هز يديه دوزها على وجهو بتعب بعدما طمئن على الشاب وتكلف ليه بمصاريف العلاجية كانت جاتو ضربة على مستوى الرأس دخلات الشرطة فالقضية ولكن سرعان ما الشاب برئ جهاد من القضية وقال ليهم هوا السبب مشافش طوموبيل جايا جيهتو...
خرج جهاد منها بصعوبة ناض شكر الشاب وخرج بحالو ..
3 ايام دازت ولا خبار عليهاا تعصب ومرض فهاد الايام لا نعاس لا راحة لا ماكلة
حطت كاس د الحليب الساخن من يديها فوق طبلة هزت راسها ببتسامة وقالت
: شكرا بزاف اختي رجاء عمرني نسا خيرك
ردت ببتسامة بلغتها الليبية : نو بالعكس عادي ومرحبا بيك ف اي وقت
نريمان : لهلا يخطيك 4 ايام وانا معاكم كن مكنتيش نتي وختك يعلم الله اش كان غيطرا فيا
ردت وهيا كتفطر : واجب علياا واش نشوف انسانة بوحدها فالغربة ومنساعدهااش بالعكس بالفرحة عرفتي يوميا ملي كنمشي المدرسة كتهضر ليا عليك عائشة كتقوليا يريت لو كنت خديتها معايا لدار ومخليتهاش تمشي مصاب كون مرجعتش لمدرسة باش نطلاقى راجلها صراحة حتا هيا بقيتي فيها بزاف
- اودي المعيشة صعيبة هنا ولكرا غالي هنا لقينا شوية دالرخاء معندنا منديرو كنخرجو فالرعب وندخلو فالرعب هانتي شفتي كل ليلة كيباتو يغوتو ويتسابو مع بعضياتهم ويمارسو الرذيلة بيناتهم هانتي شفتيهم بعينيك لبارح
وصلو لشارع ونريمان كتفكر احداث الليلة لي دازت وقالت : ياختي راجل مع راجل ؟ يخخخ تفووو على منضر الله يستر
رجاء : اودي رجع داكشي عادي هانتي شفتي كلهم مجموعين شي مخشي فشي راه هادشي لي شفتي معانا غا شوية من بزاف . امريكا هادي وراها صعيبة بزاف انا جيت لهنا دراسة وختي كيف قلتلك عليها كانت هنا مزوجة ببرازيلي شارف ومات ولادو داو كلشي مخلاو ليها حتا يبرا هيا لاخرة ورماوها لزنقة راه معندنا فين نمشيو ومعندنا منديرو هيا هاهيا كتخدم وحتا انا كنخدم ونقرا وعاد سونطر كنزيد نتعلم اللغة اودي الله يفرج علينا وصافي
تآسفات ناريمان لحالهم ولوضع لي هوما عايشين فيه واحداث الليلة الماضية ديال دوك الافارقة لي كانو فوسط الحي كيمارسو الجنس شافت ناريمان داك المنضر من شباك الاقامة لي كانو فيها تفزعات.
وبدات تخايل راسها كون مدازتش رجاء من حدا الحديقة وشافتها كتبكي وداتها معاها شنو كان غيطرا فيها كون راها صبحات ميتة فعلا امريكا صعيبة وماشي اي واحد يقدر يعيش فيها ويلا نريمان هاد المرة حط ليها الله فطريقها لي يوقف معاها مرة خرا مغاديش تلقى لي يكون بيها ويضايفها عندو ...
وقفو فالشارع شيرو لطاكسي عطات نريمان عنوان لرجاء على الاقامة لي ساكنة فيها وبدات رجاء تشرح لمول الطاكسي بالانجليزية ..
تودعات هيا ورجاء وطلعت لور فالطاكسي
حتا وصلها الاقامة بالضبط . دخلات مع الباب وطلعات ف لاسنسور حتا وقفت فالباب جمعات نفس عميق وطلقاتو ويديها بردانين كيترعدوا
صونات فالباب المرة اللولة وثانية عاد حلت كاترين الباب لابسة بينوار ابيض فوق الركبة محلول من الصدر وحمالات الصدر فالابيض تحت بينوار كيبانو وصدرها خارج نص فيه شافت فيها نريمان بدهشة عاقدة حجبانها بقات حالة فمها وقالت بصعوبة فالنطق من دوك الكلمات لي تعلمات
- جهاد كاين ؟
حركات كاترين راسها بالنفي وحلات ليها الباب دارت ليها طريق منين دوز ولكن نريمان مبغاتش دخل جبدات تليفونها حولات تشعلو ولكن مبغاتش
شافت ف كاترين ودارت ليها اشارة بيديها وقالت
- صوني عليه
حركات كاترين راسها ودخلات خلات الباب محلول مباشرة اتصلات بجهاد علماتو بلي نريمان جات يجي .
قطعات المكالمة وهزت الياس لي بدا يبكي ومشات لباب عند نريمان لي مربعة يديها متكية على الحيط وقالت
- دخلي بعدا هاهوا جاي
شافت فيها نريمان بنص عين كطلع وتهبط فيها مفهمتهاش اش قالت وسكتت مردتش عليها
رجعت دخلت بحالها خلات ليها باب محلول
اقل من 10 دقائق تحل لاسنسور تلفتات نريمان بخوف شافت فجهاد لي خرج منو عاقد حجبانو والعروقات هابطة عليه بحالا عاد خرج من الدوش وقف حداها كينهج ويهبط ويطلع فيها كيزفر بغضب
اما هيا قلبات عينيها مبغاتش تشوف فيه وقالت
- جيت نقولك طلقني
جرها من ذراعها بقوة ودفعها لداخل حتا كانت غتجي على وجها
دخل وزدح الباب موراه وهيا تلفت عندو بغضب
- ازبببل كنتي غطيحنيييي
شاف ف كاترين لي حالة فمها مصدومة فيهم وقال
- خرجي الياس وخرجي يلاه دغيااااااااااااا
حركات راسها بالايجاب ودخلات لبيتها بسرعة كتلبس حوايجها اما هوا داير يديه على جنابو كينهج ونريمان دخلات لبيت حلت الشانطة ديالها وبدات تجمع الحوايج وترمي فيها
خرجات كاترين من لبيت هزات الياس وخرجت شد موراها جهاد الباب بالساروت ومشا نيشان لبيت لقاها كتجمع حوايجها وتنخصص شدها من شعرها بقوة وجرها حتا جات طايحة فوق النموسية
دفعاتو كتحاول دافع على راسها ولكن ملقات ليه جهد زيرها بيديه حتا خنقها
نريمان : بعد منييي غتقتلنيي بعددد مني تفرق عليااااا طلقنيييي بعد مني هادا فين كتبين عليا رجلتك غاا فالضرب ال....
قبل متكمل كلمتها وبلا ميشعر ولا يحس براسو برك ليها على كرشها بركبتو حتا زواها وخلاها تشهق حتا خرجو عينيها
هادشي محسش بيه ومشافوه تلوات من شدة الوجع والنفس لي قطع فيها وهوا صاعر عليها كيغوت عروقو خرجو والدم حااااامي فيه حولات دافع على راسها ولكن كان غالب عليها
دفعاتو بكل ما فقوتها شادة فكرشها عاضة على شفتها السفلية وعينيها خارجين
شافت فيه بإشمئزاز والدموع فعينيها وقالت :
الا كنتي راجل طلقني وداباااااا وبعد مني واخر مرة نشوفك ولا كنقسم ليك حتا انتاحر ولا نقتل راسي سمعتي كرهت وكرهت ميجي معاك جرهت زواج والريحة الرجااال
- دابا انا شنو درت ليك غير قوليا شنو ؟ نتا لي مرضتيني اجهاد نتا لي قارهني فحياتي واش هادي عيشة !! شكون هاد المرا لي ترضى لراسها هاد الذل وهاد الحياة نتا محااسش بيا ومكتحسش بالوجع لي فالداخل ديالي ونفسيتي كيف دايرة . واش هادا هوا جهاد لي بغيت نكمل معاه حياتي ! واش هادا جهاد لي بنيت معاه احلامي وكنت مشوقة غا ايمتا نعاود نتزوج بيه ! جيت وصدمتيني
ضور وجهو كيشوف فالارض ورد
راه نتي لي كتشوفو الامور عوجة وكتبغي تقلبي على المشاكيل بزاف على هاد الغيرة لي غتجيك من مربية بزاف على هاد الوسواس والشك لي فراسك حتا انا هادشي مكنقبلوووش الالة وتزيدي تهزي عليا وتغوتي وتقولي انا ماشي راجل !! شاف فيها ودار ابتسامة " مكر "
دابا نوقفك على حدك وندمك على هاد التبرهيش الخوي طلعتي ليا فكري بيييه .الفيلم كيتعاود غا هضرة جوج تخرجي من دار هاكا درتي ليااا ملي كنا فالمغرب وهربي لعند جوديا عقلتي ؟؟؟ عجباتك هاد القضية هاااا عجبك الحال كل مرة تمشي تكمشي عند شي حد وتبقاي كتبكي عليه باش يحن عليك ويتعاطف معاك بففففففف. ودابا غتجلسي ونهار تولدي ديك ساعة نتاحري ولا ديري لي بغيتي اما دابا غنقسم ليك حتا انا وراه مكنآديش القسم غير هكاك . شفتي وتعاودي تخرجي من هاد الباب بلا خباري والله حتا ندمك ونعيشك لي عمرك مشفتيه وهانا فين كنوصيك .يا ايما شدي معايا طريق نيشان يا ايما غتزيدي تشوفي وجه اخور د جهاد ودابا شدي الارض
خرج خلاها بوحدها مصدومة من كلامو لي غرس فيها بحال السم والرعب لي خلاها تعيشو ..
عندو الحق بعيدة ومكيعرفها حد ومكتعرف حد .. يدير لي بغا وشكون يسيق ليها الخبار فين غتخرج كاع ؟ فين غتمشي !!
رجاء لي كتسناها ترجع لعندهم باش تكري معاهم وهادشي علاش رجعت باش طلق طلاق وتمشي تعيش معاهم... واش غيصبرو عليها حتا تقرا ؟ وباش غتقرا ؟ وفقاش غتكمل القرايا ؟ وفقاش غتخدم !! وايمتا غتخلص !! وشحال غيصبرو عليها كاع.
فكرات نريمان بالعقل وركزت مع جميع الخطوات فعلا الا عودات خرجات مع داك الباب غتشوف الويل ... وفينما مشات اكيد غيلقاها جهاد واكيد غيوفى بالقسم ديالو اذن شنو الحل ؟ واش نبقى معاه فالدار حتا نولد وياخد ليا ولادي ويرجعني لمغريب ؟ اويلي لاا منقدرش واش هزيتهم وكنتحمنش بيهم فلاخر ياخدهم لياااا وانا نضيع ونترزا فيهم ...
حطت يديها على فمها بصدمة ورعب فقلبها مقدراش تخيل راسها بلا ولادها وبعيدة عليهم وتزيد تصدم كتر من هاد الصدمات لي عاشت شنو دير وفين تعطي راس واش تبقى ساكتة على هاد الحال وترضى بيه ؟
دااخ الراس وحارت وهيا كتبكي فصمت وتنخصص القلب طااااايب وراس زند من قوة الحريق حطت راسها على مخدة كتسمع خطواتو برا وصوت مسجات كيجيوه فالتليفون ديالو عضت على مخدة وهيا كتبكي بحرقة على حالها والعيشة لي هيا فيها هزت تليفونها المهرس حولات تشعلو مبغاش حيدات ليه باتري ودارتو يتشارجا وهكاك مبغاش يشعل صافي حتا تليفون معندهاش على اقل غير تشكي وتخوي قلبها
حطت يديها على راسها ضايقة بيها الدنيا كمية كبيرة ديال القهر والخنقة مجموعة فصدرها اش دير وفين تمشي وفييين تعطي براس.. بقات على داك الحال حتا رجعات كاترين وسمعات صوت الياس كيبجغط ويضحك وهيا كتلعب معاه حلت الباب وخرجات راسها كطل ملقات جهاد وخرجت بخطوات بطيئة شافت فيها كاترين ببتسامة اما هيا شافت فيها بنص عين ومشا الكوزينة عمرات كاس دالماء ورجعت لبيتها شربت الدواء بدلات حوايجها ورجعت لبلاصتها كتخمم طاح ليل ورجع جهاد كانت غفات وداتها عينيها سمعات تخرشيش وناضت حلت عينيها لقاتو كيبدل حوايجو فالدريسينغ رجعت شدت. عينيها وهيا كتسمع خطواتو فالبيت حتا رجع خرج...
بقات فايقة كتقلب فبلاصتها حتا داها نعاس...
