نوح يا نوح لي نسى راسو فهد شهر لي دوزاتو الماس معاهم
حااول يوفر ليها الامن والامان لي واعد بيهم جداتها حاااول يخاليها جزء من عائلتو بغها ما تحتاحش حتى حاجة لدارجة هد شهر لي الخدمة والمشاكل كانو مزيرين عليه وخصوصا مع المافية لي كا تزير عليه وكا يهددو فيه ادا ما جابش ليهم سلعة غا ينفدو شي إجراء فحقو وحتى خدمتو لي طابيعية وبعيدة على الحشيش وهيا شاركة فوتوغرافية عالمية لي كا يمارس فيها الهواية ديالو شاركة شحال خسر فيها وعليها باش وصلها لفين هيا دابا لي موجودة في إسبانيا شحال من مجلة باغة تعقد عقد مع شاركة ديالو حيت اجواد الصوار الفوتوغرافي كا يلتقطو من اجواد الكاميرات والبحوث لي كاينين في شاركة نوح وحتى هو كا يدخل في مغامرات كبيرة برحاش ياخود اجواد واجمال الصور وشحال من شهار دوزهم في الغيران تحت الارض وشحال من شهار فجبال وزيد وزيد ما عندوش إستقرار في حياتو كل مرة وفين تلقه هو وكاميرتو ....
كان كايوصي عليها ميمتو تجيب ليها لي بغات وتهتم ب ماكلتها وتخاليها تولفهم وحتى عمران لي جبد ليه وديناتو وقال ليه يديرها بحال اختو ( عمران واخا يديرها اختو وهو لا🙂)
كل لليلة كان كا يجي معطل مكانش كا يشوفها
وحتى ماشي من شهامتو يدخل على بنت ناس لبيتها وهيا ناعسة واخا شيطان كان كا يوسوس ليه يدخل كان كا يمنع راسو
حتى لهد صباح لي صباح فدار
وقرار يمارس رياضة ديالو حتى كا يتفجئ بالماس في الكوزينة شهر وهو كا يكبح نفسو وروحو عليها كا يشوف حاركتها وضحكتها ومشيتها وكولشي فيها حفظو بنت بريئة كثر من القياس ما بغاش يفوت الحدود في نظارتو ليها كا يبغي يشوفها بحالها بحال اي بنت دازت في حياتو حتى لهد صباح لي ملي شافها ما عرف اش وقع ليه حتى تقرب ليها لتيك دارجة ما حسش براسو كيفاش وقع ليه ...
🍒🍒نوح غير حس على راسو وهو يبعد منها وخرج وطلع ديريكت لبيتو غير فتح باب بيتو. دخل لدوش وبقى شحال كا يشوف في المراية لي فدوش
نوح: مسح على وجهو مغدد... بففف صافي هادشي لي بقى ليا
ما حس براسو غير ضارب تيك المراية بيديه حتى تشخشخات
نوح: اععع على اخير ايامي نولي نضور في كلمي
سد عاينيه مغدد وهو يتفكر كلامو مع الحاجة الزوهرة....
( الحاجة : بنتي كيف نعطيها ليك تبقى
نوح: من ناحيتي انا نقطعو ونعطيه لتوسكا وما نديروش فبنت قد بنتي )
نوح: شد عاينيه بسخط ونفخ الهواء من فمو بحال الثور حتى العروقة لي فراسو تنفخو... اعععع ومازال نقطعو ونعطيه لتوسكا وما نديروش فيها ما نديروش
... ما عرف اش وقع ليه من غير ان نضاراتو للبنت تبدلو وبزااف كلامو قبل ما يشوفها وهيا كبيرة عكس دابا ملي شافها
نوح: بقى شحال وهو كا يشوف راسو فتيك زاجة لي هرسها شوية و فتح روبيني وغسل يديه من الدم ووجهو حمر بالغدايد وكايسوط غير وحدو معصب غير مع حوايجو ... بففف
..... عند.الماس
الماس لي مسكينة طلعات كا طير لبيتها بدلات تيك البيجامة ولبسات وحدا فنفس الون غير هيا واسعة وطويلة الخلعة ومادير غير لبساتها و هبطات تاني تكمل على فطورها وهيا خايفة يبان قدمها من شي قنت
الماس ما عرفات اش وقع ليه باش تصرف معها هكدا ملي جات ما هضر معها ما قرب ليها هادي اول مرة يوقع ليه هكدا التقرب لي تقرب منها خلعها وحتى كلامو لي كلو الغاز معنها كثير وكبير لي هيا ما قشلبت منو والو..
