سدات عليهم لباب وسااطت مشات لبيتها هزات حوايجها لدوش....دوشات ليها بلخف عاد رتاحت ...دخل شهيد لقاها فدوش ومشا لبيت ...
سلات وجمعات الدوش لبسات حوايج خفاف فوقهم بينوار وفوطة على شعرها مع خرجات كتسمع توشويش فلبيت اتارتها كلمة خلاتها تبقا واقفة بحكم باب لبيت فين ناعسين مقابل مع دوش
نعيمة:دخلي سوق رااسك ا مينة ...مالها لبنت امزيناتها سمعتي شي كلمة لعيب منها
امينة:والله منتيييق ...شتي ملي قلت بغيت نبات مالها قالت مرحبا بييك دار داارك ...هاد لكنس بغاو الراجل بلا واليديه والله لكانت ليها دار ولديي
نعيمة:عاد حلات لييك دار ولدك ياك حلفتي متمشي فطريق زواجو
امينة:صمت تلتياام الله اجعل لبركة ....دار ولدي نجي ليها وقت لي بغات خاااطري
يالله بغا يطفي لفيوز حدااه ناضت غيتة لماريو هزات فنيدة وخرجات لكوزينة شرباتهاا طلعات داك شورط تبانت مؤخرتها واقفة ولا بحال سليب لابسة ديباردور مشبك صدرها تحت منو واقف وصغيير فنفس لوقت جاي مع فورمتها رقيقة غيتة من النوع لي لمشا تغلاض لحم كيمشي ليه غير فترمة من لجينات لي ورتات من لغالية اما لفوق عندهاا بزقة اللاروب فصدرها وعاجبها لحال ...مكتقلب على وصفات مكتشرب دوا لغلض ...اي وحدة فينا خاصها تكون كتبغي جسمها ورااضية علييه كي غليضة كيف رقيقة تيقي ف جسمك قبل متيقي فشي حد اخر ....
مشات كتعوج وخدمات كيد نساا عليه ظنا منها ان بتحلوينها كيف ديما ايرجع يرخف عليها ويرجع جابر لي كتغمق عليه بجوج دميعات ...دخلات لبيت لقاتو طفا الضو ونعس على كرشو داير ايديه تحت لمخدة قربات لبلاصتها وتكات على ضهرها كتشوف فسقف لمظلم وترجع تشوف فشرجم لي داخل منو الضو ....كتعصر فعينيها باش ينزلو شي جوج دميعاات تحنن بيهم الدكالي السعاتي شدو معاها لعكس حلفو لنزلوو....كدور لهاد جنب وهاد جنب تقيسو برجلهاا عمدا وتبعد تقفزها بصوتوو
هيبة:داير ليا كي لما لقليل ...وحتى دابا خرج باش يجيب السيدة لي اتبقا دير ليا لميناج لدار انا غير نطيب وهيا تكلف بشقا لاخر حتى نولد ان شاء الله ...لبنات يمكن جاا ياله باي بااي
قطعات عليهم ونطقات حياة:اختي هاد لبزقة كيضحك عليها بجوج كلمات كي درية صغيرة
اقبال: هيبة كتمشي مع حلاوة اللساان ....نية تفات لقياس خايفة عليها منكدبش عليك
حياة:ضبر لراسها اش خبار غيتة ...هبطو كواريها
اقبال:خلييتها منها لراجلهاا ...قاليا شهيد كان معصب وقاليه طلاق هوا لحل ولكن شفتو مدكر ليا والو وحتى انا ميكت
حياة:جابر ميطلقهااش غير كيقوول ...غيتة خاصها غير تضريصة كي كلاب الصيد تولي تقول نعام اسيدي نعام الالة
اقبال(ضحكات ) غيتة !! ترطاب ...ديك السيدة طبعها صعييب من غير لتبتها بشي براهش وخة مستحييلة هههه
حياة: ضبر لك** (تاوبات)نوض نفطر نهضرو من بعد ابب
**
صباح كي فااق صلى ومشا كيفيق فيها حلفات لناضت طاح عليها لعياا ديال لبارح كاملو عظامها صبحو كيلعبو ...خلاها معندوش لخاطر لي ينوضها معاها على صباح مزال تالنعمة مدايقهاا ...
