كلفتني غلطتي الجزء 12

جالسة بكل هدوء فووق لكرسي لي جنب السرير ..و فاديها مووس شاداه تتلعب بيه فإيديها ...و عينيها على هذاك لي مربوط فووق السرير ..من رجليه و ايديه و فمو مسدود بسكووتش ..من بعدماا حطات ليه المنووم فلكااس ! هوو شربوو بدون مبالااة !

مذاازش بزاف حتى طااح فوق لفوطووي على طولتوو .. و سيلين بلا عگز مشات هزااتووو تتعصرر ..ما وصلاتوو لغرفة حتى كانت غادي تموت بلعيااا ..و من لفوق كانت غاا جراااه ..

بتاسمات و هي تتشوف فييه و ضحكة على وجهها ! عازمة ترد حقها ! و لاازم عليها تردو ! هو و اعتباارها ! ماشي سيلين لي دير عين مييكة ...تنهدات و هي تتشوف فساعة في فلحيط..

سيلين : و نووض ازين خلااص ! رآه هادي جوج سوايع و انت ناعس !! بغينا نبداووو !!

سكتات عاوتاني تتشوف فييه و مازال تتلعب بلموس فإيديها ...شتفات برجليها حيث باقي على وضعيتوو و هو مخدر..جاها جووع اصلا متعشاتش مزيان كيف موالفة...

هبطات كوزينة تحت تتقلب على ما تاكل ..حلات ثلاجة و جبدات واحد لعبة فيها الشكلااط على شكل مربعات صغيرة ...

بلعات رييقها و هزاتهاا بسرعة و جلسات تتقسم فطرووفة و تاكل ..حتى شبعات و عمرات كريشتها..عاد ناضت تتمسح ففمها ..

طلعات فووق لنفس الغرفة لي فيها جااد ... جلسات فكرسي فبلاصتها و هزات لموس تتلعب بييه و عينيها مرة مرة كيمشييو لساعة..تنهدات و هي تحط داك لموس فوق كوافووز .. و حيدات ليه داك سكووتش و لاحتووو .. و عينيها على جااد ..

حطات ايديها على ذقنها تتفكر واش تقرب ليه ولا لا ...بعد مدة من تردد و هي تتشاور مع راسهاا ..تشجعاات و تحناات عندو حتى طااح صدرهاا قداام صدروو ..

بقات تتمعن فيه و فحرووفوو الحاادين ..تتشوف فيه و هوو مخنزر و هو وسط نعااسو..فعلااا غرييب بزااف..و متغيير ..

بدون وعي منها أو شعوور بتاسمات بحزن و هي تتدوز ايديها على وجههو... ساهية فييه و ركزات نضرها على شفاييفوو...بلعات ريقها بصعووبة و هي تتنزل وجهها ليه أكثر حتى تقابلو وجههم مع بعضهمم ..

سيلين و عينيها على شفايفووو نطقات بشبه همس : كرامتي تنفضلهاا على حبي ليك أسي جااد نتاا لي بغيتي ...

خرجات عينيها و هي مبعدة مزنگة تترجع شعرها من مور وذنيها سااخطة فاش حسات بييه بدا يحل عينيه ..

بدا تيحل عينيه بثثقال ..تحيس براسوو كيزدح و ثقييل علليه ..هز ايديه يحك عينيه ..

حتى خررجهم على جهدهم فااش حس براسوو مربووط ..تلافت بانت ليه سيلين و هي شادة لمووس تتلعب بييه ..

هزات عينيها تتشوف فيه بابتساامة ..

سيلين : صباح الخير !!!

جاد مخنزر و هو تيشووف فإيديه و رجليه لي مربوطين : شهااد القلاااوي ؟..

سيلين حركات راسها بلا : تتت ! ممنوع تخصر لهدرة دبا ؟

جاد تيشوف فيها شي شوفات تيخلييوها تبلع ريقها بلاهلاا يطرييه ليها : تتضحكي معايا ولا !!

سيلين : اناا تنضحكش تنفد !

جاد : منيتك ؟

سيلين : ماشي وقت تسولي انت ! انلعبوو واحد لعبة أكيد اتعجبك !

موافق ؟

جاد عرق راسو يزدح : سييييليين ...

سيلين بتاسمات : نعام ؟

جاد بحدة : حيدي عليا هاد القلاااوي ولا تنحلف لييك حتى اننندمك و نوورييك شكون هووو جااد ؟

سيلين : على انا مكنعرفكش !

جاد : ماازال نبببيين ليك شكون هو جااد !! وجهي ثااني خاايب بزااف !! من ااحسن عرفي راسك فين حاطة صنطييحتك !!

سيلين ناضت و هي تتلعب بلمووس ممسوقااس لهدرتوو نهائيا تتلعب بلموس و ساهية قدامها : انت جاد ال'معروفي ! لي متتعرفننيش !! اناا سيلين ال'منال لي معمرني كليت لعصاا من عند واليدياا ! جيتي انت ضربتييني ؟

جااد تيشووف فيها و يعض على شفاايفو مخنزر : حيدي علياا هاد القلاااوي !! و خلينا نهدرو بالعقل !!

سيلين تلافت عندو : فاش غادي نهدرو ؟

جاد تنهد : عندي بزاف ما نقول ليك ! حيدي عليا هادشي من بعد نهدروو !!

سيلين جلسات فوق كرسي تتهدر و هي تتلعب بلمووس فإيديها : !! انت كنت تتضربني وقت لي بغيتي ! و تعايرني و تسبني بشي حوايج معمرني درتهم ! عقلتي مني كنت تنضم الحفل ديال خطوبة ديالك ؟ اش كنتي تتقول ليا ! غير عاهرة ؟ و قحبة !! ياك ؟ و نهار شبعتي فيا تصرفييق فلحماام نهار كنت انا و امك و خطييبتك فشووبينغ !! و من فوق هادشي كامل ! خطفتييني و رجعتي تضربني عاوتاني ؟ اهاه !! و هادشي مكفااكش ! زوجتييني بييك بزز مني !

جاد بلل شفايفوو تيحاول يهدر معاها بهدوء مزير على قبضة ايديه : سييييليين !! خلييناا نهدرو ؟؟

سيلين تنهدات بعمق تتشوف ليه فعينيه فيكس : حتى لهاد درجة انت تتكرهني !

جاد بلع ريقو بصعوبة كيفاش يكرهها ؟ و هي ولات جزء من حياتو ؟ و دنيا و ما فيها مني يشوف ضحكتها ! و قلبوو يتعصرر فاش يشوف دموعها ؟ كيفاش يكرها و هي لي خلااتوو يحس بمعنى الحب و الأمان ؟ كيفاش يكرهها و هي حياتو ؟ كاين شي واحد يكره حياتو و قلبوو ! معمرو كرهها ! من اول نهار شافها بغاهاا فيه ..

صعقاتو بهدرتها غوت : كيفاش كنكرهك !!! حيد علياا هاد القلاااااوي !! متخليينيش نقوول شي حاجة لي ندمووو عليها بجووج ؟؟

سيلين : جاد ال'معرووفي ! همممم نسولك ؟؟

جااد هبط عينيه لرجلييه المربوطة و عض حنكوو من دااخل كينهج ووجهو احمر باغي يتتفك : مااشي وقت الأسئلة اسيييلين !! ماشي وقتهممم ..

سيلين : لا خاصك تجاوبني ؟

جاد باغي غير لفكااك تنهد بحراارة : علاش غادي نجااوبك علاااش ؟؟

سيلين طلعات لمووس فوق راسها تتشوف فيه مغمضة عين و حالة عين :بغيت جوااب ! ماشي تجاوبني بسؤال !!

جاد بصوت عااالي : هددددري خلاااص ؟؟

سيلين حطات صبعها على شفايفو حتى تبورش : ششش ! متغووتش !!

جااد بلع ريقو : ح حيدي صبعك !!

سيلين هزات صبعها تتشوف فيه ميلة شفايفها : مالو صبعي ؟ هنن معجبكش ياك !!

جاد عض حنكو من لداخل مكرهش يفك هاد زمر كامل و يهدر معاها بالعقل عرفها مقصحة بلبياان : حيدي هادشي و اجي نهدروو !!

سيلين تكات على لكرسي و سهات قدامها : فخبارك واحد لحاجة ؟

جاد بتساءل : شنو !!

سيلين تكعدات مخرجة عينيها وعاات على راسهاا على اش كانت باغا تقول : ء ! ووالو ..

سكتات و شافت فيه هازة حاجبها و هي تطللع لموس لعنقوو طلعات فوق سرير على ركابيهاا و هي عاضة على شفايفها و هو مخرج عينيه فيها ..بحركة بسيطة حطات ليه لموس على عنقو : علاش انت اناني و مغرور و نرجييسي و متعجررف ؟؟

جاد العرق بدا يتسبب منوو بقوة القرب لي بيناتهم : كنت ؟

سيلين تتزيد تقرب ليه : و دباا ؟

جاد كيهدر بدون وعي خدرااتوو بهدرتهاا : مبقييتش !!

سيلين بتاسمات ابتسامة جانبية و زادت غرسات ليه لمووس فعنقوو حتى شاافتوو تغرس ليه فلحم همسات ليه بصوتها طربي : دبا يمكن ليا نسولك ؟

جاد ممسوقش نهائيا لداك دم لي هابط ليه مع عنقوو قدما قلبوو لي تيتعصصر و يتقطع طراف طراف : سيلين ديري عقلك !

