وقف وراها كيتسنط لكلامها غير سالات الهضرة ضارت تساطحت معاه ، شوفاتو الزايدة نغزة خلاتها تلغي تخنزيرتها فلبلاصة
مراد شوفاتو حارين فيها ونبرة صوتو كانت شاعلة ~ معامن كنتي كتهضري ؟؟
طولت فيه النظرة وركزت على ملامح وجهو مزيان وهي تجاوبو ببرود و بلاما تكتر معاه الزكير كانت متلهفة تشوفو وتسمع صوتو ~ كنت كنهضر على الخدمة وصافي ..
طلع حواجبو باستفسار عاد تكلم وهو معوج سيفتو~ اشمن خدمة في هاد الليل ؟وزيدون ياك انتي بعتي كلشي ؟.
حنات راسها الأرض عاد نطقت ~ شي حاجة متعلقة بمريام وصافي .
مبغاش يحكر على الموضوع حيث هو سمع لكلامها كامل غير باغي يتاكد نار الغيرة كانت قاتلاه ....قرب لعندها وقف قدامها وقريب ليها لدرجة انفاسو الحارين كانو كيضربو في وجهها ....خنزر فيها مزيان عاد نطق بتحذير
مراد~ كنظن راكي مزال على سميتي
طلعت عينيها فيه بصدمة بقات غير كتشوفيه واش كيشك فيها ولا اشنو كيقصد بكلامو.... كلشي تقبلو منز الا يلمح ليها بكلام يجرحها مدوزهاش ليها
بلاما تحس دفعاتو من قدامها ونطقت وهي شاعلة ~ اااسي انا مني كنت تاع راسي عمر شي حد قلل عليا العفة باش يجي دابا يقللها عليا وانا مزوجة ....
بنبرة صوت عالية وبايد هازاها قدام عينو ....جمع راسك !! وهاديك الهضرة قولها ليك الحمد لله ملقيتيني كنتزكك على حد ولا كنتلمس فحد ولا معنقاه... هادشي خاصك تقولو لمخك ماشي ليا " شيرت بصبعها ونغزاتو في صدرو ونكقتها بلا هواها " ...راه انا ل خاصني نقول ليك مدام اسمي باقي جنب سميتك غادي تحتارمني في غيابي وفي حضوري حتى نفرقو مو هذا الزواج وديك ساع ماشي غير عنق دير ل بغيتي ودبا حيد من قدامي
تسرسبت عليه بالهضرة ودفعاتو ودخلت بقى من وراها كيضحك عارف راسو شعلها مزيان وحك ليها على الضبرة تم تابعها وكيشطح بصياعة ويغني ~ العب يالاه
داخلة مغير فيها اللون ومعصبة غير وقفت على مريام خلعتها معرفت مالها ناضت بزربة شدتها من دراعها وكتسول فيها مصدومة~ مالكي اش هاد الحالة انادية ؟؟
هزت صاكها بعنف ونطقت بعصبية~ يالاه نمشيو عيييت....من لول مكانش علينا نجيو هنا، لي نايت عطاهم الله .
ضارت لعندو وتقابلت معاه بنظرات قاتلين شافت فيه ونطقت وهي شاعلة ~ ماشي شغلك نتا !! ومتبقاش تدخل بيني وبين بنت خالتي وهذاك العشا حنى في غنا عليك وعليه واخا
مشعرتش براسها فاش نطقت ديك في غنى عليك وعليه .كلمة نزلت على قلبو كيف السم جرحاتو بزااف قرب لعندها وهو مخنزر فيها مكرهش يجمعها معاها على الله غير تبرد ديك العافية لشعلت فيه عوج فمو باستهزاء عاد نطق ~ مكذبتيش في هادي ،كون ما كنتي في غنى عليا ما كنتيش غتسمحي فيا عامين هادي ..كيبان ليا الخطوة ل خديت ديال الطلاق كانت احسن حاجة كناخد ...حيت باراكا منضيع فوقتي وحياتي وانا كنستنى فوحدة مستغنية عليا
وقفات حداه أميمة شداتو من ذراعو كتهدن فيه حيت بان ليها وجهو رجع حمر وعروقو علاين يطرطقو اما مريام عضات على فمها ملقات متقول فم نادية من ديما كيخرج غااا القراطااس
نادية كتشوفيها كيف شادة فيه وملامح وجهها خايفين عليه ...ضحكت باستهزاء وقربت منو لعند وجهو وقالت ~. ختاريتي طريقك شحال هادي كيبان ليا ،بالحق معندي علاش نتعجب هادا هو مراد بن الزين
كانت اخر كلمة ليها لاحتها ليه حتى جمع قبضة يدو بغى يتبعها وهو يحس بايد زيرت عليه مانعاه ...هزات مريام صاكها وشغلها من فوق الطبلة وقالت متأسفة ~ سمح ليا بزااف ، مديرش فبالك نتا عارف نادية كون مقصحتيش معاها متقولش ديك الهضرة متنساش لكل فعل رد فعل ...طبطبت على كتفو....كيخصنا نتلاقاو غندوز عليك عما قريب تهلى فراسك
