فرقاتها عليها غير بزز ...كلسات اقبال فبلاصصتهاا ولهدرة وصداع تاع ناس لي جنبهاا كلسو لبنات كيمسحو فعينيهم
هيبة:كببقيتي اختيي ....قلبيي معاك هءهء
اقبال(دات ايدهاا ل ايد هيبة)اناا لبااس ...نتوما اش خباركم عاطينها هي لبكاا ؟ مات شيي حد ؟ ....هاديي غير محنة وغادي دوز ...نيت نتهنا من صداعكم شوية ونرتاح هههه
حياة(زيرات على ايد اقبال هيا الاخيرة)كون هي كنت بلاصتك ومتكوونيش هناا ا اقبال ...نتي ماشي ديال هناا
اقبال:هدشي مكتبو الله ...لا انا لا نتي بلاصتنا هناا ...هادو كلهم لي كتشووفيي توحدة مكانت عارفة اتجرب هناا ....حزة وغتفوت ان شاء الله (شافت فلغالية )ديها فصحتك ... لبكا معندو باش يفيدنيي هنااا لشفتكم هكا غير كتمرضونيي كتر ...
الغالية:الله اطلق سراحك ابنتي
اقبال:اميين ياربي....غيتة ...جابر لبااس
حياة(مسحات عينيها )لبااس لبااس ....كيسلم عليك خليناه برا مع شهيد...وغيتة راه داها جابر لبارح لدارهاا
اقبال:احسن حااجة .... متبقاوش تسمسو فيها بلهدرة راني كنعرفك احيااة ...سيري شوفي ختك نصحيهاا وبرديهاا با شتششد دارهاا وتانتي الغالية ....البكا ورا لميت خساارة لي وقع وقع داباا ....متخليوهاش تحس بليي لحناهاا
هيبة: مع جابر مغيخصها تاخير دير غير عقلهاا
حياة:فكري لراسك داباا براكة متفكري ليناا...(جبدات ورقة تاع تقضية )هادي لورقة تاع لحانوت هناا فيها كلشي لي خصك ولحتاجيتي شي حاجة خراا كديري كريدي وكنخلصوه فزيارة لماجية
شدات لورقة وكي حلاتهاا تبسمات ميمكنش يخفا عليها خطوو وقالت:شهيد كاتب برجلييه !!
اقبال(رمشات فيهاا ساكتة وطبطبات على ايدهاا )ردي لبال لراسك .....حياة قولي لمهدي يبقا يبيع غير لبيااس ...ميديرش ايدو فشي طموبيل معارفهاش ...هدري مع جابر غيتكلف ...مبغيتشش نخرج نلقاا لي خدمت عليه حياتي كلهاا يمشيي
حياة:كوني هانيية من هاد النحية وخة نعرف نمشي نوقف علييه نحل بايدي ونسد بايدي نتي غير تهلاي فراسك اختيي ...وان شاء الله تخرجي منهناا ليوم قبل غداا
الغالية:ان شاء الله ياربيي
تسمع لجرس فلقاعة كيعلن على نهاية الزياارة بداو لحراس كيصفثو بايديهم باش السجناء ينوضو هوما اللولين ...كلشي وقف كيودع حبابو بلعناق ودمووع ولقبلات تاحد مسااخيي
حياة:تهلاي فرااسك
اقبال:حتى نتوماا ...سلمو على جابر وشهييد ...بسلامة
طلقات منهم ومشاات ورجعات كلسات حياة حتى يقولو ليهم يخرجوو ...حتى يتقلبو السجينات ...مرت عشرات دقايق هكاك عاد بداو كينوضوو ...وقفو تشدو لي كارط ديالهم وخرجو من لباب لكبيير تاني باش يدخل لفوج تاني
كان جابر وشهيد واقفيين كايتسسناوهم حدا الطموبيل وقف معاهم صديق واحد خمسة الدقايق ومشا لطموبيلتوو تشاف هيبة جاية وخرج توجه لجيهتهم
شهيد:امضراا ! شفتووها لباس عليهاا
حياة(باسف)راك عارف ...اقبال واخة تكون واصلة ليها لعضم كتبين لعكس ....سلمات علييكم (ربتات ليه على دراعوو )
جابر:اسلم عليها لخير (تنهد) الله يدير شي تاويل ديال لخير ...مشيناا !