سيلين زادت غرسات فييه لموس و هو لا حركة فقط مزير على ايديه : خليني نسولك ؟؟

دورات عينيها و هي تنوض من حداه ..و حطات جنبوو لموس بتلفة و زادت خارجة قبل ما توصل لباب تلافت عندو ..

سيلين : دقيقة و نجي اوووكي ؟

جاد مجاوبهاش ..خلاها حتى خرجات و هو يشوف فداك لمووس تنهد و قرب وجههو لييه حال فمو حتى هزو ..قربوو لآيديه و هو مازال ففموو تيقطع و يتعصرر حمر كينههج ..

حتى حس بلقنبة تحلااات ..ضحك بفرحة و هو يكمل حلااان ايديه لي بقات ورجليه بجووج ...

مع دورة لي يدور تحل لبااب من طرف سيلين لي كانت مخرجة عينيها تتشوف فييه مصدومة ...

سيلين : ع علاش ..

سكتات فاش وقف جاد وقف مقابل معاها تيشووف فيها بهدوء ..فلحضة لي كان كيصحااب ليها غادي يضربها ولا يعايرهاا حيث ربطااتووو ..

هزات عينيها تتشوف فداك دم لي نازل ليه مع عنقوو ..بلعات ريقها و جامعة ايديها على شكل قبضة مرضااتش...

حتى سمعات صوتو ...

جاد بصوت هادئ غير عادتوو : خلينا نهدرووو !!

سيلين هزات راسها بالعرض البطيء : فاش بضبط !!

جاد مسح على شعرو و قرب شد ليها فإيديها حتى خرجات عينيها و زادت خرجاتهم فاش سمعات صوتو ..

جاد : خلينا نهدرو ! و نحلوو مشاكلييناا مع بعضيااتناا !!

سيلين ساهية مدعووقة : لارد ...

جاد بصوت حنين : سيلين ..

سيلين فاقت من شردوها و نترات ايديهاا : معندنا فاش نهدرو !

جاد جمع ايديه عندو : خلينا نهدرووو اسيييلين !!

سيلين تلاحت هزات لمووس و حطاتتووو على ايديها و نطقات فيها نبرة تهديد : متتقرربش مني !! ولا كننحللف ليييك حتى نقتل راسي ....

جاد موسع عينيه لي رجعوو جمرة تيحاول يحافظ على هدوءو : ديري عقلك !

سيلين ضحكات بلفقصة :هههههه نديير عقلي يااك ؟؟

جاد عينيه على ايديها و عيوونو تيبينو شحال خايف : علاش تديري هاكا !!

سيلين هزات عينيها و دموعهاا طااحو على خدها تتبكي و تمسح دموعها بايديها و يعاودوو يطيحوو من جديد : من نهار عقلت على راسي و انا بووحدي ! باقا عاقلة نهار كنت نكون ديما ضاحكة ! كانو عندي وليديياا و عائلتي مجموعة خواتتي و كلشي كان عندي !! ولكن نهار ماتو ! مت معاهم حتى اناا !! كلشي مشاا حتى أختي مشات هاربة من لعيشة. معانا ..! تحرمت من أختي و واليدياا !! قريت باش نكون مهندسة و نحقق الحلم ديال ماما ؟ (بتاسمات و دموعها مازال كيطيحوو ) اول حفلة ليا نضمهاا بنتي انت فحيااتي ! و هنا بدا العذاب من جديد ! ضرب كلييتو ! و سباان سمعتوو ! و مخيييرة فدقاات كانت تتجي فيا ؟ شنو ذنبي ؟ فناضرك انا نستاهل نكون ديما بوحدي ؟!! ولا كان خاصهم يكتبوو عليا سيلين تستاهل اشد العذاب ياك ؟ عيشتييني فمحنة لي منسااهااش !! تمنيت كون تلاقينا فوقت آخر !! كان غادي يكون حسن (غمضات عينيها و طاحو دموعها ) تمنيت كون غير تلاقيناا فوقيتة احسن من هاكا !! هزات إيديها بجووج و دموعهاا محبسووش تتبكي و تشهق بقوة : صافي عيييت و مليييت !! صافي استسسسلمت !! انااا ضعييقة !! اناا ضعيفة ..

سكتات تتبكي و تشهق و تعض فإيديها بقوة و صوت بكاائها مسموع فأرجاء المكان فحال شي بيبي صغير كيشوف راسو فوق شي تل كبير و مقادرش يهبط ..

اما جاد قلبوو كيضرب بوثيرة سرييعة فحالا كان فشي حرب ..كره رااسو و كره لإهانتوو ليها و ضربو ليها ...قلبوو فحالا شديتيه و عصرتييه ليه بقوة ...

تيمسع غير صوت بكاائها هادشي مرضوو مكرهش كون قدر يمسح ليها دمووعهاا بإيديه ..لكن ! اش يدير ! هو كان سبب من معاناتهاا ! ملف يتعووض ! لكن حبوو ليها كان اكبر من ذلك بزاف !! زاد تشووكاا فاش سمع صوتها ..

سيلين موس فإيديها و عينيها حمررين و دامعين فعينيه فيكس و ايد حاطاها فوق قلبهاا تتشير ليه : حبي لييك كان عذااب ليا !!

جاد تصعق بدون وعي منوو هز ايديهاا لي فيها لمووس و بغااا يضربو فكرشوو لكن سيلين شدات ليه فإيديه ..مخرجة عينيها ..

سيلين : ا ا ا اش كدير !!

جاد عينيه حمرين و مغرغريين : نستاااهل لموت انااا نستااهل ..

سيلين بقوة ما تصدمات و هي تتشوف ليه فعينيه ما حسات غير عاود هز ليها ايديها باغي يضرب رااسوو لكن شدات ليه ايديه...

هي تتبكي و تغوت بلااا و هو تيقرب ليها فإيديها باش تضرب ...

بقااوو تيتجاارو مع داك لمووس حتى تسمعات صوت شهقة قوية كان واحد فييهم لي تضرب بلمووس ...

گانت هاد الشهقة خارجة من قلب مجروح و مكسوور ..و ضحكة ماتت من شحال هادي ..قلب محطم و مضمر ..جرح كبيير و غارق ! يقدر يبقا حتى لاافاان لمووت ! و علاش لا ميبرااش مع زماان !!

كانت شهقة خارجة من طرف سيلين لي مخرجة عينيها و مووس مخشي فكرش جاد هاد اخيير لي وجههو رجع أحمر و عروق جبهتووو تنفخوو ..

و ايديه على لموس لي فكرشو..سيلين ركابيهاا فشلوو فحالا انها فحلم ! فحالا زمن وقف بييها ..

دمووعهاا تيطيحوو بغزاارة ممتيقااش ..بايديها لي كيرجفوو حطات ايديها على وجههو ..

سيلين بصوت خافت : ع علاش درتي هاكا علاش !!

جاد مزير على سنانو كااتم وجعوو بكاد تيقدر يخرج حروف : نستاهل ..

سيلين عضات شفايفها و طاحو دموعها من جديد : مكانش عليك دير هاكا ! مكانش عليك !

جااد تيبلع فريقو بصعووبة و ايديه على مووس مزير عليه : م م ما غادي ي يوقع ل ل ليا والو ...

و هبط عينيه لجيهة كرشوو بدون وعي منووو حيد داك لموووس .. من كرشوو بقوة حتى سيلين غمضات عينيها مبغاااش تشووف خايفة و هاربة من لوااقع لي هي فيه ..

جاد بصوت متقطع : م م متخافيش ..

سيلين تلافت عندو و زادت قربات منو و سندات جبهتها على جبهتوو و ايديها من مور عنقوو و كاملة كترجف نطقات بصوت باكي : انت مخاصكش تموت ! خاصك تبقا معايا !! انا متأكدة غادي تكون ب بيخير ..غيير صببر ...

جاد حرك راسو برفض : ا ا انا بييخير ..غير ..

سكت فاش طااح على طولتوو فوق لفوطوي ..حتى سيلين بقات مخرجة عينيها مصدومة ..

مشات تتجري تتبكي حدا رااسوو و تغوت ..و تقلب ليه فوجههو ...

سيلين تتقييس ليه فوجههو : ج جااد فييق مضحكش معايا هاد ضحك !!

جااد لون تخطف ليه من وجههو : م متخاافييش !!

سيلين غوتات و هي تتبكي : كيفااش منخاافش و انا كتموووت !! واااش حتى لهاااد درجة حياتك رخيصة علييك ؟؟؟

جااد عينيه تيتسدوو : لارد ..

سيلين بخوف رجعات تتقلب ليه فوجههو : ج جاد ..

جاد ايديه ترخاا و ايديه طاحو فوق فوطووي غااب على الوعي : لارد ..

سيلين شدات فوجهها تتبكي بحرقة : لا لا الا لا انت مخاصكش تموت !! م م ماشي بعد هادشي كامل لي دوزناا ت ت ت تمشي و ت ت تخلييني ..ل لا لا ..

رجعات تتحرك راسهاا برفض فحال شي حمقة و شعرها لاصق على وجههاا و عينيها منفوخين و حمرين ووجهها شااحب..هزات راسها تتلعب براسها يمين و شمال كانها كتبحث على شي حاجة ..

سيلين : اه انت مغاديش تمووت ..

سكتات فاش سمعات صوت لباب تيتحل من باارااا ...حتى تمات داخلة بنت فاواخيير العشرينات شابة دو شعر قصير بني..ولابسة سروال د تووب فالاسود و سومييج ديالو و جااكيط كويير ..

