كلفتني غلطتي الجزء السادس

سيلين بعناد : و نتا علاش غادي تسولني اصلا..؟ ساهلة متسولني منسولك..!! و هاحنا تهانينا !!؟

ما جات فين تكمل هضرتها حتى نزل عليها لحنك بصقلة حتى دار وجهها لجيهة لاخرى ..

تلافت عندو و يديها فحنكها : ماشي من حقك تهز علياا يديك ..!!

جاد تلاح على شعرها غارس ضفارو فيه حتى غمضات عينيها موجعة و نطق بصوت كيزعزع : اي حاجة فيك كتخصي ..حيث وليتي ملكي انا ..!!

سيلين حطات يديها فوق يدو باش ينقص الالم هزات عينيها فيه : نتااااا راك مريض وخاااصك تعاااااالج واش فخباارك...؟؟

جاد قابل وجههم مع بعض و عينيهم فعيون بعض : ديري هادشي في بالك ..! و زيديه حلقة فوذنيك..!

سيلين كتحاك معاه ولكن كان قوى منها : رخي مني ..! رخي الحيوان رخي..!

مع كملات كلامها مع حسات بصقلة خرى..!! قصح من لولة حتى جات ومشات..!!كانت غادي طيح كون مشداتش توازنها ..

سيلين كتمايل : ماشي من حقك تمد يديك عليا ماشي من حقك ..

جااد بجنون : رااه كنقسم ليك برب الجليل و تقولي ماشي من حقي حتى نفرع مووك...!

هزات عينيها فيه كارزة على نفسها : كنكرهههك ..

جاد عطاها بالضهر وساس يديه و نطق ببرودة : سبحان الله شعور متبادل..!!

حطات يديها على حنكها و دموع مجموعين ليها فطرف عينيها حسات بالحكرة و الاهانة و ضعيفة ..! واخا تكون عنيدة و مكتسمعش الهدرة ..! و تحدي هو مورادها ..! تسكت و تصبر ..! ماشي حيث خايفة ..! و ماشي حيث ساكتة غادي تسمح فحقها ..لا لا هي فلداخل ديالها كتحس بكره عميق من جيهتو ..!!

و فداخلهاا كتجمع ليه ..و نهار لكاس يفيق غادي تنفاجر ليه على وجههو...فهاد اللحضة هي صابرة و لي متأكدة منو انها غادي ترد حقها ..! و غادي تندمو..داكشي علاش سرطاتها و كمداتها فقلبها ..

تمشات بخطواتها جيهة ثلاجة و حلاتها لقاتها عامرة فيها كاع داكشي لي تشتهي الانفس ..!!بقات شحال و هي غير كتمنضر فيها ..!!

و تعزل ..فآخير جبدات عصير خفيف و طاسة دشكلاط سداتها و دازت خدات معلقة و جلسات تمااا كتاكل بلمعلقة و تلذذ و دوز بلعصير ..!!

و هادشي كامل على عينين ..جاد لي متكي على لبااب و مربع يديه كتفرج فيها ..من بعد ماخرج كما كاروه و برد شويا ..!!

قرب جلس مقابل معاها و مربع يديه قدامو ..هزات عينيها فيه مخنزرة ..

جاد هز حاجبو : مالنا ثاني ..؟

سيلين مخنزرة : صمت ..

جاد : راني هضرت معاك ..!

سيلين غا شافتو حسات بشهيتها تسدات : صمت ..

جاد خبط ديك طبلة حتى قفزات : معامن كنهضر انا ..؟ سولتك جااوبي..؟

سيلين : على اشمن سؤال بالضبط ؟ واش على داك سيد لي غير ضلميته..! وركبتي فيه ضو حتى ولا يفيبري..! ما عرفت مسكين اش دار ليك ..؟ و نتاا سوقك اصلا نمشي عندو ولالا ؟ اش مشا ليك ..؟ اشمن علاقة كتجمعني بيك ..؟ حتى تبقا تشوه فيا قدام بنادم ..؟ ما راجلي..؟ ما با..؟ ما مي ..؟

جاد مسمعش ليها اصلا عينيه على شفايفها كيفاش كيتحركو : صمت ..

سيلين حولات نضرها فين كيشوف فهماتها طايرة بلعات ريقها و عضات على شفايفهاا ..بطريقة مثيرة ...جات عفوية منها باش تفيقو من احلامو..!!

و معارفاش بلي هو لي خلاتو يبلع ريقو ..!!

شافتو مازال مابغا يحيد عينيه داكشي علاش هزات لعصير..!!

ولاحتو ورجعات شكلاط لبلاصتو ..

و رجعات جلسات كان هو رجع لوعيو و عقد غوباشتو..!!

سيلين سكتات حتى سكتات عاد نطقات : اش درتي لداك راجل..!؟

جااد كارز على سناانو : علاش توحشتيه ..؟

سيلين وسعات عينيها هذا اش كيخربق : صمت ..

عاود قفزها هاد لمرة كثر من لول : توحشتيه يااك ؟؟ بقاا فيك ..!!

سيلين هنا جاب ليها تمام و زاد أكد ليها بلي مقطع لوراق : صمت ..!

جاد بجنون : هضري ..!!

سيلين قلبات عينيها كتسوط : مريض ..!

جااد زفر لهوى بقوة : و القلاوي رآه كنهضر معاك ..؟؟

سيلين شافت فيه : دبا غير بيني و بينك عمرك جربتي تمشي لشي طبيب نفسي ..! واش انا كنقول ليك راجل مادار مسكين والو و معرفت مسكين اش وقع ليه ..

جاد جمع يديه على شكل قبضة : منعاودش نسمعك كدوي عليه

سكت و هز صبعو سبابة كتحضير مخنزر : ولا برب الجليل حتى نمشي نحر زامل بووه ..و نكملك بيه نتي ..!!

سيلين ميلات شفايفها بميوعة : اوا الله يستر ..!!

جاد مباغيش يتزايد معاها فلهضرة : نوضي تهزي تقااودي تنعسي ..! و يااويلك ديري شي حاجة منعاودش ليك اش ممكن يوقع ليك ..

سيلين حطات يديها على حنكها فوق طبلة : اش غادي دير كااع ضربني كيف موالف..؟؟

جاد بتاسم ابتسامة جانبية : لا شي حاجة كثر ..

سيلين فهماتها طايرة خنزرات فيه و جمعات لوقفة غادا قاصدة بيتها..!!

و هي كتعاير و تشتم فيه من لدااخل..خلات جاد متبع ليها لعين..!!

حتى غابت على نضرو و جبد كااروه كيف موالف و بدا ينثر و عقلو خداام..كيحلل و يناقش ..

طلعات لبيتها و هي تعاير بقوة تلفة خلات لباب محلول جلسات فوق ناموسية كتعاير غا بوحدها..

حتى خرجات عينيها مني تفكرات خواتتها ديك ساعة جمعات لوقفة قصدات لحمام ..

و هزات داك تيلي من بلاكار فين كانت حطااه ..هزاتو و شعلاتو و تمات خارجة ووقفات قدام لمرايا عاطية ضهرها لبااب...!!

ثواني قليلة حتى شعل دخلات بلاصة لكونطاكت..! و بدات تقلب على رقم.. د صفاء حتى لقاتها ديك ساعة دوزات لخط ..

صفاء لي كانت نااعسة على كرشها و غاطسة راسها وسط لمخااد..!!

حتى تفيق على صوت تيلي لي كيصوني خنزرات غا هي و عضامها..!!

و هزاتو بعجرفة حالة عين وسادة عين مقشعاات..

والو فرقم غادوزات لخط مبوقة..

صفاء و عينيها كيسدو : اش كااين ...

سيلين : يا خانزة نااعسة بلا بيا ما قلتي فين هي ختي ..! واش ميتة ولا حية مقدرتيش حتى تقلبي عليا ..

صفاء ديك ساعة تكعدات مخرجة عينيها : سيلين فينك ...؟ على انا باقا غنعاود نهار مشينا نقلبو عليك شدوناا واحد شمكارة ..كون مكانش واحد دري كون رآه معرت اش وقع لينا ..!

سيلين : اويلي واش بصح ..ك..

قاطعها صوت من لخلف لي نطق ضاغط على سناانو : معامن كتهضري...؟؟

حاطة تيلي على وذنيها ..

كتهضر مع سيلين ..

حتى كتوسع عينيها مني كتسمع صوت رجل..

ديك ساعة قطعت : ارسول الله شكون هذا لي هضر...!!ياكما كنت كنهضر مع شي وحدة من غير سيلين ...!! هنن ياكما كنت كنحلم ..لا لا مكنحلمش ..

مسحات على شعرها دايخة بنعاس ..

ونفضات داكشي من بالها ..و قالت مع راسها تقدر تكون خدامة و هذاك يكون لمدير ديالها كلشي ممكن ..شافت ساعة و هي تعوج فمها ..

صفاء : جوج دليل تفوو ..مالقيتي امتا تصوني حتى لوقت نعاس ..

جمعات لوقفة و هي مخسرة ملامح وجهها سااخطة..

جمعات شعرها و هبطات غادا قاصدة لكوزينة

تشرب ...غادا كتمشى حتى كتسمع صوت شي تيلي كيصوني ..زفرات لهوى بقوة ..

صفاء : اوا صافي واش متافقين عليا ولا شنو ..!! من تيليفون لتيليفون يخ..

بدون اكثرات شربات كاس دلما و طلعات فحالها حتى كتعاود تسمع تيلي كيصوني من غرفة تسنيم هزات حاجبهاا ..

صفاء : واخا تكوني مييتة تسمعيه...

تنهدات و حلات لبااب.. لقاات تسنيم خارجة من دريسينغ دخلات و جلسات فوق ناموسية مربعة رجليها ..

صفاء : هااء كيصحاب ليا ناعسة اش مازال باقا كديري ..!!

تسنيم حطات ديك لكسوة لي كانت هازة : لي كنتي كديريه كنتو كنديرو ..

صفاء : على انا اش كنت كندير ..؟؟

تسنيم ببرودة : ماسوقيش..!!

صفاء ميقات فيها و بغات توقف حتى كتسمع عاوتاني تيلي كيصوني : وصاحبتي جااوبي رآه باغا نعس ..!!!

تسنيم بهدوء : علاش انا حبستك..!!

صفاء زفرات : ولله حتى زدتي فيه الى مبغيتيش تجاوبي على أقل طغيه حتى لغدا..؟؟

تسنيم تمات غادة لبلاصتها باغا تنعس ببرودة : كون كنت باغا نطفيه كون طفيتو..رآه نتي لي طفي معاك داك ضو و خرجي فحالك خليني نعس..!!

صفاء خنزرات فيها : و طفييه رآه باغا نعس ...!!!!

تسنيم بالغوات : و لا مبغيتش ..!! غادي يبقا يصوني حتى يعياا و مغاديش نجااوب نتي فين عندك لمشكييل..؟؟؟

صفاء هزات إيديها باستسلام : هادا الله عييت معااك..واش هذا فيك كلاخ ولا شنو..!

تسنيم أشارت جيهة لباب : خرجي لحفضك خليني نعس ..!!

خرجات صفاء غادة تكمل نعاسها ..

و تسنيم كتشوف فرقم دناايف..

لي صونا ليها كثر من عشرة لمرات...

و هي بلعاني مخليااه شااعل...

باش يعرفها مباغاش تهضر ..

شافتو سكت و هي تحطو حداها و غطسات وجهها وسط لمخااد باغا تنعس ..

حتى بدا يصوني عاوتاني ..

تنهدات و شافت فرقم حتى عيات و هي تجاوب ..

تسنيم : وي ..!؟

نايف عينيه نايمين و كاس دشراب فإديه : علاش مبغيتيش تجاوبي ..!!

تسنيم ببرودة : هانتا قلتيها مبغيتش نجاوب فين عندك حتى نتاا لمشكيل ..!!

نايف بصوت بااح : تسنييم ..

تسنيم بلعات ريقها من نبرة صوتو عرفاتو سكران : صمت ..

ناايف بنفس نبرة : عفاك جاوبيني ..!!

تسنيم بهدوء : تصبح على خير ..!!

ناايف تكعد شويا : اشمن خير غادي نشوف وانا كنتعذب مل نهاار ..!! اش درت ليك اناا ..!؟؟

تسنيم عرفاتو جاايب لكااو : صمت ..

نايف : تسنيم ..

تسنيم غير كتسمع : صمت ..

نايف : همم مقدرتش ننساك ..!!

تسنيم عوجات فمها : صمت ..

نايف : جاوبيني ..!!

