الأجنحة المنكسرة الجزء 19

2020

محتوى القصة

رواية الأجنحة المنكسرة

تلفتات موراها بالارتباك شافتو شد الباب وقالت : حسابلي غتمشي تنعس !

شدها من خصرها جرها لعندو ملسقها مع صدرو وقال : مكااين نعاس احبيبة ليل طويل ومكنسخااش من حبيبة ديالي شمن نعاس غيديني وهيا فشومبر وانا فشومبر ؟

سرطات ريقها وجهها حمر ابتسمات بخجل وبقات غير ساكتة تشوف فيه وترجع تهبط عينيها وهوا مخضر فملامحها وجهها الابيض ناصع وحروفها الجميلة .. هز يدو اليمنى حيد ليها فيليلة لي شادة بيها فولار وبدا يحيدو تدريجيا حتا حلو ورماه فوق نموسية خشاا يدو فخصلات شعرها وعينيه سارحين فيها ملسقها مع صدرو ويديو يمنى شدها من خصرها بقوة ،،
خلاها ساكتة والقلب ديالها غيسكت من الخلعة قرب عندها ويديه كدوز على وجهها ويرجع يخشيهم فخصلات شعرها شدها من رقبتها وزيدها لعندو طبع قبلة فشفايفهااا وهيا ترجع باللور وقالت بخوف : لاا للل لا. اجهاد شش شهادشي مم منقدرش

رجع شد فيها وعينيه معسلين فيها ورد بهدوء : مال الحبيبة ديالي متخاافيش متخافي من والو ،، توحشتك بزاف

قالها وعينيها فعينيه ،، الجسم ديالها كيرجف
من جديد حط شفايفو على شفايفها كيدوزهم برفق حتا عود قبلها وبعد كيشوف فعينيها..

وعاود من جديد وهاد المدة طالت قبلتهم وهوا مزير عليها قبلة كتحمل بزاف دالمعاني كتحس بيه مزير عليها عاجبها الحال وفنفس الوقت خايفة وكترجع باللور حتا وقفات على حاشية د نموسية وهوا كيلتاهم فشفايفها بقبلات متتالية مقدراتش تصبر راسها وبدات كتجاوب معاه ببطئ حتا نساات راسها وفين هياا زيرها من خصرها ونزل بيها فوق الفراش كيحس براسو مزير كتر وحتا هيا بين يديه مقدراش تقاوم واخا باغا تمنعو وتوقف ولكن من شدة الرغبة والضعف لي حسات بيه فداك الوقت كملات فتجاوب معاه مقدراش تحل عينيها تقاالو عليها ..
حلاتهم ببطى وهوا هابط كيقبل فعنقهااا ونار شهوة غالبة عليه . جسمها كيطلع ويهبط كتلواا ليه فيديه وهوا حاكمها برجليه المفرقين عليها ،،
ويديه لي حاطهم من جيهات بجوج محاوطها للحضة نطقاات بصوت تقيل وهيا كتنهج : عع.. عفااك لا صافي ،، اجهاااد

مردش عليها وكمل فقبلاتو ليها فعنقها يلاه بغات تعاود تهضر وهوا يقاطعها بقبلة فشفايفهاا خلاها تعاود تنساجم معاه ..


كانت لابسة سروال اسود واسع من التحت وفوق منو تريكو ساخن فالبيج وفوق منو لافيست سوداء مخيطة بالبيج جميلة وانقية وشال ملون بين البيج والاسود...

هبط ليها ديك لافيست وهوا فححرر القبلات محسااش بيها ويلاه بغا يحيد تريكو وهيا توقفو بحال شي حد كان كان ناعس وفاق شدات ليه فيدو وقالت : لاا اجهاد ميمكنش منقدرش عفااك لا مبغيتش هادشي

رد وهوا كيدوز يدو على وجهها : علاش احبيبة راه ماشي اول مرة را..

قطعاتو بجدية : هادشي مخصووش يكون فهمني عفاك راه ميمكنش ننن. نديرو هادشي صافي عفااك

بغات تنوض وهوا يشدها من يديها شافت فيه بخوف خايفة يبزز عليها او يشدها تما ويتكرفص عليها ولا يمارس عليها بعنف ،، كاع الوساويس تعرمت عليها فثانية وهيا كتشوفو مركز الشوفة فيها ،، تنهد وقال : شنو دابا !
ردت بخوف : شنوو راا من...

قطعها : واش مستاعدة تزوجي بيا ؟ راه انا باغي نرجعك، ولكن معرفتش واش غادي تبغي ولا . ويلا كنتي باغيااا من صباح نتزوجو . مكرهنااش نساو لي داز ونطويو ديك الصفحة فمراا نقطعوهاا ماشي غا نطويوهاا ! شنو قلتي

سكتها بصدمة كتشوف فيه ممتيقاااش واش كيهضر بصح ولا كيتفلاا...

كمل وقال : نساو كلشي ومن غدا نبداو بلاما نتسنااو كترر شنو قلتي انريمان !

هبطات راسها الارض ساكتة وهوا مزال معنقها ويديها على صدرو هز ليها ذقنها وقال : جاوبيني انريمان !

ردت بالارتباك : معرفتش ، حنا متفهمناش و..

قطعها : اصلا داك الزواج اناا محاااسبوش ، حنا غنبداو من الأول كتيقي فيا بعدا ولا لا ؟

ردت : اه

جهاد : هادشي لي بغيت حتا انا الا كانت بيناتنا تيقة راه حياتنا غتكون مزيانة ومفيها لا صداع ولا مشاكيل ،
شنو قلتي !

عاود سولها مرة خرا : واش تقبلي تقبلي تزوجي بيا ! جاوبيني !!


بعد صمت ليس بطويل ردت وقالت : بشرط اجهاد

حرك راسو وقال : اما هوا ؟

تنهدات وقالت : تحلف ليا وتواعدني قدام الله ، عمرك تخوني مع شي وحدة ولا تخليني . انا خايفة من هاد الزواج وخايفة منكملش معاك ونعاودو نتفارقو ونعاود نبدا من جديد ويتشفااو فيا العائلة ولي كنعرف وماما لي غتبدا تلومني وو هانتا عارف لي كاين

رد وهوا كيحرك راسو : لي غنقولك بيني وبينك الله ، انا راه عمرني نخونك ولا نكون مع شي وحدة خرا ولا تشوفي عليا شي حاجة ناقصة وكوني هانية من هاد النحية . واي شرط راني قابلو كيفمااا كان ، ومعندك مناش تخافي بالعكس نتي مع جهاد ماشي اي واحد اوك ! شنو قلتي دابا ؟

ردت بخجل شادة ضحكها عاضة على شفايفها وقالت : ام مم اه صافي قابلة نتزوج بيك

ضحك عاجبو الحال وانقض على شفايفهاا بقبلة عميقة

دفعاتو من صدروا وقالت : وماشي دابا سير لاشومبر ديالك خليني نعس هه

شد فخصرها وقال : منقدرش اكبيدة ميمكنش اممممم

خشى وجهو فعنقها حتا تأوهااات وعضات على شفاها السفلية خلاها تجاوب معاه عجبها الحال وحتا هيا مكرهاااتش المزيد ومكرهاتش ميوقفش ڭاع حاسة بالرعشة طالعة معاها كتحس بيه مزير عليها بغا من جديد يطلع داك التريكو لي لابس ولكن رجعات وقفاتو شادة فيديه وقالت : ولاا اجهاد ماشي دابا

رد وهوا مخضر : وايمتاا احبيبة منقدرش نصبر داباا بلييز

ردت بخوف : ولاا لا اجهاد ماشي فالحرام عفااك لا خلي حتا لمن بعد

رد وهوا كينهج : منقدرش عفااك مزير بزاف احبيبة

جمعات رجليها رجعات باللور وهوا كيزيد عندها وقالت : ونوض دوش ولا شوف شنو دير اناا منقدرش ننن هادشي ماشي دابا

جرها تحت منو وهوا حاكمها برجليه وقال : اوك صافي لي بغيتي ولكن خليك معايا عفااك خليناا مع بعضياااتنا

رجع كمل على قبلااتو ليها ويديه كتدوز من فوق داك التريكو على صدرها يعصرو بيديه ويرجع يهبط لخصرها ومؤخرتها وهيا كتلوا فيديه حتا هيا مقدراش تقاوم واخا ضعافت بين يديه وحتا كتقول صاف نخليه وسرعان مكترجع ترردد وتوقفو ...
دازت علاقة سطحية حتا وصلو لمبتغاااهم بجوج وبقا معنقها كينهج حداها وهيا حداه حشماانة وجهها حمر تسلتات من يدو لي مخشية تحت تريكو وقالت : انا نمشي لحمام

حرك راسو وقال : اوك

هبطات تريكو ودخلات لحمام شدات عليها عاد تنفسااات فخاطرها وحطات يديها على صدرها كتنههج حاسة براسها فازكة من تحت سمعات الباب تشد ورجعات خرجات بقات غا بلاصتهم مرونة وهوا مكاينش. هزات حوايجها لي جات بيهم كانو محطوطين فداك الساشي لي شرا ليها فيهم ديك اللبسة لي لابسة . مشات لباب شداتو ورجعات كتحيد حوايجها لي لابسة هبطات داك السروال مع سليب فااازڭين وجداد يا حصرة وماركة تنهدات وهيا كضحك جمعااتهم خشاتهم فداك الساشي وجبدات حوايجها حطاتهم على الفراش ودخلات الحمام دوشاات وتوضات عاد خرجت من تما كتنشف شعرها بالفوطة. لبسات حوايجها وجلسات فطرف الفراش هازة تليفون فيديها تشوف شحال الساعة كانت 4 دصباح ..
تكات من شدة العياء كتخمم فشنو طرا هادي واحد الساعة فداك الفراش وابتسامة مرسومة. على وجهها فرحانة واخا واحد الجانب كيأنبها ضميرها مكاانش عليها دير حتا ديك العلاقة السطحية.. يلاه بغا يديها نعاس وهوا يدق عليها الباب ناضت مخلوعة كتلوي شال على راسها لقاتو متكي على باب ريحت شمبوان منو كتعطعط وحتا هوا مبدل حوايجو وشعرو فازك مرجعو اللور
غا شافتو وهيا تجيها الضحكة
خوات ليه طريق وهوا يشدها من خصرها وشد باب برجلو

نريمان : مغاديش تنعس ماا عيتي مقلتي ترتاح شوية هههه


جهاد : كضحكي ياااك هه

نريمان : فقاش غنرجعو !

جهاد : حتا يصبح الحال
نريمان : وانت ؟ غتبقى تما ولا غترجع ؟

جهاد : لا غادي نرجع نتي عارفة مع 9 عندي الخدمة
اجي نجرجو نجلسو فالبالكون شوية ..

هز الفراش وحلو البالكون وهوا يضرب فيهم البرد . جلسو على كنابي تما فالقهوي طويل.. تكاا وجرها فوق منو

معنقهاا ساكتين ومن شدة التعب والعياء فالبلاصة داها نعاس خلاتو فايق بوحدو كيطل على شارع حط يديه على شعرها لقاه فازك وجر غطا لي خرج معاهم من البيت.. غطا ليها راسها بقاا ساهي كيخمم حتا داه نعاس

ماهياا الا ساعة ونصف حل عينيه بتتاقل لقى نهار بدا يطلع ونوضها بشوية وهيا خاشية وجهها بين وجهو وكنابي

جهاد : حبيبة نوضي نمشيو. نريمان كبيدة نوضي راه صبح الحال نوضي

حلات عينيها مخصرة فنعاسها وحركات راسها بالنفي كملات نعساها

جهاد : نبقاو هنا ؟ نريمان واش منمشيوش تبقااي ؟

حلت عينيها بالانزعاج وقالت : واخا نمشيو

جهاد : يلاه احبيبة نوضي . نوضي ونعسي فطوموبيل يلاه..