شهيد:امين ياربيي ...غنمشي لعند حسنا نشوف شنو لجديد وامتا لجلسة نهدرو من بعد
هيبة:راه قلت ليك والوو هدرنا غير على غيتة وصافيي شنو فيها واش بغيتينيي منهدرش معاهم ؟ راه خوتاتي هادوك اصديق متقدرش تمنعني منهم
صدييق:هي كتوشفيهم كتولي وحدة خراا كيتزادو فيك الضلووع !!...اسسمعيني راه انا لي داايم لييك ماشي هوماا ...غدا ولا بعدو هادي تهيا تزوج متبقاش معبراك...ديها فراجلك شوية وفداارك ...ماشي كل مرة ديني لعند ختيي عند مي ؟
هيبة(تنهدات)صافي اصديق عفااك عيانة ومافياش لي يدوي
صديق:فييك غير لي يتوشوش مع ختك
مجاوبباتوش دورات راسها لزاج وسكتات خلاتو كيينكر عند راسها كي لمراا
جابر:ايدير الله خيير الغاليية صصافي
حياة :جابر شوية ونجيو عندك نشفو غيتة
جابر: يالله دابا نيت
حياة:لا هي سير نتا تنلحقو عليك وصلنا هي لدار نرتاحو ونجيو
حطهم حدا دار وهبطو داكشيي لي مدخلوش معاهم طلعوه لدار حطات حياة جلابتها وققالت:ندخل ندوش ونمشيو !
الغالية:وطلقيي راسك
**
قبل ميدوز لدار داز لمحال ديال اقبال لقاه محلول وممهدي كالس طمن على الاحوال وكمل لمحال ديالوو لقا لمتعلم خدام فلعود وقف معاه شويية وطلع لدار كيلعب بساروت كانت علاين لعشرة تصباح
دور الساروت ولحس مقطوع فالداار من بعد ما دخل هز عينيو كيشوف هنا وهناا مكاين اتر .... مشا لدوش غسل عليه وداز لبيت حلوو مزال فيه ريحت نعاس ....مكايناش فهاد لعالم بخطرة ...داز لشراجم مع لبيت كبير وفيه دو فصاد فيه جوج شرااجم طلع الرييدو وحل الزااج وحيد لخواميي باش لالاهم غيتة تفيييق
عمرات لمقراج او وقفات كتقلب على لبريكة تحل هاد لبلكار وتسد لااخر مشات لصالوون طلعات فوق سدادر كطل على جابر كان واقف مع مول لهوندا كيهز ف شي بلاكارات وكيتخل وهيا شادة حنكهاا وكتبركم
داابا هدا تزوجت بيه ؟ ؟ فين لعينين خضريين فين لبيووضة فين زيين تحاجة من داكشي لي بغييت مافييه
هز جابر عينو على غفلة لفوق وشافهاا وحرك ليها راااسو وقال:دخليي
غيتة(جرات كاسهاا وكالسسة على شوك ...شعل جابر التلفازة وتكا على سداري داير ايد وراا راسوو وميلو جيهت غيتة لي كتفرج فلجزيرة بلا هواهاا اما هوا عينو هي فيهاا ....تنهد ودور وجهو لتلفازة يتلف بيهاا
***
بعد كل زيارة كتفتح لجراح من جديد كيبدا الشوق لزيارة لمااجية ...بحال الى يالله دخلو واول مرة كيتوادعو مع عائلتهم ...زيارة قصيرة بالنسبة لشوقهم للحرية !
كلسات نوال لوسط دايرة رجل فوق رجل والزوهرة كالسة لتحت فلمانطة لي مفرشين ولوسط طبيلة تاع الميكة قصيرة حاطة عليهاا ايدها كتنهد ومريم فلقنت شادا بنتهاا لي نعساات واقبال كتسستف فحوايجها فلمكان لمخصص ليهم
الزوهرة:جا عندك داك السلكوط ليوم ؟
نوال (كتلعب فشعرها)جاا ...باغي يطلق قاليك
الزوهرة:لما والشطاابة ...لاش رابطاه
نوال:يعطيني فلوسي ويمشي يتقود لهلا يردوو ...غير صبري نخرج ليه والله تنحيدو لمو من جدر
الزوهرة:دنوبك على راسك نتي مباغة تحشمي ....عجبك لحال فلحبس
نوال:شفت قبيلة ولدك جا غا بوحدوو
الزوهرة:اوى لالة بنتي بغات تزوج قاتلييك
مريم: صغيرة !
