...كلمات الغزل و كلمات الحب تادخل لها من وذن و تخرج من وذن ! بعض مرات تتسال راسها علاش تتهضر معاه علاش تتجاوبو ؟ علاش تتخليه يكولها حبيبة و هادي وهادي ! ربما واخداها للعب ربما فعلا ماتتحسوش خوها مقل باقي اولاد العائلة ! كملو العشا فجو حميمي ضاحكين ، تا كملو راجعين بحالاتهم و يعقوب عاجبو الحال مع مراتو وبنتو ، لقاو العائلة وصلت و جالسين فصالون تيهضرو و يعاودو على العرس ! اما ثلاثي رجعو خارجين تاني
براء : شنو نمشيو عند صاحبنا نجيبو ...؟
زياد: اطلقنا اصاحبي نقادو دماغ نضربة قاصح باش رطابو
يوسف: ( ظع تلفون تيغني ) ننانننننن
براء : و زيد نضربو واحد طوالة فيلتهم لهيه هو راه مقصر تما ليلة
يوسف: وايلي شي قصارة اخاي براء ؟
براء : هادشي فوق السلك ! تتدخل واحد لاكاب عندو بحال داخل بار ، اما زلطة قرب يزرعها فجردة
زياد: ولد من هاد القلاوي ؟
براء : اباه كولونيل العسكر ! راه خوه كبير بغى يتناسب مع الواليد واحد الوقت، جا الواليد صاعر ويسب و يعاير
يوسف: اوااه رؤيا ؟
براء : اوا شوف انت واش عندي شي خوادرية غيرها !
زياد: اه سامع شي تنقنيقة هاكة ! عمي خاطيه صداع
براء : داك ولدو الكبير راه دبا فالطب عسكري غير الواليد تيكول كولونيل براسو ماصافيش ، واش انت فيلا على قدها مخليها لهاد برهوش و شراب تيوصلو بشيفور العار غير يهنيه
يوسف: شوووو السلعة الملاوطة ! صغري كلو هما تابعيني على جوج الخيووط ديال ضو ! تكول انقطع الضو على المغرب كامل
زياد: مايغركش اجمي داك العالم ! تالياتهم مقودة
براء : ( وصلو ) هانا راجع
يوسف: مانوصلوكش زعما ؟
_دار تيضحك و كمل طريقو تيهضر فتلفون مع ولد كولونيل غبر شي عشرة دقايق و تم خارج ضاحك و زادو الخلفة طالعين واحد قنث بحال جبل صغير مولفين يقصرو فيه اما فكرة يجلسو فالفيلا و يضربو جوانات راه بحال تيبثو التهمة !
براء : خونا لقيت عندو واحد رابور
يوسف: شتي كن وصلتك ؟ كن ضربنا تصويرات
براء : سيد جايب الكاو ماعاقل تا على سميتو عرفتو بداك وشام وجايب معاه شي كارد كور
زياد: ( حرك راسو باسف ) شحال من شهرة تقلبت شوهة
يوسف: الروابا نعرف ناضين
براء: لي عندو راه عندو ! فاش تتدخل دومين المخزن تتسمع شي بلانات بحال كواليس شس فيلم محبوك
زياد : هاد الهضرة كان تا الواليد تيكولها ليا ! ماكاينش الدومين لي دولة ماحطاش يديها فيه
براء: خاصك تعرف القالب منين جا ؟ باش هاد الراب و روك و ماجاورهما دخل المغرب بنادم تيهرنط حاسب كرو راه شي دولة
يوسف: منين جا ؟
براء : ( حك وذنيه ) هادشي داز عليه سنين من الفين ربعة وقعو شي نفجارت فالمغرب
زياد: ولكن راس الحربة راه بدات فميريكان ديال احداش سبتمبر
براء: يتوووب عليك! داكشي جا بتسلسل ! مهم خوتنا شافو قواو هاد القاعدة وداك تشدد و شباب رجعو بللحي و تجمعات تشارجيو فخاوين قبهم يمشيو يحاربو تما فالعراق !
يوسف: اه داك تفركيع
براء: ارانا تما طلقو للعب اصحاب سروال هابطين و صحاب تونيات باسكيط و نايفية ! تما رجعو إذاعات سمعية حرة ، خرجو بمغ يسمى بالبولفار ولكن للعبة فين ؟
زياد: خلاو اولاد شعب هما يطلعو
براء : ايااااه ! تتلبس سروال هابط و نايفية طلع لاسييين ، تما كاع لي داخلة ضحك ولا جبهة تلونصا
زياد: اوا دبا راه داز غربال فيهم !
براء: تتغربل خمسين الغد ليه تيطلعو ليك مية !
