قبرص الجزء الثالث

♟داخل قصر الفولتوريز في المغرب♟

كانو النساء و الرجال جالسين كيهدرو و قيس مبعد هو وولدو قيصر و كيتحدتو و ملامحهم كلها جدية

•قيصر:نتا عارف الواليد انه اخر حاجة نقدر نفكر فيها هي انني نأذي ولدي قبرص و زائد انه جيلان كتملك الحق الكامل انها تاخد معشر الوحوش ال"داركي" ابا عند جد لا من نسلها لا من اسمها و لكن ماشي الوقت دابا و بالتالي ماخاصش قبرص يعرف بلي مراتو اوزار حية و هاصو ينسا داكشي لي طرا نهار لانيف ديالو و يبدا

•قيس: و لكن واش معمرك فكرتي اقيصر بلي الا قلتي ليه الحقيقة احسن من انك تخبيها عليه وو تقوليه بلي اوزار كانت غي كتستغلو و بلي بدلات السيف الاسطورة جيسكاو لي من حقو هو لوحدو و نهار عيد ميلادو كانت باغا تقتلو باش تحيي الاسوطرة الصقرية و تقدر تستعمل السيف للخلود و تحكم جميع الممالك.

•قيصر:واش فنضرك كان غادي يتيقنا كون قلنا ليه هادشي على المرا لي ككام كيعشقها و كيتنفس هوائها الواليد اكيد ماكنش يتيق و كان هو نيت بقوة غضبو كان يعطيه ليها بيده و نتا عارفو ماعندو هقل و ماعندو ميخسر(هدر و قيس اوما ليه بصعوبة و شوية سمعو الصوت داب لوطو و بدلو الموضوع)

•رازان:ولدي حبيبي جا ههه (هدرات وقفات مني بانليها اصيل داخل و شوية خرجات من موراه. ياسمين و لكن تاحد معرفها من غير بلال لي كان تم و قيس و قيصر و الجد و رازان جمعات ابتسامتها. بعفوية)

•سيلفا:شكون هادي اولدي اصيل

•قيس:ياسمين ال"فاروقي" ابنة رئيس العشيرة اللبنانية ال"فاروقي" مرحبا بيك فقصر الفولتوريز(هدر بهدوء و افتخار طاغي و هي تبسمات و قربات منو سلمات عليه و كامت لابسة فيست اصيل و مغطياها)

•ياسمين:تشرفت بمعرفتكم اقوى معشر شهدو الممالك و هادا فخر ليا انني نكون ضمن ضيوفكم داخل قصركم(هدرات و كتشوفيهم كاملين و دارت عن قيصر)

•ياسمين:كنقدم ولائي ملك المعشر قيصر الفولتوريز(هدرات باحترام و تحنات عبر نصف ركبة حيت الولاء كيتصنف لعدة مصالح و مناصب الاول الرؤساء كيقدمو الولاء فقط عبر انحنائهم و تانيا ابناء الرؤساء عبر انحناء نصف ركبة تالت منصب الباقيين او العوائل ديال الروساء كيتحناو عبر ركبتيهم بجوج و هادشي داخل ضمن البروتوكول)

بقات ياسمين كتهدر مع العائلة و سلمات عليهم كاملين و قربات من خوها بلال لي عنقها بحنان و لاحظ انها مغوبشة

•بلال:مال حبيبتي مقلقة ههههه(هدر بشوية فودنيها و هي اومات ليه بعينيها ب لا زعما ميكين والو و هو تعجب و دور وجهو)

•رازان:اش جابكم بجوجكم نتاا مشيتي للشركة و مني رجعتي جيتي نتا و ياسمين واش تلاقيتو فشي بلاصة(هدرات و قربات من اصيل عنقاتو و بقات فحضنو و هي باسها من جبينها)

•اصيل:مشيت للشركة كان واحد الوراق قاديتهم و من بعد مشيت لواحد لكافي وًتما تلاقيت انا و ياسمين ال"فاروقي" و هي قالت انه كانت اجي ليوم للقصر ياك ا انسة؟؟؟(هدر و كيشوف فياسمين بغموض و هي اومات ليه و تبسمات لرازان)

•قيس:علاش مشيتي للشركة ا اصيل هممم!؟؟؟؟(هدر بغكوض و كيشوفيه و اصيل عرفو عاق بان علي و شاريهان تلاعبو فالحسابات بلاما يرضو البال)

•اصيل:اوا اذا راه فخبارك اجدي قيس ههه عافرك مكتفلت تاحاجة و لكن هليني نخل الموضوع بطريقتي(هدر و قيس اوما ليه و حمحم)

•قيس:اححم هاحنا انشفوو واش انقدروو و لا لاا احفايذ ال"فولتوريز" ؟؟(هضر و تمشى للمكتب هو و قيصر و اصيل و ياسمين كيشوفو فبعضهم و سرطى ريقهم و هو يدير ليها براسو زعماا لا )

•عشق:ياسمين حبيبتي بلاما نوصيك القصر قصرك تقدري تتصرفي فيه كيف بغيتي و اي حاجة حتاجيتيها الخدم فرهن الاشارة و هوما غغديً يوريوك الجناح ديالك لي غادي يكون فالطابق الثالت الاخير مع البنات و الدراري اوك حبيبتي(هدرات برقي و تبسمات ليها و تمشات كتتمايل لجناحها و ياسمين عجبتها شخصيتها)

•ياسمين:ممم واش الشباب ميكينينش امممم؟؟؟؟(هدرات بغرابة حيت القصر كان صقيل و هي عارفة انه قبرص ميكينش هو و علي و كابير و لكن ماعارفاش البنات)

•سيلفا:الشباب مسافرين لصربيا معرفناش ايمتاش يقدرو يجيو كل مرة شنو كيقولوو(هدرات و ياسمين شافت ف اصيل و هو يقاطع سيلفا)

•اصيل:غدا صباح يكونو عندك هناا اعمتي دراري غدا جايين(هدر بسرعة و طلع فالمصعد غادي لجناحو و كولشي تصدم حيت ماكانتش فخبارهم و ياسمين جاو عندها الخدم باش يوصلوها لجناح لي تختار ليها)

🗡فصربيا عند قبرص و شباب🗡

مني وصل قبرص و كابير للكوخ نزلو من اللوطو و قبرص وقف كابير

•قبرص:تاخد فلي لداخل ماغادي يسق الخبار و لا سولو على علي غادي تقول عندو عمل مهم و غادي يمشي من المغرب لتما(هدر و كابير اوما ليه و دخلو لقاوهم كاملين جالسين برا و جيلان هاد المرا ماداتهاش فقبرص وهو تعجب)

•جيلان:يالاه تصبحو على خير انمشي نرتاح شوية (هدرات ملفتة انتباه الجميع و لكن ماشي قبرص اي واحد )

•قبرص: وجدي راسك غداا راجعين للمغرب ا جيلان (هدر و جلس قدام سيما و جيلان قوسات حجبانها و مشات لبيتها)

•كابير:مال هادي عوتاني؟؟؟؟

•ليث:منعرف ما...(هدر و هي تقاطعوو سيما)

•سيما:اجي بعداا فين واحد علي ماباانش لياا مني خرج مع كابير و نتا ا قبرص كنتي لداخل كيفاش خرجتي و رجعتي مع كابير (هدرات بقللق و كابير شاف فقبرص لي هاد الاخير تبسم)

•قبرص:هادشي صغير عليك اسيما لي خاصكم تعرفو وًمهم انه علي ميكينش هنا و صاافي و بلي خاصكم غدا توجدو راسكم راجعين للمغرب (هدر و ضرب على الطبلة و وقف كيتمشا لجناحو و الكل مستغرب)

•عهد:معمر شي حد فينا بات برا بلاما نعرفوو و بالاخص علي و دابا فخبار قبرص ممم هادشي كحير و انا مافياا لي يخدم عقلي على والو (هدر و ناض تاهو)

•نهيد:غادي يخدم هقلك و عقلنا كاملين غا صبروو اااح الحماااااس غدي يبدا ههه تهلاو ولاء زين يالاه (هدرات و شافت فيهم كانلين متابعين و دخلت هي وولاء )

•شاريهان:كابير بغيتك فشي حااجة(هدرات بوية و هو ينوض و غوت عليها)

•كابير:لا ا شاريهان اخر مرة تجبدي هاد الموضوع ولا نخسر معااك نتي ماشي ديال داكشي سيري قلبي عليا و لا نسوط فديلمك فهاد ليل(هدر و مشا حلس بعيد عليهم و حبد گارو و كينتر فيه و هي كتشوف فيه من بعيد)

•لين:اش كاين تم اشنو بغيتي من كابير تا تعصب هاكاا هممم؟؟؟(هدرات و كتقاد شعرها لور و شاريهان دارت ليها براسها زعما والو غا نساي)

•قبرص:ليي براا يدخخل مرجع نلقاا شي حد هناا ميلووم غااا رااسو (هدر و خارج من غرفتو وكان لابس سبور شورط و تيشورط )

•ليث:فين غادي اساط؟؟؟؟(هدر و قبرص كان غادي و هو يرجع و شافيه بتقالة و عينيه كلها رعب)

•قبرص:معمري نشاور هادي قاعدة و لا قانون ديرو فبالك اوك(هدر و شار لكابير لي فهمو و بقاو غاديين لناحية الرمال و الضلام تا مابقاوش كيبانو )

عند علي و امالياا لي مني وصلو لواحد البلاصة كانت خاوية دايرة بحال الخيمة صغيورة و نقية و مني مشاو و هوما ساكتين و علي كيشوفيهاا و يخنزر

•علي:الله يصبرني ياا شيدي ربي واش مكتفهميش هاكي شدي حواايجك و دخلي نتي نتي دخلي بدلي و انا انخرج براا نتسنا و نجيب شي حاجة تاكليهااا (هدر و حط ليها الحوايج فيديها و هي ي كتضحك ببرائة و مفهماتوش و مسمعاتوش و مني كان خارج تبعااتو و علي كيسحابلي كديرها بلعاني)

•علي: وااا دخليي برااا مقلتش ليك تبعييني و نتي ادخلي تبدلي هاد الحالة و انا انتسناا براا فهمتي (هدر عوتاني بالغوات و هاد امرا جعر و كشاكشو خرجو مني بقات غي كتشوفيه و هو كيسحابليه كتجاكرو و هي تلسق فيه عرتاني)

•علي:واا دخليي فحاالك ياالاه قوودي داابا مزيان فهمتتيي(هدر و عطاها بتصرفيقة للوجه تا ضار و هي تصدمات و زيرات على الحوايج و دخلات لداخل كتجري كتبكي و هو كاداهاش فيها و خرج كيتسناها على برا بينما بدلات)

•علي:اووووف مكنتش باغي نضربك واانتي لي قلبتي عليا فهاد ليل تفووو شنو مفهامتش الصربية و هدرنا بيها الانجليزية و هدرنا بيهاا اليونانية و الايطالية و هدرناا شنو مافهمتيش (هدر بوحدو بغضب و كينفض فحوايجو و شوية ماعرف الصوت منين جاه)

•قبرص:عاااود شنو قلتييي الزا**. هاااا؟؟؟؟ واااش ضربتيها هددر وااش ضربتييهاااا(هدر و شنق على علي لي مفهم والو معرف منين خرج ليه هو و كابير)

•علي:واا سااط را هي...(هدر و هو يخبطو قبرص مع الارض )

•قبرص:واا انا اصحبي اناا و مامديتش عليهاا يدي و تحي نتااا تحطهاا علييها هددددر اعلي بلاما تخرحني على طووعي(هددر بغضب و صووتوو مرتاافع و ولا بحال الوحش لدرجة تا من علي تصدم فيه)

•قبرص:نووووض (هدر و طلق منو و علي وقف بشوية و كيخنزر) فين هيي فيين امالياااااا(غوت غوتك وحدة و كابير كيشوف فعلي زعما جاوبو و علي شار ليه لداخل الخيمة)

•قبرص:شتي قلت ليك ا كابير هادا مافيه تيقة يبقا معاهاا هاهو خليناها معاه ماكاملة تا نص ساعة علم الله اش دار تا ضربها اندخل نطل عليهاا نلقا فيهاا طرااس واحد اعلي منهدرش معااك تالمغرب و نتفاهمو(هدر و علي بغا يهدر باش يقوليه بلي راها لداخل كتبدل و لمن فات الفوت و قبرص دخل. لداخل بلاما يدير اي حس او ضجة )

دخل قبرص للخيمة معصب و مادايها فختا واحد حدو دخل و كانت الاضائة خفيفة تا كاتبان ليه اماليا عاطياه بالضهر و كتطلع الكسوة لي معرية من الكتاف و هو تلف و بداا كيرمش بزاااف و قرب منها بلاما يدير الحس و عينيه معسلين و شفارو تقالو بقوة التلفة و قرب منها و حط يديه على كتفها و هي تقفز و دارت عندو و هو بعد)

•قبرص:اححم اااا ا غي انا هادا ماتخاافيش(هدر و باقي ماكل تا هدرتو عنقااتو بقوة و زيرات عليه و بدات تبكي و هو ماحس تا حاوطها من خصرها و رجليها تهزو من الارض و هو كيحس بحنكها لي على لحمو من الفوق سخون من اثر الضربة ديال علي و بدا يدوز يديه بتردد على ضهرها تا قفزات كانها ضربها الضو و هنا زاد شك قبرص حيت مني دخل فاش كانت كطلع الكتف ديال الكسوة لاحط شي ضرب على ضهرها و زاد دابا تاكد مني تقسحات و بعدها منو بشوية و حطها. و هي توترات و حدرات راسها للارض و هو كيطل عليها و كينزل عنقو. باش يوصليها و شوف)

•قبرص:ماتخافيش هادي اخر مرة شي حد يحط عليك يديه من غيري (هدر بغضب و جبد غطا لمحو و حطو ليها غلى كتافها و خشا ليها شعرها لداخل)

•قبرص:تحيديه نفصل والديك(هدر بالمغربية و هي مفهماتوش و هو يقوليها زيدي و دار ليها طريق تا خرجو عند كابير و علي)

•علي:والله اقيرص تاا هي لي فيهاا الضحك لبااسل كنهضر معااهاا و هي كدير راسها مكتيمعنيش و كنقوليها دخلي و هي بغات تخررج براا(هدر و امالياا فقزات و درقات مور قبرص لي غي سمع هدرة علي تأكد انه ماشي هو لي ضربها لضهرها و اصلا لمح انه الضربات قدام شوية و لكن لي ركز عليه قبرص امتر هو انها بغات تخرج برا و هو يحرها من موراه من يديها و لواها ليها)

•قبرص:فيين كنتي باغاااا تمشيي هاااا؟؟؟؟؟(هدر بالصربية و هي سمعاتو و بدات تحرك راسها بلا لا عاد طلقها بغضب و قاليها دخلي و هي بدات تدمع و تشوف فعلي)

•قبرص:دخليييييييي(هدر فوسط وجهها و ماحا فين يكمل الهضرة تا دخلت كتحري و تتعكل )

•كابير:رخفو على البن شوي و نتوما واخد مصرفقعا شو حنكها كداير و واخد يلوي ليها اليد و يغوت عليهاا وااش والدينهاا و انا مافخبااريش مالكم على هادشي (هدر باسى و لاول مرة حيت فعلا بقات فيه اماليا )

•قبرص:الطرشة بعدا اسي علي تالمغرب ووحد راسك للخلاص ماشي هناا فبلاد النااس نتا خاصك تكون هو هاداك تماا باش نعرف لك و اما انا اسي كابير ندير فيها لي بغغيت مازام انا لي جبتها و انا لي لقيتها ادا هي كتصنف من الحوايج ديالي و لي كيخصوني بوحدي و تاخد ماعندو الحق لا يهدر عليهم(هدر و شاف فكابير ) و لاا يحط عليهم يديه(و شاف فعلي لي هز يديه و دور راسو بعدم تصديق من هادشي لي كيسمع)

•علي:وااخاا يالااه صافي غلطت و كنعتاذذر و لكن لاش حيتوو راه غادي يشكو لينا لخرين مهم سيرو و كنحلف لي والله منقيسها نديرها فعينيا (هدر و تعانق معاه و قبرص هلاه تا كمل و هضر)

•قبرص:غادي ديرها فبالك هاد الهضرة لي انقليك ماشي فعينيك اناليا يعد منها و سيرو نتوماا داباا لعند لخرين انا انبقا ليوم هنا و لي يسولني انفرع ديلموو كابير تكلف بداكشي لي قلت ليك انا و اماليا انسبقوكم غدا صباح و نتوما كذلك اتاحهو بكري اووك (هدر بهدوء و ضرب يديه مع يد كابير و دخل للداخل و خلا علي غا حال فمو)

