قلبان لا يلتقيان الجزء 17

في هدوء الليل و صمته وفجناح الخاص بعصام كيتسمع صوت ضحكات مجهدة و تنهدات كتيرة ...

مفرقة رجليها و هو جالس قدامها وهي كضحك من نيتها حاطة يديها على كرضها و هو مخنزر....

عصام: وقت ضحك هدا دابا...

هاجر وجها حمر بزز باش كتخرج لحروف...

-وراك نتا المصيبة قتلتيني بحالي عمرك حسنتي...

عصام كاره : مولف نحسن وجهي ماشي ....

سكت عاض فمو بجهد وهي هزات راسها كضحك....

هاجر: غير كمل مالك حشمان قول ط*** وهني راسك....

عصام رما لماكينة من يدو : شفتك ما بقيتيش كتحشمي هاد ليامات غير لي جات فلسان كتخرجيها...

هاجر كتعوج ففمها : ياك غير راجلي ومالي نحكم فمي قدامك ...

عاود هز لماكنة كيتنهد بلا حول ولا قوة حط يدو بغى يبدا وهي تجيه ضحكة من عند الله ..عيا ميعض فمو يحبسها لكن والو عاد مكتزيد توساع وهي كتقوليه..

هاجر: شوف بدا من جنب ليمن حتى لوسط و حبس و عاود من جهة ليسرة تال لوسط عاد هبط من لفوق لتحت راه ساهل خاصك غير تجرب ....

حدر راسو مخبي ضحكة لي غلباتو ومع هو جالس كرشها مغطية وجها وهي تقول...

هاجر: واش نزيد نفرق رجليا باش دخل كثر...

عصام عض فمو بجهد و بلهجة مبحوحة قال...

-ماشي مشكل غير خليك...

هاجر: وعلاش مزال ما بديتي...

عصام: مزال كنوجد...

هاجر من نيتها: وغير بدا على ضمانتي راه صعيب غير لبدية و صافي ...

ضحك من نيتو جابت ليه تمام وخا هكاك كيف قالت ليه دار ليها و ضحكة غالباه كيفرنس غير وحدو..فور ما سالة ليها رما لماكينة من يدو ...

عصام: مزال تعاودي ليا هادشي غادي نديرها ليك على قد فمك...

هاجر: وصافي تا نتا عاونتيني ما فيها باس.."مدات يديها ليه"..مد ليا ديك لمراية لي فوق مجر لفوطات...

كمش حجبانو بدون فهم: علاش شنو بغيتيها...

هاجر من نيتها: بغيت نشوف واش حسنيته مزيان ولا لا...

بقى جامد فبلاصتو كيشوف فيها بدون حركة و هي كترمش ببراءة....

دخلات لدارهم هازة صباط طالو فيديها و رجليها عاطينها صداع ..جلسات فصالون حدا سمية لي جالسة كتفرج ولابسة بيجامة خفيفة مزيرة عليها وفجناب مفتوحة كيبانو گاع رجليها 

تبسمات و قالت بشوي....

اريج: غير بشوي اماما بابا مصبر راسو بزز ونتي غادي تزيدي تسطيه...

سمية كتلعب فشعرها لي مقاد على حقو و طريقو كتبان بنت صفر من عمرها هزات كتفها بنخوة...

سمية: اوا باش يعرف زين لي واخد تمناوه قبل منو الف واحد وانا ختاريتو من بين الكل ساعة بان لي نسا يامو لي مكان يدوز نهار بلا ما يسمع صوتي ولا يشوف صورتي

...

اريح تنهدات بشوي : لغلط اماما كيوقع وكل متزوجين ضروري ما يتخاصمو و لكن المحبة كتبقى فالقلب شوفي غير خالتي و عصام شحال من عام وهما مفارقين ونهار طاح هو مشات عندو بلا هواها ونهار طاحت هي حطها تحت جناحو وخلاها تبغيه من جديد وخا نساتو ...الواحد هو يسامح و يصبر اماما...

سمية: فين انا و باك و فين هاجر و عصام ..اودي خليني ساكتة الهضرة ساهلة والفعل صعيب ولي تهرس عمرو يصلاح..."دارت عند بنتها قادة الجلسة"..عاودي ليا شنو قال ليك سمير من خرجتي هضرتي معاه وعلاش مشيتي مع عماد قبيلة ....

سكتات اريح مدة طويلة عاد قالت: ما فيا لي يهضر اماما على سمير هاد ساعة خليني فراحتي..

سمية كمشات حجبانها: يكما قال ليك شي حاجة ماشي هي هاديك راني عارفة راجل غير كياخد حاجتو منك مكيبقاش مصوق ليك گاع كتولي عندو زايدة ناقصة....

قالت لكلام غير هكذاك ماضنات انها حطات لملحة على جرح عند بنتها لي لونها تخطف و وجها صفار زيرات على يديها و حولات تنطق بهدوء...

اريج: ما بقيت اماما محتاجة تا شي واحد هاد ساعة بغيت نعيش غير راسي و نكبر راسي ...

سمية تبسنات : عندك صح ابنتي دنيا مزال قدامك مكيهمش الغلط ولكن لي كيهم هو كيف صلحتي الغلط..اما سمير لمكانش يستاهل نسايه عليك ابنتي و عيشي حياتك كاين لي يتمنى منك شوفة وحدة ...

صرطات ريقها بصعوبة : انطلع لبيتي نعس اماما...

سمية: بقاي بعدا تعشاي راكي ما واكلة والو...

اريج : ما عندو منين يدوز....

دخلات لبيتها و دموع هبطو كيجريو على حنكها ..رمات نفسها فوق ناموسية كتكتم شهقاتها وسط لمخدة...كلشي كيقول ليها نسايه لكن كيف تنساه ولا تقدر تنساه..كيف الحب لي عاشت فيه طول هاد سنين يتنسى في ايام قليلة..

النوم من عيوني .. دمعي محى كحل جفوني ..

كلن قالولي مجنونيي .. لازم تنسيه ...

ليكـي شو عم يعمل فيك .. لا بيهتم ولا بيحكيكي ...

ما تخلي حبه يمحيكي لازم تنسيه ...

شو سهل الحكي .. مين اللي بيعرف بقلب التاني شو فيه ....

شو سهل الحكي .. انا لولا وجوده بعمري .. عمري بينطفي ...

مر الشتي والصيفية وبعده عم يعذب فيي ....

حتى الحجر حن علي صار يواسيني ....

لاموني هالعالم كلا وقالولي عنه إتخلى .....

غيمة راح بتمر انشالله منو ناسيني .....

#شو_سهل_الحكي...

تقلبات فسريرها مع تنهدات كثيرة..هازة فقلبها بزااف و كبرات كثر من عمرها..لقات نفسها بين ليلة ونهار ولات ناضجة كثر من لازم وخا كانت فالأول لالة و مالي ولكن ماشي بحال دابا ولات فكل خطوة كتخطيها كضرب ليها الف حسبة و حسبة...

عارفة راسها غلطات غلط كبير و لكن الندم ما بقى نافعها وشخص لي بنات احلامها عليه تخلى عليها وهي عاد بدات قصتها معاه...

جلسات فوق سرير كترجع خصلاتها لور ...كتشوف فنفسها فالمرأة كتبان ليها انثى مختلفة عن الانثى لي كتعرف...

اريج لي كان لباسها كلو الوان اصبح الأن فقط بلون واحد الاسود كأنه يعكس ما بداخلها...رجعات تنهدات بجهد وحولات تجمع الوقفة لكن بدون حدوى جسدها ما كيملك تا قوى و عضلاتها فاشلة ...رجعات تكات على سرير و رجعو دموعها كينزلو من جديد..

