ناصر:العملية صعيبة شوية منقدش عليها ...الصوت يمشيي ولماكلة تمشي
اقبال:متفكرش فهادشي اعمي ربيي كاين ...
ناصر:ونعم بالله
وقفات قدام لكلينيك فين كيدير الشيميو نزلات عاوناتو حتى هبط داير كاسكيط على راسو حيت شعر طاح ليه والشيميو هد ليه صحتو شوية مرة مرة يكحب
مشات معاه اقبال حتى لداخل ...بزاف تناس داخلة ها لعييالات ها رجال مرض كيالم صغير والكبير ...تنهدات بحسرة وقالت:ياربي تشوف من حالهم وتهون عليهم هاد لعداب
ناصر(ربت على ايدها )اميين ابنتي ...رجعي لطموبيل معندك مديري هناا غادي غير تمرضي
اقبال:ماشي مشكيل نبقا معاك
ناصر:مكاين لاش ...شهيد وميكصبرش غير رتااحي ابنتيي سيري لخدمتك انا نسالي ونعيط ليك ولا بلاما تعدبي نشد طاكسيي
اقبال:انتسناك على براا حتى تساليي على خاطرك ...بالشفاء ياربي
ناصر:امين ابنتي
خرجات من لكلينيك وكلسات فطموبيلتها جهد لوقت لي يدير فيه الحصة ديالو ...شي داخل شي خارج فهاد لبلاصة كتحس بقيمة الصحة وتحمد الله عليها....لي عطاه ربي صحتو مخلا معطاه لواحد يحافض عليها قدما قدر ...
داز وقت طويل وهيا فطموبيل محسات حتى داتها عينيها فاقت على صوت تيليفون جبداتو ولقات غيتة كتصوني وتقطع تصوني وتقطع
صونات ليها جاوباتها فلبلاصة
اقبال:ملي معندكش الصولد لاش مبرزطاني
غيتة:نتي عندك لابونمو انا غير عشرة دراهم
اقبال:ايييه اشحب لخاطر ا ام لغيت
غيتة: قوليه يخيليني نمشي عند ماما
اقبال:واش راجلي انا ولا راجلك نتي
غيتة(كتغبن )فالح غير فياا مشاا عند كويريمة وبقا عندها شي نص سااعة
اقبال:اش داه عند كريمة
غيتة:اوى سوليييه فالح غير فياا....قوليه يخليني نمشي لدارناا ولاا ندير صبعي فودني و نجمع عليه الجوقة
اقبال:قطعي بلاتي قطعي
قطعات معاها كتحرك راسها بلا حول وصونات لجابر ياله جاوبها قال: شارجات لبردعة
قطعات معاه وخرجات عند ناصر عاوناتو حتى ركب بلاصتو عياان صفر نقطة تدم مكتبان فيه تأسفات لحالتو ومع دالك كيبين راه بخيير تكا على لكرسي كيرد النفس وداتو كلها كتحرق فيه ...دواء الكيميائي ماشي سااهل الله اخفف على كل واحد داز منو
اقبال(باست ايدو ) بمغفرة الدنوب ياربي
ناصر(بخفوت وعياء)امين ابنتي اميين ....(سكت شوية وهدر ) حاس مبقا لي قدما فاات فهاد دنيا الحمد لله طمنت على شهيد ....تزوج بانسانة معاوناه وصاايناه فغياابو حاس بشهيد حداياا ....ولدي كان طايش وحسيت بيه معاك دار عقلوو وكيفكر بعييد (ضحك بعياء )شكون قال شهيد يفكر فلوليدات
اقبال(شافت فيه وتبسمات ورجعات شافت قدامها صايگة ) بطولة عمرك اعمي
ناصر (نطق و الحزن فعينيه) : الى وقعات ليا شي حاجة ...ملاك فامانتكم
اقبال:اعمي الله اهديك ...راك مزال تشوف ملاك كبرات وتشوف ولاد ولادها ان شاء الله
ناصر: كلشي عند الله ابنتي كلشي عند الله ....فرحوني نتوما لي قرااب بشي بنية ولا ولييد الى زاد الله فلعمر ندير لييكم شي سبووع فاعل تارك حيت لعرس مدرتوهش
اقبال:ايكون خير .نتا دابا فكر لينا غير فصحتك ورتااح ولباقي يدير فيه الله خير
سكت كيرتاح وسكتات هيا كتفكر وتخمم مع راسهاا موضوع لولاد ولا كيتلاح عليها من كل قنت هاد لفكرة لي خايفاها تكبر وتولي مشكيل فحياتها مع شهيد ...عارفة لعمر كيفووت ...
