قلبان لا يلتقيان الجزء الثامن

من تأليف Fatima Z-F
2020

محتوى القصة

رواية قلبان لا يلتقيان (إنها زوجتي 2)

بالحرف طبقات ما شافت امام عنيها و نيتها ديما غالبة من عند الله وبلا ما تفكر جوج مرات توجهات عندو ونطقات بكل صدق "واش نحك ليك"..هاد الكلمة لي سمعاتها من مرت خوها ما مرة ما جوج تا جا فبالها ان لمرا تحك لراجلها شيء عادي جداً ومن الواجب عليها...

دخلات وحناكها حومر ايطرطقو بالحشمة و يديها كيعصرو حوايجها بتوتر..بغات دور عندو وهو ينطق بهدوء..

عصام : بلاتي ...

هز شورط ديالو لبسو من شافها حشمانة بزاف مبغاش يزيد عليها وهما فدار نسابو ..نحنح باش دور عندو ..

هاجر دارت عندو وعنيها فجهة اخرا مقدراش تهزهم فيه قالت : درتي صابون لبلدي...

عصام تكى على لباب كيشوف هاد تغيير لي ما فهم فيه ولو: معندك علاش تعدبي راسك غادي غير ندوش...

هاجر هزات فيها راسها : لا مكاين تا عداب غير جلس وانا انحك ليك ..

عصام بلا ما يحس تبسم : الله يهديك راحنا جالسين فدار والديك ...

هاجر بخجل : لا كلشي لفوق ولبيت ديال برا سداه ما ايدخل تا واحد ..."مشات لجهة شبكة لي كانت موجدة فيها لوازم لي ايحتاج و كتهضر فنفس الوقت "..انحك ليك غير بشوي ما غاديش نقصحك ...

عصام جاتو ضحكة : غادي غير تعرقي و يضربك لبرد غير خرجي انا انتكلف بهادشي راسي...

هاجر شارت ليه لبانيو ديال دوش : لا نتا عاد جيتي من سفر اتكون عيان غير خليني انا نتكلف ...

شاف تا عيا وهو يمشي جلس فالبانيو ديال دوش حاط يدو على جنب وهاز حجبانو فيها بينما هي قربات ليه هازة رشاشة خوات ليه لما على داتو كاملة شافت زيف كيزلق ليها وهي تحيدو علقاتو فالعلاقة و رجعات عندو هزات صابون بلدي و بيديها صغيورين دوزاتو على لحمو دارت ليها بحال دري صغير تحنات على كرشو كدوز وهو عينو غير عليها وهبطات لفخاضو تال رجلو خلاتو بزز منو يعض فمو ...رجعات خوات عليه لما شلاتو كامل من صابون عاد هزات كيس رطباتو بالما و هزات ليه يدو وشافت فيه ..

هاجر : غادي نحك ليك غير بشوي بلا متخاف ....

هز فيها حجبانو بجوج وهي بدات فالخدمة من نيتها بدات فلول رطبة غير بدا كيبان ليها لوسخ وهي تبدا تورك بجهد فين ما كدوز كتخلي ليه جلدة حمرة عرقات و الحوايج لصقو عليها و خنقوها .. حيدات تريكو لفوقاني وسروال ديال بيجامة بقات غير بدوني سميطات وشورط ديالو و صدرها منفوخ فين بغا و الفرقة ديالو كتاب..تخشات فالبانيو كتحك ليه رجليه وهو يشد ليها يديها...

عصام : باركة عليك انا انكمل...

هاجر حركات راسها و وجها حمر : مغادي تحك والو شوف شحال مسخ واش ماعمرك حكيتي ولا مشيتي لحمام...

عصام عض جنب فمو وعينو كيبريو : مولف غير ندوش ما عمري مشيت لحمام ..

هاجر هزات ليه رجلو حطاتهم فوق فخاضها كتحكهم : معدرت هادشي عندك مبغاش يحبس خاص بعدا كل شهر تمشي لحمام...

عصام غمض عينو بجهد : غير بشوي كاين زغب تم ...

هاجر تخشات وسطو كتحك ليه كرشو :غير صبر قربت نسالي.."عضات فمها مخسرة سيفتها"..هز يديك....

عصام ما عرف ما يقول ولا يجاوب ولا يرد عليها اول مرة فحياتهم الزوجية كدير معاه هادشي بل اول مرة فحياتو كيحك ليه شي واحد بهاد طريقة ..حس براسو بحال شي طفل بين يديها وفنفس الوقت كيتحكم فنفسو مباغي يدير والو فدار نسابو....


شللاتو كامل وعودات ليه لحكة لمرة تانية تا صخفات و ولات كتنهج عاد تنقا..دوزات عليه صابون ودارت ليه شمبوان غسلات ليه شعرو مزيان ومن نيتها خدامة مركزة معاه فكلشي ..شللات يديها وغسلات وجها باش تخرج..لبسات بيجامتها ودارت علهيا زيفها و دارت عندو كتنفس بجهد ...

هاجر : عيت مبقيتش قادرة نبقى تشلل وخرج هاني كنتسناك برا ...

خرجات بدون ما تسنى يرد عليها..حط راسو على جنب البانيو وعلى تغره ابتسامة رائعة وفرحة باينة فعينو ...بينما هي خرجات توجهات لبيتها بدلات حوايجها كاملين لي عرقات فيهم دايرة فبالها تا تبغي تنعس عاد دوش .. لبسات كيطمة ديالها عادية بالغوز بارد شافت راسها فالمرايا بانت عليها لاصقة بزاف وهي تلبس من فوقها تريكو طويل غطاها كاملة....حطات حوايجها فسلا وهي تخرج من سمعات لباب دوش تحل...داير فوطة على خسرو وفوطة حاطها على عنقو كينشف بيها راسو تبسمات ليه بخجل....

هاجر : بصحة وراحة ...

عصام بنفس الابتسامة : الله يعطيك صحة ..."دخل لبيت بانو ليه حوايجو مقادين فوق ناموسية والعاصير مع الحلوى محطوطين فوق طبلة دار عندها بإستغراب"..نتي لي صاوبتي هادشي...

هاجر حركات راسها بشوي : ااه انا.."هزات كاس لعصير مداتو ليه"..شرب ايحيد ليك صخفة ..

خدا منها لكاس وجرها من يديها باسها ليها من لكف ومن أعماق قلبو نطق : الله يرضي عليك ...

هاجر ميلات راسها بتسمات بحرج ما عرفات ما ترد عليه ...حط يدو على خدها كيحرك ابهامو بلطف بدون ما ينطق باسها فراسها و بقبلات ممتالية هبط على طول حنكها حتى قرب لفمها وهو يحبس كيستنشق أنفاسها و كيشوف خدودها لمتوردين ردد بصوت ضعيف قريب لهمس ..

عصام : شكرا بزاف اول مرة كيدير معايا شي حد هادشي...

هاجر ببرائة هزات فيه عيونها : علاش مكنتش كندير هادشي معاك ...

غمض عينو وحرك راسو : لا اول مرة ...

هاجر من نيتها تبسمات: صافي انبقا انا ندير ليك هكدا ديما ...

بإبتسامتها البريئة ونيتها الصافية لي خلاتو غير كيشوف حط فمو على جنب فمها قبلها بلطف وبعد خلاها حمرة كتشوف لتحت حدا رجليها ...توجه لفاليز ديالو جبد بواطة صغيرة قرب حداها وحلها قدامها ..شافتو جبد خاتم وهز ليها يديها اليسرى لي صغيرة وسط يدو بحال شي طفلة دارو ليها فصبعها وهزها لفمو باسها ليها ونطق بعشق ضاهر فصوتو ...

عصام : هدا خاتم زواجنا عمرك تحيديه.."حركات راسها و بإعجاب كتشوف فالخاتم" .. عجبك...

هاجر بفرح : زويين بزاف .."بالفرحة ليها فيها تهزات على صباع رجليها باستو فخدو وعنيها كيبريو" .. شكراا بزاف ما عمري نحيدو من صبعي...

دور يدو عليها بكل شغف و اشتياق مزير عليها باغي يخشيها فقلبو و يخبيها من الجميع ..دخل راسو فعنقها باسها وهمس ليها حدا ودنها...

عصام : أي لوف يو ماي وايف " I Love you My wife"...


دابت وسط حضنو و بلكلمة لي نطق رغم انها مفهمتهاش ولكن بداك صوت المبحوح خلا قلبها يضرب بجهد..تهزات وسط منو من سمعات مها كتعيط عليها...بعدات منو كتنش على وجها لي ولا حمر...

هاجر: انطلع نشوف ماما اش بغات لبس نتا حوايجك ورتاح تا يطيب لعشا و نعيط عليك...

لبسات بزربة مشاية ديالها ولوات عليها زيف هاربة منو ...حط يدو على وجهو كيسوط ما عارفش كيف يدخل لهضرة لسي حميد يمشي بحالاتو حيت مزير راسو بزز وزيد عندو شلا ما يتكلم بيه مع هاجر..تنفس بجهد ورجع هز كاس عصير كيبرد على راسو وفنفس الوقت كيضحك من شاف لفوكا ردد بصوت هامس..

"باغية تخرجي عليا ابنتيما فيها شك"....

طلعات فرحانة بالخاتم لي فصبعها...دخلات عندهم لكوزينة بعيون كيلمعو هازة يديها كتوريهم..

زاينة: هاي هاي غزال هاد الخاتم منين جبتيه...

هاجر بفرح: جابو ليا عصام كادو...

سومية: اوا فرحاتك الالة عطيني نشوف كيف داير...

هاجر خبات يدها: لا عصام قالي منحيدوش من صبعي...

زاينة : اصلا غير انشوفوه مغاديش ناخدوه ليك نشوفو بعدا غير واش دهب بيض هداك وداك لحجر واش الماس ولا عادي...

هاجر حركات راسها بنفي: انا عاجبني وخا يكون ديال نقرا معمر ليا عيني...

سومية هزات حاجب و هبطات لاخر: هاي هاي على البنت غير شافت راجل جا ونسات كاع لي قلنا عليها يكما عطاك الخاتم ونساك فشهر كامل لي لوحك فيه هنا...

كل ديك لفرحة وسعادة لي كانت حملاها تلاشات ببطء وشافت فختها بملامح فارغة نطقات بحزن..

هاجر: هو عاد جا خليه يرتاح وعاد نسولو هو كون كان لاحني بصح كاع ما يجي عندي دابا...

زاينة : اوا سمحي ليا ختي خاصك تحطي حجرة على قلبك ماشي غير جا وتحلي ليه كاملة زيري اصاحبتي وعرفي اش تحت راسو وعلاش غبر هاد لغبرة....

سومية هزات راسها كضحك : يا مرت خويا معامن داوية عرفتي هادي .."شارت لهاجر"...غسلي يديك منها كتجي تال عصام كيتحدو ليها ....

هاجر عضات فمها بجهد بغات ترد عليهم وهي دخل حليمة مخنزرة شافت فسومية و زاينة...

حليمة: بقاو ملهيين فالهضرة ونساو لعشى يتحرق تحشموني مع سيد ..."شافت فهاجر" ...تبعيني نتي عندي ما نقول ليك...