صبح الحال وحلت عينيها على بلاطو دالعشاء مزال حداها ملي نعسات محست براسها مفاقت متعشات. شافت فالساعة لي معلقة فالحيط وناضت بخطوات بطيئة حلت الباب بشوية خرجات راسها شافتو هاز الياس كيضور بيه
رجعت لبيت بلعات ريقها كتحاول تشجع راسها باش تخرج وتقابل مع وجهو مشات لمرايا شافت فوجهها الشاحب وشعرها المخبل وحالتها لي مبقى فيها ميتشاف تنهدات بضيق مكرهاتش تقاد الحالة وتبان حتا هيا بحال كاترين ماشي على قبلو هوا ولكن على قبل راسها وناس لي كتلقى معاهم فالمدرسة تصبح حتا هيا على وجه نضيف ومشرق وملامح جميلة ماشي بحال الوجه الشاحب وموسطاج لي بدا ينوض والهلالات السوداء حول العين
تلفتات كتشوف فالباب ومشات حلاتو وخرجت بشوية شاف فيها بنص عين وقلب وجهو شافت ف كاترين لي جالسة دايرة رجل على رجل كتشرب قهوة عودات شافت فيه وقالت : مغاديش نرجع لقرايا ؟ غنبقى فدار
مردش عليها ومشا جلس على الكنبة هاز ولدو على رجلو كيعطيه بنانة
ابتسمات الممرضة مرة خرا ورجعت خرجت اما نريمان بقات على نفس الحال غير ساهية وساكتة حتا داها نعاس دخل عندها جلس جنبها كيشوف فيها مطولا .. تنهد ودوز يديه على وجهو وعلى عينو بحالا كيعصرهم وعاود شاف فيها
خرجو من تما ومشا جهاد مع الطبيب لبيرو جلس معاه وقال الطبيب بالانفعال
- ولو تغلط ولو يكون شنو ما كان مكانش خاص الصداع يكبر بيناتكم وكان خاصك تزيد تصبر معاها كلما صبرتي وسكتي كلما حتا هيا تنزلات راه فنجاح العلاقة زوجية خاص ديما واحد يتنازل ويصبر فحقو ويكون تحاور بين الطرفين
رد جهاد بتعب : راه هيا لي ديما كتزيد تمرضني وكتخليني نفقد السيطرة ديالي معاها كتحاول نميك ونصبر معاها ولكن هيا ديما غير زايدة فيه
رد الطبيب : حنا الرجال ماشي بحال النساء هوما حساسين اكتر من اللزوم ... كيبغيو الاهتمام وكيبغيو الحب والحنان والعطف بالخصوص فترة الحمل فترة حساسة بزاف هيا دابا كانت معرضة لسكتة قلبية وكون ماتت ؟ امم شنو غدير ! تخصرها وتخصر اولادك !! خاصك تشكر الرب على هاد النعمة لي هوما فصحة جيدة اما كون طرا العكس كنآكد ليك انا حياتك كلها كانت غتكون جحيم وكنتي غتمرض طول حيااتك وضميرك كيآنبك انك نتا السبب فموتهم.. دابا بعد منها سير بحالك لدار خليها ترتاح
شد عينيه بضيق وندم ملقى ميقول قدام الطبيب لي طول فالهضرة حتا كمل وخرج جهاد من تما عاود دخل عندها لقاها مزال ناعسة ورجع خرج مشا لدار دخل عند الياس لقاه ناعس باسو فجبهتو ومشا دخل لبيتو كيشوف فبلاصتها لي كتنعس فيها تنهد بضيق ورجع ناض خرج لبالكون كيدوز المكالمة لآسيا ..
كمل كلامو وهوا كيعاود ليها من الاول حتا الاخر وقال
جبد كارو وبدا واحد مور واحد وهوا مصغر عينيه كيفكر حتا تحرك البرد قاصح وناض دخل بحالو بدل حوايجو ورجع لبلاصتو دوز نمرة ديال وحدة من الممرضات طلب منها تشوف نريمان واش فايقة وردت عليه فالحين بلي فاقت ورجعت نعست . قطع المكالمة وحط تليفون حداه
صبح الحال صبح فيه الغيام والجو بارد 7 صباح خرج هاز الياس ملبسو ملابس سخونة وكاترين موراهم طلعو فالطوموبيل ومشاو مباشرة لرونديفو عند طبيب اطفال .. بعد الفحص لولدو طمن الطبيب جهاد بلي حالتو كتحسن ورجع عطاه دواء اخر ..
رجعو خرجو من تما داز على فرماسي خدا دواء وصلهم حتا لدار ومشا لكلينيك عند نريمان
حل الباب وتلفتات لعندو غير شافتو وهيا تقلب عينيها شافت فجهة خرا
قرب عندها بخطوات بطييئة شاف فيها مطولا ملقاش كلمات ميقول ليها وبقا ساكت غير كيشوف فيها للحضة وقال
- كيف بقيتي شوية ؟
مرداتش عليه وناضت بصعوبة جلست على البياص هزت سيروم فيديها ومشات بيه خطوات بطيئة جهت الحمام تبعها شد ليها فيديها وهيا تخطفها
جهاد : غتمشي لطواليط انمشي معاك عنداك طيحي
رجع شد فخصرها ويديها وهيا تبعدو عليها بنرفزة ..وقفات حدا باب حمام حلاتو وسدت عليها بالزربة جلسات على لاصاش كتبكي غير بوحدها وهوا برا كيتسناها تخرج تعطلات ودق عليها
جهاد : نريمان ياك لباس خرجي ؟ نريمان جاوبيني...
مرداتش عليه ومشا جهت الباب يعيط للممرضة. هوا يشوف باب حمام تحل وخرجات منو بملامح متعبة رجعت لفراشها تنهد ورجع لفراش كيقادو ليها ويجر ليها الغطا عليها من البرد حطت راسها على المخدة كتنخصص دخل فديك الاثنااء طبيب لقاها كتبكي وهوا يشير لجهاد براسو بمعنى خرج
شاف فيها بالآسى وخرج برا جلس على كرسي شاد راسو حتا خرج عندو طبيب وطلب منو ميزعجهاش ويخليها فراحتها باش متزيدش تأزم نفسيتها وهادشي ممزيانش لا ليها ولا لوليدات لي هازة...
دازت 5 ايام وهيا فالكلينيك ويوم بعد يوم مكتهزش عينيها فيه واخا كيجي ويجلس حداها ويحاول يهضر معاها ولكن بدون رد كتبقى شادة عينيها وساكتة حتا كيخرج او كيجي ف اوقات كتكون فيهم ناعسة كيجلس قبالتها ويرجع يمشي بحالو و ب امر من طبيب ميجيش ديما حيت الوجود ديالو فهاد الفترة الحساسة كيزعجها ف من احسن حتا تقاد النفسية عاد يمكن ليه يهضرو هوا وياها...
جالسة على بياص بمساعدة الممرضة كتلبس ليها حوايجها وماشاء الله كريشتها كبرات وخرجات وبدات تبان جمعات ليها الممرضة حوايجها وهيا جالسة كتلوي شالها دخل جهاد فديك اللحضة مع الطبيب .. وقف قدامها طبيب ببتسامة كيهضر معاها بالاسبانية بحكم عرفها مكتعرفش الانجليزية ..
طبيب : كنتمنى متزوزيناش مرة خرا ههه حتا لولادة
ابتسمات ابتسامة باهتة وردت : شكرا دكتور
وقفاتها الممرضة وتقدم جهاد شد ليها فيديها وفخصرها هز ليها الصاك وهيا تنتر من يديه وبعدات عليه شاف فالطبيب وهوا يحرك ليه راسو بمعنى خليها متشدش فيها.
خرج جنبها وهيا غادية بخطوات بطيئة كتمشي وتنهج وترتاح حتا وقفات فالطريطوار شافتف طوموبيلتو بنص عين وقلبات وجهها حط صاكها لور وحل ليها الباب لي قدامها
جهاد : طلعي بشوية عليك
مردتش عليه وبقات كضور عينيها فالشارع مكتشوفش جيهتو حتا رجع قال
طلعي عفاك طلعي انريمان اجي
شد ليها فيديها وهيا تنترها وطلعات قالبة وجهها ديمارا طوموبيل ومشا وهوا ساكت وهيا حاطة راسها على الباب فصمت حتا وصلو حل ليها الباب ملي دخلو لاكاب د سيارات وخرجت بحزن مبغاش ترجع لديك الدار لي واخا دوزت فيها ايام قلال ولكم خلات ليها جرح وذكريات اكبر ..
دخلات لاسنسور وطلعو لفوق حل الباب ومشات نيشان لبيت مشافت فحتا واحد .. فحين وقفات كاترين كتسول جهاد على الحالة ديالها مردش عليه ومشا دخل عندها لبيت لقاها حيدات مونطو وبقات غير بيجامة دخلت فالفراش وشدت عينيها .
شد الباب ومشا هز كرسي حطو حداها وجلس مشبك يديه وقال
- اي حل بغيتيه انا معاك فيه مغاديش نضغط عليك ، بغيتي طلاق
سكت للحضة كيشوف فيها وقلب عينو وقال
- بغيتي طلاق نطلقو واخا.. ولكن ! ماشي دابا حتا تولدي ونقادو الامور لدراري وديك ساعة
عاود سكت مرة خرا فحيرة من امرو تالف وضايقة بيه وبصعوبة كيخرج هاد الكلام
ديك الساعة نخليهم معاك وانا ديما غنجي نشوفهم ولكن من بعد غيرجعو لعندي حيت هنا غيقراو وهنا غيكبرو وملي تبغي تشوفيهم راه غتجي فقاش مبغيتي وحتا الا بغيتي سكني معاهم معنديش مشكيل ولا نجيبهم ليك انا ..
تنهد وكمل كلامو
خصك تعرفي انريمان انا عندي ضغوطات كبيرة ومكنبغيش نعاود ليك حيت مباغيش نعمر عليك المشاكيل ديالي لي كندوز منها ...
سكت للحضة وعينيه حومر بحالا غادي يبكي وقال
الياس مريض بالقلب وعندو شرايين مكيدوزش فيهم الدم وعندي رونديفو فلاخر د الشهر الا لقاو الحالة ديالو مزال كيف ما هيا غيديرو ليه عملية وعاد داك ميكروب لي كان عندو فالدم لي مزال كيشرب الدوايات ديالو . هادشي مكنبغيش نعاودو ليك حيت مباغيش نزيد نمرضك معايا ولا نشغلك بمشاكيلي انا هاكا داير هادي طبيعتي كاين بزاف دالرجال كيعاودو وكيخويو قلبهم ولكن انا لا هاكا الطبع ديالي كنبغي نخلي كلشي لداخل ، حيت سواء عاودت ولا لا مغنستافد والو دونك اللهم نبقى ساكت
كاترين مربية د ولدي وهوا كيبغيها وكيمشي غير عندها وكيرتاح غير معاها .. داكشي علاش انا مخليهااا هنا وطبيب كيوصي منقلقوش ومنبكيوهش بزاف حيت هادشي خطر عليه داكشي علاش حنا كنسايسو معاه وكنخليه انا مع كاترين حيت هيا لي كتفهم ليك داكوغ ؟
لباسها وتصرفاتها راه عاديي اون بلوس راها كانت فلاغولاسيون مع صاحبي روبن وتفارقو ودابا ملي كنهضرو انا وياها كنهضرو غير ف امورهم وداكشي لي بيناتهم اما حياتي الشخصية راه معارفة فيها هيا والو اوك ؟
غتوسوسي وغتقولي كيخرج معاها وكيهضر معاها راه عادي حنا كوم دي زامي وبحال الخوت كاع راه كتر من 10 سنين وانا كنعرفها خرجنا اون سومبل سافرنا اون سومبل سكنا مع بعضنا لمدة طويلة مع روبن وصحابنا كانت مزال هيا وروبن مع بعضياتهم هادشي قديم بون من هادشي كامل انا وياها كوم دي زامي داكوغ ؟
لباسها راها حرة فيه وانا راه مكتحرك فيا والو واخا نشوفها كضور حدايا لا هيا ولا غيرها حيت انا ماشي حيوان اوك ؟ ولا مكبوث لدرجة غا لي بانت لياا ديالي اون بلوس هيا مزال كتبغي روبن ومن بعد غيرجعو . كنتمنى هادشي تفهميه مزياااااان
وتوضح ليك الفكرة
تنهد وهوا كيشوف فالبالكون مصغر عينيه . رجع شاف فيها وهيا مزال على نفس الحال مغطية راسها بيديها وقال
نتي تبدلتي بزاف معرفتش علاش توسوستي كتر من القياس ورجعتي كتخرجي على فمك كلام كيجرح .. كيف كنبان ليك انا ؟ ماشي راجل ياك ؟ منستاهلش نكون معاك !
واخا نتي تعرفي انا مغاديش نزيد نضغط عليك ولا نفرض عليك تبقاي معايا المهم غدا غنمشيو نشوفو لي بيبي وابخي ترجعي لقرايتك ومتخرجي لحتا بلاصة حتا تكون فخباري بغيتي شي حاجة خرا هانا قوليها ليا المهم لي كاين قوليه ...
وقف شاف فيها مطولا وهيا كتنخصص حس بصدرو كيضرو وهوا كيشوفها كتبكي قرب عندها حط يديه على شعرها وقال :
متبكيش الحل لي بغيتيه غنديرو معاك ولادك مغاديش نفرقهم عليك سوا بقيتي ولا بغيتي تمشي صافي سكتي شوية ورتاحي عاد خرجتي من لاكلينيك
سكتات حابسة فيها البكية قرب عندها باس راسها وقف وقال : انا نعيط ليهم يجيبو ليك الماكلة كولي شوية ورتاحي يلاه نخليك...
خرج وشد موراه الباب اما هيا كانت كتسناه غا يخرج وهيا تطلق العنان فالبكاء تبرد على خاطرها.
هزت دواها شرباتو وجلست كتفكر فكلامو وفالطلاق وفين غتعيش واش ترجع المغرب ولا تبقى ف امريكا قريبة لولادها..
فصباح مبرد والشتاء كطيح لبسات حوايجها وقدات شالها قدام المراية وخرجت لعندو لغرفة المعيشة غير شافها خارجة وهوا ينوض وصلها حتا المدرسة وطريق كلها وهوما فصمت .. خرجت وشدت الباب خلاتو واقف متبع ليها العين دخلات دوزات الحصة بعدما طمئنات عليها الاستاذة وبنات ورجعت خرجت بعد انتهاء الحصة. لقاتو كيتسناها حل ليها الباب من الداخل وهوا كيشوف قدامو
طلعت حداه وقالت بهدوء
- سلام
حرك راسو ورد حتا هوا : سلام
ديمارا طوموبيل وتفكيرو مشوش كيخمم فدوك الليالي فين دوزاتها سخن دمو فجأة كيتخايل بلي غتكون باتت فالزنقة او تعرض ليها شي حد او يكون غتاصبها شي حد ..
