كلمة قالتها وزدحات الباب عليهم وقال:صافيي هدشي لي بغيتي هادي هدرة تقال ...هاديك راه نسيبتي ...علاش مبغانيش نكون فرحان علاااش واش انا مزوج بلبنت ولا مها !
مينة:مشتيش كي دوروونيي هااه وكيفاش هاد الدار فسميتها
شافيهاا كيتحكم فراسوو وقال :تسنايني نديك لداارك عند ختك وبنت ختك لي حسن منيي وراحتهم حسن من راحتي
الغالية:مرة وحدة فواحد لعييد كنت حاملة ب انصاف علاين نولد وقفني فطريق كان قريب لعيد صغيرر وعطانيي معرت شحاال قالياا شري بيهم حويجات لدراري حيت باك كان مريض مخدامش ...من غير هادي عمر هدرتي جات فهدرتو ابنتيي ...الله يرزيني فحيااتي هءهءهء بغيت ربي يبين فيها الحق هءهءه كنت منسواااش اه ولكن عمريي عرفت ناصر ولا حاديتوو حسبي الله ونعم الوكيل هءهءه
اقبال: عارفة ...باركة من لبكا على والو ...طغاات وعند بالها مكنعرفوش نجااوبوو ...الى جيت نهدر عمرها باقة تهز فيا الرااس ولكن دايريين بوجه ولدها وراجلهاا لي مشفت منهم غير لخير
الغالية(رتاحت نسبياا)وياااك متهدريها متكلميهاا تصدقي فلمشااكيل مع شهيد
طلق سينيال او وقف تحت ضليلة تاع شجرة كانت لابس بوليرو مشبك فوق لكسوة سميطات حيداتوو هوا وشال لي فوق راسها وطارت قبل ميوصل ليهاا غواتو. دخلات وسط النوار لي نايض بوحدو منطقة فلاحية ولما ديما فيهاا ...حلات شعرها وقالت:جابر صورنيي
لابسة كسوة فلخضر وسط نوار صفر كتباان صورة من داكشيي كتبان كيف شي فرااشة وسطو ابقا كيشوف فيها باعجااب وهيا كتبووزا عليه تما يصورهاا وتجي تجري تشوف كي جات وترجع تصور عاود
الراجل:عطيني باش نقاد مطووري ونداوي ايدي والله اعاونك
اقبال(شدات راسهاا كتسووط ومشات وقفات حدا طموبيلتهاا ...مهازة معاها لا تيليفون لا فلووس صونات لشهيد غير من نمرة واحد كان واقف ...شافت طموبيلة شهيد جااية من بعييد وقفات دغياا مقابلة معاها نزل مخطووف وخاايف مشا كيجري عندهاا كيفحصها ب عينوو شدها من وجها بخوف :بيك شي حاجة ! تقاسيتي شنو وقع
شهيد(رجع بظهرو اللور )يكون خيرر (داعب كتفهاا )صافا الخلعة ! كي وقع ليك
اقبال: معرفتو منين خرج لياا حتى فرانيت علييه
شهيد:كاين لي كيلوح راسو بلعاني وخصوصا قدام لعيالات باش يخلعهم ..
اقبال:غير لقاني ماشي فݣانتي
شهيد(باس كتفها ) صافيي نسااي احبيبة ...بيلو
اقبال:نعام
شهيد:تشهينا كسكسو
اقبال:شكون نتوماا !
شهيد:انا ولمعدة ولمسارن هههه
اقبال:وخة ...نصايب ليك شي كاس تاع القهوة !
شهيد؛غنجي حداك ونصاايبو
اقبال:العشية غنشوف هيبة
شهيد: ان شاء الله
****
العشية وصلات بعدما سلات خدمتهاا مشات تغدات غدا عندها روبو تاع لخدمة عضات على فمهاا ملي تفكرات لبلاصة لي قالت ليها جميلة لي عاد كانت فيها ...اوطيل كيطل على لبحر قرب مدينة كان الساحلية
هزات صاكهاا وقررات تمشي دوز فيه نهار وتبات فيه ليوما... الصيف وقت التبحار ولعومان مييمكنش يدوز عندها بلا والوو..هزات لكارط لي مخلي ليها محمد اما فلوسها مكتقيسهمش ....هزات طموبيلتها وشدات الطريق والشعبي داير حالة فطموبيل ...بدا الظلام كيطيح بحكم لمدينة بعيدة بشي 3 سوايع على بارريس
فوقت لمغرب شادة الطريق و السما مشات منها الشمس بقات شوية مضوية ....شافت دخان بدا كيطلع من لموطور تاع الطموبيل خرجو عينيها وفراناات فلقنت ...خرجات كتزرب حلات لكابوو دخاخن خارجة ضربات فمهاا مصدوومة كتشووف
حياة:انا عاارفة زهري ولد الق*** ولكن ماشي لهاد الدرجة !!
حياة:لا ويليي هه معاياا جميلة اش كنقولييك ولكن خسرات ليا طموبيل نشفات ليا من لما(عضات على فمهاا )وبقات ليا نص ساعة وندخل لمدينة
محمد(تنهد)حيااة حيااة معرفتش فين تيكون عقلك ....خارجة مسافة طويلة بلا متزيدي لماا وزايداها شادة الطريق بلا خبااريي !
