نزلات حياة وهيبة هازين بالييزة صغير فلحمر فيها اشياائهم بربعة بيهم داروهاا فلكوفر لابسين حتى هوما ومقادين هبة لي لابسة سروال توب رطب وتيشوورت نص كم او حياة لابسة سالوبييص ايديها نص كم مشبكيين غادية على طايتهاا بشكل زوين شعورات مصاايبيين ومقادين لحالة ..
هبطات لغالية عادية هي بجلابتها وصاكهاا فيه دواهاا وبيجامتهاا
جبدات اقبال من جيبها اللوراني ميتين درهم ومشات عند الغالية :خليها عندك لتحتاجي شي خااجة حناا الحد فعشية انجييو
الغالي (دارتها فالصاك )واخة سلمو على لخاجة فاطمة
اقبال:مبلغ
خلاتها ومشاات سدات لكابوو وغسلات ايديهاا وجبدات كلينيكس من الطموبيل نشفاات عاد ركبات وحداها حيااة كتمسح فواحد السيدي جامعة فيه الاغانيي لي غيشدو بيهم طرييق
كلسوو ةغيتة كطل من الرشجم الطبييعة خضرة وشي كيجري هالي هاز كرسي عا لي هاز بااف تجراتها حيااة باش تسلم على لمراا كانت عمت حابر صغير فيهم بهيجة مزوجة او لكبير فولادها قد غيتة
كل مرة تدخل وحدة وتسلم علييهم ويتجمعو اما لالة لعرووسة مشات لحمام ومن لحمام ادوز لكوافوورة وتجي منكفة ...شغال على قدم وسااق حطو لييهم طبسيل مشكل من لفااكية ولحلاويي وغيتة كتمشي غير لديال الشكلاط تااكلهاا وتنقيي لبيسطااج وتييليفون فاسدهاا
الحاجة:كيدايرة لغالية كالياا جابر مرييضة
إقبال:وشوية مكتحاولش على راسهاا
حاجة:ياو كيه ابنيتي راه الغلض امخيبوو غا شحوماات
اقبال:وابصح لواحد قد مالقا يحافض على صحتوو
الحاجة:اوى الحاضي الله ابنيييتي هاهوما حضاو تعيااو ومشاو خلاوهاا صبااح مدا بكات الزغبية تاع شاادياا (تنهدات)احح الله ارجمهم طااروو
اقبال(باسف)امييين ياربي الحمد لله عوضها ب جابر وها راجلها داباا
الحاجة:كون ما خوهاا كان داير ليها كيلما لقليل كون تبعااتهم علاه مامشاتش تسطاا ليناا ..اوى مكتاب الله
الدار عمراات بلغادي ولي جاي العائلة كتجمع هيي ف لمناسباات وبالاخص لكانت العائلة كبييرة مكتلقاش منين دووز ...لتحت كان جابر واقف على شغل مع ولاد عمامو لي قدو فلااج ها لي مزوج ولي باقيي بلاش نصهم مهاجريين او خدامين فمدن خراا...تحت باطو عرق بسير وجيي وجبهتو كدالك من بعد مقادو الدنيا وكل حاجة شدات بلااصتها مشاا طلع لدار لفووق دوش وحيد عليه لعرق وبدل حوايجو بسروال دجيين وتيشوورت مقطن نص كووم رش ديودوروون ديالو ولبسوو ودار فرجلو كلاكيط وناازل حتى تلاقاا بغييتة كدمع فدرووج واقبال كتهدر معاها
جابر(بتسااؤل)ياك لبااس
غيتة:هءهءهءه نساو ليا قفطااني دابا شنو نلبس اناا
خرجات حياة من لبيت كتدوي بهمس وقالت:وااش باغة نجفف بيك لرض دوزي لبسي قفطاانيي نلبس غير فرااشتيي دوزي
غيتة(هزات كتافهاا)لاااء هءهءه نلبس قفطاان بيض مع صبااط زرق نازلةة من جبل هءهء بعدو منييي هءهءه
جابر:عجبااتك!! معجباتنييش جابها ليا واحد صااحبيي السعاتي معجباتنيش ريحتهاا
غيتة(كترش فيهاا)اش كتعرف نتا فروايح واااعرة كون كانت تاع لبنات نطيرها لييك
جابر:خوديهاا...باش غيعرفوها تاع لبنات ولا ترجال !
غيتة:اويييليي راه باينة من طيااارة تاع رجال حيت تيكونو قااسحيين
جابر: اش عرفني فيهم اناا
بقا غادي فطريق تدخل لمديينة توجه لمحال لكراء القفاطن وتكااشط كبير منو كتكري مرة مرة شادياا
جابر:سيريي شوفيي اش بانليك كنتسناك هنا متعطلييش
نزلات بفرحة ودخلات كنتنقز لمحال اما جابر بقا كيتسناها وهز الريحة دارها جيهت نيفوو شمهاا وسدها يالله بغا يحطها رجع هزهاا ورش منهاا جوج رشاات على تيشوورت ديالوو ...
كتختار وتعزل شافت وااحد منبت من صدر وايديه من الدونتيل كيجي لاصق على شكل حوتة وفلبلو غواا والسمطة فضية منبتة بلزرق قيساتوو جاها من اروع ما يكوون خصوصا مع تعديلات شعر ولميكااب
غيتة:بغيت هدااا
**هدا باقيي جديد وملي نتي من طرف شادية نخليه ليك ب 300 درهم
غيتة(شدات)ارااا الله اخلف علييه اخييي نردهم لييك فزرورة عرسك ههه
مشات كتنقز كي شي برهووشة جابتو وعطاتها لكاارط ديالهاا ودارت ليهاا القفطان وسمطة ديالو فصلشي وخرجات كطل علييه وعينيها كيبرييو حسن كاع من هداك لي كرات فمكنااس ...
الليل طااح والاجواء تاع لعرس بداات كتوضااح كلشيي مخشي كيتقاد شي لي باقي واحل عند لكوافوورة لخزاانة تاع رجاال كانت بعيدة على لمكازة لي فيهاا العيالات ولعرووسة التيسااع موجوود ولبز فينما درزتي كيتجااراا كل مرة يمشي وااحد لورد لي جنب لحييط ويبدا ينتف فييه تكيجمعها معاه جابر بضربة ويهرب معرف يقابل رجال ولا لبرااهش لي كيعكلووه كل خطرةة ...
