غادي بخطوات بطيئة و يديه فجيبو و ريماس موراه مارتاحتش ليه نهائيا كايبان لها شخص خبيث ماتعرف اش كايضور تحت راسو شكون عرف دابا يتيري فيها يخليها جثة هامدة و يرجع بحالا مادار والو شخصيتو عكس اسوار لي كلشي عندوً واضح كان معصب كاتبان فيه كانت راشقة ليه كاتبان فيه .. وقف و هي بقات زايدة و ساهية حتى جرها من يديها تزعزعات فاقت من سهوتها و شافت فين واقفة كانت قدام ديك الغرفة المنحوسة المزفتة لي بسبابها دابا حياتها فحافة كانت ناوية تنقذ ضحية صدقات مشات بغات تنقذ القتال شخصيا
ريماس : اش جينا نديرو هنا؟؟؟ .. ماجاوبهاش تعصبات حيت ماكاتحملش لي يتجاهلها ، حل الباب و دخل كانت القضية مضلمة مابان لها والو بقات كاتقلب على منين تشعل ضو ، شعلاتو عاد فهمات البلان شوية زادت دخلات لداخل تسدات الباب موراها ضارت لقاتو هو لي سدها عاودات ضورات وجهها كاتتفحص الغرفة كانت عبارة على صالة و الوسط كاينا حلبة مصارعة وسطها ساحة صغيرة ارضها حديدية ماشي بداك المعنى ديال صغيييرة يعني صغيرة غير شوية و ضايرين بيها حبال من حديد جرها من يديها لجهتها و هي كاتحاول تتفك من يديه
ريماس : طلقنييي راه عندي رجلي .. طلعو لتم و لاحها على دوك الحبال عاد فهمات اش كان واقع فهاذ الغرفة يعني ماكان هنا لا ظالم لا مظلوم كانو غير مقصرين ضحكات ضحكة خفيفة لي لاحظها أرسلان كانت ضحكة إستهزاء على الكلاخ لي ضربها عاد دابا شوية كانت غاتموت موتة سليمة ماغاتحس لا بحريق لا والو و بزعامتها غاتاكل طرحة ديال العصى عاد غاتمشي ترتاح فالقبر ... حيد تيشورت بحركة خفيفة و بقا عاري صدر عينيها مشاو غير لداك الكم الهائل ديال الوشام شافت فسه بذهول حتى فيقها بهضرتو كان داير يديه فجيبو و متكي ضهرو على دوك الحبال
أرسلان : ( بملامح خالية من اي تعبير ) بداي ... ماخافتش منو فهاد اللحظة حيت بحالا عطاها الإشارة الخضرا باش تبرد اعصابها جابو الله نيت ، مشات كاتجري و موجدة القبضة ديال يديها عينيها ظاهرة فيهم شرارة الحقد باغا تفوز بأي طريقة حيت هادي هي الفرصة الوحيدة باش تبقا عايشة تهزات باش غاضربو ولكن زرب عليها دفعها على دوك الحبال و ضربها لضهرها بالمرفق ديال يديه بضربة وحدة خلط لها حريق ضهر مع حريق الكرش لي تزوات فيها بسبب الحبال رجع موراها
أرسلان : هادشي لي عندك؟ .. ناضت من تما كاتحاول تخلي رجليها يشدو توازن
ريماس : ( بإبتسامة استهزاء ) مزال ماشفتي والو بقات كاتقرب بشوية بشوية و عارفة اش غادير ارسلان شاف يديها لي كاتوجدهم بلا ماتهضر عرف ضربة لي باغا توجه ليه .. يلاه هزات يديها بجوج باش غاضربو فودنيه بجوج زعما باش يفقد توازن ديالو ، جرها من يدها لي معطوبة فيها و دفعها على واحد القنت من القنوت 4 لي كايكونو فالحلبة صدقات هي لي داخت ماشي هو ، لحد ساعة مزال غير كايلعب معاها فنظرو اما بالنسبة ليها راه يزيد 2 ضربات غاترجع بحال شرويطة عاود طلق منها و كايتسناها تنوض مع ضارت لعندو عطاها كروشية للنيف دوخاتها حتى طاحت للأرض بدات كاتبان لها غير ضبابة كاتشوفو تهز حتى للفوق و غادي ينزل عليها تخلعات و تكركبات للجهة لاخرة عاود ناض بكل خفة رجع للقنت كايتسناها تضرب
ارسلان : غانباتو هنا؟! ... ناضت من بلاصتها كاتتعاون بالحبال حتى قدرات توقف على رجليها مشات كاتجري و موجدة ضربة لي غاتعطيه ضرباتو لصدرو براحة ديال يديها هبط عينيه لصدرو دار ابتسامة خفيفة و عاود هز يديه بجوج ضربها لودنيها بجوج حسات بيهم تصمكو بقات غادا و كاترجع باللور رجليها خانوها طاحت على وقفتها بدا كايبان لها كلشي منو 2 ( هاد ضربة راها مشهورة كاتفقد توازن للخصم ) بقات كاضور راسها للجهتين مي والو شوية بان لها واقف عليها و داير يديه فجيبو كايبانو لها 2 منو كاتحس بقواها مشااات جسدها مابقاش قادر كايحاول يخلي العقل يتقبل فكرة الاستسلام ما هي الا لحظات دازو جميع المأسي لي عاشتهم بسبب هاد الشعب الحيواني .. حاولات تنوض بمساعدة يديها عارفة راسها لاخسرات غادي تموت بلا ماتنتاقم منهم و عارفة بلي مستحيل تفوز عليه لاعتامدات على القوة الجسدية ديالها فيقها من سهوتها بسطل ديال الما كان بالنسبة ليها احسن حاجة دارها حيت داك سطل هو لي واكضها ...
أرسلان : ( بهدوء ) نوضي .. بقات كاضور راسها كاتقلب على شي حاجة تفكها حيت البنية الجسدية لا مقارنة مع البنية ديالو بانو لها دوك القفازات ديال الحديد مافكراتش جوج مرات مشات لجهتهم و بغفلة شيرات عليه بوحدة خوا و ماجاتش فيه زادت ضرباتو بتانية خوا و تم جاي لعندها هبطات كاتجري من تما و هو تابعها بخطوات بطيئة ، كاتقلب على اي حاجة ضربو بيها بانو لها ليزونطير ( الحديدات ديال سبور ) بدات كاتهز و تلوح عليه و هو غير كايخوي و باقي جاي لعندها
ريماس : ( بالغوات ) علاش كاتقرب بعد لهييه راني ماخسرتش مااااا خسرتش ، تمات هاربة من تما و هو باقي محافض على الهدوء ديالو اصلا عصبيتو مكاتبانش نهائيا عليه .. وصلات للباب ضورات البواني باش تهرب ولكن تعطلات حيت قبل ماتخرج كان شدها شعرها من حسن حظها شعرها ولا قصير و دغيا زلق ليه من يديه بخفة ضارت لعندو و ضرباتو نيشان للمعلم و مشات هاربة ماعطلهاش نهائيا ماجات فين تزيد خطوة حتى كانت القرطاسة ختارقات الكتف ديالها .. بقات مسمرة فبلاصتها ضارت بشوية لقاتو جاي عندها بخطوات بطيئة داك شوية ديال القوة لي كانت باقا لها مشات لها ، طاحت على طولتها غاتقولو قرطاسة فالكتف و دارت لها هاد الحالة ... ايوا غير داك دق لي كلات كان كافي يسخفها ولكن شدات فراسها هي ماشي ضعيفة ولكن راه شهر ماكانش كافي نهائيا باش يعلمها كلشي فيه تعلمات الأساسيات ولكن تطبيق كانت مزال ضعيفة فيه شوية .. بقات جالسة و كاطلق صوت الأنين بسبب الجرح هبط لعندها جلس جلسة القرفصاء شد لها الفك ديالها و بقا مدة كايتفحص عينيها لي كانو فيهم نظرات عامرة حقد ولكن لاحظ واحد الحاجة فيهم ، نفس الحاجة لي لاحظها اسوار عينيها كانو بحال البئر غارقين و مخبعين بزاااف ديال الحوايج .. خلعوها عينيه و ديك ظلمة لي ضايرة بيهم راه هو بنفسو عينيه بحر و هو نفسو بحال البحر كايبان لك هادي ولكن ماكاتعرفش اش من تحتو و اش فيه تقدر غير تقرب ليه و يتقلب
أرسلان : ( باقي كايتفحص عينيها ) شكون نتي
ريماس : ( بصوت خارج بزز ) إييفااااا
أرسلان : ( بإبتسامة ) تقصحتي؟؟ ... ريماس كاتشوف فيه بنظرات استغراب ما هي الا ثواني حتى حسات بحالا ضربها ضو كان هو لي زير لها على الكتف فجهة الجرح
أرسلان : و دابا؟!
ريماس : ( الهضرة كاتخرج لها بزز ) ماخسرتش ماشي من حقك تقتلني
أرسلان : فنفس الوقت ماربحتيش
ريماس : اش كاتقصد؟؟؟؟ ... نفض وجهها من يديه و ناض
أرسلان : نوضي
ريماس : ماقادرااش
أرسلان : نفهم بلي راك خسرتي؟! .. شافت فيه بغيظ كادير جهدها كامل باش تنوض ماباغاش تموت دابا دارت يديها كاتتكا عليها باش تنوض بعد صعوبة وقفات و اخيرا على رجليها مشا سبقها و راسم على ملامحو ابتسامة هي غا تابعاه منين ماداز حيت فهاد ساعة القرار بيدو يقتلها ولا يخليها حية ، غادا كاتزاوط بين الحيوط حتى وصلو للمكتب ضار لعندها بقا كايشوف فيها مدة
أرسلان : شفتك مزال تابعاني!!
ريماس : وا راه نتا لي قلتي لي ننوض .. خلاها و دخل للمكتب لقا أسوار جالس على اعصابو
اسوار : فينها ايفا؟؟؟؟
أرسلان : ( ببرود ) خرج قلب عليها
اسوار : قتلتيها؟؟؟ بغيت غير نعرف اش جاك عليها؟
أرسلان : بغيتيها خرج قلب عليها .. ( يلاه بغا يخرج يقلب عليها و هو ينطق ) هضرت معاك و غانعاودها يوقع و لو غلط صغير ماتلوم غير راسك تحمل مسؤوليتها
اسوار : راني قاد و عارف اش كاندير ... خرج من تما و هو كاره كايتعصب بزاف من برودة اعصاب أرسلان
أبراهام : ميستر أرسلان
أرسلان : ( شاف فيه بمعنى اش كاين )
أبراهام : قدرنا نتعرفو على الجاسوسة ( كايشوف فمالك بمعنى هضر نتا ) ... مالك عاود شاف فيه بمعنى هضر نتا
........
بقات واقفة شحال قدام داك المكتب شنو زعما واش سمح لها تبقا حية تحركات من تما كاتمشي غير بزز باغا توصل لغرفتها قبل ماتزيد تفقد دم كتر وا بزااااف على هاد الحوادث فنهار واحد بقات غادا و كاتعاير فيه
ريماس : الله ياخد فيه الحق الكلب اليهودي الله ياخد فيهم الحق واحد واحد غاندفعك تمن و غايكون غالي كون متأكد ... وصلات للبيت دخلات نيشان كاتقلب على علبة الإسعافات و باقا شادة فالجرح يديها ولاو عامرين دم ..