الزوهرة:واايه مافيها لي يصبر تنخرج(تنهدات)خليهاا لي مضروب على جواج دابا يطليه خضر
كالسين فصالون مجموعين مينة وناصر وشهيد لي شاد تيليفون داير مخدة تحت بااطوو وششاد حنكو بايدوو كايسمع ليهم
مينة (مكشكشة)اوى صافي !! داكشي لي بقااا غير لحبس على تشيااخت
ناصر:لبنت ماليها والوو دري كيقول عليهم لكلام لخاايب شنو بغيتيها دير
مينة:هاااا هااي هوا لي عارفهم ! غير ناض وجا كيقول فيهم هااا كاينة شي عافية بلا دخان
ناصر:وتي دابا مالك ا شمشاا ليك
مينة:وااالو ! الحمد لله ولدي حداياا ....الحمد لله والشكر لله مطيحوش لعقد كل واحد يشد طريقوو ...الف وحدة بغااه فين تبان هاد اقبال ولاا لكبال
ملاك:اماما عرفتي شحال من واحد مضلوم فلحبس ؟
مينة:تاحد مكاليها هزي لقرعة ونوضي عطيه لرااس ....مالك ابنتي على حالتك اويلي ...هادي ديال الدار ؟ هادي ديال دير معاها لولاد ...غدا ينوضوها تنوض تعطيه ؟ مالنا اخويا فيه حجارها يشدووهاا
ناصر(شاف فولدوو ولمط فموو )لا حول ولا قوة الا بالله ...امينة ! نعلي الشيطان راه ناس مكتدي هي لي مكتابة ليها
مينة:لمكتابة بااااينة فدوى ! لي خلات فرانساا وجات هناا علاامن جاات ؟ جات على ود ولدك ...شارياه وهوا بايعها ماشي خرجان لعقل هدا قرا تحفاا دمااغو ويديها مدوزة لحبس ؟. هوا لي رااجل عمرو تخطا لكوميسارية ....الى بغيتي اولدي ديرني شفااية وضحكة لي يسوا ولي ميسواش كمل معاهاا...ولا كنتي ولدي وقلبك على قلبيي ...اضرب على ديك الطاسيلة من جدر ...
ناصر:يضبر راسو امينة
مينة(بانفعال كتشالي بايدهاا)متمرضش لياا راسييي اناااصر يضبر راسوو ولا زمر لكحل ....ديك الخطية مدخلش لدااري ونبينا عليه السلاام
ناصر:واشهييد واش عليك علامن كندويو
شهيد (هز فيهم عينيهم وشاف فموو ) الى هدرت نتسما مسخوط هي خليني ساكت الواليد راسي عامر نجي نصلح نصدق معورهاا اللهم هي خلينيي (وقف هز سوارت من فوق الطبلة )ماتسناونيش ليوم عندي بيرمانونص
ذات مرة تأملها وهي تبتلع غصتها كي لا تبكي
فسألها عن السبب...؟؟
ابتسمت ووضعت يدها على قلبها...
وقالت:
في ذات زمن بنى الله سورآ حول قلبي
فما عدت أشعر بشيئ....
كل تلك الأمور التي تدور من حولي
لم تعد تُثير بكائي
خيباتي المُتتاليه آمنت بها
واصبحت في كل مرة يخذلني أحدهم
أعتذر لي بالنيابة عنه
اقبض قلبي واطبطب عليه....
لا بأس هنالك أسوء من ذلك....لا عليك انسى
سنعتاد الأمر ثم ننسى
لن يصدق أحدهم انه لم يعد في داخلي قلب
يحتمل تراكم الأشياء من حولي.....
انفطر قلبي ولم اعد اكثرت.....
لذا لم اعد اشعر بشيئ
فهذه الخيبات التي تلاحقني تأذيني وتمضي....!!
ا**
وصل تنين بزز بلكشايف الامور على حالهاا ...اقبال بدات كتولف لحبس ...اما غيتة حالها ماتبدلش كتفادا جابر قدر الامكاان وحتى هوا مكايحكرش
الجلسة مبقا ليها والو وتبداا شهيد لي ساابق كيف عادتوو داير ايديه فتجاكيط وشال على عنقو كيف عادتو
وقف جابر معاه غيتة او حياة او الغالية وحتى محمد
حياة:يكما تعطلناا ؟
جابر:لا راه شهيد واقف مع لمحامية
حسنا: شوية وغتبدا لجلسة ديالهاا ...