تسنيم هدرتو جابت ليها نعاس : صمت ..

نايف بلهدااوة : خاصك تفمهيني..!! و تسمعي ليا ..راك ضالماني..خاصك تعرفي لحقيقة ..

تسنيم تكات مغمضة عينيها غفات : صمت ..

نايف : غادي تندمي حيث متيقتينيش ..!!

تسنيم ناعسة : صمت ..!!

نايف زفر : واش ماباغا تقولي والو ..!!

تسنيم ساطت نفس فنعاسهاا : صمت ..

نايف سمع أنفاسها عرفها نعساات ..

تنهد و حط دااك كاس دشرااب..

و تلاح فناموسية ..

و حط لفون ديالو فوق وذنو مستمتع بأنفاسهاا...

ناايف تنهد نطق بهمس : تسنيم ..

معقلش على راسو امتااا غفا...

مستسلم لنعاس على انفااسها ..

و الخط داايز بيناتهم ..

سيلين :اويلي واش بصح..ك..

قاطعها صوت من لخلف : معامن كتهضري ...؟؟

سيلين وسعات عينيها بدون سابق انذاار ...

هزات داك تيلي و دارت عندو فحالا مواقع والو ..

راسمة ابتسامة مصطنعة..

بحركة بسيطة خشااتو تحت ناموسية بلا ميعيق..

سيلين : ها ..!! شكون ؟؟

جاد هز حاجبو : ياك يلله كنتي كتهضري..؟؟

سيلين وسعات عينيها زعما راها مضلومة : بلعمى..! شكون كذب عليك ..؟؟

جاد مستغرب : كتمركني بيا ولا شنو ..

سيلين أشارت بإديها : اودي راك غير كتحلم...!!

جاد : علاش نتي كتهضري فنعاسك..!!

سيلين بتاسمات بغباااء : على مفخبااركش ..!!

جاد غادي خارج : الله يعميهاا ليك ..

خرج عاد تنفسات براحة ...

هزات تيلي و رجعاتو لدوش فين كاان..

و تخشات فبلاصتها و نعسات ..

صباح جديد ..

بدات تتحل عويناتها و شمس ضااربة ليها فوجهها ...

جمعات لوقفة و دخلات لحمام...

غسلات وجهها و طرفاات حالتها.. و دخلات لدريسينغ هزات كسيوة فلحمر... حد ركبة مزيرة من لخصر.. و مطلوقة من لتحت ..جلسات قدام لمراايا ...!!و قداات مكياج خفيف..!! لي يخفي ليها دوك ضرابي لي فحنكها ..!!و بوكلات شعرها..!! و لبسات سندالتها..!

و خرجات ..كانت كتبان سو كييوت بديك لكسيوة..

دخلات لكوزينة لقات لخدامة تتحط لفطور ..

سيلين تكات على بوطاجي : صباح الخير ..

لخدامة طلعاتها و هبطاتها بإعجاب : صباح نور ..جلسي تفطري ..

سيلين هزات راسها باه و جلسات كضور فعينيها : فين هو ..؟؟

لخدامة تتكب ليها فلعصير : شكون ..؟

سيلين : هذاك ..!

لخدامة : اه واش مسيو جااد ..؟؟

سيلين ميقات : اييه هو ..

لخدامة : فهاد لوقيتة كيكون فدوش..! علاش نتي فقتي ليوم بكري ..؟؟

سيلين بتاسمات بشر و ناضت : هانا جاايا ..

لخدامة قبل ما تجاوبها ..كانت طارت غادة طالعة لفوق ..

بقات تقلب على بيتو حتى طااحت عليه مني سمعات صوت رشااشة خدااام ..

بتاسمات بخبث ..

و مشات لجيهة فين كيكون شوفو و بقات تشوف فدوك الازرار و تقرا فالاسماء..

حتى لقاات مورادها ..

وركاات على زر د طلق لماا باارد..

يعني يتحول من لماا دافئ لماا بارد ..

ومني دوز مدة قليلة يطفاا بوحدو ..

سيلين بابتسامة انتصار : من ليوم غادي نبدااو لعبو ..وجد راسك لحرب ..

هابطة فدروج.. و كدندن راشقة ليها ..

و غير ضاحكة.. و هي بدات معارفاش راسها علاش كضحك..!! دخلات عيهم و هوما كيفطرو ..هزو عينيهم فيها كيطلعوها.. و يهبطوها..

بدااك سروال..

ميني فونطر مزير عليها و طريكو قصير واصل حد سمطة دسروال يعني الى هزات يديها تباان كرشها و شعرها مطلوق و مكياج صاارخ..بتاسمات ليهم و جلسات تتفطر..!!

صفاء : صباح نور

سوسن غا معجبة : صباح لخير الالة ..!!

تسنيم هازة حاجبهاا و كتاكل فصمت : لارد..!!

صفاء كتاكل و تبنن : هممم شكون وجد هادشي ..؟؟ مولفة يا انا يا سيلين يا نتي ..و دبا نتي مهرسة كي درتي ليها ..؟؟

سوسن قالبة وجهها مكتشوفش فتسنيم : ختك لي طايباتو..!!

صفاء مبتاسمة : همم تطور كبير هذا .. هادشي كيشهي..!!

سوسن شافت فيها : شفتك ليوم راشقة ليك اش كاين ..؟؟

صفاء هزات راسها : ولله معرفت ..!!

سوسن حطات داك لخبز : كيفاش معرفتيش..!!

صفاء خرجات فيها عينيها : اويلي على كيفاش معرفتش ..؟ واش انا كنقول ليك معرفتش و نتي تتقولي ليا كيفاش معرفتيش..!!

سوسن ميقات : و مالكي مطولاها..

صفاء : و صافي سكتي..!!

سوسن : هاهي ساكتة ..!! اجي فين غادة ..؟

صفاء خشات زيتونة ففمها : لفاك ..!!

سوسن هزات راسها باه : انسولك آخر مر..

قاطعتها تسنيم ببرودة : تقدرو تسكتو..؟ واش معيتوش ..!!

سوسن مجاوبتهاش ..و صفاء جمعات لوقفة و هزات صاكها ..

و باستهم فخدهم و علماتهم بلي دوات مع سيلين ..

و خرجات شدات طاكسي غادة لوجهتها ..

مسافة طريق كانت قدام لفاك..

خلصاتو و خرجات ببطئ كتمشاا بكل ثيقة ..

كتبان انيقة كانت أغلب أعين عليها..

و غا حالين فامهم فيها و هي كتشوف فيهم بابتسامة هادئة... دازت لكافيرتيريا لي تما شربات ليها عصير ..و خدات رقم .. د لقاعة لي غادي تقري فيها ..

و دخلات ليها لقاتها صااقلة سدات لبااب ..و قدات الأدوات ديالها و مسحات ديك صبورة لي كان مكتوب فيها ..وجلسات فلمكتب كتسنا لوقت دخول طلاب ..

🔥عـــــــلى بـــــــرى...🔥

داخلين كيضحكو.. و كل واحد شااد بنت من خصرها.. و دوك لبنات كيتهزو بضحك ماقداهم فرحة ..و يشوفو فلبنات لاخرين و يهزو حواجبهم زعما موتو بسم ها هوما معاناا...وقفو جنب لكافيتيريا و تمشا عماد عمر ليه قهوة ليه و لزيد و هو بدورو شدها من عندو ..

عماد شاف لي معاه و غمزها : اش بالك ليوم فليل ..!!؟؟

لبنت كضحك و دوزات يديها حنكو : الى بغيتي حتى دباا علاش لا ..؟؟

عماد بتاسم ابتسامة جانبية : لا غير خلي حتى ليل ..باش نزهاو مزياان ..

لبنت اتموت بالفرحة ..زيد لي داير نضاضر على عينيه و كيضور فعينيه و ديك لبنت لي معاه عيات تمحلس عليه ووالو ..

زيد هز نضاضرو مخنزر : و هداي القلاوي ..!! باغا غا تحواي..حتى ليل حتى نتي ..!!

عماد حابس ضحكة : اعشيري..!! و مال دباا ..؟!!

زيد : ريح ازبي على دباا ..

لبنت شدات فدراع زيد محاساش بديك لهضرة ..

زيد هز حاجبو مني شاف ردة فعلها يعني كتسوقتاش بتاسم ابتسامة جانبية و دفعها عليه و جر موراه عماد ..مخلين دوك لبنات موسعين عينيهم ..

عماد شدو كيوقفو : فين غادين ؟؟؟

زيد شاف فيهم : نحويو..؟؟ فين غادين مثلا ..!! نقرااو كي عيباد الله ..!!

عماد شاف فيه ديك شوفة دمنيتك: على حنا فين عمرنا دخلنا لشي حصة ...

زيد هبط نضاضر على عينيه : لا انا عندي غراض آخر من غير لقراياا..!!

عماد بعدم فهم : كيفاش ..؟؟

زيد : شحال فيك دالاسئلة ..!! زيد لا باغي تمشي ..!!

عماد بقا واقف شحال كيشوف لبعيد حتى كيوسع عينيه مني كيتفكر شي حاجة ضرورية وخاصو يقضيها ..زيد ما

فهم فيه والو ..

زيد : مالك تسوطيتي ؟؟؟

عماد شاف فيها : تهلا اسااط خاصني نمشي خاصني نقضي واحد لغراض ضروري ..!!

زيد قبل مايجاوبو كان عماد خرج و ركب فللوطو ديالو..

و كسيراا غادي لوجههتو..

زيد تنهد و حول نضرو لواحد لبنت كانت كتشوف فيه.. غمزها حتى جات عندو ديك سااعة...

دور يديه على خصرها غادي بيها معاااه لقسم...

وصل و حلات لبنت لي معاه هي لبااب..

دور عينيه على لقااعة كانت عاامرة..

وواقفة صفاء بادية شرح ..و هكاك سروال مزير عليها و داك طريكو من كتهز يديها كتبان كرشها ..

تلافت بعفوياا مني سمعات لباب تحل ..

شافت فزيد بابتسامة بريئة ..

صفاء أشارت لمقاعد : تفضلو ..!!

زيد طلعها و هبطها و خنزر و حيد نضاضر : مكاين لاش..

صفاء هزات راسها باه مبتاسمة ..!!

و زيد غاكيشوف فيها دخلات ليه شك ..

جر معاه ديك لبنت من خصرهاا ..

و جلسو فطاولة لاخرى غا كيضور عينيه ..

مخنزر ما عاجبو حال ..

صفاء هزات لفيطر و كتبات فصابورة و تلافت عندهم : لميهم كنا يلله بدينا درس ..مني تزادو هاد جوج دطلاب..نعاودو ..

لبنات غا كيسوطو و نافخين فامهم لغيرة كتنهش فيهم من لداخل : صمت ..

و دراري غا حالين فامهم فصفاء : صمت ..

صفاء تنهدات : لميهم أول درس عندها د إستراج..

سكتات مني شافت زيد جااي قاصدها ..

غمضات عينيها خافت لايقمعها عاوتاني ..

تمشا بخطواتو و كلشي متبع ليه لعين..

كيشوف فيه اش باغي يصنع ..

حتى وقف قدام صاابورة و كيشوف فيهم ..

صفاء فتحاات عينيها و شافت فيه ..

و كلشي كيشوف فيه ..

زيد : السيارات بلوقود ، و العاهرات بنقود..و بنات الاصل بعقود ..(اشار باديه بعلامة اكس )انتهى الدرس ..!!

هبط نضااضرو على عينيه و خرج فحالو ..مخلي كلشي مخرج عينيه ..

عاطية بضهر كتغسل لماعن و سوسن جاالسة كتفرج فيها ..

و مرة مرة تلعب فلجبس لي فإديها..

تسنيم مسحات يديها و طرفات لكوزينة..

و رجعات كلشي لبلاصتو ..و شافت فسوسن ..!

تسنيم : غادي تبقاي غير هناا ..؟؟

سوسن هزات راسها : علاش ...!!

تسنيم ببرودة : غادة خارجة ..!!

سوسن بعفوية : فين غادة ..!!

سوسن بلعات ريقها مني تفكرات ديك لهضرة لي قالت ليها : مقصدتش ندخل فيك ..!! غير سولت على حساب معاش اتجي ..

تسنيم تنهدات و جلسات جنبها و كتشوف ليها فعينيها : سوسن مديريش هاكا ..!!

سوسن عينيها عمرو بدموع : نتي قلتي ليا منبقاش ندخل فيك ..!! و نتي كتخبي عليا ..و ..

قاطعتها : على انا فين عمري خبيت عليك شي حاجة ..!!

