نادت على رجليها و بدات كتهرس و تشتت و تغوت و غواتها قالب لقصر و كتهضر بجهد و بقهر
اما هو فكان غير. حدا ببابها و هو كيشوفها هكداك مضمرة
شويا و هي توقف حدا لمراية و بدات كتشوف راسها فيها و كترجف..... من كثرت الفقصة و الاعصاب..... بقات كترعد و تشوف فراسها و مزيرا على يديها محسات براسها الا و هي ضاربا ديك لراية بيدها حتا تهرسات و يديها بداو يسيلو بدم
خرح عينيه من منضرها و هو تيشوفها كيفاش كضرب ديك لمراية بكل ما فيها من قوة و تغوت....... مشا لعندها كيجري من ورها و جرها من كرشها و هي كتفركل و تغوت بأعلا صوتو تبكي جاها انهيار عصبي قوي بزاااف
ضورها عندو و شدها من كتافها و بدا ينخض فيها
وولف: " غوت في وجها" هييييييييه صافي سكتينا براكا
هايهااااااااات هي كاعما كتسمع ليه غير كتغوت...... شويا و هي تبدا تضرب ليه فصدرو بجنوووووون بيديها لي بجوجهم كيسيلو بالدم
ليلى: بعد بعد بعد هئ هئ حتى نت بحاهم هئ هئ بحالهم هئ هئ حتى نت كتأديني بحالهم هى هى خرج خرح سير بحالك. سييير هئ هئ
وولف تصدم فيها و ف تصرفاتها و هاد النوبة لي جاتها و هو ماعارفش انها تصدمات ديييجا من موت وليديها لي ماتو مغضورين و كانو ديما كيجيوها هاد النوبات ديال العضب الشديد.......
جبدها عندو معنقها و حاشيها فيه و كأنها غاديا تهرب و هي يديها هاكداك دايزين بالدم...
فلول بدات كتنتر منو لكن سرعنما قواها خارت و بدات كتبكي بإنكساى..... و هو جامد في بلاصتو و هو كيحس ليها كترخا
شويا مبقاوش رجليها هازينها و هي تزيد تقال هبط بيها لأرض و هي كتننخصص و هو كيدوز يدو على وجها لي عراق و لعروق فيه برزو و ولا حمررررر من. كثرت لبكاء
كيمسح ليها و يشوف فوجها و عنيها لي كيوليو ديكور اااااااخر فاش كتبكي
علات عنيها فيه و لحيتها كترعد و هي كتنخصص بحال دراري صغار و صوتها كيزيد يصغار فاش كتبكي
ليلى: "بحزن وألم" هئ هئ يديا كيدروني بزااااف
هبط عينو ليديها و هو يتصم كلها ولات دم و حتى وجها قاصتو بيديها
طلع راسو فيها و بدا يمسح ليها دموها و هزها خارج بيها من بيتها لبيت لي أنفاص
هي لفشلة قااااضيا عليها ما دوات ما تكلمات وصل بها حل لباب و داها حطها على رجليها و هي تأوه بألم
ليلى: "بصوتها الطفولي الناعم" اي راه جلي حتى هي كتحرقني بزااااف
ولا هزها و حطها فوق سرير و طل على رجليها لقاها داخل فيها زاج و دايزا بالدم تنهد و مشا بإتجاه لحمام جاب مستلزمات الإسعاف
اول حاجة.... دوا ليها يديها لي تضررو بزااااف و هاد مشا ليها لرجلها لي كانت داخلا فيها زاجة كبيرة
يالله قاسخا و خي تأوه و شدات كثفو
ليلى: " بترجي" لا لا عفاك بلاش صافي راه يديا كيحرقونس بزاااف بلاما نزيد عاد رجليا
ليلى: "ميلات شفايفها بنعومة" مممم ولكن واخا هاكداك زوينة انا
إيمان: ههههه زوييينة و متوااااااضعة ماشاء لله ما عليناش نوضي ندوش ليك و نعقمليك جراحي باش تشربي دوا و ترتاحي شي شويا صافي
ليلى و مات ليها براسها و إيمان مدات ليها يدها و بش توقفها.....
داتها لحمام و سدات طواليط جلساتها عليها و مشات قادات لبينوار و عمراتو بالمعقمات و عاوناتها و قفات و حيدات ليها حوايجها و حشاتها فبينوار و درات كدوش ليها شعرها و كتعاملها بحال شي بنية صغيرة ليلى حسات بإحسااااس غريب محساتوش من نهار متت مها وولات كدوش راسها
إيمان: " و هي كتغسل ليها فشعرها" مممم شعرك. كيحمق و كتعتاني بيه غا هو علاش مكطوليهش
ليلى: مممم ماشي انا لي كنعتاني بشعري راه خويا هيثم هو لي كيعاوني ههه حيت هو كوافور هههه كان هادا هو حلمو لكن فاش مامات بابا ضطر انه يتخلا على حلمو و يهز الشركة مع عمي لكن محبسش حتى خدا ديبلوم و و هو لي كيقول ليا ان شعري هاكدا جاي معايا حيت هو كيعجبو شعر قصير حتى مراتو هو لي كيهتم ليها بشعرها
إيمان: " تفرشخات بالضحك" هههههه هيثم العلامي داك. طولة و تجريدة و رجولة كااااامل كيقاد ليكم شعركم
ليلى: اه و مالها اش فيها راه عاااادي. جدا بالعكس هو قمة الرجولة حيت كيحتارم الجنس اللطيف بزاااااف بزااااف
إيمان: .... هي من واحد الناحية عندك الحق لي كيحتارم الجنس اللطيف كيكون رااااجل
ليلى: ههههه وي راااجل بزاااااف
بقاو هاكداك. داويين حتى كملات ليها و خرجاتها ملوياها فبنوار و شداها من يدها حيت كتعرج برجلها
جلساتها فوق سرير و مشات لبيت لاخر جابت ليها ما تلبس و جات بدات كتلبسها.....
لبساتها دوبياس بيضين مع بيجامة ديال نعاس بحكم غاديا تعطيها دوا باش تنعس
اما عند وولف لي كان فالمكتب ديالو جالس مصدوم و فبالو غير كلام ليلى لي صدمو و خلاه يرجع حساباتو كيفاش هو راه ضلمها و تاهمها في شرفها......
فلاش باك.....
خرج من دوش و جلس رناح شويا حس بيهم هيكونو كملو مشا يطل عليها خاطرو ما هناه عليها.....
خرج من بيتوفي إتجاه بيتها لي كيف العادة محلول و قف عند. لباب فاش سمع بكاها المقهور.....
ليلى: "بألم و حصرة" هئ هئ كانو طول لوقت كيخونوني تخيلي معايا كانو كول لوقت كيشوفو ليا فعيني و يمثلو عليا لا أرجد لا مريم يا حصراه بنت عمي
إيمان: "كدوز ليها على وجها بحنان" شششش صافي متبكيش خوي عليا قلبك انا هنا باش نسمعك و غاديا نبقا معاك
ليلى: هئ هئ هئ بسبابهم أنا هنا بسباهم
إيمان: علاه اش دارو
ليلى: هئ هئ هوما خانوني هئ هئ و ربي فضحهم قدامي تخيلي معيا كنت باغيا نعس و هو يدق لباب ديال الغرفة ديالي خرجت لقيتو واحد الموضف قال ليا انو ارجد. باغيني تعحبت كيفاش ماجاش لعندي ولكن قلت يكون خاصو شي حاجة مشيت على نيتي لقيت باب بيتو محلو دخلت على نيتي و انا نشوف ابشع منضر هئ هئ هئ...... شفتهم بجوج على سرير واحد و كيعاملها بكل حب و كل إحترام كانو كيبانو انو بيناتهم علاقة من شحااااال هادي هئ هئ........ خرجت كنجري من عندهم و خرجت حتى من لوطيل بقيت غاديا و غير رجليا لي كيتمشاو حتى وصلت لواحد لخلا و انا نشوف هاداك. لوحش كيقتل فواحد رجال غير شافني و هو يجي شدني من شعري و جابني بسيف عليا لهنا هئ هئ و من لي جابني و هو يعاملني بأبشع الطرق الممكنة ديما كيسبني و يشدني من شعري و يضربني...
