صاط النفس من نيفو وسكت مزادش هدرها كتشعلو وصلو لدار ونزل وهيا كالسة وخة ميسواش ولكن جنتلمان نزل حل ليها الباب وقال: ديكاج
حياة:مقادراش نهبط (قلبات عينيها ) هزني
هود(كمش عينيه )كوا ؟
حياة (قلبات عينيهاا وقالت كتبركم )لكوا هوا لي مزال معرفتو ...
مزال مكملاتها تشهقات ملي هزها بنترة تشدات فيه مدور ايدها على عنقو وقريبة ليه
اول مرة تشوف عينيه كيفاش مزركشات بلونهم الاخضر مخلط بين الغامق والفاتح وشفارو لي اطرافهم شهبة وخة كحلين ...دورات راسهاا وقالت: الله ياربي الطلة امزيناتها من لفووق ...زيد زيد احماري ....فين غادي ؟ ها الباب
مدواهاش مشا من جردة تشافتو غادي لبيسين بغات تركل كيضربها الضو فظهرهاا لصقات فيها كتغوت
هود:شكون حماار
حياة:ولااا ولاا متلوحنيش ...(تزيرات فييه بحال لمشة ملي كتخرج ظفارها ...جرها منو ولاحها على ظهرها فلماا حتى شربات وتخنقات
بقا كيشوفيها لبرهة وزاد دخل من باب بيتو مخليها كتكحب وترد فلما فوق لكازو كي شي دجاجة صابة عليهها شتا
**
هيبة:بعد منييي ....بعد منيي
الشخص:سمحيليا اختيي
هيبة(شدات فقلبهاا كترعد لقاتو مول الطاسيي شافت فيها كتنهج و هوا كيمد ليها فصاكها
_نسيتيه فالطاكسي....سمحليا اختي خلعتك
هيبة(كتنهج) سمحلياا...سمحليا غوت
_ماشي مشكيل اختيي ...ردي لبال مرة خرا لصاكك
هيبة:شكرا اخويا
شدات الصاك كلها كترعد ... قلبها كيضرب او وجها صفر ...رجليها فشلو وكتقلب فين تكلس بانت ليها قهوة حداها مشات كلسات كترد النفس
دخلات وشعرها كيتمايل بريح جاها راسها فشكل ولفلت سبور ديما ...الريح كل مرة كيهز ليها لكسوة من لتحت ولا تلصق بين رجليها وتحنا تحيدها ...دخلات لمطار وشافت فسساعة هدا هوا وقتو يجي
بداو المسافرين كيخرجو ...دارت نضاضرها فوق شعرها وخلات لافخونش مزينة وجهها وعاطياها رونق خاص
قشعاتو جاي ووابتسامتها زادت عرااضت وهوا مزال كيقلب بعينيه عليها
كان جار باليزة وصاك فكتفو لابس شورط كري مع تيشورت بلو سيال ...لحيتو وشعرو الاسود عاطينو وسامة ملفتة وعاطيي العين بجسم شبابي...بانت ليه لكسوة الصفرا ونتاابه لمولاتها مظنهاش تكون هياا تاحقق فيها الشوفة وحيد نضاضر على عينيه كيتاكد منها حتى شيرات ليه بايدها
القلوبة قربو يخرجو من عينوو مزال بعيد عليهاا وحل ايدوو ولخرا جار بيها لباليزة ...قربات ليه حشمانة وحناكها مزنكيين من دوك الشوفات والضحكة على وجهوو ...عنقاتوو وما ان شمات ريحتو غمضات عينيها مستقبلة ايديه لي زيرو عليهاا وطبع قبلة خشنة فعنقهاا بورشاتهاا كلها
خرجات لجردة كلسات كيضرب فيها لهوا سرحات رجليها فوق كرسي اخور وربعات ايديها ساهية مع صوت لفريخات فشجر ...حتى سمعات باب جردة تحل هزات عينيها وبان ليها داخل وفظهرو كارطابل ولكارو فمو ...بقات متبعاه بعينيها ماهضراتش تدخل من باب الدار
حياة:ولات عندي جردة هناا ! مزيان تبارك الله
مافيها لي يتصادع معاه عطسات ونتابه ليها من بعدما لقا السقيل ...طل عليها من الصالة حط سوارت ولكارطابل وتوجه جهتهاا ...لابس تيشورت لاصق عليه بيض لاكوصط او سروال كحل مع سبرديلة سوداء داير ايديه فجيابو ...خادم على فورمتو كيبان رياضي بامتياز بحكم خدمتو كوتش ديال لبوكس من بعدما كان بوكسور وكيلعب فدول مختاالفة وتوقف من بعدما دخل فصراع حاد مع الخصم لي ادا بيه لكسور خطيرة وتابعو قضائيا
قطعات معاه معصبة وقالت:وكلتيني لعجل اسيموحمد جايبني فرمليية هنا نهار تبغي تلوحوني لا ريال لا جوج ...صدقتي كاتب الدار ليهودي باش لدا مول لامانة امانتو نطلع معايا صبع ...وااخة واخة الحاج
****
تنهدات إقبال براحة من بعد البوسة لي عطاها فعنقها وقالت:على سلامتك
غيتة:عفاك غير بشوية راه واعرة اجي نديرها ليك نتاا !