سوسن طاحت دمعتها : ولكن راك خبيتي..!!!

تسنيم مسحات ليها دمعتها : متزيديش فيه ..! عارفاني مني كنكون معصبة..!!

سوسن هزات راسها باه : ولكن معمرك دويتي معايا بديك طريقة ..!!

تسنيم طبطبات ليها على كتفها : هانتي قلتيها ..! معمرني تعاملت معاك هاكا..! و مني تصرفت هكاك الا وعندي شي حاجة ..!!

سوسن تقادات فلجلسة : إذن اش عندك ؟؟

تسنيم عاودات ليها كلشي ..!

سوسن موسعة عينيها : يعني نتي كنتي معاه ..!

تسنيم هزات راسها باه : عادي ..!

سوسن : كيفاش عادي ..!!

سكتات عاضة على شفايفها : عنداك تكوني ضالماه بصح ..!!؟

تسنيم بهدوء : مكنضلمش..!!

سوسن : اش فيها لاسمعتي ليه ..! اش خاصرة ..!

تسنيم ببرودة : مغاديش نعطيه حتى فرصة فين يهضر..!!

سوسن : و علاش ..!!

تسنيم خنزرات : ولكن ..كيفاش ..و علاش ..!! هادشي علاش مبغيتش نعاود ليك ..!! نهار عطاني لكلمة خوا بيااا..!! و دبااا كتقولي ليا ..! نسمع ليه ..!!!

سوسن بلعات ريقها : صافي تهدني انا ما قلت والو ..!!

تسنيم تنهدات و ناضت : تمشي معايا ..؟؟

سوسن : فين ؟؟

تسنيم : بغيت نتقداا شي حوايج لكوزينة ..!!

سوسن بتاسمات ابتاسمة عريضة : من ايمتا وليتي كتهتمي بهادشي د دار..!!

تسنيم بهدوء : من ليوم ..!!

سوسن نقزات باسها فخدها : فرحتيني بزاف ..! بقاا خاصنا نشوفو غير ضحيكة ديالك ..!!

تسنيم تمات طالعة : حتى لعام جااي ..

سوسن بتاسمات حسات بيها زادت خطوة لقدام ..و فحال والو برودها يتحول و ترجع كيف كانت ..و ترجع حتى ابتسامتها لي ختافات هادي سينين...و ترجع كيف كانو مسمينها..

"صاحبة الابتسامة "

مشات لصالون ببيحامتها و شعرها جامعاه كودشوفال..

و بعض خصلات شعرها طيحين ليها على عينيها ..

داز لوقت سوسن مازال على وضعيتها كتفرج ..

حتى تمات هابطة تسنيم بسولوبيط دجين فزرق..

و سمطة طايحة على لكتف..

و وكيطما فلابيض نص كوم مكتوب عليها بالأسود ..

ولكن مكتبانش.. حيث مغطيه سولوبيط ..

و شعرها طايح على جبينها عاطيها جمالية

خااصة ..سوسن شافتها و هي تصفر..

سوسن حالة فمها : بشااخ جيتي قرطاسة..!! نموت و نعرف علاش نتي و ختك ليوم تزوقتو..! واش كاينة شي مناسبة و انا مافخباريش..؟؟

تسنيم هزات يديها حتى باان لوشام : ديجا كنلبس هاكا غير ليوم زدت شويا و صافي ..

سوسن : هممم لميهم جيتي فنة..ليوم طايح كثر من ناايض ..فسوبير مارشي..

تسنيم غادة خارجة : هانا مشيت ...

سوسن تكات : وسدي معاك لبااب ..

رجعات كتفرج و تسنيم خرجات ..و سوسن رجعات كتفرج و بدات كديها عينيها حتى ناضت قافزة مني سمعات دقاان..

سوسن ارسول الله ..هادي مالها رجعات ..

لبسات بانطوفتها و حلات لباب و هي تخرج عينيها ..

عماد مربع يديه و متكي على لباب و كيضحك : صباح لخير الحمقة ..

شافت فيه موسعة عينيها : جمع فمك الحمق ديال بصح ..!!

عماد : دبا غير بيني و بينك ! نتي ماشي حمقة ...!!؟

سوسن خنزرات فيه : بزاف عليك حتى نكون حمقة ..!

عماد كيعيبها: و تي نوضي ..قالت ليك بزاف عليك نكون حمقة ..!! لي خاصو طبيب نفسي اش كيتسمى الفاهمة ..!!

سوسن حابسة لبكية بزز : ماشي حمقة ..كيقولو عليه لمريض ..!!

عماد تقاد فلوقفة : يلله سيري المريضة وجدي راسك يلله نديك عند هاد طبيبة لي وحلتيني فيها ..

سوسن قوسات حواحبها : لا مبغيتش نمشي ..

عماد خنزر فيها : سيري دغياا بارااكا من لهضرة لخاوية المريضة ..

سوسن هزات صبعها : انمشي معاك بشرط ..!!!

عماد هز حاجبو : اشمن شرط ..؟؟ واش انا باغي نديك عند طبيبة لمصلاحتك ونتي كتقولي ليا شرط ..؟؟

سوسن : الى مقبلتيش شرط صافي بلاش ما نمشي ..!!

عماد تنهد: قولي شنو هوما هاد شرط ..!!

سكتات شحال عاد بلعات ريقها : م م منبقاش تقولي لمريضة ولا لحمقة ..

عماد تزلع بالضحك : هههههه كتهدري منيتك ؟؟ واش هذا هو شرط ...

سوسن كارزة على نفسها م بقا ليها والو و تبكي : اه ..

عماد بزز حبس من ضحك : هههه صافي مغاديش نبقا نقول ليك لحمقة ..!! ولكن غادي نقول ليك لمريضة ...!؟؟

سوسن طرطقات فيه عينيها : لا لا متقول ليا لا حمقة لا مريضة ..!! ولله و تقولها لي ماا نمشي معاك ..!!!

عماد شافها كتهضر من جذر عقلها وججها ولا حمر : صافي تهدني مغادي نقول ليك لا حمقة لا هبيلة لا مريضة لا ..

قاطعاتو بالصراخ : و هانتاااا قلتيهم دبااا ...!!!

عماد شاف فيها مخنزر : عرفتي شنو طلعي وجدي راسك و يللله أش داني نجي عندك كااع...دير خير ما يطرا بااس ..

سوسن : لخير ديرو فراسك و حتى واحد ماضربك على يديك و قالك جي عندي ..؟؟

عماد مرضااتو عطاها بالضهر غادي للوطو : وجدي راسك و تبعيني ..!!!!

تبعات ليه لعين حتى ركب ...عاد طلعات بدلات حوايجها ..لعبارة عن سروال دجين و طريكو فلكحل من لتحت ..و زادت من فوقهم مونطو قصير.. بصمطة مغطي مؤخرتها ..و قدات مكياجها بزز ..على حساب يديها لمهرسة... لقات صعوبة فتبدال و ستغرقات وقت طويل باش وجداات راسها ..ختماتها بعطرها ..و لبساات صباط كااط بزز تلبس ليها ..و رجعات شعرها لور ..و شافت فلمرايا شوفة مطولة من بعد ضحكات و هبطات ..حلات لباب و ركبات جنبو..هز عينو فيها كيعبرها بعينيه ..

عماد : مالنا على هاد تعطيلة ...؟؟

سوسن كترجع شعرها لور : مكتشوفنيش راني مهرسة ..؟؟ كي بغيتيني ندير ..! نطير ...؟؟ رآه بزز لبست..

عماد حرك للوطو ناوي يكسيري : اهاه و مالكي على هاد لحالة ..!! حنا قلنا ليك وجدي راسك ..!! ماشي خرجي كي مونيكا ..!

سوسن هبطات لمرايا كتماصي ففمها : و صافي ماشي تعطلنا تبقااا عليا بمونيكة ولا معرت ..!

عماد خنزر و دور وجههو جيهة زاج : لواحد هو لي يلوحك من هناا و يتهنى ..!!

سوسن هبطات لمرايا و تكات على كوسان : سير لا باغي تمشي و نتا الله يستر فحالا صارط كسيطة...!!

عماد كيتمتم : الله يعميهاا ليك ..

فطريقهم داازو لسبيطاار فين دا عماد سوسن ليها مني ضربها بللوطو ..و مشا عاود خدا العنوان ..حيث توضر ليه..تركو غادين حتى وصلو قداام واحد لعياادة ..طلعو مع دروج..و سولو فالاستقبال على طبيبة ..و هي بدورها نعتات ليهم ..و تحركو ناحية لمكتب ..دقو و عطاتهم الأذن بدخول و جلسو ..طبيبة طلبات ليهم اش يشربو ..وسولات على الحال و أحوال ..و دخلات فلموضوع نيشان ..

طبيبة بطابلية لبيضة و نضاضر فلعينين شافت فيهم : تقدري تعاودي ليا على شي صدمة دازت فحياتك و منسيتيهاش ..!!؟

سوسن بلعات ريقها : ل ل لا ..

طبيبة هزات راسها : واش لا ! ولا ممتسعداش تعاودي ..؟ ولا بغيتي هاد سيد يخرج باش تعاودي ليا ..؟؟

سوسن هبطات راسها : صمت ..

عماد هز حاجبو بشك : صمت ..!

طبيبة تنهدات : دازو بزاف د الأشخاص من حالة ديالك ..! و كانت نتيجة إيجابية ..يعني داكشي لي كيدور ما بين معالج نفسي و لمريض ديالو كيبقاا سري و معمرو كيخرج..خاصك غير شويا دلوقت و تجلسي مع نفسك كوني متأكدة غادي تاخدي لقرار صحيح ..

سووسن كتفرك فاديها بثوثر : ص صراحة ماشي انا لي تعرضت لشي حاجة ولكن شخص آخر ..و و انا قريب ليا ..و تعرضت لصدمة ..

عماد شابك ايديه مع بعضهم كيحلل و يناقش: صافي عرفتها شكون ..

تلافتت عندو مخرجة عينيها : ك كيفاش ..ش شكون ..؟؟

عماد بتاسم : ديك لي شعرها قصير ..لي دايرة كي زوفري ..

شافو فيه مخرجين عينيهم و سوسن موسعاهم على جهدهم ..

خارجة من لقاعة و هي مخنزرة عكس فاش جات كانت راشقة ليها..وججها حمر بأعصاب مرضيااش كارزة على نفسها و مزيرة على صاكها و مهبطة راسها لتحت كتنهج متصرطاتش ليها .. كتعاير و تشتم و تسب ..مخلات حتى كلمة و مقالتهاش ..تمات غادة خارجة فحالها حتى حسات براسها ضربات لكتفها حتى رجعات لور و صاكها طااح ..شدات بلاصة كتفها كتماصي و مغمضة عينيها سااخطة..

صفاء عينيها على كتفها : اي تفو على نهار كيداير ..واش مكتشوفش ازمر ..ولله حتى زد..

هزات عينيها مع حلاتهم على جهد : نتااا ..!!

زيد : لا جنون ..!

صفاء أشارت بإديها : واش مبغيتش تفرق عليا..!!!

زيد هز حاجبو : نعاام..؟؟ مالي لاصق فيك ..؟

صفاء : عرفتي شنو انا لي غالطة غير عطيني تيساع ..

تمات غادة فحالها حتى شدها من دراعها : مقلتش ليك سيري ..

صفاء تنثرات منو : شكيصحاب ليك راسك ديما مشوه بيا فلقسم ..!!

زيد ببرودة : و غادي تبقاي ديما تشوفي هادشي غير ولفي ..!!

صفاء شافت فيه و هي كتحرك راسها : معمرو طفرو ..

زيد ببرودة : طفريه غير نتي الالة مزيانة هادي ..؟؟

صفاء كتنثر : طلااق مني طلااق ..

زيد بحدة : سكتي ..؟؟

صفاء هزات عينيها فيه مغرغرين : الله ياخد فيك الحق ..!!

شاف فيها مصدوم رخف ليها على ايديها ؛ واش تقلقتي بصح ..؟؟

صفاء عضات شفايفها كابحة دموعها : حيد عفاك بغيت نمشي ..!!!

زيد : فين غادي تمشي ..!!

نثرات يديها و تمات غادة : الله يعطيك شي موصيبة ..

تابعها من لور و عينيه على مؤخرتها كيفاش كتحرك : اجي هنااا ...!!

صفاء عاطياه بالضهر : سير تقدي شغالك هادشي لا كان عندك هاد شغل..