إيمان جراتها عندها و عنقاتها مزيرا عليها و حتى هي بدات كتبكي معاها اما هي فبقات كتبككي بصوت يدوب لحجر صوت كلو ألم و حصرة و قهر.....
ليلى: هئ هئ من حيت ما عنديش بابا دارو فيا هاد شي من حيت انا يتيمة دارو فيا هادشي كااامل هئ هئ علاش علااااش انا ولله حتى مزيانة بالله و معمرنس أديت شي حد
إيمان: "و هي كدوز يديها على شعرها بحنان" صافي ا حبوبتي خسرو ذهب أحبيبة ديالي خسرو ذهب ولله متقنطيش من رحمت ربي أ حبيبتي ربي كبيييييييير داب ياخد ليك حقك من كاع لي أذاوك واحد واحد.....
وولف بقا مصمر فبلاصتو من وقع كلامها.... حس بحال الا تكب عليه سطل ديال لماء باااارد..... حس بتأنيب الضمير هو واخا هكاك مكيحملش ضلم.... ستجمع شتاتو و مشا لمكتب ديالو لي كيرتب فيه أفكارو.....
إند فلاش باك......
خرجات من عندها إيمان خلاتها ناعسة و دازت ديك. ليلة و جا نهار جديد فاقت ليلى فيه مرتاحة نفسيا حيت شكات على شي حد و بكات
دارت روتينها الصباحي من تعقيم ليديها و رجلها و توضات و صلات صلاتها و لبسات عليها كسيوة حد. الركية نص كم بيضاء منقطة بلحمر و دارت لفاصمات ليدها و رجلها و لبسات صنيديلة و خرحات كتعرج
بقات غاديا و رجلها عاطياها صداع 🤕
اما عند سي سيد فالنعاس ما شافوش من كترت ما عدبو ضميرو و كلامها على عفتها كيتعاد فعقلو..... خرج من بيتو و هي تبان ليه غاديا كتعرج برجلها
مشا من وراها
هي حسات بلخطواتو وراها و دارت عندو كامل جسدها بان ليها كيف العادة أناقتو الرياضية و ستيلو سبور لي مميزو على غيرو
ليلى: "بينها و بين راسها" نريييي صبحنا على ربي باين نهار من صباحو تفوووو غادي يقول ليا شي حاحة ولله حتى نشنق عليه راه طلع ليا فراسي
يالله جات دوي و هو يصدمها فاش جمعا بحال لكميشو بين يديه
وولف: "و هو كيتمشا بكاااامل رجولتو و كيشوف فيها هي لي موسعا عنيها" رجلك مزال ما برات ما تمشايش عليها
ليلى: "عوجات شفايفها و ميقاتو" غير نزلني انا نتمشا على رجليا ممحتاجاكش
مجاوبهاشو كمل طريقو بيها جاياه بحال الريشة خفيفة بزاااف و حتى لقصر قصيييرة بزااااف و هو قدو قد لحيط ماشاء لله هههههه
وصلو لطبلة ديال لفطور لي كيف العادة فيها غا الطيبات من الارزاق و لحلويات ليلى غا شافتهم عنيها برقو و خرجو منهم لقلوبة بحكم حبها هي الحاجة لحلوة عااااامة
جلسهت في بلاصتها و مشا جلس في بلاصتو.... هي بدات كتبحلق فعينيها حيت موالفين إيمان و تيمور كيكونو معاهم لكن هاد المرة مكانوش
هو شافها هاداك عرفها كتسناهم
وولف: بلاما تسنايهم خرحو بكري عندهم شي خدمة
ليلى: مممممم أوكي لله يعاونهم
و هبطات راسها لطبلة و بدات مكاين غا ضرب هاد تنفع هاد ضر و كتاكل و مع ذالك بكل أدب و رقي كتاكل و هو حاضيها و هي مراضاش ليه ليال كيلااااااحض انها مكتاكلش لحاجة المالحة بزاااف....
فطرو و سلاو و هو ينوض حتى هو تبع إيمان و تيمور و هي ناضت بمساعدة مليكة لي داتها معاهم لكوزينة لي كانو فيها الاشغال على قدم و ساق...
وصل عندها و طار عليها بتعنيقة حتى كان غادي. يهرس ليها عضوماتها
تيمور: مممم الله الله نوحشتك أحنانتي توحشتك
الحاجة فاطمة: حتى انا اوليدي توحشتك بلا قياس نت و خيك
بعد عليها و هوما يلقاو وولف قدامهم حتى هو مبتاسم
وولف: "باس ليها يدها عاد عنقها" لحاجة لاباس عليك توحشناك
الحاجة: حتى انا اوليدي توحشتكم.....
كملو معانقاتهم و تاجهو لسيارة وحدة ركبو فيها كاملين و تاجهو لقصر
الــقــصــر
الاشغال كلها على قدم و ساق كلشي كيوجد ليلى جالسا في الجردة فواحد جليسة عالية كيبان منها لبحر كيحمق و شادا رواية أنا لي كتقرا فيها و كيف لعادة دايرا نضاضرها.....
حتا كتشوف الباب لكبير تحل و دخلات منو رونج كحلة ديال وولف
هبط. هو لول و مشا يحل لباب لوراني حتى كتبان ليها لحاجة هابطا عرفاتها غير من خلال وصف مليكة ليها....
اما عند وولف فشد ليها فيدها و دخلو هوما و تيمور لقاو الخدم كاملين مجموعين عند لباب كيتسناوها غير تحل لباب و هوما يبداو يصليو على نبي و حمدو ليها على سلامتها و يبوسو ليها يديها و هي مبتاسمة ليهم بحنان......
شويا و هي تهز عنيها جات على ليلى لي كانت كطل من لباب ديال لكوزينة و باين فيها حشماااانة بتاسمات ليها كييحساب ليها بنت شي وحدة و من الخدم و دخلات لصالون هي و ياهم....
اما وولف فقصد لكوزينة لقاها جالسا و كتفرك يديها بتوتر قرب لعندها
هي غير حسات بيه طلعات راسها....
وولف: "كيطمأنها" ما عندك مناش تخافي هاديك. راه غير لحاجة يالله تعرفي عليها
ليلى: "متنكرش صدمها بهاد التعامل لكن حااااقدة عليه" اصلا ما خايفاش....
قالتو هاد لكلام لي ضحكو بسيف باش شدها من طريقتها فالهضرة و صوتها المبرمج 🤣🤣 و ناضت خارجا كتعرج و هو متبع ليها لعين و كيدور راسو بلا حول ولا قوة إلا بالله.....
دخلات لصالون و هي كتفرك فيديها و كتعرح كانت جات إيمان و معاها بنية صغيرة لكن ماشاء لله فايخا.... عرفاتها ما تكون غير بنت إيمان فاطمة الزهراء....
و كان حتى تيمور لي مساكتش من لهضرة..... ليلى ربي لي عالم بيها توترات بزاااف معرفاتش علاش و مناش جاها هاد الخوف كامل بقات كتشوف فيهم حتى ضارت إيمان و هي تقشعها
إيمان: ليلى اش كديري تماك أجي جلسي معانا منها تعرفي على لحاجة
ليلى لون تخطف من وجها لكن قوات راسها و مشات فإتجاهم لحاجة بقات كتشوف فيها بإعحاااب و على محياها إبتسامة زوينة كتريح
لحاحة: اجي ا بنتي اجي مااااشاء لله كتحمقي
ليلى: "بتاسمات ليها و مشات عندها عندها سلمات ليها على يدها و راكم عارفين سلام ديال لعيالات" شكرا ليك
لحاجة: "جلساتها حداها و بدات كظوز ليها على شعرها بحنان و كتشوف فيها بإعجاب" شكون هاد. لقمر ماشاء لله
تيمور: هاد القمر سميتها ليلى ألحاجة
لحاجة: مااااشاء لله سميتك كتحمق بحالك ماشاء لله
ليلى: ربي يخليك. ألحاجة شكرا
لحاجة: و بنت من نتي
ليلى: انا بنت عبد لله العلامي لله يرحمو....
