حكاية أنثى الجزء 36

جر ايدو من عندها دغياا وخنزر فيهاا وبعد مخليها واقفة كتشوف فجنابها بلا ختى كلمة وقال :فين لواليد !

مينة:فبيتو ناعس

شهيد:انمشي نشوفوو

سلمات اقبال عليهم وكلساات وحداها ملاك

مينة:اقبال تشربي شي كاس تاع اتااي !

اقبال:لا اخالتيي ربي اخليك

كانت الطبلة محطوطة بمالد وطاب

فتيحة:مشرفين بمرت شهيد

اقبال(بحياء )الله اكبر بيك اخالتي

كاميلياا :تزوج بلا خباارناا خافنا نضربو بلعين

مينة:علاه دار لعرس بعدا !!

فتيحة:اوى زربتوو كنتو ديرو كل حاجة بقاعيدتها امينة ...كلشي عيب علييك ولواه ولد لي عندك مافرحتي بيه

مينة:زييدي حكيي على الضبرة تانتي

هوما في نقاشهم او كاميلياا عينيها كيف السكانير ف اقبال مطلعاها و مهبطاها بعيينيها وقلبها كيتحك حتى هزات اقبال عينيها فيها لقاتها كتشوفيها وضحكات ليها ضحكة الصفرة وقالت : بيزااغ !! كنا كنتسناو لعرس مع فدوى صدق مزوج بييك ههههه هاد شهيد هوا هوا عينيه مخواتاتش اخالتي

مينة؛لمكاتييب

اقبال حسات بشوفات كاميليا فيها مصافيينش ...لغيرة فيهم كتشعل ...ميكاات مطمرة حتى حسات بيه كلس حداها ورما ايدو وراها كيربت على كتفها

مينة:كيكان السفر اولدي

شهيد:لباس اميمتي ..

مينة(كبات ليه اتاي )هااك شرب ليك اتاي كي تيعجبك

شهيد(شدو من عندها ومدو لاقبال )هاكي

اقبال(بابتسامة )شبعانة

مينة:راه مبغااتش شرب لباغي تشرب

كاميليا: كون جينا مجموعين اشهييد كنا نجيو موانسيين

شهيد(مكيشوفش فيها )كي بغيت نجي فلباطو ..طيارة حسن

مينة:متلاقيتوش تماا !

كاميلياا:تلقيييناا اخاالتي (كتهدر وتوشف ف شهيد )وغير صدفة فسوبر مارشي

شهيد:خالتي كيداير واحد مروان

فتيحة:لبااس اولديي راه مع لبريباراصيون عندو لعام جاي لماستر

شهيد:مزياان الله ايسخر

كاميليا:اقبال خدامة !!

نقزات ميينة وقالت:لاا

شهيد(شرب من كاسوو ) الله اهديك الواليدة ...خداامة فلميكانيك

فتيحة:ديال طموبيلات

مينة(تفقصاات ومارضاتش )كاين شي ميكانيك خر

كاميلياا :ويلي ههه مرا ميكانيك عمري شفتهاا سمحيليا ا اقبال

اقبال(بابتسامة )جاتك عجب !! لمرا بحالها بحال الراجل تخدم فلي بغاات كيفما كتشوفي مرا كتسوك باطو تقدري تشوفي مرا ميكانيك

مينة:مكاين محسن من لمرا تكلس فدارها تديها فراجلها

فتيحة:عندك الصح

مينة:اوى منكونو مع كاميلياا بشي زمان زيين

كاميلياا(بميووعة عينيها كيقليوو )اميين اطاطا

اقبال:عمي ناعس ...بغيت نشوفوو

شهيد(جاتو على كانتو )نوضي نمشيو عندوو

شدها وخرجو من الصالون تحت نضراتهم ورجعو شافو فبعضياتهم

فتيحة: كيدايرة معاك هادي امينة

مينة: تربية زيرو نهدر معاها وتعطيني خو جوابيي (ميقات )زعمة فدوى ...زين وصواب والقراية خلا على مهندسة ودا لياا بنت شيخة ...اخلي داك الجمل راكد

كاميلياا (كتشالي بضفارها طوال مصبغاهم بلكرونة )اوا خلاااص اطاطا شهيد معارفااهش !! غدا ولا بعدو يكركبهاا بحالهاا ....لا زين لا والو اطاطا شهيد حسن منها راه عشاق ملال هههه

مينة(بافتخار)ايوا ايوا غا اجي وتوصل ولدي ...انا مكرهتش يتفرتك ليهم هدشي قبل ميولدو لولاد ...مبغاهاش يا فتيحة ومبغاش تسرط لياا ...ربيت وكبرت تجيي وحدة تديه بارد...وكون هي شي عروسة تفرح لقلب ...دابا تشوفي دار لي شرا (دارت بايدها )هك تاديير

