نايف هز براسو و هو تيغوت محاسش براسو اش كيقوول : راك خانقاني و بزاف كااع ! ديماا نايف فين غادي ؟؟ فين جااي ؟ و علاش غادي ؟ فين و علاش و كيفاش هادشي تيبقاا خااص بيااا !! تتختقييني اتسنييم تتخنقييني ..!
تسنيم مخرجة عينيها فيه جلسات فاشلة تدورها فراسها ! زادت فيه ! شكون هي ! زوجتو ! خطييبتو ! حتى وحدة ! فقط جالسة معاه فبيت واحد بدون علاقة شرعية ! فحالها فحال اي وحدة تلات بيها الاياام !
بلاما تحس لقات راسها غرقات فدوامة الأفكار و الى بقات تتفكر ما غادي تحصل على والو ..داكشي علاش ناضت و نفضات راسهاا ببرودة تامة ! فحالا ماشي هي لي كانت دبا تتغوت ..طلعات فوق بيتها ..مخلية نايف مخرج عينيه مصدووم من ردة فعلها و حركتها لي مطاحتش ليه على لبال ..
تسنيم سدات باب بيتها دخلات لحمام ووقفات مقابلة مع لمرايا تتشوف فنفسها ..قلبها تقبض عليها ..بزاف دالاسئلة طاحو ليها فبالها ..
"اش كديري اتسنيم ! من امتا وليتي هاكا..؟"
"علاش تبدلتي اتسنيم ؟"
"و الى مكانش كيبغيك ! أشنو غادي تبززي عليه راسك ؟"
"علاش غادي يبغي وحدة فحالك مدوزة الحبس ! و من فوق قاتلة ! "
"شكون غادي يقبل ببنت كلها وشمات ! و شعرها كي زوفري ..؟ "
بتاسمات بسخرية على تفكيرها ! كاع هاد الأسئلة طاحو ليها فبالها ! بدون وعي نزلات دمعة حارة على خدها ...!
شريط حياتها كامل داز قدام عينيها !
" موت الام ديالها ! ونهار مشات لبلاد أخرى ! فراق خواتتها ! تحرش الزبناء ! لقتل ! معاناة لي دوزات فلحبس مع فاضمة ! و شعرها لي تقطع ليها بلا درة إنسانية "
طلعات نفس و هبطاتها و مسحات دمعتها و نطقات و هي كارزة على سنانها و ببحة خاطرة و مع نفس حارة : شكون غادي يقبل بيك اتسنييم من غير رااسك !! الى مدرتيش لعز لراسك مكاينش لي يديها فيك !! كنتي بوحدك و اتبقاي ديما بووحدك تقبلييها نتي بوحدك و اتبقااي ديما بووحدك ...!!
كانت هادي هي آخر هضرتها قبل ما تخرج من لحمام ..و دوز تجمع حوايجها كاملين فشاانطتهااا واغراضهاا كاملين ..و تمات غادة هابطة ..دخلات صالون لقاتو على وضعيتو..جالس شاد راسو ..
نطقاات ببرودة قاتلة : منصحكش تبعني ..!
تلافت غادة خارجة لكن شد ليها نايف ايديها ..
نايف : فين غادة ..؟
تسنيم ببرودة أكثر من لول : فحالي ! علاش عندك شي مشكيل ..؟
نايف فحالا صرفقتييه : ك كيفاش غادة ف فحالك ؟
تسنيم هزات حاجبها : وات ! كيفاش غادة فحالك !
نايف تيتصعق من هدرتها : تسنيم واش نتي بييخير..!
تسنيم بهدوء نترات منو : بيخير و نتااا !
نايف تلفاتو و دوخاتو ما عرف ما يدير..
ايديه كيترعدو و كيعراقو غير بوحدهم ..
نايف حلقو نشف نطق بحزن و بحرقة : واش غادي تخليني و تمشي ..!
تسنيم ببرودة : اه نهاية وصلنا لفينال ..
إيسلي : نهار حفلة خطوبة جاسمين و جاد كنتي نتي لشرفة و كان كلشي غزال ! وولدي جاابك هنا عاوتاني على قبل تنضمي حفلة زواجو بجااسمين ..!
سيلين يلله اتنطق حتى قاطعها جااد فاش نطق ...
جاد : لا مجبتهاش على اساس مشرفة لشي عرس ! جبتها على اساس مرااتي..
لحضة صمت ! سكات ! صقيل ! كلشي مخرج عينيه مصدوم ! لا تقل صدمتهم على سيلين لي طاس د لقهوة طاح ليها من إيديها و رجليها فشلو عليها ..و جاسمين لي مبقاتش تترمش نهائيا ..و سامر و اب جاسمين ناضو قافزين ..و إيسلي و ام جاسمين بقاو جالسين موسعين عينيهم على جهدهم ممتيقينش ..كانت صدمة ثلاثية الأبعاد لي تعرضو عليها مكانتش على لبال !
اما هو كيشوف فيهم و مهدن..
سامر : اش كتخربق اجااد ..؟
اب جاسمين : كضحك معانا ياك ؟
جاد شاف فيه : لا ..
اب ج: و و بنتي ؟
جاد شاف فجاسمين لي حاطة ايديها على فمها جامدة : بنتك اتبقاا معززة مكرمة !
جاسمين : ي يعني نتا غادي تخلييني ..ءء ل لا لا مستحيل يوقع ه هادشي ا أكيد انا كنحلم اه انا كنحلمم ...
بقات تدور فراسها فحال شي حمقةة ثواني معدودة حتى طاحت فالارض تتنتف فرااسها و تجدب و تتغوت و مها تتهز فيها من على أرض و إيسلي معوناهاا و هي بنفسها مصدومة ..
فحين على إثر الغوتة سيلين فاقت من صدمتها ووقفات مخرجة عينيها ..
سيلين بلعات ريقها و هي تتشوف نضرتهم ليها لي كانت تتعبر على الخدلاان و العتاب : رااه ولله ح ..
قاطعها جاد فاش نطق : معندك ما تفسري ليهم ! هدرة وحدة قلتها !
سامر بغضب : جاااد !! تبعني لمكتب ...
جاد هز ليه راسو باه و سامر مشا لمكتب معصب من هدرة ولدو... و إيسلي طلعات غرفتها تشرب دواها ..و جاد شاف فسيلين بدون ما يعطي اي اهتمام لجاسمين لي تتبكي ..شد سيلين من ذراعها غادي طالع بيها فوق و هي تتنثر منو ..و تحت مازال جاسمين مصدومة...
جاسمين : شنو دباا خطتي كاملة فشلات !
امها تحنات عندها تطبطب عليها : الى منجحاتش هادي ! اتنجح وحدة أخرى ! اي حاجة عندها حل ..!
جاسمين هزات راسها : اه اي حاجة عندها لحل..
نرجعو نطلعو فوق فغرفة جاد لي غالب عليها لون الأسود ...
سيلين بانفعال تتغوت : علاش تتكذب عليهم هاا ؟؟
جاد شاف فيها مخنزر : ماشي سوقك !!
سيلين : كيفاش ماشي سوقي ؟ هاا ! واش تتقوليهم مراتي من بعد تقولياا ماشي سوقك ؟
جااد فحالا مسمعهاش تم غادي خارج مخليها تتغوت مورااه و تخبط فديكورات لي تما و تشير بييهم..فحين جااد هبط نيشان لمكتب بااه داز من صالون مداهاش فهادوك لي تما ..دخل و سد لباب موراه ..
جاد ضرب واحد لوجيستر كان فوق لمكتب حتى تلاوح فالارض ورااقو تشتتوو : اش كتخربق !!! جاسمين !! خطبتهااا غير باصرااركمم و مبغييتش نردهااا فوجه لوالييدة !! ماشي بين ليلة و نهاار نتزوج بجاسمين..!
سامر : علااش شنو تبدل دباا !! كيف خطبتييها نهار الأول تزووج بيها !! فين كااين مشكيل ؟؟
كانت هادي آخر جملة قال قبل نا يخرج من مكتب زادح مووراه بااب على جهدوو ..معصبب لأقصى حد ! بالنسبة لييه زوااج بجاسمين مستحييل !! كان خاطبها ! ولكن هادشي متيعنييش انه يتزوج بيهاا !! يقدر كون مبانتش سيلين فحيااتو يتزوج بييها !! ولكن لمشكيل فهادشي كامل و لي تيضرب لساامر فرااسو و باغي يلقا الحل ليه ! هو شنوو تبدل !! على أين كان ايتزوج بيها طال زماان ولا قصاار ! لكن سبب مجهوول !!
