واقفة اقبال قدام مول الشباكية دايرة نضاضر شمسية على عينيها لبسها كاجوال كيف ديما ..ديما سبورتيف رغم انها ضعيفة عندها حقها من معالم الأنوثة ..صدر في القياس وكرش مسطحة
_بغيتي لبريوات (عطاها وحدة )دوقي وردي عليا شي حاجة مزيانة
اقبال(شداتها من عندو داقتها )عبر غير كيلو فيها
_واحد الزعرة غبراات
اقبال: مشات لفرنسا
_هيا يونس ولد لحومة هزو لماا هههه
اقبال: هه كل واحد كيديي لي مكتااب لييه
عطاها الصاشيات وقال:بصحة والراحة
اقبال(مدات ليه لفلوس ) الله اعطيك صحة ...رمضان مبارك
_اميين اختي اقبال علينا وعليك ...سلمي ليا على حياة او لواليدة
الاعتراف بالحب عند بعض رجال مخاصوش يوقع ...مخاصش تبين لمرا بلي كتبغيها باش مضسرش وديرك خاتم فصبعها
ماشي كاع الرجال كيعتارفو بلي هاد الكلمة خاصها تقال ديماا ...
كلمة خرجات منو فلحظة مشعرش بيها ...فعلا كيحس بيها ولكن مباغيش يكشفها لغير وخصوصا غيثة ...انسانة لي تضحك ليك ليوم وغدا تشبع فيك سبان غير حيت معطيتيهاش شي حاجة ....وهاد النقطة بالضبط غادي تستاغلها لجيهتها
من بعد ليلة حميمية من اجمل الليالي منهار تزوجو كان باين الانسجام بيناتهم ...
كالس قدام الحاجة تحت شجيرات كيفطر وكيتسنا فغيثة تنزل باش يشدو طريق ...كل مرة يهز لكول تاع لقاميجة على عنقو يخبي اتار الملحمة لي دازت لبارح تنطق عمو وقال: شكون خوا الشاريج لبارح ملقا عبد الله باش يورد(يشرب) لبݣرات
هز جابر عينو فيها طلعها وهبطهاا اما هيا مشافتش جيهتو كلسات جنب لحاجة كتفطر ...مرة مرة تهرب عينيها لجابر تلقاه حاضيها وتهبط عينيهاا
جابر: والله الحاجة كون سمعتي هدرتي ومشيتي معايا دابا
الحاجة:منصييبش اجابر ...نشوف هشاام ومحمد ملي يجيو هاو نجي عندك ...طريق ولات تجيني بعيييدة اوليدي ...مك مبقات عندها صحة
العم:اتي راه حنا وكنعياو
جابر(حط لكاس )اوى نخليكم ...نمشيو فلحال بارد
الحاجة:واا ماهيا مجية اولدي
جابر:جيت خطفت شوفة وصافي لعيد ان شاء الله ويكون خير (باس راسها)تهلاي ليا فراسك
الحاجة:تهلا ليا انا غافهاد نويويرة
جابر:ربي كيتهلا الحاجة ...ياله مشينا
غيتة:بسلامة عليكم
تبعاتو لطموبيل ضارباها بسقلة كل مكتفكر ليلة لبارح كتعض فمها باحراج وحشمات وكتزيد تفكر كلمة كنبغيك كتفرنس
الانثى هكا دايرة بطبعها كيعجبها لي يمدحها ...يشكرها ...ويتغزل بجمالها...او فوق هدشي كامل تسمع كلمة كنبغيك فادانها ....وخة يكون الانسان لي قالها مكتبغيهش او او ...كلمة كنبغيك كتحسسها بانوثها وتاتيرها عليه ..رغم انها كلمة بسيطة كتقدر تفرح
ركبو فطموبيل وديمارا ساكت تقرب يخرج لطريق ونطق بهدوء :ركبي السمطة تيكونو جدارمية هنا
ركبات اقبال هيا لي سايكة وحداها جابر بعد وقت وجيز كانت حدا باب دار وجابر بقا لتحت كدق وتصوني فلباب بلا فاايدة ...كتصوني تحنات كطل من فتحت الساروت تاع لبواني كمشات حجبانها فاش شافت زاج بلون كحل مزلع فوق الارضية ولورد طايح فجنب ...
