نوح.. شد زوج صباع وكيمسد بيهم راسو حس بيه شقق ليه راسو بالهضرة وهو يجاوبو بصوت مبحوح بنعس وقصح معه في الهضرة
نوح.. Estarè con ellas manana.. سأكون معهم غدا..
جون.. gracias...شكرا
نوح.. شد تليفون وقطع ليه فوجهو وشد على شفايفو بسنانو وغززهم ما كيحملش لي يخربق ليه نعاسو ولا لي يملي عليه ف الاوامر وخصوصا اخير مرة كان معهم كان كلامو واضح على انه ما غديش يخدم على طاريقتهم هما وهو لي غادي يختار البلاد والمدينة لي غادي يمارس فيها هوايتو .... نوح راااجل مغريبي مئة في المئة من اصول مغربية وبظبط من رباط ... راااجل لي ما كيحملش لي يدير ليه قيود لي كا يقوليه راسو كا يديرها هوايتو هيا تصوير وماشي كا يصور اي حاجة لا كيقطع بحور وطرقان وياخود اجمال صورة لي كا تتميز بيها الكرة الارضية في العالم ولي المجلة وصحف وشاركات عالمية كا يتخاطفو عليهم راااجل صعب المنال ما عندوش مع الكلام بزاف ولا لي يبقى يطنطن ليه في راسو عندو 25سنة في عمرو شاب في العشرينيات كا يتخاطفو عليه البنات وما بينو بين الجنس الطيف غير الخير والاحسان بحالو بحال اي راجل ملي كا تجيه الغريزة ديالو كا يمشي يخوي فشي ق....بة
ما كيديرش علاقات مع البنات ماعندوش مع طنطين وخصوصا طنطين البنات كا يبغي يعيش لراسو ولميمتو وخوه ... اكيد هادشي لي عاودت ليكم عليه غير شوية البطال ديالنا عاندو الام ديالو والاب توفى ملي كان صغير فعمرو 15سنة فقد الاب ديالو في حاديث كانو ناس على قد الحال الاب كان عندو طاكسي كايخدم فيه حتى لداك نهار لي جاب الله فيه العمار وتوفى خالى من وراه ام وزوج دراري رجال الام في ثلاثين من عمرها والابن نوح لي عاندو 15سنة وصغير لي في عمرو 6سنوات
كان نوح كا يقرا في الاعدادي تيك ساعة كان ولد مجتهد وكان مقبول من ناحية ديال الاساتدة دغيا كيدخل للقلب كان كيضحك مع كولشي وينشط ومكان يخاطي حتى نهار ديال الامسيات لي كايكونو في المدرسة حتى لداك نهار لي وقع الحادث لباباه وتوفى مرض بزاف كان مولف على باباه بزاف وكان كا يعلمو كل سبت واحد سياقة التاكسي وسبت والحد كان كايدوزو مع باباه فطاكسي ويشربو قهوة كحلة لي منسمة بالابزار لي كايحماقو عليها بزوج كان ديما كايقول ليه غير نكمل قرايتي غدي نتسارا العالم كولو وناخود اجواد واحسان صور في العالم وفعلا كان هدا هو حلمو وحققو ولكن ماشي غير جا وحققو داز من مصايب كبار عليه ملي توفى باباه حس براسو ولا مسؤول على ميمتو وخوه صغير خصوصا ملي الام ديالو لي ماكنت ما كتخرج ما كدرج ولات تمشي تخدم فديور عيبادالله وتغسل ليهم وسخهم مكنش راضي على هد العيشة حتى لصافي مابقاش يمشي للمدرسة ولا يقلب على خدمة ولا يمشي للاسواق مع جمالا ويهز صنادق د الخضرة والخناشي على ضهرو بقى عام على هد الحال يخدم ويدمر ويجيب ليهم ويكسي خوه صغير و ما يخاليش مو تمشي تخدم عند ناس يتكرفصوة عليها حتى لواحد نهار كان واحد الخضار فسوق شافو كيفاش كايخدم وهو يبغي يحكر عليه مشى ليه وجمعها معه بتسرفيقة وشادو من الكويرة ديالو وزاد ليه تسرفيقة قال ليه
.الخضار... ينعال اصلك يا لحمار كا تسرق لينا رزقنا عاين باين نوح معرف راسو باش تبلى بقى غير كا يشوف عمر شي حد دار ليه هكدا حتى لهدا كان من ديما كايضور فيه ويحشي ليه في الهضرة ودابا ناض ليه نيشان
الخضر ... هدا هو خيرنا شحال وحنى نديرو فيك الخير على وجه ميمتك ونتا كاتسرق لينا وتبيع فجيه اخور كا توكل مك الحرام ...
نوح ... كا يسوط وعينيه ولاو حمرين بالاعصاب حيت نزل عليه الباطل وخسر عليه زوج كلمات لي خلات الخضار يفور ومايرضاش قدام صحابو الخضارة والحواتا ..
نوح:... اللي ما يقد على الحمار كايتشطر على البردعة
الخضار: ... حس بكرامتو تمرمردات في الارض الخضار..اينعال ز**مل لي ولدك يا ولد ق...
قبل ما يكملها الخضار حتى كان هز نوح رجليه وعطه بين فخادو حتى خرجو عينين الخضار ....
نوح: مزال تجبد ليا طواسلي و والديا على فمك نفقص لوالدك ماشي غير قلاو**
وهو يدفعو وهرب وصحاب الخضار بغاو يلحقو عليه ومشاو يقالبو عليه كل واحد ومنين داز يقلب
اما هو قول الارض تشقت وبلعاتو وهو كا يجري يقلب فين يتخبى ما كيحس غير باليد ديال شيحد شداتو وجراتو لواحد درب وشد ليه على فمو ....
نوح.... امممممم خخخخ ط ل ق اا اممم
الشخص... كا يهضر بالمغربية مع مخلطة باللغة الاسبانية ...
غادي نطلق ليك اولدي ولكن بشرط ما تغوتش بور فابور(من فضلك)
اوس هز راسو باه وهو يطلق ليه هادك وطلع يدو كا يهادنو بيها ....
