غيتة:بغيتي تقوليهاا باش تباني نتييي المزيااانة ياااك ....باش تكوني نتي الاخت الزوينة الدرويشة وانا القح** فهاد القصة كاااملة يااااك
خلاتها كتهدر ومشات بزربة ناحية الدرووج متسوقاتش ليها ودايرة فراسها تقولها لييهم باش يلقاو ليها حل حيت لكارو مسااهلش بديك البساطة لي كيبان بيهاا
جراتهاا غيتة كطلب فيها فالدرووج كلمة منيي كلنة منك وغواتهم كيتسمع فالدرووج
غيتة:والله متقوليها
انصاف:وطلقيي منييي طلقييي ....غيتة بعدي منييي
عواجت ليها رجلهاا وتعكلاات فالدرووج تغوتات غييتة على حر جهدها.....تكركباات انصااف مايزيد على ستاات درجات تشعل الضو بووحدوو شافت غيتة الشخص لي خلاها ترجع جوج خطوات اللور من بعدما كانت كتجري فالدروج تشد انصااف ....عينيه كيطلقو الشرار ...
غيتة:ج جابر
زير على ايدو مامتيقش لي سمع شد انصاف فدروج كتبكي من بعد ما ضربات راسها مع لحيط
جابر :موقع والوو صافيي (كيقلب ليها فجبهتها)مقسحة بزااف ؟
جابر(شاف فيها بعينين خلعوها خرجهووم فيها وحط صبعو على فمو )حسك منسمعووش
مدات ليه الصاك وجرها قدامو متقدر تعرف شنو تحت راسو
**
فاقت من جديد على لمسات ايدو على شعرهاا بقات فوضعيتها بلا متحل عينيها حاسة براسها فوق حضنو من دقات قلبو لمسموعيين ...باسها فجبهتهاا كيداعب شعرها وكتافها محسش بيها فاقت ...حتى صونا تيليفونو وقطع وطفاه
...ساط النفس بصوت مسموع من ورا متحل السانسور وخرجات ...حلو باب دارهم ودخلو...نيشان دخلات لدوش وسدات وراها حطات راسها على لفابو وهزات راسها بعيون كتلمع ب دموع متحجرة فيها ...مسحاتهم بايديها وطلقات لما كتغسل فوجههاا وهزات عينيها فلمراية لبرهة تدكرات لقطة من الطفولة
غيتة بعمر ست سنوات كان اواخر لعطلة الصيفية والناس كتقدا لوليداتها لحوايج ومستلزمات الدخول لمدرسي ... كانت اقبال وسط مكتبة فايديها ورقة تاع لكتوب كتشوف وترمش فلكتوبة توصلات نوبتها خدات ل غيتة الادوات والكتوبة و الدفاتر دارهم ليها فبلاستيكة وخلصاتو تهزات عينيها ف كارطابل مععلقة فلغوز بصورة باربي وفيها اتخوس فجنب وعندها روايض
شهيد:كل واحد فيهم مسؤول على راسو ...مبقاوش صغار باش تبعي كل وحدة فيهم ...ديها فصحتك براكة 16 لعام وكتر ونتي وراهم ...خليهم يعومو بحرهم داباا لي عليك درتييه
مع كملاتها جاتها صقلة لوجه تسمعات طرااخ فحنكها على حر جهدو خلاتها تعواج كلها مع ايدو تغوتات وبدات كتبكي على حر جهدها ب الطرشة لحارة لي خدات شدات حنكهاا كتبكيي تاتهزات من شعرها لمجموع تحت زيف لي تجر كلو....زادها طرشة خرا تا طاحت على ركابيهاا وهوا دمو كيفور وقفها من شعرها كتغوت وجرها لبيت لاحها على الزربية وسد لباب و الشرجم وبدا كيحيد السمطة من السروال
جابر(كينهج ) لكارو ابنت لكلب عمرو طاح ف فميي تجيي الخانزة من وراياا وتكمييه !!
