بقاو تاني كيدور من محل لمحل و أخيرا دخلو المحل العطور ... دخلو كلهم و سجود هازا فيدها 2 صشيات و فشلانا بسيف باش كتمشا بقات برا كتحالو تتاصل بهيثم لكن مكيجاوبش صافي ما بقاتش قادا مشات بلاما كقول ليهم والو حيت عيات و حاسا بلقطاع فكرشها شكات واش لي غيكل مشات لحمام لقات دم فسلبها عرفات هي لي جاتها لكن هي مكتجيهاش بلحريق خرجات من الحمام صفرا و فيها سخفة و مشات في إتجاه الدرج الآلي هبطات فيه و مشات لدروج عاديين لي كانو غير قلال بدات كتزرب فيهم حيت حساب بداك. لحريق جهاد. و دم. كيزيد يهبط و بدات صافي دوخة كتسيطر عليها و كتشوف غير ضبابة حتى صافي غيبات و هي في نص دروج هودات كتكركب شي 7 ديال درجات.... كلشي غوت و مشاو عندها كيجريو و كيشوفو فحالتها كانت لابسا جلابة مخزانية عريضة بغوز بيبي تطبع دم فيها حيت نزفات بزاف
واحد من لي ضايرين بيها: و عطو على الإسعاف واش مكتشوفوش لمرا كتموت عيطو على الاسعاف
بقاو كلها و يلغي بلغاه حتى جا طاقم طبي هزها على المحمل مخرجينها حتى تيليفونها بدا كيصوني هزو واحد من الممرضيم و جاوب
-ألو سلام عليكم
جميلة: ألو سجود بنتي فينك واش مشيتي لدار
_لالة الآنسة راه لقيناها طاحا من دروح و كتنزف و راحنا هزيناها لطبيب
جميلة: "خبطات غير خبطة في فخضها" اويلي على طبيب فين اوليدي فين...
_غير تهدني الالة لله يخليك مستشفى ***
قطعات معاه و دارت دخلات عندهم: يالله نخليكم داب سجود راه لقوها طايحا لتحت و كتنزف
مريم: مالها تاني
لالة فخيتة: و مسيكينة من قبيلة هي ككتقول لينا عيانة و حنى كنحصروها زيد زيد نمشوه إنا أوبيطال قالو ليكم
جميلة: مستشفى.*** يالله نمشيو
مشاو كاملين و مريم كتكمكم تحت نيفها و ساخطة حيت مشراتش كاع لي خاصها....
اما عند هيثم لي عاد خرج من الإجتماع لي كان عندهم معا مجلس الإدارة لتجديد العقود....
مشا لمكتب ديالو شعل لفون لقاه هيتطركق بلمكالمات من عند سجود و جميلة يالله غادي يصوني لسجود و هو تطلع ليه لأبيل ديال جميلة فتح الخط و دارو على ودنو
هيثم: مرات عمي ياك لاباس
حميلة: "كتمتم" ولدي لله يخليك لحق عليا لوبيطال سجود راه سخفات و جيبناها لهنا...
هيثم: "وقف بسرعة مخرج عنيه و تاجه لباب" انا أبيطال...؟!!
جميلة: أبيطال****
قطع معاها و مشا نيشان لمصعد هبط و مشا كيسابق الزمن بطوموبيلنو نيشان لوبيطال...
فين كانو كلهم جالسين كيساينو طبيب يخرج من عندها...
ما هي الا مدة الطريق لي متجاوزاتس 30 دقيقة و كان واقف عليهم مخلوع عليها جميلة غير شافتو مشات لعندو كتجري عنقاتو
جميلة: "كدوز يدها على ضهرو" متخافش اولدي واقيلا غير حق شهر جاتها و جاتها مجهدا حيت راه كالعا ف 3 شهور ماجاتهاش
و بعدات عليه
هيثم: انا سباب انا هي مكنتس باغيا تمشي معاكم...
جميلة: صافي أوليدي ما ديرش فبالك غادي تكون غير حق شهر حيت كانت كتنزف راه كانت نيت قالت ليا راه تعطلات عليها بزاااف....
يالله جاي يدوي و هو يقشع طبيبة خارجا من عندها.... مشا عندها شدها من كتافها و بدا ينخض فيها... 😂😂
هيثم: اش وقع ليها واش هي بيخير دوي خلاص
طبيبة: غير تهدن لله يخليك و طلق مني باش نقول ليك
هيثم: "طلق منها" و دوي خلاص
طبيبة: اسيدي مراتك بيخير و حتى لوليد قدرنا نقدوه وخا ولا هاااااابط بزاااااف راه كان خاص ترد لبال لراسها بزاااف هي داب راه حاملة فيشهر 3 و 2 أسابيع....
طبيبة: اوا راه حاملة اسيدي و لجنين في طور النمو و ليوما نقدناه بزز خاصها الراحة التامة و ما تنوضش من بلاصتها ابدا
هيثم: كيفاش حاملة كيفاش واش متأكدة
طبيبة: اسيدي راه خدمتي هادي.....
هيثم: كيفاش حاملة مفهمتش هي...
طبيبة: غير تهدن أسيدي انا غاديا ندرس حالتها مزيان فاش يخرجو التحاليل و نفسر ليك كلشي بالعقل... لي نأكد ليك. داب هو انها حاملة و عندها 3 شهور و 2 أسابيع و خاصها الراحة التامة يالله.... لله يجيب الشفاء و يتربا في عزكم انشاء لله
مشات و خلاتو مصمر فبلاصتو مصدوم حتى فيقاتو مامات ارجد لالة فخيتة...
الالة فخيتة: "بفرحة" مبروك عليك اولدي و على سلامتها...
هيثم: "دار عندها حتى هو مبتاسم" لله يبارك فيك الحاجة....
الالة فخيتة: "بمرح" اوا سير اوليدي دخل شوف مرتك و طمن عليها...
هيثم: "بإرتباك" اه اه سجود خاصني نمشي عندها...
مشا فإتجاه الغرفة لقا الممرضات كيدويو معاها و يقادو ليه لخدية.... غير شافوه وماو ليه براسهم و خرجو....
و هي سجود طلع راسها فيه حاسة بعاء و ابتسامة شاحبة مزال لبنج مطحطحها...
قرب لعندها و هو مبتاسم و كيشوف فيها بكل حب و امتنان...
سجود: "كدوي ولسانها تقيل شويا" يا دحش شحال صونيت ليك..؟!!
وصل عندها و حنى عليها اول حاجة على شفايفها كيبوس فيهم بكل حب وشغف و هي واخا لبنج كتجاوب معاه ولات صح من ضالم... 🤣🤣
بعد عليها و باس ليها جبهتها....
هيثم: "كيدوز يديو على شعرها" هدا اسعد. نهار فحياتي كاملا... نتي هي صانعة السعادة بالنسبة ليا...
سجود: "ضحكات بمرح" اححح حتى انا اسعد. نهار فحياتي هو هدا غادي قريب نولي أم حتى انا و نشد. ولدي بين يديا و نحن عليه واو و نربيه.... 🤤❤❤
هيثم: غادي تكوني أسحن أم في العالم كلو غادي يكون ولدي اسعد واحد حيت نتي ماماه...
سجود: "شدات يدو لي علا حنكها و باستلو كفو" و حتى نت غادي تقون أحسن أب وولدي غادي يكون سعيد بلا قياس حيت باباه هو نت....
هبط باسها فشفايفها و هي خاصها غا سبة واخا لوحم ماباديهاش مي كتحماااااق عليه
هو مكانش من لعاكزين و طلع حداها و تكاها على صدرو و هي تنخشت فيه و لقات راحتها...
