كلفتني غلطتي الجزء الثاني

أشرف : لا مكاين حتى واحد ..

راه كاينين رجالي تما لا كانت شي حاجة راه غادي يقولها..

ليا شي واحد من رجالي و نقولها ليك ..

مجاوباتوش ..كملات خطواتها و حلات الباب بشوية ..

و فنفس الوقت رادا البال ..

لا يشوفها شي واحد ..

غير حلات الباب حلات معاه حتى فمها ...

گانت مكتب غالب عليه اللون الاسود..

و كبير بزااف وفيه بزاف ديال الكتب ...

نفضات داكشي من بالها ..

وحطات تيلي ديالها لي فيه تصويرة ديال الملف

بقات كتشوف فيه ...

و كتقلب فلملفات...دقائق وهي كتقلب

و كل حاجة كتردها في بلاصتها

باش ميشوكو فوالو ..

حتى قشعاتو محطوط بوحدو في واحد القنت ...

بتاسمات بانتصار ..

سيلين و هي مستغربة : مالو عازلينو بوحدو ..

امم ياكماا معندهم بيه غراض...

هزاتو و خرجات من المكتب بشوية

خشاتو ورا ضهرها و غاداا عادي ممسوقة لحد ..

و معارافاش مصيرها و معامن لعباات ..

حتى سمعات صوت أشرف في سماعة

اشرف : اش درتي خديتيه...

سيلين : ههه باقي عندك فيها شك ..

اشرف عينيه خرجو منهم قلوبة : واو بصح صافي ..

خرجي عندي بارا انا كنتسناك..

سيلين : اوكي

بقات غادا حتى خرجات من بوابة ديال القصر ..

لمحاتو متكي على للوطو سلمات عليه ووقفات حداه..

سيلين : يلله ندخلو اللوطو لا يشوفنا شي واحد ..

اشرف : اه عندك الحق

ركبو في اللوطو و مدات ليه الملف و عينيه باينة فيه الفرحة ..

اشرف : شكراا بزااف ....

سيلين هزات حاجبها : حتى حاجة ما فابور ...فلوسي و دبا ..

اشرف ضحك ليها : ههه سيلين هي سيلين ...

سيلين بابتسامة : ههه وييه

جبد من جيبو واحد الشيك...

و مدو ليها خداتو من عندو و ابتسامة على وجهها

سيلين : يلله نخليك ...خاص نقدي شغالي ....

اشرف بفرحة : اه اه سيري ...

سيلين حلات باب للوطو قبل ما تخرج..

دارت لعندو فحالا تفكرت شي حاجة ...

سيلين : لا خاصك شي ملف آخر عيط ليا (وغمزاتو ..)

اشرف و هو كيضحك: ههه معندك عقل

سيلين: ههه وباز لوجهك القرد

أشرف : سيري محال تقدااي ...

خرجات سيلين من للوطو ...

يلله ادور عينيها و هي تلمح جاد..

داخل باللوطو ديالو قشعهاا و شاف فيها شي شوفات..

كلهم استهزاء خنزرات و كملات طريقها ..

عند جاد ..🌸

گان فللوطو ديالو ..

دور راسو حتى كيتفيكساو عينيه عليها ..

و هي هابطة من للوطو..

و ضحكة واصلة ليها الوذن ..

جاد بصوت مسموع : لا واش منيتها هاذي فاتت العهر لهيه ..

بقا مكسيري حتى..

وقف اللوطو ديالو و خرج منها ...

و تمشى بخطوات ثاتبتين و مرزنين و محسوبين ..

و عاقد غوباشتو كيف ديما ...

حتى كيصوني ليه تيلي جاوب في البلاصة ...

حط لفون على ودنو و نطق ..

ببحة رجولية حادة و جدية

جاد : اش كاين

...........: دوينا مع مسيو گمال و قال بلي الصفقة اتكون بعد سيمانة ..

جاد : نفس ثمن !!

...........: اه اسيدي نفس ثمن كيف تفاقتو ..حم حم و الملف خاص

قاطعو بحدة : ديها فكرك وصلتي الميساج و رجع لور و تكمش

الشخص بدا كيصفار و يخضار و نطق بثوثر : كنعتاذر آمسيو جاد مغاديش تعاود ..

من بعد سيمانة أيكون اجتماع في المغرب ..

هز براسو باه فحال إلى كيشوفو مجاوبوش و قطع عليه ...

كمل خطواتو حتى وصل المصعد ..

ورك على الطابق ديالو

و رجع لور حتى تحل المصعد

مشا نيشان لغرفتو ..

نسل حوايجو بقا غير بشورط رياضي..

دخل الحمام دوش بالخف

و خرج لاوي عليه الفوطة من لتحت ..

دخل لدريسينغ لبس عليه شورط قصير ..

و بقا عريان من لفوق..

و جسمو رياضي باارز ..

تلاح في بلاصتو و دار يديه مور عنقو..

و نطق بهمس

جاد : مغاديش يدوز ليك داك الميساج بساهل ..

بعد مرور أسبوع ....🦋

جاا نهاار حفلة الخطوبة ..

سيمانة دازت بالنسبة ل سيلين كيف البرق ..

محساتش بيهاا گاع ..

كيف ديمااا كانت مني كتفيق كتصبح على الطاقم ..

و تعطيهم توجيهات..

تقربات من زيد و لاو فحال الأصدقاء..

اصلا هي ما كانت كترتاح لحتى واحد فذاك القصر ..

من غير زيد ...

و هاد الاسبوع جاد مدوزوش في القصر ..

دوزو في واحد لفيلا گانت جنب البحر

هوايتو المفضلة هي السباحة ..

كيرتاح فيها ..

جمعات الوقفة فاقت كلها حيويا و نشاط..

فرحة باينة في عينيها متشوقة بزاف الحلفة بتاسمات بخفة ..

و علاش لا و هي كلشي دارتو متول !!

و لعائلة گاملة شكرات عملها ..!!

و مازال الناس لي غادي يجيو ..

و يعطيو رآي ديالهم ..

تنهدات براحة اصلا داكشي لي جات على قبلو ..

قداتو علاش مغاديش تكون فرحانة ..!!

وقصدات الحمام خدات دوش خفيف باش غير تحيد العياا ..

مدازش بزاف ديال الوقت

حتى گانت خارجة و لاوية عليها الفوطة

و وحدة خرى في شعرها گتنشف فيه

تقابلات مع المرايا و هي مازال كتنشق ..

هزات سيشوار و صوبات شعرها لحريري الممجوج بالأسود ..

واصل لضهرها لبسات عليها كسوة عادية..

لحقاش الحفلة حتى ليل طبعاا ..!!

هزات شعرها شفنجة مهملة ..

وجلسات في طرف ناموسية

و مشات البعيد كتفكر مني تمشي من هاد القصر..

اكيد غادي تبغي تشري شي فيلا ..

و ميبقاوش ساكنين فديك الاباغطومو ..

و يسافرو و يبدلو الجو ...

ولكن تفكرات ختها لي قريب تبدا تمشي لفاك ..

تنهدات و غمضات عينيها و سهات

مافيقها من سهوتها غير صوت دقان كانت الخدامة

الخدامة : انسة تفضلي لفطور واجد ...

سيلين : صافي غير حطيه تما و سيري ..

الخدامة : انسة سيلين قالت ليك مدام إيسلي مني تسالي جي لعندها ..غادي تكون هي و مدام جاسمين

سيلين : صافي غير نسالي نمشي عندها ..

خدامة هزات رأسها بآه و انساحبات بهدوء ..

خلات سيلين بدات كتاكل ...

في مگان ثاني ..🦋

گانت جامعة رجليها عندها...

و متكية على شكل جنين و عويناتها سوداء ..

من لتحت منفوخين بالبكا و زرقين بقلة نعاس..

و علاش لا و هي ليل گامل ...و هي فايقة ..

كيمشي بالها نيشان اش وقع ليها البارح..

و كيفاش قدر يقول ليها ديك الهدرة و هي كتبغيه ..

هانها حسسها بلي هي معندها حتى قيمة..

مجرد نزوة و دازت گان دايرها غير طريق

و هادشي عمرها توقعاتو منو بالضبط

لعب من مور ضهرها و معامن مع صاحبتها بروح

تنهدات تنهيدة خارجة من أعماق..

و نزلات دمعة حارة من عينيها كتعبر على بزاف ديال الحوايج

منهم غذر حبيبها لي كانت كتبغيه..

و صاحبتها الوحيدة لي كانت عندها ..!!

گانت كتعاود ليها كلشي معمرها كانت متوقعاها منهم هوما بالضبط ..

ولكن هذا مصيرها ..

هادشي لي گان مخبي ليها القدر معندها مدير ..

سهات في فراغ و رجعات بها ذاكرتها لور ..

🔙🔙🔙فلاش باك ..

گانت فرحانة بزاف و بغات دير ليه مفاجأة..

گانت لابسة لبيسة غزالة باسود قصيرة حد الفخاد ..

و طالقة شعرها على طولتو ..

و مقادة راسها باغا تبان في أبهى حالة ..

باش يحتافلو بجوج..فقط !!

بلا صاحبتها واخا بقا فيها الحال مني مقالتهاش ليها..