حلت عينيها بصعوبة كتفوه حاسة براسها تقيل مزال باغا تنعس. نوضها ورجيها فاشلين. دخلات لداخل تغسل وجهها

لقاتو جالس كيلبس صباطو لي جاب من شومبر ديالو مع حوايجو ..
جبدات عكر من صاك دارتو لفمها مع ريسيل طلعات شفيرات وخرجات لعندو كان جالس كيتسناها..

جهاد : نمشيو ؟

نريمان : اه يلاه نمشيو
وقف شد فيها هزات داك الساشي لي فيه حوايجها وخرجو هابطين فلاسنسور وهيا شادة عينيها مزال باغا تنعس
جهاد : نمشيو نفطرو عاد نشدو طريق ؟
نريمان : لا بلاش غير يلاه باش نوصلو

حرك راسو وخرجو وهوا كيف عادة شادها من خصرها. طلعو فالطوموبيل وديمارا داز على باتيسري كبيرة خدا منها فطور ورجع لعند نريمان لقاها حاطة راسها على باب غارقة فالنعاس. حطو ليها قدامها وزاد غادي فالجو مبرد حتا حلات عينيها على صوت تليفون لي كيصوني

حلات الخط وقالت : نعام انسرين ... هانا ماجا ... وصافي انا فطريق

قطعات وشافت فجهاد لي كيسولها : ياك لباس ؟

نريمان : لا والو غير سولاتني قالتلي فينك

جهاد : ومالهم كيسولو ؟

ردت : ايوا على ود ماما وصافي
جهاد : هاا فطور كولي شوية بعدا غضربك الشمس .

ابتسماات وهزات واحد كرطونة بيضاء فيها بعض حلوياات وكرطونة خرا فيها كريب وجوج كيسان كبار ديال العصيرة مغلفين ببلاستيك غدائي. هزات واحد الحلوة وضارت عندو مداتهع ليه لفمو
خداها منها وحلات كاس عصير مداتو ليه يشرب. كتاكل فجهة ويديها معاه واخا مباغيش كياكل من يديها وهوا كيطلبها تغني ليه وتهضر معاه غا باش مترجعش تنعس

جهاد : وغني ليااا بلييز احبيبة

نريمان : هههه وااا قلت ليك مكنعرفش ومكيعجبنييش صوتي فالغناء ههه

جهاد : وبااركة مطنزي علياا غنيلي عفااك احبيبة غا شوية

ضحكات وهيا كتاكل كريب وتبنن وقالت : شنو باغي نغني ليك شنو كيعجبك ؟

رد وهوا سايق ومرة مرة يضور يشوف فيها : لي جات من عند حبيبتي غير غني لياا


سكتات كتخمم وهيا كتشرب العصير وقالت : واخا انا نغنيلك واحد الاغنية خليجية كتعجبني ولكن مضحكش عليا ههه

جهاد : واايلي على نضحك عليك ترر وغني عفااك وشتي شحال وانا كنطلبك..

نريمان : ههه احم احم حححمم هههه

جهاد : غتلقي الخطاب الملكي بففف

نريمان : هه ولا غا كنسرح البحة د صوتي خخ يلاه سمع احمم هه ...
اممم
تخيل شجرة بيها اوراق ,,, طاحت ورده من عدها

متگدر تنزل الراس ,,, ولا ايديها لي تمدها

بهاي النظرة اباو علك ,,, مثل حال الورقه من طاح

زغرت بعيني فد مره ,,, هيجي حبك وله وراح

ابشرك ضيعت انسان ,,, مسلم روحه بيدك جان

اثاري انت طلعت خوان ,,, عيونك محد يسدها هههه صافي

هبط شفاه سفلية وقال : وكمللييي مالك سكتي واخا مفهمت والو ولكن هادشي زوين كملي زيدي


نريمان : وحتا انا هادشي لي عارفة فيها ههه غنيلي دابا نتا

جهاد : شنو نغني لحبيبتي ؟

ردت : لي بغيتي نتا

سكت للحضة غادي سايق وكيغني ليها اغنية رومنسية هادئة باللغة الفرنسية وهيا ساهية فيه وهوا كيشوف فالطريق وكل مرة يضور عندها يغمزها ويكمل حتا سالا وهيا تسفق عليه

نريمان : اوووه ههه برافو برافو. اغنية واعرة حمقااتني كتعرف تغني هه

رد بسخرية : وراه كنت غنكون مغني هه

نريمان : وايلي بصح ؟

رد وهوا كيشوف فيها : وييه داكشي كان فالصغر كنت محمقهم فدار باغي نغني ايوا ملي خرجت من دارنا ومشيت سكنت بوحدي تبدلو بزاف الحوايج

نريمان : كانت تجي معاك مغني هه

جهاد : لا لااا هادا هوا دومين لي كيعجبني ولاقي فيه راحتي

ردت بتردد : وشنو غتعلمني حتا انا نصمم صراحة مكرهتش ندير حرفة خرا

رد وهوا سايق : من بعد انريمان لي بغيتي ديريه . مغادي نمنعك من والو بغيتي تعلمي معنديش مشكيل

سكتات كضور عينيها وقالت : ودابا قولي واش مزال عندك شركة ديالك فالامارات شنو درتي من بعد ! باقة عندك ديك اتولي فالرباط ؟ باقي داكشي كيفما هوا ولا تبدل عاودلي

جهاد : مبقااتش عندي لاتولي فالرباط .. كبرت مشروع ديالي خديت ارض فيها 200 ميترو وبنيتها من جوج طبقات فكازا بحال الڤيلا عندي فيها ايكول بخيڤي ديال موديليست ..وتما نيت عندي اتوليي ديالي .. ايوا وشركة مزال فالامارات نتي عارفة روبن صاحبي هوا لي شادها ايوا مزال باغي ندير شحال من حاجة

ردت : وديك قهوة لي كنا مشينا ليها فالرباط فيها ريسطو ؟ مزال نتا وديك صاحبك شريك فيها ؟

رد : لا بعت حقي فيها حتا ندير شي بروجي اخور المهم من بعد وتعرفي اش بغيت ندير...


كملو على حديثهم حتا وصلو لطنجة ودخل حطها حدا الباب كيف وقف حلات نسرين الباب ونريمان هابطة شافتها وضارت عند جهاد دارت ليه باي باي بيديها فحين هز جهاد قلب الضورة ومشاا...
شدات نسرين الباب وقالت : اويلي فين مشيتي ليلة كاملة فين غبرتي

ردت وهيا كتحل شالها : كنت مع جهاد فين غنكون وراه قلتها ليك ماما جات ؟
نسرين : لا ولكن دابا غدخل انا حسابلي هيا لي جات باش مشيت حليت الباب

نريمان : امم لورا فين هيا ؟

نسرين : راها فالبيت ناعسة..

دخلات نريمان لبيت ونسرين متبعاها بعينيها كتشوفها كتجمع شعرها لي مزال فازڭ وساشي فيديها.
حلات فمها بدهشة ومشات لعندها بغات تسولها ملقات متقوليهاا ورجعت خرجت بحالها كضور فعينيها ..
اما نريمان خشات داك الساشي مع الحوايج ديالها لبسات بيجامة ودخلات لفراشها حدا لورا ضرباتها بنعسة

وصلات 11 عاد فيقااتها نعيمة لي كيف موالفة تنقز عليها وتعلب فاقت جراتها عندها عنقااتها كتبوس فيها.
وحلات عينيها كتحس بضلوعها مفصلين ونيفها غير كيسيل ناضت كتعطس وعينيها حومر خرجات عندهم برا لقاتهم جالسين كيفطرو من غير سمية لي ناعسة

نريمان : صباح الخير عليهم

ردو عليها .. هبطات نسرين عينيها لعنق نريمان فيه حمورية وكلما كتحرك كتبان ليها طبعة وفمها منفوخ ،، هنا تأكدات وبقات مخرجة عينيها وحتا لورا نفس الشيئ اما نريمان مدات ماا جابت فراسها هازة تليفون كتكتب المسج وضحك وهوا كيوصلها الرد وترجع الضحك.. تحل الباب د سمية وهيا تنخزها نسرين بالزربة : نوضي شوفي راسك

شافت فيها نريمان بالاستغراب وناضت جمعت الوقفة ملي شافت سمية خرجات مشات لبيتها هزات مرايا كتشوف عنقها لي مطبع وشفايفها لي منفوخين بحالا كانت مريضة بسخانة.

نريمان : ويلي ويلي على فضيحة هييي
لوات شال على راسها ومشات الحمام يلاه بغات توضى وهيا تلقى الدم هابطة عليها أفأفااات غسلات وجهها ومشات لبيت تبدل حوايجها لي فتخرج بيهم وتقاد راسها . عاد خرجات تجمعات معاهم على طبلة دالفطور عينيها فالارض مقدراتش تهزهاا ف نسرين ولا لورا. لي كيشوفو فيها بنص عين ...
كلات بالزربة وناضت خرجات مشات شدات طاكسي لصالون. اما سمية شدات نسرين كتسول وتحلفها ايمتا جات نريمان وشكون جا معاها كتبحت فيها وتعاوود

نسرين : واش انا غنكذب عليك ؟ هئ وسيري سوليها قلت ليك دخلات مع 10 دوشات وتعشينا ومشات تنعس بفف


سمية : امم ونوضي نوضي نتي ديري شي حاجة خفيفة لغدا ديري غا فريت وشلاضة انا غنمشي نجمع الحوايج نصبن

حركات نسرين راسها وناضت شافت سمية مشات الحمام تهز الشبكة دالحوايج ودخلات بالزربة لبيت لي كتنعس فيه نريمان ولورا كتقلب فماريو صغير على داك الساشي لي دخلات نريمان تشوف اش فيه قبل متجي سمية تجمع حتا حوايج نريمان ولورا.. لقاتو مخشي بين حوايجها وجبداتو بالزربة لقات داك لافيست فوق الحوايج هزاتها كتشوف فيها وجبدات تريكو حتا هوا عجبهاا لقات شي حاجة ملوية وجبداتها كان سروالها وسليب مخشي وسط منو مزال فازك .. غير شافتو وهيا تحل عينيها بصدمة وجمعات داكشي فور ما سمعات سمية داخلة جمعات داكشي ورماتو تحت الماريو بالزربة ودارت راسها كتجمع الحوايج المسخيين

سمية : شكديري ؟ سيري جمعي طبلة هاهيا هزات سينية غطيح بديك الكرش ولا تزلق ونوحلو فيها سيري حيدي عليها المواعن راها دخلات تغسلهم

نسرين : واخا واخا انا غنمشي

خلاتها كتجمع وهيا عاطياها العين من برا حتا شافتها خارجة عاد مشات الكوزينة حيدات لورا مواعن من غيديها كتكمل عليها...