بسرعة مسحاتهم مخلاتهمش ينزلو كارهة تزيد ضعاف و تبكي اكثر يكفي هاد الأشهر كلها لي عاشتهم في حزن و ألم ...هزات تليفونها دخلات نيشن لليوتيوب طلقات سورة الملك وحطاتو حدا ودنها جامعة داتها و سط سرير و مخلية القرأن مطلوق فلبيت و كيدخلو الكلمات لقلبها بحال شي سهم كيصيب كل احاسيسها و جوارحها و كيشفي دموعها و يرجع يملئ قلبها من لحياة..

بحال شي وردة دابلة تسقات بالما و رجعات حياة ..بعد مدة رجع تنفسها منتضم و ملامحها مرتاحين و نوم بدا كيغزي جفونها...وفور ما بدا جسدها كيستسلم للنوم تهز قلبها بعنف و قوة من تخدم فيديو فيه كلمات مسموعة كأنه يناجد من يستمع له بقوله....

يااختنا بالله لا يغويك ذا الشيـــطان

ان الحجاب فريضة من ربنا المنان

انا سمعنا اختنا قولا عجـــــــــــــاب

قالوا كلاما لا يسر عن الحجـــــاب

قالوا ظلاما حالكا بين الثيـــــــــاب

قالوا خياما علقت فوق الرقاــــــب

نادوا بتحرير الفتاة والفوا فيه الكتاب

رسموا طريقا للتبرج لا يضيعه الشباب

يااختنا هذا عواء الحاقدين من الذئاب

النار مثوى الظالمين لهم عقاب

والله يكشف ظلمهم يوم الحساب

والجنه الماوى ويا حسن المئاب....

كلمات دخلو لقلبها و تحفرو و عقلها تشوش..تهزات كاملة و دموع رجعو كينزلو من جديد و ملامحها حاملين صدمة و خوف من عاقت براسها شنو كانت كدير و فشمن طريق كانت غادة...

كفاش ندمت خوفا من اعين الناس و حزنت حزناً شديد من تخلى عليها سمير ...كفاش كل هادا و مفكراتش فجزاء معصيتها عند الله..كفاش مفكراتش انها لم تغتفر لله و تطلب منه الصفح و المغفرة وهو الرحمن الرحيم..

خبات وجها بين يديها كترجف و بندم بدات كتبكي بكل قوتها...

خرحات من بيتها و جسدها مزال كيرجف ..توجهات لغرفة والديها وقفات قدامها كدق فالباب و دموع مزال خط على حناكها...

حل كمال لباب كيحل عنيه بزز شافها قدامو بدون فهم..

كمال: بنتي مالكي....

بصوت ضعيف فيه توسل قالت : بابا....

حل عينو كثر من سمع صوتها عاد شاف حالتها كيف دايرة و دموع لي فعنيها بصدمة قال..

كمال: مالكي واش كضرك شي حاجة ...

خرجات سمية كتربط لحزام ديال بينوار وقفات حدا راجلها..

سمية : اريج بنتي مالكي.."قاصت ليها جبهتها و يديها "...مريضة نديوك كلينيك...

كتشوف فيهم بقهر ..حلات فمها و ردات بصوت ضعيف شبيه بالهمس...

اريج: بغيت نصلي....

تجمدو بجوج فمكانهم كيشوفو فبنتهم بعيون تحمل الصدمة و المفاجئة...رغم ان كمال شخص متدين و صلاة ميفوتهاش و يدو سخية مع ناس و ديما البسمة على وجهو الا انه عمرو بزز على بنتو دين و الحجاب كان كيقول مزال صغيرة خليها تعيش حياتها تكبر و تفهم راسها..

وهدا هو الغلط لي كيديروه الوالدين..مكيقريوش ولدهم على دين و يبززوه على صلاة ولو بضرب باش يولفها لكن بعقليت المجتمع دائماً كنتسامحو مع شباب انهم تا يكبرو و يعرفو دينهم مزيان..ناسين ان الله يسألنا فيما افنيت شبابك ..فماذا سنقول في دالك اليوم...

حط كمال يدو على راس بنتو وقال: بغيتي تصلي....

اريج بقهر فصوتها : بغيت نصلي لكن معرفتش كفاش نتوضا و لا كفاش نصلي .."رجف جسدها بالكامل"...لقيت راسي ما عارفة والو ....

كمال تبسم بحنية و عينو بداو كيلمعو : ها هي ماماك اتعلمك كيف توضاي و من تخرجي انعلمك الصلاة هاني كنتسناك فصالون لتحت...

دار اشارة لمراتو وهبط لتحت بينما سمية جرات اريج لي تالفة فأفكارها ولكن فور ما بدات مها كتوريها كيف توضى ركزات معاها فكل خطواتها...

خرجو من دوش كتستغفر الله فنفسها بدون ما تحس براسها و كتنشف و جها و يديها وماماها حلات لبلاكار كتقلب على عباية تكون مغطية و واسعة بزيف ديالها..جبدات منهم جوج وحدة ليها و وحدة لاريج..وقفات امام بنتها كتشوف فيها بعيون جميلة...

سمية: بنتي ما فيك والو ياك متخلعينيش عليك...

اريج ستنشقات الهواء بسلاسة و ساطت بجهد وقالت..

-والو اماما غير لقيت راسي كنخربق فهاد دنيا و بغيت نصلح نفسي و نهدي روحي...

سمية حطات كفها على حنك بنتها بلطف و باستها فجبهتها بكل حب...

-الله يهديك ابنتي و ينور ليك بصيرتك و يحقق ليك مبتغاك...

لبسو العبايات مع حجاب طويل مغطي كل جزء من جسمهم فقط وجوهم لي كيبان...هزات عنيها فالمرأة كتشوف راسها فالحجاب كيبان وحها صغير ولكن كيبان فيه الحياة و البراءة لي شحال ما شافتها فملامحها..

نزلو لتحت وكمال جالس فوق سداري حاط لقرأن بين يديه كيقراه و مفرش فالارض ثلات صلايات ديالو لقدام و بنتو مراتو لور...

هز راسو حتى تفاجئ بشكل بنتو بالحجاب بقى كيشوف مدة طويلة بمشاعر متخلطة وهو يحدر راسو مخبي دموع لي تشكلو ليه ..كيمسحهم بضهر يديه و رجع ابتسامتو المعهودة...

شار ليها تجلس قدامو و سمية جلسات فجنبو ..وبدا كيعلمها بكل هدوء و صبر..كل ديك صراعات و المشاكل لي كانت بيناتهم وخلاتهم يبعدو على بعض لقاو نفسهم الان فنقطة وحدة ليعمر شي واحد فيهم ضن يوصل ليها....

تجمعو لطاعت لله و طلب المغفرة ..فمن منا لا يتمنى ان تكون عائلته الصغيرة تجتمع لدكر الله تعالى...

شاف فساعة لقا مزال لفجر ساعتين ...شاف فبنتو و مراتو بإبتسامة محببة...

كمال: نصليو قيام الليل قبل ما يوصل لفجر...

اول ما حرك راسو بسرعة هي اريج لي كان قلبها متشوق تبدا الصلاة وكانت واحد سعادة فشكل منتاشرة فكل ركن من اركان جسدها....هي بنفسها معرفاش هاد راحت لبال و السعادة لي جتاحت كل مشاعرها بهاد شكل....وقف كل واحد فصلايتو لتبدأ الصلاة.بكل خشوع..

فور ما حطات راسها على الارض تسجد لله تخيلت ان الله سبحانه و تعالى امامها ليصيب قلبها خشوع شديد و خجل لا مثيل له لتبدأ دموعها تتساقط بكثافة لم تشهد عينيها مثيل لهم...

