جرها من ذراعها بقوة كلاها مع الحيط مخلا ليها فين تزعزع وهبط على شفايفها كتبغي تبعدو وهوا معاد كيزيد يلسق حتا بدات تسب فخاطرها علاش تفيقوو كون غير خلاتو ناعس..
حست بيه مبقى ليه الصبر ملي فيقااتو وهوا عندو الرغبة وزادت شعلاتها فيه اكثر ولكن معندها متعمل لقاتها سبة حيت عارفة الا بدا شي حاجة مغاديش يسالي وموحال كاع واش يخرجو من تما وهيا مشوقة ومتلهفة باش تخرج
رخى منها وضار حست بيه تقلق وما عجبو حال وحتا هيا معجبها حال ورجع دخل فالفراش قالب وجههو
بغات تحزرو وبقى فيها ولكن نفسيتها كانت متحمسة للخرجة وحتا جوع غالبها. دخلات الحمام دوشات غير لحمها. ولبست حوايجها فالحمام وخرجت لعندو كتنشف شعرها جلست على كرسي يلاه بغات تهضر وهيا تشوف ناض دخل لحمام .. كملات ونشفات شعرها بسوشوار قدات وجهها بمكياج خفيف وشال على راسها هزت نضارات الشمسية خشاتهم فصاكها مع تليفون وبقاات كتسناه. حتا خرج هوا لاوي عليه فوق وقف يبدل حوايجو. وهيا تنوض لبالكون عطاتو بالضهر حتا كمل ولبس قميجتو عاد ضارت شافتو كيمشط شعرو قبالت المرايا
شاف فيها وقالت بملامح معصبة
يلاه نخرجو
تبعاتو وهوا واقف فالباب داير ليها طريق منين دوز .
خشات يديها فيديه وزيرات عليها ببتسامة شاف فيها بنص عين وهبطو لتحت مباشرة جابو ليه طوموبيلتو حدا الباب .. فتح ليها الباب وعجبها الحال على تصرف لي دار معاها. وطلع حداها ديمارا طوموبيل قلب الضورة خارج من الاوطيل وقال وهوا كيشوف قدامو
- فين بغيتي نمشيو ؟
هزت كتفها وقالت :
معرفااش شوف نتا
حرك راسو بالايجاب وكمل طريقو وهوا ساكت وهيا هازة تليفون كتصور بوحدها وضور كاميرة شوية تصور نص فيه ...
دخلات مباشرة انستا وحطات صورة ليهم بجوج باين فيها غير وذنو وشوية من وجهوو مع لحيتو ونضارات فعينيه.. غير النص فيه وكتبات تحت منها
#أحبك_وكفى
بأحد اجمل مقاهي مراكش... وقف طوموبيل وخرج هوا الاول يلاه حلت الباب وقف قدامها شد فيديها خرجها بشوية واخا باين القلق على وجهو ولكن معاملتو متبدلاتش..
دخلو وطلعو لطبق الثاني لي كيطل على ساحة جامع الفنا
لي كيجتمع فيها الفنانون ورواة القصص والسحرة وبائعي الاعشاب والتوابل .
فطرو تما فجو هادئ
هيا كتهضر وهوا كيرد عادي وتليفون فيديو شاف الصورة لي حطات فالانستا وهز عينو فيها لقاها حتا هيا عينيها مع تليفون راسمة ابتسامة خافتة. دخل كيقرا لي كومنطير لي تما لقا عدد كبير من ناس كيعلقو ويباركو ليهم عاد جات عينو فشنو كاتبة .. خلاها هكاك وخرج من انستا وهيا كتجاوب كل وحدة على تعليق ديالها...
فالسوق لي عامر بالاصوات المختلفة والاشارات والروائح والاذواق فساحة جامع الفنا كان طاح الليل وهوما كيضورو شافت الحنوشا وهيا تخبى فجهاد شد ليها فيديها وحلف عليها حتا يديرو ليها فعنقها بقات كتغوت ليه تما وتخبا فيه باغا تهرب ولكن اصر تحيد الخوف ويديرو غير شويا تاخد غير صورة . شد ليها فخصرها بحنان وداروه ليها على عنقها هابط مع صدرها وهيا شادة عينيها عاد حلاتهم بشوية كتحس بالهبرة متقلة عليها خداو ليها صورة بالزربة عاد حيدوه ليه ومشات كتخبا فيه حتا بعدو ...
استمتعو بالجو ودوزو وقتهم غير فالضوران مرة ياخد ليها كلاص. مرة ياخد ليها العصير وهيا غير لي شافتها باغا دوق منها وتجلس تاكل حتا تنصص ليل وحرقوها رجليها بالضوران عاد طلعو فطوموبيل ورجعو الاوطيل جلسو فالجردة ديالو
مع الناس ووليداتهم لي تما
كانت بنيتة كضور حداهم ونريمان متبعة ليها العين ببتسامة شافت فجهاد لي عينيه فالتليفون وقالت
- جهاد شوف على بنيتة كتحمق ياك
هز راسو فديك البنيتة لي كضور تما وليديها هازين بيبي صغير كيسكتو فيه شاف فيها جهاد ببتسامة وحرك راسو ..
بقات كتشوف فديك البنيتة وقالت
- دابا انا شنو غيكون عندي بنيتة ولا وليد ؟
رد وعينيه فديك البنيتة
- لي جاب الله مهم تفكي على خير
نريمان : ان شاء الله ، اجي ويلا كان عندي وليد واخا نسميه انا ياك ؟
رد : وي نتي غتسميه بيان سير
ابتسمات وهيا كتشوف فيه وردت
نسميه زياد على خويا ؟
حرك راسو ورد : وي سمية زوينة المهم يكون خير حتا تولدي ولي بغيتي سميه
جات ديك البنيتة حداهم كضور وتشوف فيهم وتخرج لسانها . ناضت نريمان من بلاصتها ومشا لعندها هبطات لعندها لأرض شدات فيها باستها وقالت بصوت طفولي
اما هيا بقات كتشوف وتسائل مالو معصب شنو بغا ! واش حيت هازة تليفون ؟ ولا على لي...
طفات حتا هيا تليفون وطفات الضو من حداها خلات غير الفيوز شاعلة وحطت يديها على كتافو كتهز فيه
- جهاد ضور عندي
رد : حيدي يدك خليني نعس
حيداتها وتكات فبلاصتها كتشوف فضهرو على آمل يتلفت لعندها ويعنقها ولكن هكاك بقا لساعة حتا عيا جنبو عاد ضار نعس على ضهرو حاط يديه على عينو حاسة بيه مزال فايق وبغات تراضيه او تلبي ليه الرغبة ديالو ولكن خافت من شي قمعة يخليها فيها ليلة كولها او شي ردت فعل تندمها اللهم تبقى هكاك ساكتة حسن ...
صباح الحال وصبح فايق كيهضر فالتليفون فالبالكون . وريحة دالكارو داخلة حتا لعندها حلت عينيها شافتو كيهضرو وناضت من بلاصتها بشوية لحمام قضات حاجتها توضات وخرجت لبست عباية دالصلاة ،، صلاة وهوا مزال كيهضر حتا كملت وناضت لبست حوايجها وجلست حدا مرايا تقاد شالها. عاد قطع ودخل لعندها
شاف فيها بنص عين وقال
- صباح الخير
ردت ببتسامة باهتة : صباح النور
رد وهوا كيلبس قميجتو :
من دابا 10 ايام عندنا طيارة باش نمشيو
حركات راسها بالايجاب وقالت : واخا ان شاء الله غنرجعو لكازا ياك
رد : وي ،
فداك الوقت سمعو دقان ومشا حل الباب جر الفطور حتا لداخل قدامها . هز هوا قهوتو ورجع خرج لبالكون يشعل كارو فحين قربات لبلاطو تهز العصير كتفطر وتشوف فيه وتشوف كيفاش تهضر معاه وتراضيه حتا كملات فطورها وشبعات عاد توخرات اللور كتقاد مكياج ديالها...
حتا لطوموبيل كالعادة حل ليها الباب طلعت حداه وانطلق ..
داها لحديقة ماجويل حديقة بها مجموعة من الصبار واحواض السباحة ونافورات وطبعا يمكنلك تشوف من خلالها اكثر من 15 نوع ديال طيور في الحديقة حمقها الجو تما وكل مرة طلب منو يصورها ف اي مكان عجبها .
شدها من خصرها وجبد تليفون ديالو خدا صورة ليهم بجوج راسها مايل على صدروا لابسة نضارات شمسية وحتا هوا بنضارات شمسية وابتسامة خافتة . خلا ديك تصويرة عندو بعدما جلسو يرتاحو ويتغداو وكملو على الجولة ديالهم فحدائق المنارة ومن بعدها قصر الباهية وختموها بمتحف مراكش لي كيستاحق الزيارة حتا طاح الليل وتعشاو فجامع الفنا تشهات الشواء وحريرة حط ليها لي بغات . خلاها كتااكل اما هوا معندو شهية لوالو من غير تليفون لي كيتلاهى فيه. حتا كملت ورجعو لأوطيل وكانت ليلة كيف ليلة لي مضات لبسات وتعطرات وتقاد ليه . على آمل يكون يرطاب ويضحك ليها. ولكن خاب ظنها ملي خرجات من حمام ولقاتو طفا الفيوز لي حدا ونعس عطاها بالضهر. دخلت حداه باغا تقيص فيه باغا تعنقو وتسمع كلمات الحب من فمو وكلمات الغزل ، حطات يديها على كتفو باش يضور عندها. ولكن ما هضر ما نطق بقا هكاك حتا دخلات لبلاصتها كضور عينيها وتنهد حتا داها نعاس.
صباح نفس الشيئ ونفس الروتين فطروا وخرجو شد طريقي على بعد 40 دقيقة شافت فيه وقالت
- فين غنمشيو
رد وهوا كيسوق :
- نمشيو ل اوريكة تما شي بلايص زوينين
فحديقة انيما من اجمل المنتزهات بمدينة مراكش تروي عطش الزائر.. انيما جاردين وقف طوموبيل مع صف ديال طوموبيلات وخرج شاد فيديها. لبسات نضارات ديالها وخرجت معاه غاديين كيشوفو فالموروث الافريقي والاعمال الفنية مصنوعة من سيراميك وتماثيل لي خداوها من الكونغو بالاضافة لأقواس المنمقة والمجسمات بكل الالوان .. غادية نريمان وعينيها مع كل هاد الاعمال الرائعة لي نبهرات بيها
خلاتها تالفة ف احضانها وكتستمتع بالروعة جمالها لي مصحوب بالهدوء والطمأنينة ناهيك على الموقع ديالها لي كيطل على جبال الاطلس الكبير ولي كيعطيها رونق خاص..