الماس : حاطة يديها على قالبها بالخلعة... هدا خاصو يكونو هو وعزيزة في موطع( بلاصة) واحد المهودة ديالهم بحال بحال
وهيا هكاك دخل عليها عمران لي لابس البودي في الاحمار وسروال دجين شاب زوين عا ينيه خضرين شعرو مرجعو اللور وقصير عاينيه وخادهم من ميمتو امينة وقصير شوية
عمران : الله الله اش هد ريحة ( كا يشم بنيفو بحال سلوكي )
عمران : بقى كا يكحب حتى لشوية كا يحس بواحد الخبطة فضهرو حتى قفز
عمران : ب الم... اااه ميمتي ضهري
بلال:(بطنز) العشير كا تاكول المسمن بلى بيا
كان بلال لي جا عندهم على صباح شهر ما شاف الفردة وهد صباح غير وصل جى عندهم هو لول غير دخل من الباب شاف عمران كا يكحب وشي بنت واقفة من وراه لي ما ركزش فيها بنضاراتو حدو دخل بزربة وضرب عمران لضهرو حتى كان غايقسمو ليه
عمران: واميمتي ضهري بغيت لموك الهرس
بلال : تحنى عليه وعانقو تواحشتك الفردة( جلس حداه غا يفطر وكيقطع في المسمن وياكول ) ااالله شحال تواحشت المسمن
عمران: كووول تاكول جغديد كنت فرحان غاناكلو وحدي
الماس : بحشمة حيت اول مرة تشوف بلال وما عرفاتوش شكون... خاي عمران باقي الخير دراسو في الكوزينة الى كان خاصك نزيد ليك
بلال : بلال لي غير دابا عد نتابه ل الماس وبقى مخرج عاينيه فيها ...
بلال : وااااااووواو اصاااااحبي فوقاش موك ولدات هد زين وانا مافراسيش وناااااااري على صويت عند ختك
عمران : شاف فيه بعينيه زعمة واش من نيتك
عمران : ربي يخطيك اختي الماس ونعرفك على هدا صاحبي وخويا والفردة وللسقة بلال ولد عامي
الماس : شافت في بلال لي عاينيه خرجو فيها وقالت بحشمة وإبتسامة زوينة على وجهها... متشرفين اخاي
بلال : حل فمو وعاينيه فيها... شراف ليا انا ازين
عمران : قرب عاندو حتى لودنيه وقال.... الى سمعك نوح يفقس لموك قليواتك
بلال : شاف فيه وخرج عاينيه بصدمة وخوف... ما تقولش ليا هادي مرات نوح واش تزوج
بلال : مطلعها عليه بغى يخاوفو... وي راه مراتو ياك امرات خويا
بلال : شاف في الماس حتى حشمها.... وخوك مزوج بفريزة حق رب (وغمزها)
غير قال هد الكلام ماعرف جا غير فودن نوح لي هابط فدروج ضارب ليك الحطة سرول اسواد وتيشورط ابيض وكاسكيط على راسو و نضيضرات في العين وريحتو عاطية وفاايحة منو بجهد
نوح: غير سمع كلام بلال عرف بلي كا يطنزو كيف ديما ولكن تيك الفريزة لي قالها ليها نيضات فيه ناار حادو شاف في بلال وخنزر فيه لي ملي شافو بلال حنى عينيه بحال الفار
نوح: مشى لعند بلال ليجلس مع طبلة د الفطور
وضرب ليه على كتافو بجهد... على سلامتك
بلال : ااحم الله يسلمك اخويا
نوح : تحنى لاعند ودنيه ودوا غير بشوية ...باعد من لبلا ليبليك ودير عقلك ابلال ولا غانحيد لموك قلاو*ك وندير ليك في بلاصتهم الفريز لي كايعجبك
بلال : ما هضرش بقى ساااكت بحال الحجرة وحس بوجهو تلون ...ونوح غير قال ليه هكاك ومشى جلس فراس ديال طبلة اما عمران داير يديه على فمو وخاايف تفلت ليه ضحكة على بلال ويتفرش قدام نوح اما الماس غير جلس ناضت وكبات ليه قهوتو لي اول مرة ديرها هيا لي غير كباتها شم ريحتها نوح نسمة ديال الابزار عاطية منها طلع عاينيه وجات فيها هيا لي كا تكب ليه قهوتو وقرباتها ليه
نوح: شاف فيها وشاف في البس لي لبسات الفوقية وااسعة كاتبان فيها هيا هاديك طلعها وهبطها بعاينيه وشاف في عمران و بلال واش كايشوفو فيها
نوح: قربي ليا زيت
الماس : شافت فيه بتفاجؤ : شني
نوح: شاف فيها شحال حتى خلعها وبقات غا تفتف وشير ليها بعينيه لزيت...