طالعا مع دروج مزروبة حتى وصلات لطابق الثاتي تاجهات نيشان لصالون التقليدي الأصيل لمتول فين جالسة لحاجة و فيديها رواية.... هاد الاخير لي سمعات خطواتها و طلعات راسها و بتاسمات ليها: قربي أبنتي زيدي راه منسيتش باش واعدتك اجي...
ليلى بتاسمات هاطير بالفرحة و مشات عند لحاجة و جلسات حداها: لهلا يخطيك ألحاجة
الحاجة: "سداب الرواية و دارت عندها" اوا يا بنتي منين هنبدا ليك لحكاية طويييلة بزاااف.... ولكن فيك نتي ماشي خصارة
ليلى: "شدات ليها يدها و باستها بإمتنان" ربي يخليك الحاجة عمر نساها ليك...
الحاجة: ميحتاجش أبنيتي اوا و نبدا الالة زرقت لعيون... باك أبنتي كيف كيعرف كلشي راجل لباااااس عليه و نفسو حاااارة و كان عندو وزين في مدينتو و الناس كلها كتعرفو حيت ابنتي كان كيوفر لخدمة لرجال و يصرف على لهجالات... "الأرامل" و يفرح لوليدات في لعيد. الصغير و يعيد لناس لي ما فحالهمش و يشري ليهم ضحية وكانت حومتنا في فاس كانت من افقر الأحياء و ناس عايشا غا ف 38 متر و منهم. انا و 2 بنياتي و وليدي واخا معاش هو عشت غا خياتو
ليلى: و فيني هو ولد ألحاجة لبنات عرفتهم هوما ماماوات دراري ولكن لولد فين
الحاجة: اححححح هاداك أبنيتي كيتو كية في قلبي و ما بغات تبرد هاداك ولدي حبيبي لي تغضر فشبابو قتلوه أبنيتي... قتلوووووه و شواوني فيه قتلوه رعاوين "شمايت" و خلاو قلبي يتحرق. عليه كان إسمو محمد على إسم الأب ديالي... "تنهدات بحصرة و كملات" هاااااححح باك أبنتي كان داير مشاريع كثيرة و مخدم. فيها بزااااف ديال الشباب و الشابات منهم لمعمل ديال الخياطة لي داب مبقاشي هداك حتى أنا خدمت فيه...
ليلى: "بإستغراب" ولكن الحاجة كيفاش حتى ولاو عندكم هاد لفلوس كاملة و نتوما كيف قلتي كنتو كتعيشو فأحياء فقيرة...
الحاجة: "تنهدات" نكدب عليك. أبنيتي انا براسي ما عارفاشي مين جا هاد الرزق كامل انا لي عارف انو حفايدي بجوج هوما لي قلبو على راسهم و هزوني معاهم...
ليلى: "بفضول" و لحاجة هاداك لكبير سشنو إسمو...؟!!
الحاجة: يا ويلي ويل الشيطان واش نتي ضيفتو و معرفاهشي حتى اشنو سميتو...؟!!
الحاجة: "هزات كتافها" ولله يا بنتي منعرف غا تاجات ديك سمية مع لفلوس و لماركة ديال لحوايج لي ولاو بإسمو.... صحيح هو قاري تصميم لكن انا منضنشي. يدير. ديك. شي كامل وحدو
ليلى: إه عندك لحق...
لحاجة: أنا مكنبغيش نسولو كيبقا شغلو هاداك و لحمد لله غير مين بقا ليا عايش و ماماتشي...
ليلى: علاش ألحاجة اش كان واقع ليه...
لحاجة: "تنهدات بحصرة" اوا يا بنيتي اش غاديا نقول ليك... تكرفص تكرفص. فصغرو و ما خلا ما عاش...
ليلى: "بفضول" واش كان فيه شي مرض..؟!!
لحاجة: لا لا يبنيتي كان صحيح فصيح عايش نع ميمتو و باه حتى كتاب للي كتاب و تفرتكو...
ليلى: واش حتى هو ماتو ليه وليديه...؟!!
لحاجة: هحححح يا بنتي غادي نعاودها ليك. و نخوي هادشي لي حارقني في صدري لسينين
ليلى: "تقادت في لجلسة" واخا ألحاجة خودي راحتك...
لحاجة: كنت أبنتي عايشا انا و راجلي فواحد. دوار خارج على مدينة فاس سميتو دوار القراء "للعلم فقط ليس إسم على مسمى لأنو دوار فيه غير لفيرمات لوااااعريبن" كانا بخيرنا و خميرنا و راجلي لله يرحمو كانت عندو واحد 10 ديال لكطارات كيفلح فيهم و مستافد. منهم حملت لمرة لولا ولدت لبنيتة لولا هي ماين سيف لله يرحمها.... و زدنا من وراها 3 سنين حتى ولدت ماماين تيمور... اوا وبقينا عااايشين و هو كيحماق على بنيتو و ما هاموش راه عندو غا لبنات بالعكس عادي جدا... بقينها عليها 4 سنين خرا حتى وليت حملت لكن هاد. المرة كانت لفرحة لكبيرة ولدت وليد و هو وليدي محمد كانت لفرحة فرحتين و تكا عمار لله يرحمو عجل و وزع نصو على دوار كامل و كلشي فرحلي بلوليد و دازو عليها عوام و بالضبط 10 سنين مرض عمار بالمرض لخايب و دورش على لمرضة حتى لعام و مات...
لحاجة كتعاود و عنيها فيهم حزن كبير و عامرين دموع و ليلى كذالك عنيها دامعين بقات فيها لحاجة بلا قياس....
لحاحة: اوا يا بنيتي غير مات و هوما يبنو دياب و كلها مين كشر على نيابو باغي حقو ولكن لله يرحمو خلا وصية فيها انو ولدو هو الوحيد. لي يستافد هو و بنياتو و انا حقي الشرعي...
اوا يا بنيتي تعافرت و دازت على ديك. شي 7 أخرا فيها قاسيت كل مرة يجيو يهجمو عليا انا ووليداتي... صافي عييت و قررت أني نبيع ديك الأرض و نمشي نشري شي دويرة ليا و لبناتي و وليدي و نعيش من ديك لفلوس و نقريهم و نبقا معاهم حتى يخدمو... لكن كان للقدر رأي أخر يالله تفاهمت مع شاري لكن كان خاص مول لحق لكبير لي هو محمد يوصل لسن الرشد. و كان ما بقا ليه إلا شهراين تافقنا و بعت انا و بناتي و خليت حقو هو حتى يوصل لسن و يتكاتب بإسمو هو... اوا يا بنيتي عمامو غير ساقو لخبار محملوهاش جاو هاجمين علينا و هو محمد ما كانشي راضي على ديك لحال خرج عندهم و هوما كانو واجدين تحاماو عليه و بقاو يضربو فيه بلعصى حتى خلاوه كلو دمايات و كيلقف.... و انا لداخل بحال الا علمت عليها... قلبي تزير خرجت ما لقت حد لقيتو غير. هو كلو دم...
فلاش باك....
خرجان و هي تلقاه مليوح و كلو دمايات و هاز صبعو لشهادة
فاطمة"لحاجة" غوتات على حر ما فيها من جهد و مشات عندو هزات راسو حطاتو على حجرو و بدات تمسح ليه دم من على وجهو: وليدي وليدي حبيبي سبع ديالي فيق فيق لله يخليك فيق.... حسناااااااااء حسناااااء...
خرجات حسناء لي هي ماماين تيمور.: نعم امي واش.... تلاشا حماسها فاش شافت مها معنقا خوها و هو فديك الحالة و غوتات على حر ما فيها من جهد: خويااااااا....
لحاجة كتحكي و تشكي و و دموعها عند لحيتها كيتلاقاو وليلى كذلك....
