الأجنحة المنكسرة الجزء السابع

توسط النهار عاد حل عينيه هز راسو يشوف ف ساعة لقاا 1:30 .. حط يدو على فمو كيتفوه وناض كيتكسل..

جسم رياضي عاري لابس غير بوكسور فالڭري وسنسلة فالعنق صدر مزغب وعضلات مفتولين .. خرج البالكون كبير حط يديه على حدايد لي كيفصلو بينو وبين الجو.. كيشوف فالشارع الغادي والجاي.. سمع الصوني فالباب..

رجع البيت لبس بينوار بيض ديالو حد الركبة وخرج بالحفى غادي بخطوات بطيئة كيتمايل...

حل الباب وهوا يسوط من مناخرو...

كانت فتاة جميلة بشرة بيضاء لابسه عبايه فالأسود وشال ملوي بطريقة عصرية مع مكياج خفيف وحقيبة صغيرة فاليد مع صباط طالون...

تكلم باللغة الإنجليزية وقال

جهاد : شنو بغيتي

غلا : جيت نشوف غتخليني واقفة فالباب؟

سمح فيها ودخل جلس على الفوطوي.. شدات الباب وتبعاتو جلساات جنبو..

غلا : توحشتك بزاف اجهاد

جهاد : الصمت

غلا : وانت متوحشتينيش؟

جهاد : لا

غلا : علاش حرام عليك

جهاد : الصمت

غلا : جهاد اناا عيت صابرة مرضت والله الا مرضت عفااك اجهاد بغيت نرجعو لبعضيااتنا اناا وياك متخلينيش هاكا راه كنعيش معذبة عليك.

حاولت نبدا حياتي من جديد من بعد ما طلقنا ولكن مقدرتش جهااد راه ندمت على كلشي والله عفاك سمح لياا ونرجعو نتزوجو

ضور عينيه فيهاا ورجع شاف فالتلفازة كيقلب..

غلا : نرجعو اجهاد؟ اناا عرفاك كتبغيني بزاف وعرفاك باغي ترجع معاياا غي..

جهاد : قطعها) هه وشكون هادا لي كذب عليك وقالك هادشي ؟؟

غلا : شوف اناا متأكدة واحساسي كيقولي بلي حتا نتا مزال كتبغيني و..

جلس مفرق رجليه شاف فيها بجدية..

جهاد : غلا انا مزال كنحتارمك على وجه الوليد ديالك لي مشفت منو غير الخير. حنا كنا مزوجين متفهمنااش وكل واحد شد طريقو اناا مبقيتش باغيك سمعتي... والفكرة د زواج لغيتهاا من بالي

غلا : باقي كتبغي حبيبة ديالك اللولا ياك

جهاد : ونتي سوقك نبغيهاا منبغيهاااش

غلا : جهاد اناا باغاا نرجع ليك متخلينيييش عفاااك راه غنحماااق عفاك اجهااد سمح ليااا على لي دازز عفاااك والله منبقى نعاود اناا مقدراش نعيش بلا بيك...

قربات حداه اكثر هزات يديهاا حطاتها على صدرو العاري وبقات كدوز يديها بحنان تحت البينوار...

شاف فيهاا جانبيا يلاه بغا يبعد وهيا تشدو زادت قربات لعند وجهو...

حطات شفايفهاا جنب شفاايفوو كتشوف فيه بعيون حزينة وكأنها كترجااه..

غلا : اناا معاك وغنبقى معاك بغيتيني منشوفش حتا عائلتي منشوفهمش منمشيش فمرااا هوماا يجيو عنديي انا منعتبش باب الدار.

الا الى بغيتي نتاا ونخرج غير معاك جهاد نتاا هوا كلشي فحياتيي عفااك متخلينيييش..

حطات شفايفهاا على شفايفو قبالاتو ببط وهزاات عينيها فيه لقاتو كيشوف فيهاا.. خرج نفس سخوونة وقلب عينيه بغا ينوض وهيا تشدو من وجهو حطات جبهتهاا على جبهتووو ونيفها على نيفوو..

غلا: عفاااك فرصة وحدة جهااد فرصة وحدة وصافيي متخلينيش هاكااا محتجاااك بزاااف عفاااك...

توخرات لور شادة فيديه بجوج وهواا ينتر يديه وناض شاد عينيه كيحك جبهتوو.

جهاد : قلت ليك لااا اناا مباغيش نرجع معاك وفكرة ديال زواج نسيتهاا فمراا صااافي سديت داك الموضوع..

هبطات عينيهاا كتشوف فنقطة وحدة بحزن... ورجعت هزت عينيهاا وقفت حداه شادة فيديه..

غلا : جهاد عفااك مديرش فيااا هاكا راني كنتعذب من الداخل ديالي واناا بعيدة عليك عرفتي نتا محاااسش بيااا اناا محتجاااك بزاف وبغااك فحياااتي وباغاا نكمل معاك عفااك رجع لياااا ونتزوجو ونرجعوو كيف كنااا..

مجوبهااش ورجعات قربات ليه كتر شدات رقبتو بيديهاا وجراتوو لعندو كتقبل فشفاايفو تجاوب معاهاا

وشدهاا من خصرهاا بقوة كينهج..

تخلطاات انفااسهم الحاارة هبطات بيديهاا بينوار لي لابس بعد على شفايفهاا وحل شال ديالها رماه فالارض