فاقت كتجر بانطوفتهاا فدار مبانش ليهاا دخلات لكوزينة فيها الجووع جبدات لحليب دارتو يفيض ومشات لدوش غسلات وجهاا وطرفات وبدلات ملابسها التحتية مشطات شعرها وطلقاتو كدور غير بشورط وديبارو منو لحمها ...مقابلة مع لمراية بغات دير لماسكارا تشهقاات ملي تفكرات لحليب فوق لبووطة مشات كتجريي لقاتو فااض ومزال كيطبخ
غيتة:ويلي ويليي ويلي تفو
طفات علييه لقات لبوطة ولات كلها حلييب ...بدات كظور فععينيهاا قهرها لملل لا تيليفون لا ويفيي لا ستا حمص ...راسها كيف لعادة كيصبح ضارها ومعصبة وعلى سبة تبكي وخة بدات كتولف نهارها بلا كارو
محسات تهضراات من لفووق وقالت:كرريييمة واش معندك ميدار اتبقاي دوري لياا بطبااسلك حدا داااري
معرفات كريمة باش تبلاات تهزات راسهاا لفوق بانت ليها غييتة شعرها سابقهاا و الدرعان عريانين
كريمة(بميوعة)غيتة لبااس !
غيتة: واش نتي مكتحشمييش كدوري ليا برااجلي
كريمة:نعلي الشيطان حنا جيراان
خرج جابر من بعد ماسمع صوت غيتة تشاف كريمة هازة طبسيلها هز عينو فست الحسن لقاهاا كطل بالديباردور لي كان ناعسة بيه مشبك وكون كان الصدر كون بان مدفك من لفتحة لكبيرة لي فييه لوسط...خنزر فيها اومئ ليها براسو باش دخل والله مدخلات عيني عينك كتشوفيه
غيتة(كتلوي فشعرهاا ) جيراااان !؟ اضووري فحالك من تحلووين لخااوي ودي طباسلك لنجي نهرسهم عليك على قلة الرجاال يالمديليلة
زدح عليها لباب تقفزات وقالت:يتسدو عليك بيبان الرحمة القرع
ناضت صحة سلاام بلا بكا بلا دمووع كتنش على وجهاا وتقلب فحنكها لي تصوروو فيه صباعو
وقف فالدروج مغزف شاد جنبوو وكيدوز ايد على وجهوو كتجهلوو كيقول اخر مرة نحط عليها ايدي وتزيد تمرضوو فرااسو لا هوا قادر يبعدهاا عليه لا هوا قادر يقربها منو...صعيب تروض وتمشى بلخاطر ...ضرب ايدو الصحيحة مع لحيط كيعض ف فموو وخرج لبرا ضرب فيه لبرد وهز عينو فلباب لي قبالتو كان عبد لكبير كيشوفيه خنزر فييه تهبط الاخير عينو وتكركب مع الطريق كمل جابر خدمتو
جابر:هز هاد زمر ديه ليهاا
صلاح(هز لبلاطو )وخة المعلم
بقا كيدور فوسط لعود شاعل كي جمر ضرب واحد لقراطي مستفين على لحيط حتى تزلعو عاد كلس لارض
من بعد مجمعات دارها تاصل بيها شهيد علمها غيتغدا مع باه قررات تمشي تشوف الغالية
صايبات ليها غداها وكتوري لانصاف شنو دير ليها ممنوع لملح وغير تبخار تبعد من لكوليستيرول ...كلسو كيهدرو فالصالون حتى صونا تيليفونها بنمرة معرفتهاش ...جاوبات فلحين وقالت:الوو ...الحاج لبااس
عبد الكبير:اتييي اشمن بااس داك لمسخوط غيقتل ختك
اقبال(شافت ف الغالية )كيفاش
عبد الكبير:ودكالي مشا يقتل ختك ولا يمكن قتلها عتقي لا لقيتي متعتقي
قطعات معااه وقالت:هاني جاية
الغالية:شكوون ؟
اقبال:غير كليان نشوفو اش بغا ونرجع ...انصاف عينيك مع لغدا
انصاف:واخة
صونات لجابر لقات لخط مشغول ...ركبات طموبيلتهاا ومشاات لعندو قفات قبالت لمحال ...تخرج عندهاا كيحك على لحيتو وتكا على طموبيلتها من جيهتها
جابر:شي تبركيكة صحيحة
اقبال:اش واقع اجابر !