تبعات مها لي دخلاتها لبيت وسدات لباب وقربات عند بنتها مصغرة عنيها..

حليمة: مقال ليك عصام والو...

هاجر بدون فهم: لا مقال ليا والو...

حليمة دورات فراسها : احيانييي ..قربات لعند هاجر مزيان كتهضر بشوي" ..هانتي ابنتي نوصيك ما تمشيش معاه غدا...

هاجر خرجات عنيها : ولكن اماما هو قالي ...

قطعاتها حليمة: واش هو مخليك هنا كتر من شهر و يجي يديك هكداك باردة وفين هاد مو وختو فين مشاو علاش ميجيوش تا هما عندك يرجعوك لدارك..

هاجر تلفات ما بقات عارفة ما دير : ولكن...

حليمة: مكاين ما ولكن من حقك تشرطي كيف بغيتي يجي يعاود يطلب يديك من جديد و يجيب ليك جوج من لحاجة راكي كنتي مطلقة منو ورجعك بلا ما يعاود يطلب يديك ولا يجيب لهدية ونتي مرخيصاش علينا باش يجي ونمدوك ليه هكداك...

هاجر بصدمة شافت فحليمة : كفاش مطلقة؟؟؟...

حليمة: علاش نتي مفراسكش عام ونص هدا ونتوما مطلقين وغير من فقتي ونسيتي كلشي عاد رجعك مراتو وكان واخد ليك لولد كيرسلو ليك غير مرة مرة تشوفيه ونتي هنا عيشة حالتك حالة....

هاجر دنيا دارت بيها : ععع عصام طلقني....

حليمة جراتها من دراعها محمرة عنيها فيها : جمعييي راسك راك كبيرة ماشي صغيرة باش يضحك عليك بجوج كلمات لكان باغيك حنا مغاديش نحيدوك ليه ولكن يرجعك بوجهك حمر قدام العائلة وجيران لي مخلاو ما قالو فيك نهار طلقك...شرطي لي بغيتي مكاين لي يحبسك وزيدي عليه لعرس بلعمارية و بكلشي فاحسن قاعة سدي كاع فام عباد الله لي دوات فيك خايب....

هاجر جلسات فوق ناموسية تالفة كلمة طلاق مكانتش ضاربة ليها حساب وكلام مها خربقها ما بقات فاهمة والو ضرها راسها وبغات تعرف شنو لي نسات ..شنو لي غاب من حياتها وعلاش عصام طلقها وخدا ليها ولدها وهي لي شافت منو اهتمام وحنية حسن من والديها...


خرجات من بيت مها هزات عنيها جات فعصام نيشن لي طالع من دروج هاز حاتم و كيهضر مع سمير لي حداه..هز عينو من حس بيها شاف فيها مبتاسم وهي تحدر راسها مزيرة ..دازت قدامو ودخلات نيشن لكوزينة خلاتو مافاهم والو..دور لسانو على شفاه ديالو ودخل لصالون فين كيتسناوه باها وخوتها..

جلس وسطهم كيهضر معاهم عادي وهما كيرحبو بيه احسن ترحيب مخلاوش من جهدهم ...كيهضر مع سي حميد ومرة مرة كيدخل جواد و سمير فالحديت و العيالات كلهم فالكوزينة...

جالسة فكرسي ساهية حتى نغزاتها سومية...هزات عنيها فيها بدون فهم...

هاجر: شنوو...

سومية: من صباح وانا كنعيط عليك ماصمعتيش دوزي صاوبي طبسيل ديال ديسير و وجدي طباسل صغار بفراشطهم لطارت لي فتلاجة.....

بلا ما ترد جمعات الوقفة كدير شغل لي قالت ليها ختها وراسها مرفوع...دخل عليهم ايوب لي كيتصخر على رجال بحكم من عادتهم مكيخلطوش وخا عصام منهم ولكن دايرين بحسابو لأن اصلو ريفي معندهمش عادة ديال تخلاط وخا هو عاش برا وهادشي عندو عادي ...

دفعو لراجل لعشا وبقاو هما فالكوزينة سومية وزاينة مجموعين على الهضور و هاجر ساهية عقلها غايب بينما حليمة كتوجد فأتاي...كل مرة كتنفس بجهد تا دخل عليهم حاتم مشا عندها نيشن جرها من تريكو وهي تهبط عنيها فيه...

هاجر: حاتم علاش نتا هنا سير تعشا حدا باباك...

حليمة: بغيتي نحط ليك بوحدك اولدي...

حاتم حرك راسو لحليمة ورجع شاف فهاجر: ماما وجدي لي شي حاجة ناكل معجبنيش داكشي مداقو خايب...

حليمة خرجات فيه عنيها: ياك اولدي كتعاير ليا طيابي فوجهي...

هزاتو هاجر عندها حطاتو حداها فوق بوطاجي : صافي احليمة راكي عارفة دراري صغار كيبغيو داكشي خفيف معزيزش عليهم تقيل... 

دارت حليمة مخنزرة بينما حاتم قرب حدا ودن ماماه نطق بشوي غير هي لي كتسمع . ...

حاتم: تا بابا مكيعجبوش داكشي كياكل دابا غير بزز انا مقدرتش وانا نجي عندك وجدي ليا انا وياه نديه معايا ناكلوه بجوج...

هاجر بزز منها ضحكات بكلام ولدها وخا مزال مزيرة من لداخل ..مشات حلات تلاجة كتقلب بانو ليها لقطبان مرقدين وهي تهزهم دارتهم فطاوة مع بصلة هي ومطيشة مقطعة دواو ودخلاتهم لفران ديال ضو على اعلى درجة...بزربة صوبات شلاضة بالخص و الخيار و مطيشة قداتهم فجوج طبيسلات مع كاس ليمون...طلات على فران بان ليها داكشي قرب يطيب وهي تعيط على ايوب..دخل عندها فمو عامر..

ايوب: خوادرية عيطتي عليا....

جبدات طوا من لفران قدات كلشي فطبسل وحطاتو فبلاطو لي فيه شلاضة وعصير وهزاتهم عطاتهم ليه وهضرات ليه فودنو..حرك راسو وخرج تابعو حاتم من لور كيضحك...

حط بلاطو قدام عصام لي هز حجبانو فيه بينما ايوب رجع جلس بلاصتو وهضر...

ايوب: هادشي صوباتو ليك هاجر نتا وحاتم حيت مكيعجبكش تعشا بهادشي تقيل...

سي حميد ضحك فرحان و مفتاخر بي بنتو: وهانتا وخا نسات مزال عاقلة على شنو كتبغي...

عصام بإبتسامة كيشوف فالبلاطو وفولدو لي حداه عرفو هو لي ايكون وصل ليها لخبار...شاف فسمير لي تا هو بحالو دار ليه اشارة ياكل معاه بجوج معزيزش عليهن لماكلة تقيلة و خصوصا فليل كانو دايرين غير صواب بعدا عتقاتهم هاجر بهادشي...

بقاو لبنات كيشوفو فيها ويهبطو عنيها و يطلعو فيها متفاجئين حتى نطقات سومية...

سومية: اوا سمحي ليا اختي خاصك تربي ولدك شوي حنا عندنا نقولو مزيان اما عند ناس ويدير هاد لحالة راه يقولو عليه ممربيش...

هاجر حمرات فختها: ولدي مربي من عند الله ومجا طلب تا حد فيكم جاني انا نيشن كون مكانتش ماماه فالكوزينة مغاديش يدخل اصلا وهو مولف فدار باه ماكلة منتاضمة ماشي بحال هنا....

زاينة: وخا هكداك اختي تربية زينة لولاد صغار وكما دار ليك معانا ايدير ليك تا مع ناس ..زيري ما حد لولد مزال صغير و كيسمع لهضرتك...

هاجر بدون رد كملات شغل لي فيديها فصمت تام... احساس خايب تملكها وغسة خنقاتها هزات كاس لما شرباتو و الغصة مزال خنقاها مبغاش تبعد بحالي شداها لبكية....

توجهات لحمام حيدات زيف كتغسل وجها بما بارد باش تنفس حيت الاعصاب بداو كيلعبو عليها..بقات فلحمام مدة طويلة حتا حسات براحة عاد خرجات ....

بان ليها كلشي مجموع فصالون وصينية ديال اتاي محطوطة مع لفاكية وهي دخل عندهم حادرة راسها جلسات حدا باها بصمت وعيون عصام عليها حاس بشي حاجة ماشي هي هديك فيها...

حط كاس اتاي باش يقول ليهم تصبحو على خير باش يهبط يعرف مالها وهي تنطق حليمة قبل منو ...

حليمة شافت فبنتها عاضة فمها من لتحت كتشير بعنيها لعصام..تبسمات كتشوف فعصام وقالت .: ولدي عصام هاجر باغية تقول ليك شي حاجة...

عصام شاف فحليمة من سمع اسم هاجر دور عينو ليها بإبتسامة حنينة قال : كنسمعك ؟؟!..


دايرة بحال شي غريب تحط فأرض ماشي ديالو كيحاول يتأقلم بكل جهدو لكن بدون جدوى مزال الكلمة ديال "طلاق" مبغاتش دخل ليها راسها او تستوعبها كاملة ..كتشوف فنضرات مها لي كدير ليها الإشارة لكن لسان لي تنطق بيه مبغاش يتحرك و كأنه لصق..بعد ما سمعات الكلمة من عصام هزات عنيها فيه بدون فهم..حط باها يدو على ضهرها بحنية ...

سي حميد: بنتي هضري شنو بغيتي تقولي لراجلك ...

هاجر بتوتر : بب بغيت لل لعرس....

سي حميد بدون فهم : شمن عرس ابنتي ...

هاجر تزيرات بزاف : بغيتو يعاود يخطبني منك أبا ..

عصام كمش حجبانو كيفو كيف لكل كيقرا ملامحها بهدوء قال : بغيتي نعاود نجي نطلب يديك كأي عروسة جديدة ..

هاجر : بدون رد...

من شافتها حليمة سكتات تكلفات هي بالهضرة...حطات كاس اتاي فوق طبلة وتقبلات معاه..

حليمة : شوف اولدي عصام ما نافقك ما نغرك انا عارفاك نيشن وتا انا انجي ليك نيشن ..نهار لول دخلتي لهاد دار وليتي منا وخديتي اعز ما عندنا وخا فيها صداع لكن بلاصتها كبر من خوتها كاملين..نهار جيتي خطبتيها قلتي اديرها بين عنيك وما نخافو بمسألة لعمر وكلشي شاهد على هاد الهضرة ولكن ديك البنت لي عطيتها ليك ماشي هي لي قدامي دابا...

سي حميد هو وجواد خرجو عنيهم فحليمة بجهد حشمو من عصام نطق سي حميد مزير ...

سي حميد : شكاتقولي يا هاد لمرة لبنت كبرات وخاص دير عقلها شكتخربقي هنا و ...

هز عصام صبعو قاطع سي حميد وعينو على حليمة بملامح هادئة قال : كملي شنو بغيتي تقولي...

