_الاخبار فاش تاتجي ؟ تاتجي متابعة، ماعليهم مابيههم بحال اي اسرة مغربية تيوجدو لليلة عيد المولد حتى تلقاو الخبر ! يوسف فالكوميسارية اسماء طريق كلها تتجذب خايفة عليه و تتعد
_اويلي هيا واش كسيدة ؟ اويلي هيا ضرب شي واحد ؟ اهيا ناري هيا على ولدها يبات فالكوميسارية
_وصلو السكنة ، دخلت تتجري مزروبة و ضربت فالوازنة معاها نعمة و خديجة ، دخلة جالسين سولني نسولك ! حتى احد ماعندو اخبار أكيدة، قوة تلفونات كولشي تالف منتظر الاخبار و الخبر اكيد ، اكيد فالكوميسارية
_منين هز السيارة ضرب دورة فالشاريع ، ورجع الحومة كما العادة عند العساس جالس هو وياه ، النوع بحال يوسف صعيب تعرف آش تيدور فعقلو ، غالبا ضاحك طالقها تسرح ، لكن دائما شوفتو للحياة بعيدة ولكن الا جا يناقشها معك ماتبان لك بعيدة لا والو ، هو فقط شاب طلع بفكر عادي ، ابسط حقوقو خدمة ! زوجة ! اولاد ..ولكن منين هو ماشي انسان عادي او بإحرى هبيل بغر يسبق العصا على غنم ..قبل أيام كان مع نوصير فلافيراي كملو خدمتهم و دازو القهوى تلاقى اصحابو ، الثلاتي تجمع و زاد معاهم يوسف لي طالق وذنيه، اولهم خليقة القاصير لي مزاد قصار مع السن و ابراهيم لي غلاض شوية وشعر شاب و زين اولاد الوازنة نوصير لي أيضا بان فيه السن
🔙🔙🔙
نوصير : وايلي حتى انت! تبقى ضيع حجرة مع بوكرن ؟
ابراهيم: ماكاين غير بوكرن نيت ! ولكن اصاحبي زواج العائلة صعيب
خليفة: ( برود ) لي دوزتيه انت مع مراتك جري عليا نجري عليك دوزو بنتك مع ولد ختك ! صافي بغاها كركب تريكة
نوصير : دزنا فضو ! هاد جيل تيفكر انه جالس وتابعو مليون صداق و خاتم قليلة ساوي الفين درهم و زيد زيد وشوووف تشوف واش تصدق لك الجرية
خليفة : آودي الله يخلف على ابن عامي سلم عليه سرف عليه
يوسف: كفاش اعمي خليفة !؟
خايفه: ( بنظرة عميقة ) ايييه اولد الحاج ! واحد نهار بقى لنا متورخ ! باش تعرف صكوعية غادين بطموبيلة لاجودان هازين طرف الحشيش
نوصير: ( نزل راسو تيضحك ) زيدها خارج فينا الحلوف
ابراهيم: هوووااا دلمو القاصير لي متلف طريق
الخليفة: ههههه المكتاب اصاحبي ! اوا سي يوسف ضربت لك فواحد شليحة وضربنا الحديد ماحدو سخون ، بلا داك خطوبة ولا عرس قوة تشراط
نوصير : راك كلتيها المكتاب ! مالنا راه ماناقصنا حتى الخير اربعة وليدات
يوسف: تا انت اعمي كليتي خالتي فالصداق و داكشي
نوصير : الا كليتها راه رجعتو لها مضوبل !
يوسف : نيشان! واش بنادم يقتل راسو على تكاليف ؟ هو الواحد يضرب حديد ماحدو سخون
خليفة: ( بنظرة مكر ) اولد الحاج راه انت وقيلا لي سخون
يوسف: ( شرب قهوة ) اوا الشباب العموم
نوصير : ( دار تيشوف فيه ) سير اصاحبي قرا و خدم ! راه مزال يلاه كلتي باسم الله ..
يوسف: اوا الونيس اعمي
نوصير : صوم ! راه ضروسنا طاحو مانيضنا والو !