خرجات كتزرب في المشية لقات وحدة غطرطق غا بانت ليها وهي تصوط فيها ~. اش بقيتي كديري لداخل ، سمعتيه ياك وشفتيها هي كيف شادا فيه وخايفة عليه
مريام حلات طوموبيلتها وطلعات وتاهيا طلعات حداها كتعاير وتدوي وتلوم ~ مكانش خاصنا نجيو من لول و و و
مريام تلفتات ليها ~. غنجيك من التالي نتي لي غالطة ما هضرة ما والو هاديك لي قلتي
نادية هزات فيها حواجبها مخنزرة وما عاجبها حال ~ ياك الالة شفتك دغيا وليتي دافعي عليه
مريام ~ كنقول ليك لي كاين ، كنعقلك ،كنرد ليك دماغك بلاصتو ، لحد ساعة داك لولد مشفنا منو غير لخير ،كيبغيك وكيموت عليك
نادية قاطعتها كتدوي بعصبية ~ لالا باينة كيبغيني غير من ديك مو ترمة لي معاه ولي كيتحكك هو وياها وعاجبو لحال وكيضحك ويشطح وما علابالوش
مريام بعتاب ~ وشنو بغيتيه يبكي على الاطلال ولا ترجعي تلقاي تسطى ودخل سبيطار ، وزايدون اش عرفك هاد سيد شنو جرا ليه من ورا فاش خليتيه ...كيف انا قدرت نوقف على رجلي كنظن تا هو وقف عليها
نادية متهربة من السيرة ~. صافي سدي هاد الموضوع كلامي قلتو ليه الله يعاونا ويعاونو
مريام موركة على كلامها ~. لي بان ليك ابنت خالتي
ديمارات الطوموبيل غادا لدارهم طول طريق وهما ساكتين ،مكاينش علاش يدويو وبزوج بيهم شاعلين داكشي علاش ختارو الصمت
جر اميمة مزير على ايدها... عصباتو وشعلاتو...كلامها ،تصرفاتها كلهم كيجرحوه وكيبقى يلقى ليها الاعذار ولكن كثرت عليه ومابقاش عندو فين يزيد ..خرج من البار بدون ما يتلفت وراه ركب طوموبيلتو وزاد واميمة حداه غادي مكسيري وساكت وقلب وحدة حداه غيخرج من بلاصتو بقى كيدور من شانطي لخوه حتى فرغ غضبو شويا في الاخير مشا لجنب لبحر يرتاح واخا الراحة عامين هادي ما شافها ولا عرف ليها طريق من نهار عرف نادية وهو لور لور
حل باب الطوموبيل ونزل .. وقف كيشوف في مواج لبحر والبرد كيضرب فيه شي مدة ديال الوقت عاد تبعاتو اميمة بغاتو حتى يتهدن ويتكالمى عاد تدخل ...جات وراه وعنقاتو من لور ونطقت باسف .
اميمة~ تيق بيا كل مشكل وعندها حل مديرش فبالك !!
تنهد بسخط وقلبو عامر وكل مرة كيحس براسو هو لمتضرر الوحيد في هاد العلاقة بزاف على الحب وبزاف على شدان الخاطر وبزاف على التنازلات بدون فائدة بقي ساكت شويا عاد نطق بنبرة مهمومة ~ عيث من كلشي اميمة والله مبقي عندي فين نزيد كل مرة كنقول غادي تفهم راسها شويا غادي تنازل غادي تعترف بخطئها والو غير مكتزيد فيه وكطلع وانا مبقيتش قادر نستحمل هضرتها لي كتذبحني ...عامين مشفتها وكنت موحشها وكنت منتاظر ملي غنتلاقاها غلقاها بردت وندمت وتقادت وهي عاد مزادت وعارت
هزات ايدها كطبطب عليه باغا تواسيه وتعاونو ولكن في نفس الوقت ايديها مربعين معرفت ما دير ولا اش تقول اكتفت بكلام يريحو ~ شوف ل تلقى فيها راحتك ديرها... جاوبها وهو معندو خاطر لوالو ~ غادي نطلق ونغبر ..احسن حاجة هو لواحد يبني حياتو في جهة اخرى
شافها سكتت وهو يحط او على حنكها ~. انا عارف بلي جيتي لهنا على ودي باش تعاونينا وترجعينا بزوج ولكن شفتي على عينيك مكاينش معامن داكشي علاش اللهم نقطع ديلمها هبرة تبرا
باس راسها وبقى متكين على طوموبيل شحال كيدويو تا حسات بالبرد وتحركو راجعين بحالهم لدار ....كان غادي صايگ وطالق موسيقة هادئة كيغني هو وياها عليها ..كان مخرج يديه من شرجم كيكمي ويسوط ، وقف في سطوب لي كان خاوي حتى كتوقف حداه طوموبيل ونوع الموسيقى لي خارج منها خلاتو
