نريمان : لا احبيبة اناا مزال صغيرة يلاه دخلت ف 18 عام وزيدون أخر همي هواا زواج احسن حاجة هيا انسان يخدم ويدمر ويدير مستقبلو
وصال : ايوا الله يحسن عوانك انا بعدا راجلي قالي متخدميش لي بغيتها يجيبهالي وصراحة مفششني بزاف وديما مفكرني وهادشي مزال فدارنا ههه ايوا الله يعطيك شي راجل بحالو..
نريمان : مزيااان. انا منبغيلك غا الحياة زوينة والله يجعل سعدك غزال ويعطيك الذرية صالحة.
وصال : امين احبيبة..
حسات بوصال كتهضر معاها بكل عجرفه وتكبر.. خلات الامور هكاك ومبغاتش تجادل معاها.. وقالت على وجه عمي ومراتو وخيرهم سابق غنسكت..
شافتها كدير العكر وجهها فيه الحبوب والهلات سوداء وقالت : من احسن ديري كريم وفوندوتن وطلعي الرموش وبقااي سامبل حسن من العكر باش غداا تباني فعرسك..
وصال : لا ازين غا خليني هاكا حسن.
خلاتها نريمان وخرجات بحالها جلسات مع الناس ف صالة بغات تلاهي الوقت .. وجداتها من جهة خراا كتطل عليها وتشوف من لتحت لتحت مضوراتش نريمان وجهها جيهتها واخا ناس كيقولولها راها كتشوف فيك. واش نصالحوكم ..واش نهضرو معاها..
خرجو وصال بزغاريت وصلاة على نبي. جلسوها فبلاصتها ونريمان غير كتشوف وتبتاسم.. بداو كيحنيو ليها
ويحنيو لبنات.
هزات نريمان تليفون وكاس د اتاي وطلعات لسطح لقات الطيابة وحدة خرا معاهاا كتعاونها. سلمات عليهم من بعيد ومشات حطات كاس د اتاي على الصور وجلسات كتكونيكة وطل فالزنقة ..
بدات كتصااوب المكياج لوصال والخلعة شداهاا ويديها كيترعدو خايفة من نتيجة واخاا خدمات مع جوديا بزاف فالعراسات ولكن هادي اول مرة تشد عروسة وتخدم بوحدهاا بلا عوين..
كملات ليها ولبسات ليها وقدات كتر من جوج سوايع عاد كملات ليها وشافت وصال راسها فالمرايا تصدمات من التغيير مكااانتش متخيلة نهاااااائيا انا نريمان غطلعهااا هاكاك
خرجات على عينين حاضرين والموسيقى الشعبية.. طلعو لسطح برزوها وبدلات ليها لبسة ثانية والثالتة وعاد كسوة البيضاء. دوزات ليلة متعبة. رجليهاا تنفخو من قوة الوقوف ودعو العروسة وامها على بكاا وشهيق. نريمان مخرجااتش فمرا جمعات مطريال ديالها صغيرة على الكبيرة.. ونعسات طاحت دودة..
مور الضهر عاد فاقت كتكسل مقدراش تحرك من بلاصتها وحاسة برجليها تسفقوو..
أنس : ههه باسبور حلو ساهل دغيا كيوجد. انا لي غادي نمشي معاك وغناخدو اوطيل كل واحد والشومبر، ديالو ونشوفو مع الحال كوني هانية
بعد وقت طويل قدر أنس يقنع نريمان وعجبانها الفكرة تمشي لتما وتدير العملية وبشحال مكانت راه غادي ترد الفلوس لأنس..
طلب منها يرجعها لدار. مبغاتش وشدات طاكسي ورجعات لدار دخلات وعقلها مرفوووغ وراسهااا مشوش
حطاات راسها على المخدة كتشوف فالسقف ساهية وكتخمم فالحوار لي ضار بينها وبين أنس..
دخلات عندها رشيدة جلسات جنبها كتسولها كيف داز لقاء ب هناء وهيا كتجاوب بزز باغا غير تبقى بوحدهاا مفيها لي يهضر ولا يشد جمامع...
رجعو ناس لي داو الفطور العروسة كان معاهم حتا امين لي جاب الكسوة لنريمان. جمعات مطريال لي بقاا وحطاتو فالجنب. تعشااو العائلة مجموعين فجو الضحك ونشاط اما نريمان جسد حاضر ولكن العقل غايب.. خلاتهم مقصرين و
دخلات لبيت تكات فيه وشادة تليفون كتهضر مع ابتسام وتسولها على الأحوال..
لقات مسجات كتار من عند أنس ودخلات تقراهم.
💬 : كنتمنى تعطيني فرصة وتيقي بيا
💬 : وصراحة كنتمنى غير ايمتااا تكوني لياا كنت معجب بيك ودابا من بعد ما شفتك وهضرنا وليت باغيك كتر ما تصوري
💬 : فكري بشوية عليك وجوبيني وكنتمنى هضرتنا تبقى بيناتناا ومتقوليش هادشي لختي هناء نخليوها ليهاا مفاجئة حتا لمن بعد عاد تعرف بعلاقتنا.
💬 : باسبور كيوجد دغيا وامور خرا مفيهاش صعوبة
💬 : شنو بانلك غدا نطلقاو؟
قرات مسجات ديالو. وكتبات ليه :
💬 : غدا مع 8 دصباح غنسافر المهم معرفتش اش غنقولك. خصني شوية دالوقت نفكر دابا مقاادرة نعطيك حتا شي جواب. ولكن باش مكاان غنرد عليك.
اكتفاات بهاد رسالة وحطات تليفون وهيا متخمم فكلامو. متنكرش انه عجبها طريقتو فالهضرة واحترامو ليها وبغااات تعطيه فرصة ولكن خايفة ومقدرااش تزعم خايفة تندم. هيا من صغرها محملاش زواج والعلاقاات ومعمرها فكرات دخل شي حد فحياتها. واخا فالمدرسة كانو ولاد باغيين يديرو معاها علاقة ولكن ديما قمعاهم وحتا لي بغاو يخطبوها رفضااتهم..