تما تغداو وكملو الجولة ديالهم حتا تعاشات العشية عاد شدو طريق راجعين.
شافت فيه بخوف وقالت :
واش معصب مني اجهاد ! علاش مقلق ؟
مردش عليها وخلاها هكاك كتهضر بوحدها وتعاود تسولو بلاما يجاوب..
سكتات بعدما تغرغرو الدموع فعينيها من النفخة لي نافخ عليها
حبسو باش يخرجو يتعشاو ولكن مبغاتش تخرج وقالت
ديني الاوطيل نرتاح مفياش جوع
رد وهوا واقف فباب لي من جيهتها :
هبطي بلا غنان تعشاي ونديك ترتاحي
حركات راسها بالنفي وقالت وهيا حابسة دمعة غا بزز : لا مبغيتش بغيت غير نرتاح دابا
رجع طلع لبلاصتو وشد باب رجعها الاوطيل وطلب منهم عشاء طلعوه ليا حتا لاشومبر وهيا كتحيد شالها وتمسح دمعة لي هابطة مع اطراف عينيها اما هوا حط ليها العشاء قدامها وخرج جلس فالبالكون وبيسي حداه فالطبلة كيشوف فيه. شافت فديك الطبلة وكرشها كتلوا بالجوع .. وشافت فيه مرضاتش تحط يديها تاكل وهيا كتقوليه مخصنيش ومفيهااش الجوع..
ولكن معندها مدير ، هزت بلاطو وخرجت لعندو حتا لبالكون حطاتو جنب البيسي شافت فيه وهوا كيشوف فالبلاطو لي حطات تما وقالت
- الا مكنتيش غتعشى انت حتا انا مخصنيش وردو ليهم . غتعشى معايا زيد مبغيتيش حتا انا مبغيتش.
شاف فيها مطولا وهبط عينيه حرك راسو حيد بيسي حطو فالجنب قرب كياكل فصمت . هزت شوكة ومداتها ليه لفمو شدها منها وعينيه فالارض. اما هيا عجبها الحال حيت تجاوب معاها وهزت مرة خرا كتوكلو . مكفهاش هادشي وهزت بيديها كتوكلو وفينما يتوخر لور كتزيد تبزز عليه
- غير هادي وصافي عفاك
شدها منها وناض يغسل يدو كملت عشاها ببتسامة المهم مقمعهاش ولا رفض ودار ليها خاطرها . كملت ورجعت حطت بلاطو لداخل فوق الطبلة اما هوا رجع خرج لبالكون. حيدات كسوة ديالها ودخلات لبسات شوميز مزيرة عليها طلقات شعرها ورشات الروايح وخرجت من حمام بخلخال فرجليها وبانطوفة بيضاء مشات لعندو كتمايل وهوا خاشي راسو فالبيسي
جلست جنبو شاف فيها بنص عين وركز مع شوفة فالبيسي.
اما هيا لاحت يديها مور ضهرو وحطات راسها على كتفو عاضة على شفاها كتخمم اش دير
هزت راسها شدت ليه فذراعو وقالت بصوت رقيق
- شنو غتبقى مخاصم معايا
رد وهوا كيجبد كارو
- دخلي بحالك غنشعل
شافت فالكارو لي حطو فمو حيداتو ليه شداتو فيديها وقالت
زفر بغضب ورد : واري لهناا ونوضي دخلي بحالك وشدي الباب
شافت فيه مطولا معرفاتش كيفاش تراضيه ولكن فكرة الوحيدة لي جاتها وترددات واش تزعم ولا لا ..واخا رغبتها قوية ولكن الخجل والخوف طاغي عليها. صدرهاا كيطلع وينزل كتشوفو معصب ملقاش باش تطفي الغضب ديالو سرعان ما تشجعااات بززز منها وقربات عندو كتشوف فشفايفو وفعينيه وصدرها كيطلع وينزل بلعات ريقها بزز.. وسرعان ماا حطات شفايفها على شفايفو وشدت فيه بقوة كتقبل فيه .. بعدات وجهها كتشوف فيه لقاتو كيشوف فيها مصغر عينيه وكأنه ثمل بديك القبلة حست بلي حتا ديك القبلة معطاتش نتيجة وبلي متسوقش ليها هبطات عينيها كتلعن فراسها وعلى هاد الفكرة لي جاتها يلاه بغات تنوض وهوا يجرها لعندو بقبلة شرسة خلا النفس تقطع فيها تبادلو الاحضان والقبلات شي لي وصلهم لفراشهم يطفيو الرغبة لي عندهم بجوج...
صباح واا شمن صباح حتا هوا صبحو فيه بقبلات متتالية خلاها دوش هيا اللولة . وتخرج كتنشف شعرها وتستعد لصلاة ..عاد دخل موراها وخرج نيشان لبلاصتو يطفي رغبة دالبلية عاد رجع دخل بعدما سلات... هبطو شوانط ديالهم بعدما قرروا يمشيو لأكادير يدوزو فيها شي ايام بيدما يوصل الوقت سفر ديالهم...
استمتعو بالجو فنشاط وحب ورومنسية وليالي حمراء لي مكتقصرش نريمان من جهدها باش ترضيه ولو تكون عيانة ولو معندها ڭانة ولكن هوا اللول...
اخر نهار كان ف احد مسابح الكبرى ف اوطيل اسمتعات بالجو والعومان لي مكتعرفش ليه ولكن بمساعدة جهاد لي شاد فيها وكيضورها بشوية حتا عيات عاد خرجها كتنهج والماء كيقطر منها خلاها كضور وتصور ويصورها هوا وهيا تصورو بوحدو وتعاود تصور هيا وياه حتا عيات
رجعو الاوطيل باش يرتاحو حيت بقا ليهم فقط 3 ايام باش يرجعو لكازا ويجمعو حويجهم باش يستعدو لسفر..
كانت فالحمام كدوش وهوا يرن تليفون ديالها هزو جهاد شاف اسم ديال سمية ومشا كيدق عليها شاف حتا تليفون ديالو كيصوني ورجع يجاوب..
حلت الباب كتشد حزام د الينوار وهوا يرسم ابتسامة على وجههو وقال : ايوا مبروك عليكم الحمد الله فسلامتها. كلشي بعدا داز بخير
رد كينهج : راها تعذبات شوية ولكن الحمد الله ولدات وراهم باقين معاها لداخل...
خرجت نريمان لعند جهاد كتشوف فيه بتساؤل وهوا يمد ليها تليفون وقال
بغات نريمان تمشي تشوفهم لاخر مرة قبل متسافر ولكن البعد وعاد خصها تشد طريق شحال. قطعات بحزن كانت كتمنى تكون مع لورا فالولادة ديالها وتحضر ليها تشوف ولد خوها..
حس بيها جهاد عنقها وقال
- بغيتي تشوفيهم ؟
هزت راسها فيه وردت بالايجاب وعينيها مغرغرين بالدموع
غتخليها حتا ترتاح وتبرا مزيان وغتمشيو نتا وياها لدارهم راه واليديها غيكونو حماقو عليها بالتقلاب . المهن نتل ترجل اوك ! واجه باباها قبل ميقول شي كلمة.
قوليه بغيتهااا وتزوجت بيها وانا قاد بيها وغنعيشها حسن ملي كتصور المهم هضر معاه وبين ليه ..
وهوما ملي غيشوفو بنتهم فرحانة لابسة واكلة بولدها ومزوجة راه معندهم ميقولو المهم هيا تصلح علاقتكم مع واليديها اوك ؟
حرك اشرف راسو بالايجاب وقال : صافي واخا كون هاني
رد جهاد بصرامة : عندك شهر وترد عليا..
وانا عطيتك شهر ديال راحة باش من بعد ترجع لخدمة وراه معندي منسالك كيشكروك دراري بقا هاكا على هاد الحال . ولورا حتا يدوز عام وعاد اجي موراها ديها معاك وهانتا مرة مرة اجي شوفها سيمانا وسير
حرك راسو بالايجاب
- شكرا بزاف اخاي جهاد والله معرفت شنو كنت غنعمل كون موقفتيش معايا الله يجازيك..
تغداو مجموعين وناضت نريمان كتوادع معاهم وتعنق فيهم وتسامح معاهم. خرجات كتشهق وتبكي مسخياش اما هوما كتر .. لقات نعيمة حدا باب كضور بحالا حتا هيا حاسة عنقاتها نريمان بقوة كتبوس فيها وتدكر كاع الايام لي دوزات معاها من نهار لي خداتها..
هادي هيا الدنيا فيها اللقاء وفيها الفراق ...
خرجات وقلبها غيسكت من البكا وجهاد شاد فيها كيسكت فيها ويبوس ... وصلاتهم نسرين واشرف حتا المطار . عاد رجعو.
نزلو فمطار الدار البيضاء كان طلب من لاجونس لي خلا ليهم طوموبيل يصيفطوها ليه لكازا...
اما هوا لقى ريم كتسناه حتا هيا بدات تبكي عليهم وعلى فراقهم قبل ميتفارقو ..
رجعو لدار وتجمعو على العشاء بقاو مقصرين معاهم حتا تنصص الليل عاد ناضو لبيتهم
صباح الحال صبحات فيه ناعسة. مزيان وعلى استعداد لسفر ... جمعات حوايجها كلهم ف جوج شوانط كبار وعاد صاك ديالها لي فيه داكشي لي غتحتاج وكاع الاوراق لازمة ....
تغداو وطلو هبطو الحوايج اما نريمان كتعنق ف اسيا وف ريم لي غتحماق ليهم بالبكا على نريمان مسخياش بيها . وحتا ريهام وليداتهم وماجد وزوجة ديالو عبير وخوت جهاد خرين هاشم ووليد حتا هوما سلمو عليهم وخرجو رافقوهم حتا الجردة .. طلع جهاد حدا ماجد لي غيوصلهم لمطار اما ريم حتا هيا طلعات مع نريمان لور هيا وبنتها ... ديمارات طوموبيل ونريمان من زاج كدير ليهم باي باي. حتا تحلو بيبان الڤيلا وخرجات طوموبيل بسرعة .. دخلو لمطار وماجد وجهاد جارين شوانط موراهم ... طبعو الاوراق وصيفطو شوانط ديالهم وجلسو فكفيتيريا كيتجمعو ويضحكو بيناتهم حتا وصل الوقت المغادرة ..