ساط من مناخرو بنفس حارة تلفت لعندها وقال
- فين مشيتي ! فين كنتي فهاد الايام ؟ومعامن
ردت بخوف : مع واحد البنت كتقرا معايا بقيت معاهم فدار
رد : اهاه وشكون معاهم فدار؟
ردت وهيا كتشتت النضر وخايفة من شي تسرفيقة عينيها مع يديه
- غير هيا واختها اصلهم من ليبيا بقيت معاها مخرجتش كاع حتا جيت لدار
حرك راسو بغضب كيحاول بكالمي راسو ورد
وفين ساكنين شمن بلاصة ؟
حركات راسها بالنفي وردت : مبقيتش عاقلة وقيلة ف ..... فواحد العمارة تما حدا داك المتحف لي كنا دزنا منو ساكنين تما العرب بزاف
سكت مردش عليها حيت الا رد غيكون رد قاصي وجارح اكتمها فصدروا خلاها كطلع وتهبط فيه وسكت .. وصلها لدار طلعات هيا اما هوا رجع خرج وقلب الضورة للعمل
صونات فالباب حلات ليها كاترين ببتسامة ونريمان كطلع فيها وتهبط كيف ديما اناقة وشياكة سروال دجين مع تريكو قصير كتبان كرشها ونص كم وشعرها الاشقر مطلوق حداها ومكياج خفيف شافت فيها بنص عين ومشات لبيت اول حاجة دخلات نيشان خدات دوش نقاات راسها مزيااان واخا لازمها تمشي لصالون تحيد الزغب لي كبر ومسطاج لي رجع باين
لبسات بيجامة سخونة وخرجت نشفات شعرها حطات سيشوار وجلست قبالت المرايا حلت مجورة كتقلب على خيط قطعات منو وبرماتو فيديها كتحاول تحيد الشعر لي فالموسطاج وتحت دقنها خفيف مقدراتش تكمل من شدة الحريق وعينيها لي بداو يدمعوا رجعت حطاتو وبقات كتشوف فوجهها لي رجعت شاحب وكاشف وبداو حبيبات صغار ينوضو فيه فين داك الزين لي كان وداك الاهتمام لي كان ملي كانت فالصالون كتبغي كل نهار بنات يشوفوها بلباس جديد ميك اب جديد تصرفات جديدة وابتسامة مرسومة على طول..
فحيرة طولات فالجلسة كتشوف راسها فالمرايا قنطات وخرجت برا جلست على كنبة كتشوف ف كاترين لي كتلبس حوايج ل الياس باش تخرجو . بقات نريمان كتشوف ف الياس وهوا فين ما يشوف فيها كيخاف وتجيه البكية قلبات نريمان عينيها كتشوف ف نقطة وحدة حتا خرجو وخلاوها بوحدها فدار .. ناضت لكوزينة وجدات ما تاكل حطت فالصالة مونجي كلات وشبعات ورجعت لكنبة كتحفض وتراجع فاللغة وتحفض كلمات جداد حتا بدا يطيح الضلام تلفتات لزاج كتشوف الشتاء كطيح خيط من السماء مجهدة والرعد والبرق حطات الكتوبة وناضت الكوزينة كضور وتشوف اش كاين وشهوتها فشي طاجين دجاج بزيتون ولا طاجين داللحم بالمشماش معسل واللوز .. حلات الفريكو جبدات اللحم مقطع طريفات وبدات تقلب فالبلاكار لعلى وعسى تجبر شي برقوق شي مشمااش شي لوز ملقاتش واكتفت دير فريت ..
حطات اللحم يتطلق وبدات توجد ليه ليقامة ديالو وتوجد فين طيب حتا كملات وخلاتو كيطيب ورجعت لصالة كتقرا وتراجع وتحاول تنطق كلمات وهيا مرة مرة تنوض تشوف فين وصل عشاها حتا سمعات الباب تحل تهزت عينيها شافتو داخل هوا الاول هاز الياس وموراه كاترين بالمونطو ديالها . شافت فيهم بنص عين ورجعت هبطت راسها كتحفض تشوشات ومشا التركيز بعدما دخلو بدات غا كدخل وتخرج فالحفاضة فالاخير حطت كتوبة وناضت الكوزينة خرج جهاد من بيتو مبدل حوايجو ودخل الكوزينة كيشوف بنص عين لقاها كتقطع فريت وكتحمي الزيت باش تقليها وقف حداها كيشوف فداكشي وقال
- تعاونك فشي حاجة ؟
حركات راسها بالنفي وهيا كترش الملحة وقالت : لا قريبة نسالي
ها لافوكا غير كيجبد ويحط على طبلة فلاخر غسل لي خاصو يتغسل وبقا واقف فجهة خرا حدا لافابو حاط كلشي فشبيكة صغيرة وهز الڭراضة حطها قدامو وبدا يهز ويقطع بسرعة وباحترافية بحال شي شاف كويزينيي.. ويحط فزلافة زجاجية كبيرة ما هيا الا 10 دقائق كان وجد اجمل سلطة وهيا كتشوف فيه بالسرقة معرفاتو اش ناوي يدير بداكشي لي حط حتا شافتو كيخلط داكشي مع بعضو ويضيف الخل الاسود والخل الابيض والملح فلاخر كمل وقال
- سليتي نحط ؟
حركات راسها بالايجاب وهيا كتطفي العافية . جبدات طبسيل كبير وبدات تحط فيه وتحط المريقة خاترة مع الجناب والفريت فطبيسلات وحتا هوا جبد طبيسلات وبدا يحط السلطة خرج هوا الاول وهيا مزال كتحط وتقاد يلاه هزت طبسيل وهوا يوقف شدو منها وقال
- اجي تجلسي صافي رتاحي انا نجيب لي باقي
خرج هوا الاول اما هيا محملاتش تخرج وتجلس مع كاترين بززت على راسها وخرجت لقاتو مزال ما جلس وكاترين جالسة وهازة الياس كضحك معاه شافت جهاد جلس مقابل مع كاترين خلات الكرسي لي حدا جهاد خاوي وجلست فكرسي اخر بعيدة عليه .كتشوف قدامها ومرة مرة تشوف ف كاترين وتقلب عينيها بغضب ... تلفت عندها وقال بالعربية
- زيدي لهنا جيتي بعيدة
حركات راسها وردت : لا بحال بحال
بدات يتعشاو فصمت كاترين حطات فطبسيل لي حداها وكتاكل عادي وهيا كضحك مع الياس لي جلسوه فالكرسي ديالها وقربوه لطبلة كيمدو ليه خبيزة رطبة وفيها مريقة وهوا كيلوي فيها فمو مرة يسرطها مرة يبزقها وجهاد مقابلو هوا وكاترين كل واحد كيوكل فجهة . شافت فيه نريمان ببتسامة وهوا عويناتو معاها كيرمش يشوف فيها ويرجع يشوف ف جهاد سهات فملامح وجهو وتصرفاتو وتبجغيط ديالو وسنيناتو لي نايضين عطاه جهاد طريف دالخبز خلاه يمضي فيه سنانو كملات نريمان عشاها واخا مشبعاتش ناضت وقالت
- بصحتكم حتا تكملو وديك ساعة عيط ليا نجمع طبلة
هز حاجبو وقال : زيدي تعشاي نتي مكليتيش
ردت : لا شبعت صافي ديك ساعة نخمل ...
قطعهاا : انا غنجمعها غير رتاحي
حركات راسها بالايجاب ومشات البيت فور ما شدات الباب بانت ليها علبة فوق الفراش مشات ليها بالاستغراب هزاتها كان عبارة عن تليفون جديد من احدث المركات
حلت عينيها متفاجئة هزاتو شافتو وسرعان ما رجعت حطاتو وخلاتو كيف كان ضن منها انه شرا تليفون جديد راسو ..
خلاتو محطوط تما فالوسط ومشات دخلت لبلاصتها كل مرة ضور عينيها تشوف فيه وترجع تشوف قدامها وهيا كتفوت غالبها العياء وباغا غير تنعس حطت راسها على مخدة وسرعان ما غفاات.
صباح الصباح حست بيد كتفيق فيها حلت عينيها بتتاقل لقاتو واقف قدامها
- صباح الخير راه 9 دابا خصك تنوضي باش نوصلك ليكول
حركات راسها وناضت كتفوه وتحك فشعرها هز التليفون لي مزال فالكرطونة ديالو وقال
- المهم ها تليفون خديتو ليك البارح
هزت راسها فيه بخجل وحركات راسها وردت : شكرا بزاف
خطو حداها وناضت لحمام دوشات دوش خفيف . خرجت جامعة شعرها لي مغسلاتوش لبسات حوايجها ومشات لتليفون بلهفة وشوف كتحلو وتشوف فيه بالاعجاب وهيا كتشعلو حتا سمعات صوتو كيعيط ليها من برا وهيا تخشيه فصاكها وخرجت لعندو
وصلها كيف العادة ومشا حتا رجع موراها بعد نهاية الحصة كيف دخلات لدار بدات كتقلب البروكرام د التليفون وتقيد النوامر لي مزال عاقلة عليهم وتحل الفيس والانستطا تشوف اش الجديد واخيرا عندها فاش تلهاا 3 ايام وهيا على نفس الحال .. من قرايا لدار لدار لقراية وروتين كيتكرر الحفاضة والاجتهاد باش تعرف اللغة ف اقرب وقت وتعرف كيف تواصل بيها..
خرجات فالاستراحة مع البنات لمكتبة وقالت
- بنات بغيت نمشي لصالون ولكن مكنعرفش فين نمشي
ردت الليبية : نهار تبغي تمشي يلاه نمشيو كلنا
ردت الجزائرية : وصراحة انريمان هملتي راسك بزاف شحال من مرة كنبغي نقولها ليك
حدرات نريمان راسها بخجل حتا حمار وجهها مرضااتش تسمع هاد الهضرة من بنت فما بالك. جهاد كيف غيكون كيشوفها ؟ ولو غيكون الفراق ولكن خاصها تهلا فراسها وترجع لنشاطها ولحيويتها ولضحتها..
تنهدات وردت : اه عارفة المهم ديك ساعة نمشيو
ردت الليبية : ايوا صافي غا علمينا ونمشيو كلنا
بعدما رجعات لدار كيف حلت الباب لبات الياس كيتمشى ويطيح وكاترين جالسة على ركابيها حالة ليه يديها باش تعنقو وهوا غادي جيهتها شاف الباب تحل وهوا يتلفت بشوية شاف نريمان داخلة ببتسامة بقا كيشوف فيها ويرمش شافت فيه بحب وقربات لعندو تحنات بشوية شادة فكرشها باستو فراسو وسرعان ما مشا كيجري عند كاترين مخبع فيه كيشوف فنريمان بخوف حلت يديها وقالت بهدوء
طلبات انها تزيل الشعر من الجسم كامل ومن الوجه بالخصوص فقط
رفقاتها وحدة من البنات لي خدامين فالصالون لبيت اخر بدات ليها من الوجه وتحت الابن والرجلين من غير مايو طلبات نريمان من رجاء تقوليها تصاوبو راسها اذا وافقو
بعدما علمات البنت صاحبة الصالون وفقات ولكن تخلص كلشي وفقات حتا نريمان وهزت المعدات ودخلات لحمام جبدات بواط صغيورة حلاتها كان كريم بحال زيت دوزاتو على المنطة كلها لدقيقة حتا تشرب اللحم عاد بدات كتحيد الشعر بدون آلم وبسهولة كملات وخدات دوش عندهم هادشي بعدما طلباتو منهم
تنقات ورجعات كتشعل ولحمها رطبة كتزهق بحال البيبي صغير جلست كتسنى البنات يساليو وفنفس الوقت كتشوف فالكلينات الشقراوات وحدة تنسيك فلوخرا لا من ناحية الجسم ولا شعورات ولا وجه لي كيلمع.. جات لنريمان فكرة ولكن مزعمااتش عليه من ديما باغا ديرها ولكن عمرها مزعماات هوا تصبغ تشعرها وتقطعو شوية بعز اخد ورد قررت تصبغو بعد مشاورات مع البنات ومع صاحبة الصالون جلست فكرسي دارت كتشوف فالمرايا وصاحبة صالون بنفسها غتصبغ ليها دارت ليها كاب على ضهرها عقداتو ليها قدام وبدات
وبدات تفزك ليها شعرها قطعاتو ليها شوية كيف ما طلبات...
وبدات تخلط الصباغة لي مزال نريمان متخوفة ومزعماش عليها
واخا شهوتها فيها من مدة طويلة .. كتعجبها وغنفس الوقت خايفة متجيش معاها
بعد ساعتين من صباغة اللولة وثانية وغسل الشعر ونريمان شادة عينيها بخوف مبغاتش تصدم من نتيجة عينيها فالارض مواعدة نفسها متشوفش حتا لنهاية ..
خدمو ليها بروشينغ وخدمو ليها شعر متموج حتا كملو عاد قالت صاحبة المحل
- اجيو نجلسو فشي كافي نرتاحو شوية ونهضرو عيينا من دار
ردت نريمان بلهفة : والله مكرهت حتا انا نيت قنت فداك الدار وفداك البيت انا نصوني عليه نقولها ليه
هزت تليفون وهوما غادين مع طريطوار كيتمشاو اتصلات بيه ورد فالحين
- كملتي ؟
ردت: اه ولكن بغيت نقولك انجلس مع البنات ف كافي شوية وديك ساعة عاد اجي مورايا واخا ؟
سكت للحضة وقال
اينا كافي غتجلسو فيه ؟
شافت ف رجاء سولاتها وردت عليه
جهاد : اوك صافي متعطلوش راه ضلام بدا يطيح
نريمان : صافي واخا غير شوية ...
ساعة ونص وهيا جالسة معاهم مكاين غا الضحك والنشاط فوجاات على قلبها ومن حسن حضها تلقات بمغربية هيا ولادها وراجلها فالمقهى جلسات معاهم وتبدلات هيا ونريمان اطراف الحديث تعارفو وخداو نوامر مع بعضياتهم ..
