.. اما الحاجة ولات غير كا تشوف في بنتها وعاينيها كا يسرسبو بدموع ناضت ومشات عند بنتها جرات عبد رزاق منها بنترة وغوتات عليه
الحاجة... دموع في عاينيها وكتحرك راسها ب لا وهيا كا تشوف في شامة لي دموع ما وقفوش ... عبد رزاق هاااادي بنتي .. كا ضرب فسدرها بحرقة وتقول .. هادي بنتي انا اعبد رزاق انا ربيتها بيدي انااا عارفة بنتي شني كا تسوى انا بنتي شامة ما تفرطش لا فشرفها ولا في عائلتها انا بنتي ولدتها وربيتها وعااارفة اش ولدت واش ربيت شامة بنتي ماشي بنت زنقة باش تهضر معها هيدا
عبد رزق... ايمااا واش بغيتو تحمقوني ايما شوف مزين وحل عينك شوف بنتك كيفاش جات عندك شوف على حالة فيها شوووووف شامة صغيرة كيف جات شوووف مزين
الحاجة... ما دتهاش فكلامو ومشات لعند شامة لي كاترعد وحديتها ومخشية جنب الحيط مشات قربت ليها وشدت ليها في يديها لي محفرين بطبع الحبل لي باين فيديها ...
الحاجة... هضر ابنتي قول شني عندك انا يماك شكون ضربك وشكون قطع ليك شعرك ابنتي شكون لي تكرفص عليك شكون لي عمل فيك هيدا شكون ابنتي الحبيبة هضر قول ... الحاجة عينيها كايبكيو دم على بنتها اما شامة غير شافت مها اش قالت ودارت على قبلها ما حسات براسها غير مخشية في الحضن ديالها وكاتبكي وتقول ليها ....
شامة.... هئ هئهو اا ايما هو هئ ه و لي تعدا عليا هو كنت كاا نصبن والله ايما ما فرطت فراسي بخطري بززز مني ايماا بززز مني قتلني ايما قتلني هئ هئ هئ هءععع
الحاجة... زيرات على بنتها في حضنها... شتتتت ابنتي هئ هئ شكون هدا هئ شكون هدا ابنتي شكون لي تعدا لي على بنتي شكون ابنتي شكون نمشي نقتلو ونشرب من دمو شكون هئ
شامة... كا تحرك راسها وكاتبكي بحرقة ... هئ هئ هئ م معرفتوش هئ هئ هئ والله ع عمري شف تو عمري ايما اوول مرة والله ايما ما كنعرفو شوووف هئ شوف شني عدل لي هئ.... بعدت من حضن الام ديالها وكا توري ليها طبايع ديال وحاشيتو وطبايع لي دارهم فيها بحالة دخلات فصدمة وحالة هسترية ... ش شوف هئ هئ هنا شوف ايما لحمي البيض ورطب شني دار فيه شوف ايما شوف بنتك شني دار فيها شوف هئ هئ هئ شوف شعري طويل بااااح مشى قطعو لي هئ هئ... شدات عينيه وقالت... هئ هئ شد موس وقطع لي هئ حوايجي شفتو بعيني كا يقطعم خوفني هئ هئ هئ قطعهم ايما شد ليا يدي ولعب فيا كيف بغى وغير ك هئ ك كنت كانغوت ونضرب فيه كان يضربني هئ داني من الواد بزز مني هو هئ انا هئ غير ك ك كنت نبغي نغاوت كان كايسد لي فمي شوف هنا ..(كا توريها شفايفها) غززهم بسنانو باش ما نغاوتش ونعيط ليكم ... عبد رزاق مقدارش يزيد يسمع او يزيد يشوف حالة ختو شد عينيه وزاد فتح بابا الدار وخرج اما رحمة بقات مصدومة وغير كا تسمع وتشوف ودور في عينيها بحال شيطان...