نوح... وهو كا يسوط وكايشوف فيه ... شكون نتا
شخص... Yo me llamo. (انا اسمي ) خوان ومن إسبانيا ولكن مسلم ما عندك من اش تخاف شفت اش وقع ليك فسوق وبغيت نعاونك
نوح... شكرا
خوان... (مرة كايهضر بالاسبانية ومرة بالمغربية) مخردلة... يمكن ليك تعيط ليا محمد حيت انا مسلم tu habla el espanol.هل تتكلم الاسبانية؟؟
نوح...(لا)No ...
قال ليه هد زوج كلمات وضار غادي بحالو وهو يعاود يشدو خوان محمد من كتفو ...
خوان:شوف اولدي ما تمشيش دابا نقدار نعاونك على ما فهمت بلي ما بقى عندك فاش تخدم تقدار تخدم معيا إدا بغيتي.(للتدكير خوان كل مرة وباش كيهضر مرة بي الاسبانية مرة عربية)...
نوح... بقى شحال كايشوف فيه للحضة كان غدي يقول لا ولكن تفكر الام ديالو وخوه صغير وفين غادي يلقى شي خدمة ومع راسو كع ما مرتاح لهد خوان ولا ما نعرف اش سميتو ولكن كايقول فراسو نتبعوه ونشوفو فين غادي يوصلنا ياربحة يا دبحة...
نوح: ( شاف. فعينين خوان بحدا) موافق فاش غدي نخدم
خوان: مزين ما غادي تلقى حتى صعوبات في الخدمة معيا غير خاص يكون راسك خفيف ولي نقولها ليك ديرها...
( وهاا لي ما كيحملش نوح غير لي يأمرو هه ولكن يصبر على قبل ميمتو كيف صبار على شحال من حاجة)...
نوح: واخا شنو ندير
خوان:. انا مستقر في المغرب ولكن ماشي هنا في شمال عاندي شي سلعة تماك كانجيبها ونبيعها هنا ونتا لي غادي تبقى تجيبها...
نوح: شمن سلعة وكيف دايرة
خوان: (بدون تردود).. الحشيش🙂
نوح: ( حادو دار ابتسامة جانبية حيت من الاول كان عارف ماشي حبان فيه عاونو وحتى هو بدون ترادود قال). انا موافق فوقتاش نبداو...
خوان:كنت من لول عارفك نتا قد هادشي
نوح: فوقتاش نبداو....
خوان: غدا نيت وكون متأكد ما غدي تلقى معيا حتى شي مشكل وغا نتهالى فيك
نوح: واخا
خوان : شاف فيه وقال ليه بالاسبانية... quantos anos tiene.. كم عمرك
نوح: 16ans
خوان :( جبد من جيبو عنوان ومادو ليه)...
غدا اجي عندي لهد العنوان
نوح :(هز راسو بأه).......
وشاف فيه وزاد مع طريق بحالو داز داك نهار ولليل كلو ما نعسش كا يخمم في هد طريق لي قرر يمشي فيها وكلمت حشيش كا تعاود في راسو شحال من فكرة خايبة طاحت ليه في راسو ومنهم الحبس يشدوه فطريق ويدخل للحبس ويخالي ميمتو وحدها وحتى فكرة انه يكون هد راجل غير شي كداب وبغى يطيحو فشي فخ ولي زاد حرقو فراسو هيا هد طريق لي خايبة عمرو فحياتو مكان كايضن غدي يكون خارج عن القانون ويخدم ف المخدرات وماشي اي مخدرات الحشيش ويهربها كع ... شحال من فكرة خايبة طاحت في بالو حااول على انه يحيد هد الافكار من راسو ويخالي القدر ياخدو فين ما بغى وما عندوش حل اخور غير هدا....
غير صبح صبح ناض شد طريق على رجليه ومشى للعنون لقى خوان اصلا كا يستنه...
نوح: (شاف فيه بحدة وحك على شعرو لي طايح على عينيه وقال ليه) تمشي معايا كود نديرك في مومو عينيا
نشوف فيك الدغل نزطم اعليك برجليا.
خوان :( فهم مزين شنو قصد بكلامو وعرف بلي هدا هو لي كان باغي)... انا لي كان خاصني نقول ليك هد الكلام ماشي نتا ااا..بعدا شنو سميتك.
نوح :(دار ضحكة جانبية وقال ليه)
مارنيش نااعس على ودنيا ولا راني ضباع هادي اكثر من سيمانة وانا كانشوفك كادور فسوق وعينك فيا وشحال من واحد سولتيه عليا وخباري كلها عندك
...
خوان :(بقى ساكت فعلا تصدم فهد الولد لي عاندو جسد مراهق وعقل رااجل كبير يحنت عشرة درجال)) معرفتش كيفاش شفتيني وانتباهتي ليا ولكن فعلا صدمتيني فيك واخا من الاول قولت كيفاش وافق يخدم معيا بدون ما يعرفني...
نوح :ماغديش نزيد معاك الكلام لي فراسي فراسي نتا بغيتيني نهرب ليك سلعتك وانا بغيت الفلوس ولكن بشرط.
خوان: لي هو
نوح : نهر لي يغرق واحد يبقى واحد 😉
والفاهم يفهم
خوان: كون هاني ما يكون غير لي بغيتي يالله نشدو طريق نعرفك على البلاد لي غادي نخدمو فيها وكيفاش غادي نجيبوها لهنا. نتا مهمتك تجيب الحشيش من شمال الرباط وانا مهامتي نخرجها من المغرب لإسبانيا...
نوح: واخا...
لي قصد نوح ب يغرق واحد يبقى واحد هيا زعمة ادا تشد شي حد فيهم ما يجبدوش بعضياتهم عند للبوليس...