ليل داز والفجر قريب يطلع وهيا، مزال حالة عينيها كتفكر. عاد نعسات صبح المنبه كيصوني نااضت فشلانة مزال باغا تزيد تنعس. ناضت لطواليط توضات وصلاة وبدات كتلبس حوايجها وتجمع امورهاا وتوجد راسها. مشات لعند مرات عمها وبدات كتفيقها بشوية مع السهير والتعب دالعرس مقدراتش تحل عينيها. بزز باش فاقت عنقاتها نريمان كتودع فيها ورشيدة كتبكي وتشهق الدار خوات عليها. بززات على نريمان تفطر عاد تمشي ولكن مبغاااتش تسالمو بعناق حااار سمع امين صوتهم وناض حتا هوا من نعاس عرف نريمان راجعة لكازا وناض بدل حوايجو دغيا وخرج عندهم.
ناضت جمعات الحوايج وحطاتهم ف مكينة د صابون وخرجات كتنشر فيهم وابتسام كتخمل وتقاد، الدنيا. مشاو لصالون وبدا الخدمة ديالهم بدا أنس كيتاصل ب نريمان وهيا مخلوعة وقلبها كيضرب خايفة من هاد الخرجة معاه ومعندهاش كيف دير تخرج والكليان معمر دنيا. وجوديا مغاديش توافق تخرج. حيت ديما فارضة عليهم فوقت الخدمة ميخرج حد الا لضرورة القسوة..
دخلات الكوزينة وجوبات على مكالمة ديالو..
نريمان : وي أنس.. راه والله ملقيت كيف ندير نخرح.. دنيا عامرة وكليان مزال كيدخل .. لا لا والله متبغي انا كنقول كليان مزال داخلين وغير انا وصحبتي لي خدامين... أنس راه والله معندي كيف ندير غير سمح ليا.. لا انا مبغيتكش تقلق ولكن ضروف هانتا كتشوف.... هاد ليلة ؟ لا منقدرش نخرج ف ليل راني قلت ليك اش كاين.... والله معرفت..... وصافي ديك ساعة نشوف...واخا بسلامة.
قطعات المكالمة وقلبها كيضرب بالجهد كيف غادي دير فهاد الخرجة لي آصر انها تكون فديك الليلة وشنو غادي تقول لابتسااام ..
كملو مع 8 ورجعو بحالهم ونريمان كتقفقف وعينيها مع ساعة ومع تليفون لي كيڤيبري فيديها. طلات على ابتسام لقاتها فالكوزينة كتوجد العشااا... رجعات لبيت هزات حوايج لي كانت مخليا تخرج بيهم مع أنس. لبساتهم بالزربة وهيا تخرج ابتسام شافتها كتلبس
ابتساام : فين غادية!!
نريمان : عندي شي شغل نقضيه ونرجع
ابتسام : اينااا شغل فهاد، الوقت نريمان فين غادية
نريمان : وصافي متسولينيش عندي شي شغل وصافي.
ابتسام : من ايمتا ولا عندك شغال فهاد، الوقت نريمااان هضري فين غادياااا
نريمان : واش انا كنسولك ولا كندخل فيك ونبحث فيك مسوقكش فيااا ومتسولينيييييش مرة خرااا.
لبساات صباطها وهبطات كتجري وابتسام مشات كطل عليها من سطح لقات طوموبيل فراس الدرب وشافت نريمان طلعات فيها
ابتسام : راه نتي لي غتخرجي على راسك شكون هداك لي طالعة معاه فطوموبيل بسلامة؟ رجعتي حتا نتي طلعي فالطوموبيلات حسابلك لي دازو قبل منك طفروه؟ هانااا قدامك خرجت بولد وبحياة ضايعة حتا واليدين ديالي هانا محرومة منهم ديري عقلك حسن مطيحي على كمارتك اناا ماشي من طسيلتك ولكن شركناا طعام ودوزناا عشرة منبغيش نشوفك ابنت ناس ضايعة كيفماا كان الحال ودايدون لي فيك ولي عشتيه كافيك.
غرغرو عينين نريمان بالدموع وبقاات كتلوم فراسها علاش تخرج معاه وعلاش طول معاه ويعجبها الحال ولقات ان كلام ابتسام على حق..
نريمان : سمحيلي عفااك منعودهااش راه غير اهئ اهئ اهئ
ابتسام : صافي سكتي مطرا والو
بقاات متكية فحجرها حتا داها النعاس. فيقاتها ابتسام داتها لبلاصتها وغطاتها. ضرباتها الفيقة فصباح بكري وهزات تليفون طللات تشوف اش فيه لقات مسجات من عند أنس وهيا تنهد وحاسة براسهاا انها دارت غلط ملي طلاقااتو وعطاتو فرصة وطولات معاه مكانش خاصها دير هاكا. ترددات فالأول دخل تقرا مسجات ديالو ولكن فلاخر دخلات تقراهم.
أنس : معرفتش صراحة كيف كنبان ليك ولكن بغيت نقولك من قلبي بغيتك وعجبتيني، وكل مرة كنشوفك كنزيد نتعلق بيك كتر . عارف لي داز فحياتك ماشي ساهل وعارف انك كتحسي بنقص كبير. وانا بغيت نعمر داك الفراغ لي فقلبك ونخليك متحسي بحتاا حاجة باالعكس باغيك تكوني المهم فحياتك وعاجبك الحال ومرتاحة معايا.. فرصة بين يديك انريمان كنتمنى تقبليها وعلاقتنا تزيد تطور ومعايا ميخصك خير كنأكد ليك غتنسااي كل ما داز عليك وغتفرحي بزاااف .خممي وردي علياا انا مغاديش نبزز عليك راسي. طول هاد المدة كنت كنقلب على بنت ناس وعاد لقيتك نتي ونتي بوحدك لي رتاحيت ليك وعجبتني عقليتك ووطبيعتك مهم انا غنتسنى مسج ديالك...