جلسات فلكافيتيرياا لي تما و خدات عصير ..تبرد ديك لقمعة لي عطاها ..حتى جلس قدامها فإديه قهوة كحلة ..!!

صفاء هزات عينيها فيه : اش بغيتي ثاني ..! دبا مكاين هنا توااحد باش تشوهني !! واش كيصحاب ليك لقراايا لعب ..؟ هاا !! دبا انا اش غادي ندير ..!! هادي يومين و انا مكنقريش..!!

زيد رشف من قهوتو : و مغاديش تقري ..!!

صفاء بعدم فهم : علاش ..؟؟

زيد : حيث انا بغيت ..؟

صفاء ضحكات بالفقصة : هههه ضحك ديالك شحال باسل ...

زيد بهدوء : للأسف كنهضر بصح ..

وسعات عينيها فيه مبهوضة تهزات كتقيص ليه فحبهتو : ياكما شارب شي حاجة من غير لماا ؟؟

زيد تلافت لور لقا شي دراري كتغامزو على مؤخرة صفااااء ديك سااعة ضربها ليهم بتخنزيرة حتى حنااو راسهم ..شدها من ايديها لي كانت حاطاها على جبهتو و هبطها حتى جات مزودوحة مع الكرسي ..

صفاء : اي بشوياا مالك ..؟؟

زيد : جلسي تقاودي قبل ما نجمعها مع موك حتى نتلفك على قبلة ..

صفاء خلعها هبطاات راسها على كاسها : صمت ..

كان صوت سيد لموقف من غير نضرات زيد لصفاء كيبقاا مركز فيها شوفة حتى كيحرجها و تولي حمرة و حناكها يتوردو كي حبة لفراولة ..

قاطع صمتهم غير صوت انثوي من لخلف كيقرب منهم ..

لبنت بلبسة كحلة و لفوق بالابيض و فاديها واحد الاجوندا وجهات كلامها لصفاء : سلااام ..واش نتي هي مادموزيل صفاء لمنال ...؟؟

صفاء هزات راسها باه بعدم فهم : اه هي انا ..؟؟ علاش ..؟؟

زيد غا كيسمع : صمت ..

لبنت هزات براسها ميلة شفايفها : لمدير بغااك دباا ..!! وراه كيتسنااك..؟!!!

واقفة فمحطة دطاكسيات..

كتسنا فشي طاكسي ..

حتى وقف عليها واحد يلله باغا تحل لباب.. طلع حتى شد ليها نايف ايديها ..

نايف لي فاق صباح بكري على انفاسها خالا لخط داايز و هو مخدم جيبي ..وصلاتو اشارة بلي خرجات ديك ساعة لبس عليه و قصدهاا طااير لقاها غادي تركب فطاكسي و لحق عليها ..

تسنيم هزات عينيها فيه : نعاام ..؟

نايف شاد يديها : فين غادة ..؟؟

تسنيم : كيفاش فين غادة ؟؟

نايف : قولي فين غادة ؟؟

تسنيم ببرودة : ماشي سوقك ..!

نايف زير على إيدها : كيفاش ماشي سوقي ..!!

تسنيم نترات يديها بجهالة : حيدي إيديك ماشي وقتك ..!!

ناايف عض حنكو من لداخل : تسنيم متعصبينيش ..!

تسنيم شافت فيه ببرودة : كاين شي منقضيو ..!!

نايف عااض على سناانو كاتم عصبيتو : يلله نوصلك..!!

تسنيم هزات حاجبهاا : باشمن صفة ..؟

نايف مسح على شعرو : مكيهمش ..!!

تسنيم هزات صبعها : متقولش ليا كنتي مراقبني...؟؟؟

ناايف : و غادي نبقا ديما كنراقبك..!!

تسنيم هزات صبعها سبابة كتحدير مخنزرة : منصحكش ..!!! آخر مرة ! تبقا تراقبني ..؟

تلافت عندو مول طاكسي لي كيتسنا فيهم يساليو ..شافت فيه و حلات لباب باغا تركب ..حتى عاود شد يديها ..

نايف : مغاديش تمشي ..!! هدرة وحدة مغاديش نعاود نقولها ..!!!

تسنيم شافت فإديه لي بين يديه مدة عااد هزات عينيها فيه : طلق من ايدي..؟؟

نايف : علاش نتي معكسة..!!

تسنيم بتاسمات بسخرية : علاش بغيتيني نرجع ديك نية لي كانت كتيق اي واحد ..!!!

نايف يلله غادي يجاوبها حتى قاطعو مول طاكسي لي ضروه فراسو : الالة واش غادي تمشي ..!! ولا لا..!!

نايف سبقها قبل ما تهدر : لا ..!!

جبد من جيبو كمية د لفلوس ..و مدهم ليه و هو بدورو شدهم و كيضحك : الله يخلف ..!!

و زاد فحالو غادي فرحان ...تسنيم مخنزرة ..

تسنيم : اش كتحاول دير بهاد تصارفات..؟؟

نايف بدون اكثرات جرها من إيدها ..و ركبها فللوطو لقدام و سد لباب ..و مشا ركب...بلاصة شيفور ..و كسيراا ..

عيات ما تحل فداك لباب ووالو... شافت حتى عيات و هي ترجع راسها للور ساهية قدامها ..

حتى كسر شرودها صوت نايف : فين كنتي غادة ..؟؟

تسنيم مكتشوفش فيه : ماسوقكش..؟؟!!

نايف بعصبية : قلت ليك فين كنتي غاادةة..!!!!!

تسنيم ببرودة : مسوقكس..!!

قفزها من ضرب لفلون بجهد : قلت ليك فين غاادةة...!!

سكتات شحال مرضيااش تجاوبو : لسوبير مارشي..!!

ناايف تنهد : صمت ..

تسنيم حطات راسها على الزااج كتشوف فالاجواء و تتنهد بعمق ..

نايف بهدوء : اش هاد لبس لابسة ...؟؟؟

تلافتت عندو بالعرض البطيء ممتيقاش : نعاام..!!

نايف : قلت ليك اش هاد لبس كنتي خارجة بيه ..!!

تسنيم هازة حاجبهاا كتكدب داكشي لي سمعااتو : كدوي منيتك ؟؟؟

ناايف صعر بلمعقول : واااش نتي كضحكي عليااااا ولا شنووو...!! واش انا كنقول ليك اش هاد لبس و نتي كتقولي ليااااا كدوي منيييتك..؟؟؟؟؟؟

تسنيم ببرودة : ساليتي ..؟؟ متبقاش دخل فيااا ..! واش كتفهم..!! نتااا ما كتعرفي ما كنعرفك ..!! داكشي علاش خليك بعيد عليااا..! و متبقااش ترااقبني..!!

نايف : غادي نبقا ديما نراقبك..!!

تسنيم ببرودة : مستحيل ....!!!!

نايف عض شنايفو بالفقصة ...و كمدها و سكت ..ما فيه مايتلااج معاها..عارفها ولات ثلجة.. وصعيب ترجع كيف كانت ..و حتى حاجة مابقاات كتأثر فيها..داكشي على سكت مخلي الامور تمشي كيفما هي ..مسافة د طريق كانو قداام فآكبر سومبير ماارشي ..

تسنيم تنهدات : حل لباب..!!!

نايف حيد لافيست لي كان لابس و و لبسها ليها ..حتى تغطااو كتاافها و تستر صدرها ..لي كانت سمطة دسولوبيط هاابطة عليها ..خلاها مخرجة عينيها ..حل ليها لباب و شاف فيها ..

نايف : هبطي ..!!

تسنيم خنزرات فيه : حيد عليا هادشي لي درتي ..!!

نايف :: هبطي ..!!

تسنيم ببرودة :قلت ليك حيد عليا هادي ..!!

شافها مسرة ..داكشي علاش نزل و هبطهاا ..مع حطات رجليها فالارض مع هزها على كتاافو غادي داخل بيها .. و هي كتفركل و تلعب برجليها باغا تهبط ..و نااس كيتفرجو فيهم.. و يضحكو عجبهم لمنضر.. وكاين لي جبد كيصور كااع..كانو كيبانو كوبل غزال..

داخل دوش ..جاد لي طالق رشاشة و مغمض عينيه ..حتى حلهم مني تحول لما سخون لماا باارد ..شوياا طفا بمرة ..فلبلاصة عقدهم مخنزر ..

قرب لرشاشة كيقلب فيها : شيت..!!

قلب فالازرارها مالقاش لمشكيل فيها ..هز حاجبو مخنزر ..

ضرب يديه مع لحيط : شييت ..!! شهااد لقلاوي ..!!؟

حل لبلاكار و هز فوطة ولواها على خصرو.. و خرج سااخط..قصد بلاصة شوفو... حل لبااط لقا لمشكيل تماا..عض شناايفو بلفقصة ..حتى جات فبالو سيلين ..ديك سااعة غوت بجهد صااعر بسميتها حتى قفزات ...

عند سيلين لي كانت كتاكل ..و ضحك حاسة براسها ..رآه دارت شي انجااز عضيم ..حتى كتخرج عينيها من اثر الصراخ ..لخدامة ديك ساعة وقفات عليها ..

لخدامة : اش درتي ..؟؟

سيلين هزات كتافها ببراءة : على اش درت ..!! ياك من قبيلة و انا حدااك..؟

لخدامة : اهاه ..! و فين مشيتي قبيلة ..!!

سيلين دافعة جبهة : فين غادي نمشي ..!! بان ليا واحد طير و مشيت عندو سااعة هرب ..!!

لخدامة بتشكيك : إممم هرب..!!

سيلين هزات راسها باه : هرب مسكين ..!! عرف رآه كاين قتال هناا ..! و هو يعلق ..!!

لخدامة يلله غادي تجاوبها ...و هوما يسمعو صراخ عاوتاني ..ديك ساعة سيلين ناضت ..خلات لخدامة غير كتشوف ..

طلعات بخطواتهاا غادة قاصدة لغرفتو و هي كاملة كتفيبري : هاويلي مالكي اسيلين كتقفقفي..!! نتي ماشي ضعيفةة..!!

هزات نفسها بعزيمة ..و قربات حلات لباب كان فشرفة.. بسروال دلكيطمة ..و صدرو عاري..و كلاكيطة فرجليه..و شااعل كارو كينثر منو و مخنزر ..دخلات عندو مربعة يديها ..

سيلين : اش بغيتي ..؟؟؟؟

جاد عاطيها بضهر : نتي لي طفيتي دوش ..؟؟

سيلين بلعات ريقها : امتا ..؟؟؟

جاد بهدوء : راني سولتك !! و قلت ليك مني نسولك ! جاوبيني ماشي تعاودي تجاوبيني بنفس سؤال ..!!

سيلين هازة حاجبهاا : لا مطفيت والو ..! اصلا كنت لتحت مع لخدامة ..!! سولها واش تحركت ..!!

جاد نثر من كاروه : سولتك نتي ..؟؟

سيلين غا هازة حاجبهاا : رآه حتى انا جاوبتك...!!

جاد كيشوف لبعيد : متأكدة ...؟؟؟

سيلين : كيفاش متأكدة ..؟؟ قلت ليك ماشي انا ..!!!!!

جاد هز راسو باه و نطق ببرودة : خرجي ..!؟

سيلين : علاش ؟؟

جاد : راني هضرت ...!!

سيلين : لا ...!!

جاد طفا كااروه و تلافت عندها مخنزر : كيفاش لا ..؟؟

سيلين بعناد : جيت راسي ..نمشي راسي ..! ماشي تجري عليا ..!؟

جاد ضاغط على سناانو : قلت قااودي خرجي براا..؟ !!

سيلين نفخات حناكها :لا ماخارجااش...!!

جاد : مبغيتيش تسمعي لهدرة يااك ..؟؟

سيلين بلعات ريقها : لا مغاديش نخرج حتى نبغي نخرج راسي ..!!

بحركة بسيطة جرها من إيدها بقوة... حتى حطات يديها على صدرو لمعضلةة لقاصحة بقوة تمارين رياضية ..

مغمضة عينيها مؤلمة ..

سيلين : هممم بعد ...!!

جاد بتحدي : حتى انا مغاديش نطلقك حتى نبغي...!!

سيلين وسعات عينيها : ك ك كيفاش ...؟؟

جااد قرب همس ليها فودنهاا حتى بورشها ..و ريحة دوش دخلات مع انفها : كيف سمعتي ..!!

سيلين : رخي مني ..! رخي ..! بعااد شوياا ..

جااد مزير ليها على خصرها و هي كتحاول تنثر منو لكن كان قوى منها : هشش ماشي بهاد سهولة ...!!

