♚ كان أرسلان واقف بشموخ ، لابس ليڭات كوحل ديال جلد فيديه واخا كاين صهد و هادشي غا بسبب الخاتم لي ماكاينش فيديه ، يد خاشيها فجيب و يد شاد بيها الكارو عينيه مراقبين لي كارد لي كايدخلو فصنادق كباار على صنادق لاخرين لونهم أسود و مطبوع فيهم طابع ديال عائلة روتشيلد .. كل صندوق حاملينو 2 ديال لي كارد قدهم قد سخط .. غاديين بالصف و كايحطو كل صندق بحذر و بشوية ، ساحة تسطوكات بصنادق و مابقا لهم فين يزيدو داكشي لاش ضطرو باش يديرو صندوق فوق صندوق بقاو ساعات و هما كاينقلو فدوك صنادق فييين يبان العدد ديال صنادق اللولين ... هادو واخا دارو صندوق فوق صندوق ماكفاتهمش المساحة ، المشكلة ماشي فساحة حيت ساحة كبييييرة بزااااف لا من ناحية الطول لا من ناحية العرض داكشي لاش ضطرو يخليو الباقي ديال صنادق خارج المعسكر تحت حراسة مشددة و فاش كانقول مشددة راها مشددة نيت ، شوية دخلو رجال لابسين بذلات بيضاء و مغطيين راسهم بواحد الماسك و كل واحد جار قدامو واحد لعيبة بروايض فوق منها صنادق فاللون الحمر ولكن صغار و كايحاولو ما امكن يبعدو دوك صنادق من شمش دغيا ، حطوهم فالكولوار لتحت حيت مغطي و ماواصلاش ليه شمش شوية تسمع واحد ضجيج كايصمك الودنين بحال شي تراكتورات ، وقفو حدا الباب ديال المعسكر و حبسو ... سالاو النقل ديال داكشي و تستفو واحد حدا واحد كايتسناو أوامر أرسلان ... عيط لواحد منهم دغيا طار لعندو أمرو باش يعيط للقياد و أبراهام و مالك فقط اما الجنود يسدو عليهم فالساحة ديال التدريبات و يحطو عليهم حراسة باش مايخرج حد .
♔ بقات مصدومة لا هي لا جهاد من هاد الكمية الهااائلة ديال سلاح
جهاد : هادو واقيلا ناويين يدخلو فحرب مع افريقيا كاملة ههههههه
ريماس : ( بتخنزيرة ) واش هادا وقت الضحك؟؟؟ بان لك هادشي كايضحك؟؟؟ هادو ناويين يديرو لينا إبادة جماعية و نتا باقي كاضحك؟؟؟؟؟ واش شفتي الكمية ديال سلاح لي جايبييين؟؟؟؟ واش شفتي عدد الجنود لي كايدربوهم فكل معسكر؟؟؟؟؟ واش عرفتي شنو كاين فدوك صنادق الحومر ولا لا؟؟؟؟؟
جهاد : ريماس تهدني و نقصي مم العصبية انا ماقصدت والو لي كاين هو تصدمت حيت ماتوقعتش هادشي كامل
ريماس : جهاد خاصنا نديرو شي حل لراسنا فأقرب وقت الحرب بقا ليها 7 شهوور و هما بانو ليا وجدو كلشي و حنا فالمغرب علاياش معتامدين ها؟؟؟؟ 50 طراكسيون و نوض تجري؟؟؟ على شوكة ديال الحمير باش زعما يكون عندنا جهد و نتحملو دوك تداريب زينة لي دايرين لينا و فاللخر كاتحمق بنادم باش زعما مايخرجوش اسرار التدريبات؟؟؟ داخلت عليكم بالله اش غايخرجو؟؟؟؟ حتى سلاح ماعندناش كيف ناس ، معتامدين على مكحلة و 3 قرطاسات مصديين وحدة تيري بيها فالعدو و وحدة تيري بيها فراسك و وحدة خليها ديكور ، جهاااد راه خاص نتحركو ... كالعادة سكتاتو و ماخلات ليه مايقول حيت فعلا هضرتها منطقية 100% ... الأعداء مجهزين أسلحة حديثة و متنوعة ... بذلات حديثة و حتى من الأسلحة لي مانعاها الأمم المتحدة و لي ممنوع تستخدمها اي دولة ، حتى هي عندهم و عندهم بكميات هائلة لي تقدر تقضي على نصف الكرة الأرضية وي هما هادوك لي على بالي و بالكم
" القنابل النووية " ... و على برا كانو احدث دبابات لي تكلف بيهم أرسلان شخصيا باش يزيد لهم ميزات قاااتلة
♚ واقف و كايوريهم كل سلاح و كايشرح لهم كل سلاح كي كايتستعمل و فكل شرح كايبقا 2 دقايق و بالنسبة ليه هادي مدة طويلة فشرح ولكن مضطر حيت ماكايبغيش يعاود هضرتو ، شرح لهم بطريقة لي كاتخلي شرح يدخل للراس بسهولة .. سالا الشرح ديالو من مور مافهمو كل سلاح لاياش كايصلاح حيت دوك الأسلحة كيف قلت حديثة و خرج لخارج المعسكر بقا كايعاود لهم على الميزات جداد لي فدبابات هما براسهم بقاو مبهورين و مبهوضين ... عطا اشارة لي كارد باش يهبطو الأسلحة للمخزن لي من تحت الأرض و للأسف ريماس ماكانت عارفة والو على داك المخزن و ماكانتش عارفاه كاين من الأصل ... اما بالنسبة للقنابل النووية قالهم باش يطلعوها للمكتب ديالو تما فين غايبقاو لسلامة المعسكر حيت ماخاصش يتخلطو مع باقي الأسلحة ... طلع للمكتب ديالو و تبعوه القياد ، جلس فكرسيه و بقاو هما واقفين .. تسد الباب و طفا ضو ديال المكتب و تضرب واحد ضو فواحد شاشة بيضاء بحال ديال السينما ...