رجع قلبها كيضرب من جديد وفرحة ترسمات على خدودها عجبهااا تشبت ديالو بيها حسات بيه كيبغيها وناوي يبقى معايا وخير دليل انه من قديم وهوا باغيها ومزال لحد الان... مجوباتوش وخلات حتا تفكر مزيان عاد تجاوبو..
ناضت توضات وصلات وجدات الفطور. ومن بعد روتين اليومي هيا وابتسام مشاو لصالون. نضفو الدنيا وقادو كل حاجة فبلاصتها.. وهيا دخل جوديا شافت ف نريمان بنص عين وقالت : تبعيني
جوديا : واش باغا تخرجي على راسك ولا شنووو؟ نص ليل ونتي خارجة ومبغااااش تقولي فين ماشااا ومهضرتي مع حد متشااورتي مع حد غير من راسك راكبة مع واحد فطوموبيل وغادية معاه برجليه وهادي كلها تقة دايرة فيه!! زعمة نتي المشكووورة عندي كنقول نريمان بحالها مكاااينش واخا مزال صغيرة ولكن بعقلهاا وحاضية صواريهااا وخاوية راسهاا من تخربيق ولكن زدقتي كضربي غا من لتحت لتحت...
نريمان : بخوف) لا والله مكندير شي حاجة وبالعكس انا هيااا انا ومزال كيف كنت وحاضية راسي وعارفة راسي شنو كندير و
قطعاتها جوديا بالغوات وقالت : سمعي شغادي نقولك.. انا نهار لول قلتها ليك انا درتك بحال ختي صغيرة وتقت فيك ورتاحيت ليك وضروفك لي عودتيلي خلاتني نزيد نبغيك كتر ونخاف عليك كتر منخاااف على راسي. وانا تقدري تيقي فيا بحال ختك او صحبتك ومعمرك ديري شي حاجة بلامااا تشاوريني! هاناا فين كنوصيك ويلا كانت هضرتي بالنسبة ليك زايدة ناقصة ضبري راسك انا متجيش تبكي عليااا فلاخر . راه انا كبر منك ودوزت تجارب عمرك شي حد دوزهاا ويلا جيت نعاودهم ليك غتصدميي .. راه مخليت مااادرت بحكم كانت الحرية ونمشي فين بغيت وندير لي بغيت ونعيش كيف قالهاا لياا عقلي. نهضرو فالواقع نتي واليديك سمحو فيك وسمحيلي الا كنت كنحك على ضبرة ولكن الواقع هادا. واش ترضااي تبقاااي ديما فالقاع !! متبغيش يكون عندك مستقبل زوين وتفرضي شخصيتك فالمجتمع ويوليو ناس دايرين ليك القيمة وشان راك مزال صغيرة . صغيرة على تصاحيب صغيرة على الحب محد راسك خاوي استغلي الفرصة تبني فيهاا مستقبلك ومن بعد ديري لي بغيتي هاد الهضرة مبغيتهاش دخل من وذن وتخرج من وذن. انا من نهار اللول بغيت نساعدك باش فواحد الوقت ترجعي هازة راسك لسمااا حدا عائلتك كلها من الطرف لطرف وكاع لي هضروا فيك ولا لي كانو كيقول اخرتها غتكون فحال امها. كيف عودتيلي نتي وبالخصوص سعاددددد سمعتي
جوديا : راه بغيت ليك غا خير ردي البال لراسك عفااك منبغيش نشوفك محطمة بغيت نشوفك رافعة راسك وفرحانة.
نريمان : صافي واخا كلامك فوق راسي وهوا لي غندير بيه
طفات التليفون ومشات كتخدم لناس لي جاو...
دوزات نهارهاا كتفكر فكلام جوديا وف أنس.. فضلات انها متجاوبوش وتحد هاد علاقة لي بدات بيناتهم.. اول حاجة دارتها ملي كملو الخدمة هيا بدلات النمرة. ورجعو لدار
نفس روتين داز لمدة 4 ايام.. خدمة والدار
كانت جالسة هيا وابتسام فالصالون كل وحدة هازة تليفون ونريمان كتقاادد فيس بوك جديد لي عاد حلاتو مزال خاوي ..
فضلات انها متعطي نمرة لحد وحتا الفيس بوك باش تبقى هانية.
تعشاو في صمت مبغاتش ابتسام تزيد تقوليها شي حااجة فضلات تبقى ساكتة. فالصباح كانو كيفطرو جماعين مع بعضياتهم وكيضحكو بحالا مطراا والو. وهيا تسمع بنت حنان كتعيط ليها حطات الخبز وموس من يديها وناضت خرجات عندها لسطح
البنت : شي حد دق علينا كيسول عليك
نريمان : شكون هادا ؟
البنت : ومنعرف هبطي شوفي
خرجات ابتسام حتا هيا
طلاات نريمان من الفوق بانت ليها طوموبيل د أنس وابتسام حتا هيا طلاات معاها. شافت فيها نريمان وهيا تقول ليها ابتسام : صباح زين هادا ههههه واحد بليل واحد على صباح خخ
أنس : كيفاش شنو بغيت !! لي بغيت راكي عرفاااه انريمان ماشي عاد غنقولو ليك
نريمان : أنس صافي اناا مبقيت باغا والو
أنس : شنو لي مبقيتيش باغا بالسلامة؟
نريمان : راك عارفني علاش كنهضر انا مباغاش نتزوج او ندخل فشي علاقة المهم انا فكرت وشفت نبقااو اصدقاء وصافي
أنس : شناهواا علاش تقلبتي دغيااا! شكون هادا لي عمر ليك راسك علاش كناا غاديين مزيااان علاش تقلبتي
نريمان : معمرني حد ولكن انا مبقيتش باغا وصافي
أنس : دابا كتفلاي ياك .زعمة عاجبك الحال مطوفاني هاكا معاك. كون كان شي واحد، كيتفلا عليك كون راكي تبعاه ولكن اناا لي نيتي معاك حسنة وباغيك وجيتك نيشان وبغيت نكون فحياتك كلشي ونساعدك ونكون فجنبك مبغيتيش!!!