الماس : مدات ليه زيت حداه وهو متبع يديها لي صغيرة وبيضاء لي زوينين و صغار بقى متبع ليها يديها ساهي فيهم حتى رجعت لبلاصتها
نوح: شاف فيها مخنزر وحط قهوتو لي ما ناض حتى سلى داك الابريق لي جاتو قهوتو عندها مداق زوين غير العادة ناض من على طبلة... خمسة دقايق تكوني واجدة... ناض وخرج
الماس : شافت في عمران وهيا قريبة تبكي... هننن فاين عا نمشي معه
عمران : وغير توكلي على الله وزيدي راه كا يستناك
بلال : واتي سمعي كلام راجلك راه قال 5دقايق هيا خمسة دقايق
نوح : جرها من يديها حتى لطنوبيلتو وفتح الباب وخشها داخل طنوبيل حداه
وضار هو ركب...
نوح : بعصبية وهو كا يخدم الكونطاك /قولت خمسة دقايق ماشي عااام
الماس : كا تمسح دموعها بصبيعاتها وشفيفاتها كا يترعدو و شدات في كتافها لي عطها صداع ولي حسات بيه دااار طرق وشيحاجة تفكت فيه ملي جارها منو... هئ مشيت نشوف خالتي امينة...
نوح: ضار شاف فيها وهو مغزز على شفايفو وشاف دموعها ... سكتي
الماس : شدات على فمها بيديها برحاش ما يسمعهاش كا تبكي وهد تصاروف لي دارت جنن نوح وخرج ليه العقل....
نوح : حك لحيتو الخفيفة وكايسوط... بففف يااربي صبر
خدم الكونطاك وتحرك خااارج منير من الفيلة
وخدا تليفون وخدم سماعة الادن
نوح: فينك
الشخص: راني في المكتب كا نستنك
نوح: مسافة طريق وانا عندك
الشخص كا نستنى
وقطع نوح وزاااد منير...
اما الماس كا تحس بخاطرها مروع عليها وقالبها طاالع حتى الفمها بالخلعة
نوح : غادي كا يطير فطريق حتى دخل للمدينة
🎀🎀(انا شمالية وما عنديش شي ماعرفة ب رباط غير ديرو عين ميكة على شيحويج 🙂)🎀🎀
وبضبط وقف حدا واحد العمارة غير نزل ومشى فتح الباب الالماس وجرها من يديها ونزلها لي هيا اول مرة تشوف شي مدينة كا يبانو ليها العمارت كبااار بزاااف لدارجة ملي هزات عاينيها وشافتهم جاتها دوخة وناس غادية وجاية وصداااع وطنوبيلات كا يتسابقو اول مرة تشوف هادشي لدارجة جاتها دوخة لي هيا اصلا مدوخة عند نوح لي جا كايطير فطريق وزاد ت كملات دابا كانت قريبة طيح كون ما نوح لي شافها كيفاش كا تشوف بحالة قول جات من كوكب اخر
نوح: كان كياشوف فيها ويشوف فناس مخانزر لي دايزين واش كايشوفو فيها حتى شافها قريبة طيح عرافها جاتها دوخة حيت اول مرة تشوف هادشي ولا تمشي لشي مدينة وحتى ملي جابها الحاج من طنوبل لطيارة ومن طيارة لطنوبيلت نوح وحتى كانت مصدومة ما نتبهتش لبزاف د الحوايج...
نوح: دغيا شدها من خصرها بيديه وقربها لعندو لدارجة الجسد ديالها لتاسق بالجسد ديالو حتى حس هو ب تبوريشة طلعات معه... ضور يديه بشوية على خاصرها و واحد اليد شدها بيها من ضهرها وقربها لعندو حتى حط ليها راسها على صدرو وريحتها دخلات ليه مع جيوب نيفو ...
اما الماس كا تحس برجليها ما هزينهاش و ودنيها فيهم غير الاصوات ديال طنوبيلات لي كا يتسابقو وناس لي دايزين من حداها ما حساش براسها بلي ملسوقة فنوح وحاطة راسها على صدرو ... وبلى ما تحس طلعت يديها صغيرة لي باااردة بحال ثلج مع صدرو غير بشوية حتى حطتها على عنقو لي عاريان حتى حس بتبوريشة طالعة معه وصهدة ...
زير على عاااينيه وهو كايحس بيها كا تورك بيديها على عضلات كتافو داليل على توتورها وخوفها
نوح: ماقدرش يصبر ريحتها دوخاتو وحاركتها خارجاتو على طوعو كفما كا يقول ما بقيتش نقرب ليها ولا نشوف فيها كا يلقى راسو هو لي كا يمشي عندها بلى هواه راااجل اناني ومتجبر ومتكبر ما كيطيحش بسهولة ماا عرفش كيفاش يفسر هاد التصارع و لكمات و الاضطرابات لي مرة كاتكون من جيهتها عصبية وشي مرات ما كيعرفش كيفاش يفسرهم لي عاارف هو هد الاحساس لي عاندو الداخل كاا يستفزو ومكرهش يخشي يديه في صدرو ويخرجو....
