ونسرين ولورا لي بايتين معاها تخلعو وخرجو خيفاانين . حولات سمية تشد فيها وهيا تدفعها بالجهد حتا كانت غتجيبها طايحة فالارض لو مكانش شدها اشرف. رجعات سمية باغا تشد فيها هيا واشرف بغاو يربطوها ولكن مقدروش لي قرب حداها كتنتفو وتهبط ليه وجهو بضفارها هبطات جارتهم لي لفوق هيا ولادها كدق عليهم حلات ليهم نسرين ودخلو كيجريو لقاوها كتنهج بقوة وتغوت شادة فشعرها كتريشو بشراسة ..
للحضة سكتات وربعات يديها كتنهج وساكتة كتشوف فالارض. هزات سمية تليفون بالزربة صونات على الحاج لقات تليفونو مطفي وبقات حايرة اش دير نسرين خافت وخرجات تقنتات كترعد اما اشرف واقف حدا الباب وموراه لورا لي كتبكي على نريمان وتحصر على الحال لي هيا فيه..
قربات جوج خطوات واشرف كيجرها تخرج مبغاتش ومشات لعندها بخطوات بطيئة حطات يديها على كتفها وقالت : نر..
قبل متكمل كلمتها ضارت نريمان بالسرعة البرق شنقات عليها بشراسة وزدحاتها مع الارض شداها من عنقها ولورا روح ديالها غتخرج .. والكل تجمع عليها كيفك باغي يبعد نريمان من عليها شافت نسرين فالزليج وغوتات بالجهد ويديها على فمها : دممم اشرف شوف


شاف اشرف الدم لي نازل منها وخرجو عينيه بصدمة حتا تغرغرو عينيه بالدموع

ضربات سمية فخاضها وهيا كتغوت وتولول
وناس كتفك حتا شدوها وهيا كتنهج وتبكي .. هز اشرف لورا وبنت جيران معوناه خرجوها وجارة معاهم هيا ونسرين وقف فشانطي كيشير لطاكسي وحرام واش بغا شي حد يهزها حيت ممنوع عليهم وحالتها خاصها اسعاف .. لي طلب منو يهزها مبغاا جبد تليفون تالف اشمن اسعاف لي غيجيب وايمتا هاد اسعاف غتجي طلع نمرة د جهاد صونا عليه وهوا كينهج ويبكي

فتح الخط جهاد وقال : وي اشرف
رد وهوا كيتنخصص : خويا جهاد عتق اخويا راه لورا غتموت راه ضرباتها نريمان وراها غيبات وقيلة ماتت اخويااا باينة مااتت

جهاد : فينكم دابا فدار ياك

اشرف : هاحنا فشانطي واقفين عتق اخويا الله يسهل عليك
.
قطع جهاد بلااما يزيد معاه حتا هضرة ورجع مشريان وقلب طريق بسرعة حتا وصل عليهم طلعوها بالزربة لور واشرف طلع حداه كيبكي ومخلوع نقطة دم مديزاش فوجهو.
كانت بنت جيران ونسرين موراهم شادين ف لورا لي نفس ديالها مكطلعش.
دخلوها نيشان لمستعجلات .. والبقية بقاو برا

جهاد : كيف طرالها علاش ضرباتها

رد بخنقة : راه هبلات اخويا جهاد مشالها عقل كتهذن شوية وترجع تهيج كانت لورا ونسرين ناعسين معاها وناضت كتغوت وضرب فراسها حتا دخلنا عليها ملي تهذنات مشات لورا تشد فيها وهيا تدفعها حتا جات طايحة فالارض وهيا كضرب فيها اودي ختي مشااات صافي

سكت جهاد مردش عليه بقا حاذر راسو كيسمع غا تنخصيص د اشرف ودعاء لي كيدعي فنفسو

فحين سمية كتغوت وضرب فوجهها وفراسها : اويلي قتلااااتها اويلي قتلات البنت اويلي رزاوني فبنتي . دعيتتتتهم الله حسبيا الله ونعم الوكيل حسبياااا الله فكل ضالم وفكل متعدي رزيتوني فبنتي منسمح ليكم لا فدنيا ولا اخره دعيتكمممممم الله. بنتيييي اخر يامها تقتل اويلي على بنتي قتلاتها اويلي بنتي اخر يامها تولي حمقة وفالحباسات اويلي على حالتي كننن غير مولدش اربي كون غا مدرت لا ولد لااا جوج ومنتكواااش فولادي هاكا...

فحين هيا كتغوت وجارة وبنتها خرا وقفين معاها كيسكتوها نريمان فالبيت لداخل مكمشة كتشوف فداك الدم وتبكي واصوات فوذنها كيضحكو بالجهدد وكلمة "ماتت" كتردد فوذنها متابعة ضربات فوجهها وناضت كتغوت : اويلي على ماتت لاااااا ( بهيستيرية ) متقولهااش متقولوليش ماتت انااا لي قتلتهااا انااا سبابب اناااا اناااا انااا لي قتلتهاا علاش علااش ..

ليل ما هوا ليل ونهار ما هوا نهار هادا حال نريمان لي صبحات ساكتة دموع مزال هابطين ومعقلاش على شنو طرا لبارح من غير تشااش لي قبالت عينيها ..

وقفات طوموبيل حدا سبيطار ودخل جهاد بنضارات ديالو عاقد حجبانو مشا وقف عليهم وقال : خرجوها ؟
رد اشرف بحزن : عاد غيطلعوها لفوق

حرك راسو وقال : وبيبي مزيان ؟

رد : اه الحمد الله وحتا هيا مزيانة كلشي بفضل الله

شافت فجهاد بحزن وعنقو بالجهد وهوا كيتنخصص استغرب جهاد من تصرف لي دار معاه اشرف وبادلو نفس العناق بحرارة وسمية حداهم كتشوف فيه بنص عين هيا ونسرين لي قربات لعند جهاد وقالت : الله يجازيك بالخير وعمرنا نساو خيرك

رد وهوا كيشوف فسمية بنص عين : هانيا مدرت والو ..

اشرف : كنا اليوم كنقولو غنتكااتبو ساعة ..

رد جهاد : شوف بغيتو تكاتبو غتكاتبو حتا هنا فسبيطار سمعتي والحمد الله دابا هيا مزيانة داكشي لي بغينا مهم هادي غيمة وغدوز اوك ؟ تقوة اصااحبي متضعافش ومتنساش غدا عندك طيارة وعلى قبل هاد البنت وداك الولد لي غيتزاد سير تخدم وكون راجل يعولو عليك

حرك اشرف راسو بالايجاب : عمرنا نساا خيرك وقفتك معايا مكرهتش نزيد نبقى معاها حتا تشافى وترجع كيف كانت
جهاد : هانتا بقيتي حداها اشنو الفايدة ؟ شوف عشية تكاتبو ملي تولي هيا شوية وسير جمع حوايجك باش فليل تشد طريق لكازا

اشرف : واخا خاي جهاد الله يجازيك بالخير ويسهل عليك حتا نتا

سمعات سمية حديثهم عاد فهمات البلان بغات ضور تشكر جهاد وتحاول تصلح معاه القضية ولكن لقاتو خرج وطلع فطوموبيلتو ومشا..

بقاو جيران مع نريمان حتا سمعو صونيت فالباب مشات البنت تحل وقالت : نعام اخاي ؟
رد عليها بهدوء : هنا ساكنة نريمان ياك ؟
ردت : اه هنا شكون نتينا
رد : بغيت نشوفها واخا ندخل ؟

ملقات باش ترد عليه وهيا تجي اختها خرا هيا لي مشات مع نسرين وداو لورا لطبيب وشافت جهاد. غير شافتو وهيا تقول : دخل مرحبا هاهيا لداخل..
حرك راسو بالايجاب ودخل وبنت متبعة ليه العين باعجاب. ضربات ريحتو فنيفها مبغات تحيد دخلات وفضول قاتلها شكون هادا ؟ وعلاش جا عندها وشنو بغا .. دخلات موراهم كانت امها مع نريمان .
جلس جهاد قرفصاء حدا نريمان وهيا غير كتبكي وترعد. وقال : نريمان نوضي يلاه معايا

مرداتش عليه وبقات متنخصص
جهاد : لورا مطرا ليها والو الحمد الله نوضي معايا يلاه
فديك اثناء دخلات سمية ونسرين شافوه وبقاو واقفين مقالو حتا كلمة ..

شافت فيه بحزن وقالت : انا غنموت اجهاد غنحماق غنتسطى فعقلي...
شاف فيها بالآسى وقال : هادشي كولو مغيبقاااش غيمة وغدوز تيقي بيا يلاه نوضي يلاه معايا


بصعوبة نوضها وهيا مفحالتها ميتشاف وجهها وكلشي غير كيشوف بحزن ملقاو ليها جهد .. شاف ف نسرين وقال : لبسيها شي لعيبة باش تخرج

شافت فيه سمية بتساؤول وقالت : فين غتمشي !
تنهد وخرج لبرا وسمية موراه وقال : نريمان ضروري تمشي ديكلاري دابا قبل من غدا

ردت : واش من نيتك هاهيا ديكلارات اش غيديرو ليها كاع ؟ كون كانو كيعاقبو شوافات كن راهم تقطعو من بلاد

رد ببرود : انا عارف شنو كندير وهاديك خاصها تعاقب راها دارت جرااائم ماشي غا شوافة وصافي بلاما نعاود ليك اش دارت فوليدات صغاار وفناس كبار .. سيري غا لديك العمارة وسولي وهادوك لي فعمارة ناس جداد يا حسرة اما لي كان ساكن تما كلهم خواو بسبابها. المهم افادة ديال نريمان ضرورية وبقية عليا

حركات راسها بالايجاب وقالت : واخا الله يجازيك بالخير وسمحلنا على هاد التعديبة

مردش عليها شاف نريمان خارجة ومشا لعندها : كيف كتحسي براسك مزيانة ؟
حركات راسها بتعب : كلشي كيضرني مقدراش حتا نوقف

جهاد : مهم دغيا غتمشي وغنرجعك فالبلاصة اوك. غتقوليلهم تهجم لي تهجمات عليك وحتا ناس لي شافو داكشي حتا هوما تعيطي ليهم يشهدو معاك وتقوليلهم كانت كتآديني المهم لي كاين قوليه اوك ..
حركات راسها بالايجاب وخرجات معاه طلعات معاهم فطوموبيلتو حتا سمية ومشات الكوميسرية تزير عليها الحال من جديد وبصعوبة عطاتهم اقوال ديالها وخرجات من تما نفسها مخنوقة داوها نيشان لعند الحاج دار ليها الرقية وخلاوها معاه...

رجع جهاد لعند اشرف قاد معاه مسائل ديال العقد لي دارو فالسبيطار .. خلاه فرحان واخا الحزن غالب عليه ومسؤولية ماشي ساهلة عليه...
تواعدو هوا ولورا ببكاء حااار خلاها كتشهق فبلاصتها وخرج من سبيطار خلا معاها نسرين تبات معاها..
رجع لدار جمع حوايجو وخرج كيبكي وسمية كتبكي معاه بحرقة معنقااه مبغات طلق منو خرج لعند جهاد لي واقف فشارع كيتسناه داه حتا لعند نريمان طلع عندها يتوادع معاها حتا هيا مقدراتش تسكت وتصبر على فراقو وصلو حتا لتران .. جبد جهاد جوا من محفضة صغيرة لي محرف بيها ومدها ليه
اشرف : ديلاش هادي اخاي جهاد

ضور عينيه جهاد فالمحطة وقال : سير يلاه خرج الله يعاونك تران دابا وهوا خرج..


تغرفرو عينين اشرف بالدموع وهوا حاذر راسو كيشوف فداك الجوا مبقاش عارف اش يقول واش يدير...صعيب وصعيييب بزاف فهاد الوقت وفهاد الزمان تلقى لي يعاونك ولي يوقف معاك. بلا مقابل و يفرح قلبك بشي حاجة نتا عمرك متمنيتيها فحياتك. هادي حياة اشرف لي ربي مشد عليه بيبان حتا حل ليه شحال من باب.. معرفش كيفاش يعبر على فرحتو من غير هز راسو شاف فجهاد لي كيشوف ف تليفونو وشد ليه راسو بيديه بجوج باس ليه راسو بقوة ضحك جهاد وشدو عنقو بالجهد
جهاد : وسير اصاحبي طلقنا هه دغيا سير
اشرف : مبقيتش عارف منقولك والله تلفت

رد جهاد ببتسامة : انا بغيت نشوفك غا راجل المقابل دهادشي هوا توريني اش غدير واش غتغير للأحسن ولا غتزيد تكفس...
رد وهوا كيمسح دموعو : هانتا غتشوف عمرني نخيب ضن ديالك فياا والله..

جهاد : يلاه سير الله يوصلك على خير..

خرج اشرف جبد شانطة ديالو وصاكادو ومشا داخل المحطة وهوا كيضور وجهو لعند جهاد .. بغا يضور مرة خرا ملقاهش لقاه مشاا.. تنهد ودخل المحطة كيقطع الورقة..


صباح خرجو لورا رجعوها لدار بعدما خرج ليها طبيب دوا وراحة تامة مدير حتا مجهود...

القضية تهذنات وجهاد رجع لشغلو والامور لي تبعاه و الخدمة ديال الكليان لي كيتاصلو بيه كل مرة وشركات لي كيتعامل معاهم

بعد اسبوع وهوا على تواصل مع نريمان الكلام في حدود . لباس.. كيف بقيتي... الله يشافيك...
كيفضل ميضغطش عليها وميبقاش يسولها بزاف حيت حتا هيا ماشي لخاطرها مرة تجاوبو. ومرة تخليه هكاك متردش...

رجع لتطوان بعدما علموه بلي ربيعة خرجات من سبيطار وشدوها البوليس بتهمة خيانة الزوجية بسباب داك الفيديو .. والغبرة لي لقاو عندها فدار.. زيادة على هادشي شكاية ديال عدد كبير من ناس لي ضيعاتهم فصحتهم بحال نريمان وناس خرين جاو يتشكاو انها اغتصبات ليهم ولادهم بشمع باش دير سحر بداك الدم لي كيخرج من بكرة د بنيتة صغيورة والعديد من شكايات .. حط جهاد فلوس صحيحة ودار معاهم صحبة ولاو هوما كيصونيو عليه ويخبروه باي حاجة كانت ..
عيطو لنريمان ومشا موراها جهاد داهم هيا وسمية وحتا الحاج رافقها لكوميسرية جلسو فكراسا قبالت بعضياتهم ونريمان كترعد بالخوف والحاج حداها كيقرا عليها بخفوت ..
بداو كيسولو ربيعة نكرات الخيانة الزوجية وقالت بلي تعداو عليها ومعرفاتهمش هادوك شكون...
ضحك ظابط بسخرية وقال : داكشي كنشوفوه فخاطرك كيفاش تعداو عليك ؟ واش نتي ضاحكة وعاجبك راسك وكتقولي تعداو عليك وااايلي هههه واش بنا ليك منرضعو فصبعنا ..