كان كلشي ناعس مي صداع لي دارت بتقلابها خلا كلشي يفيق عيات ماتقلب عليها والو مالقاتش ليها الأثر كاتحس براسها شوية و طيح هادا جهدها
الجندي : صبحنا على كمارتك طفي داك ضو خلينا ننعسو سويعات لي باقيين
ريماس : ( مخنزرة ) غاتسد فمك ولا نشريها لك بحال صاحبك
الجندي 2 : وا ختي وا العالم طفي ضو راه باقي تابعنا نهار كامل واش تا هاد سويعات تحرميهم علينا وا بزاااااا* .. ماجا فين يكملها تا سمعو دقان فالباب بمعنى وصل الوقت لي خاص يفيقو فيه خنزر فيها و هي لي فيها مايكفيها
ريماس : اجي كولني حسن غا تجمع عينيك ولا نجي نتقبهم لمك
الجندي 3 : مالك فيديك؟؟؟؟؟ راها كاتنزف بزاااف
ريماس : هي لا قلبتي لي على علبة الإسعافات بلاصة ماتتشفا و تزيدني بالهضرة الخاوية ديالك
الجندي : مالو خدام عندك نوضي قلبي عليها نتي نيت
ريماس : نتا بالضبط سد فمك ... تحلات الباب و دخل اسوار لقاهم كايتغاوتو جمع تخنيزرتو و مشا ديريكت لعند داك لي من صباح و هو يحرنط نزل عليه بضربة للقرفادة خلاتو كايميل فبلاصتو و شدو من الكول ديالو
الجندي : ( حاني راسو ) فين غانهبط ا مون شاف .. ولا كي الكلب قدامو ، ضربو بنفس ضربة لي كانت ديك المرة ضرباتو بيها ريماس للركبة فقداتو توازن و طاح على ركابيه
اسوار : ( مخنزر فيه ) عتاذر
الجندي : ولكن ا مون شا.. ( عاود نزل عليه بضربة للضهر )
اسوار : ( بالغوات ) هضضضصصرت معاك ... مابقا عندو فين يزيد كايشوف صحابو كايشوفو فيه و هو ماراضيش يعتاذر ولكن بزز عليه يديرها
الجندي : سمحي لي ا ايفا
ريماس : ( بإبتسامة إنتصار ) هانيا الغلط كايوقع
اسوار : تحرك من قدامي هاد المرة دازت المرة جاية غانغبرك ... خرج من تما و زاد حقد عليها بالمعقول مارضاش يطلب منها سماحة جاو صحابو باغيين يخرجو يتبعوه حبساتهم هضرتو
اسوار : يسخن عليكم راسكم و نلقاكم باغيين تحكرو عليها كونو مأكدين ماغاديش ندوزها لكم ( بالغوات ) فهمتووو؟
الكل : مفهوم مون شاف ... خرجو من تما من مور ماتشفات فيهم ريماس عجبها الحال حيت بهدلهم ... ضار لعندها و خنزر فيها
اسوار : اش خرجك فداك الوقت؟؟ واقيلا راه قلنا ممنوع تكونو على برا من مور 12
ريماس : خرجت لطواليط واش حتى طواليط مانخرجش ليه؟؟؟؟
اسوار : و نتي اش دخلك فالغوات بقاي مكمشة فبلاصتك ديك ساعة ( شد وجهها بيد ) شوفي كمارتك كي ولات شفتي طيرانك فين غادي بيك ... هزات صبعها فوجهو
ريماس : ماتعاوش تقيسني واش كانبان لكم غير انا فالبلان؟؟؟؟؟؟؟؟ ... بغا يجاوبها مي لقا دم فيدها عاد لاحظ ضربة لي فكتفها
اسوار : مالك فكتفك؟؟؟؟؟ علاش ماقلتييهاش
ريماس : و علاش غانقولها لك اصلا ماسوقكش ... جرها من يديها كايتحقق من الجرح و عاقد حجبانو
اسوار : ( خنزر فيها ) فمك سديه مانعاودش نسمع حسك دايراها قد راسك و باقا كاتغوتي و تتهزي عليا تسناي هنا هاني جاي ( تم خارج و عاود رجع ضار لعندها ) مانلقاكش تحركتي من هنا
ريماس : ولا تحركت اش عندك مادير؟ غادي تزيد تهرس لي اليد ثانية مثلا؟؟؟ .. خرج و خلاها كاتبلبل بوحدها ..
غير خرج و هي تلاح فوق الباياص مابقاتش قادرا تزيد توقف ولا تجلس نهائيا نظر بدا كايتضبب لها و صهدة كاتطلع معاها واخا تجبدات الألم غير مازايد كاتشوف شي حاجة تبرد بيها هاد خونا تعطل بانت لها قرعة ديال الما هزاتها خواتها عليها لعل و عسى يمشي داك صهد شوية تحلات الباب كان كايسحابلها أسوار ساعة صدق هاداك لي كلا تقرفيد و معاه واحد راجل كبير شوية و داير نظاظر باينا بيه دكتور
الجندي : ( مخنزر فيها ) ها هي لي مضروبة
دكتور : كي كاتحسي براسك؟؟؟؟
ريماس : كانحس براسي طايرة فسما من نيتك كاتسولني كي كانحس ( ضارت لعند داك خونا و خنزرات فيه ) ما بان لكم تجيبو ليا غير هادا نعطيه كتفي يخور فيه كيما بغا؟؟؟؟ واش شكيت عليكم قلت لكم خاصني طبيب؟؟؟؟ خرج عليا نتا وياه
الجندي : القائد اسوار هو قالها و انا ماشي خدام عندك باش تمشيني كيف بغيتي عنداك تكوني تيقتي راسك
ريماس : ( ربعات يديها ) سير عيط ليه نيت خليه يجي باش يشوف هاد الغوات ديالك ( خنزرات فيه ) خرج دردب عليا نتا و هاد شارف لي جبتي مابغيت لا طبيب لا والو جيب لي شغلي و نداوي راسي براسي حيت واخا نعرف نمووووت و مانخليش يداويني هاد اليهو.. ( سرطاتها ) و مانخلي حد يداويني ... عارف لا تزايد معاها فالهضرة غاتشريها ليه
الجندي : ( قالب عينيه ) اش بغيتي نجيب لك
ريماس : ديرها من صباح سير جيب لي مقص و معقم و مصباح الكيروسين مع فاصمة و مقص ولا كان عندكم البنج و خيط و ليبرا و عطيوني تيساع قادا بشغالي ... خرج من تما هو طبيب بقلة حيلة دازو دقائق معدودة و رجع فيديه علبة الإسعافات حطها
ريماس : على سلامتك يموت لي يموت و يحيى لي يحيى و نتا مزال ماجيتي ( بغا يخرج و وقفاتو بهضرتها ) علاش ماجاش اسوار؟؟
الجندي : اسوار!!؟ كان مقصر معاك باش تقوليها حرفية
ريماس : و نتا مالك؟! انا سولتك فينو ماشي قلت لك علمني اش نقول
الجندي : ياكما باغاه يخلي شغالو و يبقا مقابلك غا نتي؟؟؟ ... خرج من تما لايصدق مزايد معاها فالهضرة و تتسبب ليه فشي سلخة ... حلات البواطة و جبدات داكشي حطاتو حداها و بدات كاتبنج البلاصة لي تضربات فيها حسات بشي عينين كايراقبوها ماهزاتش راسها حاولات باش ماتتوترش قربات المقص للجرحة بغات تحيد رصاصة مي دوك العينين زاعجينها
كان واقف و مفيكسي عينيه فيها نظراتو ماكاتبشرش بالخير مراقب تصرفاتها و خصوصا من طريقة تضميد ديالها بحالا خدات تدريب سابق فتمريض داكشي لاش ضربها برصاصة عن قصد طريقة هضرتها و طريقة تصرفها و جرأتها و دابا كيفاش كاداوي راسها براسها كلشي كايجيب شك ... هزات راسها لقاتو واقف عليها و كايشوف فيها بنفس النظرات لي كايخلعوها كايشوف فيها بنظرات كاتجيب تبوريشة قرب عندها بخطوات بطيئة شد لها اليد لي فيها المقص بتاسم و قربها للجرح غرس نص ديال المقص فالجرحة مابقا شاد فيها لا بنج لا مخدر غوتات بحر جهدها و هو باقي كايغرس المقص فيديها و كايبتاسم ماقدرات دير والو الألم كان كتر من داكشي لي تقدر تصبر عليه نزل لعندها شوية و همس لها فودنيها
أرسلان : عنداك يسحابلك دوزتيها على هاد البهيمات لي هنا غادوزيها عليا انا عيني عليك حتى نشوفو فين غايوصل هاد تخربيق ديالك ، أرسلان معروف بسرعة الملاحظة ديالو و كايقراها فسما هي بهاد الجرئة ديالها خلات كاع الانتباه يولي ليها .. خرج من تما و خلاها مصدوومة من تصرفو و من شنو قال شنو زعما يكون شك فيها؟؟؟؟ صافي هادي هي اللخرة ليها توترات و تفكيرها تشوش الألم غلب عليها و كانت مضطرة تخرج رصاصة قبل مايتعفن الجرح خرجات المقص من الجرح بصعوبة عاد عاودات خرجات رصاصة و عقمات الجرح و خيطاتو من موراها ضمداتو و هضرتو كاضور لها فراسها خاصها تزيد ترد البال تحاول ماتتغيرش باش مايشكش و تحاول تتحكم فأعصابها كتر بقات كاتفكر حتى قفزها صوت اخر ..
من مور ما قاليه أبراهام شنو عرف زادت تأكدات شكوكو
#Flach_back
أبراهام : ميستر أرسلان الجاسوسة لي سيفطوها لينا دوك رباعة المكلخين باقي لحد الأن الشك واش ماتت حيت البارح وصلاتني خبار خرا من مور مادرنا لازم باش تبقا تجينا خبارهم
أرسلان : كانسمع؟!
أبراهام : ديك العاهرة لي ماتت ماشي هي الجاسوسة
أرسلان : كاتلعب معايا دابا؟!
ابراهام : ( بتوتر ) لا حاشا ا سيدي ولكن راه تلاعبو بينا و دارو لينا تمويه
مالك : الجاسوسة الحقيقية وصلونا جوج خبارات عليها اول خبار وصلنا بلي قتلوها فاش عرفونا كانقلبو و الخبر ثاني بلي فعلا سيفطوها
كان جالس فبلاصتو المعتادة فسطح المقر داير رجل على رجل و فجنبو مالك .. مراقب تداريب و تصرفات الجميع من هاد البلاصة شافها اول مرة فاش جات .. بانت ليه ريماس و اسوار عاد جايين كان سابقها و هي موراه دايرا كاسكيطتها ... قادر يقتلها بدون مايرمش ليه جفن غاتقولو علاش مزال صابر عليها؟ حيت بكل بساطة ماشي المغرب هو دولة الوحيدة لي عندو عداوة معاه كاين دول اخرى و هو واخا ملهي مع المغرب الا و ان تركيزو على الأعداء لاخرين باقي هو هو ولا قتلها ماغاديش يعرف من اينا جهة هي .. هو ماشي غير عندو شك و انما متأكد هي جاسوسة ولكن شكون سيفطها؟ خاصو يعرف و ماشي صعيب عليه
اسوار : ( مخنزر ) طلقينا خلاص ماعنديش غير نتي .. وصلو لحدا المجموعة لي غادي يدربها مشات تخشات بيناتهم بأمر منو شنو زعما غير كتفها مضروب غادي يزكلوها؟ تدريب هو تدريب و هادا ماشي كأي تدريب و خصوصا عند اسوار معرووف قاسي فتدريباتو و ماكايرحمش
اسوار : تهزو عندكم 15 دورة على ساحة .. فاش نقولكم دورات راه ماشي دورات صغار هادو دايرين اضعاف دورات لي فالمقر فالمغرب ، عاودات هزات عينيها ضوراتها على ساحة لا مافيهاش هادا ناوي يقتلها مشات كاتجري مع دراري لاخرين و اسوار سابقهم كايجري و هو ضاير لعندهم باش يشوف شكون لي كايتفلا ضربو 5 ديال دورات بداو كايلهتو و العرق كايستقطر منهم و هو مراقبهم واحد واحد زادو 5 ديال دورات بداو كايلواو واحد من مور واحد ماكايفيقهم غير تقرفيد ديال اسوار ، ريماس واخا هكاك باقا شادة راسها حالفة ماتستسلم و هادشي كايرجع لطبعها معروفة من صغر ماكاتستسلمش مرة كايقولهم فيتاس مرة كايقولهم يجريو بشوية باش مايعياوش دغيا بقاو 2 دورات كايبان لك بنادم كايجري بحال زومبي كل واحد كايتلاوح على لاخر ريماس تقطع لها نفس كاتحس بقلبها غايسكت ماقدراتش تزيد كتر بدات كاتقلل السرعة ماحسات حتى نزل عليها بضربة للقرفادة زعزعها من بلاصتها
اسوار : ( بالغوات ) يلاه يلاه طلقينا
ريماس : ( كاتلهت ) صافي عييت مابقيتش قادرة
اسوار : ( مخنزر ) فاش غايكون العدو تابعك و نتي هاربة بلا سلاح ديك ساعة قولي ليه لا تسنا نرتاح عاد نكملو ( بصراخ ) طلقييييينا ... تفزعات و كملات الجري و هو موراها غير كاتبغي تتقل رجليها كايدفعها .. سالاو 15 دورة كلشي تجبد لك فساحة كي سردين حتى قفزهم صوتو
اسوار : ( بالغوات ) تهزووو عليا من هنا ماجايبينكمش تنعسو ... كلشي ناض قاد الوقفة كاتبان ريماس وسطهم بحال داك الجندي لي كايكون قليول و ضعيف و خصوصا ان المجموعة لي جات فيها مافيهاش البنات
اسوار : تبعوني ... ( مشاو موراه حتى وقف قدام واحد الحيط عااااالي و عرييض خارجين منو حجيرات بدا كايشرح لهم ) كل مرة غادي يتسلقو 20 عندكم 3 دقايق و يا ويييل لخراني لي غايبقا متوخر فيكم العقاب كايتسناه مفهوووووم؟؟؟
الكل : وييي مون شااااف ... مشات ال20 اللولة بقاو 2 ماوصلوش للفوق فالوقت عزلهم بوحدهم تا يدوز لهم .. بقاو غاديين على هاد الحال كل مرة كايدوزو 20 و كايبقاو شي وحدين منهم موخرين ...
كانت واقفة و كاتتفرج فيهم كاتحمد الله و تشكرو حيت كاتعرف تتسلق حيت كون عولات على جاد كون ضربها الخلا .. ضورات عينيها لواحد الجهة لقات شي دراري كايشوفو فيها و كايضحكو و عبارات الإستهزاء غير كاتتشاير
***** 2 : خسارة هاد لاطاي ضيع هنا اممم عندها واحد زين فشكل
***** : بديتي تتغزل فيها ههههه غانشوفو واش جمالها غايفيدها هنا ... سمعاتهم و ضحكات بإستهزاء على غبائهم ... كان تدريب عبارة على حيوط عالية خاصهم يتسلقوها فظرف 3 دقايق و لي ماوصلش لها فهاد المدة غادي يتعاقب ... وصلات نوبتها هي و لاخرين و من زهرها جسدها الرشيق عاونها توصل هي اول وحدة فظرف دقيقة و نص ولكن شكووون خلاك حتى قربات توصل شي حد شد لها رجليها و طلع بغا يوصل قبل منها عاودات شداتو من سروال و طلعات بخفة باش تكون هي اول شخص وصل لتما
ريماس : ( غاتفركع بالفقصة ) غشاااس تفووو
اسوار : مالكم تاني؟؟؟؟؟؟
ريماس : هو لي..
