كلفتني غلطتي الجزء الخامس

من تأليف JiHaNé SouMā
2020

محتوى القصة

رواية كلفتني غلطتي

سيلين لونها مخطوف و هي كتشوف فرقم دلمدير ديالها..

لي من نهار عطاها ديك لمهمة دلحفلة ..

ما بقات بانت

سيلين بثوثر فتحات لخط: الو !

احمد كان كيراجع وراقو سمع صوتها وهو يحطهم : أهلا مدموزيل سيلين ؟ اش هاد لغبرة ؟

سيلين كضور فعينيها : هي صراحة ..

قاطعهاا : صراحة هي تبارك الله عليك لحفل كان ممتاز كلشي شكرو و تزادو عندنا طلبات كثاار امتا غادي تقدري تجي ؟

سيلين : علاش ؟

احمد : كيفاش علاش ؟ رآه خاصك تجي لخدمتك ! باغي نعطيك مهمة دحفلة خرى حتى هي ديال رجل أعمال ..!

سيلين يلله غادي تنطق حتى كتسمع شي حاجة تزدحاات كان جاد لي لقاها قدامو كضربها مع الأرض حتى كتولي فراتت صغار ..

ديك ساعة قطعات على احمد و خشاتو فصدرها بعجرفةة و خرجات من داك لمكتب بسرعة و قصدات غرفتها دخلاات ليها و جلسات فوق ناموسية ..

سيلين : هوووف لحمدلله محسالنيش !

تفكرات خدماتها : معرت اش درت فحيااتي حتى لحلم ديالي لي كنت كنحلم بيه من صغري مشاا ..!

سكتات مدة من زمن و هزات راسها بتحدي: ولكن كنحلف ليك اسي لقتال حتى ندمك على هادشي كامل ..! غير صباار عليا و تسنا دقتك ..!

جمعات لوقفة و هي عازمة ترجع حقها ! حيدات داك تيلي ديالها من صدرها..

و نسلات حوايجها و دوشات بالخف و لبسات عليها كسيوة قصيرة سميطات فصفر ..

و هزات شعرها كودشوفال ..

و خبات تيلي ديالها فدوش بالضبط فواحد لمجر من دوك لمجورة و خرجات لقاتو كيكمي..

فلاطيراس خنزرات بينها و بين نفسها ..

و مشاات لكوزينةة لقاتها مشقلبة كلشي مهرس و لخدامة كتجمع فداكشي سيلين تنهدات على هاد لمخلوق لي طاحت فيه ..!

سيلين تحنات عند لخدامة : نعاونك ؟

خدامة هزات عينيها فيها بسرعة : لا لا مكاين لاش غير رتاحي ليك انا غادي نقاد هادشي دباا ؟

سيلين هازة حاجبهاا و هي كتشوفها كيفاش كتزرب فلهضرة : تي مالكي كترعدي !

حطاات يديها على تحت ذقنها فحالا كتفكر و خدامة كتشوف فيها باغا تعرف أش غادي تصنع ..!

تلافتت عندها بسرعة فحالا طاح فبالها داكشي لي كانت كتقلب عليه : لا متقوليش لياا داك لقتال هو لي مركب فيك رعب ..!؟

خدامة خرجات عينيها و يلله غادي تجاوبها ..

و هوما يقفزو بجووج مخرجين عينيهم ..

وسيلين زادت خرجاتهم مني سمعاتو كيعيط ليها هي بدات ..

بصوتو لحاد لركب فيها الرعب ...

جاااد من لاطيراس بالغوااات لي تسمع فالارجاء لمكان كامل : سييييليين ..!


جالس فللوطو ديالو وحاط راسو على لفلون مزير عليه وعقلو خدام كيحلل ويناقش كيحس براسو فاشل..!

ما قادر يدير والو ليل كامل منعسش ..! وهو كيفكر فداكشي لي سمعو ودينيه ..! و ياريتو مسمعش ..!

قلبو كيتقطع طراف مني كيتفكر لماضي و مأسااتو..! عينيه من لتحت رمادين مايلين للون الأسود..!

بصيف وهو ليل كامل و هو على وضيعتو من بعد مكانو قدام لبحر..!

و عاودات ليه كلشي و مني سالات نعسات ليه فوق كتفو لدرجة مقدرش يهزها اه هو فشل !

هزها و يديه كيترعدو ممتيقش اش سمع..! باحرى مباغيش يتيق..!

حطها فللوطو و كسيرا و دمعة فطرف عينيه..! حتى وصل لفندق قريب كان داك الاوطيل ديالهم..! دغياا وجدو ليه لاشومبغ..! حطها فيها و غطاهاا و ورجع للوطو ..!

و من ليل و هو جالس تمااا و مكيتحركش غير قلبو لي كان كيضرب بوثيرة سريعة فحالا غادي يخرج من بلاصتو..!

ندم ! بقا فيه لحال ! شنو دنبو كاااع ! الى كان هو جزء من لماضي ! اش دار فحياتو حتى يتعاقب بشي حاجة كتعنيه ! فعلا حتى هو رآه داق من نفس لكاااس ! معمرو نساهاا ! كانت ديما فبالو ! صافي دباا هو ولا يعرفها شكون هي ! و علاش رجعات ! و شنو هدفها !

داكشي كامل رجع ليه تيتنهد بعمق و رجع راسو لكوسان لور و غمض عينيه و داكرتو رجعات بيه للور..

🍷تتمة فــــلااش بـــااك ...🍷

هزات يديها بجوج و ضرباات فاضمة لكرشهااا

حتى جااا وجههااا مع لافاابو و تسمعات بااق ..

ودم خاارج من جبهتها بكثرة شااق طريقو ..

ديك ساعةة فاضمة طااحت جثة هاامدة ..

مغما عليها مغمضة عينيها و دم دايز شلال ..

لنفس لوقيتة لبنت خرجات من طواليط كاملة معطوبةة غير شافت فاضمة و هي تشهق حاطة يديها على فمها ..

لبنت قربات شدات ليها فاديها و هي عريانة : اش درتي ؟؟

تسنيم كتشوف ففاضمة مصدومة : دبا انا وليت قتالة جوج ديال لمرات ؟

لبنت عرفاتها باقا مصدومة داكشي على هزات صبعها و حطات صبعها على نيف فاضمة و بتاسمات : لا نتي مقتلاش راها باقا حية !؟

تسنيم هبطات شدات لبنت فاديها : و علاش محلاتش ليها ايديها ؟
لبنت طبطبات على يديها كمطنها : متخافيش خاصها غير تمشي لطبيب و غادي تولي مزيان

تسنيم يلله غادي تنطق حتى تسمع صوت سوارت دلباب دلقفل تحل من طرف شرطياات دخلو وحدة منهم هزات لبنت من الأرض هكاك عريانة و لخرى هزات تسنيم

شرطية بالغوات : شكون لي ضرباتهاا ؟؟

لبنت بسرعة : انا انا لي ضربتها !

تسنيم خرجات عينيها و هزات راسها بلا : لا غير كتكذب أنا لي دفعتها ..!

لبنت : لا انا لي دفعتها ..

شرطية بصراخ : صافي سكتوناا بجوجكم غادي تعاقبو !

تسنيم هزات راسهاا بلا علاش لبنت غادي تعاقب و هي مدارت والو : و ولكن ..

شرطية بحدة : مكاين ما ولكن ..

ديك ساعة خرجو تسنيم من ديك طواليط و خلاو لبنت و فاضمة فيها حتى جااو الأطباء دسجن وهزو فاضمة و شرطية دات معاها لبنت ..!

خرجو تسنيم من تما و سجينات كيضحكو قليل لي بقات فيه ..رجعوها لسجن لإنفرادي و ولات كتاكل لعصا مضاعفة كثر و كثر من لول و لماكلة قلالت..!

دازت اربع شهور بالحسااب !

فنفس لوقيتة و فنفس لحضة لي كانت فيها تسنيم ديك لوقيتة كتاكل لعصا..!

كان داخل نايف من باب آخر و معاه مجموعة من لبنات و دراري هازين فاديهم كاميرات و داكشي دتصوير ..!

دليل على انه عندو فيلم فنفس السجن جااي بكل طولتو و ريحتو سبقااه ..!

حتى لمح بنت شعرها طويل و فايت مؤخرتها هاابط مسبسب على ضهرها ..! وقف لحضة سااهي فشعرها محس براسو حتى وصل لعندها ..!

و شباب لي معاه كيشوفو فيه ..

دار اشارة بإيديه لشرطي لي كان كيضربها باش يمشي و غوت ليه فوجههو و هو معصب و كشوف فلحمها كيفاش زرق بقوة لعصااا ..

قرب ليها يلله باغي يبعد خصلات شعرها من على وجهها حتى وعا على راسو و شاف فدوك لي كانو معاهم ..

نايف : غير سيرو أنا غادي نتبعكم ..

داكشي لي كان مشاو ..و هو عاد رتااح و حيد ليها خصلات لي طايحين ليها على وجهها هزات عينيها فيه حتى كيتصعق من لونهم لي غرق فيهم و سهاا فيهم و مقدرش يقاوم ديك لكمية ديك لمشاعر لي نزلات عليه بصدفة ..!

نايف مصدوم : واش هاذو عينيك ؟

تسنيم هزات راسها باه و نطقات بأنوثة بصوت رقيق مجروح : عفاك خرجني من هنا ..!

كان صوتها كافي يخلي قلبو يضرب كثر كثر واش هذا حب من نضرة الأولى ! إعجاب ؟ الله وعلم حتى هو ماعارفش هاد الاحساس لي كيراودو ..!

نايف حرك راسو بالإيجاب ومسح ليها على شعرها بحنية : كنواعدك مغاديش نخليك هنا ! و غادي نخرجك..!

شافت فيه مبهوضة : و واش بصح ؟ ا امتا ؟

نايف بهمس باس ليها فوق راسها و هي غمضات عينيها حسات بكلامو فيه لمسة د صدق : فاأقرب وقت ممكن ! غير تسنايني ! نلقا لفرصة كيفاش ! و مغاديش نخليك هنا كنواعدك !

تسنيم بابتسامة امتنان : شكرا ..!

بادلها نفس الابتسامة و هو غارق فعينيها فحال شي حوتة لي متقدرش تقنع من لما و متقدرش تخلا عليه هذا هو حالو فهاد اللحضة مكرهش يبقا معاها .. !

و يبقا غير ساهي فعويناتها لي دوبوه ! و شعرها لي جبدو ليها كثر عنقها بجنب و عاود باس فوق راسها و مشا من تمااا ووصا شرطيين باش حتى واحد مايقيصها ولا غادي يكون حساابو عسير ..هابط مع داك لكولوار وهو مرفوع كل تفكيرو هو تسنيم...