و فيعينها نضااضر و شانطتها جاراها من مووراها تتبان سو كيووت .. كانت لبنى لي داخلة تتضحك و ضحكة من وذن حتى لوذن ما قاادااهاا فرحة ..تتغوت عليه بااسموو...

لبنى بصوت شبه عالي كتنددييه : جاااد ..هانا جييت ..

سكتات و هبطات نضااراتها على عينيها و ما تجي غيير على جاد لي طايح فوق لفوطووي ..

شهقات مخرجة عينيها من هول الصدمة و شانطة طاحت ليها من إيديها ..هزات عينيها ببتثاقل تتشوف فسيلين هاد أخيرة لي مصدومة معرفاتهااش ..قربات ليها لبنى كاملة تترجف ...

لبنى بتساءل : م م مال جاد ؟

سيلين : شكون انت !!

لبنى هدرة وحلات ليها : هدري مال جااد !!

سيلين غوتات : شكوون نتي ؟؟

لبنى بلغوات حتى هي : انااا لبنى اخت جااد !!

سيلين خنزرات فيها و قربات ليها تتشوف فيها و هي تطلع و تهبط فيها : جااد معندوش ختووو الكذاابة ..

لبنى مجاوبتهاش ..

عينيها على جااد مقدراتش تتشوف فيه بكااد قدرات تتمشى و تجلس جنبوو تتبكي على صدروو كانها تتطلب فيه ..

لبنى تتبكي : جاد مدييرش فيا ..نتا واعدتيني بلي غادي تكون معايا و معمرك غادي تخلا عليا ! ديماا كنت كتقول ليا انا معاك و معمرني نخلييك ...كنتي ديما نتا هو دااك اخ لي مولدتووش ليا مي ..نتاا لي خببيتيني هاادي كثر من 19 عاام من بابا لي كان فكل مرة كيبغي يغتاصبني و انا فعمري 8 سنوات ..نتاا لي خبيتي من شارع و عطيتيني لحياة من جديد و زرعتي فيا الامل ..متخليينيش فنص طريق اجاد حراام عليك ! و انا لمن تخلييني ها ! شكون يسول فيا ؟ شكون يديها فيا ؟ انت لي قريتيني ووعيتيني ..منقدرش نعييش بلا بييك ولله حتى نتبعك ..عفااك نووض انا كنطلبك..انا جيت على قبلك ! و انت باغي تمشي و تخلييني..

سكتات تتبكي بقوة و حراارة ..غاطسة وجهها وسط صدروو..و سيلين مشووكية من داكشي لي قدامها ..

حتى مسحات دمووعها و عاودو نزلو من جديد و قربات حتى هي جلسات فجنب الاخر تتبكي ..هي أخيرة خشات وجههااا فصدروو تتبكي بحرارة أكثر و بغزارة ..

دقائق هو غير كيبكيو حتى هزات سيلين راسها ة شافت فلبنى..

سيلين و هي تتمسح دموعها : خاص يبقا معايا ...

اه هو خااص يبقا معايا ميمكنش نبقا كنتفررج فيه لا لا ...ميمكنش ..

لبنى هزات راسها حتى هي : يلله ندييوه لوبيطاال ..

سيلين حطات ايديها على وجههو و صبعها تحت انفوو : باقي تيتنفس ! و تنفسوو طبيعي ..خاص ندييوه دغيا ...

و جمعات لوقفة و حتى لبنى ناضت ..تعاونو بجووج و هزوه من فوق لفووطوي و هوما كيتعصصروو كل وحدة رمات على أخرى إيد من ديال جااد على كتفها ...

زادوو بييه و هوماا كينهجوو غادين خاارجيين بييه .. فكل خطوة تيزييدوو تيحسوو بثقل أكثر ..

ما وصلووه للوطوو حتى غفر ليهم ربي عياااو ..حطووه لوور فللوطو ..رجعوو عرقانين كاملين ..

و سيلين دموعها محبسووش خايفة لأقصى حد ..

ركبو حتى هوما و قرب ماا تكسيري لبنى ...نطقات ..

لبنى : جاد كيبغيك ...

قالت هاد جوج كلمات و كسسيراات مقلعة لأقرب لوبيطال مخليااهاا

حالة فمها ... 

وقفات للوطو ديال لبنى قداام لوبييطال ..هبطات سيلين تتجري تتقلب على ممرضين باش يجييو يهزوه داغي ...و لبنى بقات فللوطو مع جاد تتطلب من الله يشاافيه و يكون بييخير ..

تتجري و تقول ما جرات لقات واحد الممرضة شداتها من إيديها انها تتوسل ليها .....

سيلين و هي كتنهج : ع ع عفاك ر راجلي تضرب بلمووس و و و ..

الممرضة قطعاتها فاش جلساتها فوق لكرسي و نطقات بالانجليزية : تهدني !

سيلين بغات تنوض و هي ترجعهااا : رخي مني...

الممرضة طارت جابت ليها قرعة لماا يلله بغات تمدها لييهاا سيلين بغات تنووض حتى عودات جلساتها و مداتهاا ليها (الحوار بالانجليزية )

سيلين شدتها من عندها و لاحتتهاا مع الأرض بقوة و ناضت تتغوت فوجهها : وااش نتي كضضحكي معاايا ؟؟؟ ولاا شنووو ؟؟ اناا كنقول لييك راجلي كيمووت !! و نتي تتعطيييني فلماااا ؟؟؟

ممرضة تلافت بان ليها كلشي تيشوف فيهم حاولات تلطف الجو : هانتي غير تهدني ! باش حتى حنا نعرفوو مالك ..

سيلين شدتها من إيديها و مشات بييها تتجري و الممرضة ما فهمات والو..

سيلين طلقات منها و حلات لباب لوراني تتشير ليها لجيهة جااد : ر ر راجلي أختي ..الله يخليك..

الممرضة بلعات ريقها بصعوبة و هزات راسها باه و مشات كتجري تعيط يجيبو معاهم بااياص ..

سيلين بزز مصبرة راسها باش متبكييش لازم تكون قوية ...ولبنى تتبكي ...

ثواني معدودة و تموو جايين مجموعة من المررضيين فايديهم الباايااص كيجرييو ..هزوو جاد من للوطو و حطووه فلبيااص ...و سيلين تزيررات و هي تتشوف فلونهم لي تخطف منوو لوون ..

تفزعات فاش باانو ليهااا غادين بيه فوق باايااص كيتجراو ..مشات تتتجري تبعاتهمم ...

و شدات ليه فإيديه تتبكي بحرقة ..وصلو لغرفة طبية و حبسوها ..

ممرضة بلبستها طبية : ماداام ! مخاصكش دخلي حدك هناا !!

سيلين غوتات ببحة فيها نوع من بكاء : علاش علاش مندددخللش علاااش ...

و تلافت جيهة لخرى تتمسح على وجهها و تتبكي ..و ممرضة هزات راسها باسف و دخلات لغرفة دير خدمتها مخليااا سيلين تتخمم حتى شدات ليها لبنى فإيديها تتطمنهاا...

لبنى مسحات ليها دمعتها : غادي يكون بييخير اما متأكدة هو قوي...

سيلين زيرات ليها على ايديها : اه هو قوي ياربي تحفضوو...

داز الوقت ..

سيلين حاطة راسها على الحيط و جالسة فوق واحد لكرسي طويل و مربعة ايديها ساهية فنقطة وحدة تتفكر و دموعها تيطيحوو ..حتى حسات ب لبنى هاد أخيرة لي كانت فإيديها قهوة ..مداتها ليها ..

و سيلين شافت فلقهوة بدون ما تجاوب و رجعات لوضعيتها ..

لبنى : شربي ليك هاد القهوة تصحصحي بيها ! ماش ميجييكش نعاس ..

سيلين ساهية : لارد ..

لبنى تنهدات : على قبل جاد شربي !!

سيلين سمعات سميت جااد و هي تنهد و خداتها من عندها و رشفات منها شويا ...

لبنى : علاش ضربتييه بلموس ..!!

سيلين غمضات عينيها : مضربتووش هو ضرب راسو ..

لبنى : علاش انت وياه تتبقاااو دابزو ها ؟ هاد لخصام فاش غادي ينفعكم ! علاش متهضرووش بالعقل و كلشي يتحل بيناتكم بلا مشاكيل ؟

سيلين زيرات على كاس لي فإيديها : هو لي تيدير شي حوايج تتعصبني ..

لبنى : اهاه و نتي زعما مكديري ليه والو !!

سيلين : سكتي عفااك ...

لبنى : تتهربي من الاعتراف ياك ؟ نسولك انت تتبغيه ولا لا ؟

سيلين بلعات ريقها : لارد...

لبنى بتاسمات بحسرة : معندكش الجرأة باش تجاوبي ياك !!

سيلين شافت فيها : ماشي معنديش الجرأة ! ولكن خايفة من حقيقة !

لبنى : جاد كيبغيك لدرجة الجنون !! و تيحاول يتبدل على قبلك ؟ و نتي اش درتي على قبلوو !!

سيلين بصيف قادرة تهدر : عفاك س سكتي !!