شهيد(تنهد)شحال يقدرو يحكمو عليهاا
حسنا: شهيد نكون معاك صريحة ... لحكم فهاد لحالة كيمشي من شهراين حتى لعام ....ولكن كاينين شهود غيشهدو بليي كان سكران وتهجم عليهم ...الوضعية الاجتماعية ديال اقبال ...وحتى لبرهووش فايت ليه مشدود مع قاصرة وتشد عشرين يوم على ود لحشيش هوا وصحاابو ...متخاافش غندير جهدي كامل
شهيد :معول علييك احسناا ...(بهمس)قلت ليك شوفي لياا مع لقااضيي
حسنا:واش باغي تخرج عليا وتخرج على راسك ؟ ...سولت راني سولت ليك ....القضية شدها قاضي عاد جديد انا نيت مكنعرفوش ...شنو بغيتيت سلام سلام شوف كيدير معاناا ؟ الحكم فبحال هاد القضايا باينين اشهيد ...صافي رخف فيك النفس ....جاتني اقبال صابرة عليكم كامليين
وقف شهيد ولبنات مع جابر كيتسناو دخلوو من بعد متعطاهم إذن لمحكمة شدو بلايصهم كيتسناو اقبال دخل ...مكاملاش دقائق دخلها لبوليسي ...جامعة شعرها لفوق لابسة دجين وقميجة ....تبسماات ليهمم وداها لبلاصصتهاا لقدام كتربت برجلها او وراهاا حسناا
حسنا:اقبال صافا ؟
اقبال:بخيير ...الحمد لله
لحضات تدخل بدر داير فاصمة على راسو او معاه لمحامي ...خنزر فيه جابر وهوا عينوو مشاات لغيتة وضحك بجنب تكان بغا ينوض جابر وشدوو شهيد وقال:ماشييي هنااا اجابر مااشي هناا
غيتة(بلبكا )هءهءه اه مشيت ....حكمو عليها بست شهر اهيبة
هيبة(حسات بغصة فقلبهاا ...بوحدها لي محضراتش لختهاا وزيد عليها لمدة لي تحكمات عليهاا شهقاات هيبة )اويلييي
طلعات كتجري فدروج وصديق وراهم غير كيسووط مكيحملش التجمعات مع العائلة ولا مع نااس ...باغي بووحدوو مينكدها عليه حد
تلاحت على الغالية كيتبكااو سلم صديق وكلس وحياة قالبة وجها عليه كتمسح فعينيهاا
هيبة:مكاينش استئنااف مقالو ليكم والوو
جابر:غيكون ان شاء الله
هيبة:هءهءهءه علم الله بحالتهااا كيبقات
حياة:كون بغيتي تشوفيهاا كون جيتيي
يالله بغات تهدر نطقق صديق وقال: باش كانت غتنفعهااا كون مشات حتى هي
حياة(بغات تدويي وشدها جابر من دراعها باش طمر لاحت كلينيكس من ايدها فوق الطبلة باش يالله يعيف بلمعقوول وناضت وتبعها فلحين محمد لقاها فلكوزينة داعب كتاافها
محمد:حيااة ...تهدني شوية لعصبية معندها باش تفيدناا
حياة:مكرهتش نشد ديلمو نخشي ليه رااسو فطواليط لخانز لي حطوو (شافت فمحمد لي مصدووم فيهاا )سمحلياا امحمد ! ولكن ملي كطلع لياا لقدرة غير قلب علياا
محمد(داعب خدهاا) حنا لبعضيااتناا احيااة وايليي
بغات تنوض هيبة وشافيها صديق وسد ليها عينو باش تكلس
لبسات عبايتهاا فرشات صلايتهاا وتقابلات مع لقبلة صلاة ضهر مرة مرة تسها فصلااة وترجع تكمل
الزوهرة:ارجوووع الله ا اقبال ! الظهر غير ربعة الركعات ماشي خمسة
نوال:الزيادة من لخير ههه
سلمات وناضت جمعات كتقلب بين لكتوب لي جابو ليهاا لقات واحد من لكتوبة لي سيفط ليها شهيد ...هزاتوو وكلساات فبلاصصتها بسورفييت سخونة او تقاشر بويض وشعرها ضافرااه
حلات لكتااب من لوسط كيف عادتهاا قبل متقرااه من الاول كتااخد جملة من لوسط ...تمتمت بشفايفها كلماات من الكتااب وفايدهاا ستيلو ...