غيتة:ديري ليا عكر غووج احياة
حياة(كتقاد لنبة فوجها)لبسي لبسي لقفطان نشوف
بقات بدو بيااس ولبساتوو بتوب موبرا خفيف متقييلش كيتبراك بالضو لكتااف من الدونتيل وليدين قصار مجموعين من الدونتييل
ضحكات غيتة ودخلات لبيت تكمل زينتها صفرات ملي شاافت اقبال كدير فبرااسلي محجر وشعر مطلوق كتافات فماسكاارا وكلووز خلا شفايفها كيلمعوو فقط قفطان اسود بسفيفة كري من الستان رطب وسباط اسود جاات بسييطة وفنفس الوقت زويينة اما حياة لبسات قفطان موبرا بلون كاصي وصندالة عاالية الشعر بووكلي قصير ولميكاب مسرووع وهبة كدالك كملات زينتها وخة معندها خاطر لبسات قفطان غوز باارد بتوب ناعم وصندالة عالية فلكحل وصباغ مضفوريين
اقبال:غنسبقكم لتحت متعطلووش
خرجات لاخيرة شادة تيليفونها كتقاد فالسمطة تاعهاا ...جات مع زغاارييت والرمى دفوع لعرووسة وصل وقفات بعيد شادة جلايل لقفطان توقف عليها جابر كيضحك وقال:بيلووو اش هداا لقفطان نعامااس
اقبال:اوى شنووو ههه كيجاني
جابر:مخييير بصحتك شفتي لعرييسس
اقبال:لعريس لعرووستوو
جابر:ااي شكون دوا ليك على لاخر تندوي ليك على اميين ههه يالله وصل هوا ولواليدة ديالو
اقبال:امييين!! مكنسمعكش مزياان
قرب لحدا ودنهاا بغا يعاود لهدرة تهز عينوو فدرووج حورية لبحر بل اجمل شعر طويل كيلعب على ضهرهاا كيفما بغاا لعنق طويل وحفيرة الزين فدقنها مزينة وجها الطفولي لعن الشيطاان او بعد عينيه
اقبال؛واش جاا
جابر(رجع ستقام كيحك فعينيه)ااه جااا
غيتة وقفات قدامهاا ودارت دورة على راسها وقالت:كيجات لالة غييتة
جابر(بابتسامة)غا بصلة محزمة ....مالك خانقة رااسك كون شفتو والله متدييه
مشات كتجريي لةسط جووقة تشوف اش جايبيين مشات كتجري لبرزة فين كلساات شادة لي عاد دخلوهاا باستهاا ورجعات كتنقز وتشطح على رمى ماهمها لا عالي لي لابسة لا مكتعرف حد لحال ميشااور
نزلو لبنات كدالك بقاو واقفين مع اقبال وجابر حتى تقاد الدنيا ويكلسو هل لعريس عادي يشددو تهوما بلاصتهم ...
جابر(فالتيليفوون)شفتي لباب لي مقابل ممع جردة ...انا تمااا لا لا ماشي حدا لخزاانة جي نيشاان اصااحبيي
قطع وكمل حديتوو مربع ايدوو ومفرق رجليه شوي تبان ليهم امين باناقتو وشعر مرجعو اللور بجيل كيبري لاخير هي شااف اقبال بلبلدي بحالا شافها فلبرزة تاع العرس معقل تاعلى وااحد كيتمشى جيهتهم وعينيه عليها تنغزاتها حياة وقالت:تي شووفيي نسيبيي ضمستيه
هزات اقبال عينيها فييه وتبسمات توترهاا بعينيه لي متحيدوش عليهاا وهبطات عينيها كتحك فودنها بتوتر توقف عليهم ومد ايدو ليها اولاا وقال:واش اقبال هادي ولااا كدبت
اقبال:علاه كي جيتك
امين:ومزاال كتسوليي
نحنح جاابر بمعنى جمع راسك اشريف وضحكات هبة بهمس كيتغامزو على اميين لي رجع شااف ف جابر وقال:قلبت عليك اصااحبي ملقيتكش
توجهوو لقاعة كيبااركو لحاجة وباركوو لعريس ولشاادية لقاو غيتة شادة ليهم طبلة بلقرب من لعرووسة كالسة كتصور وكلسو حداهاا تدخل جابر ومعاه سيدية خمسيينية بتكشيطة هماوية وفولاغ بيج شادة جلايل وتوجه بيها لجيهت لبنات وقال :كلسي اخاالتي حورية ...لبنات هادي لواليدة تاع اميين مرحبا بيك الحاجة
حورية:ترحب بيك جنة اولديي الله اكبر بييكم
كلسات مقابلة مع اقبال عطاوهاا صوابهاا وكتعرف عليهم وهيا اصلا عارفة اقباال عينيهاا لاصقين هي فيها كي تاتصرف كيفاش كالسة كيفاش كتهضر وضحك وتعبر
حورية:نتي هيا اقباااال ياك ابنتي
اقبال(بابتساامة)هيا هادي الحااجة هه
حورية:تبارك الله بحال بحال سميتك مقبوللة
تبسمات اقبال بمجااملة وعينيها غير فلفاارة لي مكتبردش ديال غيتة لي ملي بدا لكرووب وشطيح محطاات قزيبتها اللرض لعينين هي تابعيينها ويتغزلو بدااك شعر سوا عيالات سوا رجال تواحد مكيدكر الله ويباارك مكااين غير نااري على شعر سعداتها عندها لخااطر لييه ويلي هيا ضعيفة وعندها الترمة بااينة هي لابسة لبوونج تاع باطمة
كل مرة اقبال تخرج فيها عينيها باش تكلس وتجي تكلس واحد قسمين وتنوض تاانيي ...هبة شادة تيليفوون كتنهد وهوا طالع اونلااين ومكيهدرش
هبة:لاا لا الخير موجود الحمد لله وداركم غيخرجو فرحانين اعمران
عمران:داكشي لي بغييت ...وتانتي تقااديي مبغيت حتى واحد يهضر ويقول فيك شي كلمة
هبة(دورات عينيها كتسووط)وخة اسيدي
عمران:ديري لبسطيلة لعشاا بحال ديك لي درتي وجبتي ليا منها عقلتي علييها عفاك احبيبة بغيت كلشي يكون نااضي راك عارفا الفاميلة عينيهم كبيراا
هبة:صاافي واخة ميكون هي خاطرك احبيبة ....نخليك دابا كيعيطو علياا
قطعات عليه ولفراشاات كيلعبوو ليها فكرشهاا وعاد فرحات وبانت فوجهاا دخلات ادراجها لقااعة لقات شادية فلعماارية كتلووح لورد تشافتها ولاحت عليها لورد كضحك وقالت بهمس لعقبة لييك