جابر(تنهد )ختك غتسطينيي ا اقبال برب ...بقا هي عبد لكبير يشوهنا فالدرب
عطا لاقبال السواارت وطلعات حلات عليها لقاتها مسفحة كي لقردة
غيتة:شفتي كي سااد عليااا (بدات كتوريها فدراعها وفخاضها او وجهاا وتشكيي)شوووفيي اش داار لياا على ود ديك لخاانزة تاع جارتك
اقبال: واش مكتقادايش اغيتة ...مغاديش ديري عقلك
غيتة: واش فينما هدرت يضربنيي
اقبال:راه فمك خارج علييك ...راك نتي لي كتجبدي على رااسك النحل ...سدي فمك شوية وعرفي اش كتخرجيي
غيتة:كتجي عليه تااني ا اقبال هءهءه
اقبال(سااطت ) غيتة الله ارحم بيها لواليدين دير عقلك غير نهار واحد منسمعش لهيلالة علييك
غيتة:كوليه يرجع ليا تيليفونيي ومنبقاش نعايرو
اقبال:باش توصي صاحبتك تجيب ليك لكارو تاني !
غيتة(بدموع )والله مباقي نحطو فميي ...الله اعطيني موصيبة متعطلنييش مباقيش نحطو فمي الى كميتو باقي عمرك تهدري معاياا
اقبال:شحال من مرة قلتي هادي و التوبة وعاودتيها؟
غيتة(كتنخصص) اخر مرة هءهءهء قريب نتسطا فهاد الداار هءهء هوا غير كيتنفخ علياا كيحرت عليا كي لخداامة خملت الدار كلها فنهار واحد هءهءه معاونييش نطيب نصبن ومكيقوليا حتى كلمة زويينة ومكيعاملنيش مزياان
اقبال(تنهدات )غيتة راه جابر ماشي عاد غتعرفييه ...راه فعايلك لي رجعوه بحال هك كون مباغيكش نهار اللول ميتزوجش بييك ...كريمة لي كضوور بييه سنين هادي مدهاش فيها
غيتة: قاليا غنجيبها عليك ضرة هءهءه والله متكون لييه
اقبال: كون بغاها كون داها نهار اللول ...الله ارضي علييك اغيتة هنيني من جيهتك واش كتبرد وحدة وتنوض لخراا ؟
هكا دازت اياامهم كل عاايش فحياتو الخااصة كينسي نهار بخووه
علاقة جابر وغيتة مكانش فيها اي تجديد مزال متهضمش لييه ادمانها على لكارو كرجل شرقي راه لكارو ولمرا شي حوايج لي مخاصهمش يتلقااو عيب وحشومة ولي كتكمي خارجة طرييق بامتياز
هياا نسات لكارو ولا غير حيت مسدود عليها لباب متخرج الا عند مها ويديها ويجيبها لدار لي عمرها شافتوو دوزو عليهاا مرة تهد وتحنيي الراس مرة تخرج عينييها تبغي تااكل مرة يعطيها علاش كظور مرة يميك ويبدل الساعة بجوج تايبرد ويرجع يلقاها كاع مامسوقة ...