حليمة : لي بغيت نقولو اولدي راه باين و مفهوم حنا لعيب خرجناه ولي فات مات كنشوفو لقدام بقلب بيض وربي شاهد عليا راك عزيز وغالي لكن تال صغيرة عندي لي تشوا عليها قلبي ما نسامح ...من نهار طلقات وكلام ناس تبعها وبلا ما نقول ليك اش قالو عليها وهبطو كرامتها لأرض وهي ساكتة وعمرها شي نهار هضرات ولا نطقات مرضات بوحدها وعنات بوحدها تا واحد فينا ما عاونها ولا بكلمة ولكن ما حد نتا باغي مراتك وباغي ترجعها حنا ما غديش نمنعوك منها ولكن خاصك تخلص الحق كامل كيف ما خرجتيها نهار لأول من دار باها تعاود تخرجها دابا عروسة قدام كل لي تكلم ورا ضهرها وهبط من قيمتها ...

حك لحيتو بشوي وعينو مشاو لهاجر لي حانية راسها ومن سمع طلاق عرف قالو ليها كلشي اما رجال سكتو ما لقاو ما يقولو ورا كلام حليمة لي هضرتها معقولة وفنفس الوقت ما معقولاش...

حليمة من شافتو ساكت نطقات : اوا اولدي عصام اش قلتي فهادشي ....

عصام حرك راسو : ما قلتي عيب الالة حليمة بغات لعرس ندير ليها عرس ولكن بشرط ...

كلشي شاف فيه مبهوض من الموافقة ديالو كانُ كيضنُ ايحاول يرفض في الأول ...حليمة بالفرحة ديال الموافقة قالت ...

حليمة : شمن شرط انسيبي لعزيز ....


عصام : لعرس وتوجاد ديالو ايتقام كلشي فالفيلا ديالها لي دخلات فيها عروسة نهار لأول ....

سومية مبهوضة : ولكن عندنا العائلة كبيرة بزاف ...

عصام : بابي ما مسدود فوجه حد لكن شرطي هو هدا توجد راسها فدارها و تبقى بين عيني تا يوصل داك نهار ...

حليمة : لواه اولدي على الأقل خليها دير لخطوبة فدار باها ومن بعد نتوجهو كاملين لفيلا ديالك وديك ساعة يكون خير ...

عصام جمع الوقفة: نشاالله يكون خير ولكن خاصني نهضر معاها هي الأولى...

خرج من صالون هبط لتحت وهي بقات جالسة طول الوقت وهي صامتا حتى لعب ليها باها فضهرها بحنية ...

سي عزيز: هبطي ابنتي تكلمي لراجلك ...

هاجر : وخا أبا...

هبطات وحاتم تابعها وهو يشدو سمير هضرمعاه فودنو ورجعو جلسو حداه ....

دخلات لبيت لقاتو واقف حدا شرجم خاشي يدو فجيبو كيشوف فزنقة ..سدات لباب وراها و وقفات فمكانها ..دار عندها شاف مزيان عاد تحرك هز مخدة جلس فلارض مربع رجلو وحط لمخدة قدامو بإشارة من يدو قال ...

عصام : جلسي ....

جلسات فوق لمخدة و وجها مدوراه لجهة أخرى باين فيها مقلقلة وكيف عادتو دخل فموضوع نيشن ...

عصام : مقلقة ؟؟؟...

هاجر : لا ممقلقاش و فاش بغيتي تهضر معايا ...

عصام : من كلام مك ادا عارفة كنا مطلقين...

هاجر خصرات ملامحها بألم : اه فراسي و فراسي خديتي ليا لولد وخليتيني كيف الحمقة تا ولا كلشي يقولها فيا خايب ...

عصام تنهد بجهد : شكون قال ليك هادشي...

هاجر : قول شكون لي مفراسوش هادشي كلشي كينعت فيا وانا ما جايبة دنيا خبار شهر ونتا راميني هنا ما عمرك سولتي فيا ولا عائلتك تصلات تسولني غير على حالتي...

عصام : عائلتني انا ومهضرتش معاهم اهاجر من نهار وقع لمشكل هزيتك وخويت در وتا من لواليدة مسولتش فيها من داك نهار...

هاجر عنيها عمرو بدموع : وعلاش متسولش فيا ..انا اش درت ليك ياك سمعت لهضرتك وما جبدت صداع تا مع حد ودرت عقلي كيف طلبتي..كاع داكشي لي وصيتيني عليه طبقتو بالحرف ولكن نتا ما درتي والو من داكشي لي وعدتيني بيه قلتي دغيا اتبعني ولكن شهر داز كامل تا ولا كلشي كيسول واش عاود طلقك ولا تزوج بوحدة خرا تما وانا نسيتيني هنا بحال ليتيمة ...

عصام قرب ليها مسح ليها دموعها بحنية : تيقي بيا شهر كامل مكنتش مسالي لحد الان خليت كلشي ورايا وجيت عندك وشكون عمر ليك راسك بهادشي ...

هاجر بصوت مخنوق: كلشي كيقول هادشي تا واحد ما سكت تا عيت من هاد الهضرة ما بقيت عارفة شكون نتا واش عصام لي شافت عيني ولا عصام لي كيهضرو عليه قدامي عيت ما نحلل فراسي ما لقيت والو بحالي عمرك كنتي فحياتي عييت من هادشي بزااف....

عصام باسها فجبهتها وعيونها المدمعة : ما تيقي فتا واحد تيقي فلي شافت عنيك فقط ...كون كنت انتزوج كون درتها من كنا مطلقين ماشي تا رجعتي ليا و بين يدي ونوض نديرها..معرفاش شحال تعدبت بلا بيك وشحال فرحت نهار رجعتي ليا فجنبي ومراتي ولو نسيتي انعاود نعيش معاك من جديد بحالي عاد تزوجنا وعمري كنت انتخلا عليك ولو يوقع لي يوقع ...

هاجر بحزن : وعلاش طلقتيني....

عصام تنهد بجهد وحط جبهتو على جبهتها : هضرة طويلة اهاجر تا نكونو فدارنا وانعاود ليك وعلاش غبرت هاد شهر كلشي انقولو ليك وما انخبي عليك والو ولكن تا نكونو فدارنا ...


هاجر مسحات دموعها بكف يديها : صافي..."بعدات منو"..انطلع نجيب حاتم ينعس مشا لحال ...

خلاها تمشي بلا ما يشدها عرفها باغية وقت لراسها وتا هو مبغاش يضغط عليها .. دخلات لدوش غسلات وجها تا رجع ليها لون عاد طلعات لفوق دخلات لكوزينة هزات قرعة ديال لما تشرب وهي دخل عليها سومية ...

سمية : امدرا اش قال ليك ...

هاجر مخنزرة : فااش...

سمية: مالكي مخرجة عنيك فيا راني غير سولتك...

هاجر ضربات لكاس مع بوطاجي معصبة : شوفي راه من صباح وانا ساكتة ليكم ما تعصبوش ديلمي فهاد ليل ..

دخلات حليمة كتويل : اويلي مالكم كتغاوتو فهاد ليل ...

سمية : شوفي هي لي مالها غير مع راسها بدات كتغوت ..

هاجر ولات حمرة : شوفي احليمة يا تهضري مع بنتك تعطيني شبر ديال تساع يا نديرها ليكم قد فمكم ونمشي نقول ليه ما بقيت بغيت لا عرس لا جوج نهز راسي وما تعرفوني فين زدت ....

حليمة حطات صبعها على فمها ولات طالبة غير سلاك : سكتييي المسخوطة باك وخوتك كاينين لا سمعوك يديرو شي طاب وشي مطاب ..

هاجر : ماشي صوقي يسمع لي بغا يسمع ماشي شفتوني ساكتة ديروني عجينة بين يديكم وتبقا كل وحدة تلعب بيا كيف بغات...

سمية : انا اش قلت كاع باش تنوضي هاد نوضة انا سولتك غير على راجلك ...

هاجر : اختي ما تسوليييش مالي عمري جيت سولت ليك على كمال ولا اش وقع بينك وبينو علاش تجي تسوليني كاااع كيف نتوما ما تبغيوش لي يدخل ليكم بين رجالتكم تا انا الالة ما بغيت حد يدخل واخر مرة دوي معايا شي زبلة فيكم على عصام ...

حليمة شداتها الخلعة من سمعات صوت راجلها كيعيط : سكتييي ابنتي الله يعطيك ستر خلي هاد ليلة دوز بخير مسحيها فيا انا ..انا انهضر معاهم عمرهم يجبدو ليك الهضرة..."باستها فراسها"...عافك ابنتي غير على وجهي...

هاجر معصبة سمعات عصام كيعيط ليها وهي تهز قرعة لما وخرجات كتسوط هبطات عندو لقاتو جالس فوق ناموسية وحداه حاتم..

عصام شافها ماشي تال لهيه : مالكي؟؟؟...

هاجر هزات بينوار ديالها : والو غير تناقشت مع سومية..."وصلات لباب ودارت عندو"..غير نعسو اندخل ندوش...

عصام : بغيتي نعاونك ....

هاجر بدون فهم : فاش...

عصام غمزها :نحك ليك ...


تصبغ وجها بالحمر وهي تهرب منو دخلات لدوش وسدات عليها وقلبها كيضرب بجهد حشمها وطلع معاها صهدة ديال بصح....طلقات لما سخون وفركات راسها مزيان.. خرجات من دوش كتشعل لابسة بيجامة ديال نعاس وفوطة ملوية فيه شعرها ...دخلات لبيتها لقاتهم ناعسين وغير ضو خفيف لي شاعل حدا ناموسية ...

سدات لباب وتوجهات لكافوز نشفات شعرها مزيان وعملات مرطب لوجها ويديها و على رؤوس الأصابع مشات لجهة ديالها دخلات بشوي وهزات عليها لفراش قدات حاتم لي ناعس وسطهم..

كدور يديها على شعرو بحنية وعنيها مشاو لعصام لي مغمض عنيه ناعس وصدرو عريان وعضلاتو مطراسين وعروق يديه باينين سهات فملامح ديالو القوية و الوسيمة حل عينو وهي تفافة ما عرفات باش تبلات ...قرب ليها وكيشوف فيها بشهوة ما كيضحك ما والو خلا قلبها يتهز لمرة تانية بدوك نضرات..هو كيقرب وهي كترجع لور حتى حطات ضهرها كامل فوق ناموسية وكتسرط ريقها بصعوبة وعنيها كيطلعو ويهبطو فيه...بغات تهرب وهو يحط يدو على جنبها ما خلاها فين تحرك بقات دايرة على جنبها مزيرة وشعرها لي مزال فازگ لصق على عنقها..حيد ليها شعرها رجعو لجنب بشوي خلاها تبورش بدون شعور ...

مع دورة لي دارت جا فمها مع فمو لي كان غادي لخدها معطهاش فرصة فين تهرب مصو ليها بلهفة كصائم وحان وقت افطاره اخيرا..بحلاوت ريقها ولدة شفاها لسقها مع صدرو وفورصة عليها بجهد خلاها ترخى بين يدو وتجاوب معاه لحضة بلحضة ..نزلات من المقاومة ديالها تجاهو وخلات مشاعرها هما لي يتحكمو فيها ...قبلاتو خلاو الفرشات يلعبو فبطنها بمداق قبلاته وتنفسو الحار وعبيره الاخاد لي ستنشقاتو فكل نفس كالمخدر ...