جااد طلع فوق لغرفتو لقاها مقلوبة سفاها على علااها كلها مرونة و كلشي مهررس ..بقا غا كيشوف ..عض شنايفو مزيان تيبرد فيهم حر الغضضب ..دخل لدريسينغ لقاها جالسة تماا كيفما توقع ...شاافتو كحلاات. بلعما...
سيلين ناضت : قول ليا اش بغيتي عندي ؟
جااد جلس فلفوطوي و جبد كارووه تينثر منو و سااهي عقلو خدام ! بالنسبة ليه ماشي وقت هدرتها لخاوية ! وقت صح و خاصو يفكر و يركز ..هادشي تيتعللق بمستقبلوو ..
سيلين بجنون : دوي !! اش بغيتي منيي !!!
جااد ساهي : تبغييك لمووت...
سيلين مسحات على شعرها مكرهاتش تلاح عليه و تقتلوو تيستفزها لأقصى حد : دوووي اش بغيتي منيي !!! رااه صافي هادشي طلع ليااا فراسي و فصحتي !!
جااد نثر من كاروه : صمت ..
سيلين فقصها مني تيخليها داويا بوحدها ...شافت تعيات و هي تخرج من تماا غادة حمام تبرد ديك لفقصة لي واحلة ليها فحلقها ..غسلات وجهها و دموعها على طرف شفاارها ! تتحس براسها وحيدة ! و ما بإديها حييلة ! و أساسهم هي الحكرةة لي تتنهش ليها فلحمهاا ...تنهدات تنهيدة طويلة خارجة من اعماق قلبها ..
و خرجات ..عاودات دخلات ديريسنيغ لقاتو باقي تيكمي ..مدواتوش ..حلاات لبلاكاار لقاتو خاوي و فيه غير حوايجو ..خرجات عاوتاني معصبة ..وحلاات لباب غرفة لقات شانطة ديالها هي و جااد قداام بااب ..هزات ديالها و خلات ديال جااد ..دخلات حمام لبسات ببيجامتها و جمعات شعرها ..و تلاحت فسررير ..وغطات و غمضات عينيها مخلية كلشي فإيد الله ..
داخل دريسينغ جاد لي كمل كاارووه وطفااه ..ساس حوايجو من بعد ما رتب افكاارو و عرف اش بااغي ..لقاها ناعسة ..
قرب تيشوف فيها و مع كل شوفة تيمل وجههو كامل حتى تيتقابلو وجهووم تيتمعن فملامحها ..فكل ما كتجييه لفرصة كيحاول يبقاا يتمعن فجمالها ..تنهد فخاطرو و خرج بخطوااتو وسد مورااه لبااب ...
مشا لجردة بقا واقف و خااشي ايديه فجياابو ..و مقابل مع بيسين تيشوف و عقلو و تقول واش حبس من تخماام...حتى حس بسامر وقف جنبو ..
سامر : جااد واش فكرتي...!!
جااد :لواليد هضرت معاك فهادشي ..!
سامر شاف فيه : علاش اجااد مبغيتش تزوج ببنت خالتك ؟
تلافت بانت ليه مامااه إيسلي واقفة ! تمشا بخطوااتو غادي عندها ..باس ليها فوق راسها و مشا بلا ما يقول اي كلمة ..مخليهم فحيرةة و فوضع متبغييهش لعدووك ..
طلع فووق لغرفتو لقاها على وضعيتها ناعسة .. طول فيهاا شوفة من بعد كتافا انه يتنهد...دخل لحماام دوش عليه ..و داز لدريسينغ لبس عليه بالخف رش عطروو و تقااد ..و تم خارج ..شاف سيلين لقاها باقاا ناعسة ..
سد بااب مورااه و خرج غادي لوجهتوو...تحرك ركب فللوطو ديالو و كسيراا مقلع مخنزر ...ما وقف حتى وصل قداام واحد لباار كبير من افخم الملاهي ..دخل بكل طولتو و لهيبة سابقااه و تخنزيرة من بعيد تعرفيه واصلة بيه لعضم ...
بنات شافووه و ضحكوو و عينيهم خرجو منهم قلوبةة ..لبسهم ..لمعري كثر من المغطي..و شعر مطلوق و لعكر حمر من بعيد تيشعشع .. فوسط ساحة كبيرة فيها الأضواء بالاوان و لموسيقى بنات و اولاد كلشي تيرقص ...
يلله ايجيو عندو جوج بنات من تماا باغين يتعلقو فيه ساعة معامن ! كان دفعهم بجوج حتى كانو ايجيو طايحين ..مخليهم مخرجين عينيهم ..
حجز ليه طبلة جاات معزولة ..و جلس طالق ايديه و تيشوف فبنادم و ساهي ففراغ فنقطة وحدة ! دقائق حتى شير بإديه لسربااي ..لي هو بدورو جاا فإديه صينية ..كدييير ليه غير اشارة بإيديه و هو بدورو فهم بلي خاصو يجيب ليه شرااب...داكشي لي كان جاب ليه كااس قبل ماا يمشي سربااي سمع صوتو ..
جااد بصوت بااح مد ليه لكاس خاوي : جيب ليا قرعة !
سربااي مخرج عينيه ..ديك ساعة هز راسو باه و نساحب غادي ينفد ليه طلبوو ..مدازش بزاف لوقت حتى تم جاي و جايب ليه قرعة د لويسكي كبيرة و معااها كاس كبير ..كيف لعادة جاد دار ليه إشارة بإيديه باش يمشي و هو مشاا ...
عمر كاس لول و نزل عليه ..زاد ثاني ! و ثالث و راابع..بقا هكاك حتى ساالات لقرعة ..و هو محاسش بالوقت و لا بنفسو اصلا ...عيط على سربااي و طلب قرعة أخرى ..جابها ليه و بقا تيشرب عاوتاني بلا عقل ...فحالا تيشرب لما ...
سرباي مراقبو من بعيد و مخرج عينيه ..حتى شافو عاود عيط ليه بلع ريقوو بصعوبة و تمشا عندو ..وطلب منو كذلك قرعة أخرى و سربااي مشا جابها ليه و هو متردد ..و جااد بدا نفس لعملية لي دار مع باقي قرعاات ..
كيعمر كاس و ينزل عليه ..حتى جااب كااو !! و عينيه رجعو نايمين و معسليين و كيتمايل يمين و يساار ...من بعييد دوك لبنات لي دفعهمم شاافوه جااب لكااو و هو يمشيو عندو كيجريو ..جلسو جنبو وحدة حطاات ايديها على صدرو و لخرى تتلمس ليه فوجههو و تتضحك معاه ...
و هو غير كيشوف فيهم عينيه تيحس بيهم قدامهم ضبابة ..
واقفة صفاء قدام لمرايا د صالون و حالة فمها فراسها و تتحط ايديها على حناكها و تبقا هابطة بيها على وجهها ..و سوسن واقفة حتى هي جنبها تتشوف فراسها .. بجوج مصدومين من شكلهم ! تيبانو فحال شي اميرات ..صفاء بلبستها لكحلةة واصلة حد لفخااد جات لاصقة عليها من لخصر ..ومن لتحت هابطة شبكة ..و كتافها كاملين عريانين ..وغير سميطاات ..و شعرها لقصير طالقااه و مرجعة گصتها فجنب و بعض خصلات شعرها طايحين ليها على وجهها ..و مكياااج صاارخ و من عيار ثقيل ..و صباط طالون فنفس اللون لكسيوة ..كتبان سو سيكسي..
و سوسن لابسة كسيوة فالاخضر مستييلية..و حد صدرها ..، معندهاش نهائيا صيمطات ..و فخصرها محزووم خيط رقيق د لكسوة فالاصفر ..كتافها هي أخيرة عريانين تماما ! و شعرها حتى هي طالقااه و مبوكليااه كامل بوكل خفيف ..و مكيااج مثل صفاء صاارخ ..تتبان سو كيووت ...
تيشوفو فنفسهم مبهووضين..
لكوافورة من لوور : بروجولة جييتو واعراات ليوم طاايح كثر من ناايض ..
سوسن تلافت عندها : معرفتنييش ..؟؟
لكوافورة : بصيف متعرفيش راسك و نتي تتباني واعرة ..
صفاء تتمعن فنفسها : اربي و شحال تنبان زوينة...!
لكوافورة : من شحال هادي ازين ..نتي زوينة ..
سوسن : ناري هاد ختنا شحال تتطلع المعنويات !
لكوافورة جلسات تستراح : قاصح حسن من كذاب ! منفقوكمش ! جيتو فناات !
