تمشى بشوي بعد ما طلع عصام ..دخل لصالون راسم ابتسامة جلس حدا الياقوت مدور يدو عليها كتبكي...
سمير: الواليدة واش معيتيش من هاد البكى.....
الياقوت مسحات دموعها كتمسكن: ما شفتيهش كيف دار ليا داز ما عبرنيش كاع بحالي انا ماشي مو ....
سمير زاد عنقها جاتو ضحكة: وصااافي راكي شفتي شحال مهموه مراتو و الخدمة خليه تا يتهدن و يجي عندك ...
الياقوت : و انا اش درت ليه كااع انا بغيت غير مصلاحتو و صافي بغيتو يرتاح كيف ناس واش ماشي من حقي...
أسماء جالسة قدامها كدور فراسها : وبااااز يا ماما راكي مكتحشميش مالو شكى عليك ياك هو قابل و باغيها من لفوق و نتي نايضة قدامو مخرجة داك الكلام .....
الياقوت تخشات فصدر سمير عاطية لفشوش حكة تقول هي صغيرة ديال دار : شفتي ولاد كرشي اش كيقولو فيا ما بقاو يحتارموني ولا يديرو ليا اعتبار .....
عنقها سمير كيضحك غمز أسماء باش تسكت : ها انا الواليدة لي بغيتيه نديرو معاك غير حبسي هاد دموع عنيك ايدروك ...
هزات الياقوت راسها كتمسح دموعها : وعنداك تا نتا من تبغي تزوج تجيب لي شي شيطانة بحال هاد مرت خوك و تكمل عليا تا هي ما بداتو هاد المسخوطة ....
سمير سكت بقى غير كيشوف فيها مبتاسم وهي كتوصي فيه ديراه بحال ولدها....تنهدات أسماء بجهد...
أسماء: بعدي على الولد ا ماما خليه يتزوج بلي بغات قلبو متحرميهش من رزقو....
الياقوت شافت في سمير لي مفششها تا هو كتر من عصام مرجعينها بيناتهم بحال بنتهم..عوجات فمها لجنب : يكما حاط عنيك على شي وحدة و انا مفخباري ولو...
سمير دور يدو على شعرو مبتاسم حرك راسو بشوي : هاد ساعة مزال مكاين والو و مغادي نفكر فزواج تا تسالي مدة العلاج ديالي عاد نشوف فزواج اما هاد ساعة مدايرش بحسابو ....
اسماء: ياك اخويا الأطباء ما لقاو عندك والو ودوا الحمدلله قادي ليك الغرد و كتبان لي عادي تبارك الله فايتني انا فالعقل....
سمير حط مخدة تحت من يدو : هاد ساعة مزال ملقاو والو ولكن مزال متبعين معايا تخطيط على راس تا يلقاو الحل هادشي علاش زواج ضارب عليه هاد ساعة ما بغيت نعدب معايا سي بنت ناس...
الياقوت : وشكون هادي لي كرهات تزوج بيك اولدي غير زينك يحمق لي ميحماق....
أسماء تا هي كتر من مها : والله كون غير درتيها ما كرهتش شي عراسية فين نبرد بيها غدايدي و نفرحو شوي نبعدو من هاد الحزن و الغم لي داز علينا .....
سمير دور راسو بلا حول ولا قوة الا بالله.....جمع الوقفة : انخليكم هاد ساعة....
الياقوت : اوا شفتك ما عطيتيني راس الخيط....
سمير بتاسم ليها : مسخسخ الواليدة وغدا عندي طيارة مع صباح تا نرجع و نهضرو على هاد زواج لي معشش ليك فراسك....
باسها فراسها و لعب فشعر أسماء عاد طلع لفوق شاد طريق لبيتو لي فنفس الطابق لي فيه بيت حاتم.....دخل مسخسخ عيان بالخدمة لي كان مقابلها غير وحدو بلا عصام لي كان مقابل هاجر.....حيد حوايجو دخل لدوش طلق عليه الما سخون يخفف عضامو .... والما كينزل على طول جسدو المنحوت بالرياضة لي كان كيزاولها مع عصام طول هاد خمس سنوات ...
رغم انه ضعيف شوي على عصام لكن عضلاتو البارزة و المنحوتة بلونهم الأسمر خلات شكل جسدو مثير لدرجة كبيرة.....خرج من دوش ملوي عليه فوطة من لتحت وفوطة تانية بين يدو كيمسح بيها شعرو و عينو مركزة فالوشام لي فيدو كيشوف فيه بصمت بنضرات قاصية و عقلو مشا لبعيد......مشا لأيام كان عقلو غايب و دراري ولاد جيران عطاوه حبوب مهلوسة تا ولا يدخل و يخرج فالهضرة بدون وعي بنفسو..ومن ضرباتو الفيقة لقا يدو كلها مجروحة بالوشام لي داروه ليه....زير على يدو مزيان من رجعات ليه هاد دكرى فراسو.....
دخل لبيت تبدال هز شورط ديال نعاس لبسو و خرج الباركو و صدرو عريان و البرد كيضرب فشعرو ....هز كارو حطو ففمو شعلو و نتر منو نترة طويلة عاد ساط دخان برا ...جلس فوق الكرسي هاز راسو لفوق كيشوف فسما و يراقب نجومها بهدوء...فنضراتو لنجوم دازت صورة اريج امام عنيه شي لي خلاه بدون شعور يتبسم بجنب ....هز تليفونو كيبقشش فيه و الكارو ما بين شفاه ديالو...مشال نيشن لكونط ديالها لقاها مدخلاش ...بقى كيبحت فيه تا ضربات ليه فالخوا وهو يأنيسطالي سناب شات عارفها مكتخرج منو ...
دخلها بنمرة لي حافضها عن ضهر قلب عارفها جنية و كتمشي غير بالحس و لقاتو هو كتر منها كيحسبهم ليها فسما ...رسل ليها طلب كيتسناها تقبل و رجع تليفون حطو فوق صدرو يكمل الكارو لي بين يدو....سمع الهزان في تليفونو وهو يطل لقاها قبلاتو دور لسانو على شفاه لفوقانية بمجرد ما دخل عندها طلعات ليه تصويرة ديالها هي و عماد ...وخا دايرة المكياج ولكن تال سمير يطيرها وخا تكون وسط قبيلة ديال البشر.....عض فمو بجهد و زير على يديه ايطرطق ....تم نيت رسل ليها ميساج .....
سمير : في اخر يامك وليتي تخدمي قحبة.....
اريج تم نيت جوباتو : ها نتا عرفتيها اوا هي لا عطيتيني تيقار ....
سمير مزير و بهدوء رد عليها : علمتك متلعبيش ورا ضهري ونتي درتي ما بغيتي ....
اريج : تا تكون با ولا خويا عاد هضر ولي فجهدك عملو...
سمير بلا ما يزيد معاها كتب كلمة وحدة : اوكي....
بقى مزير على تليفون وكلو كيترعد وعينو على صورة لي فيها اريج و عماد..بالغضب و سخط لي فيه هز تليفو بكل قوة ضربو مع الحيط شتوو طراف و كلو كينهج و عينو حمراء مزير على فكو ...بسرعة دخل لبيتو بدل حوايجو وهبط لسال لتحت كيفرغ الغضي لي حاكمو فصدرو بكيس الملاكمة.....
شافت رسالة لي رسلها..بقات كتشوف تليفون ديالها بصمت و ملامحها ممفرزينش ما تعرفش اش تحت راسها ...شافها عماد وهو يجبد راسو لنعدها ...
عماد : زين فين مشيتي يكما والديك كيعيطو عليك ....
عضات فمها بجنب و جمعات الوقفة باغية تخرج وهو يشدها من يديها متفاجئ...
عماد : عاد جيتي مزال ما وصل حتى لكاطو..."بترجي فصوتو"...بقاي شوي ونوصلك تال داركم ...
نترات يديها بسرعة من بين يديه و بنضرات غير مقروؤة شافت فيه ...
اريج : لا بغيتي تبقى بعضامك صحاح فوتني عليك و دير راسك عمرك عرفتيني ...
بلا ما تسناه يرد عليها خرجات امام نضراته المصدومة ...شدات طاكسي نيشن لحي ديالهم هزات كلينيكس كتمسح وجها من المكياج ....عماد لي بقى واقف فبلاصتو بصدمة دار عند لبنات لي جاو معاها ....
عماد صغر عنيه بكلامها جاب ليه شك : متأكدين تا واحد ما كاين فحياتها....
مريم : لي فراسنا انها مع تا حد .."سكتات شوي "... ولكن هاد لأيام عاد رجعات من افريقيا الجنوبية وشوي مبدلة ولكن ما قالت لينا والو كون كان شي حد كانت تقولها متسكتش عليها...
جلس عماد متفاجئ : اش مشات دير تم ....
مريم هزات كتافها : هي كل عام كدوزو فقنت وكل مرة مسافرة .....
صحاب عماد بقاو كيرمشو : هي قولي لينا هي بنت عائلة كبيرة....