سأقبل يا خالقي من جديد 

كما انت مني الهي تريد 

وارجو اذا انت تقبلني 

جنان الخلود ومنك المزيد 

عصيتك ربي فأمهلتني 

وتسترني رغم أني عنيد 

لأنك ربي غفور ودود 

رحيم بكل الورى والعبيد 

أتيتك يا خالقي باكيا 

ودمع لآسى كل حين يزيد 

فقد قلت ف الآي لا تقنطوا 

وإن تعفوا عني فذا يوم عيد 

سأترك يا ربي ذنبا مضى 

وأقبل نحو الرضى والنعيم 

أحبك ربي وهذا رجاي 

بأنك تقبلني يا كريم

لا احد فينا يعلم ما سيحدث بعد حزن او مصيبة فلعل الله يرحمنا بما هو خير لنا ...

( لَا تَدْرِي لَعَلَّ اللَّهَ يُحْدِثُ بَعْدَ ذَلِكَ أَمْرًا )

حينها وجدت خيالي يسبح في ظلال هذه الآية الكريمة..

يا ترى كم هي الأقدار التي تألمنا لها وقت نزولها وجرت لها دموعنا ورُفعت في طلبها أيدينا، ولكن ياترى هل كان لدينا نور هذه الآية:

( لَا تَدْرِي لَعَلَّ اللَّهَ يُحْدِثُ بَعْدَ ذَلِكَ أَمْرًا )

حينما نحزن لفقد قريب أو مرض حبيب أو فوات نعمة أو نزول نقمة، قد ننسى أو نجهل أنه قد يكون وراء تلك الأزمة: “منحة ربانية وعطية إلهية ”

( لَا تَدْرِي لَعَلَّ اللَّهَ يُحْدِثُ بَعْدَ ذَلِكَ أَمْرًا )

لعل هذا الحبيب الذي فقدناه كان يتربص به شر او تعب لا يستطيع ان يتحمله او فتنة من فتن الدنيا فأراد الله ان يرحمه و اراد به خيرا بسبب دعاء دعا به لنفسه بالخير او احد والديه دعا له ان يصرف عنه الله الشر . فرفعه اليه و كفاه من شرور الدنيا .

تلك الأخت التي نزلت بها مصيبة الطلاق وأصابها الخوف من المستقبل وما فيه من آلام ، نقول لها:

( لَا تَدْرِي لَعَلَّ اللَّهَ يُحْدِثُ بَعْدَ ذَلِكَ أَمْرًا )

لعل بعد الفراق سعادة وهناء، لعل بعد الزوج زوج أصلح منه وأحسن منه، ولعل الأيام القادمة تحمل في طياتها أفراح وآمال..

تلك الأم التي فقدت بر أبنائها، وتألمت لعقوقهم، نقول لها:

( لَا تَدْرِي لَعَلَّ اللَّهَ يُحْدِثُ بَعْدَ ذَلِكَ أَمْرًا )

فلعل الله أن يهديهم ويشرح صدورهم ويأتي بهم لكي يكونوا بك بررة وخدام، فافتحي يا أمنا باب الأمل وحسن الظن بالرب الرحيم الرؤوف.

هناك خلف القضبان يرقد علماء ودعاة وأحباب ..

والقلب يحزن والعين تدمع لحالهم، ولكن ومع ذلك نقول لهم:

( لَا تَدْرِي لَعَلَّ اللَّهَ يُحْدِثُ بَعْدَ ذَلِكَ أَمْرًا )

فلعل الله أن يمنحهم في خلوتهم

” حلاوة الأنس به ولذة الانقطاع إليه ”

في المستشفيات مرضى طال بهم المقام، وأحاطت بهم وبأقاربهم الأحزان، فلكل واحد منهم نقول:

( لَا تَدْرِي لَعَلَّ اللَّهَ يُحْدِثُ بَعْدَ ذَلِكَ أَمْرًا )

فلعل الصبر رفع الدرجات في جنان الخلد، ولعل الرضا أوجب لك محبة الرحمن، ولعل الشفاء قد قرب وقته وحان موعده..

في ذلك المنزل أسرة تعاني من مصيبة الديون وتكاثر الأزمات المالية ، فرسالتي لراعي تلك الأسرة:

( لَا تَدْرِي لَعَلَّ اللَّهَ يُحْدِثُ بَعْدَ ذَلِكَ أَمْرًا )

فعليك بالصبر والدعاء وملازمة التقوى، فلعل الفرج قريب وما يدريك ماذا تحمل الأيام القادمة من أرزاق من الرزاق سبحانه وتعالى..

في الليل وصمته و سواده لا يعلم احد بما يحدث في كل بيت غير الله سبحانه و تعالى...

تمشات فجردة ديال لفيلا و الاضواء كلهم شاعلين وملامحها ساهين حاطة يديها فوق كرشها لي كبرات كثر من لازم و كيف عادتها كل ليلة يغيب نعاس من بين عنيها ..خلات عصام ينعس بلا متفيقو و تعدبو معاها وخرجات غير بوحدها كتمشى و دور فمكانها..توسطات جردة و دارت كتشوف فالفيلا و كتذكر اول نهار دخلات ليه وهي فعمر 18 سنة..

تبدلات بزااف على كيف كانت وخا مزال فيها تحرميات ولكن تعقلات ..جلسات فوق لكرسي كتدكر ايامها ساهية فالقمر لي مضوي سما فضلامها...حسات بلحاف تحط على كتافها و يدين حاطو بيها وهي دور راسها بينما هو غمر وجهو فعنقها..

عصام: مالكي فقتي....

هاجر: مجانيش نعاس و قلت نتمشى شوي نضيع الوقت...

دور نيفو بخفة تحت ودنيها : بغيتينا نرجعو ...

هاجر تكات عليه اكثر بينما هو فرق رحلو وخلاها دخل وسط منو.. ضهرها ملاصق مع صدرو و يديها كتلعب فصباع يديه و نطقات بشوي...

هاجر: بالعكس عاجباني لبلاصة هنا حسن من افريقيا بعدا كتلقى عائلتك و تجمع مع حبابك ماشي من كنكونو لهيه بوحدنا...

عصام باسها فعنقها : بغيتينا نسكنو هنا...

هاجر : معرفتش دابا كنفكر غير فولدي...

عصام كمش حجبانو : حاتم علاش مالو ؟؟!...

هاجر : نتا بغيتي ترسليه لألمانيا يكمل قرايتو و يسكن تم و فمدرسة داخلية من لفوق ونتا عارفني شحال متعلقة بيه نهار واحد ما نقدر ندوزو بلا بيه ....

عصام زير عليها فحضنو كثر : حاتم لي ختار هادشي ..صحابو كاملين سافرو و مبقاوش فإفريقيا وهو كان صابر تم غير على وديتهم ودابا ختار طريق لنفسو و بيدو قلب على ديك المدرسة ...

هاجر: لولد صغير اعصام واش هو قدو لي ياخد لقرارات بالعكس خاصك نتا لي تنهيه و تقول ليه لا هادشي لي غادي فيه مكيسلكش...

عصام بهدوء: بالعكس انا عحبني الاختيار ديالو المدرسة عندها سمعة كبيرة بزااف فالعالم كامل وشهادة منها تقدر تفتح ليه بيبان لي ميتصوروش ..اه متافق معاك حاتم صغير وهادشي علاش مغديش نرسلو دابا تا يوصل لإعدادي عاد انرسلو ...