♔ بدات كاترتب المعلومات فالذاكرة و ها هي و اخييرا وجدات و جميع المعلومات فيها ... التداريب كاملة ، البذلة و أجزائها ، جميع المعلومات على الأسلحة الحربية ، و اهمم حاجة الخطة ديال أرسلان و كي غايديرو يدخلو للمغرب و زييد و زيد
جهاد : دابا كلشي ناضي عندنا جميع المعلومات ديال الحرب ديالهم ولكن خاصنا نوصلو هاد ذاكرة فأسرع وقت لسي راضي باش نبداو حتى حنا نوجدو للحرب
ريماس : ( ساهية )
جهاد : فاش كاتفكري؟؟
ريماس : ( عقدات حجبانها ) فدوك القنابل النووية لي عندهم ، ماشي من مصلاحتنا يبقاو عندهم حيت 100% هما لي غايربحو و ماغاتبقا عندنا حتى فرصة قدامهم باش نربحو هاد الحرب
جهاد : ايوا و شنو غانديرو؟؟؟
ريماس : غادي يخصنا نرجعو للمعسكر غدا فالليل
جهاد : واش كاتفكري بعقلك ولا لا؟؟؟؟ طيارة عندنا غداا و هوياتنا صافي وجدو مابقا عندنا مانديرو هنا و خدمتنا سالات هنا ، المهمة ديالنا كانت هي نجيبو المعلومات ( سكت مدة و نطق ) ريماس مابغيتش نخاطر بيك
ريماس : بغيتي تمشي معايا يلاه ولا مابغيتيش و خفتي على راسك ، تقدر تمشي نتا حيت مايمكنش نخلي لهم دوك القنابل .. مابغيتش نخسر حتى الوطن ديالي باراكا عليا غير لي خسرت
جهاد : واش واعية بشنو كاتقولي؟؟؟؟ باغانا نرجعو ايوا ولا تشدينا؟؟؟؟ كي غادي نديرو نوصلو الذاكرة؟؟؟؟
ريماس : الذاكرة غادي نعطيوها لمراد امانة فحالة مارجعناش يدير خدمتو و يوصلها لسي راضي ، ياك هو تقة؟ و كان من المدربين ديالي؟ و زيد عليها ياك هو لي وجد لينا الأوراق ديالنا يعني راه تقة
جهاد : هادي راه مخاطرة كبييرة راك شفتي الحراسة مشددة تما كي غانديرو ندخلو؟؟
ريماس : شفت كلشي و بالنسبة لكيف غانديرو ندخلو كلشي فكرت فيه
جهاد : يعني نتي كنتي ناوية هادشي من الوقتية لي شفتي فيها الأسلحة عندهم؟؟؟
جهاد : تصبحي على خير .. مشات لبيتها و خلاتو كايفكر فهاد البلان لي خرجات بيه ماغاتتهنا حتى تصفيها لهم ب2
♚ أرسلان : ضروري اليوم؟!
أبراهام : وي ميستر أرسلان قالك اليوم بغا يشوفك ضروري ( تردد شوية و عاد نطق ) ميستر أرسلان احم راه نقدر نوصي لك باش يقادو لك خاتم نسخة عليه علاما نجيبو الخاتم الأصلي
أرسلان : لا .. هز الكاس ديال المشروب و بقا كايلعب بيه فيديه و عقلو مشا بعيد كايفكر ولكن فاش؟ الله و اعلم
مالك : ميستر أرسلان سي اصلان كايعيط لي .. مد ليه يديه باش يشد طيلي
سي أصلان : و مال أسوار مابقاش مشا للمعسكر؟؟؟ ياك هو لي كان مكلف بهادشي؟؟؟؟
أرسلان : عيا من المعسكر و بغا يرتاح واحد المدة
سي أصلان : اممم المهم بغيت نعلمك بلي غدا خاصك تمشي لإجتماع مع رؤوفين ريفلين ( رئيس اسرائيل )
أرسلان : واخا ا جدي ... قطع معاه و ضار لعند أبراهام
أبراهام : ميستر أرسلان
أرسلان : وقفو البحث عليها
أبراهام : ( بصدمة ) ولكن علاش ا ميستر أرسلان؟؟
أرسلان : ماكانش فخباري بلي خاص نعطيك تبريرات
أبراهام : ( حنا راسو ) كانعتاذز ا ميستر ارسلان ولكن لي قصدت و الخاتم ديالك؟
أرسلان : ديرو اش قلت لكم و ركزو على الحرب ... بقا ابراهام كايشوف فمالك و مالك كايشوف فأبراهام اش هاد القرار الغريب؟ و المفاجئ ماكانوش متوقعينها منو نهائياااا و خصوصا هو من نوع لي ماكايسامحش ...