اسوار : نزلي نتي وياه
ريماس : ( بغات تتقابح ) مادرت واا.
اسوار : ( بالغوات ) نزلييييييي ... خنزرات فداك الحمار لي بغا يسبقها مع الهبطة لي هبطات ستقبلاتها تصرفيقة كترحيب حار
اسوار : ( بعصبية ) فاش نبقا نقولك اجي اجيييي و من اليوم يا غاتتقادي يا غانقادك سمعتيييي؟؟؟؟
ريماس : ( مارضاتش ) واخا ا مون شاف
اسوار : تحركي من قدامي ( وجه نظرو للاخر ) اجي ... تم غادي عندو مع حط رجليه حداه و هو يجمع معاه بكروشية رعفو زادو كروشية خرا
اسوار : تهز من قدامي و سير حدا صحابك ( لي خسرو ) نوري لزام* بوك الغش و هاد الفعايل لي دايرهم قدامي .. صونا الجرس عطاهم الإذن و مشاو كايجريو باش يتغداو .. كل واحد خدا بلاصتو و هي كالعادة مشات لبلاصتها المعزولة كلات ليمونة و شربات كاس ديال الما مع ديك الباسطية لي كان عطاها سي مصطفى ماقدرات تزيد تاكل والو ديك تمرميقة سدات لها شهية سالات قبل منهم مشات للطواليط تقضي حاجتها غسلات يديها و وجهها باش تبرد العافية لي شاعلة فيها تمات خارجة حانية راسها مع الخرجة دخلات فشي واحد دفعها لداخل و سد لها الباب
***** : ( بإبتسامة شر ) ها نتي طحتي بين يدي تسحابلك غاندوزها لك بساهل؟؟؟
ريماس : شكادير نتا هنا؟؟؟؟؟ حيد من طريقي
***** : تو تو تو ماشي بهاد سهولة و دق لي كليت شكون غايبردو الغزالة؟
ريماس : ( كاتهدن اعصابها ) كون ماغشيتيش ماكنتيش غاتعاقب ضبر مخك و دابا حيد من طريقي ( غادي و كايقرب لجهتها ) خرج فيحالاتك راك غاتندم
***** : ( كايتفحص صدرها لي كان واضح الحجم ديالو من ديباردو ) نخرج و يدي خاويين ماجاتش ... راسها بدا كايسخن عليها باراكا غير تصرفيقة لي كلات بسبابو و دابا نظراتو ليها و لي فيض كاس الغضب هو فاش وجه يدو نيشان لصدرها ... قبل ماتوصل يدو لصدرها شداتها لواتها و جمعاتو بنص من القدام جا طايح على كمارتو ناض لها شدها من شعرها ضرباتو للمعلم تحنا شد فيه ستاغلات الفرصة و بردات فيه غدايدها شداتو من راسو بجوج يدين و بقات كاضربو ليه مع ركبتها كاتما صوتها و صرخاتها خصرات ليه لافيشور ديال كمارتو سنانو مشاو وجهو ولا مجلخ دمايات عاد لاحتو للأرض ذاتها كاتترعد عليها و رجليها كايترعدو بالأعصاب وجهات صبعها
ريماس : ( كاتترعد ) اخرررر مرة نشوفك كاضور بسااااحتي سمعتييييي الكلللب ... ضرباتو بركلة و خرجات من تما بزربة لايشوفها شي حد ماناقصها صداع قادات الكاسكيط فراسها و مشات للساحة لقاتهم كايتجمعو ...
مشات وقفات بلاصتها كاطلب الله غير مايعيقوش بيها حيت لا عاقو تاني غاتتعاقب و تقدر تمشي فيها هاد المرة جا اسوار وقف قدامهم كايقلب بعينيه يشوف واش كلشي حاضر من زهر لي عندها داك الكلب كان معاقب يعني اصلا ماكانش غايتدرب اليوم حيت عندو عقاب كتر من تدريب
اسوار : ( بالغوات ) تبعووووني ... مشا كايجري و حتى هما مشاو كايجريو موراه
اسوار : ( كايغوت بصوت حرش ) كلشي يهبط للرض عندكم طراكسيو 50 مرة ، جاتهم ساهلة قالو الله غانتهناو مي نساو حتى رياضات كنا بديناها غير بعملية الزائد و شوية شوية بدات كاتصعاب نفس شي وقع لهم دارو 50 طراكسيو دازتهم بحال شريب الما كل واحد كايتفاخر على تاني عاود قالهم ينوضو يجريو ضربو دورة و عاود قالهم ينزلو بزربة 60 طراكسيو زادو دورة عاوتاني هبطو 70 طراكسو بقا غادي معاهم حتى وصلوها ل300 الحد الأخير تشروطو اغلبيتهم ماقدروش يكملو و كايتعطلو باش يطلعو زعما باش يرتاحو مي هاد الفعايل مادوزش عليه ، لي كايلقاه كايتعطل فطلوع كايحط عليه رجلو باش يزيد يتقلو ريماس كتفها بدات كاتنزف ولكن فييين هي و فين عقلها كاتشوف من نهار جات مزال مادارت حتى حاجة مفيدة من غير كسبات اعداء و هادشي ماشي فصالحها لابغات تترقا كملات 300 طراكسو و باقا مكملة غير هي لي باقا فالأرض كلشي ناض و كايشوف فيها دم خرج من القميجة و بانت طبعة حمرا بداو القطرات كاينزلو من يديها و كلشي مستغرب هادشي كامل مالاحظاتوش بسبب تفكيرها و سهوتها وقف عليها اسوار و كايتسناها تا تحبس على خاطر خاطرها هو يسحابلو بغات تبان عليهم زعما راها واعرة مي فالأصل هي كانت غايبة على الواقع الجرح غير مازايد و كايتتحل ولات كلها عرقانة وصلات ل400 و هو باقي مستغرب منها و ماشي غير هو و انما حتى القياد لاخرين لي جاو كايتفرجو بقاو مستغربين
أديب : نوض هاد خيتي غاتصدق ميتة لينا هنا
اسوار : خلي نشوف فين باغا توصل
اصهب : شحال و هي على هاد الحال؟؟؟؟
اسوار : من وقت الغدا ... بدات كاتضبب لها الرؤية حتى زعزعها اديم عاد فاقت من تفكيرها حبسات شافت كلشي كايشوف فيها و مجمع عليها ضلام طاح ستغربات أوو مال هادو
اسوار : ( كايغوت ) يلاه تحركو من قدامي اش باقيين كاديرو هنا كلشي مشا و الهضرة ضايرا غير عليها بقات غير هي و القياد ناضت بغات تمشي حتى هي وقفات
اسوار : اش كنتي باغا تبيني؟ زعما شوفوني انا واعرة؟؟ هادشي راه ماخدامش هنا و منين باغا غير تباني واعرة من غدا وجدي راسك تدريبك غايكون مضاعف ... القياد لاخرين باقيين مستغريين كاتحس براسها شوية و طيح خسرات عليها كلمة وحدة و كملات طريقها
اصهب : الا تروضات و تقادات معانا شكون عرف يقدر سي ارسلان يديرها ف***
اسوار : ماكانظنش حيت فالوقت الحالي كاين شكوك عليها مهم بدلو الموضوع .. بقاو كايهضرو حتى جا لعندهم واحد الجندي كايجري و كايلهت
الجندي : ( كايلهت ) سي اسوار
اسوار : اش كاين؟؟
....
بقات غادا و كاتتمايل كاتبان لها من كل حاجة جوج رجليها كاتجرهم بزز هاد نهار عطات كتر من جهدها و بزااااف كاع ها القرطاس ها الجري ها تسلق ها طراكسيو ها المقص لي خشاه لها ارسلان فالجرح و اسوار لي ماكايعطيهمش راحة نهائيا شرشمهم هاد نهار بالمعقول ... ماكانتش قادرا تمشي تتعشا داكشي لاش توجهات نيشان للبيت زادت خطوات حتى وصلات للباب ديال بيت خانتها صحتها و طاحت على طولتها ...
اسوار : مالك؟ اش كاين
الجندي : ( كايلهت و كايهضر ) واحد الجندي معانا ف ف ف
اسوار : ( مخنزر ) هضر مقاد
الجندي : واحد الجندي فطواليط مضروب شي حد تعدا عليه ا مون شاف و. .. دفعو من طريقو و مشا بزربة تبعوه القادة لاخرين وصلو لطواليط لقاو كلشي مجمع تما دخل لداخل لقا داك الجندي كي شرويطة ملامح وجهو مغطية بدم مشا قرب لعندو حط يديه على العرق لقاه باقي حي ولكن سنانو و مناخرو مشاو
اوري : ( حال عينيه على وسعهم ) شكون غايكون دار فيه هاد الحالة؟؟؟
اصهب : ( مخنزر ) ضسارة هادي يا غادي تقولو شكون يا.. ، حبسو اسوار و نطق
اسوار : كلشي يمشي للساحة
***** : دابا ا مون شاف؟
اسوار : ( بعصبية ) لا غدا تقو*و من قدااااامي و يا ويييل لي مانلقاهش تما .. مشاو كايطيرو للساحة بقاو غير القياد
إيلاف : فنظرك شكون غايكون دار فيه هاد الحالة؟؟؟
أوري : هادا لي دارها هادي هي اللخرة ليه عندنا سيبة هنا؟؟؟؟
اسحاق : غايكون عندو شي حساب مع شي حد من هنا
اسوار : هزوه من هنا و عيطو ليه لطبيب ، مشا هو و اديب من تما لساحة لي كانو مضويينها غير ضواو و خلاو لاخرين فطواليطات
اديم : فنظرك شكون غايكون دار فيه هاد الحالة؟؟؟
إيلاف : يكون شكون مابغا يكون المقبرة كاتتسناه هاد ليلة
إسحاق : أخرتو غاتكون على يدي سيييبة هادي عمرها وقعات حتى لليوم
أوري : نتسناوه يفيق و هو نيت غايقول لينا شكون ديك الساعة غاتكون هضرة خرا هزوه من هنا بعدا على مانعيط للطبيب يشوف لينا حالتو ... عينيه كايضورو عليهم واحد واحد مزال لحد الأن ماقادر يعرف شكون ولكن ماغادي دوز هاد ليلة حتى يعرف شاف فبلاصت ايفا مالقاهاش
اسوار : ايفا فينها؟
اديم : وي مابانتش لي هاد خيتي فين غاتكون تاني راه قلنا كلشي يكون هنااا
اسوار : ( بالغوات ) نتاااا سير شوف لي ديك خيتي فين مخشية و ماتجي الا و هي معاك ...
***** : حاضر مون شاف مشا واحد الجندي معاها فالبيت قلب عليها فالمطعم مالقاهاش و داز لجهة البيت مع كايقرب ليه كاتبان ليه شي جثة طايحة فالأرض زاد شوية عاد توضحات ليه الرؤية كانت إيفا فاقدة الوعي و غارقة فبركة ديال دم الجرح تحلات ليه الخياطة مشا كايجري لعند اسوار
اسوار : ( معصب و كايغوت كان غير على سبة ) هضررررت معاك قلت لك اجي و جيبها فيديييييك
الجندي : ( كايبلع ريقو ) مون شاف ايفا فاقدة الوعي ولا يمكن ماتت ماعرفتش ولكن كاتنزف بزاف ... دفعو و بقا غادي كايزرب فخطواتو و كايسوط اش هاد نهار ديال زمر 2 جنود مضروبين فنهار واحد غير واحد مزال مامعروف شكون تكرفص عليه و ايفا معروف علاش فاقدة الوعي ... وصل لتما لقاها طايحة فالارض و فعلا غارقة فبركة ديال دم كتفها نزف بزااااف نزل عندها بزربة حط يديه فعنقها على العرق لقا نبض عندها ضعيف قاس جبهتها لقا سخانة طالعة لها تخلع عليها و ماعارفش علاش تخلع هزها بين يديه و بقا غادي كايجري بيها للغرفة ديالو داز من جهة الجنود و كلشي متبع ليه العين و مستغرب عينيهم كايفلتو لجهتو بزز و ماقادرينش يتبعوه حيت اديب واقف عليهم و فهاد الحالة لي فيها كلشي اي تصرف غالط من شي حد فيهم غادي تكون عاقبتو الموت ... القضية ترونات فالمقر المشكلة هي الكاميرات مادايرينهمش حيت ممنوع يكونو فمقرات تدريب مازال ماعارفين شكون لي تعدا على داك الجندي و كاين احتمالات بزااااف و شكوك بزاف كاين لي كايقول عندو حساب مع شي حد هو لي ضربو و كاين لي كايقول مجموعة لي تعداو عليه و بزاااف ديال الحوايج ولكن فالوقت الحالي ريماس مستبعدة كل الإستبعاد و من حسن حظها كانت فاقدة الوعي هادشي زيادة على انها غير بنت و ضعيفة فنظرهم دعوة تخربقات و ترونات روينة 12:00 ديال ليل و مزال تا حد مانعس كايحققو مع كاع الجنود لي تما ... طبيب كايداوي جروح داك الغشاش ... القياد كايقلبو فطواليط على حاجة بسيطة لي توصلهم لهادا لي تعدا حدودو ... ريماس فاقدة الوعي فالغرفة ديال اسوار و طبيب كايفحصها و اسوار غير غادي جاي فالغرفة ماعرف باش تبلا
اسوار : ( مخنزر ) اش عندها؟؟؟؟
دكتور : حالتها ماكاطمنش الجرح لي فكتفها تعفن و زيد عليها دارت جهد كتر من طاقتها لي خلا الجرح يتحل و تفقد دم بلا مانهضرو على الحرارة لي طالعة لها
اسوار : و شنو المعمول؟
دكتور : خاص ننقلوها للكلينيك باش نقدرو نعوضو لها دم لي ضاع و نعقمو لها الجرح و نغرزوه .. دار يديه فراسو مشكييلة و طاحت على راسو كايحس بالخوف عليها
اسوار : سبقني لوطو هاني جاي .. خرج طبيب و بقا اسوار مع ريماس فالغرفة بقا كايحقق فملامحها كاتبان ضعييفة وجهها صفر مافيه حتى قطرة ديال دم ...
