قصة حكاية أنثى

من تأليف لبنى السرابي
2020قصة كاملة سفالة نادرة

محتوى القصة

رواية حكاية أنثى

ويحدث ان نولد نساءا

من بئر النساء..تفرفت الحكم ..ومن صبرهن تعلم الرجال الوفاء

مهما كانت الانتى مناضلة ...قوية...عاشقة ..او طائشة نبقى كلنا إناث

" حكاية انثى.. "

بعد غياب طويل خديت فيه راحتي رجعت ليكم بقصة جديدة ماشي ببطلة وحدة انما اربع بطلات..اربع انواع النساء من وسطكم..كل زحدة فيهم مصورة فيها شخصية وحدة منا..
الجامحة..الباكية..القوية..العاشقة..المناضلة..القاسية والحنونة..
من بين اربعة نساء غتلقاو راسكم فيهم..قصة لي طلبات مني دراسة عميقة للجنس اللطيف لي انواعو كثيرة..لخصت ليكم اغلبهم فاربع شخصيات
اربع شخصيات فقصة واحدة..باحداث ولا في الخيال..بعبر كثيرة وباحاسيس مضاعفة..
جرعات كثيرة من الامل..واكثر شيء النضال..مع القليل من التأني والكثير من الصبر
اربع نساء في حكاية انثى..حصريا بقلمي انا لبنى السرابي

📢 ملاحظة: القصة معندها حتا علاقة بزهرة العمر 📢


اواخر 2003.... 
🎀مكناس...

وسط سوق كبييرة كانت فتاة بعمر 13 سنة قدام بائخ لخضر
لبساها بسيط كارطابل فضهرهاا بسروال فضفاض وبلوزة هلكها التصبين تولات صفرة ...

_عمي عبر لياا كيلو ماطيشة وكيلو بطاطاا 
البائع:كولي لباااك يجي يخلص لي علييه عاد نعبر لييك ...سيريي 
هبطات رااسهاا ومشات وهيا فطريقها لقات مول لكلية دارت ايدها فجيب السروال لقات درهم ونص كلها ريالات صفرين ...مشات جبهتوو وقال: عطيني لكلية تلاتيين 
عمر ليها ميكة وزادها من عندو وقال:هاهياا لبنتيي 
_شكراا هه
حيدات لكارطابل من ضهرها ودارت فيها لكلية وسداتهاا وغادية خارجة من السوق 
إقباال....إقبال
ضارت وراهاا شادة لكارطاابل وشيرات بايدهاا لمراهق تسالم مع صحابو وجاي كيجري عندها داير كارطابل كحلة ولابس قميجة وسروال دجين وقالت:مشفتكش حدا ليسيي 
_دخلت لسوق مع دراري نو كديري هناا(جبد زريعة من جيبو عطاها ليهاا )تكركبي لداركم 
إقبال:ونتاا مااالك... سوقك 
تمشات وضريها بلكارطابل ديالو وقال:شي نهار نهرس مك من فمك 
مداتهاش فيه تقرب جيهتهاا غادية كتزرب درعها بايدوو وزير علبهاا كيضرب فيها لراسها وهيا كتركل فييه ضرباتو وهربات كضحك وهوا تاابعهاا تقربو لحومتهم او وقفات كتنهج وهوا تابعها تشدهاا جمعها بنص كضحك وتحنا كيضحك عليها مد ليها ايدو ونوضهاا وناضت كسوس ف طابليتها لبيضة 
إقبال:برهووش واش نتا بصح عند 15 لعاام ...شهيد نسولك 
شهيد(ضحك)سولي 
إقبال:علاش شي مرات مكدخلش تقرا ونتا عند لمتحان 
شهيد:ههه شوية قراية وشوية ضوراان 
إقبال:ننننن خليني نمشيي 
تمشااو فلحومة بجوج كيضحكوو مرة يسلمو على نجار هلى مول لحانووت ..دخل شهيد فداار مصبووغة ومقاادة ولباب بلكحل وضاير بيه زلييج كري وهيا عطاتو بضهر دخلات فباب خزي ضاير بيه غير السيمة مامفينيش حرش سدات لباب ودرووج مضلمين شعلات الضو ومبغاش يشعلوطلعات فالضلمة سكات هي صوت رضييعة كتبكيي حطات إقبال سبرديلتها فاخر درجة ودخلات لبييت مفؤش بلحصيير ومانطات مفجناب ومخااد الدار من لفوق مقشرة وفيها ريحة لمديتي كانت رضيعة ففراشها لغوز كتبكي مشات عندها إقبال وهزاتها كتسكت فيهاا تدخلات سيدة فالعقد 37 عاامرة ومكدرة لابسة بيجامة بلا كمام طويلة وجامعة شعرها لفووق ولكصة كابحة على جبهتهاا بشعر زعر وعييينين كبف لجوهر خضرين 
ام إقبال
الغالية:جبتي تقدية ولا جاية كتجري تاني 
إقبال:مبغاش يعطيني كاليا تيخلص باك لي عليه...انصااف علاش كتبكيي!! فيها جووع 
الغالية:حطيها ونووضي جيبي خوتاتك من لدرسة وجيبي معاك لبيض من لحانووت 
إقبال:وخة 
حطات طابليتهاا وخرجات لمدرسة الابتداائية كالسة كتسناا طناش توصل بداو التلاميد كيخرجو .وهيا مراقبة لباب تخرجو جوج بنات وحدة طول من لخرى صغيرة فيهم بعمر 6 السنوات ولاخرى بعمر 8سنواات شافو إقبال ومشاو كيجريو عندهاا قالت المتوسطة دات العيون الخضراء وشعر بني قصيير طالع ولبحاانضة محلولة(حياة): اقبال فيا جووع 
الصغيرة دات العيون البنية وشعر اسود مضفور(هيبة) :حتى انااا
اقبال:نمشيو لدار ونطيبو غدا زويين يالله
خدات عليهم لكارطابل كل وحدة دارتهاا ف كتف وشداتهم من ايديهم غادين وكينقزوو توصلو لمحال وقفو قبالت محال مسدود قداموو كان موسخ وكحل ولباب كدالك كحل 
هزات الصغيرة عيينينيها وقالت:بابا مكااينش
اقبال(حركات راسها بمعرفت)مشفتووش 
المتوسطة (حياة):توحشت انصاف
الصغيرة(هبة)انا توحشتها كتر منك
مشات لحانوت حدا دارهم طلبات منو ربعة لبيضات وقبطة تاع النعنااع 
_كوليي لبااك يجي يخلص لي عليه راه غنطلع لبلاد 
إقبال:وخة
تمشاو جيهت دار مصبوغة بلغوز ومرسومة فيها قطوط او لورد وصداع دراري صغار وشي ناس كيديو ولاادهم وقفات لاخيرة ودقات متقلة بشكاير ختهاا وتقدية وهوما كيلعبوو حداها تخرجات طفلة بعمر سنتبن شافت ختها ومشات كتجري لجيهتها بعيوون بنية وشعر مدهب بحال خوتاتهاا 
اقبال:غيتة شنو قريتوو
غيتة: ههه معفت(معرفتش )ههه


اقبال:ههه مزياان ...حياة اجي هنااا شدي ف غيتة لطرييق 
جرات خوتاتهاا وغادية فطريق كترزب هزات عينيها بان ليها شهيد جاي على بيكالة وشعروو كيديه الريح عوجات فمها تفراناا لبيكالة قدامها ترجعات اللور وقالت:تبرهيش
شهيد:جداك اناا 
اقبال:كون خرجتي فيا داباا وهرستيني 
شهيد(ضحك وحط رجليه فلارض ومتكي على لكيدون تاع لبيكاالة ) منسخااش بيك بيلوو (شافها قندشات وقال عطيني لكرطابل نهزهم عليك تالدار
تخطاتو جارة خوتاتهاا وقالت:مطالبااكش
شهيد(دور لبيكالة وجا وراها كل مرة يضربها من اللور توسخ ليها السروال برويدة وضارت عندوو طلقات من لبنات ومشات ليه ب كارطابل غيتة ولبنات كيضحكوو 
شهيد(مكالي بايدو)وصافيي اصااحبيي هههه 
اقبال:سير فحاالك لنصدق مريشاك هناا 
شهيد(جر ليها لكارطابل)وصافي كوني تسمعيي انعاونك 
دار وحدة فكتف والتانية فكتف وردف غيتة لقدام وغادي كيتمشا معاهاا وكيهدرو على الاساتدة والفرووض كيف عادتهم توصلها لداار ومد ليهاا لي كارطاابل وزاد طلعو لبنات كيدردكوو بجرا فدرووج كيجرييو تبداا لخبييض بلعصا فسقف 
الغالية:بشوية من الدرديك الله اعطيكم موصيبة (بدات كدردك برجلهاا )هااك زيييدك كنس نااقص 
دخلات اقبال خواتاتها لبييت فين كانت تلفازة فوق الطبلة شااعلة دارو على طبيلة تاع لبلاستيك فلكحل وجبدات لكلية من لكارطابل ديالها وخواتها ليهم فسوبيرة صغيرة كيتفرجو ويلعبو مع إنصاف وهيا مشات لكوزينة لي كانت فيها تلاجة صغييرة او بوطاجي من السيما وخوامي فلحمر تحت لبوطاجي بوطة صغيرة وشبكة حدا لفابو ولماعن فلفاابوو مزلعيين حيدات لقايممة وبقات بتريكو نص كووم وبدات كتغسل فلمااعن والغالية حداهاا كتعمر فاتاي وكتسووط 
الغالية:كاع الناس دارو ديوور ودهوبات ونا غرقني هي ولاد الله اعطيه موصيبة لي ربحها بنهار يديهاا لقمر (ساطت وهيا كدير لغلاقة لبراد لي تهرس )تبرااد كي الناس معنديي 
اقبال كتسمع وتغسل تزلق ليها كااس من ايدهاا وتهرس محسات بلخبطة تجاتها فضهرها 
الغالية:واش انا كنشكيي ونتيي كتزيدي علياا بحالك بحال بووك الله اعطيكم طيارة تشتتكم كل مرة مهرسة كاااس مزال مكاملين تفخلاثهم الله ايهرسكم يالكنس الكحل
اقبال:رااه كان مشقوق وضربني فصبعي وزلق لياا 
حكات ضهرها فالدقة لي عطااتهاا وقندشات كتكمل لماعن ولفات لعصاا وسبان من مهاا تبرد فيهم غدايد باهم جمعات لبوطااجي وهزات الشطابة كتشطب فلكوزينة لي تخفرات والسيمة طارت الى كبيتي فيها لما تبقاا كي شي طريق محفرة وشادة ضايات لماا ...مشات لطواليط بلدية وجنابها كحالوو وخة تغسل تاتعيا داكشي قديم وشي على شي كيتزاد لحيط تخزز بلما وبدا كيكحال والحالة حالة 
حياة:بيلوووو اجي تغداااي دغياااا 
تحنات وطلقات الرويبيني نحاسي غسلات ايدهاا وجففات لما مشا لطواليط وخرجات لبييت لقات الغالية حاطة حداها الصينية ولكيسان بلحسااب او مقلبة تاع لبيض ب ماطيشة 
غينة:بيلوو وكلينيي سخوون 
هيبة ى(كتعيب فيها)بيلوو وكليني سخووون 
حياة(رجعات زغيبات طالعين لسما وخة رطب زغيبات قصار مع خفيف دغيا كيطلع: امتاا غتشري ليا بيكالة امامااا....كولشي شراهاا 
الغالية:نشري لييك بعرة كولي وسكتي بقا لينا غير لبيكالة فلحساب 
اقبال:يالله تغدااو خلاص (بدات كدير دفيمات وتحطهم ل غيتة حداها بردات ليها كاسهاا والغالية كترضع ف انصاف تسمعو خطوات فدرووج والاب كيعيط اقبال 
الغالية:هاهوا جااا تجيه فالرااس 
ناضت اقبال بجريي تعرضات ليه شدات من عندو لكومبليزو ولكاسكييطة والسروال مسخين بلاكريس وقال:صبنييهم ليااا دغيااا 
كان رجل فلخمسيناات ضعييف داير موسطااج كحل وراسوو شاايب وخفيف دخل كيحط فالصباط لي كحل بلاكريس وغسل ايدوو ودخل كلس والغالية قالبة وجها عليه ...
الاب(حمد)نافخة كي اللفعة كاين ميتكااال 
الغالية(كتكب فاتاي )تاكل خرا لمشاش اوجه لحبس 
حل لقاميجة وكبن على راسوو ومسرح رجليه لي واصلين تالعند الصينية تاع اتااي خانزيين كشرات الغالية نيفها عاايفة شافها وقال:الخنز كيشم لخنز

اما اقبال دخلات لطواليط وهزات سطل دارت فيه حوايج باهاا وهزات التيد ورقداتهم ومشات لفين كانو كالسيين كتكمل فكااسها وكيتفرجو فدوزام ...سمعات التصفاار تلاتا تلمراات وشافت فيها حيااة كضحك وتلبد فعينيهاا 
بقاو سااكتين تاحد مهدر وقفات الغالية مشات لبييت لي جنب الصالون مافيهش لباب غير لخامية كان مرون كان مفرش ب تسريح فلصفر او ماانطة او فوقها جوج بونجات رقاق مفرشين فوق منهم مانطة وجو مخاد ولغطا مزال هوا هوا مزلع فوقو حلات لماريوو كدخل فلحوايج بلا مطويهم قلبها بررد لا دار كيي النااس لي تفنن فشقاهاا لا حوايج كي لعيالات لا فراش مفرش تشهاي تشقاي ..
كانو لبنات كيضحكو وكيتفرجوو او اقبال خوات الطبلة وجبدات دفتر وكتااب كتكتب لي عندهاا ...وقف باهم وجهد لتلفازة شوية هزات اقبال عينيهاا فييه وهبطاتهم فكتوبتهاا سد لبااب وراه تاه لبييت ومشا توجه لعند لغالية شافتوو وساطت
الغالية:فين بتي لباارح مجاي تالفجر 
حمد:نبات فينما بغيت شغلك 
دورها عندو كتعاافر معاه واقبال كتسمع اما لبنات مزااال معارفين اش وااقع دايرين مخدة فوق مخدة وكيطلو من الشرجم وكبدفلوو ويضحكوو سدات اقبال ودنيها بصباعهاا وكتحفض واصواتهم واصلة لعندهاا ....
حمد(وقف عريان ملط كيهز فالسروال)نوضيي سخني ليا لماا 
الغالية(كتلبس فحوابجها)هداك هوا نهار لكبيير 
حمد(تحنا عليها شدهاا من شعرهاا تاطرطق وغوتات )مال ديلمك تانيي واش لحمك كلاك على لعصااا 
الغالية:طلق مني الله اعطيك موصيبة الكلب تفووو الناس مزوجة برجال ونا مزوجة بخااانز
حمد؛ايييه ورجال مزوجة بمرا من لولدة اللولة جابت لييه دري ونني خمسة لكرووش الله اعطي لمك لعدااب غرقتيني برهوشات كون كنتي كي لعيالات لبااس عليييك...بقات فلعينين خضريين (طلق منهاا )تكعديي سخني ليا لماا وحكي ليااا يالله تكعدي 
الغالية:يغيت ليك موصيبة ونتهنا منك شبابيي مشاا مع شمااتة 
جمعها معاها بطرشة وبغا يعاودها وعطاتو بطرشة تهوا دقتها بدقتو ماشي شي مرا فنيانا هادي باقة شاادة وقاصحة اما هوا هلكو لكاروو وشراب دقتو بدقتهاا يركلها وتركلو يعضها وتعضوو...معضم اياامهم هاكاا يساليوو من العلاقة وينوضووها دباز ففوق لفرااش خلا شعرها مريش وعنقوو جاي بضفارها بالدم كيلبس فحوايجو ويكنهج وقال:نمشي ندوش عند لالاااااك 
الغالية (كتجمع فشعرها)سير تا عند مك خ(خلاتو تخرج وبدات كتسب)لقو** لي حطك سيد سيدك يتمناونيي يالخانز 
بقات اقبال كدور فداك ستيلو وكتسمع لكلام الساقط بين والديها مكيهزها غير يالفاعلة يالتاركة ومكتهزو غير يالفاعل يالتارك ...لهضرة لي كتسمعها بين دراري كتسمعها بين واليديهاا عادي جمعات كتوبتها من بعد ماسمعاتو خرج كيعرعر ناضت جمعات لماعن وخرجات لكوزينة حفياانة لتكمل بها لغالية غسلات لماعن دغياا كتزرب ومشات لبسات قميجتها والطابلية نقية وخة لحالة ضعيفة كتصبنها كل متوسخات وخة غير بلما وصاات خوتاتها يبقاو فلبيت ميخرجوج او وقفات حداا باب لبيت كتسمع ف الغالية كتبكي وكتشكي لصاحبتها فالتيليفون وقالت:ماما انا غااادية 
الغالية(بلغوات)جاااااايحة لكحلة نتي وباااك 
قفزات اقبال ونزلات هازة سبرديلتها لفم لباب عاد لبساتهاا
_اصااحبتي الله اهدبيك اش باقة كديري معاااه كركبي الز** بووه وجي تخدميي مع راسااتك ونتي بغيتي تفني حياتك معاه ...من غدا تخدمي معانا نيت خصانا وحدة فلفرقة لعرس لمخير نمشيو ليه لفورمة كاينة الزين كاااين ونتي عاطياه لداك لخاامج قبطة تاع لقزبور تاكلي عليها لعصة ومغرقا راسك ولاد مالك فيه
الغالية:راه هوا لي حيدها ليااا فين ميلقاني كنشربها يضربنيي عليها باغي لولد بزز بحال الى انا لي كنعزل فيييهم صحتي تساست هي بولد ولد ولد 
_شووفي لوحي لخرا لبااهم وجي خدمي على راسك ويلي حنا قدك مزال متزوجنا ومزال كنتعزلوو ونتي بقاي تايلقاوك معوجة فشي قنت والله يختي ت شطاحات فيهم لفلووس ونني لحلوق ديالك يجيب لينا لغرامة صحيحة هههه نساي زبل نساي ....
خرجات اقبال كتسد فالطابلية يالله بغات الدور دورة خرا خلعهاا شهيد لي واقف قدامهاا ترجعات اللور وقالت:خلعتيني 
شهيد(تكا على لحيط مكمش عينو من الشمش قبالتها لابس مزياان ونقيي ومرجع شعرو رطب وطويل شوية اللور وداير سااعة فايدو ولابس تيشورت كرونة نص كوم وكارطابل فكتف واحد )تعطلتي انمي من صباح وانا نصفر ياك داخلة مع تلاتاا
اقبال(زادت وتبعها ماشين مع بعضهم)غير نسيت شي تمارين وقاديتهم ملي تعطلت ديك الساع سيرر ونتا خاصك غير فين تسلت 
شهيد:انا ناااجح 
اقبال:بزعطة ....كوليا لعام جااي اتقرا فليسيي 
شهيد:وااااع داك ليسيي شحال وااعر كاليا باباا اتقرا فيه مضخم اصااحبي بتيتيز 
اقبال(ميقات فيه)ننننن نتا باغي تقرا ولا باغي لبنات 
شهيد؛بجوج هههه 
وصلو حدا لكوليج عامر بنات ودراري كيتسناو لجرس يدق ولباب يتحل واقفة اقبال وشادة دفتار متكية على لبوطو وكتحفض رقيقة زينهاا بريئ شفايف صغاار ووعييتين لوزيتين مشفراات وشعرها لكسنائي طويييل ورطب..