سلمى: بالعكس ناس عادين و بساط بحالنا بحالهم ومناقصهم خير نقولو فايتين سلك ديال المتوسط....
عماد عض فمو من جنب لقى نفسو مهتم بأريج بزاف و باغي يعرف عليها كلشي...من دكرو صحاباتها انها كتسافر بزاف وهي من عائلة عادية جا فبالو نيشن خدمة ديال دعارة ومع هي زوينة بزااف مكاينش لي يفلتها من بين يديه ..
بسرعة بعد افكارو من شاف تصرفاتها اليوم عارفها ماشي ساهلة و مكطيحش لبنادم و كون كانت كطيح كون طاحت فيه هو الاول لي من صباح وهويدور بيها وهي بحال تلج باردة بزااف....عاود هز عيونو لصحابتها ...
عماد : وهاد سفر لي كتسافر ديما عمرها قالت ليكم علاش...
مريم : لا وخا كنسولها كتقول لينا غير فاكنس وصافي وغير كتشد العطلة نمشيو عندها لدار كتقول لينا مها مسافرة تا كترجع عاد تقول لينا فين مشات ..عرفتي المانيا كانت كل عام كتمشي ليها تال هاد لعامين لخرين ممشاتش و دوزاتهم غير فشمال...
صحاب عماد بقى شي كيغمز شي تفكيرهم فأريج مشا بعيد من غير صجاباتها لي بقاو غير كيدورو فعنيهم جيت عارفين عمر الجقيقي ديال اريج وجيت ما قادين يقولو والو سكتو خلاو دراري هازين فكرة غالطة عليها....
بتتاقل حلات عنيها وشعرها ملاوح على صدر عصام....تكسلات فبلاصتها كتفوه..جرات شعرها وجمعات الوقفة مكالية نفسها مع الحيط تا وصلات لعكاز ديالها...تمشات لجهةديال الباركو و عنيها مزال مغمضين...
كانت شميشة خارجة سخونة منورة دنيا و الجو دافئ وزوين و دنيا قدامها كلها ربيع و شجر داكشي زوين كيفتح شهية....بزربة رجعات كتنقز برجل وحدة عند عصام لي كان حاتم ناعس فوق صدرو بسلام ما عرف منين تسلطات عليه جراتو مسكين من رجليه بعداتو على عصام وجلسات هي فبلاصتو كتفيق فعصام لي بسرعة حل عينو..
جر ولود عندو لي رماتو هاجر لحافة ناموسية ....هز عينو فيها و شعرو مخربق نازل على جبهتو...تكى على يديه كيشوفها كيف جالسة فوق حجرو مبتاسمة عاجبها الحال..دور يدو على وجهو و بصوت مبحوح نطق...
عصام : صباح لخير...
هاجر دورات يديها على شعرو عاجبها الحال: صباح نور...
عصام تكى على ضهرو وجرها معاه نعسها فوق صدرو : انا مكنهضرش على هادشي احبيبة وانا ما بغيكش تعدبي باركة غير هادشي لي داز عليك.....
هاجر ما عجبها حال.. فراسها باغية تخرج و سلام حاجة خرا دخل من ودن وتخرج من لخرا : ها نتا بقى نتا لي تخرجني ونلعب غير قدامك صافي....
عصام خرج فيها عينو : باغية تلعبي ؟؟؟...
ببرائة حركات راسها ليه خلاتو غير كيرمش بزز منو ضحك...
عصام: و شنو غادي تلعبي....
دورات راسها لحاتم لي خامر فبلاصتو بنعاس..مدات يديها لجهة رجلو بغات تعاود تجرو مسكين وهو يجرها عصام بزربة عندو شد ليها يديها....
عصام: ما تجريهش من رجلو اهاجر فيقيه غير بسياسة....
هاجر كمشات حجبانها: علاش؟؟..هتلر كانت كتجرنا من رجلينا باش تفيقنا....
عصام حل فمو و رجع سدو وعينو مركزة في ملامحها البريئة كأنها مادارت والو....تنهد بشوي....
عصام: هاجر ولدك معلم معاملة وحدة خرا منك راك شفتي كيف صدمتيه من خديتي الايباد ديالو خصوصاً نتي عمرك بكتيه و ديما كديري ليه خاطرو..."حط يدو على حنكها"...نساي عليك تربية ديال ماماك وتعاملي معاه عادي و مع المدة غادي يولف....
هاجر شافت فيه و رجعات شافت فحاتم و عقلها و مقال ليها نطقات: ولكن هتلر ديما كتقول الولد خاصو القاصح باش ميخرج قبيح و يخاف باش ميطلعش فوق راس...
هاجر مكمشة حجبانها بداكشي لي قاصح تحت منها قالت: شي حاجة كتقرصني من لتحت...
عصام تبسم لكلامها ونطق بشوي : والو...
هاجر هبطات عنيها لتحت باغية تشوف شنو داكشي لي كل مرة كينغزها من لتحت لكن مخلهاش عصام تشوف بسرعة هز ليها راسها لعندو...
عصام: مكاين والو احبيبة بلا متخافي...
هاجر بتسائل: راني مخيفاش بغيت غير نشوف شنو هادشي جاني قاصح بحال لعصى...
جابت ليها ضحكة...دور يدو على خسرها لصقها مع صدرو ورجليها دايرين على خسرو جمع الوقفة هازها بين يدو...خلا حاتم ناعس و دخلها معاه لحمام..حطها فوق بوطاجي ديال لفابو....بضهر يدو هزليها راسها باسها بخفة في فمها وهي بوحدها كتلون ..
هبطات راسها بخجل... بينما هو لاصق فيها..بيد دافئة هبط ليها صوفيطمة من جهة كتافها وحط شفاهو على عنقها كيستنشق عبقها بصوت مرتفع و هي مغمضة عنيها بلمساتو و قبلاتو....
عصام وسط عنقها نطق بشوي : هاجر؟؟؟
هاجر بشدة خجلها مرداتش عليه بينما هو زاد زير يدو على خسرها ملصقها معاه كثر و مزال خاشي راسو في عنقها....
عصام: عارفة شنو كيوقع ما بين راجل و مراتو....
هاجر تزيرات كثر و لون الاحمر غزا ملامحها خرج من بين شفاها فقط انبن...: اننننن...
هز راسو فيها مركز عيونو مع عنيها قريب ليها بزاف انفاسهم كضرب فوجوه بعض ..حط فمو فوق فمها باسها برقة وجر ليها شفاه ديال السفلى و بعد بشوي...
عصام بإستسلام لغريزتو: بغيييتك احبيبة محتاجك بزاااف..."حس بيها تزيرات وهو يحط يدو على خدها بلطف"...ما تخافيش مني ا هاجر كنقسم ليك مغاديش نقصحك ولا نأديك...
هاجر الحشمة سلات معاها وعينها ولاو حمرين شافت فيه بخجل : مكنعرفش....
عصام بحالي فتحات ليه الباب لي كان مسدود فوجهو..تنهد براحة: انا غادي نعلم حبيبة كل لي تحتاج..متقمعنيش اهاجر كتر من هكذا كنقسم ليك بالله لو اني مزال نقدر نصبر ما كنت غادي نطلبك ..عطيني فرصة وحدة ومغاديش تندمي...
هبطات راسها مقدراش تزيد تنطق حرف..طبعا عارفة اش كيوقع ما بين راجل ومراتو ومن ذكر ليها هادشي عاد عاقت ان داكشي لي كان كينغزها من لتحت ديالو شي لي خلاها تحشم كثر...عضات فمها من لتحت و صوتها تقطع...
نزلها من فوق بوطاجي من شافها ساكتة ،باسها فجبهتها بشوي وبحنية فصوتو نطق....
عصام : انخليك تفكري تال لعشية وردي عليا.."قرصها فخدها بحب"...لا كنتي مزال ممستعداش ماشي مشكل غير ماتبززيش على راسك...
فور ما عطاها مجال تخرج..هربات من قدامو و سخونية كطلع مع داتها و لحمها تبورش عليها..رغم ان عصام كيقبلها احيانا لكن عمرو طلبها فالفراش هادي اول مرة كيديرها...
عضات فمها من طرف كتنفس بشوي...حلات الباب و خرجات هابطة لتحت بعكازها كتشوف فأرجاء الفيلا و كتنمضر و منها نيت كتقلب على الكوزينة حيت فيها جوع...
هبطات لصالونات لتحت كدور فراسها تا جات عنيها فالياقوت لي جاية عندها....
الياقوت مخنزرة: مزال ما بغيتي تهزي عليا راسك من هنا....
هاجر دورات راسها فجنابها ورجعات شافت فيها بدون فهم: كتهضري معايا انا اخالتي...
الياقوت معصبة: يخوي ليك دراس نشالله...."جرات هاجر من دراعها"...شنو باغة مزال من ولدي اطماعة بغيتي الفلوس راك خديتيهم منو ..جايا على الولد ياك سمحتي فيه علاااش راجعة ولاصقة فيه تاني....
هاجر ما فاهمة والو والياقوت مزيرة على دراعها : اااييي حيدي يديك راك قصحتيني ازبل زولي عليا يديك...