فتيحة: كبي ليا اتااي هدا برد

**

دخلو لعند ناصر لقاوه متكي وحداه ملاك كتوريه الطابلييت شاف اقبال وتبسم ليهاا ...قربات جيهتو باست ايدوو وكلسات جنبو وشهيد تكا وسطهم حدا ملاك

اقبال:عمي كيبقيتي

ناصر:الحمد لله ابنتي شوية

اقبال:الحمد لله ...غير صبر بقات حصة وحدة وترتااح ان شاء الله

ناصر؛داكشي لي كنتمنا ابنتيي ان شاء الله

شهيد:داكشي لي غيكون ابابا غير شوية صبر وصافي

تكات ملاك على صدر شهيد كيلعب فشعرها هزات اقبال عينيها فيه وغمزهاا وهبطات عينيها كتهدر مع ناصر

شهيد:شربتي دوا

ناصر:ايه فكرتيني هدا وقتوو

اقبال:بلاتي نجيب ليك لماا

خرجات مخليا شهيد كيعطيه فدوى نطق ناصر وقال: تهلا فهاد لكنز ليي عندك

شهيد:نعام !

ناصر:قلت ليك تهلا فاقبال اولدي ...مرا ديال الزماان تحطها على الجرح يبرا ...الى تشكات ليا منك شي نهار غتكون هدرة خرا

شهييد(ضحك )اقبال تشكاا مصااب الواليد ...اقبال (تنهد ) متعرف شنو ضارها فخاطرهاا ...كتبقا تجمع كلشي لداخل ...شي نهار طيح

ناصر:متنسااش راه دوزات تكرفييص ...وبنادم كيقسااح ...ولكن الله ارضي عليهاا وقفات معاياا ملي مشيتي بينات معدنها الصافي ...الله ارضيي عليهاا

شهيد(بابتسامة )عاارف

ناصر (طبطب على ايدو )ايوا فرحوني بشي وليدات

شهيد(باس ايدو ) ان شاء الله ابابا

ملاك(هزات ايدها سدات لشهيد فمو كضحك )وجمع فمك مال كتفرنس

شهيد(عضها فحنكهاا )انعمي لمك عينيك البرهوشة

دخلات اقبال هازة كاس تاع لماا حطاتو لناصر حداه وكلسات

شهيد:ملاك خالتك غتبات هناا

ملاك: يمكن ...ماما حبساتهم لعشاا

شهيد(دور راسو كيسووط)فف

اقبال كترمش وتشووف فيه ...تدخلات مينة عندهم وقالت:اوى صواب هداا مخلين خالتك وبنتها كالسين بوحدهم

شهيد:شنو بغيتي ندير نغني ليهم ...انا غنمشي لدار تيمشيو ونجي

مينة(خرجات عينيهاا )ديرهاا نييت ...شهر مشتك اش عندك فديك دار ....اقبال نوضي عاونيني فلعشا

اقبال:واخة

دخلات معاها لكوزينة دارت الطابلية وجمعات شعرهاا

مينة:ديري ليا دجاج...لحم نصبو اناا

اقبال:وخة ..

**

فاقت عرقانة كتنهج احلام ولات عندها كتخلع كلسات محيدة عليها ليزار لابسة شورط وتيشورت وجامعة شعرها مهمل تحلفي عليه سيمانة مدازت منو لمشطة ...

ناضت هزات فوطة و مشات لدوش دوشات وغير كتنهد تقول هازة جبل على صدرهاا ...خرجات لبيت لبسات عليها وخلات شعرها كيقطر عليهاا ...دخلات انصاف وتبسمات ليها

انصاف:بصحة

هيبة(بخفوت )الله اعطيك صحة ... جيتي

انصاف:جيت قبييلة ...نمشط ليك

هيبة :لااء غير خليه هكاك ...سدي معاك لباب ا انصاف راسي كيضرني

انصاف :ياله نخرجوو !

هيبة(تكات وعطاتها بضهر ) مافيااش عيانة اختي ...شوفي ماما تخرج معاك ولا غيتة ...عفاك سدي لباب

انصاف:مكليتي والوو من لغداا

هيبة(تنهدات)انصااف ...عفااك

استسلمات وخرجات سادة لباب لقات لغالية قبالتها وقالت:والو

انصاف:مبغاتش

الغالية(تنهدات )رزانيي فيها بغيت ربي يرزيه فصحتو

**

تحت لكمرة متكية فوق الرولاكس حدا لابيسين لي ضارب فيه ضو لكمرة فقط ...كتسمع صوت حشرات فربيع ...مغمضة عينيهاا كدندن

لابس سورفيت فقط كان متكي ف فراشو شاد لبيسي على رجليه كيكمي وطفاية حداه ...سمع صوت خافت جاي من الجردة وناض هز الريدو بطراف صباعو شوية حتى بانت ليه واخدة راحتها فوق الرولاكس وصصوتها واصلوو ...خافت وحنين عكس تجعويق لي فيهاا ...حل لباب بشوية وخلاه مبسم عاطياه بضهر