نوح: رجع لوعيو وحيد ليها يديها من رقبتو وبعد منها بسرعة وكأنها موصل كهربائي وخاايف يسعقو ... شدها من كتفها
طلق منها وهو دايز وهيا من وراه شوية وهو يوقف وشاف فيها لي هيا بدورها شافت فيه بإستغراب
الماس : بقات كا تبرقق عاينيها فيه
نوح: مدواش معها رجع عندها وشدها من يديها بتملك... احم عندك ضيعي
نوح ماشي قاضية ضيع لا ما بغيش شي واحد يشوف فيها
شد فيديها صغيرة لي باردة بين يديه. الكبيرة بتمالك
ودخلو للعمارة وشدو لاسنسور لي الماس اول مرة تشوفو بحال الامنة غير كا تشوف بعينيها فين غادي بيها الله واعلام...
دخلو لا سنسور كان عاامر شوية وخصوصا فيه غير الدراري نوح غير دخل وشافهم عقد 11 في جبهتو و وقف عاطيهم بضهر وشدها هيا لسقها مع كرشو وعا ينيه بحال الرصاص كايضورو لا يشوف فيها شي حد فيهم اما الماس غير دخلات وشافتهم تخلعات ما عرفاش بلي هد لاسنسور لي ما كتعرفوش اصلا ومصوار ليها عقلها غير هدا شي بيت وجابها نوح ليه لاعند صحباو وغا يديرو فيها لي ما داروش خالها رجعو عليها المواجع ودمعة دغيا هبطات ليها وخصوصا ملي شافت نوح دارها قدامو ولسق ضهارها مع كرشو ونفسو كا ضرب في راسها قلبها كا يضرب بالخلعة ويديها عراقو بالخوف وكا تقول في راسها هادي هيا للخرة ليا ... ما حسات على راسها غير ضارت كلها وطلعات عاينيها الزورق فيه بحال القطة ومحجرين بدموع وهو لي كايبان قدمها بحال الحيط ...
الماس : كا تبكي وشفايفها كا يتراعدو وهضرات غير بشوية لي سمعها غير هو ... هئ يرحم يماك ما ديرو لي والو هئ هئ
نوح: كان رد البال مع دوك دراري لا يشوفو فيها وماحس غير بيها ضارت عاندو وطلعات عاينيها فيه وكا تبكي غير بشوية ستغرب منها جات لبالو فكرة انها خافت ولا شي حد منهم يكون دار ليها شي حاركة وما شفهمش
نوح: شاف فيها بإستغراب من كلامها وغير سمع اش قالت عرف بلي يحزاب ليها ناوين يديرو ليها شيحاجة ما ينكرش عاصباتو بزاف من هد تفكير لي فكرات بيه وخصوصا ملي فكرات فيه هو بالخصوص هكاك
وقبل ما يهضر تفتح لا سنسور وخرجو كع دوك دراري لي ملي كانو خارجين هو شد الماس وخشها فيه برحاش ما يقيسوهاش وهما خارجن وغير خرجو وشد لا سنسور دفعها بجهد حتى جات ملسقة في الحيط ديال لا سنسور
نوح : زير على سنانيه وشاف فيها وغوت عليها بحر جهدو : انااا ولد الكلبببة لي مخرجك اااااانا لي داااااير راسي فبرهوشة واااش يحزاااااب ليك كولشي زواااا*ل بحال خااالك الحمااارة ااااه دوي
الماس : لي ما عرفتش اش وقع ولي كيفاش غير لي فهمات بلي فهمات كولشي غلاط وتصرفت بقلة احترام مع نوح ..
الماس : سالو دموعها وحسات بضهرها تهرس وكتافها اكثر بكثير : هئ هئ خفت
نوح: زير على شفايفو تحت سنانو وقرب حتى لعندها وضرب بيديه فوق راسها وغاااوت بحر ما فيه من جهد.و كايزير على نطق الكلمات والحروف ... إالى رجوووولتي سمعتي إلى رجووولتي نقولها ونعاودها نقطع امو من الجدر وناااااكلو انا بالغدايد وما نديروش فيك
مشى ليها وشدها من يديها وجلسها على كورسي حداه وجلس هو.... اما محمد غير كايشوف بعاينيه
نوح : احم
محمد : نهار كبير هدا
نوح: بيك
محمد: نتا هو نتا اصاحبي كلامك مزال قليل ههه
نوح: دوز بيديه على لحيتو ... ما عندي ما ندير بصداع راس
محمد : وااايه الخوو تواحشنا شي قهيوة انا ونتا
نوح: فوقاش ما بغيتي انا دابا غير جالس
محمد : واش مارجعش لإسبانيا يكما رجعتي للمغرب بمرة...