طوا السمطة على جوج فايدو ونزل عليهاا هاد المرة مكانتش الضربة خفيفة كيف عرفاتو كان كيضرب ويقيس دابا كيضرب بلا عقل ضرب جهالة
لاح لكارو وناض عليها جرها من شعرها توقفات شادة على فمها قابلها مع لمراية وشد ليها فمهاا وقربها لمراية بنتير وقال: شوفي سنانك بيضيين عارفة اش كيوقع لي فمو مكيخواشش من لكارو !! عارفة لحمار بووك اش كيديير لكارو فريتك الكلبة
غيتة:هءهءه منعاوودش
جابر:غير عااودي شكون باقي مسوق لملتك ...لوحي راسك حتى من سططح نعل لي باقي تهز قلبوو عليك(دفعها على السرير شادة على فمها لي كيحرقهاا ) رخييت لييك تطلعتي علياا ...تنقول صغيرة دابا ديير عقلها صدقتي رجعتيني انا لي برهوش ودايز تحت مني لما...ولكن هدشي كلو غادي نخرجو منك وحدة وحدة ولوجه لي عمرك شفتيه اتشوفييه معاياا
خرج وزدح عليها لباب خلاها كيف الجرتيلة كلس كيترعد فالصالون وعرقان مبردش من جيهتها ومزال باغي يبقا يعطيهاا تايبرد ولكن حضر عقلو فلخر
**
تكاو بجوج فلبيت انصاف كتفكر فختها اش يكون وقع ليها والغالية مشداتهاش لرض كل مرة داخلة خارجة من لبيت ..بقات انصاف كترمش وتنهد تسمعات شي حاجة تهرسات فلكوزينة ناضت قافزة خرجات كتجري لكوزينة لقات لغالية طاحت...غوتات انصاف ومشات كتجري عندهاا كتحرك فيهاا مبغات تحرك رشات لما تعياات ومحركات ساكن
من ورا لباب كانت كالسة كتعيب فيه والفقصة طالعاهاا كتاكل فدفارها وتنخصص بلا دمووع
حياة:ههءهءه بعد عليا امحمد هءهء تقت فيك وشو نتا اش مخبي عليااا ...ههءهءه دابا طيارة لي جابتنيي ترجعنيي
محمد:كنت خايف منهادشي نييت احيااة(تنهد) انعوض ليك كلشي احيااة ...الى بغيتي كاع(سكت شوية )دوزي وقت ف فرانسا ونربيو شي بنية ولا وليد ....يكون ولدناا ...وبالنسبة لغولاصيون مسألة وقت وصافي
حياة:انا بقا فيا كدووبك عليا اسيمحمد
محمد؛ خفت متقبيلش تزوجي بيا ....شكون هادي لي تقبل براجل عاگر ....اهديك الله حلي واجي ترتاحي اتكوني عيتي بالسفر
حياة:خليينيي تنجيي بغيت نبقا بوحدي
محمد؛على خاطرك انا لتحت لحتاجيتي شي حاجة
سمعاتو خرج وساطت من واحد الناحية فرحات بلي مغيقربش ليها وناحية خرا حسات براسها تشمتات ومشا لورت فخبر كان خرجات من الدوش كطل لقاتو مكاينش كانت لابسة شوميز ديالها وزادت عليها بينوارو وتخشات فلفرااش هزات تيليفونها ودخلات لواتساب
حياة:متكون هي دعوتك ابيلو هادي ...بفف مشا لحال اتكون خمرات (حطات تيليفون وتخشات تحت لفراش كدور فعينيها فلبيت
**
بلغوات كتحرك فيها مبغاتشش تحرك مشات كطير لتيليفون ايديها كيرجفو صونات لجابر تيليفونو طافي ودورات لخط لاقبال ...الاخيرة كانت ماهيا ناعسة ماهيا فايقة تبدا تيليفون كيفيبري من جيهت شهيد ...ناضت من على كتفو تاتحرك شهيد وتكعد شعل لفيوز حداه ومد ليها التيليفون
ياله غادية نترها من دراعها تلاحها على الناموسية او وقف قبالتها مخرج عينوو : نقتلك ونشرب من دمك الى فتي هاد لباب ....مك نتي سبابهاا وسباب ختك ...نتي واحد الشيطانة عمرك غتووبيي ....اتبقاي هنا تنعرف اش ندير معااك الكلبة ....كمي مع رسااتك دابا
زدح عليها لباب تاع لبيت وسورتو عليها مخليها كي لمش مقطوع راسو
عيات تندب وتبكيي وتنتف فشعرها مصورات والوو ...