وضفور خاشياه تحت لكارطابل مجروحة فجبهتها من قميش خوتاتها 
كل مرة تهز عينيها تلقا شهيد مجمع مع لبنات فجيه ومرة عند دراري مشاد تقنت كان محط انضاار لبنات لي فعمرو لقراية ولقفووزية زويين وملقبينو بشاروخان فديك لوقت كان شاروخان هوا الشهامة والجمال وفعلا كيدي من عينيه صغار لمجبديين وشعرو لاسود طويل لي كل مرة يطيح ليه على جبهتو ويهزو باغرااء من اللخر من دراري لي كيكونو حااااسين برااسهم ف فترة الليسيي كتشوفيه اقبال وكتستهزء بدوك لحركات كيعصبهاا 
اما هيا كانت واقفة بووحدهاا كل مرة تجي بنت تجبد معاها لهدرة او يهدرو على المواد وكتعطيهم مشيي بدورها كانت لقرااية فلقسم ولمعقدة فنفس الوقت من النوع لي باغي غير يقراا ويجي هوا اللول ...
تحل لباب وكل واحد دخل لقسمو الطاولة اللولة جيهت الاستاد فكل موااد كتجي حاافضة وعزيزة على كاع الاسااتدة ...
اما شهيد مكيكلس تكيكلس كلشيي مجهل الاساتدة ومفرعن حيت باه استااد 
الاستاد:شهييد واش مغنبداوش الدرس
شهيد(كلس فالطاولة اللخرة ودار ايديه وراا رااسو وتكا على لحيط وسرح رجلو وثال)سير على الله 
كلشي تكرشخ بالضحك دارت بنت فالطاولة اللولة شافت فيه وغمزهاا ودارت مزنكة مخلات لمن قالتهاا شهيد.غمزني ...
وصلات 6 وخرج كلشي وتسدو الاقساام لحال ضلام شوي 
رجعات اقبال قاتلها جووع وكرشها كتغرغر سمعات سميتها او وقفات معوجة وتحنات على ركابيها كتسناه سخفانة وقالت:وزيد خلاص متعصبنييش
شهيد(فمو عاامر)صبري ازمر (قرب جيهتها وعطاها نص فيه الفرماج والبيض والكاشير وقال)هدا افيهش لحاار شدي
اقبال:مخاااصنيييش هي كوول 
شهيد:انخمج لمك وجهك شديي (عطاه ليه بزز وشداتو مع دااقت تحلات الشهية وغادين فطريق تيااكلوو شبعاات 
اقبال:واحد الدرس فلماط جاني صعييب 
شهيد:هههه نتي غير السابعة وجاك صعيب شنقول انا لي لجدور ولكسوور ونشر نتي غير لمعادلات جاوك صعاب طز 
اقبال(مرضاتش)بزاف عليك ...عادي اي حاجة عمرك قريتيها كتجيك صعيبة فاللول 
شهيد:لجاك صعيب نعاونك 
اقلال:لهلا يحيك تنجي عندك ...نتا تجي عنديي...عقلتي نهار كتبت ليك العربيية 
شهيد(باسها فحنكها ملي الزنقة خوات )بيلوو دياليي 
اقبال(تعصباات وهوا هرب)شهيييييييييد
تبعاتوو بجريي وهواا كيجري وكيضحك مجات فين توصلو تدخل لدارهم وهيا وقفات كتنهج وجبهتها عرقانة لقات خوتاتها كيلعبو حدا لباب هي شافوها مشاو كيجرييو عندهاا باستهم وطلعو لداار ...
لقات الغالية دايرة لحليب الروز حطات ليهم فطبسيل يااكلوو وخرجات عند صحاباتها فلحومة لبسات جلاابة بلزرق مبيينة طرف قداش وراها زصدر مدفك ودارت مقبط فشعرهاا رطب ونزلات بصندالة صبع مبينة رجليها بيضيين ولكدام حمريين وخة مزوجة والدة مزال جايبة لعيين ومعضم لعيالات ف الحي مكيحملوهااااش وتهياا مكتجمعش معاهم 
بقات اقباال فلبييت كلاو وغسلات لماعن وجبدات كتحفض خوتاتهاا وغيتة نعساات حدا انصاف وغطاتهم بايزار ...بدات كتسمع تصفاار او وقفات فالشرجم كيسني فيها ليزر خضر من الشرجم لمقاابل تعماهاا 
شهيد:بنت السيكليس
اقبال:ننن مامشيتيش لتكوانضوو 
شهيد:ضراتني ايديي تااني (وراها ايدو لاوي عليها باانضة )شنو كديريي 
اقبال؛كنحفض لبناات...ونتااا 
شهيد؛والوو كنهضر معااك
ضحكاات وهبطات راسهاا لتحت ملي سمعات لموطور لقات باهاا وهزات راسها فالشرجم:هانا دخلت غدا قارية مع 8 نتلقاو حدا جاامع 
شهيد:صافيي 
سدات الشرجم وسقطاتو ورجعات لحفاضتها تدخل بااهاا كيسول على الغالية 
اقبال:خرجااات قبيلة 
حمد:هاد بنت ل (كيصوني عليهاا وكتقطع عليه دخل دووش وغسل حالتوو وسبان لعلك ترضا بدل حوايجوو تاني باش يخرج وكيتسنا فيها دخل تالتسعود تليل عاد جااية 
حمد:فين كنتييي!
الغالية(ميقات)كنت عند خديجة دارت ربعين لولدهااا
حمد:شفتي بعدا لعيالات والدة ليه جوج دراري كيتك نتيي
الغالية:اوى تاتكون كي رااجلها عاد هضر 
جمعها معاها بطرشة قدام لبنات تامشاو كيجريو عند اقبال تخبااو جرهاا من شعرهاا لبييت وكيسمعو فلغوات سدات ليهم ودنيهم اقبال كيبكييو 
حمد:انوريك رجال الصوووبيييصة 
الغالية:القماار ييالشمكار الله اعطيك كسيييدة الخاااانز 
سلخهااا تعياا وناض كينهج جبد صااك كيجمع فيه حوايجوو وقالت الغالية من ورااه كضحك :هههه سير غضب الرويييجل 
حمد:هاهيااا خليتها ليييك وسيري داباا حلي ز** ويشي خمسة نفووس الرخيييصة...تفووو 
الغالية:سيييير عندك ترجع اشماااتة كون سعفتيني دي يمعاك تاااا هجيجك ولا نلوحهم فلخيرييية 
خرج هاز صااكوو كينهج هز عينيه ف اقبال نيشاان ودموع جاين فعينيهاا وخوتاتها مخشيين فيهاا يالله بغات تهدر نزل مع درووج هاز صاكوو ناضت كطل لقات جيران كيطلوو وهوا هز موطوروو وزاد بلاما يضوور فلبيت كانت الغالية هزات حوايجو لي بقاو قطعاتهم بسنانهااا كتعااير وتلوح فتصاورو وتقطع كي شي هبييلة هادي عادتوو غير ينوضووها ويهز صاكو ويزيد يغبر بالسيماانة ويرجع تاانيي 
ميقاتش خرجات من لبييت ولا مرون حاالتوو واقبال نعسات خوتاتها وبقات كالسة تسمعات سميتها وناضت قافزة
الغالية:اقباااااال ااااجييي 
ناضت كتجري دخلات لبيت لقاتو حالوو تصاور مقطعيين شراااوط سبابط قفزاتها بصوتها تاني وقالت:جمعييي هدشيي لوووحيه منشوفش خنزووو عندي يالله دغيااا

تحنات كتجمع فلحوايج مقطعين فواحد لباليزة قديييمة من التوب كاشفة تصاور مقطعين ملي كانت الغالية وحمد شباب والاعجاب لقااهم كل مرة تخطف شوفة فتصويرة وهيا كتلوحها فلباليزة ها حدا لبحر ها لميني جيب ولماكياااج فديك لوقت لكحل مجبد عينيها لخضرين وشعر زعر لي شافها يسها فيها يحسابها غير نصرانية تطاحت ف حمد لي واعدها بالاحلاام وعام على عام هدمهم عليهاا كان مسكنها مع موو وغير ماتت تفرق لورت وخسرو فلقمر ومشا لديور لكراا لعيشة كي الناس لا زواج كي النااس.... 
جمعات ليها لبييت والغالية كالسة ب بيرميدة حد ركبة ودوني كتهدر مع صاحبتهاا 
الغالية:صااافي حسب ني معاكم فينما كانت شي خدمة صوني لياا ...وصافي امرييم دويناا 
قطعات معاهاا وشافت ف اقبال وغوتات:وجمعيييي لخرا خلاااص لبقا فيك باااك تبعيييييه نتهنا من كمااارتكم 
جمعات لباليزة بزربة وطوال ليها لفراش ولحوايج ديالها لي طاحو من لمااريوو او جابت ليها انصااف نعساتها حداها كترضع فيهاا ...سالات اقبال الطي ومشاات لبييت نعسات وسط خوتاتهاا او نقولو تكاات وبالها مناعسش خدام ..
صبح صباح وحلات عينيها اللوزيتين على ضو الشمش لي داخل من الشرجم ناضت قاافزة كتسمع تصفاار طلات ولقاتو شهيد فرااس الدرب شارت ليه بلاتي ومشات كتجري هزات كتوبتهاا خوتاتها مقارينش فصباح وغيتة ليوم السبت مكيقراوش خرجات بلا فطور حدها غسلات وجها وفمهاا وخرجات كتجري 
اقبال:شحال داباا
شهيد(حقق فيهاا الشوفة وقال بهدوء)يكما ضربك 
اقبال رمشات فيه بتقالة وضربات فكتفو وتخطاتو وقالت:ماشي شغلك 
غادية كتزرب وهوا وراهاا تجرها من ضفيرتهاا ترجعات اللور ودرعها بايدو وقال:فطرتيي 
اقبال:اه فطرت دغيا تعطلناا 
وصلو ل كوليج لقاو كلشي دخل بدات كتصفار وتخضاار ودموع فعينيها عمرها تعطلاات بدا شهيد كيدق فلباب وكيعيط على لحارس
شهيد:باااا موحاااا وحل خل اصااحبيي
طل موحا من لباب وقال:سيرو تالسااعة جاية تعطلتوو
اقبال(ببدات كتبكي)عفاااك اعميي موحى هءهءهء عندي فرض الله ارحم واليديك 
شهيد:قرعة تاع لموناضةة اصااحبي هي خليهاا دخل 
حل لباب ودخلات كتجري وشاف موحى ف شهيد وقال:جيب لموناضة ...اجي هاك لخااوي تاع لباارح 
شهيد(شدو من عندوو)باااز ليك 
شدها من عندو ومشا جابها لييه عاد دخل كيتعنكر لساحة السبوور بمشيتو لمخنترة وكل نهار لبسة فشكل كانت عندو ساعة خاوية وكانو شي دراري وبنات كالسين كراسا تحت شجر لي فساحة سبور او وحدين خرين مقصرين كورة بيناتهم حيت السبت تاتكون الساحة خاوية ...حط لكارطابل وصفق بايدوو وقال متوجه لصحاب لفولي وقال بتقة:لوح لوح نوريك شوت ديال بصح ...
اما اقبال مشات كتجري ودموع فعينيها طالعة فدرووج كتبكيي توصلات لباب دقات وحل لباب استااد وقال:فين تعطلتييي
اقبال:هءهء سمحليا استاد عفاك
استاد:يالله دخليي دغياا 
دخلات كتمسح دموعها بكمام الطابلي او كلساات كان سكات كلشي منتابه مع ورقتوو حط ليهاا لورقة ديالهاا وهيا كتجبد فستيلو وقال:بشوية عليك 
طاحت على لورقة عمية منهاد السؤال لسؤال لااخر مع صونات السااعة هزات راسها زقال الاستاد كيجمع فلورااق:خمسة دقايق يالله 
اقبال:كمل ا استاد 
توجه لاستاد جيهتها شد لورقة وقال:برافو علييك 
خرجو ادراجهم للحصة التاانية كيهدرو على لفرض لمشحر لي داز داباا وهيا كتجاوبهم على قد سؤالهم فقط وعقلها مشغوول بحوايج خرا دازت حصة خراا وجوع لعب عليها وراسها ضضرهاا الاسترااحة وصلات وكل واحد خرج يتقا باش يدمق كلسات تحت شجرة فوق شجرة اخرى مقطعة وشدات حنااكها ساهية تكلس حداهاا شهيد وفايدو جوج ديال السندويشات او راايبيي 
شهيد:بيلوو وصلتي على لفرض....لبكاااية ههه 
اقبال(مد ليها الساندويش بلفرماج ولكاشير وقالت)شكراا
تبسم وسرح رجلو وحرك رايبي مزيان وحلو ومدو ليهاا كتاكل وكتشرب ساكتة 
شهيد(سرط ما تبقى من السندويش وجبد قرعة تاع لماا شرب وشافيها لقاها مزال مضاربة مع ماكلتهاا وجبد تيليفونوو كحل موطوررولا كيتحل ويتسد فلكري صغير دخل لمزيكا وطلق 
ياعمري مهما يكون محبتنااا والله متهون **
مدريت انا واش لي بييك سبابنا الناس ولا والديك**
گلبي انا اعطيتو ليييك ** عمري ماا نويت نخلييك 
فراقك نتاا مدرتليه حسااب **
جاني غدرة ومن غير حسااب*
تمنيت الموت تديني عليك الى حيااتي انا بلا بيك**
يقتلني لفيد ااه الفيد ** منقد نعيش ونتيا بعيد
بلا بيك عيشتي متحلالي ** وترجااع لي مرار
**
شهيد(طفاها ملي شااف الحارس دايز من حداهم وشاف ف اقبال كتمسح فمها) طاك طبااكي شم حزاقي في الصباحي والمساائي طزز 
اقبال(خرجو عينيها)غيسممعك اشهييد 
شهيد؛هههه هوا لي حزااق 
اقبال:هههه 
شهييد:ضحيكتك فسرااا هههه وخة نتي قمااعة ابنت لحراام ههه

ضحكات كتقاد فلكول تاع لقاميجة ونطق شهيد وقال: فين مشا بابااك 
اقبال(هزات كتافها) معرفت
شهيد:ملي انتجوج بييك انجيب ليك جوج خدماات ولفيلا والشيفور وجوج كلاب 
اقبال:خوتك؟؟ 
شهيد:اه عزازين علياا لكلاب هنهه ...والله تغنتزوج بيك...ضرباتوو وعوجات فمهاا متسوقاتش ليه مولفة هدرو وقال:ولا عرفتي شنو بلاش جوج خدامات اندير جوج عيالات بحال جديي تبغي تكوني اللولة ولا التانية 
اقبال(جمعات لوقفة وهوا كالس مسرح رجلوو وهاز راسو فيهاا هازة فايدها راايبي باقة فيه جغيمة خواتها عليه وهربات )تجوج جنية قول اميين 
وقف كيمسح شعروو بكلينيكس وكيضحك وتبعهاا طالعة فدروج وهوا وراهاا كي تبسل على وحدة من لبنات نازلة فدروج وقال:اتموتي باايرة احمادشة 
**:ممم نكبر ونعجبك 
تبع اقبال وهز رجلوو ضربهاا اللور تامشات وجات وداز منير من حداها كتحلف عليه دخلو لقسم كل واحد فيهم وبداو قرايتهم 
وصلات طناش وخرجوو كيف لعادة كتلقاه كيتسناها حدا لباب شافها بدلات طريق وتبعها 
اقبال:غندوز عند باباا غير سيير 
شهيد:زيدي نمشي معااك 
اقبال:ففف لصقو تاع ريال 
فطريق غادين مضااربين وقف فلقنت بعيد كيتسناها وهيا كملات لمحال باها كانو قداموو بيكالات باا رواايد ودري صغير لابس كومبليزو من كترت لاكريس ولوسخ ولا كحل عواض زرق 
اقبال(طلات فلمحل مبانش ليها باها )حمزة فين باباا؟
حمزة(هز راسو فيها)باك طلق لمحاال 
جاي راجل من لمحال لمجاور وقال:بنتي اقبال باباك راه طلق لمحال دابا سي لعربي لي شااادوو ...علاه مفراسكش 
اقبال:لاا ...وفين مشااا
**:هداي عليي ابنتيي لبارح تسيفط معانا كاليك بغا يبدل لمدينة ويمشي لقنت اخور حسن يحساب ليا رحلتو لباارح 
اقبال(تشوكاات وىجعات ادراجهاا تاقربات لشهيد وتبعهاا حمزة يكون فعمر شهيد لي غير شافوو هز جوج حجرات من لرض وشير علييه ولاخير نقز لتجي فييه تضارت اقبال وشافت حمزة وقالت:ماالك
حمزة:وزكا اصااحبي بيت ندوي معاهاا
شعيد(موجد لحجرة لخرا بغاا يسيفطها وكيتحلف)باغيي ندير لمك وجهك فلغيس سير فحالك 
اقباال(مشات عندوو وتبعهاا شهيد وحمزة كيدوور بجناابهاا دوخووهاا بجوج واحد كيجرها من شكارتها محامي بيهاا والاخير كيتجبد ليه تنطق حمزة بلكلمة لي برداتهاا
حمزة:وصااحبيي والله تباغي هي نقوليهاا لمعلم حمد تزوج ومشاا لمراكش فخطرة

اقبال(بصدمة)ش....شنوو كضحك علياا يااك كضحك(هزات ايدها قبضة وعطاتها لصدروو وبدات كتركل فيه وهوا راجع اللور تجرهاا شهيد.وهيا كتغوت عليه باغة طيروو ..
حمزة:هدشي لي فراااسيي ا إقبال والله 
شهيد:سييير فحالك كتجيب هي لبلانات لخامجين بحال وجهك 
مشا كيجريي واقبال كتنهج جرهاا اقبال تكات على لحيط شادة رااسهاا وقالت:لا لا ميمكنش 
شهيد: إقبال صافي برديي شوي 
خلاتو كيدوي ومشاات وهوا تابعهاا كيبرد فيهاا وعينيها كيغلييو 
شهيد(جرها)وصااافي إقباال
إقبال:ياربي ميكونش بصح ا شهييد 
**شهييييييد وا شهييييد طلع خلاااااص 
هز راسو فدارهم بانت ليه موو كطل وكتغوت باش يطلع حرك ليها ايدو بوااخة وكيهضر معاا اقبال 
**واش طلع ولا نهبط لييييك شهييييد
شهيد:وصااافي اماما هاني جاااي او (شاف فاقبال)شفتي شحال خاايب تكون بوحدك عند مك
غيتة:سير تكلم ليهاا انا مشيت 
تفارقو وكل واحد دخل لداارهم حل شهيد باب دارهم وطلع فدرووج مزينين بمحيبقات فدروج بلاموزيك مقاد وزليج فلحيط بلون بيج لقا مو واقفة سيدة فعمر التلاتيناات جامعة شعرها لبني ولابسة بيجامة بسروالهاا وملامحها قاسحة كتعطيك نضرة القسوحية فوجها او كرشها عند فمهاا وقالت:اش كاليك باباك لبارح....ياك كاليك فوت عليك بنت السيكليس مال راسك قااسح
شهيد:ففف ماما مفهمتش اش دايرة ليكم اقباال واناا مغنفوتهاش عزيزة علياا مها وباها ييضبرو لرااسهم 
الام:واخة صبر تيجي بااك ...
في جيهة لخرا طلعات اقبال منهكة لقات الضحك فالصالون طلات من بعد محطات الكارطابل لقاتههاا الغالية وصاحبتهاا سلمات عليهم وكلسات كتلبس لحياة فحوايجها حبت اتمشي لمدرسة 
الغالية:مالك نتب قالبة وجهك عليا ياك لبااس
اقبال؛بابت مجاش
الغالية(شافت فصاحبتها شادة كاس تاع اتاي)هانتي شوفي مضربيش مها وتهنااي ...يسولو فباهم ميسولو فيا اناا 
خديجة:وهي صبر
اقبال:دزت عندو لمحال ملقيتوش 
الغالية:جايحة ضربوو 
اقبال؛كالياا حمزة بلي طلق لمحال ومشا لجديدة تزوج ...واش بصح
الغالية(ضهشرات او خديجة كتولول)هااا تزوج (شافغت فخديجة)شفتيه لحرااااامي كلت ليك كاينة وحدة خرااا (بظات كتخبط فجنابها)اويلي على ولد لحرام غرقنيي دراري وزاد خااااااوي اويليي على شلااهبي كلا شبابيي ولاحنييي اويلييي على روييجل هرب تاني 
خديجة:واختي هدشي كان عليك تحديه قبل لا تغرقي دراري خمسة نفوس شكون غيهزهم ليك 
خديجة:انا بغيت ربيي يسيفطو كوووووة ....انا بغيتووووو تجيني خباروو فصندوووووق ....ااااه ياربيييي ضيعت شبابي ومي ماتت ساخطة علياا بسباااابووو اااه ياربي وفين نعطي راسيي ....(كتخبط فجنابها وشدات راسها)الله ياربيي الله 
خديجة:وبااااااركة نوضي قضي ليك شغل الى تزوج الله اطليه بيهااا لي ديتيه نتي تديه هياا ....جمعي راسك راك باقة صغييرة ومتعي راسك وخرجي من هاد لويل لي نتي فييه بناتك دغياااا يككبروو ويهزووك ميعقلوش على باااهم 
الغالية(ضارت جيهتها) جيحة ضربوو دابا يرجع زاااحف منطيح على جدو دمعة وحدة يجي نهار ونلبس عليه لبيض ياااربي 
ناضت اقبال دات خوتاتها لمدرسة ورجعات لقات الغالية لابسة حوايجها كي لعادة جلابة وشعر مطلوق مشدود ب فيليل اللور 
الغالية:رديي لبال لخوتاتك وصبني حوايج اخلاص او فراش غيتة راه باالت بنت لحراام ...منجي تالعشية
اقبال:فين غادية 
الغالية(بلغوات)يكما دارك بااك عليااا مقدم ...غادية نشوف حياتي لي ضيعتها وانا كنولد فييكم يخخخ 
بقات واقفة اخلاص فدروج ودازت من قدامها وطلعات كتسووط مشات لطواليط لقات فراش غيتة مرقد فبانيوو هزات سروال من لتحت وطلعات كتشتف علييهم وطالقة الروبيني كتعمر فسطيلة وغيتة كتلعب حداهاا بواحد لمونيكة معندهاش ايدهاا وشعرها نصو مشعكك او وجها مخربقاه ليها بستيلوو ...شللات اقبال لفراش معدبة معاه وقلبات لبانيو وخلاتو يتسقطر...وصبنات خروق انصاف دايرة تريكو على نيفها عايفة 
غيتة:هههه انا كنبول او انصاف كدير كاكا يععع 
اقبال:خانزات بجوج ههه
غيتة:هههه 
مشات شطبات لبيت وقدات لمخاد وهزات لماعن وركبات اخلاص فضهرهاا حيت كتبكي والاخيرة كتنتفها من شعرهاا وتوغوغ ومشات غسلات لماعن وهزات لعدس لي طيباتو الغالية ...وطلعات لسطح مسخ وفيه شي ديشي ديال مول الدار فواحد لعشة كان مربي فيها لحمام بيكالات وقزديرات روينة لكحلة نشرات لحوايج او لفراش وطلات من لحيط لتحت كتسمع صداع لقات دراري يكلعبو كورة منهم شهيد ...رجعات ادراجها لتحت نعسات انصاف فضهرها وحطاتها حدا غيتة لي بقات كتفرج تنعسات جبدات كتوبتهاا وربعات حدا الطبلة كتخرج فالتماارين وتحفض وصلات لخمسة ونص والغالية مجاتش ناضت خشات فرجليها صندالة تاع ميكة فلغوز ونزلات لتحت سدات لباب ومشات ولبنات حدا ديورهم كيلعبوو قطعات طريق ومشات لمردرسة كتسناهم يخرجو مع خرجوو لمحات هبة جاية كتجري او كتغوت 
هبة:اقباااااال حياة مضاربة 

