...مرت الايام قليلة ! الشغل شاغل حاليا هو الخطوبة امير ! الاخبار ذاع فالعائلة كما العادة الاعمام ماتيدخلوش و عيالات عمامهم تيطرحو اسئلة عادية على عروس ، اما الجدة الفاسية هيا لي سولت وعاودات و تكلمت مطول مع أمير لي ماتتشد منو لا والو ! فقط تيعطي أجوبة سطحية اما جنى ماتتدخلش و خسرت جملة وحدة
جنى : خويا ايكون فرحان و تيبغيها سو الله يزوجهم
غيثة: ( بتقالة تتكلم ) نتينا الحبيبة ماعارفاش بنادم كي عامل ! ولو ان امير ختارها و بعاها كنا طامعين فشي النسب تقيل
جنى: ( تتهز فحواجبها و كتافها ) مامي امير من زمان ماتيتجمعش فالحفلات لي كنا تنتعرضو لهم ! انا معارفي كلهم اولاد لوكس ماكانش تيعبر تواحد فيهم نفس الوقت ماتيقلل من قيمة احد
غيثة: نتي بخانسيس بخانسيسات نتي ما فيخطي و لاديموند ديالت تيتا اعمري
جنى : ( عنقاتها تتبوسها ) لوفيوو تو مامي ! انا نخرج ندير واحد كويك ( سريع ) شوبينج
غيثة : نمشيو بجوج ؟!
جنى : اووووكي
_ العوينات باش تاتشوف غيثة هيا جنى ! داكشي لي ماوصلاتو مع ليالي و اذيب ولا اولادو و زيد عليهم امير ! وصلاتو مع جنى ! عاشقة الرقي و فاشن و الهضرة بالآلة و ماتمشيش معامن ماكان ، غيثة ضاربة لاكلاص و حطة بالملاين بجنبها خفيدتها بجمالها و رقتها ركبو سيارة متجهين لاغلى محالات يوجدو لان طيارتهم اسبوع جاي...فحين فالمغرب تيوجدو للمشية اولى عند الناس ! من داخل فيلا مغيث خديجة و ليالي مأنقين بجليلبات و زاينة مع اولادها صغار و اسماء، كل ما يلزم للخطوبة واجد من ارقى المحالات ، السيارات خارج مجهزين ! مغيث واقف مع نبيل و امير اما لاجودان فخدمة ونوصير مسافر شمال لشي سلعة
مغيث : ( شاف ساعة ) واجدين اولدي!؟
امير : ( شاد فيد عبد الله ) بابا نجلسو للعشا !؟
مغيث: اوا التقاليد اولدي ! واش دخل تشرب قهوة تخرج ؟ راه غادي عندهم مور العشا ادا تعشى
نبيل : ( تيضحك مع عبد الله ) عمو تركب معايا
عبد الله: ( حرك صبعو بنفي ) انا مع العريس
امير : ( حشمو تيضحك ) صافي غير سكت راه حشومة
عبد الله : ( هز يديه موافق ) نشوف عروسة و نسكت
..مغيث: الشباب فين بقاو !؟
نبيل : فدار عمهم فاروق !! نعمة مع رؤيا ودراري راك عارف كلها فين تيشدها
....تحرك موكب العريس كما عطاه للقب عبد الله ! امير لي كان صايك و رائهم سيارة نبيل لي فيها براهش زاينة، خرجو من طريق مدينة حتى ادخلو للحي شعبي و فطريق اتصل بيها تحدد ليه المكان حتى وصلاتو أمام منزل ! وصلو وقفو دقيقة تانزل مغيث هو يتفتح الباب فوجهم من طرف الاب استقبلهم مع ولدو الكبير و الام استقبلت النسا هما مدخلين فيديهم الصواب !'مثل اي العائلة مغربية لاول مرة تتزور عائلة ! كان نوع من توتر و الحشمة ! الرجال ختلطو بحوارهم و النسا كدالك! قدمو ضيافة و مع تعارف و الاسئلة روتينية حطو لهم العشا و نور فكوزينة محشية تتاكل الخبز بالسخفة و الخلعة كانها تتعيش حلم
الاب : مرحبا بيكم و الف مرحبا اسي القباج
مغيث: ترحب بيك الجنة و نعيمها اسيدي !