🔚🔚🔚🔚
هكدا نتهت جلسة! كل الغازي قصد بلادو ، الا يوسف لي فكرة تتخدم فراسو ، و تيشجع راسو
_مالي اش ناقصني ؟ خدمة ( طولها ) دبا نخدم
_الدار ؟! راه ساكنين ، ساكنين
_الصرف راه الحاج غير تيصدق ! اوا فالمقربين اولى
_انا ديك بنت مربية بنت اخواني هيا لي ناخد ، انا عاد نبقى نشرح ليهم زواج ما خطبة ؟ نطبز لمها العين و نضرب الحديد ماحدو سخون
_يوسف و العساس صداقة غير مفهومة ! اصلا يوسف عمر كان عندو اصدقاء من سنو ! من غير اخوه لي تيحس راسو معاه بين رابط خاص ، هو جالس معاه هو تيقرا البلان فراسو ، غير شاف الاخواني خرج مع مراتو ابنتهم كبيرة، هو حاضي و عساس حاضيه حتى دازو من حداهم
عساس: اولد حاج باغي تسرق الدار ؟
يوسف: ( جبد تلفون ) خاطيني الحرام العموم
عساس : درتو اليوم طعام ؟
يوسف: ( حط تلفون فوذنو ) انشاء الله تاكلو الا بلان خسر !
خلاه زايد تيهضر فتلفون، كما العادة معيشها ارهاب
هالة : مانقدرش ! انا بوحدي فدار
يوسف: شوفي راني غير هبيل ! ياا اما تخرجي رجعك قبل مايجي الوالديك ولا نجي قدام داركم نبقى طلق افم وكول
هالة: ( بخوف ) علاش بغتيني ! فاخبارك مابقيتش نخاف منك ؟ سير قول أبي بي بغيتي
يوسف: صافي مابقتيش تخافي ؟ اوا خرجي نعطيك تصويرتك
هالة : اشمن صورة!؟ واش باغي تحمقني ؟
يوسف: وصافي شوفي هانا بطموبيل اندور مور فيلا طلعي خمسة دقايق و رجعك
هالة: يوسف الميمة الا مابعد مني ! ياك ماتنخرج ماتندخل تنجاوبك على تلفون ، راه ابي يعرف راه يذبحني
..هكدا تم اتفاق ! ناضت هالة برعب لي مركب فيها قالت نخرج ونشوفو ! عرفاه مهبلها مرة يضحكها و مرة يمرضها و الغريب فامر عمرو تبسل عليها ولا رسل لها شي حاجة مخلة للااداب او طلب منها نفس شيء، نفس لباسها ما تيتغيرش ، عبابية و زيف مثل اسدال ، خرجت تتسلت ركبت معاه و تحرك هو حاضي مع طريق ! تتهضر تيجاوبها بقلة كلام، قدر ماهو ذكي قدر ماهو تيطيح راسو فالمشاكل ، حبس فمكان خاوي جهة فيلات ، و عينيه على مرايات
هالة : يوسف عطيني تصويرة !
يوسف : ( مراقب طريق ) شمن تصويرة الله يهديك
هالة: شوف فيا تتنهضر معاك
..دورة لي يشوف فيها، هو يشوف من مرايا لالة شافية مسمى بالفاركونيط البوليس ، مكتوبة بالخط العريض الامن الوطني ، هما يقربو هو يجرهغطا عنقها وهيا تتغوت و تبكي حتى سمع دقان فزجاج
..الشيفرة جنايات هيا انك قاصر ، صكع ليام قصد مكان لي فيه دوريات الشرطة ، تاكدو من موراق طموبيل و عيطو فوريان تهز و هما طلعوهم فاركو و تجهو كومسيارية ، الفرق ان واحد مبرد باغي يضرب الحديد ماحدو سخون و الوحدة تتشوف نهايتها مع ابيها ، وصلو سنطرال دخلوم ، دقائق تعرضو على ضابظ شرطة لي كان ساخط على الوضعية
ض : فين لقيتو هاد جوج !؟
بولييسي : جهة الفيلات ! البنت قاصر كانت تتبكي
ض : ( خنزر فبنت ) آش تديري معاه !؟ ولا تاطيح الفاس فراس عاد تجرجي وتجري والديك ؟ زعما الزيف و الحجاب( بنهضة ) براكة من البكا( شاف بوليسي ) والديها يحضرو
بولييسي: واخة اشاف
ض: ( طلع وهبط يوسف ) اوا انت !؟ مابقاو قهاوي مابقاو سناكات ؟ غادين الخلا ولكن اليوم نخلي دار بوكم ! فين والديك؟
ض : ( هز تلفون تيدوز رقم ) اااه ! شنو علاقتك بهاد بنت ( نهض فيها ) براااااكة من البكا نتي ولا نهبطك فين تبكي نيت
هالة: ( تتبكي تتبكي )
ض : الو سي قباج !