شوف ايما هنا...(هبطات يديها لحدا فرجها فوق سروال لي عامر بدم وقالت ) شوف ايما قصحني هنا بزاف شوف دم (كاتمسح على سروال بيديها لي عمرات بدم ) شوف ايما مابغاش يحيد دم قصحني بزاف ما كنقدرشي نمشي تحتي كايحرقني ايما هئ شوف هادو لي لبسهم حوايجو فيهم ريحتو القبيحة(القبيحة هيا الخايبة)...هيا حطات يديها على الحوايج لي لبسة كا تحيدهم بنترا وإشمئزاز و غوتات وقالت... ما اااااااابغيتهمش حايدهملي ريحتو كا تخنقني هئ هئ ما حملتوش ما بغيتهمش يرحم يماك ايما حيديهم لي يرحم يماك
رحمة... قلبها تقطع على بنتها بقات فيها بزاف ... صافي ابنتي اجي انا نحيدهم لبنتي دابا اجي... شدات فيها و دخلتها للطواليط بلدي و عمرات سطل ديال الماء سخون كان عندها على الجمر ديال نار كايسخون ... دخلتو لطواليط ودفاتهم حيدات ليها الحوايج كلهم وغير شافت جسد بنتها شهقت كلو طبايع ديال المصان والعضان وصبعان لحمها ولا زرق اما ريوس صدرها فيهم دم ياابس دليل على انه المغتاصب كان كايغززهم بسنانيه وشي بلايص حمرين وزرقين دار ليها الوان طيف في لحمها الحاجة حنات راسها لتحتها تشوف لقاتو حمر وما بين فخدها مسلوخة بدم وتوتو ديالها ولا حمر بحال لون دم كيف قالت لعب فيها كيف بغى ودار اش بغى فيها....
الحاجة... كا تدعي فيه بحرقة ودموع على خدودها... الله يعطيه موصيبة الله يرزيه في اغلى ما عندو الله يعطيه سم الله ينزل عليه اللعنة يااااربي سلط عليه الكونصير ياااربي يدخل فيه رموك فهد نهر يااربي كيف رزاني فبنتي رزيه فصحتو وفاغلى ما عندو يااااااااربي ياااااربي يااااربي
شامة... جالسة على الكورسي معدل من الخشب عندهم فطواليط ودموع نشفو من عينيها غير صوتها مبحوح وشهقة كتطلع ليها وقالت... يما رجعت موسخة دابا ياك حتى واحد ما غا يزوج بيا ياك ما غنعملشي العورس لي كنتي كاتحلم تعدلولي ملي تكون العورس ديالي حتى واحد ما غدي يقبل على واحدة متقوبة ياك
الحاجة... اششش اسكوت ابنتي الله يرحم يماك سكت ما تقطعليشي قلبي كثر ما هو مقطع ابنتي هئ اصبر ابنتي اصبر هادشي لي مكتاب ليك ابنتي هئ هئ...
الحاجة دوشات لشامة ولبسات ليها وخداتها لفراشها وغطتها شامة غير حطات راسها على المخدة غمضات عينيها ومشات فسبات عاميق مكرهاتش ما تنوضش وكل مرة كا تضربها الفيقة وهيا مخلوعة من عينيه لي ملي شداتهم كا تشوفهم قبلت عاينيها وشهقة لي واخا نعسة كا تجيها فوسط نعسها ....
اما الحاجة غير نعست شامة خرجات ومشات كا تقلب على عبد رزاق سولت عليه رحمة قالت ليها راه جى وكاين فبيتهم الحاجة مشات ودخلت عندو للبيت لقاتو داير يديه على راسو ومغمض عينيه غير سمع مو هضرات فتح عينيه وناض عندها...
الحاجة...عبد رزاق
عبد رزاق... صافي نعست تيك بنت الحرا...
قبل ما يكمل كلامو حتى كانت الحاجة جمعت معه بتسرفيقة وقالت....