لحاجة: مااااشاء لله هي نتي فاسية مطرطقة
ليلى: اه الحاجة أنا فااااسية بالأم و الأب
لحاجة: ولكن ابنتي اش جابك لهنايا......
ليلى: اااااه ألحاجة أنا راني......
وولف: "من وراها" هي ضيفة عندي.....
الحاجة: اه مرحبا بها الله يا ودي مرحبا بيك أبنتي
ليلى تصدمات صدمة ثلاثية الأبعاد كيفاش هو جابها لهنا بزز و داب كيقول ضيفتو كيفاش حسات براسها غاديا تحماق.....
ناضت بلاحتى كلمة ضربات فيه و طلعات لبيتهاو هاد. المرة سدات عليها حيت ما بغات حد يصدعها.....
اما هو فجلس مع جداه هضرة تجبد هضرة و منساااااجميمن فكلام
و هاكدا دازت عندهم ديك الليلة لي عند. البعض نعس بلا حتى ما يفكر و منهم لي ماعس فحضن لحبيب ديالو و منهم لي ليل و ماطال ما جاه نعاس غير كيفكر
أصبحنــــــــــــــــا و أصبح الملك لله...... 🥀
فاق بكري حيت نعس فلوقت دوش كيف عادتو و لبس عليه سروال دجين و كبوط و سبادري بيضاء.... و خرج غي إتجاه غرفتها باش يشوفها....
لقا كيف العادة الباب محلول..... دخل ملقاهاش في بلاصتها مش لبالكون لقاها ناعسا تماك و الرواية فيديها و مكمشا على راسها و زراقت باينا فيها بردات....
ضرو خاطرو من منضرها و زايد ضميرو كيعدبو على ضلمو ليها.....
هزها بين يديه بحال شي كميشة و مشا بيها ليلاصتها حطها و غطاهاو هي تكمش بلغطا باش تدفا.... بقا حداها كيدوز يدو على وجها و على ملامحها الخلابة عاد زاد لاحض في وجها الصافي و لبيض و حنيكاتها لي فاش سخنات بداو يحمارو و شفايفها حتى هوما شويا هبط و طبع قبلة في جبينها و ناض خرج من عندها في اتجاه العمل ديالو.....
خرج لرونج ديالو ركب فيها و قصد الشركة ديالو لي كيف قلنا هو مااالك ماركة #فيرزاتشــي
مسافة الطريق و كان تماك.... دخل اي واحد شافو كيدير ليه التحية و كلشي منضبط و كل واحد. و شاد. خدمتو
بحكم كيوجدو لإطلاق جيل جديد من المجوهرات النسائية....
مشا لمكتب ديالو لي كان في الطايق العلوي.... داز على اسكرتيرة لي كانت فتاة محجبة لقاعليها التحية و دخل لورقاتو يراجعهم.... و يوجد لإجتماعو مع المصممين لي مبقا ليهم غا اللمسات الأخيرة....
في القصـــــــــــر ✨
فين كانت طاولة الفطور كتشهي كانت الحاجة جالسا هي و فاطمة الزهراء بحكم إيمان و تيمور مشاو لخدمة.....
حتى هبطات ليلى لي كانت لابسا كسيوة كيف لعادة تحت الركبة في الأزرق البارد و لونها المفضل لون السماء و لون عينيها......
ليلى: "ببتسامة" صباح لخير عليكم
فاطمة الزهراء: صباح الورد 🌹 يالقمر
لحاحة: صباح نور أبنتي كيف صبحتي لباس عليك.....
ليلى: "جلسات" لباس لحمد لله ألحاجة لهلا يخطيكم و حتى قمر احبوبتي
فاطمة الزهراء: هيهيهي شكرا 🌹
لحاجة: علاش ابنتي لبارح ما هبطي تعشاي معانا
ليلى: "بلعات رسقها" احم غا غاا غا كنت عيانة شي شوية و صافي
لحاجة: اه ا بنتي اوا لله يشافيك و يعافيك و يكون معاك ابنتي
ليلى: "تنهدات" اميـــــــــــن ألحاجة
فاطمة الزهراء: اجي قولي ليا شحال عندك من عام نتي بعدا
ليلى: ههه انا عندي 19 سنة
فاطمة الزهراء: ااااه تبارك لله انا عندي 14 سنة و 7 شهور و 8 أيام.....
ليلى: ههههه عدك لبق ما يزهق ههه ماشاء لله بطولة لعمر إنشاء لله.....
فاطمة الزهراء: و ضروري انا راه ذكية.... احي بعدا قولي ليا اش كديري لوجهك حتى صافي تبارك لله....؟؟؟
الحاجة: "و هي كضحك بجهد" هههههه بديتي تاني هههه و راه ما غادياش طلق منك حتى تقولي ليها اش كديري هههخخ
ليلى: لا لا الحاجة عااااادي جدا....... صافي شوفي فاش نكملو لفطور اجي معايا لبيت نوريك كيفاش كنهتم بالبشرة ديالي
فاطمة الزهراء: بصح بصح شكرا ليك بزااااف ولله حتى طلعتي ضريفة كي عاودات ليا عليك إيمان
فاطمة الزهراء: واااا فاااااطمة راه كنعيطليكم بسمياتكم حيت مزال صغار داب غاااا قولي ليا إيمان كتبان والدني انا ياك. كتبان عاد صغيرة و نتي راك كتباتي قد دحش. ديال حفيدك لكبير
ليلى بقات غير شادا كشرها و كضحك و لحاجة كذالك اصلا مولفين على فاطمة الزهراء لمطيارة لي حضرات عليها الحاجة و هي لي ولدات إيمان
بقاو كيفطرو في جو كلو ضحك و نشاط حتى سلاو و لحاجة خرجات مع شيفور بحكم هي فاعلة جمعوية و عاد. جات من العمرة ودايرا حفل خيري....
أما ليلى و فاطمة الزهراء طلعو لبيت ليلى يستكشفو خبايا الجمال.... 🤤🤣
جبدات ليها كااااع دوك لبروداكت لي جابو ليها ديك المرة حيت وصات مليكة و هوما لي كتخدم بيهم حتى فدار ديالها......
ليلى: "كدوز يدها على شعر فاطمة الزهراء الأشقر" اول حاجة نتي ماشاء لله عليك زويييينة و بشرتك رطيطبة بحكم السن ديالك ياك اوا هاد. لبروداكت كلهم مصالحينش ليك ثيقي فراسك نتي فاثنة ماشاء لله نتي من داب قرطاااااسة و اي واحد شافك تحمقيه و زيد عليها جمال و نضارة البشرة مرتابطين بعدة عوامل منها الجو و زيد عليها النفسية كيفاش كتكون و حتى التقلبات الهرمونية و نتي مزااال يالله بلغتي اذن علااااش خايف على بشركت
فاطمة الزهراء: انا نبغي نبان زوينة و صافي
ليلى: و نتي خايبة؟؟؟؟
فاطمة الزهراء: لاااااااا 😂
ليلى: و علاش كديري هاد. شي كامل؟؟؟
فاطمة الزهراء : " بلعات ريقها و بدات كدور فعينها عاد دوات" نقوليك علاش.....
ليلى: "صغرات فيها عينيها" مممم اه قولي علاش؟؟؟؟
فاطمة الزهراء: حيت كيكون ديما هنا
ليلى: "قوسات حواجبها" شكون هو
فاطمة الزهراء: "تنهدات و بتاسمات و حطات يدها على قلبها" حبيب قلبييييييي تيمور.....
#فـــــــــــــــــــــــــــــاس❤
جالسين في قاعة الإجتماعات لي كانت قدها قداش و كلها خشب و تصميمها رائع كيعبر على عراقة عائلة عـــــــلامي
عبد الجبار كيف العادة مركز مع البنت لي كتشرح لمشروع الجديد لي عبارة عن إستثمار في مجموعة فنادق علامــــــــي و هو شراكة مع شركة برطانية ذيال ديكور....