ردت وهيا كتنخصص جالسة على جنبها مقدراش تجلس بحال ناس : والله اشاف الا تعداو عليا جاو عندي شي كلبات وخرجوني ودارو فيا ديك الحالة

قطعها وقال : والغبرة لي لقينا عندك فالدار وفماريو ديالك ؟

ردت بصدمة : اويلييي ؟ شكتقول اينا غبرة

هزها قبالت عينيها وقال : هادي ديالمن ؟ عوتاني قولي حتا هيا داروها ليك الناس

ردت : اه والله حتا داروها لياا اويلي اشاف واش انا غندير غبرة وندخلهاا لداري والله حتا ضلموني اشاااف شكون هاد مساخيط لي دارو فيااا هاكا شنو درت ليهم علاش باغيين يغرقوني بحال هاكا..

ضحك جهاد بسخرية وقلب وجهو
تكلم شرطي وقال : شنو بينك وبين هاد السيدة ؟ علاش دايرة فيها هاد الحالة


شافت ف نريمان بنص عين وقالت بنرفزة : شنو غندير ليها مبيني وبينها غا الخير واحسان وزيدوني معندي علاش نآديها

تكلم الحاج وقال : شوفي بنت كتقطع ليل ونهار وهيا مكتعرف حتا شي حد من غيرك . خافي من الله وخافي نهار تلقايه اش غتجاوبيه ملي يسئلك تآدي روح مدارت ليك والو هادشي راه غيرجع عليك سمعتي فكي البنت وعتقيهااا محد هادشي مزال فالبدوو

قلبات وجهها وقالت : انا مدرت ليها والو تمشي تشوف شكون دار ليها هيا لي عندها صحابات كيجيو عندها وكتيق فيهم اما انا مدرت ليها والو وبعيدة عليها


شرطي : دابا كتعقديها غا على رااسك عتارفي وخلي القضية تخفاف عليك

ردت بغضب : وااا والله ما درت ليها شي حاجة مالكم مكتييقوش باش بغيتوني نحلف ليكم . هانا الا لقيتو عندي شي دليل ديرو فيا لي بغيتو هادوك صحباتها لي عندها فصالون هومااا لي كيديرو ليهااا اه ديك فاتي لي كتجي عندك هيا دايرة ليك وحتا ديك دنيا اما انا بعيدة عليك ومعندي باش نآديك ..

دازت مدة وهيا كتحلف ليها وتنكر انها مدارت والو.. خرجو من تما شاف جهاد ف نريمان
وقال : ضروري نشوفو هاد جوج

ردت نريمان بصدمة : اويلي فاتي تكون دارت ليا شي حاجة ؟ لا ميمكنش !! وعلاش دارت ليا هاكا ودنيا ؟؟

شافت فيها سمية بحزن وقالت : الله ياخد الحق دعيتهم الله دعيييتهم الله ياخدو فيهم الحق لي آداوك ليا بنتي

شاف فيها جهاد وقال : هاحنا غنمشيو ديك ساعة نجيبها لدار

سمية : فين غتمشيو ؟ نمشي معاكم
جهاد : معندك فين تمشي معانا سيري بحالك ..
الحاج سمح لينا عفاك

طلع فطوموبيل ونريمان معاه معرفات فين غادي بيها مد ليها تليفونو وقال : صوني على هاد دنيا تمشي لصالون هيا ولوخرا نشوفو هادو اش غيقولو

هزات تليفونها تقلب على نمرة دنيا قيداتها فتليفون جهاد وصونات عليها

شاف فيها جهاد وقال بهمس : قوليلها كاين كليان اجي دابا

حركات راسها بالايجاب وهوا يتحل الخط
- الو شكون معايا

ردت : انا نريمان دنيا سيري لصالون راه كليان واقف فالباب

- اه واخا وكيف بقيتي اختي نتي لباس عليك شوية دابا ؟

ردت بحزن : الحمد الله يلاه سيري دغيا
قطعات ومدات تليفون لجهاد وقفو حدا عمارة ساكتين حتا بانت ليهم دنيا داخلة بعبايتها وصندالة ارضية وشال فوق راسها رامية اطرافو من جهات بجوج.
غير بانت ليهم دخلات وهوما يخرجو من طوموبيل ومشاو دخلو موراها .. لقاوها كيف حلات الباب دفعها جهاد وشدات نريمان باب موراهم
شافت فيهم بخوف وجهها مشا منو الدم وقف جهاد قبالتها وقال بحدة : نتي لي دايرة لنريمان شي حاجة . داك السحور وداك التخربيق ؟

شافت فنريمان بصدمة وقالت وهيا كتحرك راسها بالنفي : اويلييي استغفرالله لااا انا والله ما درت ليها شي حاجة ( شافت فنريمان ) اويلي اختي نريمان انااا غنآديك ؟؟ عمرني آديتك ولا بديتك بشي عيب
مرداتش نريمان حيت اصلا معندها متقول معرفات واش تشك فيها ولا متشكش. جلسات على كرسي كتنهد وخلاتها منها لجهاد

جهاد : دموع تماسيح طلعو لينااا فكرنااا دابا بلا تبرهييش غتهضري من لاخر قبل متشوفي الويل دايز قبالت عينك ..

تهز قلبها وهيا كترجع باللور حتا لسقات فحيط شاف جهاد فنريمان وقال : صوني على لخرا عرفتي كيفاش تهضري معاها باش تجي لهنا.
شدات تليفون ودخلات البيت تصوني على فاتي بطريقة حبية خلاتها تجي واخا عطاتتها اعذار انها مريضة ولدها مريض ليها ومقدراش تحرك من بلاصتها ولكن فلاخر قنعاتها باش تجي. بحجة عندها مشاكيل وباغا تخوي قلبها..
فحين نريمان لداخل فالبيت جهاد مزال كيغوت على دنيا ويهدد فيها خلا البول يهبط مع سروال لي لابسة تحت عباية عياا ميهضر ويهدد وهيا من قوة الخلعة طاحت فالارض كترعد وترجااه ..
حل تليفون وشعل فيديو ديال ربيعة قطع ليه الصوت باش متسمعوش نريمان وقال بصوت منخفض : شوفييي مزيااان هادا كتشوفيه ياك ؟؟ غيدوز عليك ضوبل ديال هادي الا مقتليش اش كاين والله لا رحمتك واخا يطرا لي طرا... يلاه هضري ولا هاد الليلة مغاديش ترجي لداركم ولا غيعاودو يشوفو كمارتك كتشوفي فيديو ياك ؟

طيح ليها الماء فالركابي خلاها مصدومة القلب غيسكت من الخلعة ابشع منضر شافتو فحياتها وهيا كتخايل راسها فداك المنضر .. لا لاااا لاااا ميمكنش
شافت فيه بترجي شادة يديه كتبوسها خرجات نريمان فديك ساعة غير حس بيها وهوا يطفي فيديو بزربة

دنيا : قسما بالله جيب ليا المصحف نحلف ليك نمشي لجامع نحلف ليك والله مدرت ليها شي حاجة والله مأديتها وعمرني فكرت فيها كون درت ليها شي حاجة. والله حتا نستاهل تشنقني ولكن والله مدرت ليها شي حاجة

خلاها كتحلف وترجاه وهيا كتبكي وتمشي لعند نريمان تطلبها وترغبها وتعاود ترجع عتد جهاد لي كيشوف فيها بصرامة صونيت والدقان فالباب مشا جهاد حل ودخلات فاتي هازة ولدها لي وجهو شافت دنيا فديك الحالة سلمات على نريمان وقفات بيناتهم حتا هيا مصدومة وخايفة حاسة بشي حاجة واقعة

وجهها صفر باين عليها المرض وحتا ولدها باين عليه المرض من خلال ملامح وجهها وڭانة لي معندوش غير كيبكي ويهرنن

وقفات نريمان حداها وبدات تسولها وجهاد كيشوف فيهم وفاتي بصدمة كتحرك راسها بلي مدارت حتا حاجة ومعارفة والو وعمرها آدات نريمان ولا حتا فكرات فيها
خرج جهاد عينو فيها فزعها وهيا شادة فكرشها فشلات ورجليها تحشو بصعوبة مشات جلسات على كرسي كتنخصص ولدها كيبكي وقالت


انا والله مدرت ليها شي حاجة وهاد الغبرة لي غبرت فيها انريمان راني قلت ليك والله شاهد الا راني فالمشاكيل ودابا واقفة على طلاق وراني حاملة وهانتي كتشوفي حالتي كيف دايرة ولدي لي مريض ليا.
همي كبير انريمان واش عاد غنفكر نآديك اش درتي ليا كاااع باش نآديك. يلاه معايا نوريك وراق طبيب راه كنت مريضة ونعست فسبيطار ومشاكيل خانقيني . شوفي هانا قدامك لي بغيتي ديريه فيا قتليني قطعيني طروفة كاع انا والله مدرت شي حاجة وكنت بغيت ندير مغاديش تعاودي تشوفيني واصلا علاش غنديرليك علاااااش غا قوليلي علاش. تقتي بيا تبارك الله متقتيش اختي نتي تعرفي وحسبيا الله ونعم الوكيل. الا كنت انا دايرة ليك شي حاجة ربي كيشوف يخرجها ليا فولدي لي هوا ضو د عيني ولا يرزيني فصحتي دنيا هادي ومنعرفو بنادم باش يتبلى وشنو يتصلط عليه وانا كيفما كنت راه كنخاف من الله نقدر نآديك بفمي ولا نضربك كاع ولكن باش نآديك بالسحر الله يستر

حارت نريمان وجهاد كتر منها معرفو واش يتيقوهم ولا يكذبوهم...
خلا فاتي تمشي بحالها كتجر رجليها بزز.. اما دنيا فهددها تهديد خلاها تمشي تكمش فدار وعمرها تفكر تخرج منها نهاااائيا . فحيرة من امرهم جلسو بجوج ونريمان بدا يتزير عليها الحال...
ناض فالحين خرجو من تما وداها لعند الحاج دار ليها الرقية .

دازت يومين وفصباح بعدما كان جهاد صيفط مسج لنريمان غيدوز موراها داكشي لي كان علمات الحاج وخلاها تخرج بعدما دار ليها الرقية.
طلعت حدا جهاد ورجعو مشاو الكوميسرية ف استنطاق جديد مع ربيعة لي مزال كتنكر ولكن هنا كانت صدمة .. قرر جهاد يخرج نريمان برا باش متسمعش اش كاين لداخل خلاوها جالسة تما
ورجع دخل
وهيا مزال كتنكر وتبكي قاطعها الشرطي وقال : حنا عارفينك نتي لي دايرة هادشي دابا غير عتارفي وقولي اش كاين ولا راه داكشي لي داز عليك فالغابة غنضوبلوه ليك حنا هنا فالحبس فداك الفيديو كانو 3 وحنا هنا نجيبو لقحبة مك 8 سمعتي دابا غتقولي لديلمك اش كاين ولا راه غنغرق *** بووك وحدة من جوج وراه مكنضحكش ..
بقا جهاد ساكت غير كيشوف فيها مصغر عينيه وهيا مخلوعة كترجاهم بعينيها

عاود هضر بحدة وقال : معندناااش الوقت ابنت القحبة دوييي قولي شنو كاين شنو درتي ؟؟

بخوف : واخا انا نقولك غير متجيبو ليا حد هالعار اما مزاوكث فيكم

رد بغضب: دوي ل** بوك معندنااش وقت لمقدمااات

سرطات ريقها وقالت : اه انا درت ليها سس سحور ووو... وصافي

رد جهاد بغضب : فين ديراه ليهاااا ؟ شمن بلاصة !! وكيفاش

ردت بالارتباك : راه .. دابا ...

ضرب جهاد فطبلة مخرج عينيه وقال : فف فف فغاابة ولكن مشكيلة مغاديش تلقاوه

رد شرطي بحدة : علاااش ؟؟

ردت بخوف : ححيي حييت درتو ليها فواحد الكلب ومغاديش تلقاوه حيت طلقتو فالغابة معرفت فين يكون.

غزز جهاد سنانو ومحس براسو حتا جمعها معاها بتسرفيقة حتا داخت وجات فالارض
جهاد : تفوووووو على امثالكم ابنت *** سيري الله ينعل **** ولكن والله منخليوهااااا فجد *** بوك غاا بلاتي ضوبل يجيك وفالحبس

شدو شرطي كيهدن فيه وجهاد قلب وجهو كينهج رجعات جلسات ربيعة كتنخصص. كمل شرطي كلامو وقال : شمن بلاصة وكيف داير هاد الكلب وايمتا هادشي درتي ؟

قاطعو جهاد وقال : وشنو شربتييها ؟ داك الفقيه قال شاربة شي حاجة نتي لي عطيتيههاا تشربو ياااك شكون لي عطاه ليها دويي ؟؟

شافت فجهاد بخوف وكشاكشو خارجين وقالت: اناا لي عطيتو لواحد البنت كتعلم عندها دارتو ليها فف كاس د عصير

رد : وهيا فين كاااانت؟

ربيعة : ككك كانت كتعلم البنات وحاطة كاس دعصير فبيت ومشات البنت دخلات لبيت وخواتو ليها فيه صافي هادشي لي كاين والله

شد جهاد عينيه كيحاول يتمالك اعصابو وقال : ونوضي وريناا هاد الكلب فين حطيتيه ابنت الكلاااااب نوضي


خرج جهاد هوا اول شد فنريمان لي يديها جامدين بالبرد كترعد ودموع هابطين من عينيها غير كتشوف وساكتة محساش براسها فين هيا .. ومعامن وشكون حداها .. حاسة براسها فالسمااا مكينااش فهاد الارض.. كتشوف قبالت عينيها كلاب مفترسيين جاايين هيهتها شدات فجهاد بقوة وتخشاات فيه كتغوت : غيقتلوووني اعععععععغ هااااهوماااا جااييين عتقني..