وصلات لومبيلونص وكلشي كيطل تاني شنو واقع فدار لغالية ولا لغادي وجاي كتر من ليام لي فاتوو توشويش فسطوحة وسراجم وكل واحد يلغي بلغاه مع وصولهم نزلات اقبال كتجري وراها شهيد طلعو لدار لقاو جابر او انصاف غتموت بلبكا فنفس لوقت طلعو رجال الاسعاف بلبياص هزوها وهياا مغيبة ونفسها تقيل
رجعو فطموبيل وحدة قرابة لوحدة تاع الليل لحومة نزلو لدار الغالية وجابر تيسر لدارو عند ليي خلاها بين ربعة لحيووط بغات تجهل غوتات ونتفات شعر راسها ...كتموت الف مرة وهيا معارفاش مها شنو بيهاا ...سمعات لباب تحل تاع براا ومشات كتجري لباب لبيت كدق
غيتة(بصوت باح )جاابر هءهءهء جابر عفاك قوليا اش واقع الله ارحم واليديك هءههءهءه جاابر عفاااك عفااك قوليا مال ماماا هءهءهءه وجاااابر نبوس ليك رجلييك غير قوليا شنو بيهاا
واقف فلكولوار مقابل مع لبيت كيسمع فيهاا تنزلات مع لباب كتبكي قلب الطريق لدوش غسل عليه كيسمع فبكاها ومشا لبيت لاخر سد عليه وتكا خلاها كي لحنش لمقطوع راسو مقتلها ما حياها
انصاف منعسات هي بزز واقبال وشهيد كالسين فالصالون كيداكرو على حالة الغالية وشهيد كيحاول يوعيهاا ويوجدها لاي خبر ممكن تسمعو ...مرض الضغط كينافس مرض القلب فالوفات
كانت ساهية مكايناش هنا صدمة ورا صدمة مكتلحقش تفرح بحاجة ...كتفكر غير فشنو غتقول لحياة وهيا عاد مشات
الليل قدما طوال كيجي صباحوو ...صبح عليهم لحال فلكلينيك من جديد شهيد واقبال وانصاف كيتسناو خبار تفرحهم ومزال لحال عند لغالية هوا الحال بين الالات كيحاولو ينزلو ليها الضغط والسكر لي مرة يهبط مرة يطلع بين الحياة والموت
**
على قبلاتوو لي مولفاتهمش طول فترة زواجهم فاقت عليهم ! ...خلات عينيها على وجهو وهوا كيوزع القبلات حتى تلقات عينيهم وتبسم ليها وهيا كتشوف فيه هز وريدة حمرة دوزها على بشرتها وهيا معجبة فيه وقال:صباح الخير الوريدة ديالي
هيبة:صباح لخير....منين طاح عليك هاد لحب على الصباح
صديق:من ديما كنبغيك غير نتي مكتشوفيهش ...وكتشوفي غير لحاجة لخايبة
هيبة:شنو فيها لكنتي كتصبح عليا بحال هكاا كل صباح ...عواض تهلكنيي عصاا وتزوق لحمي بايديك
صديق(تافف)صافي نسااي ...وليد لي تحطات عليك مزال بايدي نجيب ليك باش تقطعيها (هز ايدها باسهاا)يكون قلبك حليب امامات وليداتي
هيبة:هدشي كديرو غير حيت حاملة كون لعكس مكنتيش غتسوق ليا
هواء جديد ...حياة جديدة...ودولة جديدة ...فوسط بيت منشورة فلفراش بشعرها الاشقر المنسدل على لمخدة وجسدها لمغري وبياضها ونقائهاا ...واقف كيتمنضر فيها بقلة حيلة ...مكرهش كون كان قادر يتدوق كل شبر من جسدها بلا حواجز ...مشكيل لي اتر فيه ... اي رجل فدنيا مكيبغيش يكون ناقص من الناحية الجنسية ...كيحس برجولتو نقصات كلما نقصات رغبتو ومات ليه لحوت
البرود الجنسي عندو بزاف تالاسباب وكاين لي من اللول كيكون عندو وبالنسبة لمحمد هوا فقط كبقاتشش عندو القدرة على الانتصاب فجميع الاوقات وهدشي مكانش مسوق ليه ومحاولش يعالجو حيت تكون عندو برود ومبقاش مسوق ولكن دابا قدامو كيشوفها بشكل متير ومقادرش يعاشرها كيف كان متمني ....