♔ جالسة وسط الشقة كاتعزف على البيانو و هي عاايمة فبحرو كانت كاتعزف واحد اللحن حزين و فنفس الوقت كايدخل الرهبة للنفوس ماعارفاش علاش كاتعزفو و كيفاش يديها كايعزفوه كأنهم حافضينو مزيااان واخا هي عمرها عزفاتو كيفاش كاتعزفو بحالا حافضاه ... غمضات عينيها زادت غرقات فبحر البيانو لي من ديما كاتلقا فيه راحتها اكثر من اي حاجة كاتحس بلي كاتلقا ذاتها فأوتارو لي فيها لونين فقط لي هما الأسود و البيض ماكانتش عارفة بلي حياتها غادي تولي فنفس الألوان ديالو عبارة على كحل و بيض ، عايمة فبحرهم ولكن ماكانتش عارفة بلي غايتزاد لون الأحمر القاني و يخلي البيانو يغرق بلون البؤس المحتم و يوليو فيه فقط 2 كولورات الأحمر و الأسود لي كايعنيو غير الكأبة و القتيلة ... بدات كاتحل عينيها بشوية بشوية كتعبير على انتهاء المقطوعة ولكن تصدمات من شنو شافت .. لقات البيانو غارق بدمايات تصدمات و رجعات لور بالكرسي كاتشوف فيديها لي كانو حتى هما عامرين بالدم ، بدات كاتحس بجبهتها كاتقطر عليها شي حاجة .. هزات يديها مسحات بيها جبهتها لقات قطرات دم هزات راسها بالعرض البطيئ للسقف كانت جثة جهاد معلقة و راسو مقطوع ماكاينش نهائيا و دم كايهبط منو شلااال غوتات غوتة وحدة تخلعااات و رعب دخل لقلبها مايمكنش يكونو وصلو لهم مايمكنش
ريماس : لااااااااااااااااا مايمكنش .. بقات راجعة باللور حتى تزدحات مع شي حاجة قاصحة ضارت بالعرض البطيئ باش تشوف شكون و فبالها غادي يكون غير شي سفاح .. كان واقف بلباسو الأسود و فيديه ليكات كوحل و هاز منجل فيديه كايشوف فيها بنفس النظرات المظلمة مرسومة على وجهو ديك الإبتسامة الغريبة لي كايدير فاش كايكون ناوي يقتل شي واحد ولات حااافضاها و عارفاها اش كاتعني
ريماس : ( غمضات عينيها ) لاااااااااااااااااا ... ناضت مفزوعة و كلها عرقانة و قلبها كايضرب نفس كاطلعها بصعوبة كان ابشع كابوس غاتشوفو فحياتها
جهاد : ( مخلوع ) ريماس مالك؟؟؟؟؟؟؟ ... دارت ليه اشارة بيديها باش يطمنئن بقات كاتحاول تتهدن ولكن قلبها كان باقي مخلوع و مزيير عليها ، داك الكابوس كان كايبان بحالا حقيقي .. مدة طويييلة باش مابقا جاها شي كابوس حتى لهاد المرة
ريماس : ( كاتهدن راسها )غير كابوس ، شحال ساعة؟؟؟
جهاد : مزال عاد 3
ريماس : و اش كادير نتا هنا؟؟؟
جهاد : ( توتر ) ا ا احم والو غير سمعتك غوتتي و حيت نطمأن
ريماس : هانتا شفتيني و راني بيخير خرج خليني ننعس ، خرج من تما و كالعادة محطم ماعارفش علاش ريماس عدائية بحال هاكا معاه واخا هو عمرو خصر لها خاطرها ، بقات سهرانة و بالها غير مع داك الكابوس لي حلماتو ماعاوداتش غمضات العين بقات على داك الحال حتى بدا يصبح الحال ناضت من بلاصتها و مشات طرفات و قررات هاد نهار هي لي توجد الفطور كإعتذار لجهاد حيت ديما ضايرة فيه واخا عمرو صرف معاها العيب ، خرجات للكوزينة و بدات كاتقلب فتلاجة لقاتها كاتصفر و مافيها والو عاد تفكرات بلي جهاد كان لاح كلشي حيت كانو مخططين على حساب اليوم غايسافرو بغات تفيقو من نعاس ولكن ماجاتش حيت ايلا فاق ماغايخليهاش توجد الفطور داكشي لاش قررات هي تخرج تقلب على شي سوبر ماركيت باش تجيب باش يفطرو .. مشات كاتسلت لبيتو لقاتو ناعس و بدات كاتقلب بعينيها على البزطام لقاتو فوق الكوافوز و هزاتو و خرجات كيما دخلات ... هزات حوايج رجالية لبساتهم و زادت لصقات الموسطاش و اللحية و دارت القب و على راسها باش تتفادى اي واحد يتعرف عليها ... خرجات من تما و ناوية ترجع بزربة ، هبطات كاتجري فداك دروج حجة و زيارة منها تزرب باش ماتعطلش و منها تلعب سبور شوية .. بقات غادا و كاتسول على سوبر ماركيت حتى وصلات ليه و تقدات داكشي لي بغات و رجعات ، غادا و عقلها كايفصل و يخيط فالخطة ديال هاد الليلة ما حسات براسها حتى دخلات فشي واحد كان واقف ...