جالسة فالصالون مع كليانة جديدة كيتفاهمو على الامور دالعرس وشحال تمن وفين كاين
حتا رصات معاها الامور وعطاتها العربون 1000 ..
شافت ف دنيا لي ساهية وقالت : مالك نتي غا مغبنة وساكتة ياك لباس ؟

ردت بحزن : لا والو اختي مماليش

هزات حاجبها وقالت : متأكدة ؟ قوليلي اش كاين

ردت دنيا وعينيها حومر : انا هادي عامين كنت كنعرف واحد الولد تعرفت عليه فالفيس بوك وو..وبقينا كنهضرو ياك ! وكنبغيه بزاف اختي نريمان

ردت نريمان وهيا هازة حاجبها حاطة راسها على يديها متكية : وهوا كيبغيك ؟

ردت : اه حتا هوا وقالي بب بغيتك لمعقول ولكن حتا نتشااوفو ووو ( بخوف )


نريمان : وكمل هضري نيشان

شافت دنيا فنريمان بخوف والارتباك وقالت : وومشيت طلاقيتو ونتي عارفة دارنا مكيخليونيش نخرج خرجت فديك النهار لي ... لي عملتلك فيه اميمة ديكشي فالعصير وهزات لك تصويرتك داك النهار باش خرجت شفتو ملي قلتلك راه ماما عيطاتلي وخاصني نمشي راه غير كذبت عليك باش نخرج نطلقااه

تنهدات وردت : ايوا ؟

دنيا : المهم قالي عجبتو وخصو يجي لدار يخطبني وملي قلتها لماما مبغاتش ورفضت قالتلي براني ومكنعرفوهشي مهم مبغاتشي فمرا وفينما نجي نهضر معاها تغوت عليا ومتخلينيشي نهضر نتي عارفة ماما صعيبة وانا مكرهتشي صراحة نتزوج ونخرج من دارنا عييت وطلعتلي فراسي اختي

ردت نريمان بجدية : راه متقوليش مع بالك زواج غيهنيك راه يقدر يكمل عليك الا نتي باغاه بصح ومستاعدة تكملي معاه علاش هيا غتحبسك ؟ علاش تمنعك ونتي باغاه !! ولكن متفكريش تزوجي غا باش تهناي من دارك

ردت : لا كنبغيه وبغيت اختي نكمل معاه ونتزوجو وولكن مبغاتش ماما

ردت نريمان : وغيير سايسي معاها دابا تبغي مع الوقت بالخصوص الا لقاتك شادة فيه

ردت دنيا بحزن وقالت وهيا كتبكي : لا والله متبغي اختي انا عارفة ماما

نريمان : ايوا وشنو غديري ؟

دنيا : محتجاك نتي تعاوني عفااك اختي مكرهتشي تقنعو ماما وبابا

نريمان : لا ويلي منقدرش هه كيف غندير ليها وبشمن صفة !!

ردت : لا شوف اختي نريمان انا عندي فكرة والله حتا تنجح وغادي يبغيو والله حتا يبغيو ولكن بغيتك تعاونيني
نريمان : وفاش ؟
سرطات دنيا ريقها بزز وقالت : ديك السيد لي كيجي عندك لهنا وو سميتو جهاد

قلبات نريمان عينيها وقالت : اه خطيبي مالو ؟؟

حلات دنيا عينيها وقالت : ااه اختي هداك مكرهتش تهضري معاه ياك هوا يدخل بيناتنا . بحال دابا هوا يهضر مع بابا على اساس هاد السيد لي باغي يخطبني صاحبو د خطيبك ياك ووو نتي بحالا زعمة هوا سولك وقالت بغيت شي بنت لزواج ونتي قلتيلو عندي بنت خدامة معايا

هزات نريمان حاجبها بسخرية وقالت : واش تسطيتي !! ندخل معاك انا فهاد المعمعة وفلاخر نتحشم مع والديك

دنيا : علاش غتحشمي بالعكس والله حتا واليديا غيوافقو وماما عندها نتي عزيزة ويلا جيتو عندنا والله حتا يوافقو عفاك هضري معاه

نريمان : وراه مغاديش يبغي ادنيا غا خوي راسك

دنيا : عفااك اختي نريمان الله يعطيك ستر انا مزاوكة فيك الله يعطيك الجنة ويفرحك

شافت فيها نريمان كترجاها وتبكي وقالت : وصافي خلي حتا لمن بعد ونقولهالو

دنيا : الله يجازيك عمرني نساا خيرك وقفي معايا الله يعطيك الستر

نريمان : يكون خير يلاه ديني عينيك مع لي داخل وخارج انا غنمشي نشوف بنات اش كيديرو لداخل...


بعد يومين متشاوفوش كل واحد فين ملهي مع الخدمة اما نريمان خدمات الليل حيت عندها عروسة كانت سبق ليها وعربناات عندها فداك الاسبوع.. دازت ليلة زوينة عند العرساات ونريمان فينما تكمل ليها كتسد لبيت مورااها وتمشي توقف ف دروج القاعة كتشوف فالعرسان وتغني وتسفق بيديها على نغمات شعبية وجدية وعلى اغنية مفضلة عندها

لالة خليوها تبان ،، لالة خليوها تبان
راها لبست القفطان وتمنو غالي

شادة الهضرة مع جهاد بالميساجات وكل مرة يصوني عليها ابيل فيديو تحل الخط وضور ليه الكاميرة يشوف حتا هوا ويتفرج فالعرس .. حتا كملات العروسة
عاد هبطات مطريات ديالها طلقاتها ام عروسة فالباب مدات ليها ساشي بحال صاك فيه عشاها وكل حاجة حطوها فالعرس .. لقات سمية واقفة كتسناها. طلعات حداها ومشاو لدار وسمية مزال ميكة عليها واخا نريمان كتهضرها ولكن هيا كتجاوبها ناقص .. وصلو لدار كانت ساعة 3 د ليل حطات نريمان داكشي لي جابت معاها فالثلاجة ومشات تنعس. صباح صبحاات كتصوني على مول الكرا يجي عندها خلصات ليه شهراين ديالو عاد تهناات ورتاحت من داك التقل لي كان عليها..

وحطات فبالها فلوس فاتي ترجعهم ليها حتا هيا فالعرس لي عندها فالشهر جاي... اولا مع الخدمة الا تحركات القضية...


كانت مقادة الحالة كيف ديما لابسة كسوة لاسقة عليها وقصيرة تحت الركبة نص كمل هابطين جنابهم على كتف...

واخا البرد برا سخون عندها صالون بقوة السيشوارات ونفس دالانسان ..
كانت غادية جايا فالصالون كتهضر لابسة سندالة دالصبع فرجليها صابغة ضفيرات رجليها بالحمر وحتا يديها..
شادة تليفون كتهضر مع جهاد ودنيا واقفة حداها

نريمان : دابا غتمشي الرباط ولا غترجع لطنجة ؟

رد : معرفتش
نريمان : هه شنو معرفتيش

سكت مردش عليها وهيا كتسناه يجاوبها مجاوبش وهيا كتستف الصبايغ فالڤيترينة حتا شافت خيال فجنبها ضورات راسها وهيا تشوفو داخل ببتسامة

خرجو عينيها بصدمة : جهاد اويلي هه
تفكرات راسها اش لابسة وحوايجها لداخل يلاه بغات تدخل وهوا يعنقها لصدرو على انضار دنيا لي كتشتت النضر حداهم حشمانة بعداتو نريمان وقالت : اجي دخل..

شاف هوا ف دنيا بحدة وقال : ميدق حتا والو

حركات راسها بالايجاب ودخل كانت نريمان هزات شال كبير لواتو عليها على صدرها وذرعانها ورجليها من تحت عريانين. شافها وضحك على منضر لي دايرة

جهاد : ولاش مغطية امم هوما يشوفو واناا لا هه

شدها من خصرها يلاه بغا يبوسهاا وهيا تبعد

نريمان : ولا اجهاد ههه نعل الشيطان

جهاد : شيطان احبيبة هواا بنادم

بغا يعاود يبوسها وهيا تبعدو

نريمان : وجلس اجهاد هه ماشي وقتو
جلس مفرق رجليه كيشوف فيها بلهفة
جرها من يديها حتا لبين رجليه وقال

جهاد : هاد الزين مكنتيش كتبينيه ليا كنتي ديما مخبعاه فشراوط ومحرمااه علياا امم شنو ندير ليك دابا دوي ؟ كتقلبي عليااا

واقفة بين رجليه وهوا جالس على الكرسي هاز عينيه فيها

شادة خصلة من شعرها بين صبعانها كتلوي فيها وقالت بإغراء وهيا شادة الضحكة

: ومن بعد شنو فجهدك مدير؟

شاف فيها مطولا مصغر عينيه كيشوف فجسمها المغري لي مبقاش داك الجسم نحييق بالعكس زاد شوية فالحجم وبانو مفاتينها متر...
وحركاتها لي كتخليه يفقد السيطرة على نفسو وقال : نقدر ندمك فهاد الساعة احبيبة

ابتسمات بخفت وقالت : نوض نوض سير بحالك خرج بنات برا خرج قبل متعمر دنيا ر...

جرها من شعرها قبل متكمل كلمتها جلسها عليه وهيا مفرقة رجليها كضحك باغا تنوض وهوا لاسق عليها
جهاد : كتجري عليا ؟ شنو فجهدي مندير ؟ امم انا نوري حبيبتي شنو فجهدي مندير ..


نريمان : ولا جهاد لاا ههه طلقني خليني نوض

مبغاش يطلق منها شادها من خصرها مجلسها عليه فينما تبغي تنوض يشدها بقوة ساهي فيها وفملامح وجهها وعنقها العاري ويديها بحالا اول مرة غيشوفها ،،

تنهد وقال بضعف : فقاش نكتبو العقد ! يلاه نمشيو دابا

تنهدات بتوتر وهيا شادة فمعصم يديه وردت : ميمكنش اجهاد

هز حاجبو ورد : علاش ؟ مبغانيش ولا عندك شي حد اخور

نريمان : لا لا مفهمتينيش . شوف

سكتات كتشوف فيها وقالت : خاصني نقولها لماما اجهاد ونتا خاصك تجي عندها وو فهمتي ؟ راه مغاديش نجي ونتزوجو غا هكاك

ساط من مناخرو بعصبية ورد : مكنعرف لا ماماك ولا شي حد اخور ، ماماك هيا سباب باش طلقنا ولا نسيتي ! عاد غنرجع عندها انا ونقولها نتزوج بيك !! وعلاش غتشاوريهااا نتي كاع ؟

ناضت من فوق رجليه معجبهاش الرد ديالو بعدات عليه جلسات على بياص د لاصير وهيا كتجر فالشال لي ملوية فيه كتغطي على صدرها ويديها وردت :

ياك عاد قلتيلي نساي كلشي ؟ ياك قلتيلي غنبداو من جديد وكدا والقديم صافي صفحة و طويناها ومغنعاودوش نجبدوها ؟ وعلاش جابد ليا طلاق وماما سبابنا ومنعرف شنو !
داكشي ديالك نساه ود ماما لا ؟

رد بنرفزة : كون مكاانتش ماماك دخلات مكنتش غادي نغلط وران..

قطعاتو وقالت : جهاد ماما هيا كلشي باغيني ؟ هضر مع ماما وسير عندها لدار ودير الواجب اما غير نمشي نتزوج بيك غا هكاك لااا

ضورات وجهها كتشوف ف نقطة وحدة ،،
اما هوا شد عينيه كيسوط طول الشوفة فيها وقال : نريمان انا وديك السيدة راه مكنتفااهمووش وانا مزال منااسي ليها ديك السبان وديك الهضور لي كانت كتعطيني ونتي مفراسك ميتعاود . وعاد فلاشات الخاسرين لي دارت نعانا ..
اناا محاااملش نشوفها ولا نزيد عاد نهضر معاها وعاد نمشي ونطلبك منها وااا فهميني معرفتش كيفاش غنشرح ليك ولكن را...

رجعات قاطعاتو بحدة : جهاااد هاديك ماما كيفمااا كان الحال وانا فهماااك ولكن الا كنتي باغيني بصح اجب هضر معاها واخا فوق نفسك واخا غا 5 دقايق المهم تهضر معاها وديك ساعة الا بغيتي معمرك تشوفها نتا تعرف المهم هوا تكون عارفة

غلى دمو ناض من بلاصو غادي جيهت الباب وقال : شحال كيعجبك تعقدي الأمور بففف ..

