ملاحظة: الأجزاء مازال ماولَّات قصيرة، بالعكس، القصة باقي فطور الكتابة، والأجزاء لي كايتحطو دابا كانو مكتوبين من قبل، وكتابة الأجزاء كاتكون أبطأ بمراحل كثيرة، كان من المقرر نحبسو القصة فالجزء 22 حتا يكمل الفصل الثاني لكن نظرا لكثرة الطلبات بدينا كانحطو فيه.
محتوى القصة
قرب وقت لفطور كانت فلكوزينة كتوجد فطبيسلات وتستف ماكلتها بوحدها وماكلة محمد بوحدها بلا دهون وزيوت ...
دور الطموبيل بزعفة لجنب وحبس وقال دمو كيغلي :الى كان دمك باارد اناا راه نق**تل مو هدا لي حل عليك فمو دخليها لمخك مزياان ا إقبال نتي مبقيتيش ديال رااسك وراك راجل لي تشااوريه فاي حاجة وتاخدي برأيو كي تياخد برأيك ....متزوجناش على وديت النعاس
اقبال:دابا شنو جاب موضوع لموضضوع
شهيد؛شوفي نتيي
سكتات مقالت حتى كلمة كتشوف لقدام .تقاد فبلاصتو وساط النفس مجهدة ورجع لطريق
كمل طريق ساكت كيعض فشنايفو مغزف وهيا جنبو ساهية قدامها توقف قدام الدار ..ياله بغات تهبط نطق :غنمشي نطل على لوواليد ونجي
إقبال:ملي هدشي...لاش زاربني !
شهيد: حيت بغييت (شاف فيها )كتقلبي على شي مشكيل تااني ؟
اقبال:قولها نيشاان قول كتقلبي على لحبس
شهيد: اش كتخربقي اش جبد شي حبس ولا باكور تاني
اقبال(بانفعال ) راك نتا لي كتخربق اشهيد ...مفهمتش ماالك هدشي كلو عليااش بسلامة شنو درت بلا خباارك .. متبقاش تقلب على لمشاكيل من والو
حلات الباب وزدحاتو ونزلات خلاتو كيتقلا غير ببوحدو ...حك روايض وزاد وهيا طلعات لدارها مفقوسة
حياة:مكرهتش نمشي نطل على نسيبي صديق مسكين ...نزورو فلحبيبيس ...نشوف سيدي مولاي بونضيف اش خبارو مع لحبس
اقبال:نتي وختك غتبقاو حتى تلقاو شي مشكيل تغرقونا فيه
حياة:هههه اختي حجرة وحيدات من فوق قلبي ...معلييش دابا ييجب ليها ربي سيدو خاص الق** هي تجمع ك** من تخنخيين ...اه حقا غدا غندوز ليك واحد المليون خليها عندك لاحتاجيتيها هزيهاا
اقبال:ديالاش مليون تاني احياة واش مكتعيايش
حياة:اختي مضامناش كري مع هاد بو**قلوة ...الى نتي عندك مينة انا عندي واحد السلكوط كيدور حدا ز** كي ضرة ....عطيه ضر
اقبال: الله اهديك كتقلبي على خليان عشتك نتي
حياة(كانت فلكوزينة جبدات كيكة من لفران منفوخة كتشهي هي حطاتها تبرد بدات كتكمش وتفش )الله ياربي الله
اقبال:مالك
حياة:علاش هاد ز** مبغاتش تقااد ليا علاش انا زهري كيكون طالع كي نواور وكيتفش ...درت كيكة كي الشهد حتى ولات كي فشلوق جدا كلها تجاعيد
عطاتها سوارت مشات ركبات كملات اقبال خدمتها او وصات مهدي اش يدير لبسات عليها وغسلات حالتهاا ولوجع محرك فيهاا شوية
هيبة: يكما تخاصمتو نتي وشهيد معاجبانيش
اقبال:غير شوية لحريق وصافي متشغليش بالك
هيبة:لي غيكل جاتك بلوجع !