طاحو لها الميكات من يديها و هزات راسها بعصبية يلاه غاتبدا تسب و تعرعر عليه حتى صدمها فاش ضار لعندها نظراتو باردة كعادتو .. بدات كاتشوف فيه و كايشوف فيها هي عرفاتو ولكن من زهرهاااا ماتعرفش عليها بسبب الموسطاش و اللحية لي ملصقة ، توترات و قلبات وجهها كادير راسها بحالا كادوز يديها على اللحية و الموسطاش ولكن هي غير كاتتأكد واش لحية باقا فبلاصتها تفكرات الكابوس ديال الليلة لي حلمات شنو زعمااا يكون جا باش يقتلهوم؟؟؟؟ ... جا أبراهام كايجري من مور ماشافها دخلات فيه ، حط يديه على سلاح و بغا يجبدو يصفيها لها ههه هادشي كامل غا حيت دخلات فأرسلان ولكن لسبب مجهول بقا مبلوكي شحال كايحقق فيها و عقلو رجع بذكريات اللور ، بدا كاينزل سلاح شوية بشوية و غير كايشوف فريماس
ريماس : ( فنفسها ) واش هادو عرفوني ولا كيفاااش الله ينعل الساعة لي فكرت فيها نخرج ولا نوجد شي فطور ... عينيها ماترصاوش فبلاصة وحدة نهائيا و كل مرة كادوز يديها على اللحية و الموسطاش واش باقيين فبلايصهم بغات تهضر ولكن لهجتها بااااينا واخا تبدل صوتها
أبراهام : ( الصمت )
أرسلان : ماسمعتينيش؟!! اش كاتسنا .. فاق أبراهام من سهوتو و رجع للواقع
أبراهام : ( بتردد ) واخا ا ميستر ارسلان احم ولكن مايصلاحش هنا حيت العامة كايشوفو و هادشي ماشي لصالحنا حيت غايوالفوها و غاتولي السيبة
أرسلان : ( بإبتسامة ) و شنو ناوي دير؟!
أبراهام : احم غانديه لبلاصة خاوية و نصفيها ليه بلا مايشوفو حد
أرسلان : ( بملامح ممحية ) ماتتعطلش .. رجليها جمدو و عقلها تبلوكا راس كايقولها هربي بجلدك قبل ماتولي فخبر كان و راس كايقولها تبتي للأرض حتى يكون غير بوحدو و هربي لو حيت اكيد ماغاديش يرضى يقول لأرسلان راها هربات .. خنزر أبراهام فريماس
أبراهام : جمع زبلك و نووض تحرررك .. دفعها و ماكرهاتش تغززو بسنانها و ضروسها جلسات جلسة القرفصاء باش تجمع داكشي لي تشتت بدات كاتجمع بزربة و عينيها مراقبين غا أرسلان لي ماكانش كايشوف فيها نهائيا ناضت و عاود دفعها أبراهام لقدام .. بقات غادا قدامو و هو موراها بعدو و ضارو من واحد ضورة و هبط سلاح خشاه عندو
أبراهام : ( بدون سابق إنذار ) تلاح عليها عنقها و زير عليها حتى تخنقات كاتحس بالروح غاتزهق ليها غيرات نبرة صوتها و نطقات
ريماس : طلق منيي واش جاك الحنان عليا طللق راك خنقتيني طلق مني ا ولد الحرام رووح غاتزهق ليا .. دفعاتو و خنزرات فيه بقا كايشوف فيها بنظرات إشتياق و حنان شوية تقلبو نظراتو لتخنزيرات
أبراهام : سير فحالك و مانعاودش نشوف كمارتك نهائيااا ... بقات مصدومة ولكن مع نطقها طلقات رجليها للريح ماعاوداتش شافت موراها تخبعات فواحد الموبل
ريماس : ( مصدومة ) لا دابا زدت تأكدت بلي هادو مسطيين .. بقا كايفكر فالشبه الكبيير لي بين داك شخص و بين واحد شخص كان غالي عليه ولمن فرقاتهم الموت وي ريماس بديك لحية و الموسطاش تشبهات ليه مع صاحبو و رفيق عمرو داكشي لاش ماقتلهاش
♚ مالك : صافي ا ميستر أرسلان راه جاي
أرسلان : شحال باقي للإجتماع؟!