حل الباب وخرج زدحو موراه..
خلاها مصدومة من التصرف لي دار معاها وكيفاش خرج معصب ..
غا شوية كانو ضاحكين ، كانو فرحانين وهانيين ...فجأة هاهوا شعل وخرج معصب وهادا سبب من الاسباب لي كيخليها خيفانة من زواجها منو هيا هاد العصبية زايدة لي فيه.. خلاها كتغلي ودمعة على طرف شفارها . مشات لطبلة هزات تليفونها وصيفطاات ليه مسج بالزربة كتغلط فالحروف وترجع تمسح وتصحح.
صيفطااتو ليه ودمعة هابطة ليها حارة
شافتو فالبلاصة قراه ومردش عليها

" ملي نتا داير بحال هاكا مناقص من هاد زواج خلينا خوت و الله يعاونك "

زادت تفقصاات ملي بقات حاضياه يجاوبها ومجوبهاااش خلاها كتغلي.
وخرجت معصبة من البيت مشات لعند البنات تشوف اش كيديرو باش تبرد وتلف الجو ومتبقااش غا جالسة وكتبكي ودنيا كضور عليها من هنا وهنا باغا تعرف واش جبدات ليه موضوع د زواجها مع جهاد ..
واش وافق يدخلو فالقضية د زواجها مع شاب لي كتبغيه ..
خرجات فيها نريمان عينيها بعصبية وقالت : حيدي من حداياااا واش معيتييش !!


شدات الطاكسي ورجعت لدار بعدما كملات خدمتها .
دخلات نيشان لبيت ترمات على الفراش بحوايجها دمعة واقفة ليها وحاسة بغصة فصدرها واش ملي تقول فرحات ترجع تنكد عليها واش حياتها غتبقى هاكا ؟ واش متفرح متعيش بحال الناس ! وعلاش مزال ماا جاوبها ؟ وعلاش نهار كامل مصونا عليها ولا سول عليها ؟ زعمة غضبان !! ولا معجبتوش هضرتي ! ولا صافي لقاها سبة وزاد .. ندمات على ليلة لي دوزاتها معاه فطنجة وندمات علاش الضحك والفرحة لي فرحاتها معاه بقات كتنخصص فبلاصتها وكل مرة حاضية تليفون وحتا كتبغي ترجع تكتب ليه مسج وتمسحو وتحط تليفون وترجع تشوفو.. حسات سمية بهادشي ودخلات عندها قبل متمشي الخدمة لابسة عباية وصاك فيديها وشال ملوي على راسها وقالت : نوضي خرجي تعشااي . مالك ياك لباس !

ردت : مفيااش جوع غير تعشااو نتوما

سمية : وهضري قولي مالك راه غتحمقيني ابنتي عييت نصبر عييت مبقيت عرفاك فين كتمشي ولا معامن كتكوني مبقيتي لا كتعاوديلي ولا كتهضري وتقولي اش كاين . واش باغا تمرضي ولا مالك واش باغا ترجعي لحالة لي كنتي فيها !!

ردت بخنقة : وماما خليني مفيا لي يهضر خليني عفااك نعس شدي عليا الباب..

يلاه بغات تهضر وهوا يقاطع كلامها صوت تليفون لي كيصوني خلات نريمان ناعسة وخرجات كتجاوب ف التليفون طلعات فطوموبيلتها وقالت ...

سمية : لباس الحمد الله شكون معايا

ردت بهدوء : انا مدام آسيا مامات جهاد

عقدات حجبانها وردت : اه مرحبا

آسيا : مغسي حبيبة بون صونيت ليك باش نقوليك راه ان شاء الله غنجيو عندكم غدا ،، جهاد ولدي راه باغي يتزوج بنريمان ويكملو حياتهم مع بعضيااتهم الله يسهل عليهم ايوا غدا بغينا نجيو عندكم

خرجو عينين سمية بصدمة وهيا كتسوڭ وقفات وردت : شنوو ! غغ غتجييو عغغغدا ؟ غدااا

آسيا : وي مدام سمية عندك شي مشكيل ؟ ولا كنتو ممسالينش سمحيلي حيت حنا معندنااش الوقت وبعد غدا عندنا طيارة وهادشي يلاه قالو ليا جهاد قبيلة وعطاني نمرتك باش نصوني ليك...

تنهدات بضيق وهيا راجعة لدار كتسوڭ وقالت : واخا واخا يكون خير
آسيا : اوك مغسي بوكو وسمحيليا على هاد ديغونجمون مديريهاش مني قلة الصواب

سمية : لا لا هانية ..

قطعات وهيا داخلة لدار نيشان لعند نريمان لقاتها دخلات لطواليط بقات واقفة ليها فالباب حتا خرجات وهيا تقول : نتي عارفاهم غيجييو غدا وساكتة ؟؟؟

رد بالاستغراب : شكون؟ علامن كتهضر

سمية : مو د جهاد لي جايا غدا

حلات عينيها بدهشة : هاا ! شنووو ؟ شكون قالك هادشي انا مفراسي والو
سمية : راه عاد صونات عليا دابا وقالتهالي قالتلي غدا غنجيو عندكم وراه باغي يردك

سكتات نريمان بالارتبااك كملت سمية كلامها وقالت
علاش هوا مقالك والو زعمة ؟ ايوا ياك كتهضرو!

نريمان: اه ولكن مقاليش هادشي هوا هضر معايا على زواج وقلت ليه الا باغي اجي قولها لماما ..

تنهدات سمية وهيا كتشتت النضر وفنفس الوقت فرحانة فالداخل ديالها لأن بنتها دارت ليها اعتبار ومدارتش شي حاجة لي بزز من سمية او بلا رضاها .. ارتاحت نسبيا

سمية : شنو دابا غتجي ليه ؟ باغا ترجعي !

هزات عينيها فسمية ورجعات هبطاتهم وقالت: اه

حركات سمية راسها بالايجاب . حاسة بحلقها تقج وقالت : واخا الله يكمليك بالخير ابنتي ويعطيك الهنى وراحت البال فدارك


خرجات وعينيها مغرغرين بالدموع مقدراش على فراق بنتها تزوج وشوف عوتاني تبعد عليها ولا منعرف الايام اش يكون فيها تنهداات بحرقة وهيا سايڭة وفنفس الوقت كتدعي فنفسها ربي يفرح ليها بنتها ويعيشها عيشة حسن من ديالها..


جلسات فالصالة فدهشة

ونسرين قبالتها عينيها معاها

شافت ف لورا ورجعات شافت ف نريمان وقالت بالعربية : مالك انريمان !

ردت : والو

سكتات لوهلة وقالت بتردد : حضي انريمان مع ماما نتي عارفة فيها العصب ودغيا كطيح ولا تكوانسا من كتافها وهيا كتخاف عليك بزاف ووو... كن شاافت ديك شي راا

هزات نريمان عينيها فنسرين وردت بتساؤول : شنوو غتشوف !!

شتتات النضر بتوتر وردت : وديك شي لي فالبيت داك الحوايج لي دايرة فداك الصاك راه دخلات تجمع الحوايج ملي كانت كتصبن

خرجات عينيها قطعاتها وقالت: اويلي هزاااتو ؟؟ انا مرجعتش نشوفف !

نسرين : راه انا حيدتو ورميتو تحت الماريو وكون لقااتو ؟؟ غتفهمهاا طايرة
اويلي انريمان واش من نيتك شي نهار اختي توحلي معاه فشيي ششش كرشش

سرطات نريمان ريقها بزز وجهها حمر مرضاااتش تفضح وحتا دوك الحوايج نساتهم كاع مبقاو فبالها. اما لورا جالسة بيناتهم مفاهمة والو وفنفس الوقت حست بلي خصوصية ديالهم وممنحقهاش تسول بقات غير كتشوف وساكتة

ردت نريمان بخجل وقالت : ميمشيش بالك بعيد موقع بيناتنا والو

ناضت من حداهم دخلات البيت لقات تليفون كيڤيبري ويعاود... لقات بزاف دالمكالمات من عند رقم غريب ورقم اخر د ريم وجهاد لي مصوني عليها ومصيفط مسجات. يلاه بغات تجاوبو وهوا يعاود يصوني ليها تليفون وحلت الخط بفرحة :
وي

جهاد : رشقات ليك دابا

ردت مع تنهيدة : امم شغادي ترشاق ليا مخليني معصبة وغادي وغترشاق ليا

جهاد : وااا نتي احبيبة ديالي بدا يطوال ليك داك اللسان

ردت بدلع : بصحح ! مفخباااريش

جهاد : زيدي غاا زيدي تلواااي تماا هضرة ماشي دابا حتا لمن بعد

ضحكات بالجهد وردت وهيا باغا تصعرو : وناري شنو فجهدك مدير اش ههه كضحكني نتا ودابا خليني نعس اوك

عضات على شفاها مفيها نعاس ولكن باغا تزيد تجعرو وهوا مزال باغي يهضر .
تنهد بنفاد الصبر وقال : ووجدي راسك غدا غيجيو عندكم فليل

عقدات حجبانها وردت : وانت !!

جهاد: انا غنجي معطل شوية

نريمان : امم اوك واخا يلاه تليفون غيطفالي من شارج

جهاد : اهاه ! واخا بسلامة

قطعات عليه عاجبها الحال واخا مكرهااانش تبات شادة الخط معاه ولكن بغات دير الهمة راسها وتبين بلي راها مشغولة وماشي مسالية ليه ولا مشعووطة فيه .. فور ما قطعات المكالمة سمعات نسرين كتهضر برا فالتليفون خرجات عندها واقفة حدا باب كتشوف فيها بتساؤول

نسرين : صافي.. واخاا اماما ... لا لا صافي.... دااابا هاحنا غنوضو ... انا غنطلع نقولها ليها يلاه بسلامة

قطعات وشافت فنريمان

نريمان : شنو كاين ؟

نسرين : ماما قالتلي نخملو دار دابا واخا يلاه خملنا وسيقنا ولا نطلعو عند الجارة نقولولها تحل لينا الصالون ديالها نجلسوهم فيه

جلسات نريمان فحيرة وهوا يصوني تليفونها جبدات وهيا تلقى ريم كتصوني ومباشرة حلات الخط كتهضر فرحانة

نريمان : الله يبارك فيك اختي ريم لهلا يخطيك

تنهدات : واخيييرا رتاحينااا عرفتي ناااري كنا هازين ليكم واحد الحمل منكذذذبش عليك انريمان عرفتي غا قالها لينا جهاد نضت نزغرت وفرحااانة عاجبني الحال ههه لا انا لا ماما لا خوتي وخالتي وفاء وخالتي منى فرحناا ليكم واغداا ان شاء الله نجيو عندكم

نريمان : ربي خليك اختي لهلا يخطيك مرحباااا بيكم ونهار كبيير

هزات عينيها فنسرين لي كتهضر بصوت خافت : قولي ليهاا شحال بيكم غتجييو

خرجات فيها نريمان عينيها بعدات تليفون من ودنها وردت : اويليييييي حشوووومة سكتيي


ريم : الله يكبر بيك الفنوون يا الحلاوة ديالي يلاه غدا نتشاوفو احبيبة

نريمان : واخا ان شاء الله مرحبا بيكم..

قطعات المكالمة ويديها على حنكها كتخمم شافت فنسرين وقالت : انا نطلع عند زهرة نقولها تخلينا صالون غدا حنا عندنا هنا الضيق فين غندخلوهم ؟؟ ومنعرف حتا شكون يجي معاهم

نسرين : ونوضي طلعي عندها ماما قالتلي خملو وجدو حيدو عليكم هاد شي باش غدا يبقى غا توجاد وطياب

مكاين غا جري علياا نجري عليك ناضت نريمان طلعات عند جارتهم علماتها بلي غيجيو عندهم ضياف تخليلهم الصالون. حلاتو ليها دخلات نريمان كضور عينيها فالفراش. طلامط قدام وطبلة د الخشب مهرسة من واحد رجل فوق منها جلد دميكة وحصيرة بالالوان عقدات حجبانهاا وزهرة حداها كتهضر
زهرة : وهانتينا ها صالون غدا البنات يخملوه معاكم وسيقو الدروج ومرحبا بيهم مرحبا ..


