وقف عند أقرب طبيبة تيعرف عامة ونزلها معاه فداك صهد وشموشات ودخلو لقاو نااس قلال والاغلبية فاطر حيت ها لي فيه السخانة ها لي حاملة وهالي السكر..جلسها ومشا قيد معلوماتها باش تدخل عند الطبيبة وهي عينيها تيضورو من واحد لواحد
تتشوف راجل كبير معاه ولدو تيشربو الما باين فيه السكر ومرا خرا متكية بنتها على كتفها تهتهت بسخاين
جلس حداها وحط يدو على ركبتها:شوياا؟؟
غيثة:(شافت فيه بحزن وحطات راسها على كتفو)ياكما انموت
محسات هي بضربة لوجهاا فاقت مفزوعة لقاتو واقف عليهاا او ميكة تاع الدوا طايحة فلارض وقال بلفرنسية : عمي سيفط ليك هدشي
جهد لي يجاوبوو معندهاش رجعات تكاات وغطات راسها تسنط لوجعها تسمعات صوت التلفازة حيدات لغطا وشافتوو كالس كيتفرج ساطت من نيفها وقالت:نقص ....والخرااا واوجه الخص*ية نقص (لاحت لغطا بفقصصة ملي متقلبش فيهاا )نااري غن*ق*تلو
جاها صوتو بلا ميشوف فيها مبرد ومكالمي على الاخر نطق بلفرنسية : صالون ماشي لنعااس ...الي ڤا طا شاامبغ
حياة:شااد معايا ضد اليهوو*ديي هااه واخة (هزات لكاس لي فيه الزعتر سيفطاتوو تاتكفح فزربية ولكاس جا وسط التلفاازة حتى مشات الصوورة ...وناضت كتجريي طلعات فالدرووج كي لعاصفة معطاتوش وقت فين يتبعها
بقا مصدوم كيشوف فتلفازة بلفلوس صحيحة ضرباتها ب كاس جات ليهاا على روحها ...بلعصااب جر التلفازة تطاحة للارض كمل عليها حيت صاافي مشااات مستحيل تقاد تااني ....كيسمح على لحيتو شيااط بغا يخرج ليه اما هيا طلعات لطبقة التاانية او بقات واقفة كطل وكتسمع سباان ولخبييط شافت السااعة هادي وقت محمد يدخل مجات فين تفوت نص ساعة سمعات طموبيلتوو جاات مشاات كتجري لبييت دخلات لدوش حرقات عينيها بالصابوون تدمعو وحماارو وغسلات وجهاا ومشاات لماريو جبدات بليزتها وجبدات شي حواايج من لماريو دارتهم فيها ومشات لجنب درووج كتسنط
تنهدات هيبة من بعدما وقفاات طاكسي جنب دار نزلات لغالية كتعاون فيها تهبط وجها صفر مقادراش تزييد ...نزلات اقبال حلات لباب بالساروت وجات شدات معاها هيبة لابسة جلابة او شال على رااسها ...شدات ف اقباال وعينيها كيدورو ليكون شافها شي حد عاوناتها اقبال طلع درجة درجة تحلات عليهم انصاف لباب
مزال مزاعماش على القصير فدار قليل فين تلبسس شي حاجة قصيرة من غير لطلبها تلبس ...جبدات شوميز بشورط يمكن اول مرة تلبسهاا من اختيار حياة كان ضهرها كلو مشبك وشورط قصيير بتوب حريري كيزلق فلموطارد لبساتهم جاوها روعة مع جسمها الرشيق ...طلقات شعرهاا وسرحاتو ....تقابلات مع لمراية وهزات قلم لحكل دوزاتو من عينيهاا وطلعات شفارها بلماسكارا ولاو عينيها قتالين
زادت عليها بينوار قصير بيض رطيطب ومشات كتجر بانطوفتها شربات كينتها مع لماا وجبدات لي صلاد فخوي لي وجدات كتقطع فيهم تمر او الفواكه لجافة ...حتى سمعات الساروت دار وسد لباب ورااه ...جاي كيدندن لباب الكوزينة تهزات عينيها فيه بشوفة مخطووفة وهبطاتهم دغيا ونوع من الحشمة فحناكها بانت
اقبال: الله اقبل
شهيد: امييين...(تسلب بدوك لعينين كيف اللوزاات محكلين داك شعر مموج على كتافهاا رجيلات مخالفاهم ولبينوار قصير ...قرب ليهاا تحت تاتيرهاا وبعد الشعر من على عنقهاا بصبعو وغطس راسو فيه باسها قبلة خفيفة وطلع النفس من نيفو طويلة وقال:الله (طولهااا ) ريحتك كتسكرني
اقبال(هزات كتفها مبورشة من دغدغة لحيتو وقالت:نقص من لحيتك شوية ...كتقرصني