دكرياتها مع باها خلات لولاد يكونو خوف ليهاا حتى هياا
مينة (وقفات وخرجو من البيت خلاو ناصر متكي )اش هاد الخدمة ...معيتييش منهاا واش مرا مزوجة مزال تخدم فلميكانيك وصداع الراس ...ولخدمة مع الرجال مكتحتارميش راجلك
اقبال:اش جاب الاحترام لخدمتي ا خالتي !! راني كنمشي نخدم نجيب رزقي حلال ماشي كنمشي نشطح ...هاديك الخدمة هيا لي كبراتني وكبرات عائلة على قدهاا ...الحمد لله قانعة بيهاا ومحشماناش منها
مينة:او حتى ليين !! مالك مخصوصة اش خاصك كلشي موفر لييك دار لمخيرة ساكنة فيهاا ...شهيد ميستاهلش يجي يلقا ماكلة تاع دار ودار مجموعة ونقية او حوايجو مصبنين وماكلة. فلوقت
اقبال:هدشي كلو كيلقاه ... تشكا عليك اخالتي
مينة:نتسناه حتى يتشكاا ولدي هدااك وكنفهمو من عينيه ....الرااجل ابنتي كتشوف الى ملقاش لي بغا فلمرا كيقلب على جيهة خراا ...لاش مزوج بيك الى مكانش يعيش عيشة زوينة ومراتو تهلا فرااسهاا ونتي قاميجة ولكاسكيطية وسبرديلة نهار كلوو اوى لااش !!....سمعيني نقولييك ا اقبال اييه فاللول مكنتش باغاك لولدي انا راه عندي غا نيشاان ولكن دابا راك مرتوو وراحتو من راحتيي ....ونهار ميكونش ولدي مرتاح راه كنعرفو ...او شهيد جاني مامرتااحش
طلب ليها شنو بغات وهي تتسكانيه بعينيها تتقلب فين تبروفيتي فيه..تيقوليك واحد المثل عمر الشطاح مينسا هزة الكتف..حياة هي حياة ولو تزوج غتبقا فتاخة منيما دازت كتاخد دايرا كي ماكينة تالحسانة طالعا واكلة نازلة واكلة..
حياة:اوا اسي ربيع شكدير ففرنسا؟؟
ربيع:داير محل تشباكية هههه
حياة:(فخاطرها:حوييمض)هههه مخصكش لي يدير ليك بشنيخة عه
ىبيع:ههههه ايييه مرحبا(بجدية)خدام فواحد الشركة ديال انفوغماتيك جيت من المغرب معاهم وعلى حسابهم
حياة:مزيان اسيدي
ربيع:ونتي؟؟
حياة:شنو بان ليك؟؟
ربيع:مزوجة!!؟؟
حياة:نوووو باديتوو..جيت هنا سياحة عند عمي
ربيع:مزيان مزيان..هي مطولة هنا
حياة:شويا وصاافي(تحط ليها العصير)مغسي
ربيع:الى مطولة راه خصنا نتشاوفو ديما..نشم فيك وتشمي فيا ريحة البلاد
حياة:(تتشرب من العصير)غي جيني نيشان وقولي شنو بغيتي أما نشم فيك وتشم فيا مواكلاش معايا ههه
عطاتو بتسامة ساحرة وعينيها فعينيه..وفهاد الاثناء دخل اليهو**دي على قولتها هي هود لابس مأنق وزينو منشور وملفت بطولتو وتكضيرتو عروق ايديه لبارزين وكبار بكترت الملاكمة وسبور تطراسا كيفرق لحديت مع صاحبو ..جايين كأي جوج اتقهواو واتناقشو واتبادلو الهضرة تا طاحت عينيه عليها..فلول مثيقش لكنو وسع عينو معاها وشرعهم كثر فاش تحقق منها..فلمح البصر تقلبات ملامحو من دهشة لغضب لدرجة مسمعش صاحبو لي تيخاطبو...قادوه رجليه لطبلتها وبلا سلام لا كلام نطق بعربية معكلة:شكدير هنا