شافها كتبكي بهيستيرية وشد فيها معنقها كيسكت فيها شدات دراعو بقوة حتا غرسات دفارها فيه حس بالوجع شافها كتنهج والحالة رجعات ليها خرجات ربيعة بالمينوط خرجوها طلعوها فسطافيت تلفت جهاد لعند مفتش وقال : انا غنديها لدار ضروري ونتبعكم

حرك راسو وهوا كيشوف ف نريمان بالآسى وخرج طلعو فسطافيت ومشاو .. اما جهاد خرجها بزز وهيا كدفع فيه وتغوت وناس كيشوفو فيهم حساب ليهم دباز واقع باغيين يتفرجو. طلعها فالطوموبيل وشد عليها وهيا كضرب فالباب باغا تخرج. طلع حداها بغات تقمشو وهوا يشد ليها يديها غلبات عليه وهوا كيسوك حتا كان غيدخل فواحد طوموبيل شدها من يديها لوها ليها حتا توجعاات وغوت عليها بالجهد : ترصااااااي يللاااه
خرج عينيه فيها وهيا كتبكي وساكتة ماشي لخاطرها وحتا داكشي لي فيها تهدن.. وصلها لعند الحاج بسرعة دار ليها الرقية خلاها ناعسة وعيطو لسمية تجي لعندها.
وخرج جهاد هوا والحاج دازو على جوج فقهاء اخرين على ود يبطلو داك السحر وانطلق جهاد وهوا على اتصال بالمفتش .. بعد ساعة ونصف وصلو ودخلو لداك الغابة لي كتخلع بالنهار قبل الليل كان الجو بارد وفصل الربيع وشتاء مرة مرة كطيح خلات الأرض كتزلق فازكة .. تنهد جهاد كيشوف والبوليس واقفين وفقهااء حتا هوما منين غيبداو يقلبو وفين غيكون !!

جهاد : بصرامة : فين حطيتي داك الكلب ؟

ردت بخوف : حطيتو فين وريتكم قبيلة فالدخلة د الغابة ..

زفر من مناخرو ودوز المكالمة ل ايوب : فينك ؟
رد : هاحنا قرابين نوصلو
جهاد : يلاه دغيا معندنااش الوقت.
قطع وبقا كيشوف فداك الغابة رجعو ربيعة لطوموبيل ومعاها بوليسي واقف حاضيها من برا . والبقية كيقلبو بين الشجر زلق واحد فدوك البوليس ورجع جمع النوضة .. ضار جهاد لطوموبيل ومشا لعند ربيعة سولها : هادشي ايمتا درتيه شحال المدة ؟؟

ردت بنرفزة : ومانعرف مبقيتش عاقلة
خرج عينيه فيها بسراشة وقال بصوت خافت : خاصك تعقلي وتعقلي مزيان كيبان لياا دوك 3 مداروش خدمتهم مزياان ولكن معليش نعاودوها ليك هاد الليلة وهاانااا علمتك توجدي كرك

ضحك بسخرية وخلاها ومشا اما هيا بقات مصدومة فيها والخوف متالكها ..
بغات تخرج ولكن مخلاهاش البوليسي ورجعها شد عليها

خلا جهاد البقية غاديين من اتجاه ومشا هوا فالاتجاه المعاكس مع الحاج كيقلبو التاحق بيهم ايوب ومعاه جوج دراري.. عيط ليهم جهاد باش يقلبو معاه .. تفرقو كل واحد فين مشاا دازت 3 سوايع وهوما كيقلبو .. اما ربيعة رجعوها لكوميسرية حتا يقدموها لوكيل الملك..
تسخسخ جهاد ولي معاه بالتقلاب حتا طاح الليل كيسمعو غا الصوت البومة كيزوي خرجو من تما وكل واحد طلع فطوموبيلتو بخيبة امل ..
بقا جهاد ساكت شاد عينيه مكرهتش يرجع يقلب فداك الليل ..

تنهد الحاج لي جالس قدامو وقال : مشكيلة الا ملقيناهش راه غيموت وحتا هاد السيدة غتم...

سكت وقال : لا حول ولا قوة الا بالله موصيبة
مردش عليه جهاد وبقا ساكت والحاج كيهضر حداه : خاصو يتبطل ياربي اعيناا بقدرتك ورشدنا ليه

دازت ليلة كحلة عند جهاد بتخمام وفين غيلقااوه ..
بعدما وصل الحاج كان باغي يطلع يشوفها ويجلس معاها ولكن مقدرش ورجع قلب الضورة كيحس براسو عاجز ومغاديش يقدر يساعدها ويخرجها من هاد الحال لي هيا فيه..

صبح نهار جديد قبل مدخل عند وكيل الملك لقات جهاد واقف ليها فالباب بحال ملك الموت . شاف فيها بصرامة وهيا بخوف وقال : البنت لي عطيتيها دير ليها داكشي فالعصير شنو سميتها وفين كتسكن ؟

ردت بتوتر : سميتها اميمة ومعرفاش فين كتسكن المهم كانت كتطلع لعندي هيا وصحبتها وقلت ليها دير ليها ودارت مكنعرف عليها والو

رد بصرامة : والمقابل ؟ شنو عطيتيها ؟؟
ردت بتوتر : ندير ليها داك شي لي بغات

بعصبية : شنوووو ديري ليها ؟

ردت بالارتباك : ندير ليها داكشي لصاحبها باش يولي يبغيها تيتزوج بيها

جمع دفلة فمو رماها ليها فوسط وجهها وقال : الله ينعل تريكتكم ارباعة دالقحاب خلاها وخرج كيزفر..

طلع فطوموبيل وهوا كيدوز نمرة لنريمان ردت عليه بتعب بزز باش كتخرج الهضرة : الو

استغرب من طريقتها فالهضرة وقال : ياك لباس مال صوتك

ردت بحزن : كن موو. ت اج هاد غنم ووت ..

سكت كيتحصر على حالها محسش براسو حتا تجمعات ليها دمعة فالعين هز يديه كيعصر عينيه ساكت كيسمعها كتخرج حروف متقطعة .
جمع نفس وخرجها وقال : كندير فوق جهدي انريمان عفاك متضعافيش واخا عارف ماشي بيدك مكرهتش كوو... كون. بفف المهم واحد. البنت كتعلم عندك سميتها اميمة راه هيا لي دارت ليك داك شي لي شربتي

ردت بصوت تقيل : شك ون هادي !
رد : وانت لي خاصك تعرفي شكون هاد اميمة وفين كتسكن قالت ليا ديك شوافة راه كانت كطلع لعندها ...
تسنى الرد ديالها مرداتش والخط مزال مفتوح ورد بخوف : نريمااان ؟؟؟ الوو كتسمعيني !! نريمان !! حبيبة كتسمعينييي عفااااك جوبيني نريماااااااااااااااااااان


هوا براسو حس بنفسيتو مرضات مبقاش عارف شنو يدير تلف ومبقى ليه حتا شي آمل .. كيشوفها كضيع بين يديه ومعندو جهد. وجهد لا جهد الله سبحانه وتعالى،،

واقف فالصالة فدار الحاج متكي بنصنو على رخامة لي فجنب الصالون . والحاج ومعاه فقيه اخر كيقراو ويرشو عليها وجه مذبال شااااحب تكمش وعينين دخلو فيها يديها رقاقو بقاو كيبانو فيهم غا العضومة حلات عينيها بصعوبة وهيا كتبكي بهيستيرية باغا تشد وذنيها مقدراش تسمع لقرااءتهم شافها جهاد فديك الحالة وسمية ولورا ونسرين واقفين كيبكيو عليها وحتا اشرف لي علماتو لورا بكلشي بغا يرجع لعند ختو يشوفها كيهضر معاهم فالتليفون ويبكي بحرقة...

جهاد صاف هز يديه .. كيشوف مبقى ليه ميدير .. قلبو مشاا وجاا هادي هيا نهاية واحد بنت ملكات قلبو ؟ واش صاف هنا تسالات قصتهم !! صاف مبقاش داك آمل يرجعو صاف البنت لي بغاها ضاعت من يديه .. شد عينيه بحرقة ودموع هابطين من عينيه وقال ....
" لاحول ولا قوة الا الله "

قلب عينيه كيشوف فيها كتنهج حالة فمها بحال شي حد كيموت .. مقدرش يشوف داك المنضر وقلب وجهو خرج بالزربة
طلع فطوموبيل وحاس بحال الخنجر تغلغل فقلبو اتصل ب ايوب وطلب منو يجيب مجموعة ديال دراري صحابو ومشاو فديك العشية لغابة كيقلبو من جديد جميع الاماكن وشتاء كتنقط والبرد قاااصح والارض كلها كتزلق . ما مرة ما جوج زلقات رجل جهاد حتا كان غيتهرس. ورجع جمع القوة ديالو. وناض داير جوج د عصات فيدو كيمشي فيهم ويكالي بيهم داك الغيس.. وصلو لواحد البلاصة ودخلو كيقلبو تما وسرعان ما هبط جهاد عينو لقا ديك البلاصة كتسرط ونص فرجلو داخلة تما غوت بالجهد باش يرجعو يخرجو فك رجليها بالزربة وخرج حتا هوا حالتو حالة سروالو كولو عامر غيس سبرديلة حتا هيا عمرات بالفزكاات مبقاش قادر يزيد بيها من قوة التقل.. دازت ليلة مكفسة وهوا شاعلين تليفونات ومزالين كيضورو كاين بعض دراري خافو وبغاو يمشيو بحالهم وبقا غا جهاد معاه ايوب ودري اخور حتا هوما براسهم خافو.. شافهم جهاد كيترعدو الغابة كتخلع وعاد زيد شتاء وعاد زيد اصوات حشرات والبومة لي كيتسمع تزعزع ليهم القلب ومشاو بحالهم ..
دخل جهاد الاوطيل فحالة ما هيا حالة طلع لبيتو دوش وبدل حوايجو وبقا جالس ساكت مباغي لا ياكل ولا يشرب ولا يهضر .
صباح يوم جديد وصبح مشمس. اول حاجة اتصل بحاج يسول على احوال نريمان ملقى باش يجاوبو من غير : الحمد الله على كل حال.
مع سمع جهاد هاد الكلمة قطع كيتحصر على هاد الحال...
مفطرش وخرج نيشان طلع فطوموبيلتو بغا يتاصل ب ايوب ولكن ملي تفكر ليلة د بارح وخوف لي شاف فعينيه رجع حط تليفون كيخمم. واتصل ب احد معارف ديالو لي ساكنين تما فتطوان وطلب منو يقلب معاه ..ولأخير مرفضش الطلب ديالو وجاب معاه خوتو جوج دراري واحد صاحبهم كان عدد ديالهم 4. وجهاد خامس. داز عليهم فالطريق ومشاو لغابة كيقلبو من جديد..
بعد 2 ساعات ونصف سمع جهاد واحد من دوك الشباب كيعيط ليهم ومشاو لعندو تفاجؤو ملي شافو قطط ميتيين فمهم مخيط ومشمعيين غا العضومة باينين . وفجهة خرا فكرون حتا هوا ميت وفمو صغير مخيط بطريقة بشعة .

غزز جهاد سنانو وتنهد ورجعو كملو تقلاب .. وقف جهاد حدا شجرة النبق وسمع انين تقييل هنا تصدم ملي شاف قط اخر فمو مخيط وناعس فحالة ماهيا حالة... بغا يهزو ورجع جمع يدو بسرعة عيط لواحد من دوك الدراري يجي يوقف حداه. ومشا كيقلب على ريزو يصوني على الحاج.. علمو بشنو كاين وطلب منو يجي يبطل داكشي لي فم القط. وهوا راجع لعند دراري سمع انين اخرا فحفرة قدام الشجرة مشا كيجري
وتما لقى كلب كحل مخيط ليه فمو وكيلفض انفاسو الاخيرة

خرجو عينييه بصدمة ورجع اتصل بالحاج مشدش ليه الريزو عياا يحاول كانو دراري لوخرين بعدد عليه بزاف واخا كون بغا يعيط ليهم مكانوش غادي يسمعوه . بقا كيشوف فداك الكلب لي مزدح فالارض مقادرش يتحرك نفسو بصعوبة كطلع وتهبط وعينيه مشدودين كانت هاديك لحضتو الاخيرة...

بقا حاير باغي يمشي يعيط لدراري وخاف عنداك ينوض ويمشي ليهم وفنفس الوقت بغا شي حد يكون معاه.. هوا بنفسو حس بتبوريشة لأول مرة وخوف حاول يشجع راسو ولكن كيحس براسو كيضعااف.
بعد عليه شوية بقا عاطيه العين من بعيد وفنفسو كيقرا شوية دالقرآن من داكشي لي حافض.

شافو متحركش وبقا كيفما هوا وتلفت مشاا لعند دوك دراري علمهم بلي كاين وطلعو معاه جوج.
وجوج خرين بقاو لتحت. حتا جا الحاج ومعاه دوك جوج فقهاااء


طلب الحاج من جهاد ودراري لي معاه يبعدو ..
وداكشي لي كان بعدو عليهم
وخلاوهم كيقراو وكيقطعو الخيط لي مخيط بيه داك الكلب منضر كيهيج الانسان وكيخلي الجسم ديالك كولو منمل وقدما كنتي قريب قدما تقدر تآدى..

جبدو من فم الكلب صورة ديال نريمان كاتبين فيها الموت . الم . حزن بكاء بكااء . مرض قهر ...
ورقة بيضاء فيها جدول مكتوب بطريقة ميفهمهاش انسان العادي لي معارف فهادشي والو وداكشي كشدود بقفل وريحتو كريهة.. جبدو داك الشي وبداو كيقراو ويبطلوه حتا كملو ودازو لداك القط حتا هوا حلو ليه فمو ولقاو فيه صورة د بنت اخرا جميلة وضاحكة .. بطلو داكشي وجهاد واقف مصدوم تنهد تنهيدة عميقة ضرو خاطرو على هادشي لي كيشوف وناس لي كيمشيو ضحية اشخاص معندهمش فقلبهم الرحمة شاف جهاد داك الكلب وقف على رجليه وفنفس الوقت مقادرش يتحرك رجليه محشوشين اما داك القط فالبلاصة مات.. جابو لداك الكلب يشرب يلاه حط فمو مشربش كاع و رجع نعس فالارض كينهج بقا جهاد كيتحصر عليه وقال : الحاج شنو نديرو ليه نشوفليه شي طبيب بيطري..
رد بالآسى : لا راه كيموت صافي انما الامر لله لا حول ولا قوة الا بالله..