قرب ليهاا ببطئ تكا وراهاا وهز شعرهاا كيشم فيه ويبوس فكتفها وعنقها ويستنشق عطرها لفطري ...حسات بيه وبقات على حالتها متحركاتش حتى دغدغها بلحيتو فعنقها مقدراتش تصبر متحركش ...حاصرها بايدو وقال:صباح النور يا اجمل ما شافت عويناتي
حياة(تقلبات على ضهرها جيهتو ونص صدرها باين من الشوميز كترمش فيه ونطقات بصوت باح بنعاس )كتصبغ فيا على صباح
دخل لدارو حط لفلوس على الطببلة وشاف فباب لبيت حسها مقطوع كرن حجبانو ودار وجه لجدية فملامحو وجمع تخنزيرتو دور الساروت فلباب عند بالو ايلقاها ناعسة لقاها كالسة على سرير عينيها مطبزيين ونيف حمر
جابر(بحدة )لبسي عليك وياله
غيتة(بلهفة)نشوف ماما ؟
جابر:خليتي لوجه باش توشفي فيهم !! بااز انا وحشمت بلااصتك ...دغيا
بقا كيتسناها فالصالون تخرجات بدجين او تيشورت قصير كم
جابر:دخلي بدلي هاد لحالة ولا نوض نقطعهم على ملتك
غيتة:ياك كنلبس هكاا
جابر:مبقيتيش غتلبسي هكا(جاي جيهتهاا )غتلبسي لي بغيت اناا وغادي ديري لي بغيت اناا
غيتة(رجعات خطوة اللور خايفة من ايدو لتسبقو )شنو نلبس
جابر:جلابتك وزيفك ...من ليوم وماحدك على دمتي شعرك منشوفوش معري براا ولا قسما بالله نضربو ليك من الجدر
غيتة(نقزو عينيها بدموع )حرام عليك
جرها من شعرها مغزف تغوتات وقال:باقة كدوي
غيتة:هءهءه عفااك كضرني صافي غير طلق عفااك
طلقها بنتير ومشات لبييت كتنخصص لبسات جلابتها ودموع سخان على خدها رغم درعانها لي طبعو بايديه ورجليها وفخاضها بالسمطة كيبعد على وجها باش ميخليش ليمارا فيه ...هلكها عصاا تولات كطلب سلة بلا عنب
قفزها بصوتو وهوا كينادي عليها خرجات كتلوي فزيف طلعها وهبطها ديك الجلابة جاتها على طايتها فلكحل دافية وزيفها مطروز من جناب ..لبسات سباط بلا وتبعاتو
ركبو فاتجاه لكلينيك ساكتين تنطق :يكما ناخد لختي كارو !(هبطات راسهاا و الدموع فوق شفارهاا وقال بتهكم)الشطاح مكيغطيش وجهوو الشمكارة (بفقصة) الله ايجيب لعفوو الاخت ...نزلي قبل منزل على ملتك
مسحات دموعها ونزلات معندها وجه تشوف فشي حد ...كلشي عرف خبارهاا باينة ..تابعاه كتمسح فعينيهاا متقولش هادي غيتة لي فيهاا كترت لهدرة وتخراج لعينين ...
