فديك ايام نريمان رجعات كتحس براسها خايفة بزاف حيت كل مرة كتشوف فهد موراها كيتصنت عليهاا او مراقبها او كيشوف فيا شي شوفاات غراب..
صباح مشرق ومبهج. صبحات فيه نريمان كا باقي الايام نشيطة وفرحانة وعاجبها الحال... دوزات صباح غير جالسة كانت غير بوحدها فالدار نجود خرجات فصباح وكانت مزال مرجعات..
سمعات الباب تحل وهيا تهز عليهاا لقات فهد دخل وقف شاف فيهاا يلاه بغا يطلع فالدروج وهواا يرجع لعندها
تقدات فالجلسة وقلبهااا كيضرب ف، 100% خايفة منو
جلس قبالتها وقال : كيف دايرة؟
نريمان : لباس الحمد الله وانت!
فهد : الحمد الله مستاعدة للعملية ديالك اليوم؟ متخاافيش كلشي غيدوز مزيان
نريمان : ان شااء الله كنتمنى من قلبي شكرا بزاف وسمحولي حيت تقلت عليكم وبرزطتكم معايا.
فهد : لا مكاين حتا شي مشكيل...
ضور راسو شاف واش جاي شي حد وقال بصوت خافت : نريمان ممكن نهضرو اناا وياك فشي موضوع
نريمان : اه مرحبا ياك لباس بعدا هانا كنسمعك
فهد : مغاديش نهضرو هنا فدار خاصناا نخرجو ونهضرو
حطات يديها على فمها مصدومة مشااا عقلها بعيد وهوا يقول : معندك مناااش تخاف حنا غير غادي نهضرو وصافي اوك
نريمان : وفقاش واش غادي نخرجو كاملين ولا.
قاطعها وقال : لا غير انا وياك غادي نخرجو ملي نشوف نجود غتعطل، فشي حاجة ونخرجو نهضرو برا اوك
نريمان : بخوف) صافي واخاا.
ناض بالزربة خلاهاا جالسة فموضعها ومشااا لبضع دقائق.. دخلات نجود. تغداو هيا ونريمان وحتا فهد، لي هبط من بيتو تغدا فصمت وعكس نجود لي شادة الضحك وجمامع.. كملو غداهم وجدو راسهم مشاو لعيادة عند الطبيب لس لقاوه كيتسناهم
رحب بيهم وبدا كيطمن نريمان لي شاف التوتر والخوف على جهها
طلعات فوق البياص.
الطبيب : كلشي غيدوز مزيان متخلعييش .
حركات راسها وحطات يديها على كرشها كتشوف فالسماا وهيا كترعد.. خايفة ولكن كتقول كلشي غيدوز والاهم نرجع بوجهي مزيان كيف كنت..
الطبيب : هاد الليلة غتبات هنا وغدا ان شاء الله عاد تخرج
نجود : اوك ان شاء الله. ممكن اشوفها؟
الطبيب : طبعا غير مطوليش خليها ترتاح.
ديك الليلة باتت نريمان تماا عندهم..
فصباح حلات عينيها بزز والدوخة شاداهاا .. دخل الطبيب يطمن على حالتها ويدير ليها الدوا
فالخارج كانت جالسة نجود كتكلم فالتليفون بقلق وبصوت خافت ..
معصبة : بالخليجية ) معرفتش هادشي مرضني بزاف عييت ساكتة وعييت صابرة ... راه كنحاول ولكن معرفش .. را...
مجات فين تكمل كلامها شافت نفس الشخص لي كان مع طبيب المرة لي فااتت دخل ومعاه بنت لابسة عباية فالبيج وشان بطريقة موديرن.. وخصلة من شعرها خارجة فالجنب وصندالة طالون عالية وصاك فيديها فالبيج والأسود
شافت فيهم ببتسامة وقالت فتليفون : يلاه من بعد ونهضرو باي.
شاف فيها فهد وهوا عاقد حجبانو وناض طلع لبيتو ونجود تبعاتو.. حطات راسها على المخدة كتخمم فشنو غيكون باغيها وشنو الموضوع لي غيهضر معاها فيه..
جابت ليها فاطمه ماكلة كلات شوية وطلعااتها لبيتها. توضاات ومسحات وجهها غير بالخف ومشات جلسات على الكرسي صلاة ودخلات لبلاصتها.. بعد 3 ايام وهيا غير بيت مكتخرجش منو مشات بدلات الفاصمة ورجعات لبيت بقات فيه. لحضات بلي نجود رجعات معصبة ومبقاتش كتهضر كيف كانت وديك نشاط والضحك رجعات فبلاصتو غير الحزن وديماا عينيها حومر بالبكا.. مقدراتش تسولها خافت ضور فيها او تقوليها حياتي الشخصية معندك حتا دخل فيها...
كل 3 ايام كتمشي تبدل الفاصمة طبعا نجود لي كديهاا وترجعها واخا كتكون عندها الخدمة...
كانت ناعسة فبيتها وهيا تسمع الدقان ناضت مخلوعة لوات عليها الشان ومشات حلات الباب لقات فهد واقف لابس قميجة بيضاء وجاكيط كحلة مع سروال اكحل وشابو فوق راسو. غير شافتو وقالبهااا بدا كيضرب بالجهد... رجعات خطوات اللور خايف وهوا يقول ليها : ممكن نخرجو نهضرو شوية ؟
نريمان : فينن؟ فين غنمشي ومدام نجود؟
فهد : مكيناش وغتجي معطلة يلاه نخرجو نهضرو برا حسن مغاديش تعطلي.
نريمان : واخاا صبر شوية نلبس حوايجي ونهبط
فهد : اوك انا لتحت..
شدات الباب وقلبهاا غيخرج من بلاصتو مشاا بالهاا بعيد وخافت يهرب بيها اولا يدير ليها شي حاجة كلشي متوقع...
لبساات عباية كحلة مع صندالة د الصبع. لوات عليها شانها وهزات تليفونهاا وهبطاات لقاتو واقف برا كيكمي سيڭار ديالو. غير شافهاا جاية جيهتو وهوا يلوحو..
فهد : نريمان انا كنبغي جودياا ومن سنين طويلة كنا على علاقة واناا شحال واناا صابر كنقول يمكن غادي يجي واحد الوقت ونسى فيه جوديا حيت عندها وليداتهاا وراجلها ولكن هيااا معذبة واناا معذب وبجوجناا معايشينش مرتاحين.
قطعها وقال : لا هداك ماشي حب هداك حكااام فارضو عليهاا هداك لي مزوجة بيه..
شدات نريمان فراسها وحنات كتشوف فطبلة وهوا كيهضر هزات فيه راسها وقالت : عرفتي اناا والله ماا فهمت شي حاجة مفهمتش حكام وكتبغيهاا وطلاق من مراتك. علاش غطلق؟ وعلاش غتبغي وحدة مزوجة! مفهمتش الا هيا عايشة حياتهاا بخير ومعندهاا حتا مشكيل وو...
فهد : سكتي صافي سكتي نتي معارفة والو من غير الامور السطحية..
المهم شوفي انا تعرفت على نجود وكانت عاجبااني بزاف وملي مشات تقرا ففرانساا كنت كنمشي عندها وصراحة كنت عادي بحال كاع شباب باغي ندوز وقت ونتفلى مكاانش عندي فبالي فكرة د الحوب والزواج.. من بعد عجبااتني نجود ورتاحيت ليها وفعلا هيا بنت ناس وطورات علاقتناا حتا خطبتها مور الخطبة وليت كنعرف صحباتها لي كتخرج معاهم ولي كتقرا معاهم ولي عندهاا فالتليفون وتماا عرفت صحبتها جوديااا. عجباتني بزاف وبحكم ديماا كانت نجود كتعاود لياا عليهاا وكانت مصورة هيا وياها. وديماا كتهضر ليااا عليهاا.. وليت باغي جودياا وعجباتني كتر وديما كنت كنقارن بيناتهم كنت كنلقى فرق كبير المهم مع الوقت تعرفت على جودياا وبلاماا تعرف نجود. وديما كنت كنوصيهاا تصاور خطبتنا متصيفهم لحد.. وتصاوري انا بالخصوص لا لعائلتها ولا لصحباتهاا.
حوار #فهد باللغة الخليجية
وكنت ندمت علاش تصرعت وخطبتها كنت باغي غير ايمتاا نتفك منها وحيت هيا كانت باغاني لدرجة الجنون كانت ديما كتسمع لهضرتي وصبرات على ود باش نتزوجو. المهم علاقتي بجوديا حتا هيا تطورات كتر بعدماا رجعات المغرب كنت حتا اناا تماا وكنت ديمااا حاضي معاها عنداك نتصورو وتصيفط تصاورنا لنجود او لشي حد. ديما كنا الخروج ونسافرو مع بعضياااتنا حتا** المهم كانت بيناتناا علاقة حميمية راكي فاهمة.. شنو غيكون بين جوج سافرو بجوج ودوزو ايام طويلة مع بعضهم.
ايوا دازت ايام طراو بيناتناا مشاكيل انا وجوديا حيت كانت باغا نخطبها ولكن اناا كنت مزال باغي نتفك من نجود. وكنت ديما كنقولها من بعد حتا نقادد شي امور..
عاد نجي نخطبك تماا وقفات علاقتناا وهيا لي وقفاااتها وشدات عليا فمرا...