ناضو كيتعانقو وريم كتدي فنريمان وتجيب شمال ويمين
مشاو معاهم حتا لباب عاد توادعو اخر وداع وخرجو كيديرو ليهم باي باي وجهاد محرف بصاك صغير ديال السفر فيه اوراقهم ... طبعو الاوراق حتا سمعو المرشدة كتنادي على مسافرين بعبور البوابة واتجاه الى طائرة. خرجو مع المسافرين طلعو لطيارة ومضيفات واقفين فالباب شاد ليها جهاد فيديها كيوشفو الرقم ديالهم عاد جلسو بالارتاح هدوء وجو زوين واخا الحرارة مرتافعة برا ولكن الجو فطائرة مبرد شوية. طلعو الركاب وعمرات طيارة والمضيفة كتطلب منهم اطفاء الهواتف
كلشي طفا تليفون ديالو
للحضة بدات طيارة كتحكر كتعلن على انطلاق.. سرعان ما بدات نريمان ترعد وهيا كتشوفها متسرع اكثرررر ضارت عند جهاد خشات وجهها فيه معنقاه وهوا كيضحك عليها حتا طلعات الطائرة فالسماء .. عاد هزت راسها كتشوف من النافدة وطل لتحت تلفتات عندو لقاتو كيشوف فالشاشة وكيسولها فاش تفرج .. جرها لعندو لصدرو وقالت
- لي بغيتي شحال ديال الوقت باش نوصلو
رد : 7 سوايع
حركات راسها وقالت : ناري بزااف .
حرك راسو ودار فيلم اجنبي درامي ...
وهيا حاطة راسها على صدروا وقفات عليهم المضيفة طلب منها جهاد مشروبات ليهم بجوج جابتهم ليه ببتسامة ومشات تشوف البقية....
وهوما كيتفرجو ونريمان مرة تشرب مرة تحط راسو على صدروا كتفرج حتا داها نعاس ومحساااتش براسها ايمتا نعسات ولا شحال نعسات.. حلت عين وحدة شافت فيه وقالت :
ناري هه نعست
جهاد : وي خليك ناعسة مزال الحال يلاه 3 سوايع...
نريمان : بفف عييت
جهاد : فيك الجوع ؟
حركات راسها بالايجاب وضغط على الزر وقفات عليه المضيفة ببتسامة. طلب منها الاكل ومرافق ديالو مع مشروبات ...
رجعات نريمان تكات عليه كتفرج معاه فيلم اجنبي اخر... حتا حطو ليهم الاكل .. عمرات كرشها مزيااان حتا مبقى ليها فين تزيد. عاد توخرات اللور...
وكملات على عناقها ليه كتفرج معاه حتا تزيرات وناض معاها لطواليط حتا دخلات عاد رجع لبلاصتو..
خرجات كتقلب بعينيها قوة كراسي وناس تلفات على راسها حتا فين كانت جالسة عاد شير ليها بيديه ومشات لعندو دار ليها طريق منين دوز لبلاصتها . جلست بارتياح كتفرج ومرة يديها نعاس مرة تفيق وتبغي تاكل .. حتا وصلو وبدات الطيارة كتنزل وهيا خاشية وجهها فصدروا شادة عينيها حتا وقفات .
نزلو من طيارة ولمعة فعينيها وريحة الغربة وبلاد جديدة وجو جديد ،، دارو الاجراءات القنونية وخرجو استلموا شوانط ديالهم .. ف ممر طويل غادي مع المسافرين حتا خرجو برا ،،
كان ف انتضارهم آليكس والزوجة ديالو فسيارة سوداء غير شافو جهاد
خرجو من طوموبيل كانت الزوجة ديالو هازة وليد صغير فيديها عاطيهم بالضهر
وآليكس هاز بنيتة صغيرة فعمر 5 سنوات ...
حل آليكس يديه سلم على جهاد هز بنيتة من عندو باسها .
وضار لعند زوجة اليكس سلمات عليه من الوجه ومدات ليه الولد لي هازة شدو منها بفرح كيبوس فيه خاشي راسو فعنقو كيدغدغ فيه بقبلات متتالية وهوا ناعس حتا فيقو غير حل عينيه وهوا يعنقو من وجهو ويردد
با .... بااباا
ابتسمات نريمان ابتسامة خافتة وهيا واقفة موراهم تقدم اليكس سلم عليه بالكف بدلاتو السلام واخا مفهماتوش اش قال ونفس الشيئ زوجة ديالو مدات ليها يديها سلمات عليها بحرارة مع ابتسامة كتهضر ولكن نريمان مفهمات والو غير حركات ليها راسها بالايجاب مع ابتسامة.
- مكيبغي يمشي عند حد دغيا كيبكي دابا يولفك من بعد..
حركات راسها بالايجاب ومشات معاهم طلعات لورا فالطوموبيل مع ساندرا وبنتها اما جهاد طلع حدا آليكس هاز ولدو فيديه غاديين بسرعة بطيئة كيهضروا ويضحكو ونريمان غير كتشوف فيهم وساكتة ما هيا كتفهمهم اش كيقولو ولا علاش كيضحكو..
سرعان محسات بالقهرة وبكية فطرف عينيها ..
اش سبابها .. عندها بزاف دالاسباب لي نريمان براسها مقدراتش تفهمهم. ضورات وجهها لزاج كتشوف فشوارع نيويورك لي مزال عندهم نهار ..
وقفو طوموبيل فحي جميل خرجات نريمان معاهم كضور عينيها. ودخلات معاهم كانت بتي ڤيلا بيها حديقة مضورة عليها واعمدة طويلة حديدة مشبكين ضايرن بيها بحال .. حلو الباب ودخل اليكس كيرحب بيهم دخلهم لصالة كبيرة ديال ضيوف شافتهم دخلو بصبابطهم ودخلات حتا هيا معاهم جلست جنب جهاد لي مزال هاز ولدو كيخرج ليه لسانو حتا كيبغي يعضو ليه ويرجع جهاد يدخلو كيضحك وهوا كيتمجنن باغي يشد لسانو بيديه صغيورين حمقو جهاد وهيا متبعة ليهم العين وساكتة..
جلست قدامها ليڤين ببتسامة قربات عندها نريمان طبعات قبلة على خدودها ودوز يديها على شعرها
جلس آليكس كيتجمع مع جهاد شوية ورجع ناض لمطبخ عند ساندرا .. خرجو ليهم العصير والقهوة وبعض حلويات كلاو ورتاحو شوية من تعب السفر . عاد ناض جهاد هوا ونريمان تسالمو على ساندرا وخرجو مع آليكس طلعو فطوموبيل بعد 15 دقيقة .. وقف قدام اقامة عالية بابها الكبير فيه جوج سيكيريتي ..
عاودو تسالمو مع اليكس.
وطلعو فالدروج ديال اقامة حتا لباب عاد مشاو جهة لاسنسور طلب من سيكيريتي يطلعو ليه شوانط وكان سبقهم ليه حدا الباب عاد طلعو هوما هازة صاكها صغير فيديها وهوا هاز ولدو حتا لباب حل الباب ودار ليها طريق منين دوز عاد شد الباب موراهم شعل الضو من الجنب حدا باب
دخلات كضور عينيها بإعجاب بالخصوص ملي شافت السكنة كلها ضايرة بالزاج مشات وقفات حداه والمدينة كتبان والشوارع لي بعاد والقراب والأضواء الليلة مشعولة فكل مكان .. تلفتات عندو لقاتو حط ولدو فالكرسي ديالو ومشا الكوزينة لي محلولة على صالة مونجي وعلى الصالة الكبيرة كانت سكنة كلها محلولة شي كيشوف فشي ممفروقاش بشي صور او حيط من غير الكولوار لي كيدي لبيوت ..
حركات راسها ومشات جرت شوانط لي حدا باب. حلت بيت نعاس كانت بيت كبير حتا هوا .. بفراش كبير وغطاء ناعم باللون المفضل عند جهاد لبلو مارين .. وحتا اللون فالبيت كان بالبلو مارين والسقف بالابيض وجوج كوفوزت وقبالت الفراش طبلة بالمرايا ديالها وكرسي مريح دالجلد .. دريسينغ فواحد الجهة خاوية دخلات ليه تشوفو حتا هوا ورجعت خرجت حلت بالكون لي كيطل على المدينة طلت على الشارع لقاتو كيبان بعيد حتا جاب ليها الدوخة ورجعت بالزربة كان فوطوي صغير وقبالتو جوج كراسا وصبلة زجاجية صغيرة .. غير بالكون يخليك تشهى تجلس فيه وتاكل فيه وتنعس فيه والهدوء تما وراحة...
رجعت دخلت وكان جنب البالكون حمام حتا هوا كبير ومعزول بزاج دوش بوحدو وطواليط بوحدها
- جهاد دابا انا شنو غندير مهضرناش انا وياك بزاف ومعرفاش شنو نتا غدير هنا وعلاش بغيتي ترجع لهنا ؟ ياك قلتي صافي استقريتي فالمغرب علاش بغيتي تجي لهنا وانا شنو غندير هنا ؟ زعمة بغيت نقول واش غندير شي حاجة ( بالارتباك ) واش غغ غنخدم ولا غنقرا ولا نقدر ندير شي بروجي من هنا لقدام.. واش غنرجعو المغرب ولاا ...غ نن نعيشو هنا
طولات فالهضرة كتسول وتعاود نفس السؤال وهوا ساكت كيسمع ليها حتا كملات ورد بعربيتو المخربقة بحال ديما كيبقى يقلب على كلمات فدماغو ويترجمها عاد كيرد عليها ...
انا بصراحة هنا كنرتاح اكثر والجو ديال هنا ولفتو
وحتا خدمتي ولفتها هنا قبل منمشي لامارات ولا نفكر فالمغرب ...
المغرب معشتش فيه بزاف نتي عارفة
وكنحس براسي ديما غريب عليه مقدرتش نعيش فيه حيت جاني صعيب.. المهم هنا راحتي كناخدها كتر وحتا نتي مع الوقت غيعجبك الحال وغتولفي
جهاد : نوو بالعكس حتا انا فاللول لغة عربية مكانتش عندي هه مي مع الوقت.. ومور ما تعرفت عليك هانا بديت نفهمك ومزيان كاااااااع
ضحكات بطريقة لي قال كاع وحتا هوما
كمل كلامو وقال
ودابا هانا كنفهم عربية مزيان واخا صعيبة عليا انا باش نرد مي. واخا هكاك كنرد كنبقى نترجم فراسي كلمات صراحة كانت صعيبة بزاف فاللول مي دابا نو...حتا نتي مع اللولف غتبقاي تهضري غير بيها وبيان سير غنبقاو نهضرو انا وياك بيها والعربية لا حيت باش يتسرح لسانك مزيان فيها...
حركات راسها بالايجاب
وقالت
: دابا ملي غنقرا اللغة شنو غندير ؟ زز زعمة واش نخدم ولا ششنو ندير....