هزها و خرج تبع طبيب .. حطها لور و ركب القدام و كسيرا نيشان للسبيطار و كل شوية كايضور يطل عليها
♚ في مكان اخر ♚
كان واقف و قدامو الأب ديالو ميستر إيتان رجل فالخمسينات باقي شاد فصحتو تشوفو ماتعطيهش نهائيا 50 عام شعرو بدا كايطغا عليه شيب هو كايهضر و ارسلان كايتسنط و ملامحو كالعادة خالية من أي تعبير فيديه كاس ديال المشروب و مع كل كلمة كاينطقها سي إيتان كايزيد يزير على الكاس
سي إيتان : ا ولدي ارسلان هادو هما العادات و تقاليد ديال عائلتنا واش باغي تخرج لي من جنب
سي ايتان : ( كايبرد طرح ) هانتا غير فهمني ماغاديش تتزوجهم دقة وحدو غاتبدا بوحدة تكون من عائلتنا و ديك ساعة نتا حر ... خشا صبعانو فشعرو الكحل عض على شنايفو و ضور راسو و بحركة غير متوقعة قلب طبلة بما فيها بقا لاخر غير مصدوم فولدو ... عاودو صبعانو تغلغلو فشعر قاد الكوستيم ديالو عادي كأن شيئ لم يكن وجه كلامو لأبراهام
أرسلان : هضر مع سي إيتان يدير عقلو باش مانديرش شي تصرف يندم عليه .. أبراهام حشم و ماعرف مايدير ايتان كايبقا الأب ديال ارسلان و كايحتارمو ولكن ارسلان كايبقا هو الكل فالكل و مايقدرش يخالف اوامر ارسلان .. خدا نفس عميق و طلب من سي ايتان يخرج معاه باش يهضرو
ابراهام : سي ايتان نتا عارف ميستر ارسلان و عارف طبعو ماكانش عليك تجبد ليه ديك سيرة نهائيا
ايتان : ابراهام ماتتدخلش بيني و بينو و خليك بعيد هاداك ولدي
ابراهام : كانهضر لمصلاحتكم و نتا عارف ميستر ارسلان ماكايتسنط لحد و ماكايحتارم حد من غير جدو
ايتان : ( بعصبية ) كاع رجال فعائلتنا كايتزوجو 3 ديال نسا شنو زعما هو مرفوع عليه القلم؟ هادشي راه لمصلحة العائلة باش تزيد تكبر و تطلق جذورها لا لا لا هادا باغي يحمقني ا
ابراهام : لي عليا درتو خليت لك راحة ا سي ايتان .. رجع للمكتب ديال ارسلان و عيط للخدامة باش تجمع ديك روينة بينما ارسلان خرج من تما ركب فلوطو ديالو من نوع لمبرغيني فينينو رودستر شد طريق للقصر ديال العائلة هما واخا لاباس عليهم و نفوذهم و اموالهم لا تعد ولا تحصى ولكن ساكنين فقصر واحد و هادو من اوامر جدهم لي كلمتو ماكاطيحش نهائيا و حتى من ارسلان ماكايطيحهاش و كذلك جدو ماكايقلقش ارسلان حيت هو اقرب واحد ليه فالعائلة كايتعتابر ارسلان فالمرتبة التانية فالقصر من مور جدو عاد كاتجي مرتبة اسوار عاد و هادشي بسبب انجازاتهم و الهيبة لي عندهم ... من مور نص ساعة وصل للميناء لقا اليخت ديالو واجد عطا لوطو لأبراهام و طلع فاليخت شد طريق فالبحر دازت ربع ساعة بدات كاتبان ليه واحد الجزيرة وصل لها و نزل من اليخت لقا لوطو خرا كاتسناه خرج شيفور حل ليه الباب و عاود طلع عاد ديمارا ..هز طيلي ديالو بقا كايخربق فيه و دازو دقائق معدودة وقفات لوطو حدا واحد الباب حديدية عرييضة فاللون الذهبي و مكتوب فيها بالكحل ( عائلة روتشيلد ) بيان سيغ بالعبرية مكتوبة .. تحلات البوابة ديال بقاو غاديين فواحد طريق كلها شجر كاتحس بحالا راك مزال فالجزيرة ماشي داخل القصر مي داكشي ماكانش مهمش بالعكس مقاد بعد مسافة وصلو و اخيرا قدام واحد المبنى كلمة قصر قليييلة فحقو كان عبارة على 3 قصورة 2 قصورة فجناب حادرين شوية فيهم 3 طبقات و القصر تالت كان هو لي الوسط و فيه 3 طبقات و طبقة رابعة فيها غير جناح جا شكل ديالهم روعة مشروكين واحد كايدخلك فواحد .. وقف قدام باب القصر الوسطاني بلا مايدق ولا يصوني حلات الخدامة الباب و دخل .. سكااااات و حس دبانة ماكاتزنزن كايتسمعو غير صوت خطوات صباطو العائلة كل واحد فين مخشي كايتجمعو غير فوقت الماكلة و المناسبات ولا كان شي اجتماع عائلي ، توجه للجناح ديالو لي كان فالطبقة الرابعة ..
دخل للجناح ديالو لي كان جناح ملاكي بإمتياز فاللون الأسود مفرش بأثاث نيو كلاسيك فاللون الرمادي دخل للدوش دوش و خرج بفوطة ملوية على النص تحتاني ديالو دخل للدريسنج جبد منها سروال سورفيط فالكحل من ماركة اندر ارمور و تيشورت بيض لاكوسط جاه لاصق على ضهرو حط ساعتو اليدوية و رش البارفان ديالو .. هبط للتحت كايقلب على جدو .. هاداك اول شخص كايشوفو فاش كايجي للقصر دق عاد دخل لعندو .. سي اصلان روتشيلد رجل فسن 98 عام ماغانقولش لكم ماباينش فيه العمر ديالو بالعكس باين فيه بتجاعيد وجهو شيب طاغي على دوك زغيبات لي فراسو ولكن مهلي فراسو من وجهو كايبان لك من اخبث خلق الله وجهو كايوحي غير بالشر المطلق كلمتو ماكاطيحش للأرض كلشي كايحتارمو عندو هيبة فجميع المجالس لي كايكون فيها ذكي بزااااف و كايعرف فاش يوظف ذكائو ... اقرب شخص ليه هو ارسلان و هادشي كايرجع لشخصية ارسلان لي هي نسخة طبق الاصل على اصلان و علاش لي ماغاتكونش؟ و هو لي مربي ارسلان على يديه منين كان مزال فشهورو اللولة و هو لي سماه .. و حتى ارسلان اقرب شخص ليه هو جدو و هو الشخص الوحيد لي ماكايطيحش ليه كلمتو و اي حاجة قلقاتو و لو غير شوية كايمحيها من الوجود شحال من مرة ضار فالأم و الأب ديالو على ود جدو
سي اصلان : ( بإبتسامة ) حفيدي ارسلان ... مشا باس ليه يديه و راسو
ارسلان : ( بإبتسامة ) جدي
سي اصلان : ماغانسولكش على صحتك كلشي باين عاود لي كي غادي مع داكشي؟
أرسلان : كلشي غادي كيما بغيتي مابقاش بزاف
سي اصلان : انا تايق فيك و لوكان ماكنت تايق فيك كون خليتهم يكلفو شي حد اخر
أرسلان : ماتفكرش بزاف فداكشي فكر غير فصحتك جا عندك طبيب اليوم؟!
سي اصلان : وي ولدي جا بغيت نهضر معاك فواحد الموضوع
أرسلان : ( مركز معاه ) وي كانسمع
سي أصلان : ولدي أرسلان نتا عارف عادات العائلة ديالنا
أرسلان : ( عرفو اش باغي يقول مي مابغاش يقاطعو )
سي أصلان : دابا كبرتي و حفادي كلهم كبرو و اغلبيتهم كايفكرو يتزوجو ولكن عارف علاش مانعهم؟
أرسلان : وي جدي عارف
سي أصلان : ( بجدية ) نتا عارف مابقاش ليا بزاف فهاد دنيا نهار غانموت نتا لي غاتشد بلاصتي ولكن شكون غايشد بلاصتك؟ حتى واحد فيهم مامعمر لي العين كلهم مضبعين من غير اسوار و شي وحدين قلاااااال داكشي لاش قررت الحفيد اللول لي غايتزاد من عند حفادي هو لي غايشد بلاصتك و داك لي غايشد بلاصتك بغيتو يكون ولدك حيت سبع ماكايولد غير سبع فهمتيني اش بغيت نقولك؟
أرسلان : وي فهمت
سي أصلان : انا ماقلتش لك غاتزوج 3 فمرة وحدة ... بدا باللولة بنات العائلة تا هما كبرو و ولاو شابات و موراها زيد 2 من اختيارك ولكن بغيت نشوف هادشي قبل مانموت و موراك ديريكت غايتزوج اسوار
أرسلان : ( بإبتسامة ) يكون خير
سي أصلان : غاتفوت الحرب غا نبداو نوجدو للعرس ديالك علمتك باش توجد راسك
أرسلان : لي درتيه انا معاك
سي اصلان : ( بإبتسامة ) نتا فخر بالنسبة ليا ماعرفتش داك باك لاش ماخرجش بحالك ولكن ماشي مشكيل
...........................
وصلو للكلينيك هزها فيديه و هي مرخية تا اللخر .. دخل كايجري و دكتور موراه غير شافوه فالكلينيك عرفوه شكون جاو كايتجاراو هزو ريماس دخلوها لغرفة العمليات
أسوار : علاش مدخلينها لغرفة العمليات؟؟؟؟
دكتور : خسرات بزاف ديال دم و الجرح تعفن لها ا سي اسوار .. دخل طبيب كايجري تا هو لغرفة العمليات بقا غير أسوار لي علب برا بقا غادي جاي كايتسناهم يخرجو خلاص داير يديه من مور راسو و كايلوم راسو ماكانش عليه يخليها تجهد راسها يديها يلاه زيراتها و كتفها يلاه داواتو و هو مشا بدا ليهم بالقاصح هز طيلي ديالو لقاه غايتفركع بلي زابيل من عند القياد و الأب ديالو اول حاجة دارها عاود صونا على الأب ديالو لي قاليه يجي للقصر على ود اجتماع عائلي عاود صونا على أديب باش يعرف اش كاين ..