هاجر تنهدات بجهد: وعلاش ميقراش هنا بحالو بحال ياسر ولد زهير ياك كيقرا فمدرسة ديكارت تابعة لفرنسا ندخلو ولدنا ليها و يبقى فجنبنا حسن ما يبعد وهاد شهادة لي اتعطيه هاد المانية شنو بغينا بيها وشركة ديالك قد لخلا وهو غير يكبر ايشد بلاصتك...

عصام : انا مقلتش حاتم اياخد بلاصتي فشركة...

دارت عندو بجهد بصدمة : كفااااش واش عارف اش كتقول...

عصام بملامح جادة : حاتم كنعرفو مزيان عقليتو فشكل كثر مني باغي هو يبدا لراسو كيف بديت انا مبغيش يلقى كلشي واجد ...

هاجر: ومالو على هاد لعداب يعدب فراسو و ملشي واجد ليه و محطوط بين يديه..

عصام قرصها فخدها : كيف قلت ليك مغاديش ندخل فقراراتو ولا فحياتو نهار لي يكبر و يعرف طريق لي ايمشي فيها ديك ساعة مغديش نحبسو بشركة ديالي و نخرجليه على مستقبلو...

شافت فيه بنص عين : عرفتي هاد لفشوش و العقلية لي ركبتيها فلولد و الله تا هي لي اتخرج عليه وهاني فين قلتها ليك من دابا و ولا ياخد فقراراتو ونتا تابعو فالهبال يعني انا غير زايدة عندكم و صافي...

عصام باسها فكتفكها : حاشة مقلتش هادشي انا عطيتو فقط حرية يدير ما بغى ولكن لتوجه لشي قنت انا منقبلوش ديك ساعة انوقفو اما دابا غادي مزيان ما عندي منسالو ....

رجعات تكات عليه بتنهيدة طويلة : ها حنا انشوفو هاد العقلية ديالك نتا و ولدك فين اتوصلكم و ديك ساعة قولو قالتها ديك خيتي غير مبغيناش نسمعو ليها...

تبسم بلا خاطرو وخا عرف كلامها نوعاً ما على حق و انه عطى لولدو الحرية كثر من لازم لكن هو شاف راسو من كان قد ولدو وعارف حاتم جا كيشبه ليه فبزاف نواحي بل كثر منو بالعقل لي عطاه ليه سيدي ربي لدا حط تيقتو الكاملة فيه و دعمو فكل قراراتو ...

دخلو لفيلا وطالعين فدروج بشوي يد فيد و كيشوشو بهدوء مع بعض..كمشات حجبانها كأنها تفكرات شي حاجة...

هاجر: اجي اش قلتي لناس لي كيتسناونا لعشا...

عصام دور يدو على عنقها و جرها عندو : قلت ليهم مغاديش نجي تال مرة خرا نشالله...

هاجر: مزيان نيت نكون مستعدة .."كمشات حجبانها"...سمير شتو ماعيط ما سول ياك لباس...

عصام: مسافر عندو شي خدمة فصين...

هاجر تنهدا بجهد: هادشي لي دار مغاديش يسلك على خير...

عصام يقى ساكت مدة عاد نطق بهدوء : راجل مكيفكرش بحال لمرا..والخطوة لي خداها صعيبة بزااف ولكن بجوجهم مجروحين تا واحد ما قادر يسمع لطرف الأخر ..

هاجر شافت بيه بنصف عنيها : تقدر تسافر و تخليني لو وقع بيناتنا كما وقع لاريج و سمير...

عصام: ما عرفتش ماحدي متحطيتش فالموقف منقدرش ناخد قرار..و زيد عمر البعد كان حل ولكن اريج و سمير علاقتهم اصلا بدات غالطة ..لبنت صغيرة بزااف وفهاد الحالة كان احسن حل هو يبعد...

هاجر بدون فهم: وعلاش....

عصام: هادشي علاش قلت ليك راجل مكيفكرش بحال لمرا.."دور يدو على شعرها"...من بعد و اتفهمي راسك علاش دار سمير هادشي....

حلات عنيها بأشعة شمس لي داخلة من شرجم و كتسني فوجها..كمشات حجبانها و بزز باش قدرات تنوض و رجليها منفوخين بالحمالة بزز باش كتمشى عليهم..ردات ريدو ضلمات لبيت على عصام لي مزال ناعس ولبسات بنطوفتها و هبطات لتحت كتقاد شعرها بيديها...

طلات من شرجم ديال دروج كيبان ليها حاتم فجردة كيلعب لكورة بوحدو و كيجري بيها من قنت لقنت...خرجات عندو مدخلة يديها فبيجامتها وهو غير شافها رما لكورة و مشا عندها كيجري...

هاجر: غير بشوي عليا مترماش على كرشي..

وقف و عينو ركزات فكرشها : وقتاش ايخرجو من تم....

هاجر جلسات فوق كرسي طويل مبتاسمة : مزال شوي علاش بغيتي تشوف خوتك دغيا...

جلس حداها وحط صبعو برفق على كرشو : ايكونو ضريفين اماما ياك....

هاجر: علاش خفتيهم يخرجو قباح...

حاتم بعد يدو دخلها بين رجليه : انا مبغيتهمش يخرجو بحال نورة قبيحة بزاف ومزويناش...

هزات حجبانها: لواه اولدي نورة زوينة غير نتا وياها مكتفاهموش علم الله علاش مكتحاملوش بجوج...

حاتم: هي حمقة كدير راسها ضريفة مع كلشي و قدامي كتولي خايبة ..كضربني و تقول ليهم هو لي ضربني...

ضحكات من نيتها: دابا تكبرو و ديرو عقلكم و تفاهمو مزيان..

حاتم: انا داير عقلي مزيان هي لي حمقة انا مكندير ليها والو حيت انا راجل و هي مرا...

هاجر: ومن نتا داير عقلك مزيان اولدي علاش باغي تخلي ماماك و تمشي تقرا فألمانيا...

حاتم : حيت مشاو ليها صحابي كاملين بقيت غير انا مزال ما مشيت...

هاجر : جوديا و جورج و سام مشاو ليها وعلاش مقلتيهاش ليا...

حاتم: مشاو ليها غير جوديا و جورج اما سام مشا مع والديه لكندا وانا راه قلت لبابا وهو قالي تا دير 12 عام عاد تمشي ليها ...

هاجر كمشات حجبانها: واش نتا لي قلبتي عليها ولا حيت صحابك مشاو و بغيتي تمشي ليها...

حاتم: حيت صحابي مشاو ليها انا كنت باغي نقرا غير فالمدرسة لي قرا فيها بابا...

هاجر: وهادشي فراس باك..

حاتم: اه فراسو ....

هاجر قصحات شوفة : وعلاش كدبتو عليا و خليتوني نتقلق منك حيت بغيتي تمشي و تخليني...

حاتم هرب نضراتو منها : بابا لي كدب عليك انا ما قلت ليك والو ....

هاجر: وليتو تافقو عليا دابا ياك...

حاتم : بدون رد...

جمعات لوقفة كتجر فجلايلها..طلعات عندو لفوق لقاتو مزال ناعس شاد ناموسية كاملة ...حيدات حوايحها كاملين و دارت ريحة لي كيحماق عليها و طلقات شعورات..وطلعات فوق ناموسية جلسات ليه فوق ضهرو كتحرك يديها ببطئ فوق ودنو و تلعب ليه فشعرو تا ضرباتو لفيقة ..شاف فيها بنص عين مصدوم..

عصام : شكادير...

هاجر: كندير لحبيبة غير مساج...

عصام كمش حجبانو: مساج على صباح...

هاجر بصوت ملحون كيطرب : متوحشتيش يدين مراتك...

خشا راسو تحت لمخدة كيسوط بجهد وهي كتحرك يديها و كتهبط فجنابو و تبدا تقمش فيه و تطلق من فمها اصوات هما هادوك... خلاتو يتنهد بلا جدها..

