حكاية أنثى الجزء 38

من تأليف لبنى السرابي
2021طور الكتابة

محتوى القصة

رواية حكاية أنثى

امينة(بصدمة)ياااك انااصر !!

ناصر(خرج فيها عينيه ) ايييه امينة داباا اش قلنااا

اميينة (خنزرات وكلسات عاطياه بضهر )خرج عليا خرج موكلاكم مخ ضبع ...مبقات هدرة

**

لبس عليه سروال او تيشورت صيفي واقف مكروازي رجلوو عند لباب كيتسناها
جابر:غيتة سربي راسك

كانت فلبيت لابسة كسوة نص كوم ازو طويلة بتوب كيبين ومغلفة من لتحت موردة وعندها لحزام لوسط لابسة سبرديلتها بيضة او شعرهاا ضفراتو مدارتش لمكياج كتافات كيف لعادة بلايلاينر لي كيزيد يكبر عينيهاا ...عضات على فمها وطلات عليه براسهاا وقالت:جابر

جابر:ودغيا اغيتة وااه

خرجات كتسرط فريقهاا قداموو طلعها وهبطها وهوا يتقاد فلوقفة بغا يبدا يعربط تاتلاحت عنقاتو من كرشو وقالت:الله ارحم خالتي نزيهة وعمي عبد الرحمن ويرحم جدك وجدااك الله اعطيك حجة وتزور مقام نبيي ... عفاك

جابر(ربت على ضهرها بلطف )الله ارضي علييك ...سيري بدلي

غيتة:جابر عفااك مبغيتش زييف مزال مولفتوو حرام علييك واش نديرو بلا خااطري

جابر:دويت

غيتة:علاش كدير ليا بحال هكاا اجابر علااش (شافت فييها عينيها مغرغرين ) لبسني لخمار نتا وتهناا... تزوجتي بيا باش تربطني ؟

جابر:بللااا متحطي ليا دوك جوج دميعات والله حتى ديريه

غيتة(شافت فييه بحزن ناوية تحرك فيه شي حاجة السعاتي والوو ورجعات سدات وراها لباب تغمض عينوو من صداع ...حيدات حوايجها فكات شعرهاا وتلاحت فوق الناموسية

غيتة:غير صبر اجابر هءهءهءه نخلييك تمناني متلقاانيش ...بغيتي غير الضد والله لدرتوو

حل عليها لباب لقاها مغطية ولكسوة فلارض وقال:شنو دابا غضبتي !

غيتة(كتهز تحت ليزار وعينيها محلولات )بعد علياا

جابر:كولي ماطيشة فلخبز حسن ليك من طاكوس كاع
غيتة(بهمس )تاكل فييك جغديد

ضربها لمؤخرتها وقال :بعدي شوية

ناضت بزعفة كانت لابسة غير سوتياان او سليب ..هزات مخدة وليزار وقالت: نعس فيها بووحدك

خرجات من لبيت ومشات لصالون تكات

كان عيان قال شوية ونمشي نجيبها السعاتي بطحتو بنعستوو ..
دارت لكييت ديالهاا وكلسات فالصالون طالعة نازلة فلفيس مخلات تاكروب مدخلتت لييه من انسطا لفيس

شافت الضو شعل فلبييت لاحت التيليفون بين السداري او الحيط ودارت راسها نااعسة

كانت قريبة تلاتا تليل طل عليهاا لقاها ناعسة دخل لطواليط وخرج وجا عندهاا ..هزهاا بايزارهاا حطها حداه ومشا جاب مخدتهاا ...طفا الضو وتقاد فبلاصتوو حداهاا

بقاو عينيها كيدوررو فضلاام وهوا لايح ايدو عليها ...

**

طريق كلها كيتبادلو نضرات مخنزرة حياة مرطبة بلماا حتى وقف قدام اوطيل جنب لبحر

هود: تلاحي
حياة:تحل ليك لفم بلعربية

هود : شاغلك ؟

حياة:بغيتيني نهبط هكاا ؟؟ وفين طموبيلتيي !
هود:بلا بلاا بلا Tu es bavard(فيك لهدرة )

حياة: (كمشات عينيها مفمتهاش ) بنادم !
هود:سيغبونت (🐍)...الي الي هبط هبط


حياة:مندخلش هكا لوطيل نبدل حوايجي
هود(خسر وجهو )كواا ...

حياة:دير لخير غير مرة فحيااتك
هود:داكوغ (بلفرنسية )الشانطة فلكوفر هزيها

حياة(دارت صبعهاا فجنب راسها )تيي فووو او كواا هااه نتا لي تهبط ....باش دير ليا عامرة فخاوية وتسلت وتخليني مرطبة كي دجاج لبلدي

هود(كمش عينو ) باغدوون جو ني با كومبخي

حياة(بادب )جيب ليا شانطة ديالي ...سيلتوبليي ...لبرد فخابي موا الى هبط ...كومبخي

هود (ضحك.من نيتوو كيخبط ايديه مع بعضياتهم ...ضحكة مسموعة ) اوو مون ديووه...(شافيها ونطق بالفرنسية )نتي فريدة من نوعك ...داكوغ انا جاي

هبط لكوفر خلاها كتلعب بشعرها لفازك ورجعات اللور ...حط ليها الشاانطة ودخل هوا لاوطيل ...بقاو عينيها كيلعبو فطموبيل وفلقنات ليكون داير شي كاميرا راسها ومقاليهاا...محطات تيشورت تفلات اش كاين ...بدلات بكسوة سميطات وخلات سبرديلة جمعات لباليزة وهبطات عينيها كيقلبو على طموبيلتهاا والو واش بانت ليهاا شافتو جاي هزات عينيها فيه لقاتو كيشوفيها غير جات عينو فعينيهاا ...شاف لجيهة لخرا

حياة :ما فواتيغ ؟
هود(بلفرنسية)صاحبي ايتكلف بيهاا ويجيبها لييك

حياة:ؤك(جرات باليزتها صغيرة تفاتو وهوا غادي لطموبيلتو او وقفات شافت فيه وقالت )هود

شاف جيهتها و قال :وي !