مالك : باقي ليه 10 دقايق و يبدا
أرسلان : مزيان
مالك : أبراهام فين تعطلتي؟؟؟
أبراهام : ( بتوتر ) كنت كانخبع الجثة ديالو
أرسلان : ( بنظرات غير مفسرة ) و خبعتيه مزيان!! .. مشا مالك يشري قرعة ديال الما و بقا غير أبراهام و أرسلان
أبراهام : احم وي ميستر ارسلان
أرسلان : ( ببرود ) هضر مع رجال يحفرو قبر
أبراهام : ( بإستغراب ) علاش ا ميستر ارسلان
أرسلان : ( بهدوء ) باش المرة الجاية لي غاتكدب فيها فوجهي غاتلقاه كايتسناك .. زاد و خلاه غير كايبلع فريقو كايخلعوه تهديدات أرسلان حيت عمرو هدد و ماوفاش و كون كان أبراهام شخص عادي كون راه عضومة دابا ولكن بلاصتو و مكانتو عند أرسلان هي لي كاتشفع ليه .. تبعو و كملو طريقهم للإجتماع لي كان قاليه جدو و لي من زين زهر ديال ريماس داك الإجتماع كاين فنفس المدينة لي فيها هي و جهاد ...
طارت نييشان للعمارة لي ساكنين فيها بديك الخلعة لي فيها ولات كاطلع 2 درجات بلاصة درجة وحدة .. وصلات للشقة و وقفات كاتسترجع انفاسها دخلات لقات جهاد باقي ناعس حطات داكشي فالكوزينة و هبطات على كاس ديال الما هبطة وحدة و الأسئلة كايتضاربو لها فراسها ياكما عرفها؟؟؟ علاش ابراهام ماقتلهاش؟ اش كايديرو هنا؟؟ زاد كمل عليها داك الكابوس لي حلماتو بدات توجد فالفطور و عقلها غير مع هادشي سالات و حطات الفطور جهاد غير سمع حس تخرشيش ناض مفزوع حيت عارف ريماس كاتنوض معطلة ، مشا للصالة لقاها جالسة كاتفطر و قدامها البيسي
جهاد : صباح الورد
ريماس : صباح الخير
جهاد : فقتي هاد نهار بكري اش طرا و جرا
ريماس : ضرباتني الفيقة بكري و قلت ندير شي حاجة مفيدة اجي تجلس تفطر
جهاد : واخا تسناي نغسل وجهي و هاني معاك ... مشا يغسل وجهو و رجع جلس قبالتها
ريماس : فطر حيت باقي عندي مانقولك
جهاد : ا حداكيتي هاد نهار
ريماس : باش ماتقولش مخلياك غير نتا لي كادير كلشي مهم عندي ليك ضي حاجة مهمة .. كاياكل و كايهضر
جهاد : الله يسمعنا خبار الخير
ريماس : أرسلان و أبراهام هنا
جهاد : كككح كحححح كح كح ... وحلات ليه بهاد الخبار لي سمعها على صباح ماصدق انو غايبعدو من هنا حتى صدق جاي لعندهم برجليه ، مدات ليه كاس ديال الما
ريماس : مزااال عندي مانقولك
جهاد : اش كايديرو هنا؟؟؟؟ كي دارو عرفونا هنا؟؟؟؟
ريماس : باش بغيتيني نعرف؟ لي عارفة هو انهم ماجايينش على ودنا
جهاد : ريماس خاصنا نخويو من هنا فأسرع وقت ديري بناقص من داك البلان لي باغا نديروه و خلينا نمشيو فيحالاتنا
ريماس : هههههه واش كاتهضر من نيتك؟ لا لا واش من نيتك؟؟؟ واش عرفتي ا سي لابقاو عندهم دوك القنابل شحال من دولة غايدمروها؟؟؟؟ و يرجعوها صحراء قاحلة ، قارة افريقيا كاملة غاتتمحى من الخريطة لامشاو حتى ستعملو دوك القنابل فالحرب
جهاد : و حنا علاش غا ناخدوهم منهم؟ يعني لاستعملناهم راه بحالا ستعملوهم هما
ريماس : و شكون قالك حنا غانستعملوهم؟
جهاد : غانخبعوهم عندنا؟؟
ريماس : تماما .. اول حاجة ماغايتضرروش الأرواح البريئة و ثاني حاجة غايبقاو عندنا نزيدوهم على الأسلحة لي عندنا
جهاد : امم تا هادا بلان زوين
ريماس : قطعت البيي و غاتكون عندنا طيارة غدا فصباح
جهاد : و كي غانديرو ننقلو القنابل؟؟ هههه واش سهلتيها؟
ريماس : غير تهنا من هاد ناحية حيت خططت لكلشي بالنسبة للقنابل البارح تواصلت مع واحد شخص خبير فتهريب و عمرو تشد و وصلنا لإتفاق مزيان غادي يوصلهم لينا للمغرب بتمن ******
جهاد : واش حماقيتي؟؟؟ حنا منين غايجينا هاد المبلغ؟؟؟ نتي عارفة لابغينا الفلوس خاص تا نمشيو للمغرب عاد نقدرو نخلصوه
ريماس : حتى هادي فكرت فيها