•علي:وااش هادا قبرص ولاا كنتخيل وااش مالاحضتيش بلي هادشي مامانش يدير تاا ربعو مني كنا منقريو و نهدرو مع اوزار مراتو (هدر بتعحي و كابير هو لي فهاد اللحضة استغرب و بغا يتأكد)

•كابير:الله يرحمها ا علي الل يرحمها(هدر و بدا يتمشا هو و علي راجعين عند دراري)

•علي:اتا اشم... ااه الله يرحمها(هدر و قلب لهدرة و مالاحضش بلي عيون قبرص كانو على جميع ححركات جسمو كيدرسهم)

•كابير:زيد اعلي زيد والله و يكون داكشي لي فبالي منعقل عليك تالغداا و تفركت المجمع. داباا تحرك(هدر و بداو يحريو وسط الضلام الخالك بسرعة خيالية مستخدمين قوة مصاصي الدماء الاصلية و لي هي السرعة )

على ذكر سيرة اوزار غادي نمشيو لاخر بلاد نقدرو نتوقعوها تكون فيها من بعد موتها او نقولو توهم موتها

داخل اكبر و افخم قصر يوناني مر على عصر و تاريخها قصر ابيض مخملي طاغي عليه الطابع الكلاسيكي العريق و هادشي كيبين عن مدى رقي و قوة صاحبو و غناؤو

♟داخل قصر لوسيفر ♟

كان شاب فمقتبل العمر واقف قدام المرايا الكبيرة لي فوسط الجناح الملكي داخل قصرو و كيقاد فبدلتو الرسمية و كيقاد شعرو الاسود للوراء تا،،،،

•اوزار:حبيبي صبااح الخيير (هدرات و عنقاتو من ضهرو و هو حيد ليها يديها و ضار عندها)

•لوسيفر:ياك كنقوليك تا نبغي اناا عااد حطي يدييك ا اوزاار ال"فولتوريز ههههه(هدر بضحك و وقف قداام البالكون الزجاجي كيشوف فواحد الثمتال لي ولات من طقوسو و عاداتو الصباحية انه يبقا يشوفيها عبر الشرفة كنوع من التذكير باغلاط الماضي و اهداف المستقبل )

•اوزار: و ياك تا انا كنقوليك بلي اعدى كنية تقدر تحي مور سميتس هي القولتوريز و عارف انه درت هادشي غي على قبلك ا لوسيفر(هدرات و كتشوفيه و هو بدا يضحك و باسها من فمها)

•اوزار:همممم اااا واش صافي قررتي ا لوسيفر اا قررتي انك تبدل الطريقة اللعب ديالك؟؟(هدرات و تسندات كتفو و كتلعب فلحيتو)

•لوسيفر:مليت و انا نلعب من التحت لسنوات و دابا جا الوقت باش نعطي نيشان داكشي لي مقدروش يديروه لي قبلي و ....(هدر و صوتو حامل كره و بغض و هي تقاطعو اوزار)

•اوزار:و بالاحرى باش تقلب عليهاا ياااك؟؟؟(هدرات بابتسامة و هو بانت على وحهو ابتسامة دافئة لي اوزار كتلاحضها فوجهو غي مني كتجبد سيرة هاد الشخص لي مني عقل على راسو و هو كيبحت عليها)

•لوسيفر:هادشي علاش نتي هناا فجنبي حيت كتفهمينيي(هدر و بعد جبد سيگار غالي و هاص و نترو ففمو )

•اوزار:مممم ديما كنسولك هاد السؤال و مكتبغيش تحاوبني ممم. واش...

•لوسيفر:واش لا لقيت حسن منك انبدل لك ولا لا؟؟؟؟؟ هههه ممم بكل صراحة و سهولة اه اه الا ليت لي تفيدني احسن و تقربني اكتر من هدفي نقدر نبدل بل نقتل و امتر من دلك فبلاما تتأملي اكتر من ذلك اوزار (هدر و هي تبسمات بقهو و بكن معندها مادير هي محتاجاه و هو محتاجها)

•اوزار:غادي نمشي معاك نتا عارف اما ميكيهموني لا فولتوريز و لا اي معشر اخر من غيرك و مكيهمنيش ان العالم و المعاشر يتعرفو علياا. قد مامتهمني نتا(هدرات و دخلات للدريسينغ تبدل و هو يهدر و كيضحك بغموض)

•لوسيفر:جا الوقت لي تقابلي ليه راجلك قبرص الفولتوريز جا الوقت للرجوع لاصل الاشياء (هدر و نتر نترك من السيگار و طلق دخان و بداا يضححك بقوة و مد يديه للبلاكار صغير قريب ليه و جبد صورة و تبسم)

•لوسيفر:قريب قرييب و يبان و يوضاح كولشي(هدر و خشا الصورة لداخل الفيست و خرج من الحنااح )

داخل الخيمة عند قبرص مني دخل عند اماليا لقاها مخشية فواحد البلاصة وً مكمشة وسط الغطا و راسها و عنقها عوجين و هو يقرب منها و جلس على ركبتو و كيقرب منها بشوية بلا حس و كيشوفيها و حيد ليها الشعر على وجهها و تبسم بلاما يحس مني غوبشات و حركات نيفها

•قبرص:هه تا فنعاسك مدابزة يا ربي(هدر بفقصة و قرب منها هزها بشوية بي دراعو و حطها فوق السرير بشوية و عاود غطاها و طبطب عليها و كيدوز يديه على شعرها)

•قبرص:اماليا امبورسين غادي تنساي هاد الكنية ديالك و غادي تولي اماليا ال قبرص ال"ڤولتوريز" هضر و قوس حاجبو بشوي و ماض وقف من حداها و خرج برا الخيمة و هز تيلي ديالو و دوز الخط لجيلان لي ماجاوباتوش فالمرة الاولى و لكن عاود صونا ليها تا جاوبات)

•قبرص:لاش مكنتيش تجااوبيي فين كنتتيي (هدر بغضب و هي تبسمات و هدرات باستهزاء)

•جيلان:هاهاها عاد تفكرتي بلي عندك وحدة فحياتك سميتها جيلان ا قبرص

•قبرص:مالكي قبيلا شفتك ماشي هي هاديك. بقيت مشوش عليك واش كاين شي مشكل هممم؟؟؟(هدر باهتمام و هي تسمعات تنهيدتها حارة الشيئ لي هلا قبرص يغطس فبحر شكوكو انه عندها شي حاجة شاطناها و مخبايها عليه)

•جيلان:واخا نقوليك ماغاديش تفهمني و ماغاديش تعاونيي(هدرات بشوية و هي كتعرف شخصيتو كيديرا وكتضرب ليه على الوتر الحساس و لي هو انه عدوه يبدا معاه شي حد الهضرة و ميكملهاش ليه او يحاو كل يتذاكى و ينسيه)

•قبرص:عمرك جربتي معايا و ماعاونتكش ا جيلان يالاه قولي ماحدي هو هاداك و لا قطعي من الاحسن مافيا لي يتصادع معاك(هدر بغضب و هي سكتات عاد هضرات)

•جيلان:غدا انشاءالله مني نمشيو للمغرب غادي تعرف و واعدني انك تعاوني مني تعرف اخا يكون الموضوع كيفكا كان اقبرص ؟؟ و ماعمرك تخلى علياا؟؟؟(هدرات بنبرة باكية و هنا قبرص زاد تشوش و جاوبها)

•قبرص:واش عمري تخليت عليك اجيلان ؟؟ماعمري نطلقك من يديك و لا نتخلى عليك اجيلان نتي روحي و نفسي معمرك تنساي هادشي واخا يطرا لي يطرا بيناتنا و لكن هادشي ماغادي يبدل ولا غرام من هادشي (هدر بحنان كيف كوالف يحاكيها و هنا جيلان كانها تزرع عندها امل جديد من المشكلة لي تعرضات لحياتها )

•جيلان:شكرا احبيبي يالاه تهلا فراسك. و غدا غادي تعاود ليا كولشي كيفاش علي لي كان ايسافر رجع و نتاا مشيتي انا ماغاديش تغمق علياا بحال الباقيين هه واخا تاهوما متيقوش و لكن نتا عارفهم انهم ميكيكذبو تاحاجة جاية من جيهتك واخا يشوفوها بعينيههم و تقيليعم نتا غلط يحسبوها غلط يالاه تهلا فراسك غدا نتلاقاو فالمطار هناا (هدرات. و قبرص تبسم حيت ديما هي لي كتفهمو)

•قبرص:لا ماغادي نجي للمطار ديال صربياا غادي ننطالق نيشان للمغرب و تما نتلاقاو اوك ردي البال للدراري راك عارفاهم وو اه شاريهان حضيهاا مابغيتهاش ترجع للقصر مكاوية نعول عليك كابير يالاه يرد لبال لعلي و ليث و مهم يالاه تهلاي ليا فراسك (هذر باهتمام عليها و على باقي ولاد عمامو و قطع و وجع تيلي لجيبو و دار گارو ففمو كينتر بعنف)

•قبرص:كيدايراا اعشقي تمنيت نسمع صوتك دابا و نشوف صورتك بين عيني و نشم ريحتك لي هادي زمان ادمنت عليها (هدر بتنهيدة حارة و هو كيفكر عشق ماماه بكل حسرة على داكشي لي واعد بيه نفسو و مقدرش يصبر جبد تيلي ديالو مرة ثانية و دوز نمرة عشق بتردد و حط تيلي على ودنيه و انفاسو فقط لي كتمسمع و هو متوتر و كيتسناها تحاوبو)

•عشق:الوو. الوووو شكون معاياااا (جاوبات عشق فالتيلي بصوتها لي كيسري فعرقو بحال الترياق و هو يبقا يرمش و ساكت)

•عشق:ااااا ش شكون معاياا ااااااا. (هدرات و سكتات بعض الوقت و شوية غرتات كانها عرفات شكون) ق قبرص ولدي اا وو واش هادا نتااا ياك ااا قبرص ولدي هاداا ياك ااهئً كنت عارفاك اهئ ولدي كيداير لاباس عليك(هدرات ببكاء و برص حيد تيلي من ودنيه بنف و قطع)

•قبرص:ااععععععع لاش كتبكي داباا لاااااااش(هدر بغضب و دخل للخيمة و جلس فكرسي قدام اماليا لي ناعسا و كل مرة كيقرب ليها يحط صبعو على نيفها يشوفها واش كتنفس ولا لاا و يعاود يرجع يخرج يكمي و يدخل يحلس و يشوف فالساعة تاكيطلع الفجر و هو يسيفط مسج ل اصيل)

📩قبرص: شوية انمشيو للمطار بداا داكشي و بغيتوو يجي مزامنة مع وصولنا يعني من بعد ستة سوايع ا اصيل يتفتح القبر و عندهم اقل من ربع ساعة(سيفت المسج و خرج براا )

صباح جديد مليئ بالمفاجاات و ضهور الماضي لي كيتجسد ف حياة العائلة و احفاذها

🗝عند الشباب في الكوخ🗝

•كابير:يالااه راه تعطلتتوو ا دراااري واش ساعة و انا براا كنتسنااا سيماا هزي داكشي دياالك ماشي تبقااي ترجعيناا بحال ديماا نسيت و نسييت(هدر و كيقاد اللوطو لي ايمشي فيها و اللوطو لي ايسوق عهد بالباقيين)

•جيلان:شاريهان نتي اتجيي معااياا سيماا تا نتيي انكميو مع كابيير اووك ليث و لين و رعد و ولاء مع عهد و نهيد معاناا تا نتي اووك ياللاه زربوو راه انتعطلووو (هدرات و خرجات ببذلتها الرسمية بلون الازرق الساماوي و شعرها الاسود جامعاه الفوق و مامكترااش مكيااج بزاف و هازا ساكها فيديها و مشات حدا كابير من بعد ما تأكدات من شاريهان ماشاربااش و الكل ركبو و اتاجهوو للمطاار صربيا لطائزتهم الخااصة لوجهتهم الاساسية المغرب)

🦋عند قبرص و امالياا🦋

فاقت اماليا و كتحك فعويناتها بكياتة و رجعات شعرها لور ناضت كتترنح برجيلاتها بشوية و خرجت طلت شوية لقات قبرص كاين عاد تنهدات باأريحية و رجعات هزات كتابها و خرجات عندو

🖋•اماليا:صباح الخير(كتبات ليه فالكتاب و تبسمات و هو مستغرب منها)

•قبرص:اححم اا مزيان(هدر و كيحك راسو و هي بقات كتشوفيه بغرابة علاش مرضش عليها)

•🖋اماليا:واش ماغغديش نفطروو؟؟؟(كتبات لي مرة اخرى و دارت حداها قلب و هو دور راسو و تبسم بفقصة و دار عندها. خنزر)

•قبرص:اناا معنديش مع داكشي ديال الافلام نوض بكري و نوجد الفطور و نتسناك تا تفيقي بغيتي شًي حاجة طيبيها رااسك و زايدون زيدي قداامي تعطلناا خااصناا نساافروو(هدر و تم جارها من يديها و هي كتتجرجر و هو يطلقها و دار عندها مخليها شنو تدير)

•🖋اماليا:اا فين انسافرو و زايدون جيت خايبة انمشي نبدل و نرجع(كتبات ليه و هو خدا الكتاب من يديها بغضب و لاحو فاللوطو من الشرجم و هي غادي دور تدخل و هو يجرها من لور ديال التيشرت و هزها و لاحها فاللوطو و زدح الباب)

•قبرص:التبرهييش ماعننديش معااه الخرااا ديري عقللك لامبغيتيش نغلط فييك (هدر بغضب و هي تخلعات و هزات رجليها عندها فالكرسي و دخل هو حداها لوطو و قاد ليها سمطة و هي منفخة و مضورك وجهها للجاجة و بقا كيوشفيها و قاليها )

•قبرص:زوينة هاكاا حتا فالصباح (هدر بشوية و هي بدات تترمش بسرعة و هو كسيراا بسررعة و كل مرة يضور راسو يشوفيها و هي كل مرة تكتب ليه فالكتاب تسولو)

•🖋اماليا:واش غادي نوصلو و كل واحد فينا ايمشي لبلاصة لي كينتامي ليهاا يااك يعني كل واحد فينا فين بغا(كتبات ليه و هو هز راسو على اطريق و كيوف اش كتبات و هو بقا متقل فيها الشوفة عاد بعد عينيه )

•قبرص:اه عندك الخق كل واحد ايمشي للبلاصة فين كينتامي و مل واحد فين بغيت اناا ماشي فين بغاا فهمتيي(هدر و حيد ليها الكتاب من يديها و حطو حداه و هي دورات راسها و بدات تشوف تاكاتلقا راسها كيقيربو للمطار و هو كيراقب تحركاتها وكيدرسهم )

•قبرص:لبسي عليك هادي و متحيديهاش نلقاك درتي العكس راك عارفة بلاما نهضر(هدر بغضب و مد ليها واحد العباية طويلة فالبيج و زيف ديالها تاهو باج و قادليها الزيف و لبساتها من فوق الحوايج و نزل هو الاول تزل الحوايج من الكوفر و عاد داز لجيهتها حل الباب و تاكد من لباسها و جاتها مزيرة شوية من الصدر و هبط ليها زيف شوية و شد ليها يديها و اليد لخرا هاز بيها الفاليز و الصاك و دخلو من الباب لاخر باش ميتلاقاوشً مع جيلان و دراري

قاد الوراق و كولشي و اتاجهو للطائرة لي معلنة على الرحلة للمغرب و هو حاضي معاها و شادها فيديه بحال البنيوتة الصغيررة و هي صابرة و فرحانة بهاد الاهتمام لي كتلاقيه لاول مرة من حياتها )

♣️بعد عدة ساعات ♣️

🗝داخل قصر الفولتوريز 🗝

كانو العائلة مجموعين على الطبلة على الفطور فجو كلو عائلي و ضحك و ياسمين لي انساجمات بزاف مع العائلة و خصوصا عشق لي مانت كتعاملهاا معاملة خاصة

•سيلفا:اااح الحيبان و التيتيز دياالي لييوما ايجيو ااههه توحشتهم بزااف والله القصر بلابيهم داير بحال الضلام اخر مرة يسافرو بلا بيناا (هدرات و كولشي بدا يضحك)