مشات كتجري لقاتها مهبطة لوحدة شعرهااا هادييك تنتف ولخرا تنتف وكلشي ضايير بيهم مشات اقبال كتجر فحياة لي كرمات على شعر جراتها وفايدهاا كمشة تاع شعر ولخرا قلباتها بكاا تجروها لبنات
حياة:وباااااقة تكلسي بلااااصتي والله تنسلخك 
جراتها اقبال وهزات ليها لكارطاابل شداتها اقبال من شعرهاا لي طايب بنتيف ولواتوو تولات حياة كتقاقي وتزاوك
حياة:هااا هوووو اح اح والله مبقا نعاود اي اي شعريي هنننن 
اقبال:واش نتي يالله الرابع كتنااتفي اما للكبرتييي 
هبة:عطي لمهااا اخرتهاا تولي ترايش فلحمامات 
حياة(كتغبن)وهيااا لي كلست بلاصتي وبسبتها غوت عليا لاستاد قدام دراري 
اقبال:قداااامي يالله 
زادت حياة كتقاد فشعرها وقمشة ف حنكها قدااش من لمناتفة وصلو لدار يالله كتحل لباب تحل لباب ديال الدار لتحت وطل راااجل كبيير مخنزر وكرشو سابقاه وشاد سبسي فايدو كيضرب شقووفة(الحشيش) وقال بصوت مدعد بكترة الدخان :شهر رااه تنص وانا مزال متخلصت فلي فااات ....منهناا خمسطاش ليوم الى مخلصتوو عطيوني التيسااع خمس سنين ونتوما تاكلوو فياا 
اقبال: امتا كليناااك ديما مخلصينك
**:كول لمك تنزل لياا فلوسي من لهدرة لخااوية (شافها حلات لباب وطالعة)هاااه وشوية من درديييك بحال لبغاال
حياة:ننننن
اقبال(خنزرت فيها وسدات لباب)سكتي شوية يالله طلعو غسلو رجليكم

طلعو لفوق لقاو غيتة كتلعب مع انصاف ودغدف فيها ولخرا يدوب كتكلس وكضحك تكتبيي طيح اللور مزال مشداش التوازن ديالهاا باش تكلس ...
دخلو غسلو حالتهم وكلسوو فلبيت كلسات اقبال على ركابيها قدام التلفازة كتقلب فلقنات من الاولى لدوزام لي كانو وقت الروسووم الجاسوساات باديين كانت تلفازة من النوع لقديم ديال الصندوق ولانطير فوقهاا بزز كتشد ليهم الصورة كل مرة تقطع وحتى الى شدات كتبقا الصورة ترقص مرة تميل مرة تقااد ...خبطاتها جوج خبطاات لفووق تلتقااداات
حياة:الييييكس 
هبة:انا كتعجبنيي ساااام ههه ...بيلوو فيا جوووع فين ماما
اقبال(هزات كتاافها)معرفتش نمشيي نعمر اتااي 
وداكشي لي كان دخلات لكوزيتهم المتواضعة شعلات لبوطة على لمقرااج وقدات الصينية وكيسان حياتي ربعة وبرااد دارت فيه اتااي وخلاتو ومشات هزات امقلة كتسخن فلخبز وتكرم فيه وكبات زيت لعود فزلافة بيضة مشقوقة من جنب عمرات اتااي بنعنااع وشحراتو وداتو لييهم وحطات طبيسيل رفسات فيه اتااي ولخبز او زيت لعود وكتوكل ف انصااف لي حالة فمهاا وعينيهاا خضرااات كيبرييو لونهم جدااب داير بيهم لون غاامق من جناب بحال حيااة هوما بجوج لي شبهوو ل الغالية فشهوبيتهاا اما هبة فكانو عينيها عسلياات مابين لخضر والقهوي وغيتة واقبال كانو عينيهم قهويات ومشفراات كل وحدة كتمتااز بزينها غيتة لونها خمري هيا وهبة ولبااقي كان لونهم بييض خوتات وكل وحدة وصورتهاا كيف صورها الله وبغاها تكوون ...
حياة: لبنات فالقسم كيلعبو واحد اللعبة زوينة نديرها ليييك ههه 
اقبال:شنو هاد اللعبة تانيي كتمشي تقراي ولا تلعبي 
حياة:انااا مخي ماشييييي تاع لقراااية
اقبال:وديالاش
حياة:انصبغ ضفاريي ونخرج ق***
هبة(شهقات)ويليي ويلي هههههه 
ناضت اقبال تابعاها وهييا كتجري وضحك وتغوت مع شداتها حدا درووج كضرب فيهاا سمعو لخبيييط فلباب ولغوات 
**:وااااااانعل جد باباكم الكلب وسكتوووو الله ايدردك عليكم ابلييييس ....الله انعل بووهااا تريييكة اتفووووو 
حياة(بصياح)وسيييير تسكر سير سيرر 
جراتها اقبال من لييدهاا ودخلاتهاا لبيييت قرصاتهااا تكلسات كدمع 
اقبال:لبرهوشة لخرا صبري تجي ماما 
حياة(هزات كتافها كتلعب بشهرها لمدهب ومغوفشة وحجبانها حمرين بلبكا) وغييي تنضحك هء 
اقبال:تهجريييه 
ناضت هزات لماعن ومسحات ليهم الطبلة بااش يحفضوو وكلسات حداهم كتحفضهم عاد تحفض ....
جاية لغالية دافعة خيرهاا وسط الزنقة لعزريي يشووف ولمزج يتشها مضاربة حسااااب لراها مزال تحت دمة راجل واخة يكون كيفما بغا ييكون جاية وشادة فايديها تيليفون نوكياا يالله خرجو بلوان ديك السااع فلبيض ولكحل دايراه فودهاا وكضحك وهازة صاك اسود فايدها التانية
الغالية:وصاافي كوني هاانية غدا انا معااكم 
:هازة وراك وقدامك مهااز قلبي من جيهتك ازينة لعيالات غير السيكليس لي تزوج اما حنا غير خرية وطليناها 
هزات خناافرها عاجبها زينهااا ولحمهاا طلعها كراض 
خديجة (فالتيليفون)هانتي ليك على الصوبييييصة مزال جايبة لعايين اما بداك صويت هااااح الطاايح راه واقف ولوااقف طالب التعادل ههه
الغالية:اوى شنوو الغالية بنت الشلحة واجرك على الله هههه ...
قطعات معاهم ودخلات لزنقة كتنهج جبدات الساروت بغات تحل تخرج كي سحت الليل من الدار غير بشوورط وسوفيطمة طايبة بالصابون وجهو خاسر بشراب وسنان طااحوو ولحالة حالة وقال:الغالية ومغالي عليك غ الله (عض فموو)
الغالية:تاا اش بغيتي تانيي 
**دوك قنياات لي عندك لفووݣ وكولينم يصمطووو ويتركنووو اوو خلاصييي الغالية راني مزروووب عليهم 

الغالية:ففف وصاافي سير تالغداا وفلوسك يجيوك (دخلات كتبركم وهوا حاضيها)يخ على ميكرووب تفوو....
يوم جديد فحال كاع لي سبقووه وجدات الغالية رااسهاا لعشية تبدا لخدمة شطاحة مع اللعاباات من غير شطيح لي كتصرعوو حلقهاا فيه بحة زوينة شادة مرااية وكالسة فلبيت كدند وحداها خديجة كتصبغ ضفارهاا تقريبا فعمر الغالية تحكيرة حمرة ولحجبان رقاق كانت لامووض مطراسين بخط وشعر صابغاه بلصفر حد لكتااب 
الغالية(كتنتف فخجباانهاا وكتغني )وتعالي يا مي وراه عايرووني 
خديجة (خبطات فالطبلة )وهاااه 
الغالية :وخليت ليهم الله واش يساليووني 
خديجة :اهاااه هههه.. خلي الصوت لعشيية اهتااه هههه جبت ليك قفطانك متلبسيي وماكي وجهك وكحلي لياا دوك لعنبااات هههه ....
عند اقبال كان عندها سبوور لابسة سورفيت زرقة وتوني بيض وكتجري دورة على السااحة فجيهة لخرا تحت الشجرة كان شاروخان زماانو كالس فوق ااشجرة وسرح رجلو ولكيت فودنوو مسرح رجلييه وحاضي لي كيلبعو مع صحاابو وحيت كيجريو من حدااه لي دازت يعيبووهاا 
شهيد:اشهادا وهداااا سانتيم ونص كتجريييي 
صاحبو :هههههه صفرة كي لبولة تاع صباااح 
لبنت كتنهج:والله تنقولها لاستاااد ضسارة لخاوية تفوو 
شهيد:بلاتي نشد مك حدا لباب نوريك تفوو الخوينزة 
مشات مكملة على جريتها تاتمات جااية اقبال وجها حمر بجريي صدرها عاد جااي داير ريووس وكيضرها مكتقدرش تجري بزاف بحال شي حد بارك عليها وقف شهييد كيجريي ومشا وقف حداها كتبغي دووز وكيحبسهاا توقفات كتنهج وجها حمر وزغيبات لاصقين على جبهتها وشعرهاا مضفور اللور ب ضفيرو واصلة لاخر ضهرها 
شهيد:بديتي كتنوضيي فرميميناات ابيلووو 
اقبال:هااا شناهوما هادو
شهيد(ضحك)بزيزلات لفريزات 
اقبال(دفعاتو)حمااااار كلب 
مشات كتجري وتاهوا كيجري معاهاا وكيضحك :باش عبرتيهم بلكاس ولا زلاافة 
اقبال(زادت فجريي)
شهيد(كينهج وكيضحك)عبرييييهم بسطل ملي نكبر يلقاو باش يرضعو ولاديي اهياااا هههه 
مدات ايدهاا لتخت وهزات لحجر فايدها وبدات كتسييفط عليه وهوا كينقز وهربات لعند الاستاد من بعد ما صفر مشا كيضحك وكيغني وكيسمع ليها هيا لي وااقفة جنب لبنات كيديرو فل حركاات باش يسخنو 
شهيد:قب قباااقب قب سطل كيس محكة جفاااف 
الاستاد شير على شهيد ب لكرة تهرب وقال:فيييهرييي كلس وتركن ولااا خرج لحدا لباب 
شهيد:سموحااات ا استاد اتنبغيو نشطوو لوضعية هههه 
مشاا كلس ودارو ليه دراري بلاصة وسطهم مقابلين مع لبنااات لي تعوجاات كيبسبسو عليها ومنهم شهيد لي تقابلات معاهم بنت وتحناات جامعة رجليها وايديهاا مسرحاهم لتحت 
شهيد:هكاك احبييي تعلميي كي ديري فلفرااش ...هاد الحصة يكفت عليها لواحد ماشيي صبوور..

شادين جموع على لبناات يتصاحبو مع هادي وهااديي ومدوزين سنوات الدرااسة ولعام اللخر فلكوليج بماالاااا يرضي الله ههه 
شهيد:عندك شي قرطااسة هادي مبقات قادية واالو 
صاحبو جبد من جيبو ميكة صغيرة فيهاطرف تاع المعجوون قسمووه وكلااوه وعطاوها لنشااط ولعينين حمريين معسليين ...صونات الربعة وقت الاستراحة بين الحصص عشرات دقايق ضحكوو دراري وجمعوو ولي مصاحب مع شي وحدة مشا يقنتها فشي قنت بعيدا على لحراسة ولي حصل يوديي اما شهييد فكاان كيمشيي فليسي تقوول ديال باااه يتعنكر وعاجبو راسوو يدوز منهنا ومنها بلمشيية ديالوو وشعروو رطب وكحل كيف الليل عندو المعجبااات بالزايد كيخليه ناافخ ريشو وطالع لسماا يضحك مع هادي ويتبسل على هاديي ولمعجون زايدو نغزة ديال الضحك صونات السااعة وتوجه ل حصة العلوم كلس ف التاانية فوق لكرسي ديال لحديد تدخلو صحابوو تجمعو حداه وهوا لوسط وقال:اشمن درس عندناا 
**:التوالد عند الانساان 
شهيد:اححح اتدوي لينا فالسيكس (نغز وحد قدامو بستيلو تضارت وقال)تعلمي تعلمي اش غتقوول ولي تعلمتيها نطبقووهاا وراا با محمد لعساس 
**والله تزدتي فييه اشهييد ههه 
شهيد:تي ضووري نعل ملت ملت مك نتي يبوسك لواحد تخراي فسروالك 
ضحكو دراري وضارت مزنكة تدخلات الاستاادة تبع معاهاا ومرة مرة يهرب ليه مع صحابو ويبداو يرسمو لمسخ 
انس (مد ليه لورقة وكيشرح ليه )هادي الاستاادة ملي كتنعس مع اوس اتنان (هوا راجلها ونفس لوقت استاد ديال الماط فنفس الكوليج ) بزيزلاتها قد صبعي صغير محال كيشوفهم ...كتدوي لينا على التوالد وهيا مابينها وبين لعيالات هي حمام لعيالات 
شهيد:هههه‍ه يكون ناعس معاها يسحاب ليه ناعس مع عضم تاع عاشوراا انا مرااااتي نشاعالله اتكوون (عض على فموو)اححح كي غاتكوون 
بقاو ضااحكين على الرسومات كل واحد اش كيرسم وكلشي +18 
دازت ساعتين تاع سيونص وخرجوو كيضحكو توخر شهييد كيقلب بعينيه على اقبال حتى شافها جاية بشوية وجها حمر محدو كيقرب كيعرفها كتبكيي وتنخصص وشكارشة دايراها فضهرها وحاجة سماطي على درعانها باش تهبطها من اللور على مؤخرتها مشا عندها وتخنا لطولتهاا وقال:بيلوو؟ لاش كتبكي (صعراتو)ودوي الخرااا دوااك معاك شيي وااحد ...غوت عليك الاستااد اقولي لياا مجبتيش مزيان فلفرض نصرفق ديلمك ..

اقبال:هءهءهء لاا بغيت نمشي لدار 
شهيد:ويالله لاش واقفة
اقبال:لا لا تيمشي كلشييي هءهءهء 
شهيد:(جرها من لكول ديال الطابلية وخنزر فيها)دويي غنجبدها مع مك شكاااين 
اقبال:ج جاتني هااديييك وسخات ليا حوايجييي (طلقاتها ب بكية مرااضياااش يشوفوها لبنات فيهاا شافها كيدايرة لكارطابل عاد فهم 
العساس كيصفر:ودووووك هاااااه واش ناويين تشطبو السااحة 
شهيد؛وشووور ابا محمد شور (شاف ف اقبال كتمسح فوجهاا عزات عليه )ولاش كتبكيي راه عادي تجيي لمرااا اصااحبيي وسكتييي شوية (حيد لكارطابل ديالوو وحيد لقبية خفيفة كان لابسها فوق التيشورت كري ومدها ليها )هاك لويها علييك وزيديي ولي هضر معاك نفرشخ موو 
شداتها من عندوو كتنخصص لواتها على خصرهاا تغطات ليهاا نصها تحتانيي وجرهاا يمشييو 
شهيد:ضرانك!!
اقبال:لااا ...علاش كضر 
شهيد:واش عرفني اناا فايتا جااتنيي (هز كتافوو )يمكن كضر حيت فايزة(مو)قبل متحمل كانت كنشوفها كتوجع وكنسمع لواليد جابر ليها ليكووش ههههه ديري ليكووش 
اقبال:ندير زمر ففف
درعها بكتفوو وخرجو كيضحكوو لقاو الدنيا خوات عينيها كيلوبو ليشوفها شي حد وكتحشم فحوايجهاا 
شهيد:باباك مرجعش
اقبال: منعرف ليييه ومشااا صافي ...
وصلو لزنقة ديالهم لقات خوتاتها عند لباب كيلعبوو طلعات لدار بجرية لقات الغالية كتصبغ فضفاارهاا وقالت:مامما مامااا ...جاتنيي هاديك
الغالية:شناااهياا ...الدم!! سيري ديري شي حاجة من خرووق ختك وغسلي حاالتك وصبنييي حوايجك ....وتي فين هيا الطولة وفين صدر وفين جناااب تجاااتك هاحااي هكاا بقيتيي لبناات يكبرو وزيانو ونتي طالعة كي مسمار لكييف كي ضهرها كي ݣفااك ...معضمة كي دجاج لبلديي سيري سيريي هااايه اجي هناا شوية ونخرج عينيك على ختك 
اقبال:فين غادية 
الغالية:غادية نخدم على فرقة تاع لكوورة خلاهم ليا بوك ومشااا مهني مع راسو وخلاني معااكم اش من دنب درت تا تطليييت بيييكم سيري ضركي. خنشوشك من كدامي كتباني ليا كيبان لييك بوووك الله اعطيكم موصيبة التريكة الكحلة (طلات من الشرجم ملي سمعات لغوات )حيااااااة طلعي الله اعطيك غباااارة يابنت لحرااام 
من لتحت مرا خرجات من الدار وهزات راسها لفوق بانت ليهاا الغالية كطل وشعرها على وجها مسرسب وقالت:يااااتي جمعييي بعلوكااتك غطااالقااهم شي نهار نتف بوها على ضسارتهاا
الغالية:ولبقاو فيك جمعيييهم ...ولكدات فيييك حطيي ايديك فشعرهاا الى منجفف بيييك دروبااا مانيش لغالية 
قلوات ليها لتحتاانية بايديها بجوج ودخلات خلات لغالية كتغرق وتغوت على بناتها تطلعو شداتهم عند لباب نتفااتهم وشبعاتهم قريييص ملقات اجات اقبال كتفك وحتات عليها بعضة لكتفهااا ولبنات هربوو 
الغالية:ومتبانيش قدااامييي ابنت لحراااام سيري قلبي على بوووك اتفوووو 
جن جنونها اقبال حيت كتشبه لحمد بزااف دات زينو وحروفوو غي كتشوفها كتشوفوو بدوك لحجبان رقاق مكرونين ولهدرة قليلة وطباعو غير هواا 
دخلات لطواليط كتحك فلعضة وتسوط عليهاا جمعات شعرهاا مكتسوقش لضرب مهاا وعمرها بكات ليها بين ايديهاا هدشي لي كيجهل الغالية تعطب فيها تاتعيا متسمعاش قالت اي 
الغالية(كتنهج)بنت لحراام لحمهااا ديال حمااار 
خرجات اقبال مبدلة حالتها وغاسلة طابليتها وسروال طلعاتهم لسطح دغيا ونزلات تلبق متااكل طيبات الروز بلحلييب ومشات كتحفض في حين الغالية لبساات ومكااات وهزات صاكها وشافت فيهم :سدو لباب تنجي 
خرجات كتهز فشعرهاا وتمسح جناب فمها من لعكر لابسة نفس الجلابة وتحتهاا قميص ف منمر وسفيفة فلصفر خفيف مشات كتزرب تعطلات لقات لهونداا وااقفة مدات خديجة ايدهاا وطلعووهاا وكلسات جنبهم كتنهج 
وحدة تنسيك فلكراا لعكورة وشعر بلواان ولحجبان رقاق وتكحيلة تاع لفراعنة طعاارج ومقوسة وبناادر ولحزام ديال لموزوون نقزات وحدة صدر قدااش عامرة وصتها مشحرج شعر كحل ولكصة على عينيهاا وقالت:عاد كملات لفرقة بيييك الحلووفة 
الغالية:ههههه اوى عاد تفكيييت
خديجة:شوفي راه خاصك تفكي من داك جلاااخة وتسيفطي لييك بناتو ذدي ليك غا وحيدة تونسك مالك تصرفي على خمسة مسخوووطة 
عائشة:وتييي مالك على خمسة بغاو يفرقو عليكم لفيلات هااو وتي لوحي ليييه ولادووو يكبرو ويجيو عندك 
الغالية:ويكون خير دابا انا باغة هي نفك جرتي منووو عمر فراشي يتجمع مع فرااشو مصنن لبيطااان 
خديجة:هههههه يوااا اش مصر عليييك اش مصبرك عليييه هااه
عايشة (هزات لبندي)وتي غي لوحيه وانتي غيلوحييه هااا 
نقزات وحدة خرا معااهم كتزغرت وقلبوها شطيح فلهوندا والريح لمغرب كيضرب فييهم تدخلو لبييست وسط الاراضي الفلااحية لقاو الناس دايرة لخزااين ولبراهش شي كيجري على شي فلهوندا حيدو جلالبهم وعائشة هيا الراايسة ديالهم لابسة قفطان صفر بلا وصمطة منمرة وهازة شعرها بمقبط حل ليهم مول لهونداا وخل فموو فيهم وحدة تنسيك على لخراا اما غالية حابت ليه تمات
:واااتوما مرحبااا بيكم هااو ونشطو لياا الناس راه عرس ولدييي 
عايشة:وغي ينشط جيب ونشطووو اسيي المعطيي ههههه 
نزلو من لهوندة بحال شي لوحة 