الاب : بارك الله فيك ، عندك غير هاد جوج وليدات ؟
مغيث: نعم! والبنية الوحدة
الاب : اللهم زد وبارك !
مغيث: اللهم آمين ! دبا كما شفتي الطابع غالب وحنا تنبقاو مسيرين من هاد الجيل و اليوم مجيتنا عندكم بطلب الا كمل الله بعد موافقتكم
الاب : ( تنحنح و مسح للحيتو ) الا فيها الخير مرحبا بيها ! اولاد اليوم كما سبق وقلتي صعيب تحكم فيه! ولكن رجانا فالله و تربية لي ورثنا من الوالدين تشد فيهم
مغيث: هادشي ماكاين ! اليوم جينا طالبين راغبين فابنتكم الوحيدة نور علل سنة الله و رسوله
الاب : ( تحنح وشاف فامير و حمورية طلعت على وجهو ) اوا آش نقوليكم هه الا عطات نور موافقتها مانزيدهم غير الخير !
...موافقة نور ! و شكون يخرج نور ؟ فينها هاد نور لي نسلم على الناس وتعرف على عائلة امير ! راها طلعت سطح تتبكي بحال لي ضاعت والديها! مافكهم غير خوها الكبير لي حمر فيها وهبطت تتمسح بكمها و عينيها حومر ! دخلت عند النسا الصالون سلمت عليهم و البكية قاجاها ، جمالها كان طاغي و الحجاب زادها نور ، تا نادا عليها اباها و طلب موافقتها و بدات تاني من جديد غير امها لي اكدت ليه موافقة عارفة بنتها صدمة تتلعب عليها
الاب : على بركة الله ! اللهم يسر
مغيث: اسيدي الله يسخر ! نقراو الفاتحة
الكل : الفاتحة
....من داخل الفيلا فالفيلاج ! صوت ياسمينة و مغمغة ديالها طاغية على مكان ! البرودة تتدخل من الجردة وهما مفرشين لها فارض رؤيا جنبها هازة تلفون و حداها نعمة ناعسة راسها تيضرها ! تادخل يعقوب لقى السلام وطلع
رؤيا: ( تبعاتو بعينيها ) مال هدا !؟
نعمة : ( فتحت عينيها ) هضرتي معايا ؟
رؤيا: عينيك على ابنتي هانا جاية
..وقفت طالعة و تتسوط ! حتى وحدة ماتزوجت اباها ولا اخوها ..كلهم اغراب علينا من غير لي واخد العائلة مع دالك فالعشرة تيوضاح طبع ! و يعقوب واحد غضيضيب منو ماكان
رؤيا : ( دخلت مبتسمة ) حبيبي !!
يعقوب: ( متكي على ناموسية شاد تلفون ) امممم
رؤيا: مالك !؟ قنطتي ؟ كن مشيتي معاهم خطوبة
يعقوب : هانتي قلتيها بفمك ؟ غير خطوبة اش داني
رؤيا: مالك منفخ ؟
يعقوب : دبا نتفش ! واجد العشا ولا نتسناو باباك
رؤيا: بابا معطل ! نحط ليك هنا ؟
يعقوب: اها ! وايلي مافيها والو ، منين حطاتنا طيارة حنا فالفيلا فالبيت فالجردة الا خرجنا ها حنا عند اعمامك
رؤيا: اوا توحشتهم
يعقوب: من حقك ! مي راه شهر قرب يكمل ارؤيا ، راعي ليا عندي واحد فاميلا بمراكش يشوفو حفيدتهم و انا براسي باغي نخرج نشوف ندور
رؤيا : ( تنهدت مبتسمة ) اوا ماقلتيش ليا
يعقوب: شنو نقول ليك !؟ ماعندي غيرك انبغي نخرج معاه ! قهاوي حفظتهم مع ولد عمك امير ،زدتي فيه شوية منين جيتي نتي محشية فماماك و الفيلا
رؤيا: نتوحشهم بزاف
يعقوب: ( حرك ليه يدي بموافقة ) لي بغيتي ارؤيا ! حتى مشية مراكش الا مثقلة عليك بناقص خاطرك
...خرج بالكو تيتنفس ! ماباغيش يقلقها هيا عاد والدة بشهور و اول مجية ليهم مع ابنتهم ! تايبغي يخرج يدور ! وهيا طال نهار لاصقة فخديجة ! حتى من ياسمينة رجع لاجودان ينعسها حداه مدام فدار الا راه ياسمينة معاه ! هادشي مفرحو باغينهم مكبرين بيهم ولكن باغي يخرج يدور مع مراتو ..