كلهم كانو منساجمين في الإجتماع إلا هيثم لي مهبط راسو و سااااااهي و عقلو كلو مع ختو لي حس براسو كيف لحنش لي مقطوع ليه راسو فغيابها
شي لي لاحضو عبد الجبار لي قلبو كيتقطع لكن جاه هاد الاجتماع فووووق جهد و معندو ما يدير من غير انه يحضر ليه حيت مفروض عليه و إلا سمعة مجموعة فنادق العلامــــــــي غاديا تنقص....
بقاو شي 2 سوايع و هوما على داك. الحال و هيثم مرة يتبع مرة يولي يسهى فاش يتفكرها حتى تسالا الإجتماع و توقعو وثائق المشروع و الشراكة....
خرح بلا حتى شي كلمة نيشان مشا لباركينغ هز لوطو ديالو مرسيديس سوداء فـــــــــاخرة و مشا بيها في إتجاه المقبرة و هدا هو حالو فاش كديق بيه كيمشي يزور قبور واليديه و يشكي عليهم همو....
وصل للمقبة فين مدفونين مشا نيشان لقبرين ديالهم و كيف العادة لقبور ديالمم. مخضرين واحد مكتوب فيه سمياتهم و بجوجهم بنفس التاريخ لي هو 13-09-2006 يعني فاش كانت هو فعمرو 12 سنة و ليلى 5 سنوات
جلس عند رجليهم بجوج كيف موالف و بداكيدوز يديه على لقبورا بجوج..... و كيدوي
هيثم: "بحصرة و ألم" هاني جيت.... ولكن هاد المرة جيت بوووحدي بفففف..... مجاتش معايا لقطيطة مجاتش معايا البكاية "بقا ساااااكت مدة و حاني راسو حتى بداو دموعو كيسيلو وصل لطوب ديالو" أنا محافضتش عليها انا محافضتش على لوريدة في جردة...... حاس بقلبي كيتقطع و انا كنعس في فراش دافي و ماعارفها هي وا حية و لا ميتة واش واكلا ولا شاربة... حاس براسي غادي نحماق..... 😔يارييييت كون كنتو عايشين يارييييييت........ 😔
بقغ هكداك. حدا قبرهم كيشكي همو و غمو ليهم و لربي سيدي لحبيب فتالي ناض قرا عليهم ما تيسرا و مشا عند لي مقابل لقيور عطاه شي بركة و مشا فتجاه سيارتو راجع لدار.....
هاكدا داز نهار و جا ليل و كل واحد فين مشا ينعس فبيتو و كيف العادة كاين لي غير حط راسو على الوسادة مشاااا و كين ليضروري من التفكير و كاين لي نعاس. ما زارو
بحال وولف لي جا معطااااال لقا كلشي نعس طلع حتى هو بنيت ينعس لكن واااالو ما جاه نعاس و شاغلابالو معروووووفة خرج من بيتو في إتجاه بيتها لي كيف العادة محلووووول دخل و سد. وراه هو لباب و مشا بإتجاه سريرها فين كانت ناعسا بهدوء ببيجامة ستان ديال نعاس مستووورة سروال و كبوط بلعقيدات
بقا شحال و هو غير كيشوف فيها و كيجيوه فبالو كاع اللقطات لخايبا و زوينة لي جمعوه بيها
هبط قفازي لمستواها و بدا كيدوز يدو على وجها الناعم و كيهبط جيهت شفايفها لي كيدلاو فاش كتنعس بحكم كتحل فمها شي شويا
هي ماشي من النوع لي نعاسو تقيييل و ماشي من النوع لي نعاسو خفيف بدا كيهوسها بلمساتو و هي كتخصر فسيفتها شويا و هي تعطيه بضهر مكوزا و ديك. لالة مسعودة.... و بداتكدوي في نعاسها
ليلى: "بصوت ثقيل و مدندن" ولله ا سجود. ما تعاودي تنعسي معيا سيري يحالك. عند راجلك......
بقات هاكداك عاطياه بالضهر و هو من وراها و هي كل مرة و باش، تنطق حيت كدوي و هي ناعسا.... و هو غير كيبتاسم مرة تقول حاجة كضحك مر تعيط على هيثم مرة على مها لموهيم خالقا جو غا راسها.... بقا حداها كثر من 2 سوايع بلا كلل او ملل حتى حس براسو عيا عاد ناض حنا عليها باس ليها راسها و خرج و هو كيحك فراسو و مبتاسم و في نفس الوقت متعجب من هاد شي لي كيدير.....
صبــــــــــــــــاح جديد
فاقت دارت رتينها الصباحي و لبسات حويجاتها و هبطات لقاتهم مجموعين على الطبلة كلهم حتى ايمان و فاطمة الزهراء
هاد الاخيرة لي غير شافت ليلى بتاسمات و تفكرت حديثهم ديال البارحة
فلاش بــــــــــــــاك
ليلي: "حلات فمها من الصدمة" ا يييييلي وحدي على تيمور واش بعقلك
فاطمة الزهراء: راه ماشي عاد. ليوم راه فاش كانت عندي 8 سنين و انا متعلقا به بزااااف
ليلى: افييييييقي يا لهبيلة راه يكون حاسبك كي ختو
فتطمة الزهراء: اويييييلي لا لا متقوليهاش حتى بالضحك راه ناويا نعتارف ليه
ليلى: ."زادت خرجات فبها ععنيها من الصدمة" و يا هاد لبهلة اش كتقولي وييييلي الا سمعك يشبع عليك. ضحك
فاطمة الزهراء: "عبسات و دلات شفايفها" و علاش غادي يضحك ياك أنا زوينة
ليلى: و لحمقة راك صغيييييرة بزااااف على هاد شي اويييييلي هو راه عندو 25 و نتي 14 واش من نيتك غاديا تقوليها ليه يتقبلها.....؟؟
فاطمة الزهراء: ولكن هو ضريف معايا بزااااااااف بزااااف
ليلى: و هو ضريف مع كلشي ماشي غا نتي
فاطمة الزهراء دلات شفايفها و بدات لحيتها كترعد و عنيها كيعمرو بدموع من كلام ليلى القاصح
اما هي فغير شافتها هاكداك بقات فيها و بدات تسح ليها دموعها
فاطمة الزهراء: و علاه مالي منعرفو راني مسلمة و حاااافضة القرأن
ليلى: اوا لحمد لله و نتيعارفا ربي انه اي حاجة كتوقع لينا راه مكتوبة علينا.. عرفتي علاش....
فاطمة الزهراء: اه عارفا مكتابة علينا غاديا تجينا
ليلى: انعاود. ليك واحد القصة بابا لله يرحمو عان كيعاودها ليا
فاطمة الزهراء ومات ليها بؤاسها بالإجاب......
ليلى: لله عز و جل قبل ما يخلق السماوات و الأرض بخمسين ألف سنة كتب في اللوح المحفوض كل أمرور كااااع هاد الناس لي كاينين في الكون و اشنو غادي يطرا ليهم و اش غادي يكون عندهم و بيمن غادي يتزوجو و باش غادي يموتو و امتى غادي يموتو و حتى هاد الحوار لي بيني و بينك داب سيدي ربي كااااتبو....
و فاش خلق سيدنا و أبونا آدم عليه السلام مسح ليها على الضهر ديال و خرجو كاع البشر يعني كل درية آدم. عليه السلام انا نتي ماماك تيمور..... بحال ذرات و قال لله تعالي ألست إلاهكم و ربكم و حنى كلنا قلنا أه نت ربنا و إلاهنا.... و من بعد مسح لينا لله سبحانه و تعالى الذاكرات ديالنا.... باش يبدا الإختبار و لي هيا دنيا لي عايشين فيها داب فما هي إلا إمتحان دارو ربي لينا كاين لي كينجح فيه و كين لي لا
يعني علاش غاديا تحملي راسك. كثر من طاقتك و ربي كاتبليك كلشي لكن كنبقاو بشر و كنساو هاد شي و كنتدهاو و هدي غريزة ديالنا اننا إذا حبينا شي حد او شي حاجة كنديرو المستحيل على قبلها.... بحالك نتي داب
فاطمة الزهراء: سبحان لله ولكن انا اش خاص ندير داب
ليلى: نتي داب غاديا تحاولي تعايشي مع هاد. الوضع و اصلا هدا ماشي حب هدا راه غير ولف وصافي و مراهقة و غاديا تزيدي تكبري شويا غاديا تلقاي راسك نسيتيييه....