حياة؛

أنا بطمن عليك

وأنا من بعيد لبعيد

بخاف لو رحت ليك

ألقيك حبيت جديد

مش من حقي العتاب

ما أنا سبتك للعذاب

لكن ربي اللي عالم

إخلاصي وحبي ليك

إخلاصي وحبي ليك

أنا حبعد عنك

وأنا وياك قلبي

حتحمل تعبي

بعدك الله يعني

لو صدفة قبلتك

صبرني يا ربي

لا يبان لك حبي

وإنت قريب مني

حاولت أنا أداري حبك

وأضحك على روحي وأنسى

صورتك ما غبتشي عني

شيلاك في قلبي لسه

(انت مني _يارا)

عجبو صوتها لخاافت والحنين فهاد الاغنية بقا متبع معاها رغم انو مفهمش معضم الكلمات ...ياله مدابز مع العربية يفهمها دازت ليه لمصرية ما قفل والو

لبس فرجلو بانطوفة زاد عليه بيل سماطي كحل وخرج هاز شعلة ولكارو فايدو

تمشا فوق لكازو موصلش جيهتها شعل لكارو وهز راسو فسماا ساط دخاان نترة ورا نترة توصلاتها ريحة لكارو وقالت طافجة :الله ياسيدي ربي الله تااا هوا تسيدي ربيي كرفصوو

تبسم بجنب وهوا كيكمي بخاطرو وهيا ساطت ورجعات لوضعيتهاا كتشم ريحة لكاروو

قرب جيهتها بخطوات بطيئة وكلس على الرولاكس الاخر فجيهة لخرا تاع لبيسين مقابل معاهاا فارقهم لبيسين كيكمي وقال:Ta voix est belle(صوتك زوين)

حياة: غا طالق ودنيك كي سلوكي

هود:دي موا ...فين تعرف عمي ؟

حياة: دخل سوق راااسك

هود(هز تيليفون قدامو سكت شوية كيقرا بعينه فالتيليفون )نتيي ...قبيخة ....قبيحة

حياة(كتشوف فسما)اللهم قبيحة ولاا لعجاج لي جا يزلعني

هود؛ كوا ؟

حياة: غياان

هود:وحيدة بحالك لاش تزوج براجل كبيرر

حياة: حيت مافيا لي يربي شي برهوش (هبطات عينيها ليه وضحكات )شكون كيطرجم لييك ههه

هود(قمعها )مووك

حياة(ضحكات )مووي لجات تكلس فوقك تخرا لعشاا تاع تلتيام

هود:تي فوو نن !!(وقف )انا هبيل نهدر معاك

حباة:هبيل ونص (شافتو جاي ليها )وماماااا

دخل لبيتو وسد الريدوات...خلاها هيا ولما ولبخوش كتغنيي ليه

بعد لعشاا قصدو دارهم بزز مخلاتهومش مينة ولكن شهيد اصر يمشيو ..دخلو لدار تبسمات ليه وقالت:مرحباا بيك فدارك

شهيد:ترحب بيك الجنة امولات داري ...تء نسيت الشانطة نهبط نجيبها ونجي

اقبال:واخة

هوا هبط وهيا مشات لدوش غسلات سنانها ...توضات وخرجات كتنشف فوجها ...وفبالها تصرفات كاميلياا وعينيها لي مهبطوش على شهيد ما مرة ما جوج ...الگلسة لي مكانش مرتاح فيهاا كل مرة يقوليها نوضي نمشيو خلاو فبالها شلا تسااؤلات ...مافيقها منهم غير ايديه لي حاوطوهاا من وراهاا وخشا راسو بين عنقهاا حتى هزات كتفهاا

شهيد:فين ساهية احبيبة مم

اقبال:فوالوو

شهيد(كيدوز ايديه على كرشها وجنابهاا )كيدوزتيي شهر بلا بيا

اقبال: داز مخير هههه((قلبات ايدها داعبات لحيتو )بقات بلاصتك خاوية

شهيد(دورها عندو مبسم ورجع ليها شعرها اللور )شحال مسمعتيها

اقبال:شنو هياا

شه(شد حناكهاا بعزهم وباسها فشفايفهاا كيمص ريقهاا بشوية )جوتيم

غمضات عينيها معااه ...هز ليها ايدها حتى دوراتها عليه وتخللات ف شعرو لاسود وقالت:حتى انا كنبغيك اشهيد

شهيد:بغيت نعطيك دي كادو ...ولكن وحشك غلاب

ضحكات وهوا كيوزع لقبلات على عنقها حتى كتنين ملي كيعضهاا

شهيد:مم منين نبدااك ليوم ! (عضها فعنقها تغوتات )صبري عليا ندوش ونجي لمك

طلق منها ومشا كيضحك هز لفوطة ومشا لدوش ...