ناضو بنات يخرجو اما نريمان صيفطات مسج لجهاد يجي موراها بعد دقائق وقفات سيارة ديالو حدا رجليهم وهوما واقفين فجنب الشارع .. غير شافتو وهيا توادع معاهم وحلت الباب طلعات حداه بلاما يتلفت ولا يشوف جيهتها وحتا هيا مبغاتش يشوفها وقلبات وجهها لزاج كتشوف فالشوارع فصمت حتا رجعو لدار .. كيف خرجات من السيارة مشات نيشان لاسنسور دخلات لاسنسور يلاه تلفتات بعفوية وهوا داخل لاسنسور شاف فعينيها وفالمكياج الخفيف لي دايرة فوجهها باعجاب طلع لاسنسور وهوا كيشوف فيها بنص عين اما هيا فقط مركزة فنقطة وحدة وساكتة حتا وصلو لدار حل الباب دخلات هيا اللولة شافت ف الياس لي جالس فالكرسي ديالو باس ليه راسو على عينين جهاد لي داخل موراها ومشات لبيت فرحانة وعاجبها راسها...
حيدات الفولار و مونطو علقاتو وحيدات سروالها الواسع من الفوق على حسب كرشها ومن لتحت ضيق بحال دجين.. حيدات تريكو بقات غير بالديباردور وشورط مشات لدريسينغ لبسات ليبة سخونة بحال لون ديال اللحم وتريكو سخون عنقو محلول فالاسود وجيب فالاسود فيها وريدات فالزيتي وبلان كاصي قصيرة فوق الركبة طالعة فوق كرشها طلقات شعرها باعجاب وهزات الايلاينر دوزات خط طويل فوق عينيها زادت طلعات شفيرات وكلوس وخرجات هازة خنافها لسماء دازت من حداهم ومشات الكوزينة هز راسو بتتقاتل شاف بنص عين ورجع هز راسو بسرعة فدهشة
شاف بنص عين هبط راسو وسرعان ما رجع هزو بسرعة فدهشة حال فمو عينيه مفيكسيين معاها وهيا كتحرك فالكوزينة وكريشتها خارجة حاطة يديها اليسرية على كرشها كضور ببانطوفة ديال الارنب حلت الثلاجة هزت خيارة حطاتها فلاڤابو تغسلها وهزت بطاطة ونشا وهوا كيطلع ويهبط فيها وكل مرة تهز يديها كترد شعرها لي كيهبط على صدرها وجهها سهى حتا مبقى عارف راسو واش هادي لي معاه ناريمان ولا كيتخايل مفاق من سهوتو غير عضة لي عضو الياس فوجهو كيمضي سنانو عاد هرب وجههو بسرعة وشاف فيه
- سير ابابا عند كاترين يلاه ابابا
مدو لكاترين وضور عينيه لعند نريمان كيشوفها كتحك وتصفي بقا ساكت فصدمة كيشوف فجنابو وناض من بلاصتو مشا الكوزينة هز كاس من حداها وريحتها الفايحة عاطية فالكوزينة وقف حداها كيشوف فيها بنص عين عمر كاس دالماء شرب زغمات متفرقة اما هيا كملت الخلطة ديالها عبارة عن ماء د بطاطة وماء د الخيار ونشا خلطاتهم ودارتهم فبواطة وخشاتها فالثلاجة بانت ليها البواطة فيها بعض المملحات هزات شوية فطبسيل وخرجات قدام عينيه رجعت لبيت شدت الباب موراها وهيا عاضة شفتها
واش شافني ؟ واش رد ليا البال ! زعمة كيف نكون كنبان ليه ؟ ( بسخرية ) هه اصلا هوما كيبغيو عا العرا وزعورات ماشي مشكيل خاصني نتعود ونعيش بقية حياتي دايها فراسي صافي مكتابش ومعنديش نصيب فالزواج اصلا الا بقينا مغاديش نتفاهمو اللهم يعيش كيف بغا وانا نعيش مرتاحة براكة علياا تقهرت بالهم والغم ...
حطت طبسيل على طبلة د المرايا وجلست على الكرسي كتشوف راسها باعجاب وهيا كتلعب بخصلة من شعرها كتهز وتاكل بشوية وتخمم وتهضر بينها وبين نفسها حتا شافت الباب تحل وهزت عينيها فالمرايا شافتو داخل
شاف فيها بنص عين ومشا جهة دريسينغ هزت تليفون بسرعة صيفطات مسج لريم ونفس المسج صيفطاتو لرجاء ولعائشة
قطعت المكالمة حطت التليفون وناضت بشوية عليها هزت الطبسيل وضارت شافت فيه بنص عين لقاتو كيشوف قدامو غير قلبات وجهها ومشات جهت الباب وهوا يعاود يشوف فيها متبع ليها العين حتا خرجات وما هيا الا دقائق رجعت دخلات هازة ديك البواطة صغيرة فيديها دخلاتها معاها لحمام حيدات العدسات من عينيها مسحات المكياج لي فوجهها وغسلاتو نشفاتو وهزت شوية من داك الخليط لي دارت دارتو على وجهها وجلست على لاصاش كتخمم وتفكر طال الوقت وهيا فالحمام حتا دخل وجلس على الكنبة هاز التليفون معرفها اش كدير لداخل ربع ساعة لا الماء مطلوق ولا حركاتها كيتسمعو حط تليفون وناض بخطوات بطيئة وقف حدا الحمام كيتصنت سمع الماء تطلق وهوا يرجع باللور كرم الماسك على وجهها وفركاتو شوية بيديها وبحركات دائرية غسلات وجهها نشفاتو بشرة بيضاء وخدودها حمارو والسر طايح عليها هزت شوية من كريم مرطب دارتو لوجهها وخرجات جامعة شعرها جلست حدا مرايا على انضارو كيشوف فيها غا من لتحت لتحت مشطات شعرها لي باقي متموج وكثييف وناضت لدريسينغ بدلات حوايجها بيجامة بسروالها ومشات لبلاصتها عطاتو بالضهر
ساط بالانزعاج وهوا كيشوف فيها تخربق وراسو داخ رن تليفون ديالها مرة خرا وهزت راسها شافت المتصل وناضت كتجاوب
نريمان : اهلا اختي ريم
ريم : كيف دايرة ازين ديالي بخير ؟
نريمان : مزيان الحمد الله كيف دايرة نتي وخالتي كلشي مزيان
ناضت من البيت خرجات لبرا جلست دايرة رجل على رجل كتهضر وكتحاول تجبد اي موضوع باش يطولو فالهضرة واخا تأخر الوقت وغلبها نريمان النعاس ولكن زادت طولات فالهضرة حتا قطعات فالاخير وناضت لبيت لقاتو فبلاصتو متكية بصدروا العاري وتليفون فيدو هز عينيه جات فعينيها لي كانت كتشوف فيه سرعان ما هبطات عينيها وحطت تليفونها تخشات فبلاصتها وقال بهدوء
بصحة وراحة
شافت فيه وردت : شكرا الله يعطيك الصحة
تخشات فبلاصتها بقات كضور عينيها فتردد واش تهضر معاه ولا لا .. رجعت هزت راسها لقاتو حط تليفونو كيشوف فالسقف
نريمان : جهاد
تلفت عندها وقالت
- غدا غنخرجو نتعشاو انا وصحباتي برا المهم بغيت غير نعلم قبل منمشي تصبح على خير
عقد حجبانو ورد : كيفاش !! شمن عشاء وشمن صحبات لي غتبقاي معاهم حتا ليل
صبح الحال لقات غير بلاصتو خاوية واول حاجة بدات بيها هيا توضات وخرجت صلاة وناضت لقدام المرايا عودات لبسات العداسات دارت المكياج خفيف لبسات كسيوة قصيرة فوق الركبة بلا يدين ولبسات فوق منها البينوار وخرجت ملقات حد فالدار ضارت ف ارجاء البيت بان ليها مكاين حد فدار .. دخلت الكودينة وجدت فطورها وجلست تفطر وتشوف فالساعة لي قربات ساعة باش تمشي ليكول ... فطرات بالزربة يلاه ناضت تخمل وهوا يتحل الباب شافت جهاد داخل هوا الاول هاز ولدو لي ناعس وكاترين موراه
شافت فيه بنص عين ودخلات البيت بدلات حوايجها دخل موراها وقال
قطع عليها وهيا تعقد حجبانها ورمات تليفون حداها وناضت تلبس مبغاش تعمر راسها بهادشي ولا هاد تصرف ديالو يآثر عليها ويخليها معصبة ...
لبسات وتقدااات وتعطرات وخرجت بعدما علموها البنات كيتسناوها هبطات مع لاسنسور لقاتهم فالطوموبيل كيتسناوها كانت رجاء واختها وعائشة وبنت اخرا معاهم هيا لي سايقة طلعات نريمان اللور وبدات تسلم عليهم عرفوها بصدقتهم حتا هيا ليبية مزوجة من امريكي .. ومباشرة مشاو لمطعم راقي بالموسيقى كلاسيكية والاضواء خافتة بحال شي بار ..
جلسو فجو جميل وهادئ كيتعشاو ويتجمعو على مشاكيل الحياة حتا وصلات 12 د ليل عاد رجعو نريمان لدار . صونات وحلات ليها كاترين لقات الاضواء مطفيين من غير الضو لي داخل مع الزاج دخلات مباشرة لبيت لقات جهاد فايق حاط الياس على صدروا منعسو عليه وهاز تليفون فيديو عاقد حجبانو بعصبية وغضب ،،
مهزش عينيه فيها بقا على نفس الوضعية ، اما هيا شافت فيه بنص عين ومشات كتحيد مونطو ديالها هز عينو فيها بغضب متبع ليها دخلات لدريسينغ لبست بيجامة د نعاس ومشات الحمام جامعة شعرها بقراصة واطرافو مدليين خرجت كتمسح وجهها بالفوطة لبسات عباية د الصلاة وشال على راسها وتوجهات القبلة كتصلي لي مزال كيسالها من نهارها...
حتا كملات وناضت كطوي زربية صغيرة لي صلاة عليها شاف فيها وقال
على سلامة كيف دازت سهرة مع صحبات ؟
حركات راسها وردت : مزيان
12 هادي عاد داخلة لدار ؟ كديري غير لي فراسك ياك ؟ زعمة معاطيا اعتبار لحتا واحد واخا هضرت معاك بالهداوة مبغيتيش تفهمي ! صافي درتي صحابات والمعارف ؟ وزاز ولباس وشعر خارج ؟ اليوم غيستوغون ابخي كازينو ياك
هزت عينيها فيه وردت : اينا شعر خارج ؟ راه حتا دخلت لدار عاد حليت فولار ديالي شهاد الهضرة دابا قلت ليك خرجت مع بنات
هز حاجبو وقال بهدوء : نقصي من صوتك راه الولد عاد نعستو
خلاتو وردات موراها الباب وقفات فالصالة كتمشي وتجي وتسنى ايمتا يخرج ..
دازت نص ساعة وهوا مزال مخرج رجعت لعندو حلت عليه الباب لقاتو جالس عل الكنبة متكي بيديه على ركابيه كيكتب رسائل بغضب ويصيفط هز عينو فيها وقال
- خرجي بحالك
ردت : اجي نهضر معاك ومغنعاودش ندخل عندك
خرجت وتسناتو برا حتا خرج عندها كيزفر عينيه حومر وجههو مكيبشرش بالخير وقف قدامها وقال بحدة
شكاين شغادي تقولي ؟
ردت بالارتباك كتشوف فيه وترجع تهبط عينيها تشتت النضر
- شوف مغاديش نبقاو ديما فالمشاكيل انا وياك مكنتفاهموش وصعيب علينا نتفاهموا المهم اجهاد خلينا نطلقو من غدا مكاين لاش نطولو ونوليو فمشاكيل كبار من هاكا احسن حل ليا وليك هوا الفراق والله يسهل عليك الا بغيتي تزوج وحدة خرا تكمل معاها حياتك المهم طلقني انا منصلاحش ليك
طول الشوفة فيها عاقد حجبانو مربع يديه حتا كملات ورد فالحين بسخرية
- مزيان هيا غتمشي عند صحيبك لي تعشيتي معاه هوا لي غيصلاح ليك ياك ؟ واخا الالاهم صافي لقيتي فين تمشي ايوا ها باب سيري عندوو وطلاق راه غنطلقك حيت مبقى عندي مندير بيك
تلفت عطاها بضهروا غادي لبيت خلاها فصدمة من الكلام لي عطاها وهيا تبعو ودموع هابطين من عينيها وقفت فوجهو وقالت وهيا كتنخصص
- شمن راجل اجهاد اويلي حتا اهاد الدرجة تشك فياا نكون مع شي راجل اخور ؟ قسما بالله اجهاد مكنت مع شي راجل والله حتا غير البنات يلاه دابا معايا وسولهم وحدة وحدة وس...
قطعها بغضب : مكيهنييييش بغيتي طلاق غطلقي ولادي راه نهار يتولدو والله لا خليتهم ليك حيت اصلا متستاااهليهمش
ردت بغضب : حتا نتا متستاهلهمش من نهار حملت بيهم وانت مرضني ومطيح بيا انا لي غادي نهز ولادي ونزيد ونتا لي عمرك مغادي تشوفهم ول ...
دفعها لسقها مع الحيط وخرج عينيه فيها ورد كيغزز سنانو
- سيري بيهم حتا لطرف الدنيا طلعي بيهم حتا لسماء غنجيبهم سمعتي ؟ مزال مكتعرفينيش احبيبة ونتي سيري ت**** مع دوك ز*** وسلاكط لي عمرو ليك راسك كنتي كبيرة فعيني وكنشوفك غير نتي ولكن دابا مبقيتي ساوية عندي والو ودابا ها الباب زيدي خلفة ولا صوني عليه يجي موراك
هز راسو شاف فيها بإشمئزاز وردت وهيا كتشهق وتخرج كلمات متقطعة : ولادي انا وانا لي هزيتهم وتعذبت عليهم وانا غنمشي معندي منبقى ندير عندك هنا
.. حتا كنتي كبير فعيني ولكن ...