•قيصر:ماقالوش ليكم ا اصيل ايمتاش غادي يجييو هممم؟؟؟(هدر مع اصيل لي شاد تيلي ديالو و سيفط مسج عاد جاوب عمو. قيصر)

•اصيل:اححم ااه دابا شوية و يكونوو هناا واحد الساعة بالاكتر گاع و يكونو هناا(هدر و شرب القهوة ديالو)

•قيس:و لكن فالمطار الدولي لي فصربيا ماكينش قبرص معا الشباب فين مشا؟؟؟(هدر و هز ف اصيل حاجبو و لكن اصيل كان موجد لهاد السؤال)

•اصيل:نتا عارف اجدي قيس بلي حفيذك قبرص مكيبغيش لي يصورو لا فاجتماعاتو و لا ف رحلاتو و كيف عارف انه فالمطار كاينين الصحافة لدلك ايكون تجنبهم(هدر برضى و قيس اوما ليه بتفهم و قيصر كيشوف فيه بنص عين)

•قيس:اححم اذا ليوم نتا ا سي اصيل غادي تمشي معااناا للشركة و بدون اعترااض الاشغال كترات هاد الايام و البروجيات قواو (هدر و وقف و اصيل حصل حصلة ماليها خروج و يالاه ايوافق و هي توقف ياسمين جمعات الوقفة و قربات من اصيل و كتقاد جوايجها)

•ياسمين:و لكن ا اصيل نتا واعدتيني بلي غادي تمشي معايا للجامعة لي قلتي نقدر نلقا فيها واحد البروفيسور لي ايعاوني في البروجي لي انوجد و ميمكنش ليا نأجلو (هدرات و غمزات اصيل بلاما يشوفهم حد )

•اصيل:ااه نسييت هادشي دونك يالاه نمشيو (هدر و وقف لبس الفيست ديالو و قيس غيكيشوفيه و تبسم و شاف فقيصر ولدو زعما تأكدت)

خرجو اصيل و ياسمين بسرعة من الباب ديال القصر و كيجريو

•ياسمين:افين غادي نتااا هاهي لووطو ؟؟؟(هدرات و هي كتشوفو غادي لجيهة اخرى)

•اصيل:نو معمدناش الوقت للوطو و كاين زحاام داباا كازا كتكون عامرا سطوبات فالصباح و زيد عليهاا شوفة جدي قيس و عمي قيصر ماشي تالهيه دونك خاصني نختاصر الطريق و نستغل الوقت حيت هوما عمدهم كولشي بالحساب و راك لاحضتي بلي قلت ليهم باقا ليهم ساعاوو يوصلو للمغرب و لكن فالخقيقة هوما باقا ليهم عي تص ساعة اذا ربع ساعة نمشيو للمقبرة و ربع ساعة نرجعوو هنا نشوفو اش ناوي قبرص يدير حيت بان ليا مادام بدل الخطة ادا موجد شي قنبلة موقوتة و ليوم يفرقعها فوجهنا كاملين (هدر و مشا جيهة الموطور ديالو لي كان اسود و كبير و حيد لافيست لاحها داخل المرأب و لبس جاكيط كوير و دار الكاسك)

•اصيل:كنضن فهمتيني يالاااه اجي لهناا(هدر و جرها من خصرها عندو و لبسها تاهي بحالو جاكيط و كاسك و قاليها ركبي)

•اصيل:ركبي نتي الولة و انخرجو لموطور لبرا باش ميسمعوهش ي لداخل (هدر و هي ركبات و عاونها و خرجوالموطور تالبرا و عاد ركب هو و جر ليها يديها لكتافو و كسيراا خلاا غا العجااج من موراه)

داخل المقبرة كانو بزاف ديال السيارات و اطبة لي لابسين ابيض و كيفتحو قبر الداخل و كانو بزاف ديال لي كارد لي محاوطين ديك البللاصة امر من اصيل

•المسؤول:سربي اخويا سربي رااه بقات ربع ساعة بالحساب و لي كارد ديال المقبرة لي مكلفهم قيس الفولتوريز ايجيو و الكاميرات لي حبسنا ايرحعو فالتشغيل (هدر بحوف و كيمسح العرق بقوة الخلعة. شوية تسمع صوت مجهد ديال الموطور و كولشي تلفت )

•اصيل:عندكم ربعة دقايق يالااااااه(هدر و حيد الكاسك ليه و لياسمين و تم غادي كيقرب ليهم و هوما بداو يزبرو)

•اصيل:تلاتة دقايق و ستة و خمسين ثانية (هدر بغضب و ملامحو مكتاسحة الجدية و ياسمين غي كتشوفيه و شدات القنت و كتشوفيهم شوية بداو يخرجو من تحت الرمال قبر خشبي كان محكم بالقفل و اصيل تبسم برضى و اخيرا )

•اصيل:يالاه دخلوه لسيارة الاموات و غادي يمشي نيان للمشرحة لي قلت ليكم عقلو لي قت ليكم اوك و حطوه ب اسم اوزار(هدر و هي تقفز ياسمين)

•يااسمين:نو نو حطوه اا ب اسم مممم ملك ااه ملك ماشي اوزار اااهههه شكرا و مني تخرج النتيجة علموناا و رجعو القبر لي وصيناكم هنا كان تاحاجة ماتهزات(هدرات و جرات اصيل من يديه لجيهة لموطور)

•اصيل:ايمتاش وليتي تقاطعيني و تهدري مع الرجال لوحدك وانا كاين انسة فاروقي(هدر بغضب فوجهها و هي مدات يديها لفمو و حطاتها عليه)

•ياسمين:واش من نيتك ا اصيل كون عطيتي اسم اوزار الخقيقي فالمشرحة مني غادي يشكو العائلة غادي ياقاوه بسهولة عليها عطيتهم اسم خاطئ و فهمني ا اصيل انا منهدر مع تا راحل لا فغيابك و لا فوجودك الا لمصلاحتك (هدرات و خدات الكاسك و دارتو و متسناتوش يجاوبها و هو بقا غي كشيرم و ضرب الارض برجليه و طلع فوق الموطور و هدر)

•اصيل:فين تبغي تمشي تفطري ؟؟؟(هدر بتنازل و عدم رضى لدرجة انها خرجات بزز و هي حسات بيه قالها فوق نفسو لدلك بغات تنرفزو و تدفع كبير)

•ياسمين:اححم فطرت اا و زايدون دابا غادي يجيو قبرص و دراري للقصر و لكن غادي يبقا العرض دائم ااا و مني نقوليك انكشميو(هدرات بغرور و دايرا يديها على ضهرو و هو مارضاش و كسيراا بسسرعة و هي زيرات عليه )

🗝داخل مطار الدار البيضاء 🗝

كان قبرص هو و اماليا نازلين من الطائرة و اماليا كلها غرابة حيت اول مرة انها تسافر او تشو بلاد من غير صربيا و كان كولشي كيشوفيهاا لجمالها و جسمها لي واخا مغطي بالعباية و قبرص كيقربها منو بلاما يحس و هو كيحس بطاقة غزيبة و قال انه غي خوتوو او شي وحدين من الاصناف الاخرى و بداو قربو من الناس شوية باش ميبانوش للدراري لي شافهم خرجو من الفورست كلاس و ايخرجوو من البا الرئيسي و واحد اللحضة شي حد تساطح مع قبرص و امالياا تا طاحت للارض

•لوسيفر:كنعتااذر ا اا (هدر و شاف فقبرص هو الاول و تصدم عاد تحنا لاماليا و هزهاا)ككنعتااذر انسة (هدر و شدها من يديها و هي حيدات يديها و قبرص دفع لوسيفر)

•قبرص:مادام مادام (هدر بغضب و دارها موراه و خنزر فلوسيفر و كيشوف فعينيه و كيحس بشي خاجة غريبة و لوسيفر ضحك بغموض)

•لوسيفر:قبرص ال "ڤولتوريز" قبرص ال"ڤولتوريز" ههه الجنرال الزعيم ديال الفولتوريز (هدر بغموض و كنوع من الاستهزاء و قبرص استغرب و لكن ماشي هو لي يتهزم)

•قبرص:اذا مادام كتعرفني غادي تكون سمعتي عليا بزاف ديال الحوايج و اهمها كنقتل و كنصفيها لاي واخد حط عينيه ولا يديه على حاجتي ا سي..

•لوسيفر: لوسيفر سميتي لوسيفر و انا كيعجبني التمرد ضد الاشياء الممنوعة و كيف كيقولو القوانين خلقت لتخترق و فهمهاا الجنرال الزعيم (هدر غمز قبرص و زاد شوية و كيشوف فوجه اماليا كانه كيعرفها مي معقلش و حجر موراه اوزار لي كانت مدرقةً وجهها كامل مني لاحضات قبرص و شدات فلوسيفر و خرجو من المطار بلاما تتلفت و عقلها كيطرح تساؤلات شكون ديك لي معا قبرص)

•اوزار:شكون ديك لي معااا قبرص ا لوسيفر (هدررات و دخلو بجوجهم للسيارة لي كتسناهم على برا و عرات وججهاا)

•لوسيفر:ههه بدلك ا لالة اوزار وليتي من الماضي متقوليليش غرتيي من الجديد هه و بكن تستسزة عليك لي نقولها ليك فضهرك هاهي تعاا فوجهك مهم نساي هاد الحب و الغرام ديالكم و نفكرو فالاهم و. المهم و انا ديك لي معاه ماتتهمنيش غادي تكون غي شي وحدة كيدوز معاها الوقت و يفرغ فيها شهواتو (هدر و حيد الكرافاط ديالوو اوزار. تبسمات ليه و عنقاتو و تخشات فيه و هو عينيه بقاو على باب المطار )

•قبرص:زيدي امالياا قبل ماا نقتلك هناا هدشي لي بغيتي هانتي وليتي تخلي الشمايت يشوفوفيك و يقيسوك (هدر بغضب و كيمسح ليها يديها لي قاسها منها لوسيفر و هي بعدات منو )

•🖋اماليا: ياك قلتي ليا غي نوصلو كل واحد يشد طريقو ا خويا دابا نتا عاونتيني و هربتيني ادا خاصني نمشي و نتا تمشي (خدات من يديه الكتاب و كتبات هاد الكلمت لي غي شافهم قبرص جن جنونو و شدها من الزيف لي دايراة و مزير على شعرها من اللور)

•قبرص:قلت كل واحد ايمشي للبلاصة فين كينتامي و نتي وليتي تنتامي ليا و بلاصتك حدايا ماشي كل واحد فينا و طريقو و نفكرك انه قلتيلي تعطيني لي بغيت الا كنت انعاونك و دابا انا كاناخد خلاصي على داكشي لي درتو ليك يعني المقابل هو انتي يعني المقابل بالنسبة ليا هي اماليا و انا ماشي من عادتي ندير الحاجة و منكملهاش و لا نعاون و مانتخلصش و هاد خويا تامن بهد حيت هادي خاصها حلسة بوحدها و حوار بوحدوو و خاصنا نكونو بوحدنا ماشي قدام الباشار. (هدر من سنانو بغضب و مزير و هي كتتفلت من عاد طلقها و الناس كيشوفو و تاحد ماقدر يهدر و جرها من يديها و خرجو من المطار للوطو ديالو لقا كابير مسيفط ليه مسج بلي هوما خرجو و اماليا. غي جالسا لداخل فاللوطو و ماعارفة والو و كتبكي و كسيراو اتاحهو لقصر الفرلتوريز و شوية جاه اتصال من عند اصيل)

•اصيل:مشاات اساط متخممش ههه الجتة فالمشرحة غادي تعاود فالتشريح مهم انا عاد وصلت للقصر كنتسناك (هدر اصيل بفرحة و قبرص تبسم بشر و كمل)

•قبرص:العععز الخاااوة كنت عارف لا عولت عليك نخرجش خااسر فرحتي تضاعفاات دابا (هدر و كيشوف ف اماليا لي مفهماتش لغتهم بالداريجة. قطع على اصيل و كمل طريقو)

دخلو اصيل و ياسمين للقصر الفولتوريز و هوما باين على وجههم الفرحة من انهم كملو المهمة لي تعطات ليهم و لكن اصيل دارو خاطرو من القنعة لي عطاتو ياسمين على الفطور

•عشق:هههه شفتكم فرحانين واش صافي قديتي الغراض احبيبتي ياسمين؟؟؟(هدرات و كتلعب ليها فشعرها و ياسمين تخشات فيهاا)

•رازان:هه على كاينة شي حاجة ميحطش فيها اصيل ولدي يديه و متقداش هممم الحبيب ديالي (هدرات و عنقاتو و هوً تبسم و كيشوف فعينيها الزرقاء كيف العادة مانها من عادتو وديما كيصبحً و يمسي عليهم)

•اصيل:انا بغيت غا نعرف علاش وررت منك كولشي القوى ديالك و ديال عمي راكان دقة وحدة {النار و الثلج} و ورتت ذكائك و لكن الحاجة لي للاسف ماخديتهاش و ندم كيقلتي عليها هي زرقاواتك هه عينيك املكتي(هدر بضحك شوي كيف مواللف معاها و باسها من عينيها بجوج و هي كتفرنس و هو كل شوية يهبط راسو و يشوف فعينيها)

•سيلفا:اوا ماشي مشكيل ههه حنا عندنا نسل العيون كيجي بكثرة هه دابا يجي فولادك ههه متخاافش خااصك غا تتزوج شي مصاص دماء تاهي عويناتها زريقين و صافي اتكملها هه دكي ساعا غا لامابغااوش يخرجو عويناتهم زرقين(هدرات بضحك و حلسات حداهم)

•رازان:ههه قيب قريب انشاءالله هه علاش ماقلتش ليكم هه داك نهار لقيتو كيهضر مع البنت لي دات قلب ولدي وحيدي الحبيب اصيل ههه (هدرات و باستو هو بدا يرمش بكترة و كيحل فالكرافاط من عنقو رحفها و كولشي غوت)

•دارين:هههه هي داباا اصيل غادي يتزووج اااح على تيتيزي بروفيسروري الجذاب ههه الله يكمل احبيبي(هدرات و قفزات حداه كتغوت)

•ياسمين:الله يكمل ههه مقلتيهاش لياا و وو اا لكن ماشي مشكيل الله اا يسهل(هدرات بغصة و عينيها تغرغرو شوية و طلعات كتجري لجناحها و اصيل تنهد تنهيدة مسموعة)

•عشق:لي بغيتيها احبيبي اصيل و لي ترتاح فيهاا حنا معاك فيهاا ميكينش لي يبزز عليك الحاجة ههه(هدرات و غمزاتو كانها فهمات و هوً تبسم و ناض باسها من جبيتها)

•اصيل:هههه الفريق المنتضر وصصل(هدر وحس بطاقة الشباب على برا. تبسم)

خارج القصر دخلو ثلاتة سيارات متنوعة من النوع الفاخر سوداء و الاولى خرجو منها كابير و جيلان و علي و الثانية خرجو منها عهد و ليث وشاريهان و لين و الثالتة خرجو منها رعد و ولاء و نهيد و سيما بكل فخامة و كانت الكاريزما و البروتوكول طاغي على شخصياتهم و لباسهم و كابير خيس و كيشوف فالساعة ديالو)

•جيلان:اش كتسناا امابير يالاه ندخلوو؟(هدرات و كابير اوما ليها ببلاتي و شوية تسمعو الروااايض بققوة مع الارض و وصلات تالحداهم و طلقات صوت المحرك القوي)

•سيما:هههه قبرص خووياا ههه جاااا (هدرات بفرح و مولشي تبسم و شوية عقدو حجبانهم بعدم فهم مني......)