هبة (باست ايدها ولاحتها ليهاا كضحك وقفات حدا حياة ختى هبطوها وكلشي مشا لبلااصتوو يكلسوو مدازش وقت طويل تبدااو كيقادو فطبالي باش يحطو لعشا ...في غيتة خارجة لقداام جردة حدا لباب وعطات لوحدة فلبنات تصورهاا مع الشجرة تاع الليمون فلقنت كان واحد من دراري يدير دورة ويصفر عليهاا وهيا عاطيااه مشيي نتاابه جابؤ لي كان جاايب طبسيل من عند رجال حطو دغياا ورجع صااح فلولد وقال :هشاااام دااركم
هبط لولد عينيه ودردب مع لباب عند صحاابو ومشاا لغيتة جرها من دراعهاا وقال:دخلي تعشاااي
وفعلا كلشي طلع بدل ب بيجامات ومسحوو لماكياج ديالهم ومع الصهد سطح عمر بلعائلة وكاين لي نعس لتحت
كانت اقبال ولبنات او وحدة من العائلة فبيت مبرد شوية كل وحدة متكية فقنت ومع الصهد بلا غطا اما غيتة واخة يكون الصهد والحرارة خمسين مكتحملش تبقا بلا غطاا مجاهاش نعااس ناضت خرجات من لبييت كتقلب وعينيها ميتين بنعااس
اقبال باست راسها بحب ومشات لبيت جبدات عباايتهاا وتقابلات مع لقبلة صلاة ركعات الصبح وسلماات وناضت جمعاات لباليزة وقفطان غيتة خلاتو مزلع مع سبااط ساطت وجمعات مسائلهم فلبالييزة ولبسات كلاكيطة وهبطات فيقات خوتاتها اما غيتة مبغاتش تفيق خلاوها
نزلات لتحت لماكازة فين مطيبين الفطوور ومفرشين على براا ودجاج ولفلالس وبيبي كيتسمع صوتهم مع صوت لبگر ولكلاب مرة مرة تلاقات فطريقها مع جابر كيجر فلبلغة صفرة فرجلو لاس سروال دجين او تيشورت بيض وكيحك فعينوو لي مجبدين بنعااس وكيتفوه
جابر:صبااح لخير
اقبال:واكل لعصاا ههه
جابل(سرح ايدو كيطرطق بين كتافوو كيتسمع طق طق)يوماين منعست ودابا ناعس ساعتيين لعداااب ففف (تاوب)استغفر الله ...فين لفاارة فاقت
اقبال:مزااال متفيقش هادييك
الحاجة:اجيييييو تفطرووو ياه
توجهات اقبال سلمات على لي كالسيين تجاو حيااة وهبة غاسلين ولابسيين بيجاماات كلسوو كيفطرو بلحريرة ولحلاوي واتاااي ولحليب تاع لبگر مع القهوة معطرة لي بغيتيها تلقايها سمن بلدي ولعسل لحر لي مربينو عمام جاابر فلبلااد ...كسرات الحاجة سكات وقالت مخاطبة جابر لي شاد كرسي جنب اقبال شاد زلافة كيشرب
الحاجة:اوىى اجااابر بقيتي غير نتااا
جابر:وايلي كاع هاد خلق الله مبنت ليك هي انااا
الحاجة:هههه ونتا لي باقي شااطن لي دمااغي نزوجك عااد نرتااح
جوج بنات فجنب هي سمعووها وبداو كيتغامزو ويضحكو بهمس
سكتو والعائلة كتهدر شافت اقبال فساعتها في حين غيتة عاد هبطات جامعة شعرها مشوط ومقاد ولابسة كتيوة صيفية تحت من الركبة فلخضر موردة نص كوم وصندالة صبع فرجليهاا وايلاينر فعينيهاا فقط مبينهم كباار ...سلمات عليهم وكلسات جنب حيااة كتاوب
حياة:منضتيي تاتقاديتيي
غيتة(شادات اتااي)وشنو نوض معمشة بحالكم
اقبال:يالله البنات فطروو باش نوضوو نمشيو
الحاجة:لواااه والله ابنتي متمشييو تاتغداو خوتاتك عمرهم جاااو
اقبال:لااا اميمتيي مرة خراا
جابر:كلسي كلسيي تالعشية وشدو طريق بينما برد لحاال
ملقات متقول وسكتات في حين جابر كمل فطوروو او طلع يدوش ناضت هبة مشات لبييت ضرها راسها نعساات وكاين لي طلعو لسطح ولي فلمكاازة كيجمعو فروينة ويقادو لغدا اما غيتة عاشقة الصور فينما شافت شي وردة تصور حداهاا ...تمشات بوحدها جوايه طناش الشمش مطنطنة كتسمع صوت لموطور تاع لمااا خدام بعيد كتسقي بييه الناس صوت لفرااخ ودجاج كينقب فتات الارض تبعهاا بيبي هيا تجري وهوا يجريي وكضحك وتلفو بين شجر الليمون تاتخباات علييه معرفها فين زاادت ومشات جنب الصور لي داير بييه لورد حمر وقفااتوسط ربييع كتصور وتبووزااا وجبهتها ولات حمرة بشمش ...حسات بشي قرصة فوق ݣدمهاا هزات لكسوة مكمشة عينيهاا تبانت ليهاا عقرب قدااش لاحت تيليفوونهاا والادريلانين بدا كيطلع غوتااات
طاحت للارض ولمحات عقرب تتحوم حويليها ورجليييها تنفخات فالبلاصة..خاافت ودموعها نزلو بزربة شادا ىجليها والماميرا طايحة حداها..فنفس اللحظة جايا اقبال تتجري من بعيد هي وخواتاتها لي سمعو الغوتة حيت كانو فبيت فسطاح هو لي مبرد شوي ..شافتها طاايحة وتتغوت طاح منها نص..فحين لوخرا تتلوى والسم قرب يسري فجسمها
نزلات اقبال حداها واتشة على رجليها مخلوعة تتشوف يديها فوق رحليها وتتوحع وقالت:نشوو مالك ماالك
غيثة :عقربة عقررربةة اعععععععععععععععععععع
وقفات حياة مخلوعى كثى منها تتشوف العقرب بلقا حداهم محسات تا هزات حجرة كبيييرة نزلات بيها على العقرب تا تبجغات..ولوخرااا تتبكي وتغووت..زيراات على رجليها مخلووووعة وتتغوت:عيطي عييطيييي لجااابرر...
حياة:(مشتت تتجري)جابر جاااابرر(تتغوت لجهد تا كلشي سمعها)جااابر
تم خارج تيزرب شعرو فازك باينا مان فدووش لابس هي ديباردور وشوورط..