اديب : ( بعصبية ) دري راه رجع للوعي ديالو و قالينا مول الفعلة
أسوار : و شديتوه؟
اديب : كي غانديرو نشدوها و هي معاك؟ خمجات الكمارة ديال دري مابقا فيها مايتشاف ماخلات ليه لا سنان لا مناخر
أسوار : ( بعصبية ) كادوخ عليا دابا؟؟؟؟ البنت مضروبة ماقادرا حتى تهز اليد و كاتقوليا ضرباتو تسنا نجي نتفاهم معاه نشوف هاد البلان ديال الكدوب ديالو .. قطع الإتصال و عيط لواحد الفرملية كانت دايزا من تم بقات جايا و كاتقاد فشعرها و طابليتها زعما كاضور بالحالة
الفرملية : ( بدلع ) نعام ا سيدي اش حب الخاطر
اسوار : ( مخنزر فيها ) فاش تخرج المريضة لي فغرفة العمليات **** علمي دكتور **** يعيط لي فهمتيني؟
الفرملية : ( كاضور فشعرها ) وي بيان سيغ فهمتك كاين شي اوامر خرا ا ... خلا الهضرة معلقة ففمها و خرج من تما طاير ركب فاللوطو ديالو و كسيرا نيشان للمقر حلو ليه الباب و دخل ناوي على خزيت مشا نيشان لعند داك خونا ، حل الباب لقاه مجبد فواحد الباياص و ضايرين بيه القياد و معاه دكتور قرب لجهة داك خونا و ربع يديه كايطلع فيه و يهبط وجهو ولا قوس قزح فيه 3 ديال اللوان وجهو كامل زرق سنان القداميين طاحو و نيف مضورين لو عليه الفاصمة
اسوار : ( عاقد حجبانو ) شكون دار فيك هاد الحالة؟؟
***** : هي ا مون شاف ديك الحرايمية هي لي تلقات لي و دارت فيا هاد الحالة
اسوار : فين تلقات ليك؟
***** : فطواليط ا مون شاف
اسوار : و نتا اش داك للطواليط؟ ياك خليتك فساحة كاتتسلق الحيوط نتا و صحابك
***** : ( بان عليه التوتر ) مشيت حيت تزيرت ... هز يدو حتى للسما و نزل عليه للكمارة
اسوار : ( بالغوات ) خدييييييتي الإذن باش تمشي؟؟؟؟؟؟؟؟
اسوار : سمح لي ديرها فالخبز و كولها ماعندناش سيبة هنا تمشي فوقما بغيتي و تجي فوقما بغيتي علاش ضرباتك؟؟؟؟ و باش ضرباتك؟؟؟
***** : مادرت لها والو كنت داخل للطواليط و جات كاضرب فيا برجليها بدون مبرر ماعرفتش حتى شنو سبب ... نزلات عليه تصرفيقة خرا عوجات ليه الحنك و هزو من الكول ديالو
اسوار : كاتكدب عليا؟؟؟؟؟؟ و فوجهي؟؟؟؟؟؟؟ كانبان لك ولد عشر سنين انا؟؟؟ دوي يا بن الحمار شكون ضربك و يا وييييييلك تكذب نعلق ديلمك فالباب
***** : ماكانكدبش ا مون شاف كانحلف ليك هي لي ضرباتني فطواليطات حيت
اسوار : ( رماه بعنف فالباياص ) حيت اش ا بن الحمار؟؟؟؟؟ باغي تقوليا بنت مضروبة و كلها مشروطة دارت فيك هاد الحالة غير بيديها و نتا بقيتي كاتفرج بدون حركة؟؟؟؟ عم عليك الهدوء و السكون فجأة ياك؟؟؟؟
***** : كانحلف ليك هي لي دارت فيا هاد الحالة ماكانكدبش كانقول الحقيقة
اسوار : ماغاتقوش الحقيقة ياك؟؟؟؟؟ ... جبد الفردي ديالو و وجهو لداك خونا غير شافو بدا يشطح بالخلعة
***** : ( كايترعد ) انا انا نقولك الحقيقة غير ماتقتلنيش نبوس لك يديك ( بغا يبوس ليه يديه و نطرها )
اسوار : نطق دغيا كانسسسسمع
***** : ( كايهضر و مرعود ) م م ممشيت تعرضت لها فطواليطات ح ح حييت بسبابها تعاقبت و ض ضربتيني قدام صحابي
اسوار : ( مربع يديه ) زيد كمل
***** : و و كنت باغي ن ن نستافزها
اسوار : اشمن طريقة ديال الاستفزاز؟ ... مع كل كلمة كان كاينطقها لاخر اسوار كايزيد يتزير حتى فقد سيطرة على يديه
***** : ( حنا راسو ) حاولت نتعدا عليها ( عاود هز راسو ) ولكن كانقسم لك ماقصتهاش هي لي ضرباتن* ماجا فين يكملها حتى كان تيرا فيه
اديب : علاش قتلتيه؟؟؟؟؟
اسوار : هزوه من هنا ماعندناش دار دعارة و سيبة هنا اليوم حاول يتعدا عليها غدا يبغي يتعدا على جندية خرا
اديب : و ديك خيتي؟ ماغادير معاها حتى حل؟
اسوار : هاد تخربيق لي قال مادخلش ليا للراس حيت انا لي شايف حالة ايفا صبع ماكاتقدرش تحركو زيد عليها نهار كامل و هي تحت عيني
إسحاق : حتى انا مادخلاتش لي هاد الحريرة لراسي حيت ضرب لي مضروب ضرب راجل ماشي ضرب بنت و نتا عارف الجنديات لي عندنا كلهم مزال مامتدربات
بدات كاتزير على عينيها كإستعداد باش تفيق لقات راسها فسبيطار خسرات سيفتها و بدات كاتأفأف
ريماس : رجعنا للسبيطارات عاوتاني بفففف ... بغات تنوض ولكن ضرها كتفها شوية ، تحلات الباب ضارت تشوف شكون دخل و وصل لحداها و هو مخنزر حط يديه على جبهتها يتفقد الحرارة
اسوار : ( عاقد حجبانو ) كي كاتحسي براسك دابا؟
ريماس : علاش انا هنا؟؟؟؟
اسوار : لقاوك فاقدة الوعي منين سيفطت لك طبيب لاش ماخليتيهش يدير خدمتو؟؟؟؟ ... بقات مدة كاتشوف فيه ماكانوش نظرات حب كانت كاتحقق فيه و كاتهضر مع راسها
ريماس : ههه كون يعرف انا مسلمة و عاد مغربية ماكانظنش كان غادي يجيبني للسبيطار ، النفاق الخاوي ... كملات خطتها اللولة و لي هي تحتارمهم و ماتزيدش معاهم فالهضرة باش مايزيدوش يقلبو من موراها و تجيبها فراسها
اسوار : ( زعزعها بيديه ) ايفا واش لاباس دابا؟
ريماس : ( ضورات راسها و هي مشمأزة منو ) لاباس لاباس
اسوار : ( بتشكيك ) ماكايضرك والو؟
ريماس : بغيت نخرج من هنا الا كان ممكن ماعنديش مع ريحة سبيطارات
اسوار : ريحي للرض طبيب هو لي غايقول اش كاين ... جا يكمل هضرتو و قاطعو طيلي لي صونا
سي ايتان : ولدي واش ماناويش تجي؟ ماماك كاتسول عليك
اسوار : ( بإبتسامة ) ساعة و نكون عندكم
سي اتان : وا ماتعطلش راك عارف جدك ماكايحملش تعطال
اسوار : نو ماتخافش شوية و نكون عندكم ... قطع الاتصال و خرج لعند دكتور خلا ريماس كاترسم خطوتها اللولة
دكتور : ( بإبتسامة ) مرحبا سي اسوار
اسوار : نقدرو نخرجوها اليوم؟؟
دكتور : وي تقدر ولكن خاص تعطي راحة لراسها و ممنوع دير شي مجهود على الاقل لمدة اسبوع .. الجرح كان غااارق و فقدات دم بزاف خاصها ترجع الحيوية ديالها و ماتهملش الجرح
اسوار : ماكاينش شي دوا يهدن لها الحريق؟
دكتور : ( قيد شي دوايات ) هادا تشربو قبل كل وجبة و هاد البومادا تدهنها كل ليلة قبل ماتنعس باش يتجمع جرح دغيا و هاد البومادا باش يتحيد سيكاتريس ... شد الورقةو تم خارج مي عيط ليه طبيب
دكتور : ( كايفرك يديه ) احم كاينا حاجة خرا
اسوار : اش كاين؟
دكتور : كاتعطيو شي دوا للجنود؟؟
اسوار : ( عقد حجبانو ) اش كاتقصد؟
دكتور : ( بتوتر ) احم درت شي تحليلات بدون الاذن ديالك و لقيت فدم ديالها البقايا ديال *****
أسوار : ( ضار لعندو و ربع يديه ) يعني؟
دكتور : داك دوا لي كاتشرب غايخرج عليها حيت ماشي غير كايزيد لها طاقة مي كايرفع حتى ضغط دم و كايأثر على الأعصاب ديالها داك دوا كايأثر بشكل سلبي على صحتها ا سي اسوار
اسوار : عطيني تحاليل نشوف هاد تخربيق ديالك
دكتور : ( مدهم لو ) ها هما تحاليل كاملين ... بقا كايقرا فيهم و لقا بلي هضرتو صحيحة
دكتور : مزال مامتأكدين واش دوا كانت كاتشربو فالسابق ولا يلاه كاتشربو حيت كاين كمية قليلة فالجسم ديالها داكشي لاش ماقدرناش نعرفو ... خلاه و خرج من تما مشا لعند ريماس حل الباب لقاها كاتلبس البروطكال ديالها
ريماس : صافي ساليت
اسوار : ( كايشوف فيها بشك ) قلتي ماكايضرك والو؟
ريماس : ( بهدوء ) وي ماكايضرني والو ... خرج و تبعاتو و هي مستغربة من شوفاتو قدرات تقراهم و عرفاتو شاك فشي حاجة ولكن فاش؟ الله و اعلم ، خرجو من تما ركب فلوطو و ركبات حداه كسيرا نيشان لأقرب صيدلية خدا دوا لي فالورقة و عاود كسيرا للمقر حلو ليهم الباب و دخلو يلاه بغات تمشي للغرفة ديالها و هو يشدها
اسوار : فين غادا؟ زيدي قدامي
ريماس : مون شاف تدريبات سالاو و غايبداو تال 5 ديال صباح ماعندي لاش نبقا هنا
اسوار : زيدي تبعيني .. مشا قدامها و هي موراه غادا و شادة فكتفها حتى وصلو لواحد الغرفة كانت زايدة نغزة على دوك القفوزة لي عاطيينهم لتحت
اسوار : هنا فين غاتجلسي ماتحركيش تا نجي يا ويييلك تعتبي الباب رجليك نقطعهم لك
ريماس : مون شاف بلاصتي راها لتحت لانسيتي ، و انا مرتاااحة لتحت كل الراحة
اسوار : كاتزايدي معايا فالهضرة؟
ريماس : حاشا ا مون شاف
اسوار : ( خنزر فيها ) المهم هاني علمتك بقاي هنا حتى نرجع و نتفاهمو على شحال من حاجة ( مد لها الميكة ديال دوا ) كلشي مكتوب فيهم ... خرج من تما و توجه لقصر العائلة ، بقات شحال جالسة حتى تأكدات بلي خرج هادي هي الفرصة ديالها اول حاجة دارتها قلبات واش كاين الكاميرات مالقات والو احسن حاجة دارها ارسلان هي مادايرش الكاميرات نهائيا فمقرات تدريب .. ناضت كاتقلب مهم نوصف لكم الغرفة كي دايرا مع دخلة فاش كاتدخل لها كايبان لك المكتب هو اللول و حداه كاينا واحد الباب هاديك هي الباب ديال الغرفة و فجنب كاين باب ديال طواليط ، حطات دوا و ناضت كاتقلب ...
تنويه : الفتيات المعلومات لي صحيحة اما الأحداث راه كايبقاو من كتاباتي يعني ضروري غايكون الخيال و داكشي اييه عائلة روتشيلد صعيبة و كدا ولكن بشوية ديال الخيال كلشي غادي يتحل و بالنسبة للبطل راه مايمكنش يكون فليسطيني حيت العنوان دايرا صهيوني 😘 و البطل غانعاود نكررها راه ماشي عاد غايجي 😂 راه كاين و ذكرتو
إيتان : ( حال يديه ) ولدي .. مشا اسوار عنقو عناق رجولي و باس ليه يديه لقا حتى الأم ديالو أديرا روتشيلد امرأة فمشارف الخمسينات مي مهتمة بصحتها و المظهر ديالها ترسمات الفرحة فالملامح ديالها منين شافتو مشات كاتجري عنقاتو و حتى هو بادلها العناق و باس لها يديها بطريقة راقية
الأم أديرا : ( بملامح حزن ) علاش ماكاتجيش؟ شحال من مرة قلت لباك يعيط لك باش تجي ولكن ديما كاتتحجج بالخدمة بعدا بعدا نتا كنتي كاتجي تعمر علينا دابا وليتي بحالك بحال ارسلان ماكانشوفكم من العام لعام
اسوار : ( معنق مو بيد و مبتاسم ) راك عارفة لي كاين الواليدة ( ايوا ماجاتش يقول ماما ) مانحتاجش نشرح لك هاد الوقت بالضبط عندنا مزير
سي ايتان : علاش مدخل راسك بين القياد دير بحال خوك ولا حط شي حد بلاصتك و كون عليهم ضابط هادي توالم مكانتك الاجتماعية بعدا
الأم أديرا : علاش هو غايدير هادشي كاع؟ يشوف غير شي حاجة ساهلة و صافي بناقص من شي عسكر ... جاهم صوت غليض مزين ببحة رجولية من اللور كان واقف مولاه و داير يد فجيب و يد هاز بيها فنجان ديال القهوة
أرسلان : العيالات ماعندهم سوق فهادشي باراكا عليك غير تقابلي سي ايتان و خليك بعيدة من شغال رجال
اسوار : ( بعصبية ) أرسلاااان راه الأم ديالنا هادي
اصلان : ( بفخر ) حفيدي عندو الحق من ايمتا العيالات كايتدخلو فأمورنا؟ ... حنات راسها و مشات من تما و دموع مجموعين فعينيها ماتبعها حد من غير أسوار لي خنزر فأرسلان و تبع الأم ديالو يراضيها .. تقدرو تقولو أسوار هو الحنين فيهم قلبو واخا هكاك بيض مي الحنان ديالو كايكون غير من العائلة اما البراني كايعطيه وجه اخر كايحتارم واليديه بزاف و بيان سيغ اكتر شخص كايحتارمو هو جدو على عكس أرسلان كايحتارم شخص واحد و ماكايحن على حد لا العائلة لا البراني بالنسبة ليه العيالات ماعندهمش الحق يتدخلو فمواضيع كاتخص رجال و ماعندهمش الحق يحضرو لإجتماعات العائلة وظيفتهم هي يولدو الولاد لي غادي يكبرو الامبراطورية ديالهم و كذلك يهتمو برجالهم و ماعندهمش الحق يعارضو فاش يبغي راجل يتزوج مرة خرا حيت هادوك هما العادات ديال العائلة دوك العادات لي حطهم سي اصلان و منع فيهم الطلاق منعا كليا لحد الساعة عمر شي واحد فيهم ماتطلق
أرسلان : ( ببرود ) عيط على ولدك ماغانبقاش انا كانتسناه نهار كامل ... شاف سي ايتان فأصلان ساط و مشا من تم ... ضور ارسلان وجهو و نطق بصوت مسموع
أرسلان : الفشوش الخاوي
أصلان : سمعت بلي دوك الكلاب سيفطو شي جاسوسة؟
أرسلان : ماديرش فبالك نسالي و غانمشي نبالي بيها
أصلان : ( هاز حاجب ) مزال حية؟
أرسلان : ماكانتش راشقة لي عليها مشينا؟ ... مشاو ب2 لصالة فين كايتجمعو لقاو كاع رجال و ولاد العائلة كاينين تم كان بيهم 4 ديال الرجال عمرهم كبير و سي ايتان هو الخامس أرون ( هارون ) السن 76 و هو العم الاكبر عندو 4 ديال الأبناء و 2 بنات ... إيلام 70 سنة عندو 3 ديال الابناء و بنت وحدة ... غابريال 65 سنة عندو 5 ديال الأبناء دراري و ماعندو حتى بنت ... داوود السن 59 سنة عندو 2 بنات و 2 دراري و اخييرا سي ايتان عندو 2 ولاد و بنت ... اكبر عائلة و اغنى عائلة كلهم ناضو كايبوسو يد سي اصلان مشا جلس فبلاصتو المعتادة لي كانت عبارة على كرسي فاللون الذهبي و الأسود بحالو بحال العرش و فاليمين ديالو جالس أرسلان و فاليسار جالس أسوار و خلاص لاخرين جالسين فبلايصهم بدا كايهضر سي أصلان و كلشي حال ودنيه كايتسنط ..