لحاجة: لقف يا بنيتي و خرجات روحو من بعد الشهادة بين يدي... كان يا بنيتي راااجل و حااار و نفسو حارة بحال سيف.... شواوني فيه و رزاوه في شبابو و تحاماو عليه... قتلوه أبنيتي قتلووووه و مزااال متو مبردات لي يا بنتي مزااال فاش كنتفكرو كنبغي نحماق يا بنتي.. ربي بتالاني فيه و حمدت ربي و شكرتو و قلت مع راسي و راه نجاه و شرور هاد الدنيا .... هئ هئ هئ
صافي هنا نفاجرات بالبكاء..... بكا ديال القهرة و حزن عمييييق في قلبها... حزن دفين على فلدة كبدها لي كانت كتعنا بيه بين الناس لي كان كلشي كيحبو
ليلى: "كتحاول تهدنها و هي بدورها كبكي" صافي ألحاجة صافي لله يرحمو صافي تفكريه ألحاجة بالدعاء في الصلاة لله يخليك
الحاجة: "كتشهق من البكاء" يا بنتي و مات و دفناه حدا باه... يالله دفناه و هوما يجيو يهجمو عليا انا و بنياتي جراو علينا من دار و سناونا على لحق ولدي و خلاوني انا و بنياتي لله كريم... خرجت انا و بنياتي و شتاء و البرد و لحزن فقلوبنا و باين على عنينا مشينا و لحمد لله داك لي بعنا ليه ما تخلاش علينا عطانا رزقنا بيه مشيت شريت واحد دويرة صغيورا في 45 راك تكون كتعرفي هاد لحي... ستاقريت أنا و بياتي بديت كنخدم عليهم و نصرف حتى تخطبات ليا لكبيرة من واحد سيد لي هو بات سيف... اوا و هنا غادي تبد حكايت هاد ليتيم لي تربا بين الزنقة و لحرمان و لعنف....
ليلى غير كتسمع ليها و كتبكي بلحس بقاااات فيها بزاااف و قالت مع بالها "من شاف ديك. الضحكة و البشرة على وجها مايقولشي راه هزا فقبها هاد شي كامل "
الحاجة: خطبوها و مرفضت شاي يا بنيتي و عطيتها لواحد لخراز "الإسكافي او الطراف او لكوردوني قلتها بكاع اللهجات لي كنعرف 😂😂" كان طالب معاشو بدويرتو و فنفس الحومة غا هو الدرب مختالف... تزوجات بيه سكنات معاه بوحديهم دازو ليام و بالضبط عام و نص على زواجهم حملات بلوليد الأول و لي هو سيف الإسلام كانت الفرحة كبيرة و ديك ولد الناس مخصرشي ليها خاطرها أبدا بالعكس هازها فوق راسو و كيزيد سوايع في الخدمة باش يوفرلا اش بغات اوا يا بنيتي و دازو عوام حتى دار سيف 12 عام بالضبط و هي تزيد لبنية الثانية خت سيف.... دارو ليها عميلة اوا و جاها نزيف حاد تسبب ليها في فشل في أطرافها السفلية ما بقاتشي كتقد. تنوووض.... ناض الراجل قال ميقدشي على خدامة ينوض يتزوج... و ديك ساع هي تقابل حفيضة... صافي تزوج.. و جابا لدار اوا من تماك بدات المعانات... معرف اش دارت ليه حتى ولا كيهاتي غا بيها ولا بحال لعبد عند رجليها...
ليل: "خصرات ملامحها " يا لطيف هتكون سحرات ليه ياك...
الحاجة: و مشي بعيد ابنيتي.... هي فاش تمكنات منو ولات كتحرشو ليا على بنتي كبدتي ولا كيضربها و هي في الكروسة... ولا ديما كيحتاقرها... و ينقص منها و يعايرها على ديك شي لي عطاها ربي و هي مكتقوليش كتخبي عليا... اوا و سيف وسط هاد شي كيعاني من عنف مرت باه لي ديييما كضربو باشما جاب ليها ربي يا مقراج يا بحجرة يا أي حاجة تخطر ليك على لبال
ليلى: "بذهول و عصبية" يا ويييلي و ملها هادي...
الحاجة: "تنهدات" هحححح يا بنيتي هو لي كان عارف غرايبها و سرايرها هو لي كان عارف اش كانت كتعمل ورا ضهر راجلها و قدام عنين حفيضة و وليداتها لي كان لا حول ليهم ولا قوة... كلشي ضدهم....
ليلى: و علاش واش كانت كتسحر في الدار
الحاجة: كثر. يابنتي كثر... كانت يا بنتي ق***وادة حشاك و كانت كتزني فدار و دخل الرجال قداااام عنينهم و كتهددهم انهم يقولوها لراجل و إلا غادي تحرقهم... حتى لواحد النهار و هو سيف يقرر ما يبقاش ساكت صافي عيا من الضلم و لخنز فاش ولاو عايشين ولاو كيتحرشو حتى بمو.... مشا عند باه لحانوت و قاليه كلشي قاليه انو مرتو كتدخل الرجال لكن متيقوش... ولا لدار و مشا عند مو لقاها كيف العادة مسدود عليها لباب هي تريبيا لي يالله عندها 4 أشهر...
فلاش ياك
دخل كيف لعادة كيسمع صوت توحويحها و تقحبينها و 3 ديال رجال معاها.... زاد حااااقد و فعنيه شرارة باغي ينتاقم منها و من خبثها...
حل على مو لباب لقاها رضعات لبنيا و كتلعب معاها و كتحاول تمرن رجليها باش مايموتوشي ف مرة... غير شافتو و هي توسع عنيها
حفيضة: سيف ولدي فين كنتي عنداك تشوفك تاني و تبقا تضرب فيك كيف كل مرة....
سيف مشا لحظاها و جلس قفازي و شد يدها باسها: ليوم أمي غادي نفضحها ولله ما تخافي ليوم غادي نوريها وجها ف لمرايا قدام كاع ناس غادي تفضح باش ديك با يرد لبال و يحل عنيه...
مخلاهاش حتى دوي ناض خرج....
وقف في راس درب و بدا كيغوت: وووووو ولاد درب و عيالات درب و رجال درب و شهدو شهدو مرت الخراز كدخل الرجااال عليها و شهدو و راهم عندها في لبيت واااااا شهدو و 3 ديال رجال.....
قال هاد لكلام لي سمعو كااااع الدرب بيما فيها لأخت المصون لي كتعبد مع دوك 3 ... درب كامل تجمع و تكب حدا دار بينما هو دخل يتشفا و يخرجها لكن هاهات يالله غادي يقول بسم لله و هو يحس يشي آلة حادة زدحاتو لضهر حتى غوت على حر فيه من جهد....
هاد الغوتة لي خلات حفيضة تفزع و تخرج من لبيت كتزحف و تنادي بإسمو: ولدي ولدي سيف...
حتى كتبان ليها كلثوم هازا موس ديال الذبيحة قدو قداش فيديها و فيه الدم و سيف مليوه في الأرض كيحاول ينوض
كلثوم: ياك الق**** زحافة كنقول ليك متخرجي لا نتي لا ولدك لكن ليوم يا بيا يا بيكم ليوم موتكم نتي وياه على يدي
قالت هاد. لكلام و هبطات عليه لراس بلموس حتى طار شعر و دم بدا يسل و هو بدا كيغيب
حفيضة: لا لا أكلثوم ولدي لا نبوس ليك يديك و رجليك لله يخليك صافي صافي
كلثوم بتاسمات و مشات شداتها من شعرها: ديري لي بغيت لي بغيت ياك هههه اوا ما قلتي عيب صافي رومبلاصيني معوهاد 3 علاما نسالي أنا و نصفيها لبرهوش ديال ولدك...