صفاء جلسات حداها و باستها : هادي هي صحبة و لا فالاا ..
سوسن : و لاهيلا ! واخا مخدمتيش ليا على عينيا مزيان بنت واعرة !
لكوافورة : و زدتو فيه ! نوضو دبا رآه طناش و نص منوينش !!
سوسن هزات بوشيط ديالها و مصات شفايفها : صفاء ! و زربي اصاحبتي !
صفاء هزات حتى هي بوشيط ديالها لي فالابيض ..
و خشات فيه تيليفونها و عكر احمر..
و شافت فصاحبتتها كوافورة : لمهيم ها حنا مشينا ! حتى ندوز عندك !
كوافورة : صافي ازين طريق سلامة ..
هزو جلايلهم ! و أغراضهم ! و تمو غادين ! ركبو فللوطو و صفاء كسيرات غادة لوجهتها لي هي لفاك ..مسافة طريق كانو قداام لحفلة ..هبطو بكل انوثة و ريحتهم سابقااهم ..تمشاو غادي داخلين من بوابة كبيرة و كاملة مليئة بالوروود و فالارض كذلك الوروود ..و اضوااء بالألوان ..و لي كارد على برا و دنياا مروجة ..و عامرة ! ها لي طالع ! ها لي هاابط !
مع كل خطوة مع كل ابتسامة عريضة ! فرحانين برااسهم ! كلشي خاضيهم و حالين فامهم فيهم ! تيبانو غزالات ! و اغلب الانضار عليهم ...دخلو مع واحد لكولوار طويل فيه طاابي طويلة و عريضة فالاحمر و فيه من فوقو الورد فالابيض ...ختارو طبلة و مشاو وقفو جنبها وحدة مقابلة مع وحدة ديك ساعة جا سربااي فإيديه كيسان د لعصائر ..
غافيلين على دوك لعينين لي كيشوفو فيهم من طاابق العلوي و عينينهاا خارجين منهم شرارة و الحقد و سم و قلب اسود بدون رحمة ولا شفقة ..
شكون من غير سليمة لي طول هاد ليومين و هي كتسنا فهاد اللحضة بفارغ الصبر ..حداها شخصين رجلين واقفين مقابلين معااها تيتسناوها تهضر ...
سليمة بتاسمات بخبث : هاهوما جااو ..!
شخصين هزو عينيها فيهم و نطقو قد قد : و شنو لمطلوب منا حنا ؟
سليمة تتضحك : ههههه عاد باقين تتسولو ! كنت باغا نخرج غير على ديك لحقيرة ديال صفاء ساعة جابت معاهاا حتى عشيرتها اذن وحدة ليك ووحدة لصاحبك..؟
شخص 1 : تقدري توضحي اكثر ؟
سليمة : اش مفهمتتيييش !! وحدة ليك ووحدة لصاحبك ! بغييتك تكرفصوهم لياا بجوجههم عذبووهم و اغتاصبووهم بجووج ولكن هادشي ماشي دباا ! حتى تبدا تخواا الحفلة باش تاخدو راحتكم مزياان !!
شخصين بتاسمو ابتسامة حيوانية عريضة : أوامرك !!
فلحفل واقفة صفاء و سوسن مقابلين مع بعضياتهم و تيهدرو و يرشفو مرة مرة من عصيرهم ..
سوسن : احسن حاجة درتي فحياتك ! هي مني جبتينا لهنا ! ولله حتى قلبي تفااجاا !!
صفاء رشفات من قهوتها : على مالكي كنتي مضمرة !!
سوسن : فحال داكشي !! روتيني اليومي هو فيقي صبااح بلا ماكلة و صابحة عند طبيبة لحمااق ..!
صفاء : انا معرفتش لاش تتمشي عند هاد طبيبة !!
سوسن تنهدات : أودي قصة طويلة لهدرة بزاف و سكات احسن ..
تحركو جلسو فيها و جابو ليهم لمملحات و العصائر و هوما تيهضرو ...
فطابق العلوي ..سليمة لي تتاكل فضفارها بتوثرر و معصبةة و تتشتف برجليها مع أرض ..تتهدر غا بوحدها ..
سليمة و عينيها على صفاء كيفاش تتضحك : كنحلف ليك حتى غادي ندمك و حياتك اضييع قدام عينيك و ديك ساعة شوفي شكون يقبل بيك ديك ساعة زيتك مغادي ينفعك بوالو ...
شتفات عاوتاني برجليها مع الأرض و غوتاات على دوك الأشخاص لي كانو برا ..وقفو وراها ...
شخصين : نعام
سليمة تتضحك : كيف كتشوفو لحفلة عاد بداات !! و لعب حتى هو غادي يبداا !! سمعو مزيان و ركزوو مديرو والو حتى نعطيكم اناا اشارة !! خاص لحفلةةة حتى تخوااا عااد نشووف كيفاااش نتصررف ..
شخص 1 :دباا واش ديك لبنت لي لابسة لكحل ! هي لي نعدبووها و لا لي لابسة أخضرر ..
سليمة برفض : لا لي لابسة لكحل ..!
شخص حال فمو فصفاء و فلبسها لمعري : الله يحفضك أختي سليمة ..
شخص 2 تيشوف فسوسن هو آخر حال فمو : سيري أختي سليمة الله يعزك ..
سليمة خنزرات فيهم : سيرو تنعيط ليكم ...
من وراا لبلاكاار لي فنفس لغرفة لي فيها سلمية و شخصين تتصنت عليهم لبنت لي كانت تتستفز فسليمة و قالت بلي " اتصيفط وحدة لقبر ووحدة لحبس "
مزيرة على ايديها و مخنزرة و هي ملتمة بلتاام اسوود ..وقب فوق راسها ...
بنت بهمس : الله ينتااقم منكم بجووج .الى كنتي أسليمة نتي دارسة خطتك ..انا رآه غادي نطبقها و قبل منك غادي نخرج عليها و نتبعك بيها غير صبرو ...
كي كيقولو ناس زمان ! تمشاا فين ما ممشاك الله ! داكشي لي دااار زيد و عماد لي كانو نافريين هاد الحفل و لي فييه .. و مكانووش حاملين الجو ..و عماد قتارح على زيد انهم يجيو غير ينشطو و يمشيو ..
خاارج لحفل ..وقفات للوطو ديال زيد و نزل منها هو و عماد ..زيد بكوستييم اسود ..و بكرفااط و لحية مطرااسية باتقاانية و سااعة فإيد آخر مااركة ..و عماد كذلك بكوستييم برمادي و بدون كرفااط ..و ساعة حتى هو فايد..و شعروو طاايح ليه على جبهتوو ..و سنسلة خفيفة متتبانش الى محققتيش فيها فلعنق ..
داخلين بكل طولتهم و عرضهمم و ايديهم فجياابهم بكل وساامةة و اناقةة ...زيد غا مخنزر فلبنات ..و عماد راسم شبه ابتسامة ..تحركو خداو طبلة بدون كراسة جات فجيهة ثاانية من لحفل ..وطبلة بدون كراسي..وقفو تما و خدااو كاس د لفودكاا بجووج ..
عماد و هي تيدور فعينيه : لاهيلا ! كيف قلتي صفاء مجاتش...
زيد : و مكانتش غادي تجي ..
عماد : امم ووعلاش زعما !
زيد خنزر فواحد لبنت لي تتدير ليه إشارة بإيديهاا زعما اجي : و شوف لقحبااا...
عماد خرج عينيه : دباا صفاء ولات قحبااا..!!!
زيد تلافت عندو مخنزر : سكت اولد القحبااا !! بزاف على صفاء تكون فحال هااد لقحباات د زب ...
عماد : هي مشيت زاالق !
زيد : هاد لمرة الى زلقتي عوول على رااسك مشييتي ...
عماد هز فيه حاجبو : و تسخاا بياا !
زيد : راسي و نسخاا بيه عاد نحيرر فيك انت !
فكرة وحدها فبالهم ! هي صفاء و سوسن ! مكاينينش فلحفلةة ! و مموجودنينش بين هاد العنااصر ! و ان صفاء سمعات هدرة زيد ! و عماد ما قال ل سوسن واالو ! لا سيري لا بقااي ! بكل بساطة ! هو معندوش حق يتدخل فيها ! عكس زيد لي حط قراارو على صفاء ! و أمرها تنفد امرو ! لكن معامن ! دارت لي فراسها ! و حتى عماد كان باغي يمنع سوسن من انها تجي لحفل ! لكن فكرة وحدة فبالو ! هي مخاصوش يتدخل فيها ! ماشي من قاعدتو يتحكم فشي واحد !