كانت اول مرة تحتافل معاه بعيد ميلادو..

و غير بوحدهم ..بلا صديقتها !!

في جنبها الشكلاط و فجنبها لاخر كيك ..

و علبة حمراء عبارة عن هدية ..

و شي هدايا خرى ديال العيد ميلاد ...

تفكرات صاحبتها ميمكنش متقولهاش ليها ..

و قالت ضروري خاصها تكون معايا...

و نحتافلو ب ثلاثة بينا .. !!

تنهدات و صونات ليها

و لكن للاسف كان تيلي ديالها طافي..!!

هزات أغراضها و حولاتهم للوطو ديالها و كسيرات و هي فرحانة ..

دقائق كانت قدام واحد الاباغطومو صغيرة..

بتاسمات بخفة و حطات صبعها ففمها و عضاتو بعفوية ..

و حلات الباب ديال للوطو ..

و جبدات دوك الهدايا گاملين و هزاتهم ..

ركبات في المصعد نيشان لطابق فين ساكن ..

ثواني حتى تحل المصعد ..

كملات خطواتها حتى وصلات ..

لقات الباب غير مردود گعما مسورت ..

معطاتش الموضوع أهمية و هزات كتافها بدون مبالات ..

دخلات على مشاط رجليها باش مديرش الحس و تفاجآو ..

وحطات داكشي في صالون ..

وقصدات بيت نعاس يقدر يكون ناعس لحقاش گان ليل ..!!

سمعات صقيل حتال لشوية كيتخلل مسامعها..

شي آصوات غريبة ..

معمرها سمعاتهم ..!!

طلعات في الدروج ..

و علامة استفهام فوق راسها ..

مازال مفهمات والو ..

حلات الباب بشوية و هنا گانت صدمة عمرها ..

خرجات عينيها على جهدهم و حطات يديها على فمها ..

كتحاول تستوعب هادشي لي قدامها ..!!

واش حلم و لا فعلا واقع ..!!

مقدراتش تشوف هاد الوسخ قدامها

عافتهم و كرهات نهار لي عرفاتهم فيه

مافايقها من سهوتها غير صوت الآهات ..!!

گانت صاحبتها و ما يسمى بخطيبها او عشيقها الخ ..

كيف گانت مسمياه في نفس الفراش مع بعضياتهم ..

عينيها تغرغرو و هي كتشوف هادشي لي قدامها كتشوف فيهم ..

و دموعها في عينيها ممتيقاش اش كتشوف قدامها

جمعات الحرف بزز عاد نطقات : أ ا أ أ اش كديرو !!؟

........... دغيا نزل كيلبس البوكسور و هو مصدوم : صفاااء

صفاء شافت فيه بحسرة : ياك ا گريم هادشي لي كنسوا عندكم طعنتيني في قلبي و معامن مع صا حبتي ..

نقزات صاحبتها : لا احبيبة حنا صحابات ولكن حتال لكريم و حبس اش كيصحاب ليك راسك زعماا هاا؟مني كتبقاي دوي عليه قدامي باش كتحسي هاا ؟ سمعي نقول ليك انا و كريم كنبغيو بعضياتناا و هادشي ديريه في بالك... مزيان مني جيتي باش نفكو هاد الحريرة لي مرضاتناا ..آووف عييت منك

گريم و هو كيشوف في عينيها : اه اصفاء أحلام عندها الحق كنت دايرك غير وسيلة باش نتقرب منها نهااار لول.. و من بعد ولينا كنبغيو...

بعضياتناا سمحيليا بزاف

احلام و هي معنقااا گريم من لور : و قريب نتزوجو ..

گريم : شوفي صفاء خليني نشرح ليك ..انا ...

قاطعتو صفاء بصقلة حتى دار وجهو لجيهة لخرى ..

و هزات صبعها سبابة كتحذير : آخر مرة تجبد سميتي على فمك اعيفة رجال ..كتفهم !!

احلام خرجات عينيها : ك كيفاش تجرأتي !!

صفاء هازة حاجبها : نعام !! معايا كدوي !!

احلام بلعات ريقها عارفة صفاء مني كتعصب تقدر تقتلها و ميسيقوش ليها الخبار ..

گريم حاط يديه على حنكو لي كيوزوز : واغير سمعيني را...

قاطعتو مني بقات كتضرب ليه في صدرو بعجرفة و دموعها شلال

صفاء : اععع مكتسواوش معندكمش علاش تحشمو ...و نتي اش درت ليك هاا !علاش مصرحتينيش !! و تقولي ليا كنبغيو بعضياتناا هاا !!! ولا مولفين بالغذر مور الضهر !!؟

احلام لوات عليها ليزار و قربات منها : معرفتيش علاش !! لحقاش كنكرهك اه كنكرهك من اعماق قلبي ...

صفاء بصدمة : اشنو يعنن 7 سنين و نت كتغدريني ياك احلام !!

احلام : كثر مكتصوري ..هاد 7 سنين كانو بالنسبة ليا جحيم ..واش انا مكايناش ياك كنتمشاو بجوج !! ولكن علاش نااس كيشوفو فيك غير نت !!واش انا مكايناش ها!! كلشي كيشوف فيك بإعجاب نسا ورجال ولكن انا حتى واحد مكيديها فيااا فحالا مكيناش معرفتش شنو مميز فيك و انا مفيااش !!

نزلات دمعتها بلاما تحس دغيا مسحاتها باش متبينش ضعفها و كملات هدرتها : كنا كنقراو بجوج و ليسي كامل تابعك ... و بنات ليسي شحال دارو ليك من الخطة باش يتشوه وجهك ولكن حتى هي مصدقاتش علاش معرفتش ....و حتى في نقاط كنا كنجيبو فحال فحال ها !!ولكن علاش نت تقبلتي استاذة في أكبر لفاك كاين في المغرب !! و انا لا !!

صفاء زادتها صدمة أخرى وسعات عينيها على جهدهم : هادشي گامل هازاه في قلبك من جيهتي !!

احلام بحزن : مغاديش تحسي بيا في لوقيتة لي كنت كنتعذب كنت كنلقى كريم مسادني ومعمر شي واحد غادي يفرقنا !!

صفاء مازال علامة صدمة في وجهها : و عندك الوجه لي مازال تهدري بيه !!

احلام : عقلتي نهار تلقى ليك داك الشفار و بغا يخسر ليك وجهك .. راه انا لي صيفتو ليك باش كلشي يبقا يحتاقرك و ينقص منك و لكن طبعاا هادشي موقعش و كلشي بسباب هذاك يونس لي كيدير فيها بطل قدامك هو لي عتقك..

صفاء حطات يديها على قلبها : اشنو نت لي صيفتي هذاك الشفار ..يخسر ليا وجهي ..

احلام : مكرهتش ندير ليك مكثر كنكرهك كثر من اي واحد مكيحملكش ..

صفاء بندم و حسرة : ندمت على نهار لي درتك فيه صاحبتي نتي راه مستحيل

تكوني انسان نت راك لفعة .. ولكن كلشي غادي يتبدل ..صفاء نية و ضريفة

مشاات ..بااح ..خليت ليكم راحة كملو متحشموش ...

يلله غادي تمشي جيهة الباب و عاودات دارت ..

فحالا تفكرات شي حاجة و شافت في گريم لي غير حال فمو فيهم و نطقات ..

صفاء : عيب تقول على راسك راجل نت راك شماتة و عفة رجال اه شماتة معندكش شخصية مقدارتيش حتى تواجهني ..! واش فنضارك هاذي رجلة ..!! لا راك غالط هادو راه فعايل شمايت ...!!

حولات نضراتها لاحلام لحاطة ديها على فمها

مصدومة من هادشي لي كتقول فيه صفاء

و كيفاش هو مقدرش يجاوبها ..!!

اصلا اش عندو ما يقول و هو طعنها في قلبها و ضهرها ..!!

و نطقات :

نتي راك غير مسخة واش نت حاسة براسك درتي انجاز و نت مع واحد في دار بوحدكم ... لا راك توسختي وليتي مجرد عاهرة لا غير واش فناضرك لي باغي لحلال ..غادي يدير الحرام ..!!

سكتات و عودات نطقات بسخرية : كنتمنى تزوجو كيف قلتي ..!

جمعات تنخيمة حتى جمعتها و لاحتا ليهم على وجههم : هادشي لي تستاهلو .. المسخين

خالتهم جامدين بدون اي ردة فعل ..

لاحت ليهم هاد جوج كلمات لآخرين و مشات كتجري في دروج و دموعها شلال ...

🔙🔙 نهاية فلاش بااك...

مافيقها من شورودها غير لفون ديالها ..

ديالها لي گان كيصوني گانت ختها سيلين ...

مسحات دموعها لي نزلو بلاما تحس بعجرفة

و تنهدات و فتحات الخط ..

سيلين گانت مازال كتاكل غير شافت حالت ختها و هي تشهق : صفاء مالكي اش واقع واش وقعات شي حاجة ... هدري متخلعينيش عفاك

سيلين دغيا بدات كتبكي طبعها حنونة..

واخا مكتبينش هادشي ولكن في أمور عائلتها ..!!

مكتحبسش دموعها خصوصا خالتها و ختها و واحد الشخص غالي على قلبها..