الحاجة..هاديك بنتي انا وما نبغيشي نسمع حتى هضرة ماشي هيا هاديك على بنتي ختك تكرفص عليها شي ولد الحرام ونتينا ابني خاصك توقف معها شني وقعلك ياك هيا بحال بنتك علاش قلبتي عليها دابا هضر علاش ربي كتب عليها يتكرفص عليه شي حيوان ونتينا حكمتي على ختك ودابا غدي تجيب لكارط دياك ونمشيو لبريكاد عند الجدرميا دابا زيد قدمي
عبد رزاق... انا ختي وبنتي ماتت هد العشية بنسبة ليلي انا ختي مشات توفات ومن هد الليلة انا ختي ماتت و وصي بنتك طريق لي ندوز منها انا تخويها هيا ونتي ادا بغيتي تشوهنا ف الفيلاج وفكثامة كاملة امشي عند هد الجدارمية شني غا يعدلو ليك فاين غايجبرو هد لي فتحت لو بنتك رجليها تلقها كانت طايحة مع شي حد وملي خدا منها داكشي لي بغى سمح فيها ونتي تيقتيها دغيا وانا هضرت معاك بنتك ادا بغات تبقى فهد دار الكمارة ديالها ما تجيشي مع الكمارة ديالي ولا والله بالله حتى نقتل حسها
• الحاجة... إيه اولد كرشي وما كتعاود غير الصلاة والسلام على انبي وانا والله بالله وتقرب لي لبنتي حتى نسخط عليك طول حياتي طلعتي تشبه لباك ولي الذيب ذيب واخا تدوبو فالزبدة والحليب
• عبد رزاق... واخا الواليدة واخا ..
• عبد رزاق ما تقبلش ان ختو لي ربها بحال بنتو اختو لي ولاد الدوار كا يتخاطفو عليها وشحال من واحد خطبها منو ومبغاش كان باغي يزوجها لولد ناس لي يحافظ عليها ويتهلى فيها ما تقبلش فكرة ختو بقات بدون شراف بلي اختو مشى ليها شرافها مقدرش يتقبل بلي اختو صافي ما غدي يبقى يقبل عليها حد كون يعرف مول هد الفعلة يقتلو اه عارف اختو ما تقدارش تطيح مع شي واحد فشي علاقة ختو ربها على يدو وكع الكلام لي قال لمو قبايلة نصو خرج من قلبو ونصو غير من عقلو واش قاليه ولكن ما قدرش يسمح ليها ولا يشوف كمرتها شحال وهو كا يقوليها ما تمشيش للواد ما تقربيش ليه عاارف اختو عاطية للعين وشحال من واحد كا يستنى غير الفورصة باش ياخود غير كلمة منها وهدا خدا منها ماشي غير كلمة خدا ليها كولشي وعبد رزاق حلف بحلوفو ما يجي كلامو فوق كلامها ولا يشرك معها كلام ولا طعام فوق طبلة واحدة وعبد رزاق راااجل قد كلامو ادا حتى مشى وعاندو شيحد يقلب عليه ...