يهز راسو ويشوف لي كان صاحبو وخوه قدام عينيه من جديد ...بقى واحد يشوف في الاخور وفي الاخير ضغط مراد على قلبو وكسيرا قبل ميشعل الضو لخضر مبغاش مزال يبقى يشوفيه حيت لقاء اخر مرة بيناتهم سالاو فيه صداقة شحال من عام
~~~~~~ فلاش باك ~~~~
مراد كيف جرات عليه نادية خرج ساااخط محاااملش الموقف لي تحط فيه حتى قال وأخييراا غنكمل حياتي مع لي قلبي بغاها و نعيش هاني مرتاح لبال بلا ما يحس لقا راسو واحل فضاية مغيسة معارف كيف يدير يخرج منها ... يله بغا يقول بسم الله توكلت على الله لقا نادية ختمتها بصدق الله العظيم و هما مزال حتى مفرحو براسهم سالا زواجهم لي باقي مبداش وهو ماداير لا بيديه ولا برجليه ... فات عتبة الباب و وقف يستوعب هادشي لي طرا قدام عينيه واش هدا زيدان صاحبو لي دار هادشي ولا كيتهيأ ليه و لا غير مزال ناعس و هدا كابوس من كوابيس حياتو... ولكن بكا مريام لي كان ورا الباب خلاه يعرف راسو راه فعلم ماشي حلم ... بخطوات مزروبين مشا ركب طوموبيلتو قاصد زيدان يزيد يوضح ليه هادشي لي وقع و الهضرا لي قال اشنو كيقصد بيها صاايگ فطريق لي طوالت عليه و لفيلم لي ما فاهم فيه والو كيتعاود قدام عينيه و جملة نادية" لعدول لي جمعنا يفرقنا" كتعاود خلات العافية شعلات فقلبو وقف طومبيلتو قدام دار صاحبو هبط و خبط لباب و مشاا طالع لعندو لبيتو و فكل درجة كيدير تلاتة ربعة وصل قدام لباب كينهج و يصووط ..وبلا ما يدق ولا ياخد الاذن حلو عليه وغير بان ليه قدامو شنق عليه و زيدان بلا ردة فعل كيشوف فيه
مراد شاانق عليه و مع أقرب حيط لصقو ~ اش هاد لفعااايل ديال ولاد ل..ااب لي درتي ،،؟!! ااااش دارت لييييك لبنت حتى ضحك عليييها اش ذنبهاااا
زيدان لي شافو يقول مداير والو طلعو و هبطو وحيد ليه يديه و جاوبو مخنزر ~ ذنبها أن باها شماتة..و نتا دخل سوووق راااسك قبل ما نسا راك صاحبي...
مشا ريح فلفوطوي و مراد عند راسو كيمشي و يجي كيسمع لزيدان مكمل كلامو ~و عمتي اش ذنبها لي بسباب باها تسطات ما عاشت حياتها كيف ناااااس ما ماتت كيف نااااس وحتى هي ما دااارت لا بيديها و لا برجليها ذنبها الوحيييد بغااات شماتة و دابا حنا متعادلين
مراد تصدم فصاحبو و خوه و عشرة سنين لي عند بالو كيعرف عليه صغيرة قبل من لكبيرة فلحظة لقا راسو مكيعرف عليه والو ~ هي حتى نتا طلعتي شماتة فحااالو غير نتا طلعتي عليه گراد واحد شوية
زيدان نااض موجه ليه سبابتو بتحذيير ~ عرف اش كتخرج مع فمك كون داز عليك داكشي لي داز عليا ديير كتر بلا ما دير لي فيها الشريف العفيف
انا مكنتصاااحبش مع شماااايت و تنكره فعايلهم نديييير كااااع لي يخطر على باالك.. نشرب نكمي و و القيااامة لكحلة و لكن ماشي شماااتة نضحك على بنت ماليها حتى ذنب خرجتي على راااسك و عليا ..دفل فجنبو .. تفووو على صحااب الا كانو غير فحالك ..
هضرتو خلات زيداان يجهل و ميتحكمش فأعصابو مع ناض عطاااه كروشي لفمو خلاه يستطعم مدااق دم ف فمو ~ هاااااديك راااه ختي و صاحبتي ماااشي غير عمتي لي من نهااار المشؤوم دفنات راسها في الحياة و حتى لعقل باش تشرح ليها و تقنعها تنسا طااار و خلاها تعاااني حتى ماتت و حتى دابا منااادمش و لو تجيني الفرصة ندير كتر
مراد عينيه تعماو و سنانو غيتهرسو وسط فمو من كترة ما ضاغط عليهم رجع شانق عليه ~نتااا نتاااقمتي لعمتك و انا اش ربحت من هادشي كلوو انا راه زوااجي سالا قبل ميبدا بسبابك، اش ربحت منك هضضضضر وااش مفكرتيش فيا مفكرتيش فشنو غيطرا من ورا هادشي .. ولكن من ليووم ..يتحذير رجع نطق .. من ليوم متعرفني منعرفك !!
