طلعات بدلات حوايجها فازكيين بلماا...كلسات كتكدد فضفارها معصبة ...ناضت خارجة ب بيجامة بيتية نص كم بسروالها وصندالة فرجلها...دخلات لكوزينة لقاتو واقف كيقطع فالخص والكيت فودنو كيهدر بالالمانية مفهمات حرف واحد اش كيعني ....خنزر فيها و رجع لشغلو معبراتووش ...لقات تقدية محطوطة فوق لكونطوار لوسط بدات كتجبد وتستف وحطات اش دير لفطور ...تشهات لبيتزا ودارت صلاد فخوي الحريرة مكتشربهاش ....مرة مرة ضور بجنب تشوفو اش كيدير تلقاتو كيعصر شوية الحامض على صلاد بلخص وماطيشة او لخيار مع لافوكا ...دارها فتلاجة مغطيهاا وخرج من الكوزينة ...
مشا لبيتو سد عليه ...دازت لتلاجة تجبد اش خاصها وهزات حامضة عصراتها ف لصلاد كاملة وحركاتها مزيان وسداتها ومشات كتشحر فلبيتزا ومرة مرة طل عليه مبقا والو لفطورهم عاد دخل محمد وتوجه لكوزينة
محمد؛ممم الله اش هاد روايح
حياة(شافت فيه ونخلاتو وكملات شغلها
محمد:حياة ! ...ماالك. شتك قالبة علي وجهك
حياة(كتقطع فماطيشة )ففرقني عليك هاد الساعة امحمد قبل منقلب هاد طبلة نيت
محمد؛ههه تقطعتي ولا مالك ...اااه مجاوبتكش قبيل ...ديزولي شيغي كان عندي اجتماع مهم
حياة:متعاودش ليا قصة حياتك ...ومتعاااااودش تسيفط ليا داك لق*وااد
كلسات جنبها كتحك فعنقها وقالت وعينيها ف هيبة : مينة خاصها غير علاش تقول بنات الشيخة (تنهدات ) اشمن دنب درتي الغالية حتى خارج فبناتك !
الغالية:دنوبي كتاار الله اعمل ربي يخرجهم فيا ولا فيكم ا اقباال...كنت صغيرة وعقلي ماهوا عقلك ديك الوقت (تنهدات )ملي كنشوفكم مهمومين قلبي كيبغي يسكت ونرضها لقلبيي نطلب ربي يسمح ليا على ما فاات
اقبال(بحرقة )كلشي كيفوت ...كيبقا غير لافوت (تنهدات )كليتي شي حاجة
دق فلباب ودخل جابر ومعاه لبنات سلمو على الغالية ومشاو لهيبة
غيتة:بغيت ليه موصيبة فهاد نهار
انصاف:على سلامتك اهيبة
هيبة(بعياء)الله اسلمكم البنات
جابر:هيبة لباس كيبقيتي شوية
هيبة:شوية ...شوية
جابر:متشغليش باالك ...والله متبقا فيه الحبس غيمشي لييه
هيبة:مبقيتوش تجبدوه ليا مبقيتش باغة نسمع عليه والوو
اقبال بعدات لجنب الشرجم كيضرب فيها لهوا راسها بغا يطرطق عليها تقربات ليها انصاف وقالت:اقبال مالك !
اقبال:والو...نتي بخير فطرتي !