ردت كتنخصص : ملي رجعتي كتشك فيا وتنوي فيا غنكون مع شي راجل اخور هنا صدمتيني مدرتهاش حتا ملي كنت بوحدي سينين هادي بقالي غا دابا وانا حاملة بجوج ولاد حرام عليك والله حتا حرام عليك ولكن الله فوق كلشي هوا لي كيشوف الا انا درت هادشي الله ياخد فيا الحق فدنيا قبل اخره . انا والله ما درت شي حاجة غلط
جلست غا مع بنات فمطعم تعشينا عادي وصلوني حتا لباب اقامة شنو فيا الا خرجت وبدلت حتا انا الجو شوية شمن عيب درت نتوما كتحسو غا براسكم وحنا لهلا يقلبنا كاااع .. المهم سمحلي على كلشي و الله يعاونك
لبسات حوايجها بالزربة وخرجت كتجر فالشوانط شافتو جالس على الكنبة فضلام من غير اضواء خافتة مصغر عينيه دازت من حداه مشات لباب بغات تحلو مبغاش يتحل ليها بقات كضور البواني خلات شوانط محطوطين وتلفتات لعندو وقالت بحزن
حل ليا الباب
بدون رد
تنخصصات وعودات قالت
- جهاد حل لياا الباب نمشي بحالي نوض حلها ليا
بقا كيشوف فيها مصغر عينيه عاقد عجبانو دوز يديه على وجهو وتنهد بضيق بلاما يرد عليها
اما هيا شعلات الضوء وبدات كضور وتقلب على سوارت
وقف بتتاقل جر دوك الشوانط رجعهم لبيت شافتو وهيا تبعو نتراتهم من يديه وقالت كتبكي بهيستيرية
- قلتي ليا نمشي بحالي وخليني نمشي بحاااالي علاش مرجع ليا شوانط ، حل ليااا الباب فينا هوما سوارت ؟؟
رجع نتر ليها شوانط من يديها رماهم فالارض وقال بتعب :
دوزي تنعسي وبراكة من الغوات
تلفت باش يخرج وهيا توقف ف وجهو وردت بغضب وهيا كتبكي وتشهق :
مغاديش نعس ماشي تخليني بحال هاكا كنترعد وتمرضنييييييي وتقولي دوزي تنعسي انااا مبغاااش نعس انااا باغا نموووت باغا نبات منصبح فهاد الدنياااا قهرتينيييي اجهاد فصحتي وطعنتييني فهاد الليل بدلت الجو شوية شوف اش خرجتي فياا ونتااا دمك بارد ممسوقشششش حل ليا الباب خليني نمشي بحالي اللهم الزنقة ولا هاد الدار ولا هاد العيشة
شاف فيها مطولا وهيا كترعد وسنانها كيتقرقبو ودموع هابطين من عينيها بغزارة وجهها حمرر وهيا كتهضر وتشالي بيديها ..
للحضة ضمها لصدروا بما في قوتو خاشي راسو فعنقها اما هيا بحالا كانت متعطشة لحضن دافي تبكي عليه وكانت نيت محتاجة لهاد العناق لي يطفي ولو القليل من غضبها بدون شعور حتا هيا عنقاتو بما فجهدها خشات راسها فصدروا كتبكي وتنخصص وكاع الخنايف دوزاتهم ليه مع تيشورت ديالو دوز يديه على ضهرها بحنان كأنه كيسكت بيبي صغير بلا ما يهضر ولا تهضر هيا لي معنقااه بقوة كيسمع غا بكاءها وتنخصيصها فشلو رجليها ومبقااتش قادرة توقف ضعافت كليا ولكن كان حاكمها بيديه بقا معنقها حتا بدات تخفض من بكاءها وبعد راسو شاف فيها وهيا مهبطة عينيها هز يديه يمنى ودوزها على عينيها كيمسح ليها دموعها رجع عنقها وقبل ليها جبهتها بقوة وقال بهمس حدا وذنيها
جرها لكنبة جلسات ومشا جاب ليها الماء شد ليها رقبتها وشد الكاس بيدو كيشربها وهيا كتشوف فالارض حط الكاس وجلس جنبها طالق رجل وطاوي رجل وقال
- ڤغيمون حنا مكنتفاهموش نتي طبعك فشكل وانا كتر شوفي انريمان انا راه بغيتك بنية صافية وبغيتك نتي بوحدك
قطعاتو وردت كتنخصص بكلمات متقاطعة : انا كتتت..ر .. ممم...نك ونننن نتا كتتت قولي انا... ممع مع راحد اخور .. وانا والله مكنت مع شي حد ..
رد بهدوء : عارف وتايق فيا ولكن عصبتيني وجهلتيني كاع راه كديري شي فعايل شيطان ومكيطيحوش عليه
غلباتها الضحكة شدتها غا بزز وبقات كضور عينيها كتجاهل تشوف فيه باش متفرش
كمل كلامو وقال : مكتعضرييش وكتزربي وكتخرجي على فمك لي مخصووش يخرج ... كلام جارح راه واخا دوز عليه سينين مكيتنساااش وكيبقى العيب ديما هوا لي حاضر وهوا لي كيتجبد فساعة الخصومة ..
ردت بحزن : دابا شكيتي فيا ياك ؟
رد بالنفي : بغيت نرد ليك الصرف نخليك تحسي بالشي لي حسيت بيه من ديك الهضرة لي قلتي اما انا عارف كنتي غا مع البنات
دابا انا الا مشرحتش ليك مشكيلة
و
ويلا شرحت ليك حتا هيا مشكيلة ! مبقيتش فاهم شنو ندير ولا كيفاش نتصرف معاك .. كنحاول نكالمي راسي فوق القياس ولكن انا معنديش الصبببر بالخصوص فهاد الايام
- اخر هضرة غنقوليك الا عندك شوية دالصبر تصبري معايا ونكملو حياتنا راني مساخيش بيك ومباغيش نتفارق معاك حسن منبقاو معذبين الولاد
ويلا كنتي مصممة على طلاق راه مغاديش نعارض راحتك هيا الاهم ومن تما ديري لي بغيتي
بقات ساكتة مهبطة راسها كتسمع ليه ودمعة هابطة من عينيها .. كمل كلامو قال
- الحياة شوية خاصها د الصبر وانا صبري قليل وانتي وقيلة كتر بجوج بينا مكنرطااابوش ومكنتفاااهموش كاااع . مكتسمعيش الهضرة لي فراسك كديريه وغير هضرة جوج تجمعي حوايجك وتهدديني بالخروج ! فين غتمشي هااا فين عندك فين تمشي زعمة صحابات غيبقااو شادينك حياتك كاملة ؟ الااااااااا صبرو ومقصرووش من جهدهم حدك شهر عندهم ..
وداك الشهر وغيخرجوووك منك بالدوبل هادا الا لقيتي شي وحدين فيهم خير وقفو الله معاك ..
اما كاين شي فئة تخليك تمناااي الموت ولا تعيشي معاهم ... نتي مزال معرفاش الخباية ديال هاد البلاد ومزال معرفاش اللغة ومزال نية وكتيقي دغيا وطايشة فعقلك ومتسرعة وووبزااااف دالامور كديريهم غادي غير يضيعوك فحياتك ..
انتابهي انريمان لشنو كديري ولهاد التصرفات لي مغاديش يقبلهم شي حد اخور ، وفيقي بعيوبك قبل ميبقااو الناس يذكروك بيهم
هزت راسها كتشوف فيه ودموع مغرغرين فعينيها عطاها كلام بحال شي تسرفيقة دازت مع وجهها ورجع هبطت راسها كتصنت بحال شي بيبي صغير دار غلط وندم عليه ...
كمل كلامو وهوا كيشوف فيها وقال :
كنتمنى هاد الهضرة دخليها فراسك وتستوعبيها الحياة زوينة خاص غير نعرفو نعيشوها . انا قلت ليك هادشي باش الا كنتي مقررة على طلاق تكوني فهمتي ونكون ووضحت ليك الامور . انا نساعدك معنديش مشكيل تقراي ولا تخدمي ولا اي حاجة بغيتي ديريها فحياتك انا معاك فيها واخا مغاديش نكون معاك فيها راجلك ولكن غنكون معاك بحال صديق ديالك اوك ؟
رجعت هزت راسها فيه كتبكي وتنخصص وقال
- علاش مزال كتبكي ؟ صافي الكورة فيديك دابا لي قررتيه انا معاك فيه ومغاديش نعارض اي قرار خديتيه هوا لي غيكووون
ابتاسم فوجهها وهز يديه مسح ليها دموعها وجرها لصدروا عنقها كيسكت فيها هزت راسها فيه شافت عينيه حومر وسرعان مقلب وجههو وحط يديه على عينو كيعصرهم ويشتت النضر
مسحات دموعها وردت عليه وهيا كتنخصص : انا ا....
قطعها : متقولي والو دابا الوقت فيدك فكري على خاطرك وعاد قرري ملي تكوني مستاعدة دابا نوضي ترتاحي واول حاجة غدا انديروها خاصكي تمشي لطبيب نشوفو البيبي رونديفو داز وحنا مزال ممشينا
حركات راسها بالايجاب سمع الياس كيبكي وقال وهوا نايض بسرعة
حركات راسها بالايجاب وبقات متبعة ليه العين حتا دخل وشد عليه الباب كتسمع صوت الياس لي كيبكي وجهاد لي كيسكت فيه مسحات دموعها وناضت دخلات لبيت وسرعان ما رجعت خرجت كتقلب بعينيها مبانش ليها كاترين ومكاينش حسها فدار مشات بخطوات بطيئة جهت بيتها لقاتو خاوي مكاين حد ورجعت شدتو ومشات لبيت .. شدت الباب وحطت الشوانط فالطرف كتشوف فيهم بدلات حوايجها ودخلات ففراشها كتقلب يمين شمال .
مرة تنعس على ضهرها مرة على جنبها وكلام جهاد بالحرف كيتردد فذهنها محساتش براسها حتا غفاات وسرعان ما سمعات البكا د الياس برا وجهاد فالصالة كيضور بيه ويسكتو وكيحاول يتاصل بالطبيب ديالو . ناضت مخلوعة حتا كان القلب ديالها غيسكت تنهدات بعياء شادة فصدرها وناضت كتجر بانطوفة ديالها لبست بينوار وخرجت عندو برا
نريمان : مالو واش كضروا شي حاجة ؟
رد بحزن : معرفتش انا كنصوني على طبيب ديالو ... الو
مشات جيهتو وهوا كيهضر مع الطبيب حطات يديها على راسها الياس لي كيبكي ويتنخصص شداتو من يدو بغات تهزو وهوا يوقفها جهاد . قطع المكالمة وقال
- الا هزيتيه غيزيد يبكي حتا يرتاح شوية ونعطيك تهزيه
حرك راسو وبدات كترسم فيديها وهوا حال فمو كيشوف فيها ويرمش بعويناتو وجهاد متبع ليها العين وكل مرة يخطف قبلة فخد الياس لي بغاا ياخد القلم لنريمان يرسم بوحدو مداتو ليه وعطاتو يديها بدا يخربق حتا وسخ ليها يديها كلها وهيا ساكتة ببتسامة الاهم هوا ميبكيش ويعياا وينعس ليهم
للحضة دوز القلم مع يديها بقوة حتا جرحها جرحة كبيرة. غير شافو جهاد وهوا يخطف ليه القلم اما نريمان عضات على شفايفها وكمداتها. بدا الياس يبكي من خطفة لي دار ليه جهاد على القلم وسرعان ما قالت نريمان بالزربة
عطاتو يديها خرا عمرها ليها ورجعت قلبات يديها عطاتو الكف وهوا كل مرة يوجعها ولكن كتصبر فالداخل ديالها
مدات ليها بانسو ومكياج ديالها لي مكتحتاجوش عطاتو يلون ويلعب خلاوه كيلعب ليها فيديها حتا عيا وضار لعند جهاد كيرسم ليه فوجهو وهوما كيضحكو حتا بدا يديه نعاس جالس عاد هزو جهاد داه لبيت ونعس معاه اما نريمان ناضت غسلات يديها وجمعات داك الروينة لي دار ليهم عاد تخشات فبلاصتها ونعسااات...
صبح الحال وصبحات فيه نريمان فالكوزينة كتوجد الفطور لابسة كسيوة قصيصرة فوق الركبة نص كم لاسقة مع كريشتها فاللون الزهري... وليبة من لتحت حتا هيا فالزهري وبانطوفة ديال الارنب وجه نقي ابيض صافي مكتفية فقط بمرطب الشفاه ... حيدات الحليب لي سخن من فوق بوطة كباتو فتيرمو ديالو وهزت سينية خرجاتها حطاتها على الطبلة وبدات تهز من ثلاجة وتحط ولي غيسخن داتو لفران باش يسخن ..الساعة 8:30 صباح شافت فالمڭانة وهبطات عينيها كتكمل توجاد الفطور حتا كملاات وناضت كتنضف البيت ودوز جفاف واخا معندها جهد واخا فهاد الساعة مكرهاااتش غا ضربها بنعسة ومتفيقش ولكن بغات تخلي نقاء موراها بعدما تمشي لطبيب و المدرسة...
خرج كيتكسل وهوا يحل عينيه ملي شافها كضور فالصالة كتمسح وتقادد وقال بصوت نعسان
- صباح الخير
ردت ببتسامة : صباح نور كيف صبح الياس ؟
جلس على كنبة ورد كيتفوه :
شوية هاهوا ناعس علاش نايضة فهاد الصباح والبرد كون بقيتي ناعسة
ردت وهيا كتمسح الزاج
- لا ضرباتني الفيقة ونضت نجمع هادشي قبل منمشيو لطبيب نوض غسل وجهك اجي تفطر
قلب عينيه لصالة مونجي لقا الفطور محطوط ورجع شاف فيها وقال : علاش معذبة راسك وبزاااف غ
فهاد الساعة غير رتاحي ويلا بغيتي الفطور انا نوجدو ليك
ردت بخجل : لا عادي ونوض تفطر راه برد
حرك راسو وناض غسل وجهو ورجع لقاها جلسات على الكرسي كتكب ليه القهوة جلس قبالتها وهيا كتحط ليه استغرب من طريقتها وتعاملها فهاد الصباح
فطروا فجو حامي من القبل والعناق والرومنسية .. قطعهم صوت الياس لي ناض وكيف كينوض اول حاجة كيبدا بيها هيا البكاا. خرجو جهاد وحطو على رجلو اما نريمان ناضت بالزربة غسلات ليه الرضاعة عمراتها ليها ورجعت لعندهم جلست جنب جهاد ومدت الرضاعة ل الياس لي مخبع وجهو...