(قريب نتعرفو عليه(ها) )

هي من نوع لي قوي و مكيبكيش ببساطة !!

ولكن حتى لعائلتها و حبس ..!

خسرات بزاف في اول الام ديالها و ثاني الاب ديالها ..

ممستعداش على فراق هاذو لي بقاو ليها ..

صفاء : سيلين علاش البكا صافي ماواقع والو واش انا قلت وقعات شي حاجة !

سيلين : شوفي حالتك واش خالتي طرات ليها شي حاجة !!..

صفاء بغوات : سيييلين صافي باراكا لي فيا كفيني قلت ليك ماواقع والو هي ما واقع والو .. خالتي بيخير انا لي ماشي بيخير ..

سيلين خرجات فيها عينيها : اهاه مزيان الالة زيدي غوتي عليا زيدي اش كتسناي !!

صفاء عاد وعات على راسها : سيلين راه ماشي لخاطري ضارني قلبي بزاف اسيلين !! تغدرت اسيلين ..اه تغذرت ..!! تشويت اسيلين تشويت في قلبي طعنوني اه هوما طعنوني ..

بدات كتبكي بهيستيرية و تشير جيهة قلبها

و في فمها كلمة جملة و حدة لي "تشويت في قلبي اسيلين في قلبي"

و سيلين حاطة يديها على قلبها

لي غادي يخرج من بلاصتو

و دموعها في عينيها ..

و هي كتشوف حالت ختها فين وصلات ..

اول مرة تشوفها هاگا

صفاء كتردد نفس الجملة ..

"تشويت في قلبي اسيلين في قلبي "

صفاء دغيا نزلو دموعها بلا هواها ..

سيلين حطات يديها على صدرها..

اول مرة تشوف ختها في هاد الحالة ..

كتحاول تكالميها بعينيها و هضرتها

كيف كيقول المثل :

"ما يحس بالمزود غير لي مخبوط بيه .."

سيلين واخا تعيا تحاول تصبرها ..

ولكن مغاديش تقدر تحس بيها

لي صفاء حاسة بقلبها ايخرج

لا لا ماشي حبااا فيهم ..

لا هي راه بقات فيها غير شمتة ..

گانو ديما قدام عينيها وديما كانو كيضحكو عليها ...

بعد صمت طويل و غير صوت البكا و شهقاات صفاء

لي گانت حالتها تقطع في القلب ..

نطقات سيلين بجدية و بصراخ..

خلاتها تفيق من داك الوهم لي گانت فيه و هاد الغمة لي هي دبا فيها

نطقات بصراخ و جدية : صافي باراكا شحال قدك تبقاي هاگا ! هاا !! واش نت مريضة و لا مالك خاصك حتى نت ترجعي دقتك كتفهمي كيف ما هوما 7 سنين كيلعبو من مور ضهرك و هذيك احلام العاهرة حسابها معايا انا ..انا لي غادي نحرر عليها عيشتها كنواعدك وعد شرف حتى حقك غادي نآخدو..

ولكن قبل منرجعو دقتناا خاصك تنوضي و دوشي و تنعسي و تنساااي كلشي ..!! معمر حياتنا كتوقف على شي وااحد ديريها في بااالك مغاديش يعاملوك و لا يبغيوك كيفما نت كنتي كتبغيوهم و كتعمليهوم... بصح نت حنينة ولكن ماشي مكتوبة فجبهتك حمااااار ....لا نت خاااصك تردي دقتك و تكون دقة تكون قاااصحة لي غادي تخليهوم يندمو على نهااار لي لعبو من مووور ضهرك

سكتات كتنهج و كترعد گاملة مترسترطاتش ليها

يلعبو من مور ضهر ختهااا ..!!

علاش كاينة شي وحدة تبغي ختها تعرض لفحال هاد الغذر ..!!

من طرف صديقتها لكانت كتشاركها همومها و أحزانها ..!

طبعاا گان كلشي كذوب فكذوب...

گانت فحالا كتعاود الحيوطة ..

معمر احلام حسبات صفاء صاحبتها ..

لا هي راه گانت عدوتها...ماشي صديقتها كيف گانت معتابراها صفاء ..

گانت قدامها بوجه بريء ..و وراها بوجه ماكر و هازة فقلبها من جيهتها..

سيلين معمرها شافت ختها كتبكي بهاد طريقة ..!!

علاش شكون هوما لي يبكيوها ..!!!

و نطقات : وااااش مفهوم ..ماشي حناا لييتلعب من مور ضهرنا ا صفاء ماشي حناااا ..انا وياك معمرنا سمحناا فحقناا ا صفاء معمرنا واش مفهوم ..!!

سيلين كمشات عينيها بعصبية..

و عاودات فتحاتهم كتحاول تگالما ..

غير حلات عينيها و هي تصدم

و خرجات عينيها على جهدهم ..

🍸 في مگان ثااني 🍸

في إحدى من الملاهي الليلية ..

بالضبط في إيطاليا ..

ملهى گان فيه جميع انواع الفحشاء ..

و المناكر لي يقدرو يطيحو في بالك ..

گاين بنات و دراري كيرقصو و يغينيو

باش ينساو واقعهم و يتناساو احزانهم ..

هادشي گان فطابق اول يعني السفلي ..

و في طابق الثاني ..

گانو مجموعة من الشباب و البنات لي غير جالسين

و فيديهم كيسان دلويسكي ..او فوطگا الخ...

كل طاولة من دوك طاولات الزجاجية ..

گاين كنابابيات في الألوان و على شكل دائري ...مريح

بالضبط في فواحد الكنابي جالسة بنت غاية في الجمال

و شعرها ماشي قصير لا لا ..

و انما شعرها مقطعاه بزاف كيف الولد

وشعرها طايح على جبهتها ..عطيها جاذبية مميزةة..

عويناتها لي متقدرش تحكم فراسك قدامهم ..

گانو اعين لا مثيل لهم ..

و يديها لي فيهم وشامات خطيرة

في ايدها اليمنى وشم على شكل تخطيط القلب

و يدها اليسرى وشم دائري متقدرش تعرف شنو المعنى ديالو ..

و صباعها كذلك فيهم وشم ولكن غير في يدها اليسرى ..!!

و فوق يدها مازال لوشم طالع ..

جالسة و كاس د الويسكي في يديها

و مقابل معاها شاب في أواخر العشرينات ..

و فجنبها بنت جميلة حتى هي مازال في العشرينات ..

جالسين في الهدوء من غير اصوت الكؤوس ..

لي كيتحطو مني كيشربو منهم ..

جالسة و ساهية و كتضور فراسها البلان ..!!

وباغا تطبق داكشي لي كيدور فبالها...

گان صمت عم المكان حتى نطقات ..

بصوت مسموع بالانجليزية : غادي نمشي المغرب ...

تلفت الشاب و هو مخرج عينيه و البنت لا تقل صدمته ..

الشاب كذلك بالانجليزية : اشنووو !؟

تقادات في الجلسة و نطقات : لوكس سوسن خاصني نمشي ضروري ..!!

سوسن و هي مخرجة عينيها حتى هي مغربية و عايشة في ايطاليا : واش بصح اتسنيم ؟؟

تسنيم هزات راسها باه : خاصني نشوف خواتاتي و خالتي هاذي 8 سنين من بعد الموت ديال الام و اب ديالي مشفتهمش ..

سوسن و فرحة خارجة من عينيها

طلعات فوق طابلة و بدات كتشطح و تشالي بايديها خلات كلشي حال فمو فيها ..

و تغني حتى عيات عاد جلسات كتنهج عاد نطقات :

سوسن بالمغربية : و اخيرا بعدا مني حن قلبك و بغيتي نمشيو المغرب اصلا انا بقيت هنا غير على قبلك..

و تجبدات في الكنابي و لاحت يدها : الله أخيرا انرجعو لبلادنا ..

تسنيم فقط كتشوف فيها و حولات نضراتها لوكس لي مازال مصدوم ..

تسنيم تنهدات : لوكس

لوكس يلله فاق من صدمتو و شد ليها فيدها و نطق بالانجليزية : تسنيم نت عارفة أنا شحال كنبغيك علاش بغيتي تمشي و تخليني ..!؟

حيدات يديها من يديه بلاباقة و نطقات : لوكس قلت خاصني نمشي ضروري عائلتي بعيدة عليا هاذي سنوات ..غير نجلس معاهم شي عام و نجي ..

لوكس فحالا خويتي عليه سطل الماء باارد : عاام !؟ لا منقدرش نصبر على فراقك نقدر نموت

تسنيم شافت فيه ببرودة : ما عندي مندير عائلتي خاصني نشوفهم ..

لوكس : صافي سيري ولكن راه غادي نجي عندك المغرب ..اوكي ؟؟

تسنيم هزات راسها باه : اوكي ..

حولات نضراتها لسوسن لي كتشوف فيهم و حاطة يديها على حنكها

تسنيم جمعات الوقفة و هزات لفون ديالها لي گان فوق طبلة و نطقات : يلله نمشيو اسوسن

سوسن بابتسامة : يااي يلله ..باش يلله نوجدو راسناا

جمعات حتى هي الوقفة و هزات ساكها

و شافت في لوكس لي غادي يبكي ..