رجعو بعد محنة كبيرة دخل جهاد الاوطيل ونيشان ترمى على فراش باغي غا يغمض عينيه لي مبقااوش كيشوفو نعاس...

اما نريمان فخدات حصة جديدة من رقية حاولو يوكلوها ويشربوها وبزز باش شربات ليهم الما ورجعات نعسات ..

دازت 3 ايام كان رجع فيها جهاد لرباط يشوف شغلو ويكمل الخدمو لي عليه .. يوميا كيحاول يتاصل بنريمان وكيلقى تليفونها مطفي. وكيرجع يتاصل بالحاج باش يعرف اخبارها ويطمئن عليها...

رجعات نريمان لدارهم واخا مزال المرض ومزال العياء . كتحس براسها بحالا كلااات قتلة دالعصى او بحال شي حد دار كسيدة وبقا الجسم ديالو كيضرو ..
لورا ونسرين بجوج بيهم مقابلينها ليل ونهار من ماكلتها لشرابها لباسها . اما سمية من خدمة لدار تشوف بنتها وتجلس قدامها وتبات حداها معنقاها..

كان القرآن مكيتطفاش من دار ليل ونهار ونريمان ديما موضية كيف وصاها الحاج. الصلاة وقرأة القرآن .
حسات براسها بدات كترتاح ومبقاش كيبان ليها داك الكلب لي كان كيطاردها ف احلامها وكتشوفو قبالت عينيها مبقاوش كيجيوها كوابيس رجعات كتحس براسها مفيها والو من غير جسم ديالها مهلووك ..

طلبات من لورا دير ليها تليفون يتشارجا وبعد نصف ساعة رجعات طلبات منها تمدو ليها ..
عاد شعلاتو وصلوها مكالمات د جهاد ومسجات ديالو.

تغرغرو عينيها بالدروع وهزات راسها بغات تكتب ليه مسج وسرعان ما مسحاتو واتصلات بيه باش تسمع صوتو..
كان خدام على موديل جديد هوا ورفقاء لي معاه .. شاف تليفون كيصوني فوق الكونطوار ومشا هزو غير شاف اسمها وتلفت عند دراري وقال : هانا جاي..

خلاهم كيفصلو وخرج برا رد بصوت حنون : نريماااان كيف بقيتي

ردت بتعب : الحمد الله وانت لباس عليك ..

جهاد : ملي وليتي بخير حتا انا بخير . الحمد الله فسلامتك

ابتسمات بتعب وقالت : عمرني نسا خيرك .. وقفتي معايا بزاف ومع خويا ، معمرني كنت كن.... ( تنهدات ) جهاد شكرا بزاف واخا ندير لي درت منقدرش نرد ليك هادشي لي درتي على قبلي الله يجازيك بالخير

سكت للحضة وقال : درت غير لي واجب عليا نديرو ، ويلا كان فاش نزيد نعاونك ولا بغيتي شي حاجة. خرا معنديش مشكيل

نريمان : لهلا يخطيك سمحلي عفااك حيت عذبتك ومحنتك معايا راه الحاج قالي كلشي وحتا هوا دخلتي ليه لخاطرو

سكت ومردش وقالت : بسلامة اجهاد الله يعاونك ومرة خرا سمح ليا عفااك

جهاد : هانية تهلاي فراسك وحضي راسك . ومتيقي فحد يلاه رتاحي

نريمان : واخا بسلامة

قطعات وحطات تليفون على صدرها كتخمم تشد عينيها وترجع تحلهم حتا داها نعاس


بعد اسبوع ...

فبيتها لي كتنعس فيه دخلو ليها بانيو كبير د تصبين والماء د الرقية مبغات يدخل معاها حد. شدات عليها الماء وحيدات حوايجها لحمها كولها حمراا وزرقة بحالا نيت واكلة. قتلة دالعصى غسلات وناضت بدلات حوايجها .. وخرجات ليها نسرين وسمية داك البانيو طلعوه لسطح سقاو بيه الغرس لي تماا...

واخيرا جلسات معاهم على طبلة دالغدا وسمية كتزيد ليها الماكلة وتوكلها بيديها بحالا بنتها كانت مسافرة فالخارج وعاد جات. بالسيف مدير ليها هاكا. حرقة الولاد راه متحس بيها غا لي حملات ولدات وربات وكبراات.. هاكا سمية مع نريمان توكلها بيديها وتزيد ليها لحداها وتكب ليها مونادا ..
كملو وناضت نسرين تخمل ولورا معاوناها وسمية غير ساكتة كتسنى نريمان شنو غتقول وشنو غدير مور هاد المحنة لي دوزو.. ولكن نريمان مقالت والو وبقات غا ساكتة..
هزات تليفون ولقات فيه المسج يومي لي كيجيها ديما من عند جهاد كيف بقيتي واش شوية ؟ كيف كتحسي براسك ؟ ..

ردت عليه وبقات متكية حداهم وهوما كيتفرجو ،، تهذنات الاوضاع ورجعات امور كيف كانت

داز اسبوع اخر واتصل بيها جهاد كان موالف يصيفط غير مسج ولكن بعد 3 ايام وهوا غابر اتصل بيها يسمع صوتها دخلات البيت وشدات عليها وردت بشوف : جهااااد
ابتاسم وقال : نيرو الغزالة كيف بقااات ؟
ردت ببتسامة : انا بخير وانت

جهاد : كنسمع هاد الصوت كنولي بخير . انا لقيتيني فطنجة عندي خدمة راني غير حداك هادا اول نهار

تفكرات اعلان لي كان حاط شحال هادي على فورمسيون لي غيدير فواحد المدرسة ديال تصميم الازياء ... وقالت : ااااه مزيان واخا الله يعاونك ..مم ( بتردد ) مغ مغتجييش لتطوان ؟
رد : بغيتيني نجي ؟

ردت بخجل : اه مرحبا بيك

جهاد : لا نتي واش بغيتيني نجي !!

حكات وذنها بخجل وسكتات كضحك مرداتش عليه وقال : دابا نجي فهاد دو جوغ
نريمان : واخا ان شاء الله مرحبا بيك يلاه بسلامة عليك
جهاد : اوك بسلامة ..

رجعات خرجات لصالة جلسات حدا لورا ونسرين لي كينقبو فالزريعة ونهار كانل ومول العمارة كيصوني على نريمان تخلصو فشهراين د الكرا لي تعطلات ليه بيها .. تنهدات بحزن ملقات باش ترد عليه من غير طلبو يصبر معاها شوية وتخلصو فمرا...

قررت ترجع الخدمة وترجع لتعليم وهادشي بعدما قالتو لسمية ملي رجعات من خدمة مبغاتهاش ترجع لداك الصالون وتبدل البلاصة ولكن نريمان متقدرش حيت غتخسر كاع كليان وبنات لي كيتعلمو ..

صباح جديد لبسات حوايجها وجدات راسها واخفات التعب والمرض بقليل من مكياج وخرجات بمرافقة نسرين ولورا لي مشاو معاها..

لقات الصالون عامر بالغبرة والوسخ .. جبدو المنضفات والمعطرات وبداو كيسيقو ويحكو ولورا غير كتمسح ليهم مرايات وتقادد مخاد. علمات نريمان بنات فجروب د واتساب لي دايرة ليهم يرجعو يتعلمو وراها حلات... فديك العشية جاو بنات قلال دوزات معاهم الحصة ديال التعليم حتا وصلات الساعة ورجعو لدار. بعدما تعشات ودخلات بحالها اتصل بيها جهاد وبدات تعاود ليه بلي رجعات لصالون زفر من مناخرو بعصبية وقال : واش تسطيتي ولا مالك. وهاديك لي كبات ليك داكشي فالكاس د عصير جات حتا هيا ولا لا ؟
ردت : لا اجهاد مجااتش وكون جات كونت غنجري عليها ولقيتها مبلوكياني

رد بغضب : واش عارفة فين ساكنة بعدا ؟
ردت : لا ولكن عندي فوطوكوبي د لاكارط ديالها فيه عنوان دارهم

رد : مزياااان خليه عندك انا غدا غنجي لتطوان . ونشربها مسكينة حتا هيا من واحد العصير تبرد بيه
نريمان : بتساؤول ) شنو اجهاد مفهمتش ؟ شنو غدير قولي عفااك !

رد : انا عارف شغندير يلاه تهلاي فراسك غدا ونشوفك. انا لقيتيني كنسوڭ غادي لدار

نريمان : واخا تصبح على خير

جهاد : وحتا نتي احبيبة

خرجات عينيها بفرحة وقالت : هااااااااااااااا !


تحلو عينيها من شدة الفرحة وابتسامة من اعمااق خارجة عينيها كيلمعوو..

قطعات وحطات تليفون وهيا كتردد فوذنها كلمة حبيبة .. حطات راسها على مخدة جنب لورا لي غارقة فنعاسها ،، كتفكر فنهار د غدا ملي غيجي وتشوفو. حتا داها نعاس ..

صبح الحال خدات فيه نريمان دوش ومشات لعند الحاج ولورا معاها.. دارت الرقية ديالها وعطاها قرعة دالماء ترش بيها قناة ديال الصالون والعتبة دالباب .. خدات طاكسي ومشاو لصالون اخيرا حلات بابها من جديد بعد مدة طويلة وهوا مسدود فوات سراجم وبالكون دخل شميسة دارت رجل على رجل شادة تليفون فيديها كتحط منشورات فالجروبات لي بغا يزيد يتسجل فالتعليم .. اولا لي بغا يجي يصاوب عندها حطات ليهم بعض الصور ديال خدمتها ولورا حداها كتسقي المحيبقات الصغار لي شرات نريمان وجابت معاها حطات جوج حدا باب صالون وجوج فالشرجم...

دخلات كليانة كتسول رحبات بيها نريمان ولبات ليها طلبها خدمات ليها شعرها ورجعات جلسات كتسنى لعلى وعسى يجي شي حد اخر لي تخدم ليه . هازة الهم ديال الكرا لي مزال متخلص والماء والضو لي باقي كيتسال .
شافت ف لورا لي جالسة وساكتة شادة تليفون فيديها وقالت : اجي ا لورا فين تعرفتي على اشرف وكيف طرا ليكم حتا بغيتو لعضياتكم

ردت عليها ببتسامة : كنت فالبحر مع عائلتي وطلاقيتو تما مع صحابو وو.. بغاا نمرتي وبقينا كنهضرو ونطلقاو

حركات راسها بالايجاب وقالت بالارتباك وهيا كتحك وذنيها : وو ..
كيفاش حتا طراا حملتي مم.. بغيت نقول زعمة ااا وو..وا. واش كنتو كطلقاو ديما ! واش جابك شي نهار لعندنا لدار

ردت بخجل كتشوف فالأرض : كنا كنطلاقاو بزاف .وو قالي غيسافر هوا وصحابو يخيمو وقالي واش نبغي نمشي معاهم . و قلتها لماما قلتلها غنمشي مع صحبتي وبغاو هيا وبابا ومشيت انا معاهم
نريمان : ايوا !
شافت فنريمان وعينيها كيلمعو وقالت : وداز داك النهار وملي رجعو لل ..احم .. ملي رجعنا الاوطيل ااا ديك ليلة بت معاه وو بقينا كنعسو مع بعضياتنا

سكتات نريمان للحضة وقالت : واش كتبغيه نتي ولا غير حي..

قطعاتها بلهفة : اناا كنبغيه بزاف وعلى قبلو خليت عائلتي وجيت لعندو انا مبغاش نرجع لدارنا وبغيت ديما نبقى معاه ماشي مشكيل انا نصبر حتا نولد وديك ساعة نعاونو واخا مكنعرف ندير والو مهم نخدم فاش مكان وو نبقى معاه

حلات نريمان فمها وهيا كتشوف عينين لورا كيلمو والدموع دايزين فيهم الحب باين فعينيها

نريمان : واخا وهوا كيبغيك ؟ متأكدة منو

حركات راسها بالايجاب : اه وهادشي لي مخليني كنزيد نبغيه وحيت عمرو فكر يسمح فيا ويخليني

هزات نريمان يديها دوزاتها على ضهرها وعنقاتها

نريمان : الحبيبة ديالي الله يسهل عليكم اصلا مكاانش يلقى حسن منك
مسحات دموعها وقال : انا بغيت نبقى معاكم ورتاحيت وانا وسط منكم
باست ليها نريمان راسها لي محطوط على صدرها كدوز يديها برفق على ضهرها..

الحركة ميتة وعياو جالسين هيا ولورا حتا جاهم الجوع . خلات لورا جالسة فالصالون وخرجات هيا خدات جوج سندويتشات تغداو بيهم.
فديك الاثناء رن تليفونها هزاتو لقات نمرتو حلات الخط وقلبها كيخفق وقالت : وي جهاد ... لباس وانت ؟؟.... اه انا فالصالون .......وانت ؟ ...واخا صافي ..
قطعات وفديك الاثناء كانو بنات د تعليم داخلين كلهم جاو عند نريمان يسلمو عليهم ويطمنو على حالها واخا معارفينش سبب غبورها ..
عيطات لوحدة من بنات لي عندها. عطاتها فوطوكوبي د لاكارت د اميمة وقالت : هاهيا كتسكن قريبة هاد الحانوت لي مورانا داك الخزين كبير عرفتيه ؟؟

ردت : اه عرفو عليه كندوز

نريمان : اه وتما هاهوا عنوان دارهم سولي ناس ينعتو ليك. حتا توصلي لدارها وقولي ليها راه اليوم غتجي واحد اللجنة تسجل بنات لي غيكملو تعليم برا المغرب و ضروري تكون هناا

حلات البنت عينيها وقالت : بصحح اختي نريمان ؟ واش اليوم غتجي هاد اللجنة..

ردت نريمان بجدية : دابا سيري وقوليها ليها ورجعي دغياا وضروري جيبيها فيديك راه هادي هيا الفرصة ليك وليها...

مشات البنت كطير اما نريمان جبدات تليفونها لي كيصوني حلات الخط : وي جهاد
رد : درتي لي قلت ليك ؟
نريمان : ا ه درتو وراه بنت مشات ولكن موحال واقيلة متجييش..
جهاد : ايوا نشوفو واش تجي ولا لا .. يلاه انا لقيتيني فدخلة تطوان شوية ونكون عندك ..