• خرجات الحاجة من عندو و شدات طريق لبريكاد لعند جدرمية كان صبح الصباح تكون تيك 6دصباح وشتاء تهدنة شوية
• غير وصلات لقات الشاف الكبير كاين ملي شافو حالتها دخلوها عندو
• الشاف... شنو هيا الشكاية دياك الالة
• الحاجة... كاتبكي وكترعد... بنتي اسيدي بنتي تكرفص ليا عليها واحد (عودات ليه كع داكشي لي وقع لبنتها والحالة لي جات فيها واش عودات ليها بنتها ما خبعت عليه والو)
• الشاف.. غير سمعها اش قالت وهو بقى يدور في عينيه بحال زواق... ايه الحاجة وباش عرافتي بنتك تكرفص عليها شيحد وماشي هيا لي مشات عندو برجليها ودارت معه الحرام وزنات على خاطرها وملي تنادم معها الحال دارت عليك دور ديال المصدومة والمظلومة
• الحاجة... الله ابني هاديك بنتي وانا كنعرفها ما فيهاشي هد الفعايل وما كتعتبشي الباب ادا ما كونتشي معها هدي اول مرة عتبتها وحديتها وغير عتبت الباب ها نتا كاتشوف اش دارو فيها
• الشاف... الحاجة بيني وبينك بنتك هيا الخسرة في هد القاضية على ما قلت ليك بنتك هيا ما كتعرفوش وعمرها شافتو وما كتعرف عليه لا سميتو ولا والو ناصيحة من عندي الحاجة انتي ساكنة في فيلاج صغير والهضرة دغيا كاتمشي فيه ياعني بنتك غير غدي تتشوه ادا زديتي بحثتي فهد الموضوع ولي نقدر نقولك انا بنفسي غدي نتكلف ليك بهد القاضية غير كوني هانية الحاجة غير سيري لدارك وقابلي بنتك وانا نهر لي نعرف شيحاجة غدي نمشي عندك بنفسي حتى لدارك
• الحاجة... كلامو كلو ما تيقاتوش حسات بيه غير باغي يصدرها... الله يكثر خيرك اولدي انا غادي ناخود بنتي ونديها لشيفشاوان ونقدم شكاية تم
• الشاف... تعصب وحس براسو تزير... واش الحاجة حنى كلعبو هنا ولا شنو تيسري لخيمتك وانا لي غنتكلف
• الحاجة.... واخا اولدي
• غير خرجات من عندو داك البوليسي صنى ليه تليفون
•
• الشرطي... السلام وعليكم
• الشخص.. اش كاين
• الشرطي... كيف توقعتي جات عندنا الام ديالها للمركز وقدمت شكاية بلي بنتها تغتصبات واصريت عليها تمشي لدارها وانا لي غدي نتكلف بالقاضية
• الشخص .. إوى
• الشرطي... قالت ليا بلي غدي تمشي لمدينة شيفشاون وتقدم شكاية تم
• الشخص... بضحكة إستهزاء... انا غدي نتكلف نتا غير دير راسك كاتعونها وادا جات عندك خودها بنفسك لشفشاون
• الشرطي... واخا
• ... الشخص لي غتاصب شامة باينة فيه شيحد لي يدو واصلة وعندو فلوس صحيحة وقادر يشري كولشي بفلوسو
• ... الحاجة مشات لدارها عند بنتها لي مصدومة كا تحاول تخفف عليها وهيا براسها باغة لي يخفف عليها
•
• دازت ايام او نقولو داز شهار فداك شهار كولشي جاب خبار شامة بلي تغتصبات ومنين عارفوها مانعرف او نقولو من عائلة رحمة لي عاودت كولشي لعائلتها و وصتهم ما يقولوهاش ولكن هما دارو العكس قالوها حتى ولا كولشي في راسو شامة غتصبها شي حد كاين لي بقات فيه وكاين لي شفق عليها وكاين لي كان باغيها فيها
• عبد رزاق سخط على الوضعية مابقاش لا يخرج ولا يدرج خوفا يسمع كلام ناس
• اما هد شهر داز كحل زحل على شامة لي مزالة عايشة فرعب ولي زاد رعبها هيا صباح لي صبحات كا ترد فيه كع لي فكرشها
• شامة.... داخل طواليط ومعها حتى مها كا ترد كع داكشي لي فكرشها ... اععععع احح اعععع احم اه
• الحاجة ... كاتشوف فبنتها لي هادي سيمانة وهيا على هد الحال لي دخلت ليها شك ودابا هد صباح عد تأكدت مزين.... الله يابنتي اش فيك سيمانة ونتي هيدا اش فيك ابنتي اش
• شامة... شافت فيها وعاينيه عامرين بدموع وشدت فيدين مها وقالت بحرقة... هئ هئ قالها لي قال ليا غانعمر ليك كرشك بشي ولد باش كفما تشوفي فيه تفكريني وتفكري هد نهار قال ليا غدي نعمر ليك كرشك هئ هئ صافي عمرها ايما...