نريمان : الصمت
أنس : واخاا الالة مزيان معليش
نريمان : أنس سمحليا عفاك ولكن والله حتا راسي مشوش وممرتحااش معرفتش مالي
أنس : متيقااش فياا زعمة؟
نريمان : لا بالعكس تايقة فيك غير معرفتش
أنس : اك اناا مغادي نبزز عليك والو نتي تعرفي لي بغيتيها انا معاك فيها
حسات بقلبهاا تزير عليهاا معرفاااتش باش تجاوبو تايقة فيه وعاجبها وكلام لي كان قال ليها خلاهاا تيق فيه كتر وتحس معاه بالراحة ولكن من جهة خرا كتفكر كلام د جوديا وكتخربق..
نريمان : المهم انا بدلت نمرة وديك ساعة نصيفط ليك مسج منها
حاسة بقلبهاا فرحان وعاجبها الحال ومرتاحة مع انس ومشوقة تسافر ودير العملية ويرجع وجهها حسن ملي كان وتكون حتا هيا متزوجة ب انسان لي بغات واكيد مغاديش يخيبهاا حيت متشبت بيهاا وباغيهاا من قلبو ومستاعد انه يساعدهاا فمشوار ديالها ويحقق ليهاا اهداف لي باغاهم...
كملات خدمتها وهيا فرحانة. خرجو بكري من الصالون هيا وابتسام وقرروا انهم يتعشااو برا ويغيرو الروتين. رجعو لدار وهوماا عيانين. صلاة نريمان ما فاتها بزز وطاحت نعسات
جوديا : نريمان راني دارني بزاف ومفيااا لي نزيد نهضر ونتعصب صافي ديري لي بغيتي
نريمان : لا عفاااك سمعيني راه بصح محتاجاااك وغندير بكلامك خليني عفااك نهضر معاك...
جلسات قبالتها وبدات كتعاود ليها على انس وعلى الهضرة لي ضارت بيناتهم والقضية د عملية والسفر وزادت قالت ليها بلي هيا رتاحت ليه ولات حاسة براسها كتبغيه. خلات جوديا مصدومة فيهااا وفداكشي لي كتعااااود.
جوديا : هادشي كولو ساكتة عليه ؟ صافي درتي لي فنضرك وقررتي تمشي معاه؟ ماا خممتي ماا راعيتي! زعمة مقلتي، ديك السيدة تاقت فيااا وعطاتني من وقتها وعلماتني وخدماتني عندهاا وقفاات معايا. ومخلياني من دون بنات عندها فصالونهاا ومأمناني على حاجتها بكل تقة. وفلاخر انااا نسمح فيهاا ونزيد بلاماا نعلم ولا نطلب اذن ولا نتشاااور. يعني داكشي كولو لي درت معاك مشااا فالزيرو؟؟ اولا كنتي كتسناااي غير تعلمي وتزيدي خلفة؟ هادا هوا المضمون فيك انريمان؟ جوديا دابا مبقااات ساوية والو ياك ههه. ايوا الله يجازيك بالخير. الله يجيبلك تسير والله يديك على خير وكنتمنى ليك حياة سعيدة يلاه بسلامة عليك سيري فحالك
نريمان : بحزن) لالة جوديااا نتي فوق راسي وعمرني نسااا الخير لي درتيه معاياا والوقفة ديالك اناا معاك وغنبقااا معاك غير هوا راه تعقدت من وجهي بغيت ندير عملية ونكون حتا اناا بحال ناس وبنادم ميشوفش فيا ديك شوفة دالشفقة اناا تقت فيه وبغيتو والله واخا ممستعداش نتزوج بيه. ولكن من كلامو بان لياا انسان صادق..
مقاليش شي حاجة دالعيب. قالي نوقف معاك حيت صاحبو لي غيدير ليا العملية وغنرجع حسن ملي كنت . وقالي غنمشيو عادي سياحة ف اوطيل واحترام بيناتنا بيدماا ندير عملية ونرجعو يعني شفت مكاااين حتا مشكيل الا مشيت ومن بعد نرجع لصالون ونخدم واش فهمتيني يعني اناا منويااش نخليك ولا نسمح فيك بالعكس ..
جوديا : دابا نتي صافي بيبان الرحمة من عند الله سديتهم كاين غا هادا لي غيوقف معاك زعمة وباغيلك الخير. راني صغيرة ومزال معرفااش الدنيا كيف كضوور ويلا نتي باغاا ديري عملية هانااا علاش متقوليهالييييش انااا اللولة؟ والعيب والعار علياااا الا معونتكش. زعمة ملقيتي غااا هاد خييينااا يعاونك
نريمان : وفين المشكيل!
جوديا : مشكيل فيك انريمان مكتفكريش. مشكيل هاد صغر سن كيلعب ضور والمراهقة اناا عضراك ولكن خاصك تفهمي مزيااان ان هاد السيد علاش باغي يدير معاك هادشي كامل . شنو مبتغى ديالو؟ شنو الهدف ديالو.
جوديا : ونتي مالك من داباا ونتي مزوجة مالك فيك الدود راه عاد 18 عام
نريمان : ولا راه حتا اناا مبغاش نتزوج بيه دابا قلت مزال الحال وحتا ن
قطعاتها جوديا بغضب ناضت ضربات يديهاا على طبلة حتا تهزاات نريمان من بلاصتهاا مخلوعة.
جوديا : حتا لشنوووو؟ حتا يلعب فيييك مزياااان حتا يخليييك بحال شي قااادوس كل دقيقة يجي يخوييه فييييك عاد تهناااي مالك غتخرجييينيييي على طووووعي مالك مبغيتيش تفهمييي الهضرة واش خصك حتااا تهزي فكرشك شي مخلوق يخرج يعيش داكشي لي عشتيه عاد تبردييي ولا شنو
وعلاقة بين نريمان وانس غير مسجات ومرة مرة مقدراتش تسد عليه فدقة وحدة وهيا مشافت منو حتا حاجة دالعيب واخااا كتفكر ليل ونهار فكلام د جوديااا ومبغاش دير شي حاجة بلا رضاهاا.