نزلو من لهوندة بحال شي لوحة فنية فوجهم دخلو كيتعكنروو وسط لعيالات حطو لبهم طبلة وشربو اتااي ولحلوة ولفااكية كيسخنو فلماترياال ويضحكو ويمشطو ويقادو تعكيرتهم لتسييح مع الصهد وجموع اللعباات مكيسالييش خرجو لخزانة لي فيها لعيالات وضىاام طااح ولحنة تاع لعرييس كيكلسوه وسط لعيالات فوق كرسي وجداه لتحت قدامها صينية فيها زلاةفة تاع لحنة او بيضة وقالب تاع السكر عريان وعليه خط فجناابو ولي جاب ليه شي حااجة يبرحو بيهاا هناا تكلفات غاليية هزات لقفطان جلايلو ودخلاتهم فالسمطة بانو السيگان بيضين وعامرين وكلون حد الركبة بيض وبلغة كلحة فرجليهاا وقفات فوق فنة قدام لعرييس وعطاتها وحدة قميجة والف رياال
الغالية:شكون نكوليه 
:حفيضة مرت سي علي 
الغالية هزاات القميجة فميكتها والف ريال وقالت:واااااا وهااااادي من نااااس لجووود لكراااام من لالة حفيضة مر شكووون 
** سي علي سي عليي
الغالة:هاااااا حفيضة مرت سيي علييي وهاااااهياااا قميجةةة لعريييس والف ريااال وميرضوهااا ليك فسااعت لخييير وتوما اراو عليها تزغرييتة 
زغرتات عايشةة ومدات وحدة مانطة ولعريسس حداها كيطلس فلحنة ف كف ايدوو ولكحل دايز من عينيه عرقان بجموع لعيالات كل وحدة اش كتلوح ليه فحنتوو 
الغالية:اهاااااا وهاااادي وهاااااهيياااا ولي معندو عين يدير عشرة من خت لعرييس منهنا تال لاليمااااان هاهياااا عشرلاف ريااااال ولي معند عين يدير عشرة(شماتهاااا) فيها ريحت نصاارة ولحال بعيييييد ....وميرضها لييك فسااعت لخييير 
تسالات لحنة وتبراااح ولباروك لابد منوو 100 درهم عطاتها ام لعريس ل الغالية صراتها فصدرهاا ...لمجمع تفرتك وكل وحدة شدات بلاصتهاا تفرق لعشااا وجا وقت النشاط تيشييط 
تحزمات الغالية نصهاا ورجال كيطلوو من قنات لخزامة ميمكنش يكونو الشيخات ولا اللعبات وميديروش عينيهم حاضين هي الطرف تاع الغالية كيمشي ويجيي مع لمزوون كيخلي قلبهم يوقف شداات البندير وكلسات فوق كرسيي وشادين طرح دايزو لكلاام 
_وتعالي ياااميي ورااه عايرووني
_وهااااه
_خليت ليهم الله واش يسالوووني 
_وهاااه
وقفات الغالية فوق جفنة وقالت:وجاااية عياااانة وقالو سكرااانا
_وهاااه
الغالية:خليت ليهم الله لي مينساانااا 
_وهااااه
الغالية:وحطو الصينية وجمعو بيااا ...وخليت ليهم ربي يااازين العطية وهااااه(ضربات بابندير وتبعوهتاا
وتعالي يا مييي وراه عايروونييي وجااية عيانة وقالو سكراناااا وهااااااه 
الغالية :وااااه ودييك ميي هااه ونبكي ونكول ميييي اهه ميمي يااااو فين نصيبك يالميماااه
_واااه مي ميم
الغالية(حطات ايدها على صدرهاا)يااااوكلمة مي شحال زوييينة واااااه ميمي 
البنادر ولكيسان فالصينية والدربووكة وطعاارج ولمقووصة مكاين هي شطييح والدرديك ولعوقاات ولغاامة تعلق فصدر وفجبهة تلصق تحزمات كتشطح تدخل مول لعرس وعلق ل الغالية الف ريال فصرهاا كيشطح وغناو علييه تعجبو رااسو وبداا كيجدبب ويحك فجلابتو ومرتوو واقفة كتحلف حشمها مع لعيالات كانو كالسيية بلكراسة جنب لخزاانة غمزاات عائشة الغاليية ومشات كتشطح تالعندهم ودليي شعروها ولابد يعلقو ليهاا ولحساب طوال من عند عيالات رجاال 
خديجة:يالله العايلات متكونوش صقرامااات لي عندها شي زمان نغنيو عليييه هههه
وهاكا مشات ليلة الغالية وربااعة الليل كلو يغنيو ويشطحوو ....
اما اقبال نعسات خوتاتهاا وحفضات وتجبدات حداهم تنعس ...
جمعو قشهم ولبسو جلالبهم على لقفااطن الصوت بااح وعايشة وااقفة مع مول لعرس كتحااسب معااه وهوا كينقص وهيا كتزيييد 
المعطي:وتييي ها شوريييي الالة عايشة ياك تافقنا على عشرييين الف ولمركوب يديكم ويجيبكم ياو منين جاات ديك ستالاف هناري 
عايشة:وتاااراه درت معاك من تسعود تالطنااش هاو داباا راهاا جوج اسي لمعطيي قراجناا نشربو لاكريس ميرجعووو 
المعطي(حبد كيحسب )وتي غهاكي هاكي وتستاااهلووو جنة اودا عيشة (غمزها)تي كولي ليااا تاتخدمو غالعيالات هاو وبغينا غاااشي قصاارة مع رجال
عايشة:امتااا بغيتي القصاارة ويكون غا جيبك عامر اسي المعطيي فين ما حتاجيتينيي يا ختاانة يا عرس يا سبوووع يااا قصارة زااهية اتوما تبعيوو ها بكرة ديرو عليهها لهيلالة هههه
المعطي:والنشاااط سارح مع لملغيغة عههه اتي اش كلتي وجيب ي معاك ديك زعيرة لنتقلق عندك لمرا تسييق لخباار 
عايشة(دارت لفلوس فصدرها كضحك ومشاا ركباات فلهونداا مع لبناات وقالت وهيا كتشووف فالغالية وضحك؛وتي قدامك قدام ربح خليت رجال حالين دلااقشهم كي لحمير غيشوفو الطرف ينساو عيالاتهم 
نزهة:وتي وحدة راه كتحلف فراجلهاا ههههه
الغالية:رجال كاع حمير غير ديال تحلبيييهم 
عايشة:وجدو راسكم نهار السبت قصارة بليل عند المعطي نطلعو التمن غا ليي نكداتها علييه مرتوو يجيب اللعاباات يلعبو علييه
كملوها بالضحك تالداار عايشة فالسفلي بزليج بلديي شعلو ضواو ودخلو كيوح حو بلعياا وطرييق 
عايشة:ضار ضاارركم نمشييي نكب عليا لمااا ولات ريحتي خااانزة 
كل وحدة منهم بلعيا شدات سداريي تحات عيشة غير ب بيجامة بلا مام حد الركبة وشعرها مهزوز لفووق حطو لغراامة فجنب كمشة قداش ها ربعميا ها الف ريالا هاا ميااا درهم وعاد لخلصة تفرق دااكشيي بالتسااوي من غير عايشة لي كتشد شوية عليهم حيت هيا لي كتجيب ليييه لخدمة 
الغالية(خشات فصدرها)الله اخلف والله اقوي لخيييير 
عايشة:وتي غااابقااي معانا والله ميخصك خييير

ليام بدات كدووز والغالية ولات داخلة خاارجة تهلاا فرااسها بلحوايج ولماكيااج جلالب لمطرطقيين لفلوس داخلة منساتش بناتهاا وخة هكاك راه لكبدة كساتهم وحدة وحدة داز شهر وهيا كتجري وتجاري باغة طلق عاونوها صحاباتهاا حمد غبر ليه لاتر مبقاش بان مزااال اقبال ملهية مع قراايتها والدار كلها عليهاا طيب وتصبن وتغسل وتمشي بجري وتجي بجري لانصااف لي كيشدوها غير خوتاتها 
الغالية لابسة او واجدودة لقصارة ليوم لحد ومعضم رجال الفلااحة كيبغيو يزهاو ويخسرو فلوسهم على ليينشطهم شدوو طرييق لنواحي مكنااس ايت رحوو ...
دخلو بين الاراضي غير لفدادن مجمعين لبنات فوق لبيكوب مسخنين الطرح او عائشة لققدام مجمعة مع السيد وقزلها وضحك عليهاا دخلوو لفيرمة كبييرة غير صوت لكلاب لحال سخوون شهر خمسة داخل بعافيتوو نزلوو لبنات ولقميصان كيلعبو فوقهم لكرش كاينة تحت السمطة عاامرين فصالة وحدة من غير الغالية لي طويلة ومكضرة وعاطية لعييين كتر منهم لا بزينها لا ب فصالتهاا داهم لعساس كيضحكو مشاو لكلييسة ورا الداار ربييع وشجر ديال الرمان ولكرم والريح محرك وضبابة كااينة زامتا لحال ضواو وزوااي كيتسمع سر سر وط لكازو وربييع 
كانو شي خمسة رجال غي شلاغمية ولفلاحة لكباار كل واحد مشاد قنت موسد على مخدة ومسرح وجلالب وتقاشر بويض والرزة فوق الرااس والكاس فلرض ولهيااضر مفرشيين فوق زربية حمرة وكل مخدة فجنب كان لخدام بعيد عليهم شوي كي زهر فلفااخر ويكرض لكرضة لشوا ويعمر فلبرارد ديال اتااي ...نزاهة واشمن نزااهة هاربين من هم لعيالات باش يتوانسوو بلعيالات هادو حال رجاال ديال زماان (مكنعممش )
قشع واحد من رجال لعيالات جايين يتمخترو فوق ربيع وهازين جلايلهم ولفتقة تالركبة وفتحت صدر باينة لخير مدفك من كلشي :هااو وجيتوووو
عايشة:جيناااااا ياوجوووه لخاااير 
هضر واحد منهم كلس على ركابيه وحيد الرزة من فوق راسو الاصلع ولموسطااج كحل وطايح على فموو :وهدشييي زييييين هاات نبووع على بوووه لفيرما ولبكر 
خديجة (تعوجاات وضربات بجنب مخرتهااا كضحك)وهيا لعطيتي لباااااروك اسيي الهااااشميي يابوو شلاااغم(جرات ليه شلاغمووو كضحك وهوا عاجبو لمزاح وريوكو سالوو 
جرو لمخاا وكلسوو عليهم طالقين شعوور كينشووو على بعضهم واحد من رجال مقابل مع الغالية منخوي ومسرح كنازتوو وهاز رجل جامعهاا شلااغموو قداااشش وداير طكية فراسوو ضعييف وشاد سبسي كيعمر فيييه وهز بريكة كيشعل فيها حلفات لتشعل ليه وقال بصووت مدعد:وهاد ليهووود كان لوقيد نافعنا تخك ويشعل حسن من هاد زوااق
الهاشمي(جبد لوقيد من جيبوو وعلوو ليه وطفا لعود وقال)تانااا هدشي مداخل شاي راسيي الله اخلي ليااا وقيدييي فجيبييي هههه
عايشة:اوىىىى كاين شييي ولا غير نمشيييي 
واحد من رجال لخريين كب ليهم اتاااي وعينو ف الغالية لي جنبو وقال:دكة الغزال الغزااااال توما هدشي زين عندكم هاااو والله كون ما مجوج ربعة تنزيدك قاايدة علليهم
الغالية:هههههه وطلقهم وديرنيي قايدة عليييييك اسيد الحااااج 
ضحك وقال:خااارجة من فمك كي جنة امولات الزين لبري (بمعنى زيد اوروبا) عويناتك يحييو لميت فقبروو
لكبير:وتا تكاااايس هاااو وسحتييييي اولد لكبشيي 
الهاشمي :يالله ازينات لعيالات برعونااا 
عايشة:هي لي متعاااود نسخنو لماتريااال ونبداااو 
ناضو لجيهت لمجامر سخنو طعاارج ولبناادر وجابو جفنة كي لعادة وحزام لموزوون 
كل وحدة توسطات جوج وبداااو يغنيو ويشطحو ورجاا ل هالي كيجدب ويضرب الكف معااهم ها لي نااض فيه لحاال وناض يشطح ويهز كتاافووو وقفاات لغااييية فوق جفنة وهزات لقفطان دارتو فالسمطة وطلقات حلووقهااا او زسطهاا كيتهز مع رجال حيد.واحد منهم جلابة وبقاا بسروال قنضريسيي كحل وقميجة مخططة بلزرق حيد الطاكية وجبد رزمة ديال لفلوس لي غير شاافووه لبنات وزادو فلااضووس تدفعو بجنبهااا وتلوووز وتخليه يعلق الزرقة والقرفية بلا هوااه طلع معااها فجفنة وحيدات لموزاان دارتو ليييه وهواا مكلوووب تهيشر معاهاا دفعااتوو بمؤخرتها تا تعكل وطاح على صاحبووو 
الغالية:والهااااشمييي والعضام رشااااو 
وقف كيضحك والعرق كيتصبب منووو ويضحك تبانو لخوية بين ضراسو :واتييييي لووزيييي هاااا هاو شطيحك زيييييين ازينتهم 

عيات الغالية وكلساات وناضت خديجة كتلعب بصدرها عند وجووهم ويغنيو بسميااتهم ويضحكو على عيالاتهم ولفلوس كتشااير ومكاين غير كمش وخشي فصدر 
الهاشمي كان كالس جنب الغالية وقرصها وكال:وتي عندك شي نيميروو(نمرة) 
الغالية:ويلي يالحااااج راني مزال على دمة راااجل
الهاشمي؛نعل بووووه انعل روايد مووو بلرعواني لاااااخر تي ديال لي يغشييك فحوايجوو وتي لوحي زبل وخليك لينا هااااو وتي شتي هاد لخير راااه دياليييي وخاصااااني لي تخليني شباب 
الغالية:او نكركب هداااك ويبان لي يبان 
الهاشمية:وعطيني نيمروو بعدا هاويكون خييير ولخاصك شي زيييت شييي گميحات شي نفييل امجود لخيير هاو لهاااشمي هدااا ازينت لعوينات
ضرياتو فكتفهااا وقالت:اخليك لياااا اسيد رجااال 
لخير غير شااايط ديسيرات فطباسل الطوس من خير لبلااد ولعشااا شواااا بقاو يضربو تا تكرعوووه اما لحم طايب بلمهل مزين بلبرقوق ولبييض ييشهيييك من كترت شطيح جاااعوو وشبعو لكرش ولملاغة على الطبلة والضحك وتقابيييح تسسالا لعشا وبداو لحيووح تااانيي واراك لغراامة ولي ناضت تجيب كمشة
نوضات لغاليية الهاشمي وهزات عكاز واحد منهم كتجر بيييه خلاتو جاهل كيشطح شدات ليه الرزمة لي فوق راسو فكاتها ولوااتهاا عليه حزمااتوو وهوا حال فمو كي لبݣرة 
تسمعووو نبيييحح لكلاااب وجوج دراري كداااش هازين لعصييي 
:وهااااااااا بوياااااا وجريتي على مي باش تجيب الشيخات وها بوياااا
حل الهاشمي عينيه على جهدهم محزم وشايف ولدوو جايب لكلااب او لهراوي كداش :وهربوووو هاااازو
عايشة ناضت كتعكل فجلاايلهاا بغات تهرب طاحت على واحد من رجاال تدازت شاتفة عليه ولغالية دفعات لهاشمي ولاحت لبندير وهربات كتغوت شي كيضرب فشييي تزلعوو فالسااحة وكل وحدة تابعهاا واحدب بهراوة وكلب خديجة طااحت تحسات بضهرها تقسحات بشحطة تموت متنساهااا 
خديجة وقفات كدردب وتغوت:وااااااااع وضهريييي هاااااو 
:اجييي يالهااانزة 
شي كيضرب فشييي هربو حفيانين فلخلااا خيرهم كيتهز ويتحط وصارييين صدورهم لي فيها لفلووس ومكاين هي تكرتييييح وتقلهم متقل عليهم خرجو من باب لفيلا كيطيحو وينوضووو مشاااوو بين لفدااان وضلااام مزال مكاينينش بوطوات الضو فطرييق وضبابة مامخلية ضو فسماا لكلاب كينبحوو ولغوت تاع دراريي ورااهمم 
:وحبسووووووو الكلباااااات وحبسوووو الهاربااات 
عايشة(كتنهج)واااااهياا بوكم خلات على بونااااا هااااه وااااااا فتييييييحة وتي جري عطي لبوك تفركيع
فتيحة(كتنهج)وهيا لعاليييييي وختي خديجة جرينيييي انا مزاوكة 
خديجة كانت كتجري عرجة وشادة فضهرهاااا ومطلعة لقفطان تبانو فخااضهااا يعشيو دوار ويشيط لخير :وااااا عطبوني ليهوووود
الغالية كل مرة طل تلقاهم ضاربين فيهم بلبيييل ولكلاب هاو هاو هاو غادية وضرب فجنابهاا؛:وهيا خيتي فين جبتيناااا وليوم يرفسوووناااا لكلاااب 
عايشة؛ولبقات فلكلاااب ومزياااان/كتنهج)ومشفتي كاع لكياااضر كول واحد قد لبغل وجرييييووو 
جري ياما تجريي لغيس وصل ليهم تالركاابي يطيحو وينووضوو كل مرة طيح وحدة ويجرووها بحال الى جارين حمار مييت 
وقفات تورية على غفلة وخبطات جناابهاىوهياا نارييي سنسلة طاااحت وااااهياربي رزقي مشاااااا واوااااااو 
الغالية:وتي فين طااحت
نزلات فلرض فلارض لي مسقيية كترفس ف ترااب وتقلب كي لعمية رجليهم خواو لغا ولا بعيييد تنفسو شوي وبداو يبحتو مشوين ب بيل تيليفوون تاع خديجة التهم عمرات غييس وفتيحة كتنوح وتخبط ف فخاضهاا سمعوو لكلااب تااني وجروو فتيحة تاتجبداات فلغيس على كرشهاا
تورية/كتنهج)جروووني غايهشروني لكلاااب بيبييييييو 
وقفوها بزز تقربو لطريق الشاانطيي حااتهم حالة بلغيس شعر تفك ولكحل سال ولعكر تجلخ