رجع شد فشعرهاا جرهاا بقوة كيقبل فيهاا بشهوة حارة غادي بيهاا لفراش...

~~~~~~~~~~~~~~~~~~

نريمان : ولاهيلا يلاه دخلت عرفتي عييت

جوديا : ايوا مزيان بصحتك تستاااهلي قوليلي ماشاا مع الخدمة مزياان؟

نريمان : اه دابا نصيفط ليك التصااور د ناس لي خدمت ليهم هه غيعجبك داكشي..

جوديا : ايو ديري عقلك وتعلمي وديري بالك فالخدمة راه هيا لي غتجبر فحياتك توحشتك الخايبة والله

نريمان : وانااا كتر منعاااودلش والله مكرهتش غير ايمتااا نجي ونشوووفك ونعنقك عرفتي كنواااااعد وعد امام الله هادشي لي درتي معاياا غنردو ليك بالضوبل وكيف وقفتي معايا مغنساااش خيرك. وسمحيلي بزاف على كلشي.

جوديا : اودي هانية اناا غا تكوني نتي مزياان داكشي لي بغييت. يلاه اناا حتا لعشية ونهضرو اناا دابا غنسوڭ باي ازين...

قطعات المكالمة.. ورجعات لحوايج كتهز وكتقيص وتوقف حدا المرايا تشوف كيف جاوهاا ... وبالها مع تليفون كتشوفو واش جوبهاا ولا مزال..

لبسااات حوايجها وبعض من الاكسيسوارات لي خدات.. ومشات دخلات لقات كلشي خدام.. تلقاها داني كيضحك.

داني : اووه شيك تعلطلتي

نريمان : وي سمح لياا مشيت خديت شي حويجات وعاد جيت. شكون هناا

داني : كاين كلياان بزاف المهم حناا خدامين.

نريمان : اوك اناا نشوف ناس لي جاو...

لبسات حتا هيا كاب دالخدمة.. وتوجهاات عند ناس. رفقااتها مراا كبيرة فالسن بغات تقطع شعرهاا وتصبغو... لباات نريمان الطلب ديالها... قطعاتو ليهاا كيف بغاتو وصبغاتو ودازت لكليااان اخر.. دوزت نهار متعب وفينماا تسالي دخل طلل على واتساب واش صيفط ليهاا ولا لا..

فحين واقف جهاد لابس سروال دجين مع قميجة زرقاء وتجااكيط كحلة شعرو مزال مخربق من دوش هز مشطة كيدوزهاا على شعرو... حطات يديها على كتفو كتشوف فيه وعينيها كيلمعو..

غلا : فقاش غادي تجي تهضر مع بابا

جهاد : ممساليش دابا

غلا : علاش اجهاااد بابا غيفرح بزاف نتا عارفو هوا شحال عندو نتاا عزيز وغادي يفرح ملي يشوفناا رجعناا لبعضياااتناا

جهاد : غلا دابا ممستاعدش حتا لمن بعد ونشوف

غلا : نتا كتبغينيي ياك وغنتزوجو هاد ايام ..

شدات فكول قميجتو وهوا يهبط يديها..

جهاد : مكنبغيييكش وزواج منضمنش ليك ودابا سيري بحالك

غلا : اهئ اهئ اهي علااااش علاااش اجهاد حرام عليك من صباح وانا كنطلب فيك.

جهاد : غلا سيري داباا ومن بعد نهضرو.

غلا : و...

جهاد : ( قطعها) منننن بعد ونهضروووو صااافي.

حيدات الفوطة من على شعرهاا الفازك... دارت الشال ديالهاا وخرجات. لقاتو برا واقف كيهضر فالتليفون..

غير شافها وهوا يدير ليها اشارة براسو جهة الباب..

خرجات كتمسح دموعهاا قطع المكالمة... وجلس كيتنهد...

جهاد : تفوو علاش جايااا علاش بففف...

بقاا بضع دقائق تماا شاد تليفون فيدو جوب على مسجات بان ليه مسج د نريمان وهوا يبتاسم... سجل ليها اوديو..

جهاد : اهلا نيرو لباس عليك نتي مزياانة شكتعاودي!

صيفطو ليها وناض خرج...

شافت اوديو ديالو ودارتو على وذنها كتسمع.. سجلات ليه مسج وهيا فقمة الفرح

نريمان : اهلا بخير وانت لباس غبرتي ياك لباس كل ساعة ندخل نشوف واش مكونكطي 😁 نتمنى تكون لباس وف احسننننننن احوااااال.

قررت انها تزعم وتقول ليه بلي كل ساعة كدخل تشوف واش مكونكطي باش ديرهاا ليه فبالو ويبقى يدخل مرة مرة وميغبرش.

جوبها بعد 2 سوايع ...

جهاد : ياك الالة ههه ايوا الفنون فليل نهضرو دابا لقيتيني مشغول شوية يلاه تهلاي فراسك...

كملات شغلهاا وهيا فرحااانة. وصلها داني لدار توضات صلاة وتعشات هياا وجونة وجلساات قارصة على تليفون ايمتاا يدخل يهضر معاهاا... غلبهاا النعاس بالعياء دالنهار. حطات راسها على المخدة وشادة تليفون بيديها وجونة جالسة كتشوف فالتلفازة هزات نريمان راسها وقالت

نريمان : شوفي هانتي الا داني نعاس وجااني شي مسح ولا صوني فيقينييي صااافي عندااااك تنعسي حتاا نتي

جونة : لا صاافي واخاا اناا فايقة..

رجعت حطات راسها على المخدة.. حسات براسها تغلبااات واستسلمااات حتا فيقاتهاا جونة مع 2 دليل كتحرك فيهاا..

ناضت نريمان مخلوعة

مدات ليها جونة تليفون : هاا شي حد كيصوني

شافت نريمان سميتو وهيا توقف كتمشي وتجي طير منهاا النعاس فحين جونة عينيهاا حووومر من قوة السهير كتسنى تليفون يصوني باش تفيق نريمان..

حلات الخط وهيا داخلة لطواليط.

نريمان : الوو جهاد

جهاد : ياكماا نعستي؟

نريمان : لا لاا فايقة هه ( كترش على وجهها الماا)

جهاد : اوك ايوا صافاا كي دايرة ..

نريمان : بخير وانت لباس عليك غبرتي هه

جهاد : يااك غير ضروف انيروو الزوينة.. دخلات لبيتها جلسات علب جنب الفراش. كيسولها على الاحوال وكيف غادية مع الخدمة.. ربع ساعة دالمكالمة.. فلاخر استأذن منهاا باش يمشي ينعس.. قطع مكالمة وهيا فرحااانة وعاجبهاا الحاال. ناضت خرجاات توضات ورجع البيت لبسات عبايتهاا وشالهاا وقامت الصلاة كتصلي قيام الليل..

صلاة المرة اللولا ودعاااات وقلبهاا كيضرب ودموع هابطيين حااارين مع خدهاا..

نريمان : ياربييي الحبيب ياربي بوجه النبي ياااربي كتبوو ليااا ياربي يبغيني كيف كنبغيه ويسول عليااا كيف كنسول عليه وكتر ياااررب جعلو من نصيبي ياااربي الحبيب يااااربي ياااربي كنطلب منك غير هاد الدعوة اهئ اهئ يااااارب نتااا بوحدك لي عالم فقلبي ياربي نتاا لي حطيتيه لياا فقلبي وخليتيني نبغيه يارب حتا انااا حطني فقلبوو وخليه يبغيني بحال حب سيدناا محمد لعائشة يااارب متحرمنيييش يارب كنشوف راسي اسعد وحدة فدنيااا الا كتبتيه ليااا ياربي عفاااك حقق ليااا هاد امنية عفااك متحرمنيييش من هاد الطلب يارب...

صلاة مرة ثانية وثالتة.. صلاة الفجر وزادت صلاة ودعاات وبقاات جالسة كتستغفر حتا غلبها نعاس ودخلات لبلاصتها..

🍂 أصبحنا وأصبح الملك لله 🍂

مع الباب كبير داخل بخطوات بطيئة كانو جالسين فالصالة لي كتفرق بينها وبين حديقة البيت غير الزاج.. جالسين كيفطرو..

شافتو ريم داخل وهيا تنوض لعندو عنقاااتوو

ريم : توحشت بزاااف بزاف على سلامتك اخوياا

جهاد : الله يسلمك نتي لبااس

ريم : الحمد الله كنت كنتسنااك غير ايمتاا تجي خليتي عليناا الدار خاوية ملي سفرتي هههه

دخل كيضحك معاهاا سلم على الزوج ديالها وباقي العائلة.

وجلس قدام مدام آسيا كتسولو على الأحوال..

ريم ومرات ماجد شاديين تليفون كيشوفو تصاور ديفيلي د جهاد لي داز ف أمريكا مأخرا.

كلشي كيهضر عليه ف مواقع التواصل الإجتماعي وماجد كيوري ل ريهام فيديوهااات..

هاز ولد ماجد ولد ريهام جلسهم فوق ركبتو شادهم بجوج كيبووس فيهم..

كبات ليها مدام آسيا آتاي سينية ذهبية مربعة فيها كيسان منقوشين فالألوان وطبلة منوعة من الحلويات وكيكات ومملحات وكل ما تشتهي الأنفس كانو كيتسناوه لفطور.

دارت ريم رجل علي رجل وقالت وهيا هازة يديهاا..

ريم : احم احم سمعووو سمعو ههه

أحدث إطلالة للفنانة #مريم_أوزرلي من توقيع المصمم العالمي أميريكي من أصول مغربية.. " جهاد علمي العلوي

ماجد : وييه ابااا جهاد شوفلك على هاد فيديو ديال سيمو بن بشير مع جهااد

عليا : ارااا نشوف اماااجد...

ريهام : شوفي هاد تصويرة كاع المنابر الإعلامية مجموعين عليه واعرر اخوياا هادشي عندك

آسيا : بفخر) تبارك الله على ولدي ولاهيلا اولدي الا نقصااك غير تزوج ودير دارك ونفرحوو بيك عرفتي داك النهار شحال غنكون فرحانة..

تنهد وقلب عينيه لجهة خراا...

خنزر فيهاا ماجد وقال تحت لسان : خليناا اماما هانيين ..

آسيا : ومالي شنو قلت

جهاد : ماما ماشي وقت هادشي جيت نشوفكم خليني جالس معاكم ولا نمشي

آسيا : صافي هانا ساكتة وفطر اولدي..

فطر معامهم جالسيين فجو عائلي ضحك وتقشاب بيناتهم ..

اما هوا هضرتو قليلة وحتا مكلتو قليلة ملهي غير مع ولد ريهام ولد ماجد لي كيدابزو بيناتهم ...

هبطو من على رجلو وخرجو لجردة كيتجراو

فحين هوا متبع ليهم العين جبد تليفون شادو فيدو لقاا نريمان مصيفطة ليه صباح الخير ... جوبها فالحين..

💬 : Nero zeouina Sebah Nour 😘

آسيا : جهاد مالك اولدي ساكت!

هز عينو فيها خشاا تليفون فجيبو وقال : والووو..

آسيا : ايوا مقلتيش مبروك لختك راها حاملة.

هز حواجبو كيهزز راسو وقال : امم مزيااان الالة مبروك عليك

ريم : لهلا يخطيك عليا اخويااا هه ... ( كتشوف فتصاورو)

صراحة شهيتيني حتا اناا كن كنت بحالك شي، مصممة وكيعرفوني ناس وعندي شي شهرة واااو صراحة هادشي كيحمق ..

جهاد : ايوا وشكون زارب عليك كن درتي مستقبلك عاد تزوجتي..

ريم : بحزن) ومزال اخوياا الوقت فيدي مزال ندير مستقبلي ولا..

قلب عينيه لجهة اخراا ..

آسيا : بجدية) ولدي واش مكتفكرش ترجع مراتك راهاا بنت ناس وضريفة وكتبغيييك ومسكينة ديما كتصوني علياا وتسول فياا وتسولني عليك..

جهاد : نتي غا ضوري ضوري وقوليلي تزوج.

آسيا : وشنو غدير لي متزوجش منااش مخصوص. اي وحدة تمناااك وهانتا كتشوف العربون غا من بنات العائلة كلهم كيتمنااو غا تشوف فيهم وغلا مسكينة هديك لا هضرة عليهاا واش تزوج ودير دارك ولادك ولا تبقى تجيب لي يسواا ولي ميسواا لدار حتا نطيحو فشي غيسة

خنز فيها وقال : الالة تزوجي نتي اناا واش شكيت عليك قلت ليك محتاج نتزوج!! ولا نجيبهاا نحطها ليك ونزيد خلفة.. غلا اناا لي كنت مزوج بيهاا واناا لي عارفة اش كتسوااا داك الفشوش ديالها قطعتوو ليهاا واناا مبقيتش جهاد د شحال هادي. ومراا خراا بقااو دخلو فسوق راسكم...

ناض معصب خرج لبرا يلاه بغا يطلع فطوموبيل وهيا تشدو ريم وماجد من يدو..

ماجد : وصافي اصاااحبي شهااد طريقة هضرتي بيهاا مع ماماك واش كنعرف راسك اش كتخرج ولا لااا..

جهاد : غنزيد نهضر معاهاا كتر من هاكااا. ديماا مدخلة راسها فيهاا تزوج ت.... خليوني هاناا غنخرج شي هضرة ماشي تاا لهيه..

ماجد : نعل شيطاااان اصاااحبي كيف ماا كان الحال هديك ماماك...

ريم : بحزن) خوياا هيا غير كتخاف عليناا وباغا تفرح لينا وباغا تشوف ولادك حتتاا نتا متعصبش اخوياا.

ماجد : برد برد اصاااحبي..

مشا ماجد وبقاا ريم واقفة معاه فالجردة..

جراتو جلس على فوطوي تحت مضلة شمسية شادة فيديه..

ريم : خوياا نسولك وجاوبني بصرااحة والله حتا يبقى هادشي غير بيناتناا..

جهاد : ( ضور عينو فيهاا عاقد حجبانو ) شنوو!!!!

ريم : واش كتعجبك ديك بنت لي سميتها نريمان واش كت.. زعمة كتبغيها..

ضحك بسخرية وقال : واش نتي كتفلاي

ريم : لا والله الا كنهضر معاك بصح. حيت ملي شفتها فدارك وشفتك مهتم بيهاا قلت منعرف ت..

جهاد : قطعها) سمعي البنت معندهاا واليدين معندهاا خوت عادي تعاطفت معاهاا وبقاات فيا وساعدتهااا هيا كتحسبني بحال خوهاا لي مات ليهاا. فهمتي المهم كتسول فياا ديماا وحتا اناا كنجاوبهاا اولا ملي كنكون ف ڭانتي راه كنصوني عليهاا. دونك صديقة بنسبة لياا

ريم : اه واخاا عطيني نمرتهاا نبقى نهضر معاهاا حتا انا ونشوف الا خاصها شي حاجة نعاونهاا في سبيل الله..

جهاد : مزيان واخااا

حلات تليفونهاا عطاها نمرتهاا قيداتها عندهاا..

ريم : ونوض اخوياا يلاه دخل...

جهاد : لا غير سيري اناا غنمشي فحالي..

جالسة كتفطر هيا وجونة شادة تليفون بيد شمال.. كتقرا مسج ديالو وابتسامة مرسومة على وجهها..

جوباتو وهزات عينيها ف جونة لقااتها كتشوف فيها ببتسامة ..

نريمان : مالك؟

جونة : لا والو هه

نريمان : احم قوليلي واش كتبغي شي حد؟

شافت فيها جونة برتباك وقالت : لااا لا مم مكنبغي حد..

نريمان : امم وغير قوليلي غتخبع مني زعمة

جونة : بصراحة اه كنبغي واحد السيد ولكن موحال نعاود نشوفو مرة خرا..

نريمان : بحزن) علاش كتقولي هاكااا؟ وعلاش مغاديش تعاودي تشوفيه.

جونة : حيت هوا فبلادي بقاا تما كنا كنبغيو بعضيااتنا بزاف ودابا اناا معرفتش واش هوا غيكون مزال عايش ولا مات..

نريمان : بصدمة) اويلي علاش نتي منين ايناا بلاد؟ كتجيني هضرتك لبنانية عاوديلي على حياتك الا بغيتي

ردات عليهاا بعيون مدمعة .. وبلكنتها السورية..

جونة : اناا من سوريا .. الشعب طالب بالحرية طبعا قسم من الشعب النظام والرئيس ماتفهم مطالب الشعب قتل الناس واعتقلا الشعب هون اتقسم مؤيد ومعارض ومحايد تدخلت البلدان الاخرى بسوريا واغلبها ساعدت بشار الاسد وقصفت بلادنا وساعدوه بتدمير بيوتنا وتهجرنا ومع الاسف بتعرفي الباقي صرنا كل واحد ببلد توفى ابي وبعد يومين امي توفت هيا كمان.. اخوتي تشردو وما بعرف وين راحو.. بعرف اخي لوحدو بتركيا هرب بعد ماا كانو فئة من الشباب رايحين وراه معهن. الشاب يلي بحبو ما عندي ولا خبر عليه وين راح هوا عايش ولا متوفي هيك صار بحياتي. هربت اناا لحالي لمدينة ادلب وقلت مع نفسي راح تتهذن الاوضاع وارجع بس الوضع ما هذيت وماا قدرت ارجع لو رجعت كانو راح اقتلوني. وهربت بين الجبال حتا وصلت لحدود لبنان اتشردت واشتغلت عند ناس كانو بيعاملوني قسوة وبيتركوني بلا اكل.. شو راح اقلك يا نريمان ( تنهدات) الحمد الله ع كل حال..