حفيضة: لا لا اكلثوم ما ديريش فيا هاك. ا لله يخليك صافي ولله ما يعاود. صافي
ناضت كلثوم من حداها و مشات عندك دوك 3 علماتهم و هوما كيف لكلاب نادو عند حفيضة دخلوها لداك لبيت بداو يديرو عليها نوبة و هي كتصدهم و تغوت و هيدشي كااامل وولف مكتف و كياكل شحط بلكوردا فازكا و كجرح ليه راسو بداك لموس و تضرب فيه حتى غيب....
و علا برا سي سيد عااااد جاي سي سمير.... وصل ناس كلها بقات كتشوف فيه و تغامز عليه حتى وقف على واحد الجماعة: الله اسايدنا مالنا على هاد شوفات يكما قتلت ليكم شي حد...؟!!
وحد من الجماعة: سي سمير ما عندنا ما د نخبيو عليك... "عاود ليه كلشي"
سمير غير سمعها مشا كيكر لدار حلها عندو الساروت و هو يسمع صوت حفيضة كتوجع ما خلاوشي فيها....
مشا حل لباب غا بشويا شاف المنضر لي حقدو على حفيضة كثر و هو عند بالو انها هي لي كدخل رجال
مشا لكوزينة بان ليه غير موس من لماس لكبار مع كان لعيد عاد داز هزو و مشا نيشان للبيت معقلش على راسو غير و هو كيطعن في اول وحد فيهم في ضهرو شرشم ليه الضهر ديالو و ما خلاشي فيه.... هادوك لوخرين جمدو و حفيضة تنفسات الصعضاء عند بالها هيعاونها
سمير: "دتر عندها عينيهم حمرين و دم طاير ليه على وجهو " يالك. يالك أزحافة ياك أنا ترديني ضحكة و درب كلو يتغامز عليا ياك....
مخلاهاش حتى دوي جبد معها بلموس لوجه شرك ليها نيف و عين... خلاها تغوت ربي لي خلقها و دار لعند 2 لوخرين لي داروها على راسهم بالخلعة مشا و بدا ثاني عليهم حتى صافي جابهم حبل و بونت ولاو فيه 10 ديال رجال صحاح... و بقات ليه غا هي ...
حفيضة دايرا يدها على حنكها لي عينها لي صافي تفقات و هو لغضب عمي ليه عنيه...
سمير: هادي هي ياك يا زحافة ياك راضاني ضحكة ياك يا زحافة راضاني ضحكة قدام لي يسوا ولي ما يسوا ياك... اوا تشهدي على روحك. أخرك على يدي
حفيضة صافي عرفات آخرتها هي هادي حيدات يدها على وجها و شافت فيه فلعين لي بقات ليها و نطقات بصوت كلو حزن و تحدي: الا شكيتي فديك لعشرة كاملة و رضيتيني كنخونك فمن الأحسن تقتلني حيت ما بقالي اصلا مندير معاك و مع مرتك. مليت دل و لحكرة...
معطلهاش من غضبو نزل عليها بالطعنة لعنق... و من طعنة لطعنة و كيشفي غليلو فيها حتي صافي روحها خرحات و مشات عند خالقا ضلاما و ما دارت لا بيديها لا برجليها....
سلا منها و وجهو و حالتو كلها دم ناض من عليها و دفل و مشا يقلب على كلثوم قلب دار كاملة ما لقاهاش تفكر بيت صطح طلع ليه و مكيديرش لحس و مرفوع وصل لقاه مسدود. يالله مد يدو و هو يتسعق من كلامها لي سمعو....
كلثوم: "كتنهج" اوا سايني البرهوش دوك لخوت يكونو سالاو من مك هههه جالسا جالسا تجيب لينا حتى صريف و نت ولله يا بيا يا بيك... موتك على يدي... بقات كتشفا فيه و تعد ليه كاع عمايلها تقول درتي ليها بريز سيدي ربي سرح ليها لسان....
يالله غادي تحل لباب حتى بان ليها داخل و كيشوف فيها بنضرات باااااردين كيخلعو... صافي طلع معاه لقالب صافي وصلات بيه لأقصى حد.... مشا عندها شدها من عنقها بقحة حتى لسقها مع الحيط....
سمير: "كيدوي و كلو ندم" عرفتي انا اش درت لتحت عرفتي ولا لا...؟!!
كلثوم غير كتلقف و هي تحسو كيحط ليها لموس عند. رقبتها: سمير اش كدير ساين نشرح ليك..
سمير: اش غادي تزيدي تشرحس ليا ممممم غادي تقوليل كيفاش هاد. شهورا كاملين و نتي كتعدبيها هي و ولادها...؟! مممم ولا غادي تقولي ليا كيفاش خليتيهم يلعبو فيها كيف عجبهم...؟!! اولا انا نقوليك...
طلقها طاحت على يديها شادا فعنقها كترجع نفسها...
سمير: "كيديوي كيف شي حمق" عرفتي أنا اش درت...؟!! عرفتي ولا لا ههههه انا ليوم قتلت حفيضة هههه قتلت لبنت لي من نهار شفتها طار نعاسي.... قتلت لبنت لي كنت السبب في إعاقتها قتلت لمرءة لي كانت ليا سند لسنين قبلما تجي نتي تخربي هاد شي لي بيناتنا.. اه نتي نتي نتي نتي نتييييي نتيييي اعععععععععع نتي سباب فكلشي نتي سبابي حتى يتمت ولادي.....
يالله قالها و هو ينتابه لسف لي مربوط مع القادوس و سخفان و كلو دم.... دار شاف فيها بصدمة...
سمير: "مشا لعندها و شد راسها دارو بين رجليه و هي بقات كتنتر لكنو ولا. فيه 10 من قوة الأعصاب ثبت العنق ديالها من شعرها لي شادو و شد لموس و حطو " كيفما قتلتها حتى نتي غادي تموتي بحالها...
.
يالله جات تنتر و هو ينحرها دوز عليها بحال لحولي حتى قاس لعضن عاد. رخا منها خلاها كتنتر و ترعد.... حتى خرجات روحها....
دار عند ولدو و مشا حل ليه لكوردا و هزو بين يده هبطو لتحت و هو مرفوع و حال عنيه لي كيرمشو و دموع منهم كيطيحو حطو فوق سداري و خرح غير لحدا دارو....
سمير: "بصوت عاااالي " و لي كتعز عليه حفيصة بنت فاطمة و راه مااااااااتت
ناس كلهم دارو عندو و كلهم شهقو من منضرو لي كان كيخوف... وما هو فقال ليهم هاد. شي و دخل جاب تريبيا باسها و لعب معاها و بدا كيشوف فيها مودة و ودن ليها في ودنها 3 ديال لمرات و قال: هانتي ابنتي ما بقيتي تساليني ما نسالك ودنت لبنتي في ودنها....
حطها حتى هي فوق سداري نعسة و مشا دخل للبيت لي فيه حفيضة كيف خلاها كلها طعنات و حالة لعين لي بقات ليها صحيحة....
مشا و جلس و جرها عندو و عنقها: حفضة ديالي لحبيبة ديالي.... فيقي صافي باراكا عليك. من نعاس راه دراري فصالون كيتفرحو نوضي نقادو ليهد لفطور نوضي... "سكت شويا و عنيه كيدمعو بقوة عاد كمل" عقلتي فاش كنت كنقوليك هاد لهضرة و نفيقك. في الصباح و نتي مكتبغيش تفيقي ختى نبقا نبوس فيك...
بقا كيشوف فيخا مدة حتى تمع صوت لوليس جاو
سمير: "كيضحك كي شي هبيل" ههههه هاهوما جاو جاو لي جادي يردو ليك حقك مني... أنا لي قتلتك هاهوما جاو...