الياقوت داتها وجابتها بين يديها: طماعة مزال ما بغيتي تحشمي راجعة لولدي تاخدي ليه ما بقى مكفاكش كاع داكشي لي عطاك ...
هاجر نترات يديها معصبة : نتي واش حماقيتي ولا مالكي انا فين كنعرفك كاع باش تحلي عليا فمك ..."هبطات وطلعات فيها"...يخخخ على شارفة كيف دايرة تفو...
الياقوت بغات طير عليها شادة راسها بزز غير حيت خايفة من ولدها هزات صبعها فوجه هاجر : يا غادي تبعدي من ولدي عصام يا غادي ندمك على نهار لي دخلتي فيه لدارو...
هاجر حطات يديها على جنبها معوجة ومع هي مولفة صداع مع جيران فحومتهم جاتها الياقوت على الكانة: اوا اختي سيري هاد الهضرة قوليها لولدك ما تقوليهاش ليا انا ..انا نهار الاول بغيت نمشي مع والديا ما نعرفكم ماتعرفوني وهو لي لاصق فيا ماشي انا..."هزات حجبانها فالياقوت كتقلي ليها سم "..وضد فيك اشارفة انبقى معاه تا يطرطق فيك شي عرق يالله....
بمجرد ما كملات كلامها جاتها صفعة لحنك بجهد عوجات ليها حناكها وخلات ودنها تصفر..بصدمة حطات يديها على حنكها كتشوف الياقوت لي صرفقاتها كتنهج....
لحمها تشوك عليها بضربة و عنيها دازو عليهم بضبابة لمدة عاد تسرح لها شوف ...خرجات عنيها فالياقوت لي نسات ان هادي ناسيها هي و اصلها و أنها ماشي هاجر لي وخا يوقع بيناتكم لي وقع كتبقى بيناتهم و تا حاجة ما كتوصل لعصام ..ضنات و ضن ما يربح مولاه ..هاجر العافية شعلات فوجها و دمعة قربات تهبط ليها ...
هاجر: انا ااش درت لييك كاع باش تضربيني نتي لي جايا هاجمة عليا .....
الياقوت بغات تعاود تصليها معاها مانعة راسها بزز: سمعي ابنت ناس شغادي نقولك نهار لأول انا لي زوجتك بولدي ساعة ما نتي من سهمو ما هو من سهمك باركة عطيتيه داك الوليد الله يجعل الباركة جمعي قشك و درقي عليا زلافتك دااابااا ....
هاجر مخرجة عنيها و قلبها رجع كيضرب بجهد بلأعصاب: سيري تزبلي هداك راجلي ونهار حليت عيني حليتها عليه وهو باغيني من لفوق ولا معجبك حال عطيني تيقار كما عاطياها ليك انا ياك ما هضرتك ما قربت ليك شباغى عندي....
الياقوت : مزال عندك لسان لي تهضري بيه بلا حشمة نسيتي ما دوزتي عليه الكلبة....
هاجر هزات صوتها : الكلبة هي نتي و بزاف عليك توصليني شوفي نتي لي جاية تنبحي عليا هنا ...
جرات الياقوت بغات دفعها من هاجر وهي تنتر يديها وخا كبرات مزال بصحيحتها و نوضتها خايبة لي جا في فمها تقولو مضرب ليه حساب وهي معصبة...
الياقوت: ما تشديني ما نشدك عيييت ما نسكت و نخبي فقلبي وفي خر يامي تقولي كلبة ....
هاجر تخلعات جاتها نوضة ديال الياقوت بحال نوضة ديال حليمة تخبات ورا أسماء: نتي لي قلتيها لي الأولى انا ما قلت ليك والو ....
أسماء : ماما لعني شيطان شوفي البنت كيف كترعد حشمي شوي راكي نتي مولات لعقل ....
الياقوت: ماااشي صووقي تكون مريضة ولا صغيرة انا لي كنعرف درت غلط و زوجتها لولدي وليوم نصلح الغلط ما هي من سهمنا ما حنا من سهمها ....
هاجر دموع فعنيها كتنخصص : وعلاش كتقولي ليا انا هاد الهضرة سيري قوليها لولدك هو لي شادني معاه مالك كتصحابيني شايطة تا انا عندي والديا يهزو بيا فوق راسهم....
الياقوت طارت عليها شداتها من شعرها و جراتها عندها باغية تفرصها ..و أسماء كتغوت مخلوعة اما هاجر رجليها كضرها وغير جبداتها الياقوت فقدات توازن ديالها طاحت في الأرض على رجليها المهرسة غوتات بحر جهدها مقصحة كتبكي بجهد و تنفسها قلال بالقلب لي كيضرب بجهد في قفصها الصدري...شعرها بين يدين الياقوت لي طار ليها العقل و كتنتف هاجر من نيتها تا كتخلي شعر بين صباعها ....
قوى الغوات في الفيلا تا خرج سمير ما فاهم والو هبط كيجري غير شاف المنضر لي قدامو تهز قلبو لسما طار عند الياقوت جرها من فوق هاجر لي داتها كلها كترجف....
أسماء حطات يديها على فمها مخرجة عنيها في مها : ماما شهاد الهضرة...
الياقوت مخرجة عنيها كتفيبري بالأعصاب : مالي كدبت ما انا مو ما هو ولدي هي لي جابتو نهار الأول ملصقاه فينا وحنا درنا لي علينا الله يجعل الباركة معنديش زريبة ديال الحماق هنا ...
سمير تجمد في مكانو مصدوم و عنيها خارجين في الياقوت كلامها هرسو من لداخل نطق بعدم تصديق : الواليدة م....
الياقوت قطعاتو كتغوت : مااا تنطقهاااش..."شارت بصبعها لهاجر لي مرمية في الأرض"...هز عليا هاد الميكروب لي جابتك نهار الأول وخرجووو عليا من داري....
أسماء وقفات قدام سمير مخرجة عنيها في مها : الياقوت راكي زدتي فيه وحنا ساكتين لك هادي دار عصاام و عصام لي حاطهم تحت جناحو ماشي نتي تا يمشيو لدارك وديك ساعة قولي فيهم ما بغيتي ....
الياقوت خنزرات فأسماء : دااار ولدييي و كتبقى دااااري ولي ما بغيتو ما يبغيه ولدي ولي ما عجبو الحال الباب وسع من كتافو ...
سمير تزير ولا وجهو حمر هما وعنيه مزير على يدو شاف فالياقوت : الله يرحم ليك الوالدين....
الياقوت : هي لا هزيتي عليا راسك نتا وهادي وعطييونا تيقاار من نهار جيتو و المصايب تابعينا حماقك نتا من جيه و حماقها هي من جيه عينا ما نعطيو فالخاطر تا ما بقى عندنا خاطر... .."هزات يديها لفوق".....صافي تقاضة جهدنا اولد ناس حنى ما من عائلتك لي نصبرو ليك ولا ليها....
أسماء كفرات على مها بالمعقول حلات فمها تهضر وهو يشدها سمير من درعها درا ليه إشارة تسكت ..رجع عينو لياقوت بقى كيشوف فيها مطولا عاد نطق بشوي غير الحطام و الاعصار لي عندو لداخل ...
سمير : اخر مرة تشوفي هاد الوجه قدامك ولا تسمعي صوتي على ودنيك ..خدمت بدراعي وما مديت يدي لحد وخا تكون الخدمة فوق جهدي ما نشكيش و نديرها بسكات وخا نبقى بلا نعاس مهم الخدمة تم ..تبدلت و غيرت من راسي باش ما نهبط لا من قيمتكم ولا قيمت عصام لي دارني خوه وحط فيا تيقة كثر من خوتي لي من با ..شفت فيكم عائلتي و سندي لكن الله غالب تا حد ما لقاها كيف بغا..الله يرحم الولدين على كل حاجة درتوها ليا وعلى كل حاجة عطيتوها ليا ....
نزل راسو لعند هاجر لي مزال كتبكي فبلاصتها حاطة يديها على قلبها ..مد يدو لعندها يهزها..حتى سمعو داك صوت لي بحال رعد ..هزو عنيهم مصدومين فشخص لي هابط مع دروج شعرو فازك كينزل منو الما و عنيه حاملين نضرة لا يعلم من ورائها غير الله .
هبط عندهم بملامح سوداء وعروق راسو منفوخين...عينو في الام ديالو كيشوف فيها شي شوفات غير يا ربي سلامة....
وهي بعيونها حمراء كتسناه غير يهضر باش تحط ليه كلشي امام الامر الواقع وتخيرو يا هي يا مراتو...لكن كان من طرفُ الصمت..واحد صمت رهيب فشكل.....
ناس فبلاصتو كان يكون رد فعلهم كارتي لكن هو عكس كل البشر فتصرافتو لي ما ضرب ليهم حساب ابداً...
بصمت هبط عند هاجر لي غير حسات بيديه الدافئة هزات عيونها المبتالين بدموع فيه.. بمجرد ما جات عنيها فعينو ترمات بسرعة فحضنو كتنخصص بحال طفل صغير ...بصوت متألم نطقات...