هز راسو رشف من كاسو د العصير رجع حط وقال
- اول حاجة هوا تقراي فهاد المدة ومن بعد خاصك تولفي وتعرفي فين تمشي وفين تجي وتعرفي البلايص ومن بعد . حتا تولدي ويكبر ولدي ولا بنتي شوية عاد ديك ساعة نفكرو شنو غادي ديري ولي بغيتيها انا معاك فيها مغاديش نرفض ولا نعكس ليك.
حركت راسها بالايجاب وسكتات كتخمم فهادشي لي قال ليها ،، كتشوف راسها مووحااال دخل فراسها اللغة وموحال تولف ديك البلاد ولا تعرف شي بلاصة ولا تعقل عليها..
بقات مترددة وفبالها سؤال باغا تعرف جوابو وقالت
ودابا ايمتا كتكون عندك الخدمة زعمة ايمتا تخرج وايمتا تجي وو... و اجي ولدك كاعما قلتيلي شنو سميتو ؟
رد وهوا مصغر عينيه فيها ويدو على فكو
- إلياس
ابتسمات ورد : سمية زوينة تبارك الله ، الله يحفضك بغيت نسولك عليه واش غادي يبغي يبقى معايا ملي تخرج نتا ؟
حرك راسو ورد : نو غدا غتجي مربية ديالو هوا مولف عليها ملي كنا مزال هنا . عاد هضرت معاها قبيلة غتجي غدا صباح نتي غير رتاحي
حرك راسو بالنفي وسكت مردش عليها باش ميعاودش يفيق ليه..
رجعات لبيت تخشات فبلاصتها كتلعب فالتليفون حتا رجع دخل عندها هازو فيدو شد باب برجلو ومشا لبلاصتو تكا على ضهرو منعسو على كرشو كيطبطب عليه بيد ويد لوخرا سرحها على لفراش لعند نريمان كيداعبها فيديها وفعنقها ويجرها لعندو
شوية رجع جلس كيعنق ف الياس لي كيبكي فنعاسو
ونريمان كتشوف فيه وفالاهتمام والحب لي عاطي لولدو.
حتا ساط فالنعاس وناض حطو فالوسط جر عليه الغطا ودار ليه جوج مخدات من جوج جوايه باش ميتشقلبش ويطيح..
وقف جهة نريمان وجرها من يديها خرجها حتا لصالة جلس وجرها فوق رجلو جلسها عليه
جهاد : توحشتك ههه
ضورات عينيها بالانزعاج معجبهاش الجو واش هادشي لي باغي فيا ؟
عودات شافت فيه وهوا خاشي راسو فعنقها كيقبل فيها بزز وبلا رغبة خلاتو يكمل ويوصل لمبتغاه...
على بكاء الياس حلات عينيها مخلوعة والقلب ديالها كيضرب بقوة بحالا كانت كتجري تلفتات ملقاتوش حداه وصداع جاي من برا ... حطت يديها على صدرها كتنهج حتا رتاحت عاد رمات الغطاء جرت بينوار ديالها لبساتو عليها وناضت كتجمع فشعرها. دخلات لحمامد دوشات بالزربة وخرجت كتنشف شعرها .. لبسات بيجامة ديال دار تيشورط بسروالها خلات الفوطة ملوية على راسها و خرجات عندو لقاتو هازو كيسكت فيه ويعطيه الرضاعة ديالو
نريمان : صباح الخير
رد : صباح النور
نريمان : مبغاش يسكت مالو؟
تنهد ورد : معرفتش مالو غنديه لطبيب عنداك تكون كضرو شي حاجة
ابتسمات من كلمة مامي ومدات يديها تشدو يلاه ضور الوليد راسو شاف فيها وهوا يضور بالزربة وزاد فالبكا خاشي راسو فصدر جهاد. قربات نريمان عند حطت يديها على ضهرو وهوا كيهز يدو كيبعدها ويزيد يبكي.
جهاد : صافي خليه مبغاش
سمع صونيت فالباب ومشا هازو حتا لباب حل بقات نريمان متبعة ليه العين حل لبنت فعمر ثلاثينات جامعة شعرها الاسود لابسة كسوة قصيرة حد الركبة وصدرها خارج باين وطالون وصاك بحال شانطة فيديها جراه ...
شافتها نريمان وهيا تهز حاجبها.. شكون هادي ؟
رحب بيها جهاد دخلات وقفات قبالتو حاطة يديها على ضهر الياس كتهضر معاه سرعان ما هز عينو المدمعين فيها غير شافها وهوا يمد يديه لعندها هزاتو كتبوس فيه وضحك وتلوا بخصرها قدام جهاد
جهاد : يلاه ها كترينا جات ابابا صافي !! هه
ردت بالاينجليزية : كون خليتوه معايا من اللول ومديتوهش لمربية اخر ..
رد وهوا غادي جهت الكوزينة
المهم دابا هاهوا معاك شوية ونمشيو نديوه لطبيب
ردت وهيا كتبوس ف الياس وتلعب ليه فشعرو
- علاش مالو ؟
ساطت نريمان بالانزعاج ومشا لبيت وشدت الباب ..
اما كترينا عاد انتبهات ليها ومشات لعند جهاد وقالت ببتسامة
- شكون هاد السيدة ؟
رد وهوا كيكب القهوة : المدام
هزت حاجبها وردت : هاا تزوجتي ؟ مزيان مبروك
ابتسم ورد
يلاه بدلي ليه ولبسيه شي حاجة شوية ونخرجو
خلاها واقفة ومشا لبيت نعاس هاز فنجان دقهوتو فيدو يلاه حل الباب وهيا تنوض من بلاصتها عينيها حومر عطاتو بالهضر ومشات لدريسينغ ...
حط قهوة فوق المجر ومشا لعندها لقاها كتلبس لباس الصلاة حاوطها بيديه ورد
- مال الزين ديالي
حركات راسها بالنفي وعينيها فالارض .. بعداتو على صدرها وخرجت فرشت زربية صغيرة فالارض وقبل ميهضر اقامت الصلاة
شافت وجهو حمر وهضر معاها بديك الطريقة خلا دموع يتحجروا فعينيها مرداتش عليه اما هوا خرج لبرا .. هبطو دموعها مع خدها اصلا قلبها طايب وغير يزيدها شي حد هضرة كيزيد يطيب كتر ندمات على لي عنقاتو وبغات تواسيه
خرجات لبالكون وشدت عليها جلست على كرسي كتبكي وتشهق وتمسح دموعها سمعاتو الحس ديالو فالبيت وهيا ضور عطاتو بالضهر وسكتات
ناضت حتا نريمان دخلت البيت وشدت عليها شافت ف الياس وخرجت البالكون بقات جالسة فيه نهار كامل شادة تليفون فيديها حتا طاح الليل فكل مرة كان كيدخل جهاد لبيت كتقلب وجهها وحتا هوا مباغيش يزيد يضغط عليها . وحتا من الغداء دخلو ليها للبالكون حطو حداها ولكن مداقتش منو واخا كرشها كتلوا بالجوع ..
رجع عندها جلس حداها وقال
- علاش مكليتيش ؟ واش باغا تخرجي على راسك وعلى لي فكرشك ولا
مرداتش وبقاات كتشوف فالتليفون
تنهد ورجع قال
- نوضي دخلي لبلاصتك رتاحي وكولي شوية راه 9 دليل هادي
خلاتو جالس وناضت دخلت لبيت حطات تليفونها ومشات توضات وصلاة وهوا متبع ليها العين جالس فبلاصتو كيتسناها حتا تكمل .
كملات ولبست بيجامتها ومشات لبلاصتها تخشات فيها وعطاتو بالضهر
حط يديه على ذراعها وقال
- حبيبة نوضي كولي شوية
قرب يبوسها من عنقها وهيا تهرب راسها
عاود بغا يشدها وهيا تقول بحدة
- غتخليني نعس ولا غنخرج لزنقة صافي حيد يدك علياااااا
بعد عليها اما هيا جرت عليها الغطاء غطات راسها ورجليها وتكمشت ...
بعد دقائق رجع دخل لبيت حط ليها العشاء حداها وحركها بشوية
جهاد : نوضي تاكلي غير على قبل بيبي لي فكرشك عفااك انريمان نوضي وسمحيلي
مرداتش عليه اما هوا بقا جالس قرفصاء كيشوف فيها بندم ..
ورجع ناض خرج وشد باب مقدراتش تصبر على الجوع لي كيقطع فيها وحيدات الغطاء بالانزعاج شافت سلاد ولا صوب حمراء هزاتها داقت منها شوية عجباتها عاد شربت فيها النص. هزت كاس عصير شرباتو وفرشيط فيديها كضور على شلاضة تاكل هادي دوز هادي ماا دوز حتا كملات ورجعت داكشي لبلاطو .. رجعت تكات وسرعان مرجعت ناضت
حلت لباب بشوية وخرجات راسها كطل كان البيت د الياس لي حداهم فنفس الكولوار مشدود بان ليها جهاد فالصالة جالس وهاز بيسي فوق رجلو ورجعت دخلت كضور ودوز يديها على وجهها بغيرة وتوتر مكرهااتش تخرج وتجلس وسط منهم
حست بالقهرة والبكية وندم الشديد ورجعت دخلت لبلاصتها كتبكي تنخصص حتا سمعات الباب تحل عاد سكتات وشدت عينيها . عودات تشدات الباب وحست بشي حد دخل حداها فالفراش ضرباتها ريحتو المجهدة ويديه لي رماها عليها معنقها وهيا عاطياه بالضهر ..
بقات هكاك حتا داها نعاس...
صباح جديد
حلت عينيها وضارت لبلاصتو لقاتها خاوية ناضت بسرعة خرجت برا ملقات حتا شي حد دخلت لبيت الياس حتا هوا خاوي ومفيه حد
تغرغروا دموع فعينيها من كثرة الوساويس لي جاوها على صباح تكرهااات فمرا جلست كتنخصص فوق الفراش حتا شافت السوارت كيضورو فالباب مسحات عينيها بالزربة وقلبات وجهها لجهة خرا
دخلات كاترين هازة الياس فيها وحقيبة صغيرة ديالو لي فيها بيبرون ولي غيحتاج
شافت ف نريمان ببتسامة اما نريمان شافت فيها بنص عين وقلبات وجهها بغات تسولها ولكن مغاديش تعرف اش تقوليها هنا زادت وحلات وزادت تخنقاات كتر ..رجعت لبيتها بغات تكتب ليه مسج وسرعان ما مسحاتو ورمات تليفون على الفراش
- شغادي نقوليه ؟ وباش غيجااوبني كاع !! الا كانو مصاحبين واش غيقوليا اه مصاحبين انا وياها ويلا كان بينو وبينها شي حاجة واش غيقولهالي ويعتارف ليا بيها... طبعا لا !!!