اما هيبة عايشة دلال من نوع اخر ... داير ليها كي لما لقليل طبزات بنعاس ولحنيكات باانو وتاتها راحت لبال ...شقا وتخمال جاب ليها خدامة نهار كلو وهوا مقابلهاا نقي هنا عاودي هناا وهيبة مرة طيب ليه مرة يتكلف هوا وغادية لايام هكااك
حياة لي عايشة لحياة طول وعرض بحكم لغتها لمزفتة لي دافعة جبهة فيهاا بزز قرر محمد يدخلها لسونطر بزز منهاا ديك لفرونسي حلفات تدخل ليها لعقلهاا وعارفة بلي الى مكانتش اللغة مطفروش فهاد لبلاد
اما اقبال فحياتها هادئة بحال شخصيتهاا نهارها كيدوز بين خدمتهاا دارهم وداارهاا مرة تخرج الغالية او انصااف مرة تخرج هيا وشهيد مرة يسافرو فلويكاند مكانش اي تواصل بينها وبين عائلة شهيد
*بعد 3 اشهر*
ليوم جمعة قررو يتجمعو عند لغالية كلهم من بعد مولات شوية فقدت من لوزن شي كيلوات بريجيم و لمارش كل صبااح
كالسة هيبة ناشرة رجليها كتنش عليها كتشدها الصهدة مرة مرة بحكم شهر ستا وحداها انصاف ولغالية واقبال فلكوزينة طفات على لبرمة تاع كسكسو وتييليفون فايدها
اقبال:من الاحسن تجيي من عندك هدر معاه او فهمو ومتخلعوش
شهيد:واخة ياله معاياا
اقبال:وخة بلاتي نبدل علياا
حرك ليها راسو باه وناضت لموضوع كبير وهاد لمرض تاحد مكيتامل فيه ...زادت على التيشور بوليرو مورد خفيف سداتو بلحزام ...لبسات سباط بلا لقاتو كيتسنا فيهاا عنقاتو كداعب شعرو وقالت:ايكون خير ان شاء الله
انصاف (شافت فيها باسف ورجعات شافت فيه )عفااك اخوياا متردهاش فوجهي ....ملي جيت عمري كلست مع غيتة خليها معانا غير ليوماا عفااك الله اررحم ليك ميمتك وباك ليوم جمعة
الغالية هي كتشوف وساكتة مبقات قادرة دير والوو فحق غيتة شافتهاا كي عينيها تغرغرو وبقات فيها لكبدة عمرها تقساح على ولادك وخة معرت اش يديرو فحقك نطقات بلا هواهاا وقالت: الله ارضي عليك اجابر غا هاد لمرة
جابر(تنهد كيدوز لسانو على فمو ) وخة زيدي بعدا لدار
غيتة:واش بصح !(طارت عليه بتعنيقة بقا هي تبووسو قدامهم )شكراا
خرجو بجوج غطير بلفرحة كترر من خمس شهور وهيا مسدود عليها كتخرج غير معاه فقط اما هاد تلت شهور قطع عليها لما وضو مهظرهاش طلعو لداار ومشات كتجري لبيت تشوف اش تلبس ...لقاها كتجبد فسراول لي غمالو مساكن مبقاتش كتقرب ليهم
جابر(كيحيد فساعتو ) اش داكشي
غيتة:كنجبد حوايجي !
جابر:تلبسيهم نحش ليك رجليك
غيتة:وشنو بغيتي نلبس خنشة
جابر:عطا الله ميتلبس ....راك مرت الراجل داباا الناس عارفينك مرتي ..تخرجي نتي تلبسي ليا كلوون ...بنت ليك محزم ولا شنوو
غيتة:حرام عليك اجاابر
جابر:شوف اتلبسي شي حاجة بعقلها يااا تبركة الله مبغيتيش كلسي فداارك وهنيني من لفريع ديالك تااني
كتشوفيه بشوفات لمشاش على الله يحن قلبو السعاتي متسوقش ليهاا وقال:اش قلتي داباا ؟
ناضت كتخنزر جبدات كسوة فلكحل فيها لاستيك تحت الصدر موردة
جابر(تكا على لماريو وربع ايدو )لبسيها نشووف
غيتة:ففف (هزاتها بغات تمشي لدوش او وقفها
جابر: لبسي هناا كالسة حدا خووك ؟
قلبات عينيهاا وحطات لكسوة بدات كتحيد فجلابة وتشوف فيه تلقاه كيشوفف عطاتو بجنب ...تلت شهور مجمعاتهم علاقة حميمية ...حلفات لبغات تسرط ليه قضية لكاارو طيحاتو من عينيه بزااف كيعيا يبرد وكيرجع يشعل فينما شاف شي حد كيكمي كيقول تاهيا كانت كتشدو هكاك وتنغم بيه بتخبية ....شحال من مرة شم ريحت لكارو فدار وردها لكاري لفوق عمرو علق على الموضوع بتاتا ...شاف جسمها قدامو شعر طايح عليه لابسة سوتيان بونج كرونة وشورط قصير كحل ...ناضو عليه سواكن وتبت راسوو ...لبسات لكسوة وشافت فيه لقاتو مفيكسي فيها الشوفة وقالت: زوينة !!
حكاية أنثى الجزء 25
محتوى القصة
التنقل بين الأجزاء