سالا الإجتماع العائلي لي دام ساعتين ديال الهضرة على زواج الأحفاد ديالو و كالعادة اول زوجة خاصها تكون من العائلة .. تفرتكات جقلة و بقا غير أرسلان و أسوار و الجد
سي أصلان : كانظن خطوبتك بديك خيتي خاصك تلغيها من راسك
أرسلان : ( داير رجل على رجل و متكي على الفوتوي ) كانحتارم قراراتك ولكن نتا عارف عائلتهم حتى هي عندها نفوذ الا درتها المرا الثانية ليا غادي نزيدو نوسعو الإمبراطورية من جوج جهات من الجهة ديال الأفراد و من الجهة المالية
سي أصلان : ( رتب على كتافو ) ها علاش نتا الخليفة ديالي تفكيرك ديما فمحلو ولكن الخطبة ببنت عمك خاص تكون قبل مانساليو الحرب و مور الحرب غايكون العرس منها احتفال للزواج حفيدي و منها احتفال للنصر
أرسلان : لي درتيه انا معاك فيه
سي أصلان : غادي تزوج ببنت عمك هي اللولة ديك ساعة كايبقا اختيارك ا ولدي فوقما بغيتي تزوج التانية علمني
أرسلان : وي ضروري
سي اصلان : ( ضار لعند أسوار ) ايوا و نتا ا سي اسوار شنو هي قصتك؟
أسوار : ( تنهد ) لي درتوها هاني معاكم
سي اصلان : ماشي لي درناها ها نتا معانا بغيت المشاركة عبر و قول لينا اش درتي و اش ناوي شفتك منين دخلتي و نتا ساكت و عقلك ماشي معانا
أرسلان : عقلو خلاه فالمقر
أسوار : لي درتو راه كايوصلك بالتفصيل يلاه بدينا فالتداريب و حنا غاديين ضروري فاللول نبداو لهم بالساهل باش نمهدوهم
سي اصلان : مانبغيش نسمع بلي كاتتهاون فهاد الموضوع ولا راخف لهم الحبل ولا كاتميز شي حد على الباقي
أسوار : نو فهاد القضية غير نعس على جنب راحة ... ارسلان دار ضحكة استهزاء و نطق
أرسلان : ( بإستهزاء ) شوف وكان ا سي أسوار
أسوار : اش غانشوف؟ هاديك كاتبقا خدمتي نتا ديها غير فخدمتك و فوتني عليك
أرسلان : ( هز يديه بجوج ) هاني فايتك تا نشوف فين غاتوصل بهاد المحنة زايدة لي ولات فيك بقا ليك غير تشربها دوا بيديك
سي أصلان : ( مخنزر ) اسوار كاينا شي حاجة مافخباريش؟
اسوار : ( خنزر فأرسلان ) لا ماكاين والو واحد الجندية عندنا تضربات برصاص عن طريق الخطأ و ضطريت نديها للسبيطار على ود حالتها
سي أصلان : تموت لابغات تموت ماكايناش غير و ماواقفينش حنا على جندية رصاصة وحدة غيباتها سلعة شينوا
أرسلان : ( بسخرية ) قلبك ولا هشيش كتر من القياس لا؟!
أسوار : أرسلااان
سي أصلان : ماعلينا ماشي هادا موضوعنا مهم باش تكون فراسك مور العرس ديال أرسلان غايكون العرس ديالك راك عارف
أسوار : من هنا لتما و نشوفو اش كاين
سي أصلان : دابا نشوفو المهم وقت العشا دابا مابقات هضرة
أرسلان : غير سيرو انا باقي عندي مايدار جيت غير حيت عيطتي لي
سي أصلان : رد البال لراسك و نتا ماغاتنوضش؟
أسوار : حتى انا خاصني نرجع للمقر باقي عندي فيه شي شغال
سي أصلان : حتى نتا رد البال لراسك و زير الحبل معاهم الخبار لي كاتوصلني فالوقت الحالي راها ماعاجبانيش
أسوار : كون هاني ... خرج من تما و خلاهم بجوج واحد معصب و غير كايخنزر و واحد ولا على بالو جالس مبرد و كالعادة كايلعب بالخاتم لي فيديه
أسوار : ارسلان راني كانبقا خوك ... وقف و تقابل معاه
أرسلان : ( بنفس النبرة ) ديك طريق ماغاتسلككش واخا ماموالفش نعطي النصائح ولكن حيت كاتبقا خويا غاننصحك مادخلش شي فشي
أسوار : اش كاتقصد؟؟
أرسلان : ( بسخرية ) هادشي لي قصدت ... خرج و خلاه موراه غايتفركع بالأعصاب قصدو كان هو تكليخة لي ضربات اسوار فنظرو هو ... خرج من تما و توجه للمجهول دازت مدة قصيرة و خرج حتى أسوار من تما
♔ ماخلات فين قلبات جميع البلايص لي ممكن يكون فيهم شي دليل قلبات فيهم و كالعادة كاتقلب و كاتاخذ احتياطاتها باش مايبقاوش البصمات ديالها و الحاجة لي هزاتها قلبات فيها كاترجعها لبلاصتها نيشان باش ماديرش شي غلط يخليها تكون مصدر شك عيات بتقلاب ناضت هزات ديك الميكة ديال دوا قرات كل حاجة و لاياش كاتصلاح دهنات البومادا ديال الحريق خلاتها تنشف و عاودات دهنات ديال سيكاتريس و عطات راحة للراسها باش لاغد ليه تكون عندها القوة الكافية باش تبدا نهار جديد ...
♚ في المغرب ♚
كان جالس فالمكتب ديالو كايراجع الخطط الجديدة و الخطط السابقة حتى هي باش مايديرش شي غلط تفكر سهام لي سيفطها هي و بعض رجال باش يحميوها كان عارف بلي غاتموت ولكن مع ذلك سيفطها للموت برجليها باش تقدر تنجح ريماس و مايعيقوش بيها و غير هاد القضية لاعرفها سي راضي غادي ينوض عليه القيامة حيت من ديما كايقوليه الحاجة لاكانت خطيرة على شي واحد منهم مايسيفطوش ليهع ولكن للأسف هادي هي طريقتو كايضحي بواحد باش ينجح الشخص لي عندو فيه مصلحة كتر تفكر ريماس و الأعصاب لي ركب فيها طوال الشهر لي كانت كاتتدرب فيه فالمقر فوقما كانت كاتجي تتدرب على الكيك بوكسينغ كايسمم لها افكارها و الأكفس هو دوا لي كان كايدير لها فالماكلة يوميا فالغدا ديالها وي نفس الدوا لي عطاه لها فاش بغات تمشي لإسرائيل باش داكشي لي بداه فالمغرب تكملو فإسرائيل ... كان عارف بلي جاد ماغاديش يبقى معاها حيت فكل مقر دايرين جيش بوحدو و هو عن قصد دار ليه هوية امريكية و عارف بلي حياتها فخطر و كايحاول يخليها بعيدة على الخطر و هادسي كامل بسباب انانيتو باغي يصفيها لإسرائيل واخا يكون هادشي على حساب المغرب تفكر هادشي كامل و ماحسش ولو بذرة ندم ما قاطعو من تفكيرو غير سي راضي لي دخل للمكتب
سي راضي : مزال ماكاين عليها حتى شي خبار؟؟؟
سي مصطفى : كيف قلت لك هي فبلاصة خطيرة دابا و ماعندها كي دير تبقا ديما تجاوب جهاد حيت غادي تخاطر بحياتها راك عارف لي كاين و حنا مابغيناش هادشي
سي راضي : هضرات مع جهاد ولا والو؟
سي مصطفى : هضرات معاه 2 مرات و راها بيخير وعلى خير
سي راضي : امم و بالنسبة لجاد؟؟
سي مصطفى : جاد سيفطوها للمقر لي كايدربو فيه القوات الداعمة لي جات من امريكا
سي راضي : كيفااااااش؟؟؟؟؟ دابا ريماس تما بوحدها؟؟
سي مصطفى : بحالي بحالك ماكنتش عارف هادشي حتى لليوم عاد جاتني هاد الخبار
سي راضي : موووووصيبة هادي نتا عارف البنت راها ماعارفاش بزاف راه شهر ماكانش كافي يلاه تعلمات نص
سي مصطفى : هادشي لي عطا الله
سي راضي : منين جاد ماشي معاها المفروض ماتقطعش الاتصال مع جهاد باش يعطيها توجيهات
سي مصطفى : انا تايق فريماس قدها و قدود واخا ماتعلماتش بزاف ولكن ذكية و دابا تشوف
سي راضي : مصطفى مابغيتش البنت توقع لها شي حاجة
سي مصطفى : ماعندو مايوقع لها بقا لك غير تبدا تنوح عليا
سي راضي : وصلاتني الخبار بلي دوك الكلاب كايقلبو على الجاسوسة عرفوها ماماتتش
سي مصطفى : ( اش هاد زهرررر ) وي وي عرفت غير تهنا هاد الموضوع غادي يتحل
سي راضي : ماشي غادي نتهنا داااابا غادي تعيط لجهاد ينبه ريماس باش ترد بالها و ماديرش شي حاجة تخليهم يعيقو بيها
سي مصطفى : راه قلت لك غير تهنا انا غانحل الموضوع
سي راضي : راني هضرت معاك ا سي مصطفى حياة البنت ماشي لعبة
سي مصطفى : يا ربي الصبر هاني غانعيط ليه ... هز طيلي و دوز نمرة ديال جهاد
جهاد : الو وي
سي مصطفى : جهاد امدرا هضرات معاك ريماس؟
جهاد : لحد الان مزال خايف تكون وقعات لها شي حاجة
سي مصطفى : سكتنا حتى نتا غير نتا لي بقيتي لي فالحساب شوف الا قدرتي تتواصل معاها علمها ترد البال و تاخد احتياطاتها كتر من اللول
جهاد : علاش اش واقع؟؟؟؟؟
سي مصطفى : راهم شاكين بلي الجاسوسة مزال حية و بلي سيفطناها و دابا كايقلبو من مور هادشي
جهاد : اش هاد زهر يا سيدي ربي
سي مصطفى : نبهها تاخد احتياطاتها و فالوقت الحالي ماتهضروش نهائيا ماناقصني مشاكيل
جهاد : واخا كون هاني ... قطع الاتصال
سي مصطفى : بردتي دابا؟
سي راضي : ديك البنت عزيزة عليا و ماباغيش طرا ليها شي حاجة باقا صغيرة
سي مصطفى : وا دابا تهضر غا مع جهاد تعلمنا بأش كاين باش نعرفو اش نديرو
سي راضي : باقي الحال ماغاديش تجيب المعلومات من اول يومين عندها خصها تا دير بلاصتها بيناتهم ولا لا؟
سي مصطفى : ايه ايه دير بلاصتها ( من نهار مشات و هي من مشكل لمشكل كون عرفت كون قطعت لها لسانها عاد سيفطتها ) ...