لبنى : انت خاصك تسمعي و تفهمي !! جااد كيبغييك و كيمووت علييك !! و ديما تيعاود ليا علييك !! و هو عيط لياا نجي أمريكا غير على قبلك ! باش نبقا معاك و نونسك حيث هو ايسافر لكنداا !! ما تااق فحتى مخلووق من غييري..غير باش انت تكوني بأمان و حتى حاجة ما ضرك ! فناضرك جاد يستاهل منك هاد معاملة ؟؟

سيلين مخرجة عينيها : ك كيفاش كندا ؟؟

لبنى : من هادشي كامل لي قلت سمعتي غير كنداا ! كان غادي يمشي !! ولكن دباا

سيلين قاطعتها فاش شدات راسها : ياربي ما توقع ليه والو ياربي ..انااا كنطلبك ياربي تحمييه و تخلييه ليا ...

لبنى بتاسمات و حركات راسها برضاا و عنقاتهاا عندها و سيلين تتبكي بهستيرية و بحرارة و لبنى تتحسر عليها ..

و ناس لي تماا بقات فييهم واخا كفهمووش اش كانو كيقولو كيتأسفوو على حالتها ...

حتى قفزو بجووج فاش سمعوو صوت لبااب تحل و خرجات واحد الممرضة تتجري ناضو طافجين و سيلين قلبها يخرج من بلاصتو بقوة الخلغة ...

سيلين زادت خافت فاش شافت وحدة خرى خرجات تتتجري و رجلين لي يمشيوو يسولو فشلو عليها ..

و لبنى تتحاول تفهم ..حتى سمعو صوت من الخلف كانت الممرضة و طبيبة بجوج جايين تيجيريوو و تيهدرو ..

ممرضة : لمرريض تنفقدووه ادكتوورة..حاولي تعتقييه ادكتورة ..ولا غادي يدخل فغيبوبة حادة ...

قلوب تنبض و تبكي من لداخل !! تحقد تا تعياا ! لكن الى كان قلبك ابيض ! تسمح فحقك انت گااع ! هذا هو حال سيلين لي كان هدفها باين غير ترد دقتها !! لكن معرفاتش راسها انها مضمرة واحد وسط غرفة العمليات بين الحياة و المووت ...

غادة جايا فلكولواار تتبكي و شادة فراسها تلفت ! ما عرفات فين تحط رااس ..لبنى جالسة فوق كرسي تتأسف مأزمة !! حتى ناضت عندها تتهدنها ..

لبنى : الله يخليك ! رتاحي !!

سيلين ضربات فصدرها بحرقة : ما يهنى قلبي حتى نشوفو قدام عيني !!

لبنى بترجي : رآه كون كان جااد ميبغييهش هادشي..! واش بغيتي تزيدي عليه ؟

سيلين تتحرك راسها يمين و شمال : ساعتين أختي و هوما داخل و مخرجووش ! تقولي ليا نرتاح !!

لبنى : غير رتاحي ! لي بغاها ربي تكون !

سيلين : انت تتقولي ليا موتي ! شنقي راسك !!

لبنى شدات ليها فذراعها و جلساتها : اش داكم لمضاا نتوما گاااع !!

سيلين بعتاب : انا لي مني كلشي ! كون غييير ردتييها فقلبي و سكت !!

لبنى هزات كنيلكس تتمسح ليها فدموعهااا : آخر مرة كان قالياا على شي واحد اسمو اشرف ولا معرفت !!

سيلين بحرقة : الله ياخد فيه الحق هذاك ! كون متلقييتووش و هو صرفقني مكنتش ندير هكاك ! كنت غادي ندير خطة أخرى غبية ! منقربش لهادشي ديال لمااس !!

لبنى : كلشي بلمكتتاب ! و ربي يكون معاه !!!

سيلين قلبها يخرج : امين ..

سيلين تعياا تصبر باش متبكييش و ترجع تبكي من جديد !! عقلها يخرج بلبكاا !! و لبنى عياات معاها تاكل شي حاجة ! لكن هي رفضات رفض قااطع ...

لبنى ما حسات براسها الا و هي ناعسة و راسها على الحيط ...و سيلين قلبها يخرج و تبكي تتبكي ...و تمشي جيهة لغرفة عمليات تبقا تشوف شحال واخا متيبان ليها والو من غير لخوامي !! الا انها عندها امل انه ميخلييهاش بوحدها ...

رجعات غادة جايا داايخة راسها عطاها صدااع ...شافت فلبنى لي ناعسة معذبة و هي تفيقهاا ...

سيلين : نوضي سيري ارتاحي ليك فشي غرفة !!ياك عيتي..

لبنى تكعدات تتحك فعينيها : الله ياربي ! داتني عيني !

سيلين : غير سيري ترتاحي !

لبنى برفض : لا منخللييكش بوحدك ! جاد ميبغييش ..

سيلين تنهدات و جلسات تتشوف كيفاش واخا فغياابو كان باغي يجيب لبنى تبقاا معاها ! و تونسهااا ...

و هو بين حياة و الموت ! و لبنى تقول ليها جاد يتعصصب ميبغييش ! تنهدات عاوتاني فخاطرهاا تتسنا فشي أخبار علييه ..جالسة فحالا جالسة على جممر ...

دقائق حتى خرجات طبيبة بلبستهاا طبية من مووراها ممرضة هازة بعض الحقن ...سيلين بلعات ريقها و قلبها مشا و جاا ..

مشات تتجري عندها شدات ليها فإيديها ...و طبيبة لونها مخطوف..

طبيبة و هي كتنهج : انت هي مراتو ؟

سيلين عينيها دمعوو هزات راسها باه و ايديها تترجف بين ايدين طبيبة : اه هي انا ...متخلعيينيش ..

طبيبة حيدات ليكونات من إيديها و تمات غادة تتهدر : تبعيني لمكتب نهدر معاك !!

جالسة مقابلة مع دكتورة ! هاد أخيرة لي تتبدل فبدلتهاا تتحيد لوزرة و تبدلها بوحدة أخرى على حساب العميلة ..

(الحوار كامل كان بالانجليزية ..)

طبيبة جلسات و هي تتحيد نضارات شوف على عينيها : قلتي ليا انت هي زوجتو ياك ؟

سيلين تتفرك فإيديها : هي انا ..!

طبيبة : كيفاش تعرض هو لضرب !!

سيلين غرسات ضفارها فكفها : بلغلاط ادكتورة وقع !

طبيبة : سولتك باش نعرف ! حيث دقة ماشي ساهلة كيف كنا متخليين !

سيلين بخوف : علاش ! اش عندو ؟

طبيبة : بعد كل شيء الحمدلله !

سيلين : من بعد الله عندنا امل فيك !!

طبيبة : ربي شاهد ! الى هاد شخص تنعرفوو ! فين و امتا ! شفتو معرفتش ! لكن لي عارفة هو انه شخص معروف ! و عندو بلاصتوو !!

سيلين بثبات : دكتورة ! تيهمش شكون هو ! بغيت نعرف أخبار راجلي ! طمنيني ! اش عندو ؟

طبيبة باسف : صراحة ! لموس ماجااهش فكرشو !

سيلين قفزات : و و و فين ؟..

طبيبة : تهدني !! ضربة جاتو جيهة ليمنى لي فكرشو ! و مشكيل هو انه طرف صغير من موس تغرس ليه داخل كرشوو ! و حنا دخلنااه غرفة عمليات على قبل نحيدو ليه داك طرف !!

سيلين : و و و حالتوو كيف بقات !!!

طبيبة : الحمدلله ! العملية دازت بييخييير ! لكن لازم العناية لازمة ليه !!

سيلين ردات بسرعة : انا مرااتوو نرد لييه لبال ..

طبيبة : على ما أظن ! كيبان ليا متمسك بالحياة ! حيث ..

سكتات تتفكر و سيلين تتيسناها تهدر ..حتى شكات فيها...

سيلين : دكتورة !

طبيبة هزات عينيها : بغيت نقول ليك اش كان كيقول وسط عملية لكن نسيت !

سيلين تنهدات: ادكتورة ! حتى تفكري و قولي ليا !!

طبيبة هزات راسها بالموافقة و جبدات اجوندا من مجر لي حداها و ستيلو هزاتووو تتكتب : راني قلت ليك حالتو مزيانة ! و خاصو العنااية العناية ! هاد هدرة سطري عليها بستيلوو احمر !! لعناية ! ردي ليه لبال ! و ميتعصصبش ! حيث الى تعصب ضغط يطلع ليه ! و هادشي ممزيانش ليه !! و اكل يكون فوقتوو..

سيلين هزات راسها بالموافقة : هادشي لي كااين ؟؟

طبيبة شافت فيها و رجعات هبطات عينيها لأجوندة تتكب : انا نكتب ليك دواء لي يشرب ! و دوزي خووديه من فارماسي لي حداناا !!

سيلين هزات راسها و طبيبة تتكتب ليها فدواء لي تحتااج و عطاتها مجموعة من نصائح ..و كيفاش تعامل مع الجرح ! بدون ما تخاف و كيفاش ترد ليه لبال ..

طبيبة مدات ليها لورقة : الحمدلله على سلامتوو..! غير يحيد منو البنج ! يمكن ليه يتبدل لغرفة خاصة ..

سيلين ناضت و شافت فيها بامتناان : ربي يخليك ! شكرا بزاف ! ريحتييني !!

طبيبة وقفات معاها : هادي خدمتي ..

سيلين بتاسمات و يلله غادي دوور حتى سمعاتها تتغوت ...

طبيبة جات عندها تتجري : تسنااي تسنااي !!

سيلين شافت فيها بتساءل : باقا شي حاجة أخرى !!

طبيبة ضحكات : تفكرت !!