حياة(رجعات شعرها ورا ودنيها وقالت بابتسامة ) ميغسي
هود(تبسم ليهاا واومئ براسو ليها وقال ) بون ويكاند سيغبونت بلوند
جمعات ضحكتها وجرات باليزتها وقالت:بغيتها تعضك البغل

**
كالسين كيداكرو على امور هيبة حتى صونا تيليفون اقبال كان شهيد جاوبات بصوت هادئ ومهموم فنفس لوقت
اقبال:الوو
شهيد:حبيبة باقة فدار
اقبال:اه جاي !
شهيد:ايه اناا جاي

قطعات معااه ونطقات الغالية: قوليه يطلع يتعشا
اقبال:مكاينش منين يدوز ...ايكون تعشا فدارهم

سمعات دقان فلباب وناضت هبطات تحل لقات شهيد سلم عليها من حنكهاا
اقبال:طلع
شهيد :غنطلع ...مع مالين دار
اقبال(ياله بغات تهدر بان ليها ناصر ومينة هابطين من طموبيل ..رمشات فشهيد )مرحبا بيهم


خدات شومبر فلاوطيل كطل على لبحر ولمواج كيتسمعوو...بفرحة تلاحت على لفرااش ...الحرية ولفلوس اهم حاجة عندها فهاد لحيااة

حلات لباليزة جبدات منها متلبس نشفات شعرها وسرحاتو ...لبسات صندالة كحلة طالونها رقيق مع ضفيرات فالاحمر ...او غوب قصيرة وايديها بتوب شفاف وبوشيط حمرة ....مكياج خفيف وخررجات ريحتها سابقاهاا ....كيف قالو ليها فلوطيل كل ليلة كتنظم حفلة فلبار لتحت ...الغنا وشطييح نزلات وضواو كيضربو فيها بلوان ...لقات دنياا مطرطقة بلبشار من جنسات مختالفة وهدشي باين من ملامحهم .... بدات كتقلب بعينيها على بلاصة تكلس فيهاا ...ضرب فكتفهاا واحد جار صاحبتوو باغة داابز وسكرانة

جرات كرسي ورجعات شعرها اللور وكلساات ...وقف عليها النادل وقال؛كو دموندي فو مادموزيل
حياة (بابتسامة وصوت جداب ) جييس دوغونج سيلتوبليي
هز حاجبو ومشاا ...هنا كلشي كيطلب شراب بانواعو الكتيرة ..هيا طالبة ليه عصير ...

هزات تيليفونهاا كتصور منتابهاتش ليه حيت فارقهم منصة الرقص لي كلشي ناايض كينقز مع لموسيقى ...نتابه ليها من بعدما هز رااسو ...كاسو فايدو متكي بمرفقو على لكونطوار ...رتاشف اخر جغمة من كاسوو ...مشاو عينيه لسرباي لي هاز كاس تاع لعصير وحطو فطبلتهاا ...ضو مرة مرة يضرب فيهاا عوج راسو يكمل الشوفة فيهاا ملي خباو ليه الشوفة شي وحديين ...رجليهاا كيبانو كيشقشقو بيوضة مع الصندالة كحلة

دفع لكاس جيهة النادل وغمزو باش يزيد ...معطلوش دغيا عمر ليه كاسو ...باش يكمل شوفتو فيها منغم بكاسوو وهيا منغمة بعصيرهاا

مرة مرة تمايل بكتافهاا ...حتى وقف عليها شاب نصو هي وشام وقال (بلفرنسية )نقدر نكلس معااك ؟ هاد نور كلوو يكلس بوحدو !

حياة(هزات كاسها كطلع وتهبط فيه وكتشرب من لپاي تكملات وقالت )فين مامشيت زلالة كيقطرو

تجر كرسي حداها ودورو وجهم بجوج خرجو عينيها فييه وهوا كيكلس حتى خدا راحتو او وجه هدرتو لشااب وقال :بغيتي شي حاجة ؟
(رجع جوج خطوات اللور )نو نو ديزولي بوغ ديغونجمون

مشا بلا ميشوف وراه خلاهم كيشوفو فبعضياتهم...تبسم ليها ديك الضحكة الصفرة حتى تسدو عينيه وقال :هاي

شافت فييه كترمش و سااطت كتشرب فعصيرها وكتشوف فلبشر كيرقص

حياة:فين طموبيلتيي
قرب جيهتهاا وقال(بلفرنسية) : صباح تكون عندك

حركات راسها باه وكتشوف بعيد عاطياه بجنب ...اما هواا كان كيرمش فيها ويشرب من كااسو ...دورات عينيها ليه لقاتو كيشوف فيهاا...رجعات شعر ورا ودنها او قلبات وجهاا حاسة بعينيه حارقينهاا ...دقات قلبها تزادو على الطبيعي ...ولات غير كدور فعينيهاا وناضت ...