كولشي مصدوم مني نزل قبرص من السيارة الرياضية ديالوو و ضار من الجهة الاخرى من الباب و نزل معاه امالياا لي حادرة راسها و هو كيشوف فخوتو بكل قوة و مزعزعش نضرتو القوية ولو لثانية

•جيلان:ااا ششكوو شكون هادي ا كابيير اا شكون هدرر(هدرات بغضب بااين و. كابير دار ليها بيديه الله و اعلم و تبسسم لقبرص و علي غي كيشوف )

•قبرص:مرحباا بيناا فالقصر جيلان ياك قلت ليك متسولي فوالو تتا نقوليك انا و مع ذلك كتسولي (هدر و كيوشفيها و هنا اماليا عاد هزات راسها و هي كتشوف فالقصر و الجردة ديالو الكبيرة الملكية على براا و طابعو الخاص و ف اعلى باب القصر مكتوبة الڤولتوريز كبيرة بالذهبي و كاينين ثماتل كباار دهبية على برا و اناليا حيدات عينهيا من الديكور حات عينيها على احفاذ الفولتوريز و كتوفيهم واخد واحد بدات ب كابير لي تبسمات ليه و جيلان لي غي كتخنزر فيها و علي لي كيشوفيها و دارليها بيديه هاي و قبرص خنزر فيه و سيما لي غي كتضحك و اماليا رجعات ليها التبسيمة و ليث لي مافاهم وتلو و عهد و رعد لي ملامحهم باردة مادارو تا رد فعل تحاهها و شاريهان لي حزات حاجبها و عاد ولاء و نهيد لي تاهوما تبسمو)

•قبرص:هادر ماعندك ماتتعرفي عليهم باراكا عليك كتعرفيني غا انا حيت اصلا ماغادي تشوفي تاخد فيهم لدلك بلا تضياع الوقت و يالاه ندهلو و نتما بلاما يسولني شي حد عليها و على سميتها لداخل و تعرفو كولشي(عدر و جرها من يديها و دخلو و تابعينهم خوتو و بووك تفتح الباب و لقاو العائلة كيتسناوهم و على وجوههم الابتسامة و لي تبدلات و رجعات ملامحهم كلها حيرة و غرابة و امالا حيدات يديها من يديه و كتشوفيهم ماملين و كترجع تشوف فالشباب و توف فقبرص لي اصلا ممسوقش. و تبسم لجدو قيس)

•قيصر:مرحباا بيكم فقصركم (هدر و كيشوفيهم و عينيه غي عل قبرص)

•لورين:شكون هادي لي معاكم ا دراري ممممم (هدرات و وقفات من بلاصتها و هي كتشوفيهم يحاوبو و تاواحد ماهدر)

•قبرص:هادي غادي ن...(هدر و يالاه مد يديه للحنب وهي تجي جيلان خداه و دفعات اماليا بشوية و شدات فاليد لي مد قبرص و هدرات)

•جيلان:ههه بغا يقوليكم بلي حناا غادي نتزوجووو. (هدرات بكل قوة و كولشي تصدم وكيتسمعو غي الشهقات و قبرص دار عندها بالعرض البطيئ و هي متشوفيه و متتبسم و هدرات فوذنيه{ياك قلتي ماغغديش تتخلى عليا و تطلق يدي هنا فين خاصك تعاونني اقبرص} (هدرات فودنيه و هو عينيه على اماليا من الحنب و كيوفيها شوفات ممفهوماش و هي غي كترمش واخا مسمعاتش مفهماتش الا ان الاحاسيس مكتموتش و حسات بخيبة و مشاعر غريبة واخا ماعارفاش الموضوع )

•قيس:مبروووك هاادا اسعد نهاار انني نشوف اكبر اخفاذي و اقواهم غادي يتزوجو(هدر و حيلان فرحااات و قبرص غا ساكت و كيشوف و كيف كيقولو الهدوء ما قبل العاصفة)

•دارين:مبروك عليكم احبابي و لكن شكون ديك الفنيوك لي لور(هدرات و هي متشوف ف اماليا و تاخد مالقا باش يجاوب و هي تتقدم نهيد و دخلات وسط قبرص و جيلان و فرقات يديهم و جرات حداها اماليا)

•نهيد:اا هادي صاحبتي اااا سميته اااا سميتهاا(هدرات و كتشوف ف قبرص لي غي ساكت)

•علي:هه اع هادي اماليا صاحبة نهيد (هدر و وقف حداهم و نهيد غمضات عينيها براحةلعلي لي اوما ليها بمتخافيش و كابير كيشوف و ساكت و متحمل غي على وجه قبرص)

بقاو كولشي كيشوف و قبرص ساكت و كتحمل و كارز على يد جيلان و متحمل و كيشوف ف اماليا بخلسة و لقا عينيها تحجرو فيهم الدموع و كتشوف فالارض و ميهد معنقااهاا

•عشق:مرحباا بيك ابنتي عندنا فالقصر (هدرات و قربات ليها و عنقاتها و تبسمات و كتشف فالزيف و العباية ديالها و شافت فقبرص)

•عشق:عندك الذوق ابنتي امالياا هههه عجباتني العباية ديالك(هدرات و كتشوفيها و قاست ليها وجهها بشوية وً تبسمات و اماليا غي كتشوف ماقاداش تفهم و لا تسمع)

•علي:اااحم ماغاديش تقدر تجاوبك امرات عمي ااا بغيت نقصد عندها مشكيلة فالنطق باك ا اماليا(هدر وكيشوف ف اماليا لي اصلا ماسمعاتوش و كتشوف هادي قدامها و كولشي تعجب)

•قيصر:ممم اوك دخلوو داباا ترتاحوو وًمن بعد و نهضروو و ااا نهيد. وري الجناح لي تقدر تبقا فيه صاحبتك(هدر و نهيد اومات ليهم ب واخا و يالاه اتشد ف اماليا و هو يهدر قبرص)

•قبرص:ماتفيسيهاش ا نهيد(هدر و هنا امالي عاد تلفتات و كولشي تعجب من قبيلا و هوما يدرو عليها و مابغاتش تتلفت و دابا غي نظق قبرص و هي دور)

•جيلان:و علاااش..؟؟؟؟؟(هدرات و قبرص متلفتش ليها حدو مشا قبرص شد اماليا من يديها قدام كولشي و تم غادي بيها في اتجاه المصعد و كولشي كيشوف فنهيد)

•نهيد:ااا الا كان باغيهوًلي يوريها الجناح انا مالي هاااا؟؟(هدرات كتحاولل تتهرب من عينيهم و مشات كتجري هي ولاء للمصعد لاخر و مشاو للطابق الثالت و العائلة ضارو كيشوفو فالباقيين)

•علي:انا بلاما تسولومني انا ماعارفش و انا براسي مافاهم تا خرية الواليدة اجي معايا للجناح بغيتك ضروري(هدر و هز يديهه لسما و طلع هو و مو لجناحو )

•هارون:شاريهان اميرتي اش واقع(هدر و شاريهان ماحاوباتش حدها دارت ليه بكتافها ماعارفاش)

•اصيل:بعدا نتي و علي هااصني نهدر معاكم تا ليل و اجيو للمكتب صاافي(هدر و هي تبسمات ليه و اوات ليه باحترام)

•كابير:يالاه تهلاو (هدر و هز الحقيبة ديالو و يالاه ايدوز من بيناتهم و هو يوقفو قيصر)

•قيس:كابير يا كابير ديما كادير غي لي فراسك اولدي و لكن ماغغديش دوزها علياا(هدر و دار يديه على كتف كابير لي تقتو بنفسو متزعزعاتش ولو غرام)

•كابير:الحمدلله كنفرض راسي بشخصيتي و تاواحد ميكيملي عليا الحاجة (هدر و ثقل فيه الشوفة و قيصر ضحك)

•قيس:مهم وجد راسك احفيذ الفولتوريز (هدر و كابير حز حاجبو بعدم فهم)

•كابير:علاش انوجد راسي ..؟؟؟؟؟(هدر و حك جيهة حاجبو و قيس قرب منو و دوز طرف صبعو على نيفو و كابير طيرها فالسما انه عرفو اش كيدير)

•قيس:وجد راسك و الباقي عليناا ا كابير ال"فولتوريز"هدر و كابير تنهد بقوة و شاف فاصيل و طلعع بحالو و تبعوه جميع الشباب لي كل واحد مشا لحناحو )

•سيلفا:اجيو شكون ديك البنيوتة نااري شحال فننة و العوينات و كتحممقق (هدرات بحماس و كولشي بدا يضحك عليها و قيصر غي كيشوف فباه قيس )

•اصيل:احححم انا جاي ؟(هدر و طلع من دروج القصر للطابق الثالت و نيشان لجناح ياسمين لي قبل مايدق كان متوتر و سمع بكاء قلبل و شهقات انثوية و تعجب و حط يديه على الباب بقا متقل عاد دق)

•ياسمين:ش شش اا شكون (هدرات بشوية بصوتها المبحوح)

•اصيل:ياسمين حليي بغيييت نهضضر معااك حلي ولا غادي نفرع ديلمو هاد الباب(هدر بغضب و شوية و هو يتفتح الباب و كانت ياسمين هازا راسها بجموح و قوة و كتشوفيه و وجهها حمر و لكن حابسة. البكية)

•اصيل.هزي راسك و شوفي لياا فعينيا ا ياسمين(هدر بشوية و هو داير يديه بجوج على الباب و هي بقات الوسط و مابغاتش تحل عينيها)

•اصيل:ياااسمين هدرت هدرة وحدة هزي عينيك و شوفي فياااا (هدر و هي كدير ليه براسها لا و هو يهز يديه بجوج و دارهم على فكها و هز ليها راسها بشوية و هي غي شافت فعينيه بداو ينزلو دموعها مانها كتعاابو على اخر كلامو فاش كانو لتحت )

•اصيل:ششششش ياسمين لاش كتبكي ماتيقي بحتاحاجة مادامها ماخرجت من فمي انا (هدر و بلاما يحس باسها من عينيها و تدوق ملح دموعها و هي خرجات عنيها و شوية غمضاتهم و هو دوز شفايفو على عويناتها و بعد منها و هي باقا سدة عينيها)

•اصيل:تعشقي فيا و راكي ناكرة و دافعة كبير و راكي صابرة (هضر و عنقها من حصرها و كينزل يديه على جنابها بشوية تا ضورهم عليها و و ضور يد وحدا على ضهرها و كيلعب فخصلات شعرها الاخيرة و هي هزا كتيفاتها حيت حابليها السخونية فجسمها و هو ضحك بشوية بصوتوو الرجولي )

•اصيل:اعتارفي و هني و حني على قلبي و ريحيه و هو معذب كل هاد السنين و مل هو يعشق فيك من بكري (هدر و ضورها عندو و هي كتشوفيه و هو ضور راسو للجنب لتحت و كيسرق الشوفات فيها و هي يالاه بغات تهرب للداخل جناحها و هو يشدها من يديها و بدا يقربها منو تا تساطح ضهرها مع صدرو و هي بدات تتنفس بسرعة تا...

•علي:ااش كديير تا هناا تا طللق الدرية (هدر و هو حاضيهم و كيحقق ف ياسمين لي عرفها و ياسمين قفزات و سدات الباب على وجه اصيل)

•اصيل:دابا مال ديلمك ا علي واش بقيت ليك غا انا تخرج علي فعدي ماكفاكش قبرص و كابير وً جيتي تفرع لي ك** اناا. (هدر بغضب و كيشير يديه بقوة الجهالة و علي واقف و كيموت عليه بالضحك و زاد و خلاه )

•اصيل:الله يلعن طواسل مك البرهووش سير قود من قدامي ولا انفتخ لمك الجبهة (هدر مع علي لي غادي و خبط رجليه مع الحيط و عين ولات حمرا بقوة النار و عين ولات زرقاء بقوة الحليد الشي لي كيدل علو غضبو و خلا قوتو تخرج و مشا نيشان لحناحو )

عند قبرص لي مني جر اماليا من يديها و هي غي كتشوفيه و مافاهمة والو و خطاويه كباار و هي كتزرب فالمشية

•قبرص:غادي تدخلي و تبقاااي هناا تخررجي منعقللش علييك فهمتتيي ا امااليااا(هدرر بغضب كانه انفااجر عليهاا و قرب رااسو من رااسهاا وكانه كيحاول يفهمها خطورة و اهمية الامر لي كيقولها و هي غي كتشوفيه و جلسات في الارض و هو يهزها و جلسها فوق السرير و خرج و سد عليها الباب و هي وقفات و بدات تتشوف فجناحو لي كان كلو اسود و فيه نوع من الكأبة و نفس الوقت الفخامة و القوة و دخلات للدريسينغ كتشوف فالبلاكارات و فتحااتهم لقات حوايجو و بدات تمرر عليهم صبيعاتها بشوية و سداتو دازت بلاكار كبير و تاهو اسود زحاجي حلاتى لقات فيه البدلات الرسمية و بدات تتخيل كيفاش حيجي فيهم و تبسمات و مشات بلاصة العطور و كتشوفيهم بصدمة كان نوع واحد فقط من العطور و منو بزااف ديال القنينات و هي تصدمات واش لهاد الدرجة كيعجبو ادا باينة ايكون غالي و ريحتو زيونة لدلك فكرات انها تمشي تجربو و فتحاتو و رشات على حوايجها و شعرها و بدات تكحب حيت كان قوي و مجهد و لكن عجبها و رجعاتو بلاصتو و شوية بان ليها بلاكاو اخر و فتحاتو و هي تصدم مني لقات حوايج ديال انثى و بدات تضور راسها كلمة واش مزوج و ديريكت عقلها مشا لجيلان حيت شافتهم فاش كانو مقربين فاش كان لتحت و شداتو من يديه لدلك قالت هي لي اتكون مولا هاد الحوايج و خرجات من دريسينغ و هي معصبة و مقوسة حجبانها و جلسات فوق السرير و كتفكر و مشا عقلها لعائلتها اش غادي يكونو عاقو بيها هربات و كون دابا كيقلبو عليها

عند قبرص لي خرج من حناحو صاعر و عروق يديه باينين و مزير على قبضة يديه بعصبية و اتاجه نيشان لغرفة جيلان لي فتح البب بدون ما يدق و لقاها يالاه دخلات و كتقاد الفاليز ديالها لوق السرير و هو يمشي ليها نيشان ردخ الفاليز مع الارض و تكاها هي فوق السرير و قجها من رقبتها تا مابقاتش قادرة تتنفس و هو كيشوفيها و كيضغط على فمو لي كيتسمع صوت سنانو بغضب و هي كتحاول تتفلت من يديه و استعملات قوتها و هي تدفعو تا ناض عليها

•جيلان:اش كتخاول دير ا قبرص واش حماقيتي اش هاد الانحطاط وصلتي ليه انك تقجني و على قبل من على هاديك لي جايب(هدرات و هو يعطيها باللور ديال يديه لحناكها تا سال الدم)

•قبرص:هاديك لي كتهدري عليها هي لي غادي تولي مراتي كون مدخلتيش نتي الالة جيلان و الانحطاط لي كتهدري عليه انا ماراصل تال ربع لي وصلتي ليه نتي و مقارنة مع اشنو درتي لتحت انا كنتاعبر مادرت والو(هدر و شدها من رقبتها من لور و هي كتشوفيه بعنف)

•جيلان:طلق اقبرص طللق مني كضرني (هدرات و هو يطلقها و كيشوفيها و مسح على جبهتو بغضب)

•قبرص:شتي بالرب المعبود كون ما كنتي عزيزة ا جيلان تا كون راك دابا ميتة وًنتي عارفاني نديرها واش من نيتك واخا يكون السبب منعرف ماغغديش تحطيني فموقف بحال هاداك انك تقولي انتزوجو(هدر و كيضرب يديه مع الحيط و هي سادا ودنيها)

•جيلان:اهئ قبرص اا انا مالقيت مندير و وًياك نتا قلتي غادي تعاونني ااه يااك واعدتيني اا و ماخاصكش تخليني لنص الطريق يااك(هدرات و حطات يديه على كرشها و هو يحيدها)

•قبرص: كانت غلطة انا ماعاقلش عليها و ميمكنش ليا نتخاسب عليها ديجا قلت ليك ا جيلان الولد لي فكرشك ماشي ديالي و هدرنا فهاد شي شحال هادي واش باغا تحمقيني ولاا مال طواسل مك (هدر بغضب و هي كتشوفيه و عاودات حطات يديه على كرشها )

•جيلان:هانتا غمض عينيك و حس بولدك و غادي تعرف اا و نتا تقرر و تشوف انا لي درتيها معاك و ماكنتش قادرة نشوفيك غادي تتزوج بهاديك لبشرية لي ماعارفين عليها والو و انا ساكتة (هدرات و هو حيد ييه و عطاها بالضهر و بدا يمسح فيهم )

•قبرص:ماغاديش نتزوج بيك ا جيلان تلاقا السما معرالارض معمري ناخدك مراتي على ذمتي و اماليا غادي نتزوج بسها و هاتي غادي تشوفي و نلقاك دزتي من خدا الهوا لي استنشقاتو منعقلش عليك وًمني نقوليك ماشي ولدي يعني ماشي ولدي (هدر بهدوء و كيشوفيها و هي تهدر)

•جيلان:تيقتي اقبرص نتا وسط متاهة ماعندك فين تخرج مها و المخرج ديالها هو انا و هانتا غادي دور دور و ترجع لا و غادي تتيقن انه ههادا لي فكرشي ولدك نتا الا كنتي نتا كتعتابر هادك الليلة غلطة ف انا لا و تيقني لي جاي غادي يدوز علينا كاملينن خايب و عليك نتا بالاكتر و بزاف ديال الاسرار و الحوايج مخبيين عليك و مني تشوف راسك مستعد تسمع اجي عندي و غادي نقوليك كولشي (هدرات و قبرص بدا يضحك. و يدور فراسو بغموض)

•قبرص:هههههه جيلان يا جيلان ااههه و ايالا قلت ليكهاد الاسرار كلها انا عارفها و هادشي لي اتقولي لياا عارفو و انا لي بغيتكم تشوفوني هاكا شنو مثلا منمم ان اوزار مراتي ااا اوبس ماشي مراتي ههه حيت اصلا متزوجتش بيها مهم ااههه بغيتي قصدي زعما اوزار حية ااا و اااه و هي نفسها لي وهماتني بموتها و نهار العيد ميلاد طراو بزاف ديال الحوايج لي اولهم......