هاجر بزز كتخرج الحروف مع تنخصيصة لي سالات معاها : ق قق قلبي كك كي كيضرني بب بزاف....."خشات راسها فصدرو العريض مزيرة على قاميجتو كأنه هو الملجئ ليها".... رر رجلي مابقيتش كنحس بيها...
بنضرات يحملون الم فاقى كل قدراته شاف فيها و قلبو كيضرب بجهد....بيد كترعد حط صباعو على حنكها لي حمر و مصورين فيه صباع الياقوت..نفس الخد ليضربها فيه وخلاه يدوق المرار من كل جهة....
هو لي ضربها بنفسو وندم قد شعر لي فراسو..تمنى يدو تقطع ولا تحط عليها...تألم فضرباتو ليها كتر ما تألمات هي ..فكيف بالله ان يشعر الان و أحد اخر ضرب غاليته..اي مرارة سكنت قلبه و مرت امام عينيه وامه هي الفاعلة....
بدفئ وقهر حرك ابهامو على خدها المحمر..نزل عندها بشوي باسها فخدها بحب و حنية فصوتو المجروح نطق حدا ودنها...
عصام : سمحي ليا ابنت قلبي....
تهز جسدها كلو برجفة بالكلمة لي نطق ..شعور غريب خالج كيانها..غمضات عنيها بألم مزيرة على القاميجة ديالو وراسها ولا كيضرها بجهد بالكلمات لي حتلو عقلها...عدت كلمات نطقهم صوت واحد وهو صوت عصام لي حتل كل ذكرياتها بكلمات...
حلات عنيها بجهد مع اخر كلمة و قلبها زاد فدقاتو بمشاعر عاصفة غمرو كل قلبها....هزات عيونها فيه و بمجرد ما شافت الألم فعيونو زاد دخ الدم في قلبها بشكل جنوني كأنه أيخرج من قفصها الصدري..بصوت مؤلم نطقات و يديها مزيرين على لمكان لي فوق قلبها...
هاجر : كيضرني بزااف....
جرها عندو بسرعة جمع الوقفة وهي بين يدو ما هز عينو فتا حد من الحضور كانت عيونو فقط لبنت قلبو لي بين يديه....ضرب دورة عاطيهم ضهرو وبخطوات يسيطة طالع الفوق حتى توقف بصوت الياقوت لي حيدات زيف ورماتو حدا رجلو....
الياقوت: هااسخط ها رضى يا انا يا هي..وحدة لي تبقى فهاد دار ..يا مك يا مراتك.....
اسماء شهقات بصوت مرتفع مصدومة وسمير لي تا هو لا يقل صدمة عن اسماء عيونهم جمعو الاثنين معاً..الياقوت لي مخرجة عنيها فضهر ولدها...و عصام لي هاز هاجر بين يدو...
لتواني معدودة بقى واقف وراء كلمات الام ديالو..خطى خطوة لأمام بصمت ومراتو بين يدو ساكت وامام نضرات الجميع طلعها معاه بدون ما يدور يشوف في امو لي نطقات داك الكلام....عيونو بقات مركزة فهاجر و يدو زادو حضنوها لصدرو اكثر...
واقف بصرامة و ملامحو ممفرزينش..فنضرتو غرابة فشكل و في قلبه عداب فاق الجبال كلها ...نضراتو كيمشيو ما بين رجلين هاجر حتى لراسها ...كيبقى ساهي فوجها و يرجع يهبط نضراتو على كل داتها و طبيب واقف حداها كيفحصها....
صمت رهيب في الغرفة من طرفو بنفس الصمت لي هز بيه هاجر مزال بيه لحد الأن...وقف طبيب بعد ما فحص هاجر لي ناعسة وملامحها دابلين كل ديك الحمورية لي كانت فخدها ماتت و تحولات لي لون الاصفر الكئيب...
قرب طبيب حدا عصام نحنح بشوي و دخل فموضوع بدون ما ينفاقو : من الاحسن نديوها عدنا لمستشفى نديرو ليها تخطيط شامل لأن حالت قلبها حرجة بزااف و بهاد نفسية مغاديش يفيدها دوا....
عصام عينو بقات متاصلة مع هاجر بألم نطق: كنت غالط بزااف....
طبيب بأسف حط يدو على كتف عصام : قلت لك نهار الاول خاصها الراحة و تبعد على الحوايج لي كيعصبوها او يهيجو قلبها و هاد الحالة لي عايشة دابا صعيبة بزااف لأنها كدير مجهود كبير باش تأقلم مع الوضع لي لقات نفسها فيه..ماشي ساهل على الواحد يفيق يلقى راسو ناسي عشر سنوات من حياتو وفهاد سنوات تغيرو عليه بزاف الحوايج شي لي خلا نفسيتها مضطربة ولو انها كتبان ليك عادية الا انك كون متأكد معناتها فالداخل ما يعلم بيها غير الله ..فقط انها تقبل بيك زوجها فهادا شيء كبير وفوق استطاعت كل انسان فما بالك بولدها و ناس لخرين ..."زير على كتف عصام"...مغاديش نكدب عليك و بيناتنا صداقة كبيرة ولكن قلب زوجة ديالك في حالة حرجة بزاااف....
تهز قلبو لسما ورجع كيدق بسرعة كبيرة..بالعرض البطيء هز عينو فطبيب لي كان حامل نضرة اسف....
عصام دنيا دارت بيه بزز باش نطق: كفاش؟؟؟...
طبيب بنضرات صادقة ركز فعيون عصام : من الاحسن انك تبعد عليها .."هبط راسو لتحت"... ولا اتكون اخر مرة تشوفها قدامك....
عصام تهز فبلاصتو لاول مرة فحياتو كيحس بالخوف فقلبو لأول مرة كيرجف من شدة الخوف....فقط انه يتخيل حياتو بدون هاجر توقف قلبو عن النبض فكيف ان يكون حاله في الواقع يا ترى....
دخلو جوج ممرضين هزوها فوق البياص و هبطوها امام نضرات عصام لي ضبابة تشكلات على عينو..تبعها بهدوء وصمت عكس الاعصار لي عندو فالداخل اعصار ما بين قلبه و عقله و الم ينهش كل اطراف جسدها....
توقف وسط الفيلا ودور راسو لأم ديالو لي غير شافتو دورات وجها لجهة لأخرى وعيونها مبتالين بدموع باين غضبانة عليه و بقى فيها الحال...
بخطوات تابتة تم غادي جيهتها..وقف امامها كيشوف فيها وهي مزال منخلاه كتسناه يهضر وهو ساكت كيشوف فيها بنضرة كتحمل عتاب كبير لكن العنين لي يشوفو ديك نضرة دايرين جهة لأخرى كتسنى مولاتهم يطلب منها سماحة...
اسماء بحزن قربات عندو : خويا فين داو هاجر واش زاد عليها الحال....
الياقوت مخنزرة: تموووت كاع حنى مالنا......
اسماء عضات فمها من لتحت مخرجة عنيها في مها بينما عصام ضحك بجنب فمو..حط يدو بجوج على طبلة قدام الياقوت شاف فيها مزيان عاد نطق....
عصام: تموووت....كطلبي ليا الموت الواليدة....
الياقوت تخلعات بالحزن لي فعنين ولدها بتلعتم نطقات : لا اولدي ماشي نتا انا غير عليها بغيت ن...
عصام قاطعها بألم: وشكوووون هي..."حط يدو على قلبو"...نهار تزوجتها شنو قلت ليك الواليدة قلت ليك كنبغي هاد بنت ناس و بينت ليك شحال كنبغيها وكما هازها هازك ..هي بنتي و نتي بنتي و الخاطر لي درتو ليها درتو ليك..هضرت معاك و هضرت معاها..قلت ليها الواليدة لي عندي و جيت قلت ليك ديك بنت ناس كنبغيها..كل واحد درت ليه الخاطر فوق خاطري ...غرتي منها قلت ماشي مشكل انا الوحيد لي عندها وضروري ما تغير وهادشي عادي ولكن ضربيها فداري و مكفاكش ضرب دزتي لسخط شنو كتسناي مني الالة الياقوت....
الياقوت بصدمة من كلامو : انا اولدي بغيت غير.....
عصام عاود قاطعها مزير على فكو بجهد : ولدك؟؟؟...كنت ولدك الالة الياقوت من كنتي تهزي بكلامي وحسباني كاين ودايرة بقيمتي ولكن بان لي نسيتي شكون هو عصام...."هز صباعو قدام وجها كيحسب ليها "...فقدات داكرتها ونسات كلشي وخا هكاك شديتها عندي و بعدتها من والديها لي محتاجة ليهم....مرضات بالقلب وهي ساكتة و عنات بوحدها..رضات بكلام ناس ليها وبطلاق ومقالت والو...عطاتني ولدها وسكتات على وجعها....هنتها و سكتات..."ركز فعنين الياقوت"...شكون لي فينا ضالم دابا انا ولا هي..."ضرب يدو مع طبلة بقوة باغي ينفاجر"...فعمري 45 عاام وهي فعمرها 23 عاام ...شكوون لي مضلوم هنا انا ولا هي..."عاود ضرب يدو مع طبلة قفز الياقوت من بلاصتها مصدومة بينما هو عنيه ولاو حمرين مخنزر فيها ..جمع الوقفة ونطق جوج كلمات "...الله يعاونك الالة الياقوت....