مع هزات عينيها مع تلغات تفرنيسة المقحب*نة لي دايرا لاخر وجات بلاصتها صدمة معرفاتو منين نزل عليها كي الزلط..ياله بغات تهضر وهو ينطق ربيع بالفرنسية:كاين شي مشكل؟؟
هود:(ضار شاف فيه وشاف يدها لي فيديه وتعصب حس بعمو تيديوز الما من تحتو)شكدير هنااا(شقمها من يديها موقفها)معاك نهدر
حياو:(غددها من برودو)تعرفك زم**لة سبليونية...اوسوكوووووغ
خرجها مجرجرة من القهوة وصاحبو تابعو مفاهم والو
_ هووود واش نتا حمق اش كدير راك ماشي فلمغرييب
هود وقف وغوت عليه وقال بالالمانية:اوزويشين (خوي من طريقي )
نساحب الصديق وبقا واقف كيشوف فيه جارها كي شي مشة وراه
بحين هو راه الشياط شاعل ليه فراسو ديجا كارهها وزاد كرهها زدحها مع الطونوبيل مع طلقات غوووتة صمكات ليه الوذنين وتا الناس تبرا كلشي تيشووف:واااا والله لركبت فخرشااشتك...الى ركبت فيها راني ماشي مكناااسية حرةة
هود(مزير عليها مفاهم والو)سكت
حياة:اسكت ليك الحس اليهووو*دي..بغيت جن اضربك تا تسلم(عضاتو فيديه حتى طلق منها وهي تهرب تتبرح بحالا جالسة فدرب السلطان)تعلم دخل سوق رااااسك...وديها فترمتك وسير شوف لي يترجم ليك هادشي اليهوو*دي(قلزات ليه)الى تتعرف با سير دعيييه
عطات رجليها للريح وهو يتبعها مزادش جريات بزاف شدها من شعرها وهي تطلق غوتة جمع ايدو حتا جمعهاا وعطاها لحنك بطرشة نساتها حليب مها ...داخت وحنكها تبنج
حياة(هزات راسها شادة حنكهاا مصدوومو وهيا لي عمر ولد لمرا حط عليها ايدو انا ضربني اكحل السيفة انااا ؟؟
هزات صاكهات كضرب فيها فينما جاات تجابتو ليه فلعيين
تاوقفو البوليس لي كيضورو دورية عادية وشافوهم
غي شافتهم وهي تفرعن وزادت فالغوات ودارت فراسها راها في حالة اعتداء
الشرطي:(وقف عليهم وفرق جوج شدوو ولاخر شد حياة)اش واقع هنا؟؟
حياة:(تتخربق)il veut m'a volé
الشرطي:سي فغي؟؟
هود:( عينو لي كدمع بالضربة حط عليها ايدو زيرها عندو ضاغط على كتفها ونطق بالفرنسية)لا كنعرفها
الشرطي:كتعرفيه؟؟
حركات راسها بلا وبدات تدخل وتخرج فالهضرة تا قنعاتو بلي مكتعرفوش وبغا يتحرش بيها ويشفرها وقالت بلي فالقهوة كاينين شهود وهود تعصب كيتراد معاها كي طعارج فالاخير دااوه معاهم وطلبو منها تلتاحق بيهم باش تقدم شكاية...