شهيد:اقبااال....حلي الشانطة اتلقاي صاك بيض لفوق

اقبال(حلاتها لقات صاك ولتحت جوج صيكان خرين ...هزات فقط لبيض لي قاليهاا وسدات الشانطة حتى يجي

جبدات لكرطونة لي فيه ..كتلقا شوميز دو نوي كاليتي رفيعة بالاسود بتوب حريري كيزلق هي بوحدو مشبك كلو من الظهر وجيهة الصدر معاه سترينك ديالو

اقبال(هزاتو قبالتها )الله ياربي شكون مزوجااا

شهيد(ضحك من دووش ) لبسيييه المعلمة نجي نخشي لكرو فلبولون

ضحكاتت وردات لباب حيدات حوايجهاا دهنات لحمهاا وبيطانها وتريحات عاودات لكحل فعينيها وطلقات شعرها ...لبسات شوميز لي معري كتر ما سااتر ملقات متهبط فيه حدو قدو اما سترينك لاحتو فلماريو ولبسات سليب عادي ديالهاا فلاسود ...الشوميز ولبساتو هي بزز بقا غير تحير مع جوج خيوطا

حل لباب عليها تقفزها شدات فقلبها وقالت:الله امسخك خلعتيني

عض على فموو كيعبر فيهاا راجعة باللور كضحك شعرو فازك لاصق على جبهتو وهبط ايدو لفوطة حيدهاا وقال:تعالي حبينيي

اقبال(حشمات عطاتو بجنبهاا تشدها )شهييد ...شهيد صبر هههه

لاحها على السرير وجا فوق منها وقال كيشوف جيهة صدرها ونزل باسوو وقال:هدششي عندك مق**

اقبال(هزات راسها مبعدة عينيها عليه وقالت:صلح فمك ازمر

ضربها لمؤخرتها وقال: داباا وقت لعطيب صليح من بعد ...اجي نديرو صلة الرحم للاحباب راه تغربوو

ضحكات حتى سكتها بقبلة جامحة خلاتها تنهد وسط فموو وتسستلم لرغبتها معااه

فدا فيهاا اش بغاا شبع وشبعهاا حتى عياات وتهدات خلاها ترتااح ...مغطين بايزار خفيف مزال كيقبلها قبل خفيفة تقاطعاتو وقالت:شهيد

شهيد:ممم

اقبال: كاين بينك وبين بنت خالتك شي حاجة ؟

سؤال خلاه يحل عينيه ويتكعد وهيا جنبو رامي عليها نصوو وقال:علاش هاد السؤال ؟

اقبال:وجااوبني متعطينيش سؤال على سؤال

شهيد:قالت ليك شي حاجة ا اقبال

اقبال:مقالتش ولكن عينيهاا فاضحيين اش كاين ونتا لي كتهرب ملي دخلناا ..غتقوليا اش كاين ولا لا

شهيد (كيشوف فعينيها بغا يرجعها ضحك )غرتيي ههه

اقبال(كتشوف فيعينه وهوا كيداعب حنكها )جاوبني

شهيد(جمع فموو وساط وقال) اه

حسات بضربة فقلبها بحال لخلعة وقالت: وعلاش مقلتيهاش

شهيد:هدشي داز عليه وقت

اقبال:شحال هاد الوقت ؟ حيت جاني السيدة مزال طامعة فيك !

شهيد(داعب حنكها )الله اهديك نساي هاد للموضوع حيت مامنو والوو ...انا عيني وقلبي معمراهم غير مراتي لحلوة

اقبال:ممم غمق علياا

باس شفايفهاا وقال: بيناتناا ...غرتيي

اقبال:بيناتناا ...اه ومن حقيي ...نتا فبلاصتي شنو دير وحدة كطلع وتهبط فيك ملي كلستي

شهيد(كيلعب بشفايفها وهيا كتهضر)انووض نفخ لموو لعيين باش عواض يشوف واحد ندير ليه الضووبل

اقبال(تنهدات )باقة شي وحدة متصاحبتيش معاها وغتبان ليا تاني ! علمني على تيسااع اشاروخان

شهيد:ههههه غلطات هوما دازو ولكن دابا مكاين غير اقبال

اقبال:غنتيقك

شهيد: غير تيقيي

اقبال:نطفيو الضو ...فيا نعاس

شهبد:غنطفيو الضو ولكن مغنعسووش احبيبة الليل ديالنا

**

ناضت الغالية كدير لفطور وبالها مع هيبة لي غملات فداك لبيت ربعيام وهيا سادة عليها فداك لبييت متحرك متخرج ...مقابلة لحليب حتى فااض عاد قفزات كتولول تدخلات انصاف

انصاف؛صباح لخيير ...مالكي ماما

الغالية: والو ابنتي غا لعقل مخطوف مع ختك ...فاقت ؟

انصاف:لاا مبغاتش عيت نوضها

الغالية:واخة ابنتيي ...تمشي ليا لمخبازة !