ملقات علامن تشكي ولا علامن تبكي من غير الله توضات ومشات القبلة تصلي وتدعي وهيا كتبكي وتعاود تصلي وتبكيي وتدعي حتا عيات وسخفات . دخلات لبلاصتها بلا فطور كتبكي وتمسح عينيها حتا سمعات الدقان فالباب مجوبااتش وشوية وهيا تحل عليها كاترين الباب طلت عليها ضورات نريمان وجهها شافتها داخلة وهيا تنوض بغضب وقالت
دوزات اسبوع كامل وهيا مريضة وغير على سبة وغير كتغوت ..
كيحاول يواسيها ويعرف غير مالها ولكن مكتجااوبش. يوميا كيحاول معاها يديها لطبيب باش دير الفحص على الجنين ولكن بدون جدوى طلب سماحة مرارا وتكرارا .. حاول يخرجها ولكن مبغات حتا حاجة غير يشد فيها تغوت غير يهضر معاها تغوت وبالخصوص ملي كتشوف كاترين كدوز حداها مرة بكسوة مقزبة ومزيرة مرة سروال مزير مع مأخرتها وصدرها نص فيه مدلي.. هادشي كامل مقدراتش تخرجو وتقولو ولكن جننها... وعاد ملي كيكون ولدو كيبكي وكيكون هازة وكاترين غادية جايا معاه هاهيا جالسة حداه هاهيا كتحنى حتا لعندو بصدرها العاري...
نريمان مكرهاتش كون دارت المشنقة وتنهنى ومتبقاش تشوف داكشي الشك غيخرج عليها غيقتلهااا... حولات تصبر راسها وحولات تهذن ولكن مقدراتش نفسية مدمرة على الآخر
اما جهاد و حل وتلفت فهاد السيمانا معاها وعاد زادو ولدو لي حتا هوا مزال مريض وكل مرة يديه لطبيب حتا شدوه عندهم وبقا معاه فالكلينيك 5 ايام وكل مرة يتاصل بنريمان باش يعرف اخبارها مكتردش عليه اولا كتقطع ..
بعدما تحسنات الحالة د الياس وخرج ليه طبيب غير الدواء يتبعو . هزو جهاد وخرج من الكلينيك برفقة كاترين لي طيلة هاد الفترة وهيا معاه ومع الياس ..
طلعو فالطوموبيل وردهم حتا لدار نزلات كاترين هازة الياس معنقاه ومغطياه بالمانطة حيت البرد تحرك حتا دخلات مع الباب عاد تحرك جهاد...
حلت الباب وكانت نريمان جالسة متكية على الفراش تليفون فيديها غير شافتهم داخلين وهيا تقلب عينيها
بدلات ليه كاترين حويجاتو وخرجاتو هازاه فيديها وهيا لابسة دجين مع تريكو سخون معري من العنق وشقة دالصدر باينة حطات الياس فالكرسي ديالو ومشات الكوزينة كضور وتجبد ونريمان متبعة ليها العين. كتشوفها كطيب وتوجد عادي بحالا هيا مولات الدار وبحالا هيا مرات جهاد...
ناضت نريمان قبل ميهبطو دموعها لي على سبة دخلات البيت وشدت عليها وبقات تما مخرجاتش منو حتا وصلات 11 د ليل ،، سمعات الهضرة برا وجرت عليها الغطا كيف العادة غطات راسها ورجليها
سمعات الباب تحل وعاود تشد بقات هكاك حتا حست بيديه كيحيدو الغطاء من على راسها وهيا تقلب وتكمشات فالغطاا ..
عاود بغا يحلو وهيا تنوض رمات ليه داك الغطاء وخرجت البالكون كان الريح مجهد يلاه حلت الباب وهوا ينوض شد ليها فيديها جرها عندو وشد الباب
نترات يديها وقالت : حيد يدك مني
شدها من خصرها بقوة وغير ساكتة ميشوف فعينيها بترجي هزت عينيها فيه وعودات قلبات عينيها وصدرها كيطلع وينزل
جهاد : دابا شنو غنبقاو هاكا !! معصبين ومكنهضروش ؟
بغات دفعو ولكن كان حاكمها بيديه وقال
جهاد : نريمان عضريني عفااك احبيبة حرام عليك 15 يوم ونتي دايرة لياا هاد الحالة ونافراني شنو درت ليك ؟ اه عارف راسي نفاعلت وهضرت معاك بديك الطريقة ولكن والله مالخاطري سمحلي احبيبة
نسات داك الغوتة لي غوت عليها ولكن لوسواس لي فخاطرها وهاد الغبرة لي رجع كيدير وهاد كاترين لي كضور حداه بداك اللباس هادشي هوا لي مرضها كتر ...
كمل كلامو وهوا كيتسنى جوابها شافت فيه وردت
- جهاد انا عيانة ومفيا لي يهضر ولا لي يغوت صافي داكشي نسيتو دابا خليني ومتبقاش تشد فيا بحال هاكا صافي خليني عليك...
دفعاتو من صدروا ومشات لبلاصتها عطاتو بالضهر شافت علبة حمراء فوق كوافوزة لي حداها ورجعت شدت عينيها كأنها ماشافت والو ... مشا جلس قرفصاء حداها وهيا شادة عينيها هز ديك العلبة حمراء حلها وجبد منها ساعة بالبراسلي ديالها هز البراسلي ديال الذهب لبسو ليها كان مزير بالاحجار دياموند بقات على داك الحال محلاتش عينيها وبقات ساكتة باس ليها يديها وقال
مردتش عليه ومشات لحدا المرايا قدات شالها مرة خرا وخرجت هيا اللولة تنهدت بنفاذ الصبر وتبعها هبطو فلاسنسور مباشرة خرجو فلاكاب فيها سيارات متصاافين .. شد ليها فخصرها حتا لطوموبيلتو حل ليها الباب طلعات وطلع حداها وديمارا خرج مع الباب
دخلو ببتسامة وهوا شاد فيها حتا لعند الطبيبة جلسو معاها وجهاد كيهضر معاها اما نريمان غير كتشوف فيهم وساكتة..
و بزاف عاد لواحد الدرجة متصورش . عرفتي من قديم وامنيتي يكونو عندي تويمات كنحمااق عليهم ورمضان كولو كنت كندعي الله يرزقني بيهم وليلة القدر منعستش فمرا وبايتة كندعي ونطلب الله. سبحان الله العظيم ربي ستاجب مني !!!
حركات راسها بالايجاب وتلفتات كتشوف فالناس لي جالسين تما عاد تفكرات الفطور وتفكرات راسها فيها الجوع ...
وبدات تاكل وراسها مرفوع من شدة الفرحة ...
كملو فطورهم وقرر يكون هداك نهارهم يتصالحو فيه وينساو فيه هاد الخلاف لي داز بيناتهم فهاد المدة ...
خداها فجولة فشوارع نيويورك وهيا مستمتعة معاه كيوريها كل بلاصة هادا سوبر مارشي... هادي الكلية ... هادا متحف ... هادي كنيسة
غادي وكينعت ليها ويشرح ليها وهيا كتحرك راسها بالايجاب وطلب منو يوقف كتصور دوك الاماكن وتكتب اسماءهم باش تعقل عليهم
تغداو فغيسطو داخل فالبحر فجو دافي عكس الريح القوي لي برا .. عجبها المكان وعجبها الأكل وحتا نظام .... عاد رجعو لبيت بعدما طاح الليل..
حل الباب ودخلات هيا اللولا شافت الياس كيحبو فالارض ويوقف ويعاود يطيح واللعاب مشتتين فالارض وكاترين كتلعب معاه ...
دخلات شافت فيها بنص عين ومشات البيت . اما جهاد نيشان تحنى عندو هزو فالسماء كيبوس فيه ويهضر معاه
شاف ف كاترين وقال
- شوية اليوم ؟ مبكاش عطيتيه الدواء ؟
حركات راسها بالايجاب ورد
اه عطيتو الدواء وبيبرون نعس شوية وفاق
حرك راسو ومشا جلس بيه فالصالة وهيا جالسة فالكنبة لي قبالتو دايرة رجل على رجل لابسة جيب قصيرة وديباردور لاسق على صدرها. هزت تليفون وهيا تخرج نريمان مبدلة حوايجها لبسات بيجامة خفيفة ديال الدار وجامعة شعرها سفنجة شافت فيها بنص عين ومشات جلست حدا جهاد لي جرها من يديها جلسها حداه ..
مكمشة فمها وغير كتسوط ومرة مرة ضور عينيها تشوف ف كاترين فجلستها فلباسها وطريقتها فالهضرة فشعرها وملامح وجهها البيضاء صافية وضفيراتها الطوال المصبوغين بالاسود
ابسط تفاصيل حققات فيهم نريمان ورجعت قلبت عينيها .. ناضت من حداهم دخلات الكوزينة كتنهد ودرمج غا بوحدها
مسوقكش فياااا وبعد مني واخر مرة تعاود تهضرنيييي بغيتي هاد السلڭوطة هاهيا معاك سير خرج عندها انا نسااااني انا مكيناااش انااا متت سمعتي بعدي مني
زادت جعراتو كتر ورد وهديك كتشالي بعصبية
- علاش هادشي دابا علاش !!! مالنا على هاد الحالة وهاد الهضرة شنو بغيتي ندير نجري عليهاااا
ردت كتنهج وترعد : جري عليهااا ولا خرج نتا وياه كااااع ولا نخويلكم اناااا هاد الدار احسسسن
دفعاتو بقوة بقا غير كيشوف فيها ودمم كيغلي فيه
جهاد : انا جبتها على حساب ولدي وضروري تقبليهااا انريمان حيت ولدي معندي لمن نخليه واش الا خرجتها نتي غتقابليه لياا !!
ردت بحدة :
نهار اللول اش قلتي ليااا هاا ؟ شنو قلتي !!
قلتي ليا ولدي مع ماماه ... ولدي مغاديش تشوفيه كوني هانية.... بعيد عليك
انا بغيك نتي وغنعيشو غا بجوج بينا ونتا عارفني انا مزال حتا لدابا متسرطااتش ليا عندك ولد وبزز مني تقبلتو حيت كنبغيك وبغيت نرجع ليك اما كون حساب ليا هاكا والله منرجع ليك ومناااااقص من هاد الزواج وميجي معاه . مقدكش ولدك زايدني حتا بهاد بنت زناقي كتعوج حداك ونتا عاجبك الحال بحالا هيا مراتك وانا خدامة عندك يخخخ من الزواج وحسس الرجال وميجي منكم كاااع
هز يديه وسرعان مرجع هبطها وجههو حمر غيطرطق
وهيا واقفة حداه كتنخصص عطاتو وجهها وقالت
هااا وجهي هاا ضرب غا ضرب مكدباااتش ماما ملي قالت ليا نتا ماشي ديال التيقة و غير غضحك عليااا كانت حاسة هيا بهادشي كان يحساب ليا بصح راجل ساع...