نوح: شاف في الماس لي حانية عاينيها ما هزاتهمش في محمد : لا غير شي شغول لي جاابني
محمد: والله يعاون( شاف في الماس) احم على ما كنعرف ما عندكش خوتك البنات
نوح: شاف فيه وخنزر... ونتا اش داخلك فخوتي البنات يكونو عاندي ولا ما عنديش
محمد : بتوتر من ديما كا يعرف نوح ما عندوش مع دخول والخروج في الكلام وخصوصا على بنات عائلتو.... محمد وغير مجرد سؤال حيت يحزاب ليا الانسة ختك
نوح : ديها فراسك ودخول سوق راسك
محمد: ندم علاش سولو لا وجهو بقى لا ديالو تنقى 😂😂... احم اش حب الخاطر
نوح : شاف في الماس وطول فيها الشوفة لدارجة الماس حسات بصمت وحسهم تقطع وطلعات راسها في نوح وهيا تشوفو كا يشوف فيها بنظرات حادة وغير مفهوما....
نوح: شير بعاينيه لالماس... بغيتها تكون على سميتي وتحت كنيتي....
الماس يالماس ملي سمعات نوح اش قال. بقات غير كا تبلق بعينيها ما فهماتش اش كا يقصد ب على سميتي وتحت
ط دم. كنيتي...
الماس : ك كي... قبل ما تهضر حتى كان نوح خرج فيها عاينيه برحاش تسكت ... وهيا تشد فمها رحنات راسها
محمد: اه كيف قولتي ليا فتليفون وصاف و هادي البنت
نوح: وي
محمد : انا مشيت ل بلادها كيف وصيتيني تلاقيت ب جداتها
الماس : غير سمعاتو قال تلقى جداتها وهيا تشوف فيه وقالت بلهفة ... بصح تلاقيتي عزيزة واش لباس عليها ساقساتك(سولاتك) عليا
نوح: لي ملي شافت فمحمد وهضرات بهاديك الهفة مكراهش ينوض ويضرب مها مع الحيط وهو وصها بلي ما تهضرش تبقى ساكتة
اما محمد عاينيه خارجهم فيها جااتو كيوووت غير حشم من نووح وصاف اما ما يحيدش عاينيه عليها...
نوح: دوز واحد صبع على شفايفو وشاف فيها بعاينيه مخنزر حتى حسات على راسها اش دارت وهي تقرم بحال الفارة...
نوح: كمل
محمد: احم امم احم البنت ما عندها حتى شي واثيقة ديال النسب ما مسجلاش في الحالة المدانية
نوح: حك لحيتو وطلع حاجبو فيه... يعني
محمد: يمكن ليك بسهولة تعطي الاسم والنسب ديالك للبنت
نوح: شاف في الماس لي سمعات كلامهم وطلعات عاينيها فنوح كا تشوف فيه واش بصح غا يعطيها نسب والاسم العائلي ديالو واش بصح مسكينة مصدومة وماعرفتش اش دير الدموع تغرغرو فعاينيها اما هو بقى كا يشوف فيها بدون ما يزيح عاينيه من عليها...
نوح: بغيت غدا تكون هد البنت قانونيا سميتها الماس بنداري
محمد: كون هاني خاص غير الانسة تسني على شي وراق
نوح: هيا دابا
ناض محمد خرج من المكتب وخلى نوح والماس جالسن الماس لي مزالة مصدومة وما عرفتش اش وقع دابا وما متيقاش راسها بلي ما غاتبقاش بنت الحرام وكاتشوف في نوح بإستغراب
نوح: شاف فيها لقها مزالة كاتشوف فيه بصدمة وعاينيها لي بحال البحر محجرين بدموع...
نوح: مالكي
الماس: ملي قال ليها مالكي حسات بيه بحالة عطها نقطة الانطلاق باش تخوي قلبها حطات يديها مغاطية وجهها وبلى ما تحس نهامرت بالبكاء
الماس : هئ هاائ هئ اممهئ
نوح: ما ضنهاش غا تبكي ناض من على كورسيه ومشى عندها وتحنى على ركابيه كا يشوف فيها
نوح: اششش مالكي
الماس: هئ هئ هئش هئشكرا
نوح: حط يديه على يديها لي دايرهم على وجهها وحيدهم ليها وشاف وجهها نيفها لي حمر وحنكها لي حمرين وشفايفها لي كا يترعدو وخدودها لي فازكين بدموع اما عاينيها حكاية اخرا ....