ولكن اناا كنت مزال باغيهاا وطامع نرجعو لبعضياااتنا تزوجناا اناا ونجود ومن بعد عرفت ان جوديا حاملة بولد مني ورجعت المغرب وبقيت معاها تما عتارفت ليها بلي اناا مزوج بنجود ونجود حتا هيا حاملة. مهم معندي منعاود ليك اش طرااا روينة. طاحت جوديا بانهياار عصبي ومرضات بزاف وندمت علاش تزوج بنجود مهم قررت انني نتزوج بجوديا ونقول لنجود كلشي ويلا مبغاتش نطلقهاا ولكن جوديا مبغاتش ورفضاات وقالت ليااا صافي لي بيناتناا تسالا وسير رجع عند مراتك. عييت منحاول معاهاا فلاخر رجعت بحالي وهيا مقالت لنجود والو. وقطعاات معاها الهضرة ودازت عامين ونجود كتقلب عليها وباغا تعرف اخبارها وحتا اناا درت مجهود. المهم رجعو كيهضرو مع بعضيااتهم وعرفت بلي هيا تزوجات ب تونسي وعندها ولد سميتو آدم كتعرفيه ؟
حركات راسها بحزن وقالت : واش هداك ولدك؟
تنهد وقال : اه ولدي.. ولدي لي معمرني شفتو مباشرة من غير واحد تصويرة كانت صيفطااتها جوديا لنجود..
المهم مزال لحد الآن نجود معرفاش هادشي كولو وفبالها أن آدم ولد داك تونسي. وجوديا كنا تشاوفنا اناا وياها هادي واحد 6 سنين. وكنت قلتليها طلقي ونرجعو انا وياك. قالت لياا كنحسبك خلينا خوت واصدقاء واناا عندي راجلي باغيني وبلا بلا بلاااا
فهد : بغيت نرجع ولدي وجودياا لحياتي.. ونتي قادرة تعاونيني فهادشي
نريمان : سمحلي اناا منقدر ندير والو.. نجود تاقت فياا ودخلاتني لدارها وكلاتني تهلات فياا وانا نعاون راجلها باش يرجع لوحدة دابا مزوجة ومستقرة فدارها. شوف انا معرفاش ومحساش وممزوجاش وممجرباش داكشي لي عشتوه ولكن لي بغيت نقول علاش غادي تضلم مراتك وتبع وحدة مزوجة راه هادشي غير منطقي....
فهد : سمعي غتعاونيني انريمان ضروري من بعد ملي ترجعي المغرب باغي نشوف ولدي اناا ممستحملش هاد العيشة ومبقيتش باغي نعيش فهاد الوضع. عرفتي نهار نتي تزوجي ويلا مكنتيش كتبغي شي حد من قلبك والله متقدري تعيشي معاه دابا تزوجي وتجربي وتفهمي اش بغيت نقولك
نريمان : جوديا ماشي بسهل عليها الطلق حتا هيا راه عندها جوج وليدات خرين من غير ولدك ومتبغيش تهدم بيت زوجية ديالها وتسمح فكلشي وترجع عندك. شوف فكر مزيان قبل متخسر مراتك وتخصر جوديا فمرا هيا ولدك
فهد : كيبان ليااا ضيعت معاك الوقت وعودت ليك بلا فايدة...
نريمان : اناا نعاونك معنديش مشكيل ولكن خصك تفهم هديك السيدة بدات حياتهاا صافي الا عايشة مزيانة ولا لااا راه حياتها هاديك وهيا لي عارفة اش كدوز منو. وراه صعيب من بعد هاد سنين وعاد ترجعو
فهد : شوف اناا متأكد 100% انهاا مزال باغاني ومكرهاتش ترجع معاياا اذن خصني غير نخمم فالحل شنو هوا..
نريمان : مكاينش حل من غير ت..
قطعهاا وقف وقال : صافي نساااااي فمرااا نساااي اي كلمة قلتهاا ليك صافي حسبي مخرجتيش ومقلت ليك انااا حتا كلمة صافي سديناا الموضوع... خرج من القهوة وهيا ناضت تبعاتو ورجعو لدار
هزات عينيها فهد لقاتو كيوكل بنتو وقالت : اه بخير الحمد الله
تعشاو فصمت نجود كتشوف فطبسيلها بلاماا تهز راس وكذالك فهد غير عاقد حجبانو باين معصب. ونريمان كتاكل وكتشوف فيهم بنص عين شي مكيهضر مع شي.
كمل هوا اللول العشاء وطلع بحالو مسحات نجود دمعة كانت هابطة من عينيها شافتها نريمان وبقااا فيها الحال. حيت نجود هادا ماشي طبعهاا. شوية هبط فهد لابس سروال دجين مع سبادري وقميجة نص كم هاز الجكيطة فيدو وكونطاكط فاليد لاخور وخرج مع باب. بقاات نجود كتشوف فيه سمعات طوموبيل ديمارات وخرجات وهيا تحط يديها على جبهتها وانهااارت بالبكاء..
نريمان : اويلي مالك نجود ياك لباس علاش كتبكي
نجود : اهئ اهئ اهئ والو والووو حتا حاجة
نريمان : لا غتقولي مالك علاش كتبكي شنو عندك
ناضت نجود طلعات فالدروج كتجري تبعاتها نريمان لقاتهاا سدات عليها فالباب عياات مدق باغا تدخل عندها تشوف مالهااا مبغاتش تحل ليها هبطات لتحت لقات ولادهاا كيبكيو هزات بنيتة حطاتها على رجليها عنقاتها والولد، جراتو عندو كتبوس فيه وتسكتهم بقات مع الولاد كتحاول تنسي فيهم عطاتهم الالعاب بقاو كيلعبو وهيا معاهم حضياهم حتا تغلبو. دات الولد كبير لطواليط والبنيتة بدلات ليها ليكوش ودخلاتهم لبيتهم حتا داهم نعاس. رجعات طلعات لفوق عيات مدق مبغاتش تحل ليها استسلمات ودخلات لبيتها لقات مسجات بالعرمة كيف عادة مجوباات حد بقات كتفرج فالفيديوات فاليوتيوب حتا داها نعاس.
فصباح ضرباتها الفيقة بكري. حلات سرجم تشوف طوموبيلتو واش كاينة التحت ملقتهاش عرفاتو مجاش فالليل وخرجات مشات عند نجود دقات مفتحاتش ليها. وهيا تبرك على بوانيي تحل الباب ودخلات لقاتها فايقة ناعسة فبلاصتها معنقة المخدة وعينيهاا طايبيين بالبكا. حطات ركابيها على الأرض حنات لعندها وقالت : كيف بقيتي شوية؟
جوبيني متزيديش تمرضي راسك بالسكات شنو كاين
غمضات نجود عينيها هبطو دموعها لي كانو واحلين فالشفار وقالت : بزااف عيييت من كلشي عييت
نريمان : بالآسى) كلناا كنقولو عييناا وماا بقاا لينا جهد ولكن من بعد كيفرج الله. هانا عرفتي كيف كنت ؟؟ راه الماكلة ومكنتش كنلحقها ابسط حاجة كنت نتمناااها ومكنتش كنقدر نوصل ليها. ربي كبير انا لدابا مزال معجبة فراسي شنو هاد الخير لي درت فحياتي وقف معايا معمرني كنت كنضن غنخرج من المدينة لي عشت وكبرت فيها معمرني كنت كنقول غنمشي لكازا او نشوف غير المحطة كيف دايرة ولكن شان ربي عظييم وعظيم بزاف هاناا كتاب المكتاب نخرج من بلادي وكتاب عليااا نطلقى ناس وقفو معايا ولقيتهم خير لياا. ومساعديني وعائلتي ودمي معتقونيش لالة نجود ربي كبير ومعمرك تقنط ولا تيئس من رحمتو الواسعة اولا ؟
حركات راسها وناضت جلسات ومسرحة رجليها فالنموسية وحاطة مخدة حجرها على وقالت : اه عندك الحق
نريمان : وقوليلي مالك مكتعرفينيش وبعيدة عليك تقدر تيق فياا ونقدر نعاونك علاش لاا
شافت فيها بحزن كبير وقالت : انا كنبغي فهد بزاااف لدرجة منوصفهاش ليك ولكن هوا لا حاسة بيه كيخوني اولا كيبغي شي وحدة خرا. مرة كيكون مزياان ومرة كيتقلب صبرت معاه بزاف وسنين زواجناا كلها كانت مكفسة عمرني قصرت فحقو وديماا دايرة جهدي معاه وكنجلس بالساعات نزين راسي ليه باش يشوفني ف احسن حله وفلاخر كيخليني ويخرج ومأخرا رجع كيهجر فراشنا بزاااف. معرفتش فين المشكيل وشنو سبب وشكون هادي لي فبالو. هانتي كتشوفي ليل مجااش معرفتو فين بايت ومعامن عييت انريمان تكرهت فحياتي والله.كون عرفت هادي لي كيبغيهاا ومفضلها عليااا كون مشيت رغبتهاا وطلبتهاا تبعد عليه وتشوف فطريق خرا وتخلي راجلي فتيقاااار
شافت فيها نريمان بحصرة وقالت : ويقدر هوا يكون تابع شي وحدة اولا عندو شي مشكيل مهم انا غير كنهضر وصافي .
نريمان : تبغي نخرجو انا وياك شوية الا بغيتي باش تبدلي الجو؟
نجود : لا غير خليني نعس انا غنعيط لطاكسي يجي يديك تبدلي الفاصمة ردي البال لراسك.