دخل للغرفة لقا ضو طافي عرفها غاتكون ناعسة حل الباب بشوية و توجه لجهتها بخطوات بطيئة لقاها ناعسة فوق الكنبية ناعسة معدبة جلس جلسة القرفصاء كايشوف فيها و كايشوف فدوا لي فيديه ماعارفش علاش كاتشربو ولكن غدا فاش تفيق ديك ساعة غايعرف ... مشا هزها و حطها فالناموسية غطاها و جلس حداها كايدوز يديه على شعرها ماعارفش و مافاهمش اش هادشي كايحس بيه من نهار اللول لي شافها عرفها مختالفة قطع لها شعرها و ندم ولكن ماشي بيدو حيت أرسلان لي قاليه يقطعو لها و أكد عليه شحال من مرة حتى دخلو الشك علاش كايأكد عليه؟ شاف شعر لي مخبياه فالبيت و تحسر عارفها مزال مانسات قضية شعرها .. يلاه بغا يحط يديه يدوزها على وجهها حتى تصدم فاش حلات عينيها و هزات اقرب حاجة ليها باش ضربو مي منين شافتو هي براسها تصدمات جمع يديه عندو و حتى هي جمعات يديها
ريماس : سي اسوار؟
أسوار : ( عقد حجبانو ) رجعي تنعسي و غدا نتفاهمو على شي حوايج ... خرج من تما و مشا للمكتب ديالو كايسترجع افعالو الاخيرة من نهار جات الحنان ديالو كان موالف كايكون غير على العائلة و لكن دابا تزاد شخص ولا كيخاف عليها فهاد المدة القصيرة سي مصطفى ماسيفطهاش عبثا سيفطها و عرف علاش سيفطها من غير ذكاء ديالها عندها جمال ساحر ماكايقدر حد يقاومو واخا يبينو ديك تباتة المزورة .
وصلات 4:40 كلشي فاق و بدات الحركة فالمقر ريماس ليل كامل مانعساتش فاش غادي يتفاهمو؟؟؟؟ نفضات تفكيرها و ماتسوقاتش حيت لاوجدات الهضرة من دابا و هي ماعارفاش علاش اكيد غادي تتخربق .. تفكرات خوتها اااه و شحال توحشاتهم و توحشات بسالتهم كاتحس براسها مقطوعة من شجرة ماكاين علامن تتكل و ماكاين علامن تسند راسها حبسات دمعة لي وقفات لها فطرف العين غمضات عينيها و تنفسات و عاودات حلاتهم و قنعات راسها مرة اخرى هي اصلا قوية مامحتاجاش علامن تسند راس حيت اصلا ماغاتخليهش يميل باش تحتاج علامن تسندو .. تشعل ضو و دخل اسوار فيديه بلاطو فيه كاس ديال الحليب و كاس ديال الما و كرواصا و الفرماج و الخبز و دوا بيان سيغ حطو فواحد طبيلة تما
أسوار : ( عاقد حجبانو كالعادة ) نوضي تفطري
ريماس : مافياش
أسوار : ( مخنزر ) إيفا نوضي تفطري ماغانبقاوش نساينو فيك تدريبات بداو عندك سيمانة باش ترجعي صحتك ... ناضت من تما باش تفطر حيت اخر حاجة تبغيها هي تبقا مريضة .. جلسات مقابلة معاه هي كاتفطر و هو حاضيها و حتى هي شايفاه بلي كايشوف فيها مي ماتسوقاتش كاتاكل غير بزز بغات غير تكمي كاتحس براسها غايطردق و طالع لها دم
أسوار : كملي فطورك
ريماس : صافي شبعت ميرسي ... شربات دوا و بغات تنوض ما وقفاتها غير هضرتو
أسوار : جلسي مزال ماسالينا ... رجعات لبلاصتها و كاتشوف فيه اش بغا يقول
ريماس : قلتي لي غانهضرو فشي حاجة فاش غانهضرو؟ ... جبد داك دوا و لاحو فالطبلة رجع لور و خنزر فيها بقات غير كاتشوف ماعندهاش الحق تتعصب حيت معرووف بلي مرة مرة كايديرو تفتيش الغرف مادارتش لحساب لهادشي و خلات دوا فجهة باينا مع العلم سي مصطفى حذرها باش مايشوف حد داك دوا
ريماس : ( بقات ساكتة شحال و نطقات بثقة ) وي حيت خرجو لي دكتور لي متبعة معاه فالبرازيل
أسوار : أممم و علاس خرجو لك هاد طبيب
ريماس : عادي حيت كنت عيانة شي يامات و مابقاش عندي جهد ... شدو و بدا كايفركو قدامها حبة بحبة و هي كاتشوف فيه اش كايدير
ريماس : اش كادير لاش كاتفركهم؟؟؟؟؟ ... رماهم فالأرض و زطم عليهم حتى تأكد بلي مابقات حتى حبة خلاها كاتغلي بالأعصاب
أسوار : ( عقد حجبانو ) باقي عندك منو؟؟
ريماس : خليتي لي نتا شي حاجة باش تبقا عندي
أسوار : اخر مرة نلقاك كاتشربي شي دوا كيما كان على العموم هاني خارج ماتخرجيش من هنا و ماتجهديش راسك وقت الغدا غانطلع عندك
ريماس : و انا غانبقا هنا؟؟؟؟
أسوار : باغا تبقاي غادا جايا للكلينيك؟ صحتك عيانة تبراي و ديك ساعة رجعي لعند صحابك ...
بقات كاضور تما جاها القنط ماكاين حتى شي فائدة هنا و ماغادي تفيدها تا حاجة هنا باقا لحد ساعة مستغربة كيفاش ماكاينش الكاميرات فالمقرات و علاش مادايرينهمش دخلها شك فهاد القضية و شاكة بلي كاينا إن فالموضوع ولكن فالوقت الحالي خاصها تستغل الفرصة ماحدا هي هنا و مسموح لها تبقى فهاد الطابق لي مخصص غير للقياد شكات فشي حاجة و كان خاصها ضروري تقتل شكها .. خرجات من تما شادة فكتفها و هي حانية حتى وصلات للجهة لاخرا من الكولوار لقات دروج و هبطات فيهم كاتتمشا عادي و عينيها كايراقبو البلاصة لي فيها مي اكتر بلاصة مراقباها هي السور بانت لها شي حاجة و بقات كاتصغر عينيها شكوكها طلعو فمحلهم دارت ابتسامة جانبية و طلعات للسطاح ديال المقر من زهرها داك دروج كان فواحد الجهة مخبية لقات نفس الكرسي ديال ديك المرة ماهتماتش حيت ماشي هادشي لي جابها لهنا .. ركزات نظرها على السور و بالضبط البلايص لي شافت فيهم خوتنا فالله مخبيين و مراقبين وي هي كانت شكات بلي كاين شي برج مراقبة كايراقب تصرفات و تحركات المتدربين مي ماكانتش متوقعة هاد البرج غادي يكون وسط سور نيت و دايرين لهم شرجم صغيير منين يراقبو خاص يكون عندك النظر ثاقب باش تقدر تشوفهم فدقائق معدودة عرفات البلايص لي يقدرو يراقبوهم و البلايص لي ممنوع و اهم حاجة هي السطح ماكايراقبوهش هو و بلايص خرين قفزها صونيط ديال الغدا بان لها اسوار جاي هبطات كاتجري من تما و دخلات ديريكت للطواليط باش مايفضحهاش التنفس السريع ديالها دخل اسوار و فيديه بلاطو ديال الغدا قلب عليها مالقاهاش
اسوار : ايفا؟؟ ... خرجات من طواليط و فيديها فوطة كاتمسح وجهها
ريماس : وي مون شاف هاني جيت
اسوار : ( بقلق ) مالك؟؟
ريماس : والو ماشي شي حاجة غير جاتني دوخة ... حط البلاطو بزربة و مشا كايتفحصها و يتفحص وجهها قاس الحرارة ديالها و ضورها باش يشوف الجرح ياكما تحل عاد رتاح
ريماس : لا لا ماشي شي حاجة غير حيت بقيت شحال و انا متكية فاش نضت حسيت بالدوخة عادي ديما كاتوقع لي
اسوار : متأكدة ماكايضرك والو؟؟؟
ريماس : ( بإستغراب ) وي متأكدة ميرسي .. جرها من يديها و جلسها و هي مزال مستغربة من تعاملو معاها
اسوار : شربي دواك و تغداي
ريماس : ( مال هادا تاني؟ ) ميرسي .. جلسات كاتتغدا و مرة مرة كاتحبس و تشوف فيه بإستغراب مافهماتش ياكما هادي شي لعبة حيت كتاشفو بلي هي جاسوسة اما هو فوقما يشوفها حبسات من الماكلة كايزيد يخنزر فيها باش تزيد تاكل سالات ماكلتها و هي مزال حايرة ... ريماس من مور ماتغدات مشات جلسات فبلاصتها باش تتكا داك دوا كايجيب لها نعاس و فنفس الوقت كاتوجد لخطوتها جاية و كاتدرسها من اليوم بداو تحركاتها ماخاصها تبقا تفلت حتى فرصة اما اسوار مشا للمكتب ديالو هاز فيديه كاس ديال القهوة و كايفكر فهادشي لي ولا كايحس بيه من جهة ريماس قاطعو من تفكيرو دقان فالباب و تحل الباب
اديب : فينك ا صاحبي ماغاتهبطش تتغدا معانا
اسوار : غير تغداو
اديب : طلعتي الغدا لديك خيتي؟ عجبها الفشوش من ايمتا و نتا كاتعطي اهمية للجنود؟؟؟
اسوار : ( داير يديه قدامو ) عارفني لي فقلبي على لساني و لي كانحس بيه كانقولو بلا مانخبع وي فعلا كانحس براسي كانميل لجهتها
اديب : ( مصدوم ) واش عارف راسك اش كاتقول؟؟؟
اسوار : قلت اعجاب ماشي كانبغيها
اديب : فنظري من الاحسن تحبس هادشي حيت سي اصلان لاعرف هادشي غايصفيها لها قدامك نتا عارف طبع جدك كتر مني اما لاعرف سي أرسلان خلاصة القول نهايتها غاتكون فالقبر راك عارفهم محرمين عليكم تتزوجو ولا تكونو مع شي وحدة مكانتها ماشي بحال مكانتكم
اديب : ماقالش ليك سي أرسلان اش غايدير فبلاصة دانيال؟ بقات خاوية و خاص ضروري قائد يشد بلاصتو حنا يلاه مكافيين مع الجنود لي عندنا
اسوار : وي هضر معايا على هاد الموضوع
اديب : ايوا و اش كاين؟ شنو قرر
اسوار : غادي *****************************
اديب : العجب اول مرة يديرها
اسوار : راك عارفو ديما كايصدمنا بشي حاجة قراراتو ماكايتوقعها حد
اديب : فيها خير مهم تهلا سالا وقت الغدا
اسوار : سبقني دابا نتبعك ... سبقو و بقا اسوار تما ناض لقاها ناعسة دوز يديه على راسها باسها فجبهتها و جبد قرعة ديال الما صغيرة حطها حداها باش لاجاها العطش ماتنوضش من بلاصتها و هبط لتحت يكمل تدريبات ...