فاروق: ( حقق فرقم ) هدا انت امول شاقور ؟
ض : ( بضحكة شريرة ) اياه ! عندك واحد زيارة باالاسم
فاروق : يسمعنا اخبار !
ض: ( هز لاكارط تيقرا ) يوسف القباج
فاروق: ( شرب قهوتو ) هبط دلمو تحت يتبرد واحد ساعة انا جاي
_كاين شي شخصيات فالعائلة متكررين ! مثلا تيقول لك بحالو بحال ولد عمو! هو ولد خالو فولة تقسمت ! تشبه افعال و الملامح ، لي كان محطم رقم قياسي فتوقيف مع شرطة هو نوصير ، من بعد جات اسماء و زاينة وفالجيل جديد بلاصهم يوسف، فاروق ماحطوش تحت عينيه هباءا ؟ عارفو طاير و يخاف مايحشم ، متبع معاه دراسة موصي المقدمية للقناث فين تمشي عندك بنات ليل ولكن هادي ماعرفش منين خرجت ، كان فدار تيرتاح دخل داخل لبس حوايجو و اخبر خديجة بلي كاين وصاها تمشي عندهم وهو سيارتو فطريق اتصل بنبيل
نبيل: اسي فاروق
فاروق : آفينك اولد الوازنة ؟
نبيل: راني مع هداك معرفتي الامام عيان شوية
فاروق: ( تنهد مفقوص غلى يوسف ) مهم اخلط عليا كومسيارية سنطرال راه يوسف تما
نبيل: ( وقف صاعر ) آش دار !؟
فاروق: ماشي شي حاجة ! يمكن تزايد مع شي احد
نبيل : هداك عندي ماتيدابزش آفاروق ! انا جاي والا وصلتي قبل مني خبرني باش ماكان..
...فعلا يوسف مبعد على مطايفة ! ديما ضاحك و الحاجة لي تمرضو هو يمرضها ، فاروق داير احتمال السكر او حشيش او شدوه فشي قهوة شيشة و نطق بصوت جشي هو داخل
فاروق: ولا شي بنوتة قاصر ...
..كان عالم ! دق قالمكتب وادخل مد يديه اسلم على ضابظ و جلس مرتاح بعد سلام و تحية و مواضيع الشغل و الوقت عاد دخلو فموضوع
بوليس: ( عطاه تحية ) شي واحد باغي يدخل نبيل القباج
فاروق غمز ضابظ يدخلو ! حتى دخل نبيل ماعاجبو حال ! بعض وقت قليل دخلو بنت و يوسف واقفين امامهم نبيل غير تيشوف و فاروق مخنزر فيه، باش يكمل المشهد دخل الاب لي كشاكشو خارجين ! ماعقل لا على بوليس ولا عائلة القباج طار على بنتو بقجة حتى فكوه
ض : آشريف احترم راسك ! نهار سلموها ليك دير فيها مابغيتي ذنوبك على راسك
الاب : ( باعصاب ) هادي تقتي فيك !؟ الفاجرة !!