ردت ببتسامة: واخا الله يجيبك على خير
رد بتنهيدة : امين احبيبة نجيبلك معايا شي حاجة ؟
ردت بخجل : اجي غير نتا بخير وصافي مبغيت والو..


جهاد : يااك واخا الالة لهلا يخطيك

ردت بخجل : يلاه بسلامة اجهاد انا غنقطع انمشي نشوف بنات..

قطعات وشدات بيتها لقات لورا جالسة فوق كرسي كتشوف فالبنات والضحك ما هوما عارفين اسبانية يهضرو معاها ما هيا كتعرف العربية تهضر معاهم...

دخلات وبدات مع البنات الحصة

رجعت ديك البنت كتنهج : ختي نريمان

ضورات نريمان عينيها شداتها من يديها خرجاتها برا وقالت : فين هيا ؟
ردت : مبغاتش تجي وقالتلي معندي منعمل بشي خارج ومعندي منعمل بشي تعلام مبقاتش غترجع لهنا

حركات نريمان راسها بالايجاب : هادشي كان متوقع عرفتها مغتجيش

ردت البنت : وفقاش غتجي اللجنة ؟

ردت بانفعال : شمن لجنة ؟؟ دخل تشوف شغلك

مشات البيت هزات تليفون صونات على جهاد ؛ وي نيرو

ردت : جهاد راه مبغاتش ديك البنت تجي قالت مبقاتش باغا تعلم

جهاد : اوك صيفطيلي عنوان ديالها

نريمان : وصافي غا خليها اجهاد ضبر راسها بينها وبين مولاها هوا ياخد فيها الحق

رد بحدة : صيفي انريمان انا كنتسناك صيفطي دابا

قطع وصورات ليه فوطوكوبي .. ورجعات لعند بنات تكمل معاهم خلاتهم كل وحدة شادة بنت كتصاوب ليها كل مرة يتناوبو شي يصاوب لشي..
ربعات نريمان يديها كتشوف فيهم وتصحح ليهم.

مشات وقفات حدا شرجم ولورا حداها وصلها مسج : حبيبة فينك..
ردت ببتسامة : انا غير فالصالون مع البنات وانت ؟
رد بهدوء : حتا انا فالصالون خرجي اجي ولا ندخل لعندك ؟

خرجو عينيها ويدها على فمها شافت فلورا وقالت : بقاي هنااا متخرجيش
حركات راسها
اما نريمان قدات راسها قدام المرايا وخرجاات وخدودها حومر لقات صالون خاوي وشافت باب د لبيت مشدود مشات حلاتو ويديها كيترعدو كيف حلات الباب هزات عينيها مع مرايا لي قبالتها هز فيها عينيه ببتسامة جالس متكي على كرسي طالق رجل وطاوي رجل فوق منها

دخلات وهوا ينوض تلفت لعندها وهيا كتشد الباب وقفات حداه كتشوف فيه بلهفة وشوق ..
عينيه معسلين فيها قرب لعندها كتر وحاوطها بيديه بتعنيقة كبيرة طلع فيها صدرها وهبط بفرحة وحتا هيا بدلاتو نفس العناق هز عينو فيها ويديه محاوطة خصرها وقال : توحشت الزين ديالي

هبطات راسها بخجل كتشوف ف التريكو الاسود لي طالع بالعنق وفوق منو كوير مع سروال اسود. لابس الاسود فالاسود وحتا صباطو اسود شعرو وحروفو .. مقدراتش تركز فعينيه وتطفي نار الشوق لي كيغلي فقلبها..

شاف فيها مطولا ببتسامة وقال : كيف بقيتي ! كيف كتحسي براسك دابا !!

ردت وهيا على نفس الوضعية يديها على صدرو ويديه محاوطة خصرها وقالت : انا بخير دابا الحمد الله

رد : هادشي لي بغيت وعاد رتاحيت حتا انا ملي رجعتي بخير .

ردت وهيا كتشوف فيه : واش مشيتي لعند ديك اميمة ؟

هز حاجبو وقال : علاش غنمشي عندها انا !!

نريمان : حيت قلتيلي بغيتي عنوانها قلت وقيلة غتمشي تهضر مع واليديها تبراا منها ول...

قطعها بضحكة : اوديي واش انا غنمشي نحمق راسي معاها. صافي حيديها من بالك احبيبة نسايها اوك خليها ياك نتي بغيتيني نخليها ايوا صافي نخليوها ضبر راسها

بتشكيك : وعلاش بغيتي عنوانها نعطيه ليك !! ياك نتا لي بززتي عليا نصيفطولك...

شاف فيها ببتسامة ورد : توحشتك توحشتتتتك خلينااا منهاا دابا واجي قوليلي نتي متوحشتينيش زعمة ؟

هبطات راسها بخجل شادة الضحكة ..ورجعات شافت فيه ودموع مغرغرين فعينيها عنقااتو بقوة وضعف وردت : توحشتك بزااف وبلا بيك معرفتش شنو كنت غندير

دوز يدو على ضهرها وقال : ندير على قبل حبيبتي اي حاجة

هز ليها راسها وقال : دابا قوليلي واش غترجعي ليا ولا مزال فعنادك ؟

سرعان متفكرات ولدو وحياتو وطبيعتو وتصرفاتو الحادة ..

ملقات باش ترد عليه من غير السكات ..

جهاد : نريمان كنهضر معاك .. ومتبقايش تسكتي بحال هاكاا نتي عارفاني كنبغيك وعارفة بلاصتك عندي قداش واش تبغي ترجعي ليا ؟

بقات ساكتة وهوا كيتسنى الرد ديالها عقد حجبانو وهوا كيشوف فملامح وجهها يلاه بغا ينطق وهيا تهضر : وو ولدك ؟ وماماه !

رد بالانفعال : بفف وراه مع امو انريمان يهديك الله راه الواجب ديالي كنديرو معاه ونتي بوحدك لي بغيت نكمل معاك حياتي متبقااايش عفااك تجبدي ليا الولد ولا امو نسايهم حيديهم من بالك حسبيهم مكاااينينش فمرا سمعتي ؟

حركات راسها وبقات ساكتة وتليفون جهاد فوق الطبلة كيصوني رخى منها ومشا هز تليفون حل الخط وقال : اهاه !!.....
ايوا ! ....
صافي مزيان ...
تهلاو فيها مسكينة ...

قطع تلفت عندها وقالت بتساؤول : شكون هادي !


سيارة جيب سوداء واقفة فحي شعبي لي داز كيشوف فيها ويشوف شكون فالداخل ديالها

خرجات لابسة جلابة و شال فوق راسها وخصلات من شعرها الزعر خارجة مؤخرتها كتعوج يميين يسااار حتا وقفات على مول الفران مد ليها وصلة دالخبز يلاه تلفات باش تمشي وهوا يوقف عليها ببتسامة وقال بصوت رجالي مخلط بين العربية والانجليزية : آفااك بغيت نسولك فين كاينة بانكة !

طلعات وهبطات فيها الحطة والزين وشعر كيبري وريحتو فايحة وقالت بصوت رقيق : راها لتحت مع هاد الشارع غتبقى هابط حتا توصل وتما غتبان ليك البانكة واتجاري وفا بانك وو..

قطعها : مم ماارفتش فين حيت اول مرة كنجي لهنا ومعارفش ممكن توريني الا قدرتي بلييز.

شاف فيه بتردد والارتباك وقالت : ممعرفتشي منقدرشي

رد باصرار : بلييز غير وريني ونرجعك ها طوموبيل اجي منتعطلوش

غا شافت الطوموبيل وهيا تحل وعينيها تلونو وقالت : واخاا انا نمشي لدار ونجي دابا

حرك راسو ورجع لطوموبيل بعد دقائق رجعات بجلابة خرا حمراء وضفارها مصبوغين بالأحمر ضربات تعكيرة حمراء لفمها وطلعات الشفاار ورشات نص فالريحة وخرجات من جديد كتمختر فجلابتها لي لاسقة على مأخرتها كتلع من موراها وخصلات شعرها خارجة من جنات .. وقفات عليه وقاات : هانا يلاه
خرج وحل ليها الباب بطريقة لبقة وهيا كتلفت مواها واش شي حد حاضيها ولا تابعها شي حد فخوتها ولا شافها شي ولد من جيرانهم..
طلعات حداه بالزربة وديمارا وهوا كيشوف فيها وقال ببتسامة : شنو سميتك ؟
ردت بخجل : اميمة نتينا وقيلة ماشي من هنايا ؟

رد وهوا سايق : نوو انا اصل رباطي مي كبرت فامريكا

تحلو عينيها وهيا كطلع وتهبط فيه.. شاب تحلم بيه اي فتاة عجبها واجدبها بكلامو وزين ديالو وطريقتو فالكلام

اميمة : اه مزيان مشرفين هاهيا بانكة شفتيها ؟

حرك راسو وهوا غادي كيسوڭ وقال بلاما يوقف : شنو بان ليك نديرو شي كافي ؟ انا عجبتيني نتعرف عليك شوية ومن بعد نرجعك وعاد نرجع لابونك ..

ضورات عينيها وهيا فرحانة وقالت بتكبر : ومتعطلنيشي ياك ! حيت خصني نرجع دغيا

غمزها وقال : مال زين مزروب امم

دوبها بغمزتو خلاها بحال شي وحدة طايرة فالسماء.. مباشرة بدات تحل راسها معاه فالعمارية وبنات جيران مفقوصين وغايريين منها وهيا عايشة ف امريكا ولادها كيهضرو بالانجليزية. وهيا لابسة غا لي مارك وعايشة لاڤي. سرعان مرجعات لوعيها ملي حسات بيدو تحطات على فخضها كيدوزها عليها بشهوة جمعات رجليها بالزربة وقالت : مكتحشمشي الزبل زول يدك من عليا

هز حاجبو وقال : شنوو؟

ردت بنرفزة : واش حسابلك انا بحال دوك بنات الزناقي لي كتهزوهم تجي تمد علياا يدك سير قلب عليهم اما يانا بزاف عليك حطني نمشي فحالي تفووو على زبل

ضحك بسخرية وهوا غادي طاير مردش عليها اما هيا هزات يديهت وضرباتو لكتفو بقوة وقال بعصبية : واااش مكتسمعشي الخرااااااا نزلنيي نمشي فحالي المكبوووث نزلنيي نمشي

محساتش براسها حتا تشدات من شعرها بقوة وزدحها مع طوموبيل وقال : شكووون انااا امم ؟ شكون

رجعات هزات راسها باغا تقمشو وهوا يبعد وجهو بالزربة ولوا ليها يديها حتا كان غيقرضها ليها غوتات بالجهد وقالت : والله حتا نديك فين تربى اليهووودي اولد السووووووق رخيييي منيييي ايييييي يدييي. تفووووو اححححح يديييي وعععع بعد مني ازبلللل رخيييي منييي كثرتوووو ال***** ل


ضحك وقال : هيا كتعرفي ** ل بعدا مزيان مغاديش تصعاب علياا معاك

بغات تحل الباب وهوا يعاود يجرها بالجهد زدحها مع الفلون

وصل وقف الطوموبيل خرجات هيا بالزربة هزات حجرة وكيف خرج رماتها عليه جاب الله خوا اما كن جات فيه كون زواتو
شدها بقوة من يديها ذدحها جات فالارض وهيا كتسب فيه وتغوت وتهددو بلي غتندمو.. يلاه بغات توقف وهيا تشوف شخص اخر جاي جيهتهم قد العجل لا بالنسبة لطولة ولا بنية العضلية ديالو

وقفات كترعد وقالت : شني شخصكم مني علاش جايبيني لهاد الدار ؟؟ شنو عملتلكم !

مردوش عليها رجع داك الشاب لطوموبيل جبد قرعة صغيرة فيها مشروب كحولي حلها كيشرب وهوا كيهضر مع جهاد

جهاد : تهلاو فيها مسكينة ..

قطع جهاد ورجع شاب تليفون لجيبو وطلع لدار مور داك الشخص لي مطلع البنت وهيا كتغوت ،،
جلس على كنبة كيكمل على مشروب ديالو وشخص لاخر مع بنت فوق الفراش حيد ليها ديك الجلابة لي كانت لابسة وهيا كتدفع فيه وتغوت وتعرعر . كمل ليها كيحيد ليها تيشورت بلا كمام وشورط ديالها قصير لاسق معاها جمعات دفلة رماتها ليه على وجهو خلاتو يجعر وخلات حتا شاب لاخور يوقف مغزف عليها. حط ديك القرعة وناض كيهبط سنسلة د سروالو


بالإنفعال : متقولش ليا مكاين والو شنو غدير ليها بعدو منها

رد بغضب : واش بقاات فيك !! مشفتيهاش كانت غتقتلك

ردت بحزن : انا خليت ليها الله هوا ياخد فيها الحق . اما انا مبغاش نكون سبابها فشي حاجة فين هيا دابا ؟

شد فيديها وقال : خلينا منها دابا.. هيا لي قلبات عليها وغادية تابعة ديك الشوافة
نترات يديها وردت : جهاد الله يرحم ليك الواليدين الا ماا بعدو منها شنو غديرو ليها !! وشكون هادا لي هضرتي معاه فين غديوهاا ،
شدات فيه بعيون دامعة وقال : عفااك الا انا عندك عزيزة خليوها تمشي بحالها مبغيتش ليها شي ضرر بسبابي . راه ربي كيشوف هيا آداتني ولكن ربي غياخد ليا حقي منها عفااك اجهاد عيط ليه عيط لهادا لي هضر معاك يخليها تمشي بحالها عفااك

شاف فيها مطولا عاقد حجبانو وقال : واخا بلاتي انا غنصوني عليه
ردت : لااا دابا علاش بلاتي علاش !!! دابا اجهاد دابا وبغيت حتا انا نسمع
سكت كيتنهد وهيا شادة فذراعو

ضار هز تليفون وشاف فيها بنص عين تحل الخط وقربات عندو باغا تسمع . دار مكبر الصوت وهوا كيقول : صافي طلق الزبل تمشي بحالها

رد باستغراب : شنو علاش !! واش بصح

تنهد وقال : اه صافي طلقوهاا تمشي بحالها

رد : اوك واخا

قطع جهاد ونريمان يديها على صدرها كتنهج ،،
دوز يديه على ضهرها وقال : صافي بقيتي على خاطرك !
هزات عينيها فيه بخوف وقالت : شنو كتخبع عليا . كنحس بشي حاجة مخبعها عليا !