#فطبلة صفاء و سوسن ..مازال شاادين لحديث و هردة ! يسالي موضوع ! يجيبو موضوع آخر ! لمهييم سكات و لملل ميكونش ! صانعين جو خاص بيناتهم خالي من مشاكيل ! و فيه غير ضحك ...!!
سكتو من لهدرة فاش وقفو عليهم شخصين رجلين تيطلعو و يهبطو فيهم بأعجااب ...
سوسن هازة حاجبها : نعاام الخااوة !!
رجل حنحن : حم حم سمحيلينا ا انسة على هاد دخلة ..
سوسن : كتوقع ! تقدر دبا تفضل تمشي فحالك و شكراا ...
رجل 2 تيشوف فصفاء ووجه هدرتو ليها : تقدري تشرفيني بشي رقصة لا كان ممكن !!
صفاء برفض : لا ..
رجل لاخر عجباتو سوسن و حمقااتو : و انا تقدري عفاك ترقصي معايا !
سوسن شافت فسليمة و نطقات بصوت ثقيل : ا اش درتي ل لينا نتي ..
سليمة بتاسمات و دورات عينيها على لقاعة لقاتها مسطوكية مازال عامرة و من فووق هوما جااو فبلاصة معزولة و ما فيهاش بنادم.. يعني لخطة كانت من مدروسة من اولهاا ..و بالصدفة مشاو جلسو فطبلة لي فيها كراساا ...
سليمة قربات وجهها من سوسن : درت داكشي لي خاصو يداار ...
صفاء متتفرزش لهدرة مزيان : أ اش د د د درتي ..
سوسن شادة فطبلة و هي مرخية و جسمها فااشل تماما : سيري االله ياخد فيك لحق ..
صفاء راسها كيزدح : ر راسي ..
سليمة عينيها غير كيدوورو لا يشوفهم شي واحد ولكن كان كلشي كيهضر و لمووسيقى حتى واحد ما رد لبال ..جبدات تيليفون ديالها و صيفطات ميساج لدووك أشخاص بالخف ..مدازش بزاف حتى تموو جاايين ..حتى وقفو عليهم ..
شخص : قلتي لينا حتى تسالي لحفلة ! ولكن بان ليا لحفلة عاد بداات ..
سليمة : معنديش صبر لي نبقا نتسنا ! حتى تسالي لحفلة ! دير داكشي لي كنقول ليك بلا متناقشني ..
هز راسو بااه و شخص لاخر تيشوف فسوسن حتى ريوكو طااح ما حس غير بضربة لرااس ..
سليمة : الخراا فين كتشوف ! حتى تديها و دير فيها ما بغيتي ..
شخص هز برااسو و سكت ..و سليمة خرجات عينيها مني شافتهم غادي يفقدو لوعي ديك ساعة شداتهم بجوج من إيديهم كتبثهم ..
سليمة تتعصر : ماشي دباا ماشي دباا ..
شخصين بجووج كل واحد شد كل من صفاء و سوسن من إيديهم..
سليمة : ديوهم نيشان لغرفة لي لفووق بلا ماتلفتوو لحفلة مازال عامرة اذن عارفو تستاغلو كلشي لصالحكم ..
شخصين هزو راسهم بااه و هي دارت ليهم اشارة بعينيهم وهوما فهمووهاا ..كل واحد فيهم تم غادي جاارينهم و متكينهمم على كتفهم و كيضحكووو ..و سليمة حاضيااهم و بتاسمات بمكر مني شافتهم قلبوو دروة لغرفة لي قالت لييهم ...تنهدات براحة و خدات كاس د لعصير من عند سربااي و نزلات عليه تتضحك ..
عند شخصين لي شاادين سوسن و صفاااء طلعوهم نيشان لغرفة لي قالت لييهم صفاااء و دخلووهم و سورتو موراهم لبااب ..و لاحووهم بجووج فسررير حتى ششهقوو نصف شهقة ..و هوما شبه مغيبيين محاسيينش بلي كيدوور بييهم ...بداات تيحيدو قميجااتهم و تيضحكووو بضحكة شيطاانية ..نسلووو دووك لقميجاات و واحد شاف فلاااخر و عاودو ضحكووو بخببث ...
بدون ساابق انذاار كل واحد تلاااح على وحدة بثقلهمم كاامل ..شخص لي شااد صفاء نسل ليها صبااط ليا كانت لابسة ..و طلع فووقها حتى شهقات مخرجة عينيها وفنفس لوقت فاشلة على لحركة ..و شخص لي فووق سوسن هز لسوسن ايديه فووق و بااسهاا فإيديها مع ديك لحركة مع بدات تتحل عينيها بثثقاقل ..دورات عينيها لقات صفاء طالع فوقها هذاك و تيضحك و هي فاشلة ...سوسن ممتيقااش اش تتشوف تيصحاب ليها غير كتحلممم حتى كتشهق بخفووت مني شاافت شخص قطع لكسوةة على صفاااء حتى تقطعات ليهااا على لحمهاا و بالضبط كتفها ...
لتحت زيد لي تيهدر مع عماد ما على بالهم بوالو و باشنو وااقع ..فايديهم كااس د لوييسكي تيرشفوو منو و تيهدرو فموااضيع مختلفةة طبعاا عماد لي كيجبدهمم ...
عماد : كيفاش زعما !!
زيد : معرفت !! قالك لواليد يتزوج بجوج ..
عماد : شكون هي هاد ثاانية !
زيد : حتى نعرفها و نقول ليك ..
عماد : هي نتاا مكتعرفهااش !
زيد : الى بغيتي ..
عماد رشف من كااسو : باينة اتكون شي تيتيزة ..
زيد خنزر فيه : بشااخ كون سمعك كون حوواك ..
عماد : شنو زعما يكون كيبغيها !
زيد هز فيه حاجبو : اش بالك !!!
عماد : نكذب عليك ! جاد طبعوو صعييب بزاف ! و نتا خووه و عارفوو اش كيسواا !! لسااانو خاايب ! و ايدو كتهدر كثر من فموو ! و لي قرب ليه من حاجتو تايكوون حساابو عسير ! و هادشي كلشي عارفو ! شنو زعما يكون كيبغي هاد لبنت لي على قبلها مبغاش يتزووج ببنت خالتو !!
زيد هبط عينيه لساعتوو ليدوية : ولله ماعرفت !! مكيعااود هو لأحد من غير ل باا دريس !
عماد بامتناان : داك رجل شحال مخلق ! و هضرتو كيف حلوة ! غير عسل ! تانا بغيت نعاود ليه !
زيد بتاسم بسخرية : علاياش باغي تعاود ليه بالضبط على شحال من وحدة تتحوي فنهار ..
عماد خنزر : مكتعرفش تهدر ازبي كيف عباد الله !
زيد يلله ايجاوبو حتى سمع صوت لفون ديالو ! شاف فيه نص شووفة و هزو من جيبو شاف رقم و هز حاجبو ..حييث رقم غريب لي تاصل بييه مطولش شوفة نهائيا دغيااا قطع ..
عماد : صونا عليك شي واحد ؟؟
زيد : اتكون غير شي حاجة تافهة !!
عماد هز برااسو : هاد الأغنية لي دايررين شحال مملة و صوت نااقص ..يلله نرقصو مع شي بنات ..
زيد : لا ازبي !
سكت مني سمع صوت لفون ديالو عاوتاني تيصوني زمجرر بغضب و جااوب بعصبية ...
زيد : مالنا ؟؟
شخص : سي زيد هذا !!
زيد : هو هذا غير طلقهاا !!
شخص : خووك أسي زيد ! كاين فلملهى و شرب بزااف و ناض كيغووت و كيقول جيييبو ليا مرااتي ...
زيد صعقووو ديك ساعة قطع مخنزر ..هز سوارتو و يلله ايمشي فحالو حتى سمع صوت عماد ..
عماد : فين غادي ؟ و علاش معصب ؟؟
زيد تلافت عندو و غوت : جاااد ازبي !! قالك داير لييهم رووبالةة فلباار و كيغووت جيبو ليااا مرااتي ...!!
عماد خرج عينيه مصدووم : هذا جااد ! متأكد ..؟
زيد : لا هذا لي حوااك عرفتيه دباا ؟
عماد : شنو دباا القلااوي واش غتمشي !
زيد خنزر فيه و غوت : واش القلاوي واش غادي نبقاا هنااا!! و نشوف فلقحااب و نخليي خووياااا يزيد يدديرر شووهةة ؟؟؟
عماد تبعو : يلله اعشيري انمشي معاااك ...