ردات عليها نريمان باللكنة الخليجية.

نريمان : صعب الله معك وكيفاش جيتي لعند نجود؟

جونة : لحسن حضي كان معي جواز سفر كان بدي اكمل دراستي بتركيا ولما صار هاد الشي ما بقي لا تركيا ولا ايشي. لما كنت ف لبنان ضبيت غراضي وخرجت من البلد رحت ع قطر وكنت بشتغل عاملة نضافة بوكالة تجارية. وشافتني هنيك نجود وحكيت الها ع شو صار فيني وقالتلي انها بدها مين يشتغل معاها بالبيت ويساعدها فالاولاد وافقت وايجيت معاها للبيت..

نريمان : بففف صعيب هادشي والله الله يحسن عوانك تقريبا اناا وياك بحال بحال معندنااا زهر ولكن ربي كبير ودابا تعاودي تشوفي داك انسان لي بغيتي.

جونة : بتمنى والله وانت! هه

نريمان : بحياء) شنو اناا ههه

جونة : امم اكيد كتبغي شي حد حيت تصرفااتك كيبينو هادشي ولبارح خليتيني كنموت بالنعاس وحاضية تليفون ههه

نريمان : ههه غير سمحيلي. بصراحة حتا اناا كنبغي واحد الشخص ويوم بعد يوم كنزيد نبغيه كتر ..

جونة : امم وهوا؟

نريمان : صراحة هوا معرفش هادشي ومعرفتش يمكن يكون كيبغيني حتا هواا ومزال مبغاا يبين ليااا هوا ديما مشغول وقليلة هضرتو فخبارك عمرني بغيت شي حد فحياتي هادي اول مرة كنت كنقول عمرني نبغي شي حد ودابا سبحان الله هاد بغيتوو لدرجة الجنون والله

جونة : صراحة متعلقيش بزاف حتا تشوفي شنو كاين...

نريمان : بففف صراحة كنحمااق عليه لواحد الدرجة منوصفااش ليك يااارب نتجمع معاه ونكون اسعد وحدة.

جونة : هادشي لي كنتمنى ليك حتا اناا من قلبي...

نريمان : اناا غنوض نمشي دابا لخدمة حتا العشية ونهضرو ازين

جونة : اوك حبيبتي الله معاك...

لبسات حوايجهااا وقدات شالها مع مكيااج خفيف بزاف هبطات فالمصعد وخرجات مع شارع غادية وكتشوف فالتليفون وقفاات كتشير لطاااكسي يلاه بغات طلع وهيا تسمع صوتو كيعيط ليهاا... هزات عينيهاا لقاتو فطوموبيلتو خلف الطاكسي شير ليها شدات باب طاكسي ومشات وعينيهااا كيلمعوو وركابيهاا فاشليين غطيح بالقوة الفرحة والدهشة ممتيقاااااش. حل ليها باب من داخل وطلعات حداه مدات يديهاا سلمات عليه كتشوف فيه بشوق كبييير وفرحة لا توصف وابتساامة مرسومة على وجهها.

جهاد : واخاا كنااا نديرو اناا وياك رونديفو منطلقااوش ههه

نريمان : ولاهيلا سبحان الله ههه شنو كدير هناا ( خشات تليفون فالصاك)

جهاد : اناا كنت عند ماما نتي لي شنو كديري هناا...

نريمان : فين كنت واقفة تمااا ساكنة نجود فديك اقامة. فين غادي دابا ؟

جهاد : والو غادي لخدمة نوصلك معايا ؟ فين غادية نتي

نريمان : اا مم والو. ووو والو كنت يغيت غير نخرج نطلق رجلي شوية وصافي هه

جهاد : امم ناس غيتسرااو بوحدهم ولا شي غوونديفوو هادا باينة ههه

شافت فيه مخلوعة وقالت : لا لاااا والله مكاين شي رونديفو ههه معامن هاد رونديفو مكنعرف حد هه كنت خارجة غاا بوحدي وصافي ..

جهاد : هكاك الالة توحشناااك عاش من شافك.

طلعات معاهاا السهدة وزادها ارتباك وهيا كتشوف قدامهاا وتعاود تشوف فيه..

نريمان : لهلا يخطيك بارك الله فيك حتا اناا هه

جهاد : اهاه فين باغاا تمشي بعدا ؟ نونسووك ولا نمشي فحالي

نريمان : بلهفة ) لاااا لااا يلاه معااياااا والله يللااه..

جهاد : واخاا مرحبا فين نجلسو؟

نريمان : بحياء) فين ماا بغيتيي

جهاد : واخااا..

سكت وعينيه مع الطريق كيسوڭ... وهيا كتشوف فملامح وجهوو لحيتو ريحتو العااطية.. وقف فالبارڭينغ.. جنب الكورنيش لي كيطل على البحر.. شاف فيهاا ببتسامة وخرج.. حلات حتا هيا الباب من جيهتهاا وقف حداهاا كيشوف ببتسامة

جهاد : يلاه ندخلو..

حركات راسها ومشات جنبو.. دخلو لمقهى كبير عندو جوج طبقااات طالقين موسيقى هادئة .. شاف جهاد شخص جاي جيهتو سلم عليه سلام رجولي

تكلمو بالانجليزية.

الشخص : على سلامة اصااحبي

جهاد : الله يسلمك كيف غادية الخدمة

الشخص : هانتا كتشوف مزيااان كيف العادة كلشي غادي ف احسن الاحوال ( شاف فنريمان) امم شكون هادي لي معاك..

جهاد : صديقة سميتها نريمان.

تلفت عند نريمان وقال :

نريمان هادا صديق ديالي جون وشريك ديالي فهاد الكافي ..

نريمان : اه تبارك الله مشرفين..

حرك ليها الشخص ببتسامة واخا مفهمهاش اش قالت..

جهاد : يلاه هاحناا طالعين الفوق.

جون : اووك اناا نقولهم يطلعو عندك..

جلس فكرسي وهيا قبالتو ببتسامة..

نريمان : تبارك الله هادي قهوة ديالك؟

حرك ليها راسو بالايجاب

نريمان : مزيان الله يسهل عليك

جهاد : امين.. نتي كي دايرة مع الخدمة صافاا..؟

نريمان : اه الحمد الله دابا مزياان ووانت

جهاد : تاناا مزيان.

جلسو اقل من ساعة...

كيهضرو ف امور عادية كيسولو بعضياااتهم... من بعد خرجو من تماا وبطلب منو يوصلها لفين غادية.. وصلها ومشاا اماا هيا بقات واقفة فالباب متبعة بيه العين حتا مشاا... دخلات فرحانة مشات لعند داني شاف فيها ورجع هبط عينيه

داني : على سلامة شهاد التعطيلة؟

نريمان : ايوا هاناا جيت شنو

داني : حنا كنحلو مع 10 اولا؟ وشوفي دابا 1:30 . واش كل نهار غتجي معطلة وعلى ڭانتك..

نريمان : بففف انااا مفيااا منسمع شي هضرة عوتاني..

لبسات كاب دالخدمة وتوجهاات عند ناس. خدمات ليهم وهياا كتسترجع الاحداث كيفاااش كانت جالسة معاه وكيفاش كيهضر.. وملي كيبتاااسم..

كملات شغلهاا ورجعت لدار هيا وجونة كيتجمعو.. دوزات الايام عادية. مسجاات لجهاد تقريبا يوميا. حتا هوا رجع كيسول فيهاا .. اتصلات بيها ريم وطولو فالهضرة كيتجمعو بيناتهم.. وخبراتهاا بلي غتجي تصبغ عندهاا شعرهاا... وداكشي لي كان نهار لي كانت غتجي عندهم ريم... واقفة نريمان قبالت المرايا كتلبس هادي وترجع تحطهاا تشوف خراا وترجع تحطهاا. لبسااات وقدات ومشاات هيا اللولة حلات الباب.. وشعلات الضواو وحلات ريدووويااات وكترش معطرات فالجو. عاد جاو العاملين واول مرة يشوفوهاا هيا اللولة لي جات وهيا لي فتحااات...

وصلات ريم لعندهم مع 12. صبغات ليها نريمان.. وغسلات ليها برفق.. وقدات ليها شعرهاا كيف بغاات..

خلصاااتهاا بالضوبل وزيادة ولكن رفضاات نريمان تخلص منهااا وبغاتهاا تحسبهاا منها كادو ولكن ريم اصرت انها تخلص ومرة خراا تخدم ليها بلا فلوس...

دازت ايام ونريمان على نفس الحال.. جالسة فالليل هيا وجونة كيتفرجو ويهضرو

نريمان : صراحة عييت بزاف

جونة : انااا فنضري انريمان تقوليهالو وتهني راسك المهم الكورة رميهاا ليه فيديه باش تعرفي راسك من رجليك..

نريمان : اويلي على نقولهاااالو منقدرش اختي منقدرش

جونة : ايواا الا مقدرتيش بقااي هاكاا معذبة حيااتك كلهاا...

اسبوع داز ونريمان كتخمم وتبلاني وتساائل بينهاا وبين نفسهاا كيفاش غيكون الرد ديالو ملي يعرف واش هادشي غيطور واش الحب لي كتمناااه غتوصل ليه. واش غتلقاااه حتا هواا كيبغيهاا كيف كتبغيه هياا...

لبسات حوايجهاا وخرجات لقاات فطور موجود.. الشهية مشدودة واخاا عيات فيهاا جونة تفطر مبغاااتش. خدات قرار انهاا تمشي وتقوليه لي كاين ولي ليهاااا ليهااا متبقاااش هاكاا حياتهاا كلهاا...

خرجات شدات طاكسي وقفها حدا الاقامة لي ساكن فيهاا جهاد تنهداات وطلعات فالمصعد حتا وقفات فالباب ديالو.. صونات المرة الاولة وثانية هيا غتعاود تصوني ثالتة وهوا يتحل الباب...

حلات ليها مرا كبيرة باب شافت ف نريمان وقالت بالخليجية : بغيتي شي حاجة ؟

نريمان : بالاستغراب) ااا اااه بغيت واحد السيد كان ساكن هناا ؟ سميتو جهاد

.... : لا ابنتي معرفاش حنا عاد دخلناا لهاد الدار هادي 3 ايام وقبل كانت خاوية صراحة معرفاااش..

نريمان : اه واخااا سمحيلي عفااك..

حركاات سيدة راسها بمجاملة . هبطات نريمان عقلها مرفوع.. مستغربة وخيفانة فنفس الوقت

واش يكون مبقااش ف الامارات فين مشااا واناا كنهضر معاه مقالي والو ... واش نصوني عليه لا لااا..

وقفاات فالشارع شادة تليفون فيديهاا طلعات نمرة د ريم صونات عليها.. طلبات منهاا يطلقااو ولكن ريم مع الحمل والعياء مقدراتش تخرج وعرضاات عليها تجي عندهاا لدارهاا..

عطاتها العنوان وشدات طاكسي وقلها حتا لباب.. لقاتها واقفة كتسناهاا سلمات عليها ورحباات بيهاا وضيفاااتهاا تغداو غير بجوج بيهم.. ونريمان تليفون كيصوني.

شافت داني وهيا تقطع الصوت...

ريم : امم حبيب القلب هادا ههه

نريمان : هه لا لا والله هاداا غير خدام معاياا داني راك شفتيه..

ريم : ايوا رجعناا صحبااات وقيلة مكاااين ميتخبااا بيناتنااا هواا زوين وبوقوووص زعمة.. امم

نريمان : هه لا صراحة مكااين بيناتناا والو. من غير الخدمة...

ريم : اوك ازين ديالي ايوا شكتعاودي كاين شي جديد.

شافت فيهاا نريمان بتردد سرطااات ريقهاا بزز وقالت وهيا كتشتت النضر مقدراش تشوف ف ريم.

نريمان: ريم بغيت نقولك شي حاجة ولكن تواعديني تبقى بيناتناااا..

ريم : اووه بطبع احبيبة هانااا لي تقالت عليك خفافت عليااا قوليلي ازين ديالي..

شادة يديها بجوج كتفرك فيهم.. وفمها كيترعد مقدراااش تهضر...

ريم : قوليلي ياك لباس هضري انريمان..

نريمان : بتردد) جهاد واش مبقااش ساكن فديك سكنة لي كان فيها...

ريم : بتعجب) لا بدل السكنة خدا واحد بيتي ڤيلا قريبة لمريناا علاش؟

نريمان : بصدمة) بصصصصصح؟ ايمتتا هادشي

ريم : شحال هادي خداهاا ولكن مكاانش كيمشي ليهاا ودابا عاد رجع ساكن فيها .. ياك لباس بعدااا؟

نريمان : لا والو هه غا سولتك وصافي

ريم : بعدم تصديق) نريمان هضري خلااص شنووو كاين؟؟؟

نريمان : داباا اا. م. شوفي...

ريم : هضرييي غير هضري وقوليلي شنو كاين تيقي بياااا

نريمان : بعيون مدمعة) ريم اناا كنبغي واحد السيد . وكنبغيه لواحد الدرجة كبيرة بزاف صراحة.

شغادي نقولك شهورااا وانا كنبغيه وكنتمنى حتا هوا يكون باغيني كيف اناا باغاه ولكن اناا معرفااش موحال هواا يكون باغيني ولكن بغيتووو يبغيني.

كنت بغيت نقولهاا ليه ولكن مقدرتش خفت بزاااف ياختي.. وصراحة اااا.... ش..

ريم : قطعاتها) وهوا كيف داير تصرف ديالو معاك؟ زعمة هضرتو وطبيعتوو؟؟ واش كتعرفيه من عائلتك ولا غير معرفة..

نريمان : صراحة غير معرفة ماشي كنعرفو بزاف..

ريم : امم دابا نتي شحال فعمرك؟

نريمان : 18 ونص

شدات فيديهاا بقوة.

ريم : مزال صغيرة وهادشي طبيعي احبيبة كلناا بغيناا وكلناا عشقناا وبكينا اغلب البنات غير هوا كاين لي كضغاااف وكتبين وكاين لي الكبرياء ديالهاا مكيخليهاش تبين المشاعر ديالها او تبوح بهادشي.. مهم نتي غير متعلقيش بزاف فهمتي حيت الا تعلقتي بيه كتر يقدر هاد الحب يآديك..

نريمان : هادا هوا المشكيل اختي دابا كنشوف راسي مهوووسة ييه كي غنقولك هوا فاللول طريقتو فالهضرة معايا وتعاطف ديالو ومساعدتو لياا فشكل صراحة وقفو معايا ناس ومعتزهم فقلبي كبير ولكن هوا كتر هادشي كيزيد نهار على نهار معرفتش شنو نقدر ندير وكيفاش نقدر نعتارف ليه ولا نبين ليه كل حاجة فيه كتعجبني. ( بعيون مدمعة) وعرفتي اختي ريم كنقسم ليك بالله العظيم الا اول واحد بغيتو فحياتي واول واحد مرضني فنفسيتي اناا مكنتش هاكا ولكن ملي عرفتو واناا هاكاا. مكنااكلش فخاطري منعسش فخاطري منخدمش فخاطري.. تشوشت بزاااف.. وهادشي مقدرت نقولو لحد حيت عارفة حتا واحد مغادي يقدر يعاوني وحتا الا هضرت غيقوليلي مزال صغيرة ومكتعرفي والو وديها فخدمتك..

ريم : بتأثر) لا لا باينة اي بنت فالسن ديالك غادي تبغي وغتكون عندهاا علاقة شيئ طبيعي انريمان واش هوا فالمغرب..

نريمان : بتوتر) لا هنا فالامارات

ريم : بتشكيك) امم شكون هواا

نريمان : الصمت

ريم : نريمان قوليلي متخبيييش علياااا شكون هادااا يمكن اناا عرفتووو!!

نريمان : بصدمة) شكووون؟

ريم : وهضرييي قوليلي..! هضري انريمااان عفااك شوفي كيف كنترعد انااا شوفي يدي راه حتا اناا توترت معااااك قوليلي..

شدات عينيها وخرجات نفس عميق وقالت : خوك جهاد..

ريم : صراحة كنت شاكة ولكن ماشي حتا اهاد الدرجة..

نريمان : الصمت

ريم : مشكيلة هادي. دابا هوا كيهضر معاك؟

نريمان : قليل فاش كنصيفط ليه كيجاوبني.. اولا بعد مرات كيصوني علياا هواا..

ريم : بتساؤول ) كتشوفي بلي مهتم بيك؟ اولا زعمة يكون معجب بيك؟

نريمان : مكنضنتش هضرتو معايا قليلة وماشي بزاف معرفتش

ريم : بحيرة) ااااه ودابا شنو كتفكري ديري؟ اناا صراحة مكرهتش نعاونك نتي بنت ناس وتستااهلي وعجبتيني صراحة وزعمة تفاهمو نتي وخويااا

نريمان : دابا اناا براسي معرفاش وداكشي علاش جيت بغيت نهضر معاك انا سولت على واش مبقاش ساكن فديك الدار حيت مشيت لعندو وبصراحة كنت بغيت نقوليه هادشي ودابا كنحمذ الله حيت ملقيتوش حيت مكنتش غنقدر نقولهاا ليه اناا بحالا تعمااو لياا العينين مبقيتش كنشوف شي حاجة خراا من غير..