وقفات كدق وايديها على السرساار ...هبطات كتصوني لشهيد لي جاوبها فلبلاصة وقال: هدرتي معاها
اقبال:مكيجاوبني حد ...طلييت من لبواني بان ليا شي زاج مهرس فلارض ...(بان ليها جابر جاي كيزرب جيهتها وجهو مكيبشرش بلخير بقات شادة تيليفون فودنها ) جابر مالك
جابر: العساس قال بليي ناضت شي مداببزة كبيرة فداار وخرج يوماين هادي مرجعش
_انا لي شفتو قلتو الالة ...سي الصديق جاو عندو شي ناس ول لبارح نوضو لغوات وصداع فلعمارة ويمكن لمراتو التاانية ااو لبارح فصباح سمعنا لغوات مع ستا تصباح من وراها خرج صديق زرباان المدام مخرجاتش
اقبال:متاكد مخرجاتش
_ هدشي لي كاين ابنتي
وقفات طموبيلة شهيد حداهم حيد نضاضر الشمس من عينو وقرب لجابر قال: عيط ليهم شوية ويوصلو
جابر: الله اخرجها بسلام وصافي
وقفات سيارة الشرطة نزل منها مفتش وجوج تاع لبوليس معاه توجه شهيد لعندو وقال:سي صمدي لباس
-ايه شهيد ولد ناصر يااك لباس اولدي نتا لي عيطي ليا داباا
عاود ليه على الموضوع وطلعو لداار كيدقو من جديد تاحد محل ...جابو طورنوفيز حلو لبواني تاع لباب وتصادفو مع زاج مزلع فلارض ...دخلات اقبال كتزرب كتشوف بعينيها وكتعيط باسم هيبة تدخلات لبييت بان ليها باب دوش ومشات لجيهتو دورات لبواني لقاتو مسدوود وبدات كدق فييه وكتشوف تحت لباب الضو شاعل
اقبال:هيبة ...هيبة نتي هنااا حليي
شهيد(جرها )تهدني اقبال ..لبوليس ايحلو لباب
جاو بغاو يحلوه لقاو ساروت ضاير فيه عكس باب برا...عياو لبوليس بالدفيع تقدم جابر هاد لمرة بكاع جهدو كيضرب فلباب حتى تهرس...وجات عينوو على منضر خلعوو هيبة وسط بركة من الدمااء ...خرجو عينوو ولصق مع لباب
اقبال:طلقني اشهيد نشووف وطلق
دخل لمفتش ولبوليس وخرج كيهدر فالتيليفون
طلقات منوو ودفعات جابر لي بغا يحبسها....غوتات غوتة خلاتها طيح على ركاابيهاا تجرها شهيد خاشي راسها فصدرو
مقدراتش باقي تنووض كلسها فوق لفوطوي تما وحداهاا جابر وهيا شادة راسهاا
اما شهيد دخل لحمام عند هيبة قلب ليها النبض وعينيها كيتاسف
_اشبان لييك
شهيد:كانت حاملة ...فين هادو تعطلوو بزااف
سمعو صوت لومبيلونص لتحت كلشي كيتفرج وكيسول اش واقع طلعو لفووق خواو ليهم لبلاصة باش يدوزو ب لبياص بقات اقبال كالسة كتشوف فيهم كيهزوها وعينيها دايزين بدموع شافتها كلها دمايات وضورات راسها عاضة على فمها
شهيد:اقبال ياله نتبعوهم دغياا ...فين جابر !
اقبال:معرفتش
الاخير كان ركب على طموبيلتو وشد الطريق لفين خدام صديق مرة وحدة لي جا هنا نهار بغا يسول عليه قبل زواج وقف قدام لباب مبان ليه حد ياله لعساس كيسد فلباب توقف عليه جابر
جابر: مكاين حد هناا
_لااا اسيدي هانتا كتشوف كنسد
جابر: معرفتيش فين نلقا صديق !!
_ يكما نتا من صحاب الشيكات ! صديق لبارح قرقبو عليه لبوليس راه باايت عندهم او وصا دراري باش يحبسو الخدمة
_الحمد لله جبتوها فلوقت ...كون تعطلتو شوية كنتو اتسمعو خبار خراا....ضربة لي فراسها مصعيباش بزاف...ولكن مع الاسف لبيبي غنضطرو نحيدوه حيت مات
شهيد: وهيا فاقت !