سيلين تنهدات عينيها منفوخين : قولي..

طبيبة تتضحك و تلعب بايديها : مني كان فغرفة العمليات كان كيقوول سيلين متخليينيش....

سيلين هدرة وحلات ليها : ش ش شكون س س سيلين ؟!

طبيبة وسعات عينيها تتويل : الى مكنتييش انت !! إذن شي وحدة أخرى ! نحلف عليها ! حتى كيخونك مع هاد سيلين ! رجال ما فيهم ثيقة أختي !!

خارجة من مكتب طبيبة و مربعة ايديها ساهية فنقطة وحدة..تتفكر و تفكر بدون وعي منها لقات راسها دخلات وسط دوامة الأفكار ...

حتى جلسات فوق كرسي لي كانت فيه هي و لبنى و هي مازال مربعة ايديها تتشوف ففراغ ..كانها كتسناا لشي واحد ...

حتى جات جلسات حداها لبنى هاد أخيرة لي كانت مشات تعبر ضغط ديالها ...

لبنى : سيلين ! اش بالك تمشي ترتاحي شويا فشي غرفة ! حتى يخرج جاد من غرفة العمليات !

سيلين بدون ما تجاوبها حركات راسها بلا : لارد ..

لبنى : واخا لي بغيتي ! نجيب ليك شي حاجة تاكليها !!

سيلين حركات عاوتاني راسها بلا : شحال ساعة ؟؟

لبنى شافت فساعتهاا يدوية : سبعة صبااح !!

سيلين نااضت : انا نمشي نجيب هاد دوا !

لبنى : عارفة بعداا فين تقدري تلفي !

سيلين : لا منتلفش ! طبيبة وراتني...

هازة الورقة فإيديها ..تمشات تتقلب على فرمسياان بعينيها ..سولات واحد لمراا ..عليها و هي نعتات ليها ...

دخلات فارماسي و عينيها منفوخين و حمرين بلبكا و قلة نعاس ..مدات ليها ورقة ..و هي بدورها جمعات ليها دواا فبلاستيك ..

سيلين بقوة لعياا نسات لفلوس ..حيدات سنسلة لي فإيديها و مداتها ليها ..

سيلين بالانجليزية : خودي هاد سنسلة ! فلوس معنديش ..

.....عطاتها تحية و هي أخيرة بالانجليزية : مرحباا ...

سيلين بتاسمات ليها بلطافة ..و رجعات فحالها و فإيديها سااشي ..جلسات حدا لبنى لي جالسة ...

سيلين مدات ليها صاشي : هااكي ! انا نمشي نسول !! امتا يخرجوه من ديك غرفة العمليات !!

لبنى باسف : رتاحي اسيلين رتاحي ! هاد كلمة شحال قلتها ليك من مرة !...

سيلين مجاوبتهاش ..تحركات مشات مكان الاستقبال تتسول ! و عطاوها لخبار بلي من هنا ل نص ساعة يخرجووه ..

فوق سرير فغرفة خاصة .. بصدرو العاري المتعضل فيه مجموعة من خيووط متصلة بجهاز تخطيط جوج ديال الآلات على ذرااعوو ... على وجههو جهاز التنفس .. و كرشو ملوية عليه فاصمة فالابيض ..ايديه بجوج فوق سرير متسطيحين ..

عينيه من تحت عينيه ولاو كحليين ووجهو مخطوف منو لون ..واقفة ليه ممرضة عند راسو و فإيديها اجونداا و بلبستها و كمامتها ...تتقيد آخر مستجدات و تشوف فحالتوو ...

دارت خدمتها و رقبات الوضع و كشفات على حالتو و خرجات تعلم طبيبة ..لقات سيلين فوجهها هاد أخيرة لي حالتها حالة دغمة ما جاتش من فمها مني كلااو مع بعض فلمطعم ..

سيلين بصوت خافت : كي بقا ؟

ممرضة : الحمدلله ! يومين ولا ثلاث ايام هي أكثر يخرج ان شاء الله ...!!

سيلين بتساءل : نقدر ندخل عندو ؟

ممرضة تتشوف فحالتها : كون غير رتاحيتي ليك شويا !! من بارح و انت فايقة ! معيتييش ؟؟

سيلين بحرقة : قلبي لي عيا هاد ساعة ! ياك نقدر ندخل !!

ممرضة هزات راسها باه : متعطلييش عندو ! باش ياخد راحتوو ..

سيلين حركات راسها و حلات باب بشويا و دخلات بخطواتها تتشوف فلغرفة !! شبه مخيفة ! و أصوات الجهاز مسموع من ارجاء الغرفة ..تنهدات بعمق ..و هي تتقرب ليه ..

جرات كرسي جلسات علييه و هي كتشوف فيه ..و فوجههو شاحب و فمو الابييض..لمرض تيبان فييه ...

شدات ليه فإيديه و هي تتشوف فيه بتنهيدة : الحمدلله ..

سكتات فاش سمعات صوت بااب تحل كانت لبنى هازة فإيديها صاشية ..

لبنى : جبت ليك تاكلي ! و قولي هاد مرة لا ...

سيلين تنهدات و خدات عصير من داك صاشي : غادي ناكل !!

لبنى : انا معاك حتى تاكلي ..

سيلين معندها منين يدوز : غير سيري ! غادي ناكل !!

لبنى هزات صبعهاا : عندااك !!!

سيلين بتاسمات ليها بلباقة ..و لبنى خرجات مخليااهم مع بعضهم ...حطات داك عصير حتى هو مشربتووش نهائيا ...

جمعات لوقفة و قربات تتحيد ليه داكشي لي فذراعو حيث مزير علييه ...حيداتهم ليه من ذراع الأول ..و رجعات ثاني تتحيد لييه فذرااع ثاني ..

لهزة لي تهز عينيها تتنسل ليه مع حيدااتو مع شهقاات مخرجة عينيها من داكشي لي قدامها ...

بلعات ريقها بصعوبة و هي تتشوف فإسم ديالها على ذرااعو بقات غا حالة فمها ...

بقوة تلفة رجعات لييه ديك الة على ذرااعوو بالخف و هي تترجع شعرها من مور وذنيها بثوثر العرق هابط ليها مع جبينها ...ممتيقااش اش تتشوف كأنها فحلم ...

قربات قاصت ليك جبينوو تتقيس ليه حراارة و هي تترعد..مقادراش تشوف فيه نهائيا ..

داك عصير لي كانت تمااا بقوة شحفة شربااتوو تتحيد توثرهاا ..جلسات فوق لكرسي مقابلة معاه تتنش على راسها سخانة طلعات معاها ... ثواني قليلة حتى دخلات ممرضة ...

ممرضة و هي تتلعب بصبعانها قدام عينين سيلين : هيهو ؟؟ مداام نتي صافا ؟؟

سيلين ساهية و حالة فمها : لارد

ممرضة شكات فيها واش ناعسة حالة عينيها : وقيلا هادي ناعسة ...

مشات هزات قرعة د لماا و نشات ليها على وجهها ..حتى قفزات مخرجة عينيها ..

سيلين و هي تتمسح فوجهها : هااا !! ا ا اش واقع ؟

ممرضة بتساءل : واش كنتي ناعسة ؟

سيلين تلفت : هاا ! اه لا اه لا ..

ممرضة : دبا واش اه أولا لا

سيلين بلقبول : اه ..

سكتات و عاودات هزات راسها برفض : لا

ممرضة هزات راسهاا بلا حول ..و رجعات هزات اجوندا ديالها تتشوف اخر مستجدات ..

هزات الة تتديرهاا ليه فعينيه و سيلين غير ساهية و حالة فمها ...ممرضة سالات و شافت فيهاا..

بغات تهدر معاها لقاتها رجعات لوضعيتها .. داكشي علاش شافت حتى عيات و عرفات راسها غادي غير ضيع الحجرة داكشي علاش خرجات مخلياها تكمل فسهوتها..

عاود تحل باب من طرف لبنى هاد أخيرة لي جاايا تتفوه ...

لبنى : كي بقات حالتو ؟

سيلين : لارد ..

لبنى : هاديك هدري اش قالت ليك ممرضة ؟

سيلين كل تفكيرها فلوشمة : لارد

لبنى قربات ليها : و هدري !! فين كتشوفي ازمرة ..

سكتات مخرجة عينيها فاش شافتها ناضت ..

لبنى : فين غادة !

سيلين متتشوفش فيها : غادة ؟

لبنى : عرفتك غادة ولكن فين !!

سيلين حكات عينيها تترجع احداثها حتى وعاات على راسها و شافت فيها : لجهناام تمشي ..

لبنى جلسات فبلاصتها : لا غير سيري ليها بوحدك أختي نتي لي شابعة ذنوب ..

تتغسل وجهها و تعاود ما مرة ما جووج الصهدة تتطلع معاها ..

تتحاول تنساا لكن فكل لحضة تتجي فبالها ديك لوشمة لي فذراعو تتبقا حالة فمها ...رجعات غسلاات وجهها مرة أخرى ..

سيلين بهمس : ياااربي نكون كنحللمم...

و هبطات راسها عاوتاني تتغسل فوجهها ..نشفااتوو و مشات لغرفة د جاد ..لقات لبنى جالسة حداه ..

جلسات فلفوطوي لي بعيد عليهم و حطات ايديها على دقنهاا تتحلل و تناقش غير هي و راسها ..عقلها ينفاجر ...حتى سمعات صوت لبنى ..