لدرجة نساا ديك لمجموعة لي جات معاه و مشا للوطو ديالو و كسيرا غادي لوجهتو لي كان مورادها هو خرجو تسنيم من داك سجن ..!

مع خرج مع دخلو شرطيين هزوها من تمااا غادين بيها لسجن الجماعي ..

لاحوهااا تما مع هزات عينيها مع خرجاتهم على جهدهم و هي كتشوف ففاضمة كيف مخنزرة فيها و مدورة بيها قشلة دلبناات...!!

و فاصمة مولية ليها على راسها

فاضمة حطات يديها على ذراع لبنات لي معاها و ناضت بزز ضلوعها مازال كيضروها : على سلامة ..! تعطلتي ؟ متوحشتينيش !

تسنيم هزات راسها بلا ..

فاصمة بتاسمات بخبث و هي كتشوف فشعرها : هممم واخا غادي دوز سيمانة و هاد سيمانة بضبط غادي نصح فيها و نفرجك (غوتاات بجهد و هزات صبعها سبابة كتحذير) و دباااا طيري قااودي عليا من لييوم غادي تولي تنعسي فطواليط ! و حتى وجههك غادي تولي تغسلييه بلماا و مخلط معاه جاافيل ؟ و نتي لي غادي تولي تشقااي و تجفي و تصبني و ديري كلشي (سكتات شويا و عاودات غوتاات) و حتى من رجلي غادي تولي تغسيليهم ليا واش مفهوم ؟


تسنيم مخرجة عينيها ديك ساعة هزات راسها باه و دخلاات لطواليط مخلية سجينات كيضحكو عليها حيث غادي يتهنااو من شقاا ...!

مكملاش حتى ثلاثة دقائق حتى حطو ليها باش تجفف دغيا نزلو دموعها و بدات تبكي بصمت..هزات داكشي و تحنات كتجفق على سعدها ..

دازت ديك سيمانة طايرة و تسنيم نهار على نهار كيتزاد عليها شغل كثر ! ولكن صابرة و كتسنا بفارغ صبر امتا غادي يهربها نايف فنفس نهار كانت تسنيم كتغسل وجهها بلما مخلط مع جافيل..!

في طواليط لي كتنعس فيها هزات راسها فلمراية حتى كتخرج عينيها و هي كتشوف ففاضمة هازة فاديها لمقص و معاها جوج ديال د لبنات قبل ما ترجع بللور دوك لبنات طارو شدوها من دراعها مزيرين عليها ..! و فاضمة مبتااسمة ابتسامة عريضة حاملة فطاياتها بزاف دشر و الحسد ..!!

فاضمة و هي كتلعب بداك لمقص فاديها : هممم قلت ليك سيمانة و غادي نتوكد معاك ! ها ! (غوتاات ) انا فااضمة لي لبنات كيموتو مني تجي نتي دفعيني و صيفتيني لسبيطاار گااع ..

تسنيم عينيها على مقص كترجف : عفاك عفاك متقربيش ليا !

فاضمة كتزيد تقرب ليها : منيتك ؟ اناا عاد باغا نلعب و نتي كتقولي ليا متقربيش ليا كضحكي عليا ؟

شافت فيها بترجي : عفاك ندير لي بغيتي ! غير متقربيش ليا كنترجااك انا نبقا نشقا و نطيب و ندير كلشي ولله !

فاضمة هزات راسهااا بلا و بسرعة لبصر شداتها من شعرها كدي و تجيب فيها : مستحيل هاد شعر لي عاجبك ! مستحيل يبقاا !

تسنيم كتبكي بهستيرية : لا لا عفاك مديريهاش ! شعري وصاتني عليه ماما قبل ما تموت عفاك خليني نحافظ على وصيتها ...!

فاضمة بدون ساابق انداار طلعات فوق واحد لكرسي و هزات ليها شعرها حتى لفوق...!! و تسنيم كتنتر منهم و كتبكي و تغوت و طلب فيهم ولكن معامن كانت فااضمة حسكااات ليها شعرها من جدر..!!

و شعرها كامل ولا بين ايديه فااضمةة و تسنيم طلقاات صرخةة قويةة لي تسمع صداها فكل مكاان حتى طيوور طارو من بلاصتهم والأخير صوتها نخافض و بح ..و نطقات

تسنيم بعيون دامعين و بصوت مقهور : الله يخد فيكم الحق ..!

كانت آخر كلمة قالت قبل ماطيح سخفانة ..

داز داك نهار و جاليل لي غادي يقلب كلشي بدات تتحل عينيها وراسها عطيها صداع كيزدح تقول كانت كتحاارب تكعدات جالسة كتحك عينيها ..!هزات يديها باغا تجمع شعرها کيف مولفةة حتى كتلقاا ريح !

اه هي كان كيصحاب ليها شعرها تقطع ليها فلحلم ! ولكن لواقع حاجة !

كانت صدمة قوية لي تعرضاات ليها فحياتهاا لدرجة نهار قتلات داك سيد و متصدامتش كيف دباا ..!!

فعلا وصية الام ديالها لي عطاتها لي قبل ماتوفى مشات تبخراات..! فحالا داك شعر عمرو ما كاان ..!! حطات يديها على فمها كتبكي و تشهق على حالها شعرها هو آخر رزاوه فيها ! و مرحموهااش !


جمعات لوقفة و هي فحال شي جثة غير كتمشى و حاطة يديها على راسهاا لي ولا فحال ديال درااري و تقطيعة ممقداداش شي طالع شي واقف و فنفس لوقت كتفكر دوك سجينات لي كانو كيضحكو و يتشفااو فيها ! و قليل لي قطعات ليهم فقلبهم !

و قفات فطواليط كتشوف فشعرها كيف مليوح فالارض فحالا معمرو كان ! طاحت دمعة حارة على خدها كتعبر على بزاف دالحوايج منهم لحكرة ! بنت فلعشريناات عاشت جميع انواع العذاب هزات رااسها و مسحات دموعها بعجرفة و شافت فلمراية بتحدي ..!

تسنيم : غادي نخرج من هناا بوحدي ! و هذاك لي قال ليا غادي نعاونك و مجاش معمرني نسمح ليك ! كون جيتي كيف عطيتيني لكلمة كون دباا شعري مازال كاين و معمرو تقطع الله ياخد فيكم لحق كلكم ..

بسرعة سدات داك لباب دطواليط و بلحس مع لعلم هاد ساعة كلشي نااعس لمحات شرجم كاين تما ولكن مسدود طلعات فوق لافابو.و هي كترجف و كنتمنى ميشوفها حتى شي واحد اصلا فديك لوقيتة كان ليل ..!

و بدات تتحل فيه بشوياا ديك ساعة تحل ليها ولكن كان عاوتاني شرجم آخر ولكن كان عاامر بزااج حلاااتو بتحدي و هي عازمةة تخرج من هاد لبلاصة لي تبلات بيها تعلقاات فدااك شرجم و تنفسات بعمق و حطاات رجليها على دااك زااج حتى دم طااح شلال فحال دبحتي شي خروف..!

غمضات عينيها بآلام و صبراات و ققفات على داك زااج و هي كتشوف فداك سور شحال باقي طويل ..!

ديك سااعة تلاحت من داك سوور حتى جاات على كرشهاا دغياا ناضت فحالا ما وقع والو همها لوحيد هو تنجاا بروحها و متبقااش فهاد لبلاصة مشات تتجري غاذا قاصدةة باب لخروج و دم تابعهااا دارت داكشي لي مقدراتش ديرو حتى شي سجينةة غامرات بحياتها باش خرجات ..!!

فنفس لوقيتة كان ناايف جااي ناوي يخرجها و معاه واحد دااير لتام على وجههو و حتى نايف داير داك لتاام و فاديه فردي سول فإينا بلاصة كاينة هي واخا مكيعرفش سميتها إلا انها وصفهاا غير بشعرهاا طويل !

فديك للحضة و فنفس لكلواار بذات دازت تسنيم من حدااه و مدورة وجهها لجيهة لاخرى مع دار مع شافها كتجري قبل ما يتبع ليها لعين و يقول بلي نفسها! عقلو قالييه ماشي هي و قلبو كيقول نفسها هي ! تاكد بينو و بين نفسو و قنع راسو انها ماشي هي و لي سكنات قلبو شعرها طويل ! دازت من حداه بسرعة لبرق و مشافتوش ..!!

خرجات من داك لباب بجراا و دم تابعها حتى وصلاات لبراا شدات طاكسي بطليب و لبكاا و مشات عند سوسن لي كانت حالتها و ضعافت صدمة كانت قوية مني شافت شعر تسنيم لي تقطع بدم بارد بكاات فقلبها و كمداتهاا و هربات هي و صاحبتها لبلاد اخرى لهي الايطالياا ! و فرانسا كانت بلاصة لجحيم لي عاشت فيه تسنيم و معمرها تنساا ديك جهناام لي ملحقاها...! هربو و مخليين موراهم واحد طاح عليه ديك لخبار كيف صااعقة لبنت لي بغاها من نضرةة الأولى هرباات ..! كلمة هرباات هرسااتو كثر و كثر ..

🍷 نهاية فلاش باك 🍷


حل عينيه بحزن هبط من للوطو و خرج غادي قاصد..

غرفة تسنيم حط يديه على لباني بشوياا..!

باش لا كانت ناعسة متفيقش دخل عندها بخطواتو و جلس قدامها..

فسرير مربع يديه مهزوم و مركز شوفةة فشعرها قلبو ضرو عليها ..!

و تأنيب ضمير كياكل فيه من لداخل بلا ميحس حط يديه على حنكها و بقا كيدوزها بحنيةة ..!!

دازو دقائق و هو غير كيتأمل فيها و يطبطب على حنكها حتى بدات تتحل عينيها ..!!

فور ما حلات عينيها بعد يديه و جمعهم عندو جات عينيها فعينيه خنزرات فيه و تكعدات ..!!

تسنيم و هي كضور عينيها فلغرفة : لاش جايبني لهنا ؟

نايف بلهدااوة : لبارح نعستي على كتفي و ميغيتش نفيقك ..!

تسنيم مخنزرة : شكيت عليك ؟

نايف غير خاضيها : صمت ..

جمعات لوقفة قصدات لحمام غسلات وجهها و نشفاتو ..!

و قدات حوايجها و خرجات عندو ديك ساعة لبساات سبرديلتهاا بلا ما تعطيه أي اهتمام..!!

تفكرات سوسن بلي تقدر تكون بوحدها فلوبيطال تعصبات حيث فسباابو حتى وصلات لهنا ..!

نايف قرب ليها : فين غاذا ؟

تسنيم مكتشوفش فيه : و نتاا سوقك ؟

نايف بعيون نايمين : تسنيم ..!