هاد الحوار كامل داز تحت مسامع ريماس لي ماشي تصدمات مي فرحات بزاف و بداو كايبانو لها خطط جديدة و افكار جديدة و كايترسمو لها طرقان جداد و كايتحلو بيبان جداد لي غايسهلو عليها المأمورية ناضت من تما من مور ماتأكدات بلي اسوار خرج من تما قررات تبدا فالخطوة الثانية خرجات من تما و تمشات عادي باش مايشكوش فيها دوك لي مراقبين هبطات فإتجاه غرفتها و مع الحلة ديال الباب تصدمات و دم بدا كايغلي فيها و يديها بداو كايترعدو عليها لقات حوايجها مرميين فالأرض و سليبات و سوتيانات ديالها معلقين فالباياصات و شعر ديالها لي كانت مخبعاه باش تتذكر بيه الام ديالها مرمي فالارض و مشتت بقات كاتقرب شوية بشوية كاتبان لها شي حاجة مقطعة و كاتتمنى مايكونش داكشي لي فبالها صحيح ولكن ماشي داكشي لي كانتمناو هو لي ديما كايكون ... اخر صورة بقات لها مع عائلتها لقاتها مقطعة و مليوحة تما مابقاتش قادرا تتحمل غضبها وصل لأقصى درجة بدات كاضرب فالحديدات ديال الباياصات و فالخزانات و فينما بانت لها شي حاجة ضرباتها جملة وحدة لي كاترددها
ريماس : غانندمكم الكلاااااب غانندمكم كانقسم بالله غانصفيها لكم واااااحد بواااااحد ... بدات كاتبرد راسها تدريجيا يديها كايترعدو لدرجة ماتقدر تهز بيهم والو حاليا .. جلسات فوق الباياص ديالها و عينيها كايشوفو غير فشعر ديالها لي قطعوه لها و سرطاتها و ماكفاهمش هادشي و بغاو يحرموها حتى من شوفتو ، هدنات راسها و ناضت كاتجمع داكشي هزات داك شعر لاحتو فزبل و البقايا ديال صورة خبعاتهم فمكان أمن جمعات حوايجها رجعات رتباتهم و حالفة بحلوفها ماغادوزش هادشي بساهل ... هزات داكشي لي بغات خبعاتو فجيابها و طلعات الفوق دخلات للطواليط لي تما و طلقات الما عاد ركبات سماعة فودنيها
ريماس : جهاد كاتسمعني
جهاد : اووووف الحمد الله الحمد الله ( بعصبية ) علاش ماكاتهزيش سماعتك معاك؟؟؟؟؟ كلشي مخلوع عليك و كلشي كايسول عليك
ريماس : هادشي ماشي مهم انا لاباس دابا محتاجة واحد الغرض
جهاد : شنو محتاجة؟؟؟
ريماس : محتاجة *********
جهاد : و علاش باغاه؟؟؟؟
ريماس : ( بعصبية ) جهاد ماتجهلنيش نتوما مسيفطيني بأدوات ناقصين و خبرة ناقصة و فارضين عليا تعليمات لا علاقة و باقي عاد كاتسولني شوف الله يرحم باك غانقولها لك من دابا و قولها حتى لسيك مصطفى من اليوم غادي نخدم بطريقتي و اسلوبي و مايتدخلش فيا ... اتفاقنا كان هو نجيب ليه المعلومات و غادي نجيبهم دابا غاتجيب لي داك المرض ولا نعول على راسي؟؟؟؟
جهاد : اوك صافي غير تهدني من هنا سيمانة يكون عندك غير ماتبقايش تقطعي الاتصال راك كاتخلعينا عليك ... قطعات الاتصال و خبعات السماعة فصدرها خدات نفس عميق و كاتفكر فالخطوة لي غادير دابا درساتها مزياااان هزات الماكينة ديال الحسانة حيدات منها زيزوار و تقابلات مع المرايا حيدات القاميجة و ديباردو لي كانت لابسة و الفاصمة و هزات زيزوار غمضات عينيها و جرحات جرحة كبيرة شوية و رقيقة و قريبة للضربة لي عندها فالكتف كاتبان بحالا نفس ضربة ديال الكتف و ماشي جرحة جديدة لاحت الفاصمة و لبسات حوايجها غسلات زيزوار و رجعاتو لبلاصتو ضغطات على الجرح مزياااان باش يسيل دم و ماتتسماش كذبات خدات نفس عميق حلات الباب خرجات من تما و كاتمتل بلي رجليها ماهازينهاش و كاتتألم مسندة غير مع الحيط مشات للغرفة اللولة حلاتها و دخلات و بقات كاتعيط لأسوار مشات للتانية و التالة و الرابعة و الخامسة و السادسة و السابعة نفس شي وصلات للغرفة الاخيرة لي هي غرفة أرسلان يلاه بغات تنهي هاد الخطوة و هي تلفتها واحد صورة كانت ديال اسوار و ارسلان
ريماس : دابا هاد الحقير خوه .. سمعات الخطوات و رجعاتها لبلاصتها يلاه غاتعيط بإسم اسوار و هي تشدها واحد اليد ضارت لعندو بالعرض البطيئ لقاتو أسوار
أسوار : ( عاقد حجبانو ) اش خرجك من البيت؟ و اش كاديري هنا؟؟؟
ريماس : ( بتعب مزيف ) كنت كانقلب عليك اااه كتفي
أسوار : ( بقلق ) مالك؟؟؟؟؟؟
ريماس : ( وراتو الدم لي خرج من القاميجة ) كتفيي عاطيني الحريق و كنت كانقلب عليك ماقادراش نصبر على هاد الحريق ( بألم مصطنع )
اسوار : نعيط لك على دكتور؟؟؟؟ زيدي قدامي ياك قلت لك ماتتحركيش من تم ... مشاو للبيت و حيدات القاميجة بانت ليه الفاصمة ماكايناش
اسوار : ( عاقد حجبانو ) علاش حيدتي الفاصمة؟؟؟؟؟
ريماس : حيت قنطاتني و نيت كنت بغيت نبدلها و ماقدرتش داكشي لاش خرجت كانقلب عليك و مالقيتكش
اسوار : ( كايأفأف ) جلسي هنا ماتحركيش ... ناض من تما جاب الفاصمة و ضمد لها الجرح و من حسن حظها ماقشعش الجرح لي جديد تأكد من سلامتها و نبهها ماتخرجش عاد خرج باش يكمل شغالو ...
... اما عند ريماس دارت ضحكة انتصار حيت الخطوة التانية نفذاتها بدقة و بدون شك و الخطة كانت كالتالي فاش هبطات لغرفتها كانت مشات تجيب ميكروات صغااار باش ديرهم فغرف القياد حيت عارفة راسها قربات ترجع لغرفتها يعني ضروري خاص توصلها خبارهم و اش كايقولو و فعلا دارتهم فديك المدة لي كانت كاتدخل فيها و تبدا تعيط علقاتهم فأماكن من الصعب يلقاوهم و حيت عارفة دوك خوتنا فالله لي مراقبين غايشوفوها كاتدخل للغرف كان خاصها دير شي سبة باش تبقا تدخل الغرف بدون شك كانت امثل حاجة هي تجرح راسها و دير سبة بالجرح باش ماتكشفش و فعلا نجحات فكلشي من غير غرفة ارسلان لي ماقدراتش تحط فيها الميكرو بسبب اسوار لي جا ...
كملات نهارها و هي فالغرفة حاطة فودنيها سماعة صغيرة كاتوصلها الهضرة لي كاتقال فالمكاتب لي حطات فيهم سماعات و فيديها كتاب من الكتب ديال اسوار غير هازاه فيديها باش تبان زعما راها ملاهيا ... دازو 7 أيام بسرعة البرق فهاد 7 ايام كتاشفات حوايج جداد ماكانتش عارفاهم مثلا اسوار شكون هو و ارسلان شكون هو و فهاد المدة أسوار هتم بريماس عطاها كاع اهتمامو تطلقو شي شوية فالهضرة و فاش ولات كاتحتاج شي حاجة كاطلبها لو و ماكايقصرش مي واخا هكاك باقي مرة مرة كايغوت عليها ، ماكلتها كايطلعها لها حتى الفوق و طبيب ديما كايجي يزورها و حتى هي عاجبها الحال حيت عرفات راسها طيحات خو العدو ديالها لي بسبابو هي فهاد الحالة رجعات صحتها و كذلك من نهار قطعات داك دوا ولات كاتحكم فأعصابها حسن من لول تهدنات و جا الوقت باش ترجع لغرفتها الحاجة لي ماعجباتش أسوار حيت غادي تخوي عليه و هو والفها كان موالف كل ساعة كايطلع لعندها سواء فتدريبات او من غير تدريبات كايخلي مجموعتو كايتدربو بدون مراقب و يطلع لعندها باش يطل واش خاصها شي حاجة بالمعنى الأصح ولا ملهي غير معاها و التداريب تهاون عليهم
ريماس : سي أسوار نقدر نرجع دابا لبيتي؟
أسوار : ( مربع يديه و كايشوف فيها ) ماغاتبقايش معاهم
ريماس : ههه و فين غانمشي؟
أسوار : موجود فين تنتاقلي كاين غرف فيهم بنات بحالك بحالهم جلسي فيهم
ريماس : ولكن انا مرتاحة معاهم و عاجبني الحال فالبيت لي عطيتوني
أسوار : ( قرب منها و حط يدو على دراعها ) إيفا ماديريش راسك مكلخة راكي عارفة علاش
ريماس : ( توترات من القرب ديالو ) سي أسوار اش كادير انا ماعارفة والو
أسوار : ( كايشوف لها فعينيها ) وحدة ذكية بحالك ماغاديش يخفا عليها المعنى ديال تصرفاتي لا؟
ريماس : ( حيدات يديه بلباقة و بعدات ) فصراحة انا لحد الأن ماعرفتكش علاياش كاتهضر نقدر نكون كانبان لك ذكية ولكن ماعنديش خبرة فبحال هادشي ... عاود حط يديه و هاد المرة زير باش ماتحيدهمش
أسوار : ( بإبتسامة ) كاتعجبيني ... واخا هي عارفة هادشي من قبل و كاتنسج خططها و شباكها على هاد الموضوع ولكن فاش قالها لها هو حسات بتفاجئ و شي حاجة فالمعدة ديالها تحركات و هاد البلان كايوقع سواء كنتي كاتبغي داك شخص ولا ماكاتبغيهش غير كايعتارف لك بإعجابو ولا بحبو ليك ضروري ماكاتحرك فيك شي حاجة يا فمعدتك يا فقلبك يا كاتبورشي ... الخ
ريماس : ( بإبتسامة مصطنعة ) هه سي اسوار اش كاتقول؟ انا كانبقا غير جندية عندك و نتا عارف هادشي مايمكن..
اسوار : ( حط صبعو على فمها ) شششش ماتجاوبينيش دابا فكري و عاد جاوبي نتسنا جوابك غدا مي ديري فبالك الا كنتي معايا ماغادي يخصك والو كلشي غايحتارمك و غايكونو عندم تسهيلات و امتيازات على الباقي فكري مزيان و غدا جاوبيني ( طلق منها ) تقدري تمشي دابا
ريماس : يكون خير ... خرجات من تما و هي راسما على ملامحها صدمة مصطنعة غير بعدات من تما رسمات ابتسامة خبيثة و علاش لا و هي وصلات لشنو بغات غاتولي تحركهم كيما بغات ، وصلات لبيتها ماكان حد حيت كلشي فتدريبات غا هي لي غير كادور من قنت لقنت بيان سيغ غاتسارا كيف بغات و أسوار حاميها دخلات هزات حوايج دوش و مشات تدوش خدات دوش فاعل تارك واخا غا بالما بارد لاحظات شعرها لي وصل شوية تحت ودنيها ب3 سنتيم فرحات حيت كانت فاقدة فيه الأمل يطوال دغيا و ها هو بدا كايطوال لبسات حوايجها تما و خرجات راشقة لها كاتحس بعضامها خفاف مشات تجبدات فبلاصتها و ضرباتها بنعسة حتى فيقها صوت الضحك حلات عينيها لقاتهم كايشوفو فيها و يضحكو
***** : وا سوتيانات عندها هههههههههههه
***** 2 : اححح عليهم و خلاص
***** : ماكرهتش نشوف اش من تحتهم
***** 3 : شششش سكت ا صاحبي راها فاقت ... ناضت من تما و جلسات شبكات يديها على ركابيها و بدات كاتشوف فيهم بشوفات غريبة واحد واحد
***** : ( بطنز ) على سلامتك ا ختي كي بقا كتفك
ريماس : ( بنفس النبرة ) ولا بيخير العقبى ليك ... شافت ساعة لقاتو وقت العشا ناضت من تم دارت الكاسكيط و خرجات خلاتهم مستغربين كان المفروض تغوت عليهث و تتعصب مي كيفاش تجاهلات اش كايقولو مع العلم هما متأكدين بلي غاتكون سمعاتهم ...
مشات للمطعم و مع دخلة كلشي تلقا لها بكلمات و جمل صدموها بقات غير كاتشوف فيهم هادو مي هادشي ماخفاش عليها شكون موراه فعلا عندو سلطة هنا
***** : على سلامتك ا ختي ايفا
***** : خفنا عليك بزاااف كي بقيتي
***** : ختي ايفا اجي جلسي معانا بلا ماتمشي تجلسي بوحدك تما ... توالت الجمل كلشي كايقولها تنضم لمجموعتو تبقا تجلس معاهم و كلشي كايرطب معاها شافت لجهتو لقاتو جاي لجهتها وصل حتى لعندها و جرها من يديها تحت نظرات الجنود و القياد لي مزال مافهمو أسوار اش كايدير جرها و جلسها فكرسي فطبلة كاياكلو فيها غير القياد و جلس حداها تحت صدمة القياد مصدومين و متخوفين من العواقب مي واخا هكاك فرحانين لفرحة صاحبهم لي واخا هو من اغنى عائلة عندو علاقات صداقة مع لي من تحت عائلتهم و عندو عادي يدير صحاب مع القياد على عكس خوه و هادشي لي كايخلي اسوار محبب و كايخلي ارسلان كلشي واخذ الحذر و ضارب لو الف حساب و حساب قبل ماينطقو و لو بكلمة قدامو
ريماس : سي اسوار بلاصتي راه لهيه ماجاتش نجلس حداك
اسوار : ششش من هنا لقدام هادي هي بلاصتك حدايا
اديب : ايوا نباركو لخونا ولا مزال الحال شوية
أديم : هههه صراحة تصدمت ماكنتش متوقعها نهائيا
أصهب : زربتي عليا ا صاحبي كانت عيني فيها مي مبروك عليك فرحت ليك والله
إسحاق : نتمناو مايوقع والو و ماتتقلبش هاد الفرحة على العموم مبروك
أوري : ايوا صافي ا صاحبي تيتيزة فيهم خديتيها نتا و حنا اش بقا لينا
اديم : جمع راسك ا صاحبي راها حبيبة خونا ... بداو كايهضرو و يباركو لأسوار كيفاش وصلات الخبار لكلشي و هي مزال ماعطات حتى جوابها هادشي غير مزال ماجاوبات و شوف الإمتيازات لي ولاو عندها
أديب : على هاد الحساب ا ايفا ماخاصكش تبقاي فنفس الغرفة لي فيك راني عارف و حافض خويا اسوار مغيار بزاف
العميل الصهيوني والجاسوسة المغربية الجزء الثالث
محتوى القصة
التنقل بين الأجزاء