طول هاد. الحديث لي دار بيناتهم و ليلى دموعها ما راصيينش و لحاجة كتعاود على موت بنتها فلدتها....
لحاجة: اوا يا بنتي و جاو لبوليس داوه و لحومة تروعات و جاتني لخبار انا تاليا... لقيت كلشي تفرق سيف فسبيطار و لبنية شمس داوها من سبيطار للخيرية... حسيت بالعافيا شعلات ليا فصدري و مزالها شاعلا لحد الأن دخلت لفريكو و يا ريتني ما دخلتش شوه ليها وجها و كلها كانت ضرابي بلموس بكيت الدم عليها.... و على حالها و لي زاد. ما بيا حالت لولد لقاو عندو كسر في الجمجمة اوا و ما كان عليا غا نبيع دار لي ساكنا فيها باش نداوييه...
بعتها يا بنيتي و دارت ليه العملية و نقدوه.... اوا و انا بقيت لله حمدتك لا انا لا هو
لقينا لخير في حسناء لي كانت ولادا تيمور ديك. ساع عندو شي عاماين و نص هاكداك
بقينا معاها حتى تبعات حتى هي خوتها من بعد ما قضى عليها السرطان...
ليلى: و قدرتي ألحاجة تعايشي مع هاد. الوضع و نتي ولاد كاملين مشاو ليك واحد مورا لاخر
لحاجة: ربي أبنتي كبيييير و ما كينزل لموصبة حتى كينزل أضعافها صبر.... اوا يا بنيتي فاش ماتت حتى داك ولد. ناس ضارو بيه و تزوج و مراتو ما بغاتنا شاي خرجت أنا و سيف لي دفعتو لداخلية منها يقرا و يجلس فيها و أنا بقيت كنتقاتل وحدي مع الزمان و كاريا بيت مع جيران و تماك فاش كنت كنخدم في لمعمل ديال باك.... اوا حتى جاتني لخبار واحد نهار بلا باين تيمور حرك لخاريج هو و مرتو و دارو تيمور في الخيرية...
ليلى: اويييييلي باباه لاحو في الخيرية و مشا
لحاحة: أاااااااه أبنيتي لاحوه في الخيرية باش يقدرو يمشيو هوما يعيشو لكن لحمد لله باك لله يرحمو هو لي كان مكلف بديك الخيرية.... و كان مخليها مخصوصة من حتى حاجة... و حتى الداخلية لي كان فبها سيف كان كيدعمها هو...
ليلى: "بفضول" و شمس ألحاجة فين هي داب...؟!!
لحاجة: "تنهدات و هبطات راسها كتبكي بحرقة" هاديك أبنتي بوحديها كلهم شفت قبورهم و جثثهم إلا هي هبلت عليها يا بنتي بالتقلاب وما لقيتها داب تكون عندها ديم 22 عام احححح أبنيتي غير نلقاها و الا بغات لموت من وراها تجي تجي....
ليلى شافت لحاجة فديك الحالة و هي تعنقها و ززيرات عليها و لحاجة هي الأخرى بادلاتها العناق و بدات كتبكي بحرقة و كتحس بقلبها غادي يخرج من بلاصتو حكات كاع مواحيعها بما فيهم موت ولادها واحد. مورا لاخر موتة شنيعة.... و إختفاء حفيدتها شمس لي مزال لحد الأن معرفات عليها والو....
بقات هاكداك حتى تهدنات و بعدات على ليلى
لحاجة: "كتمسح عنيها لي ديرا فيهم اكحل لبلدي لي مكيسيخش واخا لماء" اححح يا بنتي و سمحي ليا بكيتك و شغلتك بهمي سمحي ليا....
ليلى: "بدورها كتمسح عنيها بطريقة عشوائية ولاو منفوخين" متقولشي هاك. ا ألحاجة الله ياودي... نتي راك مرأة صبارة صبرتي على موت وليداتك و صبرتي على لعيشة لي عشتيها...
لحاجة: "تنهدات و بتاسمات يألم " اوا يا بنيتي قضاء لله و قدره و قدر الله وماشاء فعل... ما عندي ما ندير واش نعصى ربي.... لا لا انا مومنة و ربي بتلاني في وليدات هوما عزاز لكن ربي عز منهم و داب إنشاء لله نتلاقا معاهم في الجنة و لحمد لله ربي عوضني بحفايدي لي هزوني فاش كبرو و داروني تاج فوق راسهم....
ليلى: ونعمة بالله ألحاجة ربي كبير....
لحاجة: "هزات راسها فيها لقات وجها كلو حمر و عنيها منفووووووخين بالبكاء" الله يا بنتي و مالك على ديك لعوينات مخليتيشي فيهم كيحمقو و ما محافضة عليهم...
ليلى: اوا سلاك ألحاجة....
لحاجة: "شدانها من يدها و نوضاتها" اجي اجي معايا لبيت أبنيتي نكحليك عوينات بشوييش ديال لكحل لبلدي. راه دوا لعنين...
مشات معاها لبيت.... و مشاو قدام لمراية و جبدات لمرود و بلات كتكحل ليها غييير بشوية خافة لتعكرها ف عويناتها.....
أما لتحت فكانو دراري جاو و كيف لعادة كلها و مشا لبيلبيتو يدوش يبدل عليه من بعد الإجتماعات المتعبة و الطويلة.....
دخل لبيتو خدا دوش و خرج لاوي عليه لفوطة مشا لدريسينغ روم لبس عليه شورط و سوفيطة ديال سماطي سبور وقف و دار لكاسكيط و قلبو و خرج من بيتو....
أما ليلى فمن بعدما قدات ليها لحاجة لكحل خرجات من عندها وطلعات في إتجاه لبيت فين كتنعس.... يالله هي لباب حتى كيبتون ليها جاي بإتجاها مصغر عنيه فيهاو محدو كيقربو حدهم كيوساعو.... هو لي غير قشعها قشع اول شيء فيها عنيها لي كيلفتو الإنتباه بلا حتى شي حتى حاجة و داب زادهم لكحل واحد لمسة خاااااصة.... أسروه و حمقوه و خلاوه بلا عقل بقات كتبان ليه غا هي...
اما هي فمحدو كيقرب ليها و هي كتجي بين عنيها غير كلام لحاجة... على معاناتو و على حياتو و طفولتو و على إسمو...
وصل عندها و يالله غادي يجاملها و هو يخنزى فاش تفكر انو غادي يكونو دراري كاملين عندو هاد النهار...
سيف الإسلام(وولف): "مخنزر و كيحاول يهرب عنيه من عنيها" شكون دار ليك ديك لحالة ف عينيك....
وقف مشوكي في بلوصتو ما قدرش. يتحرك... هادي شحاااااال ما سمع إسمو الحقيقي من يامات مو لله يرحمها لحاجة كتقوليه يا ولدي يا حفيدي و حتى تيمور و ايمان و باقي الناس كيعيطو عليه غير بلقبو و لي هو وولف = الذئب....
دار عندها بالعرض البطيء لقاها مبتاسمة و عاضا على شفتها لتحتانيا بطفولية...
ليلى: "بنعومة" سيف الإسلام.... مممم..... إسمك زوين بزااااف.....
سيف الإسلام: "قلبو كيضرب في 90 حس بإحساس غريب نطق بكلمة وحدة بضوتو الرجولي لمبحبح" شكرا
يالله دار يمشي و هي تولي تعيط ليه ثاني غير بإسمو
ليلى: سيف الإسلام
سيف: "مدارش عندها" ممممم
ليلى: "بميوعة" مممم شكون سماك هاد الإسم "هي راه عارفا غير بغا تسولو هو شوف اش جاها لديك سي مخها... " واش ماماك ولا باباك....