زيدان بقا مخنزر و كيشوف فيه~..حتى انا مبززش عليك لي يريحك ديرو و كل واحد صاحب راسو فهاد الوقت
مراد متوقعش جوابو حيد يديه وهو كيتحصر على لي كان واحد الوقت صاحبو ... و متنساااش الا خرجتي سد معااك لباب
خرج مراد من دار زيدان و من داك نهار عمرو مرجع ليها مزال
شعل ضو لخضر وهو مزال فبلاصتو متحركش عينيه متبعة طراجي طوموبيل منين دازت وكيفكر في صاحبو وفي صحبة شحال من عام لي تضربات في خبر كان ....كيفكر في الولد لي كان حاسبو خوه ماشي صاحبو ولي قبل مكيطيح كيمد ليه يديه وكيكاليه ...رجع ليه سيناريو نهار جا وقف قدامو وعلا عليه صوتو وببساطة نهى علاقتو معاه ناسي سنين لي دوز هو وياه بسباب مرا ....زيدان بيني وبين دماغو كان كيقول نادية كون كانت علاقتها مع مراد مبنية على صح وجذورها شادة مزيان مغاديش تزعزع وتهز من اول ريح قوية ضربتهم... مكانش غادا تخلى عليه بهاد البساطة كيبقى معندو ذنب فهادشي ف مغاديرش لي وقع مع بنت خالتها حجة باش تفرق وتطلب طلاق...
وهو نهار ضرب حسابو يدير لي فبالو مخممش في صاحبو حيت مكانش متوقع يبغي نادية بديك سرعة ويفكرو لبعيد بالحق لي عطا الله دابا عطاه دابا ولي ضرگو بخيط يضرگو بحيط هادشي لي قال وكسيرا وعينيه تابثين في طريق موقف تال قدام الدار لي مولاتها فاتحة ليه بابها كل ليلة ...
سميتها سميرة ومرجعة راسها سمر تلاقا هو وياها في بار وجمعتهم القرعة والكاس تاا لقا راسو رجليه تعودو على دارها .....صونا في لباب تلات المرات وتقول كانت وراه دغيا حلات وعينيها كلهم لهفة..كانت لابسة شوميز ساتان بالكحل ببينوارو مقادة ليه ..شعرها طالقاه ووجها مافيهش حس لماكياج من نهار عيبو ليها ....غير بان ليها واقف قدامها حاط ايدو على الحيط ومتكي عليها راسو طارت عليه خايفة وشدات فيه ~. زيداان ماالك ؟؟
تقاد في الوقفة ودخل بلاما يجاوبها سدات لباب وتبعتو ..لاح لفيستة وجلس راخي ظهرو على لفوطوي قدامو كانت طبيلة مقادة ومصايبة وكل ليلة كتقاد بحالها وكتبقى تسناه ~ كاس لمااا قالها وبدا يحل لگرافط بنترة تا لاحها ...بالخف مشات على صباع رجليها جابت ليه قرعة معدنية صغيرة مداتها ليه وجلسات حداه وقريبة ليه جامعة رجليها حتى بانو فخاضها ~. بنتي ليا مقلق مالك !!
زيدان شرب وحط لقرعة فوق طبلة بنفخة وقال مخنزر فيها~. معندك لاش تعرفي ؟
سمر بقلب محروق ~. هي ياك ؟؟ رجعتي تفكر فيها ،حالتك هادي كتفكرني بيك اول متعرفت عليه ، واش لهاد درجة صعيب تنساها !!
جرات وراه ووقفات قدامو معرضة طريقو تلاحت على يديه كتزول منها لافيست وكترجاه بعينيها ولسانها ~. اخر مرة ،متبقى تسمع مني والو ،صافي رجع جلس بلاصتك من قبيلة وانا نستناك ، متخلينيش وتمشي عفاك
غمض عينيه ورجع جلس كل الب عليها ومعندو فين يمشي فهاد الحالة وجه مو وديك دار مبقاتش حلات ليه لجلسة فيهاا...طفات ضواو وخلات شميعات واباجورات خفاف شاعلين.. وصوت موسيقة علاين كتسمع بداو جلستهم كيف ديما بكاس ليها وليه تا ولاو في لقراعي وملي جابو لكاو ختموها فبيت نعاس بحال زوج مزوجين
گنازتها فوق الناموسية والعينين مغمضين ولكن راس مرفوع كل مرة وباش كتحلم ...مرة كترجع ليها لقطة تاع مراد وأميمة وهما كيشطحو ليد في اليد والظهر على الكرش ..ومرة كتحلم بيهم فوق البرزة وولا لعمارية وختماتها شافتهم معانقين وفبيت نعاس لحاصول ديك ليلة دازت عندها قرفية على حكلة زحلة
فاقت على صوت مساج فتليفونها حلاتو لقاتو محامي زيدان كيفكرها بالموعد مع البلاصة... عينيها كانو منفوخين وعظامها مدگدگين والخاطر هارب ...ناضت بزز منها خرجات لحمام لي كان برا البيت غسلات وجهاا ووگضات راسهاا عاد خرجات في طريقها تلاقات بمريام هازة فيدها أرون وكتبوس فيه غير شافتها وهي تبسم في وجها ناسين ليلة لبارح وشنو وقع فيها ~. صباح لخير ، هزات ايد أرون ومداتها لنادية يسلم عليها وقالت بصوت طفولي. ..ثباح لخير خالتوو !!