#إند_فلاش_بـــــــــــــــــــــــاك
ليلى: "بنشاط" صباح لخييييير
لحاجة: صباح الورد 🌹 و الياسمين كيف صبحتي ابنتي..؟؟
تيمور: فطيطم هانا غادي نبدا نغير تاني
إيمان: و حتى انا
لحاجة: "ميقاتهم بجوج" سعدي سعدي بشوارف نت ما بقات ليك غا لمرا و نتي ببنتك و كتغيرو
ليلى غير كضحك و تبتاسم و تدوي بعفوية كاااملة.... تفاهمات هي ولحاجة بزاااف و هاهادشي كاااامل على عنين وولف لي غا ساهي فيها و هي كتاكل و تدوي و كيف العادة لباسها مستور و زوييييين لموهيم عنيه ما حيدوش عليها....
كملو فطورهم و كل واحد و فين خرج لشغلو لحاجة طلعات لطابق الثاني فين كاين بيتها و صالونات ترتاح فاطمة الزهراء و إيمان مشاو لموهيم بقات غير هي.... طلعات لبيتها و بقات جالسا كتقرا نفس الرواية المعهودة شويا و هي تفكر عائلتها و هوما عنيها يعمرو بالدموع توحشاتهم بزااااف
ليلى: "بحزن و ذبول" توحشتكم بزااااف.... توحشت هيثم توحشت سجود و غسان... عمي و مرات عمي.... بفففففف على الأقل هوما كانو و باقيين معايا مزيانين... بففففف خاصني ندير شي حاجة ميمكنش نبقا هنا فهاد. الدار لا لا ما يمكنش
ناضت حطات ديك الرواية و ناضت بدات كضور في على لله تلقا شي حاجة لي تساعدها باش تهرب او تطلب الإستغاثة....
كان جالس فلمكتب ديالو و داير جيهة الشرفة الزجاجية و ســـــــــاهي حتى دخل عليه كيف العادة لا إذن لا هادي لا هاديك....
تيمور: راه يالله لبارح سلكها رائد من واحد لبار ديال الساديين و داب راه يكونو جايبينها
وولف: على كانت في المغرب..؟!
ثيمور: لا لا كانت في عاصمة الذعارة بانكوك
وولف: هي لي قادرة تشوف لينا قضية سي هيثم
ثيمور: شوف أنا متأكد أنو هيثم ما عندو علاقة بيها
وولف: و شنو لي يخليك متأكد لهاد الدرجة
ثيمور: وصاحبي واش عور ولا طرش سيد عندو الكلمة هي الكلمة و زيد حتى ليلى كيفاش كانت كتعاود عليه و را إنباسيبل داك سيد يكون خولاها
وولف: "عاقد حجبانو" هاحنا غاديين نشوفو
ثيمور: "بإبتسامة خبيثة" اوا و نتا
وولف: و أنا مالي...؟!!
ثيمور: ممممم مااااالااااااك اوا يا سيدي غا شفتك هاد ليام ملي تهبط ليلى تجلس معانا و نت حاضيحا و ســـــــــــاهي فيها.... باك لاباس....؟!!
وولف: "إبتسم بدون وعي من راسو و شاف فيه" شوف المرضي غادي تنوض تهز داب تشوف شغلك....
ثيمور: صافي كتجري عليا هاني غتدي ولكن أساط راك طحتيييييييي
قاليه هاد جوج كليمات و خرج لا ينوض ليه يكويه.... بينما وولف بقا موراه شحال كيضحك و هو كيتفكرها و كيتفكر تمردها و طريقتها في الكلام و إبتسامتها بكاءها و الحزن ديالها....
وولف: "بشبح إبتسامة" تم ماذا عن قلب سكنته دون إذنه "سكت و هو كيضحك على راسو" ههههه على آخر يامك رداتك برهوشة شاعر......
خرجات من بيتها و مشات لبيت لي كانت فيه بدات كتقلب فيه ملقات ما ينفعها خرجات منو و مشات كتقلب لبيوت كاااملين لي فداك. الطابق حتى وصلات لآخر غرفة في الممر
ليلى: ممممم هادي هي غرفة هداك المتوحش.... ممممم ندخل نشوف راه اكيد غادي يكون فيها شي فون ولا شي حاجة أخرى
حلات لباب و دخلات و هي تبهر بدزاين ديال لبيت
ليلى: نري نري على بيت كيف دااااير واو ولد لهم دوقو واااااعر واخا مكيعجبونيش هاد الألوان ما فيهمش ريحت الحياة بحالو حتى هو كيبقا غير ساكت ماتعرفو شنو تحت راسو
بقات كضور فعينها على لبيت و هو يبان ليها لماك بوك. ديالو محطوك فوق الطبلة فواحد لكليسة ديال لفوطوي بلكوير كحل
ليلى: "بدات كتفيبري بالفرحة" ييياس و أخيرا لحض بتاسم ليا و هاد لوحش دار شي حاحة زوينة...
مشات في إتجاهو حلاتو و شعلاتو و هي تلقا في الخلفية نفس الصورة ديال وولف فاش كان صغير و معاه ماماه و هازا تريبيا فيديها..
ليلى: مممم حتى هاد. الوحش كان زويون فاش كان صغير داب ولا كي ذفتر الوسخ.....
يالله بغات تدخل و هو يخرج ليها لمود. باس
ليلى: وااااااااع لا لا لا اش هاد. زهر يا سيدي ربي... بفففففف
بدات كدير فلول دارت وولف دار ليها خطأ دارت سمية لماركة ديالو فرزاتشي واااالو و بقات ليها وحدة الا غلطات فيها هيعيق ليها.... حطاتو و مشات عاود تاني كتقلب كتلقا تيليفونات لكن مكيشعلوش و نوع ايفون شدات واحد منهم و داتو ف صدرها و مشات كتقلب حلات لباب لولا لقاتو ديال المكتب.... دخلات قشقشااااااتو ملقات فيه واااالو ولات خرجات منو مشات لحمام تاني ما لقات والو
ليلى: "ضربات راسها على غبائها" واش من نيتك غاديا تلقاي شي حاحة هنايا فلحمام بففففف
زدت بدات كتقلب حتى لقات واحد لباب مسدود و مدخلاتش ليه..... حلاتو لقات ضوء فيه طافي بقات كتفتف بيدها حتى شعلاتو..... مع شعلة مع حلات عنيها و فمها من كثرة....
كان خدام كيخربق فشي وراق و يقراهم و يدقق فيهم. حتى بدا تيليفونو يفيبري دليل على أنو شي حد دخليه لجناح ديالو......
حل لوفون و برونشاه مع لبيسي لي عندو فلبيرو و بدا كيتفرج و يسمع اش كتقول و يضحك على ديك الوحش حتى شافها مشات لمجر لي فيه تيليفونات و هزات واحد منهم و حشاتو فصدرها....
ديبرونشا لفون من لبيسي و خرج و هو هاز لفون و كيتفرح فيها مشا ركب فسيارتو و نطالق لقصر و عينو مرة على لفون مرة على طريق كيشوفها اش باغيا تصنع... ما هي إلا مدة الطريق حتى وصل لقصر حلو ليه لباب ركن السيارة و نزال و تيليفونو مزال فيدو طفاه و دارو فجيبو و طلع نيشان لجناحو لقاه محلول
أما هي فحالا فمها فلبيت لي كان على شكل ورشة للأعمال اليدوية و البضيط صائدات الأحلام
ليلى: وااااااااااو واااااو وااو نري هادشي شحال زويييييين..... زعما ديك الوحش يكون عندو هاد لخاطر كامل و هاد الإبداع كامل و يدير هاد شي...... لا لا ولله تا هو راه شي وحدين مزال ممكملهم
بدات كتشوف فصائدات الأحلام لي معلقة في الحائط و لي عاد مزال ما سالاهم لي مشدود كان داك. شي مبهر
ليلى: "بإنبهار" نريييي ولله تا صدق عندو ما يقول اناقلت راه عندو غا مع لماكلا و نعاس لخدمة و لعصى واو واو سيد صدق فناااااان.... خصارة مضريفش ما كون ولينا اصديقاء و طلبت منو شي وحيدة
وولف: "من وراها" خدي اي وحدة بغيتي.....