بقات حيلان مصدومة و جلسات فوق السرير و شدات راسها من هادشي لي كتسمع و قبرص ميتسمتع بملامحها الحائرة و جلس حداها و هدر

•قبرص:كنت عارف كولشي من نهار لي كان عيد ميلادي و كان داك النهار اسعد نهار فحياتي و نتوما توهمتو بانه اتعس نهار خهه و لكن مزيان مني طرا هاكاك او بالاحرى انا لي بغيت و انا لي كنت كنلعب بالاحدات و الوقت بطراف صباعي و بلا تاواحد ميحس فيكم من غير ربعة لي اكيد اتكوني عرفتيهم ههه(هدر و كيشوفيها و كتسوط بغضب)

•جيلان:شكون من غير نهيد و كابير و ...(هدرات و هو يقاطعهاا و ناض و صفق بيديه)

•قبرص:براافو اذا راك شادا معايا هههه نهي و كابير و التوأم رعد و عهد وو ااااااه منساوش حتاا وعد بنت عمي لي هي خت رعد و عهد (هدر و جيلان طلعات وجهها بصدمة كيفاش)

•جيلان:اااا اوك كابير و نهيد كانت باينة فيهم عارفين و كيعاونوك مي رعد و عهد اااا. بلاتي بلاتي طول هاد المدة و هوما ساكتين و مبرديين علااااااش(هدرات و عطاتو بالضهر و شوية ضارت عندو)علااش حييت كانو عارفين كلشي من الاول و ماكانو لاش يصدعوو راسهم اا و لكن وعد بنت عمي كيفاش هي مسافرة لليونان هادي عامين و غادي تقدر تعاونك و تعرف من تمااك حيت هي بعيدة ف كيفاش ؟؟ وااش بنت ليك غبية لهاد الدرجة؟؟؟(هدرات و كتشوفيه و هو يضحك باستهزاء و طلعها و هبطها و حط يديه على راسها )

•قبرص:ماشي كتباني ليا غي غبية بل كتتر من داكشي ا جيلان ااهههه و خليي نعاونك اوك ممم الالة بنت عمي وعد نتي عارفا انها مسافرة لليونان واش جات صدفة انها سافرات لليونان مباشرة من بعد العيد ميلاد بيومين هممم؟؟؟؟؟(هدر و هي خنزرات عاد حلات عينيها بصدمة)

•جيلان:اوووووه ادا كنتي موجد و ضارب حسااب لكولشي يعني نتا سيفطي وعد لليونان باش تراقب اوزار و لكن كيفاش كنتي متأكد بلي غادا تمشي لليونا نيشان وماشي لشي دولة اخرى يعني كان بامكان خطتك تفشل(هدرات و دارت يد على يد)

•قبرص: و لكن مافشلاتش اجيلان مافشلاتش بل انا اصلا كنا متاكد مية فالمية انها غادي تسافر اليونان و هادشي كيفاش عرفت و شنو من بعد و تعرفيه غادي تعرفيه نهار الخطوبة لي ايتكون غدا و كولشي غادي يتعرف و يتوضح غداا وجدي راسك للخطبة (هدر و قرب منها و حط يديه على وجهها بشوية و تبسم و هي مفهمات والو)

•جيلان:انت اكبر متناقض شفتو على وجه الارض ا قبرص كيفاش قبيلا قلتي ماغاديش تعتارف بولدك و دابا كتقوليا الخطبة غداا راه والله ا قبرص و تكون كتضحك علياا منعقلش عليك(هدرات و هزات صبعهاا و هبطو ليها بشوية و هدر من تحت سنانو)

•قبرص:ااه و باقي على كلمتي حيت انا قلت الخطوبة غادي تكون ماقلتش غادي نعتارف بشي حاجة ماشي من صلبي و دمي و لحمي و مهم ريحي ليا راسك ااحبيبتي مابقا والو للخطبة بغيتك تكوني ثاني اجمل وحدة تما (هدر و تبسم ليها و هي غادي طير بالفرحة و يالاه ايخرج و هي تشدو من يديه)

•جيلان:واش سمحتي لياا ا قبرص واا واش مابقيتيش مقلق مني حيت خبيت عليك موت اوزار و الكذبة هممم؟؟(هدرات و نبرتها كلها حسرة و هو يتبسم. ليها)

•قبرص:هادشي كان خاصو يتقال شحال هادشي و اصلا متي ماعندك تا شي ذنب فهادشي كتر ماعندك ذنب اتحاه حوايج خرين(هدر و كيدوز يديه على شعرها بشوية و حمحم و هي تبسمات بفرحة و خرج و خلاهاا و هي كتضحك)

•جيلان:سمحلياا اقبرص و لكن كان عليا ضروري ندير هاكا و نوهمك بالحمل باش تكون ليا حيت الا متصرفتش دابا معمرك غادي تكون لياا ا قيرص حبيبي واخا نعرف راسي نقتل على قبلك ميكيهمنيش و لمن غي نساليو الخطبة غادي نشوفو هاد لالة اماليا منين اصلها و لاش جايا و اش دخلها بيني و بين عائلتي(هدرات و وقفات قدام البالكون ديالها و تربعاتو بدارعها و طلعات راسها بغرور و غمضات عينيها و النسمات كيضربو فوجهها شوية صونا تيلي ديالها)

•الشخص:اش درتي اجيلان؟؟؟(هدر داك الشخص معاها و هي تبسمات)

•جيلان:ااه مزيان كولشي غادي مزيان ااحححم و لكن اااا لا والو والو مهم كيف تافقناا طرا نتا عاونتيني و انا غادي نعاونك اووك و هادشي ميخرش من بيناتناا راه نهار لي يسيق ليا قبرص الخبار يقتلني انا و ياك و يلقانا كنلعبو ورا ضهرو مهم غدا احي للقصر (هضرات و هو همهم ليها و قطعات حطات تبلي و رجعات كتكمل الحوايج ديالها

عند قبرص لي مني خرج من عند جيلان داز نيشان لعند كابير للمكتب و سيفط مسج لنهيد و التوأم عهد و رعد

•قبرص:فين تعطللوو هادووو؟؟(هدر و كابير مردش علييه غي جالس و كيخمم و شوي دخلوو نهيد و التوأم و جلسو فالكراسا ديال المكتب لي عند كابير)

•نهيد:ههه احتااع طارئ هااا اش وااقع ..؟؟؟؟(هدرات و كتشوفيهم و رعد دار لقبرص براسو زعما اش واقع لكابير)

•كابير:شيي حاااجة تماا ممفهووماش كيخططو ليهاا العائلة و هادشي لي شااطنني انااا (هدر و بقا غادي جاي فالغرفة)

•رعد:اساط اشش كااين ماالك عاما او ل مرة نشوفك هاكا متوتر ماالك (هدر و حط يديه على كتفو)

•نهيد:عمي قيصر و جدي قيس عاقو بيه لداكشي لي كييدير و اكيد ماغاديش يدوزوها ليه و قاليه جدي قيس بلي يوجد لراسو لشي حاجة شنو الله و اعلم هههه(هدرات و كتشوفيهم و كتلعب فشعرها)

•عهد:اواا هدااو عليا مني كيتلاقاو هادوك الجوج انا كنهر يدي و لكن لي مابغاتش تفهم لياا انه كيفاش ماعاقوش بينااا ؟؟؟

•قبرص:او بالاحرى علاش مخبيين عليناا هادشي طول هاد المدة و مهمينا بلي اوزار ماتت و كون ماخططتش لهادشي بيدي كون فالدقيقة الاخيرة قبل منتزوج فيها اوزار داك نهار كنت انتيقً بيهم و غادي دار بياا و نبقاا هاكاا غافل و لكن مامشاتش الخطة كيف بغاو(هدر و كولشي اوما ليه بتفهم و نهيد تبسمات ليه)

•نهيد:اواا احبيبي ممم اش ناري نديروو داباا؟؟؟(هدرات و شداتو من كتفر و هو تبسم ليها و عنقها و خلاها تخت كتفو)

•قبرص:غادي نمشي انا و كابير للمشرحة على قبل القبر لي تفتح ااا احي عهد تأكدتي ميتفتحش القبر ياك؟؟؟(هدر و ضار عند عهد لي تبسم و اوما ليه)

•عهد.واش كنلعبو اساط رااه اصيل قيد القبر فالمشرحة باسم غلط لي هو ملك مهم انا تكلفت بيه و وصيت انه ميتفتحش و مشا فبلاصتو جثة جديدة ديال واحد البنت مهم باش ميعيقوش العائلة حيت كيف كتعرف اسي قبرص هه عمي قيصر كان تاهو ضارب حسابو و فبلاصة جثة اوزار زعما دار جثة اخرى و لي هي نفسها بدلتيها هادي عامين و ذفنتيها (هدر و كيتبسم و عطا ورقة بحال البلاغ الرسمي ديال القبر باش ياخدو بكل سهولة من المشرحة و ميشكوش فشنو كاين لداخل)

•رعد:و لكن احي نقوليك شنو داير نتاا فالقبر و علاش ختاريتي انك تفتحو داباا بالضبط نتاا مقلتيش لينا السبب الرئيسي لي مخليك ديرهادشي كاامل (هدر و كبير باقي غا ساكت و كيفكر)

•قبرص:ههه دابا تعرفوو شنو ماين فوسط هاداك القبر مهم بغيت نقوليكم واخد الحااجة(هدر و كولشي شافيه تا من كابير لي كان ساهي انتابه ليه بسرعة)

•قبرص: اوزار رجعات للمغرب كيف كنت متوقع و شفتها فالمطار (هدر و كولشي تصدم و حلو فمهم)

•عهد:داباا اش ناوياا ديير من بعد گاع داكشي لي داارت فينناا كاملين ياك السيف الصقري و سرقاتو و قلبنا عليه الدنيا و مالقيناهش اش مازال باغااا .... احي اجي نتا كنتي نتا و ديك البنت فالمطار اذا غادي تكون شافتها ياك وا مسولاتكش شكون هي و لا شنوو. حيت اوزار اكيد ماغاديش تسكت. والله و اعلم

•قبرص:بااقي الحاال على الموااجهة اعهد. انا لي تعرفت عليهاا و تاهيا شافتني و تخبات و غطات وجهها و نسات انني واخا تكون وسط مليون ديال البشر نشمها و نطلعها واخا تكون منعرف فين و بالنسبة للسيف ههه دابا تعرفوو اش واقع و اكيد ماغاديوش تلقاوه حيت بكل سهولة اااا مهم يالاهو معايا و تفهموو(هدر و كولشي اوما ليه)

•كابير:و اماليا اش ادير معاهاا واش اتخليها هناا؟؟؟؟ حيت باقي معرفناش شنو ردة فعل العائلة من جيهتها و تا جيلان لي اتكون هنا فالدار و الللبنات معرفناش شنو يقدرو يديرو و زائد انها بشرية ل خطر عليها تبقى وسط معشر مصاص دماء على قدو(هدر و كيحك جيهة عنقو و قبرص اونا ليه ب اه)

•قبرص:ااه انخليها هناا و العائلة لي قدر يوصل لجيهتها و يأذيها منعقلش عليه لاقاسوها بحالا قاسوني انا و غادي نوقفزفوجه اي واحد قللزعليها الاحترام و لا غي قاسها غا بطرف صباعو واخا تكونو نتوما فهمتوو (هدر بصراحة كانه كيحذرهم كاملين)

•نهيد:و لكن علاش كادير هادشي و علاش خايف عليها ياك عاد عرفتيها هادي غي شي تلات ايام ف كيفاش ؟؟(هدرات بغموض و هو اومازليها ب لا)

•قبرص:كون كانت خارجة هاد الهدرة لي قلت من عقلي كون شرحتها ليك و فهمتك و لكنزمني كتخرج من اهم و اصدقز بلاصة فالجسم ماكتقدرش تشرحها لدلك غي نساي حيت انا براسي مافاهمش(هدر و هز يديه بضياع {اكيد غادي تقولو علاش قبرص كيتعامل بحال هاكا مع نهيد و كابير و التوام حيت مرلفين بعضهم بزاف و ميكيخبي عليهم تاحاجة و كيكون فاضعف حالاتو قدامهم فقط هوما و اصيل)

•نهيد:نتمنى تفهم قبل الوقت ااحم مهم يالاه باش نمشيو للمشرحة نشوفو اش قصدتي بكلامك(هدرات و جراتو)

•قبرص:مممم بللتي نتوما نزلو و انا انجي(هدر و ماتسناش جوابهم و مشا في اتجاه جناحو و هوما نزلو سبقوه)

مشا قبرص لحناحو و فتح الباب بقوة و عينيه كيقلبو فوسط الجناح و مابانتش ليه امالياا و هو يضور عنقو و طرطقو بغضب و دخل لداخل كيقلب و هي تبان ليه جالسة ف اخر طرف فالجناح فوق الارض و عينيها فالبالكون كتشوف و دايرا راسها على يديها و ساهية)

•قبرص:نوضي مننن تماا ا امااليااا(هدر و هي قفزات و ناضت وقفات بالتقالة و باقا بعبايتها و شالها و شافت فيه و فعينيها نضرات خذلان )

•قبرص:ماتبقاايش تشوفي فياا بحال هاكاا(هدر بتحذير و كيغمض عينيه و هي عاد مكزيد تقرب عندو و هو مع كل خطوة كتخطاها كيشم ريحتو عليها لي كيهبل عليها و مخلطة بريحتها هي لي كتصنع من اللافندر و الياسمين و ماحس براسو تا قرب منها و عنقها و بدا يدوز يديه على دراعها تالمتافها و هي مغمضة عينيها و هبط ليها الشال و تطلق شعرها الاسود الطويل و بدا كيهز هصلاتو و كيشمهم بادمان و هي بدات تبكي و دفعاتو و هو كانه عاد فاق من سهوتو و عطاها بالضهر و زير على يديه و هضر )

•اماليا:ااااا انا دابا انخرج نلقااك فتتي ربع خطوة من هنا للباب لي غادي نجي ماغاديش نعاودو ليك انا علمتك و تيقيني غادي ننسا انك بنت و تحيدي هاد الزيف داك الراس ايتحيل معاه انا قلت و نتي تصرفي و انا نحكم (هدر بسرعة و ضار عندها لقاها كتكتب فورقة و مداتها ليه)

🖋•اماليا:وااش نتا مزوج ؟؟ جاوبني بصرااحة و متكذبش عليا(كتبات ليه فالورقة و عطاتها ليه و هو شافها و هز فيها راسو و اوما ليها ب اه)

•قبرص:ااه مزوج و باراكا من الاسئلة و سيري ريحي من التبرهيش(هدر بغضب و كمش الورقة و هي شافت ليه اخر شوفة و ضورات راسها للحيط و هو تعصب و زدح الباب و خرج من بعد ما سد عليها بالساروت و نزل للتحت الصالون القصر و لقا كابير معصب و صوتو مرتفع)

•قبرص:اش وااقع هناااا(هدر بالغوات و نازل اخر درجات ووقف حدا كابير لي كان كيشوف فعمو قيصر)

•كابير:انا ماشي درية باش تقولياا جلسي بقااي هناا و واخا يكون هاد الموضوع لي باغيني فيه منعرف مالو اعمي قيصر (هدر بغضب و عروقو ميخرحو و حات ماماه اناييس كتحري شداتو من دراعو)

•اناييس:اولدي تهناا عافاك ا حبيبي غااا تصنت و بقا شوية ديال الرقت و غغدي يتوضح كولشي على الموضوع لي بغينا نقولوليك(هدرات و هو شافيها بعد فهم و بهد منها و هز يديه)