هبطات نريمان ساخطة اويلي واش هاداك صالون ندخلهم انا ليه وايلي !!! هبطات عند نسرين معصبة وقالت : متما مسكينة عندها فراش الله يحسن العوان ولكن انا منرضااش ندخلهم لتما

نسرين : ايوا شغاديري ؟؟

تنهدات وقالت : غدا انمشي عند مول الفراش نكري من عندو معندي مندير منرضااش ندخلهم ومتعرفي شكون جاي معاهم


ليلة كلها وهوما يحكو فدارهم ويسقيو ولورا معوناهم واخا متقلة هبطو على كوزينة كلها على بيت سمية على لبيت لي ناعسة فيه نريمان ولورا والصالة لي كيجلسو فيهم... حتا 3 دليل عاد سلاو خلاو الدنيا كتشعل بالنقاوة طاحو طيحة وحدة نعسو ..

كيف صباح الحال فيقاتهم سمية فالتلفون ينوضو يكملو على شغلهم وهيا تمشي تقدا اش خاص لعشاا..

ناضت نريمان لبسات عباية كحلة ولوات شال على راسها وبزطام فيديها وخرجات بلاما تغسل حتا وجهها. مشات لعند مول الفراش تشوف طلامط والمخاد. ختارتهم فالموڤ مبرد بزواقة فيها الالوان متناسقة ... ومخيدات ديالهم كبار ومخيدات صغار كيجيو فالوسط ومخيدات طوال لي كيجيو فالقنات .. كراتهم من عندو واخا تعكس ليها فاللول حيت دالبيع ماشي دالشراا. ونفس الشيئ كرات زربية فالموڤ وجوج طبالي كبار منقوشين وصوندريات صغار حتا هوما. هادشي كامل جمعاتو عند مول الفراش وتما كرات موطور يديهم ليها طلعات فالطاكسي وموطور موراها . حتا وصلو وهبطات كتشد منو ونسرين حتا هيا خرجات دخل معاها.
لدار ..
عيطو لجارة وطلبو منها يحيدو فراشها يفرشو فراش اخر ..تقرصات وبدات تسوط زعمة مرضاوش بيها
اما نريمان ماشي هاكا فكرات حيت لي فراسها هوا تبان حدا عائلة جهاد فالمستوى وحيت مرضيااش بيهم يعيبو عليها اولا متعرف اش يقولو المهم البيت لي غيدخلو ليه يكون مفرش ونقي ..

حيدو داك الفراش وسيقو ومسحو الحيوط. وبدات كيفرشو من جديد ويلمطو ويقادو فالمخاد وطبالي جوج فالوسط نريمان مقنعهاش داكشي.

خلات نسرين مزال كتلمط ومشات شرات جوج كوادروات كبار .. وحدة فيها آية الكرسي ولاخرا فيها يس ... وخدات ڤزات كبار جوج والورد عياات متخمم اش تجيد ورجعات لدار وهيا تالفة. حطات دوك ڤيزان فوق الطبلة ودارت فيهم الورد وعلقات دوك كوادروات فالحيط.. كوميم تزين البيت شوية وعطا نضرة شافت فالسرجم وهيا تعقد حجبانها ورجعات خرجات كتنهد شرات ريدو دالسرجم حتا هوا فالموڤ .. خدات سريبتات صغار ورجعات لدار وهيا مزال كتخمم اش تزيد يلاه دخلات شافت سمية لداخل كتهضر مع نسرين غا شافت نريمان وهيا تقول : اويلي علاش مشيتي تكري فراش ؟؟

ردت : وشنو ندخلهم هكاك !! طلامط مقطعين ولونهم كاشف وديك الحالة شنو غيقولو ؟؟ انا منرضااااش اماما سمعتي منرضاااش واخاا يكون لي كان مندخلهمش لداك صالون هكاك..

تنهدات سمية وهيا كتحل الميكات لي حطات فوق الطبلة كتجبد التقدية وقالت : شنو غنوجدو ليهم العشاء ؟ انا جبت الدجاج نطيبوه بالدغميرة واللوز وزيتون شنو نزيدو نجيب اللحم ؟
سكتاا نريمان جالسة فوق الكرسي كتنهد وقالت : نطيبو دجاج ونمشي ندومندي على بسطيلة ولا شي حاجة زوينة شنو نحطولهم غا دجاج ولحم !! ضروري نوعو شي حاجة

تنهدات سمية بعصب وردت :

راه معندنااش الفلوس ونتي كتشوفي الحالة لي كندوزو منها ولا لا ؟ وحتا الخلصة دالشهر مزال عشريام عاد نتخلص كي غنديرو ! واش نتعلقو فين نتفلقوو !!

حسات بضيق حتا بغات تبكي وردت : وشنو. نديرو اماما راه ماماه فشكل وانااا منرضاااش بيها واش عارفة الڤيلا لي عندهم هوما فالامارات كيفاش دايرة !! وفراش كي داير ومكلتهم كيف دايرة . راه حنا معندنااش ولكن انا منرضاااش اماما منرضااش نحط ليها شي حاجة ماشي حتا لتما ولا ناقصة ولا نجلسها فشي بلاصة ماشي هيا هاديك وفهميني هاد الضهر وذنااات ومبقاش لينا الوقت اووووف
.
تغرغرو الدموع فعينيها وناضت هزات شالها من فوق الفراش لواتو على راسها يلاه بغات تخرج وهيا توقفها سمية بحدة : دوزي تجلسي يلاه دخلو غسلو هاد الدجاج بيدماا نجي ( شافت فنسرين ) سلقي اللوز هانا جاية دابا

شافت فيها نريمان بالآسى وقالت : فين غتمشي ؟

ردت بتوتر : غنخرج يلاه سيري كملي شغلك نتي وختك بيدما نجي باش نخرجو انا وياك

نريمان : فين غنمشيو؟

مرداتش عليها سمية وخرجات
اما نريمان بقات متبعة ليها العين ودمعة هابطة من عينيها تقج حلقها محملاااش الوضع كتخايل آسيا داخلة وكضور عينيها او كتعيب على الماكلة او تحشي ليها شي هضرة .. برداات الفقصة ف 6 دجاجات غسلاتهم ونسرين حداها كتحاول تهذنها بلي كلشي غيدوز مزيان ..

خلات الدجاج فشبكة يستقطر وخرجات جالسة فصالة مربعة يديها وتليفون فيديها كتجاوب جهاد على مسج لي كان مخلي ليها ،، دخلات سمية كتسوط والعرق هابط من جبهتها كتنهج جلسات حدا نريمان متكية براسها على سداري شادة عينيها

سمية : غنمووت غا بالنعاس السهيير دالخدمة وحتا يدي حرقها بالمقلة لبارح وعيااانة مدڭدڭة مكرهتش غا نحط راسي على المخدة

ردت نريمان بحزن والآسى : ونوضي نعسي رتاحي شوية

هزات سمية راسها فنريمان وقالت : راه دومنديت على بسطيلة قلت ليهم فاللول غا وحدة ورجعت قلت ليهم جوج. المهم منعرف نديرو بحساب الزايد . ايوا وراه غيوجدو لينا حتا سلاد ديال العراسات ختاريت احسن وحدة . وحتا الحلوة والديسير ولي غنحطو ليهم فالطبلة راه مع المغرب غنمشي نجيبو

حلات نريمان عينيها بفرحة وقالت : بصح ؟؟ منين جاتك الفلوس !!

ردت بحزن : وشحال عندي منكم عشرة ؟ راه غا جوج بنات مكرهتش نبتكم باللويز راه غا معندي جهد . جهد الله تعالى


هبطو دمعوها بفرحة ومحساتش براسها حتا ناضت عنقاات سمية كتبكي. وحتا سمية كانت على سبة بحال البالون غير قيسو بإبرة يطرطق..
هاكا طرا ليهم بجوج مكاين غا البكا وتعناق ولورا ونسرين فباب كوزينة واقفين كيشوفو فيهم وحتا هوما مأثريين بهادشي ..

سمية : يلاه نوضي غسلي وجهك وقادي حالتك باش ديك ساعة نخرجو نشوفو نكري ليك شي قفطان تلبسيه

نريمان : لا بلاش انا نشوف غا حوايجي نلبسهم وصافي

سمية : وهضرت معاك شوفي شي قميص ولا قفطان لي عجبك المهم تلبسي شي حاجة زوينة وسيري قادي وجهك فالصالون ولا قاديه هنا

نريمان : لا غنمشي لصالون بلحق معندناش الوقت ها كيطييير


سمية : وسيري دابا نتي دوشي وبدلي هاد الحالة انا نمشي نرد الدجاج يطيب وتحمار حتا يجيو ونحمروه . وهاا حنا سلينا. ( شافت فنسرين ) غسلي الكيسان وطباسل وتحركي حتا نتي باش دوشي ( شافت ف لورا بنص عين ) حتا نتي

حركات لورا راسها ورجعات دخلات مع نسرين اما نريمان. ناضت الحمام دوش وهيا فرحانة خرجات كتنشف شعرها بالفوطة لبسات دوبياس فالابيض وكسوة فوق منهم بالكمام وطويلة حتا الارض . خلات الفوطة على راسها ومشات لعندهم الكوزينة.

لقات سمية واقفة كتحمر اللوز اما نسرين خرجو هيا ولورا مشاو الحمام د زنقة ..

سمية : ايوا بصحة

نريمان : الله يعطيك صحة اماما نعاونك فشي حاجة ؟

سمية : لا معندك فاش تعاونيني دابا نحطو ليهم اتاي هوا اللول مع حلوة ياك

ردت : اه اتاي مع الحلوة صافي ؟

سمية : راه عاد غنشري فاكية نديرها فزليفات حتا هيا نحطوها

نريمان : صافي واخا لي بغيتي

سمية : وسيري لبيسي شالك نخرجو راه الوقت كيطير يلاه توجدي راسك نشوفو شنو غتلبسي عاد نوصلك لصالون

نريمان : واخا

خرجو طلعو فالطوموبيل مشاو عند وحدة كتبيع وتكري لباسي.
خداو قفطان خفيف ديال الرفيع من داكشي فاللون الذهبي كيشعل مخدوم باليد وحتا القياس جاا قد نريمان نيشان بحالا عبروه عليها..

خداوه وصلاتها سمية لصالون .
طلعات لقات دنيا كتخدم لكيان. رحبات بيهم نريمان ودخلات لبيت وعيطات لدنيا تبعها.

دخلات موراها وقالت ببتسامة : جاو البنات د تعليم ؟

دنيا : اه جاو راهم لداخل كيصاوبو لبعضياتهم

نريمان : امم اوك اليوم انا مشغولة داكشي علاش مجيتش صباح . المهم غدا غتجي واحد الكليانة غتصبغي ليها شعرها المهم كلشي راه فالڤيترينا ولي كان علميني صافي ؟

دنيا : صافي واخا لي كان ديك ساعة نقولو ليك...

خرجات دنيا واخا واكلها الفضول ملي شافت نريمان حاطة حداها القفطان وكتوجد ضنت انها غتمشي معروضة وصافي..

اما نريمان شدات عليها الباب وشدات المرايا قبالت وجهها كتقلب الا بانت ليها شي زغبة تحيدها دوزات كريم على وجهها الابيض وبدات اكتفت بمكياج خفيف عجبها راسها وهيا كتشوف فالمرايا.
ناضت لبسات قفطانها ودارت ليه حزامو مع صندالة عالية ذهبية ...

حلات الباب وعيطات لدنيا شافتها مقادة وهيا دير ابتسامة اعجاب وقالت : تبارك الله ياختي جيتي بحال شي عروسة ..

ضحكات نريمان وردت : وراه نيت غنتزوج

دنيا : هاااااا !