لبنى : اصاحبتي ! انت جات عندك ممرضة و مقلتيهاش ليا ؟

سيلين شافت فيها : اش نقول ليك ؟

لبنى : تقال لييك !! ممرضة خرجت عندها سولتها !! قالت ليا رآه مني جاات شافتك حالة عينيك و لكن مكتجاوبييش ...

سيلين حركات راسها برفض : امتا جات ؟ غير تكذب ...

لبنى وسعات عينيها : و بااااز و تتقولي فيها بوجهك احمر مجاتش !!

سيلين ميلات شفايفها : الى جات معرفت ! ولكن انا مشفتهااش !!

لبنى ميقات فيها : جمعي راسك و انت فحالا داز عليك طرران ..

سيلين حطات ايديها على وجههاا بخوف : علاش مالي...!!

لبنى بعتاب : شوفي وجههك كي داير !! مالك على حالتك ! وجههك اصفر نقطة دم مفييهش !! مناويااش تنعسي !! و تغمضي عينيك !!

سيلين تفكرات لوشمة و هي تدور عينيها : دباا هاد نعاس غادي يهرب!!

لبنى : على مالكي مخليا دراري بجووع !!!

سيلين هدرتها طلعات ليها فراسها : ممتعييااش من هدرة ؟ سارطة كسيطة !!

سكتات فاش تحل باب كانت نفس الممرضة لي جات قبيلة غا شافت سيلين كحلات بلعما ...

(الحوار بالانجليزية )

ممرضة : صوتكم مسموع حتى باارا ! و مريض خاصو راحة !!

سيلين شافت فجاد : اودي هداك مني ينووض و يسمعك تتعطييه لمخذرات ينوض يخلطك...

ممرضة شافت فلبنى : اختي واش هاد انسة تتنعس حالة عينيها !!

سيلين خرجاات فيها عينيها : سيري تلعبي ! اشمن تنعس حالة عيني كي درتي ليها

ممرضة : معرت ! انا جيت قبيلة لقيتك حالة فمك و تتشوفي قدامك فاش الله وعلم..عيت نهدر معاك محوبتيينش ! و ما لقيت احد لي نقول ليه على حالة لمرريض ...

سيلين دافعة جبهة : على انا فين كنت ؟؟

ممرضة بتشكيك : كنتي ناعسة ولا معرفت فايقة !!

سيلين خنزرات : كنت خارية !! كلكم مكمليين فهاد سبيطاار ..كان خاصهم يسميوه سبيطاار حمماق و يهنيو الوقت ..

شد ليا نقطع ليك ! هدرة من مور هدرة ! و هادشي فوق راسو !! مسكتووش ! و ممرضة ماسخات بسيلين و بلمتها ! عجباتها و حمقاتهاا بهدرتها و بنقاشتها !

و لبنى تتشوف فيهم و تهز راسها بلا حول !! دوخووهاا...

جالسين فلكافيتيريا ديال لوبيطال ..

و طبلة فيها مجموعة من اكل متنوع ..كل ما الذ و طاب..

لبنى و سيلين جالسين مع بعضهم تيهدرو ...

سيلين تنهدات : هادشي لي كااين

لبنى : بففف ! دوزتوو بزاف ديال مشاكيل بااز ليكم ..

سيلين : ربي كبيير ! دقة جاتو جاتو !! عياا يطرطا هاهو دباا وسط غرفة كاملة فيها أجهزة على جهد !! غير داك أصوات ديالهم يجيبو ليك خنقة ..

لبنى : ربي كبيير !! مدوزتووش قليل باش تتخلااو على بعضكم !! هو كون مكانش يبغيك لاش يتزوج بيك من اول ؟ و لاش يضرب شحال من واحد على جالك مشتاق فيك ! كل و كيجااتوو...

سيلين رشفات من عصيرها : شي عطااتو شي زوااتوو !!

لبنى : كل ياخد لي مكتب ليه ربي !

سيلين : نهار اول ميتعاملش معايا داك تعامل خايب ! كان يكون احسن !! لكن هو ستخدم العنف !! كون هدر معايا بشي تعامل زوين احسن !! مكنتش نشد معاه ضد ! دبا فناضرك لي يبعدك على عائلتك و يضربك تدوزيها ليه بساهل !!

لبنى : هذا مكتابكووم و لقائكم ! و لمكتااب من مامنوو هروب !!

سيلين : داكشي !! انا مكنتش نكون هاكا و ربي شاهد الى قلبي بيض و نبغي لخير لإنسان كثر ماا نبغييه لنفسي !! لكن هو قلبي كان يبرد من جيهتو !! كنت نتمنى يضربني و ميسبنييش بشي حاجة مكنديرهااش !! قلبي كان يسكت مني نسمع ديك هدرة !! لحوار هو أساس هاد الحياة ...

سكتات تتنهد : نيتي كانت حسنة و ربي شاهد ! و غلطتي كلفتني بزاف ! من اساس ملف هو لي جبد نحل !! لكن الى جيناا معقول ! هاكا كان لقاء ديالي بجاد ..

لبنى بتردد : انت دبااا سمحتي ليه ؟؟

سيلين بلعات ريقها : لارد

لبنى : قولي ! واش يقدر يجي نهار لي نتي تسمحي ليه !

سيلين رجعات شعرها من مور وذنيها و هزات راسهاا بتأكيد : الإنسان تيسامح و مينسااش !! تجربة و دازت ! و حقي رجعتوو و لي عليا درتو ! سبيطاار صيفتووو ليه !! لا كانت شي حاجة أخرى نديرهاا مهيم حقي ميمشيش بطل و ندم هو لي مندمش حيث حتى هو كاان جزء من هادشي لي وقع كامل !!

لبنى شافت فيها شوفة مطولة من بعد بتاسمات برضاا ..كيفما كان لحال سيلين كيبقا عندها الحق و هدرتها معقولة !!

هبطوو راسهم على ماكلتهمم ..و سيلين تتفكر فلي جاي..

المرض من أشد صعوبات لي يقدرو يدووزو فحياتك !! لدرجة تتولي تحس بلي حياتك ولات مرتابطة بالأجهزة الطبية و يطيحو على بالك شي أفكار كريثية منهم المووت ...

ثلاث ايااام دازت بصهيير و لعناية المشددة..و في اليوم الثاني حل عينيه على أمل جديد و حياة سعيدة و عمر جديد ...

فنهاارو بغا يخرج نهار حل عينيه نهار بغا يخرج يمشي ..

مدد على سرير و حدااه دكتورة بلبستهاا طبية تتحيد ليه في صيرووم و هوو عاقدهم و لبنى مشات مكان الاستقبال..

و سيلين واقفة حداهم تتجمع فحوايج ..فهاد مدة لبنى لي كانت تتجيب ليه حوايج باش يبدل لا هو لا سيلين و هي تتبدل تما فلفيلااا ...

دكتورة نسلااتو ليه : على سلامتك ! بشفا ان شاء الله ..

جاد هز راسو بدون ما يجاوبها و هي نساحبات ..

و سيلين تنهدات و رجعات تتجمع فحوايج ..حتى سمعات صوتو ..

جاد بصوت بااح خافت تحت عينيه سواد : تتاكلي مزيان ؟

سيلين مهزاتش عينيها فيه : اه ..

جااد مخنزر : متأكدة ؟

سيلين : اه كناكل مزيان ؟

جاد : مال عينيك منفوخين !!

سيلين سدات صااك : بقلة نعاس و صافي ..

جااد بصوت شجي : علاش انت متنعسييش !!

سيلين هزات عينيها فيه مصطانعة الهدوء : متيجيينيش نعاس داكشي علاش ...

جااد حس بوجع خفيف فبطنوو فاش تحرك : لارد ...

سيلين هزات صاك و حطااتو فلفوطوي و جلسات مربعة ايديها تتسناا فلبنى ...حتى حسات بيه باغي ينوض..

سيلين : نعاونك؟

جاد : مكاين لاش ..

تمشا بخطوات ثقيلة قرب حداها حل صاك جبد تووني اديداس آخر مكاين و تيشوورط و بوكسوور هزهم دخل حمام يبدل ..

دقائق خرج لابس علليه ..شاد فجنبوو جلس فجنب سرير و هو مخنزر ...

سيلين : بدلتي فاصمة !!

جاد : حتى دار ...

سكتات سيلين نا بغاتش تحگر ..حتى تحل باب من طرف لبنى هاد أخيرة لي دخلاات تتضحك ..قربات باستوو فخدوو و عنقااتو ...

لبنى بابتسامة : شويا ..

جاد زير عليها فحضنوو : بااقين حيين ..

و هادشي كامل على عينين سيلين هاد أخيرة لي تتشوف فييهم و هي حاطة ايديها على خدها مخنزرة ما عاجبها حال ..

حسات براسها فحالا غير زايدة و ما عندها أهمية ...حتى انه معبرهااش نهائيا كاأنها مكايناش ...

جاد جمع لوقفة : مشينا !!!

لبنى ناضت معاه و هو معنقها جنب ..

سيلين تنهدات و ناضت حتى هي هاازة صااك فإيديها بقات لوور مخليااهم يدوزوو قدامهاا ..

عضات شفايفها و تبعاتهمم خرجو نيشان حيث ديجا لبنى خلصات تكاليف العلاج ..

طلعووو للوطو جاد قدام و لبنى حدااه تتسوگ و سيلين لوور مربعة ايديها ...