قبل متكمل كلامها عطاتها بتسرفيقة حتا جابها طايحة فوق النموسية وطلع فوق منها شدها من شعرها حتا طرطق ليها من الجدر وقال
اااه ماشي راجل ودابا نوقفك على هاد الكلام غااا تسناي
فديك الاثناء دخلات كاترين حلت عليهم الباب بعدما سمعات غواتهم وصداع مجهد فالباب حلت عليهم الباب لقاتو شاد ليها فشعرها وهيا كتغوت وتفرطط بين رجليه ويديه جراتو كاترين من يديه مخلوعة على هادشي لي واقع ناض ودفعها وقال
- خرجييي براااا اخر مرة دخلي لهاد البيت برااااااااااا
خرجت تالفة وعينيها مع نريمان لي كتنهج وتنخصص تلفت شاف فيها باشمئزاز وقال
- انا لي خاصني ندم حيت فكرت نعاود نتزوج بيك
خرج خلاها مصدومة كترعد وتنهج عقلها غيخرج وصدرها كيطلع وينزل .. حست براسها وقفات على كلام سمية وندمت ندم شديد حيت تزوجات بيه. وبتصرف ديالو زادو شكوكها ان بينها وبين جهاد شي حاجة
دوزات اكفس ليلة بوحدها فالبيت جالسة فالارض حتا ناض فيها الوجه من البرد لي طلع معاها طلعات فوق الفراش شادة فكرشها وكترعد وتبكي بهيستيرية .. كتسمع صوت الياس برا وصوت كاترين اما صوتو مكينش ملي خرج مرجع دخل ..
شربات دواها ورجعت تكات فوق الفراش كتلوا بالحريق وتخرج آنين عاضة على شفاها حتا داها نعاس
صباح الحال وصبحوو العينين منفوخين واللحم مفصلة بحالا كانت كتجري بزز حلات عينيها كضور عينيها فالبيت المضلم داخل شوية ديال الضو من جناب الريدو ديال البالكون تفكرت ليلة الماضية وهبطو دموعها من الشي لي عاشتو شافت فالطبلة ديال صغيرة لقات فوق منها الفطور مغطي بزيف رهيف
تعشات العشية وهيا كل مرة تنعس وترجع تفيق وتعاود تخمم وتبكي وتعاود تنعس حتا طاح الضلام مخرجات من البيت ما كلات من غير تنوض تصلي وترجع تكا فبلاصتها. سمعات باب دار تحلات وصوتو كيهضر مع ولدو وهيا تجر عليها المانطة غطات بيها راسها وشدت عينيها حتا تحل باب البيت وعاود تشد كتسمع خطواتو ..
وقف كيشوف فيها ويشوف فالطبلة لي مزال الأكل فيها وقال
واش مغتنوضيش تاكلي !
مرداتش عليه
مشا جيهتها حيد ليها الغطا على وجهها ويديها على عينيها مغطياهم حس بيها فايقة وقال
نوضي كولي شوية باش تشربي دواك هاد العناد وهادشي معندو فاش يفيدك راه فكرشك روح فكري غا فيها بعدا
مرداتش عليه وبقات على نفس الحال بغا يحيد ليها يديها من على عينيها وهيا تخشي وجهها فالمخدة وزيرات بيديها على راسها
تنهد بنفاد الصبر فحيرة معرف شنو يدير معاها
جلس مفرق رجليه حاط يديه على ركابيه كيشوف فالارض ويسوط
رجع تلفت عندها بغا يهضر ورجع سكت وخرج كيسب فخاطرو زدح الباب حتا تفزعات من بلاصتها
حلت عينيها وهزت راسها كتنخصص النفسية مزفتة وحريق ف اسفل كرشها وزيد كرشها لي كتلوا بالجوع ولكن مصرة متاكلش مقدراتش تصبر وناضت حدا طبلة جلسات على الكنبة صغيرة لي جنب النموسية حيدات الغطاء لكاس دالعصير شربات منو روات عطشها وبدات تنقب من هادي ومن هادي ورجعت لبلاصتها تخشات فيها...
بقات على نفس الحال يوم بعد يوم لمدة 20 يوم مخرجااتش من البيت ولا شافت وجه كاترين ولا ولدو اما هوا لي كيدخل ليها فطورها وعشاها بحكم فالغدا مكيكونش فالدار كيكون فالخدمة ... نهار كامل غابر حتا ليل عاد كيجي
مرة يبات حداها حتا هوا عاطيها بالضهر ومرات عديدة مكيبااتش معاها وكيبات فالصالة او مع الياس تما كان كيزيد شكها راه يكون معاها فالبيت ديالها راه يكون كيدير معاها نفس داكشي لي كان كيدير معاها فوق فراش الزوجية
كتحاول تنفض هاد الافكار وتبت ولكن بدون جدوى...
كل ليلة مكانش كيبات فبيتو كانت كتخرج راسها وتبقى تصنت بهدوء واش تسمع شي صوت كيدل على انهم فعلاقة او مع بعضياتهم
ولكن ديما كتشوفو ناعس غير فالصالة كيجر الكنبي حتا كيتطلق ويرجع بحال نموسية ويستلقى عليه قبالت شاشة التلفاز والحاسوب او بعد مرات كيدخل لبيت ولدو ويشد عليه
صبحات فايقة كيف العادة مورال طايح والضيم طايح عليها صابح الويكاند وجهاد فايق كيستاعد باش يخرج الياس برا.. دخل لقاها يلاه صلاة وكتحيد عباية وقال وهوا عاطيها بضهرو كيلبس مونطو
- يلاه تخرجي تبدلي الجو شوية
مردتش عليه وعاود كررها عليها شافت فيه وقالت
بغيت نقرا اللغة
حرك راسو بالايجاب ورد
- اوك يلاه تخرجي
حركات راسها بالنفي وتكات فبلاصتها وجرت عليها الغطا
شاف فيها مطولا عاقد حجبانو وقال
- فطور حطيتو ليك فصالة مونجي خرجي من البيت وفطري انا غنخرج الولد شوية
خرج وهزت راسها مشات لباب كتصنت حتا سمعاتو خرج عاد مشات لبالكون طل وشافت طوموبيل ديالو خارجة عاد خرجات لغرفة المعيشة كضور وتشوف اش تزاد اش نقص كانت غير فالبيت بحالا كانت مسافرة
جلسات على الكرسي وجرت الفطور فطرات ومشات لفوق الكنبة تكات تما وهزات التليفون كتصوني حتا تحل الخط
آسيا : الزين ديالي هه
نريمان : خالتي كيف دايرة لباس عليك
آسيا : بخير احبيبة وانت والبيبي جهاد صافا والولد
ردت بتنهيدة : خالتي بغيت نهضر معاك تشوفيليا شي حل راه غنحماق ولا غطرا لياا شي حاجة
وقفات اسيا ونريمان كتسناها وكتنخصص فالتليفون وعوداات ليها لي وقع من الاول حتا لاخر وهيا كتهضر بصوت متقطع كتشهق واسيا كتسمع ليها حتا كملات عاد تنهدات وردت
آسيا : لا حول ولا قوة الا بالله بفف مشاكيل على اول عوتاني ! حنا هضرنااا معاه قلنا ليه الولد جيبو لهنا وهنا نديرو ليه مربية ويبقى حدانا وهوا لي فراسو فراسو جهاد خرج ليااا من جنب انا حرت معاه
مسحات دموعها كتنخصص وردت : وشنو ندير دابا اخالتي انا مقدراش نبقى عايشة معاه ومع هادي لي كضور حدايا
ردت : معندك مديري صافي انا غنهضر معاه متعصبيش احبيبة ديالي وحاولي على لي فكرشك الله يرضي عليك
تنهدات اسيا وردت : نريمان يهديك الله هداك راه ولدو ونتي راه عندك الحق فكللل كلمة قلتيها مغاديش نكر ولكن ابنتي هانتي كتشوفي ضروف لي طراو والمشكيل لي طاح فيه مع ديك الساقطة لي وصلات بيها ولدها تقتلو ، راه صعيب الحال انريمان حتا نتي دابا تولدي ولدك وتحسي بهادشي راه كبدة صعيبة وهانتي كتشوفي انا ماماه ومبغاش يخليه ليا صبري الله يرضي عليك وانا غنهضر معاه مزياااان على هادشي...
طال بيناتهم الحوار واسيا كتنصح فيها وتشرح ليها وتهدنها حتا رتاحت نريمان قطعت المكالمة وبقات ساكتة كتفكر اشنو دير وكيفاش تصرف مع الوضع هبطات عينيها لكرشها لي كبرت شوية وابتسمات ابتسامة خافتة وهيا كدوز يديها على كرشها
- حياتي كلها دازت مكفسة ولكن عند آمل ملي غتجيو لدنيا كلشي غيتبدل وغنرتاح ونفرح بيكم اصلا نتوما لي غتكونو فحياتي
دوزات يديها بجوج على كرشها شادة عينيها حتا داها النعاس ..
طيبات لي باط وشحرات الكفيتة هزات طبسيل حطات فيه وحكات عليه الفروماج هزتو مع كاس دالعصير فالبلاطو ودخلت بيه لبيت خلات بقية الاكل تما مغطياه ليه ..
دخلات وشدت عليها الباب كلات وعمرات كرشها مزيان عاد دخلت لبلاصتها وهزت تليفون كتشوف الفيديوات والفنانين العالمين والمصممين ولي ميك اب ارتيست انبهرات بداكشي لي كتشوف وتمناات راسها حتا هيا تكون فديك المرتبة وتكون وبحالهم.. دخل جهاد يبدل حوايجو داز حدا نريمان لي مهزاتش عينيها فيه. دخل دريسينغ بدل حوايج خرين ديال الخروج ورجع خرج بلا كلمة لا جوج...
تبعات ليه العين حتا خرج وسد الباب وناضت البالكون طل بان ليها خرج بطوموبيلتو رجعت لبيت فحيرة فين غيكون مشااا ! دابا 10 دليل ؟ هزت بلاطو وناضت خرجات دايرة السبة بيه غير باش تشوف كاترين اش كدير لقاتها كدير سبور فالصالة فوق واحد الطبي غوز والياس فالكرسي ديالو كيطبل ويلعب ويبجغط.
حلت عينيها متشوف فجسمها لي فعلاااا منحوووت وكل حاجة مقادة فبلاصتها رجعت دخلت لبيتها شدت عليها..