نادية شرعات فمها بضحكة باس ايدو وهزاتو بين يدها ~. واناني على زين لي صبحت عليه انا ...باستو في حنيكاتو بزوج وقالت ....ثباح لعسل ..وشهد وهاد لخنيفيسات
زوقاتو بوسات وهو كيكركر وريوگو لي بحال شهد دايزين
مريام كتمسح لولدها لي كان فيد نادية وتدوي~ كي نعستي مزيان
وصلات مع الوقت لقاتو جالس كيتسنى فيها مكرفط كيف ديما ، واخد ليه قهوة ويدور وجهو في دخلات تاع لبيبان يشوفها واش جات...تا وقفات عليه وقف مفافي ومد ليها يدو ~. مدموزيل نادية مرحبا !!
نادية بادلاتو السلام وقالت بابتسامة ~. مدام نادية
أحمد باعتذار ~ مكنتش عارف ، تفضلي !!
حطات محفظتها في الكرسي لي حداها وجلساات دايرة رجل على ختها وقف عليهم سرباي وهو يتقدم أحمد بسؤالو ليها ~ شنو تشربي !!
نادية شافت فسرباي ~ عفاك قهوة ومديرش سكر
خلاتو مشا وهي تشوفيه ودوات بجدية ~ ايوا ااستاذ احمد ها انا جيت قول اش عندك !!
احمد كيهدن فيها ~. صافي صافي امدام بقاي غير على خاطرك ..بون راك عارفة علاش جينا هنا ليوم باش نلقاو حل وسط لي يرضي الطرفين ...كيف كتعرفي موسيو زيدان هو اولى بشركة حيت خدم فيها وكبرها وضرب عليها تمارة داكشي علاش كنشوف تكتب مدام مريام تمن لي بغات وتخلي ليه حصتها
نادية جاتو من اللخر ~. موسيو أحمد هاد الهضرة ديال خدم عليها ودمر مكاتاكلش حنا كنشوفو الاوراق شكون محطوط فيهم ...موكل ديالك شنو باغي شركة ...خرجات فيه عينيها ..تا موكلتي باغاها وبامكانها تعكيه ضعف مغيعطيها
أحمد ~ هذا اخر كلام
نادية واخداها زگير~ مكتعاود غير صلاة على النبي ، دوي مع موسيو لخليفي باش يا اماا نتافقو حبيا ولا ندفعوها لقضااء وراك نتا رجل قانون وعارف مزيان طلع ونزل وضياع الوقت والخسارات
أحمد كيمسح لعرق بمشوار جبدو من جيبو ~ انا كيبان ليا خاص الاطراف بزوح يتجمعو ويلقاو حل وسط لي يخرجو بيه
نادية شابكت ايدها وجلسات باريحية ~ مقلتي عيب دير لي يبتن ليك مناسب
ستأذن منها وناض يدوي فتليفون...وصلات قهوتها كانت كتشرب منها وكتشوفيه من بعيد كيدوي ويتعصر ماتت عليه بالضحك عارفة حالتو صعيبة مع زيدان...شوية الوقت وتم جاي لعندها وجهو حمر وكينهج قالت بطنز حابسة الضحكة ~ امالك ااستاذ كنتي كتريني !!
أحمد ~. فكرت في اجتماع عمل ليوم ان شاء الله فهاد ريسطو نيت مع تمنية لعشية ..
نادية قصحات ملامحها ~ اجتماع ولا عشاء عمل
أحمد ~. اي حاجة ممكن تخلي موكلين دياولنا يخرجو باتفاق كيرضيهم بزوج
نادية جمعات الوقت وهزات صاكها ~ واعليه ميعادنا مع تمنية كنتمناو نتافقو
خرجات من القهوة ومشات لعند مريام فين كاينة لقاتها عاصرة على سيارة رياضية من نوع توارگ عجباتها وكتكمل معاهم الاجراءات ...عودات ليها شنو وقع بالضبط ولأشنو وصلو
مريام راكبة في طوموبيل جديدة كتسيي فيها ~ دابا شنو غنتلاقاو مع لخليفي في لعشية
نادية هزات ايدها باستسلام~ تماما معندي مندير الخدمة خدمة !!