فعلا دخلول لدار بدلو عليهم وكلسات حداه فلكوزينة من بعد مدهنات ايدها عاد بردوو ....شمر على ايديه وهيا حاضيااه الى قالو متول راه متول ....كيمسح هنا وهناا لبلاصة لي شقا فيهاا كيرجعها كتشعل دخل لبيتزا لفران وجمع لبوطاجي خلاه كيشعل ولماعن غسلهم وهيا مقابلاه تسالاا وحطو يتغداو
صديق(بدا فتقبيلهاا تنهدات كتسرط فريقهاا الى منعاتوو غيضور فيها شي ضورة وهوا عاد كان سمن وعسل معااهاا ...بدا كيبوس فمها وكيحل فصدايف لبيجامة نزل لصدرها بعزوو بايدوو حتى تاوهاات )توحشتك احبيبة ديالي (عضهاا من صدرهاا ومصات شفايفها بالم ونشوة ...كانو على سرير فلقاء حميمي مستغرقش وقت من لمداعبات حتى كان كيمارس معاهاا وهيا كتزير والالم اكتر من احساسها بلمعاشرة
صديق(خدام فوقهاا) نااشفة بزااف كتعدبيني
هيبة:احح هء معرفتش
صديق:غداا نديك لطبيبة
قضا غرضو او وقف كينهج مخليهاا وراه عطاتو بضهر كتسنط لتحتهاا كيحرقهاا ...كانت كتسسنا منو ينعس حداها ويجرها لصدروو يبووسهاا تسمعات باب دوش تسد عرفاتو دخل يدووش ...سدات عينيها بتنهيييدة وسرطاتها
بلا متحس لقات رااسهاا كتفكر فاول قبلة مع عمران ...رغم انها كانت غفلة كانت عامرة مشااعر لدرجة من دكراها غمضات عينيهاا كتزيد تفكرهاا ...كيفاش كان كيبوسهاا ويتشاركو النفس
هيبة:مالك كتششوفيا هكاا اعمران ههه
عمران؛ شنو عمة مغنبوسكش
هيبة:هههه سير فحاالك
خلاها تباات تخرج وزيرها مع لباب ديال لمكتبة بدات كتفتف ليه وهوا كيقرب حتى باسها ففمها بسطحية وباات تبعد وقالت:صافي برااكة
حياة:(مشات جلسات حداه وحاوطها من كتافها دارها فحضنو)لي بغيتي
سمحمد:(تيمسح على ذرعانها بحنان)خاصني ندفع ليك لفيزا احيااة راه كياخدو وقت باش يخرجوو
حياة:ماعندي فين نمشي اسيمحمد..ختي فالحبس انبقا تاتخرج وديك ساعة نمشي
سمحمد؛انا عندي معاك هنا غير 15 ليوم وغنمشي ....ولكن خاصك دفعيهم هاد شهر احياة متعرفي يعكسوو لييك ....ختك ان شاء الله اتخرج غير رتااحي ....لمحامية ادفع ليها استئناف وان شاء الله تخرج
حياة لمسات فكلامو حنان وعطف..يمكن هي ممعتابراهش راجلها انما فمقام باها حيت ديما تيعاملها بحنان وبحب وماعمرو عاملها خايب..داك الحنان تباها لي فتاقداتو لقاتو فيه..هزات عينيها فوجهو لي قريب ليها وقالت :لهلا يخطيك علي اسيمحمد
بتاسمو عينيه لي محاطين بتجاعيد العمر لي دوز..وتا نيفو تفرش حيت بتاسم نيت وكلامها تيدخل لقلبو ديركت..بالنسبة ليه راه تيحبها كامرأة والعمر عندو مجرد ارقام فحين هي بالنسبة ليها مجرد ورقة لعبور للقارة العجوز..بوابة عبور كي تنقولو
هز يدو حطها على خدود بشرتها البيضاء وعينيه تيتفحصو عويناتها لي هي تيشوفو فيه..فيهم نظرة ريب وتخوف..مكتحملووش اقيسها يمكن هي باغيا تحمل منو باش تضمن الوراق ولكن ماتخيلاتهاش هاكا بهاد الصعوبة
قرب بجسمو تا قرب ليها وبدون ماتحس طبع قبلة على شفايفها تا بتاسم من طعمهم الجميل ..وهي تقفز بشوي وبدون حرج بغات تبعد لكنو رجعها..وقربها ليه بيدو لي مسكات ذقنها بحب طامع فكثر ونزل على شفايفها بالكثير من القبل السطحية..تزيرات ومحسات بوالو من غير القرف..