طارت في سماء بلخلعة و غوتات و ضارت شادا ف قلبها
ليلى: "هييييي يا ماميييييي" 😱
تقدم عندها بخطوات ثقال و هو كيتفحص جسدها ووجها لي صفار من الخلعة
هي بقات راجعا لور و كترجف و تبلع ريقها و خايفاه يخبطها.....
وولف: "قرب ليها بزااااف حتى حاوطها مع لحيط و قرب لودنها و هي هربات راسها وهمس ليها" مقلتيش ليا إنا وحدة فيهم عجباتك مممممم..
ليلى: "كتفتف" تتتت تا وحدة ممم ما عجباتنب حتى وحدة
وولف: "عنيه ذابلين و دايب ف ريحة ديال الخزامى ديالها... دوا بهمس" مممم حتى وحدة حتى وحدة......؟!!
ليلى: "بدات كتحاول تبعد منو" لله يخليك حيد خليني نمشي.....
خرجات عنيها فاش حسات بيه كيحك نيفو على عنقها..... اما هو فما حسش براسو اش. كيدر لموهيم هو مرتاح فهاد شي لي كيدر
وولف بعد عليها بشبه إبتسامة و عنيه دابليه و لكن ما بعدش. بزاف هبط عنو لصدرها كانت كيف العادة مستورة
طلع بيدو مع جنبها و هي كشرات على نيابها هي اكيد عارفا انو كيتحرش بيها
ليلى: "دفعاتو حتى تزحزح من قدامها واخا غير شويا و دوات بين سنانها" هيييه اش كتحاول دير نتايا واش يحسابليك جارية عندك تبدا تتلمس فيها كيف عجبك... هاه...؟!!
هو بقا كيشوف فيها و داك شبح الابتسامة ممحيدش من وجهو قرب ليها و شد ليها يديها لفاق و هي كتنتر و حشا يد فصدرها كيقلب و هي غديا تهبل بلغوات قاسها صعر حتى جبد ليها لفون من جنب بزولتها و هي تنتر منو....
ليلى: "دايرا يديها على صدرها" حقير
وولف: "وقف قدامها كدور داك لفون بين يديه" حتى كون خديتيه ما فيه لا كارط سيم لا والو و فيه لكود من لفوق....
ليلى: "شافت فيه بتحدي" كون بقا عندي كون درت ليه كارط سيم و بيقيت معاه حتى حليتو..... و حتى داب يحساب ليك صافي هههه لا لا راك غااااالط غادي نحاول ليوم و غدا و بعدو حتى نجح غاديا نحاو بكاع الطرق عرفتي علاش....؟
وولف: "مسايرها" علاااش...؟!
ليلى: "بفتخار" بكل بساطة لأني بنت حواء لي خرجات آدم من الجنة....
وولف: "طلع فيها حجبانو" و كتفتاخري بيها
ليلى: اه كنفتاخر بيها لذا فرد لبالك مني.... و كيقوليك ديرها فرجال و ترجها و ديرها في نسا و لاااا تنساها....
وولف جاه عجب هادشي كامل خرج منها كانت كتبان ليه بحال شي قطة متوحشة و ماكرة
تقدم عندها و حنا عليها و همس
وولف: "بحفيف الأفعى" الا قدرتي غير هربي
ليلى: "بتحدي و بنفس الصوت" غاديين نشوفو....
خرجات خلاتو واقف فبلاصتو مصدوم 😳
أما هي فخرجات كتلعن لحض ديالها و مشات هبطات لجردة تاني تقلب على شي طريقة باش تهرب
#فــــــــــاس✨🥀
مجموعين كاملين في الصلون ارجد و واليديه و سي عبد الجبار و مراتو جميلة و غسان و هيثم و سجود و مريم معاهم لي لابسا و مقادا وما قادها فرحة
لالة فخيتة أم أرجد فاسية مطرطقة: "كتهضر كرواضة و أ" اوا سيد عبد الجبار أش ماش نعملو لوليدات ماشاء لله متفاهمين عطيونا خو جوابنا و ردو علينا خلاص راه بغيت نفرح بوليدي
لحاج محمود أب أرجد و حتى هو فاسي مطرطق: يا هاد لمرا غا صبري سي عبد الجبار كيف قالت لالة فخيتة دراري مفاهمين اوا نحددو شي نهير نديرو ليهد شي عرس هو هاداك....
عبد الجبار: "تنهد" اسيدي ماااا قلتو عيب مرحبا و ألف مرحبا انما أسي محمود و لالة فخيتة انا جاوني مزروبين شويا خليو وكان حتى نلقاو ليلى....
غسان: "مخنزر فمريم لي ميقات باها و دوا بإستفزاز" اه ألواليد عندك لحق نيت باش حتى هي تحضر معانا. "و شاف في أرجد" اولا لا ا أرجد
أرجد:. "بلع ريقو" لا كون غير زربنا شويا ولله
هيثم: "بإبتسامة" ياك اودي لاباس علاش مزروب علا رزقك غا صبر اسيدي و لي بغيتيها هي لي هتكون "و شاف في عمو" عمي غا سرع هاد شي باش تمشي علينا هاد صفيريطة دغيا
غسان: "شاف في أرجد" اوا مبروك أسي ارجد ولا نقول ليك نسيبي ياك
أرجد: "شاف فيه ولكن هاد المرة ماشي بخجل بل بشجاعة من حيت حاس براسو كيصلح الغلط ديالو" لي قلتيها مرحبا و لله يبارك فيك
غسان خنزر فيه و دار عند سجود لي جالسا بينو و بين هيثم كيدوي معاها
لالة جميلة: اوا قولو لينا انا نهار بعدا نديرو فيه لحناء و نهار لي نديرو فيه لعرس ولا وقيلا هادشي خاصو جلسة نسائية مضايراش اولا لا الالة فخيتة
لالة فخيتة: "كتشرب من كاسها ديال أتاي" ويلي يا لالة جميلة كلامك كلو صحيح خاص شي جليسة نسائية و....
قاطعها غسان مشربن: واش من نيتكم باغيين ديرو عرس و ليلى مكيناش ما عرفناها واش حيا و لا ميتة
عبد الجبار: كلام غسان على حق بنتي ليلى معرفنا فين هي و قلبنا محروق من جيهتها نديرو غير حفلة بيناتنا و نعرضو على ناس لقراب و نعلنو زواجهم لصحافة و نجمعو و نطويو
سي محمود: وااااا هو اسي عبد الجبار كلامك على حق.... مااااا عندي منقول
لالة فخيتة: اوا لاواه لاواه اسيدي عبد لحبار انا بعدا عندي وليد واحد بغيت ندير ليه شي عرس يكون طرطأ لي يبقا فاس و مغريب كاااااامل يدوي عليه
غسان: اواتسناو حتى ترجع ليلى و ديرو هاد. لعرس ولا سيرو حتى لجاهنام من عندي انايا
جميلة: "بإحراج" غير تهدن اوليدي تهدن راه غير عرس و ختك حتى هي من حقها تفرح براسها بحال كاع لبنيات اولا لا......
مريم: "مع لوحم حماتها لبكاوات" هئ هئ حتى انا من حقي نفرح براسي راه لعرس كيجس غير مرة في العمر
سجود: ."غلبات عليها الضحكة" هههه صافي صافي ديرو لسيدة لعرس راه غاديا تعواج ليكم
هيثم: "حتى هو جابت ليه الضحكة" اه ولله غا ديرو ليها لعرس و ديروه ليها في القاعة...