نريمان : جيبي بروشينغ اجي دوزي ليا على شعري دغيا

بالارتباك : وو. واهاا واخاا

جلست قبالت مرايا ودنيا داخلة حالة فمها بدات كتنشف ليها الشعر وهوا يصوني تليفون د نريمان . غير شافت سمية وهيا توقف دنيا

نريمان : بلاتي تسناي حتا نجاوب ...الو
جهاد : الحبيبة ديالي شنو كدير

بخجل : والو غير جالسة

جهاد : امم مزيان متوحشتينيش مقلتي نسول فهادا مم ! زعمة نهار كامل ونتي غابرة

عضات على شفاها السفلية كتشوف فدنيا من المرايا كضحك وردت : وراه كنت مشغولة مساليتش . فقاش غتجيو ؟

جهاد : هوما راه شادين الطريق يمكن شوية يوصلو

خرجات عينيها وردت بتوتر : ااه اوك واخا... ااا .. المهم ديك الساعة نهضرو

جهاد : مالكي ممسالياش

خرجات لسانها عاضة عليه وردت : راه كنصاوب شعري اجهاد وخاصني نسالي قبل ميجيو

جهاد : امم واخا الالة منعطلكش يلاه كملي حتا نتشاوفو

نريمان : واخا بسلامة..

قطعات ودنيا كتشوف فيها وعينيها مغرغرين بالدموع. شافت فيها نريمان باستغراب وقالت

مالك ادنيا ؟ علاش كتبكي

ردت بخنقة : مكرهتشي حتا انا نتزوج ونعيش حتا انا مع لي كنبغيه

تخنقات ومبقاتش قادرة تهضر كتبكي وصدرها كيطلع ويهبط ناضت نريمان من بلاصتها شدات فيها عنقاتها وقالت : دابا ربي يسهل عليك متيأسيش خلي الامل ديالك كلو فالله وحاااشاه واش يخيبك . شتي هاد الشي لي نتي كدوزي منو راه حتاا انا دزت منو وحاسة بيك ولكن الا كنتي باغا شي حاجة شدي فيها وخليك متشبتة بيها وطلبي الله هوا لي غيوقف معاك سمعتي ؟

حركات دنيا راسها بحزن اما نريمان بقات فيها ورجعات جلست فبلاصتها وكتحاول تهذنهع وتعطيها آمل بلي غيجي واحد الوقت وغتنور حياتها وغتحقق احلامها غير هوا خاص شوية دالصبر..
كملات ليها بروشينغ لشعرها ودارت شال لواتو عليه .
شافت فالساعة لقات 8 دليل بنات كلهم خرجو وحتا صالون خاوي مفيه حد...
يلاه بغات تخرج تشد طاكسي وهيا تصوني عليها سمية

سمية : هبطي الا كملتي هانا لتحت
نريمان : واخا اماما انا هابطة
قطعات وشافت فدنيا ..

نريمان : يلاه شدي الصالون وسيري بحالك حتا لغدا وعاد حلي وديري فبالك كلشي غيتقااد صافي ؟ حتا نجي ونهضرو دابا مزروبة ..

دنيا : الله يكملك بالخير اختي والله يسهل عليك

نريمان : اميين احبيبة يلاه بسلامة ..

خلات دنيا كتسد الباب وهبطات لعند سمية طلعات حداها


وصلو لدار وبالدخلة شمات نريمان ريحة العود دخلات لدار لقات مبيخرة كبيرة فالارض طالقين العود والطرب الاندلسي ونسرين لابسة كسوة مفخفخة حد الركبة بلا كمام فاللون الاحمر وشعرها الاشقر بوكلي ومكياج خفيف وطالون ولورات حتا هيا كسوة حد الركبة بالكمام مشبكين فالموطارد فيها وريدات وشعرها الاشقر مطلوق حتا لخصرها جات كتفتن بعوينات فالڭري فاتح وصندالة بلا وكريشتها صغيورة خارجة..

شافت نريمان بلاطويات د الحلوة وبلاطو دالمحنشات صغار محطوطين على طبلة وزليفات فيهم الفاكية والسينية وبرارد د اتاي خاويين محطوطين. كلشي مستف .. وطبلة خرا فيها بسطيلة مغطيينها بالسولوفان حاطينهم فصحن مذهب

فرحات ومشات لعند سمية لبيت لقاتها كتلبس القميص وقالت : ماما شريتي هادشي كولو !! ونتي معندك والو

سمية : بفف وصافي دابا كلشي يخلفو الله حياتي كلها مفرحتش بيك ودابا منفرحش بيك ؟ واخا نقطعها من لحمي.

تغرغرو عينيها وهيا تهز سمية صبعها حطاتو على فمها وقالت بحدة : شتتتت منبغيييش نشوف دموع هانتي غتخسري مكياااج ديالك فرحي ونشطي وبكا خليه لعدوووك

الحبيبة ابنتي احبيبة ديالي.

رجعو كيتعاانقو بحب
سمية : ايوا هادي هيا دنيا ابنتي حتا وحدة مبقات مع واليديها الحمد الله . دار كتكون عامرة بالبنات وكلها كتخوا ايييه الحمد الله ابنتي

جلسات حداها نريمان مقدراش تعبر على الفرحة ديالها وقلبها لي كيضرب كلما كتشوف فالساعة كيزيد قلبها يضرب كتر اولا ملي كتسمع شي طوموبيل دخلات لحومة كتمشي طل هيا ونسرين

لبسات سمية وقدات حتا هيا راسها اكتفت بكحل وعكر فالغوز مبرد وخرجات كتجر فالقميص ديالها .. كلشي طايب كلشي موجود من غير دجاج لي غيتحمر...
كلهم متوترين وتالفين قاطع سكتاهم رقم غريب كان سبق طلع لنريمان فالليلة لي مضات ردت : الو ؟
- زين ديالي صافا !

حلات عينيها بعدما عرفات مولات الصوت وردت : اهلا خالتي اسيا بخير وانت لباس عليك ؟

آسيا : وي حبيبة بخير بغيت نقولك راه وصلنا ولكن تلفنا هه صيفطيليا لوكاليزسيون

نريمان : مرحباا بيكم واخا انا نصيفطالك دابا

قطعات وصيفطاتها ليها شافت فيها وقالت : هاهوما وصلو

سمية : ايوا على سلامتهم نوضو البنات يلاه نوضو طلعو هاد المبيخرات لفوق وشوفو شغديرو

ناضو كلهم تالفين معارفين اش يديرو اما حتا سمية بدات دخل وتخرج فالهضرة وغير كتغوت بلا سبب..

دخلات نريمان لبيتها شافت وجهاا فالمرايا قدات الشال بطريقة عشوائية خارجين خصلات شعرها من القدام وشعر لاخر هابط حتا لمأخرتها

سمعو الطوموبيل داخلة الحومة وهيا تشد فقلبها وعضات على شفاها كتنهج خرجات عندهم نسرين من البيت كانت كطل وقالت : جااااووو جاووو

سمية : يلاه ااجيو زيدو

مشات هيا اللولة حلات الباب لقات مرسيديس سوداء قريبة من الباب مزال موقفات كيسولو واحد الولد. غير شافو سمية حلات الباب شيرات ليهم عاد حبسو ..
خرجات ريم من سيارة اخرا مور مرسيديس كتجري هازة ولد فيديها بفرحة وشوق عنقات سمية واخا معرفتهاش شكون هيا فالضن ديالها انها من عائلة نريمان فقط سلمات على نسرين وقالت وهيا كضور عينيها : فين نريمان فين الزيييين ديالي ههه فين عروسة ديالنااا

سلمات على لورا ودخلاتها لداخل عندها فحين سمية بتقة فالنفس هازة حاجبها لفوق كتسلم على آسيا بكل رقة ودازت سلمات على 2 د عيالات من لباسهم وريحتهم وطريقتهم فالهضرة باين عليهم الخير وناس ديال الكبار 3 بنات حتا هوما سلمو على سمية وليدات صغار شي كيتكلم بالفرنسية وشي بالانجليزية كيبكيو ويدابزو واسيا كتفك بيناتهم

سمية : زيدو مرحبا بيكم تفضلو ..
خوات ليهم الطريق ونسرين كتسلم عليهم حتا هيا ودير ليهم طريق منين يدوزو .
هزات نسرين واحد البنيتة كتبوس فيها دخلاتها معاها وهوما كلهم فمهم غير نريمان . فين هيا نريمان فين عروستنا فين الزين ديالنا فين خبعتوهاا لينا. خرجات عندهم بعد عناااق حااار بينها وبين ريم مبغاااوش يطلقو من بعضياتهم.
غير شافتها اسيا وهيا تفرح من عينيها

اسيا : اوووه الكبيدة الغزالة ديالي.
عنقاتها بالجهد وهادشي ماشي من عوايد اسيا لي الا عطاتك غير حنكها حمد الله. ولكن سبحان مبدل الاحوال...
نريمان عرفات البقية لي جاو مع اسيا . كانت وفاء خالت جهاد وبناتها بجوج دينا ولمياء.

وخالتو اخرى منى والصدمة بنتها خنساء لي كانت من الاول محملاش نريمان ومبغاهاش تزوج بجهاد واسيا باغا تزوجها ليه... سلمات عليها نريمان ورحبات بيهم وبوليدات ريم جوج. وبولد ريهام لي جابو معاهم.

طلعوهم لصالون حيدات ريم سبرديلة ديالها وحتا اسيا وخوتاتها حيدو صبابطهم ودخلو باحترام ..

حتا بنات دخلو ورجعو خرجو حيدو صبابطهم ورجعو جلسو

اما خنساء دخلات بطالونها لابسة سروال توب مزير مطرطق مع مأخرتها وقطعة من الثوب مغطية صدرها يديها عريانين وجزء من كرشها كيبان فيه وشمة صغيرة ..

زفرات سمية من مناخرها بعصبية ولكن سكتات ومبغاتش تبين ...

نريمان حطوها وسطهم كلهم كيعنقو فيها فرحانين من اعماق قلبهم . وريم ضور ضور وتعنقها

اسيا : وطلقي من البنت راه داك التعناق ماشي من حقك راه د ماليه هه

ضحكو كلهم بالجهد اما نريمان حشمات وحنات راسها ساكتة مقدراش تشوف فسمية من شدة الخجل .


السلام عليكم الحبايب مرحبا بيكم

كلهم هزو راسهم فالجارة الزهرة لي داخلة بيجامة جديدة وهازة طبسيل د الرغايف فيديها وبناتها موراها داخلين بسينية د القهوة واتاي


عقدات سمية حجبانها بغضب

وشافت فنريمان بنص عين لقاتها مصدومة الدم ديالها كيغلي

اما البقية عادي ردو السلام بعفوية واخا معرفوش شكون هادو وعلاش دخلو عليهم وهوما نيتهم يهضرو بوحدهم وياخدو راحتهم بلا براني...

تقدمات زهرة وبناتها سلمو عليهم وجلسو معاهم كيشوفو فيهم ويرحبو
تنهدات سمية وغمزات نسرين تنوض . فهمات لي كاين وناضت جرات معاها لورا هبطو لتحت طلعو السينية والبلاطويات كلشي حطوه على طبلة اما الزهرة وبناتها حشمو وبقاو غا كيضورو فعينيهم

انزعجات اسيا والبقية من الزهرة بقاو ساكتين ملقاو ميقولو حداها...