خرجو فداك ضلاام كيجريو فالشانطي طريق خااوية وكل مرة يدورو ملي يسمعو شي صوت لحفاا ولعرق هابط معاهم كينهجوو شافو طموبييل جاية جيهتهم كبييرة تكلاكصونات عليهم مع ضواو معرفو شكون وهوما يشدووها جرية وحدة والطموبيل ورااهم كتكلاكصوني تحرج راسو من الزااح وقال:واااادوك لهايشاااات هههه وتوما جيو راني غير ولد لكبشيي 
غير سمعاتو عايشة وقفات كتنهج واشار ليهم باش يجيو تنفسو شوي ورجعو كيجريو لطموبييل تزاحمات الغالية وخديجة وفوزية اللور ومع كل وحدة هازة طون وراهاا تزااحموو وخديجة كلسات على جنبهاا اما الشافة عايشة طلعات لقدام رجليهااا كحلين بلغيش وليدين هكاك تكون كيحفرو فلقبورة 
عايشة:تعصبات" ماشي هادشي لي تاافقنا عليه احماااااديي وكانو ليهود غيفرسونااا
حمادي:وغامسحيها فلكبيشيي ا عويييشة هااه وراه داك لكيضار ديال ولد الهاشميي عس علينااا ولد لكافر بالله جرا علينا بلعمد شحال بال علينا بليهودي لاخر 
خديجة:ااااخر مرة نقصرو معاكم
حمادي:هناري لتكولييهتااا وتوما فين نلقاو بحالكم هااه وتيي غي سااعفي نعوضو هاد الليلة نشاعالله غير نحصدوو ونديرو شي قصاارة دايزها لكلاام
فوزية:اويلي على السنسلة مشات اوليي ب ستين الف رياال كيندير هااه 

الغالية:مشفتي كون هيشرو بوك دوك لكلااب اشمن نسلة بقات
خديجة:او لمترياااال فينهواا 
حمادي:راه فلكووف(لكوفر) اسمحولناا وصاافي والله كنا باغين نزهااو تصدقناا مرمديين فلغيس 
وصلهم لمكنااس لاحد الاحيااء الشعبية القديمة فين نعتات لييه خديجة نزلاات جبدات الساروت من جيب وحلات لباب جبد حمادي من لقب ديالوو لفلووس وكلس كيحسب تعطاهم فلوسهم وزاادهاا خمسالاف على لخلعة ومشا فحالو دخلو لدار خلاو الزليج لي فييه لصفر ولزرق مطبع برجلييهم دخلو كيتساابقو لطواليد كانت بلديية حيدو دوك لقفاطن وبقاو ب دوني او بيرميدة حد الركبة غسلو حالتهم او وجووهم وخرجو لوسط لمرااح كانو جوج سدادر او طبلة تاع لعود وتلفاازة فوق طبلة تهيا صندووق وكبييرة رجليين تجرحوو وصبااغة مشاات 
الغالية:اااح دخلات ليا شي شوكة فرجلي 
خديجة:زيدشي نشووف 
عطاتها رجلها لقات ليهاا شوكة دخلات لداخل جابو ليها برا ديال لخييط هيا كتحيد فيهاا والغالية كتشالي بيدهااا تحيدااتهاا وكلسات تكمد فيها 
عايشة(حطو لفلوس فوق الطبلة وبدات تحسب )يابسم الله ها مياااا ها ميتيين نتي افوزية مشطيح موالو درتي تي مالك 
فوزية:عليا حق شهر غاسمحولياا 
فرقات عليهم حصتهم او فلووس لغراامة غير لقرفية على ختها ضحكاات عايشة كتسر لفلوس فصدرها)ياوااخة ليلة كحلة وينيي الرجال ايدهم سخية معاهم لقصاارة ههههه اما واحد لهاشمي بغا يطير على الغالية
الغالية(هزات فلوسهاا وخجاتها فالسوتيانات فبزطامها لي فيه التيليفون نيت )اويليييي يخيتيي لقاه ولدو محزم 
هوما يضحكو على لبلان وفوزية شادة حنكهاا تقفزوها 
خدبجة:تي مشات سنسلة يجي كورميييط من غدا سيري لقيصارية حطي عليها 
فوزية:وبقات فيا لخلعة هناري بوك كون شدونا(شهقات)يخليونا ضحكة قدام اللعابات تاع ولاد حدوو
خديجة:نوضو ترݣدوو عيناااا 
مشاو لصالون وكل وحدة تلاحت فقنت مجمعيين من غير عايشة لي نعسات فلارض كتشخر 
خديجة:واتي فين سهيتي الغالية 
الغالية:الى مسهيت انا شكون يسها اححح اخديجة حملي تقبييل ما هوما جوج ولا تلاتااا خمسة يا ختي بغاو غير ميااكلو مول لكرا يتساال او لحانوت يتساال مولات الناادي تسااال
خديجة:اتي لبنت مزال مدارت تلت سنين درتيها فالنادي خليهاا ستميا زايدة فيييك اويلي 
الغالية:ياوشكون يشدها لياا 
خديجة:وها اقبال ولات عزبة هيا تا حق شهر جااتهااا اش بغات بشي قراااية تكلس تقاابل مخويتهاا وتعاونك عليهم اويلي ياختي بزااف 
الغالية: وداكشي نيت واش نااا نجيب ونكسي ونقابل اخيتي بزااف علييا كون عرفت لخانز فين كاين يتا لوحهم ليييه تنهار يكبرو ويعرفوونيي مرضوني فصحتي 
فوزية:وطلقي تاديك الخربة وكري ليك غا بييت وصُري تحتك بعض ريالات وكري ليك غا بييت كاافييك يسهل عليك الله ورهني شي داار 
الغالية:والله مكدبتي افوزيية ديك لخربة مخزة شي نهار طيح علياا تجيفنيي منين جاتني طناش لالف كل شهر وبزاف عليك نكري ليا بييت بشي ستالاف ونوض ناايضة ...ولبرهوشة تكلس تقابل خوتاتهاا اش بغات تكجدر لياا بلقرااية لي قراو طفرووه ها باهااا قاريي دار شي طيلة يعطيه موصيبة انا بغيت ليه لعاااادر انا بغيت خبارو تجينيي ...بايت ليه كسيدة تشتت ليه لكسدة الراس يلقاو فايت عمر وق"" فبني شكدال انا بغيت ليييه لي ميتعطاا لمسلم يااربيي 
عايشة(هزات راسها مشعكة)وطفيو عليا الضو يعطيكم العدااب 
هزات لغالية رجليها لنكاصة طفااتهاا وتكات 
خديجة:تقلبات لجيهت لحيط وقالت:ونعسي نعسييي يفتح ويصبح 
الليل كلو وهيا تخمم خمسة نفووس كي غادير لييهم لقات راسها غرقات ومزال بغات تعيش 34 عاام مزال باغة دوور وعاد بدات كتحلا الدنياا ...وفوزية وراها كتقلب كل خطرة وتهتر بسنسلة تاع دهب اما عايشة تشخر وتقوول مشخرت ....
صبح لحال وصبحات اقبال كتفيق فخوتاتها لمدرسة تمشط لهادي شعرها وتمشط لخراا ليوم تنين قارية مع تمنية فطراتهم وخرجوو وفيقات غيتة تهياا بدلات ليها لقاتها بالت فلفراش تاانيي غسلات ليهاا ولبتدساتها حويجهاا وكل مرة تنوض طل على الغالية لي تعطلات وضاعت الساعة اللولة فيقات انصاف وهزاتهاا كتبكي بجووع باغة ترضع والغالية فطماتها مزال مكملت العاام يالله عندها تمن شهور دارتها فجنبهاا ودات غيتة لروض فطريقها تلاقات ب شهيد غادي مع تسعود ليسي تبان ليه وقال:مامشيتيييش 
اقبال:ففف مزال ماما مجااات 
شهيد:غتجي مع لعشرة ! الله احفضك عندي واحد الدرس نسيت مكتبتو فلفرونسي 
اقبال:وخة ارااه دغياا 
مد ليها دفتارو ولكتااب ومدوو ليهاا باس غيتة ومشا كيجري دخلات لدار هازة دفاترر فجيه وانصاف فجيه عطاتها اتاي تشربو او كلساتها حداهاا كتهرنن ركبااتهاا وحطات كتكتب خطو هوا مروون تقزل كيكتب برجليه اما هيا بلقاااعدة خطها متقوون كتبات ليه جوج ورااق ديال درووس مكاتبهمش وجمعات لكتوبة فلكارطابل ديالهاا وكتشووف فالسااعة تاع الديك لي مبقاش خداام ملي هبط راسو مهزو باقي والساعة خدامة تك تك ضربات لعشرة ومجااتش اول مرة اقبال تغيب على قرايتهاا بدات كتبكيي وتنخصص

هزات فراش غيتة دارتو فسطح يتشمش وغسلات ليها حوايجها تاتبكي وكتشطب فالدار لي كلها محفرة طارت السيمة وبان لحجر لحت وهكاك تالكوزينة فگاميلة صغير طايرين ليها لايدين كرضات بطاطا وخيزوو طرااف صغار ودارت ليهم لعطرية وراداتهم يطيبو دواز حرفي وصلات لحضاش عاد دخلات الغالية عضامها ضارينها بجريي لي جراات كطلع درجة وتسخف هازة جلابة تالفووق ولابسة صندالة صبع تاع خديجة وطالعة من دروج كتحيد ف جلابة باغة غير دخل دووش تحيد عليها لعرق لقات اقباال فوجها عينيها منفوخيين وانصاف فضهرها
الغالية:اتي مالك تبكيي تبكي على عمرك اش كاين
اقبال:تعطلتييي صدقت مبطلة نص نهار دابا هء هء 
الغالية:شوفييي جوج كلماااات هااه ياتگودي معايااا يا خرجيي عليااا قلبيي على بووك نفخي ليه رااسو مالي علييهااا غدخل ني لجنة شبعتوني غا فقايس الله الكيها ليكم (غادية كتنكر)صخني لياا مقراج ديال لما بغيت نعووود ودغيااا
مشات اقبال كدمع لكوزينة طفات على لغدا او شعلات على لما فلبوطة لي فيها كانو واحد خداام كان بامكان حمد يخليهم عايشيين معندهمش ومخاصهمش كيف كانو قبل ولكن محدوو كينوضها معا الغالية ومحد كرشها ولدات ليه غا لبنات لمصروف كيقل وعواض يصرف كيديهم لقمر ونزهاات مع لعيالات تغبر ليه لاتر فخطرة وخلاها منها ليييهم غرقها ولاد وزاد خفيف خلاتو كيطيب وحطات انصاف لي ضرها لحمال فكتفهااا طاب لمقراج ودخلااتو لدوش كباتو فسطل او الغالية كدندن وتحط فحوايجها تبقات ملطة لحمها بيض عندها لكرش شوية ومشرطة ليها من كترت لحمالات عندها توحيمة حمرة صغيرة بين صدرهاا لي حتى اقباال عندهاا 
الغالية:متخرجي تدوزي ليها على ضهريي ....سمعتيني ا اقباال انا نخدم ونتي قابلي لياا خوتاتك رانيي مغنقسمش رااسي عليييهم محيلتي لهنا محيلتي لهنااا بدااي تجمعي فلحوايج انخرج نقلب على شي بييت ندخلو ليييه عيت من هاد جايحة لكحلة 
اقبال مهضراتش غير كدوز على ضهرها بكيس ديال الصابوون عطاتو ليها وخرجات خلات لغالية كتغوت 
الغالية:وااديك بنت لحرااام نهضر بووحدي كي المسطية الله اعطيك غباارة تهزك علياا بلاتي نخرج لبوووك ابلااتييي 
هزات ختها وخرجات هازة الدفتار لقاات شهيد فراس الدرب مدات ليه دفتاارو ومشات بلا تاكلمة حتى تبعهااا 
شهيد:ماللك اهياتااا وتي دويي 
اقبال:بعد مني اشهيييد معنديش لخاااطر 
خلاتوو ومشات بغا يتبعها زسمع موو جاية هازة وصلة تاع لخبز ومتقلة كرشها سابقاها مشا شدها من عندهاا ومشاا وهيا كملات لمدرسة جابتهم جابن كيتنااقزو وغيتة تابعااهم...

كانت الغالية فلبييت كانشف فودنيهاا تصونا تيليفونها ناضت هزاتو وجاوبات :وا خدووج تي ماالك
خديجة:وجدي رااسك لواحد عندناا واحد لختاانة ليوم بليل 
الغالية:هناري اخيتييي وعضامي مدكدكييين 
خديجة:اتي بين لعيالات شطخي وصافي متنوضي تشطحي غير نشاط بين لعيالات وصبني داك لقطان يالله ينشف 
الغالية:وتي راه خاصني نقلب على شي بلاصة لكراا 
خديجة:شهال جهدك 
الغالية:انا ببراكة علياا غير بييت نجمع فيه قشيي 
خديجة: وصاافي كااين واحد السيد كيكريي لبيوت ويني راه قريب لعايشة بعيد على تما شوية 
الغالية:حسن نيت نبعد منهن 
خديجة:وايكون هير جي بعدااا ونقلبوو ليييك 
وداكشي لي كاان داك نهار اقبال مامشاتش لمدرسة مخلتهاش الغالية بحكم راسها ضرها تشد ليها انصااف ضرباتها الغالية بنعسة تالربعة تلعشية وناضت لبساات عليهاا سوكاات فمها وكحلات لعينين ومشطات شعرها ودهنات شيرليي لوجها وخلاتوو لبسات جلابة كحلة وهبطات لقفطان لي نشراتوو دارتو فصاكها وخرجاات 
الغالية:عنداك تنساي خوتاتك هايه (جبدات 20 درهم مداتها لاقبال)جيبيي باش تقضيو لعشا وسدي لباب راه غنتعطل 
لاخيرة هبطات تقدات الشعرية ونص ايترو ديال لحليي ودرهم تاع لملحة وطلعاات تجري قداتهاا ونزلات جنب درووجمن بعد منعساات انصاف كلسات فالدرجة شادة حناكهاا شافت شي بنات كيقراو معاها جايين بشكايرهم دايزين من زنقتهم ونقزات وحدة فيهم وقالت:مالك مجيتيش ليوماات؟
اقبال:ضراني كرشيي علاش درتو شي فرض 
قربات وحدة عندهاا:لااا غير كتبنااا ...فراسك شهيد 
اقبال:مالو 
** هههه تصااحب مع بنت لمدير راوية ديك لمشعكة هههه
اقبال(هزات كتاافها) شغليييش عطيني الماط نقل اش درتو غدا نجيبو لييك 
مدات ليها الدفتار ومشاات تم جاي شهيد ومشا لجيهتهاا غمزها وقاال : بيلوو لكوليج بلا بيك مشلم ههه
اقبال: سير سير ضسرتي والله 
شهيد:اش درت هههه 
اقبال:بقاات ليك غير بنت لمدير عرفتي ويسيق لخبار والله تيقتلك 
شهيد(ضحك)ههههه وتصاحبت معاها غير على ود النقلة مجهدة بنت لحرام فلماط ههههه بغيتها تعاوني لمتحان قرب 
اقبال(ناضت)هاد لمكلخ هدااا 
مشات جيهت الرووض لي بعيد شوي جابت ختهاا وخوتاتها لخرين من لمدرسة ورجعو لدار يالله خدمات ليهم التلفاازة تقطع الضو طلات لقات كاع جيران شاعل ليهم الى هوماا نزلات لقاتو كيطفي فلمكانة وقال:خلصوها ولا تبقاو ضلمة يالله 
اقبال:رجع الضو عفاك راه مكايناش ماما

*او الله ميرجع تاتعطيوني كراياا مزيان تبارك الله عندي ليتاامة مسكنكم فاابور هاي هاي 
ساطت ودخل لدارو تخرج شهيد لعندها عطاها "mp3" صغيرة مستطيلة بلكيت ديالها وقال:هاكي تمزكيي تيرجع ليكم الضو هاد سكايريي 
اقبال:شنو فيهاا ؟
شهيد:فيهاا امسي خالد الاغنية زوينة ديال ننساك فيهاا تمنيت الموت او تامر حسني انا مش عارف اتغير او بلاال او الشاب خالد خسارة فيك ولكن نتي ماشي خسارة فيك او نزار قباني ههه هههه لمهيم فيها داكشي وااعر انا مشيت
اقبال:فين غادي 
شهيد؛نمشي نلعب لبلااي وندوز لسيبيير 
اقبال:ممم صافي غدا نعطيها ليك 
طلعات لدار صيبات ليهم لعشا وشعلات الشمعة ماي طاح ضلاام حطاتها على الطبلة وبدات غيتة كتبكيي خاافت 
غيتة:هءهءهءه خفتت من بوعووو 
اقبال؛تاحد مغيجيينااا صافي نعسييي يالله 
حياة:اقباال شووفي نلعبوو 
اقبال:شنو 
حياة: حلزوون 
اقبال:كيفاش تاني 
حياة:دابا هانتي كتعطيني سميت شي ولد يااك وكنحسب لحرووب ديالك وديالو اوى ونش وفو واش حب ولا لقاء ولا زواج ولا وداع ولا نسيان
هبة:ههههه ديري ليها شهيد 
اقبال:ومال شهيد صااحبيي
حياة:هء وماشي مشكييل راه هاد اللعبة اتبين لييكي اش غيوقع من بعد 
اقبال:يالله سيريي
حياة:كي تاتكتب سميتك !! ههه 
مدات ليها لورقة كتبات شهيد و إقبال بلعربية وعطاتها لورقة كتبات حلزون فجدول وكل حرف فخانة ولتحت سمياتهم والارقام من 1 تال تسعود فل المربعات قدام سميتاات وبدات كتحسب منيتها وقالت :نااري مك خرجات ليك وداااع هههه
اقبال:جمعي جنعي هاد تخربييق
هبة:نلعبة خضر فوااكه عفاااااك 
اقبال:اراو لورااق يالله 
عطاوها لوراق وبدات كتكتب وتسطر وكل وحدة عطاتها ورقة وقالت:حرف ممممم اه حرف م يالله 
حياة:سااااهلة هههه 
هكا دوزو ليلهم لعبو تاتسالات الشمعة وتلاحوو فبلاصتهم خدمات اقبال لمب طروا ودارت لكيت كتبرك هلى بوطون كتقرا الاغاني لي كاينين دارت الشاب نصرو 
نديرك امور صافي بليزييير **تانا عمري مدا بياا 
ميي الله غالب سي با فاصيل**عندي وحدة عزيزة علياا
ا وين كنتي هدا شحاااال**كاع هاد الزين سيدي ربي
⁦♥️⁩الزمن الجميل....الزمن اللدي لن يعوود يوماا وتبقى دكرياته ف القلب كقصة حب من التاريخ⁦♥️⁩