هزات حاجبها و نطقات بالمغربية ..

باش ميفهمهاش اش كتقول ..

سوسن بسخرية : بسلامة عليك المذلول..بربي حتى العيالات عندهم نفس عليك ..

نغزاتها تسنيم لي مخنزرة فيها ..

سوسن : وصافي حتى نتي راه مكيفهم حتى لعبة ..

تسنيم مسحات على وججها بالفقصة ..و شافت في لوكس

تسنيم قربات حداه و شافت فيه بجمود : المهيم نخليك خاص نمشي ...

لوكس بحزن قرب باسها من حنكها : صافي سيري حتى نجي عندك ...

تسنيم زيرات على يديها اول مرة يتجرأ يبوسها من حنكها

هاد الحرگة گانت گافية تشعل فيها العافية

سوسن شافتها غادي تنطق شاعلة ...

و هي تجرها من ايدها ...

مخرجاها على برا

بلاما تسلم على لوكس

خرجو البرا و وقفو

تسنيم : تفوو على زامل ..غير جاتني حشومة نعايرو و انا غادا ..

سوسن : شحال ثقيل على القلب ..كون غير جيتيه من اللخر ..

تسنيم : اصلا انا عندي نيشان مجاتش حتى اللخر و نخسر كلشي ...

سوسن : بففف مكنحملوش ..

تسنيم مجاوبتهاش فقط كتشير بايدها على شي طاكسي...

حتى وقف قدامهم واحد و ركبو بجوج لور و كسيرا ..

في الجيهة الاخرى ..🔥

سيلين كمشات عينيها بعصبية..

و عاودات فتحاتهم كتحاول تگالما ..

غير حلات عينيها و هي تصدم

و خرجات عينيها على جهدهم ..

گتشوف في ختها لي ولاو عينيها حمرين كيف خغفة ديال الدم

و عينيها كيطلقو شرارة و الحقد

لدرجة سيلين كيجيب ليها الله ..

بلي هاذي لي قدامها ماشي ختها

سيلين و هي مخرجة عينيها : ص ص صفاء

صفاء شافت فيها : مغاديش دوز ليهم بساهل ..كنواعدك ماشي صفاء لي تسمح فحقها اسيلين

سيلين بتاسمات بحزن مباغاش تشوف ختها ضعيفة ..!

بغاتها تكون قوية و حتى حاجة متوقف في طريقها ..!

سيلين : اهاه دبا مزيان هاذي هي ختي لي كنعرف ..

صفاء و عينيها كيطلقو شرارة و هي كتوعد ليهم باشد العقاب ..

صفاء : ماشي حنا لي كنسمحو فحقنا

سيلين بتاسمات بارضا يلله غادي تجاوبها

حتى سمعات دقان : صافي سيري دوشي و نعسي و رتاحي.. و انا غذا غادي نجي لمهيم معرفتش شكون كيدق عليا ..باي

صفاء بتاسمات بحزن و قطعات الخط ..

سيلين لي ناضت تحل الباب و هازة حاجبها

و زادت هزاتو مني شافت شكون لي گان كيدق عليها ...!!

سيلين و هي مازال هازة حاجبها : جاسمين ..!! بغيتيني فشي حاجة ؟!

جاسمين و هي مبتاسمة : صيفت ليك مع لخدامة انا و خالتي إيسلي ولكن تعطلتي قلت نجي نشوف مالك ؟؟!

سيلين حطات يديها على راسها: اه كنت كنهدر مع ختي و نسيت راسي

جاسمين : صافي بدلي عليك و تبعيني ..!!؟

سيلين باستفهام : علاش ناقصة شي حاجة في تحضيرات !؟

جاسمين هزات راسها بنفي : لا لا كلشي مقاد تبارك الله عليك ..بغيتك تمشي معانا لشوبينغ ..طبعا إلى بغيتي ؟

سيلين جاتها حتى هي على الگانةة باش تبدل الجو : اه نبدل عليا و نجي عندكم

جاسمين : صافي غادي نتسناوك في الجردة متعطيليش ؟؟

سيلين : لا مغاديش نتعطل ..

جاسمين هزات راسها باه و مشات ..

خلات سيلين دخلات الحمام دوش ...

🍸 في مگان ثاني 🍸

گانو في المطار ديال المغرب

و شانطات ديالهم فايديهم جارينهم موراهم..

و ابتسامة مرسومة على وجههم

علاش لا !! و هوما 8 سنين و هوما في الغربة..

مشافوش بلادهم هاذي أعوام ...

تنهدو بعمق

تسنيم غمضات عويناتها و طلعات نفس و هبطاتها

و استنشقات الهواء

و فنفس الوقت گتشم ريحة بلادها

لي هاجراتو هاذي سنين..

تلفتات عند سوسن لي مازال مغمضة عيونها

شافت فيها شوفة مطولة عاد نطقات ..

تسنيم : سوسن

سوسن لي فتحات عينيها و شافت فيها ..

سوسن : نعام مالكي ؟؟

تسنيم ببرودة : غادي نمشيو لأوطيل ..

سوسن خرجات عينيها على جهدهم و نطقات

سوسن و علامة صدمة في وجهها : منيتك لا انا توحشت سيلين و صفاء و خالتي صباح ..علاش غادي نمشيو لأوطيل ..بسلامة ؟

تسنيم بلاما تشوف فيها نطقات ببرودة : بغيت ندير ليهم مفاجأة ..

سوسن عاد رجعات فيها روح كيسحاب ليها اتقول ليها نبقاو ديما في الاوطيل تنهدات و شافت فيها

سوسن : صافي لي بغيتي

تسنيم : إذن يلله نمشيو ..

سوسن : انشوف شي طاكسي ...

تسنيم مجاوبتهاش ...

سوسن شيرات على طاكسي حتى وقف قدامهم واحد

حط ليهم شانطات في لكوفر

بينما هما ركبو لور

ركب حتى و كسيرا لوجهتو ..

لي گانت دوشات و لبسات سروال دجينز ..

و شوميز خشاتها في سروال ...و طالونها ..

و هزات شعرها كدشوفال و ساكها و خرجات ...

قصدات الجردة لقاتهم كيتسنوها..

سيلين : واقيلا تعطلت

إيسلي و هي مبتاسمة : لا حتى حنا يلله جينا

جاسمين : نقدرو دبا نمشيو ...

إيسلي هزات راسها باه و مشاو لقاو شيفور حال ليهم للوطو باش يركبو

ركبات إيسلي القدام و جاسمين و سيلين لور ..

ذاز الوقت ..🌙

گانو قدام أكبر محل في المغرب

سيلين حلات فمها معمرها شافت هاد المحل..

تواني و هي كتشوف فيه من برا شحال كبير

حتى شافتهم دخلو و تبعاتهم

جلسو في واحد الكنابي كاين تما ..

و سيلين مازال كدور فعينيها ..

ما فيقها من سهوتها غير مضيفة لي حطات ليهم العصير ..

هزاتو كتجغف منو..

غير سمعات جاسمين اش قالت و هي توحل ليها ...

جاسمين تنهدات و شافت في إيسلي : خالتي معرفتش جاد علاش مبقاش كيقرب ليا واش مبقيتش عاجباه ...هاذي جايا ل 3 شهور مكيقربش ليا معرفتش مالو ... و انا صابرة وهاد سيمانة مبقاش حتى في القصر ..

فهاد الاثناء كانت سيلين هزات كاسها

كتجغف منو و هي توحل ليها ...

سيلين : كح كح كح

إيسلي هزات گاس ديال الما و عطاتو ليها

و هي بدورها لي خداتو من عندها و نزلات عليه ..

إيسلي : بشوية عليك ابنتي ..دبا شويا ..

سيلين هزات راسها باه و شافت ف جاسمين..

لي غادي تنطق عوتاني و هي تنوض ..

سيلين : انمشي نشوف لميكاب لي غادي نحتاج..

إيسلي : واخا سيري

انساحبات سيلين و خلات جاسمين كتعاود ل إيسلي لي غير كتسمع ليها فقط ..

سيلين لي مشات و قفات قدام مگان لميكاب و هي مخرجة عينيها

سيلين : ويلي على المذلولة المدودة... لاخرة .. ولله معندها الوجه .. انا بعدا نهدر مع مامات راجلي بيدك طريقة لا بزااف اش هاد الذل ..عندها عادي تقول مبغاش يقرب ليا قوليها نيشان مبغاش ينعس معايا ..

جاد لي جا مع آخر كلمة قالتها سيلين لي هي

" مبغاش ينعس معايا "

هز حاجبو هاذي اش كتخربق كيفاش

مبغاش ينعس معاها ..

ابتاسم ابتسامة جانبية ...

و تكا على الحيط و ربع يديه :

جاد و هو هاز حاجبو و نطق بصوت مستفز : اش بالك فشي ليلة حمراء..

في مگاان ثااني ...🌙

گان جاي و كيصفر و يدندن بصوتو الخشن ...

و هاز سوارت في ايديه و كيلعب بيهم ...

حتى قاطعو صوت كيقرب ليه ..

.......: راك راشقة ليك اساط ..