•كابير:تا نتي تا نتي الواليدة عارفاا شي خاجة و ماباغاش تقولي هاا؟؟؟ تاا كنبغييوًنقادوها كتجيو نتوماا تعوجو ديلمها من الجدر (هدر و كيشوفيها و خرج و هدر مع قبرص)

•كابير:انا غادي خارج و لي قدر يجي يمنعني و نتحاسبو ديك الساعة. هاد الموضوع لي باغيين تهدرو معايا فيه ماغاديش نسمعو. فهمتوو و منقسم بالله و نلقاكم منوعري من ورا ضهري منعقل على خد بربي تا هاد القصر يتحرق بلي فيه انا غا علمت و نتووما و تفكيركم نادامني مكندخل فحتا واحد ادا تاحد ميجي يملي عليا فين. نمشي و فين نزيد و شنو نسمع و شنو منسمعش مهم قبرص انا انتسناك برا فاللوطو باش نمشيو نهيد يالاه معايا فاللوطو بلاما دي ديالك و تعذبي (هدر بغضب و صوتو مسموع قوة في ارحاء القصر و كيشير بيديه و فالاهير هدر مع قبرص و خرج )

•قبرص:قولوليهه الصرااحة !!! قولوليه بلي راكم غادي تزوجوه و بلا خبارو ضاربين ليه البلان و هادشي علاش باش تقادوه و نتوما جيبين ليه مصيبة كبر منو(هدر و شاف فجدو قيس و و اناييس و راكان تاهوما تفاجأو)

•راكان:كيفاش اقيصر قلتي بلي البنت ضريفة و دابا قبرص ولدك كيقول بلي كتر من كابير اش كيعني هادشي(هدر و كيتسماه يحاوبو)

•قيصر:ااه ضريفة و هي لي غادي تجي مع كابير و تيقني كابير دابا غي كيهدر حيت ماعارف انه غادي يتزوج و مني ايعرف غادي يوافق (هدر و هادشي حا تزامنا مع علي لي نازل و تيلي فيديه و هو يطيح ليه و غوت)

•علي:قودتوووووهاا ال"ڤولتوريز" ف اخر يامكم اتكوتوو على يد خفيذكم كاابير (هدر بضحك و صدمة مخلطة و هو يخنزر فيه قيس و هو يضرب الطم)

•قبرص:تهلااو ضبرو راسكم اناا غي تطراا شي خاحة ماشي هي هاديك لكابير و لا دراري ديك ساعا انهدرر (هدر و خرج هو و نهيد و عهد و رعد لي كيضحكو على هاد الكارثة)

•علي:دابا دخلنا عليكم بالله واش بصح بصح ؟؟؟؟ هه كابيرغادي يتزوج هه و مافخبارو والوو ؟؟؟(هدر و سولهم و كولشي كانت على ملامحو الحدية و هي يتصدم و شد فشعرو و هدر )نااااري ال"ڤولتوريز" قولولياا اتنوض و تشبك عندناا فهاد القصر هاد الاياام اااح على الحمااس (هدر و بدا يضحك شوية مشا حدا الجد)

•الجد:ماالك اداك فلوس الشتاا بانت ليك فيا فهاد العشية ولاشنووو (هدر و تقال فالجلسة )

•علي:شكون هاديي !؟؟؟ بغيت نقول شكون هادي لي غادي تزوجوها لكابير بشحمه و لحمه ههه

•ازرا:سميتها ويتا هه فننة و هي لي تجي مع حفيذي كابير ههه تقادوًيقادها ماعندنااش المشكيل هادوك هوما لي نشوفوهم يدابزو و معمرنا ندخلو حيت مانخافوووووووش عليهاا (هدرات بفرحة و كتعبر بيديها و علي عنقها و كيضححك)

•علي:الله الله على ويتااا صاافي عادي غي تجيي انا لي انعمر معااهاا و لكن الله يفك سراحها مع الغبار ديالناا هههه(هدر و قال كلمتو الاخيرة بلاما يحس و هوما يضورو عندو كاملين و شافوفيه)

•قيصر:كنتي عارف اولد الحرااام ؟؟؟ كنتي عارفوو كيدير هاد شي و ماخبسش هنا السيد ولا داير ليا ديبو تحت القصر ديال الاسلحة و الغبرة و نتاا سااكت و مقلتي والو(هدر و ناض من الكرسي و علي عرف القاضية حماضت)

•علي:كولشي عارف اا بغيت نقول انا قبرص اا نهيد سيما اا لا سسما لا لا ماعارفاش اا جيلان رعد عهد كولناا عارفين ماشي غي اناا(هدر و قيس كيشوفيه بطرف عينيه و هدر بلاما يرمش)

•قيس:اجي اعلي اولدي قرب قرب لهنا (هدر و علي قرب و عينيه على عينين قيس)

•قيس:ممم مكتخافش بعدااا معندي ميسالك اوا هادشي ماكافيش وجد راسك الاسبوع الجا

مشاو قبرص و كابير و نهيد و التوأم عهد و رعد للمشرحة و وصلو كاملين دقة وحدة

•نهيد: ممم قبرص اا يالاه هااحنااا وصلناا اش كااين تماا ههه نتاا بييرك غاارق و لي كيبغي يطل يعرف كيغرق اااه اش راقع(هدرات و تبسمات و قبرص قاليهم يدهلو و يشوفوو بعينيهم)

•المسؤول:اسيدي نتاا معن....(هدر و حاي اتحاه قبرص و خوتو )

•قبرص:غادي تحيد يديك بعداا و تهضضر و عاد نتفااهموو(هدر و المسؤول عاد تلفت لقبرص و شافوو و تخلع)

•المسؤول:اااا موسيو قبرص اا كنعتاذر معرفتش سيادتك كنعتادر ااا احي من هناا احي مرحباا(هدر باحترام و وراهم الطريق )

•قبرص:صافي هليك هناا خدمتك سالات داباا مهم يدخل شي حد هناا حسابو معاياا اناا فهمتيي(هدر و سد ليه الطريق يرحليه و عاداك الراجل اوما بسرعة و بعد)

•عهد:باينة هادشي كيخصناا اا حنا و ماباغيش البشر يشوفوه عليها خرحتيه هه ياااك (هدر و قبرص اوما ليه و شاف فالورقة لي فيديه و تأكد من الرقم و مشا كيقلب فالصناديق الخشبية ديال الجثث و هو يلقا الرقم)

•قبرص:هاهوو (هدر و هز الصندوق الكبير بيديه و حطو فوق واخد الطبلة كانت كبيرة تما قريب من الدراري)

•نهيد:يالاه فتتح اقيرص اش كتسناا(هدرو قبرص غمض عينيه و حلهم و توهجوو و شكل بيديه دائرة عليه فقط و على الصندوق كحماية للدراري)

•قبرص:تاحد فيكم ميفوت هاد الدائرة صاافيي؟؟؟؟(هدر و هوما اومأو ليه و شوية فتح قفل الصندوق و حلو و هوما يتصدمووو كاامليين و قيرص تبسم بغرور و عينيه فيهم لمعة خااصة )

•رعد:لااا ميكمكنش اساااااااط هههه لااا لاا هادشي بزااف علينااا (هدر بصذمة و عينيه على السيف الصقري لي كان وسط الصندوق و كان نصو متوهج بطريقة غريبة جدا و نهيد غا مصدوومة فيه و كتخاول تمد يديها ليه و قبرص كيمنعها)

•كابير:وااش طول هاد المدة طول هاد العامين و نتا مخبيه هناا و موهم كولشي بلي كاينة جثة بنت اخرى ههه واا طلعتيي مججههد واا رااه واخا نعيا منفكر فيهاا مااديش تطيح لياا على البال اقبرص كيدرتي ليهاا(هدر و كولشي ضار عندو زعما اه)

•قبرص:اوزار قدرات تسرق السيف الصقري جوج المرات و انا مخليها على خاطرها تدي فيه فينما بغات و لكن معرفاتش انهه هاداك السيف لي كان عندها هو مزيف يعني ماشي حقيقي اصلي و هي شافت غي التوهج ديالو قالت صافي هو هاداك و انما فالحقيقة السيف الصقري ديال الاسطورة جيسكاو ميكيتوهجشش(هدر و كولشي ضحكو باستهزاء)

•رعد:كيفاش قلتي ميكيتوجش و حنا دابا كنشوفوفيه متوهح ههه بلاما ماتخماق عليناا(هدر و قبرص اوما ليهم ببلاتي بلاتي)

•نهيد:ههه صافي صافي عرفت هه هادا اللون الحقيقي ديال السيف و دار هاكا حيتاش توهج بواسطة ديالك نتا و لكن علاش متوهج غي النص ديالو و تا من الكلمات شوف لي محفورة مطلمة و مكتبانش فقط سراب ديالها و لا خيالها لي كيبان و واخا تبغي تقراهاا متقدرش ؟؟

•قبرص:حيت بكل سهولة خاص سيد و سيدة العوالم هوما لي يكملو طقس لمس السيف الصقري و هادشي ميمكنش حاليااا (هدر و عينيه توترو و هز السيف و دارو فواحد الساك طويل و حطو هلى ضهرو)

•كابير:شكون هاد سيد و سيدة العوالم !؟؟؟؟؟؟

•نهيد:مادام توهج نصف السيف ادا قبرص نتا هو سيد العوالم لي قلتي و لكن شكون هاد سيدة العوالم (هدرات و قبرص قاليها معرفش و هز كتافو و دار يديه على لحيتو ديوز عليها بخفة)

•قبرص: تاحد ماعارفها لا فين كاينة و لا منين جات و لا سبب ولادتها من غير لي ولدوها(هدر بغموض و قاليهم باش يخرحو من المشرحة)

•كابير:مهم سيرو نتوما رجع للقصر و انا عندي شي شغل انمشي ليه و نرجع(هدر و قبرص كيشوفيه كانهفهمو و اوما ليه و ضرب على كتفو)

•نهيد:فين غادي اكابير شوف اخويا مادير فبالك والو انشاءالله يكون خيرر و اكيد العائلة ماغغديش يضروك(هدرات و يالاه اتكمل خرج و خلاها داوي بوحدها)

•قبرص:نتي لي قلبتي عليه ااا نتي عارفاه ميكيسمعش الهضرة(هدر حيت نهيد كانت مصدومة من كابير لي زاد و خلاها)

•رعد:مهم زيدو يالاه نرجعو للقصر بان لياا العائلة ماغاديش تغير رأيها فزواج كابير و لا عرف ماغاديش يدوزها عليهم)

خرحو الشباب من المشرحة و بدون ميعيق بيهم حد و اتاحهو للقصر و قبرص كيفكر

عند اماليا لي غي مشا قبرص من القصر و طلات من البالكون شافتو خرج باللوطو هو و دراري و هي تمشي كتحل الباب ساعا لقاتو مسدود و هي تتعصب و طاحت جالسة عل الارض و كتضرب راسها بشوي مع الباب و بقات هاكاك مدة و هيتنوض قافزة و بدات تقلب فوسط الجناح دخلات للدريسينع قلباتو سفاه على علاه والو و خرحات قلبات البلاكارات و تخت السرير على المفتاح والو مالقات والو و شوية تسمع الباب كيتحل وهي تهلع و سخابليها ققبرص و تراحعات لور ساعا كانت حيلان و اماليا استغربات فالاول منين جاها السارت و للكن فالاخير قالت و لكرات فراسها انها مادام هي مرتو اكيد غادي يكون عندها ساروت حناحهم

•جيلان:اوووه الجمييلة امالياا ههههه خسارة فهاد الجمال كلو يموت على يدي (هدرات و بدات تتقرب منها و اماليا مكتسمعهاش. و كتشوف غي ففمها و بكن مفهمتاهش حيت كانت كتهضر بالمغربية)

•جيلان:اااا اماليا يا امااليااا(هدرات و شداتها من شعرها و لواتو فيديها و اماليا غمضات عينيها بالم و حيلان عينيها كلها غضب)

جيلان بقات مزيرة على شعر امالياا و كتشوفيها بغضب)

•جيلان:وااش عارفاا اشنو نقدر ندير على قبل قبرص هاااا نقدر نأذي اي وحدة قربات منو و لاا شافت فيه غا الشوفة ا لالة اماليا فما بالك فيك نتي لي داباا كاينة وسط جنااحوو و كيغوت علياا على قبللك هاااا شكونن نتي هااا؟؟؟(هدرات و حراتها من شعرها بقوة و ضرباتو من البلاكار و اماليا كتبكي في صمت و ضارت عنها و حيلان كتشوفيها باستمتاع و هي كتشوف فالدم خارج من جبهتها و اماليا كموأزليها بزلازلا براسها و مخلوعة)

•جيلان:ممممم عندي اقتراح زوين هممم الا مابغيتيش تمووتي على يدي يمكن ليك تمشي مم كنضن قبل مندهل كنتي متقلبي على ساروت ديال الناح باش تمشي بخالك اذا انا انعاونك تمشي حيت لابقيتي غادي تموتي على يدي و لا على يد فواحد من العائلة(هدرات و اماليا غي كتبكي و مافاهمة والو مكتسمعهااش و جيلان مشات و حلات الباب و دارت ليها بيديها زعما ختاري و اماليا ناضت وقفات مني شفتتها خلات الباب و قالت مع راسها انها اتعاونهارتهرب و هادي هي الفرصة لي تمشي و متدخلش بين جوج مزوجين و قالت انه جيلان فهمات غلط انه بيناتهم علاقة و غارت على قبرص)

•🖋اماليا:سمحيلي باف مكنتش قاصدة انني ندخل بينك و بين راحلك و لكن انا براسي هنا صدفة و فوق من طاقتي ماشي بخاطري و معمري نجي هناا(وقفات و خدات الكتاب و كتبات الكلمات و هي كتبكي و الدموع كيطيحو على كلماتها و شوية الدم من جبهتها و كتحس بالذنب باعتقادها انها دخلات بين جوج كيبغيو بعضهم من خلال تعامل جيلان ليها لجيلان لي خداتو و قراتو و عاد فهمات انها مكتهدرش و كيسحابليها بلي كتسمع )

•جيلان:ادا طلعتي مكتهدريش هههه و لكن نزيان مني فهمتيي يالااه براااا(هدرات بغسب و لاحت الكتاب فوق السرير و شداتها من يديها و دفعاتها للباب و اماليا كتمسح دموعها و رجعات لداخل هزات الزيف لي كان طايح فالارض و قاداتو فوق راسها حيت حسات بشي حاجة كتحدبها باش ديرو واش هدرة قبرص بقات فراسها او اهتمامو بيها و تناقضو حيرها)

خرجات اماليا من حناح قبرص و كتحري و نزلات من الدروج كتحري حفيانة و بانو ليها العائلة جالسين و بعدات شوية و بقات كتشوف فالقصر و بان ليها تلاتة ابواب كبار كيطلو على حردة القصر و تسلتات بشوية و غي فاتتهم بدات كتجري بسررعة و كتعكل بالحفى و دموعها سايلين على خدودها و الدم نازل على وجهها و سخفات بقوة الجرا شوية وقفات كتسارح حيت كيبان ليها الباب الخارجي ديال القصر شوية بعيد و كانو لي گارد لدلك بانت ليها انها تمشي من جهة معاكسة و لمن الرياح تمشي بما لا تشتهي السفن)

بقات اماليا كتجري فالجردة ديال القصر تا كتسمع غواات صوت واحد و لي هو اول صوت سمعات فوذنيها

•قبرص:اماااللللللليااااااااااا(هدر بالغوااات و هو داخل السياارة و هو كيلمح امالياا كتجري فالجردة و باغا تخرج واخا هو عارف بل متأكد انها انها ماغاديش تبدر تهرب من القصر و لكن فات الفرت على الهدرة و خاصو يطلق ف خرج من اللوطو بسرعة و خرج عندها و هي غا شافتو كانها شافت جنونها و ضارت للعكسو بدات تتجري اتجاه لي گارد )

•الگارد:جري جري جري رااه واقيلة شي شفاارة هاديي (هدر بالغواات مع بااقي الكارد و جبدو السلاح كاملين و هي كتجري جيهتهم و قبرص تابعها تا مابقاليه والو لجيهتها و هي قالت اللهم لي گارد و الحراس و لا قبرص )