جهاد : اش فكرتي تاني؟؟
ريماس : قدرت ندخل للسوق السوداء البارح و عرضت تما بلي عندي 2 قنابل نووية و بزاف لي طلبو يشريوهم بأثمنة خيالية ولكن كان بيناتهم واحد من اغنياء سوريا و تافقت معاه على ثمن و غدا فصباح نيت غايكون هنا .. تسرط لو لسان و مالقا مايقول وصلات بيها لأنها تتعامل مع اخطر ناس باش تنقذ المغرب ماكانش متخيل غاتكون بهاد ذكاء
جهاد : ريماس واش داويا فري ولا كاضحكي معايا؟
ريماس : موالفا نضحك معاك؟؟ المهم سمع الخطة عاد حكم
جهاد : ( باقي متعجب ) هاني كانسمع
ريماس : اول حاجة راني هضرت مع مراد و حتى هو غايكون معانا غادي يخصنا سلوم يكون طول ديالو ** و شاحنة تكون مغطية حيت لوطو ديالك ماغاتكفيناش و ********** ... غادي ندخلو للمعسكر من السور اللوراني حيت ماكاتكونش فيه الحراسة بزاف مراد غايبقا فالشاحنة و انا وياك غانمشيو للمكتب ديال الكلب أرسلان حيت تما فين كاينين القنابل غاننقلوهم للشاحنة و غادي نغبرو تما و فحالة مانجيتش انا وياك راني عطيت صورة مراد للمهرب و داك لي غايشري القنابل و هضرت مع مراد فين غايطلاقاهم و معاياش و كي يدير يتعامل معاهم و حتى على الثمن و المدة لي غايستغرقها باش يهرب لينا سخرة و بالنسبة للذاكرة راها عندر حيت فالوقت الحالي هو الوحيد لي بيناتنا الخطر بعيد عليه فحالة نجحنا و نجينا منهم غادي نشدو طيارة من مور مانتكلف بهادشي و نيشان للمغرب
جهاد : ( صفق لها ) صراحة ماخليتي لي مانقول كلشي ضربتي لو الحساب
ريماس : بيان سيغ
جهاد : خاصنا نتحركو دابا باش نجيبو داكشي لي غانحتاجوه فهاد العملية
ريماس : سالي فطورك و خلينا نتحركو
جهاد : انا مسالي تسناي نلبس و نجي ...
♔ الساعة 00:00
جالسين فالشاحنة مزاحمين ب3 القدام كايتسناوهم ينعسو ، كل شي واجد و كاع شغالاتهم فيناوهم قبل مايطيح الليل
مراد : واقيلا راه نعسو
ريماس : لا مزال مادخلهم نعاس
جهاد : و نتي باش عرفتيهم؟؟
ريماس : ماتنساش راه كنت معاهم يعني عارفة ايمتا كاينعسو ، الجنود ناعسين ولكن القياد مزال
مراد : دابا اش درنا
ريماس : سمعوني و حلو ودنيكم
جهاد : كاي أذان صاغية
ريماس : ( بجدية ) نتوما عارفين التعب و المجهود لي كلفنا باش نوصلو لهنا ، حتى واحد فينا ما ضامن عمرو و حتى حد فينا ماعارف واش غاننجحو ولا لا واخا انا متأكدة بلي غانجحو منين ماكاينش ارسلان ولكن الإحتياط واجب
مراد : شنو المطلوب؟؟
ريماس : فحالة وقعات لي شي حاجة غادي تلقا الشخص لي غاتبيع لو القنابل النووية فتل ابيب ف***** .. انا هضرت معاه يخلصنا كاش ديك ساعة نتا غاتشد الفلوس و تقسمهم فنص و غاتمشي طلاقا بالمهرب فمدينة ****** عطيه نص ديال ثمن و حتى يوصلهم للمغرب عاد كمل ليه ( مدات ليه ورقة ) هادو نوامرهم
جهاد : و متأكدة بلي هادو تقة؟
ريماس : داك سوري تقة حيت عارفاه باغي يساعد بلادو بيهم يعني اكيد ماغايكدبش و داك المهرب راني عرضت عليه ثمن مغري ماكانظنش غادي يخوي بينا
مراد : غادي ترجعو سالمين ان شاء الله و نتي بنفسك غاتكلفي بهادشي
ريماس : بلاتي نكمل لك
مراد : هضري هضري ... جبدات واحد CD
ريماس : هاد CD فيه شي حاجة مهمة لي غاتعاونا فزااف
جهاد : ياك كلشي كاين فالذاكرة؟؟؟
ريماس : هادا بالضبط غادي تخرجو عليه نسخ و تتكلفو باش يوصل لمخابرات الجزائر و تونس و كاع بلدان افريقيا بصفة عاامة
مراد : علاش اش كانو كايقولو فيه؟؟؟
ريماس : دابا تعرف اش فيه ولكن تأكد بلي غايوصل لهم فأسرع وقت و خلي سي راضي هو لي يتكلف بالهضرة معاهم
مراد : ماعرفتش علاش كانحس بحالا كاتودعينا