زيد : علاش مغاديش ترشق ليا و انا غذا عندي لفاك

نايف : لي يسمعك يقول كتموت على القرايا

زيد : لا كنموت فزهو ماشي في القرايا (وغمزو)

ناايف : الله يعفو عليك أزير نساا ..شي نهار غادي نمشي معاك لديك لفاك نشوف واش گاين شي تيتيز ..أجي بعدا كاينين زعرات ..

زيد : موجودين هوما لي گاينين . و نزيدك كاين حتى شكلاطي ...

نايف : لا انا بغيت غير زعرات معنديش مع الشكلاط (ورجع ليه الغمزة)

زيد و كيضحك : اوا الله يعفو عليك ..

نايف بتاسم و عطاه بضهر و تم غادي ...

و نطق بصوت مسموع : ببغاء

زيد بتاسم و هز كتافو بلا مبالاة

و عطاه بالضهر حتى هو و كمل طريقو ...

🔥 في الجيهة الاخرى ..🔥

گانو جالسين في ايديهم...

گاس ديال الفودگا ..

و حداهم الشيشة بريحة تفاح المعسل ..

تسنيم لي گانت گتخرج ذخان من فمها ..

بطريقة خطيرةة ..

و بدخانها كتسوط على شكل قلب ..

و بزاف ديال الاشگال كتخرهم ..

من داك الذخااان ..

و في جنبها سوسن لي كتشوف فيها

كيفاش كتخرج دخان بطريقة محترفةة ..

دازو دقائق و هي مازال كتشيش..

و مغمضة عويناتها

حتى سمعات صوت سوسن ..

سوسن : واش غادي تبقاي تشيشي حتى قدام البنات و خالتي ..

تسنيم و هي مازال مغمضة عيونها

و بلاما تشوف فيها نطقات : ماشي سوقهم فيا ..انا حرةة ..

سوسن تنهدات : تسنيم راه مغاديش يعجبهوم الحال ..

تسنيم بهدوء : حياتهم هذيك

سوسن بقات غير كتشوف فيها

و في برودها

معمرها ما گانت هاگا الآيام

لي قسات عليها ..

بدلاتها 360 درجة

من شخص ضحوكي و مثقف إلى شخص باارد و غامض ..

سوسن غمضات عينيها و عودات فتحاتهم

و خدات نفس عميق واخا مكنبغيش تجبد معاها هاد الموضوع ..

ولكن بغات تعرف علاش ولات هاگا

سوسن بتوثر : واش مبغيتيش تنساااي ديك ليلة الملعونة ..

عند سيلين ..🌙❤

جاد و هو هاز حاجبو

و نطق بصوت مستفز : اش بالك فشي ليلة حمراء

جاد و هو هاز حاجبو و نطق بصوت مستفز : اش بالك فشي ليلة حمراء..

تلفتات عندو بالعرض البطيء

و هي مخرجة فيه عينيها ...

هذا اش كيخربق اشمن ليلة حمراء ..!؟

سيلين و هي مازال مصدومة : نعاام !!؟

جاد تقاد في الوقفة و خشا يديه في جيابو

و بتاسم ابتسامة جانبية و قرب عندها ..

جاد : كيف سمعتي ...

سيلين شافت فيه مقندشة

و هزات صبعها سبابة كتحدير ..

سيلين : سمع نقول...

ما جات فين تكمل هدرتها لقات صبعها

ولا مور ضهرها مورك عليه ما بقا والو و يهرسو ليها

نطق مورك على الحروف

و هو مازال ضاغط على صبعها لي مبقا ليه والو و يتگرد ..

كان مقرب منها بزاف ...

حتى ولات انفاسو السخونةة كضرب فوجهها ..

مكيفصلهم غير سنتيميترات قلال ..

شاف فيها عااض على سنانو و كان اي حرف نطقو كيعينه ..

و قرب لوذنها و قال :

جاد : آخر مرة القحبة ..ماشي تجي عاهرة ديال الخلا تهز عليا صبعها مديريش ليا فيها عفيفة و مازال نقية ..تو تو تو هادشي ماشي معايا ..بكل بساطة كتبقاي عاهرة و هادشي معمرو غادي يتبدل ..بف اش هاد الوسخ عايشة فيه واش نت متآكدة من راسك بنت ..!!؟ نو مستحيل كتبقااي في عيني عاهرة لا غير ..

بعد من وذنها و تقاد في الوقفة

و بعد يديه من صبعها لي گان عوجو ليها ..

و رجع يديه في جيابو ..

و كيشوف فيها اش باغا تصنع ..

هزات راسها من الأرض و عينيها حمرين

و مكمشة عينيها بعصبية

و مزيرة على قبضة يديها

شافت في عينيه نيشان ..

و كتشوف فيه بنضرات كلهم كره و حقد

استافزها بهدرتو باش عرفها هي مسخة و عاهرة !؟

حكم عليها قبل ما يعرفها !؟ اش هاد العبث !!

بدون سابق إنذار ..

هزات يدها حتى لسما و عطاتو صقلة لحنك ..

🍸في مگان ثااني ..🍸

سوسن بتوثر : واش مبغيتيش تنساااي ديك لليلة الملعونة ..

تسنيم غير سمعاتها اش قالت ..

تلفتات عندها بسرعة بعينيها لي ولاو كيف جغفة ديال الدم ..

خبطات شيشة مع الأرض ..

شي لي خلا سوسن تقفز من بلاصتها

قربات منها تسنيم و عينيها كيطلقو شرارةة و الحقد ...

نطقات بالغوات لي تسمع في أرجاء المگان گامل ...

بعدما گان الهدوء طاغي عليه : متعاوديش تجبدي عليا هاد القلاوي گامل ..باش منقولش شي حاجة لي ندمو عليها بجوج ... و داكشي لي درت معمرني ندمت عليه بالعكس ديما غادي نبقا هازة راسي لفوق و منحنيه لحتى شي زاامل حياتي ولات مرتابطة بديك لليلةة لي معمرني نسااهاا .. و دبا خرجي تقودي عليا بارا و آخر مرة تجبدي هادشي على فمك و الا..

سكتات مدة و هي كتنهج و هزات صبعها سبابة كتحذير و نطقات ..

الغضب عامي ليها عينيها ..: أولاَ نساي اننا صحابات ...

سوسن سمعات هاد الجملة الأخيرة لي دخلت لقلبها كيف سم

وذنيها ولاو كيسوطو ...

ديك الجملة كتعاود في وذنيها فحال شي اغنية مزعجة...

غمضات عينيها و نزلو دموعها شويا بدات كتبكي بحرقة و تشهق..

وقفات قدام تسنيم لي كانت مزيرة على يديها و كتنهج ..

و كلها كترعد باعصاب ...

سوسن و دموعها فعينيها : تسن..

قاطعتها بصراخ : مابغيت نسمع وااالو ..بااارااا ما بغيتش نشوفك ..

سوسن طلعات نفس و هابطاتها شحال قدها تبقا ساكتة..

نطقات حتى هي بصراخ : الى نسيت انا .. نتي راه معمرك مغادي تنساااااي ..العذاب لي دزتي منو ..انا متآكدة بلي مكايناش شي بنت المرى عاشتو..

حياتك مشات بااطل حيااتك ضاعت ..و ضعتي حتى نت معاها شحال قدك تبقاي معلقة في ديك لليلة المشؤومة ..راك معمرك مغادي تعيشي هانيااااا حيااتك مشاات اتسنيييم مشاات و معمرها غااادي ترجع مشااات حياااتك مشات اتسنيم...

تسنيم غمضات عينيها و نزلات دمعة حارةة

ماشي دمعة عاديةة و انما دمعةة..

كتعبر على العذاب لي دازتو منو ..

شافت في سوسن لي حتى هي كتبكي

تسنيم بأسى و بحزن : إذن انا علاش عايشةة !!؟ ياك حياتي مشات و شخصيتي مشات فا علاش انا عايشة ..!!

طاحت الأرض كتبكي بهستيرية ولي جات قدامها كتهرسها و كتغوت بحر جهدها

: علاش انااا عااايشة علااااش ..يااك حيااتي مشاات و شخصيتي مشاااات فا انا لاش عايشةة

بقات كتنتف في شعرها لقصيير ..

و تعض في يديها و دموعها شلااال ..

سوسن تركنات في القنت و جمعاات رجليها عندها

و تخشات وسط ركابيها كتبكي بحرقة على حالة صاحبتها..

عند سيلين ...🌸

بدون سابق إنذار ..

هزات يدها حتى لسما و عطاتو صقلة لحنك

حتى ضار وجهو لجيهةة لخرى ..

تلفت عندها بالعرض البطيء

جاامع يديه على شكل قبضةة حتى عروق يدو برزو

بدون مقابلات تلاح على شعرها غارس ضفارو فيه

حتى تاوهات بالم..

كيفاش تجرات تحط يديها عليه ..!!

نطق عااض على سناانو ..

جااد : كيفاش تجرآتي تحطي عليا يديك لمسخين القحبةة !! هاا ! واخا انا غادي نوريك ...

سيلين و هي حاطةة يديها فوق يدو باش ينقص الالام ...

سيلين : رخي مني الحماار ..رخي مني ..

جاااد زادت جاعراتو عليها ..

بعد من شعرها و تلاح على ذراعها مزير عليه..