شدو طريق للشمال يومين وهما فطريق تقريبا ماوقفوش من غير دارو ليصنص
نوح... طريق كلها وهو ساكت عاكس خوان لي عاود ليه بلي مزوج و ولادو عايشين في إسبانيا وهو عايش هنا مرة مرة كايمشي عندهم وبلي عاندو بنت و ولد الولد كبير عاندو تيك 8سنوات والبنت عندها 7سنوات طريق كلها وهو كايعود ليه مغاماراتو مع البوليس وحتى على الجود والكرام عند ناس شمال وخصوصا ناس لي كايمشي عندهم يجيب سلعة
واخيرا وصلو ودخلو لنواحي مدينة شيفشاوان و بضبط
دخلو لفيلاج باب برد اول مرة نوح يفوت رباط وهو جاي مع طريق وهو كايشوف الكيف مغروسة ف الاراضي ويشوف ناس كا يحصدوها حيتاش دابا فصيف كا يقطعوها زادو مسافة ديال طريق خرجو من الفيلاج ونزل خوان من طنوبيل و وقف ونزل حتى نوح
غير نزل وههو يثير إنتباهو الجبال هو جبل تيزيران كان فيه منضر خاص وزوين عد شاف الدار لي وقفو حدها كانت كبيرة ودايرة بحال الفيرمة كلها بزليج ورخام وباباها كبيرة فيها العساس غير وقف خوان وهما يخرجو ناس من تما دخلهم لداخل وكلسهم فواحد صالون مغربي مئة في المئة وخيرات سيدي ربي محطوط على طابلة نوح ماقص حتى حاجة ومابغاش ياكول وخا عياو فيه مبغاش خوان عارفو بلي كع ماتيق فيهم ومن حاقو ما يتيقش
• بقاو جالسين حتى لشوية وهما يجيو شي رجال جارين الخناشي ديال الحشيش بقو غير يهزو ويحطو ليهم فوق طابلة و خوان كيهز طريفات صغار ويجيب البريكة ويشعل نار فتيك طرف الحشيش ويشم فيه على ما بان لنوح بلي هادشي مافيهش تخرشيش وكولشي بصح وخصوصا خوان باينة عليه ولد الحرفة شد خوان طريف ديال الخشيش وعطه لنوح لي شدو بدون تردد ...
خوان : نوح شد هد طريف وقول ليا كيف جاتك ريحتو واش مزينة ...شدها نوح وشم فيها وقال
نوح.:شوية
خوان :/ستاعجب من رادو قال ليه/ واش فايت ليك شايف هادشي باش عرافتيه غير شوية
نوح: لا اول مرة ولكن غير من ريحتو باينة ريحت تراب والبرودة لي فالحشيش كاتعطعط
خوان ://شاف فيه بفخر وشاف فمول شي لي سميتو الحاج العاقيل لي معروف بنقبة شيطان فالمنطقة// خوان: الحاج اش هد سلعة واش بغيتي تضحك علينا ولا اش
الحاج : لا حاشة غير يمكن دراري غلطو فسلعة اسي خوان
جمعو هاديك وجابو خناشي خرين فتحهم خوان وشافهم كانو مزينين وعلامات رضى باينة على خوان وشد طريف د الحشيش وقال ل نوح
خوان :شوف هادي
نوح : ما يحتاجش الريحة شميتها من هنا باينة مزيانة
خوان :(ستعجب فيه عارفو بلي ماشي سااهل ومن ورا سكاتو شخص دكي ورزين )
الحاج: سي خوان واش هد العايل الولد دياك
خوان :(شاف فيه وجاوبو).. اه هادا الولد ديالي كان في إسبانيا غير هد الايمات دخل للمغرب
الحاج : تبارك الله على ما شافت عيني معالم ولدك الحرفة ياك وحتى اللغة المغربية ...
خوان : ضاروري الحاج على داكشي بغيت نقولك من هنا فوق ولدي سبع هو لي غا يبقى يجي وبغيتكم تعاملوه كيفي وكثر ما يحتاجش نوصي الحاج نتا مول الخير
الحاج: مرحبا اسي خوان قولي صافي جا لي يعامر بلاصتك واخا ما يكون غير خاطرك ونهزوه فوق ريوسنا ....
خوان :يكون خير ...
هزو سلعة لي بغاو و ودعو الحاج ودار معه من بعد اسبووع غادي يرجع نوح و وحدو هد المرا وشدو طريق وزادو كفما كايوقف عليهم شي بوليسي وكيشوف خوان كايدير ليه سلام ويزيد ... وعلى ما فهم نوح بلي خوان مخلص طريق يعني عاطي فلوس صحاح برحاش يقدر يخرج سلعة ... وخوان مابخل عليه بحتى حاجة واي ما علومة كا تخص الحرفة قالها ليه ودار ليه شحال من حاجة في راسو ...
دازت ايام من وراها اعوام كبر نوح ولا راجل وولا مول الحرفة حتى هو ولا ياخودها من فم دياب تعلم الحرفة وتعامل مع ناس جداد اشكال وانواع ديال ناس دازو على راسو والحرفة علماتو كيفاش يكون سبع وكيفاش يخدم عقلو ولا كا يتعامل مع بزاف ديال ناس وديما كا يهرب الاطنان ديال الحشيش والفلوس وماشي غير ف المغرب بل الخارج المغرب ولا عليه طلاب من عند البزنازة وصحاب المافية لي كا يبغي يهرب شيحاجة كا ياخودها ليه ولكن حتى يخالصوه فلوس صحيحة ولا حافظ سواريه وشاخصيتو دايرة فشكل ما كا يعاشرش شباب في سين ديالو الاغلاب كا تلقه جالس مع رجال وشيوخ كبار في سن كا يخود منهم معلومات على دنيا لدارجة اثرو عليه حتى ولا كلامو كلو معاني ولا تفكير ديالو ديال شيحد كبير في عمرو 60عام كيهضر بالعبر وكيقمع بنادم غير بالفن كان معالم داكشي من صغرو من باباه ودابا ولا اكثر بكثير كلامو رزين ماشي غير جيب يا فم وقول عارف راسو اش كايدير واش باغي ولي كا يقلب عليه كايلقه كلامو قليل ولكن فعلو كثير عاندو في قامسو يا كون رااجل ياا كحز 👊 ولات فعمرو 24سنة اول حاجة دار ملي شد داك طريق هيا كمل قرايتو وشرا دار جمع فيها ميمتو وخوه صغير وشرا شي ديور صغار وكتبهم فسميت مو ودايرين فيهم ناس كارين وغير خصص الاوضع لميمتو لي ماعرفت ولدها كيفاش تيسير عليه الله من غير قاليها تعرفت على نصراني بقيت فيه وعاوني وبلي غادي يمشي معه الإسبانية
قنع ميمتو ومشى مع خوان كمل قرايتو تماك وتعلم اللغة مزين الاسبانية والانجليزية ولكن زاد غرق مزين في عالم الحشيش وتعامل مع ناس بزاف منهم قتالة ومجرمين وناس ديال المافية و ولا محسوب عليهم وصعيب عليه يخرج من بيناتهم صافي تحكم عليه يبقى فداك طريق ولا معروف بينتهم بلي كا يتاجر في احسن نوع ديال المخدرات وهيا الحشيش ومزاد معها والو كا يخدم غير فالحشيش ما بغاش يزيد يغرق في شيحاجة اخرا ومرة مرا كايهرب المليارات ديال الفلوس ...