انصاف:وااخة نمشي نلبس

هيا خرجات ولغاليية نشفات ايدها ومشات لبييت شعلات الضوو على هيبة الاخيرة جرات عليهاا لغطا فوق رااسها

هيبة:انصاف طفي الضو بغيت نعس

الغالية: هيبة نوضي براكة من نعاس

هيبة:مافياش اماما عفاك طفي الضو

الغالية:واندوي معااك شوفي فياا !! مالك على هاد تخنيشة كي ماما غولة ياك شي باس مكااين ! مات ليك ايد ولا رجل

هيبة(بلغوات لاحت ليزار وكلسات )مشااا ليا ولديي مشاات حياااتي مشااا كلشي اماما كلشيي مشاا لياا مبقييتش باغة نشوف لبشااار مبقيتش حاملة رااسيي عطيونيي تيساااع و لا نمشي نلوح راسي قدام شي كااميوو مووتي حسن من حيااتي

الغالية(كلسات جنبها مخلوعة شدات ليها فايدهاا )وغي تهدنيي ابنتي انا اش قلت !! ولدك تلقاايه فجنة ان شاء الله ابنتيي

هيبة(كتنخصص ) هءهءهءهء كاع مدفنتوو كاع معرفتو فين كاابن

الغالية:ابنتي نعلي الشيطاان ... واش حياتك غتوقف هناا ! دابا ديري ولاااد خريين وديري تريكة خراا

هيبة:معامن عءهءهء معاامن اماما معامن ...(زيرات على ليزار ودموع هابطيين )هءهء انا بغيت هداك لولد اماما هءهءهء انا لي قتلتوو

الغالية:لا اكبيدتي ماقتلتييهش

اهيبة:هءهء اناا لي قتلتو انا لي شربت لمساخن والقرفة انا لي بقيت كنضرب فكرشيي باش يطيح انا لي كنقز باش يطيح اماما (كتبكي بقهرة )عمري نسمح لرااسيي عمريي هءهءهء صديق قتلني وانا قتلت ولدي

الغالية:نعيط لاقبال ؟ ...بلاتي نعيط ليها

هيبة(شداتها كتبكيي )لا لا بغييت يوسف هءهءههء مبغيت واالو بغيت غير يوسف

الغالية:ش شكون يوسف اهيبة !

هيبة:حلمت بولديي تزاد وسميتو يوسف

الغالية(ضربات حناكهاا مرة وجووج وخبطات جنابهاا كتغدد)واااا ربي حبيبيي بنتيي مشااات واااربيي واربييي هويعة وكملات ... واا صديييق كي كويتي قلبييي بغيت ربيي يدييك

هيبة:بغيتيني نكون بخير اماما يااك هءهءه

الغالية:اش ندير ابنتيي حياتي نعطيها لييك غا رجعي لياا غا نوضيي لحياتك

هيبة: نربي شي ولد

**

ناض كيف لعادة هوا اللول خلاها منشورة بنعاس كتبقا شادة تيليفون تالاشمن وقت وتصبح نااعسة

جابر(كيقلب على بزطامو )غيتة ...غيتة

غيتة(تقلبات لجيهة لخراا )ننن

جابر:مشفتيش بزطامي !

غيتة:نن! فتلاجة

تقلب جيهتهاا لقاها مغطية راسها ومشاا عندها حيد عليها لغطا بنتيرر تقفزاات )شنوو فف ماالك

جلبر:البزطاام فينهوا

غيتة(دايخة بنعاس وصوتها مرخيي )بزطام ...همم شمن بزطام على صبااح

جابر:لي عطيتك لبارح تحطي فلماريوو فين حطيتيه

غيتة:مهزيتووش بقا فبلاصتوو (شافتو لابس)فين غادي !

جابر: خاصك شي حاجة

غيتة:او لبحر !

جابر: هيا لنضتي وجدتي رااسك نقضي شي غراض ونجي دغياا

غيتة(ناضت صحة سلام )صافيي دغيا

جابر:كيبقيتي !

غيتة:مالي امزيناتي

جابر:وجلدة لي طارت من تحتك !

غيتة:هاااه لبااس مافيا والو

جابر:ممم وعقلي على هدرتك دابا نوقف عليهاا ...نوضي صايبي لفطور بينما جيت ...وجمعي قشك وشي حوايج بعقلهم راه من تما غندوزو ل عند لحاجة

غيتة(ميقات مفقوصة كتسووط)خراا

جابر:عاودي

غيتة:واخااا اويليي

ناضت كتنتر وشعرها كايتمايل وراهاا دخلات لكوزينة جبدات لخبز من لفريكوو كل حد كتمشي عند لغالية تعجن ليها لخبز وتديه لفران يطيب وتجيبو ديرو فلفريكو هوا او لبطبوط ولمسمن