بسياسة والابتسامة والحاح من نريمان خلاتو يشد منها الرضاعة وبدا كيرضع وهيا شداها ليه
نريمان : بغيت نهزو قوليه يجي عندي
ميل جهاد راسو وقال : تمشي عند مامي نيرو هممم سير ابابا عند مامي يلاه سير عندها
حلت يديها بغات تشدو وهوا يرجع باللور خايف وجهاد كيزعم فيه وهيا كتناديه يجي لعندها للحضة تجاوب معاها ومشا لعندها عنقاتو وبدات تبوس فيه وتعنق وتعطيه يرضع وهوا غير ساكت...
حتا سمعو صوني فالباب وناض جهاد يحل ..
كانت كاترين ببتسامة دخلات كتهضر مع جهاد شافت فيهم نريمان عاقدة حجبانها اما الياس لي فحجرها بدات يغوت باغي يتعلق ف كاترين هزاتو من يدين نريمان وبدات تبوس فيه وجهاد كيهضر معاها ببتسامة جلسات معاهم على طبلة د الفطور ...
خلاتهم نريمان وناضت بالزعفة دخلات لبيتها ضور جهاد عينو شافها دخلات معصبة وهوا ينوض لعندها دخل موراها لقااها كتلبس مونطو ديالها وليبوط شد باب موراه وقال
- مالكي احبيبة علاش معصبة
ردت بالنفي : لا والو مكاين حتا حاجة
وقف قبالتها كيشد ليها حزام د المونطو وقال
- كاين احبيبة غير قوليلي واش على كاترين ؟
مردتش عليه وتلفتات جهت المرايا كتلبس فولار ديالها.
شدها من خصرها وقال وهوا معنقها من اللور
- متغيريش احبيبة منها اصلا شكون هيا باش تغيري منها ياك شرحت ليك اش كاين همم
تلفتات عندو بحزن وقالت : وااا جهاد مبغيتهاش تبقى هنا راه معجبااانيش ومدخلااتش لياا لخاطري خلي ليا الياس انا نقابلو والله حتا ندير جهدي غير هادي متبقااش هنا
تنهد ورد : صبري شوية عفاااك الله يهديك غير يرتاح الياس شوية وغتمشي بحالها اوك حبيبة ؟
حركات راسها واخا محملاش وجدوها ولكن معندها مدير...
باس ليها جبهتها وهبط على شفايفها بقبل متتالية وقال بهمس
حتا كملو وخرجو من تما فرحانين وصلها لمدرسة ومشا للعمل .. دوزات الحصة ديالها وجلست فالمكتبة كتراحع حتا لحصة الثانية...
بعدما كملات كيف العادة لقاتو واقف كيتسناها طلعات حداه وشدها بقبلات متتالية متعطش ليها وحتا هيا كتر ، مكرهاااتش عزلة تجمعها هيا وياه فشي مكان بعيد خاوي فقط هوماا بجوج ميعكر ليهم الجو حتا شي حد....
شد يديها باسها وقال وعينيه معاها
- فين بغات حبيبتي تمشي ؟ امم انا مغاديش نرجع الخدمة اليوم وقتي كامل غنخليه ليك
فرحات ولمعو عينيها وهيا فشوق باغا تسارا وتخرج وتزيد تعرف على البلاد وتمشي لأشهر الأماكن لي كتشوف فالسوشل ميديا واماكن لي معروفين بيهم مدينة نيويورك ..
داز يوم ماشي كيف باقي الآيام يوم شافت فيه نريمان السعادة ديال بصح وحست بيها واستمتعت بيومها لي مخلا فين داها وفين جلسها كلات وتصورات وضارت شرات اش بغات حتا طاح الليل وجلسو تعشاو فجو رومنسي وهوما كيتناقشو فموضوع المربية...
حط فورشيط من يدو وقال بهدوء ...
دابا غير عطيني عقلك واش نتي غتقدري تربي الياس بوحدك ونتي واحلة فراسك ؟ امم وعاد ملي تولدي وخاصك الراحة وخاصك لي يهز معاك الولاد كيف غادي ديري ليهم ؟ شكون غيعاونك نريمان فكري احبيبة راه هاد المربية مزيانة ليك نتي نيت .. راه 3 دالولاد والله متقدري عليهم راه صعيب احبيبة تهزيهم كلهم توكليهم كلهم تقابليهم هادا نعس هادا فاق هادا خاصو يبدل هادا خاصو يرضع رااا بزاف
ردت بتفهم
عندك الحق ولكن قوليها تلبس شي حاجة مغطيا مكيعجبنيش الحال كتلبس هكاك
ضحك من كلامها وقال
واش حتا لهاد الدرجة كتغيري وايلي لااا شوفي حيدي من راسك الغيرة والشك راه هادو هوما سباب باش كنرحعو لور وكنتخاصمو على اقل حاجة شوفي تيقي بيا راه كاترين مزيانة دابا مع الوقت تعرفيها وتفهميها وتعرفي قصتها وغتفاهمي معاها
حركات راسها بالايجاب ورد : واخا صافي معندي مندير
رد وهوا كيدوز يديه على يديها بحنان
- وصافي احبيبة راه لمصلاحتك نتي نيت
سكتاات للحضة وقالت : اجي شوف شي مربية خرا حسن من هادي عفاااك حسن والله بعدا انا هادي متعاونيش فولادي متحطش يديها فيهم
اولا مزال معندك اللغة زيد عليها حاملة خاصك راحة دابا مزال مكتعرفيش فين تمشي شوفي كنواعدك من دابا عام ملي تولدي وتقراي اللغة مزيان ولادنا يبداو يكبرو شوية اي حاجة بغيتي ديريها انا معاك دابا لا ركزي غير فالقراية ديالك وتعلمييي اللغة مزيان ونزيدك فدار مغاديش نبقاو نهضرو بالعربية من هنا لقدام وبسيف عليك تعرفي اش قلت هاكا باش تعلمي دغيا
ردت : وزعمة نقدر انا راسي تقيل شوية
رشف من المشروب شوية ورد : بسيف تعلمي وداك العقل نخففوه الالة خاص غا الوقت
ابتسمات بحماس وردت : صافي واخا تانا غنزيد نقرا فهاد الكتوبة لي شريتي ليا اليوم ونزيد نتعلم ..
غمزها ببتسامة وقال : مشينا ؟
حركات راسها بالايجاب وناضت شد فخصرها وخرجو من تما
حلو باب سكااات تلفت جهاد شعل الضو دخلات نريمان فالأول ودخل مورها شد الباب ومشا لبيت الياس لقاه ناعس وكاترين معاه ناعسة شد عليهم الباب ومشا لبيتو لقاها كتحيد الفولار
لي نهار وليل ونريمان كتراجع وتحفض وتردد الكلمات واغلب الاوقات جهاد كيتعمد انه ميهضرش معاها بالعربية ويهضر بالانجليزية باش تقدر تأقلم مع اللغة وتفهم مزيان
بقى شهر لولادة وبداو التحضيرات لاستقبال التوينز لي جاييين فطريق ...
تقالت نريمان وتنفخو رجليها وزادت فالوزن وعياات مبقااتش قادرة تزيد ولا توقف وزاد خوفها من يوم الولادة...
نهار وما طال وهيا قبالت البيسي تقلب وتشوف على الولادة كيفاش دايرة وناس باش كيحسو واش صعيبة ولا ساهلة وايمتا كيتشافاو وصلات لحالة اكتئاب ديال الحمل لي كدوز منو اي امرأة حامل من خوف وهيستيريا . وعرضها جهاد على طبيب نفسي يريحها نفسيا باش تخوي راسها من الواساويس والضغوط المتراكمة عليها...
- دابا حنا معرفناش واش عندك بنت اخرا ولا وليد . غناخدو حويجات فالغوز ولوخرين فالابيض الا كانو ولد وبنت ولد يلبس الابيض وبنيتة فالغوز صافي ؟
تنهدات وردت
مصااب يكون وليد مكرهتش يكون ولد ونسميه زياد ااااه والله ما كرهت يا جهاد
دوز يديه مع ضهرها عنقها عندو ورد
- قولي الله يفكني على خير اما احبيبة لي جاا فيه خير يا بنات يا ولاد...
حركات راسها بالايجاب وكملو جولتهم فشراء ملابس الاطفال وكل ما يتحتاج من 0 ...
خدا جهاد كلشي عمرو فالكوفر وفاللور ديال طوموبيل ورجعو لدار
لقاو الياس مع المربية الجديدة عاد جابوها يلاه حلت نريمان الباب وهوا يضور متلهف مشا عندها كيجري حنات بصعوبة لعندو عنقاتو وهوا باغي يتشعلق فيها باش تهزو
دخل جهاد الاغراض بمساعدة المربية جديدة ودخلوهم لبيت لي جهزوه صباغتو فاللون الزهري وروسومات باربي واميرات ديزني فالحيط والفراشات هابطين من السقف والبولات صغار شعلين فالبيت بضوء خافت وجهة اخرا باللون الابيض وحتا هيا مجهزة على حساب البيبي ثاني لي يمكن يكون وليد...
رجع خرج جهاد عند نريمان لي شادة الياس فوق الكنبة معنقاه كتلعب معاه ودغدغ ليه فكرشو جلس حداهم وقال
- شفتي هاهوا ولف عليك بزاف غير كان خصنا شوية دالوقت وصافي
رد بنرفزة : اودي قول كون مرجعاتش ديك كاترين كون راه ولف عليا من نهار اللول شوف دابا ولا باغي غا يتشعلق فيا هههه
العمرررر د ماماا الحبيبة ديالي هانا اماما ديالي هااانا شنو بغا الحبيب امم نلعبو عوتاني بمكياج هههه كامل هرستيييه ليا كامل دڭدڭتيه ههه نخرجو من باك بالدوبل غا بلاتي
هز حاجبو ورد
- وهادشي لي عاد خديتي دابا ؟
هزت كتافها وردت : وحتا نتا هداك ميكفينيش مشفتيش باليطات دوز لي وريتك ؟ نارييي حمقوني غنرجع ونشريهم شفتي على لوينات فيهم ! ودوريجين صراحة
تنهد ورد : ومديريش داكشي انا كيعجبني نشوفك ناتيوغال بلا مكياج
تلفتات عندو دارت رجل على رجل وقالت : غا خليني انا بغيت نديرو وكيعجبني
هز سوارت ورد وهوا نايض
- ديري الالة لي بغيتي نتي تعرفي...
باس ليها خدها ومشا خرج فحين ناضت هيا دخلات لبيت حيدات حوايجها ولبسات بيجامة ديال الدار سخونة وبانضة فوق راسها والشعر مطلوق ورجعت لبيت لوليدات الجديد لي خداوه فدار جديد بعدما غادرو السكنة لي كانو فيها ف اقامة وتحولو لدار اخرا اكبر واوسع من طبقين السفلي والثاني وجردة صغيروة ومحابق دالورد جنب الباب .. كان سفلي عبارة عن صالون مغربي 100% كيطل على الزنقة ويشوف فالجردة لي حدا الباب ...
وقبالتو مقعد للأكل صالة مونجي وحداهم كوزينة وبيت اخر كبير طويل مفرش فراش عصري بآثاث رائع وجميل وبيت نعاس وحمام ... والطابق الثاني فيه بيوت الاطفال وبيت نعاس اخر ديال جهاد ونريمان وبيت المربية وحمامات جوج ومقعد صغير ضاير بالفوطويات عندو بالكون كبير كيطل على الشارع ...
طلعات نريمان لبيتها ثاني هازة فيديها حقيبة فيها المكياج لي شرات لي مخلات حتا حاجة معجبتهاش وشراتها. ستفاتهم كلهم على طبلة دالمرايا لي مضورة المرايا بالبولات البيضاء ستفات كلشي بالتاويل وقدات البيت ونقاتو مزيان وجلست قبالت المرايا ذهنات كريم مرطب فوجهها ولوات عليها الشال غطات راسها بطريقة عشوائية وقفت التلييفون ديالها قبالتها وهيا متشوف فالمرايا وبدات تسجيل فيديوات لي تعودات تحطهم يوميا وهوما فيديوات ديال الميك اب ... كانو المتابعين فالاول قلال وعاجباهم نريمان ابتساامتها وضحتها وطريقتها فالكلام ..
واغلب الاوقات كدير الايف بطلب من بنات وتبدا تماكي ليها وتشرح ليهم وهوما كيسولوها وهيا كترد بكل حب اي وحدة كتعطيها من وقتها وترد عليها وتشرح ليها مكتزڭل حتا تعليق من تعاليق لي كيطلعو فالايف... هادشي خلا دوك الفئة القليلة يطاكيو صحباتهم ويهضرو على نريمان فسوشل ميديا حتا بداو عدد المشاهدات كيرتافع وحتا عدد المتتبعين .. بالخصوص ملي كتعطيهم وصفات طبيعية لي كدير لوجهها واغلب البنات كيجربوها ويصورو ليها ويصيفطو ليها وهيا كتحط تصاورهم فالستوريات باش تزعم بنات خرين على وصفاتها ....
رسائل كتااار رجعو كيوصلوهاا كاين لي كيشكرها وكاين لي معجب بيها وكاين لي باغا غا تعرف عليها وتكون معاها صداقات وفينما يدخل عليها شي راجل قبل متشوف مسج ديالو ولا شنو كاتب ليها كتبلوكيه بلا تعطااال مكتفية فقط بالبنات ونساء . هاكا كيدوز الروتين من المدرسة لشوبينغ لفيديوات وستوريات فالانستا...