جا وراهاا وهيا كتلف ف تمر تقطعوو ...دور ايدو على كرشهاا تحل لحزام وجر لبينوار من كتاافهاا وقال: علاش هداا ممم
مشات لماريو كتخوي فييه حوايجو قطعاتهم كلهم محدها كتجبد تطاحت على جوا صفر اللور ...هزاتو حلاتو لقات هي الزرقة على ختهاا محسباتوش دارته فالسراول فجنبها و دخلاتهم حتى فجنب سليب حتى جمعات حوايجهاا كلهم فلباليزات عاد خشات جوا لداخل
دا منها لوقت كتر من تلاتا تسواايع وهياا هادي تنفع هادي تهرس لي باعتها باعتهاا ولي مغاتحيدش من بلاصتها هرساتهاا لفابو او لبينوار تاع لحمام جابت مطرقة وعطات لدريس يتكلف هكا جات الاوامر من الشهبة ...محركاه التدويرة لي غتعطيه
سمعات لباب تاع لتحت تحل وطالعين جوج رجال مطلعين لماكية ودريس مطلع لباليزات بجوج ...كمشات اقبال حجبانها ولسانها تسرط خوتاتها قدما بقاو ايخرجو ليها عقلها...بلا هواها حيدات ليهم من طريق وعينيها فهيبة لي كتهرب عينيها تشافت دريس وقالت:درييس اش كدير هنا
دريس:ختي اقبال هانية ...وادرنا الوااجب مع ختك الصغيرة كوني هاانية والله والديه ميلقا علاش يحط ايدو
اقبال(بصدمة )اش درتو
دريس: الاتات كلو بعتو لواحد صاحبي وبتمن مخير داك لخير كامل جاب ليها مليون او نص غير سقرام شوية اما والله متنزل على جوج حيت كلشي باقي نقي ...دراري طلعو لماكينة لخرا او لفران ...هاكي ها باليزتك ...عطيني نمرة حياة
هيبة(عطاتها ليه كتفتف من اقبال لي صقلات والغالية كتشوف فيهم مدخلين ماكينة الصابون اوطوماتيك عينيها تقلبو وحوالو اما واحد ماكينة لمااعن كتبري ولفران اخر مكاين ديال الضو
الغالية:هيا فحما سيدي ربيي ...مدات ديال حد هدا حقهاا
هيبة:دابا لي عطا الله عطا مليون نص حسن من بلاش ...اقبال قلبي لينا على شي دار تكون قريبة لييك ....نرهنوها ب هاد 6 باش يجينا لكرا رخيص ...غير نخدم ونبدا نخلص لكراا
فسجن الرجال كالس مبعد على رجال لي كيلعبو ضامة بغلايق لقراعي منغالق على راسو وهي مخنزر ...كلشي كيجيه خاانز وموسخ دووش مرة فالسيمانة فكرة كتقتلو وهوا لي مولف يدوش جوج مرات وكتر والغسيل كل خطرة ...حتى من لحوايج عطاهم ليه لحاريس تيجيبو ليه حوايجوو ...
لحيتوو طوالت كحلة وشعرو كحل وجهو مكيبشرش بلخير كلو كيخلع وكيبان مريض نفسي غير محسوس من جنابو وكالس بوحدو منعازل تحل لباب ونطق الحارس وقال:صديق تبعني عندك زيارة
صديق(وقف مخطوف وتبعو كيجر فسباطو مع سروال سورفيت وتيشوورت مخطط كااشف وهوا لي مولف غير لي مارك وروايح يعوم بيهم
المحامي؛سي صديق القضية عندك صعيبة شوية ...تلاتا تشيكات كل شيك في خمسة تال عشرين مليون ...وعاد زيد الضرب والجرح الشكاية تاع هيبة او زيد عليها مراتك اللولة داعياك بتهمة تزوير ...كيغاتسلك راسك منهاا ؟
عمر:قلت لييك متزوجش بلا خباارها قلتي ليا نادية غير هبيلة !
صديق(كيمسح على وجهو )عمر ...خاصني نكتب ليك وكالة بلبيع بيع الطموبيل والدار وخلص الشيكاات ...منقدرش نبقا فلحبس
المحامي؛واخة ...الشيكات نخلصوهم او عيالاتك بجوج ؟
صديق:خاصني نهدر مع هيبة تنازل على الدعوى او لخرى مبقات معاها هدرة القااضي شوف معاه عطيه تا خمسة لمهيم منتشدش ا حساام قوليهم مرييض ....عندي الضيقة...مغنبقاش هناا احساام...عمر سمعني سير لداار جيب لياا حوايجي او غتلقا فلماريو واحد جوا فيه شي فلوس زيدهم على طموبيل ودار
حكاية أنثى الجزء 30
محتوى القصة
التنقل بين الأجزاء