ريم : وياااك تقوليلو شي حاجة شوفي خليها تجي من عندوو فهمتي هواا خوياا وانا كنعرفوو خليه يولفك وخليه يبغيك

نريمان : وكيف غندير انا مكنشوفوش قليل بزاف وحتا الهضرة

ريم : تفكرت واحد الحاجة.. ولد ماجد عندو عيد ميلاد وغيجيو عائلة والاصدقاء ديالناا وحتا نتي غنقوليه يعرض عليك وغتجي عندنااا وحتا جهاد غيجي ايوا تماا غطلقاااو وتهضرو وتزيدو تعارفو ومن بعد يحن الله انا معاك وصراحة نتمنااالك خوياا والله

نريمان : لهلا يخطيك اريم الله يفرحك باش ماا تمنيتي اختي..

ريم : هانية ازين وخودي عصير ديالك ايوا كيف غادية مع الخدمة...؟

تجمعو شوية ومن بعد ودعات نريمان ريم ومشات الخدمة شافت داني معصب هزات كاب ديالهاا عاد بدات الخدمة...

خرجات فالليل بعدماا كملات الخدمة كانت ساعة 8 ... واقفة كتسنى طاكسي. حتا وقفات عليها سيارة نزل منهاا شاب كيتغزل فيها بشهوة... دفعاتو بكل قوتهااا ومشات كتجري لجهة لخراا.. شيرات لطاكسي طلعات فيه بالزربة وصلها لدار ودخلات قلبها مقبوط عليهاا وحتا حاجة ممريحاهااا. دخلات لبيتها نيشان شدات عليهاا وجلساات فطرف النموسية كتبكي.. دخلات عندهاا جونة باستغراااب....

جونة : مالك كتبكي شنو كاين عاودلي..

نريمان : والو خرجي اجونة خليني بوحدي عفااك.

جونة : لا حتا تعاوديلي مالك علاش كتبكي...

نريمان : صافي قلت ليك خرجي بحاللللك خلينييي بوحدي مفياا لي يهضر..

جونة : العشااا واجد اجي تعشاي وعا...

قطعاتها : كولي نتي اناا مخصنيييش شبعااانة غير سيري.

حطات يديهاا على راسها كتشوف فالأرض ودموع هابطين مع عينيهاا شافت جونة خرجاات وهيا تزيد فالوتيرة د بكاا. جرات شال ديالها رماتو فالارض هواا وسبادري لي كانت لابسة بكااات بحرقة مقدراااتش تسكت من بكااا قلبهاا طايب .. بقاات على نفس الوضعية. حتا تنصص الليل. عاد خرجات لقات جونة مشات تنعس توضات ورجعات لبيتها لبسات عبايتها خاصة بالصلاة... صلاة ماا فاتهاا من اليوم.. وجلساات كتصلي قيام الليل وطلب الله انه يصلح حالهااا ويسهل عليهااا. بكات على الله حيت هوا الوحيد لي يقدر يخفف عليهاا.. حسات براسها رتاحت شوية.. عاد دخلات لبلاصتها. ليلة كاملة منعساااتش وهيا كتشوف تصاورو وتقرا مسجاااتو. ودخل تقرا السكرين د مسجات لي تمسحو كانت صوراتهم من قبل باش تخليهم عندها... حتا وصلات 8 صباح... عاد داهاا نعاس. ومفااقت حتا 2 د نهار ناضت على صوت جونة لي كتفيق فيهاا.. ناضت بعضااامها مفصلييين عليهاا قدراش تحرك بحالا واكلة العصى..

يلاه بغات تشوف واش صونى عليهاا شي حد وهيا تلقى تليفون مطفي..

ناضت بالزربة توضات وصلاة الضهر وخرجات كتجري شدات طاكسي ومشات العمل لقاات كلشي قالب وجهوو

دارت تليفون فالبيرو يتشاارجاا.. ومشات لعند داني..

نريمان : صباح خير

ضحك بسخرية ومردش عليهاا..

خلاتو ومشات عند بنت خراا كتخدم لواحد الكليانة..

نريمان : رميساء لباس عليك.

حركات ليها راسها بالايجاب ..

خلاتهم نريمان ومشات جلسات فواحد الكرسي كتشوف فيهم... رجعات لتليفون شعلاتو لقااات عرام اتصلات من عند نجود شداتهم العلبة الصوتية.. دخلات الواتساب. لقااتها مصيفطة ليها مسج صوتي شعلااتو كتسمع ليه...

نجود : ممكن نعرف سبب اهمالك للعمل. علاش مبقيتيش كتجي فالوقت وعلاش كتغيب وملي كيهضر معاك داني مكيعجبكش الحال واش لقيتي خدمة اخراا؟ ولا مبقااش عجبااك الخدمة عندي..؟ مبغيتش انريمان نضيعك فرزقك ولكن فكري مزيان انا تقت فيك باش نتي تسيري امور د الخدمة وديري عينيك مع كل حاجة دخلات او خرجاان ولكن كنشوف يمكن نتي ماشي قد المسؤولية وممسوقاااش نهاائيا.. مهم فكر ورد عليااا والقرار كيبقى ليك.. الا مبغيتيش تبقاي معانا مرحبااا

شدات عينيهاا بضيق... حتا هبطو دموعهااا . كتحس براسها مخنوقة فاشلة مقدراش تخدم ومقدرااش تحرك ڭاع... للحضة جمعاات قواهااا وناضت مشات لبساات الكاب ديالهاا ورجعات لعند لكليان بعيون حومر مدمعين.. مسحات دموعهاا بالزربة وبدات الخدمة . كلشي كيشوف فيها بنص عين.. كاين لي بقات فيه وكاين لي متسوقش ليها..

خدمات لجوج كليان لي كانو باقيين كيتسنااو.. وجلسات على الكرسي كترد النفس..

بعد ربع ساعة وهيا كتشوف فالتليفون داخلة المحادثة بينهاا وبينو كطلع المسجاات لقداام..

صبعها كيترعد باغاا تكتب ليه مسج وفنفس الوقت مترددة.. فآخر المطاف كتبات ليه مسج كتكتب حرف وتوقف وتعاود تكتب اخر وتوقف..

نريمان : سلام جهاد، لباس عليك شفتك غابر كنتمنى تكون بخير..

اكتفاات بهاد رسالة صيفطاتهاا ليه وناضت لعند داني كان كيصبغ الشعر لوحدة من الكلياانات. وقفات حداه كتساااعدو..

كملو بكري .. كلشي مشاا بحالو من غير داني ونريمان بقاات هيا جالسة تماا حاطة يديها على خدهاا. كتعاود تشوف داك المسج مزال كيفماا صيفطااتو مزال مشاافو...

ناضت بدلات حوايجهاا وقفاات قدام المراياا كتقااد الشال ديالها. كذالك داني فالطابق العلوي كيلبس عليه.. خرجو بجوجهم بغاا يوصلها ولكن رفضاات.. وقفات للحضة شدات طاكسي بعدماا وصلها ضارت لعندو وقالت..

نريمان : ممكن تعطيني الرقم ديالك كل ليلة ملي نساالي من الخدمة توصلني ؟

..... اهاه بالطبع غير الا كنت بعيد اولا هاز شي ناس خرين معندي كيف نعمل..

نريمان : اه واخاا صافي..

عطاهاا نمرتو. خلصاتو وطلعات لدار.. كرشهاا كتلواا بالجوع.. بدلات حوايجهاا وخدات دوش حيدات عليها العياء.. تجمعو هيا وجونة على طبلة دالعشاء. تعشاو بجوج بيهم وهضرتهم قليلة... صلاة ودخلات لبلاصتهاا.. طالعة هابطة فالفيس بوك داخلة لجروب نسائي كل وحدة حاطة مشكيل ديالها... شادة تليفون كتقرا .. جاتها فكرة حتا هياا تحط المشكيل ديالها. يلاه بغات تكتبو وهوا يوصلهاا مسج من عند جهاد... خرجات بلهفة دخلات نيشان المسج ديالو..

💬 : Zeouina Oui Çava Et Toi ?

نريمان : الحمد الله..

اكتفت بهاد جوح كلمات وانهارت بالبكاء كتشوف الرد ديالو البارد هيا محروق عليه ولكن هواا ممسوقش ليها.. فالبلاصة عاود صيفط ليهاا ...

💬 : 😘❤️

وخرج من الواتساب..

ليلة كلهاا مقدراااش تسكت من البكاا حاسة براسهاا فغومة كبيير باغاا لي يكون بيديهاا ولي يساااعدها ولكن مقادرة تقول لحد..

فساعة متأخرة وهيا مزال على نفس الحال وصلهاا مسج ضنت انه هوا لي صيفط ليها. ولكن لقاات مسج من عند أمين...

مجوباااتوش ورجعت حطات التليفون. عاود صيفط ليها مجوباااتوش. ورجع صونى عليهاا. حلات الخط بصوت مغنغن كتشهق..

امين : نريمان هضري جاااوبي مالك كتبكي..؟؟

نريمان : اهئ اهئ والووو يلاه تصبح ع..

قطعهااا : هضري معاياا وقوليلي مالك علاش هاد الدموع عاوديلي شنو عندك. تقدري تيقي بيااا هاناا عاوديلي نقدر نخفف عليك قوليلي عفااك..

نريمان : اهئ اهئ انااا امين اهئ اهئ معنديييش الزهرر فمرااا معنديييش كنحس براسي معندي حد..

امين : هادشي كلناا كنحسو بيه المهم نتي قوليلي مالك متخبيش علياا اناا عارفك نتي قوية وتجاوزتي شحال من حاجة. شوفي عاودلي والله حتا نعاااااونك غير قوليلي...

نريمان : امين.. انا كنبغي واحد السيد وو..

بصدمة : شناهواااا شكون هادااا

نريمان : اهئ اهئ واحد السيد مكتعرفوش نتا هواا هناا فالامارات معرفتش شنو ندير رجعت مهوووسة بيه كنشوفو غييير هواا . ندمت لي جيت لهناا ولي شفتوووو كاع من نهار شفتو وانا كنبغيه معرفتش علاش بغيتو وايمتااا دخل لقلبي معرفتش شنو ندير امين قولي عفاااك شنر ندير راني تقهرت مكرهتش نحيدووو من قلبي ونتهنى شنووو ندييير مرضني فصحتي والله...

امين : الصمت

نريمان : امين كتسمعني؟ قولي اخويااا عفاك شنو ندير عطيني شي حل راه عييت

امين : الصمت

نريمان : امين؟ واش كتسمعني!!

تنهد فالتليفون ورد، عليهاا بنبرة حزينة : سعدااتو هاد السيد، صراحة حسدتو ابنت عمي... اااااااااه

نريمان : بعدم فهم) علاش ؟

امين : المهم قوليلي دابا اناا فاش نقدر نعاونك؟

نريمان : معرفتش امين معرفتش فكر معايااا فشي حل عفاااك متخلينيش..

امين : بحزن ) اناا معمرني مغادي نخليك واخاا نتي خليتيني انريمان ولكن ماشي مشكيل اناا معاك طول ماا اناا عايش فهاد الدنيا..

نريمان : الصمت..

امين : وهواا واش كيبغيك ؟

نريمان : موحال هوا معرفش كاع بلي اناا كنبغيه

امين : اوك شوفي من احسن. لاهي راسك بخدمتك ويلا لقيتي كيف ديري تسافري من احسن.. تبدلي الجو وتنساااي واخا غا شي مدينة اخرا قريبة لفين نتي المهم ميبقااش التركيز ديالك غير معاه. واخاا بيني وبين لي كيكون باغيي يصح واخاا منعرف فين يمشي واخاا يطلع القمر ميقدرش ينسى هداك لي كيبغيه..

قطع المكالمة وخلاها حاطة التليفون على وذنيهاا. زادهاا بكلامو لي جرحهاا عرفاات ان المعنى عليهاا..

حطات تليفون فالجنب وقلبها كيضرب بالجهد.. شنو ندير حتا شي حاجة مبيديهاا ميمكنش تبغيييه بزز منهاا وميمكنش تمحي حب جهاد من بالها..

منعساااتش ليل كولو.. صباح صبحات هيا اللولة فالخدمة .. وصلات عاملة النضافة نضفات الطابق العلوي وهبطات كتجفف وتنقي. حتا كملات. خلصاتها نريمان ومشات بحالها دوزات نهارها فالخدمة وهاكا داز اسبوع كتمشي الخدمة هيا اللولة وتبقى هيا لاخراا حتا تخرج هيا و داني...

فيوم متعب يلاه خارجة من الخدمة وكتسني الطاكسي يوصل لعندهاا. شافت التليفون كيصوني معرفااش النمرة. وجوبات فالحين...

نريمان : لا معرفتكش شكون معايا

ماجد : اناا ماجد الاخ ديال ريم راه هياا لي عطاتني نمرتك.

نريمان : اه كيف داير لباس عليك كيف دايرين العائلة..

( طلعات فالطاكسي)

ماجد : صااافاا صااافا مزيان. المهم غدا عندي عيد ميلاد د ولدي مرحباا بيك تجي تفوجي معاناا شوية

نريمان : بحماس) ان شاء الله واخاا انا غنشوف نتمنى نلقى شي وقيتة. واش غديروه بالنهار

ماجد : نووو غنديروه بالليل

نريمان : اه وصافي ديك ساعة نشوف الله يحفضو ليك اخوياا وتشوفو كيف بغيتي . وشكرا بزاف حتا نتاا وقفتي معايا ومعمرني نساا خيرك..

ماجد : مغسي اميين المهم ريم قالت لياا غادي دوز موراك ملي تكون غتجي ديك ساعة تصوني عليك اوك

نريمان : وااخاا ان شاء الله.

ماجد : يلاه بسلامة اختي

قطع معاها المكالمة.

وصلات لدار دخلات نيشان لبيت نعاس جبدات كاااع الحوايج كتقلب فشنو تلبس باش تبان ف احسن حله. . تلبس هادي وتحط هادي وتبقى ضور قدام المراياا كتشوف راسها.. حطات حوايج لي غادي تلبس فالجنب. وخرجات لعند جونة كانت فالكوزينة.. حطو العشاء وتعشااو فجو هادئ هضرة قليلة. مقدراش جونة تزعم عليهاا وتبقى تسولهااا كل مرة خلاتهاا على خاطرها..

تعشات مشات صلاة .

ورجعات لغرفة المعيشة جلسات طالقة رجليهاا شادة تليفون فيديهاا وفيلم مغربي كتفرج فيه هيا وجونة..

شافت تليفون كيصوني لقاات جوديا جوباتها فالحين.

جوديا : نريمان كيف دايرة؟

نريمان : لباس الحمد الله نتي لباس عليك وابتسام؟

جوديا : بخير احبيبة كلشي مزيان ابتساام مبقاتش معايا..

نريمان : بصدمة) بصح فين مشااات؟

جوديا : راه رجعات لدارهم وداك راجل لي كانت والدة معاه بغا يتزوج بيها ايوا معرفت شنو غدير

نريمان : ايواا وشكون بقاا معاك فالصالون؟ ؟

جوديا : البنات هاهوماا خدامين ولكن مكنتيق فحتاا وحدة.. اااااه يااا نريمان كنحس براسي محتجاااك ومكرهتش تكوني معاياا والله عمرني كنت كنحس براسي ضعيفة بحال هاكاا وكنحس براسي عاجزة فمرااا

نريمان : بالآسى) حتا اناا مكرهتش نجي عندك ونكون معاك والله مبقيت باغا والو بغيت غير نرجع بحالي عييت وقنت من هنا..

جوديا : علاش مالك شنو كاين؟

نريمان : بنفي) لا حتا حاجة غير مبقيتش مرتاحة ومكرهتش نرجع فحالي..

جوديا : نريمان متحاوليش تخبي علياا شي حاجة قوليلي مالك وعلاش هاد الهضرة واش عندك شي مشكيل نتي كنهضر معاك كتقوليلي عاجبك الجو تماا ومرتاااحة. دابا شنو نبدل رايك..؟

نريمان : بضيق جوديا اناا محتجاااك وبغيت نكون معاك كنحس اختي بصدري كيحرقني وقلبي كيضرب بالجهد خااااطري مقبووط علياا معرفتش صراحة شنو ندير..

جوديا : وقوليلي مالك انريمان هضري خوي عليااا راه حتا اناا قلبي عامر ولكن كنحاول نسي ونتعااايش مع الوضع..

نريمان : بنكران) حتا حاجة غير ضايقة علياا وصافي كنحس براسي بوحدي ومعندي زهر فدنيا...

جوديا : كلناا يا حبيبة نفس الاحساس عندناا ولكن شنو نديرو نصبرو حتا يفرجهاا عليناا الله شوفي هاناا لي بغيتياا مرحبااا ف اي وقت غير صيفطيلي مسج وهاناا معاك. متيقي انريمان فحتا واحد. ونتي ماشي بوحدك. انا معاك وعمرني نخليك اختي الصغييورة هه سمعتيني. وملي تجي نسافرو منخليو فين نمشيو فالمغرب وخارج المغرب ومنخليو حتا قنت ودابا ان شاء الله نزوجك على يدي هه ونديرلك عراسيااا اسطوووورياااااا تبقى من فم لفمم وتكوني اسعد وحدة ربي كبيييير وعندو كل الخير غير تفائلي ازين ديالي صافي؟