شافت فحداعا مداتو ليها بنت من عائلة جاابر حيت تجمعوو ناااس وكلها تيقول ليه اش يدير..شد الشال زيرو ليها علىىرجليها تااغوتاتت وشاف فيها بحزن وخوف:غييثة هي بشوي مغيوقع لييك والو
غيثة:هءهءهءهءهء واععععععوهءهءهءهء غنمووووت هءهءهء غنمووت قرصاتنيي كبيرة هءهءه
جا عمر فيديه زيزواار شدو ونطق:اقبال شديها لياااااا
جات هيبة تتجري فيقوها من نعاااس تتشوف ختها هاكام وزاظت تتبكي شاظا فيها مع حيااة اما اقبال زيرات ليها رجليها مزياان
جابر:انجرحها نحيد السم ففف(شد زيزوار وشرطها تا سمع صوت غواتها وبفات تركل لكن مزيرين عليعا بجهد)ففففف
بدا دم تيسيل من بلاصة القرصة..بدون ميترد بدا كيسف للدم وادفل يسف ويدفل يسف ويدفل سيف ويدفل تا حس بلي خرج منها الدم الخاايب..جابو ليه بوووطة ومركز مهاها ودار ليها النفس على بلاصة القرصة وصدرو كيطلع وانزل وغيثة تتبكي بحرارة من جهة الصداع ومن جهة التبوحيط..وخواتاتها شاادينها
اقبال:جاابرر خصها تمشي لسبييطااار(شافتو مركز ومخنزى)جاااابرررر اتموووت
طلع لبلاصة القيادة وطلعات اقبال حداها مسنداها علل كتفها وقلبها ايطرطق على ختها...خافت عليها بزااف حيت صغييورة
اما جاابر راه عين فالطريق وعين عندها هي..اول مرة تيحس بقلبو تيتعصر عليها بجهد..للحظة حس براسو مسؤول عليها وناقوس الخطر تيضرب عندو
وصلها لصبيطار ودخلوها لسمتعجلات حيت حالة مستعجلة ضربات برا ضد السم عاد ترخات شوي..نظفو ليها الجرح وصبنوهم على الاسعافات الاولية لي دارو ليها حيت طبيبا داك التشراط والبوطة خاايب وعند نااس العاديين هذيك هي الطريقة لي كتخلي السم مينتاشرش..
نتاقلات هبة ل ديسيير قطعات لفروي وقداات لفلوون وزادت عليه لفروي وخلاتو تيتشد مزياان وبدات فلي طاغت لكوزينة سخناات خرجات غيتة فرشات تحت الضواية لي داخل منها الضو ولكن مضالية بضالة خاصة بضويات فلبيض كتخلي الضو يدووز مقلوبة على صدرهاا ولفرفاارة جنبها كيضرب فيها لبرد وادة لكيت ومكونيكطية
لعصر وصل ريحت طيااب لعرساات كتشم من الزنقة دجاج طااب وتفرتت ودارت ليه الشرمولة تاع لبسطيلة لبيض والشعرية الصيينية واللوز وطريفات الشومبينيو مشحرين ومقطعيين دابا وجدات خاصها هي تعمر فلورقة ودخل لفراان اما لغالية مكلفة بلحم ولبرقوق عسلات زبيب ولبرقوق ولمشمااش وخلات اللوز على جنب تيدخلوو وتبدا تزين
هبة:نااااري طباااسل !! فااش غنسربيي هدشيي فااش
اقبال(سرحات ايدها بعيااء والتيليفون مسكت من لكلياان مامولفينهاش كتسد وسط السيمانة كل مرة اجاوب وتعطي لخاطر ) مرض...علاش مقلتيهاش بكريي
في حين هبة كالسة فوق كرسي كدير ليها حيااة فلميكااب وتقاد ليها فشعرهاا الاخيرة دايرة جوج حامضات على جناب راسها وشاداهم بزييف
حياة:راسي غيتفركع ليوم تفوو
هبة:هانتي قريب يسهل عليك الله
حياة:امتا ياربي عييت من هاد زبل تثايبي لعروسة ومها وختهاا وجداهاا وتوحلي معاهم لا غليتي علينا لا خريتي ينوضوو يقوودوو ملي مقادينش على مكيااج يكحلو ويسوكوو اختي هاد لمغاربة كلشي بغاوه فابور
لبسات قفطان بلون كاصي جوهرة ودارت اكسسوارات رقيقة خاتم وبراصلي وسنسلتو من النقرة كل مرة تشوف راسها فلمرااية
سمعو الصونيت فلباب وقفزاات :جاااو واش جااو
طلات حياة لقات جابر حط صندوق تاع لموناضة منوعة وقالت:هي جاابر هداا
اقبال لي لبساات جبادور بسروال اسود لارج ولفوقي كروونة والغالية من بعد مطفات على لحم بدلات عليها بقفطان خفيف بيتيي اسود وشالها فوق شعرهاا ودمليج تدهب لاصق فايدها لمطبزات
تخبطات جنابها كتولو :ويلي ويليي ويليي لخبز
جابر:بفف شكون غيكون حال داباا
هبة:اويليييي كيدار طارر من بااليي(تفقصات)اويلي على شوهتي مبقا والووو ويجيييو
اقبال:ففف يكون لفران باقي حاال
جابر:غنمشيي نشوووف
غيتة(لصقات فيه)نمشيي معااك داقت بيا الصهد
نزلات معاه هز طموبييلتوو كيدوور فشوارع لمخبازاات كيلقا لخبز نااقص دخل لواحد من الاحياء فراان كيبيع لخبز لقاه سخوون عاد تنفس الصعدااء عطاه لقيااس لي بغاا وطمن هبة لي غتاكل جنابهاا تقدا لخبز لكاافي ورجع ادراجو لداار
دابا كلشي وااجد كتسناا
هبة:عمران جايين
عمران:هاحناا عاد غنخرجو من الدار احبيبة يكما تعطلناا
دخلات بكل فرحة كتوضع اللمسات الاخيرة فلبسطيلة دارتهم فطاوات وخلاتهم ولفولوون قلباتو فجوج طبااسل ودورات عليه الديسيير ودخلاتهم لتلااجة وجدو صواني تاع اتااي وصينية تلفضة فيها اتاي والسكر والنعنااع ..