ف أحد الاحياء فمدينة مكنااس كالسين لعيالات فصالوون بونج داك تقييل ومخاد مورديين منهم لارض فوق مانطة طويلة على شكل زربيية الصينية كبيرة محطوطة فوق الطبلة وفيها تلاتا ترجليين مهزوزة من الفضو وبراد كبير فيه نونة حمرة لفووق او ف ايديه غطا مخدوم بلكروشي على شكل ديك فلحمر وطباسل لفاكية وتمر وطبيسيل ديال لحلوة الهلال مفندة فسكر كلاصي او حلوة الزليج كتكون فيها طبقة بيضة وطبقة كحلة او ريشبوند او غريبة فيها كاوكاوة لوسط جوج طبالي والزليج منصص لحييط فلبيض مورد بلزرق وصباغة بيضة كالسة رباغة الغالية فلقنت ولعيالات معمرين الصالوون وقفات مولات لعرااضة محنية ايديخاا ودايرة فوااطة طويلة حد الركبة ولابسة قمييص كمامو عرااض بلخزي 
**:مرحبااااا بيييكم والف مرحبااا 
عايشة حطات كاس تاتاي وجبدات لبندير ضربات فيه وقالت:وجيبيي باش نسخنووو هاد لامترياال ا فطوومة 
فطومة:هيا لي متعاود 
ممشات جابت ليهاا مجمر صغير حطاتو فوق الطبلة سخنو طعارج ولبناادر باش تكون الدقة فيهم هيا هادييك وهوا لكيسان وصواني من فوق الطبلة وبداو كيساويو وفطومة واقفة عند لباب كتهدر مع وحدة كالسة فلقنت لابسة قفطان موف كمايمو عراض وطويل بكول اوفيسيي طالع شوي جوج دمالج ديال دهب فايدها لحجبان رقاق وشعرهاا في لي ميش صفريين كانو عاد خرجو مووضة جامعاه بمقبط اللور ومدوزة طراساج على فمها وعكر حمر 
بدات عايشة الطرح كيف عادتها ولبنات كيعاودو وراهاا 
عايشة:يااااا بلفرحة على من صلى على رسول الله 
الكلب :صلاااا وسلاااام على رسول الله الااه جاه لجاه سيدنا محمد الله معاا جاه لعالي 
عايشة:وزغرتييي ياااا فطومة 
زغرتات فطوومة تزغريتة حااارة عليها بدااو لبناد كيضربوو 
عايشة:وديري علاش ترجعي هايا لواݣفة فلباب 
_الكل وديري علاش ترجعي ويا لغابرة بالرااجل 
عاية:وتي دخلي وحشمي هايا لواكفة فلباب 
_وديري ولاد وحشمي وها لواكفة لباباا 
هزات الغالية نواقص بين صباعها كضرب فيهم وتحزمات بلموزوون كضرب بايدها قدام لعيالات وكتميل وسطها جابوو ليهاا جفنة باا عكز طلعاات كدردك بكدمانها حمريين كل مرة تنوض وحدة تعلق ليهاا 
دخلات فطوومة وعلقات لييهاا وبدات كتشطح وكتهز فلبوط 
الغالية(من بعد ما كمل طرح تحنات وجات نوبتها فلغناا واقفة فوق جفنة )وااااهيا لمرا وهيا لمرا نوضي تكعدي 
_واهداي هداي متعرفيشاي نوضي تكعدي
الغالية:وعاااودي فينهواا عااودي لبييض 
_وعاودي 
الغالي: ومبغااا يحشم هاايعطيه السم (علقات ليها وحدة وقالت ليها سميتها وقالت)ورشيدة يا مريود عينياا 
_هاهاااا يامول لعاود وعند اوى شي عيون وحجبان هااااه ولعزيز على ميمتوو عمرو ميتخ(تهزات تالفوق وخبطات فوق جفنة )
فطووومة:ارضااا 

بدا ااطرح التااني والتالت هوما هكاك تاتحط لعشااا دجاج محمر والسفة والديسير وبداو تانيي شطح شطح 
كلسوو يرتاحوو شوي وبداو بعض لعيالات كيمشيو حيت وصلات طناش تليال ها لي مخلية ولادها ها لي بعيدة زادو طروحة اخرين وختمو قصارتهم وكلسو يرتاحوو تدخلاات فطوومة وحلات جيب لفواطة وجبدات خمسطاش لالف ريال 
عايشة:بسم الله بسم الله وفطومة راك غير معرفة اما هاد التمن مبقينااش كنديرووه 
فطومة:مرة خرا ايعطييك ستر الى بغيت ختي نديرو ليها لكديدة نجيبوكم تاني 
عايشة:نشاااعالله اخيتيي الله ايفك حزاامهاا 
فطومة(كاسات جنبها)وكولي لياا ا عايشة متعرفيش شي وحدة بغات تعطي شي تربيية ...بغاتها ختيي تربيها وتونسهااا رزقها الله داكشي لي بغينا مرزقهاش تدي اجر فشي يتيم ولا يتيمة 
خديجة:اتي شكون هاد ختك 
فطومة:واا عتيقة متعرفيهااش تعرفو شيي 
عايشة:ويكون خير نشوف ونبه علييك
فطومة:عفا خيتي متنساينييش راه محروووقة على ترييكة الزغبيية 
عايشة:الله افك حزامها اخيتي ونابي على شي حد يدينااا 
فطومة:وايه نووضضوو ها لوسيي يوصلكم 
وفعلا جمعو قشهم وعطاتهم من دجاج او قوالب تسكر او لفاكية شوي شوي ومشاوو وكيف لعادة لدار عايشة نيشاان يقسمو لفلووس ويرتاحو ويباتوو فوزية لي اصلا ساكنة مع عايشة او خديجة غي حداها او الغالية بوحدها لي بعيدة عليهم 
فرقو لفووس ودجاج داروه فتلاجة وكلسو يرتااحوو 
عابشة:تعرفو شي وحدة تعطي شي تربيية 
الغالية:بغا تربيها هههه 
عايشة:عنديي ولد واحد كبرتو الله اجعل لبراااكة هادي خت فطومة ساكنة فااس لبااس عليها وينيي معطاهاش الله تريكة وبغات تربيي ليها شي تربية كالت ليك وتعطيييها لي بغات 
الغالية:وشحاال تعطي كاع
عايشة:وشوف هياا انا مسولتهااش 
الغالية(عضت ف فمهاا )نعطيها وحدة من درياات لكانت تهلا فيهااا 
فوزية:ونتي بنياتك كبرو اخيتي 
عايشة:وهيا بغاتها تربيية تحل عليها عبنيهاا 
الغالية:كاينة انصااف ويني عاد فطمتهاا عندها ست شهور 
عايشة:وتسخااي بيهااا الغالية اخيتيي 
العالية:انا غير تعيش مخيرة ياك كلتي لبااس عليهاا اش تكبر تكرفص معايا وماااانكدب عليك اعايشة ختي مبقا عندي خااطر بوهم كرهني فيهم 
خديجة:اوى اش نكوليك الله ايصاوب خمسة بزاف عليك رجال شلاااغمية وتقهروو ونتي لاا اويلي 
عايشة:اوى نوضو تنعسوو يصبح ويفتح نصونيو ليهاا بينما فكرتيي تانتي متزربييش 
الغالية:انا لكانت تهلا فيهااا نعطيها بعيني مغمضييين اختي 
تلاحو فبلايصهم ينعسوو باش يرتاحو لنهار جديد ....
صباح صبحات خديجة والغالية كيقلبو على لكراا لقات بيت فسطح كبيير وفيه بوطاجي فجنبب او طواليط مشروكة مع لبيت لي قدامهاا خلاوه ليها بخمسالاف رياال وهبطات رجعو لعند عايشة تلقاات فطومة ومعاها مراا لي كانت ديارة ليميش ونضضاضر شادين ليها الزيف وجلابة فلبوردو قبهاا طويل وقصيرة ولابسة سباط طالون مقمق بلكحل سلمو عليهم وكلسوو 
عتيقة:بغيتي تعطي درية اختيييي 
الغالية:لكنتي تهلاي فيهاااا 
عتيقة:نديرها فعينييي اختيي لي بغيتيه نعطيه ليييك ويني هدشي يبقاا هنا ويساليي هنااا متبقاي كل مرة بغيت نشووفها توحشتهاا 
الغالية:حسبيها بنتك انا غي ولدت ونتي ربيهااا الله اينفعك بيهاا مسؤوليتي كبييييرة ربي لي مطالع بيهاا 
عتيقة:اوى لهلا يحاشم نمشيو نشوفووهاا 
الغالية:اييه يالله 
خرجات معاها وفطومة معاهم ركبات لقدام حدا راجل داير نضاضر تشووف او موسطاج رقيق لا غير محسن اللحية وركبات الغالية اللور مع فطومة مشاو بين الشوارع كتوريهم فالزنقة توصلوو نزلات عتيقة هازة صاك كحل فدراعها وكتششووف ف الحومة لي لعيالات ناشرين لخوايج عند للباب وهالي دايرين كرسي وادين تبركيك تدارو لزنقة تاع الغالية حلات لباب وطلعات وراها لعيالات عتيقة شمات ريحت لغمولة وكمشات نيفها كتقاد فزيفها طالعبن على ضلام تالفووق 
طاق طاق بصباط الطالون خرجات اقبال مركبة انصاف فضهرهاا وهازة دفتار كتحفض سلمات على عتبقة او فطومة 
الغالية:ارااي ليا انصااف وسيريي جيبيي النعنااع من الحانووت دغياا 
اقبال:ماما رااه قارية داباا عفااك عندي فرض مع تلاتااا 
الغالية:اييه اوى صاافي سيرييي يالله 
فرحات اقبال ودخلات بدلات عليها وخرجات كدردك باا مدور وراها بجريي ليفوتها لحال مع جوج ...
دخلات عتيقة كتهامس مع فطومة على لحاالة ودخلات لغالية بدلات لانصاف ودخلات عليهم الاخيرة هي شافووها عينيهم حوالوو شعر كحلل نازل على حجبانهاا او لعينين خضريييين كيف وريقات النعنااع سبحان من صصورهاا اما لخدود مطيبزين وحمريين وبيضة شداتهاا عتيقة وعينيها فيهم لقلوبة وقالت:تبااااارك الله زويييينة ياك افطومة
فطومة:تبارك الله اخيتيي 
كلساتها على رجليهاا واخلاص كتجبد باغة تبكيي تعطاتهاا تضاضرهاا شداتهم كتلعب بيهم ومشات فطومة عيطات على راجل ختها وطلعوو والاخير شافهاا وتبسم وكلسوو 
عتيقة(بلهفة)انا بغيييتهاا من هاد لبنية نخلاق اسعيييد ...طلبي الغالية لي بغيتيي انا بغيييتهااا الله اعطيك ستر 
الغالية:تهلاي لياا فيهااا هدشي لي بغيت منكي 
سعيد:وجدي لياا غير وريقاتهااا لعشية نديوهاا
الغالبة:(شافت ف انصاف كضحك ليهاا وريوك ف فمهاا وتنهدات) ان شاء الله...

خرجو من عندها من بعد مرصاو الاموور مسخاتش عتبقة تعطيها لبنت الاخيرة ححزمات لفليساات لي عطاوهاا وكلسات كتحسب فييهم جهد 100 الف ريال دارتهاا فصااكهاا او انصاف كتلعب ليها حدا رجليهاا هزاتها عندها فوق ركابهيا وقالت:انا بغييت بنتي تفطر بلحليب مااشي باتااي انا بغيتك تغداي بلحم ماشي بلعدس تلبسييي وتقراااي وتعيشي فلخيرر ولخمييير معندك فين تكبريي هااا نتي زييينة وبغيت مكتابك يكون حسن مني ملي تكبري (عنقاتها عندهاا وناضت سخنات لمااا وحطاتها فلبانيو ودفات ليها لكاا وخلاتهاا كتشلبش وسط لمرااح تعينيها ولاو حمرين ولبسات ليها حوايجهاا ...
في حين اقبال كانت فلمدرسة وبالها مع انصاف لتمشي الغالية وتخليها بوحدهاا وصلات الستة وخرجوو كتجري باش توصل لدار فلوقت ...لقات دريات كاينين او الغالية حاطة براد تاع اتاي مدات ل ااقبال خمسة دراهم وقالت:دغيا جيبي واحد خمسة شفنجاات يالله
اقبال:وخة 
مشات بجري لراس الدرب كتسنا نوبة تاتحطات عليها ايد على كتفهاا وهزات راسها فيه لقاتو شهيد وقالت:نسييت ليك ا امبي طروا
شهيد:غير خوديهااا كادو(غمزهاا) عمي موسى واحد كيلوو معاك 
اقبال:كان عندك نص نهار ليوم فين كنتي 
شهيد:مشييت لعبت لكولفازور وقصرنا ماتش تاع لكوورة 
اقبال:ممم شهيد بغيت واحد لبحت 
شهيد:ديالاش 
اقبال:تاع التورات المغربية والصومعات وداكشي 
شهبد:ايييه نمشي معاك لسيبير ونديروه ساااهل ماشي شي حاجة غير ناكل ونمشيو صافي
اقبال:صافي 
شعيد:عندي ليك واحد لحاجة غتعجبك 
اقبال:ههه وخة انشووفوو 
مشاو هازين شفنج وكل واحد دخل لدارهم مجمعين عليه كلات اقبال وقالت:ماما عطيتي ستين ريال بغيت نمشي لسبير عندي بحت عفااك 
الغالية:جيبي ليا بزطاامي من لبييت ييالله 
مشات كطير جابتو ليها عطاتها ستين وناضت هزات شكارتها خوات منها لكتوبة وخلات غير الدفتر تاع لعربية لصقات فيها انصاف وهزاتها كتبوس فيها وكطل عليها من لباب وتخبا وتبان باش تلفها وتمشيي فالاخير خرجات لقاتو كيتسناها تمشاو بجوج كيضحكو كان لحال بدا كيضلام قطعو طريق ومشاو لسبير خلصو نص سااعة فسيبير 
شهيد:نوريك واحد اللعبة 
اقبال؛او البحت 
شهيد:دغياااا هههه 
دخل اللعبة المشهورة كانو مستفين لحوايج فقنت وبنت او ولد ملابسين غير الملابس الداخلية شهقات بغات تنوض وحبسها وقال:ههههه بغيتي تبرزي فلعرس عرياانة نتي لبسيها وانا نابسو 
اقبال:شنو لبسهاا 
شهيد:لي بغيتيي 
وراها كي تخدم بلاسووري باش تحز لحواج من قنت وتلبسهم لمانكااه وبداك كتختاار فلكسااوي وسبابط والصيكان والمشطة تاع شعر وكضحك مع شهيد شد لا صوري وقال:انا نلبسو غير شورط براكة عليه ندير ليه تشويكة ولا بلاش ...قرع حسن ههه
لبسووهم كيضحكوو عاد خدم معاها لبحت لي بغاات هوا كيفتي عليها وهيا كتكتب تاتسالات نص سااعة وخرجو شرا الزريعة وعطاها وغاديين وقالت:فراسك غنتحولوو 
شهيد:وايلي ولكن غتبقاي فنفس اليليسي ماشي مشكيل 
اقبال:ممم 
دازو من زنقة مضلمة شوي وجبد منهاا كادو مربع ومدو ليها بغات تحل ليه لبابي وقال:خليه تالداار وحلييه 
اقبال:باينة كتاااب ههه ديالاش 
شهيد:شغلك هه
دارتو فلكارطابل وباينة مرشوش بالريحة لدرجة ايديها بقاو مريحين وكضحك عليهه :يععع ريحتك تافلكتاب
شهيد؛نعسيه حداك باش تفكريني 
ضحكات توقفهااا وقال:عندي كاضو اخر
اقبال:ههههه اوى ارااه خلاص
ضحك وقال:غمضي عينيييك هادا كادو كبيير 
منيتها غمضاات عينيهاا كضحك بعد عليهاا شاف هناا وهنا الزنقة خاوية بتاسم بشر وقرب ليهاا باغفلة باسها من فمها تحلات عينيهااا مصدوومة ودفعاتوو :ش شدرتيي (عينيها عمرو دموع ودفعاتو ومشات كتبكي)بعد منيي حمااار 
شهيد:اقباااال هههه وبلاتييي اقباال مشا كيجري دورها من كتاافهاا وهيا كتنتر ليه وهيا كدفع فيه :هههه وصافيي هي ضحكت معاك
اقبال:مباقي شتضحك معايا فوتني عليك مبااقيش تهدرنييي تفووو 
خلاتو وغادية كتبكي وهوا وراهااا كيضحك ويعي ليها وهيا كتهرنرن وتمسح فمها بزربة باغة طيروو وصلو لزنقة ديالهم لمحات راجل خارج من دارهم فايدو صاك كحل كبير او ومرا وراه هازة انصاف كتبكيي وكتجبد فايدهاا لغالية لي واقفة فدروج وقفات اقبال كتستوعب توصل عليهاا شهيد.شافها فين كتشوف وقالت بهمس:ا انصااف 
دقات قلبها تساارعوو ومشات كتجري توقفات قدام لمرااا وقالت:فييين غادية بختييي ماماااااااا غادين بانصااف ماماااا 
عتيقة: سعييد شد لبنت عفاااك تنركب 
قرب سعيد لاقبال شدها لاخيرة شدات فايد انصاف لي كتبكي وقال:عفاك ابنتي حييديي ختك راه ولات بنتناا دابااا 
اقبال(بلغوات ودموع)انصااااف انصااااف هءهءهء لااا طلقنييي ختييي طلقنييييي 
جيران كيطاالوو او شهيد واقف مصدوم خصوصا منين الغالية سدات لباب وطلعات كتبكي جرات اقبال سباط انصاف فايدهاا وتعكلات تطااحت ومشا شهيد مغزز فسعيد:وبشوووية لا شكدفع فيهاا 
مامات شهيد من لفوق:شهيييييد طلع لدااااار طلع 
اقبال(بدموع)هءهءهء مدييش ختي عفاااك عفاااك 
خلاها ومشا ركب حاوبلات تحل لباب مبغاش يتحل وختهاا كتبكي لداخل دورات ليها عتيقة وجهة لجيهة لخرى وغطات ليها رااسهااا بقات كتخبط فزااج تاتحركات الطموبيييل وزادت معيطة 
اقبال(بلغوات تابعاهم) انصاااااااااااااف ههءهءهءه انصااااف