جابر: بقيتي كطيري تجبتيها فقااعك البرهوششة ...
جر لورقة محاول على لحيمة الرطبة لا تجر حتى هياا جرها دغياا بزربة حتى غوتات ...جر معاها حتى دم تاع جلدة لي تسلخات
غينة:وااااع هءهءه حشومة عليك
جابر(كينفخ عليها )تكبري وتنسااي ...وهدشي لي بقا باش غتحيديه يبقا يتلصق !!
غيتة:معرفتش
دهنو بزيت جونسون كان محطوط فوق طابل دو نوي بدا كينقي ليها فداك الشوهة لي دارت محني عليها وهيا متكية فقنت سرير وقال:نوضي غسلي هدشي وديري تلج راك تسلختي ...لمرة جاية نحصلك درتيها تما نقرع ليك
غيتة:هادي والتوبة ففف
**
من بعد لغدا توجهو لخيرية غير شافتها انصاف بدا قلبها كيضرب على جهدو
اقبال:انصاف نزلي
انصاف:لا لا مبغيتش عفاك مبغيتش ندخل ليها اختي
اقبال:ولكن ضروري تهبطي باش ناخدو وراقك
شهييد؛معندك مناش تخافي
انصاف:اولا مخلاونيش نرجع معاك !
اقبال:تاحد مغيقوليك شي حاجة ...جينا نديو لملف تاع قرايتك انصاف باش لعام جاي ندفع ليك تكملي
انصاف :واخة
نزلو بتلاتة شداتها من ايديها ودخلات كلها كترعد...استغرق منهم الامر جهد ساعة وخرجو ...شدو طريق لمكناس وشهيد لي ساايك ..لاح ايدو فوق ايد اقبال وقال: كيبقات هيبة
اقبال:صافاا كتسلك وصافي ...نقص السرعة اشهيد معامن مسابق
شهيد: ل 100 احبي باش غادي
انصاف(خرجو عينيها )اقبال عطيني لكيت ديالك
مداتهوم ليها ودارتهم ولا تسمع هدرتو وتعنابوو بلا فرانات
اقبال(بهمس ) اخويا بااز
ضغط على فخضها تقفزها كيضحك وقال: حرية التعبير امدام هههه
اقبال:ههه سد فمك شوية راه لبنت كتحشم
شهيد:لا اختي فمي نسدو بشي بوسة ييه اما غير هكاك لاا
ضحكات وقالت:انا لي معندي عقل معاك هههه
هز ايدها باسهاا وحطها فوق فخضو مجمعين كيهدرو حتى وصلو لمدينة
اقبال:دوز لدار نحطو انصاف ونكملو لداركم
شهيد:واخة ..
وقف حدا الدار نزلات اقبال وانصاف بغا يطلع شهيد وملقاوش الغالية وكملو طريقهم مخلين انصصاف طلعات
شهيد: عرفتي ملي نشدك اش ندير لييك انامووسة
اقبال:ندمتيني فهاد اللون
شهيد:بلعكس جاااك مقييود
اقبال:الله امسخك
شهيد:تاحد معرفنا وصلناا ...نمشيو لدار هييا اللولة
اقبال:شهيد نعل الشيطان بغيتي مينة تخرجني ف جورنال
وقف فجنب طريق كيضحك ومال جيهتها لاح ايدو على كرسي ديالها وقال: توحشتك
اقبال(طلعات معاها الصهدة )حتى اناا
ميل راسوو مع فمها وندافع جيهتهاا خدا شفايفهاا بين فمو كيتلدد فيهم ويتنششوا عليهم بلمهل
حكاية أنثى الجزء 35
محتوى القصة
التنقل بين الأجزاء