• الحاجة...الله ياخود فيه الحق الله ياخود فيه الحق
• شامة ... حنات على رجلين مها كاتبكي بحرقة وتشهق وتقول... ما بغيتوش بغيتو يطيح حايدو لي ايما من كرشي حا يدو لي ولا نحايدو انا هئ هئ
• الحاجة... هزات بنتها من على رجليها وهيا كاتبكي مع بنتها على زهرها... هئ هئ استغفر الله ابنتي ما نقدروش نعصيو الله ونقتلو روح ماعندها ذنب راه ما يبغي لا الله لا عبدو
• شامة... واش ندير ايما اش ندير كيف ندير مع هد الكرش كيفاش ندير ايما قولي كيفاش ملي تكبر كرشي كيفاش غانشوف فخوتي وفناس وملي نولد كيفاش غدي يعيطو لهادشي لي فكرشي ولد الحرام قولي كيفاش ايما كيفاش
• الحاجة...شدات فوجه بنتها ... انا معاك ابنتي نهزك نتي وهد الكرش نديركم فوق راسي غير لي نوصيك ما تلوميش هدشي لي فكرشك على قبل فعايل داك شيطان شوف ابنتي (شدات على كرش بنتها وقالت) هدا يكون زمانك وقاوي راسك وجمع راسك على قبل هدا لي فكرشك
• شامة... شافت فيها ب برائة وقالت.. هئ هئ وخوتي ايما
• الحاجة... خوتك خاليهم عليا هما عدنان ما يفوتكش اما خوك الكبير البلاصة لي يعمرها هو خويها انتي ما تشركي معه لا لغى لا كلام خاليه منو لمولاه
• حطات يديها على ضهر بنتها وقالت... المهيم يماك معاك نهزك بسناني نتي وداكشي لي فكرشك
• شامة ... كا تبكي.. هئ هئ ما نقدرش ايما اش غا ننسى لي قتلني فنهار وخدا ليا اغلى ما نملك ولا غانسى هادشي لي فكرشي هئ هئ لي لو ماكنتش نخاف من الله ومكانش قلبي عاامر بالأمان كون قتلتو وقتلت راس...
• قبل ما تكملها ما حست غير بتسرفيقة قصحة من يدين يمها...
• الحاجة ... غوتات عليها وقالت... شامة ادا ابنتي عملتي شيحاجة بحال هيدا فراسك وفداكشي لي فكرشك نسايني انا يماك والله ما نشوف في كمارتك
• شامة... كاتشهق وقلبها غدي يسكت وكاتحس براسها كا يدوخ عليها... هئ هئ هئ اا ك كون هانية ايما ما نقدرش هئ ايما نقتل روح انا قلبي لحم ودم ومنقدرش نقتل شيحاجة مني وفيا ونتي ايما ما تقولشي على هادشي لي فكرشي ولد الحرام غير تينا بعدا مانسمعاشي من دوقمك يرحم... قبل ما تكمل حتى كانت سخفت....
• وهكدا دازو شهورة وكرش شامة كبرات وناس ساقو الخبار وكولشي كا يتسنى شامة فوقتاش تولد ولد الحرام ويشوفوه لمن كايشباه اما الحاجة كفما كا تمشي للكماسرية كا يرجعوها بلي مزال كا يقلبو مشات لشيفشاوان ومشات حتى لتيطوان و والو حتى واحد ما كيعطيها راس الخيط وهيا واحد المراءة كبيرة فسين وما تقدرش على طلوع والهبوط وسير واجي ف الكمسريات وزيد عليها الحالة ضعيفة الفلوس ما كينينش وحتى عبد رزاق ما كيعطيهاش باش تجي صافي نكر ختو نكرة واحدة وزاد سخط عليها وتبرا منها ملي عرفها حاملة .. من غير واحد البوليسي بقات فيه الحاجة زوهرة بغى يعاونها وسولها اش كاين وهيا عودت ليه كولشي ... بقات فيه بزاف وقرر يعاونها دار الابحات ديالو وعلى ما فهم بلي بنتها غتصبها شي حد لي يديه واصلة