تنهد مقتانع ومستسلم ليها وجرها من جديد قبل راسها وهي تتعوج ففمها فاي لحظة اغبر عينيه عليها وترجع تلبس ملامح تمسكين بمجرد مايشوف فيها..
سمحمد:ماشي مشكل.. انا المهم عندي راحتك
حياة:(بتحلوين)لهلا يخطيك علي اسيدي محمد
محمد:(وقف)انا غنمشي..مخصك والو؟؟
حياة:(وقفات بغات هي تسرسبو)راحتك اسيدي
قبلها فخدها تا كرهات كرها لاش دلعاتو ووصلاتو تالباب مودعاه بابتسامة خافتة وصفرة هي سدات الباب وهي تعوج فمها مكرهة وقالت:خرا المخرنن هو هذا..الشارف الهارف تاهو بخبيزتو..السيد حاسباه عمي واجي كاليك ابوس(مسحات فمها بقرف)دارتها فرنسااا خزييييت
بعد دخولهم لداار مشات لبيت بدلات حوايجها ورااسهاا بغا يتشقق عليها جابر حطها ونزل لمحل ديالوو مرة يمشي يطل على مهدي مرة على محالوو وهياا كي لحنش مقطوع راسهاا ....
بغات تكميي صافي عقلها وداتها بغات جرعة من النيكوتين حاسة برااسها كي لبيضة وعرق كيضرب فجبهتهاا ملقات باش تلف ...كدخل من هاد لبيت لهاداا ....دار كبييرة او وااسعة وهيا حاسة بيها بحال شي قفص ...شعلات تلفازة ملقاتشش لي تونسهاا كطل فهاد شرجم وهداا ....تبكيي شويية وتسكت شوية
تمبقاتش قادرة تهز رااسهاا لابسة تيشوورت نص كووم او سروال حرير مزخرف بلوان ...كتلوا فلفراش وكتبكيي ....
تحل لباب ولقا صقيل فالصالون شاعلة التلفازة بلا صوت تافف وطفاها حط سوارت والسبااط ومشاا لبييت عيان مسخسخ مع حل لباب تفيكساو عينيه فيهاا ناعسة على كرشهاا وهازة رجل ورجل مسرحاهاا ولمخدة على راسهاا ....بقا كيشوف فيها لتواني قليلة وهو كيدخل لجيهتهاا...منضرها بداك شكل لمهمل حرك فيه غريزتوو ....تقدم ناحيتها كيحيد فتجااكيط ....
حطها وكلس جنبهاا حط ايدو على خصرهاا لعااري حيت التيشورت مهزوز دوز ايدوو بلطف على بشرتها الناعمة وضغط عليهاا شوية....
هز ايدوو حيد ليها لمخدة من فوق راسهاا وجمع شعرها لمبعتر على وجهاا ....خداا تواني كيتنمضر فيها فهدووءهاا وطفولية ملامحهاا الجميلة ....قبل ميحط ايدو على حنكها ...ويجمع ديك الابتسامة ليي ترسمات من سهوتو فيهاا
كمش حجبانوو وحط ايدو تحت نيفها لي كيخرج لعاافية ...