•قبرص:يققرب ليها شي حد فييكم نتكي زا** بوه هناا و تقااس شعرة فيهاا منعقلش على ديلمكم(هدر بغضب و كيشوفيها و هي غي كتبكي و غا شافتو كيقرب منها و ضورات راسها لجيهة البالكون فالقصر بانت ليها جيلان كتشوفيها بغضب و قبرص هز راسو فين كتشوف و لقا جيلان و مفهمش و بدا يقرب منها و هي تقفز و ضارت عند واحد من الحراس خدات ليه السلاح و وجهاتو لجيهة قبرص)

•الكارد:سي قبرص بعد راه تقدر تقوسك بععد (هدر و بغاو يتجمعو و يضورو بقبرص و {تذكير :الفولتوريز عليشين حياتهم كاي بشرين وسطهم يعني لا بشري او لا لي كارد ماعارفين حقيقتهم}

•قبرص:هههه شنو باغا تقوسيني هممم يالاه قوسي باغا تقتليني يالاه هنا قدامك ماخاملنيش باغا تهناي مني يالااه هاناا قدامك(هدر و كيضرب جيهة قلبو حيت عارف راوًهو مانع ضد الرصاص و متقدر تأذيهً ولو بشبر زائد قواه و الاسطورة الصقرية اماليا غي كتبكي و الدم نازل علىً وجهها و هي تحول السلاح لجيهة راسها و غمضات عينيها و بدات تبكي اكترو ملامحها حزينة و هناا قبرص بحالا كبيتي عليه الثلج مابقا قاد لا يقدم و لا يوخر و هي كتشوفليه فعينيه و مرة مرة كتهز عينيها فالبالكون عند جيلان و هي بدات تتحكم فالسلاح لي دارتو فالجنب دديال راسها و هي تغط الزناد بصبعها و تسمعاات. طلقة رصاصية ببقووة لي اكيد ميمكنش شي حد ميتقاسش بيها

حلات اماليا عينيها بالجهد و بقوة و هي كتشوف السلاح مرمي فالارض و كتشوف فراسها و يديها و كتقلب راسها بصدمة كيفاش مافيها تا ضربة و هي سمعات صوت السلاح و شوية رمشات بسرعة و عينيها مدمعين و بدات تطلب الله ميكونش داكشي لي فبالها و بدات ضور بشوية عنقها تا جاو عينيها مع قبرص لي كان على ركبتو و كينوض و وقف على رجليه و شاد كتفو لي فيه الرصاصة و عينيه غي على امالليا كيفلي فيها شبر بشبر و ماحس براسو تا عنقها و بدا يبوس فوق راسها بهستيرية و مغمض عينيه و هيكتبكي و شوية بعدات و مسات ليه كتفو و هو مرمشش و ما تحركش و هو يهز السلاح لي فالارض و دار عند لي گارد

•قبرص:هادو باش مرا خرا مني نقوليكم حبسو تحبسوً وًكون طرات ليها شي حاجة(هدر و قاد السلاح فالاشتغال و تيرا فيهم بربعة كاملين فالجبهة و هو هاز السلاح فالسما و طلقو من يديه و بقا مخلي يديه هكاك فالهوى و ضار بالعرض البطيئ عند اماليا و كيقرب منها. تا شدها من عنقها و قجها و زير على قبضتو

•قبرص:الهضرة ماشي هنا الهضرة فالدار (هدر و تم غادي بيها لجيهة اللوطو و هي استغربات ياك قال الدار ف لاش غادي بيها للوطو و هي تبحسو و كادير ليه بيديه زعما كتنعت ليه لجيهة القصر )

•قبرص:الدار ا اماليا دارنا ماشي القصر. حيت تما غادي تكون الهضرة و تكون مرتاحة(هدر و جرها و حل الباب و خبطها لداخل و سد الباب و دار هو بش يركب و هي تجي نهيد لي عاد وصلات مع التوام رعد و عهد)

•نهيد:فين غادي ا قبرص و جرحك كينزف ك ككيفاش طرا؟(هدرات و هو ماداهاش فيها و دخل للوطو و زاد كسيرا و هي ضور نهيد عند رعد و عهد و تاهوما لقاتهم مصدومين كيفاش قبرص تقوص و هو منيع ضد الرصاص و بزاف ديال الحوايج)

•عهد:ككيكفاش هادشي مغهمتش

•نهيد:ههه قبرص مفهلش قوتو فديك اللحضة فاش تقوص و علاش حيت خايف ل اماليا تخلع و دهشر و هاكشي كيف كنعرفو غريب بل مستحيل بلنسبة لبشرية بحالها و كانت غادي تبدا تخاف منو و هو ميقدرش يشوف النضرة الخوف فعينيها (هدرات و كتتبسم و رجعات نضاضر دالها و سبقاتهم للقصر و هوما بقاو يشوفو فبعضهم)

وصل قبرص و اناليا للفيلا ديالو لي جاات فالخرجة ديال مازا و جات وسط واخد لغاابة و مع بدات العشية كانت شوية مضلمة و هو يخرج من اللوطو و كينهج بغضب

•قبرص:اااااااع امااالياااااااا(هدر و كيغووت و كيعصصر فيدييه و العرووق بارزين و هي لداخل كتسمعو و كتبتي و شوية ماحسات براسهاا تا جرهاا و دارها فوق كنتفو بغضب و اناحه بيها لداخل و و شعل الضواو طلعو نيشان لحناحو و هو يلاوحها فوق الارض و ضار سد الباب و مشا جلس لوق كرسيه بحال ديما و تقابل معاها

•قبرص:قلت ليك متخرجيش و خرجتي ا اماليا و حذرتك و نتي لاا كاديري لياا غي لي فراسك و خارجة لياا قدام لي كارد و الزيف طايح ليك على كتاففك هااا ي قولي لياا شنو بغيتيني نديير فييك هااا و باش كملتيها عازا السلاااح و كوون قتلتي راااسك هدري عاااا كون قتتي راااااسك شنو اندير اناا و زايداهاا بالهرووب فين كنتي باغا تمشي هههه كيسحاب ليك جالسة مع بيادق فالقصر. كيف الدخول كيف الخروج (هدر بغضب و مع كل كلمة و غوتك كيخرجها هي كتقفز من بلاصتها و ناض و قرب عندها ووقفها و شدها من شعرها و هي غمضات عينيها بالم)

•قبرص:اخر مرا ا اماليا نقول لحاجة و ديري عكسها راه فالبلاصة ديالي انا لي نقرر فين و شكون و ايمتاش تخرج الحاجة يعني نتي دابا ديالي و انا لي نقرر فبلاصتك اخر مرة ا اماليا اخر مررة (هدر و طلقها بالجهد تا طاحت الارض و دخل للدوش و وقف قدام المرايا قطع التيشرت دياى و كيشوف فالجرح ديال الرصاصة و نضفها بالما و مسحها و هو يغمض عينيه و دوز يديه على الجرح و اختافا كانه معمرو كان و واخا هاكاك دار فاسما عليها باش متعيقش بيه اماليا و مشا لللدريسينغ بدل حوايجو و خرج عندها لقاها فبلاصتها كيف خلاها و هو يبقا يشوفيها و طلق تنهيدة بصوتو بخنق و هدر معاها

•قبرص:نوضي اجي معايا نوضي (هضر بشوية و هي سمعاتو وًمتفااتش ليه و هو زير على يديه و صابر و عاود هدر و قرب منها)

•قبرص:نوصي ا اماليا نوضي كون كنتي متخرجيش على هدرتي كون راحنا فتنا هاد المرحلة ببزاف ديال الحوايج(هدر و نزل تالعندها و دار يديه تحت من كتافها و نوضها و لصقها عليه من الجنب و يد شاد بيها يديها و يد دايرها فخصرها و معاونها تمشي ومنزل راسو كيشوفيها و فحالة وجهها كي مضروب و داها للحمام وقفها قدام المرايا و رجع ليها شعرها الطويل لور و قربها من الروبيني و حل الما و بدا يغسل ليها فوجهها و الدم كينزل على عبايتها و هو غي كيشوفيها و ماعارف مايدير

•قبرص:هاكي هادا و دخلي دوشي انا انجي(خوج مشا جاب فوطة سوداء ديال الحمام و تيشورت ديالو طويل و مو ليها و هي غي سمعاتو هدر و هي تشد ليه فيديه و بدات تشوف فالبيت بخوف )

•قبرص:انا غادي غي هنا عندي واحد الشغل نتي ماتخافيش ميكين لي يدخل عليك هنا الريح ميدخلش دونك بلاما ترهبي و مني نجي بعد ما نتاكد من واحد الحاجة انهدرو و نتفاهمو و الجرحة ماتقيسيهاش تا نجي. الا تعطلت تسنايني تا نجي واخا (هدر و دخلها للحمام و هي اومات ليه و خرج من الجناح و نزل للمكت ديالو لي فالفيلا و مشا نيشان للبيسي ديالو و جلس و داير يديه تحت فمو و كيشوف و فلحضة وقف و هز الكرسي ضربو مع الحيط بقوة و كيسوط بغضب و هو كيشوفزفالكاميرلت ديال الجناح ديالو لي فالقصر و هو يهز تيلي ديالو و خرج من المكتب و فعل جري الخطر و الكاميرات و خرج من الفيلا و مشا للوطو ديالو و كسيرا ف اتجاه القصر و فعينيه صورة وحدة

داخل القصر كانو العائلة كلهم جالسين على اعصابهم و كيغوتو

•علي:دابا غا قولولياا اش واقع مالكم على هاد الخوف لي سمعكم يقوليكم تالفين ليكم جوج دراري صغاو و لا جوج فلالس ميكيبانوش راه قبرص و كابير هادوك يتلفو مدينة مايتلفو هوما(هدر و السيدات كلهم مخلوعين و البنات تاهوما مشطونين)

•اناييس:واش كضحك اعلي نتا عارف انه كابير ماعمرو تعطل تابدابا و ماقالها لحد و زيد عليها قبرص ماشي بوحدو داي معاه اماليا يعني داي معاه بشري و حنا ماعارفين اش غادي يوقع(هدرات بغضب و شوية دخل قيس و قبرص معصبين و مشات عينيهم نيشان لاصيل)

•قيس:اصصصيل ااشنو هدشي. اشنو كاديروً منً ورا العائلة(هدر بغضب و عطاه ورقة فيها بلاغ من المقبرة ديال الجثة)

•قيصر:مبرتو و تبادو الكتاف تا وليتو تخططو من ورانا و تفتحو قبر اوزار بلا خبارنا اش هادشي (هدر و هو كيحاول يشوف واش عارف انه الجثة لي كانت داخل القبر لي دار واش ديال اوزار و لا بن اخرى و اصيل كانت جوابو عادي و قيس تيقو سحابليه بصح تيقو انه الجتة ديال ارزار)

•اصيل:و لكن اعمي قيصر راه قبرص راجلها و عندو الحق يعرف باش ماتت و يعاود التشريح من حقو (هدر بهدوء و قيس و قيصر حمدو الله و توقعو انه صافي دوزوها عليهم بجثة مزيفة)

•قبرص:جيييلااااااااان(هدر بغضب و هو داخل بهدوء من الباب و عينيه على جيلان لي غي شافتو و قفات )

دخل قبرص للقصر و هو معصب و جات عينيه فعين جيلان لي وقفات مخلووعة و لكن مابغااتش تبين للعائلة

•قبرص:هههه مالكي مخلووعة اش وااقع اااااه صافي صافي فهمت اكيد هادي غاا الخلعة ديال الخطبة (هدر و قرب عندهاا و شد ليها فيديها من الكف و تبسم ليها بغموض و هي عاد زفرات براحة على انه ماعاقش بيها)

•عشق:اينااا خطببة؟؟؟؟؟؟(هدرات ووقات قداااموو و كتشوفيه و هو هبط راسو)

•جيلان:خطبتي امراات خالي انا و قبرص يعني انا انولي عروستك هههه(هدرات بفرح و عشق خنزرات فيها و جيلان مرگات و نهيد ضحكات باستهزاء )

•عشق:و امالياااا ا قبرص امالياا شنووو ؟؟؟ (هدرات و هو هز راسو لفرق و كيشوف بدون تعابير )

•قبرص:غدا و تعرفي الراليدة اش غادي يوقع كولشي ايباان كولشي غدا ايتورق(هدر و مقدرش يشوفيها و هي تضغط على فمها بغضب و جلسات و هو يقرب قبرص من باه قيصر)

•قبرص:هههه سي قيصر الفولتوريز قيصر يا قيصر الواليد علااش علااش درتي هاكاك (هدر بغموض و سؤالو لي فهمو غي هو و نهيد و التوام و قيس و قيصر)

•قيصر:اوووه وانا نفههم قول نتوما تابخينها بيناتكم مممم فريق واااعر و لكن واش قديتو تلقاو شي خاجة ؟؟؟؟(هضر و قبرص تبسم و بدا يضور عليه )

•قبرص:شنو مثلاا على اوزار ااه على انها مثلا حية و لعبتي او بالاخرى لعبتو لعبة كلكم و لكن كيف كيقولو انقلب السحر على الساحر(هدر و اصيل مفهم تاحاجة هو و ياسمين لي عاد نزلات و مشات عندو )

•ياسمين:كمك كيفاش ا اصيل كيفش اوزار حية و حنا. خدين.... لا بلاتي بلاتي جثة مزورة(هدرات و هي تشوف فقيصر و قيس )

•نهيد:ويي ياسمين حبيبتي هادشي لي كاان اوزار مراتو حية و مخبية بل عاونها شي حد باش تهرب مننا داك نهار و هولي كانت فنضلاحتو يكون هادشي او لاا(هدر و عطات جيلان بالضهر و دورات زاسخا للجنب بشوية كتشرفيها بطرف عينيها و جيلان توترات)

•قبرص:كيسحابليكم غي بوحدكم لي ذكيين و لكن دازت عليكم ياك من ديما كنقوليكم انا مكنتقترن بحد يعني لا معاك لا معاه انا قبرص و لكن الهضرة ماشي داباا الهضرة غادي تكون غدا انشاءالله وجدو راسكم غادي تكون الخطبة هنا نييت و سيما علي حسابي معاكم من بعد (هدر و سيما و علي عرفوه عاق بيهم عارفين و خباو عليه يالاه ايخرج من الباب و هي تقاطعو عشق)

•عشق:فين غادي ااا و امالياا فين هي؟؟(هدرات و دارت يديها على حنكو)

•قبرص:اماليا فالبلاصة لي كتستحق تكون فيها و ماعند الحق اواحد يخاف و لا يتشطن عليها (هدر و شافيها كانه كيلومها بطريقة غير مباشرة انه كانت غادي تكون اماليا محمية كون اهتمات شوية(هدر بهدوء و خرج بلاما يقول كلمة و هو يتبعو اصيل كيجري هو و نهيد و ولاء)

•قبرص:ماااالكمم دخلوووو قوودوو لدااخل لاش تابعييني ؟؟؟؟؟

•ولاء:كيففاش اتزووج جيلاااان.؟؟؟؟؟؟؟و نتا مكتبغيهااااش واش حماقيتييي(هدرات و هو يهدر بغموض)

•قبرص:انا مقلتش خطوبتي ا ولاء انا قلت ليها وجدي راسك للخطبة و زايدون منقدرش نخطبها و لا نتبزوج بيها حيت كيف كتعرفو ميمكنش شي حد مزوج يعاود يتزوج مرا اخرى و لا لااا؟؟؟(هدر بغموض و هوما مافهمو والو)

•اصيل:كيفاش اقبرص و لمن نتا كاعما تزوجتي ب اوزار يعني راك كتسمى ممزوجشادا كيفاش ميكمكنش واحد مزوج يعاود يا ...بلاتي بلاتتي لا لااا متقوولهاااااااش اساااط ههه كيدرتي ليهها ؟؟؟(هدر و تصدمات كل من نهيد وولاء)

•قبرص:مهم انا غادي للفيلا وجدو راسكم غداا غادي يكون يوم حاافل

•ولاء:اتجي غدااا؟؟؟(هدرات و شدات ليه فكتفو بهدوء)

•قبرص:غادي نجي اكيد ههه انا و مراتي (هدر بغموض و هوما تبسمو و هو يحك جهة حاجبو و هدر)

•قبرص:كابير باقي ماجااش ؟؟؟؟ مهم منني يرححع قوليه يعيط لياا ضروري نهيد ضروري غداا خاصناا نشوفو فين نديرو السيف مهم غدا الصباح بكري انجي لهنا و انهبطو للديبو كسف العادة و انهدرو ماميلن و عاودي للدراري من غير جيلان اوك جيلان متسيقش الخباار للاجتمااع و تهلاو فراسكم. و ردو البال للراليد و جدي يقدرو ف اي لحضة يبدلو شي حاجة و تقدر تكون عكس خطتنا(هدر و حط يديه يجوج علىحنك كل وحدة فيهم بحنية و تبسم و زاد للفيلا ديالو)