مريام فرحت ليها حيت واخيرا فكرت ترجع تمارس حياتها بشكل عادي ~معلوووم هي لولة
كملو اجرائاتهم وخرجو من تماا بطوموبيل جديدة بعد معيطات مريام على لاجونص لي كانت كارية من عندهم طوموبيل جاو خداوها ، مشاو عند وكيل عقارات شافو شحال من دار عجبات نادية وفي الاخير حارت بين واحد زوج ..شافو راسهم غيتعطلو وخلاو لقرار تال غدا بينما فكرت مزيان...من تما نيشان مشاو لدار يتغداو مكانوش بغاو يفلتو كسكسو من ايدين عائشة لي غير كلاوه وكل وحدة فيهم فين نعسات مفاقو تال ستة د لعشية
داخلة للمطعم هي و نادية بكاامل أناقتهم لمشية بتاويل والراس مرفوع لفوق لابسة كسوة فوق ركبة و معرية من ظهر فلكحل تقول مفصلة غير ليها و عليها كانت مغيرة لوك تماما شعرها لبوكلي مشيتها بطالون زادها انوثة كتر و كتر كانو نظراتها قويين نظرات مكانوش عند مريام ديال هادي شحال ..مكاينش لي يدوزو من حداه و ميهزش عينيه و يشوف فيهم كيف لعزري كيف لمزوج مكيااجها كانت مركزة فيه كتر على عينيها زائد عكر حمر مبين جمالها ....ريسطو كانت شبه عامرة بسيف وهي كتميز بطبخها العالمي و رااقي مزينة بشموع لي محطوط فكل زاوية عاطيها رونق خاص ...كيجي ليها ويجلس فيها غير الناس لي زايدين نغزة في الفلوس .....وقفات كتشوف فين جالسين حتى نبهاتها نادية لبلاصتهم كانو سابقينهم ...بان ليها زيدان لابس كوسطار كحل وجالس كيهضر فتلفون ويهز فرجليه جايا وتحقق فيه بان ليها قطع و شاف ساعتو دورت عينيها لمحامي لمرعود كان كيشوف فشي وراق.....تقاد زيدان فجلستو منتظر وصولهم ما هي الا لحظات حتى سمع صوت طالون قريب لطبلة ديالو و عطر نسائي دخل مع جيوبو الانفية عرفهم وصلو و صوت ضحكاتهم خلاوه يتاكد
نادية من فوق الخاطر ~ مساء الخير
وقف أحمد على طولتو مد يدو ليها سلمات عليه مخرجة الضحكة بزز من فمها ومد يدو سلم على مريام لي بدورها قالت ~ بون سواغ
زيدان هز راسو وبقى فبلاصتو ~. بون سواغ ، جلسو ..
جا سرباي جر ليهم لكرسي جلسو وحدة مور تانية ...مريام جلسات قبالت زيدان ونادية كانت في جنبو ..كان هاز راسو فيها كيشوف فيهاا عن قرب بانت ليه متغيرة عن مريام ديال شحال هادي شي حاجة فيها مبدلة معرفهااش ..مد ليهم سرباي لي كان واقف عند راسهم لمينيو ..
- شنو حب خاطركم لعشا
هز زيدان ليه يديه بمعنى من بعد وهي توقفو مريام وقالت ~ بلاتي عفاك !! امم انا بغيت بلا روايال عندكم هنا وبنسبة لپواسون جيب ليا على ذوقك ..شافت في نادية ودوات معاها گعما مسوقة لراجل لي قدامها ولي عينيه ولاو كي جغمة دم ..~ طلبي شنو بغيتي ، ناكلو بعدا عاد ندوزو لخدمة
طلبات نادية طبق ديالها المفضل ، اما زيدان كتافى بقهوى كحلة لا هو ولا استاذ أحمد ..نساحب سرباي بعد مخدا طلبيات وهي تدور مريام وجها لاحمد ~. شفتك اموسيو طلبتي ليك غير قهوى يمكن راه عشا هادا
أحمد بتوثر ~. لا لا ماشي مشكيل الخدمة أهم