يوسف : دوماج اصاحبي ! فاتنا الوجبة
وصلو بلاصة ! كان سلعة ناضية جبدو باكبية ماربورو مع نيبرو و قراعي موناضا و براء ناض بعيد يقضي حاجتو و جلس زياد مع يوسف لي مصدعو
يوسف: ارانا اصاااحبي
زياد: راه نقودها معاك ايوووسف اصاحبي
يوسف: ( حقق شوفة فيه ) ما انت غير هادوك لي تيدخلو يوتيوب بكمنتير شكون تيرتاح فاش تيسمع القرآن
زياد: ( ضحكو تقلب شغل ) ههههههه جزائري مر هنا
براء: ( قاطع تلفون داخل تيضحك ) وايلي من صباح نتما مزال
يوسف: زيد آخا دير يديك و رجليك
براء: ( شاف فزياد بمعنى شوف برهوش ) عندك زهر اولدي اباك ماشي هو لاجودان اما يربيك من جديد
يوسف: اوا راه عمي ماقداتكش هادي
زياد: ( حط جوان ) شتي من جبدتو عمي فاروق والله لا برمت شي قلاوي ولا حطيتو فمي و نهز كري نمشي نتلاح اللهما نعاس ولا فالكم اzبي
براء: ( تحنى تيجمع ) آجي تا فينك و فين لاجودان !
_العكس فالدم ! وقف تيبرد غير شم ريحة جوان تشعل رجع جلس معاهم مدورين داك جوان و يوسف طلق حلقو تاني تيغني
يوسف: ( تنتر و يهز راسو فالسما منغم ) ديري فيا بليزير قولي معاك كيف نديررر !
براء: ( بابتسامة جانبية طلق ليه نفس اغنية ) ضحكت معاك وانا صغير اااه ! نتي تعرفي قلبي كبير و عليك بزاااف يغيرر
...كان الوحيد فيهم لي طلعت ليه تبويقة بكري و وعقلو طار بيه لقى راسو فتلفون مع تصوارها ! دخل فيدوات ديالها و عينيه نامو معها ! ضحكتها و نظرتها و صوت اغنية معيشو حالة الشوق
يوسف: ننسى ؟ كيف ندير انا ننسى ، نتي ماشي كيف نسا ، نتي حالة خاصة ماشي كوومصااا
براء : ( منغم ) هاددديك اولد الحاج
يوسف: شتي انا حاس براااسي طايح اصاااحبي معامن الله واعلم
..و مرت ايام ليست بكثيرة ! تعطى الضو الاخضر للمراسيم الزواج ! العائلة القباج تتوجد و عائلى نور تتخبط فقراراتها وكامت نور الحاسمة لهاد قرار
نور: ماما ديري ليا العرس فالقاعة و نكافة و طريطور و قليلة خاصكم واحد خمسة مليون؟ علاش هادشي ؟
نور: ( قربت تبكي ) الا ااماما ديرو ليا داكشي على قد الحال! مابغيتكم لاتكلفو لا تسلفو ! انا نروح نتما تبقاو مزيرين فكريدي ، كن غير توظفت ندير مانخلي ماندير ولكن راني مزالة طالبة
الام : ( شافت راجلها داخل حط ملف فوق طبلة ) ها وريقاتك ابنتي
نور: ( بخجل حانية راسها ) شكرا ابابا
الام : اوا راه مابغات العرس ! قالك ماتسلفو ما تكلفو مابغات العرس بهنطقة
الاب : ( ببشاشة ) لا لا ماكاين ابنتي لا تزيار لا كريدي ! حمد الله مستورة و لله الحمد وزرقك باش ماعطا الله يوجد
نور: ( باعتراض ) عفاك ابابا ! االا انا عزيزة عندك بلاش ، عشيوة كما دازت فالخطوبة و الله يجعل بركة ، مزال خويا محتاجكم و خويا صغير تابعو مسار دراسي
الاب: ( حك حاجبو كانه تيمنع دمعة جبد ظرف من جيبو خاطب الام ) هدا رزقها تكلفي والا مزال خاص خبريني
نور : ( تاشوف فداك الظرف بمتعاض ..ناضت قبلت يد اباها ) لهلا يخطيك ابابا
الاب : ( بصوت مجروح ) الله يرضي عليك و يكمل عليك
...الظرف كان فيه جوج مليون مغربية ! الام شادة ورقة ستيلو و تتكتب وتقيد ، هاشنو خاص ! ها منين نبداو و نور ملهية مع وذنها تتسمع حتى رن هاتفها جاوبات عادي امام امها
نور ..رجعت تتبث راسها و الفكرة بدات تتاقلم معاها ! بعدت على ماماها تتكلم بهمس
نور : اجي خود اوراق ! انا راه ندير لك شي شوهة قدام ماماك ! عفاك ختارو لي بغاو انا راضية بيه
امير: ( مزيرو عبد الله ) ونوور الله يهديك مافيها والو عااادي !