هود:حيااة
حياة:تخنقت هنا انخرج (غادية ورجعات )تبعني ندير ليك الشووهة

خلاتو كيضحك عارفة عيينه عليها غادية وكتلوح فرجليها حتى تلوات ليها رجليها تشدات فسرباي لي دايز من حداها بدات كتعتادر منو وقلبات وجها لجيهتو لقاتو كيشوف

خرجات لبرا ضربها لهوا ...حيدات الصندالة وهبطات لرملة لبحر ضربها ريح لبحر واستنشقاتوو و زفرات بصوت مسمووع ...بقات كتمشاا تقاسو رجليها لماا ..جبدات تيليفونها لقات لوقت مشاا رجعات من بعدماا بعدات على لوطيل بزااف ... بان ليها شخص جاي مقابل معاها بقات كتشوفيه توضاح ليها وعرفاتو هواا ...

خطواتهم كيتقالو توصلو عند بعضياتهم وحبسوو وقالت:علاش تابعني ! واش عمك دايرك بركاك ديالو
هود(بقا كيشوفيها ونطق كيشوف فلبحر) شنو جابك هناا ؟ كتقلبي على شي فيكتييم !
حياة: هاد لبساالة ديالك جمعها علياا ...راك مزال مكتعرفش شكون حياة بنت الغاالية

هود(سكت كيشوف فيها ):tu es belle

حياة:شكرا عارفة هي حيد (بغات دوز فيه وهوا يجرهاا تخرجو عينيهاا وزيرها حداه)اش كديرر طلقق والله تنقولها لمحمد
هود: (بلفرنسية )شحال بغيتي
حياة(بعدم فهم )شنوو..كيفاش مفهمتش
هود؛ مم ليلة معاك شحال تسوا

ملحق 1 (01/06/21)

تجمدات بالصدمة وصدرها بدا كيطلع ويهبط ...هزات ايديها وعطاتها لييه لحنك وصاحت فوجهوو :تريكة لقو** تريكة ليه*ود...حماار
هود؛واش حماقتي
بغا يضربها وعوداتو بالصاك لراسوو مع قاسح جاب ليه الضربة صحيحة فرااس
طلقات منو بتنير ولاحت الصندالة ضرباتو بيهاا وهربات كتعكلها الرملة سخفاتها دخلات ل اوطيل كتنهج ...عقلها بغا يخرج...دخلات لبيتها كلها كترعد سدات عليها وكلسات مامتيقاش اش قال ليها داباا

**
اقبال:مرحبا بيهم ..عمي(باست ايدو )كيبقيتي
ناصر:لبااس ابنتي الحمد لله (شاف فمينة ونحنح اما هيا مخنزرة معاجبها حال)اقبال سمحي لينا ابنتي على ديك لهدرة لحظة غضب وصافي ياك امينة !

مينة:ممم
اقبال:دخلو اعميي متبقاوش فزنقة...مرحباا
حلات لباب وطلعات وهوا وراهاا حلات باب دار لقات الغالية دارت زيفها سمعاتهم من لفوق

جا شهيد باس راسهاا وحط كرطونة تاع السكر ودخل ناصر ومينة غير مجرورة بزز معاجبها حال سلمو ودخلو كلسو

الغالية:سي ناصر كي بقيتي !
ناصر:لبااس الحمد لله نتي صحيحة لبااس
الغالية: الحمد لله

كلشي سكت شي كيشوف فشيي ...من تحت الطبلة ناصر كينغز فرجل مينة

مينة:الغالية لهدرة ديال قبيلة فلحظة غضب وصافي
ناصر:مينة لتعصبات مكتبقا عارفة متقول ...سمحيلينا الالة الغالية
الغالية:موقع باس اسي ناصر ...غير دقة لباطل صعيبة شوية
مينة:اوا يكون قلبك رطب ! سماحة راه طلبناها

بدا شهيد كينحنح ويكحب
اقبال :نعمر شي كاس تاع اتاي
مينة:لا مكاين لااش شبعانين مكاين منين يدوز
ناصر:انا بغيت اتااي ..عمري لينا ابنتي شي كاس من ايدك

اقبال(تبسمات ليه )هيا اللولة اعمي

شهيد (تبع اقبال لكوزبنة )بيلو
اقبال(سدات تلاجة) نعام
شهيد:معجبتينيش ؟ مزال شادة فخاطرك على صباح
اقبال: لا ...عقلي مع هيبة
شهيد:مالها

اقبال:ولا عندها كي الليل كي نهار سادة عليها وغير كتبكي ...باش كملاتها قطعات شعرهاا حد ودنيها...بغيت ولدي بغيت ولدي باش كملاتها بغات تربي ولد

شهيد:وايلي اش كتقولي !! امتا هدشي بداها
اقبال: ملي وقع ليها داكشي وهي راجعة اللور ودابا صافي كملات لي بقا

شهيد:اقبال هدشي راه اعراض االاكتئاب ...من الاحسن تشوف شي بسيكولوك
اقبال(حطات النعناع كتنهد ) والله معرفت
شهيد:يكون خير اكبيدة انتاصل بمريم تششوف ليا شي كارط ڤيزيت تاع شي طبيب وديها غدا هدشي مخاصوش يطول ...ومخصهاش تبقى بوحدها

اقبال:انصاف غير كالسة حداها

شهيد:يكون خير...مديريش النعناع مكيشربوش لواليد
اقبال:طارت من بالي ....سير كلس هاني جاييا دغياا

حطات الصينية وكبات الغالية اتااي ...الهدرة قليلة والقلوب عامرة غير شي داير لخاطر لشي