سيلين تزنكات بأعصاب : بعااد لهيه ..! رخي مني ..رخي ..

جااد حط صبعو تحت ذقنها.. و هز ليها راسها .. حتى تقابلو وجههم مع بعض و عينيهم فعينين بعض ..

جاااد بهدوء : قلت ليك خرجي و مبغيتيش..!!

سيلين : غير بعااد هانا خارجة ...!

جاد بحركة بسيطة دورها و حط يديه بجوج فبطنها مزير عليها ..و غطس راسو فعنقها حتى غمضات عينيها كاارهة لوضع همس ليها جنب ودنها ..

جاااد : فات لفوت دبا ..!!

سيلين فتحات عينيها فلبلاصة مخرجة عينيها : كيفاش فات لفوت ..!!

جااد بدون ساابق انذاار ... دورها عندو كارز على خصرها ..و كلاها مع الحيط ..حط شفايفو على شفايفها ..كيروي عطشو.. من ريقها ...مخليها مبلوكية.. و مخرجة عينيها ..

تلافتت عندو مخرجة عينيها : ك كيفاش ..ش شكون ..؟؟

عماد بتاسم : ديك لي شعرها قصير ..لي دايرة كي زوفري ..

شافو فيه مخرجين عينيهم و سوسن موسعاهم على جهدهم ..

سوسن صفارت جاوباتو بسرعة : لا لا ماشي هي !

عماد بتشكيك : هممم ماشي هي !

سوسن هزات راسها باه و هي حابسة لبكية خايفة تفرش ..وهادشي لاحضااتو دكتورة داكشي علاش قررات دخل و تعتق لموقف ..!

دكتورة خنزرات فيه و أشارت بإديها لباب : تقدر تخرج من فضلك ...!!

عماد شاف فيها : علاش ..؟؟

دكتورة : رآه من اول ماخاصش دخل معاها ! حيث هادشي كيبقاا سر بين لمريضة ! و معالجة ديالها !

عماد : و على شكون جابها عندك اصلا ..؟

دكتورة : اش كتجي لمريضة بسلامة ..؟؟

عماد بتاسم ابتسامة جانبية : والو ..!!

طبيبة : اذن تقدر تفضل تخرج براا ! و خليني مع لمريضة..!!

سوسن لونها مخطوف : صمت ..

عماد جمع لوقفة و شد سوسن من دراعها و نوضها و عطا بالضهر لدكتورة : ربحي بهاد لعياادة ديالك !!!

خرج هو و سوسن مخليها موسعة عينيها ..! و سوسن ما لقات ما تقول من غير ضرب طم ! عند بالها رآه عماد عارف كلشي ! بخصوص تسنيم !داكشي على قررات بينها و بين نفسها ! تخلي امور تمشي على طبيعتها ! و متحكر فوالو ! طلعها للوطو و كسيرا هو بدورو غادي لوجههتو ..سوسن حطات راسها على كوسان ساهية ..! و عماد عينيه على طريق ..! و مرة مرة يخطف فيها شوفةة ..! حتى كسر صمتهم غير صوتو ..!

عماد كيضحك : ياكما تسرط ليك لسانك ..!!

سوسن غمضات عينيها : صمت ..

عماد : راني داوي معاك زعما ..!!

سوسن : كون غير سكتي ولله ! ما كتنفع فوالو ! جايبني عند طبيبة ! و فللخر مرجعني ! دباا اش ستافدت انا من هاد لخرجة..!!

عماد عين عليها وعين فطريق : اش عندك ماتستافدي ! حياتك كاملة ! قولي ليا اش ستافدتي منها !

سوسن تنهدات : لواحد هو لي يديها فراسو ..!!

عماد : علاش زعما نديها فراسي اش غادي نستافد !!

سوسن هبطات عينيها على ايديها كتشوف فلجبس : غادي تعيش أعوام !

عماد : و على شكون قال ليك انا باغي نعيش هاد أعوام ؟! الالة انا باغي نعيش غير نهار و ربعة و عشرين دقيقة ! نتي فين عندك لمشكيل !

سوسن ميقات : نتاا اصلا راك كلك مشكيل ..!!

عماد بتاسم ابتسامة جانبية : ديك لمشكيل ! جميعهم كاملين ! غادي يعطيكم مشاكل ! و هادوك لمشااكيل ! هوما نتي بالضبط !

سوسن هزات راسها بلا حول : واش مكتقاداش ...؟؟

عماد مسايرها : انا ماشي حجرة د راديو باش نتقادا ! و ماشي لاكلاس ! باش نتقادا أيضاا !

سوسن بعصبية : واش مكتسكتش ..؟؟؟

عماد حابس ضحكة : انا ماشي كسيطة ! باش نحفاا و نسكت ..!!

سوسن ايديها بداو يترعدو عليها شدها لعصاب : اااععععع واش مكتساليش من لهدرة ..؟؟؟

عماد ضحكة علاين تخرج ليه : انا ماشي بوطة باش نسالي !!

سوسن زفرات نفس بقوة و داتها بدات ترجف عليها ..

ندمها علاش جات معاااه كااع ..!!

عماد عيا يحبس ضحكة و هو يطلقها : ههههههههههه!!!!! و نتي بزااف !

سوسن قلبات عينيها بملل كتسوط : حاامض ..!!

عماد عينيه على طريق : لحامض بمية و طرمتك متنية ! لحامض بعشرة و طرمتك مقشرة ! لحامض بربعين و عينين طرمتك فيهم كرعين..!!

سوسن بلعات ريقها من هدرتو و بقاات شحال كضورها فبالها عاد تلافت عندو متسائلة ..

سوسن حاطة إيدها على ذقنها زعما كتفكر نطقات بدون وعي : اجي بعداا ! باش عرفتي طرمتي عندها عينين و من لفوق عندها كرعين كي درتي ليها ..؟؟

خلاتو مخرج عينيه ..لدرجة على شويا كان ايخرج فواحد طموبيل كون ما شد لفران فاخر اللحضة ..

أما هي ولات حمرة كي حبة مطيشة مكرهاتش تشق الأرض و تبلعها فديك للحضة معرفاتش راسها امتا جاتهاا ديك الجرأة ..!!

شافها مسرة ..داكشي علاش نزل و هبطهاا ..مع حطات رجليها فالارض مع هزها على كتاافو غادي داخل بيها .. و هي كتفركل و تلعب برجليها باغا تهبط ..و نااس كيتفرجو فيهم.. و يضحكو عجبهم لمنضر.. وكاين لي جبد كيصور كااع..كانو كيبانو كوبل غزال ..

تسنيم كتغوت : و هبطني ازمر هبطني ..

ناايف : الا ..

تسنيم كتفركل غادي تحماق : واااااهبطني...

ناايف هز شااريو من دوك لمجموعة و تم غادي جارها قدامو..تسنيم فكتفو و شااريو فايدو ..و هي تقول واش بغاات تزكاا برجلها كتهزها حتى لفوق و تنزل عليه لضهرو رجليه الخ ..فيما جاتو ممساوقااش لنااس لي كيدوزومن حداهم و يضحكو كلشي كيتفرج فيهم ..

دخل نيشان لبلاصة العاب دور عينيه تماا و كيبتاسم ..و هي مافاهمة والو ..

هبطات عينيها عندو : علاش جبتيني لهناا ..؟؟

ناايف حتى هو طلع عينو فيها : اش بالك..؟؟

تسنيم ببرودة : هاد ساعة نا بان ليا من غير تبرهيش لي كدير فيه دباا ..!!!

ناايف نزل عينيه حابس ضحكة : هممم بان ليا مفهمتيش..!!!!!

تسنيم رجعات كتفركل باغا تهبط : و هبطني و مباغاش نفهم ....!!!!!

ناايف مزير على رجليها باش متبقاش تحرك : رصاااي ..!! باارااكاا !!!

تسنيم رجعات حمرة معصبة : و هبطني ولا ولله حتى ندير ليك شوهة ..!!

ناايف تنهد بملل : غا سكتي ..!!

تسنيم ببرودة : يلله هبطني هانا انسكت !!

ناايف جاوبها بنفس نبرة : لا ..!!!

رجعات كتفركل باغا تهبط بزز ولا بلخاطر عقلها يخرج من بلاصتو ..

وقف جنب واحد لمونيكات طوال هز وحدة لابسة تانورة و تيشروط و شعرها مطلوق و طلعها عندها كيوريها ليها ..

و هي موسعة عينيها ممصدقاش..

تسنيم مهبطة عينيها عندو : كضحك علياا ولا شنو ..؟

ناايف هز حاجبو : على مالها اش فيها ...

تسنيم بجنون : وهبطني اسيدي ..!!! و بغيت نهبط ! لا ما فيها والو ..!!!

ناايف تنهد و خشااها فشاريو و جرها قدامو ..خلاها مخرجة عينيهاا فيه ..كيصحاب ليها غير كيضحك ساعة دارها بصح ..رجعات كتفركل من جديد و ضرب برجليها..اما هو مكيحس بوابة فحالا غير كتهرو ..

تمشا بخطواتو حتى وقف قداام بيغيول طويل فيه شكولاط و لي كلاس .. بصفة عامة ..كيهز و يحط فشااريو لي لقاها قدامو يلوحها فشااريو فوق كتفو مخرجة عينيها ... من ديك لكمية لي كيحط ..

داز على كلشي فيما وقف يبقا يهز و يخشي فشاريو ...

حتى عمر كثر من ثلاثة كاع داكشي لي كيخص خدااه ليها ...

حتى من لماكياج هو اللخر و هي غير حالة فمها ...

و كتشوف فداكشي ببرودة مبقاتش كضرب برجليها ..

حيث عارفا راسها غير كضيع فلحجرة معاه..داكشي علاش خلاتو يدير مابغاا ..

حتى سالا كلشي و قرب دوك شريوات حدا بعض و مشا لبلاصة استقبال باش يخلص ..عطاتو الفاتورة و هو بدورو جبد لاكارط من جيبو و مدها ليها حتى سمع صوتها..

تسنيم ببرودة : مكاين لاش !! مشكيتش عليك ..!!!

هز عينو فيها مطول فيها شوفة من بعد تنهد و مد ليها لاكارط ..فحالا مهدراتش ..جمعو ليهم داكشي فسااشياات كباار و مدوهم ليه ..

عيط لواحد من دوك سيكيريتي لي تما و مد ليه حتى هو لفلوس و عطاه لكونطاك د للوطو و سيكيريتي هزدوك ساشيات غادي بيهم للوطو د ناايف ..

قاطعهم صوت من لخلف تلافتتو عندها بجوج ..كانت مرآة تقريبا فاواخر خمسينات و تجاعيد كثيرة على وجهها .. و فجنبها ولدها شاد ليها فاديها بااينة فيها دات فدنيا و جاابت ..

المرأة كانت حاضرة لكل صغيرة و كبيرة و غير تشوف و ضحك ..كتشوف من بعيد و ترجع بيها ذاكرتها لزمانها و تحسر على لي فاتها

و على قلة عقلها لي مخدماتوش نطقات و هي راسمة ابتاسمة بشوشة : اولدي واش معيتيش ..؟؟ من قبيلة و نتاا هاازهاا ! واش متقلاتش عليك ! و زيد عليها حتى تقدية محناتك رخف على حالك اولدي ! مالك خايف تهرب عليك !!

نايف قرب ليها مبتاسم بهدوء و جاوبها باحترام : لا الحاجة معيتش ! و معمرني غادي نعيااا ! و هاد لبنت لي كتشوفي فيها ! ولات جزء مني ! و صعيب نتخلى عليها !! حيث ببساطة هاد لبنت سكنات قلبي و روحي و كيااني !! وبلاماا نكدب عليك ! و نافقك ! بصح انا خاايف ! تهرب من بين ايدياا ! و منقدرش نتخيل حيااتي بلا بيها !! حيث حياتي ولات متعلقة بيها !

داخل لمكتب جالسة صفاء كتلعب بإديها متوثرة و حانية راسهاا... و جالس مقابل معااها رجل فاربعيناات دو لحية كثيفة ..كيلعب بستيلو فإديه ..و كيشوف فيها ..!! اما هي رجليها ما بقا ليها والو و يفشلو عليها كتسناه يهدر و يقول شي كلمة سااعة والو ..حتى كسرات هي هاد صمت مني جمعات قوتها و نطقات بصوتها أنثوي ..

صفاء : قالت ليا سكرتيرة بغيتني ! نقدر نعرف علاش !!

لمدير حنحن : حم ! انا معطيتش ليك ! بااش نشوف فيك ! ولا نحاسبك على شي حاجة ! انا عيطت عليك بصفتي مديرك فلخدمة !!