زيد بلا ما يجااوبوو خرجو و ركبوو فللوطو و زيد كسيراا مقلع حتى تحكو رواايض مع اررض ...
سوسن ممتيقااش اش تتشوف تيصحاب ليها غير كتحلممم حتى كتشهق بخفووت مني شاافت شخص قطع لكسوةة على صفاااء حتى تقطعات ليهااا على لحمهاا و بالضبط كتفها ...و زادت شهقات فااش باسها داك شخص من كتافها لعرياانين ..
صفاء و سوسن لمنووم دار فيهمم ماا بغاا !! لسانهم ثقال ! و راسهم أكثرر ! و إيديهم فشلو ! و صفاء كانت أكثر محاساش نهائيا بوجود اي واحد ! غير تتشوف و ساكتة لكن لقلب عالم بلله غير الله ..و سوسن دمووعها على طررف شفاارهاا ..
شخص تنهد و بدا يتحااك معاهاا : صافي معليش نقديو شغل و نتي نااعسةة !!
في مكان ثاني ...
وقفات للوطو ديال زيد قداام لملهى هبط كيف شي إعصاار ...و عماد تابعوو من لوور ..ما وقفو حتى وصلو قداام طبلة د جااد ...لقااوه كيف كيتوقعوو كيغووت و يهررس فطبالي...غير شاف زيد و هو يخنزر ...
جااد : اش باغي نتاا ؟؟
زيد تيهدن لوضع : هانتا غير تهدن اجااد و خلينا نهدرو !! هادشي لي كدير فيه رآه ممزيانش !!
جااد شد فلكرسي حيث كان ايطيح نطق بصوت ثقيل و ببحة خطيرةة: ءء ! دباا القلااووي نتااا تتقول ليا من زوين و لخايب ...ههههههه لا لاا كتهضر بصصح !!
سكت تيضضحك حتى بانو سنينااتو لبوويض لمستفيين ..
زيد خنزر فدوك لبنات لي كيشوفو فيهمم..ديك ساعة مشااو و خنزر حتى في سربااي لي حنا راسو و مشاا ...بقاا غير زيد و جاد و عماد ..
زيد تيحااول يجلسوو : ريييح أصااحبي !!
جااد تنثررر منو و نااض ثااني كيغوت و تيهزز فإيديه و كيشيير بصبعوو لدوك لبنات لي تيشوفو من بعييد : قحاااب كللكممم قحاااب !!! الا هي لي مااشي فحالكم !!! قحاااب و القحااب ..
عماد مخرج عينيه قرب شد ليه فاديه حيث كان غادي يطييح : جااد غير جللس نهدرووو !!!
زيد مسح على شعرووو معصصب : جااد سمع منيي ولو مررةة فحيااتك !!
جاد تنثر من عماد حتى هو : اطلااااق !!! قحااب !!! نتووما قحااب !! الى مكنتوووش قحباات علاااش اش كدييرووو هنااا مثلاااا !!! كتصليييوو صلااة الضضهرر !!!
عماد بهمس بينو و بين نفسوو : عشنا و شفنا جااد سكران !!
زيد ما لقا فين يعطي وجهوو و هو كيشوف فلبنات لي ولا وجههم حمر بأعصاب حيث هاانهم بطرييقة مباشرةة ..
زيد غممزز عماد لي فهموو و شدوو بسرعة من إيديه و تموو خارجين بييه و هو غير كييسب و يشتتم بلكلاام زوين ...ما طلقووو منو حتى حطووه فللوطو لوور ..يلله بااغي يخرج ..و هو يسبقوو زيد و سد لبااب ..و عماد ركب جنب زيد لي كسيرااا ..
زيد و هو كيسووق تلافت عند جاااد : علاش درتي هااادشي فررااسك ....
عماد : رآه غير سكران اصااحبي !! فين عمرر جااد بغااا شي بنت ؟؟
زيد تنهد بحرقةة : كنتمنى حيث جااد تيولي موهووس بحاجتو و هادشي مغاديش يخرج سااالم ! و نهايتوو اتكون خاايبةة بزاف !!!
عماد تنهد هو آخر و سكت ..مسافة طريق كانو قدام واحد الاباغطوموو ..جاات جنب قدام واحد لموول كبيير د لحواايج .. تعااونو بجووج و دخلووه بشوية داخل نيشان لغرفة من دوك لغرف ..و حيدو ليه صبااطو و غطااوه و خرجو فحالهم ..
جلسو فصالون زيد شاد راسو معصب ..و عماد تنهد و جلس جنبوو ..
عماد : تهددن ازييد تهددن ...
زيد : هانا مههدن !! ولكن الى كان داكشي لي قال بصصح ما حناا فخييير !!
زيد تنهد و جبدد لفوون ديالو و دوز لخطط لصفااء لقااا تيليفونها مكييشدش طاافي..مرة و جوج و ثلاثة ! و والو !! حتى تعصب ..
زيد : دوز لخط لصاحبتها سولها فيين هي !!
عماد جبد لفون ديالو و دوز لخط لكن والو : طاافي
زيد جمع لوقفة مخنزر : يلله نمشييو !!
عماد ناض : فيين !!
زيد تم خارج و تيهدر : نعررف علاش مكتجااوبببش !!
عماد : وجااد !!
زيد : الى فاق جااد صباح و لقانا هنا ! ايحويينا بجووج !!
عماد برفض : مكاينش العب مع جااد اساط ! يلله ..
طلعو ركبو عاوتاني فللوطو و كسيرراااو ..ما وقفو حتى وصلو قداام داارهم ..خرجو لقاو ساانديك على براا ..
زيد : لعموم ! بغيت نسولك !!
سانديك : اييه اولدي سوول !!
زيد : اشمن طاابق كيسكنوو فين لبنات !!
سانديك : واش دوك لخوتاات !!
زيد : اه هوما !!!
سانديك : انا لييوم شفت غيير جووج !! وحدة سميتها صفاء و لاخرى معرف سوسن ولا معرفت ...
عماد : اه سوسن أعمي ..
سانديك : اوا ما نخبييش عليكم ! هاد بنات رااه نهار كامل و هوما مكاينيينش !! ولكن مني كاانو غاادين داازو عندي و خلاااو ليااا سااروت !!
زيد خنزر : علاش فيين مشااو ؟؟
سانديك : نكدب عليك !! جااو عندي مقاادات !! و على ما سمععت قالو بليي غادين لشيي حفلةةة !!! هادي شي سااعة و نص بااش مشااوو ...
كانت هاد هدرة نزلات علييه كيف شي صاااعقة خلاتهم جاامديين و مشووكين مخرجين عينيهم تحت صدمةة ...
خدلاان ! خيبة أمل !! الغددر و عدم الثيقة ! و بمعنى اصح شمتةة !! هي لي تتاكل عماد ..و زيد أكثرر لأنه عطاها أمر انها متمشييش !! لكن أشنو ! دارت عكس داكشي لي قال ! عفطات على هضرتوو و زادت خلفة مع طرييق ! معطاتوش أهمية نهائيا !! و مسمعاتش لييه !! كان متأكد انه مغاديش تمشي ! لكن وقع لعكس و مشات ضدد فيه ! تحدااتو ..!! عماد لي اصلا ما قال لا طابت لا تحرقات ! مبغااش يتحكم فيها ولا يحط عليها اواامروو حيث معاندوش حق نهائيا ! لكن كان تيلمح ليها بطريقة غير مباشرة و حتى هي كانت تتفهماا ! لكن عممروو ما هدددها أولا قلل من احترااموو ليها فقط فإطار الضحك ...
زيد ساايق بأقصى سرعة ممكنة مزير على لفولون فإديه و لعررق هابط ليه مع جبيينو ..وعماد شااد رااسو و تيخمم ...زيد ماا حبس للوطو حتى وقف قداام لفااك ..خرج بعجااجتو و تبعووو عماد تيجرري ..دخلو بجوج تيقلبو بعينيهم عللييهم ...والو مكااينش نهائيا حسهمم ..
زيد بصوت عالي خااطب عمااد : جييب كاميررات مراقبة...
عماد هزو راسو باه مخنزر و مشا غادي ينففد مخلي موورااه زيد كيغلي بالاعصااب ..مشا نيشان الاداارة و بالضبط فغرفة الكاميرات (الاستووديوو ) دخل بلا دقاان لقا غير شخص وااحد جالس فوق كرسي و قدامو بيسي تيتفرج غاا شاف حالتو وقف ...