هز ليها يديها لفوق ودخل لوسط بين رجليها كيقبلها بجنون وكيشوف فعيونها الساحرتين ...هبط لعنقها كيبوسها بلهفة فكل جهة وهي هازة راسها لفوق غارسة ضفارها فلحمو مقدراتش تقاوم الفعل لي كيعمل ليها ..

رجع حط فمو على فمها كيقبل وهي كترعد عرف كفاش يلعب بيها مزيان وعارف كل نقاط ضعفها ..سخنها غير بشوية تا ولات هي لي انفاسها علاو وجسدها كتلصقو مع جسدو كتحتك معاه و كتبوسو بلهفة...طلق ليها يديها عنقاتو و حط فمو حدا ودنها ....

عصام بصوت مبحوح: حبيبة قادة تصبري...

هاجر غايبة فها العالم ردات عليه فقط ب : انننننن....

عصام خشا راسو فعنقها وطلع يدو مع ضهرها يحيد ليها سوتيام تا تهزو بجوج بصوت لي حداهم...

حاتم: بابا ماما اش كديرو...

عصام بزربة هز راسو لولدو ل مزال عنيه لاصقين بنعاس و كيحكهم .. تهز من فوق هاجر وغطاها بسرعة وغطا الجزء السفلي لي تنفخ فين بغا...رجع ولدو لبلاصتو يكمل نعاسو ....

عصام: مكاين والو غير نعس..

رجع عينو لهاجر لي غبرات تحت المخدة وغير من عنقها لي حمار عرفها شداتها الموت بالحشمة...رفع يدو لجهة لمجر خدا قرعة ديال دوا لي كتشرب هز حبة وقرب ليها دورها عندو وهي مكمشة فبلاصتها بحال لكميشة مبغاتش تفارق من لمخدة ولا تهز وجها ليه...

عصام حدا ودنها : هزي راسك تشربي دوا ولا انشربو ليك بطريقتي...

بزربة هزات راسها خدات الحبة سرطاتها بلا لما و البنت ولات حمرة كيف دم ما عرف هاد الحشمة منين نزلات عليها وهو شحال شلقمها قدام حاتم...عطاها لما تشرب وخوا شوي فيدو دوزو على عنقها وهي كتشوف فيه بنص عين هبطات عنيها لديالو لي باين ليها من تحت لفراش وبزربة رجعات هزات عنيها ليه...ترما حداها ودور يدو عليها خضااها وسط منو وحط وجهو فعنقها...

عصام: شوفي كيف ديري تمشي معايا غدا لدار تا نرجعك من بعد...

سكات بدون رد هز عينو لقها غمضات عنيها مبغاش يضغط عليها وهو يجر ولدو حطو حداها و جمعهم بجوج بينات يدو كيقبل راسها تا غفات عينو بدون شعور...


حل عينو ملصقين بنعاس ومخسر سيفتو بصداع لي فلبيت هز راسو يشوف اش كاين بانت ليه هاجر كتمشي وتجي قدامو كتلبش حاتم لي كينقز فبلاصتو...

حاتم: وبزربااا ا مامااا راه تعطلت بزاااف...

هاجر كتقلب فالمجر على تقاشر بيضين هزاتهم ومشات عندو تحنات عندو كتلبس ليه : مزال لحال غير بشوي عليك ..."هزات لمشطة كتقاد ليه شعرو"...فطرتي بداكشي لي وجدتو ليك لفوق كامل...

حاتم حرك راسو : اه ما خليت والو كلشي كليتو...

لبس بلغة صفرا و دارت ليه ريحة ديال الاطفال لابس جبادور من فوقها جلابة رجالية خفيفة بان بحال لا طهارتو ليوم عصام بقا غير حال فمو ..هز تليفون يشوف شحال فشهر جاب ليه الله ليوم العيد ...

عصام بدون فهم: فين غادين؟؟..

هزو راسهم ليه وحاتم مشا عندو كيجري باسو كيضحك وكيوريه حوايج...

حاتم: شوف ماما اش شرات ليا زوينة ياك ابابا...

عصام : امم بصحة .."حرك راسو لهاجر لي الحشمة غلباتها تاني"...فين غادي يمشي..

هاجر بتوتر : دخلتو لواحد لمدرسة هنا كيقراو فيها دراري صغار القرأن و رسلتو هو يحفظ معاهم ويتعلم اللغة العربية...

عصام خرج عينو وحل فمو ضرباتو لداخل فصميم لدرجة ما عرف ما يقول من غير الصمت و الدهشة واضحة على ملامحو ...سمعات خوها ايوب كيعيط عليها بحكم هو لي كيدي حاتم لمدرسة كل نهار..جرات حاتم عندها مدات ليه لكتوبة وكتقاد ليه فحوايجو و كتوصيه...

هاجر: ما دابزش مع دراري وسمع كلام المعلم ديالك وقرا مزيان عشية اتعاود تعرض عليا داكشي لي قريتيه ولا ملقيتكش حافض غادي نتفاهم معاك مزيان تفاهمنا ومتنساش من دخل لحمام توضى كيف علمتك عاد صلي معاهم صافي...

حاتم حرك راسو و البلدي وتاه جا كيحمق بزين : صافي اماما عشية انعرض عليك كلشي و نصلي بيك بحال معلم ديالنا باش تعرفيني تعلمت ..

بتسمات ليه وهزات بينوار طويل لبساتو وزيف غطات بيه شعرها ..دارت مشاية فرجليها وخرجات عند ايوب لي كيتسناهم فطونوبيل دخلات عندو حاتم و وصاتو يحضيه تا يدخل عاد يكمل طريقو لقهوى....

بقات واقفة تا غابت طونوبيل من بالها عاد دخلات ..بالحشمة مقدراتش دخل عند عصام لي صدمة ديال داكشي لي داز قدامو مزال لاعبة عليه ...نطقات حدا دروج بصوت ضعيف...

هاجر: عصام طلع تفطر...

كملات طريقها لفوق كتسوط بحالي طالعة فشي جبل و كتنفش بجهد فيها سخفة وفشلانة...

دخلات لكوزينة جمعات طبلة لي كانت حطا فيها فطور لولدها غسلات كلشي وبدات كتوجد فالفطور ..
وتشكل وتقاد ومن كتلف تهز تليفون تقلب شنو ناقصها وترجع تصاوب..و الحاجة لي فيها زوينة كتقاد الحاجة بصمت ما كتقولش عيت ولا كتمل ....
كتوجد وتحط فطبة لي حداها تا دخلات عليها زاينة هازة ولدها فيديها جلسات فكرسي كتراري بولدها وكضحك....

زاينة : تبارك الله عليك الالة هادشي لديد عندك ممولفاش ليك تفيقي مع صباح.."غمزاتها".. ولا قولي راجل كاين ...

هاجر مشافتش جيهتها حاضية شغلها وقالت : علاش شكون كيفيق قبلكم تفطر ولدها وترسلو لجامع وتصاوب ليكم لفطور عاد ترجع تنعس كتفيقو كتلقاو كلشي واجد ليكم بحال الملكات ولا تا هدي نسيتوها....

زاينة تحرجات : هههه غير كنضحك معاك احبيبة عرفاك حادكة مشالله عليك....


دخلات سومية منفخة مكتشوفش جيهت هاجر وجلسات حدا زاينة كتغبن وتا هاجر متسوقاتش هزات لفطور لي صوبات بدات كتحطو فطبلة لي فصالون فين جالس باها مبتاسم فبنتو وعينو كيبريو غير كيشوفها قدامو كيحمدلله على نعمة لبنات وخا عندو جوج لكن تال معزت هاجر مكاينش منها جوج وداكشي لي دازت منو خلا قلبو مخلوع عليها ولكن دابا من كيشوفها بصحيتها وبسلام كيحمدلله و يشكرو فسرو ..

عصام لي صدمة مزال لاعبة عليه هز وجهو لي مبتل بالما كيشوف فالمرأة ديال لحمام وكيرجع كلامها..واحد مشاعر غريبة بحالي تلف من سمع ولدو قال ليها نجي ونصلي بيك باش تعرفيني تعلمت..هاد الحاجة لمهمة لي خاص كل اب يعلمها لولادو هو نساها من بالو معمرو قال لولدو اجي نعلمك الوضوء ولا الصلاة رغم انه محافظ على صلاتو بشكل التزامي لكن مطاحتش ليه يعملها لولدو..

حتى طاحت عليه بحال صاعقة من شاف هاجر طفلته الصغيرة و المدللة علمات ولدها التربية الاسلامية وكدالك الأهم وهو اداء صلاة وحفظ القرأن لي خاص كل طفل يتعلمهم فسن صغيرة لانه كيكون بحال شي نبتة وخاصو يتسقى بدينو باش يتغرس ليه فجدورو...

تنهد بجهد هاز فوطة كيمسح وجهو ويديه مشا نيشن صلا صلاتو كمل ودخل لبيت يبدل حوايجو ..خدا ملابس ديال لخروج بسروال ديال توب زرق مغلوق مع قاميجة بيضة وساعة فاليد مع خاتم زواج لي مزين صبعو ..رجع شعرو لور وقاد لفاليز ديالو حطها فجنب لباب باش غير يهبط يهزها...دور عينو على الغرفة ديال هاجر لي اول مرة كيدخل ليها وكدالك بات فيها ..تحرك وسطها كيشوف تصاورها لي ملصقين فالحيط..حل لمجورة لي كلهم فيه حوايج ولدو مطوين ومستفين على حقهم و طريقهم وكل حاجة دايراها فبلاصتها و متولاها...

ترسمات ابتسامة حنينة على تغره وهو يطلع عندها والفرحة باينة فعنيه لقاها خارجة من لكوزينة هازة طبسيل لحلوى ما عرفات منين خرج ليها وقف عليها وبحب باسها فجبهتها قدام باها..

عصام: صباح لخير...

خدا منها طبسيل حطو فوق طبلة وحرك راسو لسي حميد لي مبتاسم فرحان بنسيبو ..حط يدو على لبلاصة حداه دار ليها اشارة تجلس حداه وهي مكوانسية فبلاصتها تلفات ليها لمشية.. رجل كتمشي لقدام ورجل كترجع اللور اما من شافت الابتسامة ديال باها طاح منها نص جاب ليها الله بحالي سمعهم فداكشي لي دارو لبارح ..بغا يجرها عصام ساعة لقا غير ريح اما هي طارت من قدامو هاربة كتويل على راسها ما عرفات باش تبلات...


خَجولةٌ هِي .. رُبما جَريئةٌ بأوقات..

طَيّبة القَلبِ .. و رُبما حِيناً مُتمرّدة....

تِلقائية ٌهي لكِن .. كَثيراً ما تفكّر بألفِ حِساب ...

ذَكيةٌ ... وبريئـةٌ حدّ السَذاجـه ... 

هادئِةٌ... وحيناً لا تتمالَك أعصابها...

تَضحَك مِلء فَمّها .. وتنْام باكية...

تُخفي بداخِلها الكَثيرْ .. وعَفويتها غصباً تَفضَحها..

لا تَعرف الغُرور لكِن.. عَزيزة النفسِ بـ كبرياءْ ...

غامِضةٌ غُموضُ الليل ... واضِحةٌ وُضوحُ الشَمس... 
.
.
كلّ ما أعلَمه عَنها يَقبَل الإحتِمالاتْ . . .