صفاء هزات عينيها فيه : عرفت ! حتى انا بغيت نعرف علاش بغيتني ..؟؟

لمدير حط داك ستيلو و ربع يديه قدامو و نطق بجدية : لباارح ! جااو شي بناات من قيسمك قالو لياا بلي كتجي حتى لقسم و تمشي ! ما كتقريهم ما والو ! كيدخل شي شخص ! للأسف منقدرش نقول سميتو حيث نتي و انا تنعرفوه ! كيقول ليك شي هضرة و كتخرجي فحالك ! فحالا ماشي نتي لي غادي تقري داك لقيسم ! من لول مقااداش على هاد لمهنة ! علاش ! ختاريتي هاد تخصص ! فحال هاكاا راك كضيع بزاف د طلااب ! فمستقبالهم!

صفاء بلعات ريقها ارتابكاات : س سي مدير ! كنقدم اعتاذاري ! ماشي بإيدي ! انا بنت لي كافحاات باش توصل لهاد لمرحلة لي انا فيها دباا !! و لعيب عليا الى مبغيتش لبنات يقرااو ..!!

لمدير : و علاش مكتقريهمش اذن ..؟؟

صفاء حسات بزمت : ءء! ءء! ل لا ماشي داكشي لي قالو لبنات ! غير كذوب ! انا عندي سبب آخر لي خلاني نمشي هاد ليومين !

لمدير رجع بلكرسي لور : لي هوماا ...!!!

صفاء بدات تصفار و تخضار : ه هادشي عائلي ! مخاصوش يخرج ..!!

لمدير : غادي ندوي معاااك بوضوح ! و بلا هدرة خاوية ! واش قادرة على هاد لمهمة !!

بغات تنطق و قاطعها : جاوبيني باه و لا لا !

صفاء هزات راسها باه بسرعة : ا انا قاادة ولله ..!!

لمدير صغر فيها عينيه كيتاكد : منعاودش نشوف شي طالبة كتشكااا !!

صفاء هزات راسها بواخا : و واش غير لبنات لي جاو ولا حتى دراري ..؟؟

لمدير : لا غير لبنات !!! عندك آخر انذاار ! كنتمناا تكوني على حسن حدي ! و تعوضي طلااب فهاد ليومين ..! (اشاار لباب بإديه ) يمكن ليك تفضلي ...!!

صفاء جمعات لوقفة : و واخا شكرا !! و كنعاود نكرر اعتاذاري مرة أخرى ..

لمدير هز براسو بمعنى ماشي مشكيل ..و خرجات من عندو مغضضة غادة و تسب و تلعن فحدها ! و تصب فزيد و دوك لبنات لي شكمو بيها ماخلات حتى دعوة و مادازتش عليها ..!! حتى سمعاتو صوتو زاد كرزات على ايديها فحالا كيزيد يشعلهاا ..!!

زيد متبع ليها لعين و سمعها مني كانت كتمتم : بااراكا من دعاوي !! رآه داكشي ايخرج فيك !!

صفاء شافت فيه مخنزرة و من بعد كملات طريقها مجننة مكتقشعش قداامهااا ..عارفاه هو سبااب حتى وقع ليها هادشي ! كون ميبقاش يقمعها ! قدام طلاب ! كانت غادي دير خدمتها على أكمل وجه ! تتنهد بحرقة متسرطاتش ليها ..تماات غادة لدارهم و هو موراها متبع ليها لعين و نضاضرو على عينيه ..و عينيه مهداوش من دوران الى كان شي واحد كيشوف فيها ..!! كيرمقو بنضارات حادة قرطاسية حتى كيهبطو عينيهم ..شافها غادة خارجة على باارا ! و هو يجري شدها من إيدها ...!!

زيد هبط نضاضرو على عينيه : فين غادة ..!!

صفاء خنزرات فيه و نترات يديها من بين يديه : ماشي شغلك ! عطيني تيساع ! و متبقاش تابعني !

زيد هز حاجبو : على انا فين تبعتك !!

صفاء : وعلى دباا اش كدير ..؟؟

زيد جرها من إيديها غادي بيها و هي كتنثر منو حتى قفزها بصوتو : مبغيتش تزكااي ..!!

صفاء : طلااق من يدي ! اش بغيتي عندي ! كنت هانياا ! حتى بنتي فوق راسي ...!!

زيد تلافت عندها مخنزر : صوتك ! منسمعوش !

صفاء هزات عينيها فيه : هو لي غادي تبقاا تسمع من ليوم ..!!

زيد جرها خشاها فللوطو و قلع : تركني فلقنت ولا ندير ليك داكشي لخايب فطوموبيل ! و متنساايش ديك نهار فلغابة ! غير بستك و نتي تسخفي يعلم الله الى تكيتك هناا !

صفاء تزنكاات ولات كي حبة مطيشة مخرجة فيه عينيها : م ممربيش ..!

زيد هبط نضاضر على عينيه تلافت عندها و غمزها وسط نضاضرو: لحوا دوا ..!

بدون ساابق انذاار ... دورها عندو كارز على خصرها ..

و كلاها مع الحيط ..حط شفايفو على شفايفها ..كيروي عطشو..

من ريقها ...مخليها جامدة.. و مخرجة عينيها ..

دقأئق و هو على نفس وضعيتو كيلتاهم فشفايفها بشراسة و جنون ..

حس بيها كدفعو حيث بدات تخنق و ضرب ليه فصدرو باش يبعد ..

و معارفاش بلي غير كتزيد تجعرو..

بقات شحال كضرب ليه فصدرو لكن كان قوى منها ..

بعد عليها شويا مخليها كتسترجع أنفاسها ماا جات فين تهضر حتى عااود شدها من خصرها خاشي شفايفها بين شفايفو... و لسانو كيلعب بين لسانها ..

و ايديه هابطة مع جسدها ما كيجي فين يقرب يقيص مؤخرتها حتى كتقفز وسط شفايفو ..كانت مازال تحتى تأثير الصدمة ..

ممتيقااش و مباغاش تيق ..عقلها حبس ..حطات يديها على صدرو لمعضلةة و بدات تبعد فيه ..ساعة غير ما كيزيد يورك عليها..

بحركة بسيطة بعد من شفايفها و دورها بسرعة.. حتى جا ضهرها على صدرو ..و يديه حول بطنهاا و رجليه كتلعب بين رجليها ..

و يديه طالعة مع كتفها..و فنفس لوقت غااطس راسو فعنقهاا كيمص فيه..سيلين كترمش بسرعة مصدومة ..

تم غادي بيها جيهة سرير و كاارز ليها على كرشهاا ..

لاحها فلفراش و بسرعة حط عاوتاني شفايفو مع شفايفها و هو. فوقهاا كينهج ..

رامي ثقلو كامل عليها ..هز عينيو فيها لقاها مغمضة عينيها و نزلات دمعة حارة من عينيها ..

شاف فيها شوفةة مطولة ..من بعد تنهد مكره سااخط و ناض من فوقها و هي عاد رجعات فيه نفس ...

جاد غادي خارج لشرفة : خرجي ..!!

جمعات لوقفة و هي كاملة كترجف يلله غادي تنطق ..

حتى سمعات صوتها ..

جاد عاطيها بالضهر ساهي قدامو : باان ليا مازال طامعة فلمزيد ...!!! خرجي حسن ليك ..!!

سيلين وسعات عينيها كتبلع فريقها ديك ساعة خرجات كتجري كتنهج ..

مخلياا موراها بركان شااعل تلوح عليه وقيدة ينفاجر ليك فوجهك..!!

حس بيها خرجات و هو يشاعل كاروه كينثر منو ..مخنزر قداامو و عقلو خدام ..

هبط عينيه لحجرو و عض شناايفو بجهد حتى سال دم ...!!

جاد عينيه على حجرو : فاااك...شهاد لقلاوي عاوتاني..!!!

طفاا داك لكاارو ..و مشا قااد دوش و حل زر حتى عاود خدم شوفو و مشا داخل الدوش ..طلق رشااشة بلما باارد لعلى وعسى يبرد شوياا ..و تنخافظ ديك لحرارة لي كيحس بيها ..

هز يديه حتى لعلال سماا و نزل بيها لحيط حتى طااح دم و تخلط بلمااا ..

جاااد عينيه جمرة : شيت !!!! شيييت !!!! علاااش مكنتحكمش فرااااسي قدااااامها علاااااااش .....؟؟؟؟؟؟

مسح على شعرو بعصبية علاين يقرعو بقوة مادوزش يديه عليها ..تنهد بحرارة و بقوة و رجع كيكمل دوش ديالو ..

مادازش بزاف د لوقت حتى كان خارج لاوي غليه لفوطة..قصد دريسينغ لبس عليه غير سروال د لكيطمةة و بقاا بصدرو لعااري ..و لكلاكيطة فرجليه..هبط لتحت كيجر فرجليه ..دخل لكوزينة لقاا لخدامة كتحط فلعشاا دور عينيه عليها ما بانتش ليه...

جاد : فيناهيا..؟؟

لخدامة حانية راسها احتراما له : من صبااح ما بانت اسيدي ! و حتى لغدا متغداتش !! و مني عيطتي ليها ما بقات هبطات !!

جااد هز حاجبو مخنزر : و علاش متغداتش ..؟؟؟

لخدامة بلعات ريقها من نبرة صوتو : ءءء؟!! م معرفتش علاش كعما هبطات ..!!

جاد مزير على قبضة يدو : و علاش مطلعتيش ليها لغدا حتى لعندها ..!!!

لخدامة قلبها غايوقف : ط طلعتو ليهاا ا اس اسيدي ..! و ولكن عييت نعيط عليها و و مبغاتش تجااوبني..و و مني..

قاطعها بحدة : صافي غير سكتي ..!!!

سكت مدة عاد كمل هضرتو : وجدي ليا لعشاا انا نطلعو ليها ..!!

لخدامة هزات رااسها ..مزادتهاش معاه ..ديك ساعةة حطاات ليه جميع الاكل لي كان متنوع فبلاطو و ختماتها بعصير د أفوكاا..و مداتو ليه و هي حانية راسها ..

و هو بدورو خدااه من عندها ..و تم طالع لفوق غادي قاصد غرفتهااا ..دق لمرة لولة ..والو ..زاد ثانية والو ..

كذلك ثالثة ووالو حتى تحول وجههو حمر بأعصاب حط داك لبلاطو تمااا ..

و رجع لوور عاطي بكتفو جيهة لبااب حتى ضرب بكتفو حتى تحل ..دخل كيدور عينيه على لبيت مبانتش ليه ..سخط بلمعقول قلب لبيت كامل ووالو ..عاد تفكر لحماام ..

سمع صوت رشااشة د ليل على انهااا فيه ..

ديك ساعة حلو مع حلو مع كانت صدمتو ..

وقف فبلاصتو مقدرش يزيد حتى خطوة لقداام مخرج عينيه من هول لمنضر لي قداامو ...

وقف فبلاصتو..

مقدرش يزيد حتى خطوة لقداام ..

مخرج عينيه من هول لمنضر لي قداامو ...

حال فمو فيها و هي عاطيااه..

بالضهر و لابسة دوبيااس!

و هكاك لحمها كيبان لبيوضة كتشعشع من بعييد !

كيطلع و يهبط فيها و فنفس لوقت كينهج!

و لعرق هابط مع جبينو و انفاسو مسموعة ..!

تلافتت قافزة مني سمعات لباب غير شافتو كيفاش كيشوف فيها و هي تسمر فبلاصتها ..!

سيلين جمعات لحروف بزز : خ خرج

جاد ماكيسمعهاش عينيه على مؤخرتها كيف باارزةة و داك سترينغ لي ممغطي ليها والو ..: صمت ..

سيلين حطات يديها على صدرها كتغطي فيه و هي حمرة : خ خرج واش مكتفهنش !!

جااد ما هزش فيها عينو كاع : صمت ...

سيلين غوتاات : وخرج الخراا ! بغيت ليك شي موصيبة !!! خررررج ..!!!

جااد وعى على راسو و هز عينيه فيها مخنزر : مال زامل بوك كتحلي ففمك..؟؟؟

سيلين بلعات ريقها و هزات يديها لي كترجف و أشارت ليه لبااب : خررج فحالك !! واش مكتعرفش دق ..؟؟

جااد وجههو حمر و عينيه جمرة مسح على وجههو نطق كارز على سناانو : دقيت كثر من ثلاثة لمراات!! و حتى لخدامة دقاات !! الوغ اتجمعي عليا كرك من لهضرة ! و متبقايش تحاسبي معايا ..!!