ريماس : تابعاكم تابعاكم ماعندي فين نمشي غير كانبغي ناخد احتياطاتي بالنسبة للقنابل النووية وااااياكم يعرف شي واحد بلي راهم عندنا حيت غايتضرب كلشي فزيرو
مراد : ماعندهم منين يعرفو غايعرف غير سي راضي
ريماس : جهاد يلاه نهبطو جا الوقت ... هز الماطريال و خدا نفس عميق و خرج من شاحنة
جهاد : يلاه ... تمنا لهم مراد حظ موفق و بعد الشاحنة شوية على المعسكر باش مايلفتش الإنتباه
ريماس : غانحاولو نهزوهم دغيا و نخرجو بلا صداع
جهاد : شحال كاين من صندوق؟؟؟
ريماس : كاين 10 صنادق ديال القنابل النووية
جهاد : هادو ناويين يفركعو العاالم ماشي غير المغرب
ريماس : صافي وصلنا
جهاد : غانطلعو من هنا؟؟؟
ريماس : وي من هنا علاش ياكما خفتي؟
جهاد : ههههه من نيتك
ريماس : ايوا مانعرفت ... حطو سلوم لي كان عااااالي طلعات هي اللولة و تبعها هو موراها وصلو للجهة لي فيها الأسلك الكهربائية لبسات ليكات ديال جلد على ود ضو و شدات لقاط بدات كاتقطع فيهم واحد بواحد سااعة و هي معاهم بحرا باش قدرات تخلي بلاصة منين دوز .. شدات 4 مسامر كل مسكار فيها تقريبا شبر و جبدات شونيور كاتم للصوت تقبات 4 تقبات كل 2 بوحدهم و خشات فيهم مسامر عوجاتهم باش مايتحيدوش ربطات فكل 2 حبل ... حبل لاحتو من جهة لاخرا باش يهبط بيه جهاد صنادق و حبل لاحتو من لداخل باش جهاد يطلع صنادق بيه .. شوية جا مراد وقف لتحت باش فاش يوصلو صنادق لتحت ينقلهم للشاحنة ... و هادي هي الخطة لي كانت عندهم ، ريماس غاتمشي تجيب صنادق و تربطهم مع الحبل بطريقة احترافية باش مايتزدحوش ولا يطيحو و جهاد غايبقا الفوق معلق باش يبقا يطلعهم و يعاود يدير نفس العقدة فالحبل لي غايهبطهم و مراد غادي ينقلهم للشاحنة ، هبطات لتحت و بدات كاتشوف شنو تزاد و شنو نقص لقات بلي عدد الحراسة زاد تشدد كتر من اللول ولكن معامن هما .. دارت القب ديالهع و بدات كاتسلت من نفس جهة لي كانت سلتات منها ديك المرة حيت ديك طريق مافيهاش الحراسة بزاف ، مشات لساحة اللور بدات كاتتعلق فشراجم شرجم بشرجم حتى وصلات للسطح .. و عقدات فيه حبل و مسمار ثلاثي بحال المخلب فواحد لعيبة تما .. تأكدات بلي العقدة معقودة مزيان .. رجعات لحافة سطاح و بقات شادة فالحبل كاتهبط بشوية بشوية حتى وصلات للسرجم ديال مكتب ارسلان كان مسدود بدات كادفع فيه بشوية باش مايسمعوهاش الحراس لي قدام المكتب ، وي هي عارفة بلي كاينا الحراسة قدام باب المكتب داكشي لاش بغات تدخل من سرجم مابغاش يتحل زادت فورصات عليه و كاتحاول ما امكن مايتطلقش صوت و اخييرا قدرات تحلو ...
تسنات شوية باش تشوف واش كاين شي حس فالمكتب عاد زادت حلات شرجم و مع الحلة لي حلاتو بانو ليها صنادق مستفين حدا البيرو بضبط ، عينيها توسعو بقوة الفرحة و يلاه بغات تخطو الخطوة اللولة و هي تراجع كيفاش زعما؟ قنابل نووية ثمنها بالملااااااييير و محرمة دوليا و صعيييييب تلقاهم ولا نقولو مستحيل و زيادة على هادا الخطورة ديالهم و يكونو بهاد الحراسة الناقصة؟؟؟ لا لا لا مايمكنش انا متأكدة كاينا ان فالموضوع بفففف ولكن كي غاندير نتأكد .. بقات جالسة شحال فشرجم كاتفكر و كاضور عينيها فالمكتب ولكن مابان لها والو شكات فواحد الحاجة و قررات باش تقطع الشك بيها و باش تتأكد .. جبدات البارود لي كانت حتى هو جايباه للإحتياط و رشاتو فالغرفة و فعلا كانو تما خطوط الليزر فالحمر مخفيين ، بداو كايتوضحو لها واحد بواحد .. الغرفة كانت كاملة خطوط حمراء لي ماعرفاتهمش واش كايصفيوها لبنادم ولا كايعيطو لداك لي غايصفيها لبنادم .. بدات كاتتجبد و تجبد يديها .. جمعات شعرها و غطاتو ... حيدات القبية و بقات بإكس باش مايوقع حتى غلط ..