حياة:مبغيتش نبرزطك احبيبي ...راني قنط بلا بييك فداار (كتغبن )توحشت دارناا وتوحشتك داك خينا لي فداار دار لياا العصااب مكنحملووش هءهءه علاش خليتيني ومشيتي كون ديتيني لدارنا عارفني معندي صحابات مكنعرف ت قمقوم فهاد فرنساا ...ودابا كتقوليا علاش خرجتي هءهءه
محمد:ولاا علاش كتبكيي انا غير خاايف علييك ....ادخلي لطموبيلتك متهدري مع حد ...غنتاصل ب هود يجي عندك دغيا
حياة:واش انا هاربة من خنشوشو غتسيفطو لياا
محمد؛عندك شي حل اخور ...راني مكاينش تماا ...ونتي حتى اللغة مزال معكلة فيهاا !! شنو غتقضي ليك جميلة !! جوج بنات فطرييق عطا الله لي يطمع فييكم ...دابا سمعيني انتاصل ب هود يلقا شي حل يتاصل بمعارفوو فكان يجي يوصلكم
حياة:غير ميجيش هواا
محمد؛واخة احياة واخة
قطعات معاه دخلات لطموبيلتها مكمشة كتسووط جات تخرج خرجت منهاا ...صونات ليها نمرة جديدة جاوباات وقال:الوو
جاها صوتو الخشن بصوت هادئء قال: اونڤواي فوتخ لوكاليزاسيون
حياة:واخة
مزادتش معاه لهدرة دخلات لواتساب سيفطات ليه لوكاليزاسيون طلع ليها في دازت عشرة دقايق عاد جاوبها :داكوغ اطط
كبرات صورة تاع لبروفيل وزومات عليهاا مكمشة فمهاا كتمنضر كان مصور فلابسين شعرو فاازك وصدرو مزغب وطاطو فكتفو ...
حياة: وخة مكتسواش ولكن بوݣوص لديلمك
جهد نص ساعة كالسة كتخربق فتيليفوون والظلام طاح طموبيلات مرة مرة يدوزو طريق معامرااش ...لخلعة بداتهاا ....شافت فطريق شي طنوبيل جاية بشوية ضو ديالها مجهد ...جاية وكتخفف فالسرعة تاتقابلات معاهاا شافت جوج شبان ولموسيقى على جهد ...شافو فيهاا وطلعات ايدها طفات الضو عليهاا ....زادت طموبيل شوية او وقفات قدامها ...بدا قلبها كيضرب على الجهد سدات لبيبان .. كتبرك على لبوطون ديماري طموبيل والوو
جايين جيهتها واحد هاز فايدو كانيط ...لابس حوايج عراض عليه او ايدو كلها وشاام وسناسل وصاحبوو اسمر البشرة لابس ديباردو سماطي وسروال نصو طايح
قرب واحد منهم. ليهاا وضرب فزااج تاعها كانه كيدق فشي باب وقال :.
Abre esta puerta, hermosa? (حلي هاد لباب ازوينة)
وصلو لجديدة كراو دار صغيرة يدوزو فيها تلتيام ديالهم تقداو لي يخصهم وكلسو يرتاحوو
حطات داكشيي وشدات راسها فوق لمجورة كتنهد وبكا هيبة فراسها
**
من وجهم باينة فيهم ضاربين لبلان فشراب ولادروك ناويين على خزييت ....اول مرة تخااف وتبدا ترعد هزات تيليفون كترعد صونات لنمرة تاع هود ...لي جاوبها فلحين
هود:وي
حياة:وقفو عليا واحد جوج
هود(بلفرنسية )سدي لبيبان ومتخافيش ...انا فطريق
قطعات معااه وعينهاا فيهم مربعة ايدها مهدرات متكلمات متبعاهم بعينيها تلقات واحد جايب حجرة كبيرة خرجو عينيها ولات كتقول هادي اللخرة ...ياله هز ايدو بغا يسيفطها على الزااج سمع لكلااكصوون تاع شي طموبيل وضو ضرب فيه مجهد....وقفات طموبيل بفران سيك حدا رجليه خلاتهم يهربو ملي هبط بطولتو وكتافو لعامريين وعصاا فايدوو ....تبعهم ونزل صاحبو معااه شد لي كان شاد لحجرة بغا يبدا يدخل ليه فلكروشيات وحبسوو صااحبوو
بدات كطل من وسط ايديها تكات على لفولون مبقاتش هزات راسها حتى سمعات دقان فزاج تنهدات وهيا كتحل فلباب موجدة راسها تسمع سبان ولغوات تااني
هود؛حياة صافاا !؟
شافت فيه بهدوء وقالت: اه صافاا
هود:اجي معااياا (شدها من دراعها داها لطموبييل حل ليها الباب
حياة:شانطة ديالي !
هود؛داكوغ ...طلع نجيبها
طلعات كترد النفس وايدها على صدرها كتشوفيه غادي لطموبيلتهاا وهيا دير ليها طرن فراسها بحالا كانت مغيبة وفاقت ...كيفاش السيد وصل فساعة وهياضربات 3 سسوايع ...عرفاتو كان تاابعهاا عضات على فمهاا كترعد عليه
حل لباب بلاصتو وكلس مد ليها قرعة تاع لما وقال :فازي پوا دو لو (شربي لما)
حكاية أنثى الجزء 37
محتوى القصة
التنقل بين الأجزاء