طول طريق و هدرة غير بين لبنى و جاد هااد آخر لي هدرتو قليلة و سيلين تتشوف و ساكتة تتسولها لبنى على شي حاجة تتجاوبها باه ولا لا بدون اكثراات ..

وقفات للوطو قداام لفيلاا ...نزلوو كاملين و سيلين خلات صاك فللوطو طلعو نيشان لغرفة د جااد ...

لبنى يلله غادي تحنا تقاد ليه لفراش حتى سمعات صوت سيلين

سيلين بامتنااع : اناا غادي نقاادو ..

تحنات تتقاد فسرير و ترتب فييه..و هو تمدد علييه مخنزر ..قدات ليه مخدة على رااسو و شعرها طاايح على صدروو و قربهمم خالة حرارة طالعة مع جااد و ريقو نشف بقوة ماا بلعوو ...

سيلين تهزات : مرتاح ؟؟

جاد هز راسو باه بدون اي جواب : صمت ...

سيلين شافت فلبنى : تقدري تقادي ليه انت شربة و انا نقاد ليه فااصمة ؟؟

لبنى : الله ياودي ( و خرجاات )

سيلين حلات لمجر جبدات منوو فاصمة و مقص و معقمم و دواء ...

سيلين بتساءل : نحيد ليك انا تيشورط و لا تحيدو راسك !!

جاد بتاسم عاض على شفايفو : غير حيديه أنت ..

سيلين هزات براسها و ناااضت تتحيد لييه فتيشورت ..حتى نسلااتوو لييه و هو ساهي فيها و فحركاتهااا لي كيجبدووه ليها فحال شي مغناطيس و صوتها فحال شي انين منخاافض تيدخل ليه مع العضااام ...

هزات مقص تتحيد ليه فلفاصمة قديمة و هي وسط عملها فتنضيف الجرح و تعقييمه ..

نااضت تتجري حاطة ايديها على فمها غادة جيهة الحمااام دوخة و ردة جااتهااا من حيث لا تدري ..مخلياه هاز حاجبو ما فاهم والو....

خارجة من حماام تتنشف فوجهها بفوطة و تتنهج ..بقوة ما بقات محنية تترد و تستفررغ طاقتهاا ضاعت و جهدها تسالااا ...

رجعات دخلات عندوو و جلسات بلاصتها و هي مازال تتمسح فوجهها !!

جاد بتساءل تيشوف فحالتها : مالكي ؟

سيلين : والو..

جاد : مال وجههك احمر ؟ مريضة !!

سيلين دوزات ايديها على وجهها : ماشي شب حاجة غير شويا !!

جاد بحدة : عطي لكرك راحة !! و انت غادة جايا !!

سيلين شافت فيه بتنهيدة : لارد ..

جاد بأمر : اتنوضي دبااا تاكلي و دوشي و تنعسي و هدرتي منعاودهااش جوج مرات !!

سيلين : مالي وليت حمارة ! ناكل و ندوش و نعس !!

جاد : على فكرة الحمير مكيدوشووش!!

سيلين : كون لقاو لي يرد ليهم بال كانو غادي يدوشوو ..

جااد بصوت شبه عالي على حساب الفتحة : تهززززي و دييري داكشي لي قلت ليك !!

سيلين زفرات هوى بقوة : ندير لي بغيت ! مباغاش ناكل ! و مابااغاش ندوووش !! و ماابااغاش ننعس !! و مبااغاااش نرتااح اصلا !! علاش انت عندك شي مشكيل !! انني نبقاا جالسة هنااا!!

جااد جمع ايديه على شكل لكمة : علاش متتسمعييش الهدرة علاش !!

سيلين بجنون : انت تقوول لياا كوولي و نعسسي !! باش انت تااخد ليا راحتك يااك !!

جاد هز فيها حاجبو : اشمن راحة ناخد معاك اناا !!

سيلين بعصبية : هادشي بزااف ! حتى كنقوول راك غادي تبدل و انت تترجع كثر من اول !! زدتي فييه !!

جاد ما فهم فيها والو شوكااتوو : واااش نتيي مرييضة ؟!! شكتخررربقيي !!

سيلين جمعات لوقفة تترعد : اناا مكنخررربقش !! تنقول ليك لي كااين !! علاش نمشي نعس بااش يبقااا ليييك تيسااع فين تلععب ياااك ...

جاد ايديه ولات حمرة بقوة ما مزير عليها : سيييلين !!

سيلين بجنون متتشعرش براسها باش كتخرج من فمهاا : سيلين سيييلين !! سيييلين !!! صافي فهمت فسبيطاار مخليييني بلااكة و غااكنشووف فحال شي وحدة مببززة راسي عليكم !! و انتم واخدين ليااا راحتكم مع بعضيااتكمم !! نقوولو هي ختتك !! و انا شنووو هااا !!! و انا اش محلي من إعررراااب !! فحالا مكيناااش گااااع ممعبرييينيش دايرريني فحال خداامة !!!

جااد تشووكاا و تصدم ! لكن صدمتوو ما تكوونش أقل من هاديك لي كانت موور بااب فإيديها شربة و سمعات كل حرف نطقات بييه سيلين صدمااتهاا و صعقااتها متوقعتهااش منها ..

هازة شانطة ديالها و هابطة مع درووج تتبكي بقوة و تتنخصص و سيلين تابعاهاا من لوور تتهدر معاها و توااصييهاا ...

سيلين : الله يخلييك سمعيييني رآه ولله ما قصدت ! مكنتش عارفة راسي اش كنقول ولله ..

لبنى وقفات تتشوف فيها : صدمتييني فييك ولله ! انت اسيلين تقولي ديك هدرة !! فين عمرك كنتي زايدة !! لا بالعكس اناا لي زايدة و ضيفة عندكم ؟؟

سيلين شدات ليها فإيديها : سمعيييني كنقسم ليك فمي بلله ما درتها بلعاني مشعرتش براسي حتى قلت ديك هدرة ..اناا ولله ما نوييت فييها شي حاجة الله يخليك سمعيييني ...

لبنى : اش نسمع هاا !! هادشي لي نستاهل عندك !! يااك !! انا اسيلين لبنى اخت جااد !! عزيتي عليا قبل ماانشوفك غير جاد لي كان يعاود ليا علييك !! عكس جاسمين لي نهار سمعت بخطوبتوو بييها محملتهااش و انت قلت متكونيش تشبهيهاا ..

سيلين حركات راسها برفض : ولله و ربي شاهد حتى نيتي كانت حسنة ! و ما نويت فيها والو !! غيير نفاعلت شويا و صافي ...الله يخليك سمعيييني و تيقييني انا علاش غادي نقول فييك ديك هدرة ؟ هاا واش انا ننسا مني كنا فسبيطاار و كنتي تقولي ليا ديما رتاحي و تتفكريني و تجيبي ليا ماكلة ! و ملي منبغييش تتبزي عليا !! علاش نقول فيك انا هاد هدرة ؟ واش انت عارفاني انا هاكا !! و انت صرفتي فياا غيير الخير ..

لبنى مسحات دموعها : معرفت اش نقولك !!

سيلين : منكذذبش علييك مدرتهاش بلعاني..

لبنى جرات شاانطتها من موراها و سيلين مازال تبعااهااا ...حتى وقفات حدا باب تتشوف فيها ...

لبنى : اصلا انا مكانش خاصني نجي من اول ..

سيلين : ولله حتى حرام عليك علااش كديري هاكا ؟؟

لبنى يلله غادي تنطق حتى سمعتوو صوت حااد جااي من فووق : طلعوووووو ...

سيلين وسعات عينيها : هادي هي لاخرى ليا ..

لبنى هزات فيها حواجبها بجوج : يلله شدي !! مشينااا فيها بجووج

سكتو فااش عاودوو سمعوو : واااش نهبط ..

داك ساعة طلعوو بجووج كيتجراو عندو حتى وقفو ليه عند راسو و هو مخنزر..و عينيه على سيلين ..

جاد بحدة : مالنا ؟

سيلين شافت فيه و رجعات شافت فلبنى : مملناااش !!

جااد مخنزر : هدرتي لآخر مرة غادي نعاودهااا اتممشي تقااودي تنعسي و لا بربي حتى غادي نخللطك ..

سيلين هزات حواجبها فلبنى تدير ليها بعينيها "شفتي" و لبنى موسعة عينيها ..

سيلين : انت سبااب ! فسباابك قلقلت بنت !!

جااد بهدوء : لبنت سميتها لبنى و هي معايا انا !! و هدرتك كوليهاا حيث ما حركات فيها واالو ..

سكت فاش عطااتو بضهر بكاد حابسة لبكية ...و خرجات و لبنى شافت فيه شوفة مطولة من بعد تبعااتهااا بجراا حتى شداتها ...

لبنى : منييتك تقلقتي !!

سيلين : علاش منتقلقش ! و انا كنقوول غادي يتبدل و هو غا مكيزيد فيه !!

لبنى : صبري معاه اصاحبتي !! رآه حتى هو جرجرتييه معاك ؟ اش بغيتي أكثر ! قالك سيري تنعسي لراحتك !

سيلين خرجات فيها عينيها : هننن حتى انت تتقولي نمشي نعس ..

لبنى ضحكات و عنقااتهاا جنب غادين هابطين مع بعضهمم ..

لبنى : ياختي انت شحال حلوة !!

سيلين هزات عينيها فيها : كيفاش حلوة ؟

لبنى طبطات ليها على حنكها : هممم معرفتييش !!