غسان غا مخنزر فيها و فجميلة لي كتشوف فيه و تبلع ريقها حيت عااااارفاه اش كيسوا
عبد الحبار تنهد و علا يديه في السماء: و ديرو لي حبيتو انا لي عليا نخلص و منعزش فبنتي الفرحة.....
لالة فخيتة: "قربات عند مريم كتمس ليها دموعها" اوا هانتي هاحنا هنديرو ليك شي عرس من ديك. شي رفيع يا لهبيلة غا سكتي من لبكا ههههه وينو وينو على لبكايا اوا عنداك غا فاش يديك تقولي ليه بغيت ماما ولا بغيت بابا
غسان: "ضحك بإستهزاء و دوا تحت نيفو سمعوه غير سجود و هيثم و ارجد" ممم ولله ما تحلف عليها الا بصح كتبكي ناري ناري و تروحين شدير ليه نري نري
سجود: "ضحكات من كلامو و دوات حتى هي تحت نيفها" هههه يحسن عوان هاد لالة فاخيتة معاها غاديا تشيبها بلفشوش
هيثم: "حتى هو كيضحك" ايييه سكتو ليا على بنت عمي هههه
بقاو هكداك كيدويو و حددو موعد لي هو غدا يتلاقاه و يمشيو يتقداو اش خاصهم حيت عطاوهم غا 2 سيمانات ديال المهلة باش يديرو العرس......
#القصـــــــــــــــــــــر🏰
كانو مجموعين في صالون بعدما تعشاو هالي كيتفرج هالي مقصر بلكيم و كلها و فاش لاهي
لحاجة: "كدوز بيدها على شعر ليلى" ماشاء لله شعرك زووين
ليلى: "بإبتسامة" ربي يخليك الحاجة
لحاجة: ولكن علاش كتقطعيه
ليلى: ماشي انا لي كنقطعو راه خويا لي كيعجبو الشعر قصير
لحاجة: "ضحكات بجهد" يا ويلي على كيعجبو شعر قصير اوا يقول لمراتو تقطعو نتي لاش
ليل: هههه لا الحاجة مرتو شعرها عمرو داز لكتاف من نهار تزوجات بيه اصلا ورتها من عند بابا حيت حتى هو لله يرحمو كان كيبغي شعر قصير.....
لحاجة: "مزال كضحك" اوا يا بنتي لي ولد مامات كان راجل زييييين لله يرحمو كيمشيو غا لوجوه زينين
ليلى: و علاه نتي كتعرفي بابا ا لحاجة
لحاجة: بطبعة الحال كنعرفو و شكون فمدينت فاس مكيعرفش سيدي عبد لله العلامي
ليلى: و فين كتعرفيه عاااافاك قولي ليا.....
لحاجة: "بتاسمات ليها بهدوء" غدا إنشاء لله نفطرو نعاود لبنبتي داب بغيت نمشي نعس الا بديت نعاود ليك خاصني ليلة على قدها راه كاين بزاااف ما يتعاود.....
ليلى: واخا ألحاجة 😊........
داز لوقت و كل واحد مشا طلع لبيتو ينعس من بعد. المنواشات و لمعاطيا و لهضرة على العرس
سجود: ."بغنج و طفولية" هيثثثثثم.....؟!
هيثم خاشي عنيه فلماك و خدام مهواش هنا: مممممم
سجود: و حيد ديك شي لي فيديك بغيت ندوي معاك
هيثم: "سد لماك و دار عندها لقاها كتعض عض فشفايفها طيباتهم عرفها خايفا من شي حاجة" متعضهمش... يالله قولي اش كاين....
سجود: "كتلوط فصبعانها" داب غدا نت عارف اشنو كاين
هيثم: "زاد قرب لعندها و بدا كيفسخ ليها لخيط ديال لبينوار" ياك قلت ليك. هدا بلاش
"حيدو ليها عاد كمل هضرتو" اش كاين غدا
سجود: "بنرفزة" و هيثم شوف انا فاش كندوي و نت عنيك غلى فلكوا
سجود: اي حرام عليك انا ربي لي عالم بيا محاملاش نمشي غدا مع مرات عمي و مريم بففف غادي يكونو بزاااف ديال لعيالات و غير هادوك لي.... بففففف
عرف انها خايفة من ديك الخرجة و انها مبغاتش تحشم قدامهم لكن ضروري مخاص تمشي و تخرج من ديك القوقعة ديالها و هو لازم عليه يساعدها و يسجعها
هيثم: "حاوط وجها بيديهه و دوا" دابا انا عارف انكي سكوتية و كتحشمي و زيد عليها مااااشي إجتماعية و دليل هو تجرجيرة لي جرجرتيني عاد قبلتي تزوجي بيا... ولكن كيفما هادشي زوين و عندو اجابيات لكن عندو حتى سلبيات انا مغاديش نكون معاك ديما يقدر شي نهار نمشي لشي بلاصة و نخليك. بوحديك او نموت كاع و....
سجود: لا لا لله ينجيك علاش كذكر لموت خليها بعيدة
هيثم: "تنهد و بتاسم كيحاول يطمنها" ههه انا غير قلت لكن ربي هو ملاها و مكتب لينا كلشي و ما دنيا إلا اختبار إذن خاص نعيشوها كيف ماهي و اي حاجة وقعات مكتابة... و نتي قوية اذن علاش خايفة من داك لخرجة....؟!!
سجود: "عنيها عمرو بالدموع" خفت مريم تمشي دير شي حاجة تاني قدام ناس و نحشم بيكم و....
هيثم: "حط صبعو علا فمها" ششششش لا لا لا هي الا دارت شي بلان هاد المرة غادي نسا انها بنت عمي او كتجيني شي حاجة نتي غاديا تنوضي في الصباح تقادي حالتك و تلبسي شي حاجة زوييينة ولكن مستورة و ديري اكسسوارات سامبل و لي دوات معاك دوي معاها و لي ضحكات ليك ضحكي ليها و لي دوات معاك على اصلك او شي بلان بحال هكداك يا خليها بلاكا او قولي ليها ماشي شغلك من تالي صافي....؟!!
سجود: "بتاسمات ليه و طارت عليه ببوسم بجغات ليه شفايفو و بعدات" وواخا صافي غادي ندير لي قلتي ليا..
سجود: "كتحلون و تعسل و قربات ليه حتى لودنو و دوات" علاش لا.... "و خنتماتها بعضة فودنو"....
هيثم: احححح عليك اش كديري فيا يا لمعذباني
قال هاد لكلام و طاح ليها على شفايفها كيبوس فيهم غااااا بلمهل و هي كتجاوب معاه و غير بشويا و تلوا معاه و هو كيداعب كل إنش من جسمها غير بشويا مخليها طايرا في السماء و هو طاير معاها و غاطسين في علامهم الشهواني الرمنسي حتى بدات أهاتها كيتعلاو من شدة النشوة لي وصلها ليها و هو كذالك...... و هاكدا دازت ليلتهم لي كتصرخ بإسم حبهم الجميل....
هابط. مع دروج كيف عادتو حتى سمعها كتعيط بسميتو
جميلة: ولدي غسان
خنزر فيها و زاد لعندها و دوا....
غسان: "بحقد" شحال من مرة كنقول ليك متبقايش ولدي انا ماشي ولدك
جميلة: غسان لله يهديك عمر على قدو داز أ ولدي و نت مزال حاقد عليا اش درت ليك
عسان: "بتاسم بستهزاء" اش درتي لا لا مدرتي والو غا لوليدة ماتت من هنا و نتي بنتي من هنا و دخلتي لحياتنا...
غسان: داب واش يحساب ليك انا هو داك. لبرهوش لي فرضتي عليه. راسك هادي 20 عام
و خليتبه يقوليك ماما بسيف عليه واش يحساب ليك معقلش فاش حاولتي تحرقي كاع تصاور المرحومة و حوايجها....
جميلة: كنت طايشة اولدي و غيرتي عمات ليا عنيا اش غندير
غسان: شوفي داب جيني من لخر بلا داك تبلحيس حيت انا اكثر واحد كيعرفك لا نتي لا ديك لفعة دبنتك
جميلة: متقولتي عليها اولدي هاكداك هي راه ختك من لحمك ود....