سكت و هز صبعو سبابة فوجهها كتحدير و عينيه فعينيها كيحاول يتحكم فراسو ليا يصدق داير شي موصيبة : عندك عشرة دقائق نلقااك لتحت ! تعطلي غير ثاانية حسابي معاك أيكون عصير ..!!!

سيلين وسعات عينيها : خرج خرج د دغيااا خرج ..

خنزر فيها و عطاها بالضهر غادي خارج سااخط عينيه ضلاام ! مكيشوف والو من غير جسدها لي ترسخ ليه فدمااغو و بالو ..!! سد لبااب و تمشا بخطواتو غادي لغرفتو يدوش عاوتاني باش تطفا ديك لحرارة لي كيحس بيها ..

سد لباب هي عاد حسات بروح رجعات ليها هزات كفوفها لسما كدعي : الله يعطيك شي موصيبة ان شاء الله ..!! سير انا بغيت ليك شي تشتيتة ما يلقاو ما يجمعو فيك ..بغيت لمرض ليك لمرض لي متلقااش دواه..

تنهدات فخاطرهاا و هي ما حاملاش الموقف و ماحملاش حتى راسها ! لغلط منها هي لي مسداتش لباب ! تتنهد بحرقة ! و على زهرها لي وصلها هناا ! مع هاد الوحش ولا لقتاال كيف مسمياه هي ...! كمداتها فقلبها ما فيها لي يكبر لموضوع ! و لكن لي متأكدة منو انها غاتجي واحد لوقيتة لي غادي يقلب كلشي ! و تحرقو كيف كيعذبها نهار على نهاار ..رجعات كدوش..! دقائق معدودة حتى كانت شلات و خرجات لاوية على نصها لفوطة و فوطة فشعرها ..!!

دازت لدريسينغ لبسات عليها بالخف بيجامة دوبيااس وحدة حد ركبة ..!!و كتافها بقاو عريانين ..حيدات لفوطة حتى طاح شعرها الأسود مسبسب على كتفها مبوكلي ..! زادت عليهم بانطوفة فنفس لون لبيجامة ..!!!

جلسات مقابلة مع لمرايا و دهناات كوماج لوجهها ..و جمعات لوقفة غادة هابطة لتحت ..لقاتو فطبلة د الاكل ..دورات عينيها بان ليها طاح ضلاام ! من بعد ما خرج من عندها فالأول ! كانت ناعسة ! و من بعد ناضت دوش !هي فين دخل عليها ..!!

تتفكر هاد لمواقف كتبغي تاكل ريتها ..!! تنهدات و جلسات مقابلة معاه ..كتسوط ..! هز عينو فيها من بعد ما كان عينيه فلفون ديالو !

جاد مخنزر : تعطلتي بعشرة دقائق !

سيلين كتشوف فيه مبردة : صمت ..!

جاد بحدة : راني سولتك !

سيلين هبطات راسها على طبسيلها وشافت فلخدامة لي كتحط : غير سيري رتاحي باراكاا عليك !

لخدامة نفدات داكشي لي قالت ليها و نساحبات ..

جاد حس براسو تقمع ديك ساعة قلب عليها ديك طبلة حتى جات مع الأرض !

ناضت سيلين قافزة ! كتهز راسها بلا حول !

مرضها ! فقصها ! خرج عليها ! من نهار شافتو و هي للور ! ندمها ! ندمات على داك لحلم لي كانت باغا تحقق ! ندمات علاش خدات داك لملف الملعون ! لي هو سباب ! ندمات ! ندم معندها باش يفيدها ! دارت ذنب تستاهل لعقوبة ! بقاا فيهاراسها قبل كلشي ! و اشرف لي كان سبابها ! أكيد كانت غادي تكون بين خواتتها ! و كانت غادي تكون دبااا دارت شحال من حفلة !

كاع هادشي طاح ليها فبالها ! ما بقات كتقشع والو قدامها كتشوف غير ضبابة ! صورتو قدامها ! ما بقاتش تتبان ليها واضحة!

كيبان ليها كيهرس و يخبط !! لي لقاها حداه يزفها مع الأرض حتى تشتت ! كانت غادي طيح على طولتها كون ما شدهاش فاخر اللحضة من خصرها ..!!!

عينيه جمرة حمرين كي جغفة ددم ! عدوه لي ميجاوبوش ! يقدر يقتلو فيدك اللحضة بدم بارد ! حيث ماشي جااد لي يتقمع..!!!

هزها مكره و مخنزر ! طلعها نيشان لبيتها و غطاها ! و قرب باسها فوق شفايفها مطول! كيبرد فيها جنونو..بقاا هكاك ! حتى ولا طالب لمزيد و كثر ! ما بعد منها حتى حس بمذاق دم ففمو ..!

مسح ليها شفايفها من آثار ! وناض عليها ..! حس براسو ولا شوياا ..داكشي علاش خرج لشرفة ! و شااعل كااروه كينثر منو و ساهي قدامو كيف ديماا ! و عقلو خداام ! حتى كيرن هاتفو مخرجو من عالمو ..جبدو من جيبو وبقا شحال كيتمعن فداك رقم ..! مبغاش يقمعها !صونات ليه ليوم بزاف د لمرات ! و لميساجات مسكتوش داكشي علاش فتح لخط ..!!

جاسمين دموع فعينيها : حياتي ..!! توحشتك ! علاش ! مكتجاوبيش ! واش درت ليك شي حاجة !

جاد نثر من كاروه : صمت ..!!

جاسمين كتبكي : جاد حياتي عفاك جاوبني اش درت ليك ؟؟

جاد بصوت بااح : خاصك شي حاجة ؟؟

جاسمين بصوت مقهور : خاصني نتااا !!! بغيتك نتااا ! كون بغيت نبقاا بوحدي بين ربعة لحيوط ! نمشي عند ماما الايطالياا !!! نتاا فالامريكا أجاااد و مكتجيش تشوفني !! علاش ! علاش ! اجااد علاش !!!!

سكتات كتبكي و تنخصص ! جاد كيسمع ليها بجمود ! فحالا ما قالت والو !

جاد بصوتو جااف خالي من اي احساس : فحالا رفعتي صوتك عليا لا !!!؟

جاسمين هزات عينيها مخرجة عينيها ردات بسرعة : ءءء !! لا لا احبيبي ولله ما ر رفعت صوتي ! غير نفاعلت شوياا و و صافي !!! سمحليا عفاك احبيبي !

جااد طفاا داك الكارو : قبل ما نقطع خاصك شي حاجة !!!؟

جاسمين غمضات عينيها كاارهة لوضع كاتمة عصبيتها : لا احبيبي كلشي عندي كنبغيك بزاف

جااد بدون جواب قطع لخط ..و رجع تلافت عند سيلين لي كانت مازال مغمضة عينيها ..تخطاها و مشا لبيتو هو آخر ..

جاسمين لي قطعات لخط و زيرات على تيلي لي فاديها : كنواعدك اجاااد حتى غادي تكون ديالي !!! كلشي قريب ..

ديك ساعة دوزات لخط لشخص آخر ..

جالسين فصالون ...

مخشين فمانطة..

و كيتفرجو فتلفازة و بين إديهم طااس د لگليا ...

كياكلو و يتفرجوا مركزين مع لفيلم...

سوسن صغرات عينيه فدوك لكوبل لي فتلفازة : هممم بان ليا لبطلة كبيرة على بطل ..!!!

صفاء مكتشوفش فيها : منيتك ؟ هاديك كبر من بطل ..؟؟

سوسن خشات حبة ففمها : و شوفي تجاعيد لي فكمارتها !

صفاء حطات صبعها على فمها : غا سكتي ! دباا هاديك شارفة !!

تسنيم بهدوء مركزة حتى هي فلفيلم : صمت ..

سوسن : ولله ما كتعرفي فزين شي حاجة !

صفاء : اختي ! بان ليا نتي لي شارفة ! نكدب عليك ...!!

سوسن شافت فيها موسعة عينيها : ياااك !!

صفاء هزات إيديها بمعنى غا ضاحكة : ا لا رآه غير جربتك !!!

سوسن خنزرات فيها : دبا انا شارفة !!

صفاء أشارت لنفسها : انا ! أختي ! هي شارفة !

سوسن دورات وجهها : اوا هكاك ..!!!

صفاء هزات راسها كتبنن : أقلبيي !!! شوفي كيداير ! لبطل ! كيحمق هووف !

سوسن ميقات : منيتك ؟ حتى هذا زين !!!

صفاء : صافي غير سكتي ..!!

سكتات و تلافتت عند سوسن كتخاطبها و تأكد ليها براسهاا: عرفتي شنو أسوسن !!

سوسن هزات حاجبهاا باشنو : مالك ...؟؟

صفاء : كتعرفي داك لممثل ! لي كيمثل فداكشي د تصلق ! و ديما كيكونو معااه جوج بطلاات !!

سوسن حركات راسها بالنفي : لا معرفتوش !!

صفاء طرطقات فيها عينيها : اويلي على مكتعرفيهش ! واش دبا داك لممثل ! متعرفيهش ! اصاحبتي ! رااه ديما كيمثل داكشي خطير ! كيكونو فيه غير لقتيلة !!

سكتات ميقة : حاجة وحدة لي فيه خايبة ...؟؟

صفاء : هممم كل مرة كيجيب بطلة ! و كيعيقو بلبوساان !

تسنيم وذنيها معاهم و عينيها فتلفازة : صمت ..

سوسن : اش سميت هذا ؟؟

صفاء حطات يديها على حنكها كتفكر : اصباار نتفكر ! راها على طرف لساني ! و مشات ليا ..؟؟

سوسن ربعات يديها بنفخة : ها حنا انتسناو..!!

صفاء شافت فيها كضحك : ههه اه سميتو ناايف ال'معروفي ! يااي كيحمق ! و افلامو كثر ..!!

سوسن بلعات ريقها و شافت فتسنيم من بعد رجعات نضرها لصفاء : ءء ! ن نايف ال'معروفي ! كتهدري ب بصح ..؟

صفاء هزات راسها باه : اه هو هذاك لي عتقناا ديك نهار من دوك شماكرية ! كنت باغا ناخد رقم ديالو ! ولكن زرب علينا و دا معاه ت ...

تسنيم مزيرة على ايديها نطقات كارزة على سنانها : صافي !!! سكتوووني ؟؟؟ واش معيتوووش من الهدرة !!! مت قبيلة و نتوماااا توك توك واااش معيتوش ؟؟؟؟

صفاء : و على اش فيها إلى هدرنا على لممثل ..؟؟؟

تسنيم شافت فيها : و علاش غادي تهدري عليه اصلا !!! فاش كيهمناا هذا اصلا ؟؟ يبوس ! ولا يزمر حنااا مالنا ؟؟؟

صفاء هزات حاجبها : من هادشي كامل لي قلنا شديتي غير لبوسااان ؟؟؟

تسنيم وعات على راسها و من ردة فعلها ! اصلا هي مولفة كتكون مبردة واخا معرفت اش يوقع ! معرفاتش راسها علاش اصلا هدراات بديك طريقة ..!

تسنيم ببرودة : حيث اصلا هادشي لي سمعت ..!!

سوسن تدخلات وحنحنات : ءء صافي ! صفاء شوفي ديك لبطلة شارفة !!

صفاء مادات ما جابت : و سكتي الشارفة د بصح !!

تسنيم هزات تيليفونها ! و جمعات لوقفة خلاتهم كيدابزو ..طلعات لغرفتها و دخلات معصبة ..حلات لبلاكار باغا تبدل و هي تجي عينيها على ديك دميةة جلسات شاداها فإيديها فوق ناموسية و كتسترجع أحداث اليوم

#المرأة شدات فولدها و بتاسمات : الله يخليكم لبعضياتكم ! تبارك الل جيتو مع بعضياتكم الله يحفضكم من كل شر ! بان ليا ابنتي نتي فحالا معاجبكش لحال ! ابنتي ! انا كنت قدك ! و ضيعت حياتي غير هكااك ! ضيعت حب حياتي ! كون ما شديتو بسناني كعما يبقا ليا !! ديري عقلك ! رآه هاد ولد ناس عمرك تلقاي فحالو ! باينة فيه كيعشقك ! ماشي غير كيبغيك ! تهلاي فيه ابنتي تهلاي ..!!

نايف قرب باس ليها راسها و مازال هاز تسنيم : امين الحاجة ! كنتمنا نبقاو مع بعضياتناا ! و معمرني غادي نفرط فيها ! كاين شي واحد يتخلى على قلبو !!