عصام: شنو بغيتي اهاجر مع هاد صباح...

طلعات يديها بلطف ولعبات ليه فعنقو تا تبورش تحت منها..ونطقات بصوت هامس...

هاجر: نتهلى فراجلي...

عصام بالفقصة ضحك: ياك اوا بداي من لقدام هو لول عاد شوفي ضهر......

وقفات على ركابيها : يالله دور...

ضحك بجنب و دار عندها...فور ما دار كيلقاها عريانة منها لملابس داخلية و شعرها طويل و نازل على كرشو ...بقى جامد وهي ببطئ نزلات جلسات مباشرة فوق ديالو حتى تأوه بجهد مزير على سنانو..

حط راسو فوق المخدة مزير وهي كتحرك مؤخرتها كيف بغات و تلعب ليه فعضلاتو و حدة بوحدة ..حط يدو على راسو و نطق يصوت مبحوح...

عصام: عقلي على هادشي لي كديري فيه مزيان...

هاجر كتعوج فصوتها: علاش اش درت ليك ياك غير كنلعب معاك...

حيد يدو من فوق وجهو ورفع راسو مكالي بيديه و وجهو حمر ...

عصام: ما بنت ليك غير هاد صباح....

حطات صباعها على لحيتو كتلعب فيها ميلة راسها لجنب...

هاجر: مال حبي فايق مقلقل...

تبسم بجنب و دور يدو على خسرها ..قرب لفمها باغي يبوسها و هي تبعد كضحك...

هاجر: خلي من بعد ماشي دابا...

عصام عينو تعسلات بحركاتها و زيد مشتاق جابت ليه تمام ..

-غير بوسة...

تبسمات ليه بحب: خود لي بغيتي ولكن دخل دوش بعدا عاد اجي موجدة ليك واحد المفاجئة زوينة...

تنهد يجهد: ضروري من دوش...

قربات ليه باستو فجهة ديال فمو : ضروري الحب ديالي...

هزها كاملة دورها تحتو و باسها بجهد ففمها و وقف كيحك فالمعلم لي تنفخ داير قيطون..غمزها و توجه لدوش كيضحك غير بوحدو ...

فور ما سد عليه باب دوش تبسمات بحال شيطانة و جمعات لوقفة دغيا توجهات لبيت تبدال لبسات شورط بدوني ديالو بويض ودارت فوقهم جلابة مخزنية واسعة بالاصفر قصيرة من لتحت دارت معاهم ساعة و وخاتم سامبل فصبعها..دورات عليها زيف وخلات شعر من لقدام باين و لبسات فرجليها صندالة بلا كلها سماطي مع صاك صغير..خرجات بزربة دازت ليه على ساروت طونوبيل ديالو و هبطات لتحت حاطة يديها تحت كرشها وكتمشى بزربة..

وصلات لسيارة ديال عصام فور ما حلات لباب سمعات اسمها بصراخ..هزات راسها مزيان لباركو لي فيه لجناح ديالهم واقف عصام كيشوف فيها و عنيه حمرين مخنزر..شار ليه بصبعو ترجع..

هزات كتفها و دورات يديها على وجها بمعنى " ها هي لبقات فيك"...

ركبات فسيارة و خرجات مبردة مع راسها ممصوقاش ليه و هو بعصبية دخل لبيتو لبس حوايح صبور و هبط لصال لتحت مغدد باغي يتبعها ولكن ماشي بهاد لحالة خاصو يهبط هاد نار لي شعلات فيه و هو شهور ما داق و من طمعاتو هربات بحال شيطان...

وقفات سيارتها حدا كافي كيطل على لبحر و كيعجبها بزااف تجي ليها..دخلات ليها ختارت طبلة مقابلة مع لبحر و طلبات لنفسها لفطور عاجبها لحال و مستمتعة بنسم البحر لي كيضرب وجها...

هزات خليب بضكلاط من فوقو كريم فانيلا كتشربو و تلدد بالكيك فالاشكاال للي طلبات..كانو وراها جوج عيالات يكون عمرهم بين 28 تال 30 لابسين طاقم عنلين و يكضهرو و صوتهم مرتافع خلاوها طالقة ودنيها معاهم...

نطقات الأولى: غير سكتي اختي لخلصة لا ديالي لا ديال راجلي كافية بزز باش كنوصلو شهر...

المراة تانية: كلنا هكذاك اصاحبتي نص لخلطة متمشي غير مع لمدراسة ديال دراري عيت ما نتزقرم و والو ...

الاولى: هادشس يزاف اختي لمدارس الخصوصية و زيد سوايع اضافية ملشي كيضربك غير فين يزدحك خصوصاً هنا رباط كلشي غالي الله يستر تقول رحمة مكيناش عند عبادلله..

تانية ضحكات بزز منها : اجي شوفي مرت خويا جالسة غير فدار لا خدمة لا والو و خويا خلصتو على قد الحال و كيف مفرشة دار و مقاداها و تلبس ليك غسرلفريع و زيد مزرزة دهوبات كيف كدير هادشي الله و اعلم انا ليخدامة وخاتم ديال دهب لي نكساب اما فراش دارينعقل عليه من نهار تزوجت ما بدلتو ...

الأولى تنهدات بزز : تا انا جراتي بحال هكذاك شحال من مرة كنقول نخرج من لخدمة و نقابل غير داري ولكن راجلي لي كيصولي لا غير صبري نكبرو هاد لوليدات وهاني صابرة كيف كتشوفي...

هاجر لي خاشية راسها فالگاطو و دنيها محطوطين عند لعيالات ..قدات لحلسة و مسحات فمها و بإبتسامة دارت عندهم...

هاجر: سمحو ليا وخا نجلس معاكم...

دورو راسهن ليها كيهبطو و يطلعو فلباسها و الاكل لي طالبة فوق طبلة و وجها لمنور..تبسمو و حركو لكرسي حداهم و نطقو دقة وحدة ...

-زيدي جلسي مرحبا ...

ضارت لگارسون يحول ليها الأكل لطبلة مع لعيالات و جلسات فكرسي بسناتهم مبتاسمة ..

-انا سميتي هاجر و نتوما..

نطقات لأولى بإبتسامة خفيفة : انا سميتي سعيدة ...

تانية : وانا سميتي منصورة...

هاحر : مشرفة بمعرفتكم و سمحو ليا لا درينجيتكم...

سعيدة : لا اختي مرحبا ما كاين تا ازعاج...

منصورة بإبتسامة: شحال بقى ليمك باش تولدي..

نزلات عنيها لكرشها : عاد دخلت لشهري تامن و لكن عندي توام نقدر نولدهم هاد شهر...

سعيدة : الله يفك و حايلك اختي على خير ...

منصورة: كتباني ليا صغيرة باين هادي ولادتك الأولى و لكن متخافيش من لولادة كلشي كيسهل فيه الله و كتنساي گاع ديك تمارة بحالي عمرها كانت...

هاجر تبسمات بخفة : لا ماشي الأولى عندي ولد عمرو 6 سنين ...

سعيدة بمفاجئة : يا ختي كتباني صغيرة بزاف و الله...

هاجر: اصلا تزوجت صغيرة يالله فعمري 24 سنة ...

منصورة: واو اختي تبارك الله عليك الواحد هو يتزوج صغير ...

هاجر: مكتاب الله و صافي...

سعيدة : داكشي لي كاين كلشي كيمشي بالمكتاب ....

هاجر دورات صبعها على لكاس و حناكها حومو : سمحو لي لا دخلت فشي حوايج مكيعنيونيش و لكن سمعت هضرتكم قبيلة ...