انصاف:اه فطرت مع غيتة ...كيبان وجهك صفر
اقبال(بحب )غير لعيا احبيبتي متشغليش بالك ...شوفو هيبة باش نوصلكم غتسالي زيارة مع 9 تليل
انصاف:وخة اختي
هزات الاخيرة تيليفونها حلات لكونيكسيون طلعو ليها ميساجات حياة سبان من السمطة لتحت وجااهلة فلاوديواات كتعاود موقع ليهاا مع هود وملي ملقاتش رد كلساات تسب بلافرانات ...مزال اقبال كتقرا حتى صونات تقول كانت على القرص ...جاوباتها فلحيين وهوما مجمعين مع هيبة
حياة (بجهالة ) عاد حااالة ابنت الشيخة لي خلا ليا هاد ولد ليهو**دي كملتيه لياا نتي ابنت لحراام
اقبال(تنهدات وساطت النفس من نيوفها ) شحال جهدي نسمع بنت الشيخة ليووم
حياة:لااصقاا فجبهتنا معندها فين تزيد ...مالك صوتك معاجبنيش
اقبال: مشاكييل احيااة
حياة:ماشي شي حاجة غريبة على بنات الغالية ! اشمن مشاكيل تاني
اقبال: داكشي لي كنغوتو علييه شهورا هادي هوا لي وقع لختك ...صديق صدق مزوج او هجمات مراتو على هيبة نوضوها بيناتهم ملي بغاات تهز حوايجها عطاها قتلة تاع لعصا وسد علييها فدوش نهار كلو وهيا دايزة بدم تمشينا كنسولوو اما هواا شدوه لبوليس على ود الشيكات او خلاها فدار مسدود عليها
حياة(خبطات حناكها )اويييلي على ولد لماارجة.... او لبيبي ؟
اقبال: مات ...دارو ليها كوغطاج ملي فاقت وهيا توجع
حياة:شفتي هدرتي ا شكنقولييكم داك ولد لحرااام رااه القو*اد بووه مضلم متعرفي اصلو من فصلو...بقات تجابتها فك**تاني
اقبال: زربة فين كتوصل
حياة(مغيدة )نااري كون كنت اش ندير ل حما*ر بووه تماا بربيي تنشوهوو ف مكناس ...ولكن كلشي من لبهلة تاع هيبة دمودووومة طرطقات ليا مرارتي معرت لمن شابهة فالدل
اقبال:لي عطا الله عطاه داباا هاهياا كتشوف حالتها فين وصلات دابا عاد قالت ليك مبقيتش نسمع حسو
حياة: الله اعطيهم كسيدة هااد رعاوييين
اقبال:ونتي مالك مع داك خينا
حياة(بكره)هداك وااحد ولد الق*** واحل ليا فحلقي كي شوكة لحوت ....حس بك**و انطير ليه بلورت بغا يجري علياا قبل لوقت
اقبال؛حيااة براكة من الطيران وشدي لرض شوية ...ضبري على خدمة وهزي رااسك وفكي راسك من هاد تخربييق واش غتبقاي معولة على محمد ؟
حياة: الخدمة غنخدم ولكن انبقا نجر فيه تيشري ليا شي محل فلمغريب نديرو شي صونتر بيوتي مق** كيشقشق وفرنسا نديرها غير لسيااحة عارفة ك`** مامعطينيش مع لكور
اقبال: الله اهديك وصافي اتبقاي تاتصدقي لهاكا لهاكا
حياة: تخافيش علياا ...خافي غير على جوج دميعات لي عندك تماا فقست ليا مرارتيي ... فيها ميجيب شي حما*ر بفلوسسو تلعب عليه لعشرة جايبة واحد يهلكها عصاا ويصبحها بجالوقة تاع دهب ...زواج ݣُردة
اقبال:نخليك غنمشيو دابا من بعد ونهدرو
قطعات حياة عليها وبقات مكروازية رجليها على لكونطوار تاع لكوزينة ..كتشوف قدامها تبان ليها ضل ديالو دخل عليهاا كي غراب الليل
هود (داير ايديه فجيابو توجه لتلاجة هز قرعة باردة دارها بعيدة على فمو وكيشرب بلا ميقيس الراس تشرب وقرب حداها وقال بتهكم ونطق بلفرنسية وعاطية منو ريحت لكارو ) متبقايش تحلمي بزااف (بغج القرعة بايدو وطار فيها لماا تشهقاات ولاح عليها لقرعة مصدوومة وبعد عاطيها بضهرو ) مغنمشي منهنا حتى تمشيي نتي