مريام قاطعاتو هازة ايدها وكتدوي بثقالة ~. نوو ممتافقاش معاك ، الخدمة كتجي في المرتبة الاخييرة هاد القاعدة خديتها من راجلي جيمس سر تنهدات ملي جبدات اسمو وكملات ...كان كيقول ليا لخدمة حنا اي كنتحكمو فيها ماشي العكس وانا قررت نمشي علا خطاه
تكات على الكرسي مرتاحة دايرة رجل على رجل وحاطة ايدها فوق ركبتهاا ..گانها مقالت والو وهي معارفاش بلي لاحت وقيدة وشعلتها في جوف واحد ل ولا مصبر راسو بزز .. ميلت راسها للمحامي وفضلات تدوي معاه هو وتنخل زيدان ~. ايوا ااستاذ أحمد ،بينما جا عشانا نديو ونجيبو في الهضرة ...طلبتي مني نجي وها أنا اش حب الخاطر
احمد بدا يضحك ~ بارك الله وفيك امدام ، هادشي هو المضنون فيك ، حقيقة صباح دويت انا واستاذة نادية وفضلنا بلي تجمعو نتي وموسيو زيدان وتحاولو توصلو لحل
مريام بتساؤل ~. اشمن حل كتدوي عليه ااستاذ ، عرضي واضح انا مبغاش نبيع باغا نشري وعيني فشركة
زيدان داير نظاظر طبية على عينيه ومرجع شعرو اللور ..جاوب وهو مكمش جبهتو ~ وشكون قال ليك انا باغي نبيع ، باستهزاء ...واش عند بالك غنسمح فشركة ضربتي فيها تمارة شحال من عام ونجي بساهل نتخلى عليها ولا نبيع حصتي فيها
مريام شافت ليه فعينيه نيشات ~ وتا انا مكنفكرش نبيع لا حصتي لا حصة أرون جيمس
ضيق عينيه وترسمو على وجهو ملامح استفسار ~ أرون جيمس ؟؟ ضور وجهو لعند لمحاني باش يفسر ليه ~ شكون هادا ؟؟
أحمد تقاد في جلستو ~ أرون جيمس هو ولد السيد جيمس سير وكيتعتابر الوريث الشرعي لممتلكات لي خلا
زيدان ضحك باستهزاء بالو مشى بعيد ~ اممم هي طلع ليك لحساب فالصو امدام جيمس ، مكنتيش عارفة عندو ولد ولا ؟؟
مريام شافت في نادية وبدات تضحك بغات تجوبو وهو يقاطع كلامها حضور سرباي لي بدا يحط ليهم في الماكلة تا هيا مكانتش زربانة وبغات تزيد تخليه مدفگ وتلذذ وهي كتلعب ليه على اعصابو ...ربعات ايديها حتى تسربات الطابلة وهي تبدا تاكل بشوية عليها وتبنن وهو كيشوف فيها مصبر راسو بزز مبغاش يبان دري صغير كيبقى بعقلو وشغل لبراهش معندوش معاه ضغط على نفسو وجلس قالب خليقتو ...
مريام كتدوي مع نادية ~ مابيهش هاد لبلا عندهم ، اش بان ليك ؟؟
نادية ضحكت بصوت مسموع همها هم اخور ~. لا لا واعر ههه
بقاو هاكداك نقبو من كل حاجة حتى سالات وعاد قاليها راسها جاوبيه هزات سيغفييت مسحات فمها ورجعات تقادت في جلستها وقالت ليه بصوت خافت وهي كتقاد شعرها ~ شنو قلتي اموسيو لخليفييي ؟؟
تعمدات تورك عليها ، تا هو كيموت على ضد وشدان زگير ~ قلت ليك كيخصني يحضر لوريث الشرعي نهضر معاه بنفسو
مريام عوجات فمها ~ دوماج مزال مكيدوي ... مدات ايدها لنادية لي فهمتها شنو قصدات ...عطاتها ورقة لي عبارة عن وصية ...مداتها ليه وهزات كاسها تاع المونادا كتشرب فيها ومركزة مع ملامح وجههو كيفاش كيتبدلو وهو كيقرا ~
انا الموقع اسفله السيدة مريام اصرح وأشهد على نفسي ،بمقتضى هذه الوثيقة أني أنيب على السيد ارون جيمس في جميع ممتلكاته وذلك بصفتي والداته ....