تسنيم ببرودة : كاين شي منقضيو ..؟

يلله غادي يجاوبها و هي دوز فيه و خرجات شدات طاكسي غادا لوجهتهاا..! لي هي الاباغطومو ..!!

تبدل حالتها و من بعد تمشي عند سوسن ..

خلات مورااه وااحد قلبو عامر و ربي لي عالم بيه..


متكية على كوسان و فنفس لوقت حاطة راسها على الزاج و ساهية ..

و فجنبهاا جالس عماد لي غير مركز مع السوكان و مرة مرة يخطف فيها شوفةة ..

كان صمت عم لمكان فقط صوت انفاسهم و تنهيدات سوسن لي كل شويا تنهد ..

قاطع صمتهم غير صوت لفران ..

عماد كيشوف قدامو : رآه وصلنا !

تلافتت عندو و شافت حوليها سهات فطريق داكشي علاش مرداتش لبال انها وصلات : واخا

يلله باغا تحل لباب تهبط ساعة زرب عليها و شدها من دراعها على حساب يديها لمهرسةة..

عاونها وهي كتنعت ليه فإينا طابق و هو كيطبق حتى وصلها الاباغطومو ديالهم جبد ليها لاكارط من صاكها و حل ليها لباب و دخلها ..

جلسها فوق لفوطوي يلله باغا تشكرو حتى لقاتو طاار و خرج فحالو..

تنهدات و جمعات لوقفةة وطلعات لطابق لفوقااني و بدات تتحل لغرف ..مع كل غرفة كتحلهاا كتلقااه خاوي و لفراش مقاد ..!

دال على انه منعسوش فداار..هزات حاجبهاا مستغربة !

سوسن : فين مشاو هادو

سكتات مخرجة عينيها : أويلي ياكما مشاو عندي لسبيطار و ملقاونيش ..ولكن رآه دبا غير صباح فين ايكونو مشاو ..!

ميلات شفايفها بعدم فهم...

و تفكرات فاش قاليها عماد رآه عندهم شي شغل

و هبطات مدردبة مع الدرووج و كتنادي عليهم لعلى وعسى يكونو : سيلين ..! تسنيم ..! صفاء ...

هاد الاسماء بقات كتعاود فيهم ولكن حتى شي واحد ما جاوبها ..

جلسات فوق داك لفوطوي دقائق وهي غير جالسة كتسنا دخل فيهم شي وحدة حتى سمعات تقرقيب فلباب ناضت حتى كتشوف قدامها تسنيم داخلة ..

تسنيم هزات عينيها فيها لقاتها فداار تعجبات : امتا خرجتي ؟

سوسن : أءء؟؟ خرجت غير ليوم فصباح..!؟

تسنيم : وشكون جا معاك ؟ جات معاك سيلين ؟

سوسن باستفهام : كيفاش سيلين ياك نتوما ..

قبل ما تكملهاا لقات تسنيم مشات لكوزينةة ..

وحلات ثلاجة و جبدات قرعة دلماا و نزلات عليها.. !

سوسن دخلاات عندها : فين هوما لبنات ؟

تسنيم حطات ديك لقرعة : و انا باش غادي نعرف ..!!

سوسن هزات رأسها باه : و نتي فين كنتي ..؟

تسنيم ببرودة : كعما نعست فداار و صافي ..!

سوسن هزات يديها لمهرسة و حطاتها فوق يديها لاخرى : وفين نعستي ؟؟

تسنيم ببرودة : مكيهمش...!

سوسن تنهدات : من ايمتا وليتي كتخبي عليا ..؟!

تسنيم عطاتها بضهر تمات خارجة ببرودة : من ديما ..!

سوسن عينيها غرغرو و هي كتشوف في برودها عاد مازاد كثر كمداتها فقلبها و كبحات دموعها وخرجات من ديك لكوزينة و رجعات جلسات فلفوطوي مقابلة مع تسنيم لي شعلات تلفازة كتفرج ..


على برى..

واقف زيد و مقابلها معاه صفاء بكسوة طويلةة فايتة ركبة فالاحمر...!

مع لعلم ديك لبسة لي كانت لابسة قبل تقطعات ليها كاملة فلجرف..!

و مني كانو جايين فطريق وقف للوطو و دخل لواحد دلمحل د لحوايج ..

وهو بنفسو جاب ليها ديك لكسوة حتى للوطو و خرج منها و هي بدلات فيها ..

و زاج كان فيمي مكيبان والو ..

صفاء حنحنات : حم شكرا ..؟

زيد بتاسم ابتسامة جانبية : غير خليها عندك ..!

خرجات فيه عينيها : يااه شحال ما فيكش صواب ...!

زيد ربع يديه : حتى هو خليه عندك تقدري تحتاجيه فلمستقبل ...؟

عطاها بضهر و ركب فللوطو ديالو و كسيراا.. تبعات ليه لعين حتى مبقاتش كتبان للوطو ديالو ..

مخليها مخرجة عينيها فهاد شخصية لمزاجية يلله كان لبارح حنين دغيا تقلب..

صفاء ميلات شفايفها : شو كيدااير تفوو كون غير بقيتي حنين كيف لبارح ..ما فيهش صواب يخ..

هزات كتافها بلا مبالاة و دخلاات لالاباغطومو حلات لباب كتسمع صقيل ...

سدات لباب و دخلاات بخطواتها حتى وقفات عليهم ..قشعات إيد سوسن و هي تشهق..

صفاء قربات جلسات حداها : اش وقع ليك ..؟

سوسن فحالا خويتي عليها سطل دلما بارد : يعني نتي ماجيتيش عندي ...؟

صفاء هزات راسها بلا وهي كتقلب فإيد سوسن ..هاد الأخيرة لي دموع تجمعو ليها حسسوها بلي غريبة عليهم..

لدرجة ماجاوش عندها كون مكانش عماد كون بقات تما و حتى واحد ماتسوق ليها ..!

سوسن شافت فتسنيم كابحة دموعها : و حتى نتي ماجيتيش ياك ؟

تسنيم مركزة مع تلفازةة ممسوقاش ليهم ببرودة : جيت و مشيت ..!؟

سوسن بلعات ريقها : و و سيلين ..؟

تسنيم ببرودة : مافخبارهاش ..!

سوسن حسات فديك اللحضة فحال موس تغرس ليها وسط قلبها غمضات عينيه و نزلو دموعها ..

حسات براسهاا انها وحيدة و حتى واحد ممسوق ليها شكون غادي يقول ليها بلي كل وحدة و أش واقع ليها ..

و هادشي كامل على عينيه صفاء لي غير كتشوف ما فاهمة والو...

يلله باغا تنطق و تقول ليها بلي وقع ليها مشكيل داكشي علاش ما ساقتش لخبار ..

حتى جمعات لوقفة ..

سوسن قالبة وجهها لجيهة لاخرى : انا غادي نطلع نرتاح ..!

قبل متجاوبها صفاء كانت طالعات تتجري كتبكي ..

صفاء تبعات ليها لعين حتى مبقاتش كتبان ..؟!

قربات حدا تسنيم و نطقات ..

صفاء ما فاهمة والو : مالها ..؟؟

تسنيم ببرودة : رآه وقيلا بغات ترتاح ..؟

صفاء عضات شفايفها و دورات وجهها لجيهة لخرى كتسوط ...!

صفاء تلافت عندها : وفين سيلين ..؟

تسنيم بهدوء : معرفتش ..!؟

صفاء عاودات عضات شفايفها مفقوصة جمعات لوقفة و طلعات لبيتها...

و تسنيم رجعات تركيزها مع تلفازة ...



خدامة خرجات عينيها و يلله غادي تجاوبها ..

و هوما يقفزو بجووج مخرجين عينيهم ..

وسيلين زادت خرجاتهم مني سمعاتو كيعيط ليها هي بدات ..

بصوتو لحاد لركب فيها الرعب ...

جاااد من لاطيراس بالغوااات لي تسمع فالارجاء لمكان كامل : سييييليين ..!

لخدامة موسعة عينيها : أش درتي ..؟

سيلين ميقات فيها : تي اش درت كااع رآه غا بوحدو اجي بغيت نسولك ؟

لخدامة هزات رأسها باه : سولي ..؟

سيلين قربات ليها و نطقات بشبه همس : دباا بروجولة شحال ونتي هنا ؟ يعني غادي تكوني كتعرفي عليه شي حاجة ..! قولي ليا عندك شي فيديو دشي جريمة ديالو ..

لخدامة وسعات عينيها على سعدهم و هي كتقول فخاطرها هادي اش كتخربق قبل ما تنطق سبقاتهاا سيلين ..

سيلين : و غير قولي حتى نتي بيناتنا سر كنواعدك متخافيش مغاديش نخليه يقتلك ..! عندك شي فيديو ديالو نغرقو فلحبس و نخرج انا من هنا ..؟

لخدامة دوخاتها مافهمات والو : الله يودي اشمن قتيلة و سي جاد شهوة منو ..!

سيلين حالة في فمها : وقيلا صماكيت عاودي اش قلتي ..؟؟ لا ولله حتى صماكيت الله ياربي و انا ودني محتاجاهم ..!؟

لخدامة يلله باغا تنطق حتى سمعو عاوتاني صوتو لحااد : واااش مغاااديش تجي ...؟؟

لخدامة : ويلي تعطلتي ؟ سيري زربي سيري ...؟

سيلين عطاتها بالضهر تمات غاداا خارجة : هانا غاذا و مالو غادي يخلعني اوا صافي هادشي لي بقاا ..

خرجات من لكوزينة و خلات لخدامة معجبة بيها تنهدات و هزات راسها بلا حول و كملات شغلها..

سيلين طلعات لاطيراس حتى وقفات عليه و هو عطيها بالضهر كيكمي حس بيها جات و هو يطفي داك لكارو لاحو و تلافت عندها مخنزر ..

جااد : واش انا غادي نبقا نتسنا ساعة باش توصلي..؟؟

سيلين كضور عينيها على لاطيراس عجبهاا: نجي لوقت لي بغيت نتا لي معيط ليا اذن قول اش باغي خليني نمشي فحاالي ..!

جاد هز حاجبو : اش قلتي ..؟

شافت فيه كتسوط : كيف سمعتي ..؟

جاد تكى على داك لفوطوي ولاح يديه عليه : توحشتي لعصاا ...؟

سيلين عصبها نطقات بهمس : توحشك لموت ان شاء الله القتال ..!

جااد : نعاام ؟

سيلين خنزرات فيه : والو ؟ اش بغيتيني بسلامة ؟؟

جااد بادلها نفس تخنزيرة و كثر كااع : جلسي ..؟

سيلين بعناد : لا ..!

جااد عقد حواحبو مخنزر : مبغيتيش ..؟

سيلين بتحدي : لا هي لا ..