رما ليها الكلام وخرج من لفيلا خلا الياقوت كتغوت من وراه بسميتو...بينما هو معاودش دار عندها....ركب فطونوبيل لي فيها سمير شاد حاتم بين يدو ما فاهم والو مسكين ...غير شاف عصام ركب وهو يترمى فحضنو كيتنخصص.....
رجع حاتم لعند سمير لي ساكت حتى هز عينو باليد لي تحطات فوق من راسو..دور راسو لعصام لي خربق ليه شعرو و بعد يدو من راس سمير..ديمارة طونوبيل و قبل ما يقلع نطق ...
عصام: حاجة وحدة لي خاصك تعرف هو انك خويا صغير وداكشي لي عطيتك ماشي صدقة وانما حيت تقت فيك كما كنتيق فراسي ولي وصلتي ليه وصلتيه بدراعك نتا ماشي بيا انا..تيقة هي اساس كلشي ...."شاف فيه بنص عين"...وتيقتي فيك عمية متخونهاش بكلام الواليدة....
متسناش الجواب ديال سمير وانما مباشرة شد طريق طاير لكلينيك و بين عينو غير هاجر و فشنو جاي من بعد..كيقشر فمو من جناب وكل مرة يعض خدو من لداخل وعقلو خدام غير وحدو علم الله فاش كيفكر مع راسو
هي زوجتي التي اخترتها في جوف ضوضاء ..منحتها حباً وقلبا يعشقها دون سائر النساء.. احببتهـــا وكـــنت لهــــا رجـــل بكـــل مواقفي دون استثنــــاء..
بقيت في القرب منها اراقبها واتبعها ...حتى ملئني الشوق لحروف الهجاء ..بدأت كطفل يعيد تهجـــأة الحروف ألف وحاء وكاف تسبقها باء...وهي ترفض الحب فقلبها مليئ بالعناء ...
صارت تعيش معي الايام كما لو كانت تصرفاتها استهزاء... تلك طفلتي انا ..متيم بها حتى الاحتراق لتطفئني هــــي بـــ دمهعا والبكـــاء...
سرت خلفها بالامس واليوم والغد ألاحقهـــا في ظلمات اليــأس وحتى فوانيس الامل التي تضــــاء...
حبيبتي هي وكل الحب من بعدهــــا رغبات بالنسيـــان وانتقام من هذا الفؤاد وعداء...
5 اعوام وانا اراها تكبر وتلتمس مني ومن شخصيتي كل مبادئي وكل معادلاتي الهوجــــاء...
صارت جـــزأ لا يتجـــزأ مني ... وكـــأنها خلقـــت من ضلعي لتصغــــر بالعشق سنـــي...
احببتهـــــا وبالفعــــل هي من بعد الرفض احبتنــــي ...صارت تكتب ما في قلبي وتتفاخــــر بانهــــا طفلتي الاصغر مني ...
غريب حب عصام لهاجر...حب جا صدفة دق باب قلبو لي كان مقفول من كل النواحي..لكن هي الوحيدة من وجدت المفتاح لتحتقم كل اسوار قلبه و تعلن سيادتها المطلقة...
معاها عاش حوايج غريبين عليه و بعاد من حياتو و روتين ديالو...تعلم معاها اشياءجديدة ومعاها ضحك من كل قلبو...بدون شعور لقى نفسو تبدل على داك عصام لي كان الصمت هو رفيق دربه..معاها لقى نفسو كيهضر و يضحك كتر من قبل....
دايرة بحال شي لغز كل نهار تصدمو بكلامها و افكارها لي مكيضرب ليهم حساب تا لقى نفسو غارق فيها حباً بكل تفاصيلها زوينة و الخايبة ...بإختصار معاها تولد من جديد....
في جناح خاص في المشفى ناعسة هاجر فوق ناموسية معلق ليها سيروم ديال القوة وملامحها بداو يكسبو لون الوردي مرة اخرى...قرب ليهاحاتم كيتحسس فوجها بغى يفيقها وهو يجرو عصام لعندو....
عصام: ششش خلي ماماك ناعسة....
حاتم : من لبارح وهي ناعسة علاش ما فاقتش.....
عصام : ماماك خاصها راحة من اتشبع نعاس اتفيق و تهضر معاك اوكي....
حاتم دور عينو لهاجر وهو يهز يدو جرها من شعرها خلا عصام مخرج عينو بزربة خطف ليه شعر من بين يديه....
عصام خرج عينو فولدو: حاااتم راني هضرت....
حاتم بحزن شاف فيه: عافك ابابا فيقها توحشتها بزااف هي كاع مكتنعس بزاف من كنت كنمشي عندها المغرب كانت كتفيق قبل مني توجد ليا لفطور و تخرجني نلعب..دابا ما بقات كدير ليا والو تا لحلوى لي كتعجبني معوداتش صوباتها ليا....
عصام حط جبهتو على جبهت ولدو : ياك قلت ليك نتا لي خاصك تكون بابات ماماك صافي دغيا نسيتي...
حاتم ضحك بشوي حط يدو على راسو بخجل : نسييت ....
ردت فعلو ولدو ضحكاتو قرصو فخدو لمطبز : متعاودش تنسى هضرتي ليك ...ماماك مريضة ونتا لي اتقابلها تا نرجع صافي.....
حاتم ببرائة شاف فباباه: علاش فين انمشيو...
قبل ما يجاوبو تسمع صوت تقيل حداهم .....
هاجر: اتخليني....
دور راسو ليها لقاها حالة عنيها كتشوف فيه ...بشوي قربات ليه و عنيها فعنيه عودات نطقات...
تبسمات بخجل ودغيا توردو حناكها بالقبلة لي عطاها...دخل بيناتهم حاتم لي طاح عليها بتعناق و البوسان تقول عام ما شافهاش فاجئها بقات غير كترمش مصدومة بينما هو صبر تا عيا وهو ينفاجر في حضنها بالبكى....ما عرفات ما دير حسات بالخجل من عناقو و بكائو لي ما فهمات فيه والو..هزات عنيها لعصام و رجعات هبطاتهم لحاتم لي كيبكي..
من عنيها واضح انها معرفاتش تعامل فهاد الموقف..دخل عصام جرهم بجوج لحضنو..دور يدو عليهم كيلعب بحنية فشعر حاتم بينما راسو حطو بين كتف وعنق هاجر....
عصام: غادي تبكي معاك ماماك احاتم ....
حاتم كيشهق فحضن هاجر مخبي وجهو بين صدرها:غير توحشتها و صافي...
عصام تبسم بحنية فولدو ورجع هز عينو فهاجر...حسات بنضراتو وهي دور وجها لعندو و بحكم كانو قراب لبعض نيفها قاس نيفو و انفاسو ساخنة فلحو وجها.... وقبل ما تستوعب نفسها حسات بفمو فوق فمها قبلها بخفة وقبل ما يبعد دور لسانو على شفاها المغلقة خلى سخونية طلع معاها ...
بزربة هبطات راسها كتخبي وجها بشعرها و عقلها كيدور فالخوا...عضات فمها بجنب مغمضة عنيها بصوتو لي كيهمس ليها حدا ودنها...
عصام: تا انا توحشتك ازلزالي....
عوجات راسها بدغدغة ديال صوتو لي جاب ليها تبوريشة..بزربة بعدات منو لقنت لأخر ديال ناموسية من هز فيهم حاتم راسو....
حاتم شاف فباباه و رجع شاف فماماه..صغر عينو عاد نطق : واش باسك؟؟؟؟...
هاجر خرجات عنيها : انننننننن...
حاتم باسها فخدها و بعد بشوي هبط من ناموسية: هاني انخرج برا نجلس مع سمير....."شاف في باباه"....ماما مزال مريضة متبوسهاش بزاف.....
خرج خلاهم بجوج ..عصام بقى كيحك فلحيتو عاض فمو من جنب ..دور راسو لهاجر لقاها تخشات تحت لفراش كتويل بصوت عالي جابت ليه ضحكة...تخشى حداها دور يدو على خسرها جرها عندو لاصقها مع صدرو لعريض حط راسو فعنقها قبلها قبلة حنينة وشم ريحت عبقها براحة....هز ليها يديها شبكها مع يديه وزاد خشاها فحضنو اكثر و بصوت حنين نطق....
عصام: سمحي ليا ....
هاجر بالخجل لي فيها ومزال ممولفاش هاد لمسات الحميمية كتحاول تهرب ما بين احضانو تا سمعات كلماتو عاد هدأ جسدها ..بقات مدة هادئة بين يديه وهو بكل اسف و حزن كيعاود يطلب منها سماحة و بديك طيبة و الاخلاص و الالم لي فصوتو خلا داكشي لي شادة فقلبها يخرج وبدون شعور طرطقات بالبكى فحضنو بحال طفل صغير وهو كيقبلها فعنقها و خدها و جبهتها قبلات متفرقة...