ويفي بــِ كُل التناقُضاتْ 

ولكــِـن ...
ما أعلَمه عَنها جَيداً ... أنّها فى الحُـ♥ـبّ طِفلةٌ لا تُشبهها . . .

بإختصار هي متل داك الزلزال الدي لا يحدت الا مرت كل سنة ولكن عندما يحدت تزلزل كل اركان رجولتي ليتضح لي ان ليس هناك سواها يستطيع احتلال قلعة قلبي المحرمة عن الكل الا هي "هــاجــر".....
.
.
.
{"خاطرة"}....


هاز كاس اتاي فيدو مبتاسم ومزال عيونو كيلمعو عارفها حشمات وماشي لولة ليها ولا اتكون لخرا وخا تزوجو شحال ولكن كتجي تال قدام باها مكتبقاش دور بساحتو كتعطيه تيقار و كتوصيه ميقربش ليها ولا يهز فيها تال العين من يكون باها حداهم....
هادشي قبل ما تفقد داكرة اما من فقداتها الحشمة عندها ضوبلات فجوج مرات ...شاف فطبلة لي موجود فيها كل ما يتشهى خاطرو و سي حميد فرحان غير يمد ليه و يضحك بحالي تزاد فعرس...

عصام بان ليه قوى عليه سي حميد وهو يهز يدو : الله يخلف ..

سي حميد : ما كليتي والو اولدي وزيد مراتك لي فاقت بكري و وجدات ليك هادشي بصحتك و راحتك...

عصام شار بصبعو لطبلة : هادشي كامل وجداتو ...

سي حميد حرك راسو : اييه تبارك الله عليها وخا مريضة مزال دراعها ناضي و شغل يديها باين الله يرضي عيها....

عصام بإبتسامة خفيفة : امــين ...

سي حمدي بملامح جدية قال : سمع اولدي انا عندي مرا بوهلاية وبعد لمرات مكتعرفش تلاقي لكلام مديش عليها وعلى كلامها وهاديك راها مراتك وحلالك بغيتي ديها دابا معاك مكاين لي يمنعك منها ...

عصام : مكاين تا عيب اسي حميد العرس بغاتو انديرو ليها.. بغيتها تفرح براسها وتنسى ما داز عليها حيت ماشي ساهل لا عليا ولا عليها ولكن حمدلله كلشي رجع كيف كان وصبر لي صبرتو عام مافيها باس نزيد صبر تا هاد شهر مهم تكون عندي هي مرتاحة ...

سي حميد ما عرف ما يقول بقا غير كيحرك راسو فرحان بنسيبو وكيف ما يفرحش وهو لقى فيه كل مواصفات الرجل لي يتمنى الاب لبنتو ...راجل معقول وصادق وزيد داخل سوق راسو مافيه عيب ..طبعا بنادم ماشي متالي ولكن لحد اليوم ما عمرهم شافو العيب منو ...دخلات عليهم حليمة لي سمعات جوب عصام على كلام راجلها ...جلسات حداهم كتفرنس وتشوف فراجلها بنص عين وترجع عينيها لعصام وداكشي لي فراسها نطقاتو بلسانها...

حليمة : اوا انسيبي امتا اتجيبو الهدية باش نديرو بحسابها ...

عصام بدون تردد :من هنا يومين...

حليمة خرجات عنيها بغات ترفض وهو يخنزر فيها راجلها ضربات طم...

سي عزيز : احسن ما درتي اولدي خير البر عاجله...

هاجر مخشية فالكوزينة عاطية ضهرها لختها ومرت خوها وطالقة ودنيها فأش كيقولو...

زاينة : مالكي نتي نايضة مغبنة هاد صباح ياك لباس...

سمية: اودي غير سكتي نهاري كحل ايدوز مع كمال حيت قالي ما تباتيش واجي لدارك وانا درت غير لي فراسي..

زاينة حطات صبعها على حناكها : اوعدي اختي واش كاينة شي مرا كتنعس بعيد على راجلها انا كون عملتها لجواد يقطع ليا رجلين راه تجي راجل فكلشي تال تباتي فبلاصة خرا ميسامحك فيه ...

سمية حطات يديها على راسها : اودي قلنا غير هاد ليلة.. ساعة صبح عند راسي كينكَر كرهني فالبيات ولي يجي منو ودابا مشا القهوى منفخ معرفت كيف ندير تا نتصالح معاه ...

هاجر دارت عندهم كتحرك فعنيها وبشوي قالت : علاش راجل مكيبغيكش تنعسي بعيد عليه ...


زاينة : لا احبيبتي راجل كيبغي مراتو تكون حداه وفي فراشو وخا غير يشوفك وينعس مهم تكوني لاصقة حداه وربي كبير ..انا من كنت كنمشي لدارنا خوك كيدير ليا حالة منباتش تا كنبدا نطلب و نرغب وشوف شوف واش يقبل ولا لا ...

سمية : اودي كلهم بحال بحال تقولي مسقين من بلاصة وحدة الله يستر ما كيخليوك تجلسي تا على خاطرك كيديرو ليك شوك تحت منك تا كديري مناقص وتبعيه ونتي مقلقلة وهو ايطير بالفرحة...

زاينة : اوا اختي رجال هكدا عاملين يبغيو عيالاتهم يتقادو ويتريحو ويجلسو حداهم يسقيو عويناتهم بيهم...."شافت فهاجر"...باز لسي عصام مسكين عرفتي شحا ونتي وياه مفارقين ....

سمية : اوا كاين لي يصبر ويحلي ليك لعيشة وكاين لي ما يصبر وزيد يحرمها عليك ما يخليك تجمعي تا مع داركم بحال رجالاتنا 

بقات ساكتة وكلامهم دخل ليها راس ودار حفض كيف عوايدها أي حاجة خرجات من فمهم على زواج ورجال كدير ليها حفظ ما كتفرز واش غالط ولا صحيح....

دخل عليهم سمير كيحك فراسو وبين يدو ساروت كيلعب بيه حرك راسو لبنات ومشا بحنية باس هاجر فراسها ..

سمير : اوا ناس عوتاني بغاو يديرو لعرس و يفرحو براسهم تاني...

هاجر كضحك وحناكها مطبزين : متخافش انقلب ليك على عروسة نهار عرسي تكمل تا نتا دينك....

سمير : شكون قالك انا باغي نتزوج أصلا.. بغيتي تلصقي ليا شي منتيف تاني ..

سمية : بالعكس راك كبرتي وكلشي عندك ..بخيرك وهاز راسك واي وحدة تمناك خاص غير نتا تدير نيتك وتقول بسم الله ..

سمير دور لسانو على شفاه ديالو كيضحك : اوا هي لا عطيتيني بنتك نكمل بها ديني ....

سمية حطات يديها على راسها : عطا الله لبنات وحدة تنسيك فلخرا وما بانت ليك غير ديك العافية لكحلة ديال بنتي تعيشك يا خويا سمير فلمرار وتطلب غير سلاك وما تلقاه انا مها ونعطيك خبارها.....

اريج : شمن خبار غادي تعطيه عليا اماما..

كلهم دارو لصوت وهي متكية على باب كوزينة جامعة يديها لصدرها هازة محفضة ولابسة طابلية ديال لمدرسة وشعرها مرجعاه لجنب وطلقاه على طولو ..عنيها مشاو لسمير لي كيهبط ويطلع فيها بإبتسامة...

سمية : قالك سمير بغا يتزوج بيك ...

اريج بإستهزاء قالت : وشكون قال ليكم بسلامة انا موافقة ...

سمية غمزات سمير : ها لي قلت ليك فمها مبري منها ...

زاينة : شوف اخويا سمير لكنتي نيت باغي تزوج عندي ليك واحد بنت ناس كل لي تبغيه تلقاه فيها من اداب و صواب ودين وعقل وكلشي ...

سمية : تبارك الله هادشي كامل فيها ..اوا هانتا اسمير شكون بحالك مرا كاملة مكمولة...

سمير بنص عين شاف فأريج لي تخطف منها لون بتاسم بجنب وقال : شكون هاد بنت ناس...


زاينة : بنت عمتي مشالله غزالة وزيد ما بقى ليها والو وتخرج طبيبة ولا بغيتي نعطيك نمرة ديالها دابا هضر نتا وياها وتفاهمو ولا تواتيتو ما نزيدوكم غير لخير ...

سمير حك لحيتو بشوي ودار عند هاجر : اش بان لك فهادشي نتوكل على الله ولا نتوخر اللور....

هاجر : علاش ما تعرضيش عليها لخطوبة ديالي بلا ما تقولي ليها والو .."دارت عند سمير"...وديك ساعة لعجباتك سير هضرمعاها...

سمير حرك راسو : تا هدا نضر..."تحرك خارج"...طونوبيل ديال عصام لتحت خليتها محلولة لا وجدتي ليه فاليز ديالو حطيها ليه تم ...

داز امام اريج لي مخرجة عنيها فيه وهو مشافش جيهتها خاشي يدو فجيبو ودخل عندهم لصالون جلس حدا عصام لي مزال كيهضر مع سي عزيز...دور ليه راسو شاف فيه مزيان وبهدوء قال ...

عصام : شفتي خوتك..

سمير بألم واضح فعينو : شهر هدا باش شفتهم....

سكت مزادش فالهضرة وتا عصام معاودش سولو ..عرفو غير من عنيه كاينا شي حاجة مخبيها ...حط يدو على كتفو زير عليه مزيان ..

عصام : سير لدارك رتاح هاد ليومين من نبغيك انعيط عليك ...

شافو سي عزيز جامع الوقفة وهو ينطق : مزال لحال جلس شوي ها هي هاجر اتخرج عندك ...

عصام : غير خليها على خاطرها عشية ونهضر معاها...

هبط كيدور فعنيه باغي غير يشوفها ملقاش حسها تنهد وزاد كمل طريقو تابعو سمير كيمسد رقبتو من شاف اريج مخنزرة فيه ...هبطو لتحت وقف عصام حدا لباب ديال طونوبيل ديالو مخنزر فسمير ..

عصام: داكشي كامل لي درتو وصلني ولكن الهضرة ماشي دابا..

سمير بحالي تكب عليه لما طايب تفافة فبلاصتو ..حدر راسو وقال : وخا ...

عصام بتخنزيرتُ دخل زدح عليه لباب بجهد وديمارة طونوبي شد طريق لفيلا ديالو...

بقى مراقب طونوبيل تا غبرات من قدامو عاد دار نيشن لطونوبيلتو كان حاط فيها حوايجو قبل وبدون ما يطلع يتوادع مع هاجر ركب وزاد لدارو كيفكر غير مع راسو عرف عصام كيهضر على شوهة لي دار هو وهاجر فريسطورو ولكن لي واحل ليه شكون لي وصلها ليه .....


دخلو لبنات صالون بعد ما هبط عصام و سمير ...وسي عزيز مشا لعرجات يشوف القهوة لي مشاركها هو وهاجر يشوف شغل فين وصل حيت حاضيها عير جواد وايوب اما هو قليل فين كيمشي ليها داير تيقة فولادو وكاتب ليهم بجوج حقو فالقهوة امام حق بنتو مقاصوش ....