ريماس : ( تنفسات بعمق ) ريماس تهدني هادشي ساااهل ديري بحالا كاترقصي الباليه ... حطات الماطريال فشرجم و هبطات اول رجل و تبعاتها تانية و بدات كاتتحرك بكل خفة و كاتتلوا من كاع جوايه ... كاتحنا بجهة عكسية و مرة كاتحنا عادي على حسب الليزر فين كاين ، وصلات للبيرو و بدات كاتقلب منين تلغي النظام ، بانت لها واحد البوطونة حمرة كليكات عليها و فجأة مشاو كاع خطوط الليزر و تكتبات فواحد شاشة فوق ديك البوطونة 10:00 كان هاداك العد العكسي لي كايرجع اللور باس يرجعو الخطوط ... مشات عاودات لبسات قبيتها و هزات الماطريال بزربة و مشات لجهة صنادق لي كانو ماتقالش بزاف ، هزات واحد و خايفة غا لايتفركع عليها .. مشات لجهة شرجم و هبطات بنفس طريقة باش طلعات مشات كاتجري لجهة سور و عقدات صندوق مزياااان بالحبل عطات اشارة لجهاد باش يطلعو .. بدا كايهزو بالمهل باش مايتزدحش مع سور و يصدق مفركع عليه ، طلعو لعندو و عاود كايهبطو لتحت لعنده مراد لي غير وصل ليه صندوق فك العقدة بزربة و هز صندوق بحذر و مشا كايجري بيه للشاحنة ، رجعات ريماس و تسلقات بنفس طريقة لولانية وصلات للمكتب هزات صندوق اخر و هبطات بيه كاتجري كاتحاول تسابق مع الوقت باش مايتسالاش العد العكسي حيت ماعارفاش واش غاتنجح هاد المرة فتجاوز خطوط الليزر ولا لا اللهم تسربي دغيا ... وصلاتهم لجهاد و عاود دار نفس العملية ، و نفس الشيئ مع صندوق الثالث و رابع و الخامس و سادس .. شافت فالعد العكسي شحال بقا لقات باقي 3 دقايق ... حاولات تخفف الحركة و كملات فزربة ديالها نقلات سابع و ثامن و تاسع و اخييرا قدرات تنقل العاشر قبل مايسالي الوقت ترسمات على شفتيها فرحة كبيييرة
ريماس : ماتخافش ... مشات كاتسلت بنفس طريقة حتى وصلات للمكتب شافت فالعد العكسي كانو باقيين 5 ثواني .. بقات واش تزعم ولا ماتزعمش فاللخر دارتها فيد الله و هبطات كاتجري كاتسابق الوقت حتى وصلات للمكتب و هزات الماطريال فيديها و يلاااه بغات تخرج تسالا العد العكسي و كانت الصدمة الكبرى بالنسبة لريماس .. ماشي رجعو خطوط الليزر ولكن تسد شرجم و تضربات لها شوكة نيشان فالعنق و تحل الباب
♜ مبلوكي فوق سور و الحراسة ضايرة عليه من كل جهة وحل و ماعرف كي يدير يتفك ولا محاصر من جميع الجهات
مالك : ماغاتهبطش؟؟؟؟ ... ماسمعش ليه و دار لي فراسو حاول يدخل بين الأسلاك الكهربائية و يتكالا بيهم باش مايوصلوش القرطاس ديالهم
أبراهام : مزال مابغا يهبط؟
مالك : باقي معلق اش غانديرو دابا و هو تخبع كي الفار؟؟؟
أرسلان : ( ببرود ) عدموه بالضو
ابراهام : حاضر ميستر ارسلان .. مع سمعها جهاد بقا كايحاول يخرج من تما حيت فهم اش قصدو ولكن للأسف ماجا فين يخرج من تما حتى كانو زادو فالواط و شد فيه ضو وسط دوك الأسلاك بحالا خشاوه فتابوت حديدي و ضربوه بضو .. مع خرج من وسط دوك الأسلاك طاح جثة هامدة دم كايسيل ليه من عينيه و من ودنيه و من نيفو و من فمو ... تشوط كااامل بقاو كايشوفو فيه كاملين ...
العميل الصهيوني والجاسوسة المغربية الجزء السادس
محتوى القصة
التنقل بين الأجزاء