مينة:ناصر ونووض خلينا ملاك بوحدها
الغالية:كون جبتوها معاكم
مينة:مرة خراا ياله
الغالية (وقفات )يجيكم الخير سي ناصر الله ايجيب الشيفاء يارب
ناصر:امين ياربي
شهيد:اقبال ياله


ناضت طلات على هيبة وانصاف لقاتهم ناعسين ومشاات...ركبات اللور حدا مينة لي شدات تيليفونها طالقة لفيديوات فواتساب ...ان لم ترسل هاده اللرسالة فاعلم ان الشيطان منعك

مينة:قاليك الى ستغفرتي عشرة المرات غيتحقق ليك لي بغيتي
شهيد:هههه واش نتي مزال كتقراي داكشي !!...استغفري قدما قديتيي ماشي غير باش يتحقق لي فبالك ...معمر ربي. قالينا الى استغفرتو القد والقد غنحقق ليكم
ناصر:ربي كيعجبو الانسان اللحوح ...لي مكيملش باش يرفع ايدو ماشي لي يستغفر عشرة لمرات ويتسنا رحمة ربي تنزل هدشي كلو بدع

مينة:فتيحة الله اهديها ديماا مصدعاني بهاد لفيديوات ....
صونا تيليفون شهيد جبدوو وقطع فلبلاصة كيهدر مع ناصر توصلو لدار نزلو وركبات اقبال لقدام وقلع

شهيد:صافية لخواطر الحيبان
اقبال:الحمد لله (مسحات على وجها )راسي ضرني بغيت غير نعس
شهيد(داعب فخضهاا ) ؤك

**

فاقت ملي ضربها الضو فصباح دورات راسها لجيهة لخرا تلوات فليزاار
جابر:جيتي باش تنعسي !...غيتة نوضي برااكة
هزات كتاافهاا وقالت:اللهم نعاس ولا تخرجني مخنشة
جابر:نوضي اغيتة اطلعي ليا القردة غنرجع مك لدار
كلسات فبلاصتها كتحك فعينيها ...خنزرات فييه وناضت لشانطة جبدات متلبس وقالت:غنفطرو براا
جابر:وخة
غيتة:عنداك تفطرنا فشي سطاسيون !
جابر:انفطرك فجردة مردوخة عرفتيهاا
غيتة:لا ! فين جات
جابر:لبسي

غيتة:منديرش زيف ..عفااك
جابر:غيتة
غيتة:الله ارحم ليك واليديك اجابر ...مبغيتش ندير شي حاجة بزز علياا ! واش منقدرش ندير شي حاجة بخاطري ؟..مبغيتيش ؟؟ (جببدات سروال وتريكو )ياله نرجعوو فحالناا وت جداك مغنمشيش

جابر:شنو دابا

غيتة: قلت ليك شنو كاين
جابر(عض على فموو كيسوط وخرج )لبسي خلااص

غيتة(بميووعة ) لمكناس ولا نفطروو !
جابر:غيتاا بلا تبرهيش

ضحكات بانتصاار ومشات كتقلب على لكسوة لي لبسات لبارح ...لبساتهاا ومشطات او لبسات سبرديلتها هزات صاك صغير بسنسلة دهبية دارتو فكتفها ومشات جابت تيليفون ...وقالت:هاني موجودة ياله

ياله كيشوفيها تابطات دراعو وقالت :تشهييت اومليط بلفرماج

جابر(كيحل لباب )تشهيت نحك ملتك مع طروطوار

ضحكات بهمس وخرجات داها لقهوة عائلية كيفطرو فيها عائلات ويكلسو فيها ناس بعقلهم دموندا فطور لي بغات ..

غيتة:نفطرو ونمشيو لبحر ندوزو فيه نهار كلوو

جابر:ان شاء الله ...ياله فطري


نعسات لغدايد كتاكل فيها هدرتوو بقات كي الفقصة فقلبها مكرهاتش كون نزلات عليه ولكن عرفات راسها اتخرج خاسرة

مخلا عندها خاطر كلساات ف فراشهاا كتخربق فتيليفون دخلات للواتساب و شافت نمرتوو ...سجلاتها "ضرتي الق**"" شدها الضحك وخرجات

ناضت هزات بينوارهاا دوشات ليهاا وتريحات وخرجات كتنشف شعرهاا ناوية تلبس وتخرج ...تسمعات دقان فلباب ...كمشات هزات حجبانها ومشات ناحية الباب كتسد لبينوار من جيهة صدرها

حياة:شكون ..تء سي كيي !!
حلات الباب شوية ...ملقات حد ياله بغات تسد لباب نتابهات لورد جنب لباب بيضين تبسمات بلا تحس وقالت :هااح

هزاتهم وايدها على لبينوار ...دخلات وسدات لباب كتشم فلورد بانت ليها برا صغيرة فجنب هزاتها فلحمر ...كانت فيها ريحة مجهدة اول مشماتهاا جا ليه**ودي على مسماتو فبالهاا ...حلاتها وفعلا كيما كان توقعهاا كاتب فيها بخط فرنسي جميل مفاده :

*سمحيليا على لبارح مكنتش فوعيي ...سمحيليا بزاف ...نتمنى هدشي ميوصلش لعمي حيت مقصدتش ...شكرا *

حطات لورقة فصاكهاا وكلسات كتشم فلورد ...قطعات وحدة صغيرة مزال مجموعة دارتها فشعرهاا من بعدما لبساات وقدات حالتها ...نزلات شادة لوردة مرة مرة تشمها تهبطات لريسطو تاع لوطيل ..عزلات فطورها من البوفي وكلساات كيضرب فيها الريح

صونا تيليفونها وطلعات ضرتي الق** ضحكاات وسدات على فمهاا ونحنحات باش تجمعها قبل متجااوب
حياة:شباغي !!