صباح الحال ونعاس نريمان مكانتش مقاد كل مرة كانت كتخرج طل على جهاد واش جا ولا مزال حتا صبح الحال وهوا مزال مدخل لدار ...
زاد تشوش تفكيرها كتر حتا سمعات باب تحل بقات جالسة فوق النموسية حتا دخل عندها بنفس الحوايج لي خرج بيهم شاف فيها بنص عين وقال
- لبسي حوايجك نخرجو غنديك ليكول تسجلي
ناضت دخلات لدريسينغ بدلات وقدات الفولار ديالها وخرجات عندو لقاتو شاد الياس فيدو كيلعب معاه. غير شافها خرجات وهوا يمدو ل كاترين وناض حلت الباب خرجت هيا اللولة وهوا موراها هبطو فصمت كل واحد كيشوف قدامو حتا لاكاب.. حلت الباب راسها وطلعت حداه...
قدام سونطر كبير كيبان من برا غا زاج فيه اعلام دول هزت عينيها شافت فيه ورجعت هبطت عينيها دخلات موراه .. طلعو فالدروج لطابق الثاني دق جهاد جوج دقات وحل باب البيرو كان رجل كبير كرشو سبقاه وجهو مطبز بلا لحية حواجبو بويض وشعر خفيف فجناب راسو حتا هوا ابيض سلم عليه جهاد وحتا نريمان مدات يديها وجلست قبالت جهاد حدا البيرو...
بدا جهاد كيهضر معاه ويشير بيدو لنريمان والرجل الكبير كيحرك راسو بالايجاب وجهاد كيعطيه الاسم والمعلومات كاملة على نريمان.. فالاخير ناض جهاد ونريمان حتا هيا سلمو عليه وخرجو من تما
هبط فدروج وهيا جنبو وقال
- غدا غتبداي معاهم مع 10 دصباح
نريمان : وشكون لي غيقريني ؟
رد وهوا كيحل باب طوموبيل : حتا لغدا وتعرفي على لي غيقريك
طلع وطلعات جنبو وديمارا وقف حدا المكتبة هز ليها مجموعة من الكتب داللغة مترجمة ورجع لطوموبيل مدهم ليها
- هادو غيعاونو شوية مهم قرايهم وراجعيهم ديما ..
شداتهم فيديها وحلت كتاب من بداية كتقرا فيه وتشوف الترجمة حتا وصلو لدار هبطات هيا اللولة وهوا موراها طلعو ودخلات لبيتها نيشان وهيا كلها حماس باش تعرف اللغة وتعلم وتزيد تفقه وتفهم لي كيهضرو حداها بلاما تبقى حالة فمها فيهم ..
صباح وصلها جهاد حتا لسونطر وقف معاها حتا وراوها القسم لي غتقرا فيه والاستادة ديالها عاد خلاها جهاد معاهم ومشا
كا اول نهار دخلات استاذة ببتسامة شعرها مقطع كاري ونضارات مضورين فعينيها لباسها عبارة عن قميجة بيضاء وفوق منها جيلي سوداء سخونة وسروال د جين . . وقفات حدا صبورة ونريمان حالة فمها فيها وفكاع الرفقاء لي معاها كانو من مختلف الاجناس ...
ببتسامة قالت الاستاذة باللغة العربية
- مرحبا انا الأستادة ذره كل واحد فيكم يعرفني عن حالو ومن اي بلد !
بداو بالصف الاول كان كل واحد جالس فكرسي ديالو مفرقين ...
حتا وصلو عند نريمان وقالت بخجل : انا نريمان من المغرب
بالحر والشوق د تعليم اللغة خلاها دير مجهود باش تركز مع الأستاذة طيلة الحصة حتا كملو وشدات دفترها كتعاود تقرا اول درس..
جمعو كتوباتهم وخرجو من تما كانو عدت اقسام كيقريو فيهم لغات اخرى.
ودعات الاستاذة ببتسامة وهبطات مع الدروج كتشوف فناس وتبتاسم حتا وصلات لباب لقاتو واقف بالطوموبيل كيتسناها حل ليها الباب من لداخل طلعات حداه وجبدت الكتاب كتعاود تقرا داكشي شاف فيها بنص عين ورجع قلب عينو ما سولها ما هضر معاها حتا وصلو وطلعات لدار نيشان بدلات حوايجها وهزات الكتوبة لي كان شرا ليها داللغة حلات البالكون كان الريح مجهد والشتاء كتنقط رجعت دخلت جلست على كنبة كتقرا حتا عياات وخرجت تشوف شنو كاين برا لقات غير كاترين مع الياس منعساه فوق الفوطوي ومغطياه وهيا واقفة حدا طابي كتمارس الرياضة والسماعات فوذنيها عاطية لنريمان بالضهر طولات الشوفة فيها ومشات الكوزينة كتنهد.. وجدات باش تغدا بوحدها وهزاتو لبيت تخت انضار كاترين لي جلست ترتاح كتشرب الماء
بعدما تغدات رجعت الكوزينة غسلات داكشي ورجعت لبيت هزت كتوباتها وخرجت جلست فصالة كل مرة ضور عينيها فكاترين وتشوف ف الياس وفالنعسة الحلوة لي داير وترجع تسهى فالفورمة د كاترين واهتمامها بنفسها عضت على شفاها مصغرة عينيها وناضت جمعت الكتوبة ودخلت البيت هزت سروالها ودوزات يديها على رجلها لي بدا ينوض فيهم الشعر حارت شنو غادي دير وكيفاش تطلب منو يديها لصالون وبحكم مزال مكتعرفش اللغة اش غتقول لمولات الصالون وباش غتفهمها فحيرة من امرها تنهدات ورجعت لكتوباتها تقرا باتت كتراجع وبدا تستوعب شوية فاللغة والاهم هوا النطق جلست فالكرسي قبالت المرايا كتهضر بوحدها وتردد الكلمات حتا طاح الليل ودخل جهاد . دخل عندها لقاها مزال خاشية راسها فالكتوبة بدل حوايجو ورجع خرج ...
للحضة ناضت تشوف اش كيدير خرجات راسها كطل مبانش ليها خرجات من البيت ومشات خطوات كطلل لقات جهاد واقف هوا وكاترين كيصاوبو العشاء ويهضروا عادي ويضحكو بحالا هوما لي مزوجين عقدات حجبانها بالانزعاج ورجعت لبيت حابسة البكية باتت غضبانة واخا دخل ليها العشاء مكلاتوش وبقات بجوعها ليل كامل حتا صبح الحال وناضت بعينيها منخوفين ونفسية مزفتة .. كالعادة لبسات حوايجها بعدما فيقها من نعاس وناضت عاقدة حجبانها توضات صلاة ولبست حوايجها ومشات معاه لقرايتها وبعدما كملات لقاتو كيتسناها . هاكا داز اسبوع حتا الويكاند والويكاند دوزاتو غير فالدار اما هوا خرج مع ولدو وكاترين كيف العادة ...
طاب القلب وتقهرت النفسية وزادت تأزمت كتر .. طال الصبر وفقدت الآمل عيات من هاد الجو لي كيقهر ندمات عليه وندبات وجهها نهار كامل وهيا تبكي بوحدها فالدار ولا يعلم بحالها سوى خالقها
حتا الاحد نفس الشي خرج ولدو ومرجع حتا ليل لقاها مغطية راسها ورجليها شاف فيها بنص عين بدل حوايجو وخرج
باتت من جديد كتبكي بوحدها وتنخصص حتا داها نعاس ..
فصباح جديد والقرايا صبحات الشتاء على الجهد والجو بارد لبسات مونطو ديالها وليبوط وقفزات سودااء وصاك محرفة بيه وكريشتها خارجة شوية ..خرجات لقاتو واقف كيكمي فالكوزينة ويشرب قهوة مشات جيهت الباب هز حاجبو وقال
- فطري هوا اللول عاد نمشيو
مرداتش عليه وحلت الباب سبقاتو عفس داك الكارو فكاس دالقهوة وخرج تبعها كيغزز سنانو ...
لقاها هبطات فلاسنسور تسناه حتا طلع عاد هبط موراها لقاها واقفة حدا باب الطوموبيل ...
ساط بعصبية عاقد حجبانو حتا حل الطوموبيل عاد طلعات لبلاصتها وطلع حداها وهيا قالبة وجهها...
دخلات الحصة بوجه شاحب ملامح دابلة وجهها صفر بدون تركيز كملات الحصة ورجعت لدار لروتين لي كيزيد غا يقهر كرهات داك البيت وكرهات الجو فيه عياات صابرة وهيا تاصل بريم حلت الخط ببتسامة كتسول على احوالها وكيف دايرة مع الحمل ومع الجو ردت نريمان بحزن شديد وقالت
ردت كتنخصص ودموع نشفو من عينيها : حاسبني بحالا مكيناش اريم معطيني لا اعتبار لا اهمية المهم انا خديت قرار وقبل منديرو جيت نهضر معاك واش تبغي تعاونيني .. المهم نتوما هنا خلاقيتو ونتي غتكوني عارفة البلايص وناس وصحاب ريم انا محتجاك تشوفيليا شي وحدة نمشي عندها عفااك غير بيدما نشوف كيف ندير نرجع لبلادي عفااك اختي ريم
ردت في ذهول : اويلييييي شكتقووولي واش تسطيتي انريمان ر..
قطعاتها بهدوء : هانتي معندك متقوليلي اريم غتعاونيني تبارك الله مغاديش تعاونيني راه غنخرج واخا نبقى فالزنقة سمعتي راه كنهضر معاك بصح غنخوي ليه هاد لدار والله لا زدت فيها الضربة وعرفي الله لي حلفت بيه دابا غتعاونيني ولا لا !
بلعات ريقها وردت فحيرة : هانتي انا غنمشي عند ماما دابا وغنهضرو فهادشي وغنصونيو عليه متهورييش احبيبة راه كتبغيو بعضياااتكم وغيكونو بيناتكم وليدات وو...