مبقاش قدر يكمل وقف عن والدته وحبس مجاش فبالو نهائيا بلي يكون ولدها ، سنين وهو كيعرف جيمس ولكن معرفتو بيه ماشي متعمقة بزاف جامعاهم لخدمة وللايام لقليلة لي كيجي يدوزها في المغرب ولي معضمها كتكون على الشغل توقع يكون عندو ولد من مرا اخرا يكون كبير في العمر اما باش يكون عندو منها هادي لي مجاتش ولا نقدو نقولو عقلو مقدرش يتقبلها...لاح الورقة فوق الطبلة بنترة وقال بجهالة ~. اش هاد تخربيق !! اشنو كتنوعري نتي وياها
مريام بحدة ~ قاد كلامك كيفاش تنوعير ؟؟...الورقة قدامك الا مكنتيش كتعرف تقرا ، نسمعها ليك
مريام باستهزاء ~ ياكما بغيتيني قبل منحمل بيه نتشاور معاك ...ولدتو كيف كيولدو ناس مالك نسيتي بلي كنت مزوجة
زير على سنانو حتى حس بطرطيق ففمو وهو يوقف ساخط ~. هادشي كذووب وتزوير ومدخلش ليا لراسي
مريام رفعات ايدها قدامو ~. لهلا يدخل ليك هاء وهادي زوينة ،ياكما بغيتيني نجيب ليك لولد تال عندك باش تأكد
زيدان بصوت حاد ~. هادشي لي غديري
لاح عليها كلمتو وخرج من تم كيسب ويمسح على شعرو مقظرش يبقى واقف قدامها ويزيد يسمع ليها .. حاس براسو عقلو مبقاش فراسو وبلي منتاقمش من مريام وباها لا نتاقم من نفسو لي ولات مأزمة وغادا وكتكفس
غادي في طريق طاير وعقلو مجالسش فبلاصتو بين عينيه الورقة وفوذنو لكلام لي سمع ....خبر زواجها قدر يتقبلو بينو وبين راسو قال ضد فيا مشات تزوجاتو باش تفقصني ولا تنافسني ودارت جيمس قنطرة ...اما فاش عرف بلي عندها ولد هنا متسرطاتش ليه يعني زواجهم كان حقيقي ...يعني قدرات تكون أسرة يعني بصح تجاوزات شنو وقع ليها ومبقاتش وااقفة فبلاصتها وكتعاني من جروح الماضي كيف مكايعاني هو دابا.. واخا ماباغيش هاد الفكرة تزيد تخلل دماغو ...بالحق زيدان تأنيب ضمير قتلو من نهار عرفها خوات لبلاد كان عند بالو ملي غياخد حق عمتو غيعيش مرتاح ساعة عاد متكفسات حيااتو ...ماشي حيت كيبغيها ومنساهاش وديك الهضرة ..حيت كتبقى هي ماليها والو كتبقى بنت بريئة لعب بعقلها ووسخ عرضها وقلب حياتها سفاها على علاها ... كل ليلة قبل ميبغي ينعس كان كيجيه فبالو منظر ديالها وهي كتدعي على راسها وعليه منظرها وهي كترجاه منظرها وهي ضعيفة بين يديه ...الندم كان كينخر جسمو من لداخل ...كان كيدوز كوابيس مرعبة فليل وغير كيصبح الحال كينسى كلشي وكيمشي من بالو ...كره ليل وميجي منو حيت كيفكرو بيها وكيزيد يعذبو ويفكرو شنو دار ليها داكشي علاش دار القرعة والكاس دواه باش ينسيه شوية ...فرانا طوموبيل جنب طريق وبدا يضرب على لڤولون علاش معرت حاس براسو معصب لهاد درجة أثرت فيه قضية انو عندها ولد...هز تليفونو ودوز اتصال لمحامي لي جاوبو ديك ساع وغير سمعو قال الو سمعو خل وذنيه ~ من غدا غتمشي لشركة تجمع عليا قشك ومنبقاش نشووف كمارت ...معرفتك خدام معايا ولا كتفلى عليا ...بدا يغوت ....كيفااش متقولش ليا راه عندها ولد تخليني معارف تا زفتة
أحمد تفافا توثر ملقى باش يجاوبو ~. راه اموسيو
زيدان ~متقوليا لا موسيو ولا خرا ...منبقاش نشوف وجهك قدامي ولا نهرسو ليك ..
قطع عليه وخبط تليفون مع الكوسان كيطلع النفس وكينزلها بصعوبة
سكت طوموبيلتو جبد گارو من جيبو شعلو وتكى لكوسان وتكى عليه باش يعقل على كل نثرة فين غادا
~~~
فدار مراد كانت خدامة موسيقى غربية ...اميمة جالسة تجمع في حوايجها وتشطح ومراد في الكوزينة كيقاد لعشى هاد ليلة ممشاو نايت فضلو يبقاو فظار
اميمة كتدوي من لبيت بصوت مجهد باش يسمعها ~ مقلتيش ليا فين غنسااافرو !!
مراد كان لابس سيرفيت ، شعرو مخربق وعينيه منفوخين عاد فايق من معاس ~. تال غدا وتعرفي ،
اميمة جات لعندو ~ غيبقى ضارني راسي اصحبي
مراد بغمزة ~ هادشي تماما لي بغيت ...مهم غنديك ونساريك لمغرب ونوريك شي بلايص غيعجبوك
مراد خسا ليها مطيشة سوغيز ففمها وقال ~. نسالي الجلسة ونتوكلو على الله
ملقات متقوليه باغا تحبس هادشي وتوقفو باي طريقة ولكن مبقات عارفة مدير مكانتش منتاظرة بلي نادية غتكون صعيبة لهاد الدرجة جوباتو بان شاء الله وهي فنفسها كتدعي توقع شي حاجة لي تعكس هاد لفراق
الحب أقوى من أي إتفاق الجزء العاشر
محتوى القصة
التنقل بين الأجزاء