وما عرفوش شكون كا يدفع غير الفلوس وكا يسدو القاضية بيناتهم عاود للحاجة اش عرف عليه وبلي غير تمشي لدارها وتكلس مع ينتها غدي غير يجرجروها في المحاكم وصافي صافي راه هادي 9شهور وهما كيجرجرو فيها
• دازت الايام وجا نهار الموعود شامة من نهار الحادثة وهيا ف البيت ما كتخرج ما كدرج غير كا تخمم كا تاكل فبيتها من غير كا تمشي لطواليط كريشاتها المنفوخة قدمها كتبان زوينة جات معها الحمالة زوينة شعرها مطلوق لحد نص ضهرها طوال ليها الحاجة هتمت بيها وكادير معها كثر من جهدها طهلات فيها بالوصفات لشعرها و لوجهها ولكن واخا زينها ولات دابلة بحال تيك الوردة لي قطعوها ولاحوها فطريق لي جى يدوز عليها
• شامة... حاطة يديها على كريشتها وكاتقول ... الحبيب ديالي فوقتاش غدي تخرج ونشوف عويناتك شحال وانا كنستناك ابني ااالله يابني ما كنشي يحزاب لي غانبغيك بحال هيدا فراسك كا نستناك غير فوقتاش تجي ونهزك بين يدي الحبيب ديماه ...
• الحاجة...شامة
• شامة.. نعام ايما
• الحاجة ... باش كا تحس براسك
• شامة... مرة كايجيني الحريق ومرات لا
• الحاجة... كرشك تقبلت تقدر تولد غدا ولا بعدو
• شامة... حطات يديها على كرشها وشوية وهيا تزير على عينيها وعضات شفايفها وغوتات...ءاااا يما و ويماااااا...
• الحاجة... الله يهديك ابنتي والله يشوف من حالك خوي راسك من هد الهضرة ابنتي واجي رضع بنتك
• شامة... كتخنصص بالبكاء وكتهز راسها بوخة... قربت ليها الحاجة وخرجت ليها صدرها ودارتو في فم البنت البنوتة غير حطات فمها على صدر ماماها ولات كاتمص في الحليب وترضع وشامة حطات صبع يديها على وجه بنتها كادوزو بحنان وشافت في يمها وقالت وتعب والعيا واضح على وجهه
• شامة... بصوت تعبان ودموع تجمعو فععينيها...يما تهلالي فبنتي وما تخليهمشي يحكروها ولا يقولو ليها بنت الحرام يرحم يماك
• الحاجة... مشات عندها وجلست حدها وشدت فيديها وقالت... ماتقولشي هيدا العوينة ديالي نتي لي غا تربي بنتك و دتهلى فيها وتقاريها داكشي لي ما عملتيهشي تينا غادي تعالمو لبنتك ان شاء الله
• شامة... باست يدين ماماها وقالت إن شاء الله والله يسمح لي منك ايما ...
• الحاجة... الله يساامح و تينا العايلة بنتي وهادي الحفيدة ديالي ... قالت ليها هكدا و خلتها كترضع بنتها وخرجات تشوف عدنان فين تعطل لي لقاتو جى وما كيناش معه القابلة لي لقها ماكيناش فدرها والحاجة قالت ليه بلي ختو ولدات على خير... عطاتو الفلوس يمشي يجيب ليها شي سخرة وعطاتو فلوس طاكسي باش يمشي الفيلاج ومع شتاء ضروري يشد طاكسي حيت هما جاو خارج الفيلاج...
• شامة بقات مع بنتها كاتبوسها وكاتشوفها شعرها زعر شوية ماشي بزاف و لون عاينيها زرق بحال سماء وادا بقيتي تشوف فيه مزين كا يميل الاخضر ولكن الازراق بزاف بشرتها بيضاء بحال الحليب وزوينة ولي لحضت في بنتها هيا واحد توحيمة عندها في تحت راسها في رقبة ديالها جاتها زوينة لونها احمر ولي زوين هو شكلها دايرة بحال الفريزة او حبة الكرز...