كمل قرايتو و وصل لداكشي لي بغى ولا يمشي لبلدان العالم ويصور انواع واشكال يدخل فالبحر ويصور اعماق اللبحار و المحيطات و يمشي القمم الجبال يتسلق ويصوار انواع واخطر الحيوانات قطع بحور و طرقان وحقق داكشي لي فبالو و ححقق فلوس كثيرة كثر ما يتصورها العقل ولا يدخل فلوس صحيحة ولكن ما يكونش قد داكشي لي كيدخل من الحشيش دخل فلوس صحيحة من خدمة تهريب الحشيش ودابا ها نتوما كا تشوفو ما هماهش الفلوس هامو غير يلقى راحت البال وعلى هد راحة البال فينما مشى وسافر كا يقلب على شي كوخ يكون فطبيعة كيف دابا في نوح بنداري 25سنة قصحاتو ليام ولا قصح من الحجر تلقى في حياتو اشكال وانواع ديال ناس ومزال يتلقى 🙂
ماماه سميتها امينة وخوه سميتو عمران دايرهم في عاينيه شرا ليهم فيلة بعيدة على صداع المدينة فطبيعة وجات وسط الغابة وحداهم جيران ولكن مسافة صغيرة بيناتهم وها انا عرفتكم على نص ديال شخصيات لي في القصة 😀
نوح... غير ناض وهو يهز فوطة ودخل لدوش دوش وخرج ولبس عليه
هز تليفينو وسوارت طنوبيل وسوارت الكوخ
خرج وهو يضرب فيه ريح باارد سد بابا الكوخ وبقى كا يتمشى فثلج غير من مشيتو تعارفو مولف مشى مسافة ديال طريق وهو يلقى طنوبيلتو كحلة وكبيرة فتح الباب ودخل فيها شعل سوفاج وخدم الكونطاك وزاد مع طريق بقى صايك تقريبا شي زوج ساعة وكثر عد دخل ل مدينة برشالونة العملقة
شد تليفون وخادم وحد نمرة وداير سماعة الادن فودنيه شوية وهو يجاوب شخص
نوح : Estaé con ellas manana maroco ساكون معاكم غدآ في المغرب
عمرا... مرحبا خويا كنستنواك تواحشاتك البلاد و الواليدة عام ونتا غاابر تواحشنك
نوح... Asta luego الى اللقاء
قطع عليه وبقى دااايز هكداك شي 10دقائق حتى خرج من برشالونة ودخل ل مدريد الجميلة حتى وصل للمطار ديال كواترو فينتوسECV) الدي يقع في مدريد نزل وتلقى رجالو تماك عطاهم الكونطاك وزاد دخل حتى وقف حدا طائرة خاصة بيه طلع وهيا تحلق بيه طائرة فسماء بين سحاب إسبانيا غادي وهو داير في بالو بزاف د الحوايج
سااعة ونص مابين إسبانيا والمغرب ونزل فمطار دار البيضاء في بني ملال...
غير نزل لقى رجالو كا يستنوه اول حاجة دارها شد من عليهم الكونطاك
نوح :( شير ليهم بيده بحركة زعمة غير مشيو وقال) Asta luego الى اللقاء
و ركب فسيارتو المرسيدس من عشاق المرسيدس وهو يخدم الكونطاك و ومشى كا يطير فطريق ب إتجاه رباط مسافة ديال طريق حتى كان وصل الرباط وشد طريق طويلة فيها غير شجار شتاء خيط من سماء ودابا 10دلليل كان وصل لدار ميمتو
وقف طنوبيل فتح ليه العساس الباب الكبيرة ودخل شير ليه من سرجم طنوبيلتو وزاد دخل شوية تيك طريق كلها غرص وكاينة نافورة مياه صغيرة فالوسط وصل ونزل من طونوبيل وهو يجي العساس كا يجري شد من عليه سوارت وتسالمو هو ونوح
العساس
با سعيد :على سلامتك اولدي نوح
نوح :(حنى على يديه وباسها) .. الله يسلمك ابا سعيد نتا لباس والوليدات
زاد نوح مع الباب حل الباب بسوارت لي عندو ودخل كايشوف سكات ما كينش الحس طلع فدروج ومشى للبيت ميمتو يشوفها فتح الباب بشوية وطل من شقة دلباب لقها نعسة وهو يفتح الباب كلو ودخل تمشى عندها بالحس قرب عندها وتحنى على ركابيه بقى شحال وهو كايشوف فيها هز يديها بشوية وحط عليها شفايفو وبسها بوسة حنينة وصغيرة ولكن طول فيها شوية هز راسو وبقى شحال كا يشوف فيها وقال...
نوح... الله يسمح لينا من الوالدين
على هد الكلام ناضت مو من لي دخل من الباب وهيا حاسة بيه كيفاش يجيها نعس و ولدها بعيد عليها وملي دخل شمت ريحتو عارفتو هو وماشي خوه متميز على خوه ب بزاف ديال الحوايج من مشيتو وريحتو ورزانتو غير عمران لي كايقول للسماء نزل وانا نطلع عندك...