عصام: ششش باركة من لبكى عنيك كضرك...
هاجر بصوت متقاطع اتر بكائها : انا ما درت ليها والو هي لي ضرباتني انا و الله ما قلت ليها شي حاجة....
عصام دورها عندو..حط جبهتو على جبهتها كيمسح ليها دموعها : عارف احبيبة انا لي غالط مكانش عليا نخليك معايا....
تقطع صوتها بكلماتو ..خرجات عنيها فيه و دموع نازلين على خدها يينما هو كمل كلامو بحنية....
عصام: بغيتي تمشي تجلسي عند والديك....
بدون شعور منها شدات ليه فقاميجتو مزيرة بداك الخوف لي تملكها بكلامو ودموعها زادو هبطو كثر نطقات بدون وعي : لااا..نبقى معاك.....
كيشوف فيها من جاج ديال الغرفة لي متوسطاها بجسدها الهزيل و شعرها الأسود طويل نازلين اطرافو على البياص.. عيونها البريئة كيدورو في المكان لي هي فيه بلباسها الأبيض ..دايرين عليها الممرضات كيديرو ليها إشارة تنعس باش دخل دير سكانير كامل..تكمشات فبلاصتها مخلوعة منهم و عنيها كيدورو تا جات فجاجة لي واقف فيها عصام كيشوف فيها....
بنضرة حزينة شافت فيه مدورة يديها على داتها كتهرب من لمسات الممرضات بخوف ....دار ليها إشارة بعينو متخافش و تبع معاههم كلامهم...
بعد تردد نعسات فوق البياص وبعدو خلاوها دخل...رجعات شافت فيه هزات يديها بحال شي طفلة كتودعو وهو واقف في مكانو وعيونو على يديها لي كتودعو خلات قلبو يتخبط بجهد بين قفصو الصدري بألم.....
حط جبهتو على جاج كيبرد راسو ببرودة الحائط زجاجي و الاطباء حداه متبعين فشاشة قدامهم الحالة ديالها....تنهد طبيب براحة وقرب حدا عصام....
طبيب: حمدلله ما عندها تا شي مضاعفات قلبها رجع لحالة طبيعية ديالو و جسدها فأحسن حالة..."هز عينو لعصام"...شنو غادي دير دابا واش اتخليها حداك ولا اتبعد...
عصام خاشي يديه فجيبو معطاهش جواب و انما جاوبو بسؤال: تقدر ترجع ذاكرتها فهاد الحالة لي هي فيه ؟؟...
طبيب: ما نقدرش نجاوبك كلشي بيديها هي تقدر تدكر او تقدر لا...او بألأحري حط تسائل علاش نسات بتحديد هاد سنوات و منساتش كل دكرياتها..علاش بتحديد نسات السنوات لي عرفاتك فيهم و كأنك عمرك كنتي فجنبها...
عصام هز فيه حجبانو بجوج : بغيتي تقول انا سباب....
طبيب: معنيتش بكلامي هادشي ولكن حالتها هي لي كتجاوب على تساؤلتنا..حاول تذكر شنو وقع بيناتكم اخر مرة قبل ماتفقد داكرتها واش جرحتيها ولاهنتيها ولا شي حد دار معاها شي حاجة خايبة و كرهات كلشي وبدون وعي دكرياتها معاك ختافو بعد الحادث...
دور عصام راسو لجاج بصمت فقط عيونو لي كيتحركو فبلاصتها وعقلو خدام كيرجع كل لي دوزو معاها قبل الحادث ..
تفكر كل لي وقع..فلحظة توقف عقلو عن تفكير بعيون مرعبة تفكر من دخل الفيلا داك نهار لقى هاجر كدابز مع مايا وبمعرفو بهاجر مكتجبد الا لي جبدها ...عض شفاهو تحتانية مزير...هز تليفون بين يديه كتب ميساج ورجعو فجيبو..بسرعة تحولو ملامحو لملامح هادئة من شافهم مخرجين هاجر لغرفة ديالها وهي ناعسة...
جلس بقربها كيحرك صبعو على حناكها و كيدور يدو على شعرها بحنية وكل مرة كيسرق ليها قبلات من شفاه ديالها ....تبسم من شافها خصرات ملامح ديال وجها...
عصام :نعاسة نوضي باركة عليك....
هاجر دايخة بنعاس : فوقاش خرجوني....
عصام دور يدو على خسرها هزها بشوي قاد ليها الجلسة وهي دايخة كتمشي وتجي فبلاصتها كلاها بيدو كيضحك : غير دخلوك و خرجوك دغيا نعستي...
هاجر كتحك عنيها بضهر يديها : كنت خايفة ومن دخلت تم جاني نعاس و نعست....
عصام باسها فجنب فمها : عارفك كتبغي نعاس ابنتي هادو هما عوايدك من نهار تزوجنا....
عضات فمها بجنب بخجل و حناكها كيحمارو فكل مرة كيقبلها كيجيب ليها شلل..بزز باش بعدات الحشمة من صوتها ونطقات بشوي : بغيت نسولك...
هاجر ميلات راسها ببرائة وشافت فيه بصدق : عندك هادشي كامل و تزوجتي بيا انا ؟؟؟....
عصام زاد كمش حجبانو متبعها فهضرتها : علاش نتي مالك؟؟...
هاجر كتشوف فيه من تحت رموشها : انا معرفاش راسي كيف كنت ولكن على حساب ماسمعت كنت غيير حمقة مقطعين ليها لوراق ....
عصام حط يدو على جبهتو جابت ليه ضحكة بكلامها..رجع هز فيها عينو وغادي معاها فهضرتها : علاش الحماق مكيتزوجوش!!...
هاجر رمشات بسرعة تبهضات فجوابو وبديك براءة طفلة لي فيها نطقات : ولكن نتا بكوص ولباس عليك وكلشي فيك زوين واي وحدة تمناك راجلها علاش خديتي حمقة بحالي....
عصام جر لمخدة تحت من يدو تكى عليها وهي جالسة قدامو هز ليها خصلة من شعرها دورها بين صباعو و ببحة رجولية قال : عجبتيني و بغيتك و خديتك هادشي لي كيهم حاجة خرا كتقاد مع الوقت .....
هاجر هبطات راسها ليه : غير هادشي لي كاين ما كانت تا شي حاجة خرا ؟؟؟...
عصام قراها من عنيها عرف عندها شي حاجة كتكل فيها : بحالاش هاد الحاجة....
هاجر بخجل و صهدة طلعات معاها : زز زعمة نن نكون ح حملت مم منك قبل زواج!! وهادشس علاش تزوجتيني..
عصام حل فيها فمو وخرج فيها عينو بصدمة لي صدماتو ماعرف باش يرد عليها بقى غير كيشوف فيها بصمت وعقلو طار مع كلمة "حملت منك قبل زواج"..
ولو بعد كل هاد سنين لي عاشرها فيهم وحاول يفهمها بكل جهدو ..لكن ما زالت ليومنا هاد كتصدمو بكلامها و كدالك افكارها .. بقى غير كيشوف فيها ما عرف يضحك ولا يسكت ..تخلطو ليه تا هو لعرارم معاها فهاد اللحضة ...
حل فمو يهضر و قبل ما ينطق رجع سكت كيراجع كلامو فراسو ..غمض عينو و رجع حلهم كيشوف فيها وهي غير متبعة ليه العين...حنحنح و نطق بشوي..
عصام : شكون قال ليك هادشي....
هاجر هزات كتافها : تا واحد ....
عصام هز حاجب و هبط لخر : و منين جبتي هاد الهضرة..
هاجر شافت فجنابها وهي تقرب ليه جلسات على طرف المخدة لي متكي هو عليها قالت : دابا عقلتي نهار لي قال ليا حاتم عندي تا انا لفلوس و الوطيل ..
عصام حرك ليها راسو : اامممم كملي ...
هاجر : وتم فين عرفت راسي مكحلة دواصة ديال بصح...
عصام عقلو حبس باش يفهم كلامها دار راسو مكلخ معاها : كفاش زعمة ؟؟؟....
هاجر : ياء على كفاش وراه باين كلشي ..."هزات ليه يديه سرحاتها مع يديها و حاطة صبعها كتخطط بيه فوق كف يدو كتشرح ليه "...دابا بنت جارتنا كانت مصاحبة مع واحد شارف لباااس عليه وباش تحكمو ناضت حملات منو و جا خطبها و تزوجها ..."حطات صبعها على فمها "...هادشي ما فراس تا واحد غير انا و ختي سومية لي فراسنا حيت هاد لبنت كانت صاحبت ختي ما كتخبي عليها والو و جات سومية وقالتها ليا و دابا انا قلتها ليك تبقى غير بيناتنا ...