حتا كتكمل وتنوض تصور وتغسل وجهها وتهبط من جديد ضور فدار وفكل عشية الا كان عندها وقت ومسالية كتخرج هيا والمربية جديدة والياس يخرجو يتمشاو شوية حتا كيطيح الضلام عاد كيرجعو...
بدار فالتوجاد بعدما علماتهم آسيا غتجي هيا ومرات ولدها عبير لعندهم
خدات نريمان كل ما غادي تحتاج واغلبية وجدات فالدار ها الحلو ها سلو ها شباكية سيمانا وهيا غير فالتوجاد ومكتجيها حداكة حتا لنص ليل عاد كتبغي توجد وطيب وتحط وتمرض معاها حتا المربية جيبيلي عفاك هادي مدي لي هادي.. جهاد شوفلي الفران ... جهاد اجي علي ليا كمي ... جهاد اجي حك ليا هنا ملحقش..
تحل الباب وهيا لابسة بيجامتها المقطنة وفوق منها بينوار وشعرها قصماه على جوج دايرة الدفيرات ومكياج خفيف فالوجه. ناضت لباب بان ليها جهاد داخل هوا الاول وموراه آسيا وعبير وبنتها لي كبرات تلقاتهم نريمان سلمات عليها وكانت المفاجئة هيا ريم لي دخلات هيا لاخرا . بعدما طلبات نريمان منها تجي ولكن ريم عطاتها اعضار بلي ممسالياش ومعندهاش كيفاش تجي وخلاتها ليها مفاجئة...
تعمرات عليهم الدار فجو الضحك ونشاط والفرحة
وجدات ريم هيا واسيا العشاء ونريمان كضور عليهم يمين شمال كتنقب معندها خاطر لطياب ولكن الماكلة امصااابك غا تعطيها طلعات آسيا فيها وهبطات وقالت
ردت آسيا كضور راسها : خصام بين الحباب نزاهة مزيان بنادم يتخاصم وفلاخر ديك خصومة تكون سبب باش يزيدو يبغيو بعضياتهم ..وشغادي نقوليكم الله يهديكم نتوما بحال زيت مع الماء
ردت ريم وقالت وهيا كتشوف نريمان لي جالسة على كرسي كتاكل فاللوز مقلي
- لا لا اماما دابا رجعو كيحمقووو هكا بغيناهم يبقاو والله شوفي شحال كيكونو زوينين
نريمان : وخوك اختي كان كيجبدني شبغيتي ندير ليه
ردت آسيا كضحك : غا الوحم كان دايرها فيك حمدي الله لي مريشتيت كاترين بعدا هاهيا تزوجات بروبن وهانتي تهنيتي
عوجات فمها وردت : اودي تهنييياااا والله مشيا بلا رجعة
تجمعو على طبلة دالعشاء بعدما دخل جهاد من الخدمة جلس جنب نريمان كيهضرو على سميات ويخيرو نريمان لي حايرة ومعارفة اش تسمي هزت خوخة صغيرة عضات منها وقالت :
جاتني فبالي واحد السمية ولكن الا كان عندي ولدي اما الا كانو جوج بنات والله ماعرفت حرت مهم كنقول بنيتة نسميوها
نور الياسمين كيف جاتكم
آسيا : زوينة انا بعدا عجباتني شوفي باباها اش غيقول
رد : زوينة المهم لي بغات نيرو ديالي هوا اللول
ريم : هاي هاي وهانتي يا نريمان
ابتسمات بخجل وهوا يدوز يدها مع خصها وجرها لعنقو وقال
ردت : ايوا لورا هاهيا خدامة مع ختك وختك راه جا شي حد بغا يتزوج بيها
نريمان : هااا مزيان ايوا وشنو درتو انا كانت قالت ليا غيجي يخطبني شي حد ومكانتش كملات ليا الهضرة
سمية : ايوا قلتليها مزال الحال صبري حتا دوز شي عامين وعاد فكري فزواج قالتلك لا انا بغيت نتزوج وكنبغيو بعضيااتنا ومدخليش اماما فحياتي
تغرغروا عينيها كملات كلامها وقالت
ايوا دير لي بغات ابنتي انا ربيت وكبرت ودابا لي بغا يدير شي حاجة يديرها راه كل واحد مسؤول على راسو ..
حركات نريمان راسها وقالت :
ايوا الله يسهل عليها الا كان فيه خير الله يسهلو ليها مكانش فيه خير الله يبعدو .
تحل عليهم الباب وهوما كيتجمعو دخل جهاد ببتسامة وقال وهوا غادي جيهت نريمان
- كيف جاتك سوربرايز لي درت ليك
هزت مخدة رماتها عليه وقالت
- وعلاش مقلتيهاش ليا ومخليني غنحماق بوحدي باز
جلس حداها من جهة لاخرا عنقها وقال على اعين سمية لي كتشوف فيهم ببتسامة :
بغيت غير نفرح حبيبتي ومبغيتش نقولها ليك حتا نجيبها ليك وحتا قبيلة ملي قلت ليك عندي شغل راه هادا هوا شغلي مشيت جبدت ماماك من مطار
ابتسمات وعجبها الحال وعنقها على اعين سمية وقال
- احسن حاجة تعطاتني فحياتي هيا نريمان
تغرغروا عينين سمية بالفرحة وردت : الله يخليكم لبعضاايتكم ويسهل عليكم تربيو هاد الوليدات بلا عذاب بلا محنة
داز اسبوع وفنهار لي غادي يديرو فيه حفلة صغيرة بمناسبة الزيادة .. الكل مدعو من ناس من العائلة لي موجودة ف امريكا وكندا .. ومن الرفقاء والاصدقاء والمعارف ديال جهاد وحتا ديال نريمان ..
عرضات على عائشة ورجاء وحتا الاستاذة ديالها
لبسات كسوة من تصميم جهاد هداها ليها تلبسها فنهارها .. كانت كسوة بحال كسوة العروس فاللوز الزهري مكرشة من لتحت وكمام يديها مشبكين لاسقين مع يديها. وفورير ديالها من الفوق وفولار ديالها حجابي حتا هوا .. مكياج دارتو راسها وبنات كيلبسوها ويساعدوها فلباس ديال بنيتات بجوج لي حتا هوما لابسين نفس ديكور ديال كسوة د نريمان كسيوات صغيوريين بالبانضة ديالهم وصبيبيطات فالغوز ...
دازتهم ليلة جميلة وهادئة تفرق كلشي وبقاو غير مالين دار شي كيجمع وشي كيسكت الدراري لي كيبكيو وشي كيهز الياس لي من شدة الغيرة غا كيبكي ويغضب ليهم ولي شدو ولا هزو كيقمشو ولا يغفلو ويعضو ..
رجع جهاد فالعشية لدار لقا الياس كيبكي فجهة والبنات كيغوتو فجهة ونريمان بيناتهم كتبكي وحلت فيهم ب ثلاتة مبقات عارفة شكون تشد ولا شكون تسكت . غير كتبكي تهز بنات كينوض يبكي ويتكشكش فالارض من شدت الغيرة وياااا ويل نريمان تغفل لدقيقة وحدة كتلقاه مشا لعند افنان كيجرها من حوايجها باش يطيحها فالارض. حتا المربية تغلبات واخا كدير ليها فوق الخاطر وكتبغي تخرجو يبدل الجو وتلعب معاه ولكن هوا مباغي لا يلعب ولا يخرج باغي نريمان تهزو غير هوا وتنقو غير هوا وهيا لي تلعب معاه وهيا لي تخرجو ...
حرك راسو بلا رد حتا نعسات مزيان عاد ناض جرها لبالكون عنقها كيقبل فراسها وشفايفها وقال
- بدينا كنبعدو على بعضياتنا بزاف فهاد المدة
حركات راسها بالايجاب وردت :
وهادا حال كلشي ملي كيجيو الولاد شوية صعيبة
رد : وي بصح مي منسااوش بعضيااتنا وعندي فكرة نجيب مربية خرا تعاونك شنو بانلك
سكتات للحضة وردت
معرفتش شوف نتا لي بان ليك
حرك راسو ورد
انجيبها هاد السيمانا هيا ماماه د صاحبي برازيلي ماماه ضريفة بزاف غتعجبك وهيا غتعرف كيف تربي معاك ومنها نيت تعلمك
عنقها كيدوز يديه على ضهرها ويقبل فيها حتا خلاها تنساجم وهوا مغرق بقبلات ساخنة متتالية خلاتهم يكملو البقية فبيتهم ولكن هيهااات ثم هيهاات ناضو جوج يبكيو فدقة وحدة الياس من جهة وافنان لي مكتسكتش ليهم من جهة
لبسات بينوار ديالها بالزربة وخرجت غير حلات الباب لقات الدنيا مقلوبة والمربية طالعة كتجري لعندهم شافت ف نريمان بنص عين وهبطات عينيها بخجل ... اما نريمان مدتهاش فيها وهزت الياس كتسكت فيه حتا خرج جهاد ومشا عندو بغا يهزو مبغاش وتمخشش فصدر نريمان دخلاتو معاها البيت وخلاتو هوا مشا طل على جنان لقاها ناعسة ومشا هز افنان من عند المربية رجعها الأرجوحة ديالها وبقا كيطيطش بيها حتا سكتات...
حطات الياس على الفراش وجلست حداه تحل ليها البينوار وبان نص فصدرها حل الياس فمو وهز يديه برك عليها على بزولتها
وهيا تقول : ايي
عقد حجبانو بحالا غادي يبكي وقال : ديدي ؟
ردت كتشد بينوار : اه اماما ديدي هنا هههه
عنقاتو وبقات كتهر فيه وتبوس ودغدغوو وهوا كيموت بالضحك عجبو اللعب ديالها حتا عيااتو ودخل جهاد هزو كمل عليه خلاها دخل الحمام دوشات بالزربة ورجعت خرجت لعندهم
مدقدقة باغا غا راحة وشي نعسة د يوماين ،،
فاليوم موالي حطو بنات فكروسة ديالهم ديال توائم فاللون الزهري والابيض والياس هزو جهاد بين يديه وخرجو كيتمشاو ويبدلو الجو شوية يبدلو الروتين ديال الدار ومنها نيت الياس يلقى فين يلعب ويدوز وقت زوين ..
تغداو برا فمطعم فحديقة كبيرة عامرة بالناس وكملو على جولتهم حتا طاح الليل ...
عاد رجعو لدار نعسات البنات بصعوبة اما الياس نعسو جهاد وحطو فبيتو واخيرا عاد جلسو يرتاحو وينعسو فخاطرهم
دازت ايام ونريمان مضغوطة بحمل الاطفال ولو جابو المربية ثانية الياس مبغا يمشي عند حتا وحدة فيهم باقي بنات شوية كيهزوهم ويبدلو ليهم ويسكتوهم اما الياس لي نهار بعد نهار كيزيد يصعاب ومكيقدر عليه حد حتا من جهاد مبقاش باغي يمشي عندو باغي غير نريمان وحضنها واااا ويلها يشوفها هازة وحدة فالبنات يغضب ليها ومتنفعها حزارة وسياسة
عياو بالخاطر معاه ولكن منفع معاه والو ،، المهم ان نريمان كدير فوق من جهدها باش ترضيه وتخليه على خاطرو وحتا كينعس ولا يكون كيلعب عاد تمشي ترضع البنات وتهزهم
اقترحات على جهاد ترجع تكمل على اللغة باش يتسرح ليها الكلام مزيان .. ومنها نيت تزيد فورمسيون فميك اب ارتيست
بعد تفكير طويل عاد وافق وكان خوفو تهمل الولاد وتبع قرايتها ولادها تنساهم ودخل معطلة تجي عيانة ومديهاش فيهم .. ولكن بعد اصرار من نريمان بصعوبة وافق
كل يوم كيف كتحل عينيها كتلبس لبنيتاتها لي قربو يكملو عامين تبوسهم وتوكلهم عاد تخليهم مع المربيات وتخرج هيا والياس لي العمر ديالو 4 سنوات توصلو لاكخيش عاد تشد الطريق لمدرستها وفور ما تسالي دوز مور الياس ويرجعو لدار ..
هبطات دمعة من عينيها وشفتها سفلية مقلوبة لتحت وقالت كتنخصص
مامي هوا لي كيضربني انا مضربتوش
ردت جنان حالة فمها وقالت :
هيييه كتكذبي ؟ مامي راه هيا لي هزات فورشيط وكانت غتخشيها ليه فعينيه
شافت فيهم نريمان عاقدة حجبانها وقالت :
افنان مغاديريش عقلك وعاد زيداها كتبكي ؟
شافت فنريمان كترعد وتنخصص وناضت كتبكي لعند جهاد لي حل ليها يديه وقال
- بعدو ليا من بنتي نتوما غا لي كان افنان افنان بففف
شافت نريمان ف الياس لي بدا يبكي هزاتو وقالت : بعدو ليا حتا انا من ولدي ونتي الا عاودي درتي شي حاجة لخوك غندير ليك عقوبة
خرجات افنان لسانها وبدات كتعيب نريمان
هزت نريمان حاجبها وقالت :
ها ضسارة ديالك اشريف شوفها كيف كدير ليا شوف ؟
شاف فيها جهاد وقال : حشومة امامي مديريش لماما هكاك
شافت فيه بحزن وقالت : وهيا كتبغي الياس كتر مني ؟ انا مكتبغينيش كتبغي غير جنان اهئ اهئ
تخشات فيه كتبكي اما نريمان بقات غير حالة فمها شافت ف جنان لي غير كتخشي فوجهها ممسوقاش بحالا مكيناش فهاد العالم
حطت نريمان يديها على خدها وقالت
- الله يعطيني ابنتي من هدنتك غا شوية ممسوقااش كاع
شافت فيها جنان وقالت : ها شنو امامي ؟
تنهدات نريمان وناضت حطت الياس ومشات كتسايس وتحزر ف افنان لي غضبات ليهم عوتاني . بزز باش رطابت وسكتات
تقمش وتريش وتضرب وتبكي هيا اللولة وترجع هيا لي مضلومة وكلشي ضالمها وحتا واحد مكيبغيها خرجات ليهم من جنب هيا والياس لي غا ضرب فيا نضرب فيك فلقني نفلقك
عكس جنان الا عطيتيها تفرج هاهيا تما ولا تلعب غا خليها وسير صاوب شغلك مرتاح مهدنة وممسوقاااش كتشوف المقاتلة حداها كتحط يديها على فمها وتقول
- هيييه حشووومة مامي كتقولينا مضااربوووش
نزلات من سيارتها السوداء وطلعات فجوج درجات كبار لابسة سروال دجين مع تريكو تحت مؤخرتها ومونطو فبيج وشال فالبيج ونضارات سوداء وليبوط عالي طالون
هزت عينيها كتشوف اسمها عريض فبلاكة طويلة فوق الباب ابتسمات برضى ودخلات مع الباب الزجاجي كانو 3 بنات ولد معاهم خدامين وكليان غير شافوها تلفتو لعندها ببتسامة وهيا كضور عينيها وتسولهم واش مرتاحين واش خاصكم شي حاجة ؟
وكليان كلهم راضين على صالون د نريمان لي خدمات عليه وعطات من جهدها بمساعدة جهاد حتا حقق ليها حلمها جلسات على كنبة هازة بيسي فوق ركابيها كتجاوب على رسائل لي كيوصلوها من ناس عندهم اعراس وناس عندهم مناسبات وحضور ..