ماجد : كيفماا كان الحال حمدي الله حيت كاينين ناس مشوهيين كتر واخاا كنديرو ليهم بزاف دالعمليات مكيرجعووش كيف كانو..
ناضت ببتسامة وقالت
نريمان : شكرا بزاف وسمح ليا
ماجد : ماشي مشكيل تهلاي فراسك
خرجات من عندو فرحات ومشوقة لداك نهار لي غدير فيه تجميل.. رجعات فنفس الطاكسي لدار ودوزات بقية نهارهاا غير فدار. فهد مكااينش ونجود غير بيتها وسادة عليهاا...
جالسة فكرسي لابسة بيجامة خفيفة ديال دار ..وشعرها مجموع سفنجة شادة فرشاة فيديها ولوحة قدامها كترسم فيها ولوحاات كتااار شي معلق وشي محطوط فطبلة طويلة وشي فالأرض موقف. دخلات عندها خادمة مرا كبيرة كتهضر باللهجة كويتية
وقالت : مدام آسيا العشاا وجد
آسيا : اوك طلعي عيطي لريم قوليها تهبط راه خوتهاا جايين فالطريق
خادمة : واخاا مدام
حطات الفرشاة من يديها وناضت حيدات الطبلية دالجلد من عنقها وفسخات حزام ديالها من لور وخرجات من ورشة الرسم الخاصة بيها وهوا يطلقااهاا بتعنيقة حطاات يديها على لحيتو الكثيفة وقالت : ولدي جيتي مرحبا
جلس فوق الفطوي طاوي رجل وطالق رجل وقال : ماجد مزال ماا جاا؟
آسيا : هاهوا جاي فالطريق هوا ومراتو ولدو توحشتك اجاهد
جاهد : حتا اناا اماما راكي عارفة غير مع الوقت مكنساليش باش نجي
آسيا : وماجد كتسالي باش كتمشي عندو يااك
سكت ورجع قال : ماما صافي عفااك
آسيا : شنو دابا غتبقى بوحدك فديك الدار اجي عندناا اولدي نبقاااو مجموعين ولا تزوج بشي وحدة تبغيو بعضيااتكم وتعمر عليك دار
جاهد : فين ريم
آسيا : كنهضر معاك جاوبني متسولنيش على ريم. ريم راها فبيتها
جاهد : ماما اناا مباغيش نتزوج وممستاعدش وممرتاااحش باغي غير الكالم هاد ساعة ومعندي مندير بشي وحدة
آسيا : نعل ااشيطان اولدي زعمة متبغيش دير دارك ولادك صافي تبارك الله قريتي وصلتي وعندك تبارك الله بروجي ديالك ومستقر بدارك مخصك حتا خيير ومتبغيش تزوج.
وقف وقال بعصبية: تصبحي على خير
ناضت عندو بلهفة شدات فيه وقالت : صافي اخر مرة ماشي سوقي تزوج ولا لا حياتك هدييك اخر مرة نجبدلك حس زواج نعل شيطان دوز تجلس هاا خوك ومراتو جاايين يتعشااو معانا
جلس قالب وجهوو هبطات ريم كتجري جامعة راسها عشوائي خصلات هابطين من كل جهة لابسة بيجامة ديال دار وتليفون فيديها مخرجة فيه عينيها. يلاه شافت جهاد وهيا تجي عندو بلهفة وقالت : اووه خويااا الغزال جااا يتعشى معاناا
جلسات حداه كتلعب بالبراسلي لي فيدو وهوا يضور عينيه ف ماماه وقال : هادي فقاش غتزوجوها؟
آسيا : مزال الحال مسخياش ببنتي هه
جهاد : اهاه وكل مرة تخرج معاه ومزال مدايرين لا عقد ولا والوو وكل مرة خيطي بيطي
آسيا : ايوا راه خطيبها اولدي هئ طبيعي تخرج معاه
جهاد : مكنعرف اناا لا خطيبهاا ولا والو كنعرف نهار تكون مراتو ديك ساعة يخرجو ولا يديرو لي بغاااو اماا هاد خفة الرجل هااا ودني منك باغي يشوفك يجي لهناا لدار حدا مك
نريمان : عفاك يهديك الله غير نوضي جربي تهضي معاه عفاااك وكلشي دابا يتصلح.
عوتاني بغات تنوض وهيا تشوفو هابط زاد تزير قلبها كتر وهيا تشوفو جاي جيهة الطبلة وجلس فالمكان ديالو عاد رجعات فيها الروح يحساب ليهااا غيخرج ومكاانتش متوقعة يجي لطبلة د العشاء... هزات فاطمه أكل كتحط ليه وهيا تقول نجود كتحاول تهضر عادي ومتبينش الضعف وانهيار لي هيا فيه : كون قلتيلي جاي تعشى نوجد ليك داكشي لي باغي وكيعجبك..
تكلم وعينيه فالطبلة وقال : مكاين لاش..
تعشى بالزربة وطلع بحالو بقات نجود كتمشي وتجي ونريمان معاهاا كتخمم فشي حل. حتا وصلات 11 دليل.. عاد قررات نجود طلع عندو لبيت ونريمان متبعة ليها العين. حتا دخلات وتقطع الحس. شحال ونريمان واقفة فقاع الدروج كتصنت مسمعات والو. خرجات لجردة بقات كضور فيها شوية ورجعت طلعات لبيتها بقات كتلاهى فالتليفون حتا داهاا النعاس. وناضت مخلوعة من صداع والغوات لي جاي من بيت نجود وصوت فهد ونجود كيتعالى خرجات كتجري لقات فاطمه واقفة حاطة يديها على خدها وهيا كتسمع كلمة نتي مطلقة مطلقة مطلقة كتردد من فم فهد..
خرجات عينيها فيها وقالت : مكتحشميش كتصنتي على ناس سيري تنعسي.
هبطات فاطمه كتجري ونريمان حاضياها حتا هبطات وقربات من باب كتصنت تسمع اش كاين ..
رجعات بسرعة لبيتها قبل ميحصلها فهد او نجود كتصنت عليهم. خلات باب مشقق كطلل منو. وهيا تشوف فهد هابط فالدروج وصوت طوموبيل كيتسمع برا كيبين انه خرج خرجات مشات لعند نجود لقاتها جالسة فالارض كتبكي بحرقه مقدراااش تسكت.
مقدرات دير والو ومشات توضاات وصلاة ومشات تشوف وليدات تفيقهم يمشيو المدرسة .. ورجعت لعند نجود لقاتها فاقت.. حالة عينيها غير كتبكي وساكتة.
دازت 4 ايام ونجود على نفس الحال وفهد مكيجيش لدار فمرا.. دخلات نريمان لعندها لبيت لقاتها كتجمع حوايجها لابسة عباية وشان ملوي بطريقة عادية.
نريمان : اويلي علاش كتجمعي حوايج فين ماشا
نجود : جمعي حوايجك حتا نتي صافي بغا الطلاق وانا منقدرش نبزز عليه راسي اذن الله يسهل عليه . جمعي حوايجك نمشيو
نريمان : فين غنمشيو؟
نجود : لدارناا
رجعات نريمان لبيتها كتجمع حوايجهاا وهيا تسمع طوموبيل دخلات طللات لقات فهد داخل بالزربة..
طلع الفوق ونريمان كتصنت دخل عند نجود لقاها كتجمع حوايج وقال : نتي عارفة ان زواجناا كان غلط من اللول وحنا متفهمناااش ولكن بقيناا مطولين
نجود : بغيتي طلاق صافي مرحبا الله يعاونك.
خرجات مع باب لقات نريمان لتحت كتسناهاا هازة ميال فيديها وخرجو طلعو فالسيارة. يلاه خرجات من على البكاا انهارت بالبكاا ولادهاا من اللور كيبكييو.
نريمان: نعلي شيطان شوفي ولادك كيف دايرين مساااكن براكة من بكاا الله يهديك.
نجود : عيييت عييت بغيت غير الموووت عييت اناا من كلشي
ديمارات الطوموبيل غادياا بسرعة حتا كانت غدير كسيدة ونريمان كترش عليهاا الماا وتعطيها تشرب حتا رتاااحت وهوماا واقفين فجنب الطريق. عاد كملات طريقها دخلات لدارهم طلقااتها الام والاب ديالها كيسولوها مالك وشنو طراا.... وهيا غير كتبكي سولو نريمان وجوباتهم بالمشاكيل لي بينها وبين فهد وقضية دالطلاق ..
وساااو بنتهم وهذنوهااا بالعقل حتا سكتات ورتاحت .. دوزاات اسبوع صعيب عاشت فيه معذبة وعيشات حتا عائلتها معاهاا معذبيين نريمان مكتفرقهااش تنعس حداهاا وتقابلها الا بغاات شي حاجة... كترو اتصالات على نجود باغيينها تجي لصالون وناس عندهم خطبة وناس عندهم عرس وبرامج حاضريين فيهم فنانين باغيينهاا تخدم ليهم.. ممشات لحتا واحد فيهم
من غير البرنامج لي كان عندهاا فداك النهار واتصلو بيها بعض الفنانات باش تصاوب ليهم حيت كيتيقو فذوقهااا بوحدها وكتعجبهم خدمتها. ناضت الحمام دوشات حيدات عليهاا العيااء جلساات معا عائلتها ودوزات معاهم نهارهاا حتا العشية عاد مشات الخدمة وقررات انها تدي معاها نريمان حيت مقدراش تمشي بوحدها.