سيف: "تسيف نيت و رجعو ليه شي ذكريات هو من ديما كيطردهم ذكريات ماضيه لي خلف ضمار شامل فحياتو" هادشي مكيعنيكش مدخليش فيه....
ليلى: "بلعات لقمعة و مرضاتش" اوا بزعطة بفففف قاليك سيف الآسلام لا لا نت كانو خاصهم يسميوك دفتر الوسخ أولا قميص مطرز بقشور لحو و رباطي معا لفاسي لموهيم فنما كانت شي طرزة راها فيك "قشور لحو و رباطي و لفاسي هوما أنواع الطرز "
دار عندها بواحد. ملاتي تخنزيرة بردات لما ف ركابي.... و تم جاي لعندها و شدها من فكها حتى خرجو شفايفها كيف ديال شي بطة....
سيف: "مزير عليها و كبدوي برود مخيف عكس النار لي ساعلا فيه" مكتعرفيش تسدي دلقوشك؟!! ممممم....؟!! مكتسكتيش ألبرهوشة...؟!!
ليلى: "عنيهاغرغرو حيت ضرها في فكها لكن واخا هاكداك مساكتاش واخا كتخرج لهدرة معكلا" و تللك ألمشبة لكحنة. "وطلق المصيبة لكحلة" 😂😂
طلق منها بنتيرة حتى ولات لور كانت غاديا طيح كونما شداتش توازنها
سيف: "هاز صبعو بتحذير" وياك مرة أخرا تعاوديها...
حركات ليه راسها بالإجاب و عنيها عامرين دموع و شفايفها مدليين بحال دراري صغار....
اما هو فقلب دورة هودة. عند. دراري لي مجموعين عندو
خلاها و هبط عند دراري لقاهم مجموعين و كيبروكراميو لماتش ديال لباسكيط تماك فلقصر حيت كاين ملعب مصغر....
أما هي فدخلات لبيت قادات حالتها و غسلات و ها و هبطات بدورها لعندهم....
دراري كانو كيدويو و حتى إيمان معاهم حتى بانت ليهم هابطة... كلشي تبهر و حل فمو من عنيها لي كانو كبار و زاااادهم لكحل... ولاو كبار بزاااااف.....
هي شافتهم كيشوفو فيها كان قاصم و حسن بتاسمات ليهم حيت تفكرات أنها شافتهم ف لوطيل
أما سيف فكان جالس و عاطيها بضهر و كيخربق فلفون ديالو و داوي حتى بدا كيسمع غا سقيل طلع عنيه فدراري لقاهم كيشوفو موراه و يبتاسمو دار حتى هو و هي تبان ليه جايا و كلها أنوثة لابسا كسيوة بسميطات غلاض و طويلة و طالقا شعرها على كثافها....
مينكرش حتى هو سطااااااااااااتو بلا قياس لكن تفكر دراري لي هيبقاو حالين فمهم فيها و هو يخنزر... و حتى هي بدورها فاش شافتو خنزرات فيه.... و زادت جلسات حدا تيمور.....
تيمور: "بمرح" أووووووو اش هاد لجمال و أش هاد لعينين لله لله ولات عندنا لحاجة صغيرة هنايا.... ولكن مصغرة و كيوت.... "و قرصها من حناكها.. "
إيمان: "حيدات ليه لقرعة" أاااااه بعدو ليا على تيمور ديالي....
قاصم: "كيشوف في ليلى بإعجاب كبير" و هو راه مكدبش راه عنيها جاو قتالين... جا معاهم لكحل
ليلى: "بتاسمات بخجل و نعومة" شكرا.... 🤤
بقاو منساجمين فلهضرة و كل واحد مين يتعنب عليها من جيه و غافلين على سيد لي لوكان لقا يقتلهم و يقتلها هي لي ما ختارت تعري درعانها حتى لنهار لي تجمعو فيه لمترفية "دراري"
ليلى: انا كيعجبوني غير الألعاب لي كتخدمي فيهم عقلك كثر من البدن ديالك. حيت أنا معكااازة بزااااف..... مثلا بحال الشطرنج ضامة و البلياردو هادو هوما افضل العاب كنلعبهم....
وولف: "نطق. برزانة صوت رجولي.. " هاد الألعاب كيتميزو بالبرود و مكتبانش ملامح التنافس فوجوه الخصم....
ليلى: إكزاكلي بابا كان ديما كيعلم هيثم انو يلعبهم و يطبقهم في حياتو و يكون هو المتحكم يا 8 يا الكاش ملك يا ضايم.... ولكن انا ما بقيتش عاقلا بزاااف على هاد شي لي عاقلا عليه أنو بابا كان مهتم. بزااااف بفطانة هيثم كان كيعطيه شي حوايج ماشي قد السن ديالو وقيلة حيت كان حاس براسو غادي يموت ديك شي لاش....
إيمان: و نتي اش كان كيعلمك
ليلى: "تنهدات و بتاسمات" كان كيعلمني نعزف على تشيلو.... و كان كيعلمني الصلاة و كان كيعلمني أداب الطعام و كان ديما كيحكي ليا على أبونا آدم و سيدنا محمد... و بزااااف... و هو كان كيقابلني انا بزااف و كيعطي لهيثم المهاه و ماما كانت كتقابل هيثم و رباتو على أنو يحتارم الجنس اللطيف و يقدرو و ميستقواش عليه... و هو واخا كبر عدواني الا انو معانا في دار و مع الجنس اللطيف عامة... ضريف و كيحتارمهم و ديك شي كيبان غير من التهامل ديالو مع سجود و كيفاش خلاها تبغيه و تحدا الصحافة و المجتمع لي مكيرحمش.... على قبلها....
قاصم: اوا سعدات عاد. عائلتك عندهم. لي يشكرهم و يدكرهم بالخير
ليلى سكتات مدواتش حيت تفكراتهم و شحال توحشاتهم. بغات غير إمتى تشوفهم....
بقاو جالسين كيتعاودو حتى سمعو صوتها كيف الزواية... 😂😂
فاطمة الزهراء: "وقفات عليهم" مممم مجنوعين بلا بيا ياكو باغيين تعومو بلا بيا ياكو
إيمان: لا لا ابنتي نتي لولا غا اجي بعدا سلمي...
مشات فاطمة الزهراء سلمات عليهم كااااملين وصلات عند تيمور كيف عاداتورها عنقها و بدا يهر فيها و هي عقلها خارج بالضحك. حتى سخفها عاد. طلقها و من تماك. ناضت طلعات هي لبيت لي دايرين ليها و ل إيمان فاش كجيو...... و لوخرين خرجو لجردة يلعبو لماتش دلباسكيط علاياش متافقين و حتى إيمان و ليلى خرجو معاهم. مي جلسو حدا لبسين هوما و خلاو دراري يلعبو.... حركو لكورة و بداو كيلعبو و تبارك لله كلهم طوال كانت زاهيا لعب. ليلى تكات فرولاكس و بقات كتشوف فيهم. حتى داتها عنيها.... سلاو لماتش لي كان مكيقلش على ساعة حتى فزكو بلعرق.....
كانت ايمان و فاطمة الزهراء كيشجعو و ليلى ناااااعسة تيمور شافها في غرق نعاسها و هو يجي. طاير رفعها في السماء هازها حتى خلعها و هو يلوحها لبيسين....