بلمح البصر جمع لوقفة و بحركة سريعة شدها من خصرها و قنتها مع الحيط لي فلاطيرااس و هي مغمضة عينيها ..

جاد بصوت جاف : إوا هانا جيت حتى لعندك ..؟؟

سيلين خرجات عينيها : بعد مني لهيه ..!

طرطق عنقو بايديه و هو مزير على خصرها حتى كتأوه بآلم : و إلى مبغيتش ؟

سيلين هزات عينيها فيه مخنزرة : بزز منك غادي تبعد ...؟

بدا كيقرب منها باغي يقيس شفايفها و سيلين كتبلع فريقها .. حتى كيقاطعو لفون ديالو لي بدا كيصوني بعد عليهاا ووقف جيهة لاطيراس و هو مكره جبدو من جيب دسروال وهو هاز حاجبو مخنزر و زاد هزو مني شاف المتصل ..!


طول شوفة فلفون ديالو و هو مخنزر فرقم دجاسمين لي

صونات ليه كثر من عشرة لمرات فهاد نهار فتح خط سااخط ..

جاد : وي ؟؟

جاسمين لي كان طايح عليها ضيم و متكيةة حتى كتنوض قافزة من كتسمع صوتو : حياتي جااد ! توحشتك بزاف ولله ! واش مغاديش تجي ..؟ دار بلا بيك خاويا ولله ! عفاك اجي ..! بعدا نتا بيخير ؟ كتاكل مزيان ؟

جاد تنهد : وي صافا ؟ و نتي ؟

جاسمين مبتااسمة و هي كتحسو انه مهتم بيها : صراحة مكنتش لاباس ولكن مني جاوبتيني وليت فوق صاافا ..جاد عفاك جي ولله حتى مرضت و مبقيتش قادرة نبقا جالسة بوحدي ؟ واش عندك لخدمة بزاف ؟

جاد عض شنايفو : وي عندي ! مي مني نسالي و هاني معاك ..؟

جاسمين ابتسامة مفرقاتش وجهها : اش بالك نمشيو لندن ندوزو هاد العطلة تما منها نيت ترتاح شويا ؟؟

جاد بحدة : لا

جاسمين بلعات ريقها : و واخا لي بغيتي احبيبي ؟

جاد مسح على راسو : يلله باي...!!

جاسمين مبتااسمة : باي كنبغيك ..!

جاد مجوبهاش قطع الخط ..و تلافت عند سيلين لي غير شافتو جااي عندها دورات عينيها بسرعة على لبلاصة و هي تقشع طااس دلفوااكه و حدااه موس ديك سااعة مشااات بجريةة هزاااتو و حطااتو على ايديها ...

سيلين : ولله و تعاود تبوسني حتى نتاحر..؟

جاد شاف فيها موسع عينيه : اش كديري ؟؟ حطي داكشي من إيديك ؟

سيلين كتزيد تقرب لموس لإيديها : لا

جاد جنون كيلعبو فوق راسو : حيدي داكشي من إيديك بلا ضحك لخاوي ...؟

سيلين : و انا قلت ليك لا هي لا ؟

جااد جمع يديه على شكل قبضة :راني هضرت معاك ...!

سيلين : صافي حتى لهنا و حبس اش كيصحاب ليك راسك نتاا كااع اش تكون كااع ! حتى فيماا دور تحط فمك عليا ؟ هااا ! ولا كيصحاب ليك انااا ق*حبةة ؟
جااد بالغوات : وي نتي ق*حبةة و بيتش و عاهرة و جمعيهم كاملين ايعطيوك انك رخيصة ؟ و مكتسوااي والو ! و مجرد عاهرة كتباني فنضري ؟ دباا مزياانة..!

سيلين فحالا شديتي شي مووس و غرستيها ليها فقلبها ..

كتحس بدم تجمد ليها فلحمها و قلبها تقطع طراف طراف حسات بكلامو جاارح و خاارج من قلب..

اه بصح اش كتسمي راسها و هي جالسة مع راجل فدار وحدة بدون علاقة شرعية..! عينيها غرغرو من كلامو لي كان بالنسبة ليها قاسي بزاف ..!

داكشي علاش غمضات عينيها و عضاات شفايفهاا باش ميطيحوش دموعها و قوتها تلاشاا ..

محساات براسها و إلا و هي مزيرة على داك لموس فإيدها ..

جاارة دااك لموس بجهد حتى طاااح دم فالأرض و تبعو حتى لمووس ...

ماهي إلا ثوااني معدودة حتى طااحت حتى سيلين على طولتهااا مغيبةةة ..


شاف فيها مخرج عينيه ممتيقيش كيصحاب ليه غير كضحك ديك ساعة قصدها طاير..!

تحناا عندهاا و هو كامل كيرجف مكانش كيصحاب ليه اتقدر ديرها ..!

صدمااتو بداا كيقلب فيها و قااس تنفس ديالها لقاه طبيعي...!

رتاح نسبيااا ..!

ولكن دم محبسش ديك ساعة حيد لكيطمة لي كانت لابس..

و دورها ليها على ايديها لي كتنزف...!!

هزها و خرج بيها من لاطيراس كيجري مخلوع خايف لا توقع ليها شي حاجة..!!

بقا غادي بيها حتى داز من حدا الخدامة لي شافتها و خرجات عينيها قربات منهم مخلوعة..

لخدامة حاطة يديها على فمها مخلوعة :و و واش نتاحرات ؟

مجاوبهااش مازال غادي كيجري بيها و لخدامة تابعااه من لور..

لخدامة : اش وقع ليها ؟

شاف فيها مخنزر : ديها فراسك ..!

قال ليها هاد جوج كلمات معاوداتش معاه لهدرة ..

حطها فللوطو لقدام و تكاها على لكوسان و كسيراا غادي لاقرب مستشفى..!

و دينيه تصمكو ممتيقش هادي مدخلش ليه راسو مسافة طريق كانو قدام اكبر مستشفى هزها و كيجري بيها ...

جااد بالغوااات : و القح*اب اجيو دغياااا ..!؟

ممرضين و أطباء سمعو لغوات ديك ساعة جاااو كيتجرااو بلبيااص تكاها تماا و هو شااد فداك لبيااص مخلوع من ديك كمية دم لي مازال كطيح فالارض ..!!

وصلوها لغرفة إنعاش و شافت فيه لممرضة ..

لممرضة :كنعتاذر مخاصكش دخل معانا ..؟

عطاها بالضهر مغدد : عاوديها لك*رك ..؟

عطاها بالضهر مخليها مخرجة عينيها فيه ..يلله باغا دخل لغرفة طبية حتى سمعات صوتو و زادت خرجاتهم مني سمعاتو اش قال ..

جاد باقي عاطيها بالضهر : اه قبل مانسا ! و ما نلقا حتى زامل داخل لديك لغرفة و ياويل نلقاه ..!نريب على زامل بوكم هاد سبيطار على راسكم..! انا هضرت و نبهتكم و باقي عليكم ...!

لممرضة بلعات ريقها و هزات راسها باه بسرعة فحال الى كيشوفها..! ديك ساعة دخلاات لغرفة بجرية ..

تمشاا بصدرو العاري لي عامر بأثار دم و نااس حالة فمها فحالتو لي كان كيف لوحش على صفة إنسان ...

و كيشوفو فداك دم حيث مني هزها تطلا حتى هو ..!

جلس مقابل مع ديك لغرفة و غير مخنزر و شعرو مخربق عاطيه جادبية خاصة ..!

و لممرضات حالين فيه فامهم حمقهم شكلو ..وحدة من دوك لممرضات جات عندو كتزرب كتسابق هي و صحاباتهاا شكون تمشي عندو هي لولا ..!!

وقفات عليه مبتااسمة ..

الممرضة : نجيب ليك كاس دلقهوة ؟

هز راسو بعرض لبطيء عاقهم و هاز معاه حتى حاجبو : نعام ..؟

لممرضة لونها تخطف و هي كتشوف فديك تخنزيرة لي ضارب ليها : ل لا زعما غير باش ترتاح نجيب قلت مع راسي نجيب ليك قهوة ..!

جاد بحدة : و انا شكيت على زامل ب*وك ؟؟

لممرضة خرجات عينيها و بلعات ريقها بصعوبة و هزات راسها بالنفي : س سمحليا عفاك ..!

جاد على نفس تخنزيرتو : دوري غا تقاودي عليا هاد ساعة ..!؟

لممرضة دموع تجمعو ليها فعينيها على هاد لقمعة مرضاتش هزات راسها باه و مشات كتبكي خلات صحاباتها كيوشوشو و مصدومين من ردة فعل جاد..!!

داز لوقت..

و هو مازال على وضيعتو تقول جالس على جمر جلس حتى جلس حتى نااض صااعر غادي قاصد ديك لغرفة لي دخلو ليها مبقااو خرجو ..!!

يلله باغي يفرع عليهم داك لباب وهو يرجع مخنزر جامع يديه على شكل قبضةة هز يديه حتى لعلال سماا..!

و نزل على دااك لحيط بقبضةة يدو حتى طوش الدم و نااس كاملين لي تما مخرجين عينيهم فديك دقةة لي ضرب فإيدو ..!!

نفس ديك لممرضة لي قمعها كانت جالسة فواحد لقنت و كتبرد فديك لقمعة لي عطاها ..!

و كتشوف فتحركااتو مع شافتو ضرب يدو مشات طااايرة لعندو ...!!


لممرضة مستغلةة لفرصة قربات شدات ليه فإديه و هي تشهق : اويلي جرحة تفتحات ليك بزاف خاصها ت..

قاطعهاا مني حيد يدو من يديها و عطاها صقلة لحنك حتى دار وجهها لجيهة لخرى مخليها مخرجة عينيها ..قرب ليها حتى لوجهها

جاد بصوت جااف : سمعي ابن*ت القح*بة هاد تقحبين انا رآه كنعرفو مزياان اتجمعي معايا كرك ولا برب حتى نحر دين موك..

كاع لي كانو فداك الكلوار كيتفرجو فهاد لمشهد لي داز قدامهم خالاهم مصدومين فحالتو و فمنضرو شكلو كان كيخلع ..

مداهاش فيهم ولا فشفاتهوم مشاا لواحد لغرفة صحية و هز فاصمة من دوك لفاصمات ولواها على إيديه لي تفتحات ليه بزربةة ..!

و خرج على براا و مشاا لكافيتيرياا لي تما و عصر ليه قهوة و خدا كارو شعلو و نتر من بعد نترات حتى بدا يرجع ليه مزاجو عاد هز ديك لقهوة و خرح فحالو ممسوقش ناس لي غير كيشوفو فيه ..!!