دخلو لكلينيك تبانو ليهم شهيد و اقبال وانصاف كالسين على وجهم لحسرة والخوف
جابر:امضرا شي خبار
شهيد: مزال ...ياله دخل عندها الطبيب
جابر:خبار الخير ان شاء الله
هزات اقبال عينيها فغيتة كترمش فيها ومع جات عينيهم فبعضياتهم دورات اقباال رااسهاا وتنهدات
تكات غيتة على لحيط كتبكي صفرة مقطوعة من الدم وراسها كيزدح بحال شي بيضة خاسرة رجليها مبقاوش هازينها حتى شافو هيبة جاية وصديق وراها قربات لاقبال بخوف وقالت؛اشنو وقع ليهاا دوي ا اقبال
_مزال وضعها صعيب شوية ...هدشي لي نقدر نقوليكم ...نتمناو تحسن
هيبة(بدموع)يكما غتموت هءهءهءه
_الاعمار بيد الله اببنتي ...تاحد معارف اجلو امتا ...دعيو معاها
صديق شد هيبة لي بدات كتبكي بهيستيرية فحضنوو متقبلاتهااش لا هيا لا غيتة لي كلسات فلارض ....كالسة ومشابكة ايديها تحت فمها مهموومة وقلبها مقبوط تيليفونها كيفيبري كل خطرة عرفاتها حياة هزات عينيها على غفلة لشهيد لقاتو كيشوف فيهاا بحنية بادلاتو النظرة ورمشات باطمئنان بمعنى راني بخير
كيشوفيها كيفاش كتجمع كلشي لداخل مكتخرجش مكتعرفش شنو كتفكر وشنو كتحس ... مكتعطيكش شنو كيضرها من النوع لي مكتبغيكشش تشوفها بااكية ...حيت لجات تبكي تحاجة مغتسكتها ...كتحتافض بالمهاا ولي ضارها كلشي لداخل ...معرفش واش هدا طبع فطري فيها ولا زمان لي خلاهاا هكا ...فيقو من سهوتو فيها جابر
جابر: تخرج لقهوة راسي بغا يتفركع
شهيد:احسن حاجة ياله
خرجو بجوج خلاو صديق شاد هيبة مبعد عليهم كيواسيهاا ...ناضت اقبال خرجات ...بقات انصاف او غيتة ...شافو فبعضياتهم
شهيد:طونسيون صعييب بزااف مولاه ديما بين لحياة ولموت خصوصا هيا طالع بزااف ...عرفتي شنو هيا 18 !! راه لموت
جابر:الله ايدير تاويل تاع لخير وصافي (تنهد )
شهيد: مكتاب الله
جابر:ربي مقالش ليها سيري تكمي
شهيد(جغم من قهوتو ) مراهقة تلقات مع رفاݣة خايبة شنو كتسناا اجابر ...غيتة تغرات بداكشي لكارو راه بلية خايبة صعيب تحبس منها سولني انا
جابر: غير هيا لي مراهقة !! كاع بنات الناس دازو منها ...كلهم تحششو ؟ اودي ....
شهيد: غلطات اه ولكن ماشي لدرجة تخلييوها جنب لحيط ...جبدو ليها ودنيها ولكن متلوموهاش على لي وقع لمها ...راه هدشي لي كيخلي لانتحار يكتر اصاحبي
جابر: هيا عارفة اش دارت منحتاجش نقوليهاا ...ضبر لراسها من عندي خرجات على راسها تحمل مسؤوليتها
شهيد: اش ناوي دير ؟
جابر(تنهد ) بغات عيشة الشماكرية تمشي تعيشهاا ...كلشي نصبر ليه اشهيد تالكارو ...صبرت على طيشها على قباحتهاا على تعفارهاا ولكن لكاروو !! لكارو لي عمرو طاح فمي يطيح فمها هيا مرااتي لاا منتقبلهاش ليوم شافتها انصاف غدا يشوفوها جيران على خر يامي نولي مسكة بين الضراس
شهيد:وشنو لمعمول دابا
جابر(تكا على لكرسي لاقي حجبانو وكيشوف فطريق هز كاسو شرب منو و دور وجهو وهوا كيهدر ) الطلااق هوا لحل وديك الساع تمشي لزنقة لي باغة تكمي تالسم لبغات
تقاد شهيد فبلاصتو وقال:الله اهديك ا جابر ماشي لهاد.الدرجة ...نتا مول لعقل ...الطلاق ماشي حل ونتا عارف هدشي ...دابا نتا معصب وغاضب عليهاا مدير والو حيت لحظة غضب
جابر(كياكل فشنوفتو )حط راسك فبلاصتي
شهيد: فعلا غنتعصب وميعجبنيش لحاال ولكن مغنفكرش فالطلاق اجابر ...غلطات اه ولكن فنظرك الى طلقتيها شنو !!