سيلين ميلات شفايفها : معرفااش و ما بغيتيش نعرف !!

لبنى جلسات فوق فوطوي و جلسات حداهاا سيلين ..

سيلين : اش درت ليك انا ! علاش تقلفتي مني ..

لبنى : مدرت انا والو انت لي درتي ! ولله حتى بقا فيا لحال ..كون غير سمعتها من واحد آخر لكن انت لا ..

سيلين : راني حلفت ليك و قلت ليك لي كااين علاش مبغييتش تيقي ..

لبنى عياات تبقا تهدر و حسات بهدرتها صادقة داكشي علاش بتاسمات و هزات صبعها تحذير : عاودي حلفي و قولي بلي مديرتييهاش بلعاني

سيلين عينيها دمعوو : ولله ما عرفت مالي ! تنحلف ليييك حتى مدرتهاااش بلعاني !! رآه لعيااا و قوة سترييس خلااني نبقا نقول شي حاجة لا علاقة !! بلله ما درتها بلعاني ثلاث ايام و انا منعسااش مزيان ؟ و لعصاب ! كي بغيتيني نكون ؟ عرفتي شحال رديت حتى مساارني كانو غادي يخرجوو !! ماشي خاطري ..

لبنى بتاسمات : فخبارك انا طبيبة !!

سيلين ميلات شفايفها : مبروك !! شنوو جديد فهادشي ..

لبنى جرااتهاا من إيديها غادة بيها و سيلين تتحاول تنثر منها حتى وصلو غرفة لبنى لي كانت مرتبة بحكم جات لبنى و رتبات أغراضها ..

حلات بلاكار جبدات منو واحد المخفضة فيها ادواتهاا ..هزات ميزان د يال ضغط و سنداتهاا على سرير تتعبر ليها ...حتى حيدات داك ميزان و شافت فيها ...

لبنى رجعات داكشي بلاصتو : نوضي على سلامة ! ضغط عندك مرتافع بقوة لعياا ها علاش كنقول ليك رتاحي !

سيلين تفوهااات : الله على راحة...

أضواء خفيفة وسط الغرفة لي فيها سيلين ناعسة أو شبه ناعسة ..فوسط نعاسها تتحك عينيها ..هزات لغطاا عليها حتى راسها ما بقاش كيبان و هي تتنين ...

سيلين و هي تتقلب : ياربي نعس ياربي ...

بقوة الفقصة حيدات عليها داك الغطاا و لاحتوو مع الأرض ..

سيلين و هي تتهدر بصوت عالي : واااعبااد الله نعست ساعة بلحسااب و جوج سواايع فايقة..

تنهدات بقوة و هي تنوض تتشتف برجليها ..شعلات شووفوو و خدمااتوو ..دخلات دوش تتنسل فحوايجهااا ..تخشات نيشان فلزااكووزي و هي تتلووح فيه مجموعة من عطور و لوروود باغا ترتااح..غمضات عينيهاا و ترخاات ..

حتى حسات بلووقت تيدووز و هي بااقا فدووش داكشي علاش جمعات لوقفة و كملاات تدواش بالخف و خرجات لاوية عليها لفوطة و حنااكهاا حممرين ووجهها مدوي طااح عليها سر ..

دخلات دريسيينغ تتهز و تحط تتقلب على شي حاجة جاتها على لگانة هزات بيجامة بكالصوها فالاسوود و فيها صور مييكي ..

لبساتها جااتهااا كيييوت برزات فورمتهااا أكثر و أكثر ..نشفات شعرها و خلاتو مطلووق..رشات عطرها ..و زادت عليهم كوومااج لوجهها و عكر خفيف منتششي شفايفها ...لبسات بانطوفتهاا و هبطات تترجع شعرها من مور وذنيها ..قلبات فصالون ما بانتش ليها لبنى طلعات فوق كيف تخيلاات معااه ..

بخطواتهاا صغاار وقفات علييهم و هي راسمة ضحكة صفرة ..

سيلين بغباء : سلااام !!

جاد هز عينو فيها بقاااا مشووكي من منضررهاا تتبان جذاابة بديك بيجاامةة و شعرها المبلوول ..و داك عكر رغمم خفيف تيبان سيكسي عليها ..و لبنى هي أخيرة حمقاتهاا ..

لبنى : و عليكم و سلااام !!

سيلين بتاسمات و جلسات حداها : فخااطر شي وحدين !!

جاد مخنزر : قولي ليها تمشي تاكل احسن ليها ..

لبنى شافت فيها : قالك سيري تاكلي ..

سيلين مييقات : قول ليه نعاس نعسااه و لماكلة بلاش منها ..

لبنى شافت فجاد : قالت ليك نعاس نعسااتوو و لماكلة بلاش منها ..

جاد مخنزر :.قولي ليها كيف نعسات تاكل !!

لبنى شافت فيه : وراه كتسمعك ..

جاد : غير قوليها ليها نتي ..

لبنى شافت فسيلين : قالك كيف نعستي غادي تاكلي !!

سيلين خنزرات : قولي ليه يديها فراسوو ..

لبنى شافت فيهاا و هي دير ليها بعينيها زعما بدليها بحاجةة أخرى !! و سيلين طيراتها فسماا ..و هزات ليها براسها بلموااففة..

سيلين ميلات شفايفها : قولي لييه سعداات لي دااهاااا فرااسوو ..

قول ليها ! قولي لييه ! دوخووهاا و محنووهاا حتى عصبووهاا و ناضت هي گااع من جمااعة معاهم و حلفات لا بقات معاهم فهبالهمم ..

هو حاشي ايديه تحت رااسوو و تيشوف فيها : ماتنووضيش تاكلي !!

سيلين ربعات ايديها مخنزرة : هدرتك تتجييب جووع !!

جاد : هي لنضتي تاكلي..

سيلين لحلوف باغا تحلف : رآه مفييياش جوع ! واش انا عاد نتسنااك تقول لياا سيري تاكلي ؟؟

جاد : انت مكتسمعييش الهدرة !! و هادشي هو لي خارج عليك !!

سيلين : واخا واش ناكل بزز مني !!

جاد تگعد شوياا و تحرك باغي ينووض حتى وقفات علييه ..

سيلين : فين غادي ؟؟

جااد هز لفون ديالو من كوافووز : منينك تيقتوو بلي مريض و ماخاصنييش نووض !! درناا لييكم خاطركمم متزييدووش فيه ..

سيلين : نعاونك ؟

جاد بمكر : الى بغيتي !!

سيلين هزات راسها باه : وخ اجي عطيني ايديك ..

جاد مبتاسم مد ليها ايدوو و هي شداتهاا حطاتهاا لييه على كتفها و نطقات : مزيان دبا ؟

جااد بسلاسة بعد ايديه على كتفها و هي لحطة لي تحط ايديها على يدوو لقات غا ايديها و رييح ما جات فين تستوعب اش كاين !!

حتى حسات براسها مشات وجاات على إثرر جاد لي لصقهاا من الحيط و تيشوف فيها بحب ..

قرب همس ليها جنب وذنييها بصوت خلا قلبها ينبض بقوة كأنه غادي يخرج من بلاصتو ...

جاد بهمس : واش باغا تسكتي ليا لقلب !!

سيلين هزات عينيها فيه بعفوية : علاش مالي ؟

جاد حط ايديه على خصرها و جرها عندوو : كيفاش مالك ؟ مازال ماا عرفتي ؟؟ طول هاد المدة لي حنا فيها مع بعضياتناا و مازال ما عرفتي مالي ..همم !!

سيلين ما تجي فبالها غيير لوشمة بقات غاا كتبلع فريقها : ءء ! ل ل لا ..

جاد قربها ليه أكثر حتى تضرب صدرو مع صدرها و الم فكرشوو لكن ميسواش قد داكشي لي فقلبوو ..

جاد حيد بعض خصلات من شعرها لي كانوو على وجهها : اش درتي لياا !!

سيلين بكاد حابسة لبكية : و أش درت لييك !!!

جااد تحنا تيشم ليها فشعرها : درتي بزااف اسيلين درتي بزاف..

سيلين : لارد ..

جاد بهدووء هبط عينيه جييهة شفايفها تيشوف فييهاا بحب ..بدون سابق إنذار حط شفافيوو على شفايفها لباردين..و هي تصعقاات بقاات مخرجة عينيها و زادت وسعاتهم فاش حسات بيه تيرجهااا ليه أكثر ..

خاشي فمو وسط فمها و هو تقبل فيها بشووق و عشق كبيير و شفايفهاا مساخييش يبعد علييهم شحال و هو تتيتشهاا فيها !

لكن كلشي بارادتهاا و داكشي لي كان لعب ليها على لوثر الحسااس حتى حس بيها بدات تتجااوب معاه و هي مدورة ايديها على عنقو ..

قبلة كانت ملييئة بحب كبيير و شوق حنين و عشق ولهاان ..

سيلين رجعات لوعييهاا فاش حسات بييه عضهاا ديك ساعة بلعات ريقها بصعووبة و هي تتفرك ايديهاا بثوثر ..وجااد بعد شفايفو على شفايفها تينهج ..

جاد و هو كينهج طاالب ف ماكثثر همس ليها فوذنها : مالكي !!

سيلين مشووكية : لارد

قرب عاوتاني همس ليها من جديد لكن هاد المرة ببحة خطيرة و نابغة من قلب خالص ..وهدرتوو دخلات لسيلين مع العضاام : جا لوقت باش نهدروو اسيلين متهربييش ..

يتبع...