هود تعصب وتغاوت معاهم فالهضرة الشيء لي صعرهم هوما نيت وداوه بلهلا يجزيه ليه مخلينها هي وراهم تتبتاسم بانتصاار تا دااوه وهي تنهد بارتياج:سير اربيك مخزن اليهو*د بحاالك ههه
هود (بكره )متفرحش بزااف السلكوطة
عطاتو صبع ومشات لطموبيلتها حنكها كيزنزن
بعد ساعة وهوا بين سين وجييم كيتسناو فحياة تجي دير شكاية مجاتش ...طلقوه خارج شيااط كيخرج ليه من نيفو ...كايماصي عنقو ودار لكاسكيط على رااسو مخنزر حتى بان ليه صااحبو حدا طموبيلتو كيتسناه والحوارر كان بالالمانية
_صافيي هدشي لي بغيتي
هود:طلق السوارت وفوتني عليك ا جورج
جورج:بغيت غير نفهم اش وصلك ل مرت عمك من الاصل ولاش حاضيهاا
حتى سمعات باب الجردة تردخ كمشات حجبانها تسمعات الباب. تاع دار تحل طلات حتى بان ليها جاي جيهتهاا ...هربات لكوزينو كتجري هزات لموس دارتو قدامها وهوا داخل ليها كي شي تور جاهل
هود(كيقرب ليهاا نفسوو شاعلة ونطق بلفرنسية )نتي وحدة ق**
حياة:بصحححتي (كتقلي فعينيها )يكما ح** ليك جيبك
هود(ضحك باستهزاء وقال بلعربية )انا ماشي عميي ...انا هود
حياة:مشرفيين ودور تق**
هود(طلعها وهبطهاا وخرج لصالون وكلس
حياة:هيييه خرج عليا من درااي
هود(ضحك كيحك فعينيه )دارك (خنزر فيها ونطق باستهزاء )سيي ما ميزون ...هشي كوولو لي كتشووف (دار صبعو على صدرو )tout est a moi(كلشي ديالي ) (ضحك ) surprise sa **lo**pe
وقفات كطلع وتهبط فيها ديك الكلمة وهوا كالس بحال القايد مخاصو خير داير رجل فوق رجل ومقابل معاهاا كيغدد فيها بديك الضحكة المستفزة وقالت:واخة ...وخة (بان ليها فاز صغير فوق الطبلة ....هزاتو بلا تفكير وشيرات عليه بييه مجا فين يخوي بييه تضرب ليه فقنت حاجبو
ضرباتها بجرية موقفات تالبيتهاا وطرقات عليها بالسارووت كتهنج وتوييل
في اليوم الموالي ...فاق جابر بوحدو فلبييت تحسس بلاصتها وتقلب على كرشو موحشها او درات بلاصتها وخة شي مرات كتجهلو ...معزتها خااصة وميوصلها حد ...تقلب على ضهرو هاز تيليفون كيدور فييه فايدو ودوز نمرتها ...الاخيرة لي ناعسة وتيليفون تحت مخدتها كيفيبري جبداتو عينيها مسدودين دوزات النمرة وقالت:ممم
جابر:فيقتك
غيتة(تاوبات وبصوت رقيق ) باقي الحال شنو بغيتيي
جابر:بغيتك نتي ...اجي عندي
غيتة:نء مبغيتيش تخرجني
جابر(بهدوء مساير صوتها لي خلاه يديماري كتحلون فنعاسها ) نخرجك
غيتة:. تغديني براا وتديني القهوة او نمشيو لبحر
جابر:اشمن بحر بغيتي تمشيي !
غيتة:كطنز علياا
جابر:سربي محد دماغ مرتاح
غيتة:ممم اااا اشمن بحر لي زوين اه اه سعيدية
جابر:بعيدة ...نمشي لبحر جديدة زوين نكريو شي دار تماا حدا لبحر
خرجات من لكلينيك مع ديك طناش مشات تقدات اش دير ليه على حسب ماكلتو والريجيم لمخصص لييه ...طيبات ليه كلشي ودارتو بسوبيرات معيلقات وقرعة تاع لما ...عتقات الروح بشوية تاع ديسير توقف راسهاا وخرجات عندو
**
مع طناش عاد حياة حلات عينيها لمنفوخات بنعاس .. تجبدات ففراشهاا كتاوب شابعة نعاس كانت جامعة شعرها لفووق حيدات لبانضة و حلاتو تموج ...ناضت لدوش غسلات وطرفات وبدلات شوميز منها لحمها ب بيجامة بشورط فوق الركبة بشوية ...نزلات كتحك فعينيها نيشان لكوزينة ...حلات تلاجة تجبد ماطيب ليها وتخرج ليوم كان روبو عندها من لخدمة الجديدة
شعلات التلفازة تونسهاا وكلسسات كتفطر ما ان كملات كتغسل لماعن تسمعات صوت التلفازة مبقاش ...خرجات من لكوزينة كتمسح فايديهاا حتى لقاتوو قبالتها شاد تيليكوموند من بعدما طفاها او حطهاا وقال بلفرنسية : التلفازة كنتفرجو فيها ماشي رادييو
حياة:اش كدير نتاا هناا (نتابهات لحاجبو فجنب مغطي ب فاصمة وضحكات )هههه كيف والو مغيزتشش لمك لعين
حكاية أنثى الجزء 34
محتوى القصة
التنقل بين الأجزاء