كانت خدامة لكليااان وجوديا فالبيرو ديالهاا جالسة. شوية ناضت عيطات لنريمان ورجعات جلسااات فبلاصتها. دخلات عندها نريمان وقفااات حداها وهيا تقول ليها جوديا : بماا انه نتي باغاا تمشي ديري عملية فالامارات. انا سولت صحبتي الاماراتية لي كنت كنعاود، ليك عليها قريت انااا وياها ففرانسا حتا هيا عندهاا صالون ديالها فالامارات المهم انا سولتها على الطبيب وعرفاتو وشكراتو بزاف. المهم العملية انا غنتكلف ليك بها وهاد الشهر داخل غنقطع ليك بيي وغتمشي ونتاصل بيه وندير ليك معاه رونديفو. اوكي؟
نريمان : بصح؟ اناا غنمشي!!
لمعو عينيهاا من قوة الفرحة والصدمة أخر حاجة كانت كتوقعها وكتفكر فيهاا هيا هادي مشات لعندهاا عنقاااتها وكدالك جوديا تجوبات معاها وقالت : ديري عقلك منبغيكش تغلطي وانا كنعطيك انضار اي حاجة كانت صغيرة ولا كبيرة تعلميني بيهااا وتشاوري معايااا فاي حاجة
نريمان : اه صافي واخا كنوااااعدك كنوااااعد والله مندير شي حاجة تقلقك واي حاجة نقولهالك
جوديا : يلاه كملي الخدمة ديالك دابا.
خرجات ضاحكة وفرحااانة بقات ابتسام عاطيااها العين مشات لعندها وقالت بلطاافة باغا تعرف شنو سبب هاد الفرحة..
ابتسام : ياك لباس ! شنو قالت ليك جوديا
نريمان : غنمشي الامارات وهيا غتعاوني..
ابتسام : شنو؟ بصح!!!! واش هي هياااا هياااا قالتها ليك
نريمان : اه علاش
ابتساام : اا لاا لا والو مزياان مزيان الله يعاونك.
نريمان : الحمد الله على كل الحال. نتي بعدا عندك وليد وعندك صحيحتك وخدامة شنو ناقصك؟ غير علاقتك بعائلتك طال الزمان ولا قصاار غتقاادد الامور بينااتكم وغترجع كيف كانت
بدات نريمان كتوجد راسها وتجمع فالحويجات غير الجداد لي شرات. من بعد ماا خدات شانطة وبدات كتعمر فيها وحتا من جوديا عطاتها حويجات جداد..
وصل اليوم لي غتسافر فيه يومين وهيا بلا نعاس من القوة الفرحة كتخاايل كيف غتكون الطيارة وكيف غتكون طالعة فيها وكيف غيكون الجو فيها من داخل رجعات كتسهى بزاااف وهيا طايرة بالفرحة باغاااا غا ايمتااااا الوقت يوصل دغياا وتمشيي..
توضات وصلات الفجر وناضت وجدات فطور بالخف فديك أثناء حلات ابتسام عينيها باين على وجهها الخزن...
دخلات عندها لكوزينة لقاتها متشحر آتاي.
حطات يديها على باب متكية وقالت : فرحانة ياك! حيت غتمشي وتهنى
حلات عينيهاا وشافت راسهاا بين الغياام عجبهاا الجو وزادت فرحتهاا كتر. ومرة مرة كضور عينيها فالناس من جميع الجنسيات جالسين فالأماكن ديالهم كيتكلمو باللغات اجنبية. كل واحد كيشوف قدامو غير هيااا لي من قوة الفرحة عينيها كيضور وتشوف فناس وضحك عاجبهااا الحال. شافت الشاب لي جالس جنبها طلب الأكل معرفاات مطلب ومعرفااش حتا كيفاش غتهضر وشنو غتقول سكتات وبقاات متكية على يديها كتشوف فالغيااام حتا غلبهاا العيااء ونعساات.
حسات بيد كتهزز فيها وداك الشاب لي جالس حداها كيفيقهاا. حلات عينيها مزيان عاد تفكرات راسها فالطيارة سولاتو واش وصلو بالعربية مفهمش.
وهيا تسول راجل كبير جالس قدامها.. جاوبها بالدريجة مزال ساعة ويوصلو...
خرجات مع ناس ومن بعد الإجراءات القانونية. خرجات وقفات براا كيف قالت ليهاا جوديا. فرحانة وعاجبها الحال ومخلوعة الاأحااسيس مخلطة شادة يد د شانطة بيديها كتجر فيهاا حتاا وقفات بعيدة كتشوف منااضر الجميلة حتا وقفااات عليها إمرأة فالثلاثينات لابسة عباية سوداء مع شان أسود ملفوف بطريقة جميلة وصندالة عالية فالبيج ومكياج خفيف ملامح جميلة وجذابة. توجهاات نحو نريمان ببتسامة وقالت باللكنة الخليجة : انت نريمان لي حكت لي عليها جوديا.
ابتسمااات نريمان بحماس وقالت : اه انااا هيا
نجود : اي اتفضلي هلا فيكي حبيبتي ببلدنا كيفكن وكيف اهل المغرب
نريمان : الله يبارك فيك لباس الحمد الله.
توجهات معاهاا لسيارة فخمة حلات ليها نجود الباب الخلفي طلعاات فيه لقات بنيتة صغيرة وراجل فالأمام سايڭ قالت سلام ورد عليها راجل السلام. هزات بنيتة كتبوس فيها وكتعرف عليها ونجود كتشوف فيهم من مرايا.