هود:كالم فو لاڤواتيغ حدا لوطيل
حياة:هاني خارجة

كملات فطورها جبدات مراية صغيرة قدات وجها وخرجات كدير فنضاضر شمسية لعينيها بان ليها قدام طموبيلتها كيكمي ...

حياة:ارا السوارت
هود:حياة لبارح اا
حياة(خنزرات فيه )اخر مرة تفوت معايا لحدود جايب لياا ربطة تاع نعنااع زيدها فييك
هود :نعنااع ...سي لميووغ فلوغ ... جاسمين

حياة: عطيني سوارتيي
عطاه سوارت وقال :...اونكوغ انفوا جوسوي ديزولي
حياة(قلبات عينيها )با دو ببخوبلييم ...مي لاديغنييغ فوا نخرا عليك طرجمها هادي

غادية فاتجاه طموبيلتهاا بغات تفلت ليها الضحكة ومصات شفايفها تسمعات اسمها منو او وقفات

هود: تبغي تخرج بحر !
حياة:فين
هود(بلفرنسية ) باطو كيدخل وسط لبحر ...الى بغيتي
حياة:نتا لي تخلص !
هود(تبسم )بيانسيغ ! حسبها ان كادو بوغ ڤو

حياة(سكتات شوي كدورها فراسها وقال)داكووغ
هود(ميل راسو جيهة طموبيلتو )فازي

تبعاتو كتبسم ركبات فطموبيل حداه وتحركو صونا تيليفيونهاا بنمرة محمد كيفيبري ... حيدات ليه الصوت ورجعاتو لصاك

وقف جنب لباطويات صغار لخاصيين كاينين بنواع لكبير لمتوسط و الصغير واحد ينسيك فلاخر كلهم نقيين وجداد ...ضرب فيه الريح تاع لبحر ...لجو كيدخل لبهجة لقلب وييزرع الفرح ...كان نوعا ما الصهد فلمدينة ولكن لبحر قربو بارد ...كانت كتمنظر فلما ولباطوات داخلين خارجين حتى سمعات تصفار...ضارت وبان ليها هود كيشير ليهاا ...مشات عندو بمشيتها اللعوبة الفطرية ماشي كتصنعهاا...بعد نظرو عليها ملي قربات جيهتو

هود:ايخرج دابا
حياة:منحتاجو لورقة لا والو ؟
هود؛نن اجيي(مد ليها ايدو وتبسم ليها )فازي ...

ملحق 2 (02/06/21)

طلع هود هوا اللول ومد ايدو لحياة...شداتها من بعدما حطات رجليها حداه تنقزات حداه...وسلتات ايدها منو وهوما قراب لبعضهم ..

كانو الشباب اكترية غير هوما كل واحد شاد بنت فإيدو وطالع ل باطو سياحي كبير شوية كينظمو فيه حفلات عيد ميلاد او عشاء رومنسي .. فلاسود ضاير بيه خيط تاع ضوو كيشعل غير بليل باش يزيد الاجواء رومنسية كتر ...

هود(بلفرنسية )انطلعو لفووق !

طلعوو وهيا كتحيد فنظاراتها دارتهم فصاك ...فطويات على واحد جيهة كالسين فيها دراري وبنات كالس معاهم شاب كيضرب لكيتاار وبنات كيصفقوو معاه خالقين جو ...كلسات حياة وكلس حداها لايح ايدو اللور

حياة:Il fait beau(الجو زوين )
هود : ويي توطالمون (تماما)

**

كالسين فصالة الانتظار اقبال ومعاها هيبة جثة بدون روح غير مجرورة... داك شوي لي خلات فشعرها جمعاتو بفيليلات تخبي الشوهة لي درات ...لبسات جلابة خزية وبلغة كحلة فرجلهاا كالسة وكتنهد بحالا هازة جبل على كتافهاا

كالسة اقبال حداها دايرة رجل فوق رجل كتلعب بلكارط فوق رجليهاا
_هيبة *** ...تفضلي دكتور كيتسناكم
اقبال(بابتسامة )شكرا ...هيبة ياله

هيبة(تنهدات )بقا غير طبيب نفسي نجي لييه

دقات اقبال وحلات لباب دخلات هيبة عاد سدات الباب وراها كلسو قدام طبيب مزال فريعان الشباب ...تبسم ليهم وقال : شنو لمشكيل
اقبال: داكشي علاش جينا نعرفو مشكيل ختي باش نعرفو كي نحلوه
شاف فيها وتبسم ليها ورجع شاف فاقبال وقال:دونك هي لمريضة !!...بون تسمحي لياا نبقا معاها
اقبال(وقفات )اييه مكاين مشكيل