غير قال نوح داك الكلام وهيا تحل عينيه وزيرات ليه على يديه وقالت...
امينة :تواحشتك بزاف اولدي بعدك حرقني وكل نهار شوق كا يزيد ليك مرحبا بيك فبلادك وعند ميمتك
نوح: الله يسلمك الحنانة ..
امينة : جلسات وشدت عليه من يديه وتعلقات فيه عانقاتو وحتى هو بادلها العناق وباس ليها راسها
امينة : هه ما فهمتكش شنو هادي تاني عارفني ما كنفهمش هد اللغة ديالك
نوح : نتي الواردة ديالي
امينة : واش ديما غدي يبقى عندك الخاطر لميمتك كيف دابا
نوح :(باس ليها يديها وقال) مايكونش عندي الخاطر لحتى شيحد ولكن انتي ماشي اي احد انتي ميمتي وحنانتي ...
امينة : الله يرضى عليك
نوح : نخاليك جيت نشوفك هو لول غادي مسافر
امينة :الله ياولدي دابا عد فرحت بشوفتك فين غادي
نوح : ما غديش نتعطل ادا طولت اسبوع وهاني رجع عندك وغادي نطول هد المرة هنا
امينة :ادا كان هكدا واخا الله يعونك وطريق سلامة وملي توصل تاصل بيا كنت باغة نسولك فين غادي ولكن عارفك ما تقولش ليا😞 كنخاف عليك بزاف اولدي ما عرفك اش كادير وفين كاتمشي كل مرة مرمي فشي جايحة
نوح :(باس على راسها وقال بصوت مدعدع ورجولي )
لي ولد السّبع سبع محدو يكبر و هو يخلع ماتخافي والو...
(باس راسها ويديها وناض وخرج ...
وهو غادي جاه تليفون...
نوح: فين كاين
شخص : كاين ف باار*******
نوح : قطع عليه وخدا الكونطاك من عند العساس وهز طنوبيلتو وزاد بسرعة مع طريق طاير مسافة الطريق وكان حدا واحد البار منو بار ومنو كازينو...
غير نزل وهو يضرب باب طنوبيلتو برجليه حتى كع لي تماك نتابهو ليه مزدحة لي زداح بيها الباب باينة في منرفي غير من تيك 11لي راسمها فجبهتو
نوح :( شد طريق طويل ودخل للبار لي منو كازينو ومنو باار وهو يوقف حده واحد من رجالو حادو طلع فيه عاينيه بمعنى فين هو وهداك شير ليه بعاينيه فين كاين....
نوح: غير شاف فين قاليه الكارد وهو يحس بالقرودة كا يشطحو ليه فوق راسو ماحس براسو غير غادي لداك شخص لي كان ناشط. وضحكان ورزمة د الفلوس حداه وهو كايلعب ف القمر وكاس شراب حداه و واحد القحبة حداه ماحس داك شخص غير براسو مخشي فداك طابلة د القمار
نوح :( وهو مزير عليه بيديه وكيغزز لسانو بالغدايد)..الخيل واقفة و الحمير تتبورد يحزاب ليك هادو فلوس باك لي كاتخسر فيهم ازااا*ل
عمراان : ما عرف راسو باش تبلى ما يحزابش ليه خوه جاي على ماقال ليه حتى لغدا عد غدي يجي ولا كا يتفتف وعاينيه خارجين غير جا يحاول يحرك يديه وهو يسبقو نوح ولوها ليه من ورا ضهرو حتى غاوت عمران من حار الالم ...
نوح...(زير ليه على يديه حتى تسمعت طراق بلي شي عظم تهرس وقوس ليه لعند ودنيه وقال بفحيح وصوت مبحوح ورجولي وغير بشوية لي خلى عمران يضرب طم ويسكت)
نووح: كنت حاسب راسي مخالي من ورايا راااجل ولكن طلع غير شماتة وبرهوش شحال وانا مغامض عيني عليك و مخاليك تلعب. ولكن باش توصل لحتى لهد دارجة لا
عمران : خو....ااااااااااعععاه اااااه
ملي جا يكمل عمران كلامو حتى كان نوح زاد كمل ليه على تيك اليد لي كان شادو منها وهرسها ليه...
نوح : غزز شفايفو بسنانو وقال ليه بحروف مقاطعين انا ماااااشي خوووووك انا ما عنديش خويا لي يمشي للبيران ويسكر ويتحشش ويخسر ليا فلوسي على القحاب انا ما عنديش خويا لي نخالي ليه رزقي أمانة ويمشي يلوحهم من ورايا انا خويا خاليتو فمدراستو ماشي كا يتعلم ليا يمشي للبيران
عمران...اااا سم حليااا
نوح :( زاد زير ليه على يديه بالغدايد وقال ) ما مسامحش انا ادا شاطو عليك الفلوس الكلب تصدق بيهم على المسكين ومانكونش انا راجل ادا قولت ليك اش كا دير افلان ديما كانقول ليك فلوسي هما فلوسك وعمري قولت ليك ما تجيبش ولا ما تشريش ولكن حتى لهادي ولااااا انا ماشي خوك ....
نوح غير قال هد زوج كلمات لخوه عمران لي كان كايعتبرو ولدو ماشي خوه وهو يطلق منو ويزيد غير طلق منو وهو يقشع واحد شخص لي غير شافو طلع نوح راسو لسماء وساط بسخط وهو يمشي ليه شدو من كول تجاكيط ديالو وطلعو مع.الحيط هد شخص هو بلال ولد عام نوح وعمران ترباو مع بعضياتهم وهو وعمران بحال الحلاقم ما كايتفرقوش فين ما كانت شي موصيبة كايكونو مداخلين فيها بزوج وشحال من تفرشيخة كلوها بزوج من يد نووح....
نوح :( مغزز على سنانو)... كون شوفت مك جالس على تيك طبلة مع داك ز***ل د صحبك نكون فقصت لموك قلاو***
غير قال ليه هد زوج كلمات ودفل عليه وخرج داز حدا الكارد لي كايكون في باب البار وغمزو وخرج ركب فطنوبيلتو وزاد مع طريق في إتجه المجهول....