دخلات معاهااا وهيا متحمسة وفنفس الوقت حشمانة من الناس لي كيطلقااو وكيلقيو التحية على نجود... طلعو فالمصعد لطابق خامس فقاعة كبيرة لقاو تماا فنانين جالسين مع المخرج والمقدم وفريق العمل. يلاه شافو نجود داخلة ناضو سلمو عليهااا وعلى نريمان
دخلو بداو فالعمل ونجود كتهضر معاهم وكضحك بزز باش تخفي الحزن لي فالداخل ديالها...
حداها نريمان كتساعدها الا بغات شي حاجة كتمدها ليها . واقفة كتشوف فالفنانة ندين نجيم اول مرة فحياتهاا تشوفها واول مرة تعرفهاا. بعدماا كملو خدمة طلبات منها نريمان تصور معاها ومعرضااتش تصورات معاها ومع نجود.. كملو وخرجو رجعو بحالهم لدار ..
نريمان : نجيبلك تعشى تاكل شوية؟
نجود : لا مخصنيش سيري نتي ترتاحي
نريمان : لا غير خليني معاك
نجود : شفتي على حياة كندوز منها
نريمان : لا حول ولا قوة الا بالله وشنو ذنب هاد وليدات كيبقااو مفارقين على واليديهم الله يهديه عليك
نجود : معليش اناا عندي يقين كبير انه غيندم وغيندم اشد ندم.
داز الوقت .. كمل فيه ماجد العملية ودار الفاصمة لنريمان على نيفها . نوضاتها المساعدة خرجاتها برا وجلس ماجد قيد ليها واحد الدوا تاخدو وعطاها الرونديفو ايمتا ترجع عندو..
دازت 3 ايام رتاحت فيها نريمان ورجعات كتحس براسها مزيااان.. توضات وصلاة كيف عادة غير جالسة وهيا دخل عندها نجود لقاتها كتحي بعدما كملات قربات عندها وقالت : تقبل الله
نريمان : اميين يارب كيف بقيتي شوية ؟
نجود : الحمد الله. انا غنمشي الصالون نشوف شنو كاين غبرت هاد ايام وعندي بزاف د كلينااات غادي يجيو عندي اليوم. وشي وحدة برزطاااتني صونات علياا لبارح فليل وهاد الصباح قالت لياا غنجي عندك محتجااك ضروري تمشي معايا؟
نريمان : اه واخاا نمشي معاك انا نلبس حوايجي ونجي
نجود : اوك اجي نفطرو بعدا ونمشيو.
لبسات نريمان عباية كحلة وشان فالبلان كاسي وصبادري كحلة وصاك محرفة بيه. شافت راسها فالمرايا عجبها الحال ولكن كيبقى همها الوحيد هوا ايمتا تحيد الفاصمة وتهنى فمرا...
فطرو وخرجات هيا ونجود ركبو فالسيارة. دخلو المحل لقاو بنات ودراري خدامين وكليان جالسين.. ضارت عليهم نجود كتشوف كل واحد شنو كيخدم.. ومشات عند كليانات هازة ورقة وستيلو كتعمر طلبات د ناس لي عندي شي مناسبة
مدات ليها المرايا وهزات عينيها فيهاا وهيا تطيح من عينيها دموع الفرحة لي كانو مخبيين من شحال هادي كيتسنااو هاد اللحضة هزات صبعهاا كدوزو على نيفهاا واخا مزال كيضرهاا ولكن رجع حسن ملي كان بانو ملامحهاا كتر وعجبهاا راسها بقاات شادة المرايا فيديهاا كتشوف وترجع تشوف ف ماجد وتقول : واش بصح هه انا ممتيقاااش. اتصلات بيها جوديا ابيل فيديو حتا هياا كانت كتسناها غير ايمتا تعرف شنو كاين وكيف رجع وجهها. جوباتها نريمان ودموع فعينيها حلات جودياااا فمهاا بصدمة وفرحة كبيرة باينة فعينيهااا
جوديا : الحمد الله فسلامتك احبيبة ديالي الحمد الله فرحت ليك بزاااف الكبيدة فرحت ليك من قلبي على سلامتك
نريمان : الفضل كولو بعد الله كيرجع ليك نتي لي سمحيلي وعمرني نسااا وقفتك معاياااا شكراا بزاف
جات ابتسام حتا هيا كتهضر معاهاا وفرحانة حيت وجه نريمان رجع كيف كان وداك الجبل لي كانت هازة حطاتو ورتاحت
داك كان عرس بالنسبة ليها مكانتش متخيلة ان نيفها غيتقااد ويرجع حسن ملي كان.
رجعات لدار وكانت المفاجئة د نجود انها دارت ليها حفلة صغيرة مع عائلة ديالها وبعض الهداية منهم تليفون جديد آخر ماا كاين.. مكاانتش نريمان كتحلم بيه. حيت كان عندهاا تليفون صغير وحتا حاجة فيه ممقادة وزايدهاا كيتبلوكاا كل ساعة فرحات من كل قلبها وشكرااات نجود وعائلتهااا. من بعد انفردات بوحدها فالبيت. توضات وصلاة وحمدات الله وشكراتو حيت صادفها مع بنات حلال لي وقفو معاها وقفة صحيحة. دعات معاهم من قلبهاا وببكااء شديد حتا
دخلات عندها نجود لقاتها مزال كتصلي. جلسات على طريف الفراش تسناتها حتا كملات عاد هضرات وقالت ببتسامة: تقبل الله الغزالة
نريمان : هه كتحشميني بزاف الله صراحة منكونش قدك. قلب كبيييير وانسانة متسامحة وتقة ومحبوبة وكلشي فيك زوين كلشي كنتمنى من الله يسهل عليك ويفرحك كيف فرحتيني.
نجود : متقوليش هاكا حنا مسلمين وكنبغيو نساعدو بعضياااتنا. اناا ملي هضرات معايا جوديا على حالة ديالك وسولاتني واش بصح كاين طبيب هنا مترددتش وقلت ليها كاين وحتا الا مكااان هوا كاين غيرو. صراحة كنت محتاجة نساعد شي حد . حيت ملي كتقدم يد المساعدة راه البال كيرتاح والبلاء ميتدفع من عليك والله كيعينك هادا الهدف ديالي من هاد الحياة.
نريمان : الله يجازيك وحتا اناا من قلبي كنتمنى الله يعطيني باش نعطي حتا اناا ونفرح ناس لي محتاجين ونوقف مع ناس لي بحالي او لي فضروف اخراا صعيبة
نجود : مزال الحياة قدامك. المهم جيت نهضر معاك غدا العرس ديال ديك العائلة لي من المغرب عقلتي عليهم
نريمان : لا لاااا اناا عمرني درت المكياج مكنبغيش نديرو
نجود : علاش بالعكس ديري شي حاجن خفيفة غادي يجيك زوين ويلاه نبدلو الجو قبل منمشيو العرس.
ناضت نريمان دوشات دوش خفيف.. لبسات حوايج لي جابت ليها نجود كادو صلاة الصبح وهبطاات عندهاا لقاتها فالطوموبيل.
نريمان : فين الولاد منخرجوهمش معاناا ؟
نجود : لا بلاش غير غادي يبرزطونا.
ديمارات الطوموبيل ودخلو كافي فطرو على خاطرهم. ورجعو مشاو لصالون.. يشوفو الخدمة كيف غادة وفنفس الوقت نجود تجمع المطريال لي غادي تخدم بيه فالعرس. جلسات نريمان على فوطوي وعطات لواحد البنت تليفون وقالت : ممكن تصوريني عفاك
البنت : اهاه مرحبا.
صوراتها بعض الصور. وختارت منهم وحدة حطاتها فالانستغرام وكتبات عليها
" شيئان عظيمان تعلمتهما في حياتي لا تخن أصدقاءك أبدا. وإلتزم الصمت، دائما " ♥
على نغمات الشعبية داخلة نجود بسيارتهاا لقصر المقيم فيه العرس.. حطات طوموبيل ديالها ف باركينغ ودخلات لداخل.. والناس كيرحبو بيها والمعجباات ديالها لي من بعيد كيشير ليها ولي قريب كيجي عندهاا يسلم عليها..
رحبات بيهم بنت كبيرة شعرها طويل والقصيصة هابطة على عينيها لابسة تكشيطة طويلة آخر صيحة الموضة.. وهازة بنيتة فيديها سلمات على نجود ورحبات بيها
نجود : ايوا رجال هومااا هادو خصم تصبري احبيبة ميبقااش فيك الحال عفااك.
لبسوها لبسة ثانية والثالتة وكل لبسة كيهبطو معاها نجود ونريمان...
وقفاات نريمان فقاع الدروج مربعة يديها كتشوف فالعرساان شوية خرجات على برا لجردة كبيرة كتشوف عاجبها الحال وكتصور قدام مسبح وقدام الوروود والمناضر الجميلة والأضواء لي بالألوان شوية وهوا يقفزهاا صوتوو ضارت موراها وهيا تقول : نعم اخوياا قلتيلي شي حاجة ؟
جهاد : وي قلت ليك كيف بقيتي
نريمان : اه الحمد الله دابا بارك الله فيك.
جهاد : ايوا مرحبااا بيك
نريمان : شكرا بارك الله فيه ..