حياة لساات كسوة معندهاش مع لبلدي لبسات كسيوة صيفية بلا ايدين وفوقها بوليرو حد لخصر فلكحل مشبك وكتعاون فيهم وكتحط فطباسل لفاكية مشكلة فوق طبالي وجابر كالس شاد تيليفون ورجل فوق رجل وحداه غيتة كتخربق ليه فليكرون تاع التيليفون
غيتة:مالك قديييم كي تلتشري التيليفون كي تاتخليييه
جابر:اش نديير كماارتك
غيتة(بافتخار)كماارتيي اتولي فالشهاراات
جابر(ضحك)تاع ليكووش
غيتة(ضربات. لكتفوو وشدات تيليفونو دارت تصويرها فليكرون وقالت بتقة)عاااد ولا معنى لمشقوفك ملي فيه وجهي شفتيي
جابر(شدو كيشوف )شكون كدب علييك شكوون مفيك ميتشااف
عيطات عليها اقبال بغات تنوض وجرهاا وقال:لبسي شي حاجة خرا هدشيي قصيير حشومة قدام ناس مكتعرفيهمش
غيتة:اعع زوينة
جابر(قلب شفايفوو)لا علاقة
مشات لبسات سروال بيجامة مورد وتيشوورت اصلا مغتكلس معاهم اتحل هي لباب يالله كتجمع فشعرهاا تسمع صونيت فلباب وقالت:انا غنحل
طل عليها جابر تشافها اش لبساات او وقف وخرجات حتى اقباال
تطلعات غيتة كتسب وقالت:غير لبرااهش مجا حد
هيبة:لعشا اتودن ومزال مجااو
اقبال:ياك قاليك جايين صبري شوية
الدقاائق كدوووز ومبغاتشش كل مرة تصوني لييه اتبرزطوو ودن لعشاا وخاف جابر هي ينوض يصلييه ويجيو بقاو كيتسنااو كي ليتاامة
جابر:صوني لييه اهيبة !! يكما وقعات شي حاجة فطريق الله احفض
هيبة:اويليي الله يستر تالنهار بغا يخطب عاد توقع (بدا قلبها كيضرب عارفا زهرها كيدايير صونات لمرة اللولة والتانية والتاالتة عاد جاوب وقال بلهفة :عمرااان فييين يااك لبااس ساعة هادي باش قلتي خرجتوو
عمراان:اااه خرجنااا
هيبة:اوى فيينكم
عمران:عند لالاك ...لي مضارت معاياا فزنااقي مشبعت فيها بوساان
غيتة فجنبة شادة على فمها مصدومة فختها لي كتركل وتغوت فحضن اقباال لي محسوو بيهاا تنااضت نقز جاابر بجهد جرهااا وقال مخرج عينو ؛دوز تريحييي
اقبال:والله تنخرج على خيااتووو
جابر:دوزي تريحييي بلا شوووهة الليل هداا هدااك الكلب انا لي غنتفااهم معااه عارف مورااها تراااجل ولكن الا مخليتووش يزاااوك راني شمااتة بحاالو دوزي لعند ختك
رجعات دمها سخوون وهبة ناست كتجري دخلات لكوزينة كتغوت زلعات الديسيير لي فطبااسل وحلات تلاجة لاحت لفلون ولا كل طرف ف قفنت تشتت وبغات تمشي لبسااطل محسات برااسهاا تاتهزاات كتركر وتغووت سد ليهاا فمهاا على شوي كان غيزلق فلفلوون تشد فلحيط شدوها لبناات سخفاانة
منعسو مشافوووه مكلاو مدااقووه الليل كلو وهيا تنخصص متقلباتش معندهاش لوجه شنو تقوول هدرتكم كانت بصح شنو تقوول انا لي كنت حماارة ومشيت معاه بنيتيي
لفجر ادن كانت يالله اقبال غمضات عينيها فاقت على صوتوو مدكدكة طلات عليها لقاتها غفاات كتنفس من فمها ونيفها مخنووق عينيها طااابو وحاالتهم منفووخيين ورموش فاازكيين تاسفات لحالهاا وخرجات توضاات ودخلات لصالة فرشات سجادتها وصلاات وصلها ميساج فالتيلفوون ومشات جابتو كان جاابر قال:امضرا كيبقات
اقبال:عاد نعساات
جابر:كلشي غيفووت تحااال مكيدوم على حالو مول النية يربح
اقبال:متستاهلشش ولكن هادي نفيقهاا
جابر:الله ايدير تاويل لخيير ...
صباااح الخيرر...صباح ربااح ...صباح النوور ...
مصطلحاات مكتمتلش عائلة بيلو فهاد نهاار نهار باين من صبااحو على لبكااا من جديد فااقت اقبال وحيااة مربووطين لايدي معارفين باش يبردو عليهاا وهيا كتشوفيهم ديك الشوفة ديال نصحتوني انا لي منسوااش انا لي شاايطة وتبعتوو وصبرت معااه
اقبال:هيبة....الدنيا مكتوقفش هنااا تقبليهااا ونوضي قواا من ليي فااات كااع فحيااتنا كتجي واحد لحااجة كتهرسك وتخليك تنوضيي قوا من لي فااات ...
هيبة(بصوت منغنغ بلبكا)هءهءه اناا لي كنت دمدوومة
حيااة:نتيي كنتي كتمشي بقلبك اهيبة صاافي خلي زامل بووه هوا يبكييي واش فنات الدنيااا؟ واش هواا لي كيخرا لويييز هيبة رااه الدنيا غنعيشوها مرة وحدة مضيعيهااش فلحب ولببكا وصدااع الرااس خدميي وعيشي لرااسك خليهم هوما يتبعوووك كي لكلااب ماشي نتي تبعيييه
دخل لصالة كبيرة فيها مجموعة من لبيرواات كل واحد فااش خداام منهم بنات ومنهوم دراري عينين ضارو على لبيروات تبان لييه صاحب دعوتو كيضحك فالتيليفوون زير على ايدوو ومشا لييه وقال:سي عمرااان
عمران(حيد تيلي من ودنوو )ويي
جابر :مرحبااا
جرووو منن قميجتوو تكلشيي وقف لبسي مشاا وجاا وشافيهم :يقرب شيي واحد نجمعووو معاااه
جابر:نورييك شياااااطة يالكلبب ...عند بالك مورااهاا حد
عمراان حااول يضربوو ولكن سرعاام ملوا لييه ايدوو تغووت وعطااه من جديد لنيفوو زادوو دقة لكرشوو خلاه كيتوجع معارف بااش تبلى جاا السكيريتيي ولمدير كيجرييو
*اش واااقع هناا عيطوو لبوولييس
جابر:عيط عيييط لبوووليس يجمع رعواني لي مخدم ضاااحك ليااا على ختييي لكلب لااخر
عمران:والله متبقاا فيييك ااح
بغا يرجع لييه وشدو السيكيرتي وقال:الى فيك كراام ترجلة جي عندي وبربيي لي شاانو عضيم تنوريييك رجاال اش كيسواو نهار نلقاك كدووور بيهااا عينييك ناكلهم
جاو لبنات كيتجاارواا ملي شافو الدم
جابر:عيطوو لمووو تمسح لييه هداا راه رجلة بزااف علليييه شمااتة كضحك على بناات الناااس عند باالك طفرتيييه السمطة كدووور هاا ولبزييم دقتو خااايبة
دفع لي شاادوو ومشااا خلاه منشوور ونيفوو كيشرشر بدم مخلاو ما ما خلاو قطن وتلج
المدير:زعمة راااك بعقلك ...مضنيتهاش فيييك اعمراان
وحدة من لبنات مشاات عند صاحبتها لي واقفة مصدوومة متحركاتش من لبيرو وقالت:صااافيي بردتي دابااا هاااه قلت لييك ميصلاااحش لييك رااه رعوانييي وماشي ديال لعشرة علم الله هاد لبنت مسكينة كي ضحك علييها