كمل قبرص كلامو مع اصيل و وهيد وولاء و كسيراا للفيلا دياللو و هوما بقاو غي كيشوفو

•نهيد:لععجب هاد الراجل مابقااش يتفههم لياا انااا كنعياا منقول قدرت نفهمو كنصدق مادبا على راسي والله حرت حررت (هدر و خلخلات صباعها بين خصلات شعرها وولاء كتشوف)

•ولاء:داباا شنوو انديروو ف كابير كولشيي كاين هاا على قبل الاجتماع مي كابير شوف دابا شحال ساعا باقي مابانش من صباح فاش خرجتو شنو المعمول(هدرات و شادا جيهة جنبها و اصيل شد راسو)

•اصيل:ااااع ماحيلتي لهنا لجدي قيس و عمي قيصر نشوف اش تحت راسهم ماحيلتي نبقا حاضيكم لاتزيدو ليا لشي قنت و دابا كابير اااوف مهم انا انمشي ليه فين نقدر نلقاه و تما نشوفو مهم نهيد خلي عينيك على لي هنا ولاء حاولي تبقاي على تواصل مع قبرص ف اي حاجة و انا غادي يلاه دخلو اااه كلمي ليا ياسمين بغيتهاا (هدر بهدوء و تسناهم تا دخلو و شوية جات ياسمين و هازا راسها للفوق بغرور ووقفات بعيد عليه و هدرات)

•ياسمين:همممم شنو؟؟(هدرات و كتقاد فشعرها)

•اصيل:نتوما ميكيصلحش معاكم الهضرة اجي لهناا (هدر و جرها من يديها و هي دفعو)

•ياسمين:اصيل اخر مرة تتعامل معايا هاكا انا ماشي خدامة عندك ولا مونيكة تهدرها وقت مابغيتي و تديها و تحيبها وقت مابغيتي فهمتي؟؟(هدرات و نصلات ليه يديه و هزات صبعها هدرات معاه و هوما يضور عنقو و غمض عينيه بغضب)

•اصيل:حمدي الله ا ياسمين جات منك نتي و انا دابا فوقت مافيا لي يدير شي حاجة حيت عارف اندم عليها و دابا سيري دخلي بحالك للقصر مابقيت باغي تاحاجة(هدر و طلع للوطو و يالاه ايكسيري و هو يحس باللوطو كتحبس و هو متحكم فيها و هو يخرج و عرفها ياسمين لي كتتحكم )

اصيل:دابا اش كتحاولي ديري مابغيتيش تمشي معايا صافي سيري دخلي بحالك و هني الوقت و باراكا من التفعيل القوى راه ميدوزش معايا( هدر بغضب و هي هلاتو تا سالا و قادا وقفتها)

•ياسمين:اوا دابا انا قررت نمشي انا حرة فراسي يالاهه زيد باش مرة خرة تتعلم تملي عليا قاراتك انا اكس فهمتي اكس و كنحماق على الضد (هدرات و دخلا للوطو و دارت سمطة و جلسات و هو بقا واقع بقوة الفقصة و كيشوف في الحردة و هي دق عليه من الشرجم عاد طلع حداها و كسيرا و خرجو من فراغ ملكية قصر الفولتوريز و هي كتشوف فالطريق)

ياسمين:اوا لين انمشيو ا سي اصيل انا وليتو تغفلوني اولاد الفولتوريز (هزرات و مركزة معاه فالطريق)

•اصيل:انمشيو لواحد البلاصة نقلبو على سي كابير و نشوفووو (هدر و مركز قدامو و هي غي كتشوفيه بققا غادي طرييق طويلة و كيدخلو لبلايص فشكل و كلهم بحال ديال الملاكمات و بيع المخدرات و...)

•ياسمين:اويلي ااصيل متقولش ليا اندخلو لهاد البلاصة شوف شوف كيدايرا (هدرات وًكتحيد سمطة و هًيوقفها اصيل و رجعاتها)

•اصيل:وًشكون قتليك ادهلي انا اندخل بوحدي. تبعيني نحيد لمك دوك رحلينو دابا كنهضر بصح مكنضحكش ديري لي فراسك انبدا لي فعقلي (هدر بتحذير وًعين ولات بالنار و العين لخرى ولات بلون الثلج)

•ياسمين:صافي صافي ااصيل متعصبش انا غا سولتك ماغغديش نخرج اوك (هدرات بهدوء حيت شافتو تعصب و بقات جالسة و هو خرج من اللوطو و بقا غادي فراحد الزنقة طويلة تامابقاش كيبان)

•ياسمين:ماشي بكيفك اسي اصيل ماشي بكيفك(هدرات و تبسمات بغموض و ضحكات و نزلات من اللوطو و تكات عليها و بقات كضور فعنقها بفضول من هاد البلاصة)

🔥داخل قصر الفولتوريز🔥

كانو العائلة جالسين و الاحفاذ تاهوما كانو فبلاصة بعيدة عليهم شوية و كيهدرو بخفت و جيلان مقنتة وًكتهدر فالتيلي و حاضية و شوية كولشي هز راسو لجيهة البا لسبب احساسهم بطاقة جد هائلة لي ناذر فاش كيحسوها و هو يتبسم قيس و ازرا و ناضو وقفو و الاحفاذ كيشوفو فبعضهم

•قيس:مرحبا برئيس عشيرة ال"گاسو "الايطالية و خلفه ههههه(هدر و ناض و عينيه مركزة على ابرع اشخاص داخلين بكل شموخ من الباب القصر )

دخل رئيس عشيرة ال"گاسو" بكل افتخار و قوة و فيديه مراتو اللي بابتسامتها النعتادة و على اليمين الابن الاكبر للعشيرة {اليك } لي داخل بلبسة كلها سوداء و طويل و شعرو و ملامحو الشقراء الغامقة و عينيه كيبينو و كيدلو عن مدى قوة و غموض شخصيتو و علو اليسار كانت الوريثة للعشيرة و البنت الوحيدة للعشيرة {ويتا ال"گاسو} بمشيتها القوية و الكاريزما الطاغية و شعرها الاحمر اللي جامعاه الفوق ببذلتها الجلدية السوداء و مكضحكش حدها كضور غي عينيها الزرقاء و وقفو قدام الفولتىريز لي تاهو ناضو احتراما للقانون العشائري بترحيب بالرؤساء)

•رئيس ال"گاسو":سي قيس ال"فولتوريز" هادا اسعد يوم انني نتشوف بالضيافة فقصرك الخاص على دعوتك الخاصة(هدر و تعانق هو قيس و كيضحكو مما كيدل على مدى صداقة الاتنين)

•قيس:مرحبا بيك فقصري المتواضع نتا و العائلة ديالك (هدر و دار عن الفولتوريز لي عليهم ملامح الغريبة)هادو عشيرة ال"كاسو " اكيد كتعرفوهوم من اقوى العشائر لي تقدرو تلقاوهم فصنفنا لا من ناعحية القوى او الطاقة ميف حسيتو دابا شوية ولا من ناحية الذكاء و هادي زوجتو ميليسا هادا ولدو الكبير اليك من بين الحكماء و مصنف ضمن اولياء العهد الاكتر شهرة من بين العشائر و اخيرا و ليس اخرا هادي ويتا البنت الوحيدة و اقوى فرد فعشيرتها و تقدر تقولو اقوى بنت جميع العشائر من بعد بنات الفولتوريز اكيد ممم و المعروفة ب الام السكوت نضرا لقوتها لي دابا تعرفوها من بعد و تقدرو تاخدو راحتكم فاللغة العربية ولا الداريجة حيت كتتقنها و كتتقنً جميعً اللغات لاهي و لا باقي الافراد يعني ميكينش المشكيل و هادي هي لي غادي تكون مرات كابير انشاءالله (هدر بهدوء و برود و مع كل كلمة كيخرجها العائلة كيتصدمو و علي كيشوفيها و كيهبط و تبسم بفقصة و حجبانو تقوسو بغضب و كيقول فين شافها و ضور وحهو و سيما كتموت عليه بالضحك و ويتا مع اخر كلمة قالها قيس قلبات عينيها بغضب و زيرات فمها)

•ازرا:بنتي ويتا اجي قربي ههه (هدرات و قربات منها عنقاتها و عرفاتها على جميع الافراد ديال العائلة وويتا اخر هنها تتعرف عليهم غي كتتبسم بزز و اليك تاهو غي كيشوف و جلسوً مجموعينً وًكيهدرو و علي كيشوفيها و يحقق فين شافها و هي حسات بيه راد ليها البال)

•ويتا: البلايص لي كنكون فيهم انا باقيين صغار عليك اعلوش الفولتوريز يعني ماغادي تون شفتيني فحتابلاصة(هدرات و هزات فيه عينيها و هدرات بقوة و لكن عينيها كانو متوترين شوية و علي شهق يعني تاهادي كتقرا الافكار يعني خاصو من هنا القدام يبدا يرد البال)

•علي:متأكدة ؟؟؟؟؟لعجب اوا صافي كنضن غادي تكوني تشابهتي ليا مع واحد البنت فواحد البلاصة (هدر و وقف. غمزها ووًخرج و هي تنوض تاهي)

•ويتا:سمحوليا انا شويةًوً نرجع(هدرات وًخرجات بهدوء وًكولشي متبع ليها العين)

•جيلان:و لمن عنداك تلف هنا ياك هادي اول مرة تجي هنا للمغرب او لا؟؟؟

•قيس:لا احفيذتي هه ماتنسايش انه الاحتماعات ديال العشائر كيتعقدوًهنا فالمغرب فالمحمكمة الأصناف ....

•لين:ولكن معمرنا شاناها هنا فالمحكمة اجدي انا بعدا اول مرة نشوفها(هدرات و قيس تبسمً وًكمل)

•قيس:ويت مكتبغيش تحضر للاجتماعات وًمتنساوش تا نتوما بعد المرات كنتو مكتحضروش اما بالنسبة ل ويتا ف راها ماشي اول مرةًكتجي راها غي مؤخرا كانت هنا و تقدرو تقولو نسخة طبق الاصل مع كابير(هدر و كيضحك و الكل عجباتهم شخصية ويتا و تحمسو يعرفوها كتر)

عند علي لي خرج للمرأب ديال السيارات و الدراجات النارية في القصر و وقف كيشوفيهم بغموض و شوية ضور راسوً للجنبً منيً حس بشي شخص جاي عندو

•علي:كنت عارفك اتبعيني هههه (هدر و هي كتخنزر فيه)

•علي:نتي يااك همم نتي لي داك نهار كنتي فاحلبة ديال الملاكمة نهار لي كنت انا و كابير و قبرص حيت داك نهار حسيت بشي طاقة ماشي تالهيه وًليومً منني دخلتي حسيت بنفسها زائد جزء من وجهك كان باين يعني متاكد بلي كنتي نتي(هدر و هي واقفة و كتشوفيه و فالاخير اومات. ليه بهدوء )

•ويتا:ااه انا و لاش مهتم كاين المشكل و فيك داك صعصع ديالكمم لي خالع العشائر بغواتو و تصعصيعو شتو مابانش (هدرات و علي كيموت بالضحك)

•علي:اوا اي حاجة كتهم عشيرتي و عائلتي كتهمني تا انا مم و كابير را مابانش من البارح نجيك من اللخر باقي ماعارفش هو اش واقع زائد موحال يقبل يتزوج بيك

•ويتا:اولا هادشي بعيد عليك ا علي هادشي كيخصني انا و ياه مني يجي انقوليه كولشي و تا انا معندي مندير بهاد الخرا كامل اوك و هاد المرا لامابغينيش تاكلها فعضامك بعد مني و مني يجي قولها ليا (هدرات و يالاه دارت اتمشي و هي ترحع وًحات عينيها على واحد الموطور اسود كبير و علي شافها كتشوفيه)

•علي:تا نتي بلية الماطر هههه اش لان ليك فشي ضويرة فهاد الليل ؟؟؟(هدر و هي بدات كتشوف فالموطور و مانشاراتش معاه حدها حلات شعرها الاحمر و جلسات فوق الموطور و دارت الكاسك و ضورات و كيتسمع صوت قوي و هو يتسمعو ضحكاتها و دارت ليه بيديها تشاو و زادت كسيرات و خرجات من الباب الرئيسي ديال القصر البراني و خلات موراها غي الصوت و العجاج و علي كيضحك بالسخفة)

•علي:قفرتها بنت العبد هههه واراه الموطور ديال كابير هاداك ههه المكلخة ماشافت تا سميت كابير على الموطور و قاليك ذكية هه اشمن دكية اواا الفرااجة لييوم ههه و لكن خاصني نعيط لكابير ضروري خاصو يجي يشوف هادشي ههه اراا برررع ليوم اتشببك بين ويتا و كابير ههه الما مع الضو هههه سيركوي ليوم(هدر وًجبد تيلي ديالو كيعيط لكابير و لكن ميكيجاوبش و هو يدخل لداخل و فرحان كيصفر)

وصل قبرص للفيلا ديالو و نزل من اللوطو و كيشوف ف ارجاء الفيلا و رجع للوطو هز السيف الصقري و واحد الكرطونة كبييرة بياء و مكتوبة بالذهبي و عاد دخل و كيقلب بعينيه عليها لتحت مالقاهاش عاد طلع للجناح ديالو لقاهاا ناعسة فالارض و باينة كانت كتسنااه و هو يتقل فيها الشوفة و دهل للدريسينغ حط داكشي و رجع عندهاا و تحنا على ركابيي كيشوف فالجرحة لي ف وجهها و شعرها باقي فازق و كان لابسة التيشرت ديالو و التحت مغطية بالفوطة حيت كان قصير عليها شوية و هو يدير يديه بين خصرها و هدها بالخف و داها لجيهة السرير و حطها و غطاها و بقا كيلعب فشعخرها وًكيشوفيها

•قبرص:تاحد ماغادي يقرب ليك ماحدي انا هناا و ماحدك مراتي لي تجرا يقيسكً مرة اخرى انا لي حسابو معايا عسير(هدر و باش جيهة جرحتها و ناض دخل للدريسينغ و بدل و هبط للمكتب ديالو وًحاضي كاميرات القصر وًكيشوف فكل زاوية و بانو ليه عشيرة ال"گاسو" و لكن ميكيناش ويتا و تبسم بغموض

•قبرص:ههه كابير يا كابير معند مك زهر تا فخليان دار بوك(هدر و حول عينيه لجهة عشق ماماه و بقا كيشوف و تبسم)

•قبرص:عشقي يا عشقي (هدر بحنين و نبرة فيها و حاملة بزاف ديال المشاعر و بقا عينيه على البيسي وًجبد تيلي ديالو سيفط لنهيد مسج)

•✉️قبرص:نهيد بغيت غدا يكون كولشي موجود فالديبر لي تحت القصر نع العشرة ديال الصبااح من غير جيلان مابغيتهاش تكون اووك و تا ويتا تجي هي و اليك حيت راه عرفت جاو(كتب ليها مسج لي قراتو فالحال و عرفاتو حاضيهم كيف العادة و هي تهز يديها و دارت شابو للكاميرا لي قريبة ليها و قبرص تبسم حيت كتفهمو )

•📩نهيد:صافي اخويا مهم كولشي ايكون هو هاداك و رد البال للاماليا 😉(سيفطات ليه مسج و هو ضحك باستمتاع و رجع تيلي لجيبو و طلع للجناحو وحل الباب. و بقا كيشوف ف اماليا من بعيد و متكي على الحيط و ماحس براسو تا تبسم مني كانت كتگلب فالسرير و شوية ضارت و كانت اطيح و هو يمشي طار بحداها شدها و هو مخلوع و رجعها لوسط السرير باش ماطيحش و بقا واقف و عاقد حجبانو و شوية و هو يتخشا حداها و هي عاطياه بالضهر و عنقها من اللور و دفن وجهو مور عنقها و فشعرها و غمض عينيه بتخذير )

•قبرص:نتي مراتي و تاحاجة و تاحد ماغادي ييبدل هادشي لا جيلان لا الفولتوريز لا عائلتك الحقيقية و لا نتي مني تعرفي(هدر بشوية و زاد قربها عندو بتملك و مغمض عينيه و مخلا حتا حاجة تسود تفكيرو من غير هاد اللحضة لي تقدر دوم تقدر مادومش)

يتبع...