ليلى معرفاتش راسها باش تبلات بدات كتدرب بيدها كتحاول تشد توازنها حتى شداتو مزيان و دارت الشهيف و الزفير ديالها عااااد بدات: شكون هاد لحمار شكون غا قلو ليا شكون لله يحرق لقواد تاع بووه اش هاد لحالة تفووووو يا لاطيف...... طلعات راسها لقات دراري كلهم واقفيه و خاريين بالصحك و لبسين غا شورطات
تيمور: "قرمز و مد ليها يديه و هو خااااري بالصحك" ههههه و ناااارييي يا ساطة كان عليك تشوفي وجهك كيف وليتي نرييييي نعطي عمري كامل غا نعاود هاد. اللقطة
ليلى: "بغضب " و سير لله ينعل طواسل ختك فهاد راس شهر لله ياخدك و هنبني منك
تيمور عجبو لحال و بدا كيرشها و هي كتحاول تهرب حتى وصلات لقنت لي فيه السلوم و طلعات و لكسوة مع سردات عليها و لات لاسقة عليها و كلشي باين حيت كانت لابسا تحتها غير سليب كحل و ما دايراش لحمالات.... كلشب ولا على المكشوف.... سيف غا شافها هاكداك صعر مشا هز أكبر فوطة و مشا بإتجاها حتا و صل عليها و هو يدورها على كثافها و بقا واقف لانفاص معاه و كتحقق قي ملامحو الرجولية و لحيتو لي عفا عليها و من لبيك...
بقات في بلاصتها متحقق فيه و هو كيقاد. ليها لفوطة حتى غطاها مزيان عاد شاف ليها في وجها
وولف: "بصوت رجولي" دنيا كلها رجال تيستري كي كنتي مالك. هاد نهار تزاد عليك لحال...؟!!
ليلى: "بعدات منهو و كشرات فيه بحال دراري صغار" و نت مالك هاه مالك ياك. لحمي و ندير بيه لي حبيت ياك. انا غا ق7بة و بلع لسانك. ها لعار و خليني فراحتي.... اولا عرفتي اش غادي يجيك مليح ردني لدارنا أسيدي. ردني لدارنا نلبس فيها لي عجبني يا لطييييف....
وولف: "ششدها من دراعها و زير و دوا بين سنانو" متبقايش تعاطاي معايا مانا شاي قدك..
ليلى: "خصرات سيفتها و دوات بسخرية" مانا شاي قدك ني ني ني وراك نيت شارف عليا حيد يدك مني خليني نطلع بحالي بناقص من شي جردة كاع و شي كلسة معاكم تفوووو يا لطيف و بنادم. و فلان و رجعني لدارنا رجعني عند خويا....
وولف عيا ما صابر ل تطرطيرها و هو يغفلها و دارها فوق كتافو كي شي. ريشة.... و هي تبدا تفركل...
ليلى: "كضرب ليه في ضهرو" و هباااااطني و عباد الله عتقو عتقو و روح غاديا نطيح و نزلني يا هاد لموصيبة نزلنيي "طلعات عنيها لقاتهم خاريين بضحك عليها كلهم" ياكو يا سلعة 20 درهم كضحكو ياكو اوا تهجروه انشاء لله و نتا اداك لوحش نزلنيييييي واش هدا كتف عندك ولا سداري
بقا غادي بيها و هي تفركل و تغوت حتى مشا بيها جيهت سانسور ركب و هي مزالها على كتفو
ليلى: "كتفركل" و نزلني راحنا وصلنا ل سانسور و نزلنيييييييييييييي.....
وولف دراتو فراسو بنكير لقا غا ترمتها قدها قداش قدامو "فيها غا داك ترمة" و هو يصليها معاها بواحد مولاتي صلية ديال لبناية "أتحية لبناية من هنا 😂❤" حتى طلقاتها بواحد لالة غوتة على حر فبها من جهد: ااااااااااااااااااااااااااااااااحححح....
وولف: "بصوت عالي " و زميه خلاص صدعتبني فكري...
ليلى: "كتفركل و تغبن" و يا ليهودي و يا عدو لله... لله ياخد فيك لحق با لله يرحمو معمرو ما قاصني لله بقصفك من لي حطيت رجلي فهاد لخربة "اش خاص ديلمها داب هادي" و نت قاتلني بلعصى و عليا بي ليمين حتى نندمك ولله حتى نردليك الصرف غاااا صبر عليا...
تحل سانسور و خرج منو في إتحاه بيتها و هي تغوت و تفركل و هو يصوط وصلها لبيت حطها و خرج....
اما هي فمشات نيشان للحمام.... دخلات حيدات ديك لكسيوة و حتى سليب و مشات تحت الرشاشة يالله هبط عليها لماء و هي مهبطا راسها كتشوف في الارض حتى كيبان ليها لماء لي كيهبط غوز.... خرجات عنيها و ضربات جبهتها: نرييييي شحال ليوم نرييييي لي غيكل و موالفا كتجيني حتى ل نهار 30 نرييييي جاتني بكري يا ربي يا ربي و تيمور دفعني في لماء بارد نرييييي حريرتي حريييييرة غاديا تجيني بلوجع.....
كملات دوش ديالها و خرجات مشات نيهان لدريسينغ جبدات كيطما كحلة بلقب و دو بياس كحلين و فوطة صحية دارتها و لبساتهم و مشات لنامويية تغطات و شدات ديك الرواية و بدات كتقرا و ماهي إلا مسؤلة وقت حتى بدا دم تحتها كيدوز و بدا لحريق كيجيها و بدات كتعراق و حنوكها كيحمارو
اما لتحت فكلها و فين تفرق هالي مشا بحالو ها لي دخل يلعب لفيديو كيم في صالة الألعاب و ها لي بحال وولف هبط لصالة الرياضة يتريني.....
فـــــــــــــاس....
دخلات طبيبة لقاتو نااااعس حداها و محشيين فبعضياتهم. حشمات تفيقهم حتى كيدخل عبد الجبار عليهم هو غسان
عبد الجبار: "كيدوي بجهد و ينغز هيثم" انوض المرضي نوض تا لدارك و تكا نوض....
غسان: لوليد بشوية راه سجود مريضة...
عبد الجبار: سكت نتايا لله يرحم جدك خلي سيدة تفيق نديوها لدارها ترتاح ما هي شاي فالطرف نخليوها مليوحة في سبيطار....
هيثم فاق كيحك في راسو يطرطق عنقو حيت نعس معدب
هيثم: "كيتفوه" و لحاج ما ناويش توب كتحرمها عليا ديما سبحان الله...
عبد الجبار: انوض انوض تكعد دي سيدة لدارها ترتاح و نوض تحرك تقلب على ختك راه مخرجاتش من لمغريب...
هيثم: "ناض طافج" اش كتوقول الحاج باش عرفتيها....
جبد الجبار: تقال شويا تقال بالمهل وصل لبنت لدار شوف طبيبة اش خرجات ليها و دوز في لعشية نت و هاد جغل و أرجد لعندي لمكتب....
"ليلــــــــــــــــى"...
كانت مكمشا فلفراش و عرقانو و سخانة شاداها و هي كتحس بالرعدة و كرشها عاطياها وااااحد سي لحريق معصررررررر و مقطرررررر.... عيات ما تلاهي راسها بالرواية و تحاول تجاهل هداك لحريق لكن هايهات لحريق و صداع راس كان أقوى"لبنات هادي عندي بالتجربة فاش كتقاصي بالماء لبارد و تجيك لعادة الشهرية كتجي قااااصحة عن تجربة... "
بقات كتنازع و تهترف و حالتها حااااايبا و سخانة طاااالعا ليها بزااااف و هي كتحس غير بالبرد...
اما لتحت فكانو كلهم مجموعين على طبلة ديال لغداء كيتسناوها غير هي تهبط بقاو يتسناو حتى عياو على تالي ما ح
جاتش....
وولف: مليكة....؟!! مليكة....؟!!
مليكة: "جايا من لكوزينة كتجري" نعام أسيدي
وولف: سيري طلعي عيطي على ليلى على حساب لغداء...
مليكة: واخا اسيدي.... و مشات كتجري لسانسور
اوا سي حسن مخفاتش عليه و مسكتش.... نغز ايمان و قاصم و تيمور و بدا يوشوش ليهم...