**** سكت و بلع رييقو و هو كيهز راسو باه : و واخا غير حيث نتااا معرفة كنتمنى هادشي ميوصلش لمسؤولين !!
عماد : طلقنااا خلاااص !!
**** كيقلب وسط أورااق و سيدياات ...هز بيسي و بتاسم مني طااح فسيدي لي بغاا : واش بغيتي الفيديو ! ديال لييوم !!
عماد : اه و دباا !!
***هزو براسو و مد ليه بيسي و سيدي : هاكا !! و خود حتى بيسي بااش تفررج نيشان !!
عماد اوما لييه برااسو و بلاا ماينطق ..خرج بخطوات سريعة حتى وقف على زيد لي مخنزر و كيمسح على شعرو ...
عماد : دباا !! بغيت غير نعرف هوما جاو لهناا ! هادي فهمناها ولكن فين هوما !!
زيد تلافت عندو و خدا من عندو بيسي و حطو فوق طبلة و خشاا سيدي وتيتسنا فيه يشعل : معرفتش ! معرفتش !!
سكت فاش شعل بيسي ..دخل بلاصة فيدوهاات نيشان لفييديو ديال دخوول دقائق حتى طلع ليهم فيديو لي بغاو .. تصدمو و هوما كيشوفو فيهم هوما داخلين بكل شيااكة و لمعري كثر من مغطي ..فكل خطوة تتزاد صدمتهم ! شافو للحضة فاش وقفو عليهم دوك شخصين و طلبو منهم يرقصو معاهم !! و مني وقفات عليهم سليمة و عطااتهم عصيير..بقاو تيتفررجو حتى وصلوو مني شدوهم دوك لأشخاص و طلعووهم لغرفة ...
بقااو مخرجين عينيهم و زيد مصدووم أكثر و شمتة كتاكل فيه من لداخل ...سد داك لبسي بجهاالة و شدو ضربوو مع الأرض حتى تشتت كامل ..مخلي كلشي يتلافت عندوو ...طلع نيشاان لدييك لغرفة لي شاف فلفيديو وعماد تاابعو ..مع تحل لبااااب مع تحل معااهم حتى فمهم ! مخرجين عينيهم و مشووكيين من لمنضر لي قداامهم ..غافلين على هاديك لي مخرجة عينيها صديقة سليمة لي واقفة تتفرج من بعيد غا شافت حالة زيد و هي تهز لتام على وجهها و مشات كتجري هاربة خايفة على روحها ..بدون ما تنفد خطتها ..
زيد رااسو يرجع كيزدح و هو تيشووف فهداااك طالع فووق صفاء و لكسوة كيف مقطعة ليها على كتفهاا ..وعماد مخرج عينيه وهو كيشووف ديك لبسة لي لابسة سوسن ..
زيد يخفوت : سد لبااب ..و زيد فلمووسييقى ..
عماد ديك ساعة هبط تحت زااد فصوت لموسييقى على حدووو و طلع سد لباب بسااروت ..حتى ناضو دوك اشخاص مخرجين عينيهم على جهدهم ...زيد حيد لافييست ولاحهاا ..و طلع لقميجة فووق ..و عماد داار نفس العملية ..بدون ساابق انذاار كل واحد تلاااح على وااحد زيييد شدو من كوول د لقمييجة مزير علييه ..وهزو من على صفاااء و لصقووو مع الحييط و بدا يعطييه فلكماات متتابعة ..كييحس بدموو كييفوور ..وعماد هو آخر هز هذاك من فووق سوسن و عطااه بكرووشي حتى دفل دم ..زيد تكاا هذاك على أرض و طلع فووق و بدا كيصررفق فييه حتى كتسسمع صلااااي ..و مرة تيعييطيه كلااك تيتلفو على لقبلة..وشخص تيحاول يطاكي غير على وجههو ..وعماد رجع كامل تييفوور من دااخل لدرجة كانت تتبان عصبييتو وااضحة عكس كيف كيكون ديما تاافه..زيد لي مازال كعيطيه بلكرووشيااات و هو كييغوت بالووجع و زااد غوت فاش نااض عليه و هز رجلييه حتى لعلاال سما و نزل علييه لحجرروو مخلييه مخرج عينيه و رجع وجههو حممرر ..
سكت و عطااه برجلييه لوجههو و هو غوت ...و عماد لي هز هدااك و حطو فوق واحد لكرسي كيف لموونيكة و لقاا واحد شال تمااا ...حززم ليه ايديه مع كرسيي و سد لييه حتى فمووو ..و حيد سمطة من سرواالو ..و بدا تينزل علييه ..فيما جااتو بدون مايديها فلووجع لي تييحس بييه ..زيد لي بكل قووتو هز طبلة لي كانت تماا ديال زااج و نزل علييه بييها لضهرووو حتى شخص خرج عينيه و نفس تقطعاات فيه ..و دم داايز لييه شلاال فحالا ذبحتي بقرة ..عماد على إثر ضرربة تلافت مخرج عينيه ...
عماد بصدمة : قتلتيييه !!!!
زيد عينيه رجعو حمرريين : الى كاان بااقي حي انقتلوووو !!!
عماد شد رااسو مخنزر و نزل على لاخر بسمطة حتى خرج عينيه على إثر ضرربة : لححبس على دييلمكم القحااب خصاارةة ...
سكت و رجع تيشحط فييه ..و سوسن و صفاااء مغمضيين عينيهم و سخفاافين ما حاسسينش بداكشي لي تيدوور بييهم...زيد مازال ما برد لدرجة عاود هز رجلوو و نزل علييه لحجروو و هاد المرة بقوة أكثرر ! مبقاش كيقشع قدامو ! ما بعدو منهم حتى رجعووهم شرويطة تحت منهم ..من بعد كل واحد هز لااخر و خشااوهم فلحماام و لاحووهم كيف شي كلاب تما و سدو عليهم مخلينهم كينينوو ..
زيد و عينيه عاد ماكيزيدو يحماارو : نتا خود معاك هذييك لفيلا ديالك !!! حتى نتقااشعو !
عماد هز راسو باه و هو مازال كينهج هز سوسن و حل لبااب لباب لورااني و تم غادي بييها ..و زيد تحنا كيشووف..و بالضبط مطول شووفة فصفاء و فكتفها لعرياان حتى ترسمماات تخنزيرة قااصحة على وجههو ..هزها هو آخر و مشاا من باب لورااني ..ركبها و ركب و جنبها و كسيرا مقلع مخنزر و مزير على لفوولوون ..ما وقف حتى لفيلاا ديالو لي كانت من لعيار ثقيل ..دخلهاا داخل نيشان لفوق ما هبطها حتى وصل لحماام حل بااب برجلييه و جلسها على ركابيهاا و هي مغيبة ..طلق رشااشة بلماا باارد حتى شهقات مخرجة عينيها ..
عرفها باقا مازال مغيبةة داكشي علاش تحنا حتى هو و خشاا لييهاا صبعو ففمها ..تقرب يوصلو ليها لحلقها..ودقات قلب صفاء غادين و كيتزاادو رجعات كاملة كتررجف من صباع رجليها حتى لفووق روحها غادي تزهق ..بدا تتقياا بهستييرية و كتكح ..شدها من شعرها مزير عليها حتى توأهات بآلم ..خشاها ليها وجهها فلفابو و طلق لما تيغسل عليها و جهها و كل ما جاتو لفرصة كيزيد يزير ليها على شعرها حتى كتغمض عينيها بألم ..
خرجها من تماا ولاحها فووق سرير بقوة حتى حسات بضهرها غادي يتهررس ..ما جاات فين تستوعب اش وااقع حتى جمعها معاها بصقلة لحنك بكف اييدو حتى غوتاات ...
زيد وهو كيحيد لقميجة حتى بقا بصدرو لعااري لاحها ..
و بدا تينسل فسروال و نطق بصوت هامس ولكن نبرة صوتو مرعبة : بغيتي غير تحوااي يااك !! انا غادي نحقق ليك حلمك ! ...
صفاء مخرجة عينيها و مزيرة على ايديها تترعد ؛ اش باغي ديير !!
زيد عينيه معميين : متتسمعييش يااك !! قلت ليك بغيتي تحواي ! علاش لا نفد لييك طلببك !!
صفاء رجعات كاملة تترعد و حنكها كيوزوز : الله يخليك مادير ليا والو !! ه ها نتا ا ا انا نشرح ل ليك ..
زيد زاد قطع ليها كسوة على لحمها حتى شهقات : لا ازبي فاات لحال ..!
صفاء مخرجة عينيها ديك ساعة حطات ايديها على صدرها تتغطي فيه و تتبكي بحرقة : سمع مني عفاااك ..