وسمية كتكب ليهم اتاي ونسرين كدوز ليهم طباسل ولورا بلاطوياات

سمية : مرحباا بيكم تفضلو

آسيا : الله يعطيك الصحة جلسي متعدبيش راسك

سمية : عذابكم راحة لالة اسيا

ردت ببتسامة : واخيرا شفنااك مشرفين بالمعرفة ديالك

سمية : ربي يخليك حتا انا هكاك مشرفة بيك وبهاد الحباب لي جاو معاك

آسيا : هادي ختي وفاء راه كتعرفها نريمان وكانت معاها فدارها . وهادي ختي منى عايشة فالامارات هاديك بنتها خنساء تبارك الله طبيبة وهادي دينا ولمياء بنات ختي وفاء وهادا كتاكيت ديالنا ولاد بناتي

سمية : تبارك الله مرحبا بيكم ونهار كبير هادا

وفاء : نريمان . وماماك غزالة تبارك الله وتيتيزة حرام واش تقول والدة ههه

عجبها الحال سمية وهزات خنافرها لسماء ببتسامة ردت نريمان وقالت : هادي هيا حياتي وهيا العمر ديالي

وفاء : ايوا مبقاالكش بزاف هه صافي عوتاني غتمشي بحالك وتخلي سمية عوتاني بوحدها

ردت سمية بحزن : ايوا حتا بنت مبقات قدام واليديها الله يجيب ليهم الربح ويسهل عليهم

ميلات الزهرة راسها وقالت : واش غتزوج ؟

عقدات اسيا حجبانها وردت وفاء ببتسامة مصطنعة : اه غتزوج بولدنا ان شاء الله

زهرة : هكاك حنا مفخبرنااش قالت لنا غيجيو غا العائلة وصافي

تقجات نريمان من حلقها شادة البكية على طريقة باش كتهضر زهرة و بناتها لي كيبغيو يبينو فزينهم حتا هوما نايضين مع نسرين هازين بلاطويات كيعاودو يضورو عليهم ويزيديو ليهم ببتسامة

ترن "

وصلها مسج ودخلات تقراه وريم حداها كطل معاها

ريم : جهاد ههه

نريمان : اه هضري بشوية هه

ريم : شنو قاليك ؟

نريمان : قالي 5 دقايق نكون عندكم هبطي عندي نشوفك نتي اللولة ههه

ريم : هاي هاي ههه الله يخليكم لبعضياااتكم الحبيبة ( شافت فزهرة بنص عين وقربات لوذن نريمان وقالت ) واش هادو مغاديش يمشيو ؟ بغينا نهضرو فخاطرنا معجبوونيش يا نريمان


الزهرة : وفقاش عندكم العرس ؟

هزات نريمان عينيها مرداتش عليها وحتا سمية دارت راسها مسمعاتش ناضت اسيا من بلاصتها جلسات حدا سمية ببتسامة وبدات تجمع معاها ويتعارفو بيناتهم وحتا وفاء ناضت لعندهم تشاركم فالهضرة.

وقفات نسرين هابطة هيا ولورا لتحت وزهرة متبعة ليهم العين نخزات بناتها وقالت : سيرو عاونو بنات الا بغاو شي حاجة نوضو متبقااوش غا جالسين...

صيفطات بناتها وضورات وجهها كتشوف ف اسيا وسمية لي كيتجمعو باغا تشارك معاهم فالهضرة

ترن "

شافت ف ريم وقالت : جهاد وصل قالي هبطي

ريم : ونوضي هبطي نوضي يلاه نهبطو انا وياك زيدي ...

وقفات نريمان وريم موراها يلاه هابطين فالدروج وهيا توقف الزهرة تبعاتهم


شافتها نريمان هابطة موراها وهيا تبتاسم فوجهها الزهرة وقالت : معرفت البنات شنو كيديرو انمشي نعاونهم الا حتاجوني

ردت بهدوء : اه واخا

هبطات ودخلات نيشان لدارهم اما ريم خرجات لباب الزنقة طل عليه فين هوا.
سمية غا شافتهم هبطو وهيا دير السبة وسلتات موراهم لقات نريمان كتغدد بوحدها فصالة وبنات وجارة فالكوزينة مع نسرين

دخلات عندهم سمية وجرات الزهرة تهضر معاها بالشوية

فحين نريمان خرجات لباب لقات ريم كتهضر فالتليفون

نريمان : فين جهاد ؟

ريم : راه مور طوموبيلتي قالك سيرو عندو

خرجات ومشات بخطوات بطيئة حتا قشعات طوموبيلتو كان كارو فيدو غير شافها وهوا يطفيه ببتسامة وفرحة خارجة من عينيه حل ليها الباب طلعات حداها وهوا يجرها لعندو معنقها

نريمان : لا ويلي حشومة جيران كيشوفو

رد بشوق : ويشوفو احبيبة انا توحشتك نتي غتجيبي ليا التمام ااااه

نريمان : هههههه وزيد يلاه دخل زيد

جهاد : لا خلينا شوية مع بعضياتنا ، ويلا كاين شي بيت خاوي بعدا نجلسو ناخدو راحتنا


نريمان : ويلاه بعدا دخل وهضر مع ماما عنداك متهضرهااش اجهاد

جهاد : ودابا خلينا جالسين راه معندي مندخل ندير ياك عائلتي وصيفطتهم صافي خلينا دابا مع بعضياااتنا

تنهدات وردت : دابا مغاديش دخل ؟ راه منقدرش نبقى جالسة معاك هنا حشومة

جهاد : اوك يلاه نمشيو

هبط ببتسامة وشد ليها فخصرها كتبغي تبعد وهوا غير ما كيزيد يزير مهامو حد وممسوق لحد . بغا يدخل لداخل وهيا تقول

لا لفوق جالسين ماشي هنا

هبطات ريم لعندهم غير شافتهم وهيا طلقها بواحد التزغريتة وحتا البقية ناضو هبطو كيزرغتو عليهم وهوما طالعين فالدرج.

كانت سمية واقفة فباب الصالون دار ليها جهاد ابتسامة ومد ليها يديه : لالة سمية لباس عليك ؟

ردت بالارتباك : الحمد الله مرحبا بيك دخل اولدي

جلس قدام اسيا وهوما مزالين كيزغرتو جر حداه نريمان جلسها حداه ويديه مور ضهرها

حس الزهرة وبناتها مكاينش.. خداو راحتهم فالجلسة كيهضرو ف امور عادية ومرة يسكتو ويبقاو غير يشوفو فبعضياتهم .. جر جهاد يديه من مور نريمان شبكهم وقال بجدية :

لالة اسيا لي كاين راكي عرفاه انا جيت باغي نتزوج بنريمان ونكملو لي بدينا مكتااابش و( هز حاجبو ) وتفارقنا ولكن دابا غنرجع. حسن ملي كنا ان شاء الله..

شافت فيها وفنريمان لي جالسة حداه وردت ببتسامة : مرحبا بيك والله يكمل عليكم بالخير

رد بحدة : غدا صباح غنكتبو العقد ومن بعد عاد نقرروا انا وياها شنو غنديرو

سكتات فدهشة اش هاد الزربة !! كلها تنهدات وردت : بلاتي شوية و..

قطعها : مكاينش بلاتي غدا صباح

تدخلات اسيا وقالت : وفقاش نديرو العرس ؟

جهاد : اشمن عرس ؟
ردت خالتو وفاء بضحكة وقالت

يااا وشنو مغاديش نفرحو بيكم فشي عراسية ههه ضروووري

ضار عند نريمان لي غير ساكتة وقال بهدوء : نريمان بغيتي العرس ؟

هزات عينيها فيه بخجل وشافت فسمية لي كتحرك ليها راسها وقالت : لي بغيتي

جهاد : لا لي بغيتي نتي واش باغا العرس ؟؟

حرمات راسها بالايجاب بخجل اما هوا ملقى باش يرد حرك راسو وقال : واخا يدوز رمضان ونديرو العرس صافي ؟

نريمان : صافي واخا

تنهدات سمية بالارتياح نوعا ما ،،

اما اسيا فرحانة وعاجبها الحال هيا والبقية من غير خنساء لي كتشوف فيهم وتقلب عينيها كتسوط ،،

قرب جهاد من نريمان وقال : نوضي نجلسو بوحدنا فشي بلاصة ولا يلاه نخرجو

ردت بخفوت : حتا لغدا ونخرجو خلينا دابا جالسين مع عائلتك

جهاد : ولا نوضي اش غنجلسو نديرو معاهم

شاف ف اسيا وقال : هاحنا نهبطو نجلسو لتحت

حركات راسها ببتسامة وشد فيد نريمان على عينيهم هبطو لتحت اما سمية ملقات متقول بقات غا ساكتة واسيا كتجمع معاها...

جلسو فالصالة لتحت وهبطات نسرين موراهم حطات ليهم اتاس والحلوة ورجعات طلعات بحالها


ضور عينيه ف ارجاء البيت وقلب وجهو لعندها وكاس د اتاي محطوط حداه وقال

واش شاريين هاد السكنة ولاغير كاريينها ولا ؟

ردت : لا غير كارينها

جهاد : امم واخا ،، قوليلي باغا العرس !
ردت بخجل : الا بغيتي نتا

حرك راسو كيشرب اتاي ويشوف قدامو ورجع ضور وجهو لعندها وقال : واخا ولكن غدا غنكتبو العقد ومن بعد غنسافر عندي الخدمة وفرمضان غنكون فالامارات دونك مور رمضان نديرو العرس شنو قلتي !! مزيانة

نريمان : 3 اشهور صافي واخا لي بغيتي
ميل راسو لعندها وقال ببتسامة : غدا نسافرو امم

ردت بالارتباك : فين !!
جهاد : نمشيو لطنجة شنو بالك

سكتات لوهلة وهوا مصغر عينيه فيها وردت : واخا انا نقولها لماما نشوفها واش تبغي

ضور وجهو كيسوط أفأف ورد عليها

وعلاش غتقوليها لماماك !! غدا غنديرو العقد ومراتي تمشي معايا فين بغيت علاش غدخل بيناتناا ولا تشاوري معاها !!!

نريمان : جهاد الله يخليك حاول تفهمني

شد عينيه بانزعاج ورد : راه نتي لي خاصك تفهمي

سكتات مردتش اما حتا هوا حط داك الكاس من يدو وبقا ساكت مشبك يديه كيشوف فالارض..

يلاه بغا يهضر وهيا دخل عليهم خنساء ببتسامة

ياك الهراب خليتيناا وجيتي لهنا ههه
شافت فنريمان بنص عين ومشات لجهت جهاد جلسات وقالت : صافا جهاد !

رد ببتسامة : وي تخي بيان اي طوا ؟
خنساء : موا اوسي كيف داير الفنيكيش كبر شوية ؟ واريانا

شاف ف نريمان بنص عين ورد بمجاملة : وي صافا مغسي

شافت فنريمان وهيا كتهز الحلوة وقالت باستفزاز

ايوا مبروك الزين ديري عقلك دابا ههه الفرص ماشي ديما كيجيو وجهاد الا فلت هزك الماء ههههه

حلات نريمان فمهاا بصدمة وجهها حمر غيطرطق تزيراات شادة البكية

جرها جهاد من خصرها ورد على خنساء بحدة وابتسامة : حبيبة ديالي مولات العقل والزين وجهاد واخا يعياا يضور مكيلقاش بحالها ( مع غمزة )

ردت ببتسامة مصطنعة : ااه مزياان ايوا الله يكمل ليكم بالخير انا غير كنضحك معاك ازين ههه نخليكم انمشي الحمام

ناضت من حداهم ونريمان حانية راسها ساكتة ودمعة واقفة فعينيها شاف فيها جهاد وقال : متسوقييش ليها عنداك تكوني تقلقتي ؟؟

حركات راسها بالنفي كتبرد ديك الدمعة باش متنزلش حداه وردت

لا لا بالعكس عادي

ميل راسو لعندها وهوا لاسق جنبها بعد ليها الشال من عنقها وخشا راسو تما بقبلة خلاتهاا تنسى اش وقع وشنو حسات بالتبووريشة طالعة معاها ..

هز راسو فيها مخضر وقال

شحال الحبيبة بغات فصداقها ! امم
ابتسمات بخجل وردت : معرفتش

عاود خشا راسو فعنقها كيقبل فيه بشهوة ورد : خصك تعرفي احبيبة

وهوما جالسين سمع الباب موراه كتزدح من الداخل ناضت كضحك وقالت : قنطات مسكينة هه

رد بالاستغراب : شكون تما !!