تمشا بخطواتو غادي قاصد داك لكرسي لي مقابل مع غرفة دسيلين شرب لقهوة و رجع راسو لور مغمض عينيه

حل عينيه فاش سمع صوت لباب تحل كانت خارجة دكتورة بلباسها طبي قربات ليه عرقانةة

دكتورة : اش كتجي لمريضة..؟

جاد زفر محااملش راسو : راجلهاا ...!

دكتورة هزات راسها باه : لمريضة تعرضاات لضغط كبير و وقع ليها نزيف و لكن عتاقناها فاخر اللحضة لقينا دم لي محتاجاه ..! الحمد لله جبتيها فلوقت كون رآه..

قاطعهاا بحدة : داكشي فلماضي ..دوزي ليا لحاضر..!

هزات راسها باه : حالتها هاد ساعة مستقرة خاصها راحة لكافية باش تسترجع راحتها (هزات براسها ) و كنصح بشرب أدوية لي غادي نطلب ليك حيتااش ضااع ليها دم بزاف ..و الحمد لله على سلامتها تقدر غدا تخرج بإذن الله ..!!

هز راسو باه وتمشا غادي قاصد غرفتها يلله دكتورة باغا تنطق و تقول ليه ممنوع زيارة ساعة هي معامن تلافتت رامقها بنضرة حادة خلاتها تمشي داك ساعة ..!!

دخل عندها لقاهم لاويين ليها لفاصمة على ايديها لي ضرباات و عينيها من لتحت رمادين ..!!

ووجهها شااحب و فاديها لاخرى معلق فيها سيروم..!!

جر كرسي و جلس مقابل معاها مصغر عينيه ..!

كيحقق فملامحها كيشوف فيها و هي مغمضة عينيها ..!

و من مور هاد لوجه لملائكي موراه وجه اخر عنيد ..

بلاما يحس هز اطرف صبعانو و بدا كيدوزهم على وجهها! كيمشي لعينيها شويا يهبط لأنفها ! شويا لحناكها ! كيجي حتى لفمها و يهبط يطبع قبلة داافية دازو ساعات و هو مازال على وضيعتو حتى بدات كديه عينيه ..!

ناض سد لباب بساروت و كعدها شوياا و خشاا يديه تحت خصرهاا..! و عنقهم بجهد و حط راسو على كرشها!
و غمض عينيها .. غفا وهو معنج فداك لكرسي ..!و هو مزير ليها على خصرها فحالا غادي تهرب...


جالسة فطبلة العشاء كتاكل بوحدها و ساهية و غير كتلعب بديك لمعلقة فإيديها
حتى كتفزع مني كتسمع صوت درديك فدروج جمعات لوقفة حتى شافت صفاءهبطات كتلهث قربات عندها ..

تسنيم : مالكي أصفاء ؟؟

صفاء مخلوعة : سيلين ..؟

تسنيم وسعات عينيها : مال سيلين ؟؟

صفاء تحنات كتنهج : م معرفتش فين اتكون مشات ..!

تسنيم بهدوء : تقدر تكون مشغولة ..؟

صفاء هزات راسها بلا : س سيلين مني كتعطل كتعلمني ديما مكتخلينيش مشغولة ..! و ديما كتجي فلوقت ..!

تسنيم حكات راسها : فين غادي تكون مشات ؟؟ معندهاش شي صاحبتها ولا شي حاجة ؟

صفاء حركات راسها بالنفي و عينيها دامعين فكرة سيلين وقعات ليها شي حاجة خلاتها تحماق : لا ماكان عندها حتى شي واحد من غيري ..!

تسنيم تلفات بقات غير كضور فبلاصتها : متأكدة معندها حتى شي صاحبتها..؟

صفاء هزات راسها باه و بدات كتبكي : لا قلت ليك معندهاش ..!

سكتو مني سمعو صوت خطوات سوسن جاايا و جبيرة فإيديها..

و كدوز يديها لي صحيحة ..

على وجهها باش تمسح آثار دموع الى كانو ..!

عينيها منفوخين و حمرين بلبكا ..

صفاء شهقات : مال عينيك منفوخين ؟

تسنيم فهماتها طايرةة غير من عينيها لي كانو كي جعفة دم هي مقصداتش تجرحهاا فلحضة غضب وصافي ..!

سوسن توثرات و يديها عراقت : هاا ! ءءء؟ لا غير نعست شوياا ..! (حولات تبدل موضوع ) اش واقع ؟ و مال سيلين ..؟

صفاء بدات كتبكي و هي كتصوني فطيليفون سيلين و تلقااه طاافي : م معرفتش ! متأكدة غادي تكون وقعات ليها شي حاجة ..؟

تسنيم عطاتهم بالضهر غاذا خارجة : الى بقينا هاكا جالسين هنا ما غادي نستافدو والو ..!؟

سوسن و صفاء تنهدو قد قد و عينيهم عامرين دموع عندهم سيلين عزيزة بزاف و خصوصا صفاء لي كانت ختها و قدوتها فلحياة...

تبعوها حتى هوما بلباسهم كيف جاااو ..!

خرجو لقاو تسنيم جالسة فللوطو سوسن ديك ساعة جلسات للور مباغاش تشوف فوجه تسنيم ..صفاء مافهمات والو كل همها هو سيلين ! ركبات حدا تسنيم هاد الأخيرة لي كسيرات بسرعة خيالية ...!!

مسافة دطرييق حتى بدات كيتسمع شي صوت ماشي غريب عليهم ..صوت للوطو لي سكتاات كلهم خرجو عينيهم ..

تسنيم ضربات لفلون معصبةة : لا لا لا ميمكنش تحبسي دباااا ..!

سوسن تخلعات و هي كتشوف فديك لخلااا و لغاابة و زيد عليها حتى ليل ..

سوسن بدات كتبكي مخلوعة : ل لا ص صافي مشينا فيهاا..ناري ..

تسنيم بهدوء : هبطو ..!

سوسن : ل لا خايفة ..!

تسنيم تعصباات : انا غادي نشوف شي واحد يعاونا ...!
قبل مايجاوبوها هبطات و زدحات لباب موراها و ياريتها مخرجاتش ..

صفاء حتى هي مخلوعة من ضلام لي كيسود لبلاصة : يلله حتى حنا نهبطو نشوفوها فين مشات ..؟

سوسن هزات راسها بلا و هي كاملة كترجف : لا منقدرش كنخااف...؟

صفاء كطمنها واخا حتى هي مخلوعة : غير يلله نهبطو ما تعرفي نلقاو شي حل ..؟

سوسن وكلات امرها لله و صفاء شدات ليها فاديها صحيحة و هبطو بجوج حتى كيوقفو جامدين مبلوكين ..!!

مخرجين عينيهم ..و هوما كيشوفو فجوج د شماكريةة واحد منهم شاد تسنيم من إيديها و حاط ليها لموس فعنقهااا ..!!

نطق شمكار لاخر لي معاه : منصحكومش تلفتو هوك ولا هووك اتزيدو قدامنا بلا هضرة بلا جوج ..(غوت حتى قفزو ) تحركووو قدامي ...


سوسن وكلات امرها لله و صفاء شدات ليها فاديها صحيحة و هبطو بجوج حتى كيوقفو جامدين مبلوكين مخرجين عينيهم ..!!

وهوما كيشوفو فجوج د شماكريةة واحد منهم شاد تسنيم من ايديها و حاط ليها لموس فعنقهااا ..!

نطق شمكار لاخر لي معاه : منصحكومش تلفتو هوك ولا هووك اتزيدو قدامنا بلا هضرة بلا جوج (غوت حتى قفزو ) تحركووو قدامي ..

سوسن بلعات ريقها بصعوبة و قربات همسات فودن صفاء..

سوسن : شفتي اش قلت ليك ياك علمتك منهبطوش ..! ها !

صفاء لونها مخطوف و عينيها غير على تسنيم : مكلخة بغيتينا نخليو تسنيم بوحدها معاهم ..؟؟

سوسن هزات راسها : اصلا هاديك مبقاتش كتحس ..!

صفاء يلله غادي تجاوبها حتى قفزهوم شمكار ..

شمكار : وراني هضرت معاكم زعما ..؟

سوسن قربات تطلقها فحويجها : دبا بغيت غير نسولكم! اش غادي ديرو بينا ؟ ها نتوما بغيتو تاخدو طموبيل غير خودوها بغيتو تيليفونات غير خدوهم غير خليونا نمشيو ..!

صفاء كتهز ليهم راسها باه و تسنيم كتشوف فيهم ببرودة تامة فحالا ماشي هي لي حاطين ليها داك لموس على عنقها ..!

تسنيم هزات عينيها فشمكار لي حاط ليها لموس فعنقها نطقات ببرودة : مغاديش تحيد عليا هاد لموس ياك ؟

شمكار هز حاجبو من نبرة صوتها لي فيها بحة خطيرة و عينيهم كيدلو على انها مخيفاش..!!

فحال سوسن و صفاء !عكسها هي لي ملامحها كيعبرو على البرودة و الجمود صفاء حلات فيها فمها و كتشوف فختها كنهضر عادي فحالا ماخاصها حتى خير ...!!

اما سوسن ولفات هضرتها لباردة و ديك لهضرة لي كطلق من فمها بعد لمرات غير سم واخا مكتكونش قاصدة ..!

شمكار شاف فصاحبو لي وجههو مخسر كثر منو : تااشوف ليك لبرهوشة كيف كتهضر ..؟

تسنيم تنهدات بملل : واش مناوينيش تحيدو عليا هاد لموس ..؟

شمكار : من نيتك الغزالة ؟ انا عاد شديتك ؟ و كتقولي ليا مغاديش تحيد عليا هاد لموس ..؟

تسنيم : اش نااوي دير كاع ..؟

شمكار مص شنايفو باللذة و شاف فصاحبو و ضحك من جنب لجنب حتى بانت ليه ضرسة لعقل : باغي ناكل الحلوة ..!؟

تسنيم كتكره تسمع فحال هاد الهضرة! داكشي علاش جمعات قوتها كاملة و هزات رجليها حتى لسما و نزلات عليه لحجرو حتى طااح لأرض شاد فيه ..!

صاحبو ديك ساعة مشا هزو من الأرض و هز تا داك لموس لي طااح .. تسنيم بعدات عليهم ببرودة و شافت فلبناات ..

تسنيم : يلله نهربو ..؟

سوسن حركات راسها بالنفي : لا مغاديش نقدر نجري ..!

تسنيم حولات نضرها لإيد دسوسن عرفاتها اتجيها صعيبة فجريةة مسحات على شعرها مثوثرة و شافت فصفاء لي حالة فمها ..!

تنهدات و جراتهم من موراها غادين هاربين ..!و شمكارة عاد سرا معاهم لبلان ..!ديك ساعة ناضو بجوج تابعينهم و هذاك لي مضروب كل مرة يطيح و ينوض و مقادرش يجري و هو كيحلف فتسنيم فخاطرو ..!