حياة(ضرات فمها معصبة )تفوو سمعني (بغل )كيفهم غير لي بغاا
*
اقبال:هيبة صباح ونجيو رتااحيي خاصك تنعسي
هيبة:مع هاد لحريق مغنعسش
الغالية:غا صبري ابنتي سسمعتي طبيية اش قالت راه عاادي غدا تصبحي مزيان وانا ابنيتي غير يصبح لحال نجي ونصايب ليك فطورك
انصاف:الله اشافيك اختي
غيتة: متبقايش تبكي خليه هوا يبكي علييك
هيبة(تبسمات ليهم )الله اخليكم لياا
خرجو كلهم وبقات اقبال وقالت:خاصاك شي حاجة
هيبة:بغيت غير نرتاح منوو اختيي
اقبال:تولي بخير وتقدري تخرجي ويكون خير
هيبة(باسف)سمحيليا كل مرة زايدة علييك بهمي وزدت عليك بلكلينيك تاني
اقبال:كوني غير بخير انا ورااك ديما (باست جبهتها )رتاحي ونعسي مزيان صباح نجي عندك
هيبة(مسحات دموعها )وخة
خرجات لعندهم لقاتهم كيتسناوها مع جابر
جابر:صافي غير سيري ترتاحي ...انا غنوصل انصاف والغالية لدار
غيتة(بتحلوين )لائح حتى تعطيني تيليفوني والله مندير شي حاجة كنحلف لييك صافي راه تبت
جابر:تبتي
غيتة:ممم
جابر(جرها عندو )مبغاش تخلينا نصومو مرتاحيين
غيتة:ياك غير الليل هداا
جابر:الليل طويل (جر شناايفها بقبلة طويلة )قلبتي عليها راسك انا عاطيك تيسااع
غيتة:هاا ونتا لي على سبة ...صافي نعس راه قرب سحور
مبقا لا نعاس لا نص شدها شدة لعما فالضلمة وتاهيا طالبة عليهاا فين مدورها دور كي لعجينة عندوو
هربات منو بزز مشات لدوش دوشات تدخل عليها لدوش وقال: مزال مساليتي ؟
غيتة:صبر غنتشلل دغياا
تشللات ولبسات بينوارها وخرجات وهوا دخل ...دخلات لبيت كتشف فشعرها تبان ليهاا تيليفونها فوق مخدتها ولفراش طايح فلارض مشات كطيير كتنقز كي لهبية وتعنق فتيليفونها لدرجة كون شافت قدامها جابر تقوليه كنبغيك ونحماق عليك كلشي فسبيل تيليفون...لبسات حوايجها وطلقات شعرها فازك وتخشات فلفراش كتشعل فيه مرة مرة تعنقو كي لهبية حتى دخل جابر لاوي على نصو فوطة لبس شورط ديالو وجا حداها طارت عليه بتعنيقة وبوسة فحنكو طيرات ليه لعقل ...دور عليها ايد وقال:مبقاتش مرة جاية اغيتة ديريها فبالك
غيتة:لاا لا صافي
جابر:ديري عقلك وعرفي لي عليك ولي معليكش راك كبرتي وليتي عارفة زوين من لخايب ولحرام من لحلال
غيتة:وصاافي فهمت
ضخكة بغات تشرك ليها لفم كتافات غير فلواتسااب والانسطاكرام اما لفيس خافت ديرو دابا ويطيرو ليها تاني ...بقات سهرانة اما جابر عطاها بضهر نعس وعلمها تفيقو لسحور حققات تيليفون لتنسا اما هيا معولة تبقا شادة السهرة تالفجر
**
دخلات لدار دارت عشاها خفيف من ورا معلمها بلي معشي فدارهم ...دوشات من لعيا ومشات كلسات فالصالون مخدمة التلفازة كتسناه يدخل ...سمعات الساروت كيدور وبقات فبلاصتها شافت الساعة كانت طناش تاع الليل.
دخل وحط الساروت فوق طبيلة تاع زاج وحط سبرديلتو هز عينيه فالصالون وشاف فاقباال وقال: جيتي امداام
اقبال(بهدوء ) اشبان ليك ؟
مزادش الهدرة معاها مشا بدل عليه حوايجوو وتخشا فبلاصتو شاد تيليفونو ومخليها فالصالون كضرب حساب فحساب
حكاية أنثى الجزء 29
محتوى القصة
التنقل بين الأجزاء