نريمان : كنرتاح بهضرتك والله شكرا بزاف صراحة قليل لي يوقف معاك بحال هاكاا ويبقى معاك ديماا.

جوديا : ايوا ماشي كلشي بحال بحال. يلاه ازين ديالي بنتي فاقت انعسهاا ومن بعد نهضرو باي ازين

نريمان : اوك اختي تصبحي على خير...

دخلات لبيتها حطات راسها على المخدة.. وفبلاصة داهاا النعاس صباح صبحات فالخدمة وتفكيرهاا كولو مع عيد ميلاد

واش تمشي ولا لاا..

بدا يطيح الضلام والتوتر شادهااا كانت مزال متخدم لوحدة من كليانات حتا سمعات تليفون كيصوني

يلاه شافت سميتو وهيا تحس براسهاا بحالا ضربهاا الضو

حطات سيشوار ومشات كتجري لغرفة الملابس ردات عليه بلهفة قلبها كيضرب بالجهد وعينيها كيلمعوو يديهاا كيترعدواا ممتيقاااش واش بصح هواا لي كيصوني عليها

فتحات الخط وجوبات وهيا كترعد.

نريمان : الووو سلام عليكم

جهاد : سلام نريمان كيف دايرة

نريمان : بخير وانت لباس عليك؟

جهاد : صافاا بخير فين هاد الغبوور؟

نريمان : لا اناا مغبرااش ديماا هنا

جهاد : هه هير كنضحك معاك فينك دابا؟ غتجي لانيف؟ راه كنت غنقولها ليك وقالت ليا ريم قالها ليك ماجد

فينك دابا ندوز موراك راه ريم مزال مشغولة ويمكن غتجي معطلة مغتقدرش دوز موراك هيا وقالت لياا ندوز لعندك..؟

ابتسمااات بفرح وقالت : بتردد) ماشي مشكيل اناا ناخد طاكسي بلاما نعذبك تجي حتا لعندي وونتاا غتكون مشغول.

جهاد : نو انا معندي حتا حااجة غير عطيني عنوان فين كاينة دابا ندوز عندك؟

نريمان : بتردد) اا واخاا المهم واخاا تجي موراياا حتا لمن دابا ساعة هكاك بيدماا نكمل الخدمة عفاااك؟

جهاد : اامم اوك صيفطيلي مسج غنكون مكونكطي اوك؟

نريمان : اه صافي واخاا شكرااا بزاف وسمحلياا

جهاد : هانية الزوينة...

قطعات وحطات تليفون حدا حوايجها وخرجات طللات علي داني عيطات ليه. وقف عندهاا باستغرااب

نريمان : داني وقف معايااا عفااك راه خصني نخرج دابا وديك الكليانة مزال، مكملت ليهاا شعرهاا وعاد عندي شي شغاال عفاااك اداني محتاااجة نخرج ضرووري وقف معاياا...

داني : اوك معليش سيري اناا غنقول لرميسااء تكمل ليهاا شعرهاا راها كملات.

نريمان : شكرااا بزاف عمرنيييي نساا خيرك.

رجعات دخلات لبسات حوايجهاا. وهزات تليفونها وصاكهاا. وخرجات كتجري.. شدات طاكسي ورجعات لدار من باب كتعيط لجونة..

نريمان : راه اليوم خصني نمشي لداك عيد ميلاد واناا مزال موجدت راسي ممدوشة اويلي وقيلة فياا ريحة العرق ( حنات راسها شمات) مافيا والو وعاد دوشت وخصني نقاادد حالتي ونشوف شنو نلبس مزال حايرة.

جونة : اوه وكادو خديتيه؟

نريمان : بصدمة) ويلي ويلي نسيييتو كاع

حطات يديهاا على راسها كتمشي وتجي بتوترر

جونة : ويلاه نخرجو داباااا نشريو شي حاجة

نريمان : وشنو غادي نشريو انااا معرفاااش وغادي نتعطلوو

جونة : وعرفتي شنو سيري نتي خودي شي حاجة زوينة لولد صغير عندو 4 سنين اناا معرفاش عمرني شريت شي كادوو المهم نتي لي بالك خوديه...

جونة : صافي واخاا..

عطاتها الفلوس وخرجات جونة بوحدهاا.

اما نريمان دخلات الحمام دوشااات ودوزااات الصابون شللات وخرجات بينوار.

وقفات حدا مراية فبيت نعاس ديالها هازة ملقط صغير كتقلب فوجهها وذقنها فينما تبان ليها شي زغبة كتحيدهاا.. دوزات كريم على وجهها. وبدات كتشوف فالحوايج لي غادي تلبس... دوزات ديو دوغون تحت الابط ديالها بدات بالملابس الداخل ولبساات تريكو طويل واصل حتا لركبة فاللون اصفر مائل للبرتقاالي. مع سروال د جين لاسق وصبادري سوداء عالية وشال فالأسود. مع صاك صغير محرفة بيها مزخرف بمزيج من الالوان..

دوزات كريم دالبشرة على وجهها واكتفاات بكحل خفيف مع الآيلينر وعكر بارد. وبداات تقاد شال ديالها من جديد.. يلاه جلسات تلبس صبادري وهياا دخل جونة خرجات عندها نريمات كتجري..

نريمان : شريتي شي حاجة؟ شنو جبتي ؟

جونة : كتلهت) خديييت... ااا خديت براسلي ديال وليدات هاا فتحيه شوفيه واش يعجبك.

فتحاتو نريمان بالزربة شافتوو وعجبهاا باست جونة بقوة..

نريمان : شكراااا احبيبة ديالي بزاااااف بزاف

جونة : ماشي مشكيل اويلي شوفي ساعة كطير..

نريمان : وييه قلت ليه عطيني ساعة ودابا 2 سوايع لاربع اويلي تعطلت بزااااف.

هزات تليفون صيفطااات ليه مسج.. بعد 5 دقائق جوبهاا وهياا متوترة هازة تليفون كتسناه يجاوب..

جهاد : اك انا فالطريق غير هبطي

تنهداات وناضت بالزربة قداات شال ديالها مرة خرا وعودات حطات عكر خفيف. لبساات صبادري ديالهاا هزات بواطة لي فيها البراسلي خشاتهاا فصاك ديالها. وهبطاات يلاه خرجات وهيا تبان ليهاا طوموبيلتو جاياا من بعيد وقفااات متوترة كتشتت النضر وقف حدا رجليهاا حليها الباب من الداخل. طلعاات حداه يلاه بغات تمد يديها تسلم عليه وهوا يسلم عليها بالوجه. تجوبات معاه وهياا حمرة بحال مطيشة من قوة الحشمة مكاانتش متوقعاهاا...

تزنكات ومعرفاااتش راسها كيفاش تجوبااات معاه..

نريمان : سمح ليااا... ااا.تعطلت عليك

جهاد : نو بالعكس انا كان ضروري خاصني نطلاقى واحد السيد.. عاد كملت من عندو جينا انا وياك قد قد...

نريمان : هه مزيان ااا.. فين... ااا. فين غيديرو لانيف..

جهاد : فدارناا حناا مع لافااامي.

نريمان : اه مزياان.

ضور وجهو فيها مطولا وقال : جيتي زوينة شنو سر د هادشي امم؟ ههه

نريمان : بحياء) هه شكراا مكااين والوو هه

جهاد : ياكما الحب هه

وجهها حمر مقدراتش تهز عينيها فيه بقات غير ساكتة

جهاد : شتييي ههههه باينة فعينيك ماشي مشكيل من حقك متقوليليش

شافت فيه بحزن بحالا حك ليهاا على ضبرة حتا تغرغرو الدموع فعينيها..

سكتات وقلبات وجهها كتشوف فالشارع.. وهوا سايڭ.. معودش هضر وحتا هياا واخاا عندهاا فقلبهاا بزاف ميتقال ولكن بقات ساكتة

تفتحو جوج بيبان كبااار دخلات سيارة د جهاد وقفهاا فالباركينغ.. شاف فيها ببتساامة ونزل. نزلات حتا هياا ببتسامة كتخفي الحزن لي فقلبها.

دخلو مع باب الرئيسي كانت موسيقى هادئة خاصة بعيد ميلاد وبعض الناس جالسين مفرقين شي فالجردة وشي داخل.. شافت نريمان ريم وريهام نازلين من الدروج لبسين فسااتين قصيرة حد الركبة ريم فاللون احمر مع حجيرات ذهبيين ويدين مشبكيين

وريهام باللون بلو ماريين والزهري يديهاا قصاار وشعر بوكلي مع مكياج خفيف

فتحات ريم يديها تسلم عليها سلمات عليها نريمان ويلاه هيا كتسلم على ريهام وهيا تسمع صوت ماشي غريب عليهاا واقف كيسلم على جهاد..

ضارت بالصدمة شافتو وهيا تخلع..

أنس : اهلا سي جهاد لباس عليك

شافتو تصعقاات وهوا كيسلم على جهاد باليد ضور عينو كيشوف معامن كان واقف وهيا تبان ليه نريمان.. طلع واحد الحاجب ودار ابتساامة خافته.. ملي شافهاا..

قرب عندها على انضار جهاد وريهام وريم لي معرفين والو. مد ليهاا يدو وقال : اوووه شكون هنا كيف دايرة؟

شافت فيدو وعودات شافت فيه مدات يديها سلمات بالزربة وخطفاتها من يدو وتوخرات اللور..

جهاد : كتعرفو بعضياتكم ؟

أنس : اامم اصدقاء كنت كنعرفها ملي كانت مزال فالمغرب. اولا نريمان.

نريمان : شافت فجهاد ) اااه هواا ليي.. ليي و. .وووراني ماجد وقالي ندير عندو العملية

أنس : بسخرية) هه معندي ميتساالك مزال عاقلة..

ريم : وزيدو تفضلوو جلسو غتبقااو واقفين. ( غمزاتها) اجي معايا انريمان.

مشات خرجات معاها الجردة وانس من داخل بقاا متبع ليها العين. جهاد هاز ولد ماجد كيبوس فيه هزو فكتفو طالع بيه لطابق الثاني..

جلست نريمان هيا وريم على فوطوي لي فالجردة..

ريم : ايوا شنو درتي عاوديلي قالك شي حاجة؟

نريمان : بخوف) والو يا ختي مقال ليا حتا حاجة باقي الامور غادية هكاك..

ريم : امم وعرفتي شنو غديري بداي تجبدي معاه الهضرة وسوليه المهم هرسي داك الملل لي بيناتكم عطي الفرصة راسك وعطيه فرصة حتا هواا باش يبغيك.

نريمان : واخاا صافي..

ريم : المهم نوضي ندخلو لداخل وقيلة غيقطعو الكاطو داباا شوفي راهم كيتجااامعو.

ناضت ريم مع نريمان دخلو لداخل. كانت طبلة زجاااجية مربة كبيرة وسط منها طارط سوبرماان بجوج طبقاات كبيرة.. وطبيسلات محطوطين مستفين على شكل وردة بالشوكات دياهم. فطبلة اخرا محطوط فيها آلذ المأكولات والمملحات والحلويات كل ما تشتهي الأنفس محطوط من عصائر ومشروبات.. واقف ماجد هاز ولدو والزوجة ديالو جنبو شادين سكين فيد الولد وفيد ماجد..

طفات ريهام الضو وبداو كيغنيو هابي بيردهاي ثوو يوو... جهاد خرج برا ونريمان متبعة ليه العين. وهيا تسمع صوت كيهضر ليهاا فوذنيها بهمس.

أنس : قلت ليك غنطلقاااو ولا لاا هه

شافت فيه بصدمة وقالت : شنو جاي كدير هنا نتا.

انس : هه انا جيت عند صاحبي والمعرفة ديالي نتي لي شنو جاية كديري هنااا... اااااه نسيت نسيييييت هههه شحال حمق انااا. جابك البقوص ديالك جهاد ههخخخخه بشااااخ اودي كنتي غالية عندي ورجعتي رخييصة.. غير هواا ازين راه يومااين 3 ايام طوطال ديالك ويرميك.. صاحبناا كيبغي الجديد دونك نتي مغطوليش عندوو اوك ازين

خرجات فيه عينيها وقالت : جمع فمك ولا راه مغيعجبك حال

انس : اوووه خلعتيني بصح؟ اش غديري كاع المسخنة ابنت ق**

كملات الاغنية.. وشعلو الضو كيسفقو بسرعة ختفى أنس من حدا نريمان بقات مهبطة عينيها كترعد والخوف شادهااا...

يلاه هوما كيقطعو الطارط وهيا تمشي نريمان لعند ماجد سلمات عليه وعلى الزوجة ديالو.. جبدات كادو ديالها من صاك وعطاتو لزوجة ماجد. شكراتهاا بزاف وباستهاا ورحباات بيها...

استأذنات منهم نريمان يلاه ضارت وهيا تصادف مع مدام آسيا .. قربات لعندها وقالت :

نتي شنو كديري هناا ؟

نريمان : خالتي لباس عليك ؟

آسيا : واش مقاادكش داكشي لي داز دابا جايا حتا لدار اش سلطك علينااا.

نريمان : بحزن) سمحيلي عمرك تعاودي تشوفي وجهي..

خرجات الجردة كتبكي مقدراش على هاد المواقف لي طاحت فيهم...

لقات انس مع جوج رجال واقفين كيهضرو قلبات عينيها بسرعة ومشات كتقلب على جهاد. لقاتو واقف حدا السيارة ديالو كيهضر فالتليفون وكارو فيديو كيخرج الدخان فالسماء.. قطع المكالة وهيا توقف حداه.. بتردد وقالت : جهاد واخااا تردني لدار؟

جهاد : علاش؟ مالك

نريمان : والو غير بغيت نمشي وصافي

جهاد : ايوا ساعة مكملاش باش جيناا واش قلقك شي حد ولا

نريمان : بعصب) جهاد بغيت نمشي فحالس وصافي...

جهاد : اووك صافي تهدني طلعي يلاه نوصلك..

طلعات حداه طريق كلها وهوا كيسولهااا وهيا كتنكر مكاين والو غير حسيت بالضيق غير ممرتحااش...

وصلات كتفاات تقوليه تصبح على خير وخرجات من طوموبيل بالزربة وطلعات لدار...

كيف دخلات بدون شعور فقدااات السيطرة نهاااائيا بقاات كتريش فراسهاا وتغوت على حررر جهدهاا وجونة كتحاول تفكهااا وتشد ليهاا يديها ولكن هيا غير كدفع فيهااا. دخلات البيت وشدات عليهاا شدات تليفون بيديها بقوة ورمااتو مع المرايا حتا تشتات جونة برا حلقهاا غادي يخرج بقوة العياط والدقااان. حتاا سمعاتهاا سكتات رجعات كترجاااها غير تحل خايفة من هاد السكات عندااك تكون ماتت او دارت فراسهاا شي حاجة.. حلات الباب ودخلات جونة كتجري. شداتهاا عنقااتها كتقراا عليهاا القرآن وهيا جالسة فالارض كتنخصص وتبكي بهستيرية...

دازت اكفس ليلة عند نريمان..كان فيها جهاد كيصوني ويعااود ويصيفط مسجات ولكن بدون مجيب حتا جوباتو جونة. وخبراتو انهاا عيانة شوية وراهاا نعساات عاد اطمئن عليها.. دوزات يوماين وهيا مريضة بالسخانة والرجفة والتقياااا والشقيقة تجمعو. عليهاا

اتصلات جونة بنجود وخبراتها بمرض نريمان. باش تعرف السبب لي ممشاتش فيه الخدمة..

ريم كل مرة تصوني وتسول على حالتها.. فاليوم ثالت صبحات شوية.. دوشات ولبسات حوايجها وجلسات على طبلة د فطور كتقرا مسجات د جهاد.. وهيا تسمع صوني فالباب ناضت جونة تحل وهيا تسمع نريمان صوت ريم كتهضر ناضت بالزربة لعندها

سلمات عليها ورحبات بيهاا.. دخلو جلسو فالصالة وجونة مشات الكوزينة..

ريم : يا ختي خفت عندك غاا تكوني عطيتيني عنوان غالط..

نريمان : كي دايرة لباس؟

ريم : بخير مالك انريمان، علاش مكتبغيش نهضري فالتليفون وعلاش فلانيف خرجتي بالزربة وحناا عاد كنا غنتعشااو اون سومبل ونهضرو وتزيدي تقربي من جهاد .

نريمان : مقدرتش اختي وحتا ماماك مبغاتنيش نكون فدار. معجبهااش الحال نشوفي تماا حيت مرة فايتة كانت لقاتني عند جهاد..

ريم : اااه عارفين هاذشي وراه هيا هضرات مع جهاد وهوا خاصم عليها وخرج من دار معاودش رجع لعندهم..

نريمان : وعلاش؟؟

ريم : ايوا معجبووش الحال طبيعي ماما كتزيد فيه شوية.. المهم كيف بقيتي دابا شنو درتي مع جهاد..

نريمان : والو اختي هانتي كتشوفي مزال هادي 3 ايام ممشيت الخدمة غير دار والمرض..

ريم : ايوا رخفي على راسك وشوفي خودي القرار لي غادي يريحك فحياتك متبقاايش تمرضي راسك هاكا..