عصام كمش دوك الحجبان لوسط كيدور كلامها فراسو : دابا بغيتي تقولي نتي درتي بحال صاحبت ختك و طيحتي فيك شارف لي هو انا ....
هاجر طلعات فيه عنيها و هبطاتهم : لا نتا مشارفش ولكن زين و زينك رومي ماشي بحال ولاد دربنا ....
عصام عض شفاهو من لتحت مبتاسم جابت ليه ضحكة وغادي معاها فطريق كلامها : يعني كنعجبك.....
هاجر من نيتها جوبات : كاين شي قط كيهرب من دار العرس ..نتا راه ماشي غير عجبتيني علم الله اش كنت كندير عليك قبل ما نتزوجو وكيف تا طيحتك و تزوجنا...." صغرات عنيها و الحشمة طارت "....دابا جيني نيشن زعمة ما درناش داكشي قبل زواج ....
عصام البسمة زادت وساعت ليه كثر و وجهو ولا حمر كيضحك عليها غير فخاطرو ..جر نفس بجهد عاد نطق تابعها فهبالها : علاش بالنسبة ليك ساهل ديري هادشي قبل زواج....
هاجر دغيا خسرات ملامحها : اعودو بالله بغيتي خويا جواد يعلقني و هتلر تكمل عليا بداك المدلك...
هاجر : وهنااا فين كاينة المشكلة كون كنتي شي واحد خايب منشكش فراسي ولكن نتا زيييين و عندك لفلوس من لفوق وما نعرف شيطان يكون غرني و درتها معاك ....
عصام عيا ما يحبس فضحكة لكن غلباتو بزز عليه ..طاح كامل فوق المخدة كيموت بضحك عليها ...
عصام عيا ما يحبس فضحكة لكن غلباتو بزز عليه ..طاح كامل فوق المخدة كيموت بضحك عليها ... خلاها مهبوضة فضحكتو وشكلو لي كيزيدو وسامة على وسامة فكل مرة كيتبسم فقط فما ادراك انه يضحك امامك بهاد شكل طفولي كيخلي قلبك يتزلزل فمكانو بدون شعور...
حطات يديها على قلبها وعنيها فيه بمشاعر معقدة تملكوها وخلاو داتها كلها تسخن ...احساس بعيد كل البعد عن الاحاسيس لي كتعرف ...احساس لي دغدغ معدتها كأن هناك فراشات كيلعبو فيها و الحمورية طلعات لحناكها مزنكة ...عضات فمها من جنب و عنيها محطوطين على الشفاه ديالو بدون شعور قربات ليه و ببطء حنات راسها لعندو ....
توقف عن الضحك من شافها كتقرب ليه بوجها حمر و عنيها محلولين نصف حلة وفيهم بريق قريب ..لبريق لي غير عصام لي كيعرف الماهية ديالو و منين جاي لأنه الوحيد لي روض جسدها وعرف كل حراكتو اتجاه مطالبه.....تبعها بعينو وهي هابطة حتى وصلات لشفاه ديالو ببطئ غمضات عنيها ونزالت شفها ضد شفاه ديالو بقبلة حنينة و بريئة لدرجة لامست شفاه ديالو فقط ....هزات راسها وعنيها معسلين شافت فعيونو بصمت ....ديك نشوة لي جتاحت جسدها خلاتها تقبلو بدون وعي بنفسها....
بقاو كيشوفو فبعضهم وزادو دوك الاحاسيس خلاوها ترعد فمكانها...حس بيها وهو يمد يدو لعندها ..حط صبعو على شفاه ديالها كيحركو ببطء و بلمسات دافين هبط يدو لجنب عنقها كيلعب بإبهامو جنب ودنها جاب ليها تبوريشة ...جرها عندو بشوي وهي بدون وعي هبطات عندو..دور يدو على خسرها نعسها فوق منو و دور يد لأخرة على عنقها و بدون ما يعطيها وقت لتفكير نقض بجوع وعطش على شفاهها الوردية كيقبلهم و يمصهم بتلدد وهي كتأن وسط فمو بلسانو لي دخلو فأعماق فمها كيتحارب مع لسانها لي شتاق ليه و ريقها لعسلي لي كيسكرو كأنه شراب عتيق من القرون الوسطى .....
زاد طغا عليها كتر فالقبلة حتى ولات كتركل بين احضانو المتوحشة عاد طلقها و صدرو كيطلع و يهبط ..خلاها ترجع أنفاسها وهبط لعنقها كيقبلها في كل جهات و صوت تنفسها العالي كيزيد يشعل فيه العافية ....ما قدرش يتمالك اعصابو تجاها لأنه مشتاق ليها لدرجة كبيرة.....رجع هز عينو فيها دور شعرها ورا ودنها مستتار بملامحها الشهوانية و عيونها العسلية...خرج لسانو لحس ليها طرف فمها لي نازل منو ريقها العسلي...
شافها مقطعاتوش وساهية فيه بشهوة ..بسرعة قلبها تحت منو و طلع فوق منها ..تبسم نص تبسيمة برضى من شاف تفاعلها معاه ..
عصام غمزها بحب : شنو دابا هانتي جيتي لبين يدي ندير بيك ما بغيت مكاين لي يمنعني .....
كان منها فقط انها تبتاسم وراء كلماته كأنها تملة بقبلاته لدرجة معرفات باش تجاوبو فبتسمات ليه فقط ....
ديك الابتسامة البريئة و الخالية من جميع الشهوات لي رسماتها ليه خلات قلبو يتهز كتر بين اضلع ديالو ..تأوه بصوت مرتفع بألم ...حط راسو فوق كرشها كيمرغ وجهو في احضانها و كيتنهد بجهد ....
هاجر حطات يديها فوق من شعرو و نطقات اسمو بحنية : عــصــام....
عصام زاد ساط بجهد : علاش كديري ليا هادشي علاااش...
هاجر بدون فهم بعدات يديها من فوق راسو وهو يشدها ليها ورجعها حطها وسط شعرو...
عصام : خليها ..."نزل كل جسدو على ناموسية وتوسد كرشها بألم نطق "...بغيت نرتاح خليك معايا شوي ....
دور يدو على خسرها مزير عليها مغمض عيونو و هي بصمت بقات كدور يديها على شعرو بحنية..تحل صمت فالغرفة وجسدو ترخى ...جرات يزار غطاتو مزيان حاضية وجهو لي مقابل معاها و فنفس الوقت كتحاول بكل ما فجهدها تدكر ولو شوي من داكرتها الضائعة لكن كل مرة كتبغي تدكر كيزيد الالم لراسها حتى ستسلمات...ورجعات كتشوف فيه بدون ملل ولا كلل واضح من عنيها اعجابها بيه و بشكلو و تصرفاتو معاها....
هبطات راسها لعندو باستو فخدو و بخجل نطقات وهي ساهية فملامحو :نتا راجلي...انا مراااتك... وحاتم ولدنا....
عضات فمها من لتحت ورجعات لبلاصتها كضحك غير وحدها وكل مرة تعاود تنطق نفس الجملة....
تحل باب ديال الغرفة ودخل بشوي..وقف امام الباب و يدو على الباني كيشوف فهاجر وفعصام لي نعاس في حضنها...بسرعة هبط عينو ورجع خطوةلور ايخرج حتى توقف بصوتها...
هاجر: سمير...."دار كيشوف فيها وهي حركات ليه يديها "... اجي...
سمير بتوتر بقى كيشوف فيها وفجسد عصام لي ناعس وفي يديها لي محطوط فوق من يديه قال : غير خليني واقف..بغيتي شي حاجة نجيبها ليك....
بتسمات ليه بلطف و نطقات بصوت حنين : كونان ...
بدا قلبو كيضرب بجهد بنغمة لي نطقات بيه الاسم لي كانت كدلعو بيه...شكلها رجعو لأول نهار شافها امام المدرسة و تبعها بحال لهبيل...
كل ديك المشاعر لي كان مخبيهم في اعماقو حاربهم كل هاد سنوات رجعو دقة وحدة..فلحضة وحدة ...كان يكفي تنطق اسمو كيف كانت كتنطقو ايام كان غير هو وياها راس فراس ولا وجود لعصام بيناتهم رجعات ليه كل دوك المشاعر لوجود وخلا قلبو يدق بجنون....
زادت جراتو عندها قرب ليها كتر و وجهو تقابل مع وجها الفاتن و ابتسامتها المحببة..حطات يديها على خدو بلطف بينما هو كهرباء سارت في كل انش من جسده بلمساتها الدافئة...
سمير بصوت متقاطع نطق اسمها :ه ا ج ر..هاجر...
هاجر بنفس الابتسامة و الحنية نطقات : وليتي زوين بزااف كونان ..."باستو فخدو "....شكرا حيت بقيتي فجنبي....
غمض عينو بدون شعور بديك القبلة لي عطاتها ليه فخدو ورجع حلهم بألم كينهش قلبو ...عيونو بتلو بدموع حل فمو يهضر و رجع سكت ...جر يدو من يديها و خطا خطوة لوراء بعد منها ....بسرعة دار وبخطوات سريعة خرج من الغرفة و دمعة حارة هابطة على خدو....