زيد هبط راسو و تحنا لمستواها و نطق بهمس : لا غادي نفد لييك طلببك !! مبغييتيش !!
صفاء تتحرك راسها بلاا و هي كترجف : لا لا لا مبغييتش !! آخر مرة كنحلف ليك ..و ولله ح...
سكتات فاش جمعها معاها بصقلة حتى دار وجهها لجيهة لخررى و دم تيسيل ليها من جنب فمها : انا هضرتي دزتي فيييها !! فحالاا مااشي انا لي قلت ليك متمشيييش !! نببهتك و جييت تالعندك و قللت لييك لحفلة لا لصفاء لحفلة لااا !! ولكن نتي اش درتي !!! درتي لعككس !! إذن حتى انا غادي ندييير لي بغييت ...
صفاء مخرجة عينيها و ايديها على صدرها تترجع بللور و هي فوق.سرير : ز ز زيد ر راك ماشي ف فوعيك خ خ خلينا نهدرو ...
زيد حرك راسو بلا و هو مخنزر طلع بركابييه فوق سرير و تيقرب منها و هي تتبعد منو : شنوو !! علاش تتبعدي ؟ مكتبغيينيش !! ياك نتي كتبغيييني ..؟؟
صفاء قلبها غادي يوقف بلخلعة حيث كانو فعلا شكلو مرعب ديك ساعة هزات راسها باه : ا ا اه كنبغييك..غيير ب بعد ع عفااك !!
زيد بتاسم بسخرية : كتبغيني و منفدتييش هضرتي كي درتي ليها ؟؟
صفاء : ك كنت ب بغيت غير ن ن نبدل لجووو..و
سكتات مغمضة عينيها فاااش سمعاات صوتو فااش غوت: تببدلي الجوو باااش يبقااو زوامل يشووفو ليك فلحمممك !! هاا ! و يتلمسووو فيك كيف بغااو يااك !! فنضاارك هذاا هو تبداال الجووو !! و نجي انااا نلقااا زاامل طاالع فووقك و ما بقااا لييه والو و يحويييك ياااك !!!
صفاء فتحات عينيها و طاحو دموعها : علااش كدير فيا هادشي ! انا اش درت ؟؟ماشي من حقي حتى انا نخرج ! نبقا ديما مكتآبة ! و منفرحش ! اصلا انا فهاد دنياا عايشة غير باش نتعدب ! يااك !!
زيد كيشووف فيها و كينهج عرق راسو يزدح بكل قوتوو هز ايديه حتى لفووق و نززل عليها لحيط حتى ساال دم ..صفاء مخرجة عينيها ديك ساعة حيدات ايديها من صدرهااا بقات غير بسوتيناات ناضت هكااك شدات ليه فإديه كتررجف و كتبكي ..للحضة دمعتها طااحت ليه فوق جرحة لي فإيديه خلاتو يهز عينيه فيها مطول فيها شوفة و هو كيشوفها كيف مخلوعة و كتبكي بهستييرية..تنهد و نثر ايديه من بين ايديها و عطاها بالضهر كيمسح على رااسو و مخنزر ...
زيد بأمر ؛ سيري تنعسيي !!
صفاء قربات أكثر : ز زيد ا ايديك ...
قاطعها بحدة : قلت ليك سيري تنعسي لا !!
صفاء بسرعة هزات راسهاا باه و مشات تخشات فبلاصتها فوق سرير كتبكي بحرقة ..ما حسات براسها حتى غفات حيث أصلا لمنووم كان بااقي شاد فيها شويا و هي معرفاتش كيفاش قدرات تهدر اصلا و تبقا واقفة على رجليها ...نعسات و هي مخشية فبعضها كتنخصص ...
زيد لي تلافت تيشوف فيها مخنزررر ...لقااها ناعسة و مكمشة ..حل بلاكار جبد سروال د كيطمة و لبسو عليه بالخف و بقا بصدرو لعااري ..خرج لشرفة و جبد كااروه كينثر منوو و ساهي كيفكر ..باغيها حتى توعاا عاد يتفاهم معاها ...
داخل غرفة غالب عليها اللون ابيض أكثر ..جالس عماد فوق لكرسي و تيشوف فسوسن ناعسة قداامو فوق سرير ..من بعد ما دخلها لحماام و غسل لييهاا و بدل ليها حوايجها و غير خرجها نعسات حيث كانت مازال مغيبة ..عكس صفاء لي فيقها زيد بزز منها ..تيشوف فيها و يتنهد و صورتها و هي فوقها هذاك قداام عينيه و قلبو كيتشوا من لداخل ..ماحاسبها ما والو ! و مافيهاش اصلا ! لكن قلبو عالم بييه غير الله ..و ديك لعافية لي شاعلة ليه قلبوو محال تطفاا ..حيث صورتها و هي بديك لبسة مفرقااتش عينيه نهائيا ..تيحاول ينسناا ..لكن فكل فرصة تيلقا راسو غارق وسط دوامة الأفكار الى بقا كيفكر راسو اينفااجر ...
تنهد تنهيدة طويلة فخااطرو و هو مازال تيتمعن فملامحها ..جمع لوقفة و هبط تحت كوزينة حل ثلاجة صغيرة كاينة تماا تحت بوطااجي و جبد منها قرعة صغيرة ...كانت عبارة على قرعة د لويسكي ...حلها و جغف منها شحال عاد ردهاا بلاصتها مباغييش يثقل حتى ينسا راسو خدا غير جغفة باش يبقا عاقل على رااسو ..طلع فوق عاوتاني باقا على نفس وضعيتها ناعسة ماجاايبة لدنيا خباار ..هز عينو فساعة شافها ضربات ثلاثة ديال ليل..وهو مجااهش نعاس نهائيا كأنه يلله فاايق...جبد لفون ديالو و دوز لخط لزيد لعلى و عسى يلقااه فاايق ...ثواني حتى تفتح خط ..
زيد بصوت جاف : اش كاين !
عماد : ديك ختنا ! لي دارت ليهم داكشي فلعصير عندك عليها شي خبار ..
زيد جلس فوق لفوطوي و كيكمي : خليها على حسابي ديك لقحبة حيث حسابي معاها أيكون عسييير ..صيفت شي رجال يقلبو عليها !!
عماد : شنو غايتها حتى حطات ليهم لمنوم فلعصيير !!
زيد نثر من كاروه : لحسد !
عماد تنهد : اودي !
زيد : مالك !!
عماد حك شعرو : معرفتش ولله ! كنبغي نحيد ديك صورة من بالي مكتبغييش نهائيا تبعد على عينيها !!
زيد يلله ايجاوبو سمع صوت آخر من لفون ديالو تيرن : خليك معايا ! رآه هاداك لي كلفتو يقلب على ديك لقحباا كيصوني !
عماد : صافي دخلو معانا فالاتصال...
زيد فتح لخط حتى ولااو بثلاثة : لقيتو عليها شي حاجة !!
شخص : لقيناها اسيدي ! كانت باغاا تهرب لشي مدينة أخرى !!
عماد : اهااه ! باغا تهرب زيد ..
شخص : على ما اضن داك لمنوم لي دارت ليهم خفيف ..بحث عليه مزيان يعني لبنات رآه معندهم حتى شي خطر ..غدا يفييقو و تقريبا يقدرو يعقلو على كلشي و احتمال لا !
زيد خنزر : كيفاش احتمال لا ؟؟
شخص : على حساب ! واخا لمنوم خفيف رآه كيكون عندو اضراار !! لكن متخافوش حيث متأكد انهم ايكونو عاقلين على كلشي نسبة ينساو قليلة بزااف !
زيد : نسا عليا هاد لمنوم ولا زبي ! و قول ليا فين كاينة هاديك لقحبة !
شخص : حطيتها فين قلتي ليا ! فداك لكووخ لي في لغااابة !
عماد : بغييتك تخلعها ليا مزيان !!
شخص : كون هاني ..
انتهاا الاتصال ! و انتهت الليلة المشؤومة و كل مخاوفها ! لكن شبااب منسااوهاش و مغاديش ينسااو !!
عماد حط لفوون و مشا طل عليها لقاها مازال ناعسة غطاها مزيان و خرج غادي لغرفة أخرى لي ينعس فيهاا و يرتاح و تيتمتى فأحلاامو انه يتنسا ليه هاد نهاار ...