نور : راه ماما تتحشم كثر مني
امير: ( مسح على راسو ) ديري قضية انجي انا بوحدي نهز وراقك و نهزك عاد ندوز عند ماما نكونو هضرنا شوية باغي نشاورك فشي امور
نور : اوك ! انا نقولها لماما ، واش تعطل !؟
امير : نتفاك من ولدي صغير
نور : هههههه جيبو معاك
امير : ماغاديش يهدا ! يلاه وجدي راسك
....أخبرت ماماها ! لبست كسيوة مسلم باردة بوريدات و قدات شالها و هزت صاكها تسمعت رنة هاتفها نزلت تاني ضربت نص طريق رجعت طالعة بقات ماماها معرضة لها اوراق مدت لهم ليها و تترضي عليها، نزلو ركبت جنبو و بدات تتهضر بزربة تتشوف جنابها
نور: اويلي واقف ؟ تحرك دغيا تحرك
امير : ( ديمارا تيضحك ) السلام عليكم ورحمة الله وبركاته
نور : ( قلبها تيضرب) نشاء الله ! ماعنديش مشكل نسكنو مع والديك
امير: حاليا والديا مزال مامستقرينش فالبلاد ! نتنظرو جنى تكمل و عبد الله يكبر شوية يعتمد على نفسو
نور : ولكن مزال عند تفاقنا ! نكمل الدراسة الا كتاب نخدم
امير : مزال عند وعدي ! ماعنديش مشكل انور ، الا عندك طموح و باغة توصلي الله يسخر ! بالنسبة ليا خدمتك ما تلغيش واجباتي كزوج ! سوا خدمتي سوا ما خدمتيش
نور : ( سكتت تتفكر مابغاتش دخل معاه فموضوع انعاون والديا ) انشاء الله ! غير هو انا ختاريت بلا ماندير العرس ! ليلة دوز باش ماعطى الله
امير : واش نتي خاطرك فالعرس كبير !؟ باغاه؟
نور : ( قلبها بارد على عرس ) لا انا شخصيا ضد دوك العراسات كبار و الله
امير: بخاطرك ! بغيتي العرس نديرو ليك ! بغيتي الحفلة عائلية نديروها ، من حقك وليلة الوحيدة لي تتعنينا بجوج
نور : صافي تفقنا ! نديرو ليلة عائلية بيناتنا مع لافامي و صافي
امير : الله يسخر ! فالخطبة الواليد ديالك الله يكبر بيه ماتشرط ما قال لينا والو ، حنا فصراحة تلفننا لا تكونو تتنتظرو منا شي حاجة و غفلنا عليها ! غير الصباح طرحنا هاد موضوع ! الا فخاطرك شي حاجة انور قوليها ليا ، آ تكوني حلالي و نفقتك واجبة عليا
...وضحو نقط مهمة للعرس ! هزوها و مرو عند ليالي نضمت ليهم ونور قربت تسخف بالحشمة ، امير مع ليالي تيتكلمو براحة ، وقفو عند المحل مجهورات المعتمد لدي عائلة القباج ، غير دخلة كانك داخل للقصر ملكي ! من داك نوع محالات الملكية ، نور بقات غير تتشوف بعويناتها هادشي اول مرة تتدخل ليه ! ضربت خمسة على فمها و سكتت غير تتشوف ! جلسو ضايفهم ااتاي مع بلاطو حلويات ومولات شي تتحاور مع ليالي ببلكنة فاسية ، بدات تتعرض عليهم اشكال الخواتم للزواج ها لي بالذهب ابيض ها لي بالماس ها لي بالذهب اصفر خالص، ختارت نور واحد خاتم بسيط و ليالي هدات لها باغيغ الذهب ابيض و تتعاملها بحب غير ابنتي ابنتي !و امير غير مبتسم متقل مخليهم على خاطرهم ..كملو من الذهب و نور دخلت تاني صدمة غير تتشوف ركبو و وصلها امير هيا اولى ! هازة ساشيات المجوهرات بحال بلاطو البيض
الام : على السلامة ابنتي ! شريتو خواتم ؟
نور : ويلي يا ماما !ويلي ويلي شراو ليا واحد الذهب فيه ديامند
...فتحت مها مجوهرات و بدات تتشوف و تتمنظر فالذهب ! و تتصلي على نبي ، ونور غير تتشوف فيهم بقوة ماحمقوها باغة غير تشوف فيهم براكة ..هكدا مرت اليومين ! و تقرر اليوم العرس بعد يومين آخرين ، امير و نور رابط اتصال معاها فكل صغيرة و كبيرة ، تكلف بكل مايلزمها كعروس ، ما خلا للوالديها فين يحطو رزقهم ، من صباح العرش دارت حمامها مع العائلة و الطعيم تيتوجد و ترتيبات للليل ! وفجهة اخرى عائلة القباج تيوجدو فالتكبيرة للنور ...
أولاد الوازنة الجزء 100
محتوى القصة
التنقل بين الأجزاء