جبدات كلشي سخناتوو وعمرات اتااي وكلسات فالصالة كتسنااه شادة تيليفونهاا ...دخل غسل وجا كلس حداهاا وهيا كاعما مسوقة

جابر:حطي داكشي وفطري

غيتة: وخة وخة دغياا غير فطر

بدا كيفطر وهيا دغمة فمها وعين فتيليفون تحط لكاس بزعفة وغوت تطاح ليها التيليفون من ايدهاا:غيييتااا حطيي الزبل من ايدك لنووض نهرسو على جدك هاد الصبااح

غيتة(تخلعات مبقاتش هزات تيليفون من الارض)وصافي خلعتيني

جابر(خنزر فيها )اش عندك فييه اش

غيتة:كنت غير كنشووف لفيديوات ف انسطاا

جابر:فطريي وتهزي خلااص

غيتة(هزات اتاي كتشرب فيه وهوا كيفطر مخنزرر )جااابر ياك غنعووم

جابر:فشي مرجة !

غيتة:ففف صافي صافي

**

ناعسة فبيتها حتى شمات ريحة القهوة فيقاتها..

تقادات فبلاصتها كتشمشم وناضت غسلات وبدلات حوايجها ب شوميز شفافة بيضة تحت منها پيل بلا كمام او سروال دجين زرق ...كانت بغات تلبس الطالون وتفكرات ضهرها لي باقي كيعطيها لحريق ...لبسات سبرديلة قدات شعرها او وجهاا ونزلاات كتسمع تقرقيب فلكوزينة طلات براسها بان ليهاا هود عاطيها بالظهر كيقطع شي حاجة غير كتافو لي كيتحركو....بقات واقفة طلعو عينيها فيه وهبطو وتحركات داخلة لكوزينة حلات التلاجة وانتابه لييها ...رمقها بنظرة مخطوفة ورجع كيقطع فليستيك

هود (بهدوء ) بونجوغ ...صافا !

حياة(هزات كاس كبات فيه لما وقالت )لبااس الحمد لله (شافت القهوة ) وخة هزيتها لييك ؟

هود(حرك ليها راسو باه)فازي

حياة: (شربات منها جغمة كانت اترجعها وخيبات سيفتها كتقلب على السكر )الله ياربي الله كتشربو الرملة ماشي القهوة

هود:او ڤا تي!

حيياة(كتحرك فالقهوة عاطياه بالظهر وكتبركم بوحدهاا )نخدم على ك** قبل منخشي فيك شي موس ..... لخدمة ونتا البيطالي !

هود(مسح ايدو )بيطالي !

حياة:شومور

هود(كيتفكر)شومور (بلعربية )زعما منخدمش !

حباة:ممم ...ولا دارك عمك تقابلني ياك !

هود(بلفرنسة ) تي عارفاه متاايقش فيك ...شنو مزال كديري هناا فين لكرامة

حياة(تكات على لبوطاجي كتشرب لقهوة )خليتها لييك مسح بيها كغك

هود؛شنو هدا كغك كغك

حياة(ضحكات وهزات صاكها)قولها لهداك لي كيترجم لييك هدرتي ...باااي ضرتي

خلاتوو مقابل معاها كيشوف فيهاا تخرجات بقا مكمش عينيه فلباب لتواني. ورجع لشغلوو

فاقت بكريي دوشاات ولبسات بيجامة حد الركبة ب بينوارها مشبك فلغوز تاع نعااس وبانطوفة بيضة فرجلهاا شعرها فازك كيقطر على ظهرها دخلات لكوزينة كتوجد لفطور بنشااط

سمعات تيليفونها كيصوني ومشات جابتو لقات نمرة مينة طالعة قبل متجاوب قالت:الله اسمعنا خير (جاوبات ) خالتي لبااس

مينة:لبااس الحمد لله نتوما بخير !

اقبال:الحمد لله عمي كيبقا شوية

مينة:شوية شوية ...فين شهيد مجاوبنييش

اقبال:مزال نااعس

مينة:اااضر ل 11 قربات ضرب نتوما مزال خامريين

اقبال: بغيتيه نفيقو

مينة:خليه مرتااح ...لعشية ان شاء الله وجدي شي ݣوتي فااعل تاارك يحمر لوجه

اقبال:اييه مرحباا غتجي !

مينة:غنجي اناا وفتيحة وكاميليا بغاو يباركو لشهيد زواج ودار

اقبال:شكون قلتيي !