بنتها نعسات وهيا حطات بنتها على صدرها وفي نيفها ريحت بنتها وإبتسامة زوينة على فمها وغمضت عينيه وهمست بكلام بالكاد تسمعو قالت... ااا الماس بنتي اه نتي بنتي...تنفست تنفس طويل وقالت و وحلت عينيها وشافت في بنتها و هزت صبعها وقالت... اشهد أن لا إله إلا الله واشهد أن محمد رسول الله... شهدات وبقات تشوف في بنتها تقريبا شي ثلاثة دقائق وغمضت عينيها على نبضات قلب بنتها صغير وهيا مستسلمة لملك الموت لي خدا ام مزالة في ريعان شبابها الام لي كانت تطلب الله بالموت لليل ونهار قدر عليها حتى تولد بنتها عد.تموت دازو عليها مشاكل لي ما يستحملهم حد شافت وستحملت بزاف وليوم لي ولدت فيه بحالة عطات روحها لبنتها الماس وفعلا الماس نفس القلب ونفس الحنية ونفس البرائة خدات من شامة كولشي... ولي كان عليها بصبر هيا الحاجة الزهرة موت بنتها جاها بحال صدمة ماقدرتش د تقبلها بكات وجدبات ومخلات مدارات ولكن زيرات راسها وقلبها على قبل حفيدتها لي بقات لحيمة في يديها دازو ايما وسنوات والحاجة كاتقاتل على لقمة العيش لحفيدتها وحتى عدنان كايعونها لي عاينيه فشي حاجة اخرا اما عبد رزاق سااخط على بنت شامة كا يعتبرها نحس عليه لا هو ولا مراتو حيت ما بقاش يدخل الفلحة والحشيش كيف شحال هادي ولا عادي كايتقاتل مع زمان وصافي ناس ما فحالهمش واخا العشبة والو ما بقاتش ساوية ثمن كيف شحال هادي اول يمكن دموع ختو شامة خرجو فيه....
• دازو ايام وسنين حتى كبرات الماس وتربات في احضان الحاجة لي ما بخلاتش عليها بحنانتها وما شافت من عند مرات خالها رحمة غير سم والحقد و ولات طفلة فعمرها 5سنين البراءة والحنان وزين وعيون كبار ديال الاماس لي غير كا يشوف عاينيها كا يقول بنت الحرام كا تشبه لولد الحرام ..
نهاية الفلاش باك.
• الناس ديال الدوار كلهم نتاشرو في الغابة يا قالبوها ولكن ما قدروش يدخلو حتى للوسط ديالها حيتاش عامرة كلاب مصعورة و بدياب و الحلوف ...
رجعو وقالو فصبح يكملو تفتاش اما واحد لليل كلو وهو يقلب ومازعمش يدخل لوسط الغابة حيتاش من ديما كايسمع عليها كاتخلاع وهو خالها ديال الماس عدنان فكرة انها صافي مشات ولا كلاوها الكلاب ودياب وما بقاتش غادي تقتلو وخصوصا كان باني عليها احلام كبيرة وبنسبة ليه ماشي غير بنت اختو صافي بل اكثر بكثير...
عند الماس....
تقلبو عينيها وطاحت كاتنفس بعمق برحاش تكسب اكبر كامية من الهواء لريئاتين ديالها ...
كيف طاحت تسمعات زدحة في الارض والخشب وتسمع الانين ديالها وهيا كتنفس بجهد وكل ما فيها تقطعات فيها نفس بكثرة الجري والخوف والبكى حتى ما عقلاتش على راسها حتى كانت مطيحة فالارض على ترب والحجر و وراق شجار شدة عاينيها وهيا تحس بشي حاجة كاتلحس ليها وجهه عرفات ما غادي يكون غير شي كلب وبلي صافي هادي الاخيرة ليها وما حسات براسها الى وهيا فاقدة الواعي مستسلمة ليه كليا ...