حليمة جرات اريج عندها كتعنق وتعاود واريج طالع ليها دم ..

حليمة : الله على بنتي وعاد وجهك تصفى ولاد لحرام كان بغاو يرزيوني فيك ..

اريج معصبة : قوليها لراسك لي ضلي تخبطيني بداك المدلك حتى كتزرقي لي لحمي كامل نحشم نعريه قدام عباد الله ...

حليمة : احياني عليك ها بنتي هاجر حياتها كامل وانا كنضربها بيه وها هي لالة ومالي تا حاجة ما فيها ...

اريج بعدات منها عارفة جداتها يديها سابقينها عاد قالت : اواسيري ديك خالتي مسكينة لا مسمحات ليك ما عندك فين تعطي وجهك فداك لقبر اجدة وما عرفتي كاع تكوني نتي سباب بدوك الفقايص لي كديري فيها تا ركبتي فيها مرض القلب ...

حليمة ضربات صدرها : ياك الخانزة انا لي مرضت بنتي اوا اجي لهنا لبوك نوريك المدلك ديال بصح علاش قاد ....

طارت عليها باغية تفرسها ساعة اريج خفيفة دغيا تسلات وخوات ليها جات حليمة على وجها ومع هي غليضة تسمعات زداف بحال شي حاجة تفرقعات....

سمية : ارسوالله الوليدة واش قدك كينقزو...

حليمة دنيا دارت بيها بديك طيحة مبقات قادة تنوض كتهضر غير بفمها : جرووو ليا ديك زرافة لهنا نبرد فيها جنون طواسلي ...

اريج : اولله لا قربت ليك جلسي تموتي تم...

حليمة كتضرب ففخاضها كدير ليهم بصبعها يقربوها ليها تغززها بسنانها ..سمية قربات ليها مسكية بغات توقفها ساعة ما لقات قدامها غير نتفة عالمية خشاتها حليمة من تحتها كتقرص وتعض و تنتف وتخاصم ..

حليمة : هادي هي تربيتك تولي طول لسانها عليا... ياك كنقول لمك حرفت بوك لا يغلبوك هزي لمدلك ونفضي لبنت تجمع راسها ونتي طالقة لعب باغين تقتلووني بلا وقت يا المساخط انا نقاد من جيه ونتوما تنوضو ليا من جيه كنلعب معاكم قشقاش هنا ...

سمية كتجي تال لمها كيفشلو ليها ليدين ورجلين بقات غير كتغوت تحت منها ...زاينة خافت على مخها هزات ولدها وهربات لبيتها اما اريج غير عرفات نوبتها جايا وهي تكركب مع دروج هاربة من هاد هتلر لي ناض ..بقات غير سومية لي كتاكل فجنابها تا سخفات حليمة وما بقى فيها جهد عاد طلقاتها خلات سومية راسها مشنتف بحال لحلالة مهزوز لسما داير لانطير فجميع الاتجاهات.....

سمية كتبكي : والله ما بقات عيشة معاكم هنا والله تا نقولها لكمال وهو يتفاهم معاكم ..هادي حالة ديروها فمرات راجل محرامش عليك احليمة ....


حليمة حزمات راسها بزيف ايطرطق بصداع : نوضي من قدامي جيبي ليا دوايا يا المساخيط طلعتو ليا سكر اتقتلووني ما فيهاش...

سومية ناضت كتغبن وتضرب فرجليها مع الأرض ...

حليمة : بقاي تغبني عليا تم شوفي معاك ختك تجي تفطر وتشرب دواها راه من كان راجلها ما دخلات نعمة لكرشها تقول بحالي عمرها شافتو ...

سمية بزز منها جابت ليها دوا : راه فطرات مع ولدها اتكون لتحت ناعسة حيت فاقت بكري...

حليمة : من ناعسة خليها وجيبي ليا ورقة وستيلو نقيد كاع دوك لي حلو عليا فمهم نهار طلقات هاجر لا ما طرطقت ليهم لعنين والقلب بهاد الخطوبة و العرس راني ما تزوج فيا العسكري غير لخلا...

سمية كتقاد شعرها لي تشعكك: على هاد لحساب خاصنا جوج قاعات لا بغينا نجمعو كاع هاد ناس لي هضرو نهار طلقات ....

حليمة : ماشي صوقك انا قادة بشغلي والله يخلف على نسيبي قالي فيديك كلشي ديري ما بغيتي..

سمية مدات ليها كتاب وستيلو وهزات لمرايا كتشوف وجها واش مقموش : اوا هو قال هادشي حيت نتي قلتي نهار طلقات ما خلاو ما قالو عليها وحنا بلا ما نكدبو على راسنا عارفين معزة ديال عصام لهاجر ..يسمح لكلشي الا لي يهبط منها ولا يقولها خايبة عليها...

حليمة : حنا ما قلناش العكس ولكن صحة بنتي هي لولة وهي من مشات عندو وهي لور لور وانا من شفت بنتي حالتها فصبيطار طار لي لعقل و العيب خرجناه لا مني ولا منهم تا هما ما شدوش فخاطرهم جيهتي...

سمية : غير نتي والياقوت اما عصام مادخلش كاع وخا تعصبنا من رسلها وغبر هاد لغبرة قلنا واقلة مبقاش باغيها ساعة ها هو جا و وافق على شروط ديالنا كاملين وسد لينا فامنا حنا قبل كلشي...

حليمة : نوضي بعدا عيطي ليا على ديك فضيلة هي لبركاكة ديال الحومة واي حاجة سمعاتها اتوصلها ليهم سخونة تجي نقول ليها هاجر ايعاود راجلها يدير ليها لعرس نطرطق ليهم دوك العروق لي ركبو فيا نهار طلقات....

سمية هزات يديها لسما كطلب لعفو من مها : واعيطي بعدا على ختك راه مزال شادة من جيهتك ونتي نسيتيها كاع...

حليمة: ما نسيتها والو خلي غير تفيق هاجر ويرجع حاتم من المدرسة ونمشي عندها بيدي نصفيو الخواطر كنت غير معصبة اما ديك كلمة متخرج من فمي ...


وصل لدارو مسخسخ وعيان جر فاليز ديالو وطلع فسانسور نيشن ابرطمو ديالو... جبد ساروت حل و دخل كيحك فراسو ...دور عينو على شقة لي كانت كبيرة ومفرشة فراش مغربي عصري بلون ابيض داخل فيه رمادي ..نقية وريحت الورد منتاشرة فيها حيت قبل مايجي عيط لعساس ديال عمارة يطلع شي عيالات ينقيوها...

دخل بيت نعاس حيد حوايجو ودخل نيشن لدوش تخشى تحت رشاشة ولما سخون كيهبط على طول داتو وجسمو المنحوت...خرج كينشف شعرو لبس شورط قصير وتلاح فوق ناموسية عنيه كيتلصقو بنعاس هز تليفون بانت ليه اسماء مصونية عليه بزاف وهو يتنهد ما بغاش يجاوبها عارفها اتهضر غير على لكلام لي قالت الياقوت ليه وتطلبو يرجع لدار ..


لكن بالنسبة ليه فعلا الياقوت ما قالت عيب هو لي تيق راسو وضن انها عائلتو لكن الحقيقة المرة هو ما عندو تا علاقة بعائلة "بن جلول" ....

طفا تليفون بدون ما يعاود يصوني عليها ..ما باغي مشاكل مع منير لي مدخلاش ليه راس العلاقة الاخوية لي بينو وبين اسماء وديما في فمو "غريب كيبقى غريب"...ربما شخص الوحيد لي حسبو عائلتو و كتر هي هاجر..فور ما تدكر اسمها داز خيالها قدام عينو شي لي خلاه يتبسم بحنية ...خشا راسو تحت المخدة ونعس بحال شي طفل صغير....

بعد مدة وهو في سباته العميق طاح طيحة وحدة بحال لميت..حل عينو وملامحو مخصرين فدقان لي ملئ كل ارجاء الشقة....جمع الوقفة كيسوط ومزال منو لشورط معول على خزيت فهادا لي هرس لباب بدقان...

سمير حل لباب مغزف: هرسووه الخرا نتوما كاع....

دفعاتو ودخلات سدات لباب وراها مخنزرة كتر منو : حشاك اولد الناس....

سمير كمش حجبانو من شافها قدامو ربع يدو لصدرو : اش جابك هنا ماشي عندك مدراسة هاد ساعة ...

اريج هزات كتافها : ما كان فيا لي يدخل و غيبت...


سمير بقا غير كيشوف فيها ..خشا يدو فجيب شورط ودار غادي لبيت ديالو : سيري لداركم ولا رجعي لمدرسة ما عندك ما ديري عندي هنا....

تبعاتو لبيت نعاس كتخبط فرجليها شافتو تلاح فوق ناموسية : واش غادي تنعس...

سمير مخنزر :كنت ناعس تا تسلطتي عليا نتي هاد ساعة ...

دخل راسو تحت المخدة ودار ليها اشارة بيدو تمشي بحالها...بقات واقفة فمكانها كدور فعنيها..حطات محفضة ديالها وحيدات طابلية هي وسبرديلة وتوجهات عندو تخشات حداه ...بسرعة هز راسو مخرج عينو فيها...

سمير: اش كديري....

اريج : انعس معاك....

سمير دار عندها ناعس بجنب وحط يدو تحت راسو : عارفة اش كتقولي ولاعندك كلشي عادي...

اريج ببطئ قربات عندو تخشات فصدرو مخبيا وجها فصدرو وشعرها مطلوق وراها وبصوت مكتوم قالت: بصح غادي تزوج بديك لي قالت ليك زاينة....

سمير هز خصلة من شعرها كيدورها على صبعو بهدوء نطق : لا عجباتني علاش لا....

اريج دارت عطياه بضهر وقلبها كيضرب بجهد عضات فمها من لتحت مزيرة: علاش ما بقيتيش كتبغي خالتي ولا نسيتيها وقادر تكمل حياتك عادي...

خشا نيفو وسط شعرها مغمض عينو وستنشق ريحتها بشوق ولكن فور ما تفكر صغر سنها بعد راسو وعيونو كيبريو قال:هاجر عمري غادي نساها ولا يقدر يجي شي حد فبلاصتها ...

اريج دارت عندو مصدومة و وجها حمر: واش حماقيتي ولا مالك هي مزوجة وراجلها دار فيك الخير لي مدروه خوتك لي من لحمك ودمك وتجازيه بهاد طريقة....

سمير بملامح هادئة قال: حبي لهاجر بعيد بزاف على حب عصام ليها...

اريج عودات دارت عطياه بضهرها : الحب هو الحب مكاينش فرق بيناتهم ....

سمير حط يدو على شعرها طبطب عليه بحنية: مزال صغيرة باش تفهمي هادشي ايجي وقت لي اتقدري تفرقي وتفهمي شعوري تجاه هاجر...

اريج خشات راسها فالمخدة: دابا صافي اتزوج بهديك لا عجباتك .... 

سمير: لكانت مرا ديال زمان وتفهمني ونفهمها منلقاش بحالها.....

اريج مزيرة :اوا مبروك عليك مسبقاً....

هز راسو لسقف وبملامح جامدين قال: الله يبارك فيك....