حسن: "مع سيف" اوا لله يعطينا زهرها حنى عشرة سنين و عمر ما تسنيتينا على طبلة لماكلة...
إيمان: اوا لعجب غا ما ولا
تيمور: "كيشالي بيديه" نجيكم من لخر تا بربي تا طايح فيها بالله....
وولف: "زدح طبلة" ادوك لقحاب جمعو عليا كروركم و دخلو سوق كركم...
قاصم: "قلبها لوبيا لبناني" لاء لاء حبيبي شو عم تقول لا بقا تعيدا اعوذبالله....
يالله سيف غادي يعطيه خو جوابو و هي تهبط عندهم مليكة كتجري كي سطافيط: سيدي سيدي عتق عتق
سيف: "ناض طافج" اش واقع...؟!!
مليكة: أسيدي لقيتها كترعد. و مريضة بلا قياس و فيها سخانة بزاااااااف و فاش سولتها قالت ليا حتى كرشها عاطياها لقطاع....
سيف دار ع تيمور و دوا مزير على سنانو: كلو منك يا لقواد و برب الكعبة و وقعات ليها شي حاجة بالله حتى نجلسك على لقرعة يالله....
قالو هاكدا و طلع طاير مشا لسانسور قاصد بيتها.... ما هي الا مسافة الطريق و كان عندها...
وصل بيها لباب لبيت هازها و هي كل مرة واش توعوج ليه فكمارتو....
حل لباب و دخل حطها فوق سرير و جلس قدامها
هيثم: "كيدوز بدو على وجها" مصرانتي لباس داب
سجود: مممم لاباس فيا غير نعاس داب...
هيثم: نووو ما تنعسيش حتى تاكلي...
سجود: "تلاحت عليه كتبوس فيه كي موالفا" مممم لالا بقيتك تنعسني.... راني شبعاااانة و ممشهيا واااالو ياك قالت ليك طبيبة يقدرو اعراض الحمل يتعطلو او ميجيوش كاع... حيت عندي "متلازمة تكيس المبايض: هو عبارة عن اضطرابات في الهرمون قد تؤدي إلى صعوبة في الحمل، بالإضافة في حال تم الحمل قد تظهر أعراض خفيفة." و هاد المتلازمة هي لي كتأخر لحنل ياك كثر من عام و نت مكتفلتني تا ليلة الا... يلا كنت غيكلي... و مكاناخد تا دوى.... لحمد لله غير مين حملت بعدا...
هيثم: "مستحلي بوساتها" مممم اوكي خلي تا ليل و انا نعسك داب عندي شي شغال مع عمي و غسان...
سجود: "بغنج" اااااااافففففف بغيتك تبقا حدايا كيف موالف...
هيثم: مكرهتش أ كبدتي لكن خاصني نتحرك نزيد نقلب على ليلى و عمي جامعنا على هاد شي...
سجود: ممممم اوكي مين ليلى صافي سير حتى تجي فليل...
باسها فراسها و ناص خلاها تقلبات على جنبها ليمن و سرحات عجول لاخرا و هو خرج....
سيـــــــــــــف الإسلام...
وصل لقا لباب محلو و هي مكمشا و كترعد و تنازع و تهترف... مشا لعندها حيد عليها لمانطة و نوضها....
سيف: "كيحاول يفيقها" ليلى ليلى... فبقي ليلى "بدا كيضرب ليها على خدها" ليلى ليلى فيقي قولي مالك اشنو بيك...؟!!
الموضفة: واخا اسيدي عافاك عطيني عمر لبنيتة او سيدة و قول ليا واش اول مرة تجيها... او الاعراض باش كتجيها...
سيف: فيها لحريق في كرشها و عندها 19 سنة...
الموضفة: ممم واخا اسيدي صبر واحد شوية....
سيف شاف في ساعتو و تفكر حالتها: سربي شويا لبنت كتموت...
الموضفة: "جابت ليه قوالب" هاهوما هادو قوالب و قوليها ديرهم غير فاش يجيها لحريق حيت مجهدين...
سيف هزهم و حط فيها تماك 200 درهم و خرج طاير ل سيارتو ركب فيها و كسيرا لقصر... وصل طلع برد لبيتها لقا إيمان معاها كتشربها لقهوة و لقرفة... "لبنات لقويلبات راه على حسب... اما لقهوة مع القرفة و لكموميلة ف أي وحدة تقدر تستعملهم"
إيمان: "دارت عندو" اش جبتي ليها كرشها كتقطع...
سيف: "وراها لقوالب" عطاتني غا هادو...
ليلى: "كتقطع بلحريق" و ارا خلاص راني كنتقطاااااااع ارا
عطاهم ل إيمان و خرج... اما إيمان لدخلاتها لحمام و عطاتهم ليها دارتهم و خرجو... و هو يدهل سيف بقا جالس حاداهم.... ما بقاتش بزاف ديال لوقت حتى هدن عليها لحريق في مرة "دقة بطلة عن تجربة" لكن سخانة ممشاتش عليها... هي نعسات و خدات راحت نفسها و هوما خرجو يكملو غداهم....
فـــــــــــــــاس...
و بالضبط مكتب عبد الجبار لي ف دار.... مجموعين كاملين هيثم و عبد الجبار و غسان و أرجد...
عبد الجبار: اوا كيف قلت ليكم... انا ستاعنت بمعارفي... لموت ما ميتاش... حيت قلبنا فكاع سبيطارات ديال المغرب و ديال الدول لي دايرين بيها... يعني حية... و قلبنا في جميع بلايص الدعارة حشاكم لي يقدرو يديروها فيهم ما كايناش.... و زيد عليها جميع الرحلات القانونية و لغير قانونية لي خرجو من المغرب تفقدناهم مالقيناهاش اذن هي حية و مزالها في المغرب لكن لمدينة و لبلاصة بالضبط معرفتش...
أرجد: تقدر تكون هربوها في الرحلات البحرية... اغلب حالات الخطف ديال لبنات في عمرها كيدوزو في رحلات بحرية على شكل شحنة...
هيثم: ولكن هو قال انو جميع الرحلات القانونية و الغير قانونية تفقدها إذن كيفاش غاديين يديرو ليها....
غسان: و إلا كانت مزالها في المغرب حنى غاديين نقلبوه سفاه على علاه من داب...
عبد الجبار: "مع ولدو" برررد المرضي لحاجة لمستورة كيصخر فيها ربي....
كملو حديثهم كيخططو اش غادي يديرو و كيفاش غادي يديرو... حتى دارزت قرابة 3 ساعات...
قصــــــــــــر آل منصور..🖤
هي ناعسا و نار ديال سخانة كتكدي فيها و هو حداها كيسمع ليها كتهترف كل مرة و باش...
ناض مشا هبط لتحت غير شويا و رجع فيديه بانيو فيه لماء بـــــــــارد و مكعبات الثلج... و فوطات صغار "الكمــادات" بدا كيغطسهم في دداك لبانيو و يدوز ليها على وجها و يدير ليها فوق جبهتها حتى بدات الحرارة ديالها كتنخافض تدريجيا... بقا على ديك لحال شي 4 ديال سوايع... حتى حس بترمتو يبسات مع لكرسي.... ناض يسرح رجيلاتو شي شويا... خرج في إتجاه جناحو دخل ليه مشا بدل عليه... و خرج من دريسينغ و جات عنيه على الورشة ديالو مشا دخل ليها و جلس و حدا فيديه و حدة من دوك صائدات الأحلام كيقاد فيها... بقا معاعا حتى سالاها و ناض هزها في يديه و خرح قاصد بيتها يتطمن عليها...
ليلى والذئب الجزء الخامس
محتوى القصة
التنقل بين الأجزاء