اما دوك زوج حلاقم عمران وبلال غير خرج نوح وهو يجري بلال عند عمران هازو من على تيك طابلة غير هازو وهو يوقفو عليهم زوج ديال ليكارد واحد هز عمران و واحد شد بلال من قرفادتو
بلال :وز****ل ووال*را وتوما طلقو وااااااع.
ماحس براسو غير مخبوط برا البار لاحوه برا ولاحو عليه عمران
بلال : ناض بسرعة كايفيق فعمران لي فقد واعيو بالخلعة وتفرشيخة لي كلها واخا ماشي شي تفرشيخة ولكن غير هادشي كافي و وافي...
بلال :عمران نوض اصاحبي تحرك وعمران والفردة ونوض بقى يزعزع فيه حتى فتح عينيه
وهو كايتألم
بلال: (كايطنز عليه) فرشخك اصاحبي والله كا نحمد الله مالقانيش معاك فطبلة كون فرشخني..
(وهو كيهضر عمران قشع شي للعبة فسروال ديال بلال وهو يضحك م اعرف واش يضحك ولا يبكي ولا اش يدير
ونعسو بزوج بلال واخا ولد عامو كا يبات معه ما كيمشيش عند والديه تربا هو و عمران بزوج ما كيتفرقوش يا كايباتو فدار بلال بزوج يا هنا بزوج...
نعسو... وملي صبح صباح وشافتو امينة وقالت ليه مالك وناضت تبكي وتجدب وهو يكدب عليها قال ليها درنا كسيدة بالمطور
وصافي ضمسو القاضية غير بيناتهم وكيف قال نوح غير برهوش هو و بلال مزالين براهش ولعبهم بااسل بلال فعمرو 16 وعمران 17....
اما عند نوح لي شد طريق المجهول وهيا طريق للشمال ركب طيارة من رباط لتيطوان ونزل تماك وكمل نص طريق لنواحي شيفشاون وبظبط لباب برد...
نوح... كا يهضر فتليفون... وي انا راني وصلت
الحاج العاقيل... مرحبا ولدي نهار كبير هدا
gracias نوح...شكرا
وقطع عليه مسافة الطريق وكان وصل حدا دار عاام ملي ما عودش رجع هنا ودابا جاتو خدمة هنا ياعني غدي يهرب شي طون ولا اكثر ديال الحشيش تاني
نزل من طنوبيل مزالة دار هيا دار فيرما كبيرة وخيراتو سيدي ربي غير شنو دابا فصل شتاء ماكين في الارض لا كيف لاوالو دابا غير كا يخدمو سلعة ولي دخل الفلحة ديالو لي هيا الكيف راه كا يسقطها ويخدمها ويرجعها حشيشة براحش يبيعها ويدخل ضوبل ديال الفلوس لي خسر ولا لي كاين العكس كا يدخل اقل ما خسر على تيك نبتة المسمومة...
نوح غير نزل من طنوبيلتو وهو يتلقه الحاج العاقيل هو و ولدو لي صغر من نوح في عمرو 21سنة سميتو رضى كا يبانو هو ونوح قد بعضياتهم واخا نوح عاندو 25سنة غير نوح زايد عليه بالطولة وتكديرا والكسدة وليزيبادو(العضالة 🙂)
وزين نوح ماشي هو زين ريضى رضى عادي ماشي شي زين ولكن مقبول
رضى ما كيحملش نوح ما كيحملوش يجي عندهم نوح هو دم سنانو كايشوف كيفاش اباه كا يعامل نوح كايكون قريب يهزو فوق كتافو وهو داكشي لي ما كيحملش غير يكون شيحد حسن منو وزاايد عليه وفعلا نوح زااايد على رضى بزاااف الرزانة وقوة الشخصية وغير عاينيه بحر تبقى تايه فيهم ما تعرف اش ناوي ولا علاش ناوي حتى ما تعرف دقة منين جاتك ... من ديما ما كيتحملوش وشوفات القرطاس ديما بيناتهم
الحاج... مرحبا بيك اسبع ديالنا غيبة طويلة هادي كون غير علمتينا بكري نتلقوك بالحليب وتمر
نوح.. لهلى يخطيك الحاج gracias(شكرا)
الحاج... وكيف خاليتي واحد الواليد لباس عليه(لحد الان الحاج العاقيل كا يحزاب ليه بلي نوح ولد خوان حيتاش خوان عرفهم عليه بلي راه نوح ولدو وخالها معهم هيا هاديك )
نوح.. بخير بلغ ليك سلامو معيا
الحاج... الله يسلمو
نوح ...que tal tu كيف حالك انت
الحاج... الحمد لله نحمد الله(الحاج كايفهم شوية في الاسبانية حيتاش شحال هادي شمال كانو مستعمرينها الاسبان على داكشي وحتى الحاج كايعاشر ناس الإسبان بزاف على حساب طبيعة العمل ديالو)
رضى... هضر بتاكبر ونيفو طالع لسماء وكيشوف غير الفوق.. نوح يكما تقاضات ليك الحصيصة وجيتي تجمع من عند سيادك
الحاج... خرج عينيه ماقدرش يهضر وحشم اما واحد سي نوح شاف فيه نص شوفة و بكول برودة جاوبو وبدم بارد قمعو قمعة عمرو ينساها لي خلات رضى غير كايبرقق فعينيه ويقلب على كرامتو لي تمرمردات تحت رجلين نوح😏
نوح...اللي اصلو تفاح عمرو ما يتلاح، و اللي اصلو دفلة عمر. ما يحلى
... هدا هو نوح جوابو على لسانو يقتلك غير بلسانو وما كايخدم يديه غير لضرورة ماعندوش مع عطيني نعطيك فالكلام ولكن لي يقلب عليه يليه
رضى مرضاش بالقمعة لي قمعو بيها نوح وفهم معنى كلامو مزين ومرضاش قدام الحاج وعماميه رجال لي معهم جاو يتلقاو نوح سرط القمعة وقلب طريق دخل بحالو لبيتو نوح لسانو ماضي ويديه كثار ولكن على وجه الحاج وخوان ما كيبغيش يدير فيه يديه
• الحاج...ما تديش عليه اولدي الراجل المصواب حتى احد ما يسد اعليه الباب
نوح... يحفظك...