بقا هكاك ساهي تا دار عندها لقها مزال فمكانها عاطياه ضهرها ...دور يدو على خسرها وجرها عندو حط يدو تحت من راسها كيلعب فيديها صغيورين ورطبين..هز راسو يشوفها لقاها مغمضة عنيها باسها فحنكها وغطاها معاه مزيان ..طفا ضو وخشا راسو ما بين شعرها لي كيحماق عليه وكيفكر غي مع راسو تا داتو عينو ونعس وهي بين احضانو كأنه حلم....


فدار العسكري غواتهم واصل فين بغى حليمة تخبط فجنابها وطلع وتهبط فدروج وسمية هي وزاينة لونهم مخطوف...

حليمة: امدرا لقيتيها ....

سمية كتنهج : قلبت قنت بقنت حسها مقطوووع ...

حليمة جلسات فدروج رجليها فشلو عليها شداتها صخفة: عيطي على باها لاتكون مشات معاه...

زاينة: عيطت عاد دابا قالو ليا مكيناش معاه وها هما جيين فطريق...

حليمة كضرب ففخاضها: الله يا ربي و البنت فين عطات راسها يا ربي اش انقول لراجلها ..عطيوني جلابتي نخرج نقلب على بنتي كبدتي كتشوا عليها...

مدات سمية ليها جلابة ولبسات تا هي خرجو كيقلبو عليها بخوف وبلا عقل ...ضنو انها ناعسة بحكم فاقت بكري لكن من بغاو يفيقوها تغدا ملقوهاش وحوايج لخروج وتليفون وبزطامها كلشي كاين من غيرها هي ...

قلبو عليها فكل لقنات ومخلاو ما سولو فجيران مكاينش لي عطا خبارها...حليمة ولات صفرا كدير جريا و مشية وعنيه على كل لمكان بحالي كتقلب على ابرة....

سي حميد لي وصلاتو لخبار ركب فطونوبيل وشد طريق هو ولادو وقلبو ايسكت ولون مخطوف ليهم فوجهم ...بيد مترعدة هز تيلفون دور لعصام وكيدعي يا ربي تكون معاه...

عصام مزال شاد طريق ركب سمعات بلوتوت من شاف ابيل ديال نسيبو ...

عصام: الو سي حميد....

سي حميد نفس كطلع وتهبط : ولدي واش معاك هاجر...

عصام فور ما سمع اسمها شد لفران بجهد وقلبو تهز ورجع كيخبط بين ضلوعو بصعوبة نطق : فين هي هاجر اسي حميد....

جواد خدا تليفون من باه من شافو مقدرش يهضر: خويا عصام عيطات علينا لوليدة قالت هاجر مكاينش حسها فدار قلنا زعمة تكون ديتيها معاك....

عصام بعصبية عينو خارجين: كفااش معاايا ياك قلت ليكم هاد ليومين اتبقى معاكم....

جواد ما عرف ما يقول من غير : ما عرفنا اش واقع ها حنا شادين طريق لدار نقلبو عليها....

عصام كيترعد قطع عليه و عنيه حمرين ...ضرب دورة راجع لرباط طاير مع ريح عيط على لبوليس لي كيعرفوه مزيان يقلبو عليها فين ما كانت يجبوها ليه ...

رجع رما تليفون كيتنفس بجهد و الخوف سيطر عليه انه تكون واقعة ليها شي حاجة..فرمشة عين وصل لحومة ديالهم لي مدعوقة بناس وكلشي واقف امام دار العسكري...

خرج من طونوبيل ولونو صفر وقف جامد وقلبو وقف عن نبض من سمع صوت لبكى ديال حليمة لي كتصرخ بإسم "هـاجـر" كأنها جنازة ....


وقفات وشمس كتحرق فيها بغات تاخد غير قرعة لما تشرب لقات نفسها مجباتش معاها لفلوس..تكونات مع قنت الحيط كضلل بيه من شمس ... دايرة من فوقها غير كاب توب طويل ومن لتحت لابسة بيجامة ديال نعاس مع بنطوفة ديالها و فيديها هازة دفاتر ديال حاتم لي نساهم مداهمش معاه ومن هبطات لتحت تقاد حوايج عصام لقاتهم فوق لمجر ..بلا ما تقول لتا حد فين غادة هزاتهم وخرجات شادة طريق لمؤسسة لي كيقرا فيها ولدها اللغة العربية ويحفظ لقرأن و السنة النبوية ....

تنفسات بجهد من وصلات امام المؤسسة قربات لحارس و وجها حمر كتلهت..

هاجر : خويا عافك بغيت نسولك...

هز فيها راجل عينو بانت ليه حمرا بجهد خلعاتو : مرحبا ختي ياك لباس...

هاجر : والو اخويا غير ولدي كيقرا هنا ونسا هاد لكتوبا لي عطاهم ليه الاستاد لبارح وليوم خاصو يعطيهم لاستاد ديالو...

راجل شافها سخفانة وبزز باش كتهضر وهو يحل ليها لباب وشار ليها لجهة ديال قسم : سيري لهيه اتلقاي مرا مكلفة قولي ليها هادشي وهي اتجيب ليك ولدك تال عندك...

هاجر : شكرا اخويا الله يرحم ليك الوالدين...

مشات لمكان لي قال ليها تمشي ليه حاطة كتوبا على صدرها بحال شي بنت صغيرة غادة تقرا..غمضات عنيها بجهد ورجعات حلاتهم حاسة بضبابة كدور بيها..وقفات امام لباب ودقات بشوي...خرجات عندها مرأة متوسطة فالعمر دايرة خمار كامل كيبانو فيها غير العنين....

المرأة: مرحبا ابنتي واش بغيتي تقيدي تا نتي تحفظِ القرأن...

هاجر بخجل حدرات راسها : لا ، جيت غير نعطي هاد دفاتر لولدي كيقرا هنا ...

المرأة: ماشي مشكل ابنتي دخلي بعدا جلسي خودي راحتك....

هاجر بخجل دخلات امام لعيالات لي كانو جالسين كلهم دايرين حجاب و مستورين وطايح عليهم سر رباني وباين دفئ من عنيهم ...جلسات وسطهم كتحرك ليهم غير راسها حشمانة بلبس لي لابسة....

المرأة جلسات مترأسة طبلة حيدات لخمار وبان وجها المنور و بإبتسامة جميلة قالت : متحشميش هادو غير الاخوات ديالك فدين .."حطات يديها على صدرها"... انا سميتي عائشة يمكن ليك تعيطي عليا الحاجة وانا لي مكلفة هنا بالعيالات لي كيجيو يحفظو القرأن....

هاجر بحياء واضح حسات بحالي صغيرة بزاف فمقامهم الرفيع : مشرفين اختي عائشة كما قلت انا جيت على قبل ولدي نسا هادشي...

عائشة دارت اشارة لبنت حداها : جيبي شي قرعة لما باردة تشرب بانت لي سخفاتها شمس .."رجعات عنيها لهاجر "...شنو اسم الابن ديالك...

هاجر : حاتم بن جلون....

عائشة خرجات عيونها : نتي مامات حاتم...

هاجر بشك: اه هي انا واش دار شي حاجة خايبة...

عائشة قربات حدا هاجر وعنيها كيبريو: بالعكس ولدك مشالله عليه عقلو خفيف بزاف وفضرف وجيز قدر ينطق اللغة العربية بلسان فصيح بدون غلط وتا حفظ ديالو لقرأن كيحفضو من جلسة وحدة مع الاستاد ديالو... ولدك تبارك الله ذكي كتر من سنو واش نتي لي كنتي كتراجعي معاه....

هاجر حركات راسها بنفي : لا باباه لي كان كيحفضو وهو لي كان كيعلمو العربية....

عائشة : مشالله بحال هاد الاباء مبقاوش ..قليل فين كيعلم الاب ابنو اللغة و دين.. تقريبا كلشي دابا ولا كيوجه ولادو اما لموسيقى ولا رقص ولا لألعاب عكس الاساس لي خاص يتربى فطفلو وهو فطور نمو لي هو دين وكنضن زوج ديالك توفق بهاد الابن لي باين صلبو وهو صغير فكيف غيكون من يكبر ..."حطات يديها فوق يدين هاجر"..فالحقيقة كنت هاد لعشية غادي نتاصل بيك حيت انا و الاساتدة ديالو قررنا واحد لقرار كيخصو و بغينا والديه يوافقو اولا ....

هاجر شرابات كاس لما تبرد روحها وكلام عائشة ضوخها ما فهمات والو ..كتشوف فالعيالات لي مبتاسمين فيها باينين تا هما عارفين حاتم وعزيز عليهم ..بدلاتهم الابتسامة ورجعات عيونها لعائشة...

هاجر: الله يسمعنا خير ....

عائشة برضى تام : لكان ممكن عيطي تا على راجلك هاد لقرار خاص توافقو عليه بجوج...


دخلات يديها فجيبها تهز تيلفون ملقاتوش عرفات نساتو فدار بحرج قالت : نسيت تليفون ومحفضاش نمرت راجلي...

عائشة : ماشي مشكل تا تمشي لدار وعلميه وغدا فهاد لوقت تلقاونا هنا انا و الاساتدة ديالو ومدير لمؤسسة....

هاجر صغرات عنيها : غير لكان ممكن تشرحي ليا باش نقدر نفهم راجلي....

عائشة: معندك مناش تخافي كلشي اتعرفوه غدا نشالله..."جمعات الوقفة" ...انعيط لحاتم يجي عندك....

خرجات وخلاتها وسط لعيالات لي كيتبسمو ليها و كيعرفو بنفسهم ليها وهي بإبتسامة دافئة كترد عليهم تحية حتى تم داخل عليهم منور بلباس تقليدي وتقيشراتو لبيضين لي مهزوزين على البلغة هاز جلابة من لقدام كيبين سروال ديال جبادور من لتحت وبعينو زرقاء الغامقة قرب عند مو لي كتشوف فيه مبهوضة ...وقف قدامها حازم فنضراتها ...

حاتم : كيف حالك يا اماه.....

هاجر خرجات فيه عنيها : ششششنو.

حاتم دور يدو على ضهرو بحال شي راجل كبير : ما الذي اتى بك إلى هنا ....

هاجر هزات دفاتر مداتهم ليه : نسيتي هادو ...

حاتم خدا منها لكتوبا وشاف فعنيها بحالي باغي يقول شي حاجة ومقدرش حدر راسو وتم خارج ....

خلاها كترمش فعيونها ما فاهمة والو بينما عائشة جلسات كضحك حداها...

عائشة: ولدك اي حاجة قالت ليه كينفدها بتدقيق معندوش مع الغش وهنا الاستاد ديالو خبرهم انهم من يدخلو لمؤسسة ميهدروش بدرجة و ان غير اللغة العربية و ولدك بان لي مكيحملش يكون فالمركز تاني وديما كيطمع يكون هو الأول مكيبغيش لي يفوتو وكنضن هذا سبب تفوق ديالو .......

هاجر دورات عنيها كتشوف ليه فضهورو وهو غادي و كيقلب فدفاترو باين من ملامحو بيه شي حاجة وهي تعيط عليه : حاتم اجي ..."رجع عندها وقف حداها"..عطيني تليفونك نعيط على باباك...