ناض مخسر ملامح وجههو و مخنزر ..محاملش الووضع ..جمع لوقفة عاقدهم و هو تيتفكر أحداث البارح فاش سكران لكن معاقلش على كلشي بالضبط ..لكن شي صور واضحين عاقل عليهم ..غسل وجههو و حالتو..و نسل تيشورط حتى بان صدرو لمعضل لمخدووم باتقاانية ..و هبط تحت عصر ليه قهوة كحلة باغي يرد بيه لمزااج و يعقل على لييلتوو و ينساا سكرتو لي حضر عليها خووه ..لازم عليه يركز و يعرف من صحيح و لغالط ..شرب قهوتو و جبد كااروه تيكمي و سااهي ففراغ و عقلو خدام كيحلل و ينااقش ...
حتى طفااه و نااض طالع فوق ..بدل عليه و خرج غادي لقصر يشوفها ركب فللوطو و كسيرا ...مسافة طريق كان قداام لقصرر..هبط مخنزر ..دخل نيشان لقاوهم جالسين على طبلة لغداا ..جاسمين و اب ديالها و امها ..و إيسلي و ساامر تتيغدااو و صمت يسوود إيسلي غير شافتو ناضت عندو ..
جاسمين بتلحوين و هي تتلعب ليه بصدرو : صباح الحب احياتي ! فين بتي بارح ! حيث طلعت لغرفتك و ...
قاطعها من تنثر منها و خنزر و غوت : عندااك تكوني طلعتي عندهاااا !! كنحلف لييك حتى ندمك و نساا بلي نتي بنت خالتي !!
جاسمين بلعات ريقها و حركات راسها بلا بسرعة : لا لا ولله ما طلعت عندها ...منقدرش اصلا نطلع ..
جاد خنزر فيها و زاد غادي طالع فوق مخليها مفقووصة و مغضضة ..حل باب غرفتو لقاها ناعسة على كرشها و خاشية راسها وسط لمخااد تمشا بخطوواتو و جلس فجنب سرير ..و بقااا سااهي فيها و فنعستها لي كان واضح عليها انها مرتااحة فيها ..ميل راسو تيتمعن فيها و فملامحها بدون مللل نهائيا ...حتى تنهد بقوةة و أنفاس حارة تساعدات من شراايينو ..جمع لوقفة و حل لخاامياات ..حتى بدات تتحل عينيها مخسرة ملامح وجهها ...
سيلين و هي تتزيد تغطس وجهها وسط لمخااد : و زمرر خلييونا نعسوو !!
جاد و هو تيزييد يحل فلخامياات و شمس ساطعة تتضرب ليها فوجهها تتحس بنعااس و بقوة لعيا و سفرر من بارح و هي ناعسة : نووضي ! هادي رااه وقييتة لغذااا !!
سيلين تتزيد تخسر ملامحهاا ساخطةة : و ديها فراسك واش حتى نعااس تبعنا علييه اعبااد الله !!!
جاد جلس فلفووطوي : ولله و ماتنووضي حتى نجي نكب علييك لمااا فحال ديك نهاار ...
سيلين ديك ساعة تكعدات مخرجة عينيها : ديرها الى ما ندمك !
جاد بتاسم ابتسامة جانبية : تجربيي !!
سيلين ناضت و تمات غادة داخلة حمام تغسل دافعة جبهة زعما رآه مخيفااش : غير لقيتيني نضت اما كون تعيا طبل فووق راسي ولله ما نديها فيك ..
صباح جديد ..
فاقت تتكسل و تتحك عينيها جمعات لوقفة تتفوه دخلات لحمام ..غسلات وجهها و طرفات حالتها مزيان ..و دازت لدرييسينغ تبدل ..لبسات بيجامة بكالصوها حد سيقانها ..و دازت رتبات شعرها و خلاتو طاايح ليها على جبينها ..رشاات عطرها و رجعات جلسات فوق سرير تتقلب على تيليفونها ..حتى قشعااتو فوق كوافوز هزااتو و دخلات بلاصة اتصالات ما لقات حتى اتصال من ناايف ..تتشوف ببرودة طفااتو هي كااع ..وهبطات تحت تتوجد لفطوور .
.ما خرجات من كوزينة حتى وجدات فطورها و حطاتو فوق طبلة ..فطرات و جمعات ديك روينة و غسلااات لماعن و خرجات تتنشف فإيديها بفوطة ..تحركات جلسات فصالون و شاعلات تلفازة تتفرج تتلف فلوقت ...
نسات راسها و هي مازال مكتية تتفرج..حتى سالا فيلمها عاد ناضت طلعات بيتها ...دخلات حمام دوشات و لبسات ملابس للخرروج و رتبات نفسها مزيان .. و هزات صااكاادو فييه لبس ديال رياضة ..عباارة على كوولون لااصق فالاسود و ديبااردو فوق لكرش ...تأكدات من كلشي حتى من سباادري ديالها ..و دازت شعلات تيليفونها ...دوزات لخط لسوسن و والو و صفاء ايضاا والو ..خرجات من اباغطومو كاملة و ركبات فللوطو ديالها و كسيرات ..و فنفس لوقت دوزات خط لمدرب رياضة ...ثواني حتى تفتح الخط ..
تسنيم بهدوء : حساام صافا !!
حسام حط طابي فالارض و جلس فوق طابي أخرى تيبتاسم : الحمدلله و نتي !!
تسنيم حطات ايديها على جبينها : وي ! نسيت راسي و انا تنتفررج ! انا شويا و نكون تماا !
حسام بتاسم :مرحبا انا نتسنااك !
تسنيم قطعات لخط على سليم لي هو مدرب فريااضة فلااصال مكلف بمجموعة من تضااريب منهم حتى رقص الجيمبااز ..و تيعلم لبنات جميع انواع رياضة و حتى ليوووگاا لي هي أساس لي باغا دير تسنيم ..
من بعد ما هزات شانطتها و خرجات من فيلاا ناايف تلاقات بحسام جنب لبحر و بقا تيعرفهاا براسو بانه هو مدرب ..و لح عليها انها تجي تضرب عندو ...مسافة طرييق كانت قداام لاصاال ..هبطات بخطواتها و صاكادوها فضهرها لقاتو تتيسناها سلمات عليه بإيد و هو رحب بيها ..
حسام أشار ليها لدريسينغ : تفضلي تبدلي حوايجك !
تسنيم هزات راسهااا باه و تمات غادة : انبدل و نجي ..
بتاسم ليها و هي دخلات لدرييسينغ لقاتو عامر بنات لقات عليهم سلااام ببرودة هي طبعها هادئة و برودها ديما على محيااها ..دخلات داخل و سدات عليها بااب ثيقة حيداتها من قاموسها اللغوي هي فراسها و مبقاتش كتييق ..خلاتهم حالين فيها فامهم ..حيث من مفروض تبدل مع بنات و عادي ..لكن هي اختارت العكس و دخلات لبلاصة أخرى بوحدها ..
.لبسات كالوصها لي جاها لااصق مزياان على مؤخرتها و ديبااردو طالع على كريشتها و كتافها عريانين و لوشام فذرااعها باين ..لبسات صباادري ديالها ..وجمعات لحوايج لي جات بيهم حاطاتهم فصاكاادو و خلاتو تما..خرجات و دازت على لبنات لي حالين فيها فامهم و في فورمتها و مفاتينها..على برا لقاتو تيتسناها لهزة لي يهز عينيها حالهم على جهدهم و هو تيطلع فتسنييم بإعجاب ..
تسنيم ببرودة : ساليت نقدرو نبدااو !!
حسام بلع ريقو بصعوبة ووقف : ا اه نبدااو ..
تمات غادة قدامو و هو عينيه حوالو ...جلسات فوق طاابي مربعة رجليها و كل إيد على ركبتها و عاملة شكل يووكاا ...و مغمضة عينيها و مسترخية تمااماا ..و حسام بصعووبة ..تيقرب يهمس ليها فوذنها باش تبقاا مركز لكن هو بنفسو ممركزش ...بقا هكااك حتى سالاات و نااضت بلا ما تقول اي كلمة مشات جابت صااكاادو ديالها ..و خرجات هكاك بلاما تبدل نهائيا ...
تسنيم : مهييم ! خاص نمشي ! و غذا انشوف لا قدرت نجي ..
يلله اتمشي تكمل طريقها حتى شد ليها ايديها حسام : حمم ! اش بالك نمشيو نتغدااو على برا ! الى بغيتي طبعاا ...
قاطعهم صوت من لخلف بصوتو لجاف لي تتحسي بيه مافيهش نهائيا ذرة إحسااس : اش بالك اساااط نمشي معاكم ! الى بغيتي حتى نتا طبعااا !!
كلفتني غلطتي الجزء التاسع
محتوى القصة
التنقل بين الأجزاء