جابر(الصمت)
شهيد: فكر مزياان فهادشي لي بغيتي دير نصيحة مني اناا خلي الطلاق فالتيسااع وفكر كيفاش تربيهاا ...غيتة راه مزال صغيرة مزال ديال تربية ...نهار تزوجتيها اجابر راك عارفها كانت طايشة راه ميمكنش تبدل بين ليلة ونهار غير حيت تزوجات
جابر:كنت قابل على كاع فعاايلها ...ولكن تالهادي سلاتهم لياا علم الله اش كمات من غير لكارو
شهيد:حتى دابا مطرا بااس...هادي دير ليها لعقل شوف حالتها كيف دايرة واش مفكرتيش الى قدر الله توفات الغالية كيغاتكون حالتهاا ؟؟ غير الله يلطف وصافي والله يحد لباس ....عطا الله الطرق تخليها تشد معاك الطرييق انا كونطر الطلاق اجابر حيت غا كتخربق باش نكونو واضحين ...
جابر(شرب ما تبقى من قهوتو )يكون خير
شهيد:كل خير ان شاء الله...
**
فريستو فرنسية وموسقى كلاسيكية فلارجاء لبلاصة شبه خاوية وحتى لي كاينين كلشي كياكل وبسكات ...كيشرب قهوتو مقابل معاها شادة تيليفونها كتصوني ل اقبال
محمد:تكون مشغولة
حياة : وخة تكون مشغولة كتجاوب ....شي موصيبة واقعة
محمد(عيط لسرباي يخلص)تفائلي خير احبيببة
حياة(قندشات وهيا كتركب نمرة شهيد وقالت بين سنانها )تنكونو ماشي بنات لغالية عاد يجينا لخير
محمد:فين غتمشي ؟؟ حياة فيقي معاياا راك ففرانسا داباا متقدريش تمشي دابا خاصك طلعي وراقك ...اجي اجي وتهدني مغيكون غير لخير ان شاء الله
داها لطموبيل شادة على قلبها كلها كترعد عطاها لما شربات وبقا كيهدن فيهاا
محمد:راها فلكلينيك دابا و الطبيب داير جهدو معاها وخوتاتك حداها ...سولي ختك لخاصها شي حاجة نسيفطوها ليهاا ونتمناو تنوض على خير وبخير ...وصافي تهدني
حياة:واخة فف يالله نمشيو لدار
**
صديق:هيبة يكما عيتي !!
هيبة(بعينين منفوخين )لاا بغيت نشوف ماما اصديق
صديق(داعب شعرهاا )سمعتي طبيب اش قال ميمكنش تشوفوها داباا
هيبة:ففف فين كان مخبي لينا هدشيي فين
رجعات اقبال كلسات بلاصتها جنب انصاف ولاحت ايدها على كتفهاا وقالت:انصااف براكة من لبكاا
انصاف:انا سباب فهدشي هءهءه كون غير سكت مكانش يحسابليا مريضة
اقبال:معندك علاش تلومي رااسك نتيي معليك والو قلتي لي شفتيي وصصاافي ...وصاافي ان شاء الله ميوقع والوو
دخل شهيد ومعاه ناصر الاب ديالو طمن على اقبال وبقا واقف معاهم كيسول على حالتها تخرجات لفرملية عندهم بابتسامة وقالت:الحمد لله على سلامة ...لوالييدة ديالك فاققت واحد ساعة يشوفها طبيب ونخرجوها لشومبر عادية
هيبة(بفرحة )واش بصح هههه الحمد لله ياربيي
اقبال:منقدروش نشوفوها
_لا دابا متقدروش حتى يشوفها الطبيب ...نهاركم مبروك
غيتة(مسحات دموعها )الحمد لله
قرب ليها جابر وقال :لمرة جاية شكون ناوية تسيفطي لقبر بفعايلك اغيتة ممم
غيتة(صمت )
جابر: سكتي !! مزال لحساب طويل حمديي الله مك مامشاتش فيهاا ...اما توحدة من خوتاتك مباقة تهز فيك لعيين
ناصر؛على سلامتها
اقبال:الله اسلمك اعمي شكراا
شهيد:اقبال...نمشي نوصل لواليد ونجي ...خاصك شي حاجة !!