مينة:انا وختي وبنتهاا

اقبال(سكتات شوية وقالت كتسد فباب لكوزينة )خالتيي ...نتيي وختك مرحبا بيكم على رااسي وعييني ولكن بنتهاا مدخلش لداري

مينة: واش كضحكي علياا ولا كيفاش شتك وليتي تعزلي فينا هادي تجي وهادي لاا ؟ بغيتي توريني شكون نجيب لدار ولديي ولا ؟

اقبال:هادي راه داري تا اناا ....بغغيتي تجي مرحباا بييك ديك السيدة دااري متحطش فيها رجلهاا

مينة:لا مزياان ...لا مزياااان تباارك الله(بلغوات) وليتي تجريي علينا بلعلاالييي ...دااارك منين جاااتك دارر ولدي هادييك ونجيب ليهاا لي بغيييت سمعتييني اببنت الغالية

اقبال:مبغيتش نخرج معاك لعييب اخاالتيي خليناا محتارميين بعضيااتناا (بصوت مرتاافع )انا حرة نضااايف لي بغيييت فدااريي

مينة:واااخة واخة الهدرة ماشي معااااك ...معااا ليي خلا خانزة تاع لخلاا ضسر عليا

قطعات عليهاا ومينة كتبخ الدم وحداها ختهاا وطبلة تاع لفطور محطوطة

مينة:وزيييد ليييك هاي هايي ولات تجري علينااا قالت ليك

فتيحة:هدشي اختي بزااف ليووم وغداا تقولييك بغاك ولدك يجي يشوفك !! وزيد لييك كتبان ساكتة على خزييت

مينة:بلا حشمة قالت لييك كاميلياا مدخلش عندي لدااري....لغييرة ومديير شافتها حسن منهاا

فتيحة:كلشي من ولدك ...كون شاد ليها لجاتم كانت تقول مرحبا ولكن ملي طلق ليها اللعب راه كدير لي بغاات

مينة كتحك وتفقص ومرضااتش محسو بيها توقفاات

فتيحة: امينة فين غادية !

مشات لبيت ورجعات هازة جلابتهاا وقالت:غادية نوريها داري وانا حرة فيها كيدايرة ...مزيان تبارك الله ... لقاتو واجد نابت مع الزرع !!

فتيحة:ااا صكعة دوزي تكلسيي دابا يسمعها ناصر

مينة:هدااك راه واكلة ليه مخو بعمي عمي يظل يشكر فيهاا ...انا والله مدوزها علياا ...هاني مشييت ردي لبال معاك يفيقو دريات ويفطرو

**

قطعات علييها ولاحت التيليفون فوق الطبلة كتسووط ...رجعات كتقاد فلفطور حتى صونا الباب مسحات ايديها ومشات طلات فلباب بانت ليهاا الغالية ...حلات بالزربة مخلوعة وقالت:الغالية ياك لبااس

الغالية:لباس ابنتيي ...صونيت ليك لقيت الخط مشغوول وعارفاك مغتحليش لمحال قلت نجيي نهدر معاك هنا

اقبال:واش واقعة شي حاجة !! دخلي بعداا

دخلو لصالون مشات طفات على لماا ومشاات لبيت ...

اقبال:صباح الخير

شهيد (جرها تطيحها عليه )صباح الغوز ...علاش فقتي خفتيي

اقبال:ههه نوض براكة ...خليني نمشي راه الغالية جات

شهيد؛هانية الوقت

اقبال(ناضت كتقاد فبيجامتها ) محاال ...نمشي نشوفها

شهيد(تاوب)وخة

سدات لباب ومشاات لصالون كلسات مقابلة مع الغالية وقالت : مالك

الغالية:هيبة ا إقبال مبقاتش عاجباني

اقبال:شنو دارت !

الغالية؛ولات كدخل وتخرج فلهدرة ...بغيت يوسف بغيت يوسف

اقبال:شكون يووسف

الغالية:قالت ليك ولدها حلمات بيه سماتو يووسف ...مبقاتش فهناا بقات فقالت ليك بغييت نربي ولد

اقبال:واش هادي تسطات ولا مالها ؟ كيفاش تربي ولد

الغالية:ولات سادة عليها ليل ونهار متهدر متكلم متضحك ...ولينا نشوفوها غير لبغات طواليط حتى لماكلة بزز كتاكل

اقبال:مشكييلة مع هادي تانييي

الغالية:انا راه خالعااني ومطيرة عليا نعااس ...حالتها مكتعجبش ...اقبال

اقبال(كتخمم)ممن

الغالية:يكما تكون تقااست ملي سد عليهاا داك ولد لحراام فدوش

اقبال:شكون قاسها جنون (مسحات وجها )جنون هوما لي غيركبو فيا بناتك

الغالية:يا اش نديرو داباا ...انا راه جيت نتشاور معااك...عبد الله جارنا راه فقييه فجامع قلت علاش منجيبوش يرقيها شوية ...شوية لقران تفاجاا راه غادية و كضييع واش نخليوها هكاا تنتشواو فيهاا ....هيبة هويعة ويني هدشي كتر

اقبال: لعشية غنجي ونهدر معاهاا ...نشوفو هدشي فين غادي

الغالية(ناضت )اوى نمشي انا

اقبال:كلسيي حتى تفطريي بعدا

الغالية:اويليي خليت انصاف مزال مفطرات جيت كنجري

اقبال: يكون خير

مشات معاها الباب ياله حلاتو تحل السانسور وخرجات مينة منيشة جاية تبراا

الغالية:مينة ختييي لبااس

مينة:نتي لي لبااس اما انا ملبااس والو

اقبال(ساطت )فف صببر

الغالية: امالك امينة ياك لباس اختيي

مينة:تربيتك الزينة ولات كتجري على عائلتييي من دار ولديي مزيااانة هادي الغالية !