نجود : نريمان هاد زوجي وهي بنت ميال
نريمان : بحياء طك اه تبارك الله متشرفة بيكم
نجود: تسلميلي خبرتني جوديا راه تسوين عمليه
نريمان : اه غندير عملية على الأنف ديالي كان تهرس بغيت نقولك تكسر
نجود : اي ايي فهمانه عليك الله يلطف راح تسوين العمليه وان شاء الله كلشي راه يكون تمام..
وصلو لڤيلا كبيرة تفتحات باب ديالها اوطوماتيك ودخلو ونريمان شادة بنيتة كتشوف فيهااا وتبوس. وقفو طوبيل فالجردة
نجود : يا هلاا فيكي في بيتنا يا ضيفتنا من اهل المغرب اهل الشرفااء وناس اعزاء
نريمان : هه الله يكبر ييك شكرا بزاااف اختي
نجود : تفضلي مرحباا فيكي حبيبتي مرحباا. .
دخلات موراهم حالة فمهاا بصدمة معرفااش راسها واش كتحلم ولا بصح عايشة فالواقع ..
جلساات معاهم فصالون فخم بأثات رائعة وذوق رفيع...
نجود : شو تحبي تشربين نريمان
نريمان : لا مبغيت والو بلاماا تعذبي راسك
نجود : ايش ما في عذاب هه
شافت فالزوج ديالها وقالت : فهد وين رايح راح نتعشى
فهد : الحين جاي اغير ملابسي وانزل ..
على سفرة المائدة جلسو كيتناولو وجبة العشاء سفرة طويلة عامرة. جالس فالراس فهد وعلى يمينه الزوجة وشماله طفل ديالو وجنبو الاخت صغيرة ونريمان جنب نجود...
كتشوف فالاكل كتموت بالجوع تتفتحاات ليها ااشهية ولكن فنفس الوقت كتاكل بشوية وهيا حشمانة
ضارت نجود عند نريمان ببتسامة وقالت : جوديا صديقة كتير طيبة وعشرة سنين من ايام يلي كنا بندرس بفرانسا . ان شاء الله دوم هي المحبة بنصحك ما تخسري تقتها لأنو هيا كنز ثمين والله
نريمان : اه الله يعمرهاا دار بصراحة حتا انا وقفاات معايا من بداية ومخلاتنيش الله يجازيها بالخير
نجود : اي الحمد الله بنات حلال موجودين الله يديم خيرك. طب كملي أكلك لا تشغلي نفسك فيني هههه
نريمان : هه هانا كناكل الله يكتر خيرك
فديك الأثناء صونى تليفون نجود وجوبات ببتسامة وهيا كتشوف ف نريمان : اي يا عيوني وصلت ع خير ما تشغلي بالك.. لا والله عيب ما تقولي هيك احنا اخوه اك تفضلي نريمان جوديا ع التليفون
شدات منها تليفون جوبات جوديا بفرحة كبيرة
جوديا : كيف وصلتي مزيان؟
نريمان : لباس الحمد الله وانت؟ توحشتك بزاف كيف دايرة ابتسام
جوديا : راه خديت ليك رونديفو بعد غدا غتمشي عندو غادي تديك نجود المهم انريمان نعسي ورتاحي يلاه تصبحي على خير
نريمان : كوني، هانية حتا نتي الله يصبحك على الف خير...
كملت عشاها معاهم
ودخلات هيا ونجود لصالة كبيرة فيها شاشة التلفااز كبيييرة شادة الحيط جلسو فيها كيشربو الشاي ولاد نجود كيلعبو حداهم..
وهيا هازة طبليط فيديها وكتوري لنريمان بعض الأعمال ديالها. وبعض مشااهير العرب لي خدمات ليهم سواء ولي دارو عندها شوتينغ... انبهرات نريمان بخدمة نجود والمستوى العالي بي واصلة ليه انسانة قارية واعية ومثقفة وعندها مشروع كبير وعلى يديها خرجو بزاف د لي ميك آب تيست المبتدئين وهادشي كولو وكتميز بالتوااضع والقلب الكبير ومتبغي تسااااعد اي واحد قصدهاا.
نريمان : تبارك الله عليك الله يعطيك صحة صراحة هادشي غزاال خليتيني غير كنشوف مصاااب حتا اناا فواحد الوقت نكون فالسن ديالك نحقق جزء من هادشي لي حققتي.
نجود : اكيد غتحققي كل حاجة فقط خصك الصبر ومتعول على حتا شي حد. خدم بدراعك وعول على راسك فقط متسنايش يد المساعدة حيت كلماا تسنيتي يد المساعدة غتشوفي راسك كتزيدي ترجعي اللور وكتزيدي فالفشل. لهاذا كنوصيك اعتمدي على نفسك
نريمان : ان شاء الله شكرا بزاف على نصااائح ديالك واكيد غندير بيهم
نريمان : شوية. يلاه تصبحي على خير حتا لغدااا ان شاء الله.
تبعات نريمان فاطمة فالدروج كضور عينيها فالأثاث الفخم والديكور رائع وتماثيل مزينه المكان. دخلاتها لبيت جميل فراش ديالو بني وماريو فالأبيض مع زربية صغيرة فالبني والابيض وفوطوي صغير . عجبها وبقات كضور فيه وتقلب عجبها الحال. شذات عليها الباب وجبدات حوايحها ستفاااتهم ف مااريو. وناضت كتقلب على طواليط. توضات وشعلات تليفون ديالها شادة الويفي كتقلب على القبلة.. بداو رسائل كيجيوهااا شي مور شي. خلات تليفون فوضع صامت وصلاة ودعااات الله. عاد ناضت حيدات حوايجها ولبسات بيجامتها وضفرات شعرهاا وشدات التليفون فيديهاا كتشوف فالميسجات. عينيها مشاو لمسج ديالو هوا اللول.