شاد فإديه طيليفون ديالو و هو ساهي فرقم د تسنيم لي خدااه ليها ديك نهار فاش داها معاه لفندق قيد عندو رقم و بقا محتافظ بيه ..!جمع لوقفة وهو حاير ..! واش يتاصل بيها ..؟ ولا لا...؟؟

شاف حتى عيا و قال مع راسو اش خاسر ..! و هو يدوز الخط و هو متردد ..بقا شحال كيصوني ولكن حتى واحد ما جاوبو..!

صونا و عاود بزاف دلمرات ولكن والو ..بدا يدخلو شك داكشي علاش خدم جيبي إيس مع لعلم خدمو ليها حتى هي ديك نهار فهاتفها هز حاجبو مني شاف لموقع فلغاابةة شك كلاه.. و قلبو مهانيش ..!

داكشي علاش مشا بخطوات سريعة ركب فللوطو ديالو و كسيرا مقلع حتى تحكو رواايض..!!

حط لفون ديالو قداامو و هو مخدم جيبي و كلما كسيرا كثر كلماا قرب لبلاصةة ...!

داز لوقت حتى وقف قدام ديك لغاابة نزل من للوطو و دور عينيه كيشوف غير فداك شجر و رياح لي كتدي داك زهور و شجر .. !!وحول نضرو لطيليفون ديالو و بقا تابع الاشاارة ..! و قلبو كيضرب كثر..!

خايف لاا تكون وقعات ليه شي حاجة ..!كلما قرب كلما قلبو كيزيد يضرب فحالا هااز الأحجار على كتفو ..!!

عند لبنات ..✨

تسنيم جرااهم موراها و مزيرة على يدين سوسن لي كل شوياا كتعياا و توقف حاطة يديها على صدرها كتنهج ..

صفاء كتشوف فيهم بداو كيقربو ليهم : ناري سوسن
نوضي دغياا ..

سوسن كتلهث : ع عييت بزاف ولله ..

صفاء تحنات عندها : غير حاولي خاصنا نهربو من هادو ؟ مشتفتيش وجههم كيف مخسر ! ولله ما غادي يرحمووناا !

سوسن هزات راسها باه و شافت فتسنيم لي كتسناهم ينوضو...! رجعو عاوتاني كيجيرو و كينهجو ..!من غير تسنيم لي كتجري ببرودة..!

و واضح عليها ماخيفاش نهائيا و هدفها هو تخرجهم هوما اما هي ما عندها ما تخصر ..! شمكاارة حتى كيقربو ليهم و يزيدو يبعدو ..!!

شمكار شد فصاحبو باش يوقف من جرا و همس ليه فودنيه على داكشي لي كضور ليه فبالو ... و صاحبو هز راسو بواخا و هو مبتاسم ..

شافوهم مازال كيجيرو شمكارة تخبااو وسط واحد شجرة كبيرة و بقاو كيطلو عليهم ..!!

و فديك لوقيتة لبنات وقفو مني شافهم مبقاوش تبعينهم و جلسو فالارض كيسترجعو انفاسهم ..

سوسن : هووف الحمد لله تلفنااهم ..!

صفاء بعدات خصلات شعرها من على وجهها : نااري كون مهربنااش كون فرسونا دوك لبهايم ..غير وجههم تجيب ليك تقية ..!

جالسين كيهضرو صفاء و سوسن و تسنيم مهبطة راسها لأرض و ساهية غايبة عليهم ..! و ماشي معاهم فموضوعهم ..! بقاو هكاك ..و هوم غافلين على دوك جوج لي كيتسلتو من بين الاشجار باش يوصلو ليهم كل واحد طار شد وحدة حتى قفزو مخرجين عينيهم ...!!

صفاء شدها واحد و تسنيم واحد و سوسن حتى واحد ماقرب ليهم شافو ايديها لمهرسة نوضوهم من أرض شادينهم و تسنيم نترات يديها من يد داك شمكار و زادت قدامو و هو وراها مصدوم من ردة فعلها .. و سوسن قربات تسخف و هي كتشوفهم غادين بيهم ..و صفاء كتبكي و تسنيم كتشوف فيهم بجمود واخا قلبها ربي لي عالم بيه..! من لداخل ..!

و هي كتسترجع أحداث لماضي نهار كانت خدامة فديك لقهوى و كيفاش تحرش بيها داك زابون حتى قتلاتو كلشي...!!

رجع عليها ديك ساعة فحالا نفس المشهد كيتعاود غير هاد المرة كتبان قوية و ماشي ضعيفة حتى تبقا طلب منهم لمساعدة ! حيث جربات هاد شعور و طلباتهم !
ولكن حتى واحد مرحمها ...!

سوسن تبعات ليهم لعين حتى دخلهوم لواحد دار صغيرة كاين تماا ! و صفاء كتغوت و تبكي تسنيم كتسنا فيهم غير يقيصها شي واحد لا هي لا ختها تقتلو بدم بارد ..! شي حاجة سميتها الإنسانية ! صافي هي حيداتها من قاموسها اللغوي ...!

سوسن مقدراتش تبعهم بقات غير كتبكي رجعات كتجري ! و كتغوت ! و طلب بالغوات لا كان شي واحد يجي يعاونها و كلمة وحدة ففمها "عااونوناااا "..!!

ناايف لي كان متبع الاشاارة مع سمع الغوات قلبو تهز بقا كيقرب لصوت حتى تلاقا بسوسن كتبكي ..ديك ساعة شدها من دراعها مخلوع..

نايف : مالكي اش واااقع...؟؟

سوسن غير كتنخصص لهدرة مقدراتش تخرج ليها ..

حتى زير على ذراعها عاد نطقات ..

سوسن شافت فيه بعيون دامعةة : خ خواتاتي ! تسنيم و ص صفاء ..! داوهم واحد شماكرية لدي..

قبل ما تكمل هضرتها كان طاار من حداها ..و هي سكتات من شافتو مشاا كيجري مسحات دموعها و تبعااتو كتنخصص ..!!ناايف و دنيه كيصوطو و دم تجمد ليه فلعرووق!
و فكرة انها يقيصها شي واحد خلاتو يحممااق حل دااك لبااب دلكووخ بذرااعو بجههد ..!

فديك لوقيتة كان شمكار يلله باغي يقرب لتسنيم و لكن حتى هي كانت موجدة ليه..!

بغاتو غير يقيصها و تجبد داك لموس لي مكيفرقهااش نهائيا وولات كتخشييه فسمطة دسروال..! يلله جبداتو باغا تغرسو ليه وسط كرشو و تعتق ختها لي داك شمكار لاخر !

كان كيحيد حوايحو ..!حتى تحل لبااب و شمكاارة دارو بجوج مخلوعين مخرجين عينيهم و زادو خرجوهوم مني شافو وجههو لي كان حمر بالاعصاب..!!

و مزير على قبضة يدو حتى لعروقةة باانو كلهم تخلعو من شكلو حتى من تسنيم حسات بنوع من لخوف !من منضرو لي كان باينة فيه واصل لقمة الاعصاب ...!!

معطلوهمش ديك سااعة قصدهم و اول واحد بداا بيه هو هداك لي كان شاد تسنيم !

شدو من كل د لطريكو لي كان لااابس قااجو حتى عينيه خرجو عطااه بكروشي لحنك..!

حتى دار وجههو لجيهة لخرى حتى سوسن شهقات و صفاء حطات يديها على فمها مصدومة ..!

ما جا فين شمكار يستوعب دقة حتى زادو كروشي قصح من لول ناايف كيحس براسو وااصل لطوب دلعصبية..!

و غير كطيح فبالو انها كان ناوي يقيصهاا جنون كيبداو يلعبو فوق رااسو...!!

بقاا عليه بكروشياات حتى رجع ليه وجههو مطلي كامل دم حتى وجههو مبقاش كيبان ...!!

لاحو تماا كيف جفاف و كيحس براسو مازال مابرد دور عينيه بان ليه صاحبو غادي هاارب..!!

مشا قصدو حتى هو داك ساعة طيعيه فلكروشياات حتى رجعو شرويطة تحت منو بلا كلمة بلا جوج مشاا جر تسنيم من تما من إيدها غادي خارج بيها ...!!

مخلي سوسن و صفاء مخرجين عينيهم فدوك لجثث لي محطوطين تما لي مبقاوش قادرين يحلو عينيهم بقوة كروشيات لي كلااو ..!!

صفاء فاقت من صدمتها لقات تسنيم مكينااش هي و نايف ديك ساعة نغزات سوسن لي كانت مازال مخرجة عينيها فهادوك شماكرية لي بقا ليهم غير تقرا عليهم سورة الجناازة..!

صفاء كتنغز فيها و سوسن مهياش هنااا حتى قرصاتها عاد شافت فيها ..

سوسن : هاا !

صفاء أشارت لباب : رآه مشاو ..!

سوسن شافت فدوك شماكرية آخر نضرة و دارت عند صفاء : ءء ؟ صافي يلله نتبعوهم ..!

بغات تخرج سوسن و هي تشدها صفاء..

صفاء هزات حاجبهاا : شكون هذا ؟ و علاش خدا معااه تسنيم وخلانا حنا هنا ؟؟


سوسن بلعات ريقها : و و انا باش غادي نعرف ..؟

صفاء شك كياكل فيها من لداخل : اودي غير قولي ! متخافيش مغادي نقول ليها والو !

سكتات شويا كضورها فبالهاا عاد شافت فسوسن هازة حاجبهاا ..

صفاء : ياكما..

سوسن قاطعاتهاا موسعة عينيها : ياكما ! أش ..؟

صفاء : ياكما بيناتهم شي حاجة ..؟

سوسن دورات وجهها كتكتم : قالت ليك ياكما بيناتهم شي حاجة هي مكتحملوش و غادي تكون بيناتهم شي حاجة ..! منيتها !

صفاء : هيه ! شكتقولي تما ..!؟

سوسن شافت فيها : اش غادي نقول كاع ..

سكتات شويا موسعة عينيها

سوسن كتشوف فشمكارة : هاويلي بقينا هناا هوما مشاو و حنا غادي يعاودو ينوضو لينا هادو ..؟

صفاء تمات خارجة : على هوما يقدرو ! حتى يكون بقا ليهم شي عضم صحيح ..

سوسن تنهدات و تبعاتها حتى هي ..! لقاوهم سبقهوم وواقفيين كيتغاوتو من بعيد ..!؟

صفاء شادا فسوسن : وقيلا كيذابزو لا ..؟

سوسن هزات كتافها: و كتبقاي تسوليني انا فحالا كنت معاهم رآه فحالي فحالك معرفتش ..؟

صفاء ميقات فيها : صافي غير زيدي قدامي ..

تمشااو غادين بخطواتهم عندهم ..