نوح: سااهي في عاينيها... علاياش
الماس: شافت فيه... هئ ما هئ ما عنبقاشي هئ هئ بنت هئ الحرام هئ ياك
نوح: ما ضنهاش تقول هكدا ما ضنهاش تكون هد البراءة كاتحس براسها بنت الحرام
نوح: عقد 11 في جبهتو وبصوت حرش و مطمئن و منخفض جدا : لي تربات بنت الخير تشم غير إيدها تشبع
ولي تربات مقموعة إعطوها مال دنيا ما تقنع
كتشوف تشوف وترمش
كتسمع كلام يجرحك ودير راسك ما يهمكش
إلى جيتي تحكر على كل صغيرة وكبيرة
غا تولي حريرتك حريرة ماشي غير قالو ليك بنت الحرام نتي خديتيها بصح ومشيتي على هد المنهج قاايمي راسك وما تخاليش ناس تقيمك...
الماس : شافت في عااينيه ودغيا بعداتهم من عااينيه... شكون تينا
نوح: بإستغراب... كيفاش
الماس : حنات راسها: هئ هئ كون هئ كون ماشي تينا مانعرف شني يكون وقع لي هئ هئ
نوح: شاف فيها وبقى شحال ساااكت وناض واقف وحك على راسو وربع يديه...
نوح: مول الكيف سلطان ومول طابا وزيرو والشمَّام قرَّان إشم وما يعطي لغيرو وانا هو سلطان لي قد كلمتو جابك المكتاب فطريقي وإن شاء الله ما يخصك معيا خير
الماس : هئ الله يرحم والديك
نوح: امين( شاف فيها وخرج عاينيه فيها حتى خلعها) يدخل الراجل ونسمع حسك كيف درتي قبل نقطع لموك لسانك
الماس : خرجات عينيها فيه وقالت في نفسها... مالو هدا كا يتقلب بحال زمان يالطيف
نوح: خدم الكسيراتور وبقى غادي بسرعة كبيرة كا يتسابق مع طنوبيلات وشتاء بدات كا طيح رقيقة لي فزكات الارض و شاريع طريقو فااازك وهو ما شعرش برااسو غير غااادي بسرعة
نوح: ببببف دير عقلك انوح صاافي هانتا درتيها على سميتك صاافي ما بقيتيش تفكر فيها ولات ختك قانونيا صافي غا ترتح هبفففف
...غااادي بسرعة وهو كا يهدن فراسو كا يحس بالمطرق كا يضربو ليه فراسو قلبو مزير عليه وكل دقيقة كا يمسح على وجهو بيديه ما وقف حتى وصل للبحر ...
( قولو ليا بعدا رباط فيها البحر 🙂ياكو😶)
ما نزلش من طنوبيلتو بقى فيها وهو كايشوف البحر وشتاء لي قوات كثر من الاول حل المجر وجبد تريكو اسواد لبسو عليه ....
نوح : بقى شحال وااقف رجع راسو على الكوسان وغمض عاينيه ورجعات بيه الذاكرة ملي مشاو عند المحامي ملي فقدة تركيز ديالها تفكر كع الاحداث...
(نوح: دغيا شدها من خصرها بيديه وقربها لعندو لدارجة الجسد ديالها لتاسق بالجسد ديالو حتى حس هو ب تبوريشة طلعات معه... ضور يديه بشوية على خاصرها و واحد اليد شدها بيها من ضهرها وقربها لعندو حتى حط ليها راسها على صدرو وريحتها دخلات ليه مع جيوب نيفو ...
اما الماس كا تحس برجليها ما هزينهاش و ودنيها فيهم غير الاصوات ديال طنوبيلات لي كا يتسابقو وناس لي دايزين من حداها ما حساش براسها بلي ملسوقة فنوح وحاطة راسها على صدرو ... وبلى ما تحس طلعت يديها صغيرة لي باااردة بحال ثلج مع صدرو غير بشوية حتى حطتها على عنقو لي عاريان حتى حس بتبوريشة طالعة معه وصهدة)
تفكر داك البلان لي وقع ليه فصبح معها وبلى ما يحس طلع يديه وحطها على رقبتو و بضبط فين حطات يديها هيا غير حط يديه وهو يضربو الضو
ستغرب وعقد حجبانو بإستغراب....
هبط حيد يديه وهو يلقى فيها شوية ديال الدم شاف في الدم بإستغراب
وهو يهبط المراية ديال الوطو وحيد تريكو لجنب ولقى كتفو مقموش قمشة كبيرة شوية وهو يتفكر البلان....