عوجات فمهاا تسمعات لباب تحل بقات عاطية بالظهر كتسمع لخطوات فين غادين غمضات عينيهاا وكدعي فخاطرها ميكونش جاي جيهتها ...تسد لباب وقلبها غير مزاد فلخبييط ديالوو وهيا كتسمع لحركة حداها فلبييت ...كان جابر كيحط فتيشورت من بعد مشعل لفيوز لخفييف ...حط حوايجوو وهيا كتسمع وقلبها كييدير زدااف عاضة على ليزار تحسات بلفراش تحرك وتهز لغطا من جيهتوو اما هيا داك لعشا كامل قريب تردو بلخلعة
حس بيهاا حيت قاطعة النفس ويمكن نساات طلع النفس وتهبطهاا دوز ايدو من فوقها تقفزات وتكمشات فبعضيااتهاا ...شعل لفيووز جيهتهاا وحط ايدو على دراعها كترعد قرب وجهو لودنهاا وقال:مالك
غيتة(بصوت مرعود ولبكية شداها)و والو هءء جابر
جابر(كان باسها فودنهاا حتى تكمشاات ودور عليهاا ايدو باش يقربهاا ) ششش لاش لبكا تاني ....تالين غنبقاو كي لخوت همم
هز ليها شعرهاا ودموعهاا كتجريي فكل قبلة كتنين محاملاهش يقيسهاا...باسها فعنقهاا وايديه نازلة مع كتفهاا حتى ستقرات فوق كرشها لي دخلات ...جرها بلخااطر كيتعامل معاها بسياسة حدهاا تلاصقات معااه وحساات بشي حاجة قاسحة توشاتهاا...تشووكات ونتافضات منوو بغا يشدها من ايدها وفلتات منوو حلات لباب ومشات كتجري لبيت اخوور سدات عليهاا وضورات الساروت وشعلات الضو كلها كترعد
دق عليهاا معصب وقال:غتحلي هاد لباب ولا نهرسو على ملتك هاد الليلة ؟
غيتة:هءهءهء عفاااك ...مبغيتش مبغيييتش رجعني لداارنااا ومبغيتش نتزووج لا بيك لا بغييرك هءهءهءهءه
مسح على وجهو معصب لابس هي بوكسوور وقال بهدوء:واخة هي حلي نهدروو
غيتة:هءهءه لااااء لاااء منحلش تاتجي ماما هءهءه كون غير مت
فيه ميفرع داك لباب ويشتف على مهاا ولكن الليل سمااع وجيران خاصهم غير بيمن يدوزو اتااي ....مشا لبيت لبس عليه شورط وتيشوورت وكلس كيهزز فرجلوو وكيخمم واش فعلا مبغاتووش ولااا كاينة شي حاجة خراا مزال معرفهااش
تكون وقعات شي حاجة بينها وبينووو ؟؟؟
نحرها ونشرب من دمهاا
الرجل لبلدي تفكيرو وااضح جداا ....لبنت تولي مراا على ايدوو وكاع الاغلاط تغتفر ....مكانش غيزعم على هاد الزواج كون شاف لعكس ...ياك هي هربات من بدر باشش ميقيسهااش ؟؟ يعني مقاسهااش
شد جبهتو كيمااصي فيهاا ويلعن الشيطان ....وقف وهز فايدو سمطة لواها على ايدوو ومشا فاتجاه لبييت ...تنهد وعض على فموو وقال :غيتة ....حلي مغنقيسكش
غيتة:هءهء كتكدب ....نتوما كلكم بحال بحال كتشوفوو فلمرا غير داكشيي
خرج من لبار ريحتو كتعطي بشراب ...مكانش ناوي يشرب كان باغي غير يكلس مع صحابو صدق شاارب جوج كيسان
تيليفونوو كيصوني ....كيصوني بلا مجيب ...تمشاا للحضة الدنيا ضاارت بيه او وقف كيمسح على وجهوو ...
غادي بسهوة منوو جنب طريق باغي يقطع طموبيل جاية من بعييد بسرعة كتكلاكصونيي واحد ملقا ميفرانيي والتااني ملقا فين يرجع حيت حتى الطموبيل بدات كتلعب ....فرمشة العين تخبط شهيد على زاج الطموبيل حتى تهرس وتلاح لارض
كالسة مينة فكولوار لكلينيك كتبكيي لابسة جلابة وشال على رااسها عينيها منفوخين بالدموع ...وناصر كيمشي ويجيي ...وحداهم كانت واقفة فدوى...لي عيطيو ليها صحاابو من ورا مخرجو وراه ولقاو لكسيدة
مينة(كتبكي)وااا ولدييي ولدييي مشاا لياا اربيي علم الله اش بييه
ناصر:امينة دعي معااه متفايليش علييه ....ففف اش كان كيدير فالزنقة بلا طموبيلتوو !! عمرها كانت ليه ديما حاضي رااسوو
مينة:حاضينووو عين بناادم كلااتووو ....انا مباغة واالو رجعو ليا اولدي
حكاية أنثى الجزء 16
محتوى القصة
التنقل بين الأجزاء