فور ما خرج حل داك الأسد النائم عينو مزير على فكو كيتنفس من نيفو و بصمت رجع سد عينو ومزال تتفسو حاد.
خرج من المستشفى كامل وكلو كيترعد و كيسوط بجهد....ركب فسيارتو كيسوط بجهد و يحرك راسو يمين و شمال و كيهضر بجهد....
سمير:لاا سميررر متفكرش نساااااا نسااااا هي دارت فيك غير خير..دارت فيك غيير خير.....متخووونش.. متخووووونش...
عض فمو من لتحت بجهد و تنخصيصة طلعات معاه هزات كل اطراف جسدو كأن زلزالاً اصابه..حط يدو على حنكها مسح دمعة بطرف صبعو وشاف فيها بحزن...
سمير: نتاا لي بغيتي هي عمرها بغاتك..كنتي حمق وغادي تبقى حياتك كلها حمق بنسبة ليها و عمرك غادي تولي راجل فعنيها....نتا غيير كونان فعنيها فقط كوناان عمرك غادي ترجع سمير ....
بألم حط راسو على لكلاكسون حط يدو فوق راسو وبداكشي لي هاز فقلبو و كيحرق فيه كل هاد سنين بكى و بكى بصمت فقط دموعو لي كيهبطو على حناكو كيوضحو الحريق و العداب لي عندو لداخل....
فصمت لي هو فيه و كيتسمع غير صوت تنفسو الحار صونا تليفونو ....بزربة مسح دموعو وهزو ضناً انها لخدمة ولاعصام حتى كيشوف اسمها طالع فشاشة ديال الهاتف ديالو...و لإسم لي عمرو تاصل بيه ليوم تاصل وهو في اوج انكسارو وضعفو ...
حط راسو على لكرسي وقبل الاتصال بهدوء حط تليفون على ودنو وبصوت ضعيف نطق...
سمير :الو...
كان الصمت من طرف الاخر....صمت طَوَلْ وسمير تاهو ساكت فقط تنفسهم لي كيتسمع عبر الخط و بصوتها الهادئ كسرات صمت...
اريج: مالك....
سمير بتعب نطق: والو غير لعيا ديال الخدمة...
اريج: صوتك!!!
سمير نحنح بشوي :مالو؟؟
اريج:بدون رد..
سمير وخا معندوش الخاطر نطق بشوي: بغيتي شي حاجة ...
اريج: بدون رد....
فقط صمت من طرف الاخر نفس الرد على كل كلامو لي هو صمت من طرفها... من شافها ساكتة تاهو سكت كيسمع فقط لأنفاسها وحركاتها ورا الهاتف ..
كيسمعها كتهضر مع ماماها ومرة مرة صوت ديال اواني المطبخ و مرات صوت تلفازة و احياناً اخرى صوت ضحكاتها مع باباها...
فلحضة نساتو العالم لي هو فيه وجبداتو لعالمها خلاتو يعيش معاها الجو لي هي فيه..مخلية المكالمة بيناتهم وكتصخر وتهضر مع والديها عادي
حتى غمض عيونو براحة كيسمع ليها بهدوء و كأنه حاضر كيشوف كلشي بعينو....
سمع صوتها كينهج عرفها طالعة فدروج دخلات لبيتها سدات عليها ورمات تليفون فوق ناموسية دارتو يتشارجة ومشات طلقات شعبي طلقاتو على جهد وجلسات كتحضر و تشط تا دخلات عليها سومية ورجعو يحضرو ويشطحو بجوج خالقين سعادة غير بوحدهم ..
هزات عنيها فبابها لي دخل عندهم كيلوح عليهم لفلوس و يشطح معاهم دارو عرس غير بوحدهم....
كلشي داز على ودنين سمير لي بدون شعور ضحك من كل قلبو على الحالة لي دايرة هي و والديها عارفها جنية و مكتحمشم منهم ولي بغاتها ديرها وخا يوقع لي يوقع ...دوك دموع لي كان كيبكيهم بألم رجع كيبكيهم بضحك ....
سكت عاض فمو و مزال البسمة مرسومة على ملامحو من سمع الحس تقطع من طرف لأخر...شاف تليفونو لقاا لإتصال مزال ماتقطع...رجع حطو على ودنو كيحاول يسمع حتى حس بيها طاحت فوق ناموسية
حدا تليفون تخشات فالفراش وجرات تليفون عندها شافتو مزال شاد الخط وهي ترجع حطاتو حداها وغمضات عنيها بدون ما تنطق حرف واحد حتى ولا فقط صوت شخيرها لي كيسمعو....
رجع كرسي لور ديال طونوبيل و غمض عينو تا هو وخلا الخط مفتوح بيناتهم و تليفون حاطو على ودنو كيسمع لصوت شخيرها و بهدوء كيشوف سما من جاج لأمامي ديال سيارة حتى غمض عينو و نعس براحة...
في لغرفة عند هاجر..بقات كتشوف فالباب ليخرج منو سمير بهدوء و البسمة على طرف فمها....
رجعات هبطات عنيها لعصام بان ليها وجهو ولا حمر..ضنات ان لغطا سخنو وهي تهبط عليه لزار لخسرو كتلعب ليه فشعرو....
خلاتو فبلاصتو وهبطات بشوي هزات عكازها و خرجات من لبيت وخا رجلها كضرها لكن ولات تقدر تعفط عليها شوي....
وحيت لغرفة لي هي فيها كان على شكل جناح كانت تا لغرفة تانية ديال نوم ..دخلات ليها بهدوء بان ليها حاتم ناعس بوحدو وهي تمشي عندو هزاتو بين يديها حطات ليه راسو على عنقها و غير بشوي مكالية نفسها بالعكاز داتو معاها ..
ما وصلات لبيتها تا ولات كتقطر بالعرق..حطات حاتم حدا عصام قدات ليه بلاصتو مزيان وغطاتو ..بقات ساهية فيهم بجوج حتى ختارق صوتو صمت لي هي فيه...
عصام: اجي...
رمشات عيونها من شافتو كيشير لبلاصة لي حداه تنعس معاه....حطات لعكاز وبشوي طلعات عندو تكات على دراعو عاطياه بضهرها ...دور يدو على خسرها لصقها معاه و حط راسو ما بين عنقها و يدو دخلها تحت من حوايجها كيلعب فكرشها و كيطلعها تا كيقرب لصدرها و يرجع يهبطهم تا كيقرب لفرج ديالها و يرجع يدير نفس الحركة وهي كتلون بلمساتو....
حطات يديها فوق من يديه بخجل نطقات: ششس شنو كدير....
عصام دورها عندو قابل وجها مع وجهو و عينو مع عنيها..حط صبعو على شفاه ديالها فارقهم مع بعض ونطق بهدوء عكس الاعصار لي هو فيه : بستيه....
هاجر رمشات عويناتها فيه ببرائة : انا نسيتو غير داكشي لي عاودتو ليا عليه صافي ولكن ما عرفتش من كنشوفو كنحس بشي حاجة فقلبي غريبة بزااف....
عصام تزير بدون ما يضهر ليها هادشي قال : باش حسيتي....
هاجر : ما عرفتش ماشي نفس الاحساس لي كنحسو معاك نتا بوحدك وخا نسيتك عندي احساس اني كنعرفك وماشي غريب ومن كنشوفك قلبي كيولي يشطح و معدتي كتبدا تقلب بحال دبا و انا معاك بحالي فيا شي مرض ....
عصام هز فيها حجبانو بجوج وهي تقول..
هاجر : وحق الله ما بحال بحال و سمير وخا نسيتو وعاودتو ليا عليه جاني عادي ولكن دابا من وقف قدامي وجات عيني فعينو حسيت بشعور غريب بزااف نفس الشعور لي
كنحسو تجاه حاتم حسيتو تجاه سمير بحالي تا هو ولدي وبلا ما نحس براسي قلت شي كلام ما عرفتو منين جا و بستو .."خرج فيها عصام عينو وهي تحط صبعها على خدها ".....والله غير فخدو ماشي بحال بوساتك وحق الله غير فخدو....."باستو في فمو بخجل وهبطات راسها"....غير نتا بوحدك لي كنبوسك هاد لبوسات تا من حاتم مكنبوسوش تم غير نتا بوحدك لي كتقرب لفمي صافي....
خلاتو غير كيرمش تاني باين هاد ليلة مغادي يشوف فيها نعاس بهاد لكلام لي طاح عليها من سما وما عرفات طيحو غير من جابت حاتم نعساتو وسطهم...كمش حجبانو كيعاود يرجع كلامها من قالت "قلت شي كلام معرفتو منين خرج"....رجع شاف فيها كيحاول يقراها من عنيها لكن ما بان ليه والو صفحة بيضاء ولا وجود لأي داكرة...جبدها عندو نعسها فوق صدرو و تنهد بجهد و كيفكر غدا كيف ايدير معاها وهي لي ولفاتو حداها و فجنبها ....
قلبان لا يلتقيان الجزء الخامس
محتوى القصة
التنقل بين الأجزاء