وقفات داعبات كتف هيبة وخرجات خلاتهم بجوج

د:الوغ شنو عندك
هيبة(بداو دموعها كيتسرسبو )لارد
د:عندك شي مشكيل ؟
هيبة:حياتي كلها مشاكيل
د: شكون هدا اهيبة لي معندوش مشااكيل ...عاودي لياا نلقاو حل بجوج !
هيبة:عييت من لهدرة مبقيتش باغة نهدر ...بغيت غير نغمض عيني منبقا نشوف حد ...مليت من دنياا كرهت كلشي كرهت زهريي
د(كيكتب )شنو وقع حتى وليتي كتفكري هكاا ...شحال فعمرك اهيبة
هيبو:24
د:نتي مزال صغيرة ...وفاقدة الثقة فحياتك !! هدشي ماشي معقوول
هيبة:انا قتلت ولدي
د:كيفاش قتلتي ولدك
هيبة(دموعها كيهبطو ) كنحلم ديما بلي عندي بب صغيير ...كنتعدب كل نهار ...ملي طاح ليا لبيبي واناا تفكيري كلو فييه

د:عاودي ليا شنو وقع من لول

بعد لحضات خرجات هيبة فايديها ورقة تاع دوا شداتها اقبال ..مشات خلصاات وخرجو بجوج

اقبال:رتاحيتي
هيبة(كتلعب بايدها ) ممم ...اقبال بغيت نصايب لپاسپور مبقيتش باغة نبقا هناا ...كرهت كل زنقة هنا
اقبال(مسايراها )واخة

صونا ليها شهيد جاوباتو قال:خرجتو !
اقبال:عاد دابا
شهيد: خرج ليها شي دوا ولا غير هدر معاها

اقبتل:لا دواياات ...هيبة شنو قاليك طبيب
هيبة: اكتئاب (تبسمات باستهزاء )

شهيد؛دوزي عندي واخة !

وصلات عندو لصيدلية ياله بغات تهبط...نتابهات لطموبيل بيضة تحركات...ميلات راسها تشوف لماتريكيل السعاتي غطاتها طموبيل خرا ...بقات متبعاها
هيبة:اقبال مالك

اقبال(شافت فيها وحيدات السمطة )والوو ...نزلي
هيبة:مافيااش بغيت نمشي لدار

اقبال:دوا معندو باش ينفعك الى نتي متحركتيش اهيبة ...نعلي الشيطان هدشي راه كيضرك وكيضرناا

سكتات مهدراتش غير كتنهد ...هبطات اقبال كتستغفر الله وسدات لباب ...لاحت عينيها لطرييق كتخمم فديك طموبيل ...نفس لماركة تاع كاميليياا ولكن واش هياا ؟ هدشي لي متأكداتش منوو

دخلات لصيدلية تبسمات ليها البنت وقالت: مرحباا اشنو خاصك !
خرج من لبيرو لداخل وقال: اقبال (حل ليها لباب من جنب )اجي دخليي
ابعاتو لداخل فين عندو لبيرو وكلسات حداه فلفوطوي صغير تما عطاتو لورقة كيقرا فيهاا

شهيد: مبغيتهاش تشرب هاد دواياات ا اقبال
اقبال:بان ليك شي حل !
شهيد:حالتها صعيبة ..دوا غادي غير يعاونهاا الى مخرجاتش راسها من هادشي مكاين لي يخرجها منوو ...واش يحساب ليها دوا الاكتئاب ساهل !! راه ادماان بحالو بحال دوا لعصاب ...سيي اتهدن ولكن الى ولفاتو راه متقدرش تعيش بلا بييه متقدرش تنعس بلا بييه

اقبال:جهدي راه درتوو معاهاا كتر من طاقتيي معنديش واش نجرها من شعرها نخرجها بزز

شهيد(داعب ايديها )مدبرها حكيم حبيبتيي ..ففف بون تبع هاد دوا وغترجع عند طبيب وتشووف ...مريم ...مريم هاكي جمعي ليا هادوو

مريم:داكوغ دكتور ...

هبط راسو كيحك شعروو تفاجئاتو بسؤالها

اقبال:كاميليا كانت هناا
شهيد:كاميلياا ؟ لاا فين شفتيهاا
اقبال: غير سولتك شفت طموبيل بحال دديالهاا

شهيد:لاا لا مشتهاش
اقبال:وخة


رجعات مريم بلورقة وصاشية تاع دواياات
مريم: 800 درهم امدام

شهيد:مريم
مريم؛همم نعام ادكتور
شهيد:شرييه (عوج ليها راسو جيهة لباب
مريم:اش نشري
شهيد:كتبوهلي علياا ؟؟ سيري تخدمي

جمعات اقبال دوا وجبدات 400 درهم مداتها ليه وقالت:الباقية تالعشية

شهيد(قرب جيهتها )هادو اتمشي ديري بيهم شي عشاا باش نفرحو لقريد
اقبال:اتشد فلوسك ولا مباقيش انشري من عندك

شهيد(شدهم من عندها ورجعهم ليها ) هادي تاع تقدية و هادو فلوس ضو ولما ولويفي او لبقا ليك شي صريف خودي شي موزون ورقصني يا ݣدع (هز ايدو ككيشالي ويضحك )نخوي جيبي علييك ...نغرم عليك الزرقات

كتشوفيه اقبال وقالت:الله يستر
شهيد: شوية ونجي لدار نوريك الله يستر شحال كتسوا

ناضت هازة الصاشية ورجعات لفلوس لجيبها وخرجات تبسمات ل مريم فلكونطوار وخرجات

جبدات مريم سقاطة من الصاك كتااكل تقفزهاا شهيد وطاح رايبي فلارض تشتت غوز

شهيد:اش كديريي
مريم:وو والوو ادكتور (مسحات فمها )خلعتيني

شهيد: كنقوليك بغيتي تاكلي كولي فلكوزينة ...اش هاداا ؟
مريم:اخر مرة متعاودش

شهيد:مسحي هدشيي مسحيي ...برااكة برااكة من لمضيغ اتفركعي

دازت من جنبو كتجري لكوزينة مسحات روينة ...داز هوا لجنب كيقرا فلفاكتورات

شهيد:مريم ...هاد لوغدونونص ديالك ؟
مريم:نسيتها ...ديالي ادكتور

شهيد(تبسم ليهاا )قوليها من صباح مخلياني كنغوت عليك ...مبرووك
مريم:الله ايباارك فيك ...عقبة لعندك...هاديك مراتك يااك !
شهيد؛امين ...هيا هاديك