ردت بحزن : شمن حب هادا اريم واش انا ماشي مراتو ؟ شهاد الحالة يدير ليا وشهاد التعامل وشهاد العيشة . كون كان بصح كيبغيني يجي على اقل يسول فيا ملي يجي من الخدمة يقولي كيف بقيتي واش كليتي واش نعستي مزيان ويهضر معايا بالطيبة ونحس براسي حتا انا مزوجة وحتا انا عندي راجل كيبغيني ويحس بياا ويحن فيااا فهاد البلاد لي معندي فيها لا ام لا اب لا خوت لا معرفة غير انا والحيوط شنو هادشي اريم !! ترضايه راسك ؟ تبغي تعيشيه نتي ؟ شحال من ليلة بات فيا الحريق كنتقطع واش سول فيا واش كضرك شي حاجة واش محتاجة شي حاجة ؟؟ وتقوووول اريم واش حابسني حتا واش كاينة ولا لا. الهضرة مكيهضرهااش معايا وحتا الا هضر كيهضر بالنترة والزعفة كيبات اغلبية برا ويلا بات فبيتو ميهضرنييش وبعيد عليا شنو زعمة هادشي ؟ شهاد الدل لي غنبقى عايشة فيه انا ذل غرقت فيه حتا لوذنين من صغري صافي الله يجعل البركة عيييت وملييييت والله ينعل لي يفكر فشي زواج وشي حب وشي موصيبة كحلة 25 عام فعمري وعمرني فرحت كي ناس وصلت كي ناس وطفرتو ديما انا لوور لورر اختي بزاف صبرت وصبرت ودابا مبقاااش ليا الصبر
قطعات قبل مترد عليها وخلاتها كتصوني وتعاود وهيا كتقطع عليها تكمشات فبلاصتها كتخمم فين غتمشي ومعامن غتهضر وشكون كاع لي غيعاونها جرت الغطا عليها وغمضات عينيها وتليفون حداها كيڤيبري ويعاود هزتو وهيا تلقى نمرة د آسيا ردت بصوت منخفض بعدما سمعات الحس د جهاد فالدار
خفضات صوتها وعينيها مع الباب وردت : دابا اخالتي نتوما كتشوفو غير جلسي فدار ومكتحسوش ببنادم اش كيدوز عليه
ردت اسيا بالانزعاج : وهانتي خرجتي كاع فين غتمشي ! دابا جهاد كنصوني عليه ومكيبغيش حتا يجاااوب اناا مرضني هاد الزفت طلعلي الزعف بوحدو من غير خوتو خرج ليا من جنببب وهضرت معاه وقلت ليه بالطيبة اولدي صيفط ليا الولد انا نربيه مبغاش قالك ولدي غيبقى معايا ومعندي فين نصيفطو ومبقاش كيبغي يجاوبني ملي كنصوني عليه وحتا ملي كيجاوب ونجبد ليه الهضرة كيقولي نتي بعيدة على هادشي ومدخليييش ف اموري الله يرضي عليك انريمان متهورييش هاحنا نحاولو نهضرو معاه وكوني هانية من هاد شي اوك ابنتي ؟ عفاك على وجهي الا كنت عزيزة عليك غدااا نهضرر معاه الله يرضي عليك
ردت : واخا صافي اخالتي
آسيا : يلاه نوضي تعشاااي وباركة من بكااا وغدا يصبح ويفتح
نريمان : واخا تصبحو على خير
قطعات المكالمة وحطت تليفون على الكوافوزة لي حداها وتخشات فبلاصتها مغطيا راسها كتخمم حتا داها النعاس
خرجو من القسم فوقت عطاتهم فيه الأستاذة استراحة
هبطو لمكتبة دخلات نريمان كضور بين الكتب تهز وتحط هزات كتاب ومشات جلست تقراه سمعات الحوار بين جوج بنات كيهضرو بالعربية وهزت عينيها فيهم كانت وحدة كتقرا معاها وثانية كتقرا فقسم اخر بقات كتسمع لحوار ديالهم وتهز عينيها فيهم للحضة شداات داك الكتاب لي كان فيديها وناضت دازت من حداهم رجعاتو لبلاصتو وبقات كضور باغا تهضر معاهم ولكن حشمانة وتالفة معرفات منين تبدا وكيفاش دخل عليهم للحضة سمعات صوت وحدة من دوك بنات قالت
- ماشالله راكي حامله ؟
ضارت ببتسامة لقاتهم كيشوفو فيها ببتسامة وهيا تحرك راسها
نريمان : اه حاملة اختي
ردت بنت ببتسامة : الله يتمم حملاتك على خير اعزيزتي
نريمان : امين شكرا ( بالارتباك ) نقدر نجلس معاكم
ردو بجوج : بالطبعا جلسي
جلسات حداهم بخجل وقالت : نتوما من اينا بلاد
ردت البنت الاولة وقالت : انا دزايرية وهادي رفيقتنا من ليبيا وانت يبالي راكي من المغريب ؟
ابتسمات نريمان فوجهمم
مشرفة بيكم اه انا من المغرب
رحبو بيها وداو وجابو فالهضرة كا اول تعارف وناضو رجعو لقسم كانت نريمان جالسة فالمقعد الأمامي والجزائري معاها فنفس الصف فجهة اخرا بعيدة عليها. كملو وخرجو طلقاو فالباب خرجو مع بعضياتهم شافت نريمان طوموبيل د جهاد وقالت
رجعت لدار وحال مزال كيفما هوا طريق كلها وآسيا كتصوني على جهاد ولكن بدون رد...
دخلات لبيتها ودوزات بقية نهارها فيه داك ليلة مجاش فيها جهاد بايتة حاضية واش غيدخل ولا لا ولكن مرجعش حتا صبح الحال وجا معطل لدار لقاها لابسة حوايجها واقفة كتسناه وعينيه منفوخين باينة يلاه فاق شافها وحرك راسو بمعنى " يلاه "
دازت من قدامو كتشوف فيه بنص عين وريحة شمبوان عاطية منو باينة يلاه مدوش
زاد طيح ليها الماء فالركابي وخلا عقلها مشوش .. فين غيكون بات ؟ باينة غيكون بايت مع شي وحدة !! خلاها مصدومة وطريق كلها وعقلها مرفوع حتا وصلات وخرجت بخطوات بطيئة وقفات حدا باب وتلفتات لقاتو مشاا طاير
حركات راسها بالايجاب وخرجت معاها لبرا سولاتها على سبب بكاءها وتأخير وهيا ترد
- غير عندي شي مشاكيل وصافي
ردت عليها الاستاذة كتحاول تواسيها وقررت متدخلش الحصة حتا تهذن نفسيها عاد تعوضها على الحصة.
حركات نريمان راسها بالايجاب وخرجات من تما بقات غادية مع الشارع اول مرة تمشي بوحدها فيه . حتا خرجات فجردة جلست كتبكي وشتاء كتنقط عليها حتا عياات وفزكات ورجعت لمكتبة كان وقت استراحة هزت كتاب ومشات جلسات فالقنت كتقرا
دخلات البنت الجزائرية مضور عينيها حتا بانت ليها مقنتة مع الحيط حاطة يديها على خدها. جلست قدامها هزت نريمان عينيها فيها وابتسمات ابتسامة باهتة
شافت فيها البنت بآسى وقال : وش بيك نريمان احكيلي علاه كنتي تبكي
ردت بحرقة : راه نتي مغاديش تحسي بياااا حيت مغتحس غا لي مكويااا فقلبها وخاطرها بحالي ولي مزوجة ودازت من المشاكيل ولي عندها راجلها بحال لي عندي اناا. صعيب عليك اختي تفهميني وصعيييب بزاف
راه نتي معيشاش معانا ومكتشوفيش الحياة الصعيبة لي كندوز منها. المهم متلاهينيش عفاك خليني نمشي
تلفتات ومشات كتخلف ويديها على كرشها حتا بدات تبعد كتر والبنت متبعة ليها العين فحيرة معرفات واش تبعها ولا تبقى فالباب حتا يجي جهاد وتقوليه اش واقع ... تبعاتها كتجري حتا لقاتها جلسات فالجردة كتنخصص شافت فيها من بعيد بقات مرقباها كتسنى واش غتنوض وفتفس الوقت باغا ترجع المدرسة باش تهضر مع جهاد .
خلاتها جالسة تما ورجعت كتجري مع الطريطوار حتا لباب المدرسة وقفات كتنهج ويديها على صدرها وكل مرة تشوف فالساعة حتا دازت نص ساعة وقرب وقت الخروج وبالها كولو مع نريمان على امل تلقاها مزال جالسة تما
رجع طلع لطوموبيل وديمارا بالجهد مشات حتا لتما خرج من طوموبيل ملقهاش حس بالبنت غتكون كذبات عليه ورجع مغزف ملقهاش ودخل المدرسة مباشرة للقسم كانو مزال مكملو دخل عليهم كيضور عينو حتا وقفات الاستاذة من مكانها متفاجئة وقف قدامها وقال بالانجليزية
- نريمان الوهابي كتقرا هنا عندك فين هيا ؟
حركات الاستاذة راسها وقالت
- الزوج ديالها ؟
حرك راسو وطلبت منو يخرج معاها لكولوار برا باش تهضر معاه على انفراد. رافقها و بدات كتعاود ليه على الحالة نفسية ديالها المأزمة وديما كتجي كتبكي . تنهدات فالأخيرة وقالت
- الا ممكن حاول على السيدة شوية راها حاملة وراضيها وكون بيها
رد بالانفعال : دابا من هادشي كولو فين مشاااات ؟ فديك الاثناء شافو البنت طالعة مع الدروج تلفت جهاد عندها وقال
حركات راسها بالنفي بآسف وحتا الاستاذة بقات غير حاطة يديها على فمها. هبط كيجري رجع لطوموبيل رجع لنفس الحديقة ولا آثر ليها بقا غادي مع الشوارع كيشوف يمين يسار لعلى وعسى تبان ليه ولكن بدون جدوى. اتصل ب كاترين وسولها عليها واش تكون جات لدار وحتا هيا زادت أزماتو ملي قالت مجاتش ..
نهار كولو وهوا كيقلب حتا طاح الليل وبقا ليه الحل الوحيد هوا يبلغ على الامر عند البوليس رجع لدار كيقلب بعينيه بحالا مخبعة تما وكاترين كتعاود تأكد ليه مجاتش فمرا ورجع من جديد هبط كيجري طلع فالطوموبيل ومشا كيقلب فالشوارع 12 د ليل ولا اخبار عليها اتصل ب آسيا وتفركع عليها بالغوات وهوا كيعاود ليهم ودمو حااامي جاتهم الصاعقة ملي سمعو هاد الخبار باتو فايقين مخلوعين واسيا كتوصي وتعاود خبار متوصلش لسمية باش متمرضش على بنتها اولا طرا ليها شي حاجة ...
صبح الحال ودخل عند البوليس معطاوه حتا خبار تفرح منعس ما شافو ليلة كاملة كيحاول مرارا يصوني لعلى وعسى تشعل تليفون ويحددو بعدا غا المكان ديالها ولكن بدون جدوى ...
داز يوم صعيييب وقاصح خلا جهاد يفقد السيطرة ديالو فالسياقة حتا دخل فشاب عشريني فوق دراجة نارية خلا غير الدمايات ديالو كتشرشر
الأجنحة المنكسرة الجزء 22
محتوى القصة
التنقل بين الأجزاء