اقبال:ممم...دابا نتي لي غادية تشوفي هاد خيناا ...تخيلي تلقاي مع مرتو تما شنوو ندخل نفكك من وسط لمحابسية ولا شنو
هيبة:تكون ولا متكونش غادية نلوح ليه جوج كلمات ونخرج فحالي
اقبال(كتحك جبهتها )ضبري لراسك
طريق الحبس عافتهاا مبقاتش حملات حتى دوز منها هاهيا غتوقف فيهاا...الناس غادية جاية و الدنيا عامرة كلشي بغا يدخل يشوف لي محبوس ليه لداخل ...وقفات معاها اقبال حتى شدات بلاصتهاا وتقيدات باش دخل تلاقات مع عمر تما جايب جوج مانطات او صاك تاع لحوايج كيمشي ويجي كيعمر لوراق شاف هييبة واقبال ومشا عندهم
هيبة:هدا لاش جاي عندنا
اقبال: معرفتي كاع علاش
عمر:ختي هيبة ...على السلاامة
هيبة:الله اسلمك (دورات وجهها )ياله ا اقبال مرة خرا ونجي
عمر:لا غير خلييك انا غنمشي دخلي نتي شوفييه يقدر يولي بخيير ...هيبة خويا راه ماشي لخاطرو هكاك من صغرو وهوا مرييض ومحدو كيكبر كيزيد يتوسوس
هيبة:مبقاتش فلوسواس بقات فلهمجية ديالو
عمر: والله حتى كيبغييك ...ملي عرف بلي بعتي كلشي مقال والوو ..ميكونش قلبك قاسح وسمحي ليه ...براكة عليه غير الدعوة تاع مراتو اللولة والشيكات لي مشدود عليهم داباا
تسالا وقت زيارة وختماتها بكلمة خلات قلبو كيغلي وقالت؛نتلقاو فلمحكمة اصديق
صديق؛متحلميش بيهاا طلاق هوا لي ميكونش
هيبة:غنطلق بزز منك
صديق: باش تلعبيي كي بغيتي ؟؟ شحال فنضرك غنبقا هنا ممم شهر شهراين ...او غنخرج والله اهيبة تن**حرررك ونشرب من د**مك ونلقاك لعبتي وراياا ... ولفلووسس ولفرااش لي بعتيي ....بربيي تغنخرجهم منك بريال
اقبال:مكنمعنيش عليك اهيبة كنصحك ...عائلتك يخيابو تيعياو كيبقاو عائلتك متخليش شي حد ينقص منهم
هيبة:هادي تعلمني
حركات اقبال راسها بالايجاب وسكتات كتسنط لوجعها وصلات هيبة لدار وكملات هي طريقهاا كتصوني لمهدي
اقبال:وي مهدي صونيتي علييا
مهدي: مول ل كليو طروا بغا يبدل لباتري
اقبال(بعياء ) قوليه يمشي عند عبد الرحمن ...عيانة مغنجيش ...الربعة سد المحال ...وياك يزغبك الله وتزعم على طموبيلتو راه جلاخة تمشي تخسر نصدقو غارمينها من جيبناا
العائلة شي حاجة زوينة ...شي حاجة لي كتحس بيها مغطياك من الريح و الشتاا ...بلا بيهم كتحس بكتافك عريانين ..هكا انصاف كانت كتحس ...فكل عيد كانت كتبكي وتقول ياريتني نفيق ونلقا حدايا عائلتي والحنة لي عمري درتها نديرهاا
هزات ايديها بجوج وتبسمات ل نقيشات لي نقشات لبارح شماتها باقة فيها ريحة لحنة ...ناضت بالشوية باش متفيقش هيبة ناضت لطواليط قضات حاجتهاا وغسلات ومشطات شعرهاا لي ديجا صاوباتو لبارح هيا وغيتة...الاخيرة لي علاقتهم بدات كتصلح واخة غيتة طبعها صعيب
حكاية أنثى الجزء 31
محتوى القصة
التنقل بين الأجزاء