_داباا غندخلوها لبلووك غنبنجوها باش نديرو ليها كوغطاج ...جاتها ايموراجي خايبة غير ربي حفضها هياا ...الله اعوضهاا ان شاء الله
اقبال:هاد لعملية صعييبة !!
_نتمناو متجيهاش ايموراجي مرة خرا غير هكاا مصعيباش ...شكون ايتكلف. ليا بلوراق الله اخليكم باش ندخلوها داباا
اقبال:كوني هانية غير دخلوهاا
نزلات الاستقبال عمرات لوراق لمطلوب منها
دخلو هيبة لبلوك على راسها بانضة بيضة ضايرين بيهاا فرمليات كيقادو ليها فالسيروم او دارو ليها خيوط فوق صدرها مراقبين دقات قلبهاا ...حاسة براسها وسط شي كورة كدوور بيهاا
وقفات حداها طبيبة بلبسة زرقاء او بافيت على نيفها :مدام ...معندك مناش تخاافي كلشي غيدوز بخيير داكوغ
لفم ليي يهدر مكااينش ...سرحو مع ايدها بروات ودارو ليها الاكسجين فنيفهاا ...تواني معدودة حتى غاابت معارفاش شنو ضاير بيهاا
خدا منهم الامر ساعة من الوقت من بعدها حولوها للانعاش تحسبا لاي ايمورراجي حتى تفيق عاد خرجوها
اقبال كالسة برا على الشووك تخرجات عندهم طبيبة وقالت: العملية راه دازت بخير معندكم لاش تشوشو حاليا
اقبال:او هيبة كي بقات
_مدام هيبة غير تفيق ويطير منها لبنج غنطلعوها لشومبر .. غير امدام بغيت نقوليك ...الحالة لي جات فيها ختك صعييبة بزااف ...لقدر الله كان ممكن تموت حيت لايموغاجي ماشي شي حاجة لي سااهلة (باسف ) تقدر تجيها انفيكسيون من الإجهاض ...غتبقا على الاقل 5 اياام
اقبال(طاح قلبهاا )مفهمتش
د:منقدر نقول والوو حالياا غير هوا راه ممكن يصعاب عليها تحمل مرة خراا ...داكشي بيد الله طبعا ولكن الاجهاض لي وقع ليها داباا صعييب وصعيب بزااف (تنهدات )مرة خراا ...على سلامتها والباقي كلشي ديال الله
اقبال:(تنهدات)الله اسلمك
جابر: ففف اشنو غانديرو مع داك خيناا !
شهيد:غير هاد شهادة طبية ادخلو لحبس يتربا مكاين لاش نوسخو ايدينا فيه
اقبال:معرفتيش علاش تشد
شهيد: السيد صدق. مزوج مرا خرا وهيبة هيا التانية زور عقد لعزوبة ومخداش الموافقة وتريط فيها ...عاد زيد شيكات وشي وحدين مامخلصهمش ....السيد مخلويض
جابر: عندو زهر ملقيتوش فخدمتو
**
كالس كيربت برجليه على الارض شاد فايدو كلينيكس كل مرة يمسح ايدوو حالتو حالة وجهو كحل بلعصاب و عقاد قاميجتو لفوقانين حالهم جبهتو عرقانة بستريس
ك: دوي اسي صديق واش عرفتي كي لقاو مرتك فدار ...من بعدما سديتي عليها وخليتيها كلها دمايات ممم ...ضرب ولجرح التزوير وشيكات بدون رصيد ...فين ناوي توصل
صديق(معصب )مكنتش ناوي نضربهاا لحضة غضب وصاافي
ك:هه لحضة غضب قالييك ....اوى والتزوير تهوا لحضة غضب كيدرتي ليها مزوج خمس سنين وداير فيها عاازب ...شكون لي عطاك شهادة لعزوبة
صديق(عض فمو من لداخل )واحد الشيخ
ك(جبد ورقة )شنو سميتو واشمن قيادة
صديق:*** (سرط ريقو ناشف )واش نقدر نشوف ممراتيي ولا غير نهدر معاها
ك:باقي كيقول مراتي (بحدة )مرااتك راه بين لحياة ولموت فسبيطار ...نتا رااجل نتاا !! بشيبااتك اصااحبيي حشمت نسبك ...