خلاها واقفة وقلب طريقو راجع داخل لداخل ..
وهيا متبعة ليه العين ورجعات دخلات موراه لقاتو واقف مع رجال كيهضرو شاف فيهاا ورجعات ضورات عينيهاا بالزربة. فينما تبغي تبغي ضور جيهتو كتحصل كتلقاه كيشوف فيها..
هبطو ريم من العمارية
وهيا فقمة السعادة طلعوها لبسوها لبسة اخراا . وموراهاا الكسوة البيضاء تما فاش تصور معاها جهاد صورة وحدة ورجع لبلاصتو..
كانو سيارات متصااافين برااا مور سيارة العروس. خرجوهاا بزغااريت ودموع حبابها لي تابعينهاا مسخيينش بيهاا.. مشات وتبعوهاا طوموبيلات اخرين من غير جهاد لي بقاا واقف فالباب مع عائلة والحاضرين.. مشاو ناس بحالهم وبقاو غير عائلة وناس قراب مع ام العروسة.. هبطات نجود ونريمان قدامها وشاب موراهم هاز مطريال.. كانت جهاد فديك أثناء واقف كيتكلم مع بعض ناس هز عينو فالدروج شافهم هابطين ورجع هابط عينو كيكمل الهضرة مع ناس.
آسيا : شكراا بزاف ابنتي وتبارك الله عليك فرحتي بنتي وفرحتيني
نجود : واجب الالة مرحباا الله يكمل عليها بالخير ايوا نخليوك دابا تصبحي على خير
شافها كتعيط ليه وجاا بخطوات بطيئة وقف حداهم داير ابتساامة جانبية مدات نجود يديها سلمات عليه وكذالك هواا سلم عليهاا
نجود : شرف ليااا طلاقيت معاك تبارك الله عليك
جهاد : مرحبا وشرف لياا حتا اناا
نجود : شفت لا كوليكسيون جديدة ديالك حمقاتني فيها واحد اللمسة خاصة تبارك الله كنتمنى ليك التوفيق
وعلاش لاا منكونش كليان ديالك وناخد من عندك.
شاف ف نريمان وعاود، شاف فيها وقال : أڤيك بليزير مرحباا.
مد، ليهاا لاكارت فيزيت ديالو وحتا هياا عطاتو ديالها. سلمات عليه وعلى آسيا وخرجو هيا ونريمان شدو طريق كيتهاودو حتا لدار..
نجود : عييت ولكن كنحس براسي رتاحيت نفسياا
نريمان : راه صحتك هياا كلشي انا محساالش ومعرفاااش باش كتحس بيه نتي ولكن لي غنقولك هواا ردي بال راسك ولصحتك
نجود : نهار تبغي شي حد ديال بصح انريمان عاد غتفهميني
دخلو لدار ومن شدة التعب وسهير طاحو طيحة وحدة فاقت نريمان حتا لضهر حلات عينيهاا غا بزز شافت ساعة 12 وهيا، تنوض مخلوعة
نريمان : اويلي اناا ناعسة حتا 12 مالي على حالتي.
اول حاجة دارتها هيا مشات لمرايا هزاتها كتشوف فيها كتأكد من وجهها فرحانة وفرحتهااا مغيحس بيهاا حد من غيرهاا باغي دير جناح وطيييير من شدة الفرحة كان جبل كبيييير وتقيل على كتافهااا واخيرااا رتاحت منو وبسيف متصبح ناعسة وراشقة ليهاا.
فهد : عمرهااا غترجع ولا غنكملو اناا كنبغي جوديااا وصافي هيااا لي كنبغي. عفاااك هضري معاهااا عفااااك غتسمع ليك نتي ..
نريمان : مغاديش نهضر معاهاا ومغادي نقولهاا والو وبعد مني حسن ليك..
دازت 4 ايام ويوم بعد يوم كل ليلة كيصوني ويصيفط مسجات باش تهضر ليه مع جوديا ويرجع هوا وياهاا.. فصباح بعدماا فطرات خرجات الجردة وقررات انهاا تاصل بجوديا وتعاود ليهاا كلشي باش ترتاح وجوديا تلقى شي حل. صونات عليهاا وعودات ليهاا كلشي وجوديا مصدومة. واخا نجود طلقات ولكن مقالتهااا لحتا شي حد اقرب ناس ليهاا مقلتهاااش فضلات انهاا تبقى ساكتة وحتا واليديها مهضروش وبقاو ساكتين. تصدمات جوديا حتا مبقاااتش قادرة تهضر. ونريمان مزال كتعاود ليها : هواا كيبغيك بزااف وباغي يرجع ليك ويرجع لولدو معرفتش فهد بحالا تسطى رجع كل مرة كيجبد سميتك جودياا جوديااا انا كنبغي جوديااا كنحمااق على جوديا. ونجود صراحة كتبقى فيااا والله. دابا شنو لحل فنضرك الالة جوديا شنو غديري هوا يوميااا كيصوووني عليااا وباغي نجااوبو واش غتفكري ترجعي ليه واش نتي مزال كتبغيه؟ شنو ندير راني خايفة
نجود : وعلاش بسلامة غتخاافي!
ضارت نريمان بسرعة مخلوعة حتا طاح تليفون من يديهاا لقات نجود مخرجة عينيهااا حووومر وفمها كيترعد وجاياا جيهتهااا
نزيمان : بهلع) نجود
نجود : بصرامة ) نتي دابا كتلعب مور ضهري ياك ؟ امم هضر هادا علاش مصيفطااك جودياا لعندي باش تشتت العائلة ديالي باش تفرقووني على راجلي كتلعبو من موراايا واناا بحال دمدومة تايقة بيكم!!
نريمان : لاااا عفاااك متفهمينيش غلط.
قطعاتها وقالت بالغوات) سكتي العاهرة سكتييي نتي من اللول مصفياااش من اللول كذبتووو فالقضية دالعملية الهدف كان باين باش تستغلو الفرصة وتفرقووناا اناا وراجلي. هادي هياا تقة لي تقت فيك؟؟ هادااا خيري فيك؟ ندخلك لداري ونأمنك على عائلتي ونتي موراياا كتبلاني نتي وجودياا باش تهدمو لي بنيت. نريمان : سمعينيي عفااك عطينيي فرصة نشرح ليك والله العظيم الا راك غالطة خليني نشرح ليك.
نجود : شنووووووو غادي تشرحي ليااا شنووو شنوووو بغيتي نعرف. مكالمات ديالك نتي وراجلي؟ مسجااتكم على جوديا؟ واش حساب ليك اناا مفخباريش؟ راه وصلني كلشي وقريييت كلشي . ودابا عرفتي علاش جيت عندك ؟ ماشي كنت كنتجسس عليك ولكن كنت، كنهضر مع فاطمه وكنت كنسولها على فهد وقالت لياا ملي كناا مزال، فدار شافتك خرجتي نتي وياه امممممم هادشي مزياااام فين مشيتي معاه امم قولي ؟ عاجبك راجل المراا ياااك شحال خلصك تهلاا فيك بعدااا ولا والو ههه
خرجات فيها عينيها وقالت : نتومااا كلكم بحال بحال كلكم عاهرااااات مكتبغيوش تشوفو شي حد فرحان فدارو مع ولادو شريك حياتو ضروري تفرقو بيناتهم. ودابا شنو ربحت جوديا؟ عجبهاا الحال دابا ملي عرفااتني طلقت ياااك رتاحت رتاحيتي حتااا نتي :
حذرات نريمان راسها الأرض حسات براسها معندهاا مخرج من هاد الموصيبة وحتا فمها تلواااا مبقااتش قادرة تدافع على نفسها ولاتهامات لي متوجهها ليها
نريمان : بالآسى) والله العظيم الا ااك غالطة عفاااك خليني غير نشرح ليك ميمكنش تحكم عليااا وتقول فيااا شي حاجة مكيناااش
بصعوبة نطقااات نجود ودموعهاا شلال : اخر مرة نشوف وجهك خرجي من داري قبل منعيط ليك البوليس خرجييييييي. قلت ليك خرررررجي سيرييييي بحاااااالك.
هزات نريمان تليفون من الأرض وهيا تخطفووو ليها نجود وقالت : خرجيييي فحالك خرررجييي منشوفك وجهك
نريمان : بخوف) وعطيني غير وراق ديالي وباسبور ديالي ونمشي بحالي عطيني غير كاارطة ديالي بعداا
جرها جاسم كيجر فيهاا ونجود طاحت فبلاصتهااا كتبكي وتغوت لربي لي خلقهاا خرجو ولادها وعائلتها شافوها فديك الحالة ونريمان كتغوت باغاا الوراق ديالها مفهمو والووو كيسولوها وهيا غير كتنهج..
نجود : هدوووك وراق غنحرقهمممممن كتسمعي غااادي نحرقهممم وهناااا غتبقااااااي ضايعة هنااااااا وكوني على يقين غتجييييكم الضربة مضوبلة وجوديااا وعد مني وعدددد نقتلهااا ويلا مقتلتهااااش اناا ماشي نجود ونتي حسابك من بعد حيت دابا معنديش الجهد. ولكن غادي تجي بين يدي..
خرجهاا جاسم لبرا ورماهاا فشارع حتا تقصحات فرجليهاا وزراقت ليها فالبلاصة. نوضااتها امرة كانت دايزة من تما. وقفات مع الحيط كترد النفس وكتشوف فالباب باغا ترجع دق عليهاا فين غتمشي؟ ومعندها لا فلوس ولا تليفون ولا معارف لي يوقفو معاهااا فين غادي تعطي بالراس..