تبعاتها كتجريي او وراهاا شهيد تابعهاا ومو كتعيط مداهاش فيهاا بقات تابعاهاا كتجري تولاو رجليها كيلعبوو وطااحت تسرحات فالشاانطي تاتحردات بكف ايدها ....
وصل عليهاا شهيد كينهج شدهاا من دراعهاا نوضهاا وباغة تنتر ليه تبع الطموبيل لي دخلات لطريق وسط الطموبيلات 
اقبال:انصاااف هءهءهءهءء شهيييد ختييي داوهاااا هءهءهء علاش داوها علاش
شهيد:صافييي اقبال..(درعها بايدو لعندو كتنخصص وجرهاا من وسط طريق داهاا لبلاصة خاوية وكلسات شادة سباط تاع التوب فايدها فلبيض كلسات فلارض وتنات رجلها وخشات راسها لوسط كتبكييي بححرقة على ختهاا 
شهيد (كلس قفازية قبالتها عاض على فموو وكيرجع شعرو اللور وكيسووط)اقبال نوضي يالله
اقبال:مشات انصااف اشهيييد هءهءهء مغندخلش لدار 
شهيد:ونسيتي خوتاتك غيتة او لببنات (مسح ليها وجها)عفاك نووضي وماماك اتفهمك 
نوضها بزز حاط ايدو على كتافها كتنخصص وتمسح فعينيها بكمام لقميجة طريق كلها وهيا كتنخصص وتبكيي توصلو لزنقتهم 
تسناها تطلعات ودخل لدارهم لقا بااه ومو فنتضاروو وصاح بصوتو:فيييين كنتييي واش مخلية سوااايع ودالح
شهيد:كنت مع اقبال اباباا 
**(بصراخ)رااه بالله ومتفووت داك لكنس يتانصيفطك تقراا فبرشيد عند خاالك مزيان تبارك الله مخلية قرايتو وتاالبعها
شهيد(بعصبية)ربطونيييي فدااار حسن اوووه زدتو فيه 
جاتو طرشة من بااه وخرج فييه عينيه وقال:الى مديتيهاش فقرااايتك نخلي دار بوووك 
طلع لبيت شهييد وهز ليه ل الكماان ولكمبيوتر ولكلافيي وكيحول لبيت اخر وشهيد جمع دوك لحجبان كيكدد ففموو بعصبية او حنكو حمر تسالا ورجع ليييه: نهار نلقااا طاسيلتك معاهاا نعارك كحلل سمعتي (صاح فوجهو تخلعو)معاك كندوي
شهيد:سمعتك ابابا صافي
دخل لبيتو وسد.لباب وتوجه لشرجم بيتو لي مقابل مع لبيت ديالهم سد لعود بعصبية وكلس فوق لكرسي ديال لبيرو كيلعب ب بانضة ديال اقبال فلغوز ومخنزر ....
اما اقبال طلعات فدرووج كتمسح فعينيها وتشهق تالقات حياة فباب دروج وقالت:بيلوو فين مشات انصااف 
اقبال؛سولي لي عطاااتهااا 
دخلات كتقلب على لغالية بغات تفسيير لقاتهت فبيتهت كتجمع فلحوايج فالصيكان من بعد مامسحات عينيهاا من دمووع وتستمر الحيااة وقفات حداهاا اقبال وكشاكشها خارجة ودموع هوادين 
اقبال:فين انصااااف هءهءه علاش عطيتيي ختييي علااش
الغالية:غتسدي عليا دلقوووشك ولاا نحفر قبرك بيديي ...ضركي عليا زلاافتك نعل جد بوووك 
اقبال؛مبغييييتش هءهءهء بغيييت انصاااف حرام عليييك علاش عطيتيها اش دااارت لييييك 
الغالية:تحلل ليك لفم السلكووطة هاا(جراتها من ضفيرتهااا وبردات فيها سمهاا وحياة وهبة كيطلوو من لخامية وكيشوفوو ف لي ديما كتحامي عليهم وتجي فيها الدقة كتااكل الدق ونتيف بردات فيها لغالية لغدايد 
شداتها من ودنها والاخيرة حابسة لبكا وعينيها كيقطروو بلحقد متألمة من الضرب او ودنها لي كتحس بيها بغات طير ومزيررة على فمهاا 
الغالية:شتي ديك لمدرسة غتنساااااايها غتكلسي تقاابلييي خوتاتك ولا والله تنخلييكم فالزنقة لي داز يدفل عليكم اش طاالعني منكم...كون غير دااااكم معااه (دفعاتها تطاحت)السااامة نوضي جمعي لفراااش او لحواايج انصاااف مشاااااااات مغنرجعش مزااال رزقهااا حسن منكم وغتعيش خير منكم 
اقبال(بترجيي)غير رجعيهااا والله تنكلس من لقراية ونقاابلهم ونخدم تا انااا عفااااك الله ارحم ميمتك رجعييها 
الغالية(جايو ليها عينيها خارجيين)دويت معااك بغيتي تسکدي معايااا ياتباركت الله ماابغيتيش خرجيييي علياا قلبييي على بااااااك انااااا عييييييت عيييت بزاااف علياااا كيي غاندير لييكيم كل وحدة تاكل فيا من قنت واش نقسم راسي باش نتوما تعيشووو ...خرجييييييي خرجييييي ضركي وجهك عليااا 
خرجات وحرات خوتاتها لبييت وكلسو معانقيين وغيتة معنقة اقبال وخة مفاهمة والوو 
حياة(هزتت راسها)دابا مبقيناش غنشوفوو انصاف
هبة:اقبال فين مشات انصااف 
اقبال:داباا ترجع ....داباا ترجع صافيي سكتوو
فرشات لخوتاتها وكلساات شادة دااك السباط على الضلمة كتنخصص وكتفكر فيها ملي كتبكيي عليها باش تهزهااا ....شنو مخبية ليهم لياااام وانصااف فين غتلا بيها الاقدار واش بصح اتعيش حسن منهم ولا كفس منهم ...
صبح لحااال فيقات خوتاتهت لمدرسة وخلات غيتة ناعسة فطراتهم وهبطاتهم لمدرسة شادة كل وحدة فايد متقلين بشكاير وصلاتهم ورااجعة فطريق تبان ليهاا شهيد عاد كيسدد فباب دارهم 
اقبال:شهييد مبقيتش غن
داز فيهااا بلا ميشووف فيهاا وتبعاتو بعينيهاا عيطات عليه جوج وتلاتااا ومردش ولاجااوب عمرو عينيها بدمووع وهزات عينيها لفوق بانت ليها موو كطل هي شافتها وسدات الشرجم ....طلعات اقبال لدار لقات الغالية خارجة من طواليط كتهز فلبرميدة وقالت: سيري صايبي لفطور وزيدي جمعي معاياا ها لبااقش نمشيو منهنااا 
اقبال:وقرايتي
الغالية(غوتات تفااقت غيتة)خراااايتك راه دووويييت معااااك متجهلينيش على صباااح القراية ولا زمر نسااايها قابلي خوتاتك باش نخرج نخدم عليييكم لباغين تعيشو مجموووعين ولا نفرتتتكم كل وحدة نعطيها لقنت ونتهنااا من صداع الرااس ...بغيتو دخلوني لجنة

سكتات تسمعاات غيتة كتبكي وشعرهاا طايح على عينيها لابسة غير سليب ودوني بيض مشات عندها لقاتها مفزكة فراشها تاانيي نوضاتها وداتها لطواليط مشطات ليها شعرهاا وجمعاتو ليها بلاستيك او وغسلات ليها بلما والصابوون ولبساتها حوايج نقاية ومشاات جمعات لفرااش وطلعاتو لسطح ينشف ونزلات كتفطر ودموعها على لقراية هوادييين وكية انصااف تحفرات فقلبهاا
بدات كتجمع فلمااعن فصنادق ولكرااطن ...دخلات الغالية راجل هزو التلفازة وتلاجة صغيرة لهونداا وهزو الصيكان تاع لحوايج وهيا واقفة كتشوف فيهاا سطولة ولفرااش ولماريوو وطباالي كلشي تهز وتستف فلهونداا وجيران كطل ويعيبو على الغالية لي عطات بنتهاا وكضحك مع مول لهوندا ...
هزات اقبال كتوبتها بلبكاا حلات لكارطابل كدير فيهم لمحاات لكادو تااع شهيد ملحقاتش تفكو وتعرف اش فييه ...تفكرات شوفاتو صباح فيهاا ومخلهااا وتغرغو عينيهاا تانيي 
غيتة:وانصاااف متمسيس معاناا 
اقبال:دابااا ترجع (مسحات دموعها وهزات لكارطابل دارتها فضهرهاا وهزات غيتة كترمش فداار رغم انها بسييطة ومفيهااش حس الرفاهية او الجو ودفئ الاب والام ...راه جمعات خمس اخوات 
نزلات بخطوات بطييئة تالباب لتحت لقات لهونداا مشاات 
الغالية:سيري جيبي خوتاتك دغيا انا كنتسناك ومتعطليش
مهدراتهاش حطات لكارطابل لي تقيلة من ضهرهاا او مشات شادة غيتة فايدها كتلعب بإيدهاا جابت خوتاتها ورااجعة لحومتهم تبان ليهاا شهيد واقف عن لباب كيخربق فتيليفونو وقدامو صااحبوو هز عينوو ششافهاا ودخل لدار ...مفهمات والوو بقات غير كترمش مجات فين تستوعب تعيطات ليهاا الغالية ركبوو فطاكسيي كاملهم او ودعوو لحومة بمضرتهم المكسوورة
طول طريق و اقبال حاطة ايدها على حنكهاا وكتشووف فطرييق وغادين وكيبعدوو على فين كبراات وقف الطاكسي قدام لهونداا وهزات اقبال عينيهاا فديوور كان حي شعبيي فيه غير ديوور وبعيد على هرج طرييق وزناقي ديقيين يالله تكفا طموبيل وحدة ...
طلعوو مجموعين لسطح لي كان مزلج بزليج حمر وصفر وفيه نشاشر تاع لحوايج وبييت كبير فلقنت وبيت فلقنت لااخر وطواليط فجنب توجهات الغالية وحلات بالساروت باب ديال لحديد وكتهدر مع رجال باش يحطو ليها رحيل داكشي تقيل فلبيت وشي لااخر فسطح تيتستف ...كلسات حياة وهبة فواحد ضليلة مكمشين عينيهم واقبااال كتعاون فتحوال هادي مخدة هادي ماانطة تشحفاات 
دخلات لبييت مفيه لا شرجم لا واالوو فيه بوطاجي صغيير فجنب وفيه طاج تاع السيمة لفوق باش يتحطو لماعن ..
تجفف لبييت ومسحاتو من لغبرة 
العالية:ستفي لفراش نمشي نجيب باشش تغداو 
حياة؛بيلو نعاونك !
اقبال:شنو كتعرفي ديري ههه 
حياة:ندخل ليك لوساايد 
اقبال:واخة 
فرشو التسرييح وفوقوو مانطة عاد لمانط فجنب وفوقهم لمخااد ولفراش لاخر جمعوه فلقنت حطو طبلة تاع لعود جنب لباب فوقها التلفاازة ستفات لماعن لفووق وشبيكة فوق لبوطاجي فيها ماعن محسوبين بوطة صغيرة لتحت ولمقراج صفر و مفحم من لتحت 
دخلات الغالية هازة فايدها ساندويتشاات ديال الكفتة وعمرو اتااي وكلسوو 
اقبال(مكتشوفش ف الغالية)لمدرسة بعيدة على لبنات 
الغاليية:معليش بداي ديهم صباح بكريي يكمل هاد لعام ونحولهم ...انا راه عندي لخدمة مغنبقاش نباات هنا ديما ردي لبال لخوتاتك وقومي بييهم انبدا نخلي ليك صريف لخصاتكم شي حاجة هبطي لحانوت لتحت ودي معاك لكارني راني هضرت معااه 
حياة:والتلفاازة ؟ فاش غنتفرجو درووكاا
اقبال:اتنوضي تحفضيي وتقراي
هزات كتاافها كتأفف ..
ناضت لغالية هزات حواايجهاا وسطل او شمبوان ولكيس ومشات لطواليط دوشات ولبسات حوايجهاا ودخلات لبييت هازات مراية مدورة كتكحل فعينيها بلمرود ولكحل حار رجع عينيها حمرين ضربات تكحيلةهيا هاديك وطراساات فمهاا وعكراتوو دوزات بطراساج فوق حجبانها خط رقيق ونتفات بعض زغيبات لي عاد جااين نايضيين هدشي كلو تحت نضراات اقبال وحيااة لي كتبع بايدهاا اش كدير الغالية عكرات لغالية ودوزات حياة ايدها على فمها تسرباتهاا اقبال وهبطات راسها كتكتب 
الغالية(لبسات جلابة كحلة جديدة بايدين عرااض كيف كانت لامووض وبليغة فرجلها )ردي لباال وسدو لبااب بالزكروم متحلو لحد ها لكارني فوق التلفاازة تقداي لي خااص ...اقباال دابا نتي مولات الداار مبقيتيش تعولي علياا رااك كبرتي تامن حق شهر جااتك ...بغيتي تقسمي معايا شغل وتكوني لالة ومولااتي مرحبااا بغيتي تقرااي وعليا كلشي سيري قلبي على باك ديري عليه فشوشك 
خرجات وسسدات لباب خلات اقبال مزيرة على ايدهاا وحمرة عنقاتها حياة وهبة 
حياة:متمشيش تا انا مبقيتش نمشي نقراا 
اقبال(مسحات عينيهاا )غتقراي بزز منك غتقرااي ....مغنمشي فيين ....يالله دوزو تخفضوو باش تنعسوو 
بدات كتحفض فيهم وغيتة كتنقز حدااهم عاطينها ورقة وستيلو كل مرة اقبال تجبدها بضربة مع خيااة على تقوليت دمااغهاا اما حتى هبة بكتدابز باش تشبه لاقباال ...

فرشوو حدا بعضياتهم مانطات فوق التسريح او تغطاو بايزاار وزكرمو لباب ناعسين على ضهرهم كيرمشو فضلاام تا تسمعات طزززز من تحت لفراش سداات اقبال نيفهاا وحياة بدات كضحك 
هية:يععع على خنيزة 
حياة:ههههه 
اقبال: فففف وحدة كتبول وحدة كتحزق درتوني وسطكم 
حياة:ههههه ياااه بحال لنتوما مكتحزقووش ...بيلوو 
اقبال(مغمضة عينيها ودايرة تيشورت على نيفها)ممم 
حياة: لمن ماما عطات انصاافف ؟؟....واش مبقيناش غنشووفوها
هبة(لابحة ايدها على حياة )توحشتهاا 
اقبال(لارد عطاتهم بضهر فاتجااه غيتة لي نااعسة شدات ليها فايديها صغاار كتنهد مخلية ورراها حياة وهبة كيتراامكوو 
هبة(لصقات ليها لخنونة ف نيفهاا وبدات كضحك)دوقي مااحة وبنينة ههه
حياة:تفوو علييك حماارة 
اقبال:لبنااااات .....نعسووو 
مزادوش من وراها كلمة وحدة كل وحدة شافت فجيه ونعسات من غير اقبال نااضت وخايفة تقيس شي وحدة شعلات الضو من حدا لباب او مشات قداتهم ورجعات هبة لي نعاسها خايف وصلات حدا لمارية بعدات على بلاصتها بزااف رجعاتهاا وغطاتها ودارت ليها لمخااد ومشات لكارطابل ديالها جبدات كتوبتهاا وبعض الرواياات لقصاار كيعجبها تقرا وتجمع لكتوبة كانت كتبقا تجمع بدرهم وخوه باش تشري رواية تقراهاا ف خمسة دقايق ...جبدات لكادو تاع شهيد وبدات كتحل فيه بلحس ضرباتها ريحتو وبدات كتحل فلغلاف تلقاات كتااب متوسط لحجم باللون الوردي ومكتوب وكان عنوان لي خلا عينيها تلمع وسط حزنها *انت لي* كتاب كان عااد تسدر ب ستوات قليلة وكانت كتشوفو فلمكتبات بتمن غااالي ...بانت ضحيكتها وسط تغرهاا الحميل وخلات مفرقيين فوجها بشكل زويين وشعيرات من شعرهاا طايحين على وجهاا مهمل ...كتقلب فالصفحاات وكتستنشق ريحت الورق ممزوجة بريحة شهييد الفرييدة تطاحت ورقة على رجليهاا من وسط لكتااب حطاتو وهزاتهاا كتحل فيها كان مرسوم باحترافية قلب وسط لعافية لي مرسومة بدقة دايز منو سهم بوبعض قطرات الدم وسط القلب كانت مكتوبة بيلو وتحت لقلب كانت مكتوبة أنت لي ....

شافت فيهاا بسهوة وطواتهاا كيف كانت ودارتها فكتوبتهاا طاح سيدي فيه منوعاات الرااي لي كانو كيتسنطو ليه جاامع ليها كاع الاغاني لي كيعجبووها ولي كانت معضمهم كتسمعهم معااه ولي كيعجبوهاا رجعات كلشي لكارطاابل وطفات الضو ورجعات لبلاصتهاا سمعات شي حد طالع فسطح وبدات كتسمع فلخطوات كيتجرو تشمات ريحت لكارو ورجعات تكات كان كتسحاب مها ساعات كتسناها بدون جدوى محسات تاتسدو عينيهاا ونعسات تبدات كتسمع ف غيتة كتبكيي وحلات عينيهاا كان الضو باان من تحت لباب ولبنات مزال ناعسيين ضارت عند غيتة وتنهدات عرفاتها فزگات حوابجها عااود 
غيتة:درت بيبيي هءهء 
وقفات اقبال دايخة بنعااس لابسة تريكوو بيض وششوورط حد الركبة وشعرها مضفوور وتخبل بنعااس شدات فايد غيتة لي لابسة هي سليب او دوني ضعيفة وشعرها واصل لكتاافها بني ورطب حلات الزكروم وضربها شعاا وكمشات عينيهاا داتها لطواليط غسلات ليهاا ورجعاتها لبيت بدلات ليهاا ونزلوو هازة لكارني ومشات لحانوت لي ديجا الغالية وصات عليه لقات عندو راجل واقف كيهدر معاه وكيكمي وقالت:عمي عطيني اتااي والخبز والنعنااع 
_نتي بنت لغالية ياك 
اقبال:ااه
بقا الرااجل كيداعب خد غيتة تضربات ليه ايدو وعتقات اقبال لي دوراتها لجيهة لخرا وشافت فالراجل 
عطاها لي بغاات وقيد ليهاا السلعة لي خداات
رجعات ادراجها لداار كتجر فصندالة تاع ميكة وطلعات فدرووج كتنهج متقلة بغيتة ...طلعات وبدات كتفيق فييهم وحدة وحدة ولما كيطيب وغيتة كتلعب فسطح مع ضلهاا جمعات لفرااش او حطات الطبلة والصينية والزيت فزلاافة او لخبز سخناتو فلمقلة تاتكرمل وبدات كتكب ليهم كيفطروو 
حياة:نااري ا اقبال المدرسة اتكون بعييدة 
بة:غنمشيو على رجلينااا!!
اقبال:لااا غنكريو ليك طيارة تهزك
هبة (خسرات ملامح وجها)اصلا انا كنسخف 
اقبال:فكروو دغيااا يالله 
فطرو دغياا وناضت اقبال غسلات لماعن حدا لبييت خرجات سطل تاع لما من طواليط تغسلاتهم ودخلاتهم لداار هزات مشطة ودايرة لبنضة فمهاا وكتمشط ل هبة شعرهاا وضفراتوو ليها وكدالك حيااة قدات ليهم كتوبتهم وعطاتهم يلبسوو تدخلات الغالية 
الغالية:توما باقين هنااا 
اقبال(هزات عينيها فيهاا وهبطاتهم مجاوبااتش )دغيا غتعطلوو 
حياة:مااما شري لينا بيكالات بعدنا على لمدرسة 
حطات جلابتهاا وقالت:مبقا والو ونحولكم هناا صبرو هاد شهرااين (جبدات من بزطامهاا وعطاات لحيااة او هبة درهم درهم وبغات تمد ل اقبال)هاكي شري شي حاجة
اقبال :مبغييتش ...يالله 
لبسات سبرديلتها حتى هياا مع سروال دجين طاايب بالصابوون عريض من لتحت وقبية كبر منهاا مع ضعيفة 
الغالية:ممم نفاخة بعدا جميلك 
هبطوو وخلات غيتة مع الغالية هزات لكارطابل ديالهم كل وحدة فكتف وشداتهم من ايدهم كتزرب بييهم بين زنااقيي وكتقطع بيهم الشاارييع تضروها كتاافهاا 
حياة:اففف عيييت والله 
هبة:ضروني رجلييي 
اقبال:الى بغيتي تقرااي صبرو شوية مبقا والوو ....هاا رااه لمدرسة قربنا 
وصلااتهم وعطاتهم شكايرهم وكتوصي فحياة باش مضاربش تانيي بقات واقفة كتستارااح حتى تحل بابا لمدرسة وبدا كلشي كيدخل شرات ليهم بيموات لسترااحة ودخلوو كيجرييو كل وحدة مشات لعند صحاباتها وقسمهاا رجعات اقبال والشمش ضاربة فوجها ولا مزننك ورقات بدات كتسمع من وراااهاا عنداااك عنداااك مجااات فين الدور تدخلاات فيهاا بيكاالة تهزااات وطاحت على ضضهرهاا ولي رااكب تقلب حداهاا وبقاو روايض كيلعبو لفووق
اقبال(شدات ايدهاا)اااي ابييي اففف 
وقفات كتسوس فحوايجهاا وضارت جيهت لولد لي كيستاعد ينووض وقالت:واش مكتشوووفش 
وقف شاب يكون ف 15 عشر بشرة سمرااء حط ايديه على صدرو قوقال:سمحيليااا اختييي ....تقطع لياا لفرااان وخسرات السنسلة 
شافت فلبيكاالة ولقات السنسلة خرجات على بلاصتها وقالت:ماشي مشكيل
*يكما تقسحتييي ....عيت كنقوليك عندااك باشش تبعدي مسسمعتينيش ....سمحيليااا 
اقبال:ميسحابش لياا معايااا ...ماشي مشكيل 
تبسم ليهاا ومشا هز لبيكالة كيحاول يقاد ليهاا السنسلة تقدمات اقبال وقال:بلاتي نشووف كنعرف ليهم 
شد لكيدون وتحنات كتحاول تركب السنسلة وهزات عينيها فيه والشمش ضاربة فعينيها لبنية وشفارهاا دارو الضل تحت جفوونهاا :خاصهاا الزييت مغاديش تركب ليك 
**باش عرفتي 
اقبال:ولاش كتسول (وقفات وايديها عامرين بزيت كحل )
مشاات فطريقها كتمسح فايدهاا ولولد جار بيكالتو وراهاا توقفاات او وقف ليخرج فيهاا وقالت:شنو بغيتييي 
**والووو....طريقي هادي 
كملات طريقها ساكتة كتهمهم ب بعد لكلماات ديال اغنية تقباات من زنقة وكتسمع صوت لبيكالة وراهاا مضارتش بااقيي كان قدامها محال كبيير تاع نجاارة مخرج قداموو سدادر تاع لعوود وطباالي وماريو كيسبغ فيه تمشاات مسافة قصيرة ولقاات محال اخر ديال لميكانيييك عوجات راسهاا وتقلات لمشية وهيا كتشووف ف راجل محني هلى الطموبيل وفايدوو كروو هزات عينيها كتشوف فلمحل مكبيرش بزااف يالله كيتاسع لطموبيل وحدة فيه بزااف ديال تخربييق 