و بقااا جارها و هي كتلاوح مورااه

حتى دخلها الحمام ديال العيالات...

دخلها و لاحها في الأرض حتى جات جبهتها مع الأرض ...

دخل حتى هو و سد لبااب و سورتو من لداخل ..

و شاف فيها بحقد و فجبهتها لي سالت بدم ..

مشا قصدها غبرةة و هزهااا من الأرض ..

و عطاها صقلةة حتى ضار وجهها

لجيهةة لخرى و سال دم من جيهةة فمهاا

عاود عطاها صقلةة خرى قصح من لولةة ...

هي مخرجةة عينيها و كتشوف في راسها ما قاادرةة دير والو ..

بقاا كيعطيها صقلةة مور صقلةة حتى ولا وجهها زرق

صافي هي مبقاتش حاسةة بوجهها ...

و رجليها مبقاوش هازينهاا ..

و جهها كلو ولا زرق..

و دم داااز شاق طريقو..

هو مازال مابرد كون گانو القرطاس كون تيرا فيها بلاما يتردد ...

گاع دوك صقلات لي عطااها و مازال ما برد...

تلاح على شعرها مزير عليه..

جاد بالغوات : مازال غادي نتحااسب معاااك مازال ماسالينااا القحبةة..

فين هي راه مغيبةة ماعقلاش على راسها ..

طلق من شعرها و لاحها في الأرض حتى غيبت ...

متسوقس ليها حدو لاحها و غير حل البااب و هو يلقاا شي بنات حالين فيه فامهم خنزر فيهم و كمل طريقو...

متسوقس ليها حدو لاحها وخرج ..

غير حل البااب و هو يلقاا شي2 بنات حالين فيه فامهم ..

خنزر فيهم و كمل طريقو...

فاقو من صدمتهم مني خنزر فيهم..

البنت 1 : ياختي شحال تيتيز اول مرةة نشوفو واش ماشي مغريبي!؟

البنت 2 : منيتك رااه هذا جاد ال'معروفي ..

البنت 1 حلات فمها : لا متقوليش ليا هذاك لي متبعة في الآنسطاا !!

البنت 2 : اييه هو لي كتباتي تحلمي بيه ...شتي كيف كيبان في الواقع حسن من الانسطا

البنت 1 : ناري يا ختي هاذي ما صحبةة ما والو ..!!علاش مقلتيهاش ليا غير نتصور معااه...

البنت 2 : و انا فين بقيت عاقلةة أجي بعدا حنااا جينا لهناا لحقاش سمعناا لغوات لا !!

البنت 1 : اه كان الغوات ...

البنت 2 : أجي ندخلو نشوفو ..

غير دخلو و هوما يشهقو و حاطين يديهم على فامهم ..

ذاز الوقت ..🌸

غطاتها و بااست جبهتهاااا ...

بعدماا هدنتهاا و نعساات ..

نزلت دمعتها طاحت فوق حنكها ..

دغيا مسحتها و بعدات عليها

و جلسات في طرف ناموسيةة..

شدات ايدها وسط ديداتها بجوج ...

و بااستها ليها

و شافت فيها شوفةة مطولةة

تنهدات و نطقاات : حياتك ضاعت اتسنيم ..معمرني شفت شي بنت قويةة فحالك

گااع داكشي لي دااز عليك و مازال متمسكةة بالحيااةة ..نتي ماشي صاحبتي لا نت راك ختي لي معنديش ..قلبي كيتقطع عليك اتسنيم ..

عينيها غرغرو قبل ما تبكي ناضت لشرفةة

وقفات و حطات يديها بجوج على بالكون ..

و تنفساات و بقاات كتبكي في صمت ...!!

عند سيلين ...🌸

بدات كتحل عينيها بتثافل

و كتشوف اشنو قدامها صورة مواضحااش ليها ...

گتبان ليها غير ضباابةة ..

ركزات شوفتها كيبانو ليها 2 بنات في جنبها ..

غمضات عينيها و هي كتفگر الأحداث لي وقعو ..

فتحات عينيها بسرعةة مفزوعة ..

و حولات توقف مقدراتش حاسةة بعضامهاا مدگدگين ..

ما قادراش تنوض ..حتى عاونوها البنات و كيتآسفو على حالتها ..

شافت فيهم مخنزرةة

سيلين : خرجو علياا فحالكم

هزو حاجبهم هاذي مالها ..!!

بنت 1: بسم لله عليك اختي حنا غير عاونااك

سيلين : انا شكيت عليكم !!

بنت 2 : يلله نمشيو هاذي راه مريضةة

سيلين قندشات : و خرجي فحالك قبل مانشتف عليك ..

بنت 1 : ولله حتى عبر عليك

سيلين بالغوات : و قوليها لمك و بربي و متخرجي حتى نريشك ..

البنات دغياا خرجو عارفوها باغا تبرد فيهم سمهااا..

وقفات بزز و تقابلات مع المرايا و

هي كتشوف في وجهها لي و لا زرق ..

سيلين و هي مغضضة: انا غادي نوريك اش كنسواا ازاامل انا تمد علياا يديك واخا ..

هبطات راسها لافابو و غسلات وجهها كثر من مرة و مسحااتو ..

طرفات حالتها تنهدات و خرجاات من الحماام ..

و مشات عند جاسمين و إيسلي لي گانو مازال جالسين ما جايبين لدنياا خباار

وقفات عليهم كي ملك الموت...

إيسلي غير شافت حالتها و هي تشهق :اش وقع ليك اسيلين ...

سيلين : هاا لا والو غير طحت ..

إيسلي : اويلي شوفي وجههك كيف ولا ..

سيلين : متخافيش ما وقع والو ..

إيسلي : يلله نمشيو نعالج ليك وجهك ليوم الحفلةة ما خاصش يبقاا وجههك هاگا راه تقدينا كلشي و ختاريت ليك على ذوقي..

سيلين هزات راسها باه

و هوما جمعو الوقفةة و مشاو للوطو ركبو و كسيرا الشيفور ..

سيلين حطات راسها على الزاج و كتفگر كدير ترجع حقها ..

دقائق گانو قدام القصر تنهدات و هبطات

تلفتت يمين بان ليها في الجردةة شااد الگاارو و كينتر منو ..

خالاتهم حتى دخلو ..

و هي تمشي عندو ...

و لعافية شاعلةة فقلبها ..

كون لقات كون قتلاتو بلاما تردد ..

وجهها رجعو ليها كيف جفااف ..

مغاديش دوزها ليه بساهل ..

كتقول مع راسها راه رجعات دقتها مني خدات ليه ملف..

و مندماتش على هاد الخطوة لي دارت اصلا يستاهل ..

هادشي لي كان كيضور فبالها..

قبل ما توصل عندو ..

وقفات قدامو كي ملك الموت

و هو مهزش فيها حتى راسو فحالا مكايناش

زادت جعرات عليه و نطقات بعصبية : اش كيصحاب ليك راسك هاا !؟ شخص متكبر و متعجرف و حاس براسو اش غادي نتسنا منو ..واحد بحالك قليل تربيةة و ممربيش كيستقوا على انثى اش غادي نتسنا منو دير فبالك راه مغاديش نساها ليك ...

تلفت عندها بعدما نثر آخر نثرةة من لگارو

جمع الوقفةة و هو خاشي يديه في جيابو ..

و حول نضرها لحناكها لي ولاو زرقين بقوةة تصرفيق ..

ابتاسم ابتسامة جانبية و قرب عندها ..

حتى مابقا كيفصلهم غير سنتيمترات قلال ..

حول نضرو لصدرها لي طالع هابط بالاعصاب ..

طلع عينيه فيها و نطق ببرودة قاتلةة فحالا حتى حاجةة موقعات : ساليتي ..

قبل ما تنطق حسات بوجهها دار لجيهةة لخرى بقوةة صقلةة لي عطااها

جاد بهدوء : هاذي ديال قليل تربيةة

يلله باغا تنطق حسات بصقلةة خرا جاتها من حيث لا تدري ..

هي غير مخرجة عينيها

ولات عايشةة في حلم مازال ممتيقا اش كتعيش

واش سيلين فعلا ولات كتاكل غير تصرفيق؟!!

لا هي كتحلم آكيد كتحلم لا مستحيل فاقت من عالمها الاسود مني نطق ..

جاد بهدوء تاام: و هاذي ديال متكبر و ممربيش

قبل ما تنطق عوتاني ..

عطاها صقلةة خرا خالا حنكها كيوزوز

جاد ببرودة : و هادي ديال كنستقوا على أنثى علاش فناهيا الانثى لي ستقويت عليها ..!!؟

لاح ليها هاذ جوج كلمات و زاد فيها و مشاا

خلاها فحالة صدمةة و عينيها عمرو دموع ..

شوياا دموعها طاحو ..

ثواني و هي كتحلل هاذشي لي وقع ليها

و هي تمسح دموعها بعجرفةة

و دخلات كتجري لغرقتها

متساوقاتش نداءات الخدامةة

دخلات و سدات عليها الباب..

و تلاحت في سريرها و تخشات وسط المخاد..

و بدات كتبكي بهستيريةة ...

دقائق و هي كتبكي حتى جمعات الوقفةة

و حولات نضرها لساعةة لقات قريب ليل يطيح..