بعدات على ڤيلا د نجود وخرجات فشواع كبار وسيارات شي غادي شي جاي معرفااات ايناا طريق غادي تشد.. عيااات متخمم اش دير... جلسات فوق طريطوار ولي دايز بالطوموبيل كيتغزل بيها ويلوح ليهاا الهضرة وكاين بي وقف باغيهاا طلع معاه ناضت من تماا وبقات غادياا مع الشارع حتا وقفها شخص باغي نمرتهاا وهيا مكتجااوبوش وكيطلب منها طلع معاه فالسيارة
نريمان : وسير بعد مني معندي بووو نمرة
الشخص : باللهجة الاماراتية) نتي من اينا بلاد منورة عندناا هناا يلاه معايااا تكون علاقة جادة بسرية تااامة
خرجات عينيها فيه ومشات هرباات منو وهوا لحقهاا حاسبهاا متشردة..
وقف راجل كبير لحيتو بيضاء لابس لباس التقليدي الخليجي. وهضر مع الشخص باللهجة ذيالهم وقالت : عيب عليك هادي راهااا بحال ختك ونتاا كتحرش بيهااا سير بحالك سير
جلسات فكرسي د واحد الجردة كتخمم حتا جاا فبالها ماجد.. على اقل طلب منو المساعدة . ناضت بلهفة شدات طاكسي لحسن الحظ كانت عارفة كلينيك ديالو حيت كانت عندها لاكارت فيزيت ديالو وحافضة العنوان وقفها فالباب. ودخلات كتجري... سولات السيدة لي فالاستقبال : لا مكاااينش اليوم عندو شي شغل مغادي يجي لا اليوم لا غدا
شوفي عفااك كيفاش ديري راني واقفة عليه فهاد الساعة عفاااك
تنهداات البنت واتصلات وكتشوف فنريمان بنص عين وقالت : هانتي سمعي راه مكيجاااوبش
نريمان : واااختي راه معندي فين نمشي عفاااك راني محتااجاااه انا والله لا خرجت من هنااا حتا يجييي ولا نهضر معاه.
ساطت البنت بعصب ودوزات نمرة الخاصة ديالو. فالبلاصة جاوب
ماجد : وي فايزة. شكون هادي ... اوك شنو بغات!! بفف مشكيلة هادي انااا مشغول مع خويااا داباا ملي نكملو ديك ساعة ندوز من تماا..
بقات نريمان تماا جالسة كتسناه طابت بالجلاس وناضت تمشات شوية عوتاني رجعات جلسااات حاطة يديها على خدها حتا تقطع ياسهااا... فلاخر عاد شافتو داخل مع الباب يلاه شافها رسم ابتسامة على وجهو ومد يديه سلم عليها وقال : واش نتي لي بغيتيني؟
نريمان : اه اناا محتجااااك بزاف
ماجد : مرحبا كن قلتي البنت سميتك باش نعرفك من اللول يلاه نخرجو من هناا.
شافت فيه وقالت بتردد : فين غنمشيو ؟
ماجد : نجلسو فشي كافي ونهضرو
خرجات معاه لقات جهاد جالس فالمقدمة هوا لي كيسوڭ. متوقعااتش غيكون معاه بداا قلبهاا كيضرب وحتا كلمات لي كانت غتبداا بيهم هربو ليهاا. طلعات وقاالت سلام رد عليهاا ببرود. وزادو مع الطريق شاف فيها ماجد من مرايا وقال : ياك لباس انريمان شنو كاين
نريمان : بخوف ) عندي واحد المشكيل كبير ومعندي حتا شي حد يوقف معاياا فيه وجيت لعندك..
ماجد : اهاه مرحباا نجلسو فقهوة ونهضرو..
بخلو مقهى كبيرة وراقية جلسو فيهاا وبداو كيهضرو. ونريمان كتعاود لماجد القضية من اللول من نهار لي جات الامارات حتا لحضة لي جالسة فيها معاهم خرج فيها جهاد عينيه وقال : راه نتي لي قلبتي على صداع وشريتيه لراسك اش وصلك تقبل الدعوة ديالو وتخرج معاه وطول معاه فالهضرة. راه ديفووو فيك ماشي فشي حد نتي لي بغيتي هاد المشاكيل وقلبتي عليهم اما من نهار اللول كن بلوكيتيه او قلتيهاا لمراتو كوميم كانت غتيق فيك كتر ومكنتوش توصلو لهاد الروينة كاملة
ماجد : جاهد عندو الصح انريمان راه نتي لي معرفتيش كيفاش تصرفي
نريمان : ولكن شنو كان خصني ندير. اناا شرحت ليك هوا لي كان لاسق فيااا وباغي يرجع لجوديااا دابا وحلت حااسة براسي اناا مدنبة فهادشي كامل.
ماجد : دابا خصك تشوف شي حل باش كل واحدد يفهم شنو كاين
كان طاح الليل وقف جهاد هز سوارتو لي محطوطين على طبلة وتليفون وقال : ايوا فكري فشي حل الله يصاوب ليك.
ماجد : فين غادي؟
جهاد : عندي ميدار اصااحبي نوض نوصلك معايا باش نمشي..
وقف ماجد وقالت لنريمان : سمحيلي واحد دقيقة .جر جاهد معاه وقال : فين اصاحبي غتمشي وتخلي بنت هنااا انا راه منقدرش نديها معايا لدار راك عارف عليا كيف دايرة كندابزو بلا بنت بلا جوج عساك الا مشات معايا هادي
جهاد : ديماا اخويا كتقلب ليناا على تمارة من الجنب بفف
ماجد: وصبر اصاااحبي عاونااا مالك صافي بنت جات قصدانا صافي نعاونوهاا في سبيل الله.
رجعو لعندها وقال ماجد لنريمان : مهم اختي غتمشي مع جهاد هاهوا غيخيك فدار عندو وغدا ان شاء الله نشوفو نلقاااو معاك شي حل.
بقات كضور فعينيهااا دخلهاا الخوف باغا تقوليهم لا متقدرش ولكن هاهيا قالتهاا فين غتمشي وفين غتباات وعندم.. وفقاات وخرجو من تما ماجد شد طاكسي مشاا بحالو وهيا طلعات حتا جهاد فالطوموبيل وزاد
الصمت حتا واحد فيهم مكيهضر .. وقف ف باركينغ قدام السيارة شافيها وقال : يلاه وصلناا خرج وخرجات حتا هياا غادي هوا فاللول وهيا موراه دخلو المصعد وبقاا طالع بيهم وهيا غير كضور عينيها كتشوف فالأرض ومرة مرة تخطف منو شوفة كتلقااه كيشوف ف تليفون . تحل المصعد وخرج هوا فاللول وهيا موراه غاديين فالكولوار. حل الباب ودخل هوا فاللول وهيا تبعاه ردات الباب مبغاتش تشدها وبقاا واقفة. دخل لبيت نعاس وزدح الباب من بعد شوية خرج لابس حوايج خرين وشد موراه البيت
جهاد : جلسي مالك واقفة
نريمان : اا اه واخاا
جهاد : المهم شنو غادي ديري فهاد القضية
نريمان : والله معرفت لقيتيني كنخمم
جهاد : امم هاد جوديا عندها شي كونط فالفيس او فشي موقع تواصل اخر
نريمان : واخا عندها ولكن قليل فين كدخل او تقبل شي حد اولا تقراا مسجات
جهاد : ايوا وشنو الحل د هادشي
نريمان : بتردد ) واخاا تعطيني تليفون ديالك الا بغيتي نهضر من الفيس بوك ديالك
هز تليفون من فوق طبلة زجاجية لي حداه وهوا جالس على فوطوي مفرق رجليه شافتو كيخربق فتليفون معرفاااتو اش كيدير عاد مدو ليها.
دخلات صيفطات انفيت ل ابتسام وعرام د ميسجات واحد مور واحد مور واحد.. وبقاات كتسنى الجواب.. شافت جهاد مزال كيتسناهااا ومداتو ليه
نريمان : المهم انا صيفط لصاحبتي مسج راهاا تقدر تجاوبك دابا ولا بلاتي
حرك راسو وقال : اوك تصبحي على خير
ناض خرج وسد الباب موراه
نريمان : اويلي وشهاد الحالة لي انااا فيهااا يارب تفرجهاا عليااا يارب مشكيلة هادي واش اناا مغاديش نرتاح..
ناضت بشوية كطلل بحال شي شفار كتكتاشف المكان كلشي نقي وكل حاجة فبلاصتها دخلات الكوزينة لقاتها نقية وغرفة المعيشة لي كانت جالسة فيها بالفوطويااات وشاشة تلفااز فالحيط معلقة وصالون صغير حتا هوا مفرش فراش عصري وبيت اخر خوي وبيت نعاس بغات تحلو ولكن ترجعااات حيت ماشي من حقهاا دخل ليه او تشوف شنو فيه..