شخصيات معروفة تعرفات عليهم نريمان ورجعو كليان ديالها وكيبغيو يجيو عندها تخدم ليهم كيتيقو فيها وفخدمتها وفمعاملتها الطيبة مع الجميع....
شدات البيسي وناضت وقفات رجعت كضور على كليانات شافت فالشاب لي خدام عندها وقالت
هزت نضارتها وصاكها وخرجات من تما رجعت طلعت فسيارتها وديمارات غادية فطريق وطالقة سورة من سور القرآن الكريم غادية وكتقرا معاها حتا وصلات ..
وقفات طوموبيل فالبارڭينغ ودخلات ببتسامة لي طلقاتو كتسلم عليه ..
انتهى امتحان واعلنوا على اسماء د بنات والشباب لي تفوقو وخداو ديبلوم ديال اختصاص فمجال الميك اب ...
وكانت نريمان من ضمن الاسماء لي علنوا عليهم
وقفات على الخشبة واستسلمات ديبلوم ديالها والكاميرات كيصورو والورد كيترش عليهم والبنات كيهنءوا بعضياتهم .... دخل جهاد مع الباب هاز بنات فيديه غير شافتهم نريمان وهوما يلمعو عينيها من شدة الفرحة ..
بعد الاجراءات القانونية طلعو فالطيارة مع باقي المسافرين ونريمان قلبها كيزدح مشتاقة لبلاد وريحة البلاد ولعائلة لي توحشاااتهم سنين مشافتهم عافة اخبارهم غير من تليفون ....
بعد ساعات طويلة نزلات الطيارة بمطار الدار البيضاء وخرجات نريمان وجهاد شادين لوليدات فيديهم اخيرا شمات ريحة البلاد هواء نقي وشميسة صافية ايييه يا الايام بعد اكتر من 5 سنوات عاد رجعت لبلاد مشاو الوليدات كيجريو قدامهم وهوما موراهم فرحانين كيشوفو فيهم شاف جهاد فنريمان لقاها كتبكي وتنخصص فنفسها تلفت عندها عنقها وقال
- حبيبة علاش كتبكي مالكي
مسحات دموعها وفمها كيترعد عنقاتو وقالت
والو غير فرحانة بزاف وتوحشت البلاد وتوحشت العائلة ناري الغربة صعيبة بزاااف يا جهاد واخا ولفنا دابا ولكن مكاينش بحال بلادنااا
حرك راسو بالايجاب عنقها كيسكت فيها ويبوس ليها فراسها حتا سكتات ومشاو تبعو الولاد لي واقفين كيتسنااوهم ..
خرجو من المطار لقاو آسيا كتسناهم هيا وبناتها وخوالات جهاد تعانقو بحرارة مشوقين يشوفو توائم والياس ويشوفو نريمان لي توحشوها كتررررر ....
طلعو معاهم فالطوموبيلات جوج ومشاو لدار لقاو احسن استقبال من عائلة لي تما كيتسناوهم داز احسن يوم فجمعية مع العائلة والاحباب فرحانين بالبنات كل واحد يهز من جهة ويبوس من جهة
تعشاو وكل واحد مشا لبيتو وحتا الوليدات وجدو ليهم بيتهم دخلات نريمان بعدما نعسو الولاد لقات جهاد طوا الصلاية وتوجه لبلاصتو ابتسامات بحب وقالت وهيا كتحيد بينوار
حتا كملو وناضو فسيارات متصافة خرجو واحد مور واحد شادين طريق لطنجة .. يلاه خرج جهاد على دار البيضاء نعس ليه الياس وجنان بقات غير افنان من اللور كتفهم عليهم وتسولهم فين غيمشيو وفين كاينة هاد طنجة واش زوينة واش كيطيح فيها الثلج ؟ واش هيا لي فيها القرودة فساحة !
جهاد : لا ابابا هاديك مراكش دابا نمشيو ليها شي مرة ونوريها ليك
حطت نريمان راسها على الزاج وجهاد حداهم كيضحك حاضي نريمان لي كتمثل ناعسة وحاضي افنان لي كيشوفها من المرايا ناعسة كترمش عينيها كترجع تفيق طل على نريمان وترجع تشد عينيها كترمشهم.
اول ما وصلو طلقاتهم سمية بالحليب والتمر وبكاء شديد وحتا جيرانها لي تعرفات معاهم واقفين معاها يسلمو على نريمان وجهاد ويهزو الوليدات يبوسوهم
كان اشرف واقف والدموع فعينيه بعد هاد السنوات طويلة عاد كيشوف ختو ولادها لي كبرو وحتا هوا ولدو لي كبر وتزاد ليه ولد اخر عنق نريمان ومبغاش يطلق منها وهكاك جهاد لي ليه الفضل بعد الله انه كان سبب باش اشرف يدير مستقبلو هزات نريمان الوليدات كتبوسهم ودازت لعند لورا لي تعلمات العربية شوية كتهضر بيها
دخلو الفوج الأول د جهاد وبعدو جات اسيا وخوتاتها وبعدهم جات طوموبيل اخرا فيها البقية
حطات ليهم سمية الأكل والمشروبات وكل ما آلذ وطاب مقصراااتش من جهدها كترحب وتعاااود وتزغرت
بعدما كملو الأكل ..
شافت سمية ف لورا ورجعت شافت ف نريمان وقالت
- ايوا مفخباركش اخر الاخبار ههه
حطات نريمان كاس د اتاي من يديها وقالت : الله يسمعنا خبار خير ؟ ياك لباس
عودات شافت سمية ف لورا وشافت فيهم وقالت :
ايوا لورا راها سلمااات دخلات معانا فالاسلام الله يتبتها عليه
نريمان : ان شاء الله هادشي نيت لي بغيت الحمد الله..
طاح الليل وخرجو كلهم يتسراو فمدينة طنجة خلات نريمان الولاد مع اسيا وسمية ومشات هيا وجهاد يبدلو الجو بوحدهم ويسترجع الذكريات الجميلة لي كانو دوزوها فطنجة
نهار جديد وصبح الكل كيوجد راسو يمشي لسبوع ديال نسرين لي قررت ديرو فقاعة كبيرة واحسن تريتور فطنجة
لبسات نريمان لبسة فالبلان كاصي والذهبي وطالون ديالها فالذهبي وشال فالبلان كاصي بصاك صغير اما جهاد لبس لإلياس كوستيم صغيور قدو والبنات لبسو تكيشطات بحال بحال ف الوان مختالفة وحدة فالأحمر وحدة فالأزرق وتاج فوق ريوسهم بجوج والحناني فيد بعدما كانت داتهم نريمان ينقشو الحناء
دخلو هوما اللولة وتجمعو عائلة شي داخل مور شي وكلشي كينعت فنريمان ويشوفو فيها باعجاب
الشعبي مطلوق على الجهد وكلشي كيشطح هزات نريمان جلايلها ودخلات حتا هيا تشطح مع بنيتاتها لي كينقزو ومع العائلة خدات ليها وليهم صور تذكارية يبقاو يشوفوهم ملي يرجعو لأمريكا..
داز السبوع وتفرقات الجوقة ولي عندو شي دار مشا ليها .. عائلة جهاد وعائلة سمية مشاو معاها لدار اما جهاد ونريمان قرروا يباتو ف اوطيل والوليدات معاهم
بعد اسبوع رجعو لكازا خلاو الوليدات مع اسيا تخرجهم وديهم يسافرو لمراكش اما نريمان وجهاد قرروا ياخدو راحتهم بوحدهم ويسافرو ويبدلو الجو ويرجعو ايامهم القديمة لي معاشوش فيها ولا فرحو فيها ...
نزلات طيارة بمطار اسطنبول طبعا اختيار كان د نريمان لي بغات تزور تركيا مرة اخرا وتمشي لآماكن لي ممشاتش ليهم دوزو فيها اسبوع ورجعو ثاني لمغرب فالمساريا وضوران حتا وصل وقت المغادرة اول شي دازو لطنجة يودعوا سمية باتو معاها ديك الليلة ومشاو حتا لعند نسرين توادعو معاها ورجعو لكازا بداو كيوجدو راسهم ويجمعو حويجاتهم باش يمشيو
توادعو مع الأهل والأحباب ومشاو لمطار كيتسناو طيارتهم ولاد كيبكيو مساخيينش يمشيو كل واحد فيهم غضبان فجهة اما نريمان قلبها طايب غير ساكتة وكتتخصص من داخل ودموع هابطين فصمت...
عيا جهاد كيحاول يسكتهم وتا واحد مبغى يسكت ليه ...
طلعو فالطيارة وشدت نريمان عينيها حاسة براسها فضيق كبيير مقدراش تعاود تغادر وتبعد على الجميع... ولكن هادي هيا سنة الحياة كل واحد ومعطاه الله ومكتب ليه فالقسمة ديالو...
بعد 3 اشهر شادة تيست فيديها كتسنى وسرعان ما ابتسمات ملي طلع ليها خط الأحمر
ضورات عينيها اش دير وكيفاش تعلمو بهادشي ؟ واش تصيفط ليه مسج ؟ ولا تسناه حتا يجي وتقولها ليه !!! ولا ....
بلاتي بلاتي طاحت فبالي
هزت تليفون واتصلات بالباتيسيري لي قريب ليها طلبات منهم يوجدو ليها طارت ديال لي بيبي فوق منها رضاعة وسكاتة وطلبات منهم يوجدو ليها حتا الحلويات ومملحات دوموندات على كلشي وخرجت من البيت مشات لبيت الاطفال لقاتهم مزال ناعسين وهبطات لتحت كتوجد فطورهم وفنفس الوقت متوجد الصالون لي غتوجد فيه المفاجئة ديالها ...
بعدما فاقو الوليدات وهبطو عندها فالدروج غير شافتهم وهيا تبدا تعنق فيهم غسلات ليهم وجههم وعطاتهم يحكو سنينات وداتهم يفطرو حتا كملو وبدات كتلمح ليهم واش بغيتو يكون عندكم بيبي صغيور ...واش تهلاو فيه ؟ واش مغاديش ضربوه واش غتعاونوني فيه ..
كلهم بغاو وكلهم مشوقين يجيهم بيبي صغير فالاخر حطات يديها على كرشها وقالت
- انا عندي بيبي صغيور هنا غتسناوه معايا ؟
حركو راسهم بالايجاب وناضو فرحانين كينقزو
فرحات حتا هيا واخا فالاول كانت خايفة ميتقبلوش بيبي اخر ولكن كان العكس
وصلات العشية والطلبية وجدات لنريمان جابوها ليها حتا لدار وحطات الكاطو فوسط الطبلة وضوراتو بالحلويات وكؤوس مزينة بسينتة وطبيسلات وفورشيتات ونفافخ فكل مكان وحتا الياس كيعاونها ويمد ليها وبنات كيبغيو حتا هوما يقادو معاها. كملات وناضت وجدت راسها لبسات كسيوة قصيرة بلا كمام وشعر مطلوق وطالون دوزات احمر شفاه على فمها غير هيا حطاتو وافنان هزاتو بالزربة دوزات ليها ولختها. ورجعات حطاتو..
وصلات الساعة وسمعو فيها طوموبيل حبست حدا الباب وقفو كلهم فالباب كيتسناوه يدخل يلاه حل الباب معرف راسو باش تبلا خلعوه بغواتهم وهوما كيرددو
- بااااااباييييييي مامي عندهااا بيبي صغيوووووررر
حل عينيها بفرحة وشاف فنريمان لي واقفة وسطهم هازة نونوس فيديها شد الباب يلاه بغا يعنق نريمان ويسولها وهوما يتشعلقو فيه الوليدات كيجروه باش يوريه طارت والمفاجئة لي وجدات ليه ..
وانتهت رحلة الحمل
وضعت مولودها ذكر وكيف بغات هيا سماتو زياد وكانت اعضم فرحة عندها حست بحالا خوها مماتش وبلي حي معاها وجنبها
كانت ناعسة وسرعان ما ضرباتها الفيقة فنص ليل طلات على زياد لقاتو ناعس وجهاد حتا هوا ناعس على كرشو وجهو مقلوب لجهة خرا ..
ناضت ببطئ كتمشى على زربية لي فالارض وقفات قبالت الشرجم كتأمل فالقمر المضيئ فسماء ودموع مغرغرين ليها فعينيها ..
الأجنحة المنكسرة الجزء 23 والأخير
محتوى القصة
التنقل بين الأجزاء