أنس : ماا مرة ماا جوج كتشدي علياا بدون اي سبب.. وكتخليني بلاكة بلا جواب. ممكن نعرف اش هاد مستوى وهاد تكبر لي فيك. شنو حاسبة راسك زعمة. الا بغاك شي حد وناوي معاك الخير وباغي يساعدك وباغي يكون فحياتك هوا كلشي كتحسو بيه، زعمة ضعيف! ولا هوا لا شيئ؟ كلكم بحال بحال كيعجبكم لي يمرمدكم فالارض ويطيح بالقيمة ديالكم. هداك كتبعوه ولكن لي كيكون مخلص وباغي حلال كطلعو عليه فالسمااا. 😉 حضي راسك ازين دابا تندم على هادشي مزياان
صيفطات المسج ومشات لعند امين لي كان كاتب ليها سلام. ردات عليه حتا هوا وكتسول على احوالو واحوال العائلة. اتصلات ببتسام فالواتساب وبدات كتعاود ليها على السفر. صونات عليها ابيل فيديو وشدو الهضرة ملي كملات شافت أنس قرا رسالة ديالها ولكن مجوبهااش..
هجبها نريمان الجو عند نجود ضحوكية وفيها الهضرة بزاف وتقشاااب. من بعد الفطور ناضت نريمان بدلات حوايجها وخرجات هيا ونجود برا فالجردة فخمة بقات نريمان مسرحة عينيهاا فيهاا مشات معاها السيارة ديالها وخرجو..
غاديين فشوارع دبي
نجود : اول مرة تجي ع الامارات!
نريمان : اه اول مرة ونتمنى متكونش اخر مرة حيت بصح بلاد غزاال وتستاهل ناس يزوروها
نجود : ايه وحتى المغرب مراكش وكازا بلانكا وفاس انااا بموت ف اكل المغرب ههه لما كنت بجي ع المغرب كنت بقول لأم جوديا سويلناا البسطيلة وطانجية ههه
نريمان : تبارك الله شحال من عام ونتوما مصاحبين
نجود : سنين طويلة لماا كان عندناا 20 سنة يمكن..
نريمان : تبارك الله عشرة طويلة الحمد الله. ربي يدوم المحبة
نجود : يارب وياك
وصلو لمحل كبير فخم فحال صالون جوديا.. حطات نجود السيارة ديالهاا ودخلات هيا ونريمان لداخل لقاو السلام على البنات والرجال لي كانو تماا خدامين...
نريمان : تبارك الله هادا صالون ديالك؟
نجود : اي هه عجبك ؟
نريمان : واااااو واعر كيحمق صراحة الله يباركلك
نجود : ويبارك فيكي حبيبتي.
ضارت عليهم كتشوف خدمتهم وكترحب بالكليان لي عندهاا من بعد خرجات هيا ونريمان دازت للمدرسة لعند ولدها من بعد لروض. وخرجو كلهم تغداو برا ودوز الوقت ملهى الاطفال ونريمان كتلعب معاهم حتا العشية ورجعو لدار.
جلسو على سفرة العشاء ونريمان كتعشى معاهم هوما كيهضر وهيا غير ساكتة
نجود : بكره عندي شغل بليل اتصلو فيني لحلقة حمد شو راح اسوي مكياج لفنانين يلي رح يجو
فهد : اي اوك بالتوفيق
نجود : نريمان : بكره ع ساعه 8 راح نروح معك ع الطبيب ان شا الله وهيا
نريمان : كنتمنى لهلا يخطيك
شاف فهد ف نريمان وقال وهوا عاقد حجبانو : كيف صار معك الحادث!
جوبات نجود وهيا متأثرة وقالت : صار معاها اعتداء من طرف عمتها هيك حكتلي جوديا
نريمان : اه هادشي لي كاين
فهد : امم اك ما تشغلي بالك كلشي راح يكون تمام.
كملو عشاهم خرج فهد الجردة وبقات نريمان مع نجود كيتعاودو وكيتعارفو كتر. والوليدات حداهم كيلعبو...
طلعات لبيتها وشدات تليفون كتهضر مع امين وابتسام وهناء وجوديا
هناء : ايوا الله يسهل عليك اختي مزيان مشوقة نشوفك رجعتي كيف كنتي وحسن
حققات المنبه وجلساات كتخمم فنهار د غدا حتا داها نعاس.
فصباح ناضت فرحانة وفنفس الوقت خايفة ومتوترة.. صلاة وبقاات كدعي الله يفرحها ويسهل امورها. لبسات حوايجها وهبطات فالدروج لقات فهد جالس فالطبلة شادة مجلة فيدو. مهزش فيها عينو. قالت سلام ورد عليها وهوا مزال على نفس الوضعية...
اما نجود ونريمان. كملو فطورهم ولبسو حتا هوما وخرجو ركبو فالسيارة ومشاو لعند طبيب تكلمو مع السكريتيرة لي فباب على الموعد..
هزات السكريتيرة سماعة تكلمات مع الطبيب وقالت : اتفضلو معي
داتهم للمكتب ديالو فتحات الباب دخلات نجود ببتسامة وموراها نريمان.
كان طبيب جالس فالبيرو ديالو شاب مزال صغير كانت نريمان متوقعة غيكون راجل كبير... ولكن طلع العكس لابس طبلية بيضااء وشخص آخر معاه جالس فكرسي حدا البيرو وهاز ولد صغير فوق ركبتو كيضحك معاه وكيتكلمو باللغة الانجليزية..
هز الشخص عينيه فيهم ورجع كيضحك مع الولد صغير لي هاز
رحب بيهم الطبيب وجلسو فوق فطوي تكلمات نجود باللغة الانجليزية مع الطبيب وهوا كيهزز راسو ويشوف ف نريمان. تكلم معاها بالانجليزية بقات كتشوف فيه وقالت لنجود : مكنعرفش اللونڭلي
نجود : اي طيب سئلك هوا كم سنه مضت ع الحادث
نريمان : دابا عامين سنتين!