نايف لي غادي جااي معصب و يديه عرقانة و كينهج قرب عندها و قابل لوجه مع لوجه ..كيتنفس ليها فلوجهها ..

نايف كارز على سناانو : علاش جيتي لهنا ؟؟

تسنيم بعيون حاقدة : و نتاا مالك ؟ سوقك ؟؟

نايف مزير على قبضة يدو : اه سوقي ! و اي حاجة كتعلق بييك من ليوم غادي تولي تعنيني ..؟!

تسنيم هزات حاجبهاا مبردة : وبصفتك شنو ..؟

نايف بلع ريقو : مكيهمش ..!!

تسنيم : منصحكش تبقا دور قدامي ..! حيث كنحلف ليك غادي ندمك ..!

ناايف شد من مرفقها : متحلميش ..!

تسنيم بهدوء : تجرب ..؟

ناايف : منحتاجش نجرب حيث هادشي لي غادي يكون من هنا لقداام ! أيكون فعلمي انا لول ..!

تسنيم فقدات سيطرتها نطقات بالغوااات و هي كشير بايديها لجيهة شجر فحالا كتعاتبو: شكون نتااا حتى تحكم فيااا !! فين كتعرفني كااع ..!! و علاااش بنتي عاوتااني فحيااتي ..! و علاااش جيتي ليوم لهناا ! (أشارت لنفسها ) وااش انا شكيت عليك ! حاشيتهاا ليك! اه بصح فواحد لوقيتة حتاجيتك ! و طلبت مساعدتك ! (ضحكات بالفقصة ) ولكن نتاا اش درتي ! عطيتيني لكلمة و فللخر خليتيني فلعذااب ! انااا معمرني ماغادي نطلب من شي واحد لمسااعدة ! صافي باارااكا حد هنااا و حبس ! آخر واحد يحاسبني هو نتاااا ! مبغيتش نبقا نشوفك فحيااتي ! من هنااا لقداام ! (غوتاات ) واااش كتفهم ! اناا صافي مبقيتش تسنييم لغبية نية لي كانت كتيق اي وااحد !داكشي لي كان فلماضي كنواعدك معمرو ما غادي يتعاوود حيث صافي كلشي تبدل ..

ناايف تجمد فبلااصتو من هضرتها لي كانت كيف سم لي ختارق قلبو ..!

عطااها بالضهر و هو كينهج عاد تلافتت عندهاا و عروق جبهتو باانو نطق حتى هو بلغوااات ..

ناايف : انااااا منسيتكش حتى نهاار ! خاصك تفهميني ! خاصني نشرح ليك ضروري ..؟ نتي راك ما فاهمةة والو وراااك غالطة بزاف ! و غادي يجي لوقت لي غادي تندمي فيه ..!؟ مضلمينيش اتسنييم ..! حيث خااصك تسمعيني و تعرفي لحقيقة ..! و ..

سكت مني وقفو عليهم صفاء و سوسن !

لي غير كيضرور فعينيهم تنهد فخاطرو بقلة حيلة ..! كان مازال باغي يهضر ..قبل ماتنطق شي وحدة منهم كان جر تسنيم من إيديها غادي بيها و صفاء و سوسن غير حالين فامهم تبعووه حتى هوما مسافة طريق كانو وصلو لخرجة دلغابة تسنيم كتنثر منو ولكن كان حاكمها لاحها فللوطو لقداام جنبو..!

و حل لبنات للور حتى هوما معارضوش ركبو و ضربو طم..من غير مرة مرة صفاء كتهمس لسوسن باغا تفهم شي حاجة و علاش نايف كيتصرف فحالا كيعرف تسنيم ..!كيف ديما سوسن كانت كتقول ليها بلي ماعارفة كان صمت سيد لموقف ..! مسافة طريق حتى كانو قدام الاباغطومو ديالهم صفاء هي و سوسن خرجو عينيهم حيث وصلهم فين ساكنين بالضبط بلاما يسولهم ..و تسنيم مع وصلو حلاات لبااب و طلعات فحالها مغضضة ...!

صفاء همسات لسوسن : ناري ياختي ماقالت ليه حتى شكرا يخ ..كون مكانش هو كوراه معرت اش وقع ..

سوسن : أنانية لاخرة ..

نزلو من للوطو و شكرووه و طلعو فحالهم ينعسو و نايف ركب و كسيراا معصب ..


فغرفة طبية شعرها مليوح على سرير و صيروم...!

معلق ليها فإيديها و صوت جهاز تنفسي مسموع فارجاء المكان ..!!

بدات تتحل عينيها سوداء بثثقال...!!

حتى بدات توضاح ليها صورة!

و كتحس بشي حاجة متقلة ليها على كرشها! شي لي خلاها تأوه من قبضة يدو لي مزير ليها على خصرها!!

و زاد عليها لآلم دكرشها ..!!

هبطات عينيها لجيهة كرشها غير شافتو و هي تخسر ملامح وجهها محاملاهش بدات تتزعزع فيه و هي عاضة على شفايفها مؤلمة ..

سيلين و هي كتزعزع فيه : ن نوض..

جاد مني حس بشي صوت زاد زير عليها خصرها حتى خرجات عينيها : صمت ..

سيلين بصوت خافت : ن نوض ..راه تخنقت..

جاد حس بيها تزيرت داكشي علاش رخف عليها و هي عاد حسات بروح رجعات ليها

سيلين : وقلت ليك نوض..! ماشي تكعد !

جاد هز عينو فيها مخنزر و نطق بصوت باااح غالب عليه نعاس : مالنا ؟ اش كاين ؟؟

سيلين ميقات فيها : علاش نعستي حدايا ؟

جاد رجع تكا عليها و هاد لمرة على صدرها حتى قفزات مخرجة عينيها على جهد..

سيلين كتبلع فريقها : ا اش كدير نوض ..!

جاد مستمتع بنعسة : صمت..

سيلين قربات تبكي حاسة بلحريق فإيديها : نوض الله يخليك ..!

جاد لاحظ نبرة صوتها مغيرة داكشي علاش تكعد عليها مخنزر : صافي غا صقلي ..!

سيلين كمداتها فقلبها كتجمع ليها بينها و بين نفسها : صمت ..!

جاد دخل لحمام غسل وجههو و خرج كيتفوه بلا كلمة بلا جوج ..قرب قاد ليها لمخدة على راسها و كعدها شوياااا ..

جاد : تفطري..؟

سيلين قالبة وجهها لجيهة لخرى : لا غا بصحة ..!

جاد بحدة : قلت واش تفطري..؟؟؟

سيلين شافت فيه مخنزرة : و حتى انا قلت ليك بصحة..!!

جاد طرطق عنقو بعصبية و تم غادي كيعاير بين سنانو غير بلكلام زوين ..

حل لباب حتى تسمعات بااق هز حااجبو و هو كيشوف فجوج ديال لممرضات متكين على لبااب كانو ناعسين ..! مع حل لباب طااحو على ضهرهم..! سيلين من لداخل كتشوف فيهم و حابسة ضحكة ..!

جاد ربع يديه : اش كاين ؟؟

لممرضة كتبرد فدقة : جينا فليل باش نشوفو حالة لمريضة كي بقات لقينا لباب مسورت ! و بقينا كنتسناو حتى نعسنا على لبااب ..

سيلين غير سمعتها اش قالت و هي طلقها بواحد ضحكة بجهد حتى تلافت جااد هاز حاجبو ..!!

غير شاف ضحكتها و سيناتها لمستفيين بيضين و ضحيكة...!!

كتبان عفوية خارجة من القلب ..

هبط حاجبو و ابتاسم بلا مايحس و هو ساهي فيها ..!!

اما هي كضحك بدموع ! واخا لموضوع مكيضحكش الا انها كان مورالها طاايح و بغات تخلق جو لنفسها ! كضحك ! وتهز و تحط مع كل ضحكة و تحط يديها على فمها..!!

ضحكات حتى شبعات و هي تشوف فجاد لي مبتاسم ..!!

و لممرضات لي حالين فيها فامهم ..حنحنات حتى جاد وعا على راسو و رجع لتخنزيرتو و شاف فممرضات لي باقين حالين فامهم ..

جاد : تفضلو تقدرو تمشيو ..!

لممرضة : ولكن...

قاطعها و هو كارز على سناانو : راني هضرت !!


لممرضة بلعات ريقها : اسيدي هادي رآه مستشفى ! و خااص نشوفو حالة لمريضة كيف بقاات !

جاد بصوت جاف : مبغيتيش تسمعي لهضرة ياك ؟؟

لممرضة صفارت : ها ! ل لا ا انا غادة ..

ديك ساعة مشات كتزرب فخطواتها و صاحبتها باقا حالة فمها ..حتى قفزها جاد مني غوت...

جاد : و غبري حتى ن..

قبل مايكملها كانت طارت ..حول نضرو فسيلين غير كتبيض فعويناتها خنزر فيها و سد لباب خرج لكافيتريا و جاب ليها لماكلة و كاع داكشي لي تحتاج حتى من لحوايج دخل حط ليها لماكلة و هي بدورها بدات كتاكل ..بعد عليها و جبد كااروه كينتر منو و ساهي ففراغ ..!!

دقائق معدودة حتى لاح داك لكاارو ..شافها كتسوس فاديها تنهد و قرب ليها واحد سااشي كانت فيها لحوايح ..

جاد كيجبد من داك ساشي : نلبسك ؟

سيلين وسعات عينيها : منيتك ؟؟؟

جاد : راني سولتك ! ماشي قلت ليك واش منيتي ولا ...

سكت مباغيش يخصر لهدرة لاحهم عليها ...!!

و بعد عليها و بقا عاطيهاا بالضهر مخنزر ..!!

تنهدات و يلله باغا توقف حتى كان طاار شادها من خصرها..

موقفها وسعات عينيها يلله غادي تنطق ..

جاد بحدة : منسمعش صوتك !!

سيلين كتمتم : الله يعطيك موصيبة..!

جاد هز عينو فيها : اش قلتي..؟

سيلين هزات حاجبهاا فحالا ماقالت والو : انا ؟؟

جاد : كون غاخريتي و مدويتيش !

هزها غادي بيها لحماام شافتو غادي يحل لباب و هي تقفز وسط يديه ..

سيلين : لا لا مدخلش !

جاد غض شنايفو و حطها و مشا هز ديك ساشية بكلشي ليها و عطاها ليها و مشا.. و هي شدات داك ساشية ..!

و دخلاات باغا تبدل جبدات ديك لكسوة و هي توسع عينيها !

كتشوفها كاملة مستورة ..! و بلكماام ! وواصلة لحد رجلين ..! شافت حتى عيات و هي تلبسها معندها مادير..!

قادات شعرها و خرجات لقاتو عاوتاني كيكمي ..!!