اقبال:خالتي لاش لغوات داباا انا مجريت على حد

مينة(بحدة )لهدرة مع ولديي ...كلمي لياا شهييد دابا ...اش كاليك رااسك هااه

اقبال(قلبات عينيهاا وسدات لباب وهوما دخلوو وغوات مينة كيتسمع

فيق شهيد من نعاسو ناض مفزوع بصوت مينة لبس حوايجو و خرج حفيان

شهيد:اش هاد لغوات ...لواليدة ياك هانية الوقت

مينة: منهار دخلتي علييناا هاديك مشى النهار البيض

الغالية:مينة شوية الاحترام راحنا نسااب زعمة

مينة:نسوبيتكم دوها عندكم .. ملي ولات بنتك تعزل فلي يدخل لدار ولدي مبقاا احتراام

اقبال:واش جريت علييك ؟ انا ديك السيدة مدخلش لدااريي ساليناا

مينة: دار ولديي ويدخل ليها لي بغيت

شهيد(مسح عينو كيسوط دايخ )فهموني غير شكون جرا على شكون

مينة:مراتك اسيدي قالت ليك كاميليا مدخلش لداري

فهم لبلان وشاف فاقبال وقال: ودابا فين لمشكيل الواليدة !!

مينة: واش...واش نتااا عماك الله ولا مالك كنقوليك كتجري علينا وكتقول فين لمشكيل عجبك هدشيي !!

شهيد: من حقها مابغاتهاش تجي عندها سدات مدام ..ولاش اصلا بغات تجي ...عاد تشاوفنا عندك ....انا لي كيهمنيي مي وبااا الشي لاخر معندي بيه سووق

مينة(بغل )غير هياا معندها لا والي لا تاالي بغات ترجعك بحالها ميسسول فيك حد

الغالية:مينة راك زدتي فييه محتارمينك على وجه ولدك وخة مخليتي فيناا ميتنساا ...

إقبال:الغالية غير سكتيي خليها

ميينة(بلغوات)يكما بنت ليك مسطية ولااا كنغوت فزنااقيي ...اسمعيني نقولييك ...دار ولديي هاديي عائلتو تجي عندوو ...ولا درتيها محمية غير لتريكتك ...عايشييين فديور لكراا جاب ليكم الله داار بقوامهاا بغيتو تديرو فيها مبغاو

ياله بغا يهدر شهيد ناضت لغالية كتغوت

الغالية:ايييه عرفي اش كتخرجييي ....دااار بنتيي هادييي

مينة:منين جااتهااا دار ولدييي

الغالية: دارهم بجوج وحاطين رزقهم بجوج وفسميااتهم بجوج كيف هيا دار ولدك راه داار بنتيي تا انااا

شهيد:لواليدة ...اجي معاياا باركة من لغواتت والشووهة على صبااح

مينة:دورتي بييك هاد التريكة اشهيييد ...من اللول تنقوليك راه ما منسهمك مامنسهمهم

اقبال:داباا شنو بغبتي علاش كتقلبيي علااش واش بزز ندخل عندي لي مبغييت

شهيد(شد مينة من دراعها بلخاطر ) لواليدة ...اجي نهدرو بلعقل عفاك بلا صدااع

مينة:هوما لي باغين صدااع ...حيد علياا ...بغيتي هاد تريكة الله اطلييك بيهاا ...كتقلب على السخط اشهييد

شهيد(صعر )واش ملقيتي ميدااار بغيتي تشعليها من والوو كامليااا ولا لخرااا انا شغليي فيهاا ...متجيييش عنديي اش بغيت نكجدر بيهاا ...راك بعقلك

مينة:صافيي ! دوروك لمرا ونسييبة ولييتي تقول اش ندير بيهاا بغيتي تنكر عائلتك غدا تنكر مك وبووك ...لي حيدو من لحمهم باش نتاا تقراا وتخدم وتجي وحدة غير لباارح تقوليك شا شا را را

اقبال(بغات تهدر لغالية وحبساتها اقبال )خالتيي لدابا محتارماك وخة مخليتي فياا غير لي نسيتي ....على وجه ولدك ....ملي تكون شي وحدة طامعة فرااجلك دخليها لدارك بحالا مواقع والوو

مينة :دخاااالتهااا ودخلت بنتهاااا وزوجتهاا لولديي تولات دايرة فيه مبغاااات

شهيد(بلغوات )لواليداااا

يتبع...