**ولد لحرااام جاب الله فضحو قداامي ...
كان عقلهاا غير مع هدشي لي وقع محنية على لموطور تاع الطموبيل كتشووف ومرة تهز ايدها تقلب شي بيااسة
اقبال:مهديي لفيلتر دياال ديازيل ...رونو
مهدي(جاب ليها كرطونة صغيرة)هاداا
اقبال(شافت فييه وشافت فلكرطونة ) قاري فزحام امهدي
مهدي:الاا قاري فلبخااري
ضرباتو بطوغشون لكتفوو وبعد كيضحك عاد عرف اش جااب ومشاا بدلو ليهاا ...فهاد الاتناء دخل جاابر كيلعب بسواارت
جابر:السلااام عليكم
اقبال(مشغولة كتبدل لفيلتر ودايرة ليكاتها كيف لعادة )السلاام ....غبرتيي
جابر(تكاا على لكابو جنبهاا )مشييت لداك خيناا
اقبال(هزات راسها فيه )شكوون...(خرجو عينيهاا)عمراان؟
جابر:شكوون من غيروو خلييت موو كلو دماياات وسط لبيرو
كريمة:معيتيش من لوحداانية ...غابوحدك لا من يتهلى فييك ويكون بييك ....خاصك تنتا تزوج وديير داارك ولا لاا
جابر(دخل لبووطة لبلاكار من بعد مركبها فالتيوو )داكشي مكتاب نهار يكتااب علاش لاا
كريمة( تفكراات قصة سيدنا محمد عليه افضل الصلوات نهار امناا خديجة باادرت باعجاابها وخة عن طريق صااحبتها ولكن هياا معندها صحاباات تزعم بوحدها ولي ليها ليها شحال قدها تصبر تجي وحدة طيرو ليهاا ؟ )جابر
جابر(هز عينو فيها كيسوس ايديه )شي حاجة خراا
كريمة:جابر اناا...حم عارفنيي معقوولة وداخلة سووق رااسي ...وخة لوحدانية ساترة راسي الحمد لله بخيري وخميري خاصنيي هي رااجل يكون بيااا وندير معاه وليداتي وهاد الرااجل مكرهتوش يكوون نتاا ...نتا خاصك مرا تقوم بيك وتكون حنينة فيك وانا خاصني رااجل نحطو على جرح يبراا (رجعات شعرها مزنكة )ربي لي...ربي لي عالم شحال نتاا غالي علياا اجاابر
جابر(تحط فاكفس وضع مينكرش تهواا باغي عائلة بااغي استقرار ..راجل بلديي معندو شمع تصااحب مع هادي وهاادي عندوو نيشاان باغي مرا تاع الداار وديالو فقط وهدشي بصح مجموع فكريمة لحداكة والتاويل وحلاوة لسااان ولكن لقلب مايشااور تعطا بلا خباارو )نتي بنت الناس اكريمة ...يتمناك اي وااحد
كريمة(حطات ايدها على ايدو وقالت ) انا باغة نكمل هي مع واحد ...نحطك فووق راسي وكلمتك هيا لكبيرة ...ششنوو ناقصاني شي حاااجة ...شاربة عقليي ومرزنة لحداكة وكاينة شنوو !!
جابر:شكون هدا لي غيكره هدشيي
كانت مقربة لييه بتحلوين راه كيبقا رااجل وهيا كتحلون علييه بقا ساكت منطق متكلم وهياا سخنات بوغات لي يبردها بهاد لمعنى الحرفي ....بعينين كييبرييو وشفايف وريحة متيرة قربات ليه وقالت بهمس :لوكانو لعيالات كيخطبوو كنت من زماان ...مزوجة بيك
باستوو فحنكو بوسة مخطووفة وضحكات مبينة على سنانها لبوويض خارجة منهم ريحت الدونتيفرييس نقية تحنا عندهاا وهيا بلفرحة غتنقز علييه قلبها شطح وردح ملي لامست شفايفوو على شوي تسخف بين ايديه..غار دهب وطاحت علييه ...
جوج والشيطان تالتهماا وخة يكون امام كيعرف هي قال الله قال الرسوول قداام مرأة كااملة الغريزة كتحكم حتى سيدنا يووسف تغر ب زوليخة لولا لطف الله لكان من الخاسرين ...
بقبلة على بسيطة على الشفااه وايديها لي تحطو على عنقوو كان غيزيد يتعمق حتى عاق برااسو اش داار بعد فموو ب زربة خلاها حلات شفايفهاا باش تشتفبل ريقوو ...تصدمهاا ملي بعد
هز لكاسكيط وبعدها عليه بلخااطر ومشا بلا حتى كلمة خلاها حاطة ايدها فمها وقلبها كيشطح ...نزل كيسووك وكيحل فعقاد لقميجة لفوق وقف حدا لباب قبل ميحل كيلعن فالشيطان وكيبرد رااسو ...طلات براسها عليه عاضة على فمهاا تحل لباب وخرج كييدير فلكاسكيط لقاا صاحبة الشعر الطويل لي كيفرزها مابين الالاف طالقاه على طولوو ولابسة سبرديلة وكلوون وتيشورت عريض هابط على مؤخرتها لي اصلا مغطية بشعرهاا ...