منصورة: ماشي مشكل اختي اصلا كنا كنهضرو بجهد يكما صدعناك...

هاجر : لا بالعكس عادي غير هو انا ما فهمتش كفاش كتفكرو و صافي....

سعيدة : شغادي نقول ليك اختي راكي سمعتي لي كاين ما خلينا ما درنا نقصو من المصروف و لكن مدرسة ديال لولاد و الإحتياجات ديالهم كيديو كثر من نص الخلصة...

هاجر صغرات عنيها : شحال كتخصلو على ولادكم لشهر ...

منصورة : انا عندي جوج كنخلص عليهم 120 الف لشهر ..3000 درهم لواحد و زيد سوايع اضافية لولد صغير بـ 1000 درهم و لكبير بـ 1500 درهم و بلا مندوي على نادي ديال لكارطي .. غير على ولادي فشهر كخسر مليون تقريبا بلا المصروف ديال دار و شلا حوايج...

سعيدة: تا انا بحالها تقريبا حيدي غير سوايع اضافية حيت عندي ثلاتة ديال لولاد يالله كنتكافى مع المدرسة...

هاجر بقات كتشوف فيهم بصدمة..كتفكر من كانت كتقرا هتلر ما تخسر عليها 100 درهم مقادة اما ولدها داكشي مكلفي بيه عصام مكتشوفش كاع شحال كيخلص وتا هو عارف تفكيرها مكيقول ليها والو..بقات مخرجة عنيها فيهم و هي تقول ...

-واش كضحكو عليا ولا كتهضرو من نيتكم...

منصور : شمن ضحك اختي كاين لي يخسر على ولادو كثر من هادشي فين نبانو حنا...

هاجر: ولكن علاش نتوما غادي تحطو راسكم قدام ناس لي ملعقيم سيرو على قد جيبكم بحال گاع ايها ناس ..

سعيدة: مكرهناش اختي ولكن بغينا ولادنا يقراو مزيان و يخرجو شي حاجة فالمستقبل ماشي يخرجو بحالنا يخدمو عند ناس بخلصة مكتقدك تا فشهر...

هاجر حطات لكاس فوق طبلة: اوا على هاد لحساب راه باين ايخدمو عند ناس اختي..كتهضرو بحال لعيشين فأستراليا را حنا غير فالمغرب والله مكان باك فلان بن فلان لا درتي بلاصة ..داكشي ديال ناس وقفو براسهم كان زمان اختي اما دابا مكاين غير شكون باك و خا تكون جايب معاك دكتورة في علم الفيزياء من جامعة باريس والله مايعطيوك فرصة راه غير كتخسرو فلوسكم فلخوا و صافي ...

هبطو راسهم بخيبة...

منصورة: كنديرو لي علينا و على الله الأمور تحسن من هنا لقدام...

هاجر: شوفي اختي ديك مليون كاملة لي كتخسريها فالخوا بحالي كتكبي لما فرملة كون تفكري بحال لعيالات لي هضرتي عليهم وقلتي مقادين لفراش و مزرزرين دهوب حيت هما عيالات حُرات ماشي مفضيات بحالكم وعارفين زمان اش كيسوا ورادين ليه لبال...

سعيدة: دابا لي بغى يقري ولادو ويشوفهم حسن منو كيتسمى مفضي فنضرك...

هاجر : حاشة انا مقصدتش هادشي ...ولكن هادشي لي نتوما كديرو فيه مكيصلاحش فبلاد بحال لمغرب يصلاح فبلدان لخرا لي كتوضف بنادم على حسب شهادتو الجامعية ماشي شكون باك وشكون مك...

منصورة: مهم حنا معونينهم على زمان وربي ايرزق من عندو...

هاحر: ربي كيرزق هادشي ما فيه شك ولكن ما بان لي فيكم كتعاونو على زمان ..شفتي كون كنت انا منكم كنت نفتح كونط فالبنكة و نحط فيه ديك مليون لي نخسر فيها كل شهر ولولاد نرجعهم يقراو فمدرسة ديال الدولة راه بنادم لا بغى يقرا راه ايقرا فين ما كان ونهار يكبرو ولادكم اتلقاي ديم مليون لي كنتو تجمعو كل عام ولات ملاين من يسالي لباك ديالو رسليه عند شي تاجر يتعلم الحرفة و تجارة و يعرف يسايس مع ناس و كيف يجبد لكليان يخدم معاه واحد ربع سنين و ديك ساعة ديري بدوك فلوس لي جمعتي شي مشروع لولادك فين يخدمو على راسهم و يكونو هما مول شي اما هادشي لي كتبعو فيه راه مغادي يوصلكم لتا بلاصة نجيك نيشن بلا منافقك...

حلو فمهم و خرجو عنيهم بقاو غير يكشوفو فيها بصدمة و رجع وحدة تشوف فتانية معرفو اش يقولو جابت ليهم كلام لي عمر شي حد قالو ليهم ..وفعلا كل كلامها على صح وما فيهم كلمة ناقصة ولا زايدة ..دورو راسهم شافو فيها مزيان و نطقو بشوي..

منصورة: فاش خدامة اختي هاجر...

هاجر بإبتسامة هزات صاكها حطات لخلاص ديال داكشي لي كلات و جمعات لوقفة..

-مخداماش غير جالسة فدار ولكن كنخدم عقلي ماشي كنتعلق فين يتربطو رجلي...

رمات لكلام و بإبتسامة حركات راسها و خرجات بحالها..ركبات فسيارة و توجهات لدار عند مها..خلات طونوبيل بعيدة و طلعات غير على رجليها لزنقة ديالهم و ضهرها ولا كيقطر بالعرق كتحس بكرشها مزيرة من لتحت و وجع خفيف كيجيها و يمشي...ما وصلات لدارهم تا غفر ليها الله دنوب...

لقات لباب محلول مكيف العادة مع تقدمات مع جات عنيها فالانثى لي لابسة كسوة طويلة بالأبيض مخيطة بالازرق مع حجاب مقاد على حقو و طريقو كيبان غير لوجه لي كيخرج منو نور...حركات راسها بإبتسامة و تمات طالعة مدات ما جابت و من وراها نطقات...

-خالتي...

دورات راسها كدور فعنيها من سمعات صوت اريج ركزات فالبنت لي قدامها شوي وهي تشهق بجهد مصدومة...

هاجر: اريييييييج...

طلعات عندها كضحك: معرفتينيش...

هاجر بصدمة كطلع و تهبط فيها : كيف درتي ليها ابنتي تا تبتي ...

اريج ابتسامة مزينة وجها و اثر الحزن ما كيتواجدش فعنيها بحال شي وحدة تولدات من جديد ...

-كيف جا معايا زوين...

هاجر: مشالله يا بنتي زاد ليك نور فوجهك و زدتي زيانيتي...ولكن غير كيف درتي ليها...

خشات يديها بين يدين خالتها كتعاونها فطليع دروج و كضحك غير بوحدها...

اريج: طلعي راه ماما جالسة كتعاود ليهم....

دخلو لصالون بانو ليها لعيالات جالسين و حاطين زردة فرحانين براسهم...

هاجر: ياكو الحريميات تزردو غير بوحدكم بلا متعيطو عليا.."هزات طعارج لي محطوطين فوق طبلة "..مالكم مخرجين هاد دربوكات مع صباح...

حليمة بفرحة: ومالي ما نغني و نشطح و نفرح ببنت بنتي لي تحجبات و بدات تصلي و دارت عقلها انا كون لقيت ندير ليها عرس و نعرض على گاع ناس...

جلسات حداهم و اريج لاسقة فيها حطات راسها على كتف خالتها و هاجر كدور فراسها...