المرأة بتاسمات ليه بلطف : الله يرضي عليك اولدي ! و الله يخليها ليك و يخليك ليها ..

#نهاية ...

فاقت من سهوتها و هي تلوح ديك دميةة مع الأرض تمات غادة جاايا كتاكل فضفارها معصبةة ..

هبطات هزات عاوتاني ديك دمية و قجاتها : كيفاش !! كيبوس لبنات !! هاا !! قولي ليا كيفاااااش !!!!!!! و علاااش كيبوسهم !!!!؟؟

عاودات زفاتها مع الأرض : ااععععع قالك كنبغيهااا !!! و كيبوس لبنااات اعععععع تفوو و اناااا مالي !؟؟ اش مشاا ليااا سوقي !!!؟؟

مسحات على وجهها متوثرة و غسلات وجهها و نشفاتو ..شافت فديك دمية و هي تعاود تهزها و حطاتها حداها فسرير..وتخشات حتى هي ..غمضات عينيها و عاودات فتحاتهم حيث سمعات صوت تيلي كيرن ..هزاتو و شافت فيه معوجة فمها ..

تسنيم : علاش معيط ليا سير عند هادوك لي كضل تبوس فيهم ...تفوو ..

ديك ساعة طفاتو بمراا و قربات حداها دمية و عنقاتها..و رجعات نعسات ..

صباح جديد باحداث جديدة ...

فقصر ال'معروفي ..

جالسة ام جااد إيسلي و سامر (اب جاد) فجردة د لقصر حاطة راسها على صدرو كتسمع انفااسو ..

سامر حس بيها ماشي على بعضها : إيسلي ! مالكي !

إيسلي تنهدات : معرفتش !! ليوم مامات جاسمين جايا !

سامر باسها فوق راسها : فين كاين لمشكيل ! ختك بغات تجي عندك !

إيسلي : على ما قالت ليا ! باغانا فشي موضوع ..!

سامر زير عليها فحضنو : اش غادي يكون كااع !

إيسلي : فناضرك ! جايا من الايطالياا ! على قبل شي حاجة عادية ..؟؟

سامر هز ليها راسها وشاف ليها فعينيها : تقدر تكون شي حاجة عادية علاش شاطنة راسك فحالا اول مرة غادي تجي !

إيسلي بتاسمات : هههه ولله معرفتش ! حسيت بشي حاجة غريبة..!

سامر باس عويناتها زورق : لا احياتي ! اتكون غير شي حاجة عادية ! داكشي علاش شدات طيارة ليوم !

شاف ساعة فإديه : مبقاش بزاف وتوصل !

إيسلي عنقاتو من خصرو و هو بدورو بادلها لعناق ! كتبقا ! أول بنت عرفها ! مهووس بيها ! قيسييه فعينيه و متقيسيهش فإيسلي ! كتبقا حياتو و كلشي !

دازو دقائق و هوما على حالهم حتى وقفات عليهم خدامة ..!

لخدامة حانية راسهاا : مادام إيسلي ! الاخت ديالك ! وصلات هي و زوج ديالها ..!

إيسلي هزات راسها باه ..و لخدامة نساحبات ..

جمعو لوقفة و سامر عنقها بجنب و تمو غادين خارجين ..

فعلا لقاوهم هابطين من للوطو زوج رجل فالاربعينات و زوجة فثلثينيات ..

رحبو بيهم اجمل ترحيباات و ابتسامة بشوشة على ثغرهم..

دخلو جلسو فصالون لي كان كبير بزاف ..

و كلو منقوش و فيه فوطويات دائرين فالاسود ..

لخدامة جابت ضيافة و هزو كاملين كيرشفو من قهوتهم..

و أغلب اسئلتهم عن حال و الأحوال ..

ام إيسلي سهات كتفكر بالأحداث لبارح ..

🔥 فلاش باك ..🔥

كانت جالسة و حداها بنت فلعشريناات كتبرض ليها ضفارها..

حتى كيصوني ليها تيلي ديالها مداتو ليها لبنت ..

و هي شافت رقم و دارت اشارة لبنت لي بدورها فهمات راسهاا و مشات ..

الام فتحات لخط : بنتي !

جاسمين كاملة كترعد : ماما ! سيري لمغرب..!!

الام بعدم فهم : و علاش ؟؟

جاسمين غمضات بعصبية : ماما !! متفقصينيش حتى نتي ؟؟

الام تقادات فلجلسة باغا تفهم : و شرحي ليا ؟؟

جاسمين : بغيت فهاد الاياام نتزوج انا و جاااد !!!!

الام : دويتي معاه ؟

جاسمين بالغوات : كون هدرت معاه و قبل ! كنت غادي نجي عندك ؟؟؟

الام تنهدات : اش بغيتيني نقول ليهم ؟؟؟

جاسمين بحدة : ماما !!! بغيت فهاد الاياام نكون تزوجت ب جااد و نحمل منو !!!! واش كتفهمي..!!

الام : و واخا كوني هانيا

🔥 نهاية فلاش باك 🔥

ما فيقها من سهوتها غير صوت إيسلي : هيهو ! فين مشيتي ..؟؟

الام : هاا ! لا ما مشيت فين !

إيسلي إشارات ليها لمملحات لي فطبلة : مرحبا !!

الام هزات كتدوق باغا غا امتا تجبد لموضوع : صمت ..

زوج حنحن : حم سي ساامر ! حناا نساب ! اولاا ! وولدكم جاد ولدناا !

سامر : داكشي !

الام حطات كاس د لقهوة فوق طبلة : صراحة حنا جينا نهدرو فواحد الموضوع مهيم ..!!

إيسلي شافت في سامر بلعينين فحالا كتقوليه "شتي اش قلت ليك " : اهاه مرحباا !! على حنا بيناتنا شي حاجة ! جاسمين ! بنتنا ! و كتبقا بنت ختي !

الام رجل فوق رجل : كيف كتعرفو ! بنتي كانت عايشة مع ولدكم جااد ! بدون علاقة شرعية ! و كنا صابرين ! و كنقولو عادي ! ولكن لي فهمت من هادشي فحالا نسيتو لعرس ..!!

إيسلي هزات حاجبها : نو جاامي ! ديما فبالنا !

الام : اوا..؟؟

إيسلي هزات إيدها : جوسي بااا ! هاهو سامر كتشوفي فيه ! و جااد منقدر ندير والو بلا بيه ! و نتي كتعرفيه كيف داير !

الام تفكرات نهار بهدلها قدام نساء لي كانت معاهم و هي تعقدهم : ا اه

الاب خاطب سامر : سي سامر ! اش درنا ! بنتي كانت مع ولدكم بلا زواج..! و ما قلنا عييب ..! ولكن لمدة لي دازت من هنا لخطبة ! رآه تبارك الله !

سامر كيخمم عارف ولدو اش كيسوا : صمت ..

إيسلي ما لقات ما تقول : صمت ..!

الام : اوا ! مالكم !

سامر بهدوء : هدرتو مع جاد ..؟؟

الام حركات راسهاا بالنفي : لا !

إيسلي : معرفتش واش موافق على زواج و لا لا ...؟؟

الام تفكرات بنتها و هي توقف مخنزرة : كيفاش ! معرفتيش ! متنسايش نتي ختي ! و جاسمين بنتي ! و مصلاحة بنتي كتهمني كثر من اي حاجة !!!!

إيسلي ناضت حتى هي : تهدني ! رآه خاص ناخدو رأيهم ! و جاد غادي يكون موافق ...!!

الام : رآه بزز خا..

قاطعها سامر بحدة : جلسي !!

ديك ساعة جلسات معاوداتهاش..

و إيسلي بدورها تنهدات..

حتى كيوسعو عينيهم كاملين من أثر داكشي لي سمعوه..

سامر : من هنا ل ثلاث ايام أيكون لعرس..!! و من لفوق بموافقة جااد ...!!!

عند سيلين ..

لي فاقت و دوشات ..

و رتبات نفسها كيف موالفة ..

هبطات لتحت ..

حطات ليها لخدامة لفطور و هي بدورها فطرات ..

و عيطات ليها تجلس معاها ..

شاادين لحديث هدرة تجيب هدرة ..

سيلين حاطة يديها على ذقنها : هممم قولي ليا تزوجتي و طلقتي ..!!

لخدامة حنات راسها باسف : لمكتااب !

سيلين : و علاش ..!

لخدامة : طلقني حيث مبغيتش نخدم عليه ! و بغاني انا نخلص لكرا و كلشي ! و مني مبغيتش جرا عليا انا و بنتي فزنقة ! لا حنين لا رحيم !!

سيلين شهقاات بجهد حاطة يديها على فمها بصدمة : و و بنتك ..؟ فين هي ..؟؟

لخدامة هزات فيها راسها مبتاسمة : ربي كبير ! فديك لوقيتة كان سي جااد ! مني جرا عليا شافني فزنقة ! و خدمني عندو ! و لخلصة لمخيرة كنشدها ! الله يكثر من مثالو..! حتى من دار شراها ليا هو مفرشة..!!

سيلين عقدات غوباشتها : هاداك رآه ما تعرفي علاش ناوي ! باينة كيخطط لشي حاجة ! داكشي علاش عاونك ...!!

لخدامة حلات فيها فمها : شكتخربقي !

سيلين قربات عندها : كون تعرفي هذا ! رآه واحد لمجرم كبير ! كيقتل بنادم فحالا كيقتل دبان..!!

شافتها حالها فيها فمها و هي تأكد ليها براسهاا ..

لخدامة : الله يهديك ! سي جاد الله يعمرها دار والله !

سيلين ميقات : غير سكتي ! دبا تشوفي هداك رآه حنش ! ما تعرفيه علاش ناوي ..!

لخدامة ما فهمات والو : صمت ..

سيلين : هممم و قولي ليا و داك شماتة د طلقيك ! اش درتي معاه ! متقوليش ليا ! سمحتي ليه فحقك..!

لخدامة حركات راسهاا بالنفي : لا لا سي جاد ملخو عصا و صيفطو لواحد لبلاصة خاوية فيها غير لكلاب و لحيوانات..

سيلين حلات فمها : ل لكلاب ! و و علاش لكلاب ..!

لخدامة : قالي ليا سي جاد ! غادي يربيه و يعلمو كيفاش يعدبني ! و يعدبو مزيان ! باش يحس بداك شي لي كان كيدير فيااا !

سيلين : هذا لي كتهضري عليه واش نفسو هو لقتال ..؟؟

لخدامة هزات براسها باه : ونتي اش كديري معاه هنا ! على ما سمعت هو خاطب بنت خالتو ..!

سيلين تسمرات! ما لقات باش تجاوبها و سؤالها! كيتعاود فبالها !

"و نتي اش كديري معاه هنا "

لخدامة بلعات ريقها حيث حسات براسها زادت فيه :ءء ! سمحيليا ! ولله نا كنت قاصدة ندخل فشي حاجة مكتعنينيش رآه ولل..

قاطعها صوت من لخلف : سيري لشغالك ..

تلافت بان ليا ..جاد مخنزر ! ديك ساعة جمعات لوقفة كترجف ! يلله تنطق حتى سبقها ...!

جااد : راني هضرت !!!

حنات راسها و دخلات لكوزينة تكمل شغالها و هي كتويل ..! جاد شاف فسيلين و دار ليها اشارة بإيديه باش تبعو و هو طلع فحالو ..

سيلين غززات سنانها : ولله لا تبعتك يلله !

دقائق و هي غير كضور فعينيها...

حتى سمعاتو كينادي ليا بصوتو لمرعب..!!

نااضت مغضضة عليه..

طالعة عندو لقاتو كيف لعادة فشرفة ..

و كاروه فإديه كينثر منو و ساهي قدامو ...!

سيلين :شكاين عاوتاني...؟؟

تلافت عندها مخنزر : جلسي ..!!

سيلين تفافات : لا ..

جاد هز حاجبو و طفا كاروه و بدا يقرب عندها : اهاه ..

ديك ساعة جلسات : هانا جلست ..!

جاد بصوت جااف : فااش كنتي كتهدري نتي و لخدامة ..؟؟

سيلين : ماكنت كنهدر معاها فوااالو !!!

جاد بحدة : سولتك جاوبي ! ولا ..!

قاطعتو : قالت ليا غير على راجلها..

ما جات فين تكمل هدرتها حتى لقاتو طاار على شعرها !غارس ضفارو فيه نطق بصوت كيزعزع : كيفاااش دوات ليك على راجلهاا...!!!

يتبع...