...دائما باناقتها بسيطة ! لبست دجين و بيل ومشطت شعرها وجدت صاك ياسمينة ونزلو تحت لقاو نعمة هازها تتسكتها ! بدلت لها و يعقوب فخاريج تينوض طموبيل خديجة لي مخلياها تحت امرهم !
نعمة : فيه نمشيو ؟!
رؤيا : شي ريسطو نتعشاو ! مزال راسك ضارك ؟
نعمة : ( حركت لها راسها عاقدهم ) شوية
..هما خارجين الباب و رباعة حرشة ديال يوسف و زياد و براء داخلين علل رجليهم
رؤيا : فين كنتو ؟
براء : غير هنا
يعقوب : ( خرج من سيارة ) دراري طلعو نمشيو نتعشاو مجموعين
يوسف : ( حيد يديه من جيب ) الله اودي اسي يعقوب زيد لهلا يردها فوجهك
...زياد كن حكمو ؟ كن شدو يقجو ! براء بلا عراضة طلع جلس حدا نعمة و يوسف حداه عاد زياد لي غادي بلاخاطر و عطاوهم ياسمينة ! شدو طريق مع ماسق وضحكهم لي معاه يوسف الا ماقتلوش بفقصة يقتلو بضحك ! نعثو لهم مطعم سياحي فيه عدة مرافق للترفيه داكشي خمس نجوم !
يوسف : ( غادين داخلين ) مالك اصاحبي ميتة ليك المرأة؟
زياد: زيد المسخوط راسك تاكل فيه السم
يوسف: الا العشا ماتخطيش فيه عليه داير فيلم ( شاف براء لاصف فنعمة زاد تيجري ) اسي براء
...دخلو المطعم لي كان ديكورو امريكي طابع ! يعقوب تفاجى عليع الحال هو رؤيا ضاحكين مع بنتهم ! يوسف حاشي فمو فوذن زياد تيمرضو و براء مع نعمة ! طلبو العشا كلها شنو طلب ! كان اكل لذيد ، يوسف ياكل من طبسيلو و طبسيل لي معاه و نعمة مع شهية عندها عيانة عجبها بلا تتاكل
براء : قربت قراية !؟
نعمة : اممممم
براء : اي حاجة فالماط فيزيك نخدمها معاك
نعمة : ( مسحت فمها شافت فيه ) صافي انت تبدأ الخدمة !؟
براء: انبدا انشاء الله ! غير هنا فكازا ، نبقى كل مرة جاي عندك الفنون ديال براء
نعمة : مزال الحال شوية ولكن من دابا خصني نحط النقط على الحروف ونوجد راسي انا حاطة قدام عيني الهدف لي باغة نوصل ليه ونحققه... الطب المخبري هو حلمي لي ماغانتنازلش عليه...
براء : هضرة وحدة قلناها أنا وياك عندنا نفس التوجه بجوجنا سيونتيفيك يعني ماتهزي الهم لحتى حاجة انا غانبدا معاك الخدمة من دابا وعلى تيساع وفاش تبداو الدروس الحضورية ماغاديش تلقاي صعوبة في الفهم والتمارين غاتلقاي راسك ديجا عندك باكاج ومعرفة قبلية لكل حاجة غاتبقى لك مادة علوم الحياة والأرض خصك تعطيها قتلة راها مهمة في تخصصك...
نعمة : وعطيني الدروس في خطرة وخليني نخدم على خاطري ...
براء : لا ماغانعطيكش المعلومة الجاهزة كل مرة غانعطيك حاجة بالتفصيل ونخدمها معاك حتى نكون متأكد بلي شديتيها عاد غاندوزو للثانية وهاكا غانتمشاو العام كامل حتى دوزي امتحاناتك في أحسن الأحول وان شاء الله لحبيبة ديالي غاتجيب بون نوط...وتولي أحسن طبيبة مخبرية ونحلو لها أكبر لابو فيك يا المغرب....
نعمة : ( ميلات راسها ) تااانكس
براء : ( عض شفايفو كا مرة طايح لها علة مو دباس ) ماتصرفيهاش ليا بوسة!؟
أولاد الوازنة الجزء 99
محتوى القصة
التنقل بين الأجزاء