(زير على عاااينيه وهو كايحس بيها كا تورك بيديها على عضلات كتافو داليل على توتورها وخوفها)
نوح: تفكر ملي شدات ليه على كتفو بقوة ملي توترات
وهو يرجع راسو على الكوسان وغمض عاينيه بسخط ...
نوح: بففف هادي غا ستخيس واش خالها دير فيا اما كون كان شيحاجة اخر علم الله شحال من قمشة غا تقمش....
خرج داك الكلام بدون ما يحس على راسو وملي حاس اش قال غزز شفايفو وقال بسخط..
نوح: ختك انووح ختك
وهو هكاك صنى تليفونو لقى المتصل عماد...
نوح: الو
عماد : فاين الخوف
نوح : خارج
عماد : هد الايمات طالع للمغريب
نوح: مزين
عماد : واش بغيتي شيحاجة نجيبها ليك فيدي
نوح: بغيتك دوز عند طوني غا يعطيك توسكا وجيبو معاك
عماد: خرج عينيه... ااا ولا اصاحبي نجيب ليك لي بغيتي الا داك المصعور
نوح: مسح على وجهو ماعندوش الخطر لضاحكو الباسل... ما كين لاش
عماد: اغير ضااحك غدا ندوز عند طوني وفالعشية نكونو عندكم
نوح: مزين
سلى الاتصال مع عماد خدم صوفاج و رجع راسو على الكوسان وغمض عاينيه ونعس...
عند الماس: غير دار ليها هكاك وتحرك هيا بقات شحال هكاك كاتحك فكتفها لي بصح كا تحس بيه كا يضرها بزاااف
الماس: هئ يدي هئ شي نهار يقلعوها لي من موطعها( من بلاصتها) هئ
مسحات دموعها برا لي بدات شتاء طيح والجو لي تغاايم ودخلات لداااخل دار لقات صمت ستعجبات وهيا تطلع الفوق وقبل ما دخل لبيتها دخلات لبيت امينة مالقاتهاش فبيتيها
الماس: العجب فاينوما هد ناس...
شدات الباب ومشات البيتها غير فتحاتو وهيا تفتح فمها معه ....
عمران : ولا وشكرينا حنى لي فهد البرد مشيت جيبت ليك الحلوة
بلال : شاف فيها وغمزها... انااا ازين لي نستااحق شكر
امينة : الله يمسااخكم انا لي صباح وانا نغاااوت جيبو هادي صايبو هادي
عمران : وبحال نتي بحال حنى الواليدة الله يهديك
بلال : ضرب يديه مع بعضياتهم... والله ما كدبتي العشير
الماس... ملي دخلات للبيت تفجاءت كانو فيه نفخات في الارض وطابلة صغيرة فيها العصير والكاطو لي كااايحمق ما كانش البيت فيه شي زوااق لي كثير غير عاادي ولكن هيا غير هاادشي وفرحها وعجبها
الماس : هئ هئ هئ
امينة: اويلي علاش كا تبكي
الماس : سمحولي هئ بزاف حيت كا نعدبكم معيا غير هاد الجلسة ديالي معاكم وغير المحانة ديالكم عليا كافية ووافية
امينة: ربي لي عااالم شحال عزيزة عليا ابنتي وشحال فرحت منين قال ليا نوح غا يسجلك على سميتنا وانا من نهار الاول حسبتك بنتي ماشي حتى لدابا
داز داك نهار طويل وزوين وكلو مفجائة عند الماس ولا عندها نسب وكاتنتامي ل عائلة وماشي أي عائلة لعائلة بنداري لي معروفين فسوق ولات واحدة منهم وفيهم قاطعات الماس الحلوة لي جابوها على قبلها
الماس لي عودات على حياتها ل امينة عودات ليها كولشي بتفاصيل ومنها انها قرات في المسجد وحفظات 60حسب وكان حلمها تعلم قواعيد تجويد القران الكريم وبلي عندها هوايت رسم وكا تعشقو والحالة المدية ما سمحاتش ليها تشري اداوات رسم ....
اليوم حققو ليها احلامها نوح عطها كنيتو وامينة عطات ليها فرصة العمر على انها تقرا قواعيد تجويد القران فمدرسة خاصة
وعمران شرااا ليها اداوات لي كا يخصو رسم بنسبة لالماس كان هد نهار ديال المفجائة مخلط مع دمووع الفرحة والحزن وكولشي ما عرفاتش شنو دير.....