رحبو بنوح ودخلو لداخل وجلسو وحاطو خيرات سيدي ربي زبدة بلدية والجبن البلدي وزيتون البلدي معدل على حاقو وكريقو والمسمن والخبز د الفران ديال الخشب وزيت ديال الفرن ناس ديال تيك المنطقة مشهورين ب زيت لي كايديروه يطيب في الفران ديال تراب ومنبعد ما يطيب كايجيبوه ويطحنوه بأيديهم فدار ويعصروه
كايجي وااعر ومداقو رائع...
وحطو الحلوة ديال دار والقهوة واتاي وخيرات سيدي ربي كل ما تشاهيتي بلدي كاين
الحاج... مد يدك اولدي.. مد ليه كاس ديال القهوة خواها ليه من واحد طيرموس صغير وغير خواها ريحت الابزار منها تعطعط وقال ليه.. ها هيا القهوة دياك كيف كاتبغيها وراه فيها الابزار
نوح... شد الكائس ديال قهوتو وشرب منها وقال..يحفظك الحاج
نوح ملي كان صغير كان كايشرب القهوة بالابزار مع باباه وهد العادة واخا توفى باه هو بقى عليها رااجل بلدي وشرقي مئة في المئة كايشبه لباه بزاف خدا عينين باه ولون بشرتو ماكيشبهش للأم ديالو نهئيا لدارجة شخصية باباه اثرت عليه بزاف
نوح.. كا نضن عارفني علاش جيت
الحاج.. الله ياودي عارف علاش كيف ديما
نوح... فلوس سلعة كلها عاندي جيب سلعة نشوفها ونعطيك فلوسك ونتيسر في حالي
الحاج... والله مكرهت اولدي ولكن هد العام الحال مزيرة
نوح... دخل ف الموضوع
الحاج... ماجمعناش سلعة بزاف ناس مزالة ما خدماتش سلعة ديالها برحاش نشريو منهم ونجمعو ليك جمعنا غير شيحاجة قليلة
نوح... شحال ديال الوقت خاصكم
الحاج.. اش غدي نقول ليك قول شي اسبوع ولا اكثر
نوح... داك اسبوع هو لي عاندي اصلا وجاي عاول عليه و عارف سلعة ما وجداش
الحاج... عارف ماتخفى عليك والو اوى مرحبا بيك بقى معنا حتى توجد سلعة
نوح... لا غادي نستغل هد الاسبوع نريح فيه راسي ولكن ماشي عندك في بلاصة اخرا... نوح ناض واقف وقال... نهار يكمل الاسبوع تلقاني عندك هنا
الحاج... مرحبا اولدي في اي وقت
نوح... ناض وقال ليهم Asta luego الى للقاء
جا غدي ينوض معه الحاج وهو يوقفو
نوح.. ما يحتاجش الحاج كانعرف الباب فين جات راني ولد دارك
الحاج... الله ياودي تينا شيحاجة كثار
نوح... بغيت توسكا
الحاج... هيا لولة فعيابك كنت مهالي فيه وربي شاهد
نوح... عرف لي كاين قول ليا فين انا نمشي نجيبو نتا غير خاليك بلاصتك
الحاج .. عندي مربوط في الكارج لي حدا الباب فطريقك
نوح... مربوط!!
الحاج... راه كبر ما بقاش قداش خاليتيه وخفت يعض الخدامة حيتاش العام لي فات عض ليا واحد من الخادمة وتيك ساعة ربطنه
نوح.. عام وهو مربوط
الحاج... اه
نوح... نخاليكم
ناض نوح وخرج واول حاجة دارها هيا مشى ديريكت لداك الكارج وحل الباب غير حل الباب وهو يسمع صوت كلب ماشي كاينبح لا بحالة كايستنى شكون يحل الباب وينقز عليه ياكلو
الكلب... عمممممممننممم
نوح.. غير حل الباب وشافو بقى مستعجب اخير مرة كان خله صغر من هكدا دابا كبر واكيد ما غديش يعقل عليه نوح قرب ليه وهو كايمد يديه ولكلب باغي ينقز ليه يعاضو ادا ماكنش مربوط عاندهم بسناسل كون عاضو نوح بقى كايحاول يهادنو حتى حط يديه على فروت راسو وبقى يحك ليه وهو يسكت ونطرح فالارض نوح... اشششش هي توسكا ششش توسكا
واش نسيتيني اصاحبي بقى معه هكدا وهو ينوض فسخ ليه وحيد ليه صمطة وهو ينقز عند نوح وتخشى فيه وبقى يلعب معه بيده والكلب عاجبو الحال
نوح... يالله غادي نخرجو انا وياك ونمشيو رحلة فيها نوح وتوسكا وهادي اخير مرة نخليك معهم اصحبي
نوح خرج وهو يخرج من وراه كع لي تماك غير شافو نوح معه توسكا وهما يخويو طريق ومشاو كا يهربو ههه
نوح... راك زرعتي فيهم رعب اتوسكا
فتح نوح بابا طنوبيل و هز توسكا ودخلو وخا كبير هازو راه سيد صحيح 😎
(توسكا كلب من سلالة هارد روك دوبرمان إيطالي 🙂) يعني نوع ديال هد الكلب ادا حتى مشى وبقى بجوع لشي مودا طويلة يقدر ياكول بنادم ولكن ماياكولش صاحبو لي مربيه...
ركبو ودار هو وركب وخدم الكونطاك وزاد مع طريق وشد طريق تيزيران يعني طريق لي كا تطلع لقمة جبال تيزيران نوح هادي يوماين ما نعسش ملي جا من إسبانيا ما شاف نعس هادي يوماين ما نعس ما شافو
طلعو مسافة ديال طريق تقريبا نص ساعة وكانو تماك وقف طنوبيل ونزل كان قدامو كوخ صغير بالخشب تقريبا بحال هداك لي عاندو في إسبانيا ما كيحملش ديور كبار كايلقى راحتو غير فديور الخشب ويكونو صغار يعني بحال هد نوع ديال الكوخ وهدا مزال جديد يالله وصى عليه وبناوه ليه فين حدد هو المكان ما كلفهمش اسبوع كلو وكان مبني ومفرش ..