حطات ليهم جونة سينية من جديد. فطرات ريم مع نريمان وهوماا كيهضرو...

مشات ريم بحالها.

اما نريمان عودات كتقرا فالميساجات د جهاد...

جهاد : شوفي متعصبيش اوك انا قلت ليك الا كنتي محتجاني فشي حاجة هاناا موجود...

جهاد : الا بغيتي تبدلي الجو تسافري او تخرجي قوليهالي اوك؟ مرحبا المهم نفسيتك ترتاح..

جهاد : قلت ليك حنااا اصدقاااء ومنخبيوش على بعضياااتنا والو وراكي بحال ريم صغيورة عندنا فالدار الا بغيتي اي حاجة هضري معاياا اوك؟

جوباتو بكلمات الشكر وهيا حزينة محملاش تكون فمقااام ختوو هادشي لي هياا مبغاااهش..

لبساات حوايجهاا ومشااتت الخدمة. وهيا خيفاانة كتشوف فطرافهاا حاضية يخرج ليهاا أنس من شي جهة..

فاليوم الموالي. عرض عليها جهاد الغدا وقبلاات وطلبات من داني يخليها تخرج. وخرجاات تغدات معاه وهيا فقمة السعادة..

حاسة براسهاا كطير فالسمااا ..

وصلها حتا الخدمة دخلات ببتسامة عكس اليوم لي داز دخلات معصبة وغير كتبكي.

فالليل صيفط ليها جهادمسج.

كيسول على حال ديالهاا.. جوباتو وعاود، جوبها فالحين. وعودات جوباتو وعاود رد عليهاا.. الليل كولو وهوما كيهضرو وهيا جالسة حدا بريز كيتشارجي تليفون لي واصل 2% غيطفى وهيا جالسة كتشارجي وتهضر معاه.

عذاب الحب ألمها بزاف فاليوم الموالي بعدما كملات من الخدمة لبسات حوايجها وخرجات هيا وداني لبرا..

صيفطاات مسج ل ريم وقالت ليهاا

نريمان : ريم ختي انااااا عييييت وعييييت بزاف اناا غادي نقول لجهاد كلشي وغنخلي الامور كلهاا فيد الله..

خرجات نريمان من المحادثة لي بينها وبين ريم

ودخلات لعند جهاد...

وقفو فالطريطوار وهيا كتكتب مسج لجهاد ..

داني : كنت، بغيت نوصلك معايا ولكن نتي عارفة طوموبيلتي مزال كتصلح

ردات عليه وعينيها فتليفون : لا ماشي مشكيل مرا خرا ..

داني : ها طاكسي غطلعي نتي؟

نريمان : لا اناا كنتسنى واحد ديماا كيجي موراياا..

داني : اوك تصبحي ع خير

نريمان : حتا نتا بسلامة..

كملات المسج ديالهاا كتخرج كل ماا فقلبها..

نريمان : معرفتش راسي كيفاااش بغيتك يمكن هادشي غيجيك غريب ولكن هادشي لي كاين. يمكن نتا كتشوفني غير صديقة ولكن اناا مكنحسبكش صديق يمكن نفس ديالي اوكسيجين ماشي كنقلل عليك الحياء ولكن سمح لياا هادشي لي كنحس بيه. كنبغيك بزاف اجهاد لدرجة الجنون وتقدر تسول اي واحد وغير ريم سولهاا حتا هياا عارفة عييت منحاول نساك ونحيدك من بالي باش نرتاح ولكن مقدراش بغيتك لواحد درجة راه منقدرش نوصفهاا ليك كيعلم بيها غير الله تعالى...كملااات على المسج ديالها الطويل وزادت مسج اخر.. طول من اللول عاد شعلات كنكسيون وصيفطااتهم دقة وحدة...

هزات عينيها تشوف طاكسي واش جاا لقات مزال. عودات شافت فالتليفون وهيا تلقى جهاد مكونكطي وداخل كيقرا مسج ديالها.. تلفاات ودهشاات من قوة الخلعة طفات التليفون وقلبها كيضرب فالمئة.. بان ليها طاكسي وقف حدا رجليها طلعات فيه بالزربة.. يلاه عطاتو العنوان وهيا شادة تليفون بين صدرهاا ... شافت طاكسي وقف هز شخص اخر. مرداااتش البال لشكون طلع او شكون موراها وهوا ينطق..

أنس : اليوم غتكوني ضيفة عندي احبيبة

هزات عينيها فالمرايا د طاكسي مصدومة بان ليها وجهو كيبتاسم بشرر...

حطات يديها على باب وتلفتات بسرعة لعند مول طاكسي : وووقففففف وقفففف نزلنييي هنا وقفففف خلينييي نخرج بحالي..

ضحك بسخرية وقرب لعندهاا مغزفف جبد موس صغير وخرج يدو من كوسان لي جالسة عليه حاط موس قدام عينيهااا وقال : غتسدييي فمك ولا هاد الوجه لي فرحااانة بيه دااابا غنزوقووولك. ( بصرامة) قدااامنا بوليس غندوزو من حداهم تهضري ولا تخرجي على فمك شي هضرة غتندمي على نهار لي تزااديتي فيه نتسمعي..

حركات راسها بخوف الدم تخطف من وجهها.. قلب ديالهاا غيسكت.. جمع يديه بسرعة وخشاا موس فسروالو من داخل وجلس عادي شاد تليفون فيدو..

يديهااا كيترعدوو شافت ف مول طاكسي مراقبهاا داز من على رومبوان.. وقف قدام البوليس يلاه كيعطيهم الوراق وهيا تشعل تليفونها دغياا مخبيااه .. مد ليهم الوراق وبوليسي كيطل على نريمان وعلى انس من اللور دخلات بسرعة الواتساب لمحادثة اللولة كان جهاد لقااتو مصيفط ليها اوديو ومصونيي عليها ماا مرة ماا جوج

..

كتبات مسج بسرعة مع اخطاء فالكتاابة...

عتقينيييي اجهاد غنمووووت راه انس منعرف فين داينييي عتقيييييني عفااااااااك صوني على بولييس انااا كن....

صيفطات مسج بلاما تكملو ملي شافت طاكسي زاد..

وهوا يخطف ليها انس من اللور تليفوون وقال تحت اللسان : لمنننننن يصيفطتي مسج لمممن؟؟؟ جااوبي لمنن

نريمان : اهئ اهئ تت ت تااا وااااحد

شد ليهاا يديها بقوة لوااها ليها كانت غتقرض وهياا كتغوت

انس : لعبتيي معاياااا بزااف ودابا جااا وقتي حتااا انااا نوريييك شكون هواا يونس..

نريمان : حرام عليك فييين دايييني اهئ اهئ شنوووو درت ليك. انااا علاش كدير فياا هاكا..

انس : سدييي فمك سكتيناااااا...

وقف طاكسي حدا مبنى عشوائي فموقع مهمش... وقف طاكسي وخرج يونس خرج باب من جهة نريمان وجرهاا من يديها بغات تنتر من يدو تهرب ولكن زاد شدهااا بقوة..

انس : تحت اللسان) غتسكتي ولا مغيعجبك حال .. ضار لعند مول طاكسي وقال : صافي سير نتا..

جرهاا من يديهاا وهيا تبعاه دخلو مع الباب كبير بجوج بيبان محلول.. طلعو فالدروج واصوات قهقهاات بناات كيتسمعو فكل اقاامة .. زاد خوفهاا وشكوكهااا فشلو رجليها وهيا طالعة فالدروج شدها من رقبتهاا ودفعها حتا وقفات قدام باب د الحديد.. ضارت عندو بخوف كترعد..

نريمان : انس خليني نمشي بحالي عفاااك والله والله لا قلت لشي واحد هادشي غير خليني نمشييي بحالي اناااا مزاوكة فييييك اخوياااا اهئ اهئ...

حرك راسو كيتحلف فيهاا.. جبد السوارت من جيبو وشد، يديها بقوة وهوا كيفتح الباب..

دفعهاا حتا طاحت على جنبهاا تزوااات.. وهيا شادة فجنبهاا كتبكي باغا تنوض.

انس : اناااااا اناااااا ابنت الكلب تمرمدينيي هاكاا هاااا. شنو حااااسبة عند ك**

شدها من ذقنها بقوة) عاجبك زينك صافي درتي العملية مبقيتيش مغطية قمقووومك دابا تحليتي ل ز*** عاااجبك الحال ابنت ق****. انااا لي جيتك فاص بديتي تنقزي وترطااي عليااا وهادو تحليتي ليهم دغياااااا..

مخرج فيهاا عينيه وهيا كتبكي وترعددد بين يدو.. عطاهاا تسرفيقة الوجه حتا دوخها زادهاا لوخرااا وهيا كتمااايل بين يديه

نريمان : بعدييي مني حراممممم عليك. اااااعععععععععع

انس : غتسكتي ولااااا غنفرع ليك هاد الفم كاع داك التعفييير ديالك اناا لي غنقطعووو فيك..

جر ليهاا شال ديال من على راسها حتا دخلات ليها الشوكة فعنقهااا. جرهاا من يديها ورماهاا على الفراش

شد شعرهاا بهماااجية كيتااهم فشفاايفهاا بكل وحشية.. وهيا كترطااا بين يديه وكينتف الحوايج لي لابسة.. وهيا كترغب فيه وكتشوف فيه بخوف وحزن بحالا الموت قدام عينيهاا...

وقف حيد تيشورط لي كان لابس يلاه بغات توقف وهوا يرجع يرميهاا على الفراش شاد فيها بقوة كيحيد ليهاا الكسوة لي لابسة..

حسات بالموت داخلة معاهاا... مقدراتش تقااوم التقل ديالو .. كتدفع فيه بكل ماا فجدهااا بدون اي جدوى...

شاف فيهاا بشهوة وقال : شنو بانلك هادشي يكون بخااااطرك امم...

نريمان : اهئ اهئ خليني عليك عفاك بعدييي مني واش كاينة غير انااا عطا الله لي باغي هادشي بعد مني عفاااك اهئ اهئ..

وقف من عليها وقال : عرفتي شنو غندير اناا مباغيش الحبيبة ديالي دوز ليلتهاا معايا اممم وهيا متكوونش راضية عليهاا.

نعطيك من هناا لغداا نبغيك توجدي راسك وتجيني بخاطرك

قرب ليهاا كتر وجهها قدام وجهوو شاد ذقنهاا بكل قوة : وعرفتي وتقولي لاااا ولا منلقاااكش موجدة ليااا ودوزي ليلتك معاياااا بخاطر خاطرك وعاجبك الحال معاياااا. خخ عرفتي شنو ندير معاك ههه؟

جوج نجيبهم يدوزو عليك قبالت عيني ونتفرج فيييييك ايوا ختاااري دابااااا. راه نتي مزال مكتعرفيييش شكون انااااا..

بعيون مدمعة) وشنو اناا درت ليك. اهئ اهئ اهئ واش بزز مني نبغيك وبزز مني نتيق ونمشي معاااك حرام عليك حتا نتاااا عندك خوتك تبغي لي يضحك يتكرف ليك على هنااء.

عطاها تسرفيقة حتا جات دايخة..

انس : هنااء بزاف عليك اسعااايااا كنتي كتستغلي ختي من نهار لي جينااا سكناا فالحسيمة ونتي كتااخدي منهاا الحوايج والفلوووس كنتي باينة على حقيقتك المسخة

بعيون مدمعة كترعد) حسبياااا الله ونعم الوكيل حسبياااا اللله ونعم الله. اهئ اهئ حرام عليك ربي غيخلصك عمرني استغليتهااا ولا بغيت ناخد من عندهاا هياا لي كانت كتبزز عليا اهئ اهئ ..

ناض ضحك بسخرية.. دخل لطواليط وخلا الباب مردودة.. فحين هيا ناضت بالزربة بغات تحل الباب تخرج لقااتو مسدود.. بقااات كضرب فالباب بحر جهدهاااا وكتغوت على لي يعاونهاا...

خرج لعندهاا عاقد حجباانو وقف قدامهاا مغزف شدهاا من شعرهاا بقوة وجلس كيسرفق فيهااا ويديه شادين شعرهاا بكل قوة طيحهااا فالارض وهواا كيتحلف فيها

انس : نعاااود نسمع صوت ابنت ق ** عرفي ليلتك غتكون اكفس ليلة على وجه الارض الشيطااان ويحييير فشنو غندير ليك كتسمعي..

هز قرعة صغيرة د زاج شدهاا بين يدووو وشاف فيهاا مخرج عينيه الحومر...

انس : هادي نخور بيهااا اصل مك كتسمعييي وراني مكنهضرششش كنطبق وهادي ديريهااا فباللك وعرفييي مقلت لهضرة حتا كنديرهااا...

شاف التليفون كيصوني. شدها من شعرهاا ناضت بين يديه دخلهاا لواحد بين فيه بونجة ومخدة وسرجم صغير فيه شبااك..

رماهاا تماا وقال : غداااا .. غدااا احبيبة نوبتك وجدييي ليااا راسك ندوزو ليلتنااا غزالة ورطبي راسك شوية براكة من ديك التعفير ( شاف فالسرجم) وهاااا عنداك يمشي يزغب الحال وتقولي غنغوت راه لي نديرو معاك بلاماا نعاودو ليك..

غمزهاا وخرج سد عليهاا الباب غرفة مضلمة من غير ضوء القمر لي داخل...

خرج مشاا حمام خدا دوش ولبس حوايج كلاص. وخرج كيرش ريحة. وقف قدام المرايا كيشوف راسو.. .رجع لعندهاا لقاهاا مكمشة كتبكي..

انس : متبكيش احبيبة نوبتك غداا. ولا نبدا بيك نتي لولا؟ الا بغيتي اناا مسالي لزين ديالي ؟ ..اوك على خاطرك اليوم نهار د بكاا ولكن غدااا نهار د مشاط وليلة سخوونة.

غمزهاا وخرج شد باب. وخرج من باب د بارطة وشدو حتا تسمع لعند نريمان تزدح..

جلساات كتبكي بهستيييرية تليفون خداه ليها معندهاش باش تواصل لا مع جهاد ولا مع حتا شي واحد لي يقدر يعتقهاا. واش صافي الجهد تسالا؟ صافي تسلم راسها ليه. بغات طل من داك السرجم ولكن كان عالي فالراس متلحقش ليه..

رجعات تكمشاات فبلاصتهاا العقل ديالها غيخرجو.. مقدراش تسكت من بكاااا .. رجعت وقفاات على زليج كتشوف فالارض وفالسماء معرفاش راسهاا شنو باغا دير. حنات الارض سجدااات كتبكي بحرقة وكتدعي الله يخرجهااا من هاد الحالة...

منعسااتش ليل كولو بايتة كترعد وتدعي فنفسها..

فاليوم الموالي حتا تعشااات العشية. وقرب الضلام يطيح عاد سمعات الباب تحل.. وبعد 5 دقائق جاا لعندهاا حل الباب وقال : زين ديالي صاافا؟

يلاه نوضي وجدي ليااا راسك ليلة غتكون طويلة وغتبدااا من دابااا حيت انا مشوق ليك. يلاه نوضي هاا دوش وهاا حوايج جبتهم لزين ديالي..

هز يديه كانت شوميز شبه عارية مشبكة فاللون الاحمر..

انس : عجباااتك؟ يلاه نوضي دغياااا مقااادرش نصبر كتر من هاكاا ( غمزها)

شافت فيه وفالشوميز لي بين يديه.. هبطات راسها بحزن وهوا يفزعها صوتو من جديد..

انس : واش اناا غنبقى نتسناااك هناا ولاا شنووو نوضي ت **

ناضت بسرعة وقفات حداه وبين فخاضها كيتلسقو.. فالليلة لي مضات من قوة الخلعة وشاد عليهاا حتا طواليط مكينااش فزكات حوايجهااا بالبول ملقااات مدير من غير تبقى هكاك..

انس : يلاه سيري رااا حمامم بفف على ريحة تففووو وعاد زيداااهااا بتعفيييرة

دفعهاا لبرا جهة حمام هز صبعو موجهو لوجهها وقال : هادشي مفيهش تخمام ومفيهش تعطال.

شدها من خصرها من قوة كيبجغ فيه وقال : هااحححح مقدرش نصبررر طلقي راسك دغيااا... ولا نعيط ليهم احبيبة شنو قلتي...

حركات راسها بالنفس وهيا كترعد..

انس : ايوا مزيان هاكاا نبغيك. يلاه سيري هاااا وبلا تعطااال..

مد ليها كسوة لبين يديها شداتهاا ودخلات لحمام . طلقاات الماا وجلسات على لاصاش كتبكي بحرقة وطلب الله فنفسهااا يعتقهااا ويدير ليهاا شي مسلك...

كانت كرشهاا كتقطعهاا بالحريق.. مزيرة عليها بيديهاا بجوج.. مقدرااش تلبس هادشي لي عطاااها ومقدراااش تخاايل راسهاا فحضن واحد كتمارس معاه شي حاجة لي عمرها خطرات ليها على البال. شي حاجة لي كتعااافها من الصغر وطلعاات معقدة من علاقة الحميمية بحكم ديماا كانت كتسمع الهضرة على ولديهاا انهم جابوهاا لدنيااا عن طريق ديك العلاقة المحرمة المتسخة وانهم خداو على امهاا اسم عاهرة او بنت سوق كيف كانو كيعايروهاا فدار..