هز الشخص عينو فنريمان وكدالك الطبيب تكلم معاها بالعربية وقال : واش جزائرية ولا مغربية ؟
شافت فيه وقلبها كيزدح وقالت : لا مغربية
شاف الطبيب فالشخص لي معاه كيضحك وقال : ههه مرحبا ببنت البلاد
نجود : انت مغربي؟
الطبيب : وي هه مرحباا قلتي عامين ياك
نريمان : اه عامين داباا
الطبيب : اوك اجي معاياا نشوف
ناضت نريمان معاه مخلوعة القلب ديالها غيسكت.. وشخص الثاني كيشوف فيهم وساكت فقط كيلعب مع الولد لي هاز.. تكات نريمان على بياص حيدات فاصمة وبدا الطبيب كيقلب كيف كيحط يدو كتغوت وتوجع
الطبيب : اوووه الأنف ديالك متضرر بزاف كيف وقع ليك واش طحتي ولا شنو
الطبيب : شوفي انريمان راه خصك نقادو ليك نيفك ونعاودو نردوه لبلاصتو وعاد من بعد عملية الأخيرة باش ميبقااش ليك الآثر المهم الاسبوع المقبل غتكون عندك العملية مع 1 د نهار تكوني عندي ويكون خير
خرجو بجوج بيهم غاديين فجهة السيارة لقاو شخص لي خرج من عند الطبيب طلع فالطوموبيل ودار الولد لور ودارليه حزام السلامة وديمارااا بالزربة مشاا.. طلعو حتا هوما فالسيارة ديالهم ومشاو المول لي جنب المدرسة كيضورو بيهم بيدما يخرج ولد نجود من المدرسة.
. خرجات نريمان لرا لجردة مسرحة رجليها وعينيها عاجبها الجو ومكرهااتش تبقى فيه ..
بعد لحضات جاو اهل نجود سلمات عليهم نريمان. وهوما كيرحبو بيهاا ويسولو على الحال ديالها وهيا حشمانه كتجاوبهم بالقياس وكتحاول تبسط ليهم لغتها باش يفهموهاا مزيان... تجمعو على سفرة الغداء كيتغداو ويجمعو وضحك وتقشااب بيناتهم
.. دخلو لصالة وحطات ليهم فاطمه شاي وقهوة وبعض حلويات...
هزات نريمان تليفونها ودخلات تقرا مسجات لي جاوهاا اول واحد بدات بيه هوا د ابتسام
ابتسام : راه جاا امين ل صالون وسولني عليك قلت ليه راهاا سافراات الامارات . السيد متيقش بغاااا يجعر قالي كيفاش مشات ومعامن مشات وناض كيغوت علياا كيقولي علاش خليتيهااا تمشي وبلا بلاا عرفتي بلوكاااني بالهضرة وفليل ملي خرجت عوتاني طلاقيتو سيد منعاودلكش انريمان كيف دايرة حالتو.
سولني عليك وقالي فقاش غادي تجب قلت ليه غير دير العملية وتجي مغاديش تعطل.
مجوباتش ابتسام ودخلات نيشان لميسجااات ديال امين لقاتو مصوني عليهااا بلا حساب ومسجات واوديواااات....
امين : صافي درتي لي فبالك. وجدتي امورك مشيتي خلفة ومقلتي حتا كلمة. بغيت غير نعرف اناااا انااا شنو درت ليك علاش زعمه رفضتيني وعلاش كتعاملي معايااا هاد المعاملة كوميم كنبقااو عائلة ولا ولا صافي يمكن حتا نتي درتي الفلوس وربيتي كتاااف. يمكن نفسك طغااات وحساب ليك راسك وصلتي ؟ نريمان راك جرحتينيي بزاااف ومرضتيني علاش ابنت عمي ديري فيااا هاكا. اقسم لك يميييينا الا بغيتك من قلبي بلا نفااق بلا كدوب بلا والو شنو فيها لي متقبليش بيااا علاش زعمة بغيت غا نعرف علاش .شنو ذنبي غنجيك شخص ضعيف ياك وبلا قيمة حيت كنهضر معاك هاكا. ايييه ولكن خصك تعرفي نتي الوحيدة لي اناا ضعيف قدامها عكس خرين. نتي بالنسبة لياا كلشي. نريمااان حرام عليك علاش مشيتي علااااش كون كنتي هنااا كون سلفت ودرت مجهود وديدي عملية هنااا علاش غاديييااا لتمااا علاش علاش..
خرجو عائلة نجود وصلو معاهم حتا لباب ودعوهم ورجعو لصالون
.. ساعة 5 راح اجهز حالي مشان روح ع شغل
نريمان : واش غتخدمي فليل؟
نجود : اي في برنامج راه اسوي ميك آب ع فنانين.. طلعات نجود لفوق بدلات حوايجها وحطات مكياج خفيف ونريمان كتشوف فيها باعجاب وهيا هازة بنت فيديها.
نجود : يلا حبيبتي انتبهي ع حالك باي ميال
خرجو معاهاا حتا الجردة وخرجات على باب عاد رجعات نريمان هيا وبنيتة كيلعبو فالجردة وياخدو سيلفيااات..
عيات البنيتة هزاتهاا نريمان فيديها كضور بيها حتا نعسات ليها على كتافهاا. طلعااتها لبيتها وحطاتها فيه وخرجات. يلاه بغات تهبط فالدروج وهوا يوقف عليها فهد
..
تكلم معاها بالخليجية وقال : شنو كديري ؟
نريمان : والو غير نعسات البنيتة ديالك وطلعتها لبيتها
فهد : امم اوك
خلاها واقفة ودخل البيت شاف بنتو ورجع هبط لقاا نريمان واقفة حدا باب د زاج لي كتخرج لجردة كتهضر فالتليفون.
نريمان : اه سيمانا لي جاية. شكرا بزاااف اختي جودياا الله يفرحك حتا صحبتك نجود الله يعمرها دار عمرني شفت شي وحدة بحالها قلبهاا كبير وانسانة الله يعمرهاا دار..
الأجنحة المنكسرة الجزء الرابع
محتوى القصة
التنقل بين الأجزاء