حرك راسو وقال :
مكنخبع عليك والو بالعكس كلشي عرفاه ،

سكتاات كتشوف فصدروا ومرة مرة تهز عينيها فيه وتركز مع لحيتو مقدراش تشوف فعينيه

جهاد : دابا خاصك ت...

قبل ميكمل هضرتو دخلات عليهم لورا لقاتهم معانقين فجو رومنسي : نريم

سرعان مرجعات خرجات وشدات الباب بالزربة رخى جهاد من نريمان لي وجهها تلون وقالت : انا جاياا

خرجات وشدات موراها الباب ولورا جالسة فالصالون ساكتة كتشوف فالارض شافت نريمان خرجات من البيت وناضت بخوف قالت : مدرتهااش بلعاني ممم معرفتش واش معاك شي حد تماا سمحيلي عفاااك مقصدش ندخل عليكم والله ماا قصدت

شدات نريمان فيديها برفق وردت : وصااافي سكتي ماا وقع والو المهم عنداك تقولي هادشي لشي حد

ردت : اويلي لا منقدرش نقوول حشومة انا مشفت والو

نريمان : المهم بقاي هنا ولا دخلي جلسي مع بنات حتا نجي اوك

حركات راسها بالايجاب ومشاات دخلات جلست مع البنات
.
رجعت نريمان دخلات البيت وسداتو بالسوارت
كان جالس على الكرسي ضورو لجيهتها وناض
نريمان : انا هضرت معاها
جهاد : بحال هضرتي بحال لا مالنا غنخافو ( بسخرية ) كلها يديها فراسو احبيبة ،
حوطها من خصرها مرة خرا بحب حتا دخلات فصدرو وقال : شنو منخرجوش اليوم انا والزين ديالي امم نبدلو الجو ونرجعو ايامهااا
ردت بخجل ويديها على صدرو نفسها كطلع وتهبط وقالت : فين غنخرجو ؟
جهاد : امم فين ماا بغيتي فينما عجبك نمشيو

ردت بالارتباك : مماا معرفتش ، حيت اجهاد انا يلاه كنسالي الخدمة كنمشي لدار منقدرش نتعطل وعاد ماما كتخاف عليا الا تعطلت وغتبقى تسولني فين مشيتي فين تعطلتي فهمتي

رد بنرفزة : قوليلها انا مع جهاد علاش غتبقى تسول عليك

سكتات لوهلة وقالت : خلي غدا فنهار ونشوفك

رد : ورااه غدا غنكون فطنجة ونتي عارفة تماا عندي الخدمة فالصباح وحتا العشية عاد غنجي وحتا نتي هانتي مشغولة مع بنات دونك لا انا لا نتي مغنكونوش مساليين ..

نريمان : واخا انا نمشي لدار ونشوف شنو كاين ونرد عليك

سكت مطولا وقال : واخا لي بغيتي

نريمان : بنات واقيلة خارجين انمشي نشوفهم ونرجع

رد : واخا
رخى منها خرجات برا . لقات البنات سلاو شي خرج وشي مزال كيتسناها تشوف شنو دارو. صححات ليهم الاغلاط وشرحات ليهم من جديد. تسالا وقت التعليم والكل خارج بحالو ونريمان واقفة عليهم حدا لورا حتا مشا كلشي عاد رجعات البيت شافتو كيقاد لاڤيست ديالو

جهاد : نمشيو ؟
نريمان : اه واخا صبر شوية
مشات كتهبط الريدوات وتشد البيبان خرج هوا عند لورا كيسولها على احوالها حتا رجعات عندهم هازة صاكها
نريمان : هانا سليت
جهاد : اوك انا نتسناكم لتحت
سبقهم لتحت عاد طفات الضواو وشدات الباب وهبطات هيا ولورا حل ليهم باب من داخل . طلعات حداه ولورا لور وديمارا

جهاد : دابا شنو غنخرجو !
ردت : واخا ان شاء الله.
ابتاسم ومشا وصلها لدار حتا شافهم دخلو عاد مشا بحالو


كانت جالسة نسرين كتفرج وتكونيكطاا ... وسمية حداها كتنقي الخضرة ويهضرو على فيلم حتا دخلات نريمان وموراها لورا كيف دخلات دارت تليفون يتشارجاا وبقات ضور كتقلب

نريمان : ماما فين نعيمة ؟

ردت : راها لفوق مع جيران كل مرة طالعة هابطة

ضحكات ومشات لدروج كتعيط : فدواااااا فدوااا...

ردت عليها الأخيرة من الفوق وقالت : هبطيلي اختي هاديك راها روناتكم

ردت : لا حتاا حنا ولفااها هه

نريمان : هابطيها لياا عفاااك الله يسهل عليك.
بقات واقفة تما حتا هبطاتها ليها كبرات شوية وقريناتها خارجين دايرة ليهم نريمان جبادة فيها فراشة وتريكو و4 تقيشرات صغيوريين فرجليها . شداتها عنقاتها ودخلات كتبوس فيها
جلسات معاهم وسمية كتسولها كيف داز نهار وشنو درتي.

نريمان : والو حركة ميتة والخدمة مكينااش غا بنات كيجيو يتعلموو ويمشيو صالون مبقااش كيدخل واحلة غا فالكرا

ردت : ايوا معندك مديري صبري حتا يفرج الله ملي كانت الخدمة كنتي مريضة قدر الله معندنا منديرو ، نوضي انسرين شوفي دجاج واش طاب وهاكي غسلي هاد البطاطة وديريها تصفى.

حطات تليفونها وناضت ونريمان فحيرة معرفات مدير وبعد ساعة غيرجع موراها..

تنهدات وقالت : ماما انا قنطت اليوم غنخرج نبدل الجو

سمية : شنو ! وفين غتمشي فهاد ليل !!
ردت : مع واحد صحبتي انمشيو قهوة وصافي

بنرفزة : مزال دايرة ليا صحاب واش مزال مهداك الله وفين غتخرجي فهاد الليل والبرد والشتاء مقلتي نخرج فالنهار ما قلتي نخرجو كاملين شهادشي ..

شافت فيها مطولا رخات من نعيمة وناضت دخلات لبيت شدات عليها بدلات حوايجها وقفات حدا المرايا دارت مكياج خفيف رشات ريحتها وهزات صاكها وخرجت كانت سمية فالكوزينة كتقلي الفريت مشفتهاش . اما نريمان لقااتو واقف برا طوموبيل حتا هوا مبدل حوايجو ولابس كسكيطة كحلة فوق راسو تقدم جيهتها تعرض ليها ودوز يديه على ضهرها
جهاد : الزين ديالي

شد فيها ومشا حل ليها الباب طلعات كتقاد حوايجها وطلع قدامها عينيه ضاحكين طلع زاج من البرد وديمارا طوموبيل والموسيقى هادئة مطلوقة . شد فيديها وقال : واخيرا رتاحينا من الهم وقوة الصداع

ردت كتحرك راسها : ويييه الحمد الله على كل حال وصافي

سكت كيسوڭ يشوف قدامو ويعاود يشوف فيها بحب هز يديها باسها والابتسامة مرسومة على وجهها وخدودها حومر

من شدة الخجل والشوفات لي كيدير فيها خلاوها ذووب فبلاصتها وتنسى راسها فين هيااا ...بغات تلف الجو وقالت : ااا ريم كانت قالت ليا غيجيو لتطوان ومجااوش

رد : وي انا قلت ليها متجيوش كنتي مريضة قلت ليها حتا لمن بعد

ردت بحزن : صراحة عزات علياا بداكشي لي درت معاها وهرستها من رجليها

رد بهدوء : ماشي لخاطرك احبيبة وحتا هيا مخداتش منك موقف حيت فهمات فالأخر شنو كاين

ضارت عندو : وماماك كيف بقات ، عرفتي تت .. تبدلات معايا بزاف . داك النهار ملي كنت فكازا عرفتي اجهاد هيا وخالتك صراحة فالأول مكاانتش كتحملني

تنهد وقال : ايوا تحملك ولا متحملكش سوقها هداك المهم انا

شاف فيها وعينيه معسليين وقال : اناا احبيبة كنبغيييك ونتي د جهاد بوحدو سمعتي !! مكيهني حد

فرحات وعجبها الحال وضورات وجهها خلاها كضحك وهوا مزال شاد فيها بيدو اليمنى ويد لاخرا شاد بيها شاد مقود اقل من نصف ساعة حط الطوموبيلتو حدا صف طوموبيلات وخرج حل ليها الباب . خرجات كضور عينيها فجو جميل وقالت : واش جينا المضيق ؟ هه

حرك راسو كيضحك
وقالت : ههه قولبتيني غنتعطلوو

شد فخصرها كيضحك وقال : ونتعلطوو شنو تابعنا حنا كاااع هه


فالمطع الشهير بالمضيق لوغيزون الخاص بالمأكولات البحرية .. غاديين فوق الماء وهوا محاوط خاصها . استقبلهم النادل ببتسامة ورافقهم حتا المكان ديالهم كان منعزل على ناس الأخير كيطل على البحر ...

شاف فيها ببتسامة وقال : سبق ليك جيتي لهنى..

ردت وعينيها كيلمعو : لاا اول مرة كنت كنشوف غا تصاور وناس كيجيو ليه عمرني جيت .. وااو كيحمق

رد وهوا كيضور عينيه فالمكان : ويي زوين وهادئ شوفي كيوجدو لهيه

ردت : علاش شكون غيجيبو ؟؟

جهاد : معرفتش
ضار عند ها ببتسامة وقال : عندهم ماكلة زوينة غتعجبك

عيط لنادل وهوا كيشوف فالموني ونريمان كتشوف معرفاش متقوليه

جهاد : شنو اتاخدي احبيبة ؟

ردت بخجل ونادل واقف عليهم : معرفتش لي خديتيه نتا

غمزها وقال : اوك
طلب العشاء ورجع شاد فيديها : توحشتك بزاف وتوحشت نجلسو مع بعضياااتنا ونهضرو..

تنهدات بضيق وقالت: حتا اناا دازت مدة

جهاد : ويييه مي اليوم نبغي نعرف كلشي هه كلشي غتعاوديه ليا

حركات راسها بالايجاب كضحك . تحط العشاء ،، تعشاو وهيا كتعاود ليه من بداية .. كيفاش سافرو والضغوطات لي دازت منها والمرض وكيفاش كانت متبعة مع طبيب نفسي وهوا متبع معاها كل كلمة قالتها ...

جهاد : مزيان هيا قوليلي مشيتي لندن ! هه رجليك طوالو الالة

ردت كضحك : ههه اه صراحة مشيت دوزت تما 20 يوم مشيت عند خالي عايش تما مزوج ب ڭاورية .ايوا كانت كتخرجني وبدلت صراحة الجو ورتاحيت بزاف فنفسيتي ديك الوقيتة وفالاخر مسخيتش نرجع لاسبانيا كنقول مصاب كون غا بقيت تما

رد : وي بصح هيا زوينة
نريمان : وانت سبقلك مشيتي ليها
رد وهوا كيدوز شوكة فطبسيل ؛ وي مشيت ليها شي طخوا فوا .. اهاه كملي

ردت : ايوا وديك ساعة ملي رجعت اسبانيا مبقاش عاجبني الحال واخا ماما لقات ليا الخدمة فواحد الصالون ومولات صالون صراحة حتا هيا دارت معايا مجهودها وتصاحبنا انا وبنتها نيكول صراحة بنتها ضريفة بزاف حتا هيا كانت كتجي تخرجني نمشيو البحر ونبدلو الجو ونسافرو وتعرض عليا لدارهم حتا هوما عاونوني باش نفسيتي رتاحت ورجعت كيف كنت .. وملي مبقاش عاجبني الحال ف اسبانيا قلت لماما نرجعو المغرب ونديرو بروجي ديالي مبقيتش حاملة نخدم مع شي وحدة ولا نتسنى درهم تمدو ليا شي وحدة ايوا طحت ونضت عوتاني طحت ونضت حتا سهل الله

بقا كيشوف فيها مطولا ببتسامة وهيا كتهضر حتا كملات قال : مزيان حسن مدرتي وانا من اليوم ان شاء الله غنكون معااك اوك !

ردت ببتسامة : ان شاء الله..

فديك اثناء دخل المغني نعمان بلعياشي على تصفيقات الناس لي تما حتا نريمان حطات فرشيط ديالها كتسفق بشوية عليها شد ميكرو قدم ليهم التحية وبدا كيغني وهوما كيرددو معاه حتا كمل وزاد اغنية اخرى ...
قرب جهاد كرسي ديالو عند نريمان . كيهز فورشيط يوكلها وحتا هيا تهز وتمد ليه ومرة مرة يهز يدو يقاد ليها الفولار ديالها لي كيزلق ليها ويعاليها..

هوما ولا على بالهم كيشوفو غا فبعضياتهم ويهضرو. ولكن ناس خرين من البعيد مرقبينهم بحب كلشي مينعت جيهتهم...

- شوف شوف تبارك الله ... وتاااو بعضياااتهم.... اوووه كوبل كيحمق ...

-مرا خرا كتتخز راجلها يضور يشوف الحنان والحب لي عيشينهم بجوج ...

وكوبل اخر فجهة خرا تعشاو بنكد البنت كتشوف فنريمان وكتقول فنفسها يريت كون كان هاد بوركابي بحال داك السيد ..

الحاصول كلها وماا عطاه الله جهاد نسى راسو وحتا نريمان نسات راسها معاه كل مرة يقاد ليها شالها ، ولا يجر ليها نيفها بدلع

حتا كملو سهرتهم وناض هز ليها صاكها مدو ليها و شد ليها فخصرها مزيرة لعندو بحالا غيسرقوها ليه ..خارجين وفينما يكون دايز شي راجل كيزيدها لعندو ويخوي ليه طريق حتا يدوز..


خداو بعض الصور برا قدام البحر وفباب المطعم.. وعطاو تليفون لواحد البنت طلبو منها تصورهم..
صوراتهم صورة جميلة فيها ابتسامتهم بجوج...

تمشاو فهدوء وصمت وتليفون نريمان كيصوني شافت نمرة وتنهدات : صبر اجهاد نجاوب

حرك راسو وبعدات شوية وردت : نعام اماما

سمية : فينك شهاد الوقت !!!! 2 علاين ونتي مزال دخلتي . واش محشمتيش

ردت بنرفزة : مغاديش نجريي صافي !!