برك على لفيتاس حتى تحكو الروايض. وخلاهاا مدا ايديها بغات تحل تبعاتو بجري ولاحت عليه صااكها كتغوت : الله الݣيها ليك الي*هووودي
وقيت لعصر وصل اقبال والغالية فشومبر لي غيدخلو ليها هيبة ...اقبال باين فيها لعياا والهم تاع ختها لي مبغاش يسالي ضرها خاطرهاا كي غاتكون حالتهاا
متكية على السرجم مربعة ايديهاا والغالية فوق الفطوي شادة راسها كتحسر ...دقائق حتى حلو لباب لفرمليات ومدخلين هيبة فوق لبياص الدم تقول مافيها قطرة وحدة وجه شااحب وشفايف بيضين تحت عينيها كحل ..ملبسينها لباس ازرق وشعرها مغطي ب بوني ..مغطينها بايزار خفيف ومعلقين ليها السيروم
_واحد خمسة دقايق وغنرجعو نقادوها فبلاصتها ...جبتو حوايجها ؟
اقبال:اه هاهوما داكشي لي طلبتو
حتى وصلات لكلينيك ورجعوها باش تجيب لحوايج و الدوا لي غتحتاج مشات جابت ليها من حوايجها وخدات ليها حوايج لتحت شراتهم
خرجو لفرمليات وناضت الغالية غالبين عليها دموعها كتنخصص
الغالية:مديريش فبالك اكبييدتيي ...الله ياخد الحق فالظالم
هيبة(بدموع وتعب وبزز كتخرج لهدرة ) مزوج ...وهجمات عليا مراتو فقلب دار ...سد عليا فلحمام بلا ميرحمني معرفتش شحال بقيت تماا ...كل مرة كنفيق كنقول غنلقا راسي تحت الترااب
الغالية(دموعها كيتسقطرو ) الله ايطول فعمرك ابنتيي حبيبتي تنشوفك فرحانة
اقبال:هيبة رتااحي اختي متفكري فوالوو
هيبة:متخلينيش ا اقبال عفاك هءهء
اقبال(قلبها كيتعصر على ختهاا ) انا معااك (بحب)صافي سكتيي ورتااحي
هيبة:مات لي فكرشي يااك ؟
اقبال(باسف)الله اعوضك خير ياربيي ...
هيبة:هؤهءهءه الله ياخد فيه الحق ...الله ياخد فيه الحق هءهءهء هلكني فصحتي وفحيااتيي
الغالية:صافي ابنتيي صافي نعلي الشيطاان راه مشاا فين يربييوه
هيبة:هءهء لموت ومتبردنيش من جيهتو امامااا هءهءه
تنهدات اقبال وبعدات كتمسح على وجها من بعد مدخلات الفرملية وطلبات منهم يخرجو باش ديرها فبلاصتها وتعاونهاا تلبس حوايجها
**
خلاها كتنتر فالشمش شداتها برجل حتى لميترو مهزاش لفلوس غير لكارط ولكارط تاع لميترو غادية وكتسب فيه كتصوني لمحمد مكيجاوبهااش
حطها الميترو بعيدة شوية على الدار وكملاتها على رجلها الشمش او الصياام وفينما تبغي تسب تضرب فمها معصبة غادية وتهدر غير بوحدها كي لحمقة ...حيدات سباط طالون من رجلها وتمشات حفيانة توصلات لدار كتنهج وجها مزنك حلات باب الجردة و شافت باب الدار محلول وصوت اغاني اجنبية من لداخل
دخلات كي شي ثور جاهل دفعات لباب على جهدو كتقلب عليه بعينيها بان ليها فلكوزينة داير لكيت فودنو وكيقطع صدر دجاج بلموس لموسيقة خدامة من بيتو او هوا كيهدر ولاول مرة شافتو كيضحك
حياة(بغل )بربي تنهجرو لييك(صاك لي كانت هازة معرفات امتا ولا ضارب وجهوو وصاحت بصوت عاليي ) نتااا يالسلكوط تخليني فطرييق كي لكلبة
حط لكيت وشد جبهتو لي جات فيها السمطة شافيهاا مخنزر ولاح لموس جاي مقرب ليها وقال من بين سنانو :كيسكو ڤو ڤولي ؟ (صاح بصوت عالي )كوااا
حكاية أنثى الجزء 28
محتوى القصة
التنقل بين الأجزاء