غادي نرجعو اسبووع قبل هد الاحداث كلها غادي نرجعو وهد المرة مع البطل ديالنا وبظبط في إسبانيا مدينة برشلونة💛
ثلووج كثيفة تسقط بغزارة وريح قوية في شمال إسبانيا وبضبط وظبط جبال البرانس لي معروف في هد الوقيتا فيهد الفصل كا تسقط فيه ثلووج كثيفة وبعض المرات يقدار يوصل لحتى 60سم في الكاثفة... داخل كوخ صغير شوية لي سقفو عاامر بثلوج لدارجة كا يبانو غير سراجم منو وضوء اصفر عاطيه منضر خاص مع بيوضات ثلج وسحب فا
دااخل الكوخ لي كا يتكون من غرفة واحدة مفروشة فراش زوين فالون القهوي والكريمي مناسب مع خشب الكوخ وحمام صغير داخل بيت نعاس وملي كنخرجو من بيت نعاس كانلقاو لاكويزين لي مفتوح بابها على صالة صغيرة وكاين شوميني لي حدها كرسي هزاز وطبيلة صغيرة محطوط عليها كوب ديال القهوة سوداء لي ريحتها عاطية فدار و حدا الفوطي لي حدا شميني كسدة محطوطة او جسم محطوط على الفوطي شخص ناااعس على كرشو لدارجة وجهو مخشي في الفوطي كايبان غير شعرو لكحل لي رطب وطويل شوية عاندو تحسينة شبابية وزوينة لدارجة تنفس ديالو ما كيتسمعش صمت رااهيب فداك الكوخ ومع صوت ريح لي داخل من سراااجم وصوت الخشب لي كاتاكلو نار فشميني كيزرع راحة في الانسان
كسر داك صمط.رانين الهاتف لي كايصوني صنى المرة لولة حتى قطع وداك الجسد ما تحركاتش من نعاس وعاود صنى المرة الثانية عد تشرف سيد وماد يديه لي دايرها تحت كرشو يديه لي كبيرة وسمراء شوية وحرشة و العروق فيها مجبدين بحال سلوكة ديال ضواء 😬 و واشم فيه وشام صغير على شكل ديال الاسد وشم زوين وزادت عطات روناق خاص ليديه الحرشة...
ضور وجهو وخرجو عاين سادها و واحدة حالها اش غدي نقول غير واحد العين تعطيني الخبار بلي حتى واحد ما يتعاند معه عينيه فلون رمادي مايل للون الاخضر غير شويش وصغار ومشفرين حجبانو غلاض شوية غير عاينيه قصة واحدة اخرا واخا هكداك زينو زين حرش وجهو زوين ومزينه للحية خفيفة لي شافو يبقى تاايه فيه ولكن دوك زوج خطوطا لي عاندو فجبهتو هادوك هما لي ما يخاليو لي يكمل فيه حتى شوفا برحاش يزيد يشوف فزينو رقم 11ديما عاندو فجبهتو اما الفورمة حداث ولا حراج مفورمي العضالة و الكسدة هيا هاديك الكتاف عراض باينا كايخدم على الجسد ديالو بزاف طويل ومالاميحو سمراء شوية او نقولو حنطية لونو عطى منضر خاص مع لون عينيه ناض وشد تليفون وهو معنقش وداير 11 في جبهتو شد تليفون وفتح الخط وقال الو
نووح... الو
شخص ... باللغة الاسبانية
الو سيد نوح انا جون شحال من يوم وحنى كنحاولو نطاسلو بيك والهاتف دياك خارج نطاق التغطية يمكن بسباب الجو لي نتا فيه حاليا...
نووح.. صاط بجهد وجاوبو سي si(نعم)
جون... فقط اردنا ان نقول لك بأن طاقم العمل غيرو الوجهة وبغاوك تجي فأقرب وقت وصور لي لتقطتي و كع الفديوات احداثو ضجة كبيرة. وعجبهم وبغاوك ترجع غادي نديرو تصوير فبالدة اخرا و lra usted con nosotros(وستدهب معنا خضرتك) ...
جنون نوح الجزء الثاني
محتوى القصة
التنقل بين الأجزاء