قطعات عليها بعصبية ضارت لقاتو واقف عليها
جهاد : مالها ؟ علاش كتغوت

ردت : قالتلي تعطلت ووبصح راه تعطلت خاصني نمشي

حرك راسو بالايجاب ومشاو لطوموبيل

رجعها لدار وخرج معاها حتا بغا يوصلها لباب وهيا توقفو : لا جهاد عفااك غير بقا هنا عنداك شي حد يشوفك

جهاد : ويشوفو مالنا كنسرقوو ؟


نريمان : وصافي غير سير دابا عفااك انا غنمشي لدار
بقا واقف كيشوف فيها وهيا كترعد خايفة شي حد يشوفها والضو فدارهم باقي شاعل. شافها دخلات لدار عاد رجع لطوموبيل ومشا ..

كانو كلهم مزال فايقين وسمية دايرة جوج ضواور د بطاطة على نواضرها من حريق راسها. غا دخلات نريمان وهيا توقف عليها مخرجة عينيها : شهاااااد الوقت لي عاد داخلة فيه ؟ عندي راجل انااا هنا لي داخلة ليا فهاد الوقت هااا ؟ واش باقاا مباغا توب ! باقا مباغا تعمل عقلك وتنقص من هاد خيطي بيطي فين باغاا توصل ..

سكتات نريمان كتشوف فيها بحدة وقالت : تصبحي على خير. خلاتها كتغلي بالفقصة ومشات البيت شدات عليها الباب كتنهد وصدرها ضايق عليها باغا غا تبكي.. اه طبيعي نبكي علاش انا وجهي وجه الفرحة !! فينما نضحك شي مرة يخرج لي شي واحد ينكدها عليااا مالي شنو درت كااع انا.

وهيا كتمسح دموعها شافت تليفون حداها كيڤيبري تخشات فالمانطة وجوبات بصوت متعب : وي جهاد

جهاد : مال زين ديالي !

ردت : والو فينك نتا !

رد : هانا شاد الطريق لطنجة غتنعسي ؟
ردت : لا مزال مفياش النعاس

جهاد: امم هيا نتواانسو محدي شاد الطريق

فرحات وتقادات فبلاصتها وهيا مغطية راس ورجلين كتهضر شدات معاه الهضرة طريق كلها حتا وصل لطنجة وطلع لاشومبر ديالو فالاوطيل بداو عينيها يتلسقو بالنعاس مبقاتش قادرة تزيد وفنفس الوقت مسخيااش بيه..حتا داها النعاس وهيا شادة تليفون ..

صبحات جديدة غادية تشد طاكسي وهيا كتهضر معاه وضحك : والله محسيش براسيي حتا داني النعاس هههه

جهاد : واخااا عليك خليتيني داوي بوحدي

نريمان : هه منعاودش فينك دابا

جهاد : لقيتيني عاد فقت ندوش نفطر ونمشي لشغلي

ردت بدلع : وشنو انا متعلمنيش زعمة وحتا انا ندير تصميم وداكشي

جهاد : ااااه يا حبيبة ديالي نتي غا قوليلي شنو بغيتي نجيبو ليك واجد

نريمان : هه لا لا انا بغيت انا نصاوبو ونبتاكر من راسي

جهاد : اهاه حتا هادي مزيانة واخااا حبيبة ديالي نعلمك لي بغيتي. فينك دابا نتي

ردت : فطاكسي غنمشي لصالون

جهاد : اوك اليوم غنسالي حتا لديك الستة د العشية وعاد نجي عندك نخرجو شوية ...

ردت بقلق : عرفتي اجهاد والله منقدر ماما لبارح تعصباات ومبغيتش نعصبها كل مرة صافي ملي تكون مسالي بالنهار ديك الساعة نشوفك صافي

جهاد : امم فهمتك مي انا معنديش بزاف هنا غير غنكمل هاد فورمسيون خاصني نسافر ومع غنكون مشغول مغنقدرش نجي

تنهدات : وحتا تكون مسالي وصافي

جهاد : اوك غدا نجي اوك

ردت : صافي واخا
قطعات بعدما وصلات الصالون حلاتو ورجعات لروتينها القديم . حيدات الفولار قدات شعرها وحطات مكياج خفيف شدات بيتها وجلسات فالصالون بوحدها الملل والسكات وزيرو كليان عياات متحاول تلف وتدعي فنفسها يجي شي حد ولكن والو... دوزات نص نهار حتاا دخلو البنات وناضت موراهم بدات معاهم حصة جديدة كتشرح ليهم وعقلها تالف ..


رجعات لدار على رجليها طريق كلها كتهضر معاه فالتليفون حتا وصلات لدار عاد قطعات .. لقات سمية جالسة عاقدة حجبانها مكتشوفش جيهتها ... توضات وصلات بدلات حوايجها وخرجات جلسات معاهم .. اتصل اشرف ب لورا ابيل فيديو هضر معاهم كملين كيسول على احوال ديالهم... تعشاو مجموعين مرة يهضرو مرة يسكتو حتا دخلات لبيتها عاد جوبات على تليفون لي مسكتس من ڤيبرو... كيف ليلة لي مضات شدات معاه الهضرة ولورا حداها ناعسة حتا وذن الفجر.. عاد قطعات وعينيها تقال ميتة بالنعاس. بزز باش ناضت توضات وصلاة عاد دخلات فبلاصتها طاحت كااو..

وصلات العشية وهيا واقفة كتخدم لجوج كليانات وتدخل لعند البنات تشرح ليهم وتعاود تخرج لعند كليانة تشوف الصباغة واش خرجات ليها ولا مزال.
اتصل جهاد ومع الأسف مقدراتش تخرج بحكم الكليان لي جاا ومعندهاش كيف دير تخليهم وتخرج...

سكت ملقى باش يرد عليها وطلبات منو يتسناها حتا تكمل.

زربات على بنات خلاتهم واحلين مع المكياج ومشات تغسل الشعر لكليانة. خدماتو ليها بالزربة وجهاد كل مرة يصوني يسول فين وصلات.. كان طاح الليل وبنات خارجين وحدة مور وحدة..
وصلات 8 عاد كملات لكليانة وناضت ضور بحالتها كتشمشم تحت باطها .
شدات الباب بسوارت ومشات لطواليط كبات عليها سطل دالمااء رجعات لبسات حوايجها لي جابت معاها تقدااات وريحااات وهوا مزال كيصوني

نريمان : وهاانااا هابطة سليت

جهاد : راه غنطلع لعندك حتا لتماااا

نريمان : لااا عفااك مطلعش انا هابطة...
قدات شالها وهزات صاكها شدات بابها وهبطات كتقرقب فالطالون مع الدروج
تنهد واخيرا ملي شافها جاية جيهتو ببتسامة.
حل ليها الباب من داخل طلعات حداه قرب عندها سلم عليها من الوجه ويدو معنقاها من ضهرها

وعلى سلامتك ،، هاد تعطيلة كلها من 5 عشية !!

نريمان : وراه كانو كليانات عندي وبنات وممعايا حد شنو بغيتيني ندير

جهاد : واناا شنو ندير لي توحشتك ؟

نريمان : ههه صبر شغادير

جهاد : همم عرفتي شغاديري رجعي ديك دنيا خليها فصالون

نريمان : متبغيش تجي مسكينة بقات فيا شكينا فيها

جهاد : اودي غا هضري معاها غترجع لعندك وهيا خايفة غا من جنابها وغتمشي معاك نيشان نيشان عيطي ليها..

جبدات تليفون دوزات نمرتها : الوو دنيا

ردت بخوف : نعم !

نريمان : رجعي غدا لصالون تخدمي صافي

بالارتباك : واخا انا نشوف

نريمان : وغير انا ويلا كان على ماماك دوزيهالي نهضر معاها
دنيا ؛ لا لا بلاش صافي غدا نجي

قطعات وجهاد شاد فيديها بحنية وقال : ايوا هاحنا تهنينا من هادي نيت ملي نبغي نشوفك نلقاك

نريمان : واخا هكاك راه كيجيو بنات يتعلمو منقدرش نغبر

سكت مطولا وقالت : فين غنمشيو !

رد : نمشيو لطنجة ؟

ردت : لاا لا بعيد الحال منقدرش

رد : فين بغيتي نمشيو !

نريمان : واخا نمشيو نتمشااو غا حدا البحر ولا نجلسو فشي كافي وصافي

سكت وخلاها على خاطرها مشاو جلسو فكافي ...هز قهوة ديالو رشف منها ، رجع حطها وقال وهوا مشبك يديه فوق الطبلة : دابا شنو ناوية ديري من بعد فهاد البروجي ديالك وشنو حوايج لي مزال باغا ديريهم...

شافت فيه بحيرة وقالت : معرفتش كنحس براسي تالفة وزيد عليها كنحس بديت نضعاف عكس اللول كنت متحمسة ودايرة شحال من حاجة فبالي. ولكن دابا بديت نتغلب واخا هكاك هانا كنتقاااتل مع الوقت

جهاد : اههم ، وشنو اخور !

ردت بتساؤول : بحالاش زعمة شنو اخور ؟

تنهد : فحياتك كلها !

ردت بالارتباك : حياتي هاهيا غادية مهم هانا خدامة وعايشة الحمد الله كيفما كان الحال وصافي ..

سكت كيضور عينو ويرشف من قهوتو ويرجع يحطها وهوا كيتنهد شاف فيها لقاها حتا هيا ساهية فواحد بنيتة صغيرة هزاها ماماها كتوكلها وتبوس فيها هيا وباباها رجع قلب عينو كيشوف فيها وهيا كتبتاسم بحب لداك المنضر ..
جهاد : داب.....

بغا يهضر ورجع سكت وهيا كتشوف فيه ... تلف الهضرة وقال : زوينة ديك البنيتة ياك ؟

نريمان : اه حمقاتني ههه شوف كيف كدير تبارك الله ..

جهاد : امم زوينة

شافت فجهاد شادة الضحكة وقالت : فخبارك حتا انا عندي بنيتة ؟
ردت بالاستغراب : شنوو ؟

ردت : والله كتحمممق هههه

تغيرو ملامح وجهو فجأة جبهتو مكمشة وقالت : شنوو انريمان !! كيف.... شمن بنت عندك

نريمان : ههههه وسميتها نعيمة غتعجبك

سكت كيشوف فيها كيفاش كضحك !! واش هادي من نيتها ولا كترايڭل عليااا شمن بنت عندهاا شهاد ال***ي ..
ساط من مناخرو بكل عصبية وقال : جيني نيشاااان بلا هاد الضحك الباسل شمن بنتتتت ولا **** واش تسطيييتي وكتحلفي عليها..
حسات بيه تعصب بالمعقول هزات تليفونها وقالت : ودابا مالك كتغوت ! انا نوريها ليك صبر
طلعات صورة ليها هيا ونعيمة كانت ف أول نهار شراتها وهيا معنقاها ملبساها بانضة على راسها وتريكو قصير وتقيشرات ومدات ليه تليفون وهيا شادة الضحكة


شد تليفون وسرعان ماا تطلقات جبهتو وعحجبانو لي كان عاقدهم

ضحكات وهيا كتشوف فيه ويديها على فمها
ضحك حتا هواا كيشوف فيها وقال : ههههه واش تسطيتي ديالمن هادي !!

ردت : ديالي هه ديالمن غتكون بنووتة ديالي

جهاد : واش تسطيتي شمن بنت ولا. ..
نريمان : وعلاش شنو فيها راني مربيااها غتعجبك ملي تشوفها..


رد وهوا كيكبر الصورة : وي زوينة غتكون كبرات دابا !

ردت : ااه ارا نوري ليك تصااور .... ها نعيمة ديالي ههه

شاف فالصورة وضحك : هاي هاي كبرات دابا خاصها الراجل ( غمزها )

نريمان : امم ههه لا مزال الحال عليها

هز حاجبو وقال : علاش حتا تقرا وتوضف !

نريمان : هعهههه ولااا اجهاد زعمو باقا صغيرة

رد وهوا كيمد ليها تليفون : صافي ملي تعول انا غنجيب ليها الراجل يلاه

ردت وهيا كتموت بالضحك : ههههه ناري انا وانا غنشري ليها شي غوب بيضااء

ضحك معاها وهوماا كيتجمعو حتا وصلات 11.. ورجعها حتا باب لدار ، دخلات لقات سمية جالسة على سداري حاطة يديها على خدها معصلة غطرطق وجهها حمر

نريمان : سلام

ردو عليها من غير سمية ومشات البيت تبدل .. وقفات سمية تبعاتها وقالت بغضب كترعد : شهاد الوقت !! فين رجعتي كتمشي ؟؟ شنو مخبية عليااا واش باقاا تمرضيني انريمااان ولاا شنو...

ضارت عندها نريمان كتجمع شعرها وقالت بهدوء : لبارح كنت مع جهاد . واليوم خرجنا انا وياه وهادشي لي كاين

ردت بغضب : وعلاش متقوليهاااش ليااا علاش ! هاا ؟

انا عندك هنا زايدة ناقصة ! ولا كيفاش

ردت بنرفزة : وشكون قالك طلقيني ! انا عندك زايدة ناقصة ؟؟؟؟ شورتيتي نتي ماما عفااك مضغطيش عليا وراني ماشي وحدة عندها 15 عام تبقااي ديري ليا هاد الحالة . راني ربيت راسي 20 عام عاد جيتي نتي ماشي عاد غتربيني ولا توريني اش ندير ..

لاحت ليها الهضرة ومشات دخلات لبلاصتها جرات عليها الغطاء خلات سمية غا كتشوف مصدومة من الرد خرجات ودموع هابطين على وجهها. وقفات نسرين وقالت : قلت ليك اماما خليها صافي راها ماشي صغيرة دير لي بغاات

خلاتها سمية كتهضر ومشات دخلات لبيتها.

شافت نسرين فداك العشاء لي محطوط مداقو حد شافت ف لورا وقالت : كولي كولي نتي واحلة فراسك قطعي الخبز كولي...

هزات تليفون بعدما سمعاتو كيڤيبري حلات الخط : ويي جهاد
جهاد : فين نعومة نعسات ؟
نريمان : ههه هاهيا حدايا كتنقز
جهاد : مزيااان انا لقيتيني غادي لطنجة غدا مغاديش نقدر نشوفك. حيت عيطوليا غنمشي لرباط

نريمان : علاش عندك شي خدمة ؟

جهاد : وي غيجيو عندناا شي كليان من الامارات وخاصني نمشي

نريمان : واخا مزيان الله يعاونك

جهاد : امين احبيبة يلاه تهلاي فراسك نعسي دابا حتا لغدا ونعيط ليك
نريمان : واخا تصبح على خير

جهاد : بيزو حبيبة ..