اقبال(هزاات عينيها فيه لقاتوو مخنزر )اش تماا
جابر:والوو غير شدني شي حريق فراسيي هاني مشييت
مشاا بلا ميهدر مع غيتة لي منتابهاتش لييه كاع كانو عينيها فتيليفوون
غيتة:الدخول نهار تنين ابيلوو وخاصنيي صاك وطابلية جديدة وسورفيت لسبورر
اقبال(كتمسح فايدهاا) نتي خااصك السوق كامل وشوف تشوف واش تقنعيي
غيتة: اووف كلشييي غيبدل نبقا كل سيمانة بنفس السوورفيييت فصبوور اقبال واصلا لقيتهم بروموسيوون هي ب 150 حراام علييك
اقبال:اك تبوحيط دياالك والله ميدوز لياا الالة غيتة هي دردبي لداركم
غيتة(بدات بدوك دموع لي محطوطين طرف عينيهاا وكلسات كتنخصص تشكي وتبكيي مالي انا ومالي انا كلشي شاري وانا لاا واقبال مقابلة خدمتها مرة تهز عينيها فيها مرة تهدر مع مهدي ولخرا معيات مسكتات ...دغيا لعينين ونيف ولا حمر بحالا قاجينهاا وصل لوقت لغداا وسدات اقبال لمحاال
مشات وخلات بريق نبض فعينيهاا وصفاء كتشوفيهاا بتعجرف محملاتش لبلان في حين هيتم دخل حتى هواا وشافتو سلم على مولات لمحال من وجهاا ومعطاتش الاكر اهمية وطلعات لفوق حتى تبعهاا وكيف عادتو قرصهاا من كتفها ومشا لجهة لخرى تضحكات وقال :صبااحوو
هيبة:هه صباح لخيير ...اه بغيت نسولك واش مدام نسرين كتعرفهاا
هيتم:ههه علاه مقلتش لييك ....نسرين راهاا خالتي
هيبة:واش بصح؟ لا جامي قلتيهااا ....خالتك تيتيزة السسااط
ك*: الى وريتك شحال من شكااية على ود هاد لموضووع تصدميي ومزاال ملقينااهم ...كيشدو لفلووس وديجا كيكونو كيمشيو لبراا شنوو غتشديي ...كيعطييو شخصية مزورة لا علاقة بسميتو وكنيتوو
اقبال(تنهدات) لي عارفين علييه هوا سميتو البشير الابراهيمي
ك/كيكتب): لمهيم ها سميتوو عندناا ونتمناا ويكون خير ولكن منوااعدك بواالو حتى الى لقينااه معندكش عليه شي حجة ولاا ضمانة كتبين بلي هاد السيد خدا ليك فلوسك
حياة:او لفلووس يمشييو
هز ايدو وقال:هدا هوا لقانون
اقبال(وققات )شكراا
ك:لعفوو
خرجو من عندوو ساكتيين يالله هبطو دريجاات طااحت حيااة على وقفتهاا تجا راسها على لحااشية جا بوليسي كيجريي وجابر حتى هوا لي كان كيتسنااهم
اقبال:لهدرة لي كلت معندنا عليه تحجة باش غنشدوه غير اجيي وشدوو انا عرفتها غير مندييك لفوطوكوبي لي عطاهاا تصويرة مضببة مكتباانش وهيا معميية ....ستاا لملييييون اجاااير ستااا ميجمعهوم غير لفم ...خرجات على راسهاا وعليناااا
جابر:اش غنقووليك والله حتى تلفت معااك وحدة تنسييك فلخرااا
كلساات فدرووج فاشلة لي داز يشوفيها وهيا عينيها مغمضيين ...
خمسة لمليييون بالنسبة لواحد مرفح رااه والووو ...ولكن يالنسبة لاقبال لي كتبنيي فراسها دقة دقة طوبة طوبة رااه ملاااين شهووور تاع لخدمة ويمكن اعواام ...مقاتلة ليل ونهار باش دير دارها بعرق كتاافهاا حلمها بسيييط كيفما تقاتلات وكملات لمحال فلكريدي ولا كيدخل ليها مصرووف زويين معيشة عائلة بست بخمس اشخااص باغة تزيد لقداام وتهنا من لكراا تاع الداار ....
دازت سااعة وهوما جنب سبيطاار تخرجاات حيااة شافها جابر ومشاا عندها ربت فكتبدفها وقال: يخلفهم الله صاافي
حركات راسها باه وخة كتبان قاسحة من لدااخل قلبها كيبكي الدم تقدر تكون هيا فداك لمليون لي عطاات مخدمات متعدبات فيه جاها باارد من عند صحااب ولكن فلووس ختها راه شافتها كيدمرات عليهم من صباح تالعشية وخدمة صعييبة ماشي سااهلة ...كيفاش غترد ليها هاد الدين تقيييل كيفااش
حياة(مشات عند اقبال لي كانت مغطية وجهاا منتابهاتش لحياة تحطات ايدها على ركاابيها وقالت:والله اختي تنرجعهم ليييك هءههء وخة نعرف نموت فيهاا غنرجعهم لييك
اقبال:نوضي من لهدرة احيااة ...تبقا هي صحة لفلووس حنا لي كنديرووهم
حياة: وخة هكاك دينك على رقبتيي باركة هيي لي صرفتي تكبرناا ...انا كنت بااغة نعاونك وريي شاااهد كنت بااغة نهز عليك لمسؤوولية ونشورووي داار تحنا فبلاصة زويينة ...ولكن مكفكرتش فهاادشي ....سمحيلياا ا اقباال نستاهل لي تقوولي فيااا والله منهز فيك لعيين
جابر:لبنات نووضوو منهناا كلشي كيشووف
وقفات حياة كتمسح فنيفهاا لحمر واقبال وراهاا محسات بيهاا تلاحت ايدها على كتفهاا وجراتها عندهاا
قاطعهم تيليفونو لي صوناا واشار. ليها بايدو باش تخبس ضحكات مغلغلة من لدااخل وقالت بهمس:رجلة لكاارطون
كمل امين لهدرة فتيليفون ورجع زقال وهيا عينيها فلكتاب قدامهاا :نكملو هدرتنا من بعد خاصني نمشيي
تبسمات ليه واير داار جمعاتها وقالت:مشيا بلا رجعة ...
***
مع جوج هبط جابر من دارو كيتااوب من القيلوولة مسح على وجهو وتوجه لمحاال لقا صالح كالس فلقنت وشاد طرف تاع لعوود كيكتب فيه بستيلو ويزوق توقف عليه جابر وقال بصووت مدعدع بنعااس :اش كتصنع
صلاح:خهه بغيت هي نجرب واحد.الطريقة تعلمتها نقش على لعود سمياات ولا تويشياات
جابر:بستيلو بحال لي كيتبااعووو !!
صلاااح:الااا نحفروو
جابر:ممم (تاوب)ففف مزياان كمل نشووف
هز طورنوفيسس مااضي وبداا كينقش وتابع خط ستيلوو وكل مرة يسووط على لعود باش يطير لغبرة....
توجه جاابر لخدمتوو ستيلو على ودنوو وكيعبر فطولة تااع لعود وحاط حدااه لعبار كان راس تاع الناموسية مشبك كلوو بلعوود شاد كاغيط حرش كيحدد فجنااب باش يدوز عليه لفيرنيي ....