مريم(بابتسامة ) الله اخليها ليك والله افرحكم بالذرية الصالحة
شهيد :ليوم لبيرمانونص ...سيري ررتاحي انشوف مراد يتكلف بيها نتي خدمي غير بنهار ...عطي الراحة لراسك وفوتي ديك سقااطة معندها باش تنفعك

دخل كيشوف فدوايات وكيقيد لي خاص ولي نااقص توقف قدام لبيلول لي كتاخد اقبال هزهاا وحطها عند فمو كيضرب فيها بشوي وكيفكر وهز عينيه لفنيد اخور

**

كلسوو جنب لبحر الريح كيضرب و البحر عامر ...حطو جوج ديال رولاكس او لبراصول

لابسة كولون كري لاصق وفوقو كسوة باردة تاع لبحر نص كوم خفيفة فلبيض ...جببدات لكريم كدهن معصبة وكتشوف لمايو كيتشااير كلشي لابس

غيتة:بانت ليك شي وحدة كتعوم بكولون ...تقول هابطة من ورا شمش

جابر(دار نضاضرو وكلس ) واش نتي بعقلك ؟ نهار يديرو بحر خاص بلعيالات وعومي بشورط ...عباد الله كلها تفرج فلحمك ...ربيعة انا !

غيتة (كلسات فلكرسي كتنهد )بغيت نعوم ...انمشي نعوم ...وجااابر
جابر(حيد نضاضر شاف فيها )امالك ؟
غيتة:جيت نتفرج فيهم كيعوموو
جابر:مزال قزيبتك مبرداتش
غيتة(هزات كتافها وناضت كتجمع شعرها لفووق )انمشيي
جابر(وقف سااخط كيكره شي حاجة سميتها لبحر ولجو ديالو وخصوصا وقت الصيف كيكون لبحر مضروب على اللخر ديالو تقول سوق وقت لعواشر ...

كانو حاطين الرولاكس جنب لبحر مبعيدش بزااف دنيا عامرة تيليفونات خلاوهم فطموبيل لي قريبة لتماا ...حيد تيشورت ديالو وبقا هي بشورط فوق من الركبة بشوي ..زير ليه سيرو وتبعهاا كيحك فصليعتو لي ضرباتها شمش

غيتة:هههه صليعتك نسمنو عليها لمسمن يجي شهوة منو
جابر: على مسمنك الزين ...داير لودنين كيف قنية


غيتة: كنبغي نضحك معاك كتهجرو لياا يااه على
دفعهاا من راسها كيضحك ..دخلات لوسط لماا لقاتو بارد وبدات كتنقز شافت جابر محنيي كيدوز لما على ايدو ...وبدات كترش فييه ..دعقاتو بلما معرف فين كاينة...حتى شدهاا هزهاا ...وغادي مدخلهاا لدااخل كتغوت لييه...دورها جيهة جنبو باش يلوحها بعيدة لاحها فلماا تغرقات فييه ناضت كتبقبق كي دجاجا
غيتة:كح كح كح شربت لماا بفففف

جابر(كيسوس ودنو )لحمارة مها دخلات ليا لما لودني

غيتة:وااع لموجة هههه لصقات فييه ضرباتو لموجة لصدرو مكانش منتابه ليهاا تطاحو بجوج برك عليها تغرقهاا تحت لما

جابر:غييتة الشوورط (مزير على الشورط وهيا بلخلعة جراتو ليه حتى بان لكالسون لتحت )هههه طلقيي
غيتة: نتا لي غرقتيني كح كح شربت لما تاااني ماالح

جابر(ضحك )علم الله شحال من واحد بال فييك
غيتة(خيبات وجها )اعععع ....لموجة لمووجة
هاز لمرا هزها تلصقات فييه وعطا لموجة بضهر تدازت ودخلو لوسط ملصقها فيه لتمشي تزعم وصلو لوسط فين لماج كيضربو غير بشوية...وخلاها كتعوم بخاطرهاا...تلاح على ضهروو وخلاهاا كطيح وتنوض حدااه

غيتة: مكنعرفش نعوم على ضهري ...علمني !
جابر:خاصك هي ترخي رااسك فوق لما
غيتة:منغرقش ؟
جابر:لاا (ناض واصل ليه لما تحت صدرو شوية اما هيا كاتافها فلما ...هزها فوق لما وخلا ليها راسها لفوق)عمري ريتك بنفس وشديهاا

دارت لي قاليهاا وبدا كيحيد ايدو من تحتهااوقال:هانتييي ...رخي فيك النفس شوية متخافيش انا حداك

بقات شادة ليه فايدو وكتلعب برجليها فلماا تعيات وتقلبات على صدرهاا كتعوم
**

عمرها دخلات وسط لبحر دااخت وبغات ترد لي فجوفها

داخلة لطواليط لتحت ردات عاد رتااحت ..غسلات فمها او خرجات لقات هود كيقلب عليها ...