كملات طريقها ساكتة كتهمهم ب بعد لكلماات ديال اغنية تقباات من زنقة وكتسمع صوت لبيكالة وراهاا مضارتش بااقيي كان قدامها محال كبيير تاع نجاارة مخرج قداموو سدادر تاع لعوود وطباالي وماريو كيسبغ فيه تمشاات مسافة قصيرة ولقاات محال اخر ديال لميكانيييك عوجات راسهاا وتقلات لمشية وهيا كتشووف ف راجل محني هلى الطموبيل وفايدوو كروو هزات عينيها كتشوف فلمحل مكبيرش بزااف يالله كيتاسع لطموبيل وحدة فيه بزااف ديال تخربييق لكرواات وروايد هز لمعلم عينوو لقاها واقفة كتمنضر فلمحاال تقفزها بصوتو:اش حب لخااطر البنت 
هبطات عينيهاا فيه وقرباات كترمش وقالت:تخدمني عندك...بغيت نتعلم

ولمعام (كمش عينو وضحك)بان ليك انا خياااط ههه اش بغيتيي تعلمي ابنتيي 
اقبال:بغيت نتعلم هدشيي...كيعجبني لميكانيك او 
لمعلم(قاطعها و رجع لشغلو)سيرييي لداركم ابنتي سيريي 
اقبال:هانتاا غير جربنيي والله تراسي خفيف ...عفااك اعميي مخاسر والوو 
لمعلم(هز راسو)واش نتي تسطيتيي اش بغات دير بنت وسط الزيت ولاكريس 
اقبال:انا بابا كان سيكلبس وكنت كنعاونو فلعطلة وكنصايب معاه عفااك اعميي 
لمعلم:اوى سيري خدمي مع باك
اقبال:بااا ...با مااات او عندي خوتاتي صغاار كنديهم لمدرسة ومكنلقا مندير شووف جربنيي والى متعلمتش غنمشي فحالي مخااسر والووو...(هلط راسو لموطور)واااعمي ..الله اعطيك غاا صحيحتك الله اعطيك حجة 
لمعلم(سد لكابوو ككيمسح فايدو واللبسة لي لابس حالتها بلاكريس اما وجهو هلاص كان رااجل كبيير شوية عندو موسطااج وداير كاسكيط على شعرو عندو لكرش خاارجة طلع اقبال وهبطهاا وقال:مغتمشيش راك صدعتيني 
اقبال: والله متندم راه عقلي خفيف دغيا كنتعلم الى عصبتك جري علياا ...خدمني غير نص نهاار حيت كنقابل خوتاتي وكنديهم لمدرسة 
لمعلم:اخااايت على صداع الرااس ....لا هيا لاا 
شافت فيه بيأس وعطاها بضهروو وزادت مع طرييق ...في حين الغالية واقفة فسطح لابسة بيجامة طويلة وهازاها خاشياها فطراف سلييب ولابسة صندالة مبينة رجليها عامرين بيضيين وصباغة كخلة فيهم كطرطق لمسكة ووكتهز لحوايج وكتنشر فيهم تحل باب سطح وضارت ضنا منهاا اقبال تلقات نفس الراجل لي تلاقاا باقبال لتحت هاز فايدو بريكي وكاروو شاف فالغالية وتبسم وقال:السلاام 
الغالية:وعليكم السلاام 
بعد لجيهت لحيط كروازا رجليه وشعل لكارو والغالية عاطياه بضهر وفين متحناات يتبعها بعينو ف فصالتها لي تعيا تغض لبصر تجبدك من قاع لبيير كيكمي وكيتمنضر فيها مكمش عينوو وهيا كتعصر وتنش وتنشر ودندن وشعرها مسبسب وراهاا متقولش والدة ومعااودة دورات عينها ولقاتو كيشوف ضحك ليها وضحكات لييه على اترها دخلات اقباال واشفت فين كتضحك وشافت فمها ودخلات لبييت لقات غيتة ناعسة مشاات لكتوبتها وكلسات حداهم كتبكيي وتنخصص تدخلات الغالية كدير فتيليفونها فصدرهاا وقالت: اشكون مااات لي كتبكيي ....راه دويت معااك
اقبال(بحرقة وغوات)لاااش خرجتيني من قرااايتييي هءهءهء شنو درت لييييك واش انا ليي قلت لباباا سير تزوج عليييك هءهءه
الغالية:سكتي جيران كيسمعووو....اش دارو هادو لي قراااو طفروووه ملي نتي الالة تقرااي شكون بغا يخدم عليييكم هااا شكون غيجيب ليكم متحنجروو 
اقبال: شطيييحي هوا لي بغاا يوكلناا 
شداتها من شعرها وقالت:تخل لييك لفم اعوجت لمنخر هااا وليتي ترادي معاياا البرهوشة 
نتفااتهاا وهزات لكتوبة كتقطع فييهم واقبال كتحيدهم ليهاا تفاقت غيتة وبقات كتشووف مبهووضة فلوراق ليي كيتشاايرو قداامها
الغالية(كتنهج)يالله قرااي دابااا ....بنت لحراام جهلتنييي وخدم علبها وجيب ليها متاكل تاكلو فيه السم 
خرجات لبرا خلات اقبال وسط كتووبتهاا كتبكيي وكتجمع ف شعرهاا او وراقهاا حنكها حمر .....
كان عندها طموووح ...كان اجتهادها غيوصلهاا فين بغاات ...كان فقط خاصهاا اب يهز مسؤوليتها وام تدفيهاا بقبلاتهاا وتشجيعها ....ملقات والووو....
سمعات تنخصيصة من وراهاا وضارت لقات غيتة دموعها ملاقيين ملي شافت ختها كتبكيي عنقاتهاا وطلقات لعنان لبكيتها لي حبساتها تولات اقبال كتسكت فيهاا ...
جمعات لورااق ولكتوبة لي تقطعوو ومبقاوش صالحين لوالوو ...كلسات وتكات راسها على لماريو ...
وصاات ربعة وخرجات بجوعهاا عينيها منفوخين بلبكاا وحمرين ششدات طريقها تاني لمدرسة ديال لبنات فينما يبانو ليها بنات جابن من ليسي كتهبط عينيها باش مرخونوهاش دميعاتها بعد ساعة قل شوي وقفاات مقابلة مع لحيط تاع لمدرسة كتسنا لوقت يوصل متكية على شجرة تاع ديماا فيقها صوت الجرس ولباب تحل بسرعة عمر قدام لمدرسة بدراري ولبنات كيتنااقزوو جات هبة هيا اللولة وبقاو كيتسناو فحيااة لي خرجات مشنتفة كي لعاادة وشعر طاالع لسماا 
هبة:واش ضاربتي تااني
حياة:الاااا غير وريتها اش كتسواا وصاافي وخديت ليها لاااستيييك 
اقبال:وعلاااش حيدتيه ليها

حياة:وتاهيا سرقات لياا ملون صفر وقالت ليا غنجيبو ليك غدا وديت ليها تا انا لااستيييك نلقاو غير باش نلعبوو تلفازة مخدماااش 
شدات من عندها شكارة دارتها فكتفها وتمشاو كيبعدو على لمدرسة وينقزوو وصلو لزنقة ديال لميكانييك لقاتو كيشرب فاتااي شافيهاا وشافت فيه ومدات شكاير لبنات ومشات عندوو وقالت:عمي غير جربني
لمعلم(حط.لكااس كيدو. فراسو)لااا حول الله ابنتيي هادي خدمة رجال ماشي لعيالات 
اقبال:غير جربني والله مغتندم اعمييي عفاااك ...هاهوما خوتاتي (شافيهم وفحوايجهم وطلعها وهبطها )
المعلم:وخة....وخة صبااح جي بداااي ومشووفوو معاك هد دماغي خفيف 
اقبال:واش بصح ...صافي غدا نوصل خوتاتي لمدرسة ومجي عندك والله متندم 
المعلم:وخة سيري سيري 
هوا دار ليها غير خاطرها وهيا مشات فرحاانة جارة خوتاتهاا وقطعات لشارع تم لحومة ديالهم طلعو لسطح ومشات حيااة لصقاات لاستييك مع باب طواليط او الطرف لاخر بقاات شدااه وهبة حداها وقالت:نشوفو شكون غيبداا....ااااا لااا مييي ستر (دارت ايدها مقلوبة او حياة مجموعة)غلبتك انا لي نسبق شدي شدي 
هبة:وخة 
جبدات طرف لاستيك على حدوو وبدات حيااة كتنقز بلا متقيسوو وكل مرة هبة تهز لحبل مرة ركبتها مرة رجنبها كتفها تالرااسها ومخاصش خياة تقيس لخيط ولا تخسر ....
في حين الغالية كانت كدير ليهم ف لعشاا طويجين تاع لحديد تاع لخضرة على لبووطة وسخرات اقبال لحانوت تجيب لخبز ومشات كتجري جابتوو ورجعاات لقات لبنات مضاربييين فكاتهم وحيدات ليهم لاستييك بلبكاا ودخلو لطواليط غسلوو ....
تعشاو غير حياة وهبة لي كيديويو ويضحكو والغالية ايد فالطاجين وايد فتيليفون كتهدر 
الغالية: وصبري ناكل جوج دغمات ونهبط ...صاافي وخة ان شاء الله 
ناضت على لعشا لبسات جلابتها وقالت: غنتعطل بقاي فاايقة تنجيي باش تحلي علياا 
متسناتش الرد دغيا طارت فدرووج ...تعشاو وجمعات اقبال لماعن حفضاتهم كيف لعادة وفرشاات ليهم ونعسوو وهيا هزاات ل mp3 لي بقات عندها ديال شهيد خدماتهاا وهزات الرواية كتقراا ...9...10...11...12...01..02..عاد سمعات تقرقيب حدا لباب دقات الغالية وقالت:اقبااال اقبااال
وقفاا ت دايخة بنعااس حلات عليهاا ومشات لبلااصتهاا نعساات مسولاتش مقالت فين كنتي .....
يوم جديد من بعد نفطرات خوتاتهاا جمعات لفرااش وقالت:تا انا غنخدم...
الغالية(كمششات عينيها فيهاا)فاش طلااابة !! 
اقبال:غنخدم نص نهار ونص نهار لاا فلميكانيك
الغالي؛شننوو ههههه لميكانييك عندك صحتو بعداا ...شتي باش. تنكوليك بحالك بحال باك عزيز عليكم لوسخ ...كلسي قابلي خوتاتك 
اقبال:غنخدم فلوقت لي يكونو فلمدرسة ونتي اتكوني فالدار فصباااح شدي غيتة ...يالله تعطلتوو 
مخلتهاش تجاوب هبطات بجري وصلات لبنات ورجعات كتنهج عيااات وسخفات بطريييق وقفات قدام لمحال لقاتو عاد بغا يخل محس بيها توقفات عندو متنهج وقالت:هانا جيييت


هبط راسو فيها كانت كتنهج ومزنكة وقال:درتيها بصح ولا
اقبال(لا رد
المعلم:وااخة وخة يالله زيدي 
طلع الريدو والمحال مرون بسوارت ولبياس ديال الطموبييل وقال:جمعي لياا هاد رويينة باش نبداو 
اقبال(بحماس)صافي واخة 
دخلات كتقاد فتريكوو وهوا كيوريها فين تحط فين تعلق سوارت وكيوريهاا فلارقاام هادا ساروت عشرة هدا 30 وهيا متبعااه وكتتسجل فدمااغهاا وتحفض ....وقفات طموبيل قدام لمحل وخرج المعلم حل ليها لكابو وكيشوف فين كاين لمشكييل 
المعلم؛ارااي لياا صندووق تاع سوارت 
اقبال:فين كااين 
المعلم:تحت لمجر ...راه صفر جيبييه واجي هنا 
اقبال:وخة 
مشات بجريي هزاتو تقيلل مدابزة معاه حطاتو حدا رجلو وحلاتوو كانو بزااف ديال سوارت صغير ولكبير ولموسط 
المعلم:عطيني النمرة 9 
عينيها كيقلبو على 9 بزربة متعطلش مداتو ليه شاافوو وضربها لراسها بسرييتة وقال:هدا 19 ارااي 9
اقبال:ااه نسييت مشتووش ...هاهواا(مداتو ليه او وقفات حداه شافتو كيزير فلبولوون وكيشوف الزييت وهيا حاضيااه مدخلة رااسها بزز معااه ...حس بيها باغة تعلم وخة هاد لمهنة محتكرها رجال جاتو فشكل تبغي تخدم فيهاا ...بكل طااقة جمعات داك لمحاال وقدات سوارت وعلقاتهم فلحيط فبلاصتهم كتسخر ليه منهنا ومنهنا بحال شي فرااشة مزكاتش ومعيااتش يدير دورة ويسولها على شي ساروت وطير تجيبوو دغيا بدات كتعقل على كل ساروت فين حطات وقال بتعجب:قارية ا اقبااال
اقبال:اااه(باسف )ولكن خرجت 
المعلم:تالين قارية
اقبال:الساابعة ....كنعرف لحساااب والله كنت كنجي انا اللولة فلقسم 
المعلم:اوى مزيان ....سيريلداك لكناااش راااه فوق الطبلة قلبي ليا على لحاج مرزوكي وجيبي ليا نمرتو يالله طيريي
مشات كتقلب فلكتااب على سميات ونوامر والمعلم (عبد القادر)كي صلع فلموطور فلارض داخل لمحل تقفزاتو وقالت:هاهوااا 
مسح ايدوو ف لبلوزة وققف عندها وجبد تيليفون نوكيا صغير وقال مكمش عينو دوري ليييه 

شداتو من عندوو وركبات نمرتوو ومداتو لييه وجمعات لكتاب مخليا كشاكششو خاارجة فالتيليفوون وكضحك كل مسمعت منو شي كلمة 
المعلم:وحق لي ليه الحق ومتحيب لياا فلووسيي ....هااه تاحااااج تااا ....وجهك مامقبوولش تافلحبس ....وفلووسي اولد لحرااام ابلاتي نسالي لييك(حيد تيلي)قطع ولد لحرااام 
رجع تيليفون لجيبو ورجع لخدمتو واقبال كالسة قباالتوو كتشوفو اش كيصنع مرة مرة يعطيهاا تزيير شي كروو وتضاارب معاه بايديها رقاق وصغار حتى تزيروو 
اقبال:عمي نمشي!!
المعلم:انا لمعلم ماشي عمك ...صافي سيرييي وغدااا جيي يالله 
فرحات حيت غترجع ومشات كتجري مسخات ايدهاا ومشات بجريي لمدرسة لبنات لقاتهم خرجو او واقفين كيلعبوو مع لي داخلين مع جوج تشافوها ومشاو هزو شكايرهم ومشاو عندهاا 
وشدات طرييق تاني لداار مسخسة وعياات بطرييق وشمس غادية وكتسخن وصلوو وطلعو لسطح ومشاو لبيت لقاوه محلول او التلفازة شااعلة غوتات حياة كتنقز وقال:واوشكون قادهاا امااما هنهه 
اقبال:دخلو بعدااا 
الغالية:اجي تيي فييين غبرتي هاد صبااح 
اقبال:بديت لخدمة مع واحد الرااجل غير نص نهار ملي يكونو لبنات قارييين 
الغالية(ميقاات فيهاا ) ويليي ويليي شكون بغا يخدم معندك تا الصحة ....راني تقديت لييكم دوزي نصبي لغداا وعومي خوتاتك اناا خداامة ليوم وغداا محاال واش نجي ردي لبال 
باست هبة وحياة او ةغيتة ومشات كتعوج فدرووج بقات اقبال حاضيااها تمشاات وتنهدات ومشات بوقفتها غسلات ايدها ودارت ليهم لغدا اوملييط بماطيشة واتااي وكلسو كيتغداو ويتفرجوو ...بدات كتسخن فلماا وتحول لدووش وكدخل وحدة بوحدة دخلات حيااة حكاات لييهاا تولات كتنهج وعرقاانة شللاتها وخرجاتها ودخلات هبة حتى هياا حكات ليهاا عاد غيتة غطساتها فلبانيو كتلعب بلماا دافي وحيدات حوايجهاا وعامت حتى هياا نقات حالتهاا ودوشات لغيتة وخرجاتها لخوتاتها يلبسووهاا وجمعات هيا طواليط وخرجات لعندهم لبساات وكلسو كيتفرجو وهيا كتقراا فروايتهاا وبورتكلي فايدها فيه بنت او ولد كان هدية من شهيد شكون من غيروو كتلعب بيه فايدها وسهات فايام قرايتها تقفزاتهاا هبة وقالت:ختي فيا جوووع بزااف 
اقبال؛وخة نطيبو الروووز بغيتووه
غيتة:اناااا بغيتوووو ههه وفييه سينيدة
حياة:ههههه سينيدة وا سنييدة يالبوالة 
ضحكات اقبال وناضت كتعمر فلكاميلة ودارت فيها الروز يالله شعلات عليهاا طفات لبووطة تسالات سااطت وهزات لكارني وعبزات لبووطة صغيرة وهزات معاها الراس باش يركبو ليها مول لحانووت هابطة فدرووج معنقة لبوطة تالحانووت عطاها وحدة خرا وقادليها الساروت وزيرها ليهاا وهزاتها عامرة وكل مرة تحطها تستارااح طلعات فدروج وحطاتها كتنهج يالله تحنات تهزها تحطات ايد على ايدهاا حيداتها ظغيا وهزات عينيها فييهنفسو جارهم لي كل مرة ملاقيا معااه وعينيه مصافيااتش وقال:اش فيك ميهز لبوطة اجي نطلعهاا لييك
اقبال:لاا شكرااا كنطلعها بوحدي 
هزاتهاا وبغات دوز فدرووج مديقيين او خوا ليها طرييق تدازت من جنبوو وقرضها من حنكهاا وقال: طالعة زويينة بحال مك

بعدات وجها عليه وودات كتجري فدرووج تبعدات عليه او وقفات كتنهج طلعات لسطحودخلات كتزرب قلبها كيضرب حطات لبووطة وطرقات لباب
حياة:مااالك!!
اقبال(كتنهج هزات لبوطة)والو والوو 
شعلات لبووطة ودارت الروز يطيب ومشات كتحفض فييهم وغيتة كتشطح مع اغنية فالدفيدي لي خداام وكتهز فايدها وكتحرك شعرها على اساس كتجدب ولبنات ميتين عليها بالضحك حطو لعشا تعشاوو وفرشات ليهم وتلاحو فبلاصتهم مشات اقبال جبدات كتاب لفرنسية ودفتار تقطعو نص وراقو وبداات كترااجع وتخرج فالتمااريين باش متنساش على لفرونسيي وتخرج لمااط حتى طاحت فلورقة لي رسم ليها شهيد لقلب بقات كتشوفيهاا ....وجات فبالها اللقطة فاشش شافها ودخل لدارهم بحال الا مكيعرفهااش ...كان هوا الصديق الوحييد لي عندهاا مكانوش عندها صحاباات كانت كتبان ليهم معقدة ولي بغا يتصاحب معاها غير على ود لفروض لا غير شهيد كان معاها كاخ وصديق هزات لبورتكليي من لماريوو كتشوفييه مكتوب اللور لحروف الاولة من سمياتهم بلكحل رجعاتها لبلااصتها وجمعات قشها ومشات نعساات ...
فاقت صبااح بحال شي روبو كتجري منهنا ومنهنا تلبس هادي وهاديي وخاصها تدي معاها تاا غيتة معندها لمن تخليها طريق بعييدة امتا غتوصل ...فطراتهم وخرجو كيتساابقوو فدرووج هازة غيتة فايدهاا كان لحال مزااال ولكن يالله توصلهم وترجع 
اقبال:فلعشية انخدم ولكن اتمشيو وتكلسو حدا لمحل متبقاوش بوحدكم صافيي !! نسالي ونرجعو
حياة:ملي تخدمي تشري ليا بيكاالة
اقبال:واخة 
هبة:اووف عيييت والله علاش تحولنااا تتت 
سكتات مجاوباتش وصلاتهم ويديها طاحوو بغيتة لي مركباهاا ومدورة لحمال لصدرها بقات معاهم تدخلوو لمدرسة ورجعات ادراجها حطات غيتة باش ترتااح وششدات لحمال فايدهاا تسمعات تصفاار وقفات بيكالة حداهاا وهزات عينيهاا لقاتو نفس لولد لي ضربها بلبيكالة كيبتاسم ليها وققال: جاارتي 

يتبع...

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.