تخايلو معيا هد الخدمة كلها وهد الفلوس كلها وما عندوش دار ليه من غير دار لي كاينة في رباط وهاديك كتبها في سميت ميمتو وهو في إسبانيا عاندو داك الكوخ وحدو ما عاندو تماك لا فيلة لا عيمارة وملي كايسفر على قبل شي شغول كا يجلس فشي اوطيل ادا طول فيه يوماين وعلى حساب الخدمة ديالو ملي كا يمشي يصور ويمارس الهواية ديالو فا كايبات في ضس والخلى والقيفار يعني غير فشي مخايم وصافي 🙂
بقى شحال كايشوف فداك الكوخ كان كيف بغه
حل الباب ل توكسا وزاد للكوخ وفتح الباب كان الجو بارد وسحاب وعلى ما بان ليه بلي غادي تكون شي ليلة ممطيرة دخل ليه وهو يشوفو وسد عينيه بملال لقاهم بالغو ليه في الفراش شلى فوطيات وشلى حوايج ما عندهم فايدة ... حيد الكبوط لي لابس وطوا كمايم تريكو صوف لي لابس وهز واحد الفوطوي ولاحو برا الكوخ بيه ب الماخيد لي فيه وهز فوطوي واحد اخور صغار من هداك حتى هو لاحو وولاح حتى واحد الكورسي داير ديكور ديالو زوين حتى هو لاحو ورا داك الفوطوي
نوح... هكدا حسن يالله ا توكسا تجبد ليا مع راسك
مشى وبقى كا يضور فالكوخ الكوزينة فيها كولشي هو هداك وثلاجة عامرة كيف وصاهم وماعندهاش الباب وهو يدخل للحمام لقاه بكولشي ديالو
وخيرا دخل لبيتو لقاه هو هادك من غير حاجة واحدة لي ثارت إنتيباهو هو سرير جاه صغير ادا نعس فيه رجلو يخرجو عليه
•
نوح... صاط بملل ضاروري ما يخوروها
ولقى فبيتو حتى بعض ادوات و الاجهزة ديال الرياضة
عطى ل توكسا ياكول حتى شبع وهو دار القهوة ديالو بالابزار وشربها
وشعل شوميني ونعس على الفوطوي لواحيد لي خاله حدا شوميني هو والكورسي الخاشابي الهزاز هو ناعس وتوسكا مخشي فيه وكا يشوف فشميني
بقى شي 2سعات وهو ناعس
وهو ناعس حس بشي حاجة كاتلحس ليه يديه غير حل عينيه لقى توسكا مخرج لسانو وكيلحس ليه يديه بحالة كا يقول ليه نوض...
نوح... ناض من النعاس. وشاف ف توسكا ومد يديهه كا يحك ليه فراسو وقال ..."تعيا تعزل فولاد الكلبة و في الاخر تهز جرو"
....(حتى الكلب حشى ليه الهضرة غير بالفن 🙂)
ناض نوح دخل للحمام وغسل وجهو ومشى لبيتو ولبس عليه حوايجو
شاف من سرجم بان ليه بلي شتاء ما بقاتش كا طيح كيف كانت حيت ملي كان نعس صبات شتاء مزين... هز تليفونو وشير بيديه لتوكسا لي غير شافو قرب للباب غدي يحلها وهو ينوض كايجري هه
نوح... هيه levantate توسكا... هيا إنهض
توسكا... هاااو هااااو(🙂🙂)
غير خرجو من باب الكوخ شدو واحد طريق طويلة نوح غادي وهز فيديه سلاح لي كايصيدو بيه باغي يصيد شيحاجة وهو غادي شوية وهو يشوف توسكا مكاينش معه ...
نوح... هيه توسكا
• كايسمع نبيح الكلب جاي من جهة اخرا بقى نوح غادي وهو متبع صوت توسكا منين جاي وهو غادي وهو يقشع توسكا حاني على شيحاجة وملي ركز نوح كايشوف مزين فداكشي لي حاني عليه توسكا بان ليه يد بنادم لوهلة جات لبالو يمكن يكون توسكا كايكول للحم بنادم دابا حيت بعيد عليه شوية ومع ضبابة مابانش ليه مزين شدها جرية واحدة لجيهة توسكا وغير وصل عد بان ليه مزين اش كاين
• نوح.... بففف اش هد القلاوي اصحبي
• لقى توسكا كايلحس فوجه بنت صغيرة لي فاقدة الوعي نوح بقى واقف وكايشوف شحال فتيك البنت صغيرة كا يقول فبالو بنت في هد سين اش كا دير هنا في الجبل و وسك الغابة وحدها
• بدون تفكير تحنى عندها وبعد وجه داك سلوكي ديالو لي ملي لقى الماس وهو يلحس ليها في وجهها تحنى نوح عندها وحط يديه على عنقها يشوفها واش مزالة كا تنفس لقى تنفسها ضعيف هز يديه وبقى كا يشوف فيها شحال
• نوح... بكل رجولة وخشونة وبرزانة بشوية عليه حيد ليها داك زيف لي على شعرها وبان ليه شعرها البوني طويل .. وسد ليها وجهها صغير بين يديه الكبيرة الخشنة وقربها حتى لعندو بشوية وحط يد واحدة على فمها وجمعو من حنكها حتى تجمع فمها وبقى شوية محلول وهو يقرب بشوية وحط شفايفو الكبار على شفايفها لي صغار بزااف مقارنة معه هو حط شفايفو ودار ليها تنفس الاصطناعي دارو مرة وزوج وثلاثة شحال وهو كيدير ليها فتنفس حيت نبض ديالها ضعيف حيد شفايفو من شفايفها لي دفلها ولعبه تلسق في فمو....
جنون نوح الجزء الثالث
محتوى القصة
التنقل بين الأجزاء