دازت نصف ساعة وهوااا كيدق عليهاااا من برا.. زاد كيدق بالجهد وكيعيط ليهاا وهيا غير كتبكي. مقدرااااش نهااائيا انهاا تحيد حوايجهاا وتوجد راسها ليه ..

هددها انه غادي يفرع الباب وغادي يدخل ليه دوك الجوج.

خافت وناضت بالزربة حلات الباب وهوا يشدهاا من شعرها بكل قوتو حتا طرطق الزغب... وقف خلفهااا وزيرهاا مع جسم ديالووو كيتحكحك مع المأخرة ديالها..

انس : شنوووو داباااااااا حابسة غير كنهضر ولاااا شنوووو عيت منقولك جمعي ك** معاياااا مبغيتيييش هااااا مبغيتيش الخاااااااطر امممممم شنوووو هااححخح شنوووووو داباااا يلاااه. قررري اناااا وداباااااا ولا نعيط ليهم...

نريمان : اهئ اهئ انس خليني اخويااا نمشي بحالي انااا منقدرش احححح كتحرقنيييييي اااايييي

زاد برك عليها بالقضيب ديالو هبط شورط ديالو وتبعو بالسليب يلاه بغا يطلع ليها كسوتها ويهبط ليهاا سروال الرهيف لي لابسة تحت الكسوة وهيا توقفو بيديهااا

نريمان : لااااا عفاااااااااااك عفااااك اهئ اهئ اهئ اناااا مزاوكة فيك فميمتك وفكل مااا عندك غاالي عفاك اهئ اهئ..

شدها من عنقهاا وقال : شنوووو تعطيني بخاطر؟؟

حركت راسهاا بالايجاااب رخى منها وهواا عاري مقدراش ضور وجهها فيه..

انس : يلاه اجي ممعاياااا

وزييييديييي دخلي ت** ولا غندخل ق** د موك بالدقة المراكشيةة...

حنات راسها الارض ودخلات تبعاه لبيت مقدراش تشوف جسم ديالو العاري لي كيبانو فيه غير قاع د رجليه وهوا كيتمشى.

وقفات فباب اماا هوا تكاا فوق الفراش وقال : اجيي يلاه حيدي دوك الحوااايج واجي...

بدات كتبكي مقدراش تزعز من بلاصتهااا وهيا كتسمعوو كيردد كلامو...

انس : بعصبية ) معااااااامن كنهضررررر اناااا تجي ولا نجي نفرع امك وااااااقفة

نريمان : منقدرش عفاااك اهئ اهئ خليني عليك عفاااك اهئ اهئ...

ناض كيحرك راسو بالزربة كيتحلف فيها. هز فوطة لواهاا عليه وخرج لبراا. حل الباب وعيط بالجهد . ناااااايف نااااايف عطية

جاوبو نايف من التحت وقال ليه : طلعوووووو.

خرجات عندو نريمان هبطاات لرجليه باغا تبوسهم كترغبوووو وهوا يدفعهاا..

انس : هاحناا غنشوفو تعفيرتك فين توصل..

جلس على فوطوي ناشر يديه وهيا جالسة فالارض كتبكي بحرقة. يلاه شافت الباب تحل وهيا تنوض مخلووعة كتشوف فيه غتهرب... ترجعااات اللور لخطوات وهيا تشوف سرجم مفتوح وريدو دايز.. توخرات اللور معرفاات راسها فشمن طابق هيا.. ضارت بالزربة ومشات لجهتو دوزات الريدو بالزربة وبلا متشوف ولا تردد رمات راسها من تما ( حدث واقعي )

بعد شهر..

بأحد أكبر المستشفيات بمدينة دبي..

وعلى فراش طبي ناعسة نريمان جوج رجلين مفرقين وحدة خارج ليها الحديد من برا من فوق الركبة حتا لتحت ولاخرا من الفخض كلها دايزة غراز هابط حتا لتحت..

جوج يدين مهرسين وحدة بالجبص. ولاخرا بالعملية والحديد..

والعنق فيه كول وراسها ملوية عليه فاصمه.. مكضورش راسها

..حلات عينيها بتقااالة كتبان ليهاا غير ضبابة..

عودات شدات عينيها وعودات حلاتهم باش توضح ليها الصورة.. شافت ممرضة واقفة حداها كتبدل ليها السيروم... غير شافتها حلات عينيها وهيا تبتاسم وقالت : لباس عليك كيف بقيتي شوية؟

شدات عينيها وعودات حلاتهم وكأنها كتقوليها لباس...

خرجات الممرضة وفالحين دخل عندها الطبيب. كيفحص فيها وهوا مبتاسم وكيطمنهاا..

فديك الأثناء دخلات جوديا بعيون حومر غير شافتها نريمان وهوماا يهبطو دموعهاا بغزارة. قربات لعندهاا جوديا باستها فجبهتها ودموعهاا هابطين..

جوديا : اهئ اهئ على سلامتك احبيبة كيف بقيتي؟

شدات عينيهاا وحركات راسهاا بالايجاب..

جوديا : لا حول ولا قوة الا بالله وشهاااد المكتاب وشهاد الحالة اهئ اهئ.

دخلو البوليس فديك ساعة كانو 3 د رجال ومعاهم الطبيب...

الشرطي : سلام كيف بقات شوية؟

وقفات جوديا : هانتا كتشوف حالتهاا

الشرطي : امم خصناا ناخدو الاقوال ديالهاا على الحادثة لي طرات

جوديا : واخاا ولكن راهاا عاد حلات عينيها غير هاد يومااين من بعد غيبوبة دامت شهررر وراك شايف الحال ديالهاا متقدرش تهضر...

شاف فيها ورجع شافت فجوديا : انشوفو معاهاا بعدا

قرب لعند نريمان وقال : كيف بقيتي شوية ؟

حركات راسهاا بصعوبة مقدراش تنطق اي كلمة..

الشرطي : متقدريش تهضري ؟

حركات راسها بالنفي.

ضار لعند جوديا وقال : المهم غنعاودو نرجعو لعندهاا ملي تولي لباس. خليها لينا الراحة..

جوديا : شكرا بزاف..

خرجو وهيا ضور جوديا لعند نريمان جرات كرسي وجلسات حداهاا كتحصر على حالتهاا لا يدين لا رجلين لا راس لا عنق حتا حاجة مفيهاا صحيحة. شافت فيها جوديا وهيا تشوف دموع هابطين مع جناب عينيها.

مقدراتش تكالمي راسها وانهااارت حداهاا بالبكا..

جوديا : اناا مزال مصدوووومة وممتيقااااش انريمان . كون مشيتيييي معايا الله يحرق بوها بلاد اش عطاااتك اششش. هانتي تهلكتي فصحتك هاااانتي جبتيهااا فراسك. اربييي وعطيني الصبرررر بلا قدر ..

شافت فيها بالاسى : صافي انريمان متبكيييش عفاااك دابا تشفااااي دابا ترجعي لصحتك دابااا هادشي كولو يتبدل وترجع حياتك للأحسن.. عفاااك متزيديش تبكي ..

منقدرش نلومك ونتي فهاد الوضع. ومبغاااش نزيد على ماا بيك. هادشي علاش انا كنت، خايفة عليك. هادشي علاش مبغيتك تيقي بحتا واحد. وتحضي راسك بفففف.

تحل الباب ودخلات معاه نجود وملامح وجهها الحزينة .. قربات لعند نريمان ببتسامة. باست ليها جبهتهاا.

شافت ف جوديا : كيف بقاات شوية؟

جوديا : هانتي كتشوف الحال لي هيا فيه..

نجود: لا حول ولا قوة الا بالله. نريمان كلشي عندو حل وحنا هناا عائلتك وغادي نوقفو معاك ومغااديش ننخليووك .. داك المجرم تشد وراه غادي ينال العقاب ديالو حيت ياااما بنات داهم بزز منهم مغاربة وخاليجين وسياح من اوروبا . استغل بزاف وباع بزاف د بنات لشي وحدة بالفلووس. كتري من الحمد الله وخليك قوية هادشي كولو غادي تجااوزيه اوك..

حركات نريمان راسها.. وهيا تشوف باب تحل.

شدات عينيها وعودات حلاتهم لقاات جهاد داخل مع باب..

لابس تيشورط فالرمادي. وسروال فالاسود مع لافيست فالاسوء....

شاف فنريمان وشافت فيه بعيون حزينة...

قرب لعندها ببتسامة وقف حدا راسها. وهيا دير نجود اشارة لجوديا براسها باش يخرجو.

ناضت ابتسمات فوجه جهاد وقالت لنريمان : نريمان حنا حدا باب الا بغيتي شي حاج.

حركات راسها بالايجاب. خرجو وهيا تهز عينيها فجهاد لقاتو كيشوف فيها بحزن..

جالسة كتبكي بحرقة حاطة يديها على راسها ونجود كتشوف فيها بالآسى..

نجود : بقات فيااا.. بقات فياا بزاف متستااهلش هادشي ومزال صغيرة..

جوديا : الصمت

نجود : جوديا حبيبة انا عارفة هيا كتر من ختك وكتبغيها بزاف وكتخافي عليها ولكن صبري راسك وشوفي صحتك حتا نتي. متزيديش تعصبي كتر من هاكااا...

جوديا : بعصبية) نجود واش مكتشوفيش البنت كيف داير!!! عضم واحد مفيهااش صحيح صبعااانهااا ومكتقدرش تحركهم البنت بصعوووبة نجاااة من المووووت!! اناا مزال مصدومة وغنبقى حياتي كلها مصدومة ممتيقاااش اهئ اهئ اهئ راه معالم بقلبي غير الله..

نجود : بحزن) حتا اناا بحالك مصدومة ولكن شنو المعمول لا حول ولا قوة الا بالله

جوديا : انااا بوحدي لي حاسة بيها وعارفة مسكينة كيفاش دايرة حالتهاا وتصوري مع بالك انجود. ( كتحسب، بصبعانها) معندك واليدين.. معندك خوت.. معندك شي حد فحياتك لي واقف معاك.. وصغيرة ومزال مكتفهمش فهاد الدنيا ويطرا ليك هادشي كولو فحياتك !!!

نجود : حركات راسها بحزن) نتاحر اناا يمكن منقدرش ،،

صراحة صعيب حنا غير كنهضرو هيا مسكينة لي كتعاني اما اناا فبلاصتهاا مكنضنش غنقدر نصبر..

جوديا : هادشي علاش انا شادة فيهاا ودرتهاا ختي يمكن ربي حطها فطريقي باش تعوضني على الفراغ د ختي الصغيرة لي ماتت.. وحطها فطريق باش نكون ليهاا عون كنتمنى انجود نقدر نعاونها.

ابتسمات نجود وهيا حاطة يديها على كتااافهاا : انا عارفااك بنت الناس وعارفة قلبك كبير وكتسااعدي اي واحد بان فطريقك. ناس بحالك اجوديا قلالو.. كتعطي ومكتسناش شي حد يعطيك ولا يرد ليك. ( بندم) سمحيلي اختي على داكشي لي طرا بيناتناا وحتا انااا خرجت العيب واخاا رجعنا كنهضرو ولكن عارفة قلبك مزال مغير من جيهتي ومزال واخدة فقلبك من داكشي لي طرا.

جوديا : بسخرية) هه

نتي لي مزال شادة داكشي فقلبك اماا اناا نسيتو وكنصحك حتا نتي تنساايه وخلي قلبك سميح

نجود : لهلا يخطيك احبيبة ديالي.

جوديا : بتساؤل ) جهاد معرف شنو بغااا قالي بغا يهضر مع نريمان بوحدو؟

نجود : بتردد) ااا مم ممعنرفش.

جوديا : بتشكيك) نجود! عارفة شي حااجة ومخبياا عليااا ؟ راه منسمحلكش الا خبيتي عليااا شي حاجة!

نجود : بفف واخاا ولكن عنداااك تمشي تقولي هاادشي ل نريمان!

وقفات جوديا عاقدة حجبانهااا وقالت : شنو!! هضري قوليلي شنو مخبعين عليااا

نجود : يلاه نهبطو لتحت نجلسو فكافي ونهضرو ..

هبطو بجوج بيهم جلسو قبالت بعضيااتهم وجوديا كتشوف ف نجود كتسناهاا تهضر...

جوديا : شنو انجود؟

نجود : المهم نريمان راها كتبغي جهاد

جوديا : بصدمة) شنوااااا؟ بيناتهم شي غولاسيون ؟

حركات راسها بالنفي : لا ولكن هيا كتبغيه

جوديا : هيا قالت ليك هادشي ؟؟

نجود : لا هادشي قالتو لياا جونة ملي جاو عندها البوليس لدار كيسولو علياا تاصلات بياا وقالت ليااا هادشي لي وقع ل نريمان وقالت ليا بوليس جاو ياخدو اقوال ديالي بحكم اناا لي مكلفة بيهاا وساكنة عندي.. المهم ملي جيت وسولت جونة شكاين عودات ليا امور عادية من نهار لي خرجان فيه ومرجعااتش وملي اكدت عليها تقولي شنو كانت كتعاود ليهاا نريمان قالتلي بلي قالت ليهاا كتبغي جهاد وسبق ليها خرجات معاه وكانت باغاا تعتارف ليه بهادشي مهم معرفناااش شنو كاين..

قالت ليااا ديما معصبة وديماا كتبكي مكتعااودش ليهاا ومكتقوليهااش شنو كاين..

حطات جوديا يديها بجوج على وجهها في صدمة من هادشي لي كتسمع ولي مكااانش متوقع.. واول حاجة جات فبالهاا هيا نهار لي لقاتهاا عندو فالبيت بالبينوار..

شافت فنجود بعصبية وقالت : حماار استغلهاااا وهيا طاحت فيه تفووو ( ضربات يديها فالطبلة)

ناضت بالزربة ونجود موراهاا كتحاول توقفهااا

نجود : متسرعيييش اجوديااا خلينااا نشوفو شنو كاين بعداا..

جوديا : وقفات) شنو غادي يكون فنضرك شنووو انجود نتي معارفة والو اناا فهمتووو مزيااان هادااا كيستااغلهااا انجود

نجود : لاااا اجوديا مكيستغلهاااش باش عرفتيهااا خلينااا بعدا نعرفو شنو كاين عاد نهضرو. .

جوديا : مخصوش يبقى معاها الداااخل سمعتييي!! مخصووش يبقى هوا وياهاا راس فالراس

نجود : جودياااا ديري عقلك متنساايش هوااا لي تاصل بيك وهوا لي علمك بهادشي لي طراا وهوا لي لقاهااا وهوا لي عتقهااا وهوا لي مكلف بيهاا ومراقب علاج ديالها كون مكااانش هواا بنت كانت غتموت فنضرك علاش غيستاغلهاا وهوا داير معاهاا هادشي كولوو ؟؟ واش حماااقيتي سوليها بعدا وعرفي منهااا اش كاين عاد سيري تهجمي عليهم .. هادشي ماشي ديالك اجوديااا ولا!! ونعلي الشيطان اصحبتي ودوزي تجلسي خليه معاهااا حتا يخرج ونشوفو اش كاين ..

رجعات جلسات جوديا جبدات كارو حاطة يديها على جبهتهاا كتبخ الدخان فالهواء..

نجود : متعصبيش ومتسرعيش حبيبتي اوك ؟

حركات راسها بالايجاب : زيدي كملي شنو اخر؟

نجود : هادشي لي كاين اجودياا ممخبعة عليك اناا والو

جالس مشبك يديه عينيه كيشوفو فصبعانها المنفوخين. مقادرش يهز عينيه فيها.. عياا يحاول يشوف فعينيها ويهضر ولكن مقادرش...

للحضة هز عينيه شافهاا شادة عينيها كتبكي فصمت دموع هابطين بحرارة مع خدودها المتوردين..

رجع هبط عينيه وقال : علاش بقيتي ساكتة........ علاش مهضرتيش قبل ؟ ( تنهد) علاش محولتيش تقوليهاا ليااا فوجهي ملي كنا كنطلقااو. ( شاف فيها) علاش بقيتي ساكتة ؟؟؟؟

ومصيفطاا لياا داك المسج معطل! شنو كان مانعك تواجهيني بداكشي فاص وتقوليلي شنو كاين همم ؟

شافت فيه بعيون حومر مدمعين تعبااانين كتحلهم بزز. مقدراش تخرجش الهضرة حرف واحد مقدراش تخرجو ..

جهاد : تنهد) مغاديش نطول عليك غنخليك ترتاحي دابا..

حنا خاصنا نهضرو بزاف ولكن ماشي وقتو حتا تولي لباس وتخرجي من هنا وتكوني قادرة تهضري وداك الساعة يكون خير

شافتو ناض وهيا تحرك راسها بصعووبة كتبكي وكتحاول تهز صبعهاا... شافها هكاك وهوا يقول : مالك باغا تقوليلي شي حاجة ؟ حاولي تهضري...

نريمان : اا ب ب.. بقا. بقاا معايا

خرجاات هاد جوج كلمات حتا حسات بالروح ديالها خرجات وقلبهاا كيضرب وجميع الأعضاء عاطينهااا حريق ..

جهاد : انا كل مرة كنجي نشوفك قبل متفيقي من الغيبوبة ودابا كل مرة غتلقايني معاك متخاافيش. غير نتي عطي الراحة لراسك ومتعصبيش وتفاائلي وكوني قوية باش ترجعي لصحتك ومتجهديش فنفسك تافقنا؟