هذا هو الوقت باش تبدا الحفلةة تنهدات و نطقات بهمس : مازال غادي نتشاوفو غير لقيتني هذا آخر نهار ليا هناا كنت غادي نوريك سيلين اش كتسواا..

و دخلات لحماام و نسلات حوايجها و تخشات في جاكوسي حتى تبلل شعرها و ترخات مخليةة كلشي في يد الله ..

💫 في مگان ثااني 💫

بدات كتحل عينيها ببطئ حاسةة براسها عطيها صداااع

علاش لا و هي گاع شعرها نتفاتو و يديها لي عضاتها و الجناح لي رجعاتو حالتو

كتحس بشي واحد شاد ليها فايديها تلفت كتبان ليها سوسن ..

شاد ليها في ايدها و جالسةة على لكرسي قدامها ..

و معنكشةة في نعاسهاا تنهدات..

و حيدات يديها من يد سوسن بهدوء

و حطات يديها بجوج على راسها لي عاطيها لحريق ..

شافت في سوسن و هزاتها من كتافها بشويةة باش متفيقش

حطاتها على سرير و غطاتها و شافت فيها شوفةة مطولةة و نطقات : ماشي انا لي ختاريت مسيري داكشي لي وقع معمرني ندمت عليه و مغاديش ندم و إلى رجع بيا زمن لور غادي نعاودها بلاما نتردد..

بلاما تحس طاحت دمعتها

دغيا جمعات الوقفةة و دخلات لحمام غسلات وجهها كثر من مرة

و مسحاتو بالفوطةة لي گانت حداها و خرجات

هزات لفون ديالها و طلبات شي حاجةة ياكلوها..

و جلسات في كنابي لي گان تما و حطات راسها عليه

و خدمات فيلم في لفون ديالها و بقات كتفرج و هي مرفوعةة ..

عند سيلين ..🌸

گانت خارجةة من الحماام و لابسةة بينوار في لحمر

و فوطةة على شعرها كتنشف فيه..

سمعات دقان في لباب مشات تحل لقات إيسلي في يديها علبةة اسعافات

سيلين بابتسامة : تفضلي ..

دخلات إيسلي و حطات لعلبةة و تلفتات لعند سيلين لي گانت كتشوف فيها

إيسلي : بصحتك أجي تجلسي نعقم ليك الجرح لي فوجهك

جلسات سيلين جنبها و إيسلي هزات واحد البوماضةة گانت ديال الجرح و شافت في حنااك سيلين و هي تشهق ..

إيسلي موسعة عينيها : اويلي كيفاش وقع هاگا قبيلةة مكانش حنكك زرق فحال هاگا

سيلين فحالا كبيتي عليها سطل ديال الماا بارد فحالا فكراتها في تصرفيق لي كلات هاد نهاار بلعات ريقها و نطقات...

سيلين بثوثر : هاااا !! لا والو غير غير لحقاش دوشت

إيسلي هزات راسها باه و علامة استفهام فوق راسها ..

هزات البوماضةة و بدات كتدهن ليها فوجهها ..

دقائق قليلةة گانت گافيةة باش دير ليها البوماضةة تنهدات و شافت فيها ..

إيسلي : 5 دقائق مغادي يبقا يبان في وجههك والو ...

سيلين بابتسامةة : شكراا

إيسلي بادلتها نفس ابتسامةة : شوياا غادي يجيو عندك لكوافوراات يقادوك ..بلاما تلبسي دباا حتى حاجةة حتى يجيبو ليك الكسوةة لي ختاريت ليك متآكدة غادي تعجبك

سيلين هزات رأسها باه : واخا شكرا

بتاسمات ليها إيسلي و نساحبات بالهدوء ..

سيلين جلسات في طرف ناموسيةة و سهاات ففرااغ و كتقول مع راسها

اكيد غادي نتلقاو و غادي ندمو على كلشي ..!!

مغاديش ندوزها ليه بساهل ..!!؟

ماشي انا لي نسمح فحقي ..!!

ما فيقها من سهوتها غير صوت دقان لي گان فلباب

جمعات الوقفة و حلات لباب لقات 6 ديال الأشخاص

4 ديال البنات و 2 دراري

لابسين لبسةة موحدةة لبنات تنورات في الاسود و سوميجات في أبيض

و الشبااب كذلك سراول في اسود و سوميجات في ابيض

وسعات عينيها : هااا !؟ مالكم !؟

لبنت 1 : انسةة حنا لي غادي نقادوك ..

سيلين زادت خرجات عينيها : كلكم ..!!

هزو راسهم باه دهشروها

سيلين : منيتكم مالي عروسةة ..!!

لبنت 2 : هاذو أوامر لالةة إيسلي

وكلات امرها لله و حيدات من لباب باش يدخلو ..

يلله غادي تلفت و هي تجر من يديها من طرف لبنت لي معاهم

و جلساتها في لكرسي و تقابلات مع مرايا..

دغيا تجمعو عليها ماعرفات باش تبلات ..

ها لي بدا يقاد ليها فشعرها ..ها لي بدا ليها بايدها ...ها لي برجليها.. ها لي بوجهها.. ها حطات لاسيغ تسخن ..

لميهم تجمعو عليهاگاملين ...

حتى هي مبقات دارت حتى شي ردةة فعل ..

من غير ترخات ليهم مخلياهم على راحتهم ..

والجردةة بداات كتعمر ..

و ضيوف حالين فامهم فهاد المنضر لي گااين في القصر

فعلا سيلين قدرات على مهمتها و گان كلشي متول

خلات كلشي مبهور بيها و بذكائها و بقدرتها ..

كلشي شكرهاااا على مجهودها و على هاد الاتقاان لي دارت

كلشي على حقو و طريقو طاقم كيشوف اش ناقص و يقيدو في لمذكرةة

لي عندهم و كيتسناو فسيلين تباان

عند سيلين ..🌸

لي بدات كتحس بملل هاذي 2 سوايع و هما كيقادو ليها

حسات بيهم بداو يبعدو عليها يعني سالاو حلات عينيها ..

و هي توسعهم دوزات يديها على حنيكاتها لي مبقااش فيهم

الاثاار ديال زروقيةة بتاسمات بخفةة لقاتهم حالين فيها

فامهم ميقات فيهم و جمعات الوقفةة

و شافت فيهم و نطقات بالغوات : وگاازا فيناهيا الكسوةة لي غادي نلبس ..!؟

كلهم قفزو ..مشات لبنت بجريةة لواحد لعلبةة گانت كبيرةة جبدات منهاا

گسوةة قصيرةة حد الفخااض كلاس في زرق و مشبكةة گاملةة من لفوق

و بوشيط ديالها و طالون في لكحل گانت كسوةة بمعنى لكلمةة

شافت فلكسوةة و هزاتها و عينيها خارجين منهم قلوبةة ..

تلفتت عندهم : انا غاذا نلبس متحركوش حتى تعطيوني رآي ديالكم ..

خرجو عينيهم فيها و هي دخلات تلبس

دقائق و خرجات و صوت طالون مسموع في أرجاء الغرفةة

مع خرجات مع حالو فامهم كيطالعوها و يهبطوها باعجااب

شااب خشا 2 صباع في فمو وصفر : بشاااخ شفت زرق و انا نزلق ..

سيلين بميوعةة : اش كتسنا ماشفنا زلاق

تلفتت عند البنات لقاتهم كيعبرو فيها بعينيهم ..

سيلين : و كي جيت

لبنت 1 : على نت مازال كتسولي ..

لبنت 2 :غادي طيري لينا تيتيز لي هناا و نبقاو على الضس ..

ميقات فيهم و زادت خارجةة

لقات بنت من طاقم قدام الغرفةة هازةة مذكرةة هي يدها ليمنى..

مشاو مع بعضياتهم قاصدين جردةة ..

في الحفلة و بضبط الجردة 🌺

گان مرگز معاهم في الاجتماع و گاس د لويسكي في ايديه ..

قليل فين كيجاوب گانت اغلب اجويبتو اه او لا

بعد صمت طويل ..

عاد نطق : اممم امتاا غادي نوقع العقد ..معنديش لوقت

.........: غير ياخد مسيو گمال الملف غادي يتوقع العقد يعني في هاد سيمانة ..

جاد : نفس ثمن !؟

.........2 : مسيو جاد 20 مليار غادي تحط ليك في الكونط ديالك لي في امريگا

جاد هز براسو اه...

و تلفت يمين بانت ليه جاسمين كتسلم على الضياف..

و ضحكة واصلة ليها الوذن..

تنهد مباغيش يوقع شي مشكيل و يخسر ليها فرحتها ..

عاود تلفت عندهم گان عاطي بالضهر

لدخلة ديال لجردة ....

شافهم حالين فامهم و مصدومين و كيشوفو فنقطة وحدة

دوز يديه قدام عينيهم لا حياة لمن تنادي فحالا صرفقتيهم

فحالا واقف مع الحيوط

تلفت بعرض البطيء باغي يشوف فين حالين فامهم و مصدومين ..

گانت سيلين نازلة و لكسيوة لقصيرة واصلة ليها لفخادها و شعرها

مطلوق على طولتو و مبوكلي بطريقةة متقونةة ...و بنت من طاقم جبنها

كتهمس ليها فودنها و كتقول ليها شنو ناقص

و لمذكرة في ايدها ..