حاتم بهدوء دخل يدو فجيبو حلو ومدو ليها امام نضرات لعيالات لي تصدمو فيه ...

جراتو عندها وعنيها خارجين فودنو لي حمرا بحالي جبدهاليه شي حد..هزاتو حطاتو فوق ركابيها ودورات نمرة ديال عصام كلها كترعد حاسة بولدها شي حد ضربو و قبل ما دير شي مصيبة قررات تعيط على عصام هو لاول يجي يتفاهم مع هدا لي قاص ليها ولدها.....


راكب فطونوبيلتو طاير لمكان لي خبروه لبوليس انهم لقاوها فطريق ديال كازا.....قلبو كيضرب بجهد وعقلو ستنتج كل الحوايج الخايبة لي يقدرو يوقعو...

معاقلش على نفسو كيضرب ضو لحمر و يزيد عقلو مشوش وزاد تشوش كتر من شاف نمرة ديال ولدو طالعة ليه فتليفون..تنفس بجهد وحاول يكالمي نفسو ما يحسس ولدو بوالدو ..قبل الخط وقبل ما ينطق سمع صوتها شي لي خلاه يشد لفران بجهد تا رويض تحكو مع الارض والجسم ديالو تهز من بلاصتو...بسرعة خرج من طونوبيل كيتتنفس بجهد و كيرجع لأكسجين لي غبر عليه من سمع صوتها فالهاتف..رجع هز تليفون ويدو كترعد كل داك الخوف لي كان حاس بيه ترجع على شكل حركات...حط تليفون على ودنو ونطق اسمها كأنه كيأكد انه مغلطش فصوتها...

عصام: هاجر...

هاجر حسات بيه ماشي هو هداك : عصام مالك واقعة ليك شي حاجة ...

هز راسو لسما تنفس بجهد وتكى على طونوبيل فاشل : فين نتيا دابا....

هاجر: انا فالمدرسة لي كيقرا فيها حاتم و بغيتك تجي عندي دابا...

عصام: ما تحركيش من بلاصتك دابا تلقايني عندك...

قطع عليها وبسرعة ركب فطونوبيل دور نمرة لنسيبو ...

عصام: الو سي حميد غير حبسو من تقلاب راني لقيتها...

سي حميد بخوف: فين لقيتيها اولدي واش لباس عليها ما وقع ليها والو ...

عصام حط راسو على لبولة ديال طونوبيل : ما وقع ليها والو انديها هاد ليلة معايا تال غدا ونرجعها ...

قطع بلا ما يتسنى جواب طرف الاخر...ديمارة طونوبيل ورجع طاير لمكان لي كيقرا فيه ولدو وعينه حاملين شرر وغضب مكبوت كيحاول يسيطر عليه لكن عمل هاجر ستفزو بوضوح تام وداك الخوف كامل لي كان فيه تحول لغضب عارم...

ركن طونوبيل ديالو امام المدرسة .وبسرعة خرج فور ما وصل لباب سمع صداع... ولغوات ديالها داير فضيحة ما حس براسو تا طار لمكان لي كيجي منو غواتها وصل لباب مخرج عينو من شافها واقفة و وجها حمر هازة ولدها وكتغوت فراجل لي قدامها...

هاجر: انا مجبتش ليكم ولدي بااش ضربووه ولا تعاودو ليه تربية انا درت فيكم تيقة ورسلتو يقرا عندكم و يتعلم على يديكم اما لكنتو كل نهار ضربوه وتجبدو ليه فودنيه بلاش راه ماشي شايط عندي ولا عندي منو عشرة...

راجل لي واقف قدامها حادر راسو حشم ما قدرش يهز فيها راس : بنتي غير سمعي اش كنقول ليك ولدك من احسن تلاميد عندي وعمري حطيت عليه يدي ولا نهضت فيه وديما كنعطي بيه مثال قدام زملاء ديالو وليوم نسا دفاتر لي هادا قانون اي واحد نساهم كنبهوه بتأنيب صغير....

هاجر كتنفس بجهد: شمن تأنيب اسيدي كدوي عليه ولدي من دخل عندي باين الخوف من عينو وما قادر تا يقرب ليا وخايف ينطق وودنيه حمرين بتجباد ..لكنتو ولادكم نتوما مولفين ليهم لعصى انا ممولفهاش لولدي وعمر صبع تحط عليه وباش انا لي مو معمري نهضت فين نلقاك نتا واخد راحتك غير تصرفق فيه راه منعقلش عليك ومن غدا نجرجرك فالمحاكم ...

عائشة شدات فيدين هاجر : عافك ابنتي راه قد باك خاصك تحتارميه هو تبع غير نضام ديال المؤسسة...

هاجر نترات يديها معصبة : الاحترام اختي واجب ولكن تال ولدي ما نعقل تا على واحد وخا يكون قد با ماشي انا راسلاه عندك مرتاحة حيت دايرة فيكم تيقتي وفلخر تركبو رعب فيه... هنا الولد كيتعلم كفاش يحارب الخوف بالدين وينور طريقو بيه ماشي يخاف من دين ويدير احتياط منو وبحال هاد تربية لي كتربيو فهاد المدرسة كتعلمو طفل لغدر قدام بنادم يكون ملاك وفلداخل يكون شيطان ...

راجل غرق فحوايجو بالحشمة وباين عليه امام مسجد : ابنتي حنا مكنعلموش ولادنا العكس يقدر هادشي جاك زايد وماشي حق ولكن هادا واجب عليا اني نكون صارم مع تلاميد دياولي...

هاجر زيرات على ولدها فحضنها : اسيدي كلامك ماشي معايا تايجي باه و يتفاهم معاك.....

دارو كاملين من سمعو صوت رجولي لي كان طول الوقت وهو واقف قدام لباب و تا حد ما رد ليه لبال وكلشي داز على المسمع ديالو ......

عصام من تحت سنانو: هاجر....

بمجرد ما سمعات صوتو خطات خطوات عندو وعنيها حمرين باين معصبة بزاف مزيرة على ولدها...هبط عينو وطلعم فيها دار ليها سكنير عاد نطق...

عصام مد ليه ساروت: تسنايني فطونوبيل.....

خدات منو ساروت وخرجات منفخة بينما هو دخل عند راجل لي كانت كتهضر معاه هاجر ...تناقش هو وياه فالهضرة بهدوء تام عكس الاعصار لي كانت دايرة هاجر....

دخلات لطونوبيل كتقلب فحناك ولدها لي جالس قدامها مخسرة سيفتها..

هاجر : كضرك بزاف...

حاتم حط راسو على صدرو : امم بزااف...

هاجر مفقوصة : اخر مرة نرسلك لهاد المدرسة بغاو يطيرو ليك ودنيك ولكن غير بلات والله لبقات فيهم...

دخل عصام جلس حداها بهدوء دور راسو لولدو هز ليه وجهو لعندو شاف فيه مزيان...

عصام: صافا...

حاتم: شوي ا بابا...

عصام بحنية لعب ليه فحنكو : نديك لطبيب...

حاتم : لا غير خليني حدا ماما و غادي نبرا......

هاجر عنقاتو بجهد عضاة شفاه ديالها جاتها البكية بينما عصام شاف فيها بصمت وديمارة طونوبيل بلا ما ينطق حرف واحد ...

حاطة راسها على راس ولدها وبنص عين شافت فعصام لي طول الوقت وهو ساكت و ملامحو جامدين بغاتو غير يشوف فيها ولا يبتاسم لكن بدون جدوى عيونو حاملين غضب شي لي خلاها ما تقول والو وتسكت طول الوقت...


خرجات من بيت نعاس كتهبط تريكو لي طلع لجهة صدرها وكتسرح شعرها بيديها...طلات عليه فالكوزينة و عنيها ملصقين وضايخة...

اريج بصوت مبحوح: اش كدير ...

سمير دار عندها : فقتي....

اريج قربات ليه دورات يديها على خسرو وخشات راسها فضهرو : مكنحملش نعاس ديال مور عصر كيقلبني...

سمير جرها معاه لطبلة جلسها فكرسي وكيحط طباسل قدامها : كولي باش نديك لدار....

اريج : خليني نبات معاك...

سمير هز فيها حجبانو : و شنو اتقولي لوالديك...

اريج هزات كتافها: نقول ليهم بايتا عند صاحبتي هما اصلا كيتيقو فيا دغيا ....

سمير حدر راسو لطبسيل كيقطع لحم بالموس و الفورشيط... قال بدون ما يشوف فيها: ونتي كتستغلي هاد تيقة لي عاطينها ليك.."هز عينو فيها"...هكدا كنتي كدوزي وقتك مع داك عماد...

اريج خسرات سيفتها: اش جاب عماد الهضرة انا قلت نبات معاك ماشي معاه...

سمير تبسم بجنب: بحال بحال بجوجنا رجال ونتي زوينة بزاف اي حاجة توقعيها ....

اريج : لا ماشي بحال بحال....

سمير شاف فيها بنص عين: مجربة ولا غير كتنطقي...

اريج مكتحشمش منو وتا هوا مكيخبيش شخصيتو قدامها..دورات يدها على شعرها مصغرة عنيها ...

اريج : علاش،، باغيني نجرب معاك...

سمير شرب من كاسو ورجع حطو هاز حاجب ومهبط لخز: بنات صغار مكيتيرونيش فبلا ما تحاولي...

اريج حركات راسها بجرأة: اكيد وهادشي بينتيه ليا من نعست حداك مستسلمة ونتا ما درتي ليا والو ....

سمير غمزها بجرأة تا هو : ها نتي فهمتي....

اريج وقفات قربات ليه بخطوات تابتين ..دفعات ليه يدو وجلسات فوق حجرو ودورات يديها على عنقو وبدون خجل قالت: ودابا مزال قادر تقاومني ....

سمير حط راسو على يدو : يا اما نتي جاتك المراهقة سخونة كتر من لازم وخاصك غير معامن يا كتفرجي فأفلام بزاف وتعلمتي منهم كثر من سنك يا..."غمزها"...باغية تخدمي قح** من تكبري ...

اريج دورات عنيها بإستخفاف: عجبتني لخرا نقدر نديرها تا هي خدمة 
علاش لا....

سمير دور يديه على خسرها وطلعها بشوي تا وصل لعنقها كيداعب شحمة ادنها بلطف وعينو في عنيها قال: عارفة اش كتعني هاد لكلمة ا اريج....

اريج حدرات راسها لعندو وبدون سابق اندار باستو ففمو بخفة وبعدات : لكورة بين يديك يا نتا يا عماد اش اتختار....

سمير حط ضهرو على كرسي مخسر سيفتو : لهاد درجة رخيصة......

اريج وقفات وبعدات منو هزات طبلية ديالها : تسالة الوقت خليت ليك لكورة ولكن نتا ما عرفتيش ليها ولكن كنضن طرف الاخر ايعجبو لعرض ..."هزات محفضة ديالها"....وانعاود نقول ليك مبروك والله يكمل بخير مع بنت ناس...

عطاتو بضهرها وتوجهات لباب ..حطات يديها على لباني خارجة وهي تسبقها يد زدحات لباب بجهد وحدا ودنها نطق....

سمير: عيطي على والديك قولي ليهم بايتا عند صاحبتي...

يتبع...

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.