حركات راسها بصعوبة. ابتاسم فوجهها وخرج مع الباب وهيا متبعة ليه العين..

يلاه شد الباب انهارت بالبكا. كتحس بحلقهاا مقجوووج ودات ديالها كلهاا كتحرقهااا حاجة وحدة فيهاا مصحيحاااش هزات راسها لسماا كتهضر فنفسهاا

نريمان : علاش ياربي بليتيني هاكاا علاش! علاش اربي طيحتيني فهادشي كون ما رميتش راسي كانو غيضيعوني وغنبقى حياتي كلهاا ضايعة ونولي بصح بنت السوق البنت لي متسواااش اهئ اهئ.

مكان غيبقاا ليا لا شرف ولا عفة اهئ اهئ شنو كان بيدي ندير ياربي واناا ما حن فياا حد اهئ اهئ شنو كااان بيدي ندير اربي.

كون غير متزاااديتش كون غيررر متولدش اهئ اهئ مكرهتش نقتل راسي ونتهنى فمراااااا. اربييي معندي زهر فوالو اهئ اهئ اهئ لي طلبتهاا ياربي مكتحقق اهئ اهئ. واش فيااا شي دعوة؟

واش اربي اناا درت شي ذنب كبير لي كنتعااقب عليه هاكااا؟

علاش اربي الحبيب علاش اهئ اهئ. علاش اربي علااااش. علاش نوصل لهاد الحالة اهئ اهئ المووووت بغيت اربي الموت عفاااااك طلب اخير عمرني لا عودت طلبت شي طلب اخر غير الموت اهئ اهئ. معنديش الزهر فحتاا حااااجة ملي تزاديت وانااا فهاد القهرة والقهرة غير كتضوبل. عمرني نويت غنوصل لهاد الحالة وهاناا وصلت لكفس منهااا. اربي غير خود روح ديالي وهنينييي عفاااك اربي عفاااااك اناا مزاوكة فيك عفاااك..

دخلات الممرضة لقاتها فديك الحالة كتبكي بهيسترية وكترعد فالبلاصة عيطات الطبيب. دخل شاف الحالة ديالها ضرب ليها الشوكة والممرضة فالجهة الأخرى متأسفة على حالتهاا. شافتها تهدنات وشدات عينيهاا عاد خرجات مور الطبيب...

يلاه هوما داخلين بان ليهم خارج من لاسنسور غير شافتو جوديا وهيا تمشي لعندو..

جوديا : جهاد بغيت نهضر معاك

جهاد : واخاا مرحبا

ضارت لعند نجود وقالت : شوية ونرجع..

خرجو هوا وياهاا لبرا وقفو فالباركينغ..

جهاد : نجلسو فشي كافي ولا ؟

جوديا : نهضرو غير هناا

جهاد : اوك ياك لباس.

جوديا : شنو بينك وبين نريمان؟ اناا مزال معرفاش شنو كيضور واناا مفراسي ميتعاااود.. واش كتستاغل البنت؟ ولا كتستاغل الحب ديالهاا ليك ولا شنو

جهاد : هز حاجبو ) ومن بعد؟

جوديا : نتا لي خاصك تقولي شنو من بعد..

جهاد : بسخرية) هه بففف، مبيني وبينهاا والو. هادي من جهة اما الحب مكان فراسي ميتعاااود عاد عرفت مأخرا . اي اون بليس الالة اناا عمرني استغليت شي حد وماشي عاد غنجي لبنت مزال صغيرة ونستاغلهااا.. فاش غنستاغلهااا فنضرك؟ فاش؟؟ شنو مفهمتش شنو الحاجة لي غتخليني نستاغلهااا فيها.

شتتات النضر كلامو خلاهاا توتر وتندم حتا علاش فكرات هاكاا.

جوديا : سمحليااا ولكن اناا خفت عليهاا وراك فاهمني مقصدش نقوليك هاكا و...

جهاد : قاطعها) بقصد ولا بقصد انتابهي لفمك شنو كيخرج ماشي من المستوى ديالي داك التفكير لي معشش ليك فراس. ولا نتي لعب بيكم واحد سلكوط يحساب ليك كلشي بحالو؟

خرج عينيه فيهاا سمح فيهاا واقفة مصدومة ومشاا السيارة ديالو طلع فيها وزاد خلا غير العجاج موراه...

ندمات علاش هضرات معاه وندمااات حتا علاش تنوي فيه هادشي.. رجعات لداخل لقات نجود واقفة كتسناهاا. مقالت ليهاا والو من كلام لي ضار بينها وبين جهاد.. طلعو لقاو نريمان ناعسة. ..

رجعو خرجو كيتمشااو شوية. حتا قرب يطيح الضلام عاد رجعو لعندها ببتسامة كيهضرو معاهاا ولكن هيا مقدراش تجاوب مجرد حرف واحد كتخرجو كيخرج معاه الحريق. كتحس بنفسهاا مضغوطة وفمهاا عاجز على الكلام. جلسو معاهاا شوية ودعوهاا حتا لغدا ويرجعو عندها...

حركات ليهم راسها بالايجاب. باسوها وخرجو. يلاه هوما شدو الباب وهيا تهبطهم حاارين على خدهاا.. حسات براسها وكأنها فقبر دفنوهااا وخلاوهاا بينهاا وبين لي خلقهاا بوحدهاا فغرفتهاا غير صوت الآلات لي كيتسمع...

دخلات عندها الممرضة ببتسامة مدخلة ليها العشاء،،

حطات الشاريو قدام البياص هزات الشوربة وتقدمات لعند نريمان كتشربها برفق حركات راسها بالنفي مبغاتش

تكلمات الممرضة بلغتها الخليجية وقالت : ولو غير شوية هاد الشربة مزيانة غتعجبك

حركات راسها من جديد بالنفي شادة فمهااا مبغاااتش.

الممرضة : بالآسى) عفاك غير شوية باش ترجع ليك صحتك وترجع ليك ابتساامتك شوفي عينيك كيف رجعو دخلو فيك هاكي شوية حلي فمك..

رفضات مبغاتش نهااائيا تاكل.

تنهدات الممرضة ورجعات شربة لبلاصتها جرات شاريو وخرجات..

بقات نريمان بوحدها كتشوف فالسقف ودموع هابطين مع اطراف عينيهاا..

تمنات لو كان جنبها لو كانت غير تشم ريحتو ويونسهاا فوحدتهاا ويخفف من اوجاااعهااا. كلما كتذكر شنو طرالهاااا كتزيد نفسيهاا تأزم وصدرهاا كيضياااق تمنات لو كانو عندهاا الرجلين لي توقف عليهم وتجريييي تهرببب تهربب من هاد الوضع ومن افكار ومن هاد الكوابيس لي كتعيشهم..

دازت ساعة د المكانة شافت الباب تحل هزات عينيها وسرعان ماا قلبها فرفر من القوة الفرحة ملي شافتو داخل مع باب وموراه الممرضة..

وقف عند راسها وقال : كيف بقيتي شوية ؟

حركات راسها بالايجاب مع ابتسامة باهتة..

شاف فالممرضة ورجع شاف فيها : علاش مبغيتيش تاكلي؟ همم راه قالوهااا ليااا ( شاف فالممرضة) ناوية تبقااي ديماا هنااا؟ ايوا الا بغيتي ترجع ليك صحتك خصك تبعي شنو كيقوليك الطبيب..

. تاكلي مزياان تشربي دواااك لي مكتبغيش تشربيه.

تبعي نصااائح لي كيقولو ليك باش مطوليييش ودغيااا تبراي اوك؟

حركات راسها مع ابتسامة حزينة وهبطات راسها الارض كتقول فنفسها : واش اربي ستاجبتي لدعااء ديالي؟ تمنيتو يكون حدايااا وهااهواا حدايا دغيا جاا بلا تعطال..

شير براسو الممرضة جلسات قدامهاا كتشربها الشربة وهيا كتشرب بشوية وعينيها معاه. جالس على الكرسي شاد تليفون بين بيديه.. مرة يشوف فيها مرة يهبط عينيه. حتا كملات زلافة

الممرضة : نزيدك شوية؟

حركات راسها بالنفي..

جهاد : ويي زيديهااا

خرجات الهضرة بزز وقالت : لاا

جهاد : اك صافي خليهاا

عطاتهاا دواا والماء مسحات ليها فمها بمنديل

الممرضة : نخليك تصبحي على خير.. سي جهاد انا برا..

جهاد: اك شكرا..

خرجات جارة شاريو شدات الباب وهوا يوقف قرب لعندها..

جهاد : غدا نجي نشوفك دابا نعسي ورتاحي

هبطات راسها بحزن ..

جهاد : نريمان انا عارف صعيب عليك تجلسي بوحدك ولكن صبري شوية هادشي ضروري منو.. دابا ترتاحي شوية وتخرجي من هناا.. نعسي دابا واناا غدا نجي نشوفك تافقناا؟

نريمان : الصمت

جهاد : اوك نبقى معاك شوية..

جر الكرسي جلس جنبهاا ..

جهاد : نريمان بوليس خصهم ياخدو الاقوال ديالك . انا قلت ليهم لي كاين وراه بزاف د بنات دايرين شكاية على نفس الحالة لي طحتي فيهاا نتي. المهم نتي غير ترتاحي شوية غيجيو عندك . و يونس راه شدوه كان هارب فالمطار غادي اسبانيا وحتا هدوك لي كانو معاه شدوهم شي تشد وشي هرب ،،

شافت فيه بالآسى وحنات راسها الأرض.. جلس مشبك يديه لدقائق ورجع ناض

جهاد : اناا غنمشي دابا غدا نشوفك صافي تصبحي على خير

حركات راسها بحزن

شافتو خرج وشد الباب.. بعد 3 سوايع وهيا مزال كتبكي فصمت وعينيها مطبوخين..

دخلات لعندها ممرضة بدلات ليها سيروم وخرجات ..

فصباح دخلو ليهاا الفطور كلات شوية. وهيا دخل عندها نجود وجوديا.. يلاه جلسو وهوا يدخل جهاد. غير شافتو بداو عينيها كيلمعو..

لقى السلام عليهم وتوجه نيشان لعند نريمان على انضار جوديا لي مضورة وجهها..

جهاد : كيف بقيتي شوية ؟

هضرات بزز وقالت : ش وية

جهاد : غادي تولي لباس غير ديري داكشي لي قلت ليك.. ياك فطرتي؟

حركات راسها بالايجاب

جهاد : مزيان يلاه نخليك الله يشافيك..

ابتاسم فوجهها وضار بسرعة خرج مع الباب بقات مصدومة من هاد الزربة ديالو فبلاصة مشاااا حسات بقلبهاا تقبط عليهااا ودموع مقدراااتش تحبسهم. حساات بيها جوديا ونجود حاولو يتلفو ليها القضية ويضحكوهاا ويفاجيوهاا عليها ولكن والو..

داز اسبوع مجاش فمرااا لا ليل لا نهار دوزاتو كحل ماكلة قليل فين تاكل غير بكااا مكتنعس حتا كيضربو ليها الابرة... نفسية تحت 0° . خلاتها دخل ف اكتئاب حاااد مبقااتش باغا تشوف حد. الأمل فقذاتو نهاااائيا حاجة وحدة كترددها بينها وبين نفسها هيا الموت..

فصباح مشرق كتحرك فيه صبعان يديها شافت الباب تحل.. دخلو معاه 2 رجال..

الشخص : كيف بقيتي شوية

نريمان : بصعوبة ) الحمد لله

الشخص : معاك البوليس جينا ناخدو الاقوال ديالك على الحادث لي طرا ليك ومحاولة الاغتصاب لي تعرضتي ليها قادرة تعطينا الافادة ديالك؟

حركات راسها بالايجاب..

الشخص : واخاا يونس فين كتعرفيه وشنو العلاقة لي بينك وبينو..

بدات كتعاود ليه من اول وكتحاول تبسط لغتهاا باش يفهموهاا... عودات ليه ملي بغااا يخطبهاا المرة اللولة حتا طلقااو فكازا ومن بعد فالامارات وكيفاش كان كيستفزهااا بكلامو حتا وصلات للحضة لي رمات فيها راسها..

الشخص : دابا بغيناك تأكدي ليناا واش هوا لي دفعك ولا نتي لي حاولتي تنتاحري؟

نريمان : بخوف) الصمت

الشخص : ضروري تقولي ليناا شنو كاين وتقولي الحقيقة

نريمان : ملي عيط لصحابو خفت بزاف منهم وهوما 3 بغيت نهرب ولكن مكانش عندي فين نهرب وبان لياا غير شرجم يحساب لياا الارض قريبة ومغادي يوقعلي والو كاع الا تقصحت وصافي ميحسابش ليا غنوصل لهادشي. من قوة الخوف معرفتش راسي شنو كندير

الشخص : اك شكرا و خلينا ليك الراحة..

خرجو البوليس ودخلات جوديا لعند نريمان سولاتها شنو قالت ليهم.

جوديا : وكن قلتي ليه اه هواا دفعني

خرجات فيها نريمان عينيها وقالت : شنو؟

جوديا : مقلت والو اناا مكرهتش يحكموو عليه بالاعدام باش يتربااا مزياااان..

دخلو ليهاا الغدا وكلاتهاا جوديا وعطاتها دواهااا..

بقات شوية كتهضر معاها حتا نعسات خلاتها ناعسة وخرجات.

حتا العشية عاد رجعات لعندها هيا ونجود

جوديا : شفت هداك مبقاش كيجي عند نريمان !

نجود : شكون جهاد؟

جوديا : امم

نجود : هضرت معاه هاد يومين فالانستغرام راه فالمغرب عندو واحد الديفيلي تماا شفتو حاط فيدوهاات وداكشي عندو غزال كيحمق

جوديا : امم عليهاا وانا كنقول غبر كان كل مرة جاي

نجود : جوديااا متزيديش فيه وهاهواا جااا ؟

جوديا : زيدي زيدي ندخلو نشوفوها كيف بقات..

دازت يوماين جالسة نريمان فبلاصتها بوحدها حتا شافت الباب تحل.. داخلة معاه ريم وريهام هازين بوكي دالورد فيديهم. وبواط صغيرة. حطوها جنب راسها سلمو عليهاا بالخف وجلسو قبالهااا كيشوفو فيهاا بالآسى

ريم : حبيبة ديالي شوية دابا؟

نريمان : اه شوية ونتوما

ريم : حتا حنا بخير

ريهام : بحزن) صراحة بقااا فينا الحال بزاف متستاهليش هادشي لي طرللك ولكن احبيبة دابا ربي يفرج عليك ويشفيك فالقريب

نريمان : كنتمنى اختي لهلا يخطيك

ريم : نريمان لي بغيتيهاا وحتاجيهاا حنا موجودين متردديش حناا خوت احبيبة

نريمان : الله يجازيك ممحتاجة حتا حاجة اختي الحمد الله..

شافت نريمان ف ريهام وعودات شافت ف ريم باغاا تسولهاا ومقدراش

نريمان : اا اا ا م ماا كاينش ؟ وو واش هوا مكاااينش

شافت ف ريهام بنص عين وعودات شافت ف ريم..

ريم : نريمان راه ريهام عارفة كلشي راني عودت ليها ... جهاد مكاينش هناا مسافر

نريمان : الصمت

ريهام : بتردد) حبيبة شوفي نهضرو معاك بحال خوتاتك ، جهاد انريمان مزال مكتعرفيهش نتي وصعيب عليك تعرفيه وتفهمييه. معاملة ديالو ليك واهتمام ديالو راه مجرد وقفة واقفهاا معاك مخصكيش تعلقي بيه او تحطي املك كولو فيه خلي علاقتك بيه علاقة صداقة لا غير. اناا ملي قالت لياا ريم بلي كتبغيه عجبني الحال ولكن مبغيتكش تعلقي كتر

نريمان : تمنيت لو متعلقتش بيه ولكن ماشي بيدي ماشي اناا لي حطيت محبتو فقلبي بين ليلة ونهار لقيت راسي كنبغيه لدرجة الجنون عرفااكم غضحكو عليااا ولا غتستهزءو بيااا

ريهام : قطعاتهاا) شوفي نتي مزال صغيرة ومفهمااش وهادشي لي كدوزي منو حناا عشنااه وفاهميينه نتي خصك تحكمي فراسك

نريمان : قطعاتها) ونتي تحكمتي فراسك حيدتيه من بالك نسيتيه دغيا ؟

ريهام : تنهدات) لا ومتزوجش بيه وتزوجت بواحد اخر بالرغم من انه كيعاملني مزيان وكيبغيني الا اناا بالي بقاا مع لاخر. اه الحمد الله ان ربي سهل عليا فولد ناس ولكن مقدرتش نحيد اللول من قلبي. ومشكيل قلبي هوا لي كيتحكم فيااااا انا فهماك

نريمان : ايوا راه حتا اناا هكاك ولا كتر منك

ريم : ولكن واش عارفة هادشي فين غيخرجك؟

ريهام : لي نطولوه نقصروه مبغيناش نزيدو عليك ونتي مريضة ولكن بغيناك تفيقي انريمان ومتعصبيش راسك وديري حد لهاد حب المجهوول لي من طرف واحد وغيعذبك بزاف

نريمان : بحزن) مقدرااااش نساه بهاد السهولة ومبغاااش نساه اريهام وهانتي فهماني وعارفااني علاش كنهضر

شافت ريهام ف ريم وعودات شافت ف نريمان ..

ريهام : نريمان باش نكونو معاك واضحيين جهاد تزوج

يتبع...