حتى وقات علييه كريمة هازة فايدها طبسيل ومغطياخ بسربيتة لابسة عباية فوق لبيجامة بشوورط وقالت:جاابر
جابر(ساس ايدو وقف محااملش رااسو وقال مكمش عينوو )نعاام !!
كريمة:جبت ليك كسكسوو درتو ليوما وعارفاه كيعجبك
صلاح:الله جبتيه فوقتو ههه
جابر:عاش عدبتي رااسك اكريمة
كريمة(بحب وعيون براقة)عدابك رااحة اجاابر
شدو من عندها ومدو لصلااح وقالت:فين وصل لبلااكاار مزال مبديتيهش
جابر:كول غا نتااا (جر كرسي كلس وتفكر هدرة اقبال لي قالت ليه باش يرد بالو منها حيت شافتها حياة عند شوافة ...استغفر الله وحل تيليفونو وطلعات ليه صورتها فليكرون محيدهاش ملي دارهاا جابر من النوع لي مكيبقاش يخربق فتيليففون ممكن تعطيه نوكيا بيل وهانية لوقت كيقول الو وصاافي التكنولوجيا اخر هموو ... انسان لي نقدرو نقولو عليه بلدي مامواكبش بتاتا لموضة او المتعة حدودي وداخل سوق رااسوو ...
تطيحو الله فلي عمرها كانت فبالو ....تمعن فصورتها مزيااان وداير نص تبسيمة وعيني كيبانو مسدودين بشفاروو... دخل لانستاكرام لي ملايح فيه حتى تصوويرة ومداير فيه تاتصويرة ماا مابوني حد من غير وحدة تصاورها هوما لي كيطلعوو وشكون من غيرهاا عبلة زماانهااا لي ميمكنش يدوز نهار بلا متلوح فيديو ولا تصويرة جديدة
مرة بلكرينات مرة كتغني مرة كدير لميكااب وخة هدشي معاجبووش بتاتا
وكترت التعاليق كتجيب ليه الصهدة خصوصا لولاد ...رافض بتاتا هاد الاعجااب ليي تولد فلحضة ضعف منهاركانت كتجي تبات عند شادية ...
كان فليلة ناعس فبيتو وكيسمع ضحك ولغنا جاي من صالون نااض من بلاصتو باش يقوليهم نقصو شوي كانو فالصالوون وغيتة واقفة لوسط طالقة شعرها لابسة شورط وديباردوو وكتماايل بطرييق متيرة وتلوي فمؤخرتها ودخل كرشهاا وتخرجها على ريتم الموسيقة شافيهاا انتى كاملة مكموولة مبقاتش صغيرة كيف كان متخيلهاا رقصهاا وحركاتها وديك الضحكة لغنجية خلاتوو يتقلب ففراشو لوقت طوييل ...(تنهد وهوا كيسد فالتيلفون ودارو فجيبوو كيحد فايديه مع بعضيااتهووم ) ...اما صلاح دخل فطبسيل كسكسو هي بووحدو وكييتبنن فيه
●●●
بعد مرور اسبوع ....
فلييل مجموعيين على زلايف لحريرة او تمر او شباكية لي بقات من رمضاان او لبيض مصلوق كل وحدة فيهم كدور فزلاافتهاا وغارقة فهمهاا اما غيتة كانت كتفرج وضربات زلافة التاانية
جابر(طرطق بالضحك)ههههههه واش عالمين على قيامة السااعة ولا مالوو زرباان خاف تريتور يسد هههه
اقبال:ضحك ...ضحك نتا لي جاات معااك ...عرفتي شنو اجيي حضر حيت نبدر ندوور فييه شي دورة خاايبة
جابر:ههههه وخة حلي حلي لباب هاني لتحت
بقا كيتسنا جابر لتحت شاداه الضضحكة كان لابس هي كندورة وصندالة صبع فرجلو كان غادي لجامع يصلي لعشا تاشاف طموبيل اميين وتعجب حلات عليه لباب غيتة وقال :لمعزة
غيتة(ساطت)بزاف علييك ت معزة
جرها من لݣرينات لي دايرة على شكل كعكة وقال وهادوو
غيتة:اي اي ضريتينيي
طلق منها وطلع فدرووج خاشيها تحت باطو مزير عليهاا وهيا كتقرص فيه مطلقها تالباب رجعها حمرة ودخل فاتجاخ الصالوون رما السلام وهز امين عينو وقال:اهلااا جابر
باس ايد حورية ومد ايدو ل امين وقال: افيين
امين:درناا بكلااامك هههه
امين(كلس جنبوو )اييه ولكن مافيها بااس تعلم لعرووسة ولا اناا لي فمتاابة خووهاا ! اولا
امين:جابر...راك شفتي ست شهر هادي وانا لييوم غدا ليوم غداا وهيا كل مرة اش شاغلها اللهم نجي نيشاان
حورية:اوى حنى جينا طالبين ضيف الله الالة الغالية بغيينا بنتكم لولدي اميين على سنة الله ورسووله
الغالية:وا ختيي منلقاوش حسن منكم جاتها قرصة فرجلها وبعداتهاا كضحك )وينيي شوار شوار لبنت الى بغات منزيدها غير الله اجعل كلشي مباارك ومسعوود
دخلات حتى حياة وكالسيين تدملات غيتة هز عينيه جابر فيها كلسات جنب حياة وهزات عينيها فجابر لقاتو مخرج عينو فيهاا وحركات ليها راسها بماالك واشار ليها لحوايجهاا ..كانت لابسة بيجامة بيتية على شكل كسيوة قصيرة حد الركبة ...هزات ليه كتاافهاا وشدات اتاي من عند حياة..دوز ايدو على حنقوو كيتحلف فيها..
اميي:اشبانليك فهادشي اجاابر
جابر(عاد نتاابه )هاا ااا اسيدي انا ليي قالتوه معاكم ...اقبال راه بنت الناس بنت معقوولة وديريكت
اقبال:راي مغنبدلووشش ا اميين خدمتي مغنفرطش فيها حتى نعياا ...خدمتي ديالي نبدا وقت لي بغيت ونسالي وقت لي بغييت ...مكنضنش غيكون شي مشككيل فيها من غير لنتا عندك فكرة خرا
امين(بضحيكة) اقبال معاياا مغتحتاجي لخدمة لا والوو نعيشك كي بغيتيي فداارك ميخصك معاياا تاا خير
الزيت بدا كطلع لاقبال وكتشووف ف جابر بعينيها بمعنى يا تدوي يا نووض
حكاية أنثى الجزء الرابع
محتوى القصة
التنقل بين الأجزاء