حلات الباب وهزاتها لعندها كضحك مخرجاها ليه

غير شافها وهوا يضحك وناض لعندها

جهاد : وينوو شحال زوينة واش هادي سليمة ؟؟

عقدات حجباانها وقالت : هادي بنتتيي نعيمة ههه


شدها منها حتا هواا عجباتو بدوك حويجات لي ملبسة ليها وفراشات صغيورين لي معلقة ليها فقرينتها وتقيشرات 4 فرجليها

هبطات سمية ولورا موراها وريم لي مكتجلسش هبطو السينية وداكشي لي كان محطوط على طبلة لتحت...
وبداو كيوجدو العشاء سمية كتحمر الدجاج اما جهاد رجع طلع هوا ونريمان مجموعين مع عائلتو..
تحطات بسطيلة قطعوها وفرقوها فطبيسلات تعشاو فجو عائلتي شادين فجهاد ونريمان
حطو دجاج محمر وتبعوه بشلاضة وتبعوه بديسير بلاكريم ولي فخوي ...
تعشاو وناضو مباشرة يمشيو. ومن صواب حصراتهم سمية يباتو ولكن رفضو اما جهاد ونريمان رجعو هبطو لتحت خرجو طلعو لطوموبيل كيهضرو

جهاد : غدا ندوز موراك صباح اوك ؟

نريمان : صافي واخا ، فين غتمشي دابا ؟

جهاد : انمشي انبات غير هنا فالاوطيل سيري بدلي حوايجك يلاه نخرجو

نريمان : اويلي دابا هه

جهاد : وشفيها راه مزال الحال يلاه احبيبة

نريمان : لا اجهاد منقدرش صافي حتا لغدا ويحن الله

حرك راسو وضور وجهو ساكت


اسيا : دابا نوبة ديالك مدام سمية تجي عندنا لكازا ان شاء الله ملي نرجعو

ردت ببتسامة : ان شاء الله لهلا يخطيك ومرحبا بيكم مرا خرا

اسيا : الله يبارك فيك مغسي

هبطو معاهم حتا لباب دار خرجات نريمان سلمات عليهم وطلعو بحالهم مشاو . .
دخلو بعد تمارة جلسو ناشرين رجليهم اما نسرين ولورا مشاو يحلو الكادوياات لي جابو

خزرات فيهم سمية وقالت

هييه حيدو من تما علاش كتحلو داكشي ديالكم ؟؟

ردت نريمان وقالت :

وخليهم يشوفو شنو فيهاا حلو غا حلو

حلو داك الكادويات وهوما يحلو حتا فمهم ..
كل كادو اش فيه شمنك يا صيكان وشمنك يا صبابط اخر ماا كيضور وكسوات حجابية وبرفنات واخر كادو حلوه كان فيه عقد ديال الذهب بحجيرات ديال دياموند هوا والحويلقات ديالو حلو فمهم فيه كيحمق وناضو كيلبسووه لنريمان ونسرين كتقيص صباط وعينيها فصااك

نسرين : ياااختي حمقنييي هاد الصاااك بيعيهلي اختي عفااااك

عقدات سمية حاجبها وقالت : شغادي تبيع ليك واش حماقيتي هادشي مكيتباعش..

غضبات نسرين حطاتو وتوخرات اللور شافت فيها نريمان هزاتو وعطاتو ليها

نريمان : هاهوا خوديه شحال عندي منك جابوه ليا بحالا جابوه ليك

خزرات فيها سمية وهيا تسكتها نريمان

وصافي اماما خليه ليها

هزات صاك اخر وعطاتو لورا واخا مبغاتش تشدو ولكن بزااتو عليها اما سمية معجبهااش الحال نهائيا علاش تعطيهم كادويات لي جاو ليها وهيا غتكون عروسة ضروري خاص يكون عندها باش تبدل...

ولكن نريمان مبغاتش دير الفرز وعطات لورا كونها كتحسبها حتا هيا اختها ماشي غير مرات خوها ..

ستفات سمية بسطيلة والحلويات فطبسيل ودجاج ف طبسيل اخر وطلعاتو لزهرة اما نريمان دخلات مهدودة باغا غا تنعس العياء غالب عليها. حيدات غير قفطان ونعسات

صبحات على صوت التليفون كيصوني غير شافت نمرتو وهيا تجمع الوقفة تفكرات اليوم غيكتبو العقد والليلة لي دازت وهيا تحل الخط

نريمان : صباح الخير

جهاد : صباح نور حبيبة ديالي مزال ناعسة ولا !

تفوهات وردت بعياء : اه لقيتيني يلاه حليت عيني ملي صونيتي

جهاد : امم ايوا راه 9 هادي نوضي راه شوية غندوز موراك...

تحلو عينيها وردت بالارتبااك : وحتاا لعشية و وو لا !!

جهاد : نو احبيبة انا غير شوية ندوز موراك نخرجو نفطرو وابخي نمشيو عند نكتبو العقد

فرحاات ومقداها فرحة بعدما قطعات المكالمة كلشي كان ناعس من التعب لي داز عليهم...

دقات على سمية ودخلات لعندها وقالت بتردد : ماما راه جهاد غيجي مورايا قالي نمشيو عند العدول

خرجات عينيها وقالت

ومالو على هاد الزربة !! مالو غيطيير غا بشوية ياك قال حتا لمور رمضان

نريمان : مور رمضان العرس واليوم رااه غنتكاتبو

درت بغضب : هاااحنا عوتاني من دابا وهوا غادي جاي ويتحكم كيف بغااا

وقفات قدام نريمان وقالت :

هانتي حضي راسك وعنداااك تمشي ديري معاه شي حاجة سمعتي ! متيقيش ونقصي من خروج ودخول معاه وعنداااااااك هاناا فين كنقولها ليك عندااك تمشي ديري معاه شي حاجة

ردت نريمان بتوتر وعينيها فالارض : لا الا راه غير كنخرجو عادي وصافي مكاين والو من داكشي

سمية : وسيري وهاناا فين وصيتك

نريمان : وصافي اماما راه مغيكون والو...

دخلات الحمام دوشات غير لحمها وخرجات بدلات حوايجها صلاة الصبح. وتليفون كيصوني غير سلمات وهيا تهز تليفون

جهاد : انا غنوقف خرجي

نريمان : واخا انا خارجة


هزات ريحة رشات وهزات صاكها وراقها خرجات حدا سمية لي دايرة يديها على خدها

نريمان : هانا مشيت اماما

سمية : وراني وصيتك

نريمان : ولاا اماما راه مكاين والو

سمية : وسيري الله يجيبلك التسير وينقي طريقك من شوك سيري ابنتي الله معاك..

باست ليها راسها ويديها وخرجات ببتسامة فرحانة اما سمية دخلات لبيت بسرعة كطل من مور الريدو من واحد الشقيقة شافتو جاي جيهتها حال واحد اليد عنقها بيها حتا لباب طوموبيل طلع قدامها وديمارا


ساطت من مناخرها بعصبية وقالت :

انااا مكنرتاااحش ليه راه واخا يدير شنو مدار مكيبغييش يتسرط لياا وماشي ديال تيقة هدااك لا لا . قلبي حااس وختك بحال الدمدومة غاا كتيق فمن ولا


نسرين : الله يهديك اماما راه هيا كبيرة ماشي مزال صغيرة وزيدون راها كانت مزوجة بيه وراها عرفاه كتر منك كون ملقاتوش مزيان مغاديش تكمل معاه

ضورات راسها وقال

هيه متورينيش فالرجال كلهم ولاد حرام انا مبغيتهاش ضيع بغيتها تكون قافزة ومطورة وميديرها بيها حد وزيدون شبغات بشي زواج هاا ! كون غا خدمات ودارت مستقبلها وطورات حياتها وحتاا دوز عام ولا عامين عاد تزوج بعدا بعدا تكون شاربة عقلها وعارفة فين تحط رجليها حتا الا طاحت فشي كلب دردب والديه ومستقبلها فيديها
اما هادا غا بان هانتي شفتي دغيا ناضو يتزوجو . وشكون عرف بحال هاد القماقم كيكونو حاسيين براسهم ومكتقنعهمش وحدة ولا جوج . دابا هدااا انا نتيق فيه ؟؟؟؟؟ هادا نقول انا فيه راه كيبغيها وعندو غا هيا ( بسخرية ) هيييه يعلم الله شحال داير من موراها تلقايه فكل بلاد عندو وحدة
( بحزن )
ختك كضيع راسها وغتخرج على حياتها
وانا ملي نهضر معاها كنتسمى ممزيناش ومبغااش ليها الخير واقفة فباب رزقها


تنهدات نسرين كتفكر داك الليلة لي دوزات نريمان مع جهاد وحتا هيا بدا يدخلها الشك وهضرة د سمية تغلغلات فدماغها ... يقدر يكون بصح كيتفلا عليها ولا كيدوز بيها الوقت ولا يتزوج بيها وهاهوا عايش حياتو معاها ومع بنات خرين...


هزات عينيها فسمية لي كتهضر وتعبر بيديها وقالت

ودابا اماما خليه ياك هيا ختارتو هيا باغاه ؟ وصافي خليها تعوم بحرها معاها حنا واخا نقولو ليها لي قلنا مغتسمعش ليناا و...

شافت تليفون كيصوني فوق طبلة هزاتو وقالت : هاهيا كتصوني

سمية : جاوبي دغيا شوفي شكاين

نسرين : الو ! نعام انريمان

نريمان : فينك مزال ناعسة ؟

ردت : لا كنفطرو انا وماما وانت !

ردت بفرحة : انا مع جهاد كنفطروو شوفي اا ... مهم ديك ساعة عفااك سيري لصالون واخا ؟

نسرين : علاش نتي مغتمشيش !!

ردت بالارتباك : غن غنمشي غنمشي ووو لل لكن غنمشي معطلة المهم نتي سيري غير حضي تما. راه دنيا كتخدم ومقابلة ولكن نتي حضي وقابلي بنات غيجيو يتعلمو صافي ؟

نسرين : صافي واخا انا نكمل فطور ونمشي

نريمان : يلاه بسلامة احبيبة عطي عفاك لنعيمة تاكل

نسرين : واخا صافي..

قطعات وهيا تخرج فيها سمية عينيها :

شقالت !!

نسرين : خاصها نمشي لصالون هيا غتعطل

حلات عينيها وردت : اويلي !! فين غتعطل فين غتمشي

ردت بنرفزة : وااا منعرف اماما سيري سوليها ولا تبعيهااا بففف...

ناضت خلات سمية كتغلي فبلاصتها دخلات لبيت تبدل...


جهاد : ياك دابا مغتبقاايش مشطونة مع صالون شنو قلنا امم نسافرو ؟

ردت بالارتباك : معرفتش ااا... خلي حتا لغدا الا كنتي مسالي

هز حاجبو ورد

راه قلت ليك مبقاش ليا بزاف دالوقت
خلينا ندوزو دو جوغ اونسومبل

حمحمات وردت : احم مم م معرففتش. ح حيي حيت خاصني ندوز لدار ناخد شي حوايج وو وعاد ديك ساعة نمشيو

رد : شمن حوايج غتاخدي ؟ندوزو نشريوهم ونمشيو علاش غتمشي حتا لدار

حمار وجهها معرفاتش كيفاش تشرح ليه وبقات ساكتة كتسنى حتا يكونو مسافرين ولا حتا يوصلو ..

ببتسامة : يلاه مشينا !
حركات راسها بخجل وناضت شادة فيديه خرجو من مقهى وطلعو لطوموبيل . هز وراقيه ووراقيها جمعهم ومشاو لعند العدلان ...

جلسو قبالت بعضيااتهم هيا فرحانة وهوا مبتاسم كيهضر مع العادل ...

كتبو العقد ومد ليه هوا الأول يمضي ومضى ببتسامة ومد لنريمان حتا هيا مضاة وهوا كيصورها وجهها حمر والفرحة فعينيها

تنهدات بارتاح واخيرا تزوجات واخيرا رجعات تجمعات معاه....

بعدما فقدات الأمل واحساس بالخيبة والضياع
. انسان واحد لي بغات فحياتها ومبغاتش من غيرو هوا بوحدو لي باغا تكمل معاه وتعيش معاه وتموت معاه ..

يتبع...

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.