رجعات لغرفة المعيشة جلسااات تما مرة تكاا مرة تجلس مرة ترجع الضور وتشوف. غلبها الجوع وناضت الكوزينة حلات تلاجة لقات فيها الماكلة مبغاتش تقلب وتشوف اش كاين. هزات واحد طاسة صغيرة لقات فيها بقايا دجاج محمر جبداتو حطاتو على بوطاجي وبدات كتاكل منو هكاك بارد بلا خبز بلا والو وحاضية مع الباب عنداك يتفتح باغا غا ايمتا تسالي من حر الجوع غير كتسرط.. خلاات غير العضومة. جمعات داكشي ورجعات جلسات كتقول دابا غيحل الباب شوية ويحل باب.. شافت فساعة لقاتها 1:30 دليل جاها الخوف حيت من طبعها كتخاف فدار خاوية كيجيوهاا وساوس وكتبدااا تبكي غير بوحدها نفس شي طرا ليهاا ملي كرات بوحدها مع حنان دوزات ايام صعيبة كل ليلة حتا كتقرا قرآن عاد كتقدر تنعس وتهذن.. ناضت باغا تشعل تلفارة مفهمااتش كيفاش كيشعلوهااا بقات معااها حتا شعلاتهاا وبدات كتقلب فالقنوات حتا لقات قناة المجد للقرآن الكريم.. زادت فالصوت شوية وجلساات متبعة مع المقرئ تفكرات بلي مزال مصلات ولكن الخوف ديالها مخلاهاااش تحرك من بلاصتهاا بقات هكاك حتا حسات براسها تغلبااات وداها نعاااس. فاقت مهلوكة بحالا واكلة عصى لقات التلفااازة مطفيااا والغطاا حداهاا كانت مغطي بيه.. ناضت مخلوعة كتقلب ملقاات حس حتا واحد دخلها الوسواس والخوف وناضت كضور عينيها غرفة المعيشة جات فوسط والصالون موراها والكوزينة قبالتها والبيوت كلشي كيبان من تما مفيهم حد ناضت مشات لطواليط توضات وخرجاات كتجر فسندالة د ميكة كتر منها وتمسح رجليها فالجفاف كلاوها يديهاا باغا تمشي تشوف البيت لي مسدود اش فيه. حطات يديها على بوانيي بشوية ودخلات كان بيت نعاس جميل فراش باللون القهوي مبرد والأسود وزربية صغيرة فالارض مع فوطوي صغير وبالكون كيبان من خلف الريدو مشات دفعات ريدو باش طلل وهيا تلقاه تماا متكي بيدو شاد قهوتو قال بلاماا يتلفت عندها
جهاد : بغيتي شي حاجة؟
خرجات عينيها فيه بصدمة وقالت : سمحلي سمحلييييي والله مكنت عارفة نتاااا هنااا راه كنت غير والو والوووو غير سمحلي
تنهدات نريمان وهيا متوترة : ابتسام واش مكتفهمييش ولا مالك قلت ليك هادي مااشي نمرتي علاش مصونيا فين هياا جوديا
ابستام : وراني عاد خارجة اصحبتي نتقداا وعاد غنمشي لصالون
نريمان : بنفاد الصبر) ابتسام راني واحلة فواحد المشكيل وراه معنديش حتا فين نبااات هادي ماشي وقت الهضرة صوني على جوديااا قوليهاا تصوني عليااا دابااا بغيت نهضر معها ابتسااام
هز عينيه كيشوف فيهاا وفعينيها لي باين فيهم الخوف والتوتر. العصب كلشي تجمع فيها. قطعات المكالمة مع ابتسام وحطات ليه تليفون حداه.
كان نادل حط ليهم الفطور وقال : فطري كولي بعدااا.
نريمان : شكرا بزاف وسمح لياا كنبرزطك معايا..
ضور وجهو كيشوف فجهة آخرا . اما هيا قطعات بتي بان فالنص كتاكل منها وحاذرة راسها..
رجع شاف فيها وقال : واش فيك فقر الدم مالكي ضعيفة كتباني بحالا مريضة
سرطات اللقمة لي فمها وهيا كتشوف فيه وقالت : بحزن) مكنتش هاكا كنت غليضة غير مع المرض ضعافيت بزاف..
جهاد : صغر عينيه) باش كنتي مريضة شنو كان عندك
تنهدات والذاكرة رجعات بيها اللور حطات بتي بانة من يديها وقالت : طراو بزاف كنت كنعيش فضروف صعيبة ومرضت ومات خويا مهم تخلطو علياا من كل جهة
جهاد : امم وفين واليديك ؟
نريمان : بالآسى) معنديش
جهاد : الله يرحمهم
شافت فيه وقالت : ماشي ميتيين ولكن معنديش من صغري ملقيتش عندي واليدين..
حط فنجان د القهوة من يديه وقال وهوا مركز معاها : فهميني الا معندك حتا شي مشكيل عادي تقدري تعاوديلي بحال الخوت.
ابتسماات بحياء وبدات كتعاود ليه على حياتها مرة كتركز الشوفة فيه ومرة تشتت النضر. وهوا حاط يديه بجوج على طبلة جامعهم لعند فمو كيسمع..
نريمان : انا ملي حليت عيني فالدنيا لقيت مكاين لا بابا ولا ماما. ولدوني انا وخويا وخلاونا صغار وتفارقو كل واحد مشاا فجهة عائلة ماما مكاانوش باغييناا وقالو لماما طلقي ورجعي بحالك وخلي ليه ولادو وبابا حتا هواا طرا ليه مشاكيل بزاف مع امو وختو ومشاا وخلانا اناا وخويا بقيناا معدبييين مهم حياتي فيها بزاف وشلا ميتعااود شفت الويل من عائلة بابا عشت معاهم العذاب عمتي ديماا كانت كضربني هيا ويماا وملي كنت صغيرة كانت كتشوي يدي بالعافية وخويا كانو كيخليوه بالجوع
قطعها وقال : كون خرجتو نتي وخوك وسكنتو فشي جهة خرا وبجوكم تخدمو وتعاونو.
نريمان : يريييت لو كان خويا يقدر. انا خوياا كان معاق فكرسي متحرك حتا سميتي كان كيخرجهااا بصعوبة فين غنمشي اناا وفين غنخرج خويا معندي لا ديبلوم لا فلوس لا خدمة فين غنعطي الراس الا خرحت نسعى بخويا؟
باش كنقوليك اناا عشت بزااااف دالحوايج لي مكنضنش شي حد غيصبر خوياا كان خصني نقابلو نبدل ليه ليكوش نوكلو ندوش ليه نهزو نعسو المهم بحال شي حد يلاه خلق عمتي حرماتناا من ماكلة كانت ديماا كتبيتناا بالجوع ويماا حتا هيا. معمرني شفت داك الحقد والكره لي فيهم
نريمان : شغادي نقولك انا بنت حرام كيف كيقولو بابا تفلا على ماما ومن بعد عاد تزوج بيها واليدين ماما مسمحوووش ليهاا وسخطو عليهاا وقالو ليها الا بغيتي ترجعي لدار سمحي ليه فالولاد..
جهاد : بففف مشااكيل. مي نتي ماشي بنت حرام هوماا لي حراميين بجوج. اماا شوف شحال من سنة دازت كون كان فيهم الخير كون رجعو سولو فيك وقلبو عليك.
نريمان : بصراحة معندي مندير بيهم اناا منسمحش ليهم لا فالدنياا ولا آخره. اناا بسباب عمتي تهرس لياا منخااري ودوزت عامين واناا فالعذاب النفس كانت كتخرج غاا بزز. وحتا خوياا لي كنت كنشوفو هوا النفس ديالي لي كطلع وتهبط فيااا هوا كلشي فحياتي هوا الاكسيجين ديالو قطعوه عليااا
حس بقلبو تزير ملي سمع لهادشي لي عودات ليه وقال : الله يحسن عوان صعيب هادشي لي عشتيه. انا ملي شفتك نهار اللول قلت يمكن تخااصمتي نتي وايكس ديالك وضربك عقلي مشاا بعيد
جوديا : معامن وشنو كديري تمااا؟ عندااك تكوني مشيتي مع شي حد نريمااااااااان؟
شافت ف جهاد لي مضور وجهو وقالت : لا ممشيش مع حد اناا مع واحد السيد مغربي فالقهوة شوفي المهم دابا راه نجود عرفاات كلشي وو
قطعتها جوديا وقالت : راه عرفت كلشي انريمان راهاا صونات عليااا ودابزنااا اناا وياهاا وراني قطعت البيي غنجي لتمااا والموصيبة غنجي بلا خبار راجلي روينة غتكون عندي
نريمان : شنو غادي تجي ديري هنااا. فخبارك راه وراق ديالي مبغاتش تعطيهم ليااا نجود لا تليفوني لا حوايجي ولا وراق ديالي انااا غنبقى ضايعة هناا ؟؟
جوديا : اويلي على الوراق مبغاتش تعطيهم لياااا واش كتهضري بصح راه نجود توقعي منهااا اي حاااجة تفوووو شهااد الزمررر.
نريمان : دابا شنو غنديرو اناا راني واحلة خرجاتني رماتني فالزنقة غير السيد لي درت عندو عملية ها خوه بيتني عندو لبارح وهاهو معايا دابااا
جودياااااا : وااااا تفوووووووووووو هادشي لي مبغيتش هادشي لي كنت خايفة منو هادي 11 لعام واناا سترااااه علاش انريماااان عطيتيه فرصة يهضر معاك علاش انا كن كنت، عارفااه كاين تمااا فالدار مكنتش نخليك تمشي عند نجود. اناا هيا لي قالت ليااا غير صيفطيهااا راه راجلي كيغبر ب شهراين وكتر مكيجيييش قلت ماشي مشكيل غير نتي وياهااا مكنتش دايرة فبالي فهد غيجي لدار
نريمان : راه، حتا انا لو كنت عارفة هادشي غيوقع منجيش لهنااا ونقلب غير فالمغرب ندير عملية ومنخرجش كااااع كنحس براسي اناا لي هدمت هاد عائلة وشتت ليهم شمل....