اقباال؛لا مخاص والو شكرا
شهيد:بيناتنا شكرا داباا ؟
اقبال:ههه وصافي اسيدي مشكرانش
تبسم ليهاا وخرج تابع باه عنقاتها انصاف لي كان شادها تانيب الضمير يمكن كتر من مولات لفعلة
اقبال:بلاتي نعلم حياة
**
كالسة على اعصاابها فالصالون باقة بحوايجها ومحمد حداها تصونا تيليفون ابيل فيديو فلواتساب بدا قلبها كيضرب
دق فلباب ودخل هزو عينيهم فيه مشا من جيهت هيبة وطبطب بايدو على ايد لغالية وقال:على سلامتك الالة الغالية
الغالية(ضورات وجها )الله يسلمك
اقبال: غنمشيو لداار ونتي رتااحي شوية
شهيد:بلاتي غيجي الطبيب دابباا عاد نخرجو
فعلا مدازش بزاف تدخل الطبيب وفايدو لوراق تاع التحاليل والفحوصات وقال :كيبقيتي الالة الغالية شوية !!
الغالية:الحمد لله الحمد لله
_اوى الحمد لله ...هادي دازت ردي لبال لرااسك. الحاجة ...السكر او الطونسيون مامعاهم لعب .... سكر ديالك مبقاش غير ديال دوا وصافي ...غتولي تاخدي لانسولين
الغالية:اويليي
_وياله قلت لييك تهدني ماالك ! ... تحاجة مغادي تبدل غير اتولي دكي شوكة او تاخدي دوا تاع طونسيون ...تنقصي لملحة ومن الافضل ماكلتك بوحدك ...اما السكر فغتحيديه بصفة نهااائية الحاجة ...مكاينش ارا ندوق هاد لحليوة ارا نشوف اتاي واش مقاد فالسكر ارا ناكل هاد لفرع تاع دلاح ....خاصك تعرفي بلي سكر مامعاهش اللعب
اقبال:كون هااني ادكتور
_وتبعي هاد ريجيم ...الكبدة مشحمة شوية حاولي تبقاي تمشاي واحد ساعة فنهار باش الدورة الدموية وحتى الضغط يتقادوو ...من بعد اتبقاي تجي عندي لكابيني باش نتبع معاك ...مفاهمين امدام!
الغالية:وخة اسي طبيب
_خليت ليكم الراحة ....متجيبو ليها والو لكلينيك ايتكلف بماكلتها حتى تخرج خودو ليها هاد دوا ...غنجي نطل عليك غدا
اقبال:امتا تخرج
_ جمعة ان شاء الله
اقباال: نمشي نجيب ليك حوايجك باش تبدلي هاد تلتيام
انصاف:غنبقا معاهاا !
اقبال:بقااي تنرجع
هيبة:نمشي معااك (شافت فصديق لي غمض ليها عينيه بمعنى سيري )
_ السيد لي عاد كان معاكم دابا ...خلص كلشي وحتى لاشومبغ بوحدها او تقدر يبات معاها شي حد منكم ...كلشي تخلص ... مدات ليها لورااق لقاتو خلص مايقارب 5000درهم حطات لورقة بزعاف
حكاية أنثى الجزء 23 (الفصل الثاني)
محتوى القصة
التنقل بين الأجزاء