كا ديليل على أنها هي المشرفة على الحفلة ..

طول فيها شوفةة و كيشوف فيها ..

وكيفاش كتحرك و كتمايل ..

و الضيوف عينيهم غادي ياكلوها

بكثرة مابقاو كيشوفو فيها

و حتى نساء عينيهم كيبريو كتبان ..

أنثى بمعنى الكلمة ..

طايتها كيف مرسومة عليها

گاين لي حسدها ..على جمالها !؟

و گاين لي تمنى تكون عندو فحال طايتها ..

و گاين لي ذايب فيها و فشعرها الممجوج ..

كل واحد و نضرتو كيف گانت عليها ..!!

للحضة سها فيها ... و كيشوف الكسوة كيف مبينة مفاتينها ..

و جات لاصقة عليها فحالا مخيطينها عليها ..

تواني و هو ساهي فيها حتى وعا على راسو

و رجع لتخنزيرتو ...

تلفت عند هادوك لي حالين فامهم

و نطق بالغوات و بحدة و بصوت جاااف خالي من اي احساس ..

خالا كلشي يتلفت عندو :

و زوامل فين حالين ليا فامكم يا غادي تجمعو عليااا فامكم

و لا خرجو تقودو عليا من هناا ..

خلا كلشي خرج عينيه مصدوم ..

ساامر شاف ولدو مغاديش يسكت ...

و عارفو اش كيسوا يقدر يخسر الحفل گامل

في رمشة عين و ميتسوق لحد..

هذا هو جاد العصبي لي عصبيتو مكتخباش ..

قرر أنه هو يتصرف معاه بالعقل مشا عندو بخطوات سريعة

حتى وقف قدامو و نطق

سامر بهمس : اش هادشي كتقول ا جاد دير عقلك

تلفت عندو و هو كينهج و نطق بالغوات : و من بعد

سامر دوز يديه على وجههو بالفقصة غادي يقتلو ما فيهاش : جاااد

جاد بعصبية : و شنوووو!!! واش انا غادي نكون شريك مع هاد الزوامل لي غير شافو قحبة تحلو بلا هواهم

سيلين فحالا خويتي عليها سطل ديال الماا بارد

كتحاول تحلل اش كيقول ضرها خاطرها مرضاتش

يقول عليه شي واحد فحال هاد الهدرة جمعات يديها على شكل قبضة

و تنفساات بالعمق مبغاتش دير شي مشكيل لي تندم عليه

و هذا آخر نهار ليها في هاد القصر

شافت فيه و هي كتحلف فيه فخاطرها...

قلبات دورة و خلاتو كيعرعر موراها متسوقاتش ليه نهائيا

فقط لعافية شاعلة فقلبها نااار الحقد و الكره

كتحس بيه في هاد اللحضة تمشات و هي كدعي و تشتم فيه فخاطرها

حتى وصلات لواحد الغرفة فين مجموع طااقم

جلسات تمااا و هي كترعد كون لقات كون قتلاتو بلاما تردد

غادي يحمقها هذا منين خرج ليها

كرهاتو و كرهات لاش خدمات عندهم گاع ..

من نهار جات و هي في لمشاكيل غادي تحماق بتفكير..

هزات كاس ديال الما و نزلات عليه كتحاول تبرد الفقصة ..

جاد بعصبية : و شنوووو واش انا غادي نكون شريك مع هاد الزوامل لي غير شافو قحبة تحلو بلا هواهم

و هادشي كامل داز على عينين جاسمين

لعينيها غرغرو و هي كتشوفو كيفاش معصب

و عروقو بارزين و هي لي خاطيبتو مكيحاشيهاش ليها نهائيا

شعلات فيها ناار الغيرة و الحقد ..

سامر عض على سناانو : جاااد

جاد مجاوبوش تلفت عند هاذوك لي كانو مصدومين

و نطق كارز على سنانو ساخط : تبعوني ..

حتى هوما معاودوش معاه الهدرة خايفين على ريوسهم

تمشا هو قدامهم و هوما موراه

و كيشوفو فبعضياتهم بعدم فهم

خرجهم نيشان لخرجة ديال الجردة

مكان معزول حلو فامهم كيشوفو هاذ المخلوق

فين جابهم مخرجهم من لحفلة بقاو غير حالين فامهم ..

ثواني و هوما كيضورو فعينيهم حتى سمعو صوتو : دبااا مزيان يلله الزوامل حلو فامكم هناا ...

في الحفلةة ..💫

من بعد ما سيلين تهدنات جمعات الوقفة

و وحدة من طاقم وقفات حتى هي معاها ..

طبعا هي ايدها ليمنى ..

تنهدات و خرجات من ديك الغرفة و هزات راسها السما

و كطلب الله امتا تسالي هاد الحفلة من نهار جات ليها

و هي كتسمع الهدرة لي معمرها سمعاتها

و مشات كتستقبل الضيوف بابتسامة مثيرةة

و فنفس الوقت كيشكروها على عملهاو اثقانها

و هي كتستقبل لبنت لي جنبها قربات منها كثر

و همسات ليها فوذنهاا مع سمعات اش قالت ليها

و هي تصفار و تخضار گاع ألوان طايف دازو عليها

سيلين بثوثر : اش كتقولي

لبنت بلعات ريقها : معرفتش باقي مجاتش لبنت لي غادي تغني اش غادي نديرو راه صونيت ليها و قالت ليا راه ولدها مرض ليها و داتو لسبيطار .. ناري صافي مشينا فيها مسيو أحمد يدير لينا شوهة ..

سيلين بعصبية : صافي سكتي انا غادي نلقا لحل ..

لبنت سكتات معوداتش دوات حتى سمعات صوتها

سيلين بافتخار : انا لي غادي نغني ..

لبنت خرجات عينيها : هاا ! واش متآكدة هادشي ما فيهش لعب ..

سيلين عضات على شفتها : متخافيش كلشي غادي يكون مزيان و ..

سكتات مني سمعات المقدم طلع فوق الخشبة ..

المقدم و ميكرو في يديه : سيداتي سداتي مرحباا بيكم جميعااا ..في أكبر حفل لعائلة ال'معروفي كنقدم ليكم اغنيةة من اجمل الاغاني بصوت الفنانة س..

سكت مني تنثر ليه الميكرو من يديه

من طرف سيلين لي طلعات فوق الخشبة من جنب

باش مثيريش الانتباه و خطفات ليه الميكرو

و بتاسمت ليه باش يهبط داكشي لي كان هبط من الخشبة

و هو حال فمو ماشي هي نفس المغنية

لي كانت غادي تغني في الحفل مفهم والو

سيلين شدات الميكرو بين يديها و تنفساات بعمق

و حولات نضراتها لأصحاب الموسيقى و عطاتهم الانطلاقة

باش يبداو داكشي لي گان بدااو بالعزف

و هي كتمايل مع الموسيقى

ثواني قليلة حتى طلقات صوتها العذب و الحنون

لي خلات الضيوف لحمهم يشوك عليهم و هوما حالين فيها فامهم

و ساهييين في صوتها و عايششين معاها

كانت كتغني بكل احاسيسها و الغناء كان من هوايات

المفضلةة ديالها و معمرها ضنات غادي تغني فوق شي خشبةة ..

جذباتهم ليها و لي گان كيدير شي حاجةة تلفت ليها ..

كيقولو مع راسهم واش المشرفة نفسها هي المغنيةة

عندها بزاف ديال المواهيب.. !!

للحضةة شي بنات تمناو يكونو في بلاصتها ..

هادشي لي گان كيتقال ..

عند جاد ..🌸

جالس مقابل معاهم و مخنزر فيهم تخنزيرة حاارةة

و ديك تخنزيرة خالتهم يتلفو على القبلة

بعد صمت قصير نطق واحد من اعضاء

شخص : مسيو جا..

جاد بعصبية : اش بغيتي القلاوي ..!!

شخص بلع ريقو و تكمش

دقائق و هو جالس مخنزر فيهم ..

حتى تخللخل لمسامعو صوت أنثى عذب دخل لقلبو كيف سم

ودنيه ولا كيصفرو و يسوطو معرف باش تبلا كيتسمع غير صوتها في ودنيه

و ملامح وجهو رجعات من تخنيزة لهدوء

و ترسمات على ثغرو ابتسامةة خفيفة..

بلا ما يحس ناض من فوق الكرسي و حول نضرو ليهم

و نطق بهدوء و بنبرة تهديد : تنوضو نحركم ..

بقاو غير كيشوفو مفهمو والو يلله كان مخنزر فيهم

بقا غادي متبع منين جااي صوت و هو مستمتع بصوتها

مباغيش شي حاجةة توقف هاد الجو لي هو عاش فيه

خلاتو غادي بخطوات سريعةة ..

باغي يعرف شكون هاد الأنثى الساحرة لي جذباتو ليها بصوتها ..

مع وصل حتى كيتفيكساو عينيه عليها و هي كتمايل

رجع هدوءو إلى تخنزيرة ثلاثية الابعاد

و جمع يديه على شكل قبضة و مشا قاصدها ناوي على خزيت ...

يتبع...