جوديا : لا نتي ولا اناا مسؤوليين على هادشي فهد هواا لي خرج عليناااا المهم انريمان حتا نجي ونهضرو انا غنهضر معاك من تليفون ديالي. شوفي عنداااك هادشي تقوليه ل ابتساااام سكتي انريماان وحضي فمك اش كيخرج هادشي خليه بيناتناااااا
نريمان : كوني هانية انا مغادي نقوليها والو.
جوديا : شوفي هضري مع داك السيد وقوليليه ملي نجي نخلصو غير يخليك معاه هاد ايام.
نريمان : هاهوا هضري معاه نتي..
كان مضور وجهو ومرة مرة يشوف ف نريمان لي كتهضر وملامح حزينة لي باينة على وجهها.. غير كيتصنت على حديثهم.
مدات ليه نريمان تليفون شدو من عندها وقال : وي؟
جوديا : سلام كي داير لباس؟
جهاد : وي صافااا اي طوا؟ /
جوديا : الحمد الله عفااك ممكن تخلي معاك نريمان هاد فترة بيدمااا نجي، هانتا كتشوف معندهااش الوراق وحتا الا بغات تمشي غا الاوطيل خاصهاا ضروري لاكارت عفاك تبقى معاك هاد ايام وديك ساعة نخلصك.
ساط من مناخرو وقال : المهم غير تفكو حريرتكم انا معنديش مشكيل وممحتاجش لفلوسك انا .
جوديا : الله يجازيك عفااك سمحلياااا
جهاد : معليش..
قطع المكالمة وشاف ف نريمان : شفتي لي كيدخل راسو فشي دوامة فين كيوصل
نريمان : الصمت
جهاد : كملي فطورك
نريمان : لا صافي براكة
جهاد : اوك يلاه نمشيو
خرجو من تماا هوا غادي وهيا فجنبو طلعو لطوموبيل وزاد.. وقف حدا واحد محل كبير نزل غير، بوحدو ونريمان بقات فالطوموبيل كتسنى حتا رجع. مد ليها كرطونة صغيرة شداتها منو وقالت : ديلاش هادي ؟
جهاد : تماا تليفون وكارطة باش تهضري مع هادو لي غيصونيو عليك..
تكات فوق الفطوي وجرات عليها الغطاا اماا هوا دخل لبيت نعاس ورجع خرج وقف حداها هزات فيه عينيه وهوا يقول : دخلي لبيت لداخل تنعسي
نريمان : وانت؟ بغيت نقول فين غتنعس
جهاد : غير دخلي خودي راحتك
حركات راسها بالايجاب ودخلات حشماانة مبغاتش تسد الباب خلاتو غير مردود كان البالكون مفتوح ومشات ليه كطل انبهرااات بالمنضر الجميل لأول مرة كتشوفو عجبهاا الجو وعجبها الحال طار عليها النعاس وبقات تماا كتشوف وعينيها كيلمعو من الفرحة وكل مرة ضور موراها تشوفو واش دخل .. دخلات بحالها وطلعات تكات فوق النموسية الضو طافي من غير مصابيح بجوج مشعولين ضوء ديالهم هادئ وخافت..
سدات عليها كتحاول تنعس ولكن والو ضارت على جيهة خرا والو رجعات جلسات حاطة يديها على حنكها كتخمم والو.
ناضت غادية جيهت الباب كتسلت حلاتو بشوية وخرجات راسها كطلل لقاتو متكية على فوطوي وشاد عينيه عرفاتو نعس ورجعات دخلت وردات موراها الباب رجعات لبلاصتها كتلعب فالتليفون حتا داها النعاس.
حلات عينيها بزز جلسات شادة فراسها . ضوراات عينيها فالبيت لقات الشميشة داخلة من البالكون خرجات كطل وتجبد عاجبهاا الحال. رجعات دخلات لداخل هزات عينيها ف ساعة لقات 1:30 د نهار خرجات عينيها بصدمة واش هياا نعسااات هاد الوقت ولاااا غير مڭانة ممحقاااش. مشات شافت ف تليفون لقات نفس الشي.. خرجات برا لقات مكاين حد. وغير بلاصة د جهاد فيها الغطااا. جلساات تمااا دايخة كتفوه وتوڭض راسها حتا شافت باب تحل.
شافتو داخل وهيا تنوض
نريمان : صباح الخير.
جهاد : صباح الخير عاد فقتي ؟
نريمان : اه يلاه فقت مفطنتش براسي اول مرة طرالي
جهاد : معليش رجعي نعسي الا بغيتي
نريمان : لا لا صافي خاصني نصلي..
حرك ليها راسو وجلس شاد تليفون فيدو اما هيا مشات لطواليط توضاات وقلبها كيضرب شوفااتو ليها كيخوفوهاا وتصرف ديالو معاها كتحس براسها مبرزطاااه وممرتاحش بوجودهاا معاها. ولكن شنو غادي دير. مسحات وجهها ويديها وخرجات كتجر فالسندالة ديالو . هز فيها عينيه ورجع هبطهم بالزربة. توجهااات للقبلة صلاة ورجعات جلسات ففوطوي قبالتو وقالت وهيا كتفرك يديها مع بعض.
نريمان : اا والو دابا كنت فالمغرب كنقرا الحلاقة وخديت ديبلوم ديالي وكنت خدامة بيه مع هاد السيدة لي صيفطااتني هنا وصافي دابا مكندير والو
جهاد : وحتا لين قريتي ؟
نريمان : سيزياام ومكملتش.
جهاد : مزياان البنت تخدم وتقوي الشخصية ديالها كتعجبني البنت لي كيكون عندها هاد الهدف ومكتخليش همها هوا زواج
نريمان : حتا اناا معنديش الفكرة د زواج فراسي وعمرها كانت. فكرت مرة وحدة نتزوج كنت باغا غا نخرج من دارنا باش نرتاح ونتهنى من مشاكيل والضرب ولكن فرج الله.
جهاد : هاد مشكيل كيطيحو فيه بزاف د البنات همهم غاا زواج انا عندي فكرة مختالفة ماشي بحال باقي رجال كيقولك مرا غا دار كنت كنتمنى ريم متزوجش وتقرا ودير شي حاجة فحيااتها ولكن طرا غا العكس. يلاه بان هاد راجل فحياتهاا بدات كطييير كون متزوجااتش بيه كون دارت شي موصيبة.
ضحكات بعفوية وقالت : كل واحد والفكرة لي عندو الله يسهل عليها حتا زواج خدمة هه
جهاد : شاف فيها مطولا ) يمكن
نريمان : بتردد) او وو ون ونتاا؟
جهاد : شنو انا؟
نريمان : يعني واخا تقولي شنو كدير فحياتك زعمة الا بغيتي مبغيتيش صافي
شافت فيه ببتسامة وقالت : نتا عندك شركة ديالك مصمم ياك
طلع حاجبو وقال : نتي وقيلة عندك ضوسي ديالي كامل اهاه زيدي
نريمان : ههه لا غير سمعتهم كيهضرو عليك وصافي انا هادشي لي عارفة
جهاد : ايوا راه داكشي لي كاين.
نريمان : تبارك الله بالتوفيق الله يسهل عليك كنحمااق انا على هاد دومين كيعجبني بزاف
جهاد : وي حتا انا
رجعو لصمت من جديد كيفطرو فصمت. صونى تليفون ديالو شاف ف النمرة وناض بعد على نريمان كيجاوب. اما هيا بقات متبعة ليه العين كتشوفو كيهضر كملات فطورها وتوخرات اللور.
رجع لعندها وقال : كملتي؟
نريمان : اه صافي
جهاد : اوك يلاه نمشيو
. خرجو هوا وياها كيتمشااو على رجليهم هاز تليفون فيدو كيجاوب وهيا غير كتخطف منو شوفة وترجع تشوف فطريقها. وصلو لبوتيك كبير. دخل ليه جهاد وهيا غير تبعاه. تكلم مع وحدة بالانجليزية.. وشار بيدو لنريمان. حركات المراا راسها بالايجاب وقالت : اجي معايا
جهاد : قالت ليك سيري معاها.
نريمان : فين غنمشي؟
جهاد : وسيري معاهااا..
تبعاتهاا دخلاتها لواحد البيت كيغيرو فيه الملابس.. مدات ليهاا بيجامات ديال الدار تختار لي بغات وتقيس لي بغات.
نريمان : ديالاش هادو شنو غندير بيهم؟
مفهمتهاش السيدة اللغة د نريمان وخرجات لعند جهاد .
جهاد : راها مكتعرفش الانجليزية ..
عيطات لبنت خرا كانت مع ناس خرين وقالت : دخلي شوفي هاد السيدة قوليلها تختار لي بغات وتقيس لي غادي يجي قدها.
حركات راسها بالايجاب ومشات لعندها تشرح ليها...
ابتسمات نريمان بفرح حشماات تختار او تقول بغيت هادي. ختارت وحدة فالبلو مارين والغوز وخرجات لعند جهاد.
الأجنحة المنكسرة الجزء الخامس
محتوى القصة
التنقل بين الأجزاء