داز داك نهار. وجا ليلو
الماس جالسة فصالون وحدها وراقة بيضاء كبيرة وزلافة فيها ماء ديال زيتون اسواد معصر وريشة
حدها عمران وبلال وحتى امينة لي مستعجبين في دقة رسم لي عندها وحتى من الوان ماء زيتون لي عطوها ماشي لون واااحد بل الوان جميلة
كانت محنية على الوارقة كا ترسم وكلهم ساكتين وكايشوفو كيفاش ولا شنو كا ترسم
ما نتبهوش لنوح لي دخل وشافهم مجموعين فصالون ستعجب منهم...
نوح : بإستغراب... اش كاين
كلهم طلعو ريسهم وشافو فيه و خصوصا الماس لي بنسبة ليها هد شخص عطها شيحاجة غالية وقدم ليها عائلتو وسميتو على طبق من دهب غير شافتو حنات عاينيها على الورقة كا تكمل رسم ديالها
امينة : شافت فيه وبتسمات ... اجي اولدي الماس كا ترسم وخاصك تشوفها باش كا ترسم
نوح: مسح على وجهو بتعب وشاف في الماس لي مركزة عاينيها في رسم
امينة : اجي اولدي
نوح: مشى في تجهم وجلس حدا ميمتو على الفوطوي
كا يشوف في داك زلافة ديال ماء زيتون بإستغراب
بلال : قرب عند عمران لودنيه وقال بشوية... بفف اش جابو دابا كانحس براسي مكتف
عمران : كون تشوف انا كنت باغي نمشي غا نبول ودرت بنااقص
بلال : شاف في الماس... ما نعرف اش غا تصنع لينا كانحس بتشويق والاثارة😁
عمران : معرفتش علاش كانحس بلي غاينوض نوح يخلي دار بوك وهاديك ساعة انا لي غانتفرج في تشويق والاثارة والاكشن وتفرشيخ 🙂
نوح : جالس على الفوطوي مفرشح رجليه وداير صبع الكبير ديال يديه حدا شفايفو ومركز فيها بنظراتو...
الماس كا ترسم وغاارقة في العالم ديالها اما نوح فهداك قصة اخرة عاايش في تفاصيل الماس كايشوفها بعينيه وحاضي حراكتها وشفايفها لي كا تبقى تحركهم كل مرة في إتجه داليل على الحيرة ديالها فرسم وحاضي يديها وصبيعاتها لي كل مرة كا تحركهم إما كاتحك وجهها إما كا تخشي ريشة فماء زايتون وترسم هيا عايشة فتفاصيل رسم وهو بلى ما يحس عاايش فتفاصيلها كا يشوفها بعانيه أنثى كاملة مكمولة جسد إمراءة وحركات طفلة....
الماس : طلعت عا ينيها فواحد القطة وشافت فنوح لي لقاتو مركز فيها بنظاراتو ما زحش عاينيه من عليها لدارجة حسات بنظاراتو كا يخترقوها و وتروها رجعات كا ترعد غير وحديتها وهو يقول واش حيد عاينيه من عليها ولا حشم
دازت نص ساعة وهما جالسين كا يستنوها فوقاش تكمل اكيد غير بلال وعمران وامينة لي كا يستنوها فوقاش تكمل اما نوح فمكرهش تبقى هكاك وما تتحركش تبقى غير قدام عااينيه...
الماس : بفرحة ساااليت
الماس : بفرحة ساااليت 🎀🎀🎀🎀🎀🎀🎀
بلال :واخيرا عطينا نشوفو اش صنعتي ازي (كان غايقول زين وهو يشوف نوح لي طلع فيه حاجبو كا يستنه يكمل ) اختي
نوح: طلع فيها حاجبو... غا تباني مختلفة على كولشي وغاتكون طاريقتك مختلفة
الماس : عارفت مدح رسمها بطريقتو الخاصة وناصيحتو عجباتها بزاف...
الماس بفرحة : إن شاء لله شكرا
امينة : شافت فيها بحزن عارفتها غا تكون تواحشات جداتها وخصوصا رسمتها غير هيا...
نوح: شاف فيها وفي ضحكتها لي سلبات ليه العقل
اما دراري مخارجين عا ينيهم في رسمها لي ما ضنوش بنت قراوية تكون بهد الخبرة في رسم وحتى نوح لي واخا ما بينش الى صدماتو وبهراتو رسوماتها كانو قاروين 100%...
نوح: شاف فيها هيا لي كانت كا تشرح ل امينة و بلال وعمران معنى راسمها...
نوح: كا يشوف فيها وخصوصا ف شفيفاتها لي كل مرة كا تخرج لسانها وتبلل شفيفاتها بريقها
نوح: تعوط فجلستو ومسح على لحيتو وخرج لسانو وبلل شفايفو بريقو وعض على لسانو مغدد وقال بشوية بصوت واطي .... ولات ختك انوح هااادي ختك....
جنون نوح الجزء السابع
محتوى القصة
التنقل بين الأجزاء