قاطعها بضربو لباب بيدو على حر فيه من جهد
غسان: "مشربن" شوفي لا نتي مي لا هاديك ختي تفاهمنا و انا عارف انها دارت شي بلان باش طيحات داك لبغل و غادي نفرشها و اك زواج ولله لا كمل بالله
قال ليها هاد لكلمات لي شعلو فيها العافية و مشا مخليها موراه كتفط فط
جميلة: "كتندب" ويلي ويلي على لمسخوطة ما مشات حتى دارتها ويلي ويلي كنت عارفاها دارت شي حاحة باش طيح لبغل بعدا كي قال هو....
دارت كتشوف هاكدا و هاكدا و مشات قاصدا بيت مريم لي لقاتها قدام لمرايا دايرا ماسك لوجها على صباح مولانا و كتغني و فرحـــــانة
حتى تحل عليها لباب تجعقة....
مريم: "مخصرا ملامحها" اويلي يا ماما مالك جايا عندي على صباح ياكما وقع شي حاجة ياكما ديك لقطة رجعات....
جميلة مشات عندها طايرا و طارت عليها بقرصة من لكتف
جميلة: يا بنت لحرام قولي أش درتي لسيد حتى جا يخطبك و هو كيحماق على بنت عمك
مريم: "بلقات ريقها" اش كتقولي نتي كيفاش كيحماق على ديك ليلى و لا خرية ياك داب هو جا و خطبني إذن هيكون انا لي كيبغيني و من شحــــــــــال هادي و نزيييييدك أنا راه حاملة و منو هو
جميلة حساب بالإرض دارت بيها من كلام بنتها كيفاش حاملة.... عنيها دمعو من كثرة الصدمة و عرفات ان بنتها دارت شي قالب باش تزوج من أرجد.... حيت هي أكثر وحدة كانت عارفا ان أرجد و ليلى بيناتهم شي حاجة....
جميلة: "شافت فيها بعنين دامعين و بنضرات كلها خذلان و حصرة" يا خصـــــارة تربيتي ليك يا خصاااارة درتي هاد. لعبة باش تفرقي بيناتهم و خليتيه يقرب ليك باش تحملي... و يعلم لله راك تكوني نتي السبب فختفاء ليلى ولكن بلاما تأملي بزااااف حيت خوك غادي يفضح لعب ديالك. كامل و راكي كتعرفيه إلا دار شي حاجة فبالو كيوصليها يوصليها....
قالت ليها هاد لكلمات و خرجات مخلياها من موراها كترعد غا بوحديها
مريم: لا لا ممكنش انا خططت لكلشي و زيد عليها حتى هداك لي عاوني راني خلصتو... اهاه هو ميمكنش يلقاه اصلا مامسجل في الكمرات والو انا قاديت كلشي و درت إخفاء لتسجيلات ديال الكمرات من جيهت لبيت ديال ليلى.... هههه كيفاش هيدير انا سديت كاع الثغرات ما بقا والو....
بقات هكدا كتبت فراسها و تقاد و دوي مع راسها وسوساتها هدرة مها ......
#القصــــــــــــــــر آل منصور... ✨
مجموعين كـــــــاملين على طابلة ديال لفطور لحاجة كتدر و تعاود ليهم و ليلى غير حاطا راسها على طبسيلها و كتحرك فيه... حتى قاطعها صوت تيمور
تيمور: بس كش مال زين هاز نيفو ياك شي باش ما كاين...؟!!
ليلى: "بملل" بففف والو غا مليت....
تيمور: و لمكلا لاش مكتاكليش....
فاطمة الزهراء: "كطير من المقلة😂😂" هي مكيعحبهاش بحال هادشي فصباح. هي كتعجبها لحاجة لحلوة في الصباح بحال لكيك و دونات.... لموهيم الحاجة لحلوة
لحاجة: "خرجات عنيها" اوا يا بنتي لله يسامحك علاش ما قلتيهاش.... مليكة مليكة... بنتي مليكة فينك
ليلى: غا خلي عليك ألحاجة راني ولفت صافي
لحاجة: اوا لاواه ابنتي اش كتقولي نتي ضيفتنا....
مليكة: نعام أ لالة
لحاجة: جيب لبنت لي كريب و شي قرعة ديال شكلاط هاديك. لي معرف اش تقولو لباباها و جيبلها ديك لحلوة ديال لاكريم يالله
مليكة: هي لولا ا لحاجة...
لحاجة: سير لله يكون منك ابنتي..... "و دارت شافت ف وولف" .... و نت زعما راه ضيفتك خاصك تهلا فيها اش هادشي
ليلى دارت لقاتو كيشوف فيها بهدوء خنزرات فيه بحال شي بنيتة صغيورا و دورات وجها بنترة شي لي خلاه يبتاسم بلا هواه....
متسناتش بزاااف حتى جابت ليها مليكة بلاطو عاااامر غا بلحاجات لحلوين ها لي كريت بنيتيلا... عا لكرواصا ها كاب كيك... و حطاتهم قدامها ليلى غار شافتهم عنيها لمعو و دوزات لسانها على شفايفها و وسعات إبتسامتها....
ليلى: "شافت في مليكة" شكرا ملوكتي... 😂
مليكة : "بخجل" لا شكرا على واجب ..... و مشات خلاتهامنها لداك لبلاطو
تيمور: ليلى غادي دوقيني ياك؟!!
ليلى: اه ولكن قبل دير يدك على تفاحة آدم..
تيمور دارها على نيتو: اه هاهي
ليلى: "زادت كحزات لبلاطو عندها" اوا ولله من تماك لا نزل ليك يالله... 😈😂😂
خلات كلشي مخرج عنيه فيها و كيضحكو على شقاوتها اما واحد سي سيد فبردات ليه لقلب هههه.....
بدات كتاكل و تبنن و منساجمة معاهم في الحديديث حتى ناد. وولف كيف لعجاجة كينوض ايمان و تيمور لي و تقول واش كيبغي يتفرق مع طبلة....
وولف: "هز إيمان و هي كتموت بالضحك و دار عند تبمور" اوا نوض ولا حتى نجي نهزك كي لوليات
تيمور: "بتاسم ليه بتسامة مستفزة و زاد تزل فوق الكرسي" ولله ما كرهت حتى انا بالله نيت عكزااان نمشي حتى لطوموبيل....
مداهاش فيه و زاد ب إيمان لي كضحك بجااااهد عاااااجبها لحال كتحسبهم كي خوتها و هي و هوما كذالك
اما تيمور فجمع لوقفة و طر على لحاجة بجق ليها حنكها و حتى فاطمة الزهراء لي كانت غاديا تسخف....
تيمور: "كيدوي مع ليلى" لالا نتي الا بستك يطيرو ليا الشنايف مين خلاقو هانتي هنسيفطها ليك في الهواء و نتي شديها.... مااااح
ليلى: "شداتها و لسقاتها فحنكها كضحك" صافي يالله ا سيدي هاني....
خرح كيزردح و يضحك لقاهم كيساينوه برا حيت مكيتفارقوش هوما بتلاتا ديمارا وولف و مشاو في إتجاه الشركة...
#فـــــــــــــــاس...🌸
و بالضبط أكبر ثاني مول في المغرب من بعد مروكو مول الدار البيضاء...... بــــرج فــــــاس...
غاديا لالة فاخيتة و لالة جميلة سابقين و معاهم واحد جوح عيالات من عائلة أرجد... و مريم و سجود كيتمشاو فخط واحد إلى ان وحدة ما كدوي مع لوخرا...
وقفو قدام. أكبر محل ديال الملابس الداخيلة...(سوتيامات و سليبات و شوميزات ).. دارت عندهم لالة فخيتة
جميلة: "دوزات يديها على شعر سجود بحنان" و صافي ا بنتي مترديهاش ل لالة فاخيتة فوجها و صبري معانا شي شويا و راه باين عليك العياء و من الصباح و نتي صفرا... ولكن صبر احبوبتي
ليلى والذئب الجزء الرابع
محتوى القصة
التنقل بين الأجزاء