-هي نوضوتها هاد صباح

سمية: كون تشوفي اش دارو غير شافتنا و وصلنا هبطات هي وهاد لحمقة ديال زاينة تابعاها فهبالها كيطبلو و يغنيو و صدقو جيران تا هنا خارجين خاصهم غير معامن هالي مخرج صينية ها لي جايب بندير كيشطحو و معارفين اصلا علاش....

زاينة: اختي لفرحة ومادير من عيطتي لينا صباح و قلتيها لينا فرحنا و احد لفرحة مكتصورش...

هاجر: وانا ما تفكرني فيكم واحد ياك نسيتوني .."دارت عند اريج"..وديك ساعة غير علميني نجيب ليك شي كادو مطرطق...

اريج لصقات فيها بمعزة: باركة غير تجي نتي كافي اخالتي ...

هاجر تبسمات فرحانة ...حيدات زيف ديالها و خرجات سنسلة من عنقها خرجاتها و مداتها لأريج...

اريح بزربة حركات يديها : لا اخالتي و الله خلي ليك سنسلتك...

علقاتها هاجر فعنق اريح بدون ما تنطق فقط ابتسامتها لي مزينة وجها ...

هاجر: مبروك عليك و الله يتبتك و يتبتنا كاملين...

هبطات اريج راسها كتلمس فسنسلة لي عطاتها هاجر و زادت دخلات فخالتها كثر معنقاها و سمية كتعاود ليهم كيف جات عندهم اريح فنصاصات ليل كتطلبهم يعلموها صلاة و الوضوء..

بقاو مجمعين مطولا يضحكو و يعاودو يباركو لاريج فرحانين..تا من سلوى غير سمعاتها جات كطير ملهوفة غير شافت اريح بداك لبس ولات كتكبي كيف شي بنت صغيرة ما خلات ما جابت ليها..

وتا خوالها و جدها من دخلو فوقت لغدا كل واحد و شنو مدخل ليها فيديه فرحانين بيها..حسسوها انها دارت انجاز كبيير..بلفرحة و المعالمة لي عملوها زاد اكدو ليها طريق لي ختارت و الحمدلله وزادت تشبتات بقرارها اكثر فرحانة بنفسها...

وصلات لعشية جالسين فلارض و جوج نقاشات جالسين حداهم ..

سلوى: لي يشوفنا يقول انديرو عرس...

حليمة: مكرهناش نديرو شي واحد لكن داك ايوب فين ما نجبد ليه زواج يهرب ليا و يقولي ما بغيتش...

سمية: عاد دار 23 عام احليمة بغيتي تقرقبي على دري بلا وقت...

حليمة: اوا علاش ايبقى مكسل ليا هنا ياك خدام بفلوسو بطونوبيلتو و شاري من لفوق بقعة وشاد مارشي ديال لبطيخ لي فلعرجات شباغي كثر من هادشي....

سلوى: خلي عليك دري احليمة هو يختار راسو و نهار يبغي شي بنت ناس ايجي يقولها ليك كيف دار جواد مع زاينة ....

حليمة : اوا على الله .."شافت فهاجر"..شمن نقش ختاريتي...

هاحر ضحكات بجنب عارفة عصام مكيحملش ريحت لحنة من عند الله شافت فنقاشة كضحك غير وحدها..

-عافك اختي ديري لي نقيش لفاسي يكون عامر يدين و رجلين....

زاينة خسرات سيفتها: شبغيتيه اصاحبتي داك نقيش غير لشرفات....

هاجر: شهوتي فيه هاد ساعة اصلا ما بقى لي والو و نولد نسبق لحنة بعدا نحيدها عليا...

شاقو تا عياو و خلاوها دير ما بغات بينما اريج ختارت دير غير صبع فيديها معندهاش مع الحنة و دايرة غير لخاطر لحليمة لي جايبة نقاشة على وديتها...

بقاو مجمعين تا وصل لعشا و لحنة نشفات و تغسلات و فليدين حمرات و زادت زيانت...

داخلة لبيت لابسة قفطان ديال مها بيض واسع و مطرز بلخضر طالقة شعرها و مع لحنة كتبان بحال شي عروسة ليوم ليلت عرسها...

هزات تليفون كتقلب فجهة وتساب دخلات عند سمير لقاتو مفاتحش تفكرات كلام عصام من قال ليها طاح ليه تليفون..تنهدات بحهد و خرجات و دارت فبالها متعاود والو على تغيير اريج ما حدو قرر يبعد خليه ...

هي اصلا مبغاتش دخل فقراراتو و بقات بعيدة مخداتش منو موقف و لكن من شافت الحزن فعنين اريج تعصبات كثر ولكن ليوم من شافت تغيير لي وقع ليها تنهدات براحة..

حطات تيلفون و خرجات بكرشها سابقها ..سمعات لهضرة فصالون كتصحاب باها و خوتها و هي دخل هازة لقفطان ..كيف دخلات بان ليها عصام جالس بين دراري و حداه كمال كيهضر هو وياه .

بمجرد ما حس بيها..دور راسو لعندها و هبط عينو و طلعهم فيها بمفاجئة ...تبسمات و تقدامات لجيهتو بحالي مدارت والو...

هاجر : وقتاش جيتي...

عصام شاف فيديها و رجليها : عاد دابا..بصحة الحنة..

هاجر : الله يعطيك صحة..."مدات يديها ليه"..كيف 

جاتني...

خسر ملامحو و خصوصا ريحت دوليو و الحنة مزال عاطية عرفها دارتها بلعاني و هو عدوه الحنة..نطق مخنزر فيها...

عصام: زوينة جات معاك...

جمع الوققة حرك راسو لرجال و جرها معاه خرجها من صالون..

-ديري زيفك و لبسي شي حاجة فرجليك نمشيو بحالنا...

خرجات عنيها فيه: شكون قال ليك انمشي... انا معولة نباااات...

خنزر فيها نمزير و هبط لتحت بدون ما سزسد معاها الهضرة ...

باين معصب معندوش لخاطر يشد معاها فهبالها و تا هي عارفة راسها مزيان دغيا دارت زيف و لبسات شربيل ديال مها و هزات صاكها و هبطات عندو لتحت..لقاتو داخل فطونوبيل...ركبات حداها و هو نطق من تحت سنانو...

عصام: فين هي طنوبيل لي جيتي فيها صباح...

هاجر بتوتر : خليتها فراس زنقة...

دور عينو ليها مخنزر و ديمارة طونوبيل بصمت وتا هي قاطعة لكلام وخا مسنطحة لكن من كتشوف عصام معصب بحال هكذا كيخلعها ...

خدا طريق طويلة و حبس فبلاصة خاوية ..تنفس بجهد مزير على فكو بجهد و حيد سمطة ديال طونوبيل وبدون ما يشوف فيها قال ...

عصام: عاجبك هادشي لي كديري فيه...

هاجر هبطات راسها بدون رد بينما هو كمل كلامو بعصبية...

عصام: من لأيام لاولى قلتي لوحم صبرت بلا ما نهضر ..من سالة لوحم قلتي نفسيتي محطمة..تفهمتك صبرت وما قلت والو...من نفسية دزتي ليا لكرشك كبرات ومقداش قلت مكاين باس خليها على خاطرها مزال الحياة قدامنا..ونتي شنو كديري الالة هاجر كتلعبي بيا بين صباعك واش مكنبانش قدامك راجل...

هاجر هبطات راسها كثر و وجها حمر و دموع تشكلو فعنيها : انا مقصدتش هادشي...