لاحظ وجودها داكشي علاش طفاا داك الكارو و تلافت عندها ببرود تحنا هزها خلاها مبلقة عينيها فيه و حالة فمها ..

خرج بيها و نااس لي تماا حالين فامهم فيهم ..!

لي كان غادي وقف ! و لي كان واقف تبع ليهم لعين ..!

لي شافهم يقول كوبل لا مثيل ليه ..!

و هوما معارفينش لكره لي كيبادلو لعضياتهم ..!!

و بزاف دلهدرة تقالات ..

"ناري أختي سعداتها عندها راجل لي ميشوف فحتى وحدة "
"شوفي أختي كيف هازها ومممخليهاش حتى تمشى على رجليهاا"

"و بصيف و هو عندو مرآة شهوة منها "

"و مشفتيش هي لي عندها واحد لي تحلم بيه اي وحدة "

بزاف دلهدرة تقالات ما عندها حتى معنى ..! لكره و الحقد لي كيحسو بيه من جيهة بعضياتهم مايعرفو غير ربي..!!

حطها فلوطو جنبو و كسيراا غادي لوجهتو لي هي لفيلا ..

سيلين حطات راسها على الزاج و سهات ..

حتى حسات بيه حل عليها لباب و عاود هزهاا..

سيلين : رآه نقدر ندخل بوحدي ؟

جاد خنزر فيها : هاد لفم لي عندك هو لي غادي يتهرس ان شاء الله ..!

دخلها و حطها فعرفتها و مد ليها تشرب..

و خرج لاطيراس يكمي كاارو يرد بيه لمزاج..

اما هي غير حطها معقلاتش على راسها حتى غفات..

دخل لقاها نعسات تنهد ..!

و قرب ليها بااس فووق رااسها لمدة...!

و بعد و هو مساخيش ..!

خرج و سد موراه لبااب مخليها على راحتها ..!


داز لوقت و جاليل ..

كانت مازال نااعسة و مرتاحة فنعاسها مخلية كلشي من موراها..

و مستمتعة فنعاسها و مرة مرة تعبس ملامح وجهها..

و هادشي كامل على عينين جاد لي جالس مقابل معاها..

و ساهي فيها و فحركاتها لعفوية..

حتى جمع لوقفة و بدأ يفيق فيها ..

سيلين وسط نعاسها : هممم

جااد مخنزر بينو و بين نفسو : و نوضي !!

سيلين تقلبات لجيهة لخرى : صمت..

جاد سخط : مبغيتيش ..!

سيلين ضرها فراسها زادت خشات راسها فلمخدة : صمت ..

جاد : آخر مرة انهضر ! نوضي ..!

سيلين هزات كتافها : صمت ..

مسح على راسو و دخل لحماام هز بانيو خلاه يعمر حتى عمر عاد هزو غادي قاصدهاا ..!!

بدون ساابق انذاار هز دااك لباانيو حتى لفووق و زفو ليهاا على وجهها ..حتى نااضت قافزة مخرجة عينيها ...

سيلين طافجة : ا اش واااقع ...؟

جاد مربع يديه : يلله غادي يوقع ..!

سيلين شافت فيه : اذن نتا لي كبيتي عليا الما !

جاد : لا جنون ..!

سيلين بعصبية : تفوو مكتعرفش بنادم لي باغي ينعس ! ولا يرتاح ! فسبابك كنت غادي نموت و زايدها ممخلينيش نعس حتى فخاطري ..!؟

جااد ببرودة : و معمرك مغادي ترتاحي ..!!

سكت و عطاها بالضهر غادي خارج : دوشي و هبطي و ماتمشي حتى لشي بلاصة..!!

سيلين خنزرات فيه و ناضت بشوياا عليها على حساب يديها لي ملوية عليها لفاصمة ..!!و دخلاات لدريسينغ ..!و جبدات حوايجها..!! من تماا و حطاتهم فوق ناموسية..!!

حيدات ديك لفاصمة من إيديها اصلا جرحة كانت خفيفة و مع المرهم لي دارو ليها بدات كتختافي ..!!

نسلات حوايجها و جلسات فلزاكوزي و ترخات دقائق قليلة حتى بدات تزرب مني تفكرات شي حاجة مهمة ..!!

و خاصها تقديها دوشات بخف و لبسات ديك لكسوة لي ختارت من دوك لمجموعة دلحوايج ..!!

عبارة عن كسوة قصيرة حد ركبةةفالاسود طلقات شعرها لمبول على راحتو و رشات عطر من دوك لعطرات لي كاينين تماا !!

و مسات وجهها بإديها بحنية..!!

و قربات خدات فاصمة من لمجر ولواتها على يديها لي مجروحة ..!!

و خرجات كتقلب على شي باب من غير لبااب..!!

ديال دخول دخلاات لكوزينة ..!!

بلحس و لي عرفات هو جااد كاين فلاطيرااس ..!!

كان باب آخر في الكوزينة كيخرجو منها خرجات على مشات رجليها كتختل ..!!!

بدات كضور عينيها تماا ما تجي عينيها غير على واحد لبوديكاارد جالس بعيد شاد العسة...!!

مشات عندو بجرية حتى وقفات علييه ..!!

شافها ووقف مخرج عينيه كيحقق فيها شوفةة و كياكد براسو حتى خرج عينيه ..!!

بوديكارد : واش نتي هي لي جيتي مع مسيو جااد !

سيلين وسعات عينيها : أنا ! لا بلعمى ..!

بوديكارد لونو تخطف : لا أختي نتي هي لي جيتي معاه انا طالب بالله و شرع ..! بنت ليك غير انا ! باغي نبقا بعضامي صح..!!

قاطعهم صوت حااد قوي كتحسي بيه وااصل لقمة الاعصاب كيسكت القلب بديك لبحة لي فيه : كااين فااش نعاونكم ..؟


كتحسي بيه وااصل لقمة الاعصاب كيسكت القلب بديك لبحة لي فيه : كااين فااش نعاونكم ..؟

سيلين تلافتت بعرض البطيء... مخرجة عينيها على آخرهم...!!

غير شافت ديك تخنزيرة ثلاثية لي كان ضارب ليهم...!!

عرفات راسها ليوم لاخرى ليها ووحلات معاها سيد..! داكشي علاش تلافت عند بوديكارد... لي كيتفتف غير بوحدو... و لون دوجههو مخطوف... و رجليه مبقاوش هازنيو...

بلعات ريقها و هي كتشوف فلبوديكارد لي قريب يبكي..

تفكرات ديك لعصا لي كلا كمال و هي تخرج عينيه...

ديك ساعة نطقات بهمس بصوت خافت : ه هرب..

بوديكارد مسمعهااش و مبغاش اصلا يزيد يشوف فيها حيث عارف راسو الى طول فيها شوفة... غادي تزاد عقوبتو ...داكشي علاش حنا راسو كيتسناا فعقاابو... حتى

عاودات نطقات سيلين بصوت مسموع : و هرب د..

قاطعها بصوتو الجاف لي خالي من اي احساس : سيري تقااودي رجعي فحالك دغياا..

سيلين تلافتت عندو هازة صبعها كتحلف : رآه ولله ..

قاطعها عاوتاني بصراخ : هضرتي مكنعودهاش جوج مراات و قلت رجعي هي رجعي..!!

من نبرة صوتو كيباان انه واصل لقصة الاعصااب ...

و يديه حمرة بصيف و هو مزير على قبضة يدو حتى عروقها ...خرجو..

هزات راسها بااه..!! و عطات رجليها لرييح غادا راجعة فحالها ..!!

جااد تبع ليها لعين حتى شافها دخلاات...!!

عاد طرطق عنقو بإيديه بعصبية..!! و قرب لبوديكارد لي حاني راسو كيتفتف غير هو و عضاامو ..مع هز عينو مع خرجهم و هو كيشوف فعينين جااد لي رجعو جمرة ..

جااد ضرب بقبضة يدو جيهة صدرو حتى تهز من بلاصتو : علاش قربتي ليها ..؟؟

بوديكارد عينيه تقلبو بديك دقة : ل ل لا

عطااه لكمة خرا لكرشو حتى طااح شاد فيها كيتوجع..!

جاد تحنا عندو و هزو من لكول دلقميجة و عطااه كروشي لحنك حتى لاح دم من فمو..

جاد كاارز على سناانو : علاش شفتي فيها ..!

بوديكارد يلله كيبغي يجاوبو حتى كيسكتو بلكمة ممخليش ليه مجال فين يهضر ..

جاد تكااه فالارض و زواه برجلو حتى غوت : هادي حيث شفتي فيها ..!!

هبط عطاه كروشي لحنك لاخر : و هادي حيث هضرتي معاها ..!!

جاد هز رجلو حتى لعلال لسما و نزل عليه لحجرو و تحناا قااجو و عينيه كي جغفة ديال دم : وهادي حيث وقفتي معااهاا..

بوديكارد عينيه مقلوبين و نفسو ضاقت ..مقادرش يتحرك ماحيلتو لكرشو لي عاطياه لحريق و لا حجرو لي مبقاش حاس بيه ..جاد تكعد و ركلو برجولو حتى بداا كيتكرب مع ديك لهبطة لي كانت تما ..مداهاش فيه حدو ساس يديه و تم غادي لفيلا قاصد سيلين ..

سيلين لي كانت غادا جايا كتاكل فضفارها...!!

و كتفكر فداك سيد لي غرقاتو معاها ندمات علاش بغات تسولو كاع..و ندمات لاش خرجات اصلا ..

حاطة حداها قرعة دلما كبيرة كل مرة تنزل عليها غاكتفكر ديك لعصبية ديالو حلقها كينشف ..

قفزات فاش سمعات لباب تزدح على جهدو..و خرجات عينيها و هي كتشوفو كيقرب ليها ..ديك ساعة ناضت كترجع بلوور ..بقات راجعة بللور حتى مابقا ليها فين تزيد مازال لصقات على الحيط

قرب ليها و حاوطها بإيديه حتى ولات وسطهم ..قابل وجههو مع وجهها و انفاسو الحارة كضرب ليها فوجهها..

جاد كاارز على سناانو : علاش هضرتي معاه..؟

سيلين بلعات ريقها من قربهم : مهضرتش معاك..!

جاد قرب كثر : و اش كنتي كديري معاه ..؟

سيلين : كنت بغيت غير نسولو و ...

قاطعها بحدة : علاش هضرتي معاه؟

سيلين هزات حاجبهاا : اجي و نتا مالك ..؟؟

جاد قرب كثر حتى مبقا ميفصلهم الا سنتيميترات قلال : جاوبي على سؤالي ..! ماشي تجاوبيني بسؤال آخر...!؟

سيلين بعناد : و نتا علاش غادي تسولني اصلا ..!!؟ ساهلة .. متسولني ما نسولك و هاحنا تهانينا ..

يتبع...

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.