هود:(بلفرنسية)شنو عندك !!
حياة:دخت شوية (شدات جبهتها )
هود(شدها من دراعهاا ) اجي هناا ...ناخد ليك كافي !
حياة:واخة
كلسها فكرسي ...غير كتهز راسها كتلقا دنيا كدور ...جاب ليها قهوة قاسحة وقال:شربها
حياة:مافيهاش السكر

هود؛نن فازي

شرباتها بزز منها ...شوية دوخة نقصات ...شافت فلبحر من شرجم تاع الزاج لي ضاير بالطبق التاني كلو لفوق فين مجموع كلشي ناشط ولتحت على شكل ريستو او كافي

هود؛صافاا دابا ؟
حياة:لاا مزيان ...صافاا ...نطلعو
هود:ؤك

هزات صاكها وطلعوو لفوق مرة مرة يميل لباطو وتميل معاه حتى كيشدهاا ....حتى وقف وسط لبحر فينما وسعتي عينيك تلقا لبحر قدامك تحاجة مبقات كتبان من غير سما ولبحر...فقط بعض لباطوات صغار مرة مرة كيدوزوو كيشوفوهم من لفووق


ضربها لبرد وفااقت وملي حبس لباطو مشات دوخة...كانت واقفة عند لحاشية كتصور بفيديو الاجواء ...تدازت على هود بلكاميرا كان كالس حدا القبطان بوحدهم فواحد القنت وقدامهم كيساان....زومات بايدبها على صورتوو غي هز عينو جيهتها دارت راسها كتاخد سيلفي وهبطات التيليفون وعطاتو بضهر

حياة: كلاتك الدودة احياة كلاتك


بدات كتسمع فدراري وبنات فجنب دايرين موسيقة اسبانية بحال السامباا ...قربات جيهتهم ...ودخلات معاهم فلمود كتشطح مع لبنات ودراري كلشي مخلط ....
نهارهم هكا داز كاين لي كينقز من لفوق نيشان لبحر ...هيا شدات عصير كتفرج تكلس حداها وقال:تنزلي !!
حياة:لبحر لا لاا

هود:جرب
حياة:لا مكنعرفش ...براكة عليا غير لابيسين كنلقا لارض قريبة ليا

تبسم ليها وقف ...كييحيد فتيشورت ديالوو ...عينييها بداو كيتراقصو فاللخر شافت فيه وفصدرو او لوشام ...مطراسي بصبور ...مدو ليها هوا والتيلفوون ولبزطام

هود(بلفرنسية ) خلي عندك هادو

حياة(هبطات عينيها )ممم


مشا كيتمختر قدامهاا ...فييه كاع لمواصفات لي تبغي لبنت طويل عامر وزوين مرزن ماشي كيطير واخة شارب مكيعربطش ...بحال شحال من واحد ضرب القرعة وسخ دنيا بتقييا فينما داز كيطلق

شي بنات لابسين غير لبيكيني بلوان متبعينوو حتى داز من قدامهم وتلاح فلبحر ...خنزرات فيهم حياة ملي شافو فيها كانهم كيهدرو عليهاا

هبطات عينيها لتيفون ديالو حلاتو وتحل بوحدو مافيه لكود لا والو ..ايكرون عادية ديال التيليفون ...دخلات لواتسااب كتجري عاضة على فمهاا عين فيه وعين معاه ليطلع ...دخلات لكونفيرصاصيون بينو وبين محمد ....لقات فقط تصاورو فلحج ومرة مرة اوديو كيسولو فبعضياتهم ..خرجات كطلع فداك لواتسابب حلف ليسالي ...بغات تخرج ونتابهات لنمرتها لي عرفاتها غير بالتصويرة كاتب عليها " blanda " بقات كتشوف فسمية ومعوجة فمها باش متخرجش ليها الضحكة ...خرجات من تماا او مشات لفيس شافت شنو سميتو وخربقات فتيليفونها بزربة ورجعات كي كانت

لعشية تعاشات والشمش بدات كتغرب ...نشطات وعاشت ليي بغاات شطحات وتصوراات والنظرات حاضرة
شد ايدها كيعاونها تنزل من لبااطوو شادة الصباط فايدهاا حفيانة كضحك

حياة:ضروني رجلي
هود :طموبيل هناا
حياة(ضحكات ) شديتي لعربية ههه
هود(وقف كيشوفيها ) الى بغيت نفهمك
حياة:هههه الرجوع للاصل اصل

قرابة لمغرب وصلو لاوطيل مسخسخين ...ركبو فالسانسوور ...كتحس بعينيه غياكلووها ...طلعات معاها تزنيكة وتفتافة ...هزات عينيهاا فيه متكي على لمراية تاع السانسور تبادلو لابتسامة وكل واحد شاف لقنت ...هز ايدو قدامهااا حبس السانسور ميتحلش ...رمشات وهزات عينيها فييه قلبها كيضرب
حياة:علاش حبستيه

قرب جيهتهاا وهيا راجعة اللور عينيه كيدورو على وجهاا تقرب جيهتها بخطوة بطيئة مبقا كيفصل بينهم والو عينيه ففمها وهدر: بغيت

توترات وسرطات ريقهاا قلبها كيضرب وقالت بخفوت :هود خليني نخرج
هود:خرجي
بقات كترمش فييه تشافتو تحنى براسو لعندهاا ...ايديها تبنجوو على شي حااجة محسات تلقات راسهاا مغمضة عينيهاا وحالة شفايفها تستقبل قبلتوو....رجع بيهاا باللور شادها من خصرهاا جار شفايفها ...."بقبلة محرمة".

يتبع...

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.