عصام بسخرية: ديما مقصداش كلشي عندك نتي على گانتك تمشي بنادم كيف بغيتي ..."بعصبية لي ركبات فيه ضرب يدو على فلون طونوبيل"... لكان داكشي ابنت نااس طلع ليك فرااسك قوليها ليا نيشن نمشي نضبر على مخي فجهة خرااا...

مسحات دمعة لي نزلات على خدها وهو شافها زاد عاد تزير كثر..

عصام: كنهضر معاااك اهاجر متبقااايش تبكيييي...

هاجر بصوت مخنوق : نتا لي كادب عليا....

عصام دار عندها مصدوم: فاش ابنت ناس كدبت عليك...

هاجر: قلتي ليا حاتم هو لي ختار راسو ولكن نتا لي وافقتي اما هو غير دوا معاك على لمدراسة مختارش...

عصام خنزر فيها كثر: كون كنتي حاضية ولدك و تهضري معاه كيف ايها ناس اتعرفي مالو وشنو خاصو ماشي سبع شهور ونتي ليحاه ماشي غير حيت عصلو كبر من عمرو ايتفهم كلشي راه كيبقى ولد ست سنين..داك العقل دارو فالعام لي طلقنا فيه لقا نفسو بلا ام وعول على راسو ولكن من نهار رجعتي و انا كنقري فيه يفهمك و نشرح ليه كلشي بالحرف ونتي عقلك مرفوع كتصحابي كلشي كيمشي على حساب مخك ..كون كنتي بحال لعيالات كنتي تشديه و تفهميه ميغيرش من خوتو لي مزال فكرشك واش انا خاص ديما نتبعك و نصلح وراك شحااال قدني نهز معاك هاد لهبااال ا هاجر ...

هاجر بدون ما تحس جوباتو ببكاء : كون كنتي حاس بيا متحملنيش من نهار لأول تا انا نفسيتي دايقة و كلشي مخربق عليا ما عندي گانة تال راسي فين ايبقى لولاد ولا ليك...

عض فمو من لتحت بجهد: دابا ابنت ناس الغلط كلو ديالي حيت حملتك...

هاجر بعصبية و الهرمونات مخربقين : نتا لي كتهضر وتقول نضبر على راسي فجهة خرا بغيتي تزوج سير تزوج انا مشداكش بزز....

عصام بكره : وخا ابنت ناس ما قلتي عيب...

خرج من سيارة و ضرب لباب بجهد قفزها من بلاصتها..دور يدو على شعرو معصب وكلشي مخربق فيه بقى غير كيدور فبلاصتو كاره كلشي وهو يرجع جلس فبلاصتو و ديمارة بصمت شد طريق طاير و صل لفيلا خرج من سيارة بدون ما يشوف فيها طلع بحالاتو و بقات هي وراه كتبكي بصمت....

لكل بداية نهاية ....و لكل نهاية بداية ايضاً..و لصبر ايضاً نهاية ...فالإنسان كل ما صبر و سكت وخلا الما منين يدوز لكن بدون فائدة كأنه كيخوي لما فرملة ايجي واحد نهار لي ميقدرش يصبر و انفجارو غادي يكون خايب و خايب بزاف ...

كا اخطائها و تسرعاتها سكت عليهم لكن فكلامها الأخير خلاه يخرج لقديم و جديد ..ولد واحد لي عندها و غلبها تا باش تفهمو و تشرح ليه ضروفها خلاتو معلق ما فاهم والو كيشوف منها تجاهل و ساكت ماشي حيت عارف وفاهم موقفها بل الصمت خداه من الأب ديالو..نسات انه طفل يالله قفل ست سنوات ولو انه تفكيرو و عقليتو كتبينو كبير و لكن داكشي قرا عليه وحافضو كما حافض اسمو بينما فالأشياء لي كترتابط بعلاقتو بأمو كتبقى حساسة جداً..فور ما ايشوف منها تجاهل غادي يغير مباشرة من هادوك لي فكرشها لأنهم هما سباب لي خلاو مو ترجعو فالهامش...

وعصام من شاف تا عيا وهي لا حياة لمن تنادي ناض بنفسو كيشرح لولدو اش كاين وهي منخلاهم هامها غير راسها ...اكيد الحمل صعيب و لكن الانسان مخاصوش يكون اناني و يفكر غير بنفسو و ينسى الأشخاص لي دايرين بيه ....

ليوم عصام هز راية البيضاء و زطم على قلبو ولو حبو لكبير ليها لأنه ماشي مراهق لي يحني راس كل مرة على اعمالها و تصرفاتها لي كتفوت الوقاحة احياناً..هو الأن رجل لي وصل الى دروة النضج و اصبح عقله هو المتحكم وليس قلبه ...

دازت تلات أيام بدون ما تلتقي اعينهم عن اخر لقاء بيناتهم ...مكينعسش حداها و كيخرج قبل ما تفيق و تيرجع بعد ما تنعس و هي زاطمة على قلبها و زايدة فيه مرضياش تزطم على كبريائها و تطلب سماحة متناسية كبرياء عصام فهو رجل ..فكيف يقارن كبرياء المرأة بكبرياء الرجل القاتل ...

تحركات من بلاصتها بملل لابسة كسوة قصيرة حد ركابيها و واسعة طالقة شعرها و حاطة حداها طبسيل مكون من صلاد فواكه مع بعض البسطاج و لوز مهرمش وساهية فتجاه لباركو لي كيطل على لباب رئيسي للفيلا ..رغم ان ملامحها غير مبالية الا انه نضراتها فاضحن كلشي و واضح انتضارها لضله المعتاد ...صونا تليفون حداها وهي تهزو بين يديها فور ما قرات الإسم تبسمات و قبلات الإتصال على الفور...

هاجر بصوت مرح : كيف درتي تفكرتيني هاد نهار ...

بصوت مبحوح واضح عاد فايق من نعاس : صافا ؟؟...

هاجر هزات كتافها : عادي و نتا...

سمير : كيف حليت عيني جيتي فبالي..متأكدة ما فيك والو ...

هاجر صمتات لتواني عاد قالت : دابزت مع عصام ...

خرج من ناموسية كيحك فشعرو داير سمعات بلوتوت فودنو ..وقف مكمش حجبانو من سمع كلامها ...

سمير : شنو درتي عوتاني ...

هاجر بعصبية : نتوما مالكم ديما ملصقين فيا كلشي انا مادرت ليه والو هو لي ولا كيغوت غير وحدو شبغيتي ندير ليه نمشي نحزرو و نبدا نبكي عليه ...

جلس فطبلة ديال لكوزينة كيتسنى لقهوة لي دار فماشين كافي توجد ...تنهد بجهد من ورا كلامها و حط صباعو على جبهتو كيدلكهم و نطق بشوي ...

سمير : هاجر نتي عارفاني و انا عارفك ..ما عندنا ما نخبيو شمس بالغربال و نجيك نيشن بلا ما نضلمك ولا نكدب عليك ..هادشي كلو لي كديري فيه غادي تندمي عليه..ماشي حيت عصام كبير ونتي صغيرة اديري لي بغيتي وهو ايسكت ليك راه صبرو كامل دوزو فداك لعام لي طلقتو فيه اما دابا راه غير مسايس معاك ....

هاجر خسرات ملامحا : نتا ما عارف والو ..هو بفمو قال ايقلب فجهة خرا و يتزوج شبغيتي ندير ليه انا ..نتبعو و نبدا نطلبو و نزاوكَ فيه ...

سمير ساط بجهد : واش من نيتك كتضني عصام ايعاود يتزوج مدارها تا من طلقتو بقى غير دابا فين رجعتو.."نقر فطبلة بجهد"..و الله اهاجر تا حماقيتي بغيا تحمقي معاك كلشي ...

يتبع...