قطعات على كلمة حبيبة وهيا مبتااسمة وعاجبها الحال كتقلب فبلاصتها حتا داها نعاس...

بلا فطور خرجات دازت لعند فاتي لي كارية فواحد العمارة .. صونات فالباب وحلات ليها كتفوه يلاه نايضة من نعاس غا شافت نريمان وهيا تعبس

نريمان : نبقى واقفة فالباب ؟

حلات فاتي بابها عطاتها طريق منين الدوز ولكن نريمان سبقاتها بتعنيقة . بدلاتها نفس العناق ببكاء .. شدات الباب

هزات نريمان راسها فيها شافتها كتبكي وقالت : سمحيلي احبيبة ديالي سمحيلي عفاااك نويت فيك داكشي

فاتي : صافي زيدي دخلي

جلسو فصالة صغيرة مرونة مخاد مرميين فجهة والعاب ولدها فجهة دار مقلوبة

نريمان : كيف بقيتي شوية ؟
ردت وهيا كتشوف فالتلفازة : ايوا نحمدو الله وصافي سمحيلي دخلتك على هاد الروينة

نريمان : لا بالعكس ماشي مشكيل . نتي لي سمحيلي ونساي لي داز راه ديك المسخوطة شراتها ليا معاك وصافي

ردت بنرفزة : واش انا عمرني آديتك ؟؟ هاا عمرني جبدتك بشي حاجة انريمان ! ااااه قولي عليل انا سلڭوطة ومنسوااااش ڭاع ولكن عمرني فكرت نآديك ولا نآدي غيرك اناا كنآدي غاا راسي. وكنتي عزيزة عليااا ولكن ملي تشكي فييااا وتنوي فياا لي مكااين لا هنا حرقتيني فقلبي

سكتات نريمان بحزن ملقات باش ترد عليها وفاتي حداها كتنخصص

نريمان : عندك الحق وقفتي معايا نهار حتاجيتك. وهانتي مزال كتساليني فلوسك ومقلتي ليا والو عليهم مخليااني على خاطري . درت معاك الديفو سمحيليا عفااك ونساي انا راه ندمت ولكن كن كنتي فبلاصتي كنتي غديري بحالي سمحيلي عفااك

ردت كتنخصص : الله يسمح ( ناضت ) صبري ندير اتاي ونجي
نريمان : لا لا غير اجي جلسي رتاحي اجي نهضرو

ردت : اجي معايا الكوزينة نوضي نديرو شي كاس د اتاي ونهضرو !

نريمان : راجلك مكاينش هنا بعدا ياك نحيد فولادري ؟
فاتي : وغاا حيديه راه مباايتش هنا يعطيك موصيبة تصيبوو


نريمان : ياختي باز لهاد الرجال مكيخاافوش من الله والوليدين لي تعولي عليهم متلقاايهم

ردت ببكاء : ويييه تقهرت قلت زعمة غنطلقك ونرجع لدارنا ونخلي ولدي ونمشي نخدم ساعة تصدمت ملي لقيت راسي حاملة وعلى وعدي وسعدي غادية لعند امي لي تكون بيا وتحس بيا قالتلك انا معندي مندير بيك بجوج ولاد. هاهوا يبات برا ويدخل سكران شوفي لحمي شوفي ( كتوريها ) واش هاكاا تزوج بياا ؟ واش هاكا داني !! دعيتو الله انريمان عمرني نسمح ليه قهرني الله يقهرو

ردت بالآسى : ياختي الله يكون معاك وصافي ملقيت منقولك دابا صافي غتبقاي هنا معاه

ردت كتنخصص : وشنو غندير ؟ فين غنمشي بولدي مريض وبهاد الكرش ! كنفكر نمشي ندير نحيدو ولي بغا يوقع يوقع

نريمان : لا لا الله يهديك راكي ب 4 شهورتقتلي روح اختي لا عفااك صبري وحتا انا الا لقيت باش نعاونك راه منخليكش والله

فاتي : والله يجازيك اختي فطري كولي متحشميش

نريمان : الله يخلف شبعت وخاصني نمشي لصالون حتا نتشااوفو واجي عندي الا لقيتي كي ديري

فاتي : ان شااء الله والحمد الله فسلامتك والله يعينك ...
ردت : امين اختي وحتا نتي...

ناضت وصلاتها فاتي لباب وهبطات شدات طاكسي ومشات لصالون لقات دنيا جالسة فالدرجة كتسناها شافت فيها وهيا كترعد وناضت من الدرجة

خشات نريمان سوارت كتحل الباب وقالت : كيف دايرة لباس عليك

دنيا : الحمد الله بخير

حلات الباب كتنهد . حلات سراجم ورجعات لعند دنيا لي هزات الشطابة باش تشطب. شافت فيها نريمان بنص عين وقالت بجدية :

رجعتك ادنيا لهنا باش تشدي صالون وملي نقولك تشديه هيا حضي داخل والخارج . صغير والكبير واي واحد يقرب لباب بيتي اولا شي حل يدخل عليا بلاما يدق راه لي نديرو معاك بلاما نعاودو ليك .. برودويات وشمبوان والصباغة راها كانت كتسرق ليا من عند بنات تعليم وتصويرتي تهزات من هنا ودارو بيها سحور . والصالون لي ممنوع على بنات يوقفو ليا فيه كيجيو لهنااا ويجلسو هنا نتي فين عينك ؟ هاا كنخرج ونأمنك على رزقي فين بالك ؟ ولا عاجبك الحال ... المهم هادشي كامل فات دابا منبغيش يبراا تهز سمعتي ! وعطيتك فرصة خرا ضبري على راسك حيت انا عارفة ماماك مكتخليكش تخرجي ومكتخليكش تخدمي وبالخصوص فالصالون.. وحيت تاقت فياا خلاتك ترجعي اما كنتي غتبقااي غا جالسة فدار دابا غتزيري معايا ومتغفلييي على حتا حاجة

ردت بخوف : كوني هانية والله متخافي كلشي ندير عيني عليه وسمحيلي حيت مكنتش شادة معاك خدمة نيشان

نريمان : اوك ونزيدك راه غير دوزني هاد الازمة غندير ليك الشهرية ديالك . دابا غا صبري معايا ..

خلاتها عاجبها الحال كتخمل وتسيق اما هيا دخلات البيت قبالت المرايا قدات مكياااج خفيف وحلات الخط ابيل فيديو مع جهاد... حتا دازت نصف ساعة وهوما كيجمعو سمعات الدقان عاد قطعات ومشات كتستقبل كليانات وتشوف اش خاصهم ..

واخيرا جاتها عروسة غدير العرس فالقاعة وطلبات التمن بعدا تخلص غا الكرا دوزات نهاارها فالخدمة ومع البنات حتا كملات وخرجات هيا ودنيا مشاو لمطعم . شربو الحريرة عاد كل وحدة مشات بحالها

دخلات نيشان لبيتها بلاما تهضر ولا تكلم وهوما كل مرة تعيط ليها وحدة تجي تعشا ومكتبغيش. اما حتا سمية غا مربعة يديها ملي شافت نريمان مبغاتش تعشى حتا مبغاتش ودخلات لبيتها شدات عليها...

دازت يومين ...
صباح صبحات سمية فالدار والخدمة عندها حتا ليل ..
هزو الفراش هيا ونسرين وكيسيقو الدار.
خرجات نريمان من حداهم وخرجات بلا فطور لابسة ومقادة وروايح منها كتعطعط ...لقاتو واقف متكي على الطوموبيل غا شافها حل يديها عنقها من خصرها

نريمان : لااا جهاد اويلي شوف ناس دايزين وجيران غيشوفو

جهاد : واناا مالي ومال ناس احبيبة توحشتك

جراتو من يدو يطلع طلعات هيا
شدات باب طوموبيل و ضارت عندو وقالت : حتا اناا لبارح على نيتي قلت غنشوفك ساعة قلتي مزال مشغول

جهاد : وييه مسااليتش مع الخدمة عاد رجعت فليل فين نمشيو ؟

نريمان : هه فينماا بغيتي


غداء رومنسي جمعهم فمطعم راقي كيشوف فالبحر . جلسو كيهضرو فهدوء وهوما كيتغدااو ويتناقشو
كملو وناضو شدو طريق لطنجة وصلو وكانت العشية جلسو يستراحو فمقى Sky5 ...

وناضو كيضورو فمارينا باي دخلو لبوتيك جميل وحتا استقبال رائع بالخصوص ملي شافو جهاد وجه معروف دخلات معاه غا بنية الضوران ولكن مخرجش بيديه خاوين خدا ليها لبسة حجابية انيقة من اختيارو وهيا غير واقفة كتشوف والفرحة خارجة من عينيها... وخرجو وهوا مدوز يدو مع خصرها وكيبعدها على اي واحد جاي جيهتها كيخوي ليه الطريق

نهار كامل متفارقوش فيه كل واحد سامح فشغلو والامورو المهمة على ود الأخر...
ومع سمية خدامة ليل متهولااتش نريمان من الوقت اتصلات بيها نسرين علماتها بلي مع جهاد باش ميتشطنوش عليهاا...
رجعو لطوموبيل غاديين كيتسراو فالمدينة حتا وصل الليل ومشاو الأوطيل دخلات لاشومبر ديالها بدلات حوايجها بديك الكسوة لي خدا ليها قدات وجهها قدام المرايا يلاه هزات صاك وهوا يدق عليها ..


بنضارات الحب طلع فيها وهبط وقال : حبيبة ديالي
مد يديه شدات فيها وهيا كتشوف الأناقة ديالو وريحة شمبوان مع ريحة رجالية كتعطعط منو لابس قميجة فالأزرق غامق مع سروال اسود وصباط اسود كيبري وسوارت وتليفون فيديو وشعر كثير ممشوط اللور ..
هبطو فلاسنسور خرجو من تما وحل ليها باب طوموبيل.. حاسة براسها طايرة فالسماء عاجبها الحال وقلبها كيضرب ومكرهااتش لو هادا حلم كتعيشو مصاب متفيقش منو..
طلع حداها وهوا شاد فيديها الصمممت غير عيونهم لي كتكلم

وصلو وحط السيارة ديالو فالبارڭينغ حدا باقي سيارات..
دوز يدو مع خصرها ومشاو غاديين الغيسطو ڤينيزيا المعروف بمدينة طنجة داخل فالبحر .. مجموعة من ناس كيتصورو فالكورنيش والباقي لداخل شي كيتعشى وشي خارج وشي عاد داخل...

خداو بلاصتهم وجلسو قبالت بعضياتهم

نريمان : طنجة حتا هيا زوينة بزاف عمرني جيت ليها غا كنسمع بيها

هز عينو فيها ورد : ندي حبيبتي فينمااا بغات مزال نمشيو لسعيدية حتا هيا زوينة حسيمة حتا هادو مشيت ليهم زوينين غيعجبوك..

حركات راسها مع ابتسامة وعقلها خدام كيخمم وتحمد الله فالداخل ديالها ان ربي كفاها وجزاها على الصبر لي صبراات والعذاب لي دوزات والوقفة لي وقفات مع خوها المعاق وهيا مزال صغيرة فسن 8 سنوات وكان كلشي كيعافو .. ريحتوو خاانزة ، يعع متقربوش ليه، بفف خرا فسروالو..

اييه شحال دالعصى كلاو دوك الضلوع وشحال ديال القهرة وشحال ديال الليالي دوزاتهم بالجووع الا تفوبرات عليها سعاد غتعطيها ماكلة بايتة بحالا كتعطيها لكلب ماشي لبنادم...

ولكن حاجة وحدة تيقناات نريمان منها .. انا بعد الصبر هناك فرج والانسان كلما دار يقين ديالو فالله سبحانه وتعالى حشااه واش يخيبو .. ومتعرف بشنو ربي يجازيك...

بعد سهو هزات عينيها فجهاد لي كيهضر مع نادل ،،
تفكرات نهار لي مشات لعندو وطلبات منو يخليها معاه فالدار وخلاها ودخلها لدارو وعمرو قرب ليها ولا تبسل عليها ولا شافت منو شي حاجة دالسوء بالعكس . كان مخلي ليها الحرية فدارو ، وشكون هادا لي يأمنك فدارو ؟ ويخليك فيها ؟ وشكون هادا يدخلك حتا من شتاء !! شكون هادا لي غادي يعتقك ونتا ف اشد المحن !! شكون... ملي الأهل ديالك متلقاش فيهم الخير وتلقاه فالبراني .. يجيب ليك الماكلة حتا لعندك ويصبر معاك مدة طويلة حتا تمشي بخاطرك !!

اه فعلا ملي كيتعصب كيولي واحد اخور وكيف ديما هوا كيقول انا مكنتعدا على حد وماا كنضلم حد ولكن لي بداني راني نطليييه ونخرج فيه طول وعرض...
واخا زواجهم الاول كانت فترة ديالو قصيرة. وكان الجو مكهرب بيناتهم وحتا التفاهم قليل
هيا كتخاف منو وهوا صارم معاها...والمشاكيل على طول مكتخطااهمش

فاقت من سهوها بعدما قال : فاش كتفكري ؟

ردت بهدوء : لا والو غير ساهية وصافي

جهاد : فاش !! امم ( غمزها )

نريمان : ههه تفكرت غا القديم وصافي .. دابا قولي غتسافر ؟

رد : امم مي باقي شوية

حط ليهم النادل العشاء وبداو كيتعشااو ويكملو على مواضعهم العامة لي كيجبدو

حتا كملو العشاء ودازت ليهم اجمل سهرات واجمل صور ذكريااات الساعة 12 دليل طلعو فطوموبيل وقالت : نرجعو دابا لطنجة ولا بلاتي ؟
جهاد : نباتو هناا ها حنا حجزنا فالاوطيل لي كنا فيه وغدا نمشيو فصباح

ردت بالارتباك : ااا و انت قلتيلي نمشي الاوطيل غا نبدل حواايجي ... امم. ااا

جهاد : وعلاش شنو فيها الا بقينا مع بعضيااتنا امم ليل طويل وفصباح نرجعك اوك !

ردت بتردد كتشوف فيه : واخا صافي

رجعو الاوطيل وهوا مزال مبغى يرخي من خصرها شادها بقوة طلعو فالاسنسور حتا لطابق خامس ودخلو لثاني شومبر حتا لاسنسور. دخلات نريمان هيا اللولة عاد دخل موراها وشد الباب ،،

يتبع...

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.