فاروق: ( دور وجهو متحسر ) آشرريييف ! فيك ما يناقش ولا الغوات راه تنعرفو ليه كلنا
الاب : ( هز يديه بابستلام ) انا فهاد للحظة ! من هاد دقيقة تنتبرا فيها ! كاين الحل لي يرضي أطراف هانا معاكم ماكاينش ؟ انا غير معني بها متبري منها
فاروق: ( من هضرتو عرفو من دوك متزمتين ) آشريف ! دراري صغار ! و غلطهم اصغر ، رونجي القضية دي بنتك ونا تنواعدك ولدنا عمرو يبان فطريقها
الاب : هادي لي تخرج من داري ولقاها فالكوميساريات اش نزيد مزال بيها !؟ تبعوو
فاروق: ( حك حاجبو ) انا بلاصتك نهز ابنتي و نتفاهم معها ما مريهاش برهوش بحال هدا
ض : اشريف ! كما قال لاجودان الدراري صغار ! ماتكبروش موضوع ! البنت راها كاملة( سولها بحدة ) وقعت لك شي حاجة !؟
هالة : ( تتبكي و تنفس برأسها ) لا
الاب : ماااتهضريش ! اليوم نقتلك هاهما شهود عليا
نبيل : لاحول ولا قوة الا بالله ! آشريف واش واعي اش تتقول ؟
الاب : آسيد الحاج ! انت معرفة خير و الجار البار ، ماشفنا منك ولا من خاك غير االخير ولكن الغلط يتصلح الا نعرفك الخير الناس
نبيل : ( شاف يوسف ) صمت
...جلسة طالت والاب تيحلف بحلوفو يقتلها ! ضابظ تراجع على أنه يسلمها ليه، فاروق و نبيل مربعين يديهم غير تيشوفو ! فاخير مضاو محضر نبيل بقى مع اب تيتحاورو و فاروق ركب بنت لور و شد يوسف باين يعصر عليه
فاروق : تتحس براسك هو هداك مانقصك تاالخير
يوسف: ( دوز يديه على راسو ) صافي اعمي شوفو كي ديرو وزوجوها ليا
فاروق : ( نزل راسو تلفون تيحسب براسو ) دوزت مع مغيث لي كتب الله ! نوصير لي نوصير دار عقلو! اباك عمرو شطنا تا بضحك ! ولاد عمك لي داز راه داز ! انت باغي تحرك مراحل أولاد للقباج كاملين ؟!
فاروق: تاخد ذنبها!؟ ( بقى غادي جاي ) انا هاد الفيلم ماداخلش ليا راسي !؟ جينيى من لاخر اولد حاج ؟ انت قاد على زواج ؟ واش عارف كرك اش درتي دبا ؟ هاد بنت تقدر تاخد سخط والديها ؟ فين تسكنها ؟ آش توكلها ؟ ياكما صحابك كي درنا بنت عمك مغيث ندزوك معاها ؟ هاديك راها جنى ! بنت و لي طاحت معاه راه العلوي ! ماتيجمعها غير الفم
يوسف: ( نزل راسو ) واش نسمح فيها دبا اعمي !؟
فاروق: بيميييني وباش تيحلفو الرجال ؟ الا ماربيتك من بدا جديد راني ماشي فاروق ، باغي تزوج ؟
يوسف: اه اعمي
فاروق: اوا كفض على ذراعك ! اما هزان رجلين راه كلنا تنعرفو ليه ..
يوسف: ( سكت تبشوف فيها من زجاج تتبكي ) اعمي انا تنشكي ليك همي
فاروق: انت راك واحد ولد حرام مقطر فعايلك و شابه ديك طيارة ديال مك ! انا ماغاديش نخلي خويا على اخر ايامو يمرض بفعايلك !
نبيل : ( وقف عليهم ) صافي غير تيسرو
فاروق: تاداك زبي ! باش ياخد ابنتو و يبرد للعب جالس نقتل ما نقتل ؟! فين عايش
نبيل: مصيبة صافي ! ( شد يوسف من تريكو حركو ) عقل على هادشي لي تدير ، غادي بنت جيران باغي طيح لنا بطانة
يوسف: (صمت )
فاروق: هدا خليني منو ليه ! قوة فشوش تترجع بنادم بطاطا ! سيد نعس فاق باغي يتزوج الا باك حتى دار 32عام عاد تزوج تنوض انت برهوش على عشرين عام ديرها ؟ باش جاتك